Jakup Krasniqi: Ka vite që studentët janë vënë në shërbim të mbledhësve të votave për sundim

Deputeti dhe kryetari i Këshillit Kombëtar të NISMA's, Jakup Krasniqi, në një shkrim të postuar në Facebook, për gjendjen e fundit në Universitetin e Prishtinës, thotë se studentët duhet të marrin përgjegjësitë që u takojnë: të protestojnë për mungesën e profesorëve, për ligjëratat e dobëta, për numrin e madh të studentëve.
Ai thotë se "sikur të mos ishte kryer puçi mbi Kuvendin", deri tani ky institucion do të duhej të merrej seriozisht me çështjen e arsimit.

Shkrimi i plotë në Facebook:
PËRCKA DUHET TË PROTESTOJNË STUDENTET?

Shkruan: Jakup Krasniqi

Sikur mos të ishte suspenduar nga një veprim më shumë se arbitrar puna e Kuvendit të Kosovës; sikur mos të ishte kryer puqi “kushtetues” mbi organin më të lartë të shtetit; sikur mos të ishte plagosur për vdekje Republika Parlamentare e parlamentarizmi, Kuvendi i Kosovës do të duhej të merrej seriozisht me çështjen e arsimit në përgjithësi e të arsimit të lartë në veçanti. Por kjo është e pa mundësuar nga ata që patën fytyrë të na flasin për demokracinë!!! në ditën e Demokracisë me Kuvend të suspenduar. Një soj i njerëzve mendon se fytyra e njeriut është sa Fushë e Banatit e jo “dy gisht” fytyrë që lehtë mund të humbet!? Pasi fjala në Kuvend është pamundësuar, e shfrytëzoi ketë formë për ti shfaqur shqetësimet e mija jo vetëm si deputet i zgjedhur, por në rend të parë si arsimdashës e qytetar i Republikës Parlamentare.

Pa dashur të bëhem avokat i Rektorit të posa zgjedhur, të cilin personalisht nuk e njoh, nuk mund të pajtohem me veprimet e ngutshme të studentëve, të cilët nuk reaguan meritueshëm ndaj asnjë skandali dhe veprimi shkatërrues në arsimin e lartë gjatë gjithë këtyre viteve, në vend se të bëhej e kundërta. Studentët duhet të reagojnë e të protestojnë fuqishëm e guximshëm, parësisht për ngritjen e cilësisë së studimeve e jo të bëhen argat të këtij apo atij rektori a ish rektori që kanë kontribuar në degradimin e Universitetit publik. Sigurisht që nuk ka qenë e zgjedhur as gjuha e Rektorit të posa zgjedhur të cilit nuk po i epet koha e duhur për të treguar përgjegjësinë e tij në ndryshimin e gjendjes në arsimin e lartë. Ai është dashur të fliste më një gjuhë të zgjedhur, se atë detyrë po e pranonte për hir të Universitetit e jo të interesit personal a familjar, se ishte sakrificë e jo privilegj të qenit Rektor në këto momente. Nëse Rektori i ri e ka thënë një të vërtetë që i ka goditur veset e ndonjë studenti, qoftë ai apo ata edhe përfaqësues studentor, në ketë rast ata do të duhej të reflektonin e jo të pretendonin se janë të pa prekshëm nga veset e këqija të shoqërisë sonë në tranzicion.

Në rastin tonë, studentet duhet të përcaktohen, për rikthimin e gjendjes se shitblerjes se notave, të vazhdimit të agonisë më shumë se dhjetëvjeçare apo të mendonin më shumë për rehabilitimin e studimeve në Universitetin e Prishtinës – “Hasan Prishtina”.

Ne, në Kosovë nuk mund të jemi të pa kënaqur me shumësinë e numrit të studentëve të regjistruar në universitetet tona publike e private, por duhet të jemi më shumë se të shqetësuar me kualitetin e studimeve në të gjitha fakultetet e universiteteve tona. Pse studentet tanë nuk po reagojnë a protestojnë asnjëherë, e më asnjëherë për ligjërata të dobëta, për cilësinë e dijeve që marrin dhe për mungesat e shumta të profesorëve në orët e mësimeve, disa prej të cilëve janë bëre supremen për vende e shumta të punës, në vendim më shumë të papunë.

Kosova që sa vite nuk mund të qahet (ankohet) për numrin e madh të studentëve që regjistrohen për çdo vjet, sidomos ata që regjistrohen në fakultetin ekonomik e juridik dhe njëkohësisht ekonomistët e juristët na mungojnë me të madhe. Pse? Me keqardhje duhet ta them, ka vite që studentet janë vërë në shërbim të mbledhësve të votave për sundim! Studentet duhet të vihen në shërbim të studimeve të përparuara, pa të cilat nuk ka zhvillim e progres shoqëror.

Personalisht do të ndihesha shumë më mirë sikur gjendja të me demantonte apo të ishte ndryshe!

Nuk ka demokraci pa zbulimin e krimeve të pasluftës

Në ditën ndërkombëtare të demokracisë, të gjithë janë skeptik për funksionimin e mirëfilltë të saj në Kosovë.

15 shtatori e gjeti Kosovën pa institucione të konsoliduara dhe me mungesë të sundimit të mirëfilltë të rendit dhe të ligjit,gjë që është cekur edhe në shumë raporte të organizatave të ndryshme botërore.

Njohësi i çështjeve Kushtetuese, dr. Riza Smaka, thotë për “Bota sot”, se në Kosovë ka pak demokraci pasi demokracia sipas tij konsiston me shtetin ku sundon e drejta, rendi dhe ligji të cilat mungojnë në vendin tonë.

“Ne vendin tonë, mjerisht , ka pak demokraci! Nuk mund të definohet demokraci dalja e shëtitja e papenguar apo qëndrimi në një kafe bar lirshëm dhe papenguar. Demokracia e mirëfilltë konsiston në shtetin në të cilin sundon e drejta, kushtetuta, aktet ligjore e nënligjore dhe ku përfillet moraliteti shoqëror. Po ashtu në vendin tonë gjithnjë funksionon dobët administrata publike dhe gjyqësori dhe për aq zhegiten e hërë mohohen te drejtat themelore te qytetareve! “,thotë Smaka për “Bota sot”.

Sipas dr. Smakës, shumë shpesh ndodhë që edhe institucionet publike t`i cenojnë rregullat e demokracisë e po ashtu përbën problem edhe mos zbulimi i krimeve që nga viti 1999 e këtej.

“Nuk janë te rralla rastet kur institucionet publike më të larta më të thirrurat për zbatimin e Kushtetutës e të akteve ligjore, pikërisht vet i cenojnë ato akte bazike! Ose pothuaj se asnjë rast kriminal nga viti 1999 e sot pothuaj se nuk është zbuluar! Së andejmi rezulton se në vendin tonë nuk sundon e drejta dhe për aq pak mund të flitet për ekzistimin e demokracisë!”,potencon Smaka.
Ndërkaq, publicisti Nehat Hyseni thotë se qështja e demokracisë dhe funksionimit të sajë në çdo vend, e sidomos tek ne në Kosovë, ka rëndësi të veçantë, madje jetike.

“Kushtet për një demokraci të mirëfilltë në Kosovë u mrijuan pas përzënies së regjimit antishqiptar të Serbisë nga Kosova në vitin 1999. Atëherë mori fund regjimi totalitar dhe fashist që bëri gjenocid mbi shqiptarët dhe filloi rindërtimini vendit dhe institucioneve demokratike e shtetërore. Por, meqë Kosova ishte nën administrim të plotë ndërkombëtar deri më 17 shkurt 2008, kushtet për zhvillimin e demokracisë nuk ishin optimale”,thotë Hyseni.

Andaj,sipas tij pritjet e qytetarëve ishin pas shpalljes së Pavarësisë ishin të mëdha.
“Mirëpo, së shpejti arriti zhgënjimi, meqë nuk kishim ndonjë zhvillim domethënës të demokracisë, meqë pushteti tek ne uzurpohet nga partitë politike parlamentare, të cilat funksionojnë në baza tejet jodemokratike, madje disa prej tyre edhe diktatoriale, të cilat janë të zhytura deri në fyt me korrupsion”,thotë ai.

Hyseni thotë se nga kjo rezulton se partitë jodemokratike nuk kanë mundësi dhe vullnet e gadishmëri të formojnë institucione demokratike dhe ta demokratizojnë pushtetin.

“Se deri ku kanë arritur gjërat në ngulfatjen e demokracisë, tregon edhe kriza aktuale dhe ngërçi politik mbi tre muaj pas zgjedhjeve të jashtëzakonshme parlamentare të 8 qershorit 2014. Kuvendi është bllokuar nga pakica parlamentare që do të mbetet në opozitê, që numëron gjithsej 37 deputet, që d.m.th. më pak se 1/3 e deputetëve të Kuvendit të Kosovës. Kjo pakicë pretendon që me çdo kusht ta rimerr sërish pushtetin, fillimisht postin e kryetarit të Kuvendit të Kosovës, post ky të cilin e synojnë edhe VLAN-i . Në Kosovë është uzurpuar gjatë kohë dhe akoma po na mban peng të gjithëve kjo këmbëngulje që ka ngulfatur funksionimin e shtetit dhe të demokracisë”, vlerëson ai.

Për publicistin Hyseni, demokracia nënkupton sistemin e qeverisjes së popullit, e jo të oligarkive politike e ekonomike, që ia kanë frymën shtetit dhe ekonomisë.
“Prandaj, lufta e sinqertë për demokraci dhe për ruajtjen e integritetit dhe sovranitetit në tërë territorin e saj, paraqesin detyra më me përparësi e prioritet ndaj shumë çështjeve tjera të rëndësishme në Kosovë”, shprehet ai.

Nehat Hyseni.: Kosova “pashallëk” i Beogradit?!

Hija e regjimit të Serbisë duhet të shporret sa më parë nga Kosova! Qytetarët serbë të Kosovës janë shtetas të Kosovës dhe ata nuk mund dhe nuk guxojnë kurrsesi të trajtohen ndryshe nga ajo se si trajtohen shqiptarët e Luginës së Preshevës dhe viseve të tjera gjithandej në Serbi, thotë analisti politik Nehat Hyseni.

Hyseni thotë se, askush sot nuk mund të na kuptoj se si akoma dikush nga politikanët aktualë të Republikës së Kosovës pret urdhra nga Beogradi dhe e bllokon punën e Kuvendit të Kosovës, që na sollën bllokadë dhe ngërç politik, duke ia lejuar, madje edhe duke ia kërkuar Serbisë që të përzihet në punët e Kuvendit dhe shtetit të Kosovës!

Bllokada politike, sipas diktatit të Serbisë?

“Vazhdimi i mbledhjes konstituive të Kuvendit të Kosovës i 17 korrikut 2014, që ishte caktuar për 12 shtator, megjithatë nuk u mbajt, meqë deputetja më e moshuar, zonja Flora Brovina, të cilës i ra hise të jetë kryesuese deri në zgjedhjen e kryetarit, vendosi që ta shtyj për datën 18 shtator 2014. Në takimin konsultativ të partive parlamentare të Kosovës, që kishte caktuar deputetja Brovina për datën 11 shtator, ajo i caktoi edhe një herë vetes kompetenca që nuk i takojnë, as me Rregulloren e punës së Kuvendit të Kosovës e as me Kushtetutë. Ajo de facto e (vet) shpalli veten kryetare të Kuvendit të Kosovës”, thotë Hyseni, për gazetën "Bota sot".

Sipas tij, si duket as kjo nuk i mjaftoi zonjës Brovina, prandaj edhe e mori rolin edhe të Presidentes, duke i dhënë (vet) vetes lirinë dhe të drejtën e ndërtimit të “unitetit” të subjekteve politike në vend?!

"Kuptohet, nga pozitat e militantes, por dhe misionares fanatike të PDK-së dhe shefit të saj, kryeministrit në ikje, Hashim Thaçit. Kjo u vërejt shumë qartë edhe në mbledhjen e 17 korrikut, kur ajo këmbëngulte për një “konsultim” midis partive politike, me qëllim të përfshirjes së PDK-së në qeverisje. Insistimi këmbëngulës i tyre është konkretisht për postin e kryetarit të Kuvendit. Meqë i kanë vetëm 37 deputetë dhe u mungojnë minimalisht edhe 24 vota, meqë për ta realizuar këtë objektiv të tyre politik, atyre u duhen së paku 61 vota, që realisht nuk i kanë”, potencon ai.

Ai thekson se, prandaj, ata janë këmbëngulës në insistimin e tyre për marrëveshje të partive politike, në mënyrë që të sigurojnë diçka në qeverisjen e ardhë qeverisjen e ardhshme të Kosovës, për periudhën e ardhshme katërvjeçare 2014-2018.

“Pra, atë që nuk e arritën në zgjedhjet e jashtëzakonshme parlamentare të 8 qershorit 2014, ata po përpiqen që ta realizojnë me këmbëngulje, kokëfortësi dhe me shantazhe të pafund, nëpërmes deputetes Brovina. “Sihariqi” i fundit i saj ishte nga takimi i partive politike më 11 shtator, ku morën pjesë vetëm PDK me minoritetet. Aty ndodhi befasia më e papritur edhe për militantët fanatikë të PDK-së dhe shkaktoi shumë pakënaqësi tek Koalicioni paszgjedhor LDK-AAK-Nisma dhe Lëvizja Vetëvendosje, meqë mbledhja e caktuar për 12 shtator, u shty për datën 18 shtator 2014, me propozimin e Lista Serbe, vlerëson Hyseni.

Hyseni pohon se, arsyetimi që e dhanë ata lidhur me kërkesën për shtyrjen e datës së vazhdimit të mbledhjes konstituive, nga 12, në 18 shtator, ishte katastrofale dhe i pa pranueshëm, meqë ata po e kërkonin kohën për konsultime me qeverinë e Serbisë në Beograd lidhur me atë se a duhet të jenë pjesë e Koalicionit pas kyçjes së Lëvizjes Vetëvendosje në te.

“Do të thotë se pa pëlqimin e Beogradit, nuk mund të mbahet mbledhja konstituive e Kuvendit të Kosovës! Dhe, për çudi, z. Brovina pa kurrfarë hezitimi e (mirë) priti dhe miratoi këtë “propozim”, pa asnjë vërejtje apo kundërshtim! Madje, pa i bërë fare përshtypje zonjës Brovina implikimi i Qeverisë së Beogradit në punët e Kuvendit të Kosovës, sikur të ishte Kosova provincë e Serbisë, apo “pashallëk” i Beogradit”, shton ai.

Më tutje Hyseni thotë se, shërbimet dhe servilizmi ndaj Serbisë i qeverisjes së deritanishme të Kosovës nga Qeveria aktuale në ikje, janë të pafund.

“Duke filluar nga shërbimi me devotshmëri fanatike ndaj Serbisë në Dialogun e Brukselit, ku u bënë lëshime të paimagjinuara Serbisë me nënshkrimin e Marrëveshjes së Brukselit të 19 prillit 2013, që u cilësua nga populli, e sidomos nga shqiptarët e Luginës së Preshevës, si tradhti kombëtare ordinere, meqë as që i ra në mend dhe nuk iu kujtua ekipit negociator të Kosovës në krye me Edita Tahirin, si dhe shefit të saj, kryeministrit Hashim Thaçi se ekzistojnë fare këta shqiptarë të mjerë, të cilët askund nuk u përmendën fare, madje as në margjina të Dialogut. Me këtë, kjo Qeveri në ikje ka shkruar një histori të turpshme dhe kriminele ndaj kësaj pjese të shqiptarisë”, thotë ai.

Ai pohon se, dialogu i Brukselit e dëmtoi rëndë edhe Kosovën. Sepse, aty u nënshkrua formimi i Asociacionit të komunave serbe, që paraqet një “Republika Serbe” të Bosnjës, që do e bëjë edhe Kosovën shtet skajshmërisht jofunksional, ashtu si është Bosnja sot, me çka u shkelë rëndë sovraniteti territorial dhe Pavarësia e Kosovës, e shpallur më 17 shkurt 2008.

Stop servilizmit ndaj Serbisë!

“Kështu, Serbisë iu mundësua me “argatllëkun” dhe servilizmin e negociatorëve kosovarë, hapja e rrugës drejtë Evropës dhe marrja e ftesës për fillimin e bisedimeve për anëtarësim në BE. Kurse Kosova çfarë fitoi? Mjerisht, asgjë! Madje as vizat për lëvizje të lire të qytetarëve të saj në Evropë, duke mbetur vendi më i izoluar në Evropë, ku populli i saj jeton sin ë karantinë”, thotë Hyseni.

Sipas tij, si duket, këto bisedime u zhvilluan pa kurrfarë parimesh e kriteresh, që e afroi Serbinë me BE-në, duke ia shkurtuar rrugëtimin në këtë drejtim, kurse Kosovën e sakrifikoi dhe largoi edhe më tepër nga rruga dhe perspektiva e saj euroatlantike.

“Andaj, Qeveria e re duhet që ta shqyrtoj urgjentisht Dialogun ne Brukselit dhe përformancën e palës kosovare në këtë dialog ta analizoj mire dhe të merr masat dhe përgjegjësinë përkatëse për ekipin negociator, si dhe ta rishqyrtoj të Marrëveshjen e 19 prillit 2013, dhe t’i hartoj parimet e reja të vazhdimit të dialogut me Serbinë. Gjithsesi, aty patjetër duhet ta përfshijë parimin e reciprocitetit të Kosovës me Serbinë, si dhe parimin e reciprocitetit lidhur me të drejtat e serbëve të Kosovës me të drejtat e shqiptarve në Serbi”, thekson ai.

Ai thotë se historia e servilizmit dhe përuljes së Kosovës ndaj Serbisë është e gjatë. Ashtu ishte që nga vjeshta e vitit 1912, kur Kosova gjatë Luftës së pare dhe të dytë Ballkanike, u masakrua dhe nënshtrua me gjak, si dhe gjatë periudhës së socializmit dhe regjimit të Millosheviqit.

“Por, atëherë Kosova ishte e nënshtruar dhe nën ushtrinë, policinë dhe regjimin e egër serb. Kurse tani, me largimin e ushtrisë, policisë dhe regjimit serb nga Kosova në vitin 1999 dhe me futjen e NATO-s dhe mbikëqyrjes ndërkombëtare në formë protektorati, e sidomos pas shpalljes së Pavarësisë në vitin 2008, vërtetë ky servilizëm ndaj Serbisë nuk ka kurrfarë kuptimi dhe nuk mundë të arsyetohet nga askush, as para popullit e as para Zotit!”, deklaron Hyseni.

Hyseni thekson se, hija e regjimit të Serbisë në Kosovë duhet të shporret sa më parë. Qytetarët serbë të Kosovës janë shtetas të Kosovës dhe ata nuk mund dhe nuk guxojnë kurrsesi të trajtohen ndryshe nga ajo se si trajtohen shqiptarët e Luginës së Preshevës dhe viseve të tjera, si p.sh. në Beograd dhe në Novi Sad e gjetiu në Vojvodinë dhe në Serbi.

“Askush sot nuk mund të na kuptoj se si akoma dikush nga politikanët e Republikës së Kosovës pret urdhra nga Beogradi dhe e bllokon punën e Kuvendit të Kosovës dhe formimin e institucioneve demokratike e shtetërore dhe Qeverisë së re, tre muaj e më tepër nga zgjedhjet e jashtëzakonshme parlamentare të 8 qershorit 2014. Atëherë populli votoi me sukses dhe ato zgjedhje u vlerësuan sit ë suksesshme e dinjitoze”, thotë ai.

Sipas tij, politikanët e papërgjegjshëm na sollën në bllokadë ekstreme dhe në ngërç politik, duke ia lejuar, madje edhe duke ia kërkuar Serbisë që të përzihet në punët e Kuvendit dhe shtetit, si dhe akoma ta sundoj Kosovën!

Ai pyet se, “vallë, a mund të këtë tradhti më të madhe kombëtare në Kosovën e lirë, sovrane dhe të pavarur se sa kjo? A nuk i rrezikuam vlerat elementare të shqiptarizmës dhe të demokracisë, ndjenjave të lirisë, pavarësisë e shtetësisë sot në Republikën e Kosovës, ku madje as mbledhjen konstituive të Kuvendit të Kosovës nuk mund ta mbajmë pa e pyetur Serbinë?

A duhet të japin llogari para popullit dhe historisë personat përgjegjës që i kanë veshët e shurdhër ndaj kërkesave eksplicite të subjekteve politike shqiptare të Kosovës, si dhe të miqve tanë strategjik ndërkombëtarë, si p.sh. ambasadorja e SHBA-së, zonja T. Jacobson dhe përfaqësuesi i BE-së, z. S. Zhbogar, që na sugjerojnë që “sa më pare të formohen institucionet e Kosovës” dhe të mos zhagitet më procesi i funksionimit të Kuvendit të Kosovës?

A duhet të jep ndokush përgjegjësi, apo akoma do ta vazhdojmë avazin e vjetër që edhe sot e kësaj dite dhe në të ardhmen ta pyesim Serbinë, gjashtëmbëdhjetë vjet pas hyrjes së Aleancës më të madhe ushtarake në botë, NATO-s dhe gjashtë vjet e gjysmë nga shpallja e Pavarësisë së Republikës së Kosovës?”, thekson Nehat Hyseni.

Ambasadori norvegjez z.Jan Braathu paralajmëron zgjedhje të reja në Kosovë

Ambasadori i Norvegjisë Jan Braathu ka paralajmëruar se Kosova shumë shpejtë do të shkoj në zgjedhje të reja duke kërkuar nga organet përkatëse që të merren masat e duhura për një sistem zgjedhor më kredibil dhe më të avancuar. Këto vlerësime Ambasadori norvegjez i bëri në tryezën me titull “Zgjedhjet e fundit – mundësi për reflektim në legjislacionin zgjedhor”, të organizuar Demokracia në Veprim me ç’rast u publikua edhe raporti përfundimtar i vëzhgimit të zgjedhjeve të parakohshme parlamentare të 8 qershorit 2014.
“Duhet marrë masa konkrete në avancimin e sistemit zgjedhor, sepse mund të kemi prapë zgjedhje ndoshta edhe më shpejt sesa që ne presim”, tha Braathu. Po ashtu Braathu ka adresuar një varg çështjesh, për të cilat ka thënë ai, duhet përmirësuar në procesin e ardhshëm zgjedhor.
“Ato që janë evidente në çdo palë zgjedhje në Kosovë është pastrimi i listave me emrat e të vdekurve, pastaj të evitohen mundësia për votat e pavlefshme sikur edhe informimi me kohë për gjetjet e vendvotimeve”, ka thënë ai duke u bërë thirrje organeve vendore që të punojnë që sistemi elektoral të jetë më i avancuar.
Ambasadori norvegjez ka premtuar se në këtë drejtim do ta kenë edhe përkrahjen ndërkombëtare.
Nga ana tjetër edhe përfaqësues të subjekteve politike në vend kanë dhënë vërejtjet e tyre për këtë raport, kurse kryetarja KQZ-së Valdete Daka tha se institucioni që ajo udhëheq është i gatshëm që në çdo kohë të organizoj zgjedhje, vetëm që siç tha ajo koha prej gjashtë muajsh do të ishtë mëse e nevojshme për përgatitjen e mirëfilltë të zgjedhjeve.
Nga ana tjetër, Jetmir Bakija nga Demokracia në Veprim paraqiti disa nga sfidat me të cilat procesi elektoral është zhvilluar që nga pas-lufta.
“Ajo që është shqetësuese e që u është evidentuar si parregullsi është pjesëmarrja apo shfrytëzimi i shërbyesve civil në fushatën elektorale sikur edhe shfrytëzimi i resurseve publike gjatë fushatës. Një parregullsi e cila do të duhej të rregullohet në proceset e ardhshme zgjedhore është edhe pastrimi i listës së votuesve, si dhe informimi më i madh i qytetarëve për mënyrën e votimit në vendvotimet se ku duhet votuar”, ka thënë ai.
Sipas tij, mosinformimi me kohë dhe i mjaftueshëm ka reflektuar që numri i votave të pavlefshme të jetë i madh prej 4.2 për qind.
Po ashtu sipas Bakisë mbetët shqetësuese edhe dalja e ultë e qytetarëve në zgjedhje sikur edhe propaganda e thekuar politike gjatë procesit të votimit. Ai ka kërkuar që kjo gjë duhet të evitohet në të ardhmen.
Ud. I drejtorit të USAID-i Kristofer Edvards tha se Kosova ka bërë një progres në procesin elektoral, ndërsa ka theksuar se duhet t’i kushtohet vëmendje rritjes se përqindjes së daljes në votime.
“Pa përjashtuar as ndërkombëtarët por edhe vendoret duhet të punojmë maksimalisht për një proces edhe më të avancuar zgjedhor”, tha ai.

Sociologu Blerim Latifi: Afër 1000 qytetarë në luftërat xhihadiste!

Profesori i Filozofisë, Blerim Latifi, thotë se situata e ekstremizmit në Kosovë, tashmë është alarmante.

Ai thotë se numri i shqiptarëve të Kosovës në Siri, nuk është aq i vogël siç thuhet. Latifi thotë se ky numër, sipas informatave që ai ka, është rreth 1000.

Latifi në emisionin "Rubikon" të KTV'së, thotë se është e dhimbshme se si një vend kaq i vogël si Kosova, prodhon njerëz që shkojnë të humbin jetën në një luftë të pakuptimtë.

"Është shumë tragjike që po i shohim të rinjt e Kosovës duke humbur jetën në një luftë të pakuptimtë. Konsideroj se gjendja tashmë është alarmante. Pra një vend i vogël siç jemi ne, të prodhojë kaq shumë njerëz që shkojnë të humbin jetën në një konflikt dhe fakti që po humbin jetën kaq shumë, mund të themi që janë afër njëmijë qytetarë të Kosovës që janë duke luftuar në frontin e luftës në Siri dhe Irak. Shumica apo të gjithë prej tyre janë të përfshirë në organizata terroriste", ka thënë Latifi.

"Në Kosovë ka ndodhë një proces klasik i prodhimit të xhihadistëve", thotë ai.

Kurse përfaqësuesi i BIK'ut, Valdet Sahiti, flet fillimisht për situatën në BIK, duke lënë të kuptohet se atje është edhe pikënisja e problemeve.

"BIK ka pasur një hendikep të madh, është një nga isntitucionet që është dëmtuar më së shumti. Mbi 40 imamë kanë rënë shehid në luftën e fundit. Kemi edhe humbje të tjera. BIK asnjëherë nuk është ndihmuar nga buxheti i shtetit. Gjithmonë është ndihmuar nga besimtarët. BIK është lënë në mëshirën e besimtarëve", ka thënë ai.

Lufta ndaj Ukshin Hotit bëhej në dy fronte, në njërën ja luftonin familjen, dhe në anën e tjetër e luftonin shqiptarët intelektual me propagandë kundër tij.

Analisti politik, Gazmend Islami, ka thënë se lufta ndaj Ukshin Hotit bëhej në dy fronte, në njërën ja luftonin familjen, dhe në anën e tjetër e luftonin shqiptarët intelektual me propagandë kundër tij.

Islami pohon se, ai shpesh thoshe, ku janë akademitë tonë që nuk kanë program Kombëtar për të realizuar vetëvendosjen e popullit shqiptar.

“Në anën tjetër luftoheshe në heshtje edhe nga garnitura e atyre të burgosurve politik dhe atyre “patriotëve të Zvicrës” të cilët kurrë nuk mundën të pranonin të jesh prijës i tyre sepse ti nuk mund të identifikoheshe me pushtet komunist e me intriga vrasëse. Pra nuk ishin vetëm pushtetarët shqiptar me orientim jugosllavë që nuk e donin, ishin edhe garnitura që sot folin në parlament që nuk bënë asgjë edhe në kohën kur mund të bëhej diçka. Kur ishin në Rambuje nuk e deshën në delegacionin e tyre as që e kërkuan”, thekson Islami.

Islami deklaron se, i vetmi njeri që kishte platformë politike dhe ushtarake ishte Ukshin Hoti. Madje sipas tij, Hoti ishte një Sokrat i kohërave moderne evropiane.

“Pra mund të themi se i vetmi njeri që kishte një platformë politike dhe ushtarake për çlirim dhe bashkim kishte i madhi Ukshin Hoti. Atdhedashuria është nocion që rreth vete thith energjinë e të qenit i përkryer, por ja që të pakët janë ata që mund ti përballoj këtij nocioni. Ti ishe një Sokrat i kohëve moderne evropiane, sepse kishe moral të fort dhe të pathyeshëm të një profesori dhe patrioti. Ti mund të ishte i pasur dhe i privilegjuar por nuk re ndesh me parimet e tuaja që na kujton sokratin i cili zgjodhi vdekjen sesa shkeljen e asaj që u kishte mësuar të tjerëve. Për këtë the “Bëje ose Vdis. E këta që të kujtuan as nuk e bënë e as nuk vdiqën, Bac”, ka deklaruar analisti politik Gazmend Islami.

Labinotë Demi: Më shumë vetëvrasje në Kosovë se vrasje të qytetarëve tonë në Siri

Labinotë Demi, asambliste në Kuvendin Komunal Gjilanit nuk është e alarmuar me numrin e kosovarëve pjesëmarrës në luftërat në Siri dhe në Irak.

Ajo ka thënë se këtë alarmim e bëjnë më shumë medie e qarqe të caktuar se sa që është e vërtetë.
Demi, në emisionin e KTV-së Rubikon madje ka thënë se shumë më madh është numri vetëvrasjeve në Kosovë (sivjet) se sa numri i të vrarëve kosovarë në Siri e Irak dhe për këtë askush nuk alarmohet.
Astri Haraçia, gazetar, shkuarjen e kosovarëve në luftën e Sirisë ka akuzuar hoxhallarë të cilët, sipas tij, nëpër xhami kanë folur për rëndësinë e Shamit si tokë e shenjtë për të cilën Profeti Muhamed ka thënë që ajo tokë duhet mësyrë për shkak se është tokë e Allahut.

Kundër Haraçisë është deklaruar përfaqësuesi i bashkësisë islame të Kosovës Vedat Sahati i cili ka thënë se nëpër xhami është folur për t’u ndihmuar refugjatët e Sirisë e edhe arnautët atje. Me këtë rast ka thënë ai, janë mbledhur 50 mijë euro.