2021-01-28

Servilrojat shqiptare në shërbim të Trampit

 

Prof.dr. Eshref Ymeri


 


 

Ajo që të bënte shumë përshtypje që asokohe kur Trampi sapo i kishte fituar zgjedhjet e 08 nëntorit 2016, por veçanërisht në nismë të fushatës zgjedhore dhe gjatë zhvillimit të saj në vitin e kaluar për mandatin e dytë presidencial, ishte shprehja publike e simpatisë për Trampin nga ana e disa servilrojave shqiptare në atdheun amë dhe sidomos nga ana e disa shqiptarëve që janë qytetarë amerikanë.

Servilroja i parë ishte kryetari i bashkisë së Kamzës, Xhelal Meziu, i cili, kur Trampi kishte vetëm 15 ditë që i kishte fituar zgjedhjet, pra, pa pritur të bëhej e ditur se cili do të ishte “bulmeti i stanit” trampist në  qëndrimin ndaj shqiptarëve, më 23 nëntor 2016, me një vendim unanim të këshillit bashkiak, e shpalli qytetar nderi. Kurse katër muaj më vonë, më 18 mars 2017, një rruge në Kamëz Xhelal Meziu i vuri emrin “Donald Tramp”. Ky ishte një nxitim krejt i tepruar, i ngarkuar me doza të theksuara servilizmi.

Gazetari dhe publicisti i njohur Frrok Çupi i ka kushtuar Trampit librin me titull “Po vjen Trump”.

Së pari, Frroku duhet të respektojë rregullat e drejtshkrimit të shqipes për emrat e huaj. Sipas atyre rregullave, emrat e huaj shkruhen ashtu si shqiptohen dhe mandej shënohet në kllapa drejtshkrimi i tyre në gjuhën  përkatëse. Pra, libri duhej ta kishte titullin “Po vjen Trampi”.

Së dyti, Frroku duhet të respektojë mbaresat rasore të emrave, siç kërkojnë rregullat e gjuhës shqipe edhe për emrat e huaj. Prandaj, kur përdor shprehjen “… doktrinën e Trump”, duhet të respektojë mbaresën e rasës gjinore -it (doktrinën e Trump-it).

Së treti, në njërin nga prezantimet e këtij libri, kam parasysh prezantimin në Bashkinë e Lezhës, Frroku pati deklaruar:

Trump (duhej Trump-i) e ka të vështirë të mbërrijë te ne, pasi, para së gjithash, ekziston mungesa e ideve ‘simotra’ me doktrinën e Trump”.

Pra, sipas Frrokut, Trampi nuk është mirëpritur në Shqipëri se mungojnë idetë konservatore. Sigurisht që mungojnë, se ato janë ide të djathta, por kryediktatori Hoxha punoi me perspektivë afatgjatë, duke e shfarosur djathtizmin me rrënjë e me degë. Prandaj edhe në Kuvendin e Shqipërisë, pas vendosjes së demoshëmtisë dhjetoriste, si në asnjë parlament të botës, nuk ka absolutisht krah konservator, krah nacionalist. Por, në këndvështrimin tim, Trampi nuk ka qenë i mirëpritur te ne jo për mungesë të ideve konservatore, por për një tjetër arsye madhore - për arsenalin e pikëpamjeve të tij antishqiptare, të cilat, nuk e di se për cilën arsye, Frroku i ka anashkaluar, pikëpamje që kanë qenë në sinkroni të plotë me qëndrimet tradicionalisht armiqësore të rusoserbizmit kundër kombit shqiptar, për çka qenë parashtruar një sërë faktesh në analizën me titull “Antishqiptarin e regjur e larguan nga Shtëpia e Bardhë”, të botuar javën e kaluar në disa faqe interneti.

Tani, lexuesit e librit të Frrokut janë në pritje që ai të nxjerrë nga pena vëllimin e dytë, me titull “Pse nuk erdhi Trampi?”. Mendoj se me botimin e këtij libri, Frroku ka dëshmuar se nuk e ka braktisur petkun e servilrojës që pati veshur kur Berisha ishte në pushtet, i ndryshoi bojatisjen me ardhjen e Ramës në pushtet dhe ia bëri ngjyrën edhe më të ndezur me qëndrimin ndaj Trampit. Megjithatë, do të ishte mirë që Frroku, qoftë edhe një herë të vetme në jetën e tij, ta flakte petkun e servilrojës dhe të bëhej vetvetja, duke respektuar dinjitetin personal, si gazetar dhe analist i njohur, nëse është e mundur.

Për dijeninë e Frrokut, se çfarë “doktrine” ka përfaqësuar dhe përfaqëson Trampi, e di mirë vetë shumica e amerikanëve, e cila më 03 nëntor i vuri notën që meritonte, duke e zbritur nga kolltuku i Shtëpisë së Bardhë. “Doktrinën” e vet Trampi e bëri publike më 06 janar, me nxitjen e sulmeve kundër Kapitolit, të cilat u shoqëruan me 5 viktima, si kurrë ndonjëherë në historinë e Shteteve të Bashkuara. Veç kësaj, “doktrina” e Trampit doli edhe më shumë në pah kur ai, në një mënyrë krejtësisht të pahijshme, braktisi ceremoninë e përurimit të Presidentit të Ri më 20 janar, një shkelje absurde kjo e traditës së shkëlqyer mbidyshekullore të zhvillimit të një ceremonie të tillë.  Shqiptarët me vetëdije kombëtare kanë qenë të interesuar të dinin se cila ishte “doktrina” e Trampit që në fillim të mandatit të tij në raport me kombin shqiptar. Dhe gjatë katër vjetëve të ushtrimit të atij mandati, ata u bindën përfundimisht se “doktrina” e tij ishte kryekëput antishqiptare, në shërbim të rusoserbizmit. A e ka ditur Frroku një gjë të tillë, apo petku i servilrojës e ka penguar ta mësonte?

Sokol Pepushaj, Platformën mediatike analitike “Pamfleti”, youtube, 06 shtator 2020, pati botuar analizën me titull Pas Kosovës, Donald Trump do të merret me Shqipërinë, do hetohet pasuria e hajdutëve të 28 viteve”. Sapo e lexova, menjëherë i shtrova vetes pyetjen;

Sokoli e kishte me gjithë mend për atë ç’ka kishte shkruar, apo kërkonte të argëtonte njerëzit, si në një skenë humori? Çfarë e pati shtyrë Sokolin të merrte përsipër rolin e servilrojës së Trampit?

Shkrimtari, poeti dhe analisti Rexhep Shahu, në një artikull, të botuar në portalin “Fjala e Lirë” të datës 06 shtator 2020, kritikonte ata që patën kundërshtuar Marrëveshjen e Vashingtonit, ku Abdulla Hoti, si kryeministër i Kosovës, mbajti një qëndrim prej burracaku dhe u soll si një kone para Aleksandër Vuçiçit. Rexhepi, përkundrazi, falënderonte Trampin për atë marrëveshje poshtëruese për Kosovën.

Kundër asaj marrëveshjeje, unë pata reaguar ashpër me një shënim të shkurtër,  me titull “Dy fjalë për Marrëveshjen e Vashingtonit”, të botuar në internet më 04 shtator.

Për Rerxhepin kisha krijuar përshtypjen se ishte intelektual me brumosje nacionaliste, prandaj mbeta i befasuar nga reagimi i tij dhe më 07 shtator i pata nisur një letër, ku i shprehja zhgënjimin tim të thellë dhe ku i theksoja se me reagimin e vet ishte bërë palë me Ramën, i cili, në rolin e kryeservilrojës së Trampit, pati deklaruar me të madhe:

“Asnjë tradhti, burra! Urime Kryeministrit Hoti për marrëveshjen e arritur me Serbinë, e cila s’është fundi, po vazhdimi i të vetmes rrugë drejt njohjes përfundimtare” (Faqja e internetit e gazetës “Express”. 04 shtator 2020).

Rexhepi nuk më ktheu përgjigje. Nuk e di se cila ishte arsyeja e heshtjes së tij. Zonja Vjosa Osmani, në dallim të theksuar nga deklarata e Ramës, në një intervistë, të botuar në faqen e internetit “Radio Evropa e Lirë” të datës 11 shtator, pati theksuar se delegacioni kosovar, me në krye Abdulla Hotin, në takimin e Vashingtonit paskej pranuar që Republikës së Kosovës “t’i referohet vetëm si Kosovo”, çka do të thotë se Prishtina zyrtare pranonte tërësisht qëndrimin e Beogradit se Kosova u dashka që të mbajë jo emrin “Republika e Kosovës”, sipas Kushtetutës, po emrin serbosllav “Kosovo”. Në këtë mënyrë, kryeministri Hoti dhe delegacioni i tij respektonin plotësisht kushtetutën serbe, sipas së cilës Republika e Kosovës është pjesë e Serbisë. Një qëndrim i tillë i kryeministrit Hoti nuk mund të vlerësohej ndryshe, përveçse si tradhti e kulluar.

Pikërisht për kryeministrin Abdulla Hoti, që siç dihet, u soll pa dinjitet kombëtar para Trampit dhe Vuçiçit në takimin e 27 qershorit në Vashington, Mero Baze, një tjetër servilrojë me stazh të gjatë dikur në shërbim të Berishës dhe tani në shërbim të Ramës, duke u rreshtuar përkrah këtij të fundit në qëndrimin ndaj Vjosa Osmanit, në artikullin me titull“Disa gjëra që i qartësoi vizita e Vjosa Osmanit”, faqja e internetit e gazetës “Bota Sot”, 18 dhjetor 2020, e vlerësonte lart “seriozitetin” e kryeministrit Hoti gjatë vizitës në Tiranë dhe “seriozitetin” e shtetit të Kosovës. Vallë nuk e dinte servilroja Mero Baze se sa e kishte “ruajtur” Abdulla Hoti “seriozitetin e shtetit të Kosovës” në Vashington më 27 qershor?

Nga radhët e shqiptarëve të Amerikës, si servilroja të zjarrtë të Trampit, dëshiroj të përmend pesonat e mëposhtëm:

Klajd Kapinova, në portalin “Zemra Shqiptare” të datës 14 korrik 2020, pati deklaruar:

“Me Joe Biden shqiptaro-amerikanët janë në anën më negative të historisë”.

Profesori i nderuar Vedat Shehu, shkencëtar, intelektual i shquar i kombit shqiptar, në artikullin me titull “Pyetje për Klajd Kapinovën”, të botuar në  faqen e internetit “Tribuna Shqiptare” të datës 12 shkurt 2014, pati bërë skanerin e qëndrimeve antikombëtare të Klajd Kapinovës, i cili asokohe,  nëpër faqet e internetit, sulmonte shoqatat shqiptaro-amerikane që protestuan kundër dekorimit të Janullatosit me titullin “Peace of Honor” nga presidenti i Fordham University në Nju Jork zoti Joseph M. McShane S.J..., sulmonte gazetat “Dielli” dhe “Iliria”, dy vatra të shqiptarizmës në diasporë, se pse nuk kishin botuar shkrimin e tij në mbrojtje të Janullatosit, një shkrim që s’ishte gjë tjetër, veçse një paçavure antishqiptare. Pra, pikërisht ky Klajd Kapinova, bënte thirrje që shqiptarët e Amerikës duhej të votonin për antishqiptarin dhe mikun e Serbisë, Trampin.

Në faqen e internetit “Syri” të datës 30 shtator 2020, u njoha me një artikull të Evi Kokalarit, me titull “Biden kërkoi falje në Serbi për bombardimet, ja çfarë më tha djali i Trump për shqiptarët”. Dhe më poshtë deklaronte: “Donald Trump është shumë xhenuin me shqiptarët. Nëse Donald Trump do të jetë për një mandat tjetër, do jetë shumë mirë për Shqipërinë dhe Kosovën”.

Me këtë rast, dëshiroj të hap një parantezë

 Organizata “Albanians for Trump” (Shqiptarët për Trumpin), në tetorin që kaloi, pati publikuar një letër të hapur, drejtuar komunitetit shqiptar në Shtetet e Bashkuara, përmes së cilës bënte thirrje që presidenti amerikan të votohej për një mandat të dytë. Kjo organizatë, duke veshur petkun e servilrojës në shërbim  të Trampit, shtrembëronte të vërtetën, duke deklaruar:

“Kandidati Biden i ka kërkuar falje Serbisë për bombardimet e NATO-s që çliruan Kosovën dhe ishte ai që riparoi dhe rehabilitoi marrëdhëniet me Serbinë” (Citohet sipas: “Shqiptarët e Amerikës kundër Bidenit: i kërkoi falje Serbisë për bombardimet”. Faqja e internetit “Reporteri”. 27 tetor 2020).

Po si është e vërteta?

Le t’i referohemi një burimi, në të cilin del në shesh e vërteta:

“Si senator, Biden ishte përkrahës i madh i bombardimeve të NATO-s në Serbi gjatë viteve ’90. Ai më parë kishte thënë se puna e tij për t’i dhënë fund luftërave në ish-Jugosllavi ishte njëri ndër “momentet më krenare” të karrierës së tij politike… Biden gjatë takimit me kryeministrin e Serbisë, Aleksandër Vuçiç, u kërkoi falje familjeve të viktimave, - transmeton Koha.net. “Kujtimet për ata që humbën jetën janë ende të freskëta”, - ka thënë Biden. “Do të doja të shprehja ngushëllimet e mia familjeve që kanë humbur personat e dashur gjatë luftërave në vitet ’90, përfshirë edhe të atyre që humbën jetën si rezultat i kampanjës së NATO-s”, - ka shtuar ai (Citohet sipas: “Bideni u kërkon falje familjeve të viktimave nga bombardimet e NATO-s”. Faqja e internetit “Periskopi”. 16 gusht 2020).

Pra, Baideni u ka kërkuar falje familjeve të viktimave, nuk i ka kërkuar falje shtetit të Serbisë, dhe gjatë asaj vizite, ai nuk pranoi të përkulet para flamurit serb. Me ç’të drejt e ashtuquajtura organizatë “Shqiptarët për Trampin” kërkonte që petkun e vet të servilrojës në shërbim të Trampit, t’ia vishte gjithë komunitetit shqiptar në Shtetet e Bashkuara?

          Organizata “Shqiptarët për Trampin”, me deklaratën e vet kundër Baidenit, i kundërvihej Radiostacionit të nderuar “Zëri i Amerikës”, i cili është krenaria e Shteteve të Bashkuara, si njëri nga radiostacionet më me autoritet në botë dhe që, në veprimtarinë e vet informative, ka për yll karvani të vërtetën dhe vetëm të vërtetën. Prandaj komuniteti shqiptar në Shtetet e Bashkuara duhet t’i besojë “Zërit të Amerikës” dhe jo mashtrimit të servilrojave të Trampit.

          Në njërin nga emisionet e veta të muajit tetor 2016, Zëri i Amerikës ka dhënë informacionin në vijim:

          Kandidati presidencial nga radhët e republikanëve në Shtetet e Bashkuara, Donald Trump, u ka kërkuar ndjesë serbëve për bombardimet e NATO-s … Duke iu kërkuar falje serbëve për politikën amerikane e veçanërisht të presidentit Klinton, ai paralajmëroi që nëse bëhet president “do të forcojë lidhjet me qeverinë në Beograd”… Grupet politike ekstreme në Serbi mbështesin kandidatin republikan. Gjatë vizitës së nënpresidentit amerikan Joe Biden në Serbi në muajin gusht të këtij viti, qindra mbështetës të Partisë Radikale serbe, protestuan kundër vizitës së tij, duke brohoritur në favor të kandidatit presidencial amerikan, Donald Trump… “Trumpi është alternativë e globalizmit. Ai do të shkatërrojë qendrat e vjetra të fuqisë në Amerikë dhe është mbështetës i Rusisë”, - tha kryetari i Partisë Radikale Vojislav Sheshel.  “Joe Biden duhet ta dijë që Serbia nuk e do, por e urren atë”, - tha Sheshel, duke nënvizuar rolin e Shteteve të Bashkuara në fushatën e bombardimeve të NATO-s kundër Serbisë në vitin 1999, që çuan në përfundimin e luftës në Kosovë” (Citohet sipas: “Donald Trump i kërkon ndjesë Serbisë për bombardimet e NATO-s”. Faqja e internetit  “zëriamerikës”. 13 tetor 2016).

Me sa duket, organizatës “Shqiptarët për Trampin” i kanë pasë ardhur shumë në osh kritikat e Trampit në adresë të “Zërit të Amerikës”, kritika këto, për të cilat veterani i këtij Radistacioni shumë të nderuar, gazetari dhe publicisti i shquar Frank Shkreli ka reaguar si më poshtë:

“Edhe për mua,  bazuar në përvojën time 30-vjeçare me Zërin e Amerikës, kritikat e Presidentit Trump ndaj VOA-s janë aq të pakuptimta, sa edhe të çuditshme për një president… (Citohet sipas: Frank Shkreli. “Gjithmonë në raste krizash e vërteta është viktima e parë”. Faqja e internetit “Fjala e Lirë”.16 prill 2020).

          Evi Kokalari le ta ruajë dhe ta forcojë sa më shumë miqësinë me djalin e Trampit dhe me familjen e tij, meqenëse asaj nuk i bëhet vonë fare që Trampi, me Marrëveshjen  e Vashingtonit të 27 qershorit  2020, ka amnistuar përfundimisht të gjitha krimet dhe shkatërrimet që bisha fashiste serbe pati kryer në Kosovë, duke i vënë në të njëjtin kandar kriminelët serbë dhe viktimat shqiptare.

Një tjetër shqiptare, qytetare amerikane, Bleona Qereti, në fund të muajit tetor dha një koncert në Miçigan. Koncertit iu bë paraqitja e bujshme në vijim që fillonte me reklamën “Një mbrëmje me Bleonën” (youtube, 30 tetor 2020) dhe vazhdonte:

“Shqiptarët në mbarë botën nuk do të harrojnë vitet e pamëshirshme të komunizmit që kanë kaluar. Për këtë arsye, komuniteti shqiptar, në mënyrë unanime, mbështet presidentin Donald Tramp, personin e vetëm që ka luftuar socializmin dhemb për dhëmb… Ndaj ju ftojmë të bashkoheni me ne në Miçigan, ditën e shtunë, më datën 31 tetor, për një festë madhështore, me pjesëmarrjen e jashtëzakonshme të Bleona Qeretit, e cila do të performojë live në sallën e Qendrës Kulturore “Nënë Tereza” në Southfield Miçigan. Mbrëmja organizohet nga Albanian Amerikans for Trump, në bashkëpunim me Trump Compaign”.

Thelbin e kësaj reklame e zbulonte më së miri mashtrimi grotesk për Trampin, për “personin e vetëm që ka luftuar socializmin dhemb për dhëmb”!!! Nga jetëshkrimi  i Trampit, nuk rezulton gjësend se në cilën fushëbetejë dhe me cilin socializëm ai “qenka ndeshur dhëmbë për dhëmbë”.  Por Bleona nuk u mjaftua vetëm me atë reklamë që i bëhej me shumë bujë, në të cilën flitej me sigurinë më të madhe për votën “unanime” të komunitetit shqiptar për Trampin!!! Ajo i dha një intervistë Blendi Fevziut në Tv Klan pikërisht më 02 nëntor, një ditë para zgjedhjeve presidenciale. Atë intervistë e ndoqa në  youtube, me diçiturën: “Nëse Trump nuk fiton, SHBA kthehen vend socialist në pronësi te Kinës”. Në atë intervistë Bleona deklaroi: “… unë nuk do të jetoj në një vend socialist, do të kthehem në Shqipëri”.

Meqenëse Trampi humbi zgjedhjet dhe, sipas bindjes së patundur të Bleonës, Amerika “do të kthehet në një vend socialist në pronësi të Kinës”, ne, qytetarët e thjeshtë, jemi të bindur që ajo “do ta mbajë fjalën” dhe “do të kthehet” në atdhe. Po ku do të kthehet, e bekuara Bleona? Në atdheun e saj në pronësi të Ramës, i cili e ka kthyer në një vend neosocialist? Ajo shprehte bindjen se shqiptarët e Amerikës dhe qytetarët amerikanë kanë jetuar më mirë katër vjetët që kaluan, prandaj duhej të votonin  për Trampin. Po si qe mundur që shumica e votuesve amerikanë nuk ia dëgjuan fjalën Bleonës, por shkuan e votuan për “të keqen” e vet, për “varfërinë që do t’i pllakosë si vend socialist në pronësi të Kinës”?!!! Po kush na siguron se Bleonës nuk do t’i hyjë në qejf “socializmi kinez në Amerikë” dhe të harrojë të kthehet në atdheun neosocialist të Ramës? 

Është për të ardhur keq që Bleona i pati lejuar vetes të nxjerrë nga goja broçkulla të tilla, duke i marrë për të vërteta gatesat e kuzhinës trampiste për “vendosjen në Amerikë të rendit socialist kinez” nëse Trampi nuk rizgjidhej president. Shqiptarët dashamirës kanë pritur që Bleona t’ia bënte fora, si Rita Ora, por jo t’ia bënte fora me fotografimet me Riçard Grenellin që përkrahte Thaçin për copëtimin e Kosovës, si edhe me rolin e servilrojës në shërbim të Trampit, mbrojtësit të krimeve të Serbisë në Kosovë, poshtëruesit të popullit shqiptar të Kosovës dhe simpatizantit të Putinit. Me atë fotografi përkrah Grenellit, Bleona sfidonte hapur Ligën Qytetare Shqiptaro-Amerikane, e cila, në prill të vitit të kaluar, i qe drejtuar presidentit Tramp me një letër të posaçme, në të cilën i kërkonte që ta lirojë ambasadorin Grenell nga detyrat e tija si i dërguari special për dialogun Kosovë-Serbi.

Bleona i deklaroi Blendi Fevziut se nuk merrej me politikë, por thirrjet e saj të zjarrta, drejtuar komunitetit shqiptar për të votuar pë Trampin, ishin tregues mjaft domethënës i rreshtimit të saj në barrikadat e politikës tramiste. Dhe ato thirrje mund t’u kenë ngjallur dyshime teleshikuesve se sikur Trampi të kishte fituar, Bleona, ku ta dish, mund të ftohej të shërbente në administratën e tij, meqenëse në artin muzikor nuk arriti të bënte emër as në atdheun amë, as në Amerikë. Se dihet që njerëzve që u del huq në zejen e tyre, mundohen ta gjejnë veten në skenën  e politikës. Në Shqipëri kjo është një dukuri e rëndomtë.

Nuk e di nëse Bleonës i ka bërë përshtypje ose jo vlerësimi që ka dhënë për Trampin aktori i shquar veteran i Hollivudit, ish-guvernatori republikan i Kalifornisë Shvarceneger (Arnold Schwarzenegger - 1947), i cili ca kohë më parë, në një videomesazh, pati deklaruar:

“Presidenti Tramp është një lider i dështuar. Ai do të kalojë në histori si presidenti më i keq i kohërave” (Citohet sipas: “Arnold  Shvarceneger qorton Trampin në një videomesazh”. Faqja e internetit “Deadline”. 10 janar 2021).

Shqiptarët e atdheun amë, me simpatinë e tyre për Trampin, u shndërruan në servilroja të tij dhe nxorën në pah cektësinë e formimit të tyre intelektual, se, me dashje ose pa dashje, për shkak të filozofisë së servilizmit të tyre ndaj presidentit amerikan, u rreshtuan  përkrah antishqiptarizmit të tij. Kurse për shqiptaro-amerikanët që bënë thirrje për të votuar për Trampin,. mund të thuhet se dikush prej tyre mund të jetë nisur nga interesa personale që lidhen me biznesin apo me ndofarë sponsorizimesh të gjithfarëllojshme. Megjithatë, ata duhej ta kishin kuptuar me kohë pulsin e shumicës së opinionit publik amerikan dhe simpatitë e tyre për Trampin le t’i mbanin për vete. Me sa duket, shqiptarizmi është shuar krejtësisht në qenien e tyre, derisa nuk u pati bërë pështypje absolutisht thirrja e mikut amerikan të shqiptarëve, e intelektualit të shquar David L. Filips (Phillips), i cili shkruante:

“Trump e ka tradhtuar Kosovën. Kur të votojnë në nëntor, shqiptaro-amerikanët duhet të kërkojnë ndryshimin e regjimit në Amerikë” (Citohet sipas: David L. Phillips. Trampi e tradhëtoi Kosovën”. Faqja e internetit “Front Online”.04 maj 2020).

Ky intelektual i shquar amerikan me siguri që ka parasysh tradhtinë nga ana e Trampit të traditës uilsoniane dhe klintoniane në qëndrimin ndaj shqiptarëve, se Trampi nuk pati ushqyer kurrë ndonjë simpati për shqiptarët.

Për kujtesë shqiptaro-amerikanëve të lartpërmendur, dëshiroj të theksoj se të jesh shqiptar antishqiptar ose të rreshtohesh pranë një presidenti të huaj antishqiptar, nuk është ndonjë çudi e madhe, “nuk është ndonjë krim” në kushtet e demokracisë dhe të fjalës së lirë. Por ama antishqiptarizmi i njeriut me origjinë shqiptare, është një  njollë në jetëshkrimin e tij. Dhe kjo njollë mbetet e pashlyeshme për gjithë jetën nëse ke miqësi ose origjinën e ke sidomos nga fisi i Musine Kokalarit, figurës së shquar të kombit shqiptar, nacionalistes emblematike, e cila, me një vendosmëri shembullore, u ngrit burrërisht kundër tradhtisë së kryekriminelit Enver Hoxha, argatit të regjur të Beogradit, i cili, në mbledhjen e Byrosë Politike të 15 dhjetorit të vitit 1947, kërkoi me ngulm që Shqipëria, nën maskën e republikës së shtatë, të bëhej koloni e Jugosllavisë.

 Me thirrjet e tyre për të votuar për Trampin, servilrojat i nxorën bojën vetes në sytë e Diasporës shqiptare në Shtetet e Bashkuara, për të cilën antishqiptarizmi i Trampit është shumë  revoltues. Se Diaspora shqiptare ka qenë dhe vazhdon të mbetet vatër e fuqishme e shqiptarizmit, prandaj e kujton me shumë respekt Presidentin Uilson (Woodrow Wilson  - 1856-1924), i cili ka thënë:

 “S’ka dyshim se më gëzohet zemra kur mësoj për ndjenjat e bukura që ushqejnë kundrejt meje në Shqipëri… Kujtoj se çdo takim me të tilla kombe na sqaron më së miri pikëpamjen tonë përmbi rastet dhe përgjegjësinë tonë kombëtare” (Citohet sipas: Anton Çefa. ““Vatra”, Noli, Konica dhe Uilsoni”. Faqja e internetit e gazetës “Dielli”. 10 shtator 2020).

Duke pasur parasysh pikërisht këtë qëndrim dashamirës të presidentit Uilson ndaj Shqipërisë, një profesor i nderuar ka theksuar:

“Dhe kjo është në traditën amerikane, në politikën që ka mbajtur gjithnjë kundrejt Shqipërisë, duke filluar prej presidentit të madh Woodrow Wilson, kujtimi i të cilit ka mbetur i paharruar në zemrat dhe mëndjet e shqiptarëve, sepse në Konferencën e Paqes në Paris më 1919, ai hodhi poshtë Traktatin e Fshehtë të Londrës (26 prill 1915), që sakrifikonte të drejtat legjitime të Shqipërisë dhe njëherit, ai u kërkoi përfaqësuesve të Fuqive të Mëdha, respektimin e pavarësisë së plotë të Shqipërisë. Pra, njeriu që e shpëtoi Shqipërinë” (Citohet sipas: Prof.dr. Nebi Dervishi. “Njeriu që denocoi Traktatin e Fshehtë të Londrës (1915) dhe shpëtoi Shqipërinë nga copëtimi”. Faqja e internetit “Agjencioni Floripress”. 02 shkurt 2020)

Prandaj për Presidentin Uilson kanë thënë::

Fan Noli:Uilsoni bëri më tepër se çdo njeri për indipendencën e Shqipërisë”.

Faik Konica: “Jemi bindur se çdo shqiptar di dhe kupton se ç’borxh të madh i kemi Uilsonit”.

Me të njëjtin respekt, Diaspora kujton Presidentin Xhorxh Bush (George W. Bush - 1946), i cili, gjatë vizitës në Tiranë më 10 qershor 2007, deklaroi qëndrimin amerikan: “Kosova do të bëhet e pavarur”, si edhe Presidentin Klinton (Bill Clinton - 1946), kalorësin e madh të çlirimit të Kosovës, i cili i dha dajakun që meritonte Serbisë dhe një leksion domethënës Rusisë. Ai ka deklaruar:

“…Kosova duhet të jetë e vetmja temë, për të cilën pajtohen të gjithë amerikanët, prandaj ju uroj sukses dhe besoj se vendi im do të vazhdojë t’ju mbështesë në përparimin tuaj… Do të jem gjithmonë krenar për faktin se kam qenë president i Shteteve të Bashkuara në kohën kur juve ju duhej dikush që do të qëndronte kundër spastrimit etnik, dëbimit të njerëzve nga shtëpitë e tyre” (Citohet sipas: “Klinton: Krenar që isha president kur duhej dikush që do t’i kundërvihej spastrimit etnik”. Faqja e internetit “zëriamerikës”. 11 qershor 2019).

Në dallim të theksuar nga presidentët e lartpërmendur, Trampi, në një intervistë për “Fox News”, të transmetuar më 18 korrik 2018, duke folur me gjuhën e shpifografisë serbe, për shqiptarët deklaroi:

“Janë shumë agresivë, nëse nxehen jemi në Luftën e Tretë Botërore”.

Me këtë deklaratë absurde, Trampi, në rolin e zëdhënësit të rusoserbizmit, mashtronte në mënyrën më  fragrante mbarë opinionin publik amerikan. Sepse shqiptarët, po të kishin qenë agresivë, do të kishin pushtuar edhe territore të huaja, ndërkohë që ata, për shkak të përçarjes tragjike që i ka karakterizuar në shekuj, një arsye madhore kjo e paaftësisë së tyre për vetorganizim mbarëkombëtar, nuk kanë qenë të zotë të mbrojnë trojet e veta etnike.

Los Anxhelos, Kaliforni

27 janar 2021    

 

 

 

 

 

 

 

 

2021-01-27

Roli i teknologjisë gjatë pandemisë

Gjatë vitit 2020, njerëzit në gjithë botën rritën përdorimin e teknologjisë duke besuar se ajo do t’i ndihmonte të përballonin pandeminë. Por jo gjithmonë teknologjia ishte në lartësinë e duhur. Njerëzit po përdorin teknologjinë si kurrë më parë, për punë, shkollë dhe vizita tek mjeku. Për të qenë pranë familjes dhe shoqërisë. Për mirë a për keq, ky vit ofroi mundësinë për të parë nëse teknologjia mund të luajë rol edhe më të madh në jetët e njerëzve. “Pa diskutim që për miliona njerëz, teknologjia ishte shpëtimtare”, thotë Eric Riex, autor I librit “The Lean Startup”. Eric Ries është një sipërmarrës që ligjëron për inovacionin. Në fillim të pandemisë, ai u entusiazmua kur pa kompanitë e teknologjisë që vepruan në përpjekje për të ndihmuar. Në pranverë, kompanitë Google dhe Apple krijuan një partneritet historik që përmes telefonave inteligjentë njerëzit të njoftoheshin nëse ishin ekspozuar ndaj virusit. Por më pas projekti ngeci. Si rezultat i kësaj marrëdhënieje u krijua një program telefoni që filloi në dhjetor në Kaliforni. “Ne duhet ta konsiderojmë gjithë këtë përpjekje si të dështuar, sepse u desh shumë kohë e gjatë për të krijuar këtë aplikacion. A mund ta besonit në fillim të krizës nëse dikush do kishte thënë se më shpejt do të zbulohej vaksina sesa aplikacioni i ekspozimit? Njëra është përpjekje gjigande e shkencës ndërsa tjetra relativisht e lehtë“, thotë zoti Ries. Kjo erdhi si rezultat i mungesës së koordinimit midis qeverive, mungesës së mirëkuptimit në qarqet teknologjike se kush merr vendime në nivelin tokal, thotë zoti Ries. “Ne jemi mësuar me një model të punuari vetjak nga zbulues të rinj. Dhe nuk bëmë punë të mirë“, thekson ai. Kameka Dempsey është anëtare e grupit punues të teknologjisë për COVID-19, me qëllim që të krijojë lidhje midis kompanive teknologjike dhe qeverive. Pabarazia, thotë ajo, ishte pikë lëkundjeje gjatë pandemisë. “Keni njerëz në zona rurale që nuk kanë qasje në internet. Shihni njerëz që nuk kanë laptopë, telefonë ose tableta për qasje në mësim dhe punë në internet”, thotë zonja Dempsey. Pandemia, thotë ajo, vuri në dukje pikat e rëndësishme në teknologjisë. “Teknologjia sot, në mes të kësaj pandemie, po kthehet në zemër të zbulimeve më të mëdha. Ato lindin nga nevoja për zgjidhjen e problemeve të vërteta të dikujt në nevojë“, thotë anëtarja e grupit punues të teknologjisë për COVID-19, Kamera Demësey. Kompanitë më të mëdha teknologjike mësuan shumë nga përgjigja kundër pandemisë. Si do të shfrytëzohen këto mësime, mbetet të shihet në vitin 2021.

COVID-19, me shumë se 100 milionë të infektuar në mbarë botën(VOA)

 


Ndërsa shumë vende po përballen me probleme të qasjes, furnizimit dhe shpërndarjes së vaksinave kundër koronavirusit, numri i të infektuarve në botë që nga fillimi i pandemisë i ka tejkaluar të 100 milionë rastet dhe më shumë se 2.1 milionë njerëz kanë humbur jetën. U deshën rreth 11 muaj që infeksionet në të gjithë botën të arrinin 50 milionë dhe tre të tjerë që shifra të rritej në 100 milionë. Pesë vende kanë pësuar më shumë se 100,000 vdekje si pasojë e virusit, mes tyre Britania, e cila e kapërceu këtë prag të martën. Zyrtarët e shëndetit publik vazhdojnë të këshillojnë njerëzit të ndërmarrin hapa të tillë si mbajtja e maskave, distancimi fizik si dhe shmangia e grumbullimeve të mëdha, si masa për të parandaluar përhapjen e virusit. Disa qeveri kanë rikthyer bllokimet në shkallë të ndryshme, për shkak të rritjes së nivelit të infeksioneve. Aktualisht rreth 56 vende kanë filluar të vaksinojnë popullatën e tyre, pas një gare mes kompanish të shumta për të zhvilluar vaksina efektive kundër COVID-19. Por në kushtet kur një numër në rritje vendesh të mëdha po porosisin vaksina në sasi të mëdha, Organizata Botërore e Shëndetësisë e të tjera organizata kanë paralajmëruar rreth asaj që e quajnë "nacionalizmi i vaksinave", që rrezikon të lërë jashtë popullsinë e vendeve të tjera.

Covid 19 dhe Vksinat

 




Është e vështirë të mos e shohësh me frikë fillimin e dobët të fushatës së vaksinimit anti-Covid në Bashkimin Evropian. Unioni ka arritur të shpërndajë deri tani vetëm rreth 8.9 milion doza, pra 2 dy për çdo 100 qytetarë. SHBA-ja dhe Britania e Madhe po konkurrojnë përkatësisht me 7 dhe 10.5, ndërsa Izraeli është me 43 në çdo 100 qytetarë.

Meqë që të gjitha vaksinat që janë miratuar deri më tani kërkojnë që 2 doza të jenë efektive, programi i vaksinimit i BE-së ka përpara një “mal shumë të pjerrët” për të ngjitur. Dhe për fat të keq, e ardhmja nuk po duket shumë e ndritshme.

Brukseli synon të vaksinojë plotësisht të paktën 70 për qind të popullsisë në secilin shtet anëtar deri në fund të sezonit të verës, por ky objektiv është që tani në rrezik. Evropa ka aprovuar dy vaksina, një të Pfizer Inc. dhe BioNTech SE dhe tjetrën nga Moderna Inc., por sasia e aktual është e pamjaftueshme.

Agjencia Evropiane e Mjekësisë (EMA), është e vendosur të rishikojë këtë javë vaksinën e AstraZeneca-Universiteti i Oksfordit. Por kompania farmaceutike britanike, thotë se mund të reduktojë me gati 60 për qind sasitë që do të arrijë të prodhojë brenda3-mujorit të parë.

Një tjetër vaksinë kandidate nga kompania “Sanofi” e Francës, nuk do të jetë gati të paktën deri në fund të këtij viti, për shkak të problemeve të mëdha gjatë testeve. Nëse nuk adresohen shpejt, pasojat e këtij dështimi mund të jenë katastrofike.

Sipas Qendrës Evropiane për Parandalimin dhe Kontrollin e Sëmundjeve,BE ka pësuar

deri tani gati 426.000 vdekje nga Covid-19. Sa më shumë kohë që do të duhet për t`a vënë nën kontroll pandeminë, aq më shumë jetë njerëzish do të humbasin.

Në rrezik është vetë reputacioni i BE-së:Si mund të krenohet ajo me “modelin e saj shoqëror” nëse nuk mundet të mbrojë as qytetarët e saj më të rrezikuar?Ndërkohë, një fushatë e suksesshme e vaksinimit, është mënyra e vetme e qëndrueshme për të ndihmuar rimëkëmbjen e ekonomisë së bllokut.

Sipas parashikimeve të Fondit Monetar Ndërkombëtar në tetor 2020,kombinimi i një pasigurie të madhe, bllokimeve, dhe masave të tjera të distancës sociale, solli një tkurrje prej 7.6 për qindtë Prodhimit të Brendshëm Bruto të Evropës vitin e shkuar.

Dështimet e BE-së filluan që me porositë e para të vaksinave. Ndërsa krijoi një portofol gjithëpërfshirës shumë kohë përpara se të aprovoheshin të gjitha vaksinat, BE ishte shumë i ngadaltë dhe konservatore me zhvillimet më premtuese:vaksinat bazuar në teknologjinë inovative të ARN mesazhere (mRNA) nga Pfizer-BioNTech dhe Moderna.

EMA mbeti shumë pas Britanisë dhe SHBA-së në aprovimin e vaksinës së Pfizer. Vonesa e saj mbi miratimin e vaksinës së AstraZeneca është më e kuptueshme, duke pasur parasysh problemet që shoqëruan testet e saj (AstraZeneca nuk ka aplikuar ende për miratimin nga enti rregullator FDA në SHBA).

Shpërndarja e vaksinave anti-Covid në Evropë ka qenë e ngadaltë, sidomos në vende të tilla si Franca dhe Belgjika. Për më tepër ka pyetje nëse shtetet anëtare po bëjnë thirrjet e duhura se cilët duhet t`a marrin të parët vaksinën.

Në Itali vetëm 1 në 10 doza ka shkuar tek banorët e azileve, ndërsa gati 1 në 4 ka shkuar tek punonjësit e kujdesit shëndetësor që nuk janë mjekë ose infermierë. Ka shumë kuptim që të mbrohet personeli i spitalit, por ky ekuilibër nuk duket i duhuri. Një problem tjetër ka të bëjë me shpërdorimin e flakonëve.

Pra, çfarë mund të bëhet? Bashkimi Evropian po synon të bëjë si “kokë turku” për problematikën kompanitë farmaceutike. Të hënën zyrtarët e BE-së takuan drejtuesit e lartë të AstraZeneca, dhe kërkuan shpjegime të detajuara për vonesën që po ndodh me dorëzimin e vaksinave, duke kërkuar që kompania të mbajë premtimet e saj.

Nga ana e saj,AstraZeneca fajëson për problemet një nga vendet evropiane që ka marrë përsipër prodhimin e vaksinës. Por Komisioni Evropian druhet se ajo mund t’i ketë dhënë përparësi vendeve të tjera. “Shtetet anëtare të BE-së janë të bashkuara”- shkroi të hënën në Twitter Stella Kyriakides, Komisionere e BE-së për Shëndetin dhe Sigurinë e Ushqimit. “Prodhuesit e vaksinave kanë përgjegjësi shoqërore dhe kontraktuale, të cilat duhet që t’i mbajnë”- theksoi ajo. Qeveritë evropiane kanë çdo të drejtë që të kërkojnë zbatimin e kontratave që kanë nënshkruar me kompanitë e vaksinave.

Mbi të gjitha, ato kanë paguar paraprakisht shuma të majme, duke pritur që dërgesat në fjalë të vijnë në kohë. Kontratat me kompanitë farmaceutike janë sekrete, por ka të ngjarë që ato t’u garantojnë prodhuesve të ilaçeve disa klauzola shmangieje nga përgjegjësitë në rastin e problemeve me furnizimin me vaksina.

Nga ana tjetër, Brukseli duhet të jetë i kujdesshëm për të bërë dallimin midis sjelljes oportuniste, dhe problemeve që mund të priten. Ekziston rreziku që politikanët t’i përdorin kompanitë e vaksinave si “koka turku” për të maskuar dështimet e tyre.

Kjo lloj sjellje është vërejtur edhe gjatë pandemisë, kur faji për përhapjen e Covid-19iu hodh më shumë turistëve tëhuaj sesa politikave të këqija të qeverive. Javën e kaluar, disa qeveri të BE-së u zemëruan me kompaninë Pfizer pasi ajo njoftoi një ulje të përkohshme të shpërndarjes së dozave,pasi po e riorganizonte prodhimin e vaksinës në një fabrikë në Belgjikë.

Pfizer premtoi se do t`a rikuperonte mungesën gjatë 3-mujorit të ardhshëm. Bashkëpunimi i ngushtë midis Pfizer dhe Izraelit, e ka lejuar vendin të arrijë rezultate të mrekullueshme në shpërndarjen e vaksinave. Fushata izraelite ofron leksione të çmuara.

Ndaj,BE-ja duhet të jetë e gatshme që të bashkëpunojë më ngushtë me kompanitë e vaksinave, për shembull duke ofruar ndihmë financiare kontraktorëve që zgjedhin t’i përshtatin fabrikat e tyre për të zgjeruar prodhimin.

Ndërsa më shumë para nuk do t’i zgjidhin që të gjitha pengesat, ato mund të ndihmojnë në zvogëlimin e tyre. Nuk është tepër vonë për të adresuar dështimet e mëparshme, por politikanët e BE-së duhet të veprojnë me shpejtësi. Rikthimi i normalitetit të dikurshëm është një garë që duhet të fitohet, si për arsye shëndetësore po ashtu edhe ekonomike. Ata që mbërrijnë të dytët do të përballen për një kohë të gjatë me pasojat

Kreu i OBSH për vaksinat: Vendet e pasura po zënë radhën, pjesa tjetër e botës ka mbetur pas

Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus ka akuzuar vendet e pasura se po përpiqen të “zënë radhën” në shpërndarjen e vaksinave. Ghebreyesus u shpreh po ashtu se shpërndarja e drejtë e vaksinave në të gjithë botën është një domosdoshmëri morale dhe thelbësore për t’i dhënë fund pandemisë. Tedros tha në një sesion të asamblesë parlamentare të Këshillit të Evropës të mërkurën se “premtimi i një aksesi të barabartë është në rrezik serioz”. “Një qasje e tillë lë më të varfrin dhe më të prekurin në botë në rrezik,” tha kreu i OBSH , ndërsa shtoi se mund të jetë vetë-shkatërrues. “Shumë vende kanë blerë më shumë vaksina sesa nevojiten. Tani përballemi me rrezikun e vërtetë që edhe kur vaksinat u sjellin shpresë atyre në vendet e pasura, shumë në botë mund të lihen pas,” shtoi Tedros. Tedros tha po ashtu që programi COVAX i OBSH-së kishtOBe siguruar kontrata për dy miliardë doza nga pesë prodhues këtë vit dhe ka mundësi për një miliard doza të tjera të bëhen në vitin e ardhshëm. “Dorëzimet e para të dozave të blera përmes programit duhet të bëhen muajin tjetër,” shtoi kreu i OBSH.

Mjeku i spitalit Infektiv Pëllumb Pipero është konfirmuar pozitiv me koronavirus.

Jo vetëm Pipero, mjekët dhe infermierët e vaksinuar të Infektivit kanë patur simptoma të forta Covid-i Mësohet se Pipero ndodhet duke u kuruar në shtëpi, ndërsa mjeku vetë shprehet se dalja pozitiv mund të jetë edhe për shkak të vaksinës që bëri disa ditë më parë. Ai ishte ndër të parët që u vaksinua duke marrë dozën e parë të vaksinës Pfizer më datë 11 janar dhe po priste dozën e dytë. Për të hequr çdo dyshim, pritet të bëhet një tjetër test pas 72 orësh.

Akademia e Shkencave e Shqipërisë aderon në Lëvizjen për Luftën Kundër Antisemitizmit

 


Vendimi i Akademisë së Shkencave të Shqipërisë për të aderuar në Lëvizjen për Luftën Kundër Antisemitizmit shpallet me rastin e 27 janarit, që është Dita Ndërkombëtare e Kujtesës Institucioni më i lartë akademik në Republikën e Shqipërisë është bërë pjesë e institucioneve simotrave në luftën kundër antisemitizmit. Akademia e Shkencave të martën ka miratuar vendimin për aderim në Lëvizjen për Luftën kundër Antisemitizmit. Përmes një letre që është nisur në adresë të Robert Singerit, kryesues i Qendrës Hebraike në Lëvizjen për Luftimin e Antisemitizmit, si dhe ambasadorit izraelit në Tiranë, Noah Gal Gendler, kryeakademik Skënder Gjinushi ka njoftuar për vendimin e Kryesisë së Akademisë shqiptare për t’u bërë pjesë e kësaj lëvizjeje, duke e miratuar përkufizimin e përdorshëm për antisemitizmin sipas kuptimit në dokumentin e Aleancës Ndërkombëtare për Përkujtimin e Holokaustit. “Duke qenë se shteti shqiptar është vend bashkëthemelues i Forumit Ndërkombëtar të Holokaustit, duke qenë se shteti shqiptar si vend organizator i Forumit të Ballkanit kundër Antisemitizmit ka pranuar interpretimin e antisemitizmit sipas përcaktimit nga Lëvizja kundër Antisemitizmit dhe është anëtarësuar në këtë lëvizje, duke qenë se Akademia e Shkencave është bashkëhartuese e Ligjit për Ditën e Kujtesës dhe organizatore e shumë konferencave shkencore në përputhje me të, duke qenë se botimet shkencore të Akademisë së Shkencave dhe bashkëpunëtorëve të saj kanë luajtur një rol të rëndësishëm për njohjen ndërkombëtare të rolit të Shqipërisë dhe shqiptarëve në mbrojtje të hebrenjve gjatë SHOAH-ut, Asambleja e Akademisë së Shkencave ka vendosur të aderojë si institucion në nismat ndërkombëtare IHRA (International Holocaust Remembrance Alliance) dhe CAM (Combat Anti-Semitism Movement)”, thuhet në letrën e Gjinushit. Ky vendim, sipas ASH-së, shpallet me rastin e 27 janarit, që është Dita Ndërkombëtare e Kujtesës. Ndërkaq, Shaban Sinani, sekretar shkencor në ASH, ka thënë se vendimi i Asamblesë së institucionit më të lartë akademik në Shqipëri u është përcjellë organizatave ndërkombëtare. Vetë kryetari i Qendrës Hebraike, Robert Singer, duke reaguar ndaj vendimit të ASH-së, e ka quajtur këtë si “vendim të jashtëzakonshëm” duke e cilësuar si hap kolosal që edhe një institucion akademik jo vetëm përcakton pozicionin e vet në lidhje me termin antisemitizëm në kuptimin e sotëm dhe në kushtëzimet që ka termi me Holokaustin, por ndikon që edhe institucione të tjera akademike e universitare në Ballkan të ndjekin një hap të tillë. Edhe ambasadori izraelit në Tiranë, Noah Gal Gendler, në letrën e dërguar në adresë të kryetarit të ASH-së, ka theksuar se “populli shqiptar ka mbajtur gjithnjë anën e vërtetë të historisë”.

Akademia e Shkencave e Shqipërisë do ta rikandidojë shkrimtarin Ismail Kadarenë për “Nobel”


Në 85-vjetorin e lindjes së akademikut Ismail Kadare, Akademia e Shkencave do të propozojë rikandidimin e tij për çmimin Nobel në Letërsi. Ky vendim do të njoftohet në një veprimtari shkencore me temën “Ismail Kadare, shkrimtar shqiptar në letërsinë botërore” që do të mbahet më 28 janar 2021, ora 12.00, në Akademinë e Shkencave, në sallën “Akademikët”. Lajmi është bërë me dije në një njoftim për mediat nga Akademia e Shkencave.

“Akademia e Shkencave e Shqipërisë, në nderim të 85-vjetorit të akademikut Ismail Kadare, do të organizojë një veprimtari shkencore me temën “Ismail Kadare, shkrimtar shqiptar në letërsinë botërore”. Veprimtaria do të mbahet më 28 janar 2021, ora 12.00, në Akademinë e Shkencave, në sallën “Akademikët”. Në këtë veprimtari, fjalën e hapjes do ta mbajë kryetari i Akademisë së Shkencave, akad. Skënder Gjinushi.

Më pas do të vijojë kumtesa me temë “Kadare në letërsinë europiane botërore”, që do të mbahet nga drejtori i Bibliotekës Kombëtare në Tiranë, z. Pirro Misha,  dhe më tej kumtesa e studiuesit të letërsisë shqipe, prof. Bashkim Kuçukut, , me temën “Kadareja në kritikën botërore, një paraqitje enciklopedike e ndërkombëtarizimit të veprës së shkrimtarit shqiptar; paraqitje e dy vëllimeve të para “Kadareja në kritikën franceze”.”

Pas këtyre kumtesave, do të jepet njoftimi për rikandidimin e shkrimtarit Ismail Kadare për çmimin Nobel në Letërsi nga kryetari i Akademisë së Shkencave, akad. Skënder Gjinushi, dhe më pas do të çelet ekspozita fotografike me foto dhe dëshmi që lidhen me momente kyçe të jetës së shkrimtarit, përgatitur nga Roland Tasho”, thuhet në njoftimin e Akademisë së Shkencave.


2021-01-26

‘Janë bërë gabime trashanike', mjekja shqiptare jep alarmin: Kujdes me këto trajtime kundër COVID-19!

 

‘Janë bërë gabime trashanike', mjekja shqiptare jep

Mjekja shqiptare në Gjermani, DR.Aurora Dollenberg teksa ka folur në lidhje me trajtimin e covidit-19, thotë se antiviralët janë dhënë në mënyrë të ekzagjeruar, ndërsa përdorimi i oksigjenit tej normës së duhur ka sjellë dëmtimin e mushkërinjve. 

Ajo i ka cilësuar si gabime trashanike mënyrën e marrjes së medikamenteve në sasi të tepruar.

“Janë blerë medikamente pafund. Antiviralët janë dhënë në mënyrë të ekzagjeruar dhe sidomos ato më të shtrenjtit. Ka pasur raste kur janë dhënë edhe 2 antiviralë të njëkohësishme me besimin e mirë që do të funksionojë edhe më tepër. Janë bërë gabime trashanike në disa lloj aspektesh mjekësore.

Tendenca që të gjithë shqiptarët të kenë një bombol oksigjeni dhe ta gëzojnë sipas një rekomondimi të mjekut, por jo shumë të qartë është shumë e lartë dhe mund të themi që kjo ka çuar në një dëmtim masiv edhe të mushkërinjve sepse pjesa më e madhe e tyre tentojnë që t’i japin oksigjenin deri në 10 litra po të jetë e mundshme gjë që ka edhe efekte toksike për mushkëritë”- shtoj  Dollenberg.

Me më shumë se 4.000 dhoma po ndërtohet godina në veri të Kinës.


Ç'po paralajmërohet? Dalin pamjet satelitore se

Në Kinë vazhdon që numri i personave të infektuar me koronavirus vazhdon të rritet. Nga të dhënat e fundit zyrtare dhe në përgjigje të një vatre të re të koronavirusit në Shijazhuang, një qytet me më shumë se 10 milionë banorë ka nisur të ndërtohet një godinë gjigante.

Pamjet satelitore të siguruara nga Agjencia Evropiane e Hapësirës, tregojnë ndryshimet e kryera përgjatë 10 ditëve në një zonë, ku kishte pasur vetëm tokë.

Me më shumë se 4.000 dhoma po ndërtohet godina në veri të Kinës.

Mediat vendase shkruajnë se deri më 19 janar kanë qenë gati rreth 600 dhoma, ndërsa priten që shumë shpejt të ndërtohen 3.600 të tjera.

Kujtojmë që vitin e kaluar dy spitale, Housheshan dhe Leshenshan, u ndërtuan brenda ditësh për të trajtuar pacientët me COVID-19 në qytetin e Wuhan, ku u zbulua për herë të parë koronavirusi.

JULIA VRAPI : Xhahid Bushati: Personaliteti i shkrimtarit të mos jetë mjeran, por të ketë vendin që i takon dhe respektin për vlerat që sjell

 


Xhahid Bushati: Personaliteti i shkrimtarit të mos jetë mjeran, por

Letërsia shqipe dhe kritika letrare për studiues të ndryshëm duhet të jenë më cilësore, edhe pse problemet që përballet krijimtaria nuk janë të pakta. Në muajin e parë të këtij viti shkrimtari dhe studiuesi Xhahid Bushati thotë se për letërsinë shqipe shpreson që të bëjë hapa drejt vlerave, sepse në raste të shumta kanë munguar. Për studiuesin Xhahid Bushati, personaliteti i shkrimtarit në vendin tonë të mos jetë mjeran dhe shpreson, që ai të marrë vendin që meriton me aktivitetin e tij. “Shpresoj, që dinjiteti dhe personaliteti i shkrimtarit shqiptar të mos jetë mjeran, por të ketë vendin që i takon, të respektohet për vlerat që sjell. E kam fjalën për krijuesin e vërtetë”, shprehet mes të tjerave studiuesi Bushati. Duke folur për problemet në fushën e letërsisë, Bushati thotë se duhet të ketë më shumë vëmendje edhe për bashkëpunimet me Kosovën për krijimtarinë letrare. Për studiuesin Bushati, urat e bashkëpunimit me Kosovën duhet të jenë të dukshme, sepse kanë munguar. “Duke shpresuar që t’i kthehemi normalitetit të jetës, për vitin 2021 që sapo kemi filluar, do të doja që letërsia shqipe të ishte më cilësore, të bënte hapa të mëtejshme drejt hierarkisë së vlerave, sepse në të shumtën e rasteve kanë munguar ato. Për një plotësim të mëtejshëm të portretit të kësaj letërsie, urat e bashkëpunimit me letërsinë që zhvillohet në Kosovë, të ishin më të dukshme, më të dobishme dhe më të shfaqshme. Përgjithësisht kanë munguar”, shprehet në një reagim të tij shkrimtari Xhahid Bushati. Herë pas here si autor Xhahid Bushati ka reaguar për problemet me të cilat përballen shkrimtarët në vendin tonë, por sipas tij pak bëhet për njohjen e zhvillimeve të letërsisë të Shqipërisë dhe asaj që shkruhet në Kosovë. “Më duket se zhvillimet e letërsisë shqipe, si Shqipëria, si Kosova nuk i njohin njëra-tjetrës. Pak përpjekje bëhen në këtë drejtim. Nuk mund të flasim për letërsinë shqipe pa e njohur të plotë atë. Gjithashtu pa njohur edhe krijuesit e talentuar, që jetojnë në Evropë e më larg. Mendoj, se letërsia shqipe do të jetë gjysmake. Kjo nuk është mirë”, vijon më tej shkrimtari.

Hapa para në krijimtari

 Jemi në muajin e parë të vitit 2021 për të cilin shkrimtari dhe studiuesi Xhahid Bushati thotë se pret që të evidentohen vlerat, që janë harruar. Sipas tij, në krijimtarinë tonë letrare kujtesa duhet të jetë më e pranishme, sepse do të shërbejë për një gjykim më realist të vlerave. “Në këtë vit pres që studimet letrare dhe kritika letrare të bëjnë më shumë hapa. Evidentimi i vlerave të traditës së harruar apo pak të studiuar të shumë fenomeneve letrare, të veprave apo krijuesve mbetet udhërrëfyese për këto shkenca. Kujtesa duhet të jetë më e pranishme dhe e dukshme, sepse produkti i zhvillimeve letrare në kohë e hapësirë, do të na shërbejnë për një gjykim më realist e jashtë standardeve shpesh të realizmit socialist, që mjerisht ende ka ndikim”, vijon më tej ai. Si autor Xhahid Bushati është i njohur dhe me krijimtarinë letrare për fëmijë, ku prej vitesh vazhdon të sjellë libra të ndryshëm. Ai thotë se sa i takon letërsisë shqipe për fëmijë, veçanërisht disa gjini, si: poezia, novela, romani të kishin kuota të reja rreth problematikave të jetës së fëmijëve. “Kjo sepse, aktualisht këtë letërsi, por veçanërisht atë parashkollore dhe shkollore, të mos e kërcojnë botimet pa vlerë e komerciale, didaktike me shabllonizmat e moralizimet steriotipe, etj. Pra, letërsia shqipe të ketë frymëmarrje më të gjerë jetësore”, shprehet Bushati. Si autor Xhahid Bushati është i pranishëm me botimet e tij jo vetëm në Shqipëri, por dhe në Kosovë, Maqedoni e Ulqin. Para dhe pas viteve ’90 është nderuar me çmime kombëtare të organizuar në konkurse të ndryshme letrare dhe artistike, që janë organizuar nga institucione, por dhe Shoqata e Shkrimtarëve të Letërsisë për Fëmijë e të Rinj, si dhe nga organe të ndryshme letrare- artistike. Xhahid Bushati shkruan poezi, prozë, merret me publicistikë e studime të letërsisë.

Behar Gjoka: Autori në letërsinë shqipe është pa të drejta, nuk ka vlerësim

 NGA JULIA VRAPI

Behar Gjoka: Autori në letërsinë shqipe është pa

Në javët e fundit të këtij viti, por nuk ka qenë i lehtë dhe për autorët me krijimtarinë letrare. Edhe pse nga institucionet janë bërë me dije projekte, që sipas tyre kanë pasur në fokus autorin dhe librin shqip, sërish problemet me të cilat u përballën shkrimtarët nuk kanë qenë të pakta. Studiuesi Behar Gjokja, në një reagim të tij kur jemi në muajin e fundit të këtij viti thotë se në një kohë pandemie problemet nuk janë pak dhe është një kohë e vështirë. Sipas tij kjo nuk duhet harruar, dhe si autori dhe gjithë shoqëria janë në një kohë të vështirë pandemie. “Gjatë këtij viti po të nisesh çfarë është thënë në media duket sikur është bërë nami. Por realisht unë mendoj, si letërsia, si autori dhe si e gjithë shoqëria jemi në pandemi, dhe të mos harrohet kjo rrethanë”, thotë studiuesi Gjoka, në një reagim të tij këtë muaj të fundit të 2020. Duke folur për çfarë ka ndodhur gjatë këtij viti me librin dhe autorët në vend, studiues Behar Gjoka vijon më tej se ka një zmadhim të gjërave që bëhen, ku ndalet dhe tek panairi i librit disa kohë më parë. “Ka një zmadhim gjeometrik të gjërave që janë bërë formalisht dhe të realizimeve konkrete, ku mjafton të thuash se çfarë ishte panairi i librit këtë vit dhe e ke marrë përgjigjen, për sa i përket marrëdhënies me librin për këtë periudhë që jemi”, shprehet më tej studiuesi Behar Gjoka. Sërish në qëndrimin e tij studiues i cili reagon herë pas here për letërsinë dhe autorët me problemet e tyre, thotë se këta të fundit nuk kanë të drejta. Sipas Behar Gjokës, autori në vendin tonë nuk është i vlerësuar. “Autori tek ne nuk ka të drejtën e tij. Si qenka i vlerësuar autori? Autori në letërsinë shqipe është pa të drejtë autori. Si qenka i vlerësuar?”, thotë studiuesi Gjoka.

 Letërsia det ku kridhesh

Por në lidhje çfarë ka ndodhur me krijimtarinë letrare, sipas studiuesit Gjoka letërsia, ose arti i fjalës, siç emërtohet ndryshe është vrapim me pengesa. “Shumë e nisin garën e lirë për dështim apo suksese. Pak, fare pak, mbërrijnë zenitin, madje aty arrijnë ata që nuk e menduan kurrë, ata që patën vetëdijen e kërkimit. Është ajo situata e vetëdijes së pavetëdijshme, që të ndih me shtegtuar në mes telave me gjemba, që e qarkëzojnë atmosferën, jo vetë shkrimin, tekstin, pra ligjërimin. Zbulimin e vlerës, e pranisë së shenjës letrare, e mundëson akti i leximit, si një proces i hapur, ose rileximi, që ka gjasa të vërë në dyshim edhe leximin e secilit prej lexuesve”, shprehet ai në një status të tij. Gjoka vijon se marrëdhënia me letërsinë, nga fillesa e në vijim, e sidomos në kohën kur secili është ekspert jashtë fushës së vetë, ka gjalluar dhe do të vijojë ekzistimin e vetë, në zgrip gati të pazbërthyeshëm. “Si mundësi kushdo ka gjasa të shkruaj, por jo të gjithë mbërrijnë te përçimi i vlerës, që me domosdo kapërcen autorin dhe kohën e tij. Shkrimi unik letrar, në poezi, prozë, dramatikë, apo metatekstet mbi letërsinë, kritika, eseja dhe studimi letrar, kërkojnë dhe shqiptojnë thelbe të përveçme shkrimi. Letërsia para së gjithash lyp talentin, që nuk ka mundësi që të jetë i shpërndarë të secili njeri. AND-ja letrare, e vështruar në gjithëkohësi dhe gjithëhapësi, ka qenë bujare, por jo dorëlëshuar. Pra, majat letrare janë të shumta, porse janë të shtrira në kohë dhe hapësirë, e secili brez, madje secili njeri, në njëfarë kuptimi i zbulon”, thotë studiuesi Behar Gjoka në pohimin e tij. Në pikën e dytë, studiuesi shton se lexues i letërsisë është kushdo, madje mjerë ai njeri, që rreket të merret me shkencë, histori apo filozofi, e të mos kridhet në hapësirat e pamatshme të saj. Megjithatë sipas Gjokës, në mes leximit për kënaqësi, dhe leximit si akt zbulues dhe depërtues në vlerat e tekstit, ka dallim. “Leximi kënaqësidhënës, vërtet është më i lirë, jashtë detyrimit të “shpjegimit” dhe zbërthimit të tekstit dhe ligjërimit letrar. Nga ana tjetër, leximi zbulues, kritik, studimor, marrëdhënien me tekstin e lë të lirë, si një proces i pambyllur, në gjithëkohësi. Marrja përsipër e zbërthimit, e kalon masën e gjasës, leximi nuk është akt trimëror, është akt përndritje dhe përjetimi, me bindjen se letërsia bart enigmën e pamundësisë për ta shpjeguar, në secilin grimëz, e këtu qëndron magjia e letërsisë, si limfa ku strehohet qenia, sidomos fryma shpirtërore”, shprehet Gjoka. Në përfundim të reagimit të tij, studiuesi Behar Gjoka thotë se në letërsi e vlen të kridhesh edhe pse nuk di not, së paku për ta lexuar, se shkrimi po nuk e dimë se është zonë e minuar, i kemi hyrë detit me këmbë.

Pandeli Majko

  Prof.dr. Eshref Ymeri   Pandeli Majko në vazhdën e tradhtisë së Enver Hoxhës dhe të Hysni Kapos   Në faqen e internetit të gazet...