2017-02-15

Acarohen mardheniet Kroaci-Serbi

Ministri i Jashtëm serb, Ivica Daçiç ka anuluar pjesëmarrjen e tij në një takim që do të zhvillohet më 3 mars 2017  në Zagreb, me homologët e vendeve pjesëmarrëse në Procesin e Bashkëpunimit të Europës Jug-lindore.

auto_dacic-vucic-ap1487067504

Vendimi, ka bërë të ditur dikasteri i drejtuar nga Ivica Daçiç, është marrë pas deklaratave të fundit të ministrit të Jashtëm kroat, Davor Stier, kundër parimeve themelore për marrëdhëniet e fqinjësisë së mirë dhe për promovimin e bashkëpunimit rajonal.

Daçiç i është referuar edhe celebrimit në Kroaci të lumturimit të kardinalit Alojzije Stepinac, i akuzuar nga Beogradi për krime lufte dhe mbështetje të regjimit kroat gjatë Luftës së Dytë Botërore.

Pas kritikave të Ivica Daciç, shefi i diplomacisë kroate ka mbyllur çdo rrugë komunikimi me homologun serb.

“Kroacia synon të vazhdojë mbajtjen e marrëdhënieve të mira me Serbinë dhe të ruajë një kanal komunikimi me Beogradin, por kjo është e pamundur me ministrin Ivica Daciç”, ka deklaruar ministri Davor Stier.

No comments:

Post a Comment