Shpallja e pavarsisë së Kosovës më 17 shkurt të 2008 nuk e ka shkelur të drejtën ndërkombëtare.

Gjykata Ndërkombëtare e Drejtësisë me qendër në Hagë, që përfaqëson gjykatën e nivelit më të lartë të ës  së Kombeve të Bashkuara(OKB), publikoi më datën 22 korrik 2010 opinionin këshilldhënës lidhur me ligjshmërinë e shpalljes së pavarësisë së Kosovës më 17 shkurt të vitit 2008. 

Gjatë fjalës së tij Kryetari i Gjykatës Hiasashi Ovada tha se shpallja e pavarsisë së Kosovës më 17 shkurt të 2008 nuk e ka shkelur të drejtën ndërkombëtare. Me 10 vota pro dhe 4 kundër gjykata është e mendimit se deklarata e pavarësisë së Kosovës nuk e ka shkelur të drejtën ndërkombëtare. Sipas gjykatës, nga të gjitha të dhënat, pavarësia e Kosovës nuk ka shkelur as rezolutën 1244, si dhe as kornizën kushtetuese të UNMIK-ut.

Kryeministri i Kosovës, Albin Kurti, ka deklaruar të martën se ka gjithnjë e më shumë informacione, dëshmi dhe fakte lidhur me rastin “Sarajevo safari”

Petkoviq reagon pasi Kurti kërkoi që krimet e “Sarajevo Safari” të hetohen në gjykatë ndërkombëtare Kryeministri i Kosovës, Albin Kurti, ka deklaruar të martën se ka gjithnjë e më shumë informacione, dëshmi dhe fakte lidhur me rastin “Sarajevo safari”, duke theksuar se për hetimin dhe gjykimin e tij duhet të angazhohet një instancë e posaçme ndërkombëtare gjyqësore. Ndaj deklaratave të Kurtit ka reaguar përmes “X”, kryenegociatori serb për dialogun Kosovë-Serbi, Petar Petkoviq. Ai pretendoi se “sulmet e bashkërenduara” ndaj presidentit serb, Aleksandar Vuçiq, sipas tij me “skenarë të shpikur” synojnë, sipas tij, ta dehumanizojnë atë, duke i cilësuar pretendimet për “Sarajevo safari” si të pavërteta dhe të mohuara më parë. ADVERTISING Tutje, Petkoviq duke propaganduar shtoi se “nuk do t’ia dalin! Por do të vijë dita e gjykimit kur Kurti do të përgjigjet për të gjitha krimet ndaj serbëve”. Sulmi i përbashkët i Kurtit dhe bllokuesve ndaj Presidentit Vuçiç me skenarë të sajuar janë pjesë e së njëjtës matricë dhe burojnë nga e njëjta qendër pushteti me qëllim çnjerëzorizimin e Vuçiqit. Nuk ka gënjeshtër që ata nuk do ta përhapin, përfshirë këtë për “Safari-n e Sarajevës” që është mohuar njëqind herë, vetëm për ta rrëzuar atë”.

Në Luftë dhe Paqë çlirimtarët e mbeshtetën sakrificën e angazhuar të popullit shqiptarë i cili e luftojë Serbosllavinë së bashku më NATO-në, për liri, paqe dhe për shtetin e Dardanisë që populli i sajë e gëzon sot .

                      Nga Flori Bruqi 

Sot më dt.18 shkurt 2026 ishte sfida kryesore  e  ballafaqimit me drejtësin në Gjykatës Speciale në Hagë,në fjalën përfundimtare të;professor .Hashim Thaqit,prof.dr.Jakup Krasniqit, Profesor Kadri Veselit dhe profesor Rexhep Selimit ,për Lirinë,Pavarësinë ,shtetin e Dardanisë  dhe paqën, e mbrojtën me dinjitet,trimëri , heroizëm dhe krenari kombëtare e të dinjitetit individuale ,me theksimin, që angazhimin e tyre gjatë tërë jetes e kishin bërë , për interesin e Dardanisë ,kombit dhe lirinë e dinjitetin njerëzor .

Ata para trupit gjykues me bindje dhe me dinjitet kërkuan nga gjykata, që akuzat e falsifikuera nga gënjeshtrat e porositura serbo-ruse,

të hedhen poshtë si të falcifikuara , të pa argumentuara e të pa provuara ligjërisht, duke i mbështet faktet dhe provat e ofruera nga mbrojtja ,dhe ndaj tyre të merret Aktgjykim lirues si i drejtë dhe i ligjshëm , i cili do të mbeshtetej në sakrficën e angazhuar të popullit shqiptarë i cili luftoj së bashku me aleancën përendimore , për liri,pavarësi ,paqe dhe shtetin e Dardanisë.

Nëse ndokush duhet të dënohet ,atëherë është ‘politika gjenocidiale e shtetit serb’që burimin e gjenocidit ndaj shqiptarëve e ka, në ‘programin e Akademisë së Shkencave dhe Arteve’ në Beograd, në të cilin program, udhëzohej shteti dhe strukturat institucionale dhe publike serbe, për shfarosje,vrasje,dhe dëbim të popullit shqiptar nga Dardania e lashtë ilirike.

Kur hiqja rrobat më SHKULEJ mishi nga trupi! DËSHMIA RRËQETHËSE: Ja si më torturonte policia serbe

 

Hysen Kryeziu, ish aktivist për të drejtat dhe liritë e Kosovës nën pushtimin serb, sot mësues, drejtues i një organizmi që merret me dëshmorët e luftës në Kosovë, ishte i ftuari i mbrëmjes në Esencë, që drejtohet nga Eljan Tanini.

• 
  

Hysen Kryeziu, ish aktivist për të drejtat dhe liritë e Kosovës nën pushtimin serb, sot mësues, drejtues i një organizmi që merret me dëshmorët e luftës në Kosovë, ishte i ftuari i mbrëmjes në Esencë, që drejtohet nga Eljan Tanini.

Eljan Tanini: -Historitë tuaja familjare por edhe shoqërore, nuk janë edhe shumë të njohura në Shqipërinë e ditëve tona. Kjo është edhe arsyeja se përse jeni sot në Esencë. Keni qenë mësues?

Hysen Kryeziu: -Kam punuar 32 vite në arsim, por 11 vite nuk më është lejuar të punoj në shkollë, studimet e mia i ndërprenë. Nisa të jap mësim në shkollat tona të gjuhës shqipe, jo në sistemin jugosllav të arsimit. Ne si familje e kemi traditë të hershme patriotizmin që prej stërgjyshit

Kryeziu: -1978-erë të parë regjistrohem si student. Kam marrë pjesë në demonstrat e Marsit 1981. Ndër të tjera kemi bërë aksione guerile me njerëzit tanë, është dashur edhe të mbrojmë aksionet tona. Policia dikur vinte dhe rrinte në oborrin e xhamisë. Kemi shkruar nëpër mure, kemi shpërndarë fletushka, punonim 3 nga tre.

Oda e Muharrem Fetahut ka qenë çerdhe e organizimeve të tilla. Oda e Sejdiut ishte bazë ilegale. Jam arrestuar 3 herë në jetën time.

Hyra në shkollë një ditë, pengohem nga një person teknik, operativ, aty më pas nisi grushtimi. Na shikonin fëmijët. Kur dola nga shkolla 3 policë shqiptarë na prisnin. Motra ime Servete Kryeziu Maloku bashkë me shoqet doli në përkrahje.

Më mbajtën në stacionin policor, ata kishin të drejtë me të dënu 90 ditë, unë u dënova 60 ditë.

Arrestimi i dytë, ishim shumë keq nga ekonomia. Një ditë, Lulzim Krasniqi ishte rrugës duke ardhur te ne, takohem me të dhe me motrën e tij. Ai më tha: -Jeni zbulu si grup! Ose ikni, ose…

Vëllai im Shefqeti brenda dy ditëve u arratis për në Shqipëri, nuk e dinte njeri, unë e dija.

Babai dhe unë ishim pushim, ishim në krizë ekonomike. Vendosi baba me punu te një person sa me mbajt shtepinë bashkë me mua. 

Një ditë tjetër, te unë në shtëpi kishte ardhur një person i njohur enkas për mua për material shkollor, ai në fakt ishte polic

Dhjetor 1982, në shtëpi vjen një telegram me shku e me paraqit provimet për Janarin. Nuk kisha dëgju ndonjëherë që duhet të paraqitesha në këtë mënyrë përmes një telegrami. Ishte koha e afatizuar, i njëjti person më kërkon prapë. Ai më gjeti, shkon, pas 2-3 orësh më arrestojnë pa bujë. Metodë e njohur kjo. Erdhi një polic më mori, më çuan në stacionin policor, Klinë, më tha vishu trashë. Aty e kuptova çfarë nuk shkonte. Polici tjetër në polici, më pat njohur baltën e këpucëve. Polici tjetër na faktoi lëvizjet tona me datë dhe orë. Ajet Gashi dhe Qazim Mazreku më pyesin a e njeh gjuhën serbo-kroate? Unë nuk jepja përgjigje. Prangat i vunë që në shtëpi.

Për gjuhën serbo-kroate u thashë jo! Tash ata nisën me fol për grupin tjetër për me i arrestu të gjithë, flisnin serbisht. UDB-ja e kishte rrjetin shumë të gjerë, denohem 2 vite. Qazim Mazreku nisi dhunën. Në burgun e Pejës nisën netët më të gjata të jetës sime, nga rrahjet isha i fryrë, enjtur. Aq shumë plagë kisha në trup sa kur hiqja pantallonat, shkëputej dhe lëkura. I kam thënë babës mos të shohë nana pantollat dhe gruaja, hidhi diku në Drin. Më mirë të mbysja veten sa të duroja ato tortura.

Ka plot të burgosur që kishin dashur të hidheshin nga dritaret gjatë pyetjeve, kati i katërt.

Kur më kanë marrë në pyetje, unë nuk kam qenë i vetëdijshëm. Më pas më çuan në vetmi, në birucë.

Në burg kishim sinjalet tona, pasi dola nga biruca 2 muaj e gjysmë, dëgjova parrullat deri sa i mësova: REPUBLIKË, REPUBLIKË, KUSHTETUTË O ME HATËR O ME LUFTË!

Esat Kollçaku, u paraqit si u burgosur. Kishim dyshime, ishte muskuloz. Nuk rrinte dot pa bërë ushtrime, ndërkohë niste me na rreh të gjithëve. 

Flori Bruqi na hyri si virus në dhomë, ndërkohë kishte orë në dorë gjë për të cilën patëm dyshime. Ai më tha: Ti e ke vëllanë në Shqipni, këtu je sepse do të bësh burg për vëllanë tënd. Shefqeti do të kthehet shumë shpejt nga Shqipëria.

Ftesa për shërbimin ushtarak vinte në 2-3 muaj, mua më ka ardhur për 2 ditë. E kisha edhe gruan në spital. Për ushtrinë shkoj në Kroaci, atje më pyesin nëse kisha bërë burg dhe a di serbisht?  Njeriu që më mori në pyetje ishte gati të më këpuste kokën dhe ta hidhte atë nga dritarja.

Lush Grabanica më tha se kush janë përcjellësit e mi: Bujar Berisha dhe një person me mbiemrin Mustafaj ishin ata që më gjëmonin kudo. Në repart nuk kishim orë të kufizuar për të hyrë e për të dalë. Atë natë nuk ma mundësuan hyrjen në kazermë. Nisën të shtënat në kazermë perballë meje. Atë natë fjeta jshatë, dola zvarrë nga kazerma, isha bërë ujë. Më akuzuan se desha me vra rojet, me i sulmu, me helmu në ushqim.

Arrestohem më 4 shtator 1998. Pavarësia më gjeti në ditën e daljes nga burgu.

Djali nuk më njohu kur erdhi në burg. Në burgun e Pejës qëndroj 18 ditë në Lipjan. Baba më gjen bashkë me Latif Kryeziun që kishin marrë një avokat. Djali nuk më njohu, ai nuk është baba tha. Pas 3 muajve më çojnë në Dobravë, isha tashmë në librin e të zhdukurve. U bëra thuajse 20 kg, prandaj edhe im bir Adriatiku, sot Ambasador në Kanada, nuk më njohu. Rrobat më ishin ngjitur në mish, kur i hiqja nga dhuna dhe torturat, kur i hiqja rrobat, ato shkepusnin edhe mishin tim. 

I kam dhënë djalit bomba që ti fshihte diku.   Kam dalë nga burgu më 17 Shkurt të vitit 1999. Dua të them edhe diçka: Ka edhe në Kosovë që nuk i dinë këto probleme, siç ka edhe nga ata që nga Shqipëria kanë dhënë shumë për luftën.

Presidenti amerikan Donald Trump letër Prof.dr.PHD. Vjosa Osmanit në prag të 18 vjetorit të pavarësisë: Mbështesim fuqishëm sovranitetin dhe integritetin territorial të Kosovës

Letrën e ka publikuar kryetarja e shtetit të Kosovës. Në të, Presidenti amerikan shpreh gatishmërinë për të zgjeruar partneritetin mes dy shteteve. Trump gjithashtu falenderon Kosovën për angazhimin në Bordin e Paqes. 

Në letrën e tij drejtuar Presidentes prof.dr.  Vjosa  Osmani   ,Donald  Trump përgëzon popullin e Kosovës për këtë përvjetor të rëndësishëm, duke rikonfirmuar mbështetjen e palëkundur të Shteteve të Bashkuara të Amerikës për sovranitetin dhe integritetin territorial të Republikës së Kosovës. Presidenti amerikan ka shprehur gjithashtu gatishmërinë e SHBA-ve për zgjerimin e partneritetit ndërmjet dy shteteve, veçanërisht përmes rritjes së tregtisë dhe investimeve, me synim avancimin e prosperitetit të përbashkët, si dhe ka theksuar se Shtetet e Bashkuara janë të gatshme të punojnë krah Kosovës për avancimin e paqes dhe stabilitetit në dobi të ndërsjellë.

 Donald Trump e ka felenderuar ndërkohë Vjosa Osmanin dhe popullin e Kosovës për mbështetjen e përpjekjeve amerikane për paqe, si dhe ka mirëpritur Kosovën si anëtare themeluese të Bordit të Paqes, i cili siç thiotë, synon ta bëjë botën më të sigurt, më të fortë dhe më të begatë.

Nesër dita e Pavarësisë, pas Ramës dhe presidenti Begaj vizitë zyrtare në Kosovë

 Pas vizitës së sotme të kryeministrit Edi Rama në  Kosovë. 

Bëhet me dije se edhe presidenti Prof.dr.Bajram Begajdo të zhvillojë një vizitë zyrtare në Kosovë.

Sipas njoftimit zyrtar të policisë së Kosovës kreu i shtetit do të qëndrojë sot edhe nesër që është edhe 18-vjetori i Pavarësisë.

Ashtu si edhe për kryeministrin Rama, policia bën me dije se edhe gjatë kohës së lëvizjes së eskortës së presidentit Begaj do të ketë ndërprerje të përkohshme të qarkullimit të automjeteve.

“Me datë 16 dhe 17 shkurt  2026, në Republikën e Kosovës, do të qëndrojë për vizitë zyrtare presidenti i Republikës së Shqipërisë, z. Bajram Begaj.

Me këtë rast Policia e Kosovës,  gjatë kësaj vizite do të kujdeset për ruajtjen e rendit dhe qetësisë publike si dhe rregullimin e trafikut,  gjatë kohës së lëvizjes së eskortës dhe kohës së qëndrimit të delegacionit në Kosovë.

Për të mundësuar qarkullim të lirë të eskortës sipas itinerarit të lëvizjes, ardhjes më datë 16 shkurt në orët e pasdites në pikën kufitare Vërmicë, si dhe zhvillimin e aktiviteteve sipas agjendës zyrtare së vizitës deri në kthim më datë 17 shkurt në orët e mbrëmjes, Policia e Kosovës  do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative. Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e policisë.

Gjyqi në Hagë/ Rama: Nëse liderët e UÇK-së do varrosen për së gjalli, duhet të arrestohen edhe Clinton e Balir

  Edi Rama theksoi se në rast se 4 liderët e UÇK-së do të varrosen për së gjalli duke i dënuar me 45 vite burg,  atëherë do duhet të nisin arrestimet edhe për Clinton, Solana, Blair, kryeministrat e tjerë të vendeve që u dhanë dritën jeshile bombardimeve mbi ushtrinë serbe në Kosovë.

Kryeministri Edi Rama nga Prishtina ka bërë thirrje për drejtësi për ish-krerët e UÇK, në Hagë. Gjatë fjalës së tij Rama theksoi se pretenca e Prokuroria nuk qëndron në asnjë rast, ndërsa theksoi se në rast se 4 liderët e UÇK-së do të varrosen për së gjalli duke i dënuar me 45 vite burg, atëherë do duhet të nisin arrestimet edhe për Clinton, Solana, Blair, kryeministrat e tjerë të vendeve që u dhanë dritën jeshile bombardimeve mbi ushtrinë serbe në Kosovë.

Ka diçka tjetër që është edhe më e rëndë për perëndimin sepse nëse Thaçi, Veseli, Krasniqi e Selimi do të varrosen për së gjalli për luftën dhe çfarë ka ndodhur gjatë luftës në Kosovë, duhet të vazhdojnë arrestimet, Clinton, Solana, Blair, kryeministrat e tjerë të vendeve që u dhanë dritën jeshile  bombardimeve dhe duhet të ndodhë ekzaktësisht ajo që ka predikuar Milosheviçi që bashkë me atë zviceranin mos gjettë kurrë prehje atje ku është, të dy bashkë atje dhe kjo është e paimagjinueshme dhe unë flas e flas, më duket se çdo fjalë që them është pa kuptim, pa peshë, pa lidhje sepse ajo që po ndodh është shumë e rëndë dhe duhet të flasim, të shkruajmë libra, të tregojmë, por mbi të gjitha, të gjejmë mënyrën të veprojmë. Nuk e kam përgjigjen sesi, por besoj që bashkarisht të dyja shtetet tona mund ta gjejnë një përgjigje që në fund fare të mos i themi vetes si nuk provuam edhe këtë, por t’i provojmë që të gjitha brenda normave që jemi nënshtruar me liri të plotë si pjesë e bashkisë demokratike, euroatlantike etj”, tha Rama.

Ai e ka cilësuar Prokurorinë Speciale si një “prokurori idiotësh”, duke akuzuar se ata janë kthyer në instrumente politike, më keq se sa prokuroritë e Serbisë.