Ish-kryeministri i Kosovës dhe kreu i AAK, Ramush Haradinaj: Kur një popull është në këmbë, ai e di që është në të drejtën e tij

Ish-kryeministri i Kosovës dhe kreu i AAK, Ramush Haradinaj i cili aktualisht është duke qëndruar në Francë, ka përshëndetur të gjithë qytetarët që kanë dalë në mbështetje të tij duke kërkuar lirimin e plotë.

“Kur një popull është në këmbë -thotë Haradinaj- ai e di që është në të drejtën e tij, siç jemi të gjithë ne edhe këtë herë!”

Reagimi i plotë i Haradinajt në FB.

Të dashur qytetarë,

Mbështetja kaq e madhe e kaq e shtrirë dhe e pandërprerë për asnjë moment për mua, është mbështetje dhe qëndrueshmëri, jo veç për mua, por për të drejtën tonë të përbashkët, që është krejt e përputhshme me të drejtën e drejtësinë individuale e kolektive, për të gjithë popujt e lirë!

E kam parë tash e një muaj karvanin e popullit tim që nuk sosej kurrë, e që marshonte në Prishtinë e në Tiranë, në Shkup e në Gjakovë, në Prizren e Malishevë, në Istog e në Podujevë, në Obiliq e Rahovec, në Vushtrri e në Deçan, në Kamenicë e në Lipjan, Ferizaj…e kështu me radhë gjithandej e deri sot me protestën e madhe në Pejë!

Poashtu mijëra bashkëkombas që kanë protestuar me aq qytetari, që nga Amerika, Australia e deri te shtetet evropiane, Francë, Angli, Belgjikë, Zvicer, Gjermani, Itali…

Kur një popull është në këmbë, ai e di që është në të drejtën e tij, siç jemi të gjithë ne edhe këtë herë!
Shpejt do të jemi bashkë, sepse kemi shumë punë pë të bërë!
Krenar me Ju!

Mos arrestimi i Balilit, Llalla: Përgjegjësi e Policisë së Shtetit

Kreu i akuzës, Adriatik Llalla, sonte, në emisionin Opinion, ka bërë publike arsyen e mosarrestimit të të ashtuquajturit “Escobari i Ballakanit”, Klement Balilaj. Kryeprokurori tha se Balilaj duhej të arrestohej nga Policia e Shtetit, edhe pse kjo e fundit, ka deklaruar se nuk ka marrë autorizim nga Prokuroria, pasi nuk mbante një fakt konkret për arrestimin e tij.
Fevziu: Pse nuk u arrestua Klement Balili?
Llalla: Duhet ta arrestonte Prokurori?
Feviu: Kush duhet ta arrestonte?
Llalla: Ata që e kanë për detyrë.
Fevziu: Policia e Shtetit?
Llalla: Normalisht!
Fevziu: Policia e Shtetit thotë se nuk ka marrë autorizim nga Prokuroria…
Llalla: Në momentin që dikush shpallet në kërkim ndërkombëtar, qoftë në vend apo jashtë, ndërhynë institucione të tilla ligjzbatuese për të ekzekutuar këtë urdhër-arresti. Detyra e Prokurorisë është se pas ekzekutimit të këtij urdhër-arresti, të kryejë veprime të mëtejshme procedurale. Nëse policia do të kishte mundësi për ta arrestuar, aktet do të silleshin në Prokurori.
Fevziu: A kishte të dhëna që Klement Balilaj ishte përfshirë në aktivitet kriminal?
Llalla: Të dhënat e para kanë ardhur në momentin kur ne jemi vënë në dijeni nga Policia e Shtetit që kur person…të ardhura nga Policia e Shtetit.

Kryeprokurori i Përgjithshëm, Adriatik Llalla, thotë se nuk ka ndërmarrë asnjë vendim për të penguar reformën në drejtësi.

I ftuar në emisionin “Opinion”, Llalla theksoi se në një vend demokratik është krejt normale që dikush të japë mendimet e tij.
Ai shton se ambasadori Lu nuk është guvernator i Shqipërisë. Llalla shprehet se se përplasjet mes tij dhe ambasadorit Lu kanë të bëjmë me reformën në Drejtësi dhe më konkretisht me ideatorët e Byrosë Kombëtare të Hetimit.
Llalla: Personale doli konkretisht, rasti i vizës, se çfarë do të më bënte ambasadori mua…Në përgjithësi në takimet që kam pasur me ambasadorin dhe grupet e ekspertëve ne kemi shfaqur mendimet si do të veprojë institucioni i prokurorisë. Debati i parë lidhej me Byronë kombëtarë të hetimit. Ishin një sërë arsyesh, mënyra si mendohet të funksiononte institucioni. ideatorë ishin punonjës së sigurisë së shtetit.
Fevziu:Ku dhe si e keni penguar reformën në drejtësi dhe jeni apo jo kundër?
Llalla: Së pari dua ta nis me deklaratën e sotme të ambasadorit Lu në një takim ku unë nuk isha i pranishëm dhe më njoftojnë në mënyrë të papritur se ambasadori kishte bërë publikë deklarata ku më akuzonte mua.
Fevziu:Ju keni pasur takime të tensionuara në zyrën tuaj apo të ambasadorit. Keni pasur përplasje?
Llalla:Në zyrën time është krejt normale të bëhen diskutime për mënyrën sesi do të pozicionohet institucioni i Prokurorisë pas kësaj reforme. Është mendimi ndryshe.
Fevizu: Pse ishit i befasuar nga deklarata e Lu, ku ai ka thënë se ka njerëz që po tentojnë ti dalin kundër reformës?
Llalla: Lu i ka bërë këto deklarata jo në praninë time.
Fevziu: Nuk ishit vënë në dijeni se ambasadori është i pakënaqur me ju?
Llalla: Duhet të jemi të qartë çdo ambasador nuk është guvernator i Shqipërisë. Ai është thjesht një ambasador dhe duhet të mbajë pozicionin e tij. Ai nuk duhet të shtiret si drejtues shteti, por të mbaje pozicionin që i takon
Fevziu: Cila ka qenë pakënaqësia konkrete e ambasadorit amerikan?
Llalla: Në përgjithësi në takimet që kemi patur ne kemi patur mendimet tona për mënyrën se si do funksiononte prokuroria . Debati i parë ka qenë për funksionimin e Byros së Hetimit. Ish funksionarë të sigurimit të shtetit kanë bërë reformën e drejtësisë.
Fevziu: E keni penguar për 18 muaj resht thotë zt.Lu…
Llalla: Në një vend demokratik është krejt normale që dikush të japë mendimet e tij, si dhe është krejt normale fakti, që një ligj sado i parëndësishëm të jetë, përpara se të miratohet në Parlament kalon në duart e ekspertëve dhe organeve përkatëse dhe më pas votohet në Kuvendin e Shqipërisë.
Ndikim të paligjshëm për hetmin ndaj Bankers
Fevziu: Jeni shprehur se ka disa arsye që lidhën me përfitimet personale, çfarë interesa personale mund të ketë një ambasador i SHBA në Tiranë?
Llalla: Nëse një ambasador do përmbushte vetëm detyrat diplomatike dhe të ikte sërish nga vendi jonë po në atë fomë nuk do kishte asnjë problem. Në rastin konkret që ka qene dhe pikënisja e gjithë debatëve të mija më ambasadorin Lu ka të bëjë me hetimet të Prokurorisë së Rrethit Fier të shpërthimeve të ndodhur në puset e naftës në zonë Patoz Marinzës, ku u dëmtuan një numër i konsiderueshëm banesash dhe pasoja në jetë njerëzish. Rast i cili prokuroria filloi hetime per Bankers Petrolium.
Në rastin konkret një ditë më më vjen një biznesmen shqiptar karburantesh dhe më thotë që hetimi duhet të mbyllej pasi ngjarja ishte aksidentale.
Ky biznesmën me thotë që së nëse binim dakord ditën tjetër do më vinte në zyrë ambasadori.
Nuk mund të mendohej se ambasadori do të vinte pas një presioni që bëri një biznesmen shqiptar. Të nesërmen erdhi ambasadori së bashku me presidentin e Bankers Petrolium dhe tha se prokuroria duhet të pushonte hetimet, pasi në të kundërt do dëmtohej imazhi i Shqipërisë nëse biznesmenët do largohen nga vendi.
Fevziu: Ju tha biznesmeni?
Llalla:Po dhe i kam të gjitha të regjistruar.
Fevziu: Si quhet ky biznesmen?
Llalla: Është kofidneciale, por ai më kërkoi që të mos vazhdonin hetimet për Bankers Petrolium.
“Ambasadori Lu po më shantazhon”
Llalla: Një ditë pas gruaja ime lindi në Amerikë. Më ka ardhur një email nga ambasadori Lu ku më njoftonte se viza ime ishte revokuar.Kam kontaktuar vetëm me email me zotin ambasador. I shpreha qëndrimin tim pa dashur të bie pre e shantazhit.
Fevziu: Ju mendoni se ai po ju ushtron shantazh?
Llalla: Normalisht. Një ditë më parë se të krijohej këshilli i emërimeve në drejtësi është bërë njoftimi se i është hequr viza një personi të rëndësishëm zyrtar. Të largohen të gjithë të korruptuarit para procesit të Vettingut.
Fevziu: Ju kishit vizë zyrtare?
Llalla: Vizë diplomatike që i jepet çdo zyrtari të lartë.
Fevziu: Sa personave të tjerë i është anuluar?
Llalla: Zyrtarëve të Gjykatës së Lartë, asaj Kushtetuese, të rretheve dhe të niveleve të tjera.
Fevziu: Po me kryeministrin keni folur?
Llalla: I jam drejtuar vetëm Kuvendit të Shqipërisë dhe Presidentin.Në rastin konkret nuk bëhet fjalë për Llallën por prokurorin e përgjithshëm. Nuk mund t’i drejtohet askush me këtë gjuhë e me akuza të drejtpërdrejta zyrtare. E vlerësoj që është ambasador por nuk mund t’i drejtohet dikujt me një gjuhë shantazhuese ashtu si mua. Sepse do të kishte pasoja institucionale.
Fevziu: Pse ishit kundër draftit?
Llalla:Në një vend demokratik është normale që të gjithë të diskutojnë e të japin mendimet e veta. Aq më tepër kur një ligj i sistemit të drejtësisë u votua dhe do të zbatohet. Unë kam patur mendimet e mia në lidhje me këtë. Nuk kam patur asnjë imponim ndaj grupit të prokurorëve të sistemit të drejtësisë.
Fevziu:Ç‘doni të thoni me presione sorosiane?
Llalla: Kanë vlerësuar fondacionin Soros dhe Lu është përfaqësues i Departamentit amerikan të shtetit dhe jo përfaqësues i fondacionit Soros. Nuk iu drejtova atij. Por kjo reformë mbështetet në kontributin e fondacionit Soros.

Deklarata - Akuzat e Manjanit për Ministrat, Llalla: Do thirret në Prokurori

Kreu i Prokurorisë së Përgjithshme, Adriatik Llalla, ka deklaruar se organi i akuzës do të thërrasë ish-Ministrin Manjani për të dëshmuar lidhur me akuzat publike të adresuara në drejtim të disa Ministrave të kabinetit Rama.

I ftuar në “Opinion”me gazetarin Blendi Fevziu, Llalla vlerësoi bashkëpunimin e frytshëm me z.Manjani gjatë kohës kur ai ishte në krye të Ministrisë së Drejtësisë, ndërsa evidentoi gatishmërinë e Manjanit për tu bërë pjesë e hetimit.

Intervista

Llalla: Institucioni i Prokurorisë ka marrëdhënie tepër korrekte, bashkëpunuese, me të gjithë institucionet e tjera në vend, më së tepërmi me Ministrinë e Drejtësisë baqshkëpunimi ynë lidhet shumë. Përmes kësaj Ministrie përcillet i gjithë dokumentacioni që ne kërkojmë të dhëna në zyra homologe, ashtu siç i kërkojnë dhe ato prej nesh. Kemi pasur një bashkëpunim shumë të frytshëm me zotin Manjani gjatë gjithë kohës që ka qenë në krye të Ministrisë.

Do thirret Manjani të dëshmojë për akuzat e tij?

Llalla: Natyrisht, Manjani ka shprehur vullnetin e tij për të ardhur në çdo kohë për t’u bërë pjesë e hetimit që do të kryejmë.

Ju do ta thërrisni?

Llalla: Natyrisht.

Nëse në dëshmitë e tij implikohen persona të fuqishëm dhe me pushtet do ketë kurajo Prokuroria e Përgjithshme të dënojë zyrtarë dhe funksionarë të lartë politik?

Llalla: Në asnjë rast Prokuroria nuk është treguar e dobët apo e frikësuar.

Nuk ka bilanc, nuk ka asnjë zyrtar të lartë të dënuar për korrupsion.

Llalla: Zyrtarët nuk i dënoj unë, i dënojnë provat, i dënon ligji.

Provat duhet ti gjeni ju.

Llalla: Patjetër. Kemi detyrimin për të kërkuar mbledhjen e provave.

Kundërsulmon Prokuroria: Lu mbështet politikanë të lidhur me krimin

Pak orë pas akuzave publike të ambasadorit të SHBA-së Donald Lu, Prokuroria e përgjithshme iu përgjigj me kundërakuza. Prokuroria thotë se ambasadori ka shantazhuar publikisht dhe privatisht deputetë për të siguruar vota parlamentare për kalimin në parlament të projektit të mbështetur prej tij për Reformën në Drejtësi.
Në letrën e drejtuar presidentit Nishani dhe Metës Llalla akuzon ambasadën amerikane për shantazh për interesa të segmenteve të caktuara politike që synojnë kapjen e institucioneve të drejtësisë.
Po kështu prokurori thotë se Ambasada Amerikane në Tiranë u ka revokuar vizën edhe disa zyrtarëve të tjerë të lartë të Prokurorisë, të cilët kanë nën hetim persona me pushtet në Shqipëri, të cilët njihen publikisht si faktorë bashkëpunues të Ambasadorit Amerikan në Tiranë, z. Donald Lu.
“Këta persona, të cilët gëzojnë mbështetjen e Ambasadorit Amerikan, janë pjesë e segmenteve të caktuara të politikës, por që ka dyshime që janë të lidhur edhe me botën e krimit të organizuar, të cilët po tentojnë në çdo formë për të deligjitimuar, shantazhuar dhe paralizuar institucionin e Prokurorisë”
Letra e plote

PROKURORI I PËRGJITHSHËM

Nr. _______Prot Tiranë më __.__.2017

Lënda: Informacion mbi revokimin e vizave amerikane për disa prokurorë

Drejtuar: SH.T.Z. Bujar NISHANI President i Republikës

Ilir META Kryetar i Kuvendit

T I R A N Ë

Të nderuar Zotërinj,

Prokurori i Përgjithshëm ka njoftuar presidentin dhe kryetarin e Kuvendit Ilir Meta se ndodhet në një presion të hapur nga ana e Ambasadës së SHBA-së

Ju informoj se Prokuroria e Përgjithshme e Republikes gjendet gjatë ditëve të fundit nën një presion të hapur nga ana e Ambasadës së Shteteve të Bashkuara të Amerikës në Shqipëri.
Nëpërmjet një lëvizje aspak diplomatike, Prokurorit të Përgjithshëm, i është anulluar viza diplomatike, si edhe disa prokurorëve të lartë ju janë anulluar gjithashtu vizat e dhëna nga kjo ambasadë konform rregullave të parashikuara nga ligjet e këtij shteti.

Në vlerësimin e Prokurorisë së Përgjithshme, kjo lëvizje, për të cilën ritheksojmë që është aspak diplomatike, ka disa arsye, të cilat lidhen me qëndrime dhe përfitime personale të Ambasadorit të SHBA në Tiranë, z. Donald Lu.

Pak javë më parë, Ambasada e SHBA në Tiranë njoftoi Prokurorin e Përgjithshëm se është anulluar viza diplomatike e tij dhe e bashkëshortes së tij. Si shkak për këtë veprim tërësisht në kundërshtim me frymën e bashkëpunimit, ka shërbyer një udhëtim për arsye shëndetësore në SHBA, i bashkëshortes së Prokurorit të Përgjithshëm.

Ky veprim i Ambasadorit Lu është vijim i sjelljeve shantazhuese që ai ka prezantuar ndaj institucionit të Prokurorisë së Përgjithshme.

Prej kohësh, z. Lu, duke u prezantuar si nxitës i Reformës në Drejtësi në Shqipëri, ka kërkuar me presion që Prokuroria e Përgjithshme të mbajë qëndrime hapur pro paketës ligjore, edhe në ato raste kur projektet ligjore, siç ka rezultuar më pas nga Opinioni i Komisionit të Venecias, kanë qenë tërësisht në kundërshtim me normat kushtetuese, si edhe me respektimin e të drejtave të njeriut.
Në komunikimet zyrtare dhe informale, Ambasadori Lu ia ka bërë të qartë Prokurorit të Përgjithshëm se, nëse nuk do të mbronte publikisht ndryshimet ligjore, do të kishte pasoja personale dhe institucionale.

Gjithashtu, Ambasadori Lu, në më shumë se njëherë, ka ushtruar presion ndaj Prokurorisë së Përgjithshme për të mos vijuar hetimet ndaj disa kompanive, për të cilat kanë ekzistuar dyshimet se kanë shkelur ligjet shqiptare.

Rasti më flagrant, i cili është i dokumentuar me shkresë zyrtare, i bere publik edhe ne media, i referohet ndërhyrjes së drejtëpërdrejtë të Ambasadorit të SHBA në Tiranë, në hetimin që Prokuroria e Rrethit Gjyqësor Fier nisi ndaj kompanisë së naftës “Bankers Petroleum”. Kjo kompani akuzohej nga mediat dhe banorët e zonës ku ushtron aktivitetin se u kishte sjellë dëme të pariparueshme në pasuritë dhe shëndetin e tyre. Për këtë rast, Ambasadori Lu ka kërkuar, në kundërshtim me çdo lloj komunikimi diplomatik dhe ligjor, që hetimi të mos vijonte, pasi pasojat do të godisnin në mënyrë të drejtëpërdrejtë Prokurorin e Përgjithshëm.

Të nderuar zotërinj,

Ambasada e SHBA në Tiranë i ka revokuar vizën, ndër të tjerëve, edhe Drejtorit të Marrëdhënieve Juridiksionale me Jashtë, njëkohësisht edhe drejtues i Sektorit të “Dekriminalizimit” në Prokurorinë e Përgjithshme.
Drejtori, i vetmi prokuror magjistrat në Prokurorinë e Përgjithëshme, ka mbajtur qëndrime thellësisht profesionale sa i përket paketës ligjore të Reformës në Drejtësi, si edhe ka shprehur opinione për disa problematika në prani të Ambasadorit Amerikan në Tiranë, si edhe ekspertëve të tjerë vendas dhe të huaj.
Prokuroria e Përgjithshme vlerëson se edhe veprimi aspak diplomatik ndaj prokurorëve është një reagim ndaj qëndrimeve parimore të tyre, të cilat nuk përkonin plotësisht me projektet ligjore të mbrojtura nga Ambasadori dhe disa prej ekspertëve të tjerë, vendas apo të huaj.
Prokurori në fjalë, është një ndër zyrtarët më të rëndësishëm të Prokurorisë Shqiptare, sa i përket bashkëpunimit ndërkombëtar, sidomos në luftën kundër terrorizmit global dhe krimit të organizuar trans-nacional.
Gjithashtu në drejtim të strukturës shumë të rëndësishme të “Dekriminalizimit” në Prokurorinë e Përgjithshme, e cila tashmë ka nisur të japë rezultate konkrete në përjashtimin të disa deputetëve nga Kuvendi i Shqipërisë, si edhe të zyrtarëve të lartë nga administrata shtetërore, të cilët rezultojnë të përfshirë në veprimtarinë e krimit të organizuar brenda dhe jashtë territorit të Republikës së Shqipërisë. Kjo strukturë po vijon me veprimet e saj dhe rezultatet do të prekin edhe deputetë të tjerë të Kuvendit të Shqipërisë, kryesisht persona të cilët Ambasadori Amerikan në Tiranë i ka shantazhuar publikisht dhe privatisht për të siguruar vota parlamentare për kalimin në parlament të projektit të mbështetur prej tij për Reformën në Drejtësi, ku, mesazhe telefonike të dërguara nga kjo Ambasadë, janë bërë publike edhe në media.
Ju informojmë gjithashtu se përfaqësuesi i Prokurorisë së Përgjithëshme ishte kandidaturë dhe tashmë është zgjedhur si anëtar i Këshillit të Emërimeve në Drejtësi (KED). Një ditë para hedhjes së shortit nga Kuvendi i Shqipërisë për përzgjedhjen e anëtarëve të KED, për shkak të mungesës së konkurencës, kandidati i vetëm për anëtarin nga Prokuroria e Përgjithshme në këtë strukturë, thirret me urgjencë nga konsulli në Ambasadën e Shteteve të Bashkuara të Amerikës. Prokurori gjendej në një takim të IPA 2014, Rrjetit të Prokurorëve të Ballkanit, i cili zhvillohej në Gjermani dhe u detyrua të rikthehej me urgjencë, duke vlerësuar se, për shkak të pozicionit të si Drejtor i Marrëdhënieve Juridiksionale me Jashtë, mund të ishin temë diskutimi çështje me rëndësi ndërkombëtare, përfshirë edhe terrorizmin.
Në takimin në Ambasadën Amerikane, Prokurori çuditërisht, nuk u prit nga konsulli, por nga një tjetër punonjës, i cili, pa dhënë asnjë shpjegim, i komunikoi asaj vendimin për revokimin e vizës amerikane.
Fakti që Prokuroi u kërkua me urgjencë në Ambasadën Amerikane, vetëm një ditë para hedhjes së shortit për përzgjedhjen e anëtarëve të Këshillit të Emërimeve në Drejtësi, vlerësohet si një manovër aspak diplomatike, për të ushtruar shantazh ndaj përfaqësuesit të Prokurorisë, por edhe institucionit të Prokurorisë së Përgjithshme, për interesa të segmenteve të caktuara politike që synojnë kapjen e institucioneve të drejtësisë.
Në vijim, Ju informojmë gjithashtu, se Ambasada Amerikane në Tiranë u ka revokuar vizën edhe disa zyrtarëve të tjerë të lartë të Prokurorisë, të cilët kanë nën hetim persona me pushtet në Shqipëri, të cilët njihen publikisht si faktorë bashkëpunues të Ambasadorit Amerikan në Tiranë, z. Donald Lu.
Këta persona, të cilët gëzojnë mbështetjen e Ambasadorit Amerikan, janë pjesë e segmenteve të caktuara të politikës, por që ka dyshime që janë të lidhur edhe me botën e krimit të organizuar, të cilët po tentojnë në çdo formë për të deligjitimuar, shantazhuar dhe paralizuar institucionin e Prokurorisë.
Kjo sjellje kundër institucionit të Prokurorisë, e cila po agravohet edhe me ndërhyrjen aspak diplomatike të Ambasadorit Lu, është në vijim të sulmeve të hapura kundër të gjithë trupës së prokurorëve gjatë dy viteve të fundit, kohë në të cilën është diskutuar mbi Reformën në Drejtësi.
Qëndrimet e ditëve të fundit të Ambasadori Lu, lidhur me revokimin e vizave, i shohim si kundërvënie ndaj qëndrimeve profesionale të trupës së prokurorëve ndaj drafteve ligjore për Reformën në Drejtësi, të mbrojtura nga Ambasadori Amerikan në Tiranë.
Vlen të theksojmë se, shumë prej problematikave të prezantuara nga Prokuroria, u konsideruan të tilla dhe u korrigjuan edhe nga Komisioni i Venecias, i cili u investua për të dhënë opinion nga palët politikë në Shqipëri.
Pra, nuk hezitojmë të shprehemi se, sjellja e Ambasadorit Amerikan në Tiranë mund të konsiderohet edhe si një hakmarrje e tij personale për qëndrimet parimore të Prokurorisë së Përgjithshme.
Gjithashtu, nuk hezitojmë të shprehemi se, kjo sjelle jo-diplomatike nga ana e Ambasadori Lu është rrjedhim i shantazheve të papranuara nga ana e Prokurorisë lidhur me disa çështje konkrete hetimi, për të cilat dukshëm ai ka pasur interesa thellësisht personale.
Të nderuar zotërinj,
Prokuroria e Përgjithshme dhe Prokurori i Përgjithshëm në veçanti, Ju sigurojnë se institucioni do të vijojë të përmbushë me korrektesë maksimale detyrimet e saj që rrjedhin nga Kushtetuta e Republikës së Shqipërisë dhe legjislacioni përkatës.
Ju sigurojmë se institucioni i Prokurorisë nuk do të shantazhohet nga asnjë faktor, vendas apo i huaj, në përmbushjen e detyrimeve të saj kushtetuese dhe ligjore.
Institucioni ynë është i vetëdijshëm se, me afrimin e zgjedhjeve të përgjithshme parlamentare në Shqipëri, të cilat zhvillohen në Qershor 2017, segmente të ndryshme politike, të mbështetur edhe nga faktorë të jashtëm të lobuar, do të tentojnë të ushtrojnë presion ndaj Prokurorisë dhe Prokurorëve të Republikës. Ju garantojmë se do të merret çdo masë, për aq sa i takon institucionit, që të sigurohet vota e lirë.
Prokuroria e Përgjithshme do të vijojë të ndjekë me përparësi të veçantë zbatimin e ligjit “Për Dekriminalizimin”, me qëllimin e vetëm për të siguruar pastërtinë më të lartë të Parlamentit dhe Administratës Publike Shqiptare.
Gjithashtu, Prokuroria e Përgjithshme do të vijojë të mbështesë zbatimin e Reformës në Drejtësi, larg çdo presioni e shantazhi që synon deformimin dhe kapjen e institucioneve të drejtësisë.
Duke Ju falenderuar për mirëkuptimin Tuaj,

PROKURORI I PËRGJITHSHËM
ADRIATIK LLALLA

Klodi Karaj - Ambasadori i SHBA: Asnjë përpjekje për të na frikësuar s’do na pengojë

Ambasadori amerikan në Tiranë, Donald Lu, i ka kther përgjigje deklaratës së Kryeprokurorit, Adriati Llalla duke deklaruar se SHBA nuk frikësohen përballë asnjë përpjekje për minimin e proçesit të reformës në drejtësi. Ambasadori Lu ka garantuar se kjo reformë do të jetë e suksesshme në ndalimin e korrupsionit në gjyqësor. Ky reagim i diplomatit amerikan, vjen pas replikave në distancë me Kryeprokurorin Adriatik Lalla.
Asnjë përpjekje për të na frikësuar nuk do të na pengojë. Kështu i kundërpërgjigjet, Ambasadori amerikan Donald Lu reagimit të ashpër të kryeprokurorit Adriatik Llalla.
Llalla: “Shtetet e Bashkuara kanë marrë një angazhim përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme për të parandaluar manipulim politik dhe korrupsion në gjyqësor. Ky është një premtim”.
Shkruan Ambasadori amerikan, Donald Lu, një ditë pas replikave në distancë më kreun e organit të akuzës.
Po ashtu, zyrtari i lartë amerikan, ka vijuar takimet me përfaqësues të shtetit shqiptar ku është takuar me Ministren e Mbrojtjes, Mimi Kodheli.
Një ditë më parë, kryediplomati amerikan në Tiranë u pa në Kryeministri, më pas në Ministrinë e Brendshme dhe në mbrëmje u takua me Presidentin, Bujar Nishani.
Postimi i Ambasadës amerikane
“Shtetet e Bashkuara kanë marrë një angazhmi përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme për të parandaluar manipulim politik dhe korrupsion në gjyqësor. Ky është një premtim.”
Ambasadori Donald Lu
Kjo deklaratë vjen një ditë pasi mes ambasadorit Donald Lu dhe kryeprokurorit shpërthyen në replika të ashpra mes tyre. Ambasadori Lu deklaroi se kreu i Prokurorisë është përpjekur të pengojë Reformën në Drejtësi dhe zbatimin e saj.
Pak orë më pas Kryeprokurori Adriatik Llalla foli për trysni të vazhdueshme të ambasadorit amerikan, shantazh dhe ndërhyrje në institucionin e Prokurorisë.
Llalla tha se i kishte dërguar një letër presidentit dhe kryetarit të Kuvendit ku i njoftonte për revokimin e vizës Zotit Llalla, bashkëshortes së tij dhe disa prokurorëve të lartë.
Nga ana tjetër mbrëmjen e djeshme, ambasadori Donald Lu zhvilloi një takim me kreun e Shtetit Bujar Nishani. Më herët u zhvillua një takim dhe nga kryeprokurori Llalla me presidentin Nishani

BE: Bashkëpunojmë ngushtë me SHBA për një gjyqësor të pavarur

Delegacioni i Bashkimit Europian në Tiranë reagon për konfliktin mes Ambasadës Amerikane dhe Prokurorisë së Përgjithshme.

Në një deklaratë për mediat, zyra për shtyp e BE deklaron se Bashkimi Europian shpreh vlerësimin më të lartë për angazhimin diplomatik të Ambasadës së SHBA në Tiranë dhe në veçanti të Ambasadorit të SHBA, Donald Lu.
Më tej në deklaratë theksohet se BE dhe SHBA bashkëpunojnë ngushtë për të mbështetur popullin shqiptar në krijimin e një sistemi gjyqësor plotësisht të pavarur, të përgjegjshëm, të paanshëm dhe profesional.
“Nisja e menjëhershme e Operacionit Ndërkombëtar të Monitorimit, i cili që prej javës së ardhshme do të mbikqyrë rivlerësimin e gjyqtarëve dhe prokurorëve, është një tjetër angazhim i përbashkët BE-SHBA” përfundon deklarata.

Departamenti i Shtetit shprehu të premten (3 shkurt 2017) mbështetjen për ambasadorin e Shteteve të Bashkuara në Shqipëri, Donald Lu.

I pyetur nga Zëri i Amerikës nëse veprimet e ambasadorit Lu në Tiranë përfaqësojnë qëndrime personale dhe jo të Departamentit të Shtetit, zëdhënësi në detyrë Mark Toner u shpreh se “politika e Shteteve të Bashkuara në Shqipëri është të mbështesë anëtarësimin e vendit në Bashkimin Evropian dhe kryerjen e reformave të nevojshme për arritjen e këtij synimi. Kjo përfshin reformën në drejtësi, luftën kundër korrupsionit dhe krimit të organizuar si dhe luftën kundër ekstremizmit të dhunshëm.”
Reagimi i Departamentit të Shtetit vjen një ditë pas shkëmbimit të akuzave publike mes Ambasadorit Lu dhe Prokurorit të Përgjithshëm Adriatik Llalla. Ambasadori Lu e akuzoi prokurorin e përgjithshëm për pengim të reformës në drejtësi. Zoti Llalla u kundërpërgjigj duke e akuzuar zotin Lu për shantazh dhe ndërhyrje ndaj institucionit të tij.
Zëdhënësi i Departamentit të Shtetit tha të premten se “Ambasadori Lu dhe ekipi i tij kanë punuar në partneritet me autoritetet shqiptare dhe me shoqërinë civile për të realizuar politikat dhe synimet e Shteteve të Bashuara. Departamenti i Shtetit ka besim të plotë tek ambasada dhe ambasadori në Tiranë”, u shpreh zëdhënësi.
“Shtetet e Bashkuara i bëjnë thirrje me forcë gjithë partive të respektojnë shtetin ligjor dhe procesin demokratik. Shtetet e Bashkuara duan të shohin një Shqipëri të fortë dhe të integruar plotësisht në familjen Euro-Atlantike”, përfundon zëdhënësi i Departamentit të Shtetit Mark Toner.

Konflikti Prokurori-Ambasadë - Hila: Llalla jashtë kornizave, u urdhërua politikisht kundër Lu-së

Për analistin dhe drejtuesin e emisionit “Arena” në RTV Ora News, Dritan Hila dalja e kryeprokurorit Adriatik Llalla për të kundërshtuar ambasadorin amerikan është bërë me urdhër politik.

Në studion e lajmeve të Ora News, Hila tha se ishte Llalla ai që doli jashtë kornizave dhe jo ambasadori Lu.

Sipas analisteti është e pashembullt që një Prokuror të dalë kundër aletatit më të madh të Shqipërisë.

Hila: Sa i përket daljes së Llallës, ata që e vunë…sepse Llalla nuk është ai që e meritonte Prokur të Përgjithshëm, ka një karrierë modeste në drejtësi, ka pasur gjithmonë emërime politike. Ka qenë shefi i ILDKP më parë, është një figurë e panjohur i cili u promovua për shkak të lidhjeve që kishte me politikën dhe e çuan në Prokurori të Përgjithshme që të mos bënte asgjë. Llalla nuk ka bërë gjatë 5 viteve asgjë. Tani i thanë: Të çuam, hidhu në kundërsulm. E kanë urdhëruar politikisht, sepse ështe e pashembullt që një Prokuror i Përgjithshëm të dalë të kundërshtojë aleatin më të madh të Shqipërisë. Po të mos kishte një shtytje të tillë, të jeni të bindur që Llalla do të kishte vazhduar politikën e tij të 4 viteve dhe nuk do kishte dalë fare të prononcohej. Anonçimi i tij është i pashembullt. Prandaj them që kjo është diçka që shkon përtej një konflikti banal të Llallës me të tjerë, me ambasadorin amerikan.
Donald Lu nuk ka dalë fare nga kornizat normale, e konfirmoi edhe DASH dhe këtë e ka bërë për një rast, sepse një shtet serioz nuk është nevoja të dalë DASH dhe të shkojë Zëri i Amerikës për të marrë një informacion dhe ti thotë a është ky qëndrimi DASH? Është bërë për ti thënë Shqiptarëve që ky është qëndrimi i DASH. Donald Lu është ambasador karrierë nuk mund të dalë një cm nga linjës zyrtare. Tejkalimi i kopetencave është i Adriatik Llallës nuk duhet të kishte folur fare, të bënte punën e vet ashtu sic e ka bërë sepse nuk ka më kohë që ta bëjë më mirë. Ligji i ri e ka zhveshur nga kopetencat, është figurë deri në momentin që do fillojë struktura e re. Llalla ka dalë jashtë kornizave, Donald Lu nuk ka dalë farë nga kornizat.

kornizat.

/Oranews.tv/

Samiti i Maltës: "T'ia dalim të bashkuar ose të dështojmë të veçuar"

Presidenti i këshillit të BE-së Donald Tusk ka vendosur një moto luftarake për samitin e BE-së në Maltë. A do ta ndjekin atë të gjitha vendet anëtare? Nëse po, në cilën të ardhme?

"BE-ja nuk është perfekt, por është instrumenti më i mirë, që ne kemi për t'u bërë ballë sfidave." Këtë fjali e shënuan kryetarët e shteteve dhe të qeverive të BE-së, që mblidhen të premten (03.02) në Maltë, qysh pas takimit të parë pas daljes së Britanisë së Madhe nga unioni në takimin e shtatorit në Bratislavë. Ata duan të prezantohen të bashkuar,e dhe pse britanikët janë larguar nga bordi. Unioni duhet të reformohet, u tha në Bratislavë. Në çfarë drejtimi dhe me çfarë qëllimi, kjo duhet të përcaktohet më së voni në samitin me rastin e 60 vjetorit të themelimit të BE në Romë më 25 mars 2017.

Gjatë takimit në Maltë duhet të hidhet një hap i parë për zbutjen e krizës aktuale të BE-së. Kështu e parashikon plani i miratuar në Bratislavë. Sa i përket çështjes parimore, se si do të bashkëveprojnë në të ardhmen anëtarët e BE-së, deri më tani nuk ka avancim. Ka vetëm disa mendime të pa koordinuara. Megjithatë, sipas diplomatëve të BE-së në Bruksel, asgjë nuk është pjekur për të marrë vendime.

Franca, Gjermania, Belgjika, Luksemburgu, Holanda dhe Italia duan ta thellojnë bashkëpunimin në BE. Polonia, Çekia, Sllovakia dhe Hungaria duan të theksojnë elementin nacional dhe ta sprapsin integrimin brenda BE-së. E pastaj janë vendet jugore, që akuzojnë veriun, se nuk bën sa duhet për rritjen ekonomike. Veriu nga ana tjetër akuzon vendet jugore, se nuk bëjnë sa duhet për të qenë në ekonomi të aftë për konkurrencën. Pavarësisht konflikteve ka ndërkohë grupe që merren me modele të ndryshme, sikurse njoftojnë diplomatët.

Hija e Trump e pranishme

Një sfidë tjetër, që duhet kapërcyer në Maltë, mban emrin Donald Trump. Në sfondin e atakimeve të presidentit të ri të SHBA-së ndaj BE-së, shumë politikanë në Bruksel parashikojnë, që samitin do ta preokupojë mbrojtja nga Trump. "Duhet të jepet një lajm i qartë ndaj qytetarëve në Europë dhe pjesës tjetër të botës, që shtete në BE bashkëpunojnë vullnetarisht. Ne kemi vlera dhe parime të përbashkëta, që ne i mbrojmë ndaj çdo kundërshtari, që do t'i shkatërrojë ato", thotë eurodeputeti socialdemokrat, Jo Leinen për DW. Natyrisht që duhet të përballesh me figura autoritare si presidenti rus Putin dhe presidenti turk Erdogan, thotë Jo Leinen, por "për fat të keq më duhet të përmend, se edhe Donald Trump, është si një zhgjëndër për shumë në BE."

Jo të gjithë krerët e qeverive dhe të shteteve të BE-së e shohin me kritikë administratën e re të SHBA-së. Hungaria dhe Polonia mund të përfitojnë diçka prej nacionalizmit të Trump-it. Por presidenti i Këshillit të BE-së, pra kryetari i klubit të samitit, Donald Tusk tërheq vëmednjen, që Trump është "një rrezik për Europën". Tusk edhe presidentin rus Putin e sheh si një "kërcënim" dhe vazhdimisht i ka kërkuar atij, që të zbatojë armëpushimin me Ukrainën. "Zoti Tusk ka shkruar një letër drejtuar kryetarëve të shteteve dhe të qeverive, në fjalinë e fundit të së cilës thuhet: 'Bashkë do të rezistojmë, të veçuar do të dështojmë.' Por si për ironi ky është një citat nga kushtetuta amerikane. Përse duhet ta përdorim ne këtë moto edhe për BE-në?", këtë pyetje shtron eurodeputeti Jo Leinen në prag të samitit në Maltë.

Trumpi dhe Evropa - ç'duhet të presin BE-ja dhe Gjermania?

Donaldi Trumpi bëri betimin si presidenti i 45-të i SHBA-së. Si mendon Trumpi për BE-në, Gjermaninë dhe marrëdhëniet transatlantike?

Bashkimi Evropian është për Gjermaninë një mjet për qëllimet e saj; NATO-ja "e vjetëruar": intervista e Donald Trumpit dhënë gazetës gjermane "Bild", shkaktoi habi dhe indinjatë.

Shumë nga deklaratat e Donald Trumpit rreth Evropës, Gjermanisë dhe NATO-s janë kontradiktore. Megjithatë që në fjalimet e tij të para të fushatës elektorale u bë e qartë se lajtmotivi që do të përcaktojë politikën e jashtme dhe ekonomike të Trumpit  është: "America First" - "Interesat e Amerikës kanë përparësi". Në dallim me politikën shumëvjeçare amerikane Trumpi e sheh BE-në si një krijim artificial pa shpirt, që madje  dëmton ekonominë amerikane.

Protesta kundër Trumpit në Berlin në kohën ai bënte betimin presidencial.

Trumpi ndan mendimin e mikut të tij britanik dhe kritikut ndaj BE-së Nigel Farage: BE-ja u shërben kryesisht interesave të ekonomisë gjermane, kështu tha Trumpi në një intervistë me gazetata "Bild" dhe "Times": "BE-ja është në thelb një instrument për Gjermaninë. Kjo është arsyeja pse e konsideroj si shumë të zgjuar vendimin e Britanisë për të dalë nga BE-ja." - tha Trumpi.

Skeptik jo vetëm ndaj BE-së

Trumpi mendon në kategorinë e shteteve kombëtare dhe është skeptik jo vetëm ndaj BE-së por edhe ndaj OKB-së apo organizatave të tjera multinacionale. Trumpi mendon se mes shteteve mund të ketë marrëveshje dypalëshe, por jo një situatë win-win për të gjithë. Ndërsa paraardhësi i tij Barack Obama e vlerësonte Bashkimin Evropian si një nga arritjet më të mëdha në historinë e Evropës, Trump është i bindur se pas Britanisë nga BE-ja do të largohen edhe vende të tjera.

Protestë kundër Trumpit në Berlin - 'Mr. President, walls divide, build bridges!'

Heather Conley, eksperte për Evropën pranë "Qendrës për Studime Strategjike dhe Ndërkombëtare", një think-tank i politikës së jashtme në Uashington, mendon se nën drejtimin e Trumpit do të ketë një "ringjallje të marrëdhënieve dypalëshe" midis SHBA dhe Britanisë së Madhe. "Tashmë është njoftuar se kryeministrja Theresa May së shpejti do të vijë në Uashington."- thotë Heather Conley.

Ndërsa Barack Obama i kishte paralajmëruar britanikët ndaj Brexit-it, Donald Trumpi synon një marrëveshje të shpejtë dypalëshe tregtare me Mbretërinë e Bashkuar. Pjesë e strategjisë negociuese të Trumpit  është që t'i vërë disa partnerë kundër njëri-tjetrit në mënyrë që të nxjerrë në fund për veten dhe vendin e tij më të mirën. Kjo shpjegon gjithashtu deklaratat kontradiktore të Trumpit për NATO-n.

Antidemokraci origjinale në Rumani

Mënyra se si u zbutën dënimet për abuzimet me postin në Rumani bën të qartë, që qeveria është koshiente, se padrejtësinë e ka bërë drejtësi. Ky vend ka nevojë për ndihmën e BE-së, mendon Peter Janku.

Ata u mblodhën së bashku njësoj si hajdutët natën: pa njoftuar as kolegët e kabinetit në ditën me diell për qëllimet e tyre, kësisoj të martën në mbrëmje (31.01) ministri i Drejtësisë Florin Iordache vendosi në rendin e ditë të një mbledhjeje të pazakontë të kabinetit në një orë të vonë dekretet me procedurë të përshpejtuar. E më pas ai me këmbëngulje dhe i pamëshirshëm argumentoi, atë që theksojnë pa u lodhur mbështetësit e qeverisë, që ata të lirohen prej "burgjeve të tejmbushura". Brenda natës dekretet u publikuan në fletoren zyratre, për të hyrë kështu menjëherë ligjërisht në fuqi.

Gjoja burgje të tejmbushura

Qeveria nuk i mori parasysh deklarimet e ekspertëve, që pas një verifikimi e kanë theksuar vazhdimisht, se burgjet në Rumani nuk janë të mbingarkuara, ose të paktën më pak të ngarkuara krahasuar me ato holandeze e italiane. Iordache në një konferencë shtypi të organizuar me nxitim nuk lëshoi pe ndaj asnjë rezerve të shprehur mbi bazë argumentash. Ai vazhdimisht theksoi, se vetëm qeveria dhe parlamenti kanë "të drejtë, që të lëshojnë ligje e dekrete".

Se çfarë synohet vërtetë përmes dekreteve, kjo merret me mend nga nxitimi si dhe mosrespektimi me arrogancë i të gjitha rregullave dhe normave demokratike dhe të shoqërisë civile: synohej, që të dalin me duar të pastra dhe të mund të qeverisin sërish ata që janë dënuar ndërkohë për mashtrim elektoral si dhe për shkelje të tjera si kryetari i partisë socialdemokrate, Liviu Dragnea, e duzina të tjerë anëtarët të partisë të akuzuar për korrupsion e abuzim. 

E kjo pavarësisht manifestimeve masive kundër, pavarësisht refuzimit të dekreteve nga opozita dhe shoqëria civile, pavarësisht kërkesës së presidentit për pezullimin e tyre, pavarësisht mosaprovimit prej drejtësisë dhe drejtueses së Autoritetit të Antikorrupsionit, DNA, së cilës i tremben të gjithë politikanët.

Peter Janku

Presidenti i indinjuar

Presidenti Klaus Johannis, i cili një herë ia doli që qeveria t'i heqë dekretet nga rendi i ditës, reagoi i indinjuar. Presidenti i kërcënuar disa herë me shkarkimin nga posti prej krerëve të partisë populiste socialdemokrate dhe aleatëve të saj liberal në koalicion, e kritikoi aksionin me nxitim në terrin e natës që u pasua me aksione protetste. Johannis e quajti një "ditë zie" dhe deklaroi, se "deri në ditën e tij të fundit në detyrë" do të luftojë për rivendosjen e shtetit ligjor në Rumani. Kritika të ashpra erdhën edhe nga organizma relevantë duke përfshirë edhe sindikatat, që tradicionalisht janë të afërta me qeverinë e majtë nacionaliste. 

Ndërsa nga qendra e europianëve të preokupuar me Trump-in dhe populistët e djathtë në Europën Qendrore nuk pati asnjë reagim. Të nesërmen e vendimit përmes një mesazhi në twitter u prononcua europarlamentarja ekologjiste Rebecca Harms duke iu adresuar presidentit të Komisionit të BE-së Tusk, se Rumania ka nevojë për ndihmën e BE-së. Diku nga mesdita (01.02) Jean-Claude Juncker dhe ambasada gjermane në Bukuresht shprehën shqetësimin e tyre. Megjithatë në sfondin e efikasitetit të mediave të propagandës ultranacionaliste dhe armiqësore ndaj demokracisë ndërhyrje të tilla kalojnë pa u vënë re.  

Rumania nuk duhet lënë vetëm

A është i kërcënuar tani ekzistencialisht shteti ligjor në Rumani? Këtu në fillim të viteve nëntëdhjetë u aplikua një sistem postkomunist autoritar i "demokracisë origjinale". Por edhe në vende të tjera nga Ankaraja deri në Budapest, nga Varshava deri në Uashington tashmë parimet e padiskutueshme po cënohen prej populizmit të shfrenuar. Apo ndoshta ka marrë fund është sheti ligjor rumun? Nuk përjashtohet as njëra dhe as tjetra. Masat e rigjallërimit janë urgjentisht të nevojshme. Europa kurrësesi nuk duhet ta lerë vetëm Rumaninë. Ta ndjekësh me vëmendje dhe të veprosh me efikasitet, kjo do të ishte rruga e vetme e arsyeshme. 

Orёt e fatit tё Europёs

Jo tё gjithё kryeministrat e BE-sё e konsiderojnё si kёrcёnim ekzistencial Trump-in. Uniteti ёshtё tani i vetmi shans i yni, mendon Barbara Wesel.

Angela Merkel e ka luajtur me menҁuri rolin e saj nё kёtё samit tё rёndёsishёm. Sepse fjalёt e qarta qё Europa kёrcёnohet prej pushtetit tё Donald Trump-it, siҁ parashtroi nё fillim tё samitit Presidenti i Kёshillit tё Europёs Donald Tusk, bartin nё vetvete njё farё mase mungesё uniteti. Ndonёse nuk pati rezistencё tё hapur kundёr kёsaj linje tё pёrbashkёt, tek disa europiano-lindorё duket tё jetё e zbehtё tendenca pёr tё dalё nё ofensivё tё hapur kundёr Shtёpisё sё Bardhё. Ndaj kancelarja bёri ҁ'ishte e mundur pёr ta ulur temperaturёn emocionale.

Europa pёrcakton fatin e vet

Lidhur me presidentin amerikan dhe paqendrueshmёrinё e tij, shpёrthimet e tij dhe mungesёn e njohurive pёr politikёn botёrore, Merkel nuk tha asgjё. Ajo e pati kritikuar qartazi vendimin e tij pёr ndalimin e udhёtimit nё SHBA dhe e la me kaq. Sipas saj Europa duhet tё kёrkojё bashkёpunimin me SHBA bazuar nё vlerat e veta, aty ku ka interesa tё pёrbashkёta dhe pёrndryshe duhet tё varet tek forcat e veta. Kёtё kёshillё u dha kolegёve tё saj kryeministrja mё me pёrvojё nё radhёt e tyre. Kjo ёshtё mёnyra tipike e Merkelit, tё presёsh, tё shohёsh dhe pastaj tё veprosh. Nё sfondin e gjendjes aktuale tё pasigurtё kjo duket mё e menҁur.

Por ndoshta kancelarja gabon me kёtё qendrim, nё njё kohё qё marrёzia po pёrfshin nё masё Uashingtonin. Kur kёshilltarja e presidentit Conway shpik njё masakёr prej migrantёve, qё nuk ka ndodhur kurrё, kemi tё bёjmё me njё shkёputje prej pёrgjejshmёrisё politike. Diҁka e tillё e ka prejardhjen direkt nga kuzhina propagandistike e shtrigave tё fashizmit tё shekullit tё 20-tё. Kjo nuk ka tё bёjё mё me "fake" - kur ёshtё vetёm gёnjeshtёr dhe falsifikim. Duket e dyshimtё, se deri nё ҁ'masё mund tё bihet dakord pёr ndonjё gjё me kёtё qeveri.

Barbara Wesel

E ardhmja e Europёs ёshtё nё rrezik

Kancelarja e ka tё qartё, se sa e rrezikshme ёshtё gjendja. Por ajo nuk mund t'i imponojё vendeve tё tjera europiane mё shumё unitet. Ndaj dhe nё fund ajo pёrmendi mundёsinё, qё mund tё shkohet nё Europёn e dy shpejtёsive. Pas zgjedhjeve nё Holandё, nё Francё, nё Gjermani e ndoshta edhe nё Itali nё BE do tё merret njё vendim.

Nёse dёshirohet njё e ardhme e pёrbashkёt apo do t'u lihet Trump-it dhe ekstremistёve tё djathtё tё na bindin, se shpёrbёrja e BE-sё dhe ringjallja e nacionalizmit janё njё ide e mirё – kjo do tё vendoset nё 2017. Ndoshta nё fund mbeten njё grup i vogёl vendesh, qё do tё duan tё vazhdojnё tё qendrojnё bashkё. Ndoshta as kjo nuk do tё jetё e mundur. Atёherё Europa do tё merrte fund, do tё coptohej nё 28 vende tё vogla dhe tё mesme, shanset globale tё tё cilёve janё tё mjerueshme. Fati i tyre kёsisoj nё mёnyrё selektive do tё pёrcaktohet prej Kinёs, Rusisё dhe SHBA-sё, pikёrisht ashtu si e ka pёrshkruar nё njё letёr tё tij drejtuar krerёve tё shteteve dhe qeverive Donald Tusk.

Vetёm bashkё ne mund tё jemi tё fortё …

Apelet pёr unanimitet janё ndёrkohё emёruesi mё i vogёl i pёrbashkёt. Ndoshta duhet tё ndodhё edhe mё shumё nё SHBA, pёr t'ua bёrё tё qartё qeverive europiane seriozitetin e gjendjes. Nёse vendet si Polonia apo Italia besojnё, se ato mund tё gatuajnё nё kёtё mes ҁorbёn e tyre, ato gabohen rёndё. Ne si europianё do tё mbijetojmё bashkё politikisht, ose do tё dёshtojme bashkё. Ende nuk ёshtё e qartё, se ku do tё ҁon kjo rrugё.

Putini dhe Trumpi dakordohen për "partneritet të barabartë"

Presidentët Donald Trump dhe Vladimir Putin në bisedën telefonike kanë rënë dakord për raporte bilaterale në nivel të barabartë. Presidentët janë dakorduar që t'i stabilizojnë raportet SHBA-Rusi.

Presidenti amerikan Trump ka telefonuar për herë të parë pas marrjes së postit me Putinin, Merkelin, Hollande... Në raport me Putinin janë treguar simpati të dyanshme.

Presidentët Donald Trump dhe Vladimir Putin në bisedën telefonike kanë rënë dakord për raporte bilaterale në nivel të barabartë, kumtoi Kremlini pas telefonatës. Njëkohësisht duhet të përmirësohet koordinimi mes Rusisë dhe SHBA në luftën kundër organizatës terroriste IS në Siri. Trumpi ka kumtuar shkurt se është i mundur edhe aksioni i përbashkët ushtarak me Rusinë.

Pas një periudhe të raporteve të këqija mes SHBA dhe Rusisë, presidentët janë dakorduar që këto raporte t'i stabilizojnë dhe përmirsojnë. Ata kanë rënë dakord për vazhdimin e kontakteve të rregullta personale dhe kanë kërkuar prej shtabeve të tyre që të përcaktojnë vendin dhe kohën e mbajtjes së takimit të parë.

Simpatitë mes vete

Në këtë telefonatë është biseduar për stabilitetin strategjik, konfliktin në Lindjen e Mesme, programin atomik të Iranit, gjendjen në siujdhesën e Koresë dhe në Ukrainë. Në këto çështje do të ketë bashkëpunim dhe partneritet të barabartë. Në këtë telefonatë nuk ka qenë në qendër të vëmendjes heqja e sanksioneve amerikane ndaj Rusisë, për shkak të luftës në Ukrainë. Trump tha se populli amerikan shikon "me simpati Rusinë dhe shtetasit e saj". Thuhet se njëjtë është shprehur edhe Putini për popullin amerikan dhe ndjenjat ruse ndaj këtij populli.

Trump kohët e fundit ka pasur disa herë deklarata pozitive për Putinin dhe ka mbështetur afrimin me Rusinë. Putini ka qenë ndër të parët që e ka uruar Trumpin për fitore në zgjedhjet e nëntorit.

Hollande paralajmëron Trumpin

Trump ka telefonuar të shtunën edhe me presidentë dhe kryeministra të tjerë. Ndër tjerash edhe me kancelaren gjermane Angela Merkel, të cilën e ka akuzuar rëndë gjatë fushatës elektorale, duke e quajtur politikën e saj ndaj refugjatëve si "katastrofale". (Më shum lexoni në: http://www.dw.com/sq/merkel-dhe-trump-theksuan-r%C3%ABnd%C3%ABsin%C3%AB-e-nato-s/a-37318909)

Ndërsa presidenti i Francës François Hollande e ka paralajmëruar presidentin Trump nga politika e prçarjeve dhe ndarjeve. Hollande ka folur edhe për pasojat e mundshme të politikës së proteksionizmit në ekonomi, u kumtua nga Pallati Elysée. Presidenti i Francës ka kërkuar edhe respektimin e parimeve demokratike, ndër to edhe gatishmërinë për pranimin e refugjatëve.

Trump të premten ka nënshkruar një dekret për ndalimin e futjes së refugjatëve në Amerikë. Ai ka nxjerrë nga fuqia edhe programin për refugjatë, për 120 ditët e ardhshme. Ndërsa futja e refugjatëve nga Siria në SHBA është ndaluar për një kohë të pacaktuar.

Merkel dhe May kundër vendimit të Trumpit

Kancelarja gjermane ka kundërshtuar hapur vendimet e presidentit amerikan për ndalimin e futjes në SHBA të regfugjatëve. Ajo ia kujton Trumpit konventat dhe të drejtën humanitare.

Kancelarja Angela Merkel është e bindur se "as lufta e domosdoshme kundër terrorizmit nuk e justifikon ndalimin e futjes në një vend të personave nga vende dhe me fe të caktuara", kumtoi zëdhënësi i qeverisë gjermane, Steffen Seibert në Berlin.

Presidenti amerikan Donald Trump ka nënshkruar të premten një dekret me të cilin ndalohet për 90 ditë hyrja në SHBA e shtetasve të Sirisë, Iranit, Irakut, Sudanit, Somalisë, Libisë dhe Jemenit. Ndërsa hyrja në vend e refugjatëve nga mbarë bota ndalohet për 120 ditë. Për refugjatët nga Siria është vendosur madje një ndalim i futjes në SHBA për një kohë të pacaktuar.

.

Merkel ia kujton Trumpit konventën për refugjatë

Seibert the se kancelarja Merkel "shpreh keqardhje" për shkak të vendimit të presidentit Donald Trump dhe këtë ia ka thënë presidentit Trump edhe në telefonatën 45-minutëshe të ditës së shtunë. Konventa e Gjenevës për refugjatët parashikon që vendet të ofrojnë ndihma humanitare për pranimin e refugjatëve të luftës. "Të gjitha vendet nënshkruese të kësaj konvente janë të detyruara ta respektojnë këtë konventë. Kancelarja gjermane ia ka shpjeguar këtë qëndrim presidentit amerikan edhe gjatë telefonatës së ditës së shtunë", theksoi zëdhënës i kancelares.

Qeveria gjermane do të "shikojë se cilat janë pasojat e vendimit të presidentit amerikan për personat me dyshtetësi dhe në raste të caktuara do të mbrojë interesat e personave të caktuar para partnerëve amerikanë".

Pas komenteve të përmbajtura në fillim, edhe kryeministrja britanike Theresa May e ka kundërshtuar vendimin e presidentit Trump. Më parë May është kritikuar në vendin e saj për shkak të pohimit të saj gjatë qëndrimit në Ankara, se SHBA e mban përgjegjësinë vet për politikën e saj ndaj migrantëve. Një zëdhënës i kryeministres tha se Britania e Madhe do të reagojë nëse këto dekrete i prekin edhe shtetasit e mbretësisë së bashkuar.

Irani: Vendimi çon ujë në mullirin e terroristëve

Minsitri i jashtëm i Iranit Mohammed Dschawad Sarif paralajmëroi Trumpin se ndalimi i futjes në këtë vend i personave nga shtatë vende myslimane i mbështet ekstremistët në pohimet e tyre. "Diskriminimi kolektiv ndihmon terroristët për

rekrutim, ndërsa demagogët ekstremistë do të përpiqen të forcojnë radhët e tyre", tha ministri.

Menjëherë të shtunën ka reaguar edhe Ministria e Jashtme iraniane, e cila nuk ka lejuar asnjë shtetas amerikan të futet në këtë vend. Në vend kanë mundur të futen vetëm personat me vizë të rregullt.

Gjykatësja kundër Trumpit

Ministria për Mbrojtjen e Atdheut ka vendosur t'i nënshtrohet vendimit të gjykatëses federale Ann Donnelly, e cila ka konstatuar se asnjë prej personave të ardhur që nga dita e premte në SHBA nuk mund të dëbohet, nëse ka një vizë të rregullt për t'u futur në këtë vend. Kundër ndalimit të futjes në vend të myslimanëve kanë paditur shumë organizata humanitare.

Por autoritetet theksuan se dekreti edhe më tej mbetet parimisht në fuqi. Dekretet e presidentit do të aplikohen në njërën apo tjetrën formë edhe në të ardhmen. Qeveria amerikane ka bërë të ditur se do të anulojë vizat, në qoftë se cënohet siguria në vend.

Bernd Riegert - BE duhet t'i dalë ballazi Donald Trump

SHBA ishte një vend i mrekullueshëm...por një ditë u fut në Shtëpinë e Bardhë, Donald Trump. Politika e tij do ta dëmtojë Europën, e duhet ta dëmtojë, po të ishte për Trump. Por BE duhet të mbrohet, kërkon Bernd Riegert.

Gazeta franceze e përmbledh më mirë: Kryeartikullin e së martës (31.01) ajo e titullon "Trump- a mund të ndalet ai?" A munden europianët të ndalin biznesmenin dhe showmanin e ngjitur në një president egoman? Kjo do të jetë një nga detyrat më të vështira që ka pasur BE. Sepse ky njeri, që me një shpejtësi të paparë po shkund fort shtyllat e emokracisë amerikane, dhe në botë po sjell irritim, ky njeri e ka vërtet seriozisht. Të gjitha ato fjalë, se posti do ta ndryshojë Trumpin, nuk kanë më vlerë tani.

Gjermania një objektiv i mundshëm

Donald Trump - thënë hapur - përbën rrezik për Bashkimin Europian dhe demokracitë liberale europiane. Ai simpatizon hapur me Putinin. Ai i mbështet lëvizjet nacionaliste dhe populiste në BE. Nuk ka çudi që admirimi atij i vjen nga Wilders në Holandë, Le Pen në Francë, Strache në Austri, Grillo në Itali. Më keq se kaq: Presidenti amerikan flet madje për shpërbërjen e BE-së, e sheh si gjë të mirë daljen e Britanisë së Madhe dhe pjesën tjetër të unionit e sheh si një bashkim të udhëhequr nga Gjermania.

Në përfytyrimet e tij të paqarta për botën, Trump e sheh BE, pra Gjermaninë si një konkurrente ekonomike, të cilën duhet ta mundësh. Gjermania me eksportet e zhvilluara, edhe në SHBA, me sa duket është epiqendra e së keqes për administratën e re. Trump kërkon ta ndryshojë në mënyrë radikale deficitin e bilancit tregatar me parulla si "buy american, hire american" - bli produkte amerikane, punëso amerikanë".

Ai do të vendosë tatime të reja dhe do të fusë doganat, pa menduar për pasojat ekonomike. Prandaj Bashkimi Europian duhet të përgatitet që tani për një luftë tregtare dhe ekonomike të përmasave të papara ndonjëherë. Po qe se presidenti i ri e prish rendin e deritanishëm të ekonomisë botërore, Europa duhet të jetë e përgatitur, të gjejë partnerë të rinj në Azi. Mund të thuash se Trump me këtë kthesë radikale drejt izolacionizmit dhe dirigjimit të shtetit, vë në rrezik kredibilitetin e SHBA-së. Por a e kanë ndalur atë deri më tani argumentat e arsyeshëm?

Bernd Riegert

Tone të tjera nga Donald Tusk, po veprat?

Më në fund, në ditën e 11-të pas marrjes së pushtetit në Uashington është shprehur edhe kryetari i Këshillit të BE-së, Donald Tusk. Ai e klasifikoi SHBA -në si kërcënim, i afërt me kërcënimin nga Rusia, Kina, apo edhe terrori islamist. Tusk kërkon hapa radikalë për shpëtimin dhe ruajtjen e BE-së. Tingëllon e ashpër, por e vërtetë. Për një kohë të gjatë nuk u dëgjua nga Brukseli asgjë për zhvillimet e rrezikshme në SHBA.

Vetëm nga Berlini dhe Parisi dëgjohet protestë e vakët. Polonia, Çekia, Hungaria nuk e kanë kritikuar ndalimin e përkohshëm të udhëtimit për myslimanët nga shtatë vendet kryesisht myslimane, sepse aty dihet që veprojnë forca nacionaliste. Por më së voni, kur të vijë puna tek zhvillimi ekonomik dhe kërcënimi i mirëqenies, të cilën e kërcënon administrata e Trumpit, shpresojmë që europianët të bashkojnë radhët.

Sinjal nga Malta në Uashington?

Në takimin jozyrtar të premten e kësaj jave të 28 vendeve anëtare të BE-së, ekzsiton mundësia e një përgjigjeje të qartë për Trumpizmin. A mund të ndalet ai? Po, por vetëm të bashkuar. Një kryeministre duhet ta heqim nga lista. Kryeministrja britanike, May i është hedhur në qafë Trumpit, me shpresën e një marrëveshjeje tregtare. Por edhe Britania e Madhe eksporton më shumë produkte në SHBA se sa importon, prandaj May nuk duhet të ketë shumë shpresa për sigurimin e avantazheve. Edhe në Britaninë e Madhe fjalën e kanë izolacionistët dhe nacionalistët.

Një shpresë mbetet: Kongresi amerikan dhe në rast nevoje edhe gjykatat mund ta ndalin marshin e fitimtarit Trump. Po ata miliona vetë që kanë votuar për të? Pse votuan ata për një shtrembërues të fakteve dhe sharlatan për ta futur atë në Shtëpinë e Bardhë? Kjo pyetje ende nuk ka marrë përgjigje.

Bernd Riegert - Europa dhe Trump: Krisja e parë

Reagimet nga Europa pas urdhrit presidencial për ndalimin e udhëtimit të udhëtarëve nga 7 vende myslimane janë kritike. Por jo të gjitha vendet anëtare shprehen kundër Donald Trump.

Rreth 300 vetë demonstruan kundër Donald Trump pranë bursës së Brukselit. Ndërsa tre kilometra më tutje e ngarkuara e BE-së për politikën e Jashtme, Federica Mogherini, nuk u përmbajt shumë nga ana diplomatike. Për presidentin, Donald Trump ajo kishte këtë këshillë: „Kush ngre rreth vetes mure, gjendet një ditë vetë në burg." Pas takimit me ministrin e Jashtëm norvegjez, Börge Brende ajo u shpreh lidhur ndalimin e hyrjes në SHBA për udhëtarët nga 7 vende kryesisht me popullsi myslimane se „kjo nuk është rruga europiane". Më tej ajo shtoi se „BE beson në një sistem normash dhe rregullash ndërkombëtare." Historia e Europës ka treguar se izolimi dhe distancimi janë përgjigje të gabuara. „Ne festojmë kur rrëzohen muret dhe ngrihen ura", tha ajo.

Juncker: Mes kthimit pas dhe së ardhmes

Më parë zëdhënësi i Komisionit Europian, Margaritis Shinas ishte shprehur, se KE është në kontakt me kolegët dhe partnerët në Uashington, për të sqaruar, nëse dhe se si preken nga ky dekret i ri qytetarët europianë. Ende nuk dihet, se si do të veprohet në aeroportet amerikane me qytetarë europianë, të cilët kanë dy pasaporta, dhe njëra prej tyre është e 7 vendeve që ndodhen në listën e Trumpit. Në faqen e facebook-ut të ambasadës amerikane në Berlin u publikua një shënim, në të cilin thuhet, se edhe personat me nënshtetësi të dyfishtë do të preken nga ndalimi i përkohshëm i hyrjes në SHBA. Zëdhënësi i Ministrisë së Jashtme në Berlin tha se kjo mund të prekë mijëra qytetarë gjermanë.

Zëdhënësi, Margaritis Schinas, i cili flet në emër të presidentit të KE-së, Jean-Claude Juncker nuk donte ta komentonte politikisht dekretin. Ai iu referua një artikulli që Juncker publikoi në fundjavë në gazetën gjermane „Die Welt" ku ai shkruan se tani „kemi zgjedhjen mes izolimit, pabarazisë, egoizmave kombëtarë dhe hapjes ndaj botës, drejtësisë sociale dhe unitetit, kemi zgjedhjen mes kthimit pas dhe të ardhmes, mes mendjengushtësisë dhe Europës."

Ndërkohë nga KE nuk ka plane për ndalimin e vizitës së presidentit amerikan në Bruksel përmes një peticioni, ndërkohë që në Britaninë e Madhe në një peticion-online janë mbledhur qindra-mijëra firma për të penguar vizitën e presidentit amerikan. Kryeministrja britanike, Theresa May megjithatë është shprehur, se vizita do të zhvillohet, Trump është i ftuar dhe se ai ka premtuar ardhjen në Londër.

"Lidhja speciale” SHBA-Britani e Madhe dhe reagimet nga Lindja

Qeveria britanike thekson me dëshirë „lidhjen e veçantë” me SHBA. Sipas ministrit të Jashtëm, Boris Johnson ai ia ka dalë mbanë, që të bëhet një përjashtim për qytetarët britanikë, të cilt zotërojnë një pasaportë nga shtatë vendet e përjashtuara nga hyrja në SHBA, si Siria, Iraku, Irani, Somalia, Jemeni, Libia dhe Sudani. Dy ministra të Jashtëm europianë, ministri i Jashtëm francez, Jean-Marc Ayrault, dhe ai gjerman Sigmar Gabriel shprehën shqetësimin për "urdhrin ekzekutiv”. "Tani kemi nevojë për qartësi, unitet dhe në rast nevoje edhe fuqinë për të mbrojtur vlerat tona, vizionin tonë për botën dhe interesat franceze, gjermane dhe europiane”, thanë Ayrault dhe Gabriel në Paris.

Por reagimet e BE-së nuk janë unifikuara. Presidenti çek, Milos Zeman lëshoi një deklaratë, ku ai thotë, se presidenti Trump mbron vendin e tij. "Ai është i shqetësuar për sigurinë e qytetarëve të tij. Pikërisht këtë nuk e bëjnë elitat në BE.” Edhe ministri i Jashtëm polak Witold Waszczykowski nuk donte ta kritikonte ndalimin e udhëtimit, duke theksuar se çdo shtet lejohet t'i vendosë vetë rregullat për imigrimin. Polonia aktualisht refuzon pranimin e refugjatëve dhe azilkërkuesve, sipas një vendimi të BE-së për shpërndarjen e refugjatëve nga Greqia dhe Italia.

Floripress : Dritëro Agolli -ishte një ikonë kombëtare

Agjencioni Floripress nga Prishtina u shprehu sot ngushëllimet e thella familjes së Dritëro Agollit dhe popullit shqiptar për humbjen e një ikone kombëtare.

“Trashëgimia e tij do të jetojë në punën e tij dhe fjalët e tij do të vazhdojnë të frymëzojnë gjeneratat e shqiptarëve”, thuhet në mesazhin e Telegramit të "Floripress"-it nga Prishtina.

Ai i dha emrin kohës, dhe jo koha emrin atij, përmes fjalëve. Ndaj edhe Dritëroi do të jetojë përtej saj.

Korifeu i letrave shqipe u shua, duke dehur me vargjet e tij çkokënd që e lexoi:

Këtë poezi, shkrimtari, përkthyesi, patriarku i letrave shqipe lexoi nje poezi edhe në takimin e fundit me publikun, dy muaj më parë, ku edhe prezantoi poezi të reja, nën titullin “Prit edhe pak”. Edhe ato të shkruara me dorë, pasi Dritëro Agolli është nga ata shkrimtarë që nuk ka përdorur kurrë makinë shkrimi apo kompjuter.

Dritëro Agolli cilësohet si një nga shkrimtarët më të mirë të të gjitha kohërave në letërsinë shqipe duke u përfshirë kështu në antologjitë e disa vendeve të botës. Ai kërkonte shumë nga poezia, nisur nga krijimi i një poezie për “unin” përkundër poezisë që shkruhej në kohën kur emri i tij lakohej në lidhjen e shkrimtarëve “Për të bashkuar masat”.

Edhe pse deputet edhe në kohën e diktaturës dhe tranzicionit, për gati 3 dekada, edhe pse 20 vite i kaloi si kreu i lidhjes së shkrimtarëve, poezia, romanet e përkthimet janë ato që e bëjnë Dritëro Agollin një krijues, që jeton përtej kohës.

******
Poeti i letrave shqipe Dritëro Agolli ndërroi jetë në moshën 85-vjeçare pasi prej disa ditësh, ai ishte shtruar në spitalin universitar ”Shefqet Ndroqi”, në Tiranë për shkak të gjendjes së tij të rënduar shëndetësore prej një sëmundje pulmonare.


Flori Bruqi,Editor

Media serbe sulmon kryeministrin shqiptar Edi Rama

Media serbe sulmon kryeministrin shqiptar Edi Rama. Gazeta “Kurir” ne kryeartikullin e kësaj te shtune shkruan: “Edi Rama kërcënon me luftë, serbë do t’ju shkelim, në qoftë se vetëm një centimetër do të hyni në Kosovë”.Gazeta i referohet nje deklarate te bere pak dite me pare nga kryeministri shqiptar ne nje televizion ne Kosove, ku ai u shpreh se nëse cenohet territori i Kosovës, Shqipëria e Kosova jane te gatshme te kundërpërgjigjen. Ne shkrimin e saj “Kurir” e sheh këtë si nje porosi te Rames per te sulmuar Serbinë.
Nga ana tjetër per presidentin kosovar Thaçi, theksohet se ai ka kërcënuar se serbet do te jene te detyruar te shembin murin ne Mitrovice. Kjo media shkruan se ndryshe nga Beogradi qe ben apel per paqe dhe vetëpërmbajtje, shqiptarët nuk ndalen se kërcënuari me luftë. Komentet vijnë ne nje kohe kur Kosova dhe Serbia u jane rikthyer bisedimeve te Brukselit dha janë angazhuar te ulin tensionet.
Me herët, kryeministri Rama është sulmuar edhe nga Ministria e Jashtme maqedonase, per qëndrimet e tij per politikanet shqiptare ne kete vend. Ministria ka kërkuar qe politikanet e vendeve fqinje te merren me problemet e tyre dhe te mos ndërhyjnë ne çështjet e brendshme, apo te ndezin zjarrin tek fqinjët e tyre.

0:05 / 0:50