10/24/11

Islami politik në shoqërinë shqiptare




Nga Bekim Rexhepi

Duket qe edhe ne shoqërinë shqiptare po shfaqen pikëpamjet polemizuese në lidhje me Islamin, i cili viteve të fundit në shoqërinë tonë ka shfaqur tendenca agresive dhe intolerancë kombëtare. Dikur kultura Islami në shoqërinë shqiptare ka shfaqur mangësi të shumta ne lidhje me konceptin për Islamin, duke u nisur së pari me përkthime dhe qartësime të librit të shenjtë (Kurani) Islam, pastaj me shkollimin nëpër medrese, me organizimin në një “ Bashkësi Islame”, e të tjera organizata.

Ishte dhe akoma qarkullojnë shumë trillime mbi islamin, ato qëpari dolën nga mos kujdesi i vet predikuesve të fesë islame, madje ishin vet ata të pakujdesshëm, të pavetëdijshëm për pasojat e paraqitjeve të tyre ne opinionin e gjerë. Ata si predikues të fesë, herë janë paraqitur si lakmitarë, herë si primitivë, herë si barbarë dhe më shumë herës ata ishin mashtrues.

Islami akoma nuk e ka riprovuar të bëjë reforma në disa koncepte brenda dogmës, as edhe sot e kësaj dite nuk ka ndryshuar më të përfolurin koncept primitivë, i cili shkelë në mënyrë drastike konditat e lirisë së barazisë mashkull femër!. Të sqarojmë këtë konditë  e cila lejon, favorizon padrejtësisht mashkullin mysliman, të ketë marrëdhënie seksuale, deri në shtatë femra (me një akt martesor deri në shatë gra), ndërsa anasjelltas femrën e dënon, ti rri një burri/ sheikëve, madje mbyllet, skllavërohet në mënyrë abuzive me mbulesa (me shami, ferexhe, e të tjera gjëra si këto...) dhe e subvencionon tërësisht nga elemente të tjera moderne e jetësore që janë fare estetike-dekorative, që shtojnë përmasat e luksit jetësor në shoqëritë e shumta tashmë të civilizuara.
Në këtë vazhdë të mendimeve kritike veçohen sidomos ata mendimtarë evropianë si Makiaveli, Simon Okli, Bulonvilje, Didëro, Molieri dhe Volteri, gjithashtu këta kanë përshkruar myslimanët, veçmas disa profet si mjaftë epshorë, me tendenca tiranie dhe vulgarë.[1]

Në marrëdhëniet mashkull-femër në Islam, akoma vazhdojnë të anashkalohen jashtë atyre rregullave të tjera strikte, që mbase pretendohet se janë të vendosura në Islam. Ndërsa, Interpretimet lidhur me këto marrëdhënie mashkull-femër, mbesin në mëshirën supreme (pra vetëm të asaj logjike) të logjikës – vendosëse të mashkullit mysliman. Islami nuk e ka, siç qe thënë për disa qytetërime të tjera se e kishin, një qendër tipike e cila mban idealin për njeriun (e barabartë), qoftë në politikë apo në atë fetare. Nëse dijetaret, teologët-juristë, ulematë mbartin dituri, njohje të ndryshme mbi islamin, ata të gjitha këto nuk mund ti ushtrojnë përtej vet doktrinës dhe asgjë më tepër.

Fundamentalizmi i cili është i përhapur në botën myslimane, provon të bëjë një qethje të lehtë duke lënë një zonë aktive, ku në këtë zonë eksperimentohet ekstremi i një lufte politike kinse në mbrojtje të Islamit nga Perëndimi.

Debatet për konfliktin e pas mesjetës, ndërmjet Islamit dhe Evropës në Mesdhe nga disa ideatorë të mendimit islamik, i perceptojnë dhe i vënë kinse në këndvështrimin eurocentrik, debate të cila sipas tyre u ndërtuan mbi bazën e kontradiktave politike dhe fetare.

Islami dhe udhëheqësit e tij, nuk arrijnë dot të argumentojnë misionin kryesor të paqes, madje duke i fashitë të gjitha debatet dhe duke i klasifikuar ato si indoktrino perëndimore, për një islam me dhunën, intolerancën dhe fanatizmin ekstrem.

Shqiptaret me kulturë mbizotëruese perëndimore nuk mund të shtiren për merake të disa hoxhallarëve, imamëve se mund të kthejnë gëzofin ka fyen era. Shqiptaret kanë kulturë perëndimore dhe përfundimisht ata duhet të mbesin në këtë zonë sepse historia e tyre i ka dhënë shembujt më të fortë perëndimit se si ata i mbijetuan krimit më të egër të aventurës (osmane) Lindore, për përhapje, shtrirjeje edhe më në perëndim. Shqiptaret duhet të sfidojnë këtë përhapje, këtë shtrirjeje fundamentale drejtë perëndimit, ndofta edhe qasja perëndimore tanimë ka kuptuar se duhet ndihmuar shqiptaret në përpjekjet e tyre për të ruajtur kulturën e tyre nga agresioni i doktrinës islame.

Islami politik në shoqërinë shqiptare tenton të pozicionohet edhe në brendi te institucioneve, madje me tendenca barikaduse, të betonimit të kulturës shqiptare me element të një kulture primitive lindore...

Uroj qe zoti të jetë më shumë shqiptar, karshi një fati!...

No comments:

Post a Comment