Flori Bruqi : U akuzua se sajoi dhe trilloi masakrën e Reçakut nga presidenti i Serbisë, Aleksandër Vuçiq, por ish-ambasadori i misionit të OSBE-së, Willaim Walker, thotë të mos jetë i befasuar me deklarimet e zyrtarëve nga Beogradi.

Imazh i ngjashëm

Walker, i cili gjatë luftës kishte alarmuar botën për masakrën e Reçakut, në një deklaratë ekskluzive për KTV-në, ka thënë se kjo nuk është hera e parë që zyrtarë të Beogradit bëjnë deklarime të tilla.

“Kjo nuk është hera e parë që në 20 vjetët e fundit që zyrtarë nga Beogradi më kanë quajtur me emra të ndryshëm dhe kanë bërë trillime rreth asaj se çfarë ka ndodhur në Reçak. Ka dëshmi të shumta se kjo ka ndodhur. Unë kam qenë pjesë e varrimit të 40 e më shumë njerëzve të cilët ishin vrarë dhe masakruar atje. Kemi bërë një hetim dhe hetime të tjera janë bërë gjithashtu për këtë masakër e të gjitha kanë ardhur në përfundimin e njëjtë, sikur ajo çfarë kam thënë unë. Më vjen keq që zotëri Vuçiq nuk pajtohet me këtë dhe që mendon ndryshe. Në 20 vjetët e fundit, vazhdimisht qeveria në Beograd ka tentuar të mohojë atë se çfarë kanë bërë forcat e tyre policore në fshatin e pambrojtur të Reçakut”, ka thënë Walker.

Megjithatë, Walker thotë të jetë tejet i shqetësuar me mosdënimin e personave të cilët kryen këtë masakër, derisa thotë se nuk pret që Serbia të dënojë deklarata të tilla fyese.

“Masakra e Reçakut ishte bërë nga forcat e sigurisë nga Beogradi dhe kushdo që ka qenë përgjegjës për atë masakër, duhet të dalë para drejtësisë. E di që kjo ende nuk ka ndodhur dhe kam frikën se Serbia pretendon se që kjo masakër është mashtrim i rrejshëm. Por, mendoj se bota e di më mirë”, ka thënë për KTV-në ai.

Presidenti i Serbisë, Aleksandër Vuçiq, duke folur për dënimin e ish-ministrit Ivan Todosijeviq, e quajti vetë masakrën e Reçakut trillim e të inskenuar nga Walker.

Zyrtari i Listës Serbe, ndërkaq, u dënua me 2 vjet burgim, pikërisht se kishte bërë deklaratën e njëjtë për këtë masakër.

Megjithëkëtë, Prokuroria Speciale nuk ka dhënë informata nëse për deklarimet e Vuçiqit do të mund të nisë një hetim.

Por, një avokat i cili përfaqësoi një familje që pati viktima në masakrën e Reçakut, ka ushtruar tashmë kallëzim penal ndaj president të Serbisë, Aleksandër Vuçiq.

Mirëpo, avokati Arianit Koci thotë se institucionet e drejtësisë do ta kenë të vështirë ta hetojnë presidentin e Serbisë për këtë deklaratë.

Deklarimet e Aleksandër Vuçiqit i ka dënuar ndër të tjerë edhe presidenti i Kosovës Hashim Thaçi, dhe kryeministri në detyrë, Ramush Haradinaj.

Beogradi do t’i drejtohet OKB-së për shkak të deklaratave të ish shefit të Misionit të OSBE-së në Kosovë, Willaim Walker që po punon në “realizimin e projektit të Shqipërisë së Madhe”.

Sipas “Vecernji Novosti”, ministrja serbe e Drejtësisë, Nela Kuburoviq do t’i njoftojë vendet anëtare të OKB-së për “rolin e turpshëm të kreatorit të rastit të Reçakut” i cili ka shërbyer për agresionin ndaj Serbisë në vitin 1999, e i cili tash është lobist shqiptar dhe njëri nga autorët për ndryshimin e kufijve në Ballkan, transmeton lajmi.net.

Këtë për RTS e ka konfirmuar edhe ministrja pa portofol e ngarkuar me integrimeve evropiane, Jadranka Joksimoviq.

Natyrisht. Duhet t’i drejtohet OKB-së. Projekti i Shqipërisë së Madhe nuk është vetëm problem i Serbisë. Përfshinë edhe territore të vendeve të Ballkanit dhe mendoj se të gjithë neve duhet të na shqetësojë kjo”, ka thënë ajo.

Ajo ka vlerësuar se deklarata e Walkerit është fakt se projekti i “Shqipërisë së Madhe” nuk është projekt për të cilin flitet vetëm në kohë zgjedhjesh, por është dicka që ekziston.

Me Walkerin dje është marrë edhe kryeministri serb, Aleksandar Vuçiq, i cili ka thënë se ai është lobisti kryesor që të arrihet “Shqipëria e Madhe”.

Comments

Popular posts from this blog

AKADEMIK PROF. DR HAKIFBAJRAMI PH.D : GRUSHTSHTETI IDYTËNDAJKOSOVËS( PAS 23 MARSIT 1989) MË 25 MARS 2020

Legjenda e Mujit dhe Halilit