Edmond Haxhinasto: Raporti i Dik Martit me qasje raciste

Haxhinasto: Raporti i Dik Martit me qasje raciste
Ministri i Jashtëm i Shqipërisë, Edmond Haxhinasto.

Ministri i Jashtëm i Shqipërisë, Edmond Haxhinasto ka vlerësuar se raporti i Dik Martit është i papranueshëm dhe me akuza të pabazuara në fakte. Haxhinasto tha në një intervistë për median në Tiranë se raporti është i mbushur me shpifje dhe trillime.
"Dalja e raportit ishte aksidentale. E rëndësishme mbetej mënyra sesi reaguam më pas, një mënyrë e saktë, dinjitoze, racionale, kundrejt një raporti të bazuar në pseudëshmi dhe hipoteza në hamendësim", tha Haxhinasto për mediat elektronike të Tiranës.
Sipas vlerësimit të Haxhinastos, një raport i Martit është i papranueshëm edhe për shkak të qasjes raciste ndaj një populli dhe i motivuar politikisht. Ky është një raport i cili nuk reflekton ato gjëra që kanë ndodhur, një marrëdhënie e atyre ngjarjeve qe kanë ndodhur. Haxhinasto ka theksuar se kjo është përgjegjësia e një klubi që përbëhet nga një grup shtetesh të cilat punojnë kundër njohje së Kosovës.
Lidhur me diskutimin e 25 janarit në Asamblenë e Këshillit të Evropës, Haxhinasto tha se qëllimi i Shqipërisë është që të vërtetojë se ky "është racial, i motivuar politikisht dhe ka dalë jashtë etikës, objektivave të Këshillit të Evropës".

Comments

Popular posts from this blog

Legjenda e Mujit dhe Halilit

Ese për Vitin e Ri