Jemi dëshmitarë të asaj që po duan të na ndërrojnë apo rishkruajnë historinë disa "patriotë"me bateria të Cërvena Zastavës ,së Kragujevcit!!!

Nga FLORI BRUQI


Në historinë më të re të Kosovës përmenden, kujtohen (me të drejtë) ngjarjet e vitit 1968, 1981,1997,1998,1999.

Por, tërësisht  të lëna anash  janë demonstrate e 28 marsit 1989?!

Ata që harrojnë historinë, ajo mund tu përsëritet, thuhet jo rrallë.

Ka kohë përkatësisht 26 vite që 28 marsi i vitit 1989 jo që po heshtet, por shumëkush (sidomos gjeneratat e reja) as që dinë se çka në fakt ka ndodhur në atë ditë.

Para lufte edhe pse institucionet nuk ishin si këto që kemi sot, kujtonin nëpër dhoma këtë datë historike me takime të ndryshme e me vizita në familje të të rënëve dhe varret e të rënëve.



Ndoshta nga shumë njerëz kjo datë është e harruar dhe i takon vetëm të kaluarës , mirëpo nëse rikthehemi mbrapa do të shohim se kjo datë ka qenë ndër pikat kyqe të qëndresës shqiptare ndaj regjimit serbo-sllav , me protesta në mbrotje të shkollës shqipe ,sovranitet të shtetit të Kosovës e deri tek çlirimi i saj. Ata që harrojnë historinë, ajo mund t’u përsëritet, thuhet jo rrallë. Ka kohë përkatësisht vite që, 28 marsi i vitit 1989 jo që po heshtet, por shumëkush as që dijnë se çka në fakt ka ndodhur në atë kohë.  Serbia pas protestave nëpër krejt ish Jugosllavinë ‘në mbrojtje të shtetësisë së saj’ dhe jo rrallë edhe krijesës së Titos (Jugosllavisë), bëri çmos që të arrinte deri te suprimimi i Autonomisë së Kosovës. Ajo po ndihmohej edhe nga vazalët , që nëpër tubime thoshin se: ’Kosova nuk humb asgjë, derisa Serbia barazohet me republikat tjera’!(Albrim S. Badallaj)






Për gjeneratat e reja që edhe s’mund t’i fajësojmë po ua kujtoj se çfarë ndodhi në këtë ditë.Poashtu, edhe injorantëve të asaj kohe e që sot ‘harrojnë’ këtë ngjarje me peshë po ua ‘freskoj’ kujtesën.(

Ishte kohë e vlimeve. kur Serbia pas protestave nëpër krejt ish Jugosllavinë ‘në mbrojtje të shtetësisë së saj’ dhe jo rrallë edhe krijesës së Marshalit jugosllav Josip Broz Titos (Jugosllavisë), bëri çmos që të arrinte deri te suprimimi i Autonomisë së Kosovës.

ISMET  AVDI  QORRAJ(1968-1989)


Serbia thoshte se po kthente elementët shtetëror, që kishte humbur me Kushtetutën e Kosovës të vitit 1974. Ajo po ndihmohej edhe nga vazalët vendorë, që nëpër tubime thoshin se :’Kosova nuk humbet asgjë, derisa Serbia barazohet me republikat tjera’ !

Tubimi kryesor u mbajt në Gazimestan, kur kasapi i Ballkanit Sllobodan Millosheviq kishte mbledhur rrethë një million serbë (në mesin e tyre edhe disa shqiptarë të ndershëm), duke u premtuar se Serbia do tu dalë zot serbëve e malazezëve në Kosovë.


ISMET  AVDI  QORRAJ(1968-1989)

***********

Skender_Zogaj2



Skënder Zogaj

Balada për zogjtë e valsit diellor

(Dëshmorit Ismet A. Qorraj me shokë)


Imja është piktura me sytë e përlotur 
Edhe qielli ngjyrë ulliri sipëri Deçanit
Plot me zogj gjoks shpërthekuar, 
Të zjarrtë dhe kryengritës 
Si meteorë vezullues plot avaz
Që shpirtin e vet e bëjnë kurban 
Se nuk e durojnë jetën në kafaz.

Zogj drite me flatra trëndafili
Përhapës magjik të valsit diellor
Ndër shtatë palë toke e qielli 
me dashurinë hyjnore për Liri
Kundër ujqve të mallkuar e dinak 
Gjithmonë të etur për gjak...

Në këngë është trimëria e zogjve 
Prandaj gjithmonë vdesin duke kënduar 
Si n’atë ag pranvere kur zaret u hodhën 
Dhe n’pikturë u shprushën lulëkuqet
Që kurrë më t’mos kishte strehë për korba 
As për këlyshë të zinj bushtre 
Që i ulërijnë Hënës…

Nata ofshau zemërplasur nëpër konaqe
Por agimi u rilind me dritë zemre, o mik - 
Shih zogjtë e valsit diellor që puthin qiellin 
Në Carrabreg, në Voksh e në Maznikë...



(Mars 2015)


***************

Mbaheshin mbledhje që nga lagjet e deri më lartë, ku haptas populli shqiptar dhe jo vetëm ai, kundërshtonte ndryshimet kushtetuese. Kujtojmë protestat gjithëpopullore të nëntorit 1988 dhe grevën e minatorëve në muajin shkurt 1989, që kundërshtuan paqësisht heqjen e elementit (shtetëror) konstituiv që pati Kosova, me Kushtetutën e vitit 1974.

Mirëpo, më 28 mars 1989 Serbia me tanke e dhunë bëri që Kosovës ti merrej elementi konstituiv, me ndryshimet e dhunshme kushtetuese. Kosova, deri në këtë kohë ishte pjesë e barabartë e Federatës së atëhershme. Dhunshëm u ndërrua Kushtetuta e Kosovës.



Ilustrim  nga piktori akademik Dëmush Avdimetaj (Dëshmoret e Deçanit:28 mars 1989)

Po të njëjtën ditë me 28 mars 1989 qytetarë të shumtë protestuan në shumë vendbanime të Kosovës.


Demonstratat-e-28-Marsit-1989---Roli-dhe-Qëndresa-e-shkollës-shqipe

Në Komunën e  Prizrenit në mbrojtje të Kushtetutës ranë po atë ditë 5 dëshmorë (tre në Zhur e dy në Arbanë) dhe u plagosën dhjetëra të tjerë. Në Komunën e Deçanit u vranë katër demostrues(Ismet Qorraj ,Agim Kukleci,Mujë Mehmetaj dhe Sali Hadërgjonaj).





Populli i Kosovës duarthatë dhe paqësisht kishte dalë në mbrojtje të Kushtetutës. Mirëpo, makineria serbe shkeli me dhunë gjithçka para vetes. Vrau dhe shkatërroi gjithçka që i doli para. Protestuesit si në  Deçan ,Zhur e në Arbanë i vunë gjokset e njoma tankeve dhe blindave serbe që bashkë me njësitet speciale qëllonin pamëshirshëm mbi ta.

Në Beograd okupatori bashkë me kolaboracionistët e kohës pinin shlivovicë të Shumadisë , e në Kosovë derdhej gjak shqiptari.



Kundërshtimet sa vinin e rriteshin. Filloi dhe jeta e institucioneve të pavarura që organizuan mësimin, financat, kulturën e sportin, si mundësi e vetme e kundërshtimit e rezistencës aktive paqësore. Kujtojmë edhe demonstratat e vitit 1990 dhe thirrjet për demokraci gjithandej nëpër Kosovë.

Durimit po i vinte fundi. Shpërthimi i demonstratave të studentëve dhe mbështetja githëpopullore ( 1 tetor 1997) deri tek dalja publike e UCK-së dhe operacionet luftarake, ishin veprime se po vinin ditë më të mira dhe se okupimit po i vinte fundi shtetit vrastar serbosllavë.


Dëshmori Ismet Qorraj(1968-1989)

Mbështetja e aleatëve dhe lufta e heroike e djemve dhe vashave çliruan vendin tonë të okupuar nga hordhitë sllavo-çetnike serbe.

Demonstratat e 1968-tës, 1981-shit,19 88-tës, greva e minatorëve, ato të vitit 1990 e deri tek dalja në publik e UÇK-së, bashkë me rënien e shumë dëshmorëve, që me të drejtë kujtohen, sikur 28 marsi i vitit 1989 po harrohet ?! Pse kështu?!...

Image result for demostratat ne zhur ne vitin 28 mars 1989

Pa dashur të minimizoj rëndësinë e gjithë këtyre ngjarjeve që kaloi populli ynë, do ta rikujtojë  28 marsin  e përgjakshëm  të 1989-tës  ,do ta kujtojë me po aq pietet si gjithë datat tjera.

Jemi dëshmitarë të asaj që po duan të na ndërrojnë apo rishkruajnë historinë. Për të mos ndodhur një gjë e tillë, duhet që vetë ta shkruajmë atë. Të paktën këtë që e jetuam dhe disa nga ne jemi dëshmitarë të saj.



Ilustri  nga piktori akademik Dëmush Avdimetaj (Dëshmoret e Deçanit:28 mars 1989)


Por, me përkujtimin publikë  të 28 marsit 1989, jo vetëm që lëndohen familjet, por ka rrezik që ajo ditë e përgjakshme -historike duhet të përkujtohet nga Presidenca dhe Qeveria e Kosovës.

Shoqëria dhe institucionet duhet të jenë më koshientë, që në historinë më të re të Kosovës, t’i kushtojnë rëndësi të veçantë kësaj date.

Dibran Fylli

Dibran Fylli

SHTIGJEVE TË LIRISË


Dëshmorit Ismet Qorraj

...ditë marsi
tinguj lirie dëgjoheshin,
mjegulla mbuloi qiellin blu
shi e plumba u bënë jehonë
e shpërndaheshin gjithandej shqiptarisë,
Ai
thuri hartën e atdheut,
rinin e tij
madhërishëm
e mbylli në shtigjet e lirisë...


******************************

Assesi nuk bënë të harrojmë gjakun dhe veprën e: Ismet Qorrajt,Agim Kuklecit,Sali Hadërgjonajt,Mujë Mehmetaj(nga Komuna e Deçanit) si dhe Muhamet Kabashit e Afrim Bytyqit nga Arbana, të Xhimshit, Xhylbehar e Hajrim Badallaj nga Zhuri dhe gjithë të rënëve tjerë në gjithë Kosovën në këtë ditë.







Mimoza Legisi 


Një emër ndër yje


(Kushtuar dëshorit Ismet Qorraj nga Deçani)


Fuqishëm malet sot po rënkojnë,
dhimbja në heshtje po ushton,

nën qiellin e zymtë përmbi Kosovë 

buzë pragut nëna, nis dhe vajton.

Plagët e kohës kullojnë gjak
këngën kanë ndalur bilbilat,
djemtë e shqipes kërkojnë hak
të mposhtin të mallkuarat bisha.



Deqani ka ulur kokën n'heshtim

një trim nga krahët i'u largua. 
Ismet Qorraj, sdo ketë me kthim
në lulkuqe gjaku i'u shndërrua

Z'do jetë mes nesh mbrëmjeve të vona 
yjet kanë shkruar emrin e tij
kur malli të marrë vëllezër dhe motra
për të do qëndisen vargje gjithënji



Fjalen "Liri" shqipëroi goja e tij

kur trupin ia fali vatanit,
Ismetin s'e trembi as blumbi i zi 
do jetë krenaria e Deçanit



dt.11.3 .2015

Durrës

Derisa popujt tjerë nga balta bëjnë heronj, ne heronjtë po i bëjmë baltë!

Lavdi për jetë e mot të rënëve më 28 mars 1989!






Esat Loshaj





Esat Loshaj 



Rreze diell - Ismet Qorraj - hero- (1968-1989)



Tokë Kosova djep që t'rriti

të ushqej me dashuri 
për t'luftuar si shkabë mali
O flamur në lartësi
Lëgjendë gjallë trim me fletë
Qarrabregas luleborë
yll i ndritur shtatëlartë
ishe mbret me kurorë
Pavdeksinë e firmose
me thurime këngë epike 
hallall gjiri i nënëlokës
jo për nam as për karrigë
Kënga pak është për Ty
Hero yni kapedan 
T'i ke hyrë në histori
ne zemër të popullit vigan
je simbol i dritë henës
gjakë pastër diellor
luftëtari i lirisë
trim hero - madhështor!....



Pejë,3.5.2015.






***********

,,Patriotet me bateria " tip gjeneral Agim Çeku , harruan  me qëllim 135 dëshmorët e kombit që nuk u njihet Statusi i dëshmorit të Popullit të Kosovës.






Këta janë 135 dëshmorët e kombit që nuk u njihet statusi i dëshmorit



Komisioni i Familjeve të Dëshmorëve të Kombit ka paralajmëruar se do të shqyrtojë mundësinë e organizimit të protestave të cilat do të zgjasin deri në realizimin e kërkesave për njohjen e statusit zyrtar të dëshmorëve të rënë në fushën e nderit.
Protesta nëse nuk iu njihet statusi të gjithë dëshmorëve

Një komision i ngritur nga familjet e dëshmorëve ka paralajmëruar se do të shqyrtojë mundësinë e organizimit të protestave të cilat do të zgjasin deri në realizimin e kërkesave për njohjen e statusit zyrtar të dëshmorëve të rënë në fushën e nderit.
Ky komision ka kundërshtuar anashkalimin e dëshmorëve të kombit nga ana e Komisionit qeveritar për verifikim, i cili nuk ua njeh statusin e dëshmorit të kombit të rënëve në periudha dhe rrethana të ndryshme gjatë rezistencës kombëtare kundër Serbisë pushtuese.



Image result for agim Çeku

GJENERALI PA MERITË LUFTE - AGIM ÇEKU

“Dëshmorët e anashkaluar e që ranë para luftës çlirimtare në Kosovë, ishin pararendësit e Ushtrisë së lavdishme Çlirimtare të Kosovës, të kryekomandantit legjendar Adem Jashari, siç thotë edhe simboli dhe heroi i gjallë kombëtar Adem Demaçi. Prandaj, tingëllon paradoksale që edhe të rënëve gjatë viteve të mëhershme të mos iu njihet statusi i dëshmorit.

image

Në përvjetorin e 34 të demonstratave historike gjithëpopullore të vitit 1981, të cilat ia dridhen themelet e shtetit diktatorial okupues dhe burgut të madh të shqiptarëve, e quajtur ‘Jugosllavi’, Komisioni i familjeve të dëshmorëve të kombit, seriozisht do të shqyrtojë mundësinë e organizimit të protestave, të cilat do të zgjasin deri në realizimin e kërkesave për njohjen e statusit zyrtar të dëshmorëve të rënë në fushën e nderit”, thuhet në reagimin e tyre.

Po ashtu sipas tyre, do të shqyrtohet edhe formimi i Shoqatës së familjeve të dëshmorëve të kombit, e cila nuk do t’i ndajë dëshmorët në periudha dhe vite, por do të mbrojë të drejtat e të gjitha familjeve të dëshmorëve bijtë dhe bijat e të cilëve ranë në mbrojtje të atdheut dhe të çështjes kombëtare shqiptare kundër okupatorit fashist serb në të gjitha periudhat e historisë sonë sa të përgjakshme po aq të lavdishme.
Ata kanë sjellë edhe emrat e dëshmorëve të kombit, të rënë në periudha të ndryshme të rezistencës sonë kombëtare për çlirim dhe pavarësi kundër okupatorit serb, siç janë:
Fazli Grajçevci, i vrarë më 1964 në burg; Shaban Shala, i vrarë më 1964 në burg; Murat Mehmeti, i vrarë në demonstratat e vitit 1968 në Prishtinë; Naser Hajrizi nga Prishtina, i vrarë në demonstratë në Prishtinë, më 1981; Asllan Pireva nga Prishtina, i vrarë në demonstratë në Prishtinë, më 1981; Sherif Frangu (i vrarë në demonstrata) në Ferizaj, më 1981; Riza Matoshi (i vrarë në demonstrata në Ferizaj, më 1981; Ruzhdi Hyseni (i vrarë më 1981); Xhelal Maliqi (i vrarë më 1981); Sali Abazi (i vrarë më 1981); Salih Maloku (i vrarë më 1981); Nesimi Dervish Dana (i vrarë më 1981, në Gjakovë); Salih Zeka (i vrarë më 1981); Jusuf Gërvalla, i vrarë me atentat, më 17 janar 1982, në Shtutgard; Bardhosh Gërvalla, i vrarë me atentat, më 17 janar 1982, në Shtutgard; Kadri Zeka, i vrarë me atentat, më 17 janar 1982, në Shtutgard; Rexhep Mala, i vrarë duke luftuar, në rrethim më 11 janar 1984; Nuhi Berisha, i vrarë duke luftuar, në rrethim më 11 janar 1984; Bajram Bahtiri, i vrarë duke luftuar, në rrethim më 8 shkurt 1984, Prishtinë; Xhemajli Blakaj, nga Istogu, i mbytur në torturë më 1987; Ismet Krasniqi, veprimtar dhe organizator i demonstratave që nga viti 1981, i vrarë në demonstratën e 27 marsit të vitit 1989, në Prishtinë; Afrim Zhitia, i vrarë duke luftuar në rrethim, më 2 nëntor 1989, Prishtinë; Fahri Fazliu, i vrarë duke luftuar, në rrethim, më 2 nëntor 1989, Prishtinë; Ali Ajeti, i vrarë duke luftuar, më 1989, në Shtedim të Besianës; Tahir Meha, 13 maj 1981, i vrarë duke luftuar, Prekaz i Ulët; Nebih Meha, 13 maj 1981, i vrarë duke luftuar, Prekaz i Ulët; Besim Latifi, nga fshati Pollatë, Besianë, i vrarë në rrethim më 1990; Skënder Monolli, nga fshati Pollatë, Besianë, vrarë në rrethim më 1990; Enver Hadri, i vrarë me atentat, më 25 shkurt 1990, në Bruksel; Tahir Lush Berisha (vrarë gjatë përpjekjes së armatosur më 1992, në Leshan të Pejës; Arim Abazi, i mbytur në torturë në burgun e Ferizajt; Zijah Shemsiu, i mbytur në burg; Xhemajli Berisha (31 vjeç), profesor, nga fshati Brestovc Rahovec, i mbytur në torturë në burg të Prizrenit; Nesimi Elshani (28 vjeç), student, Nagavc, Rahovec, vrarë më 27.01.1990, në Brestovc, Rahovec; Bedri Sokoli, vrarë në vitin 1989; Ylfete Humolli, 17 vjeçe, (e rënë në demonstratat, në Lupç i Ulët i Besianës, më 1990); Agron Fetahu (23 vjeç), bujk fshati Celinë, Rahovec, vrarë më 27.01.1990, në Brestovc, Rahovec; Hilmi Krasniqi nga Hoça e Vogël, Rahovec, vrarë më 27.01.1990, në Brestovc, Rahovec; Halim Hoti nga Krusha e Madhe, Rahovec, vrarë më 27.01.1990, në Brestovc, Rahovec; Mehmet Ejupi (23 vjeç) fshati Sekiraçë, vrarë në Besianë; Agim Rashiti, (19 vjeç), Dragash, vrarë në Gjilan; Agim Kukleci (31 vjeç), punëtor, vrarë në Isniq, Deçan; Basri Ibrahimi, nga fshati Smirë, vrarë në Smirë, Viti; Xhymshit Ahmet Badallaj (24 vjeç), nga fshati Zhur, vrarë në Zhur, Prizren; Gjylbear Izet Badallaj (22 vjeç) bujk, nga fshati Zhur, vrarë në Zhur, Prizren; Hajrim Badallaj (10 vjeç), nga fshati Zhur, vrarë në Zhur, Prizren; Naim Qemajli, nga fshati Zhur, vrarë në Zhur, Prizren; Fatmir Hoxha, nga fshati Zhur, vrarë në Zhur, Prizren; Haki Pavataj, Decan; Zyle Gashi (23 vjeç), vrarë në Prishtinë; Mujë Berisha, nga fshati Maznik, vrarë në Maznik, Deçan; Ismet Qorraj (21 vjeç), punëtor, vrarë në Carrabreg, Deçan; Xhafer Qorraj, vrarë në Carrabreg, Deçan; Selman Haxhosaj, nga fshati Pobërxhë, vrarë në Deçan; Musa Gashi, nxënës, nga fshati Peçan, vrarë në Suharekë; Mirvete Avdiu, nxënëse, nga fshati Muzeqinë, vrarë në Shtime; Mustafë Veselaj (23 vjeç), nga fshati Peçan, vrarë në Suharekë; Hilmi Jashar Kajtazi (31 vjeç), teknik, nga fshati Vitak, vrarë në Mitrovicë; Bedri Sergjonaj (19 vjeç), nga fshati Kllodernicë, vrarë në Mitrovicë; Behram Saniçi, nga fshati Roshan, vrarë në Mitrovicë; Hakif Bislimi (24 vjeç), i papunë, nga fshati Koshtovë e Vllahisë, vrarë në Mitrovicë; Sali Hadërgjonaj (19 vjeç), nxënës, nga fshati Voksh, vrarë në Deçan; Selat Berisha (28 vjeç), punëtor, nga fshati Barilevë, vrarë në Prishtinë; Muharrem Kabashi (19 vjeç), i papunë, nga Dushanova, vrarë në Dushanovë, Prizren; Idriz Rrahmani (41 vjeç), vrarë në Gjilan; Rrahman Demaj, vrarë në Skenderaj; Bedri Hasanaj (21 vjeç), vrarë në Mitrovicë; Sevdat Xhafolli (25 vjeç), vrarë në Prishtinë; Shukrije Obërtinca (17 vjeçe), nxënëse, nga fshati Lismir, vrarë më 27 mars 1989 në Prishtinë; Nufret Gashi (40 vjeç), vrarë në Suharekë; Muhamet Imeri (19 vjeç), vrarë në Dushanovë, Prizren; Ibrahim Krasniqi, vrarë në Prishtinë; Ismet Curraj, vrarë në Carrabreg, Deçan; Xhafer Curraj, vrarë në Carrabreg, Deçan; Muhamet Bytyçi, nga fshati Dushanovë, vrarë në Dushanovë, Prizren; Bujar Haxhimusa (24 vjeç), vrarë në Mitrovicë; Riza Smajli, vrarë në Gjilan; Betim Shala (21 vjeç), student, nga fshati Nashec, vrarë në Prizren; Beqir Shimaniqi (41 vjeç), pensionist, nga fshati Roshan, vrarë në Mitrovicë; Ramadan Zeqiri (34 vjeç), punëtor, nga fshati Kopiliç i Epërm, vrarë në Mitrovicë; Istref Gashi (42 vjeç), punëtor, vrarë në Suharekë; Sakip Bislimi (33 vjeç), i papunë, fshati Koshtovë e Vllahisë, vrarë në Leposaviq; Afrim Bytyçi (14 vjeç), vrarë në Dushanovë, Prizren; Rrahman Sopa, Kaçanik, vrarë në Prishtinë; Shefki Sejdiu, Ferizaj, vrarë në Prishtinë; Shaip Bytyçi (30 vjeç), Dushanovë, vrarë në Dushanovë, Prizren; Ali Ajeti (30 vjeç), nga fshati Sveçël – Podujevë, vrarë në Mitrovicë; Xhemajl Krasniqi, demonstrues, i burgosur, vrarë në burg; Fatmir Hazir Ukaj (18 vjeç), Pejë; Agron Ukë Gashi, Celinë, Rahovec; Hilmi Rexhep Krasniqi (41 vjeç), Hoçë e Vogël; Halim Malush Hoti (29 vjeç), Krushë e Vogël, Rahovec; Nazim Qemal Elshani (28 vjeç), Nagavc; Reshat Ymeri (21 vjeç), Gjilan; Rexhep Aliu (43 vjeç), punëtor, Ferizaj; Bekim Ruzhdi Sejdiu (15 vjeç), Koshare, Ferizaj; Melit Kryeziu, Suharekë; Hysni Abdullah Mazrreku (15 vjeç), Bubavec, Malishevë; Ali Din Kryeziu (28 vjeç), Bubavec, Malishevë; Rexhep Selman Aliu,(36 vjeç), Bubavec, Malishevë; Sadik Malaj (23 vjeç), Stanovc i Poshtëm, Vushtrri; Sadri Maksuti (53 vjeç), Stanovc i Poshtëm, Vushtrri; Xhevat Hoxha (24 vjeç), Gjakovë; Fatmir Kërleshi (20 vjeç), Gjakovë; Qamil Morina, Logjë, Pejë; Fadil Nazmi Talla (25 vjeç), Podujevë; Ragip Brahim Hasanmetaj (23 vjeç), Strellc, Deçan; Islam Morina (38 vjeç), Topanicë, Kamenicë; Sylë Hazir Ukëmetaj (23 vjeç), Strellc i Epërm, Deçan; Nuhi Azemi (21 vjeç), Prelezi i Jerlive, Ferizaj; Xhevdet Breznica (22 vjeç), Magurë, Lypjan; Enver Morina (22 vjeç), Çikatovë e Vjetër, Drenas; Sahit Shala (25 vjeç), Krajkovë, Drenas; Gani Daci (22 vjeç), Nabërgjan, Pejë; Ali Hysevukaj (19 vjeç), Pejë; Ali Isë Zuka, Pejë; Nazmi Tefiku, Dubravë, Kaçanik; Sadri Shoshi, Istog; Samedin Bylykbashi, Prishtinë; Agron Fetahu (23 vjeç), bujk, Rahovec; Milazim Karaxha, Çikatovë, Drenas; Smajl Lladrovci, Gllanasellë, Drenas; Xhavit Lladrovci, Gllanasellë, Drenas; Shani Morina, Drenas; Bahtijar Gashi (52 vjeç), Prizren, mbytur në Gjilan; Sylë Ukë Haxhaj (46 vjeç), Carrabreg, Deçan; Haziz Shora,Kaçanik; Qazim Shoshi, Istog; Ali Tafa, Shtime; Vehbi Shesholli, profesor, Zveçan, Mitrovicë; Rasim Sheqer Mulliqi, profesor, Beleg, Deçan; Osman Vokshi (66 vjeç), Pejë; Osë Muqaj; Ragip Hasanmetaj (23 vjeç), fshati Strellc i Epërm, Deçan, vrarë më 31.01.1990; Hasan Ramadani, nga Albaniku (ish-Shajkoc – Besianë), i vrarë në luftim,1994.
Në listë mungojnë ushtarët e vrarë gjatë shërbimit ushtarak në ish-armatën e ashtuquajtur popullore jugosllave.

P. S. Nëse eventualisht ka mbetur ndonjë dëshmor jashtë kësaj liste, Komisioni paraprakisht u kërkon falje familjeve të tyre, dhe njëkohësisht luten familjet e tyre të na ofrojnë shënimet për ta.

Reagimi bëhet nga Komisioni i Familjeve të Dëshmorëve të Kombit, të të gjitha periudhave historike:


Naim Zhitia - kryesues
Behram Krasniqi - anëtar
Skender Berisha - anëtar
Vlora Humolli - anëtare
Rashit Ymeri - anëtar
Tafil Latifi - anëtar

Comments

Popular posts from this blog

Legjenda e Mujit dhe Halilit

Ese për Vitin e Ri