2018-07-02

Kur lexova një poemë(Letër poetit Artur Sheme)


Image result for eshref ymeri


Akademik Prof.Dr.Eshref Ymeri,Ph.D


I dashur Artur,Poema jote me titull “Duke u larguar nga Shqipëria”(e botuar në Portalin e nderuar “Fjala e Lirë” të datës 30qershor 2018), një titull ky mjaft domethënës, përcjellrënkatën e fortë të shpirtit të një poeti të talentuar, i cililargimin nga atdheu e përjeton me një zemër dridhërimë
përmalluese.

 Poema jote, ore poet i dashur, e shkruar nga një penë e dridhëruar, të ngjall emocione të fuqishme dhe mallin për atdheun ta ndez flakë.

Në poemën tënde ti ke ballafaquar Atdheun e brengave të mëdha me Evropën-ulkonjë, e cila ia copëtoi brinjët pa mëshirë dhe pa pendim edhe sot e gjithë ditën.

 Në poemën tënde ti ngjarjet në atdheun amë i kundron së larti, nga një hapësirë ajrore pa fund e pa anë, duke i lënë të nënkuptohen shkaqet e dëshpërimit të thellë që të vlon në shpirt.

 Ti, me një delikatesë poetike, e bën lexuesin mendje hollë që t’i përfytyrojë vetë shkaqet e dëshpërimit shpirtcopëtues tek largohesh nga trojet amtare.

 Se,domosdo, dikush është fajtor për dëshpërimin tënd, është  fajtor për atdheun tënd, të cilin e ka katandisur në atë derexhe, saqë ti detyrohesh ta braktisësh me zemër të plagosur.

Poema jote më kujton një poezi shpirt sfilitëse të poeteshës së shquar ruse Marina Cvetajeva
 (1892-1941).

Poezia titullohet “Malli për atdheun”. Pesë vjet pas vendosjes së diktaturës bolshevike në Bashkimin Sovjetik    dhe pikërisht në vitin 1922, ajo u largua nga atdheu.

Mallipër atdheun e brente përbrenda dhe dymbëdhjetë vjet më vonë, në vitin 1934, ajo nxori nga pena poezinë elart përmendur. Në vitin 1939 ajo u kthye në atdhe. Por  meqenëse diktatura sovjetike ia pati shndërruar tokën amë në një njerkë të vërtetë, në vitin 1941 ajo e mbylli jetën me vetëvrasje.

Poema jote, i dashur Artur, të ngjall trishtim të thellë dhe zemrën ta copëton. Ajo e bën lexuesin e vëmendshëm të përsiatë gjatë dhe të shtrojë pyetjen se si duhet të dilet nga kjo gjendje e pashpresë, ku e ka katandisur vendin tonë kjo klasë politike pa ndërgjegje kombëtare, pa moral kombëtar dhe i ka detyruar qindra mijë shqiptarë të braktisin atdheun?

Të shtrojë pyetjen se sa gjatë populli ynë do të vazhdojë të rri kurriz shtruar para kësaj klase politike dhe a do të jetë në gjendje vallë që ta heqë qafe një herë e mirë dhe të nxjerrë nga gjiri i vet një tjetër klasë politike, me vetëdije të lartë kombëtare, me moral të lartë kombëtar, që t’i hyjë punës për begatimin e vendit,për rritjen e standardit të jetesës së njerëzve në mbarë vendin?

 Tiranë, 01 korrik 2018

No comments:

Post a Comment