Guardian : Britanikët zbulojnë edhe një sekret: Ja çfarë i ndodhi kriminelit Millosheviq, rrugës drejtë Hagës

Julian Borger, njëri nga gazetarët më të respektuar britanikë, redaktor i të përditshmes Guardian dhe fitues i çmimit Pulitzer, së fundmi ka nxjerrë në shitje librin e titulluar “The Butcher’s Trail”, që flet për hetimet dhe kërkimet intensive që janë bërë për kriminelët e luftës në ish-Jugosllavi.

Në librin për të cilin thotë se e ka shkruar për vite qysh në kohën kur ishte korrespondent i luftës në vitet e 90-ta në Ballkan, Borger sjellë detaje të panjohura deri më sot në lidhje me “gjuetinë” e Ratko Mlladiqit, Radovan Karaxhiqit, Ante Gotovinës, por edhe për punën e agjentëve amerikanë dhe britanikë në Beograd, Banja Llukë, Zagreb dhe Sarajevë.

Ai së fundmi ka botuar një artikull interesant rreth historisë së kriminelit, kasapit të Balkkanit, Sllobodan Millosheviqit dhe fluturimit të tij me helikopter për në Hagë, detaje këto të nxjerra nga libri i tij!

Më poshtë mund të lexoni momentet më interesante:

Pas negociatave të gjata, ish-presidenti Sllobodan Millosheviq, më 28 qershor të vitit 2001 e gjeti veten në një furgon i shoqëruar nga një Mercedes.

Rreth orës 19:00, kishte arritur në Banjica, ku e kanë pritur tre helikopterë, por edhe Kevin Curtis, hetues i Tribunalit ndërkombëtar. Aty ishte edhe ministri i ri i brendshëm, Dushan Mihajlloviq, i cili insistonte të dinte se sa kohë u nevojitet që Millosheviqi të largohet nga vendi i tij. Por përgjigja e Curtis ishte shumë e shkurtë dhe e qartë - 20 minuta.

Mihajlloviqit i është dukur shumë gjatë. Por, Curtis insistonte që atij gjithsesi t’i lexohen të drejtat si i arrestuar. Ky duhet të jetë një arrestim i drejtë, ka deklaruar ai derisa dikush u kujtua se kryetari Vojisllav Koshtunica, nuk është në dijeni për atë se çfarë është duke ndodhur.

Kurtis kishte dalë për ta pritur Millosheviqin. Por është interesant fakti se si i akuzuari i Hagës, kishte filluar të tallet duke thënë, “Ju lumtë. Tani mund t’i paguani këta njerëz”, duke aluduar në rojet e burgut. Pikërisht në atë ditë me lindjen e diellit, Curtis ia lexoi të drejtat dhe akuzën.

Ish-presidenti e luante njëfarë loje të vet: e ndërpreu përkthyesin duke i kërkuar një cigare, dhe duke e pyetur se ku kishte mësuar të flet aq mirë gjuhën angleze. Pastaj, rrugës për në helikopter, u ndalua sërish.

“A e dini se sot është ‘Vidovdani” o serbë”, tha ai. Dhe kështu më pas filloi të flasë anglisht.

“A po të pëlqen kjo punë që po e bën”, e kishte pyetur Curtis-in. “Çfarë bën në kohën e lirë, kur nuk arreston njerëz të pafajshëm si unë?”

Dhe për herë të fundit ia lëshoi një shikim Beogradit derisa fluturonin me helikopter mbi lumin Sava, dhe kështu sërish kërkoi edhe një cigare. Por Curtis i kishte thënë se nuk lejohet pirja e duhanit, ndërsa Millosheviqi kishte bërë me gisht në drejtim të shpuzores në helikopter.

“Unë edhe ashtu jam pronar i kësaj fluturakeje”, ka thënë ai.

Millosheviq i kishte pyetur se ku janë duke shkuar, dhe kur dëgjoi se rruga fillimisht po e dërgon në Bosnje në Tuzla, ai e përsëriti duke thënë me përbuzje “Bosnje”, thuajse nuk ishte një destinacion i denjë për udhëtimin e tij.

Dhe kështu në Tuzla në kampin “Eagle”, po e priste lejtnanti Andy Milan, komandant i njësisë “Delta Force”.

Fillimisht një ushtar e fotografoi, dhe pastaj Millosheviqi fillojë të bisedojë me të për atë se si fotografia është një profesion i mirë, dhe se cilat janë këndet më të mira për të fotografuar dhe se si duhet përdorur objektivët.

Dhe më në fund, arrin aeroplani BAE 146, i njësisë ajrore mbretërore, i njëjti aeroplan që kishte transportuar trupin e Princeshës Diana për në Britani pas vdekjes së saj në Paris në vitin 1997.

Aterrimi në aeroportin Eindhoven, në afërsi të kufirit holandez-belg, nuk është përcjellë me shkrepje të fotografive.

Aty ishte vetëm një fotoreporter nga Haga, por që i cili kishte harruar ta fus filmin brenda aparatit. Kështu që historia nuk do të mund ta mbajë në mend një moment të tillë.

Kush  ishte Sllobodan Millosheviq ?

Sllobodan Millosheviq (ser.: Слободан Милошевић) ka lindur në Pozharevc, Jugosllavi më 20 gusht 1941 dhe ka vdekur në Hagë, Holandë më 11 mars 2006. Gjatä karrierës së tij politike, Millosheviq mbajti postin e Presidentit të Republikës së Serbisë për periudhën 1989-1997, dhe postin e presidentit të Republikës Federale të Jugosllavisë për periudhën 1997-2000, kryetar i Partisë Socialiste të Serbisë nga krijimi i saj më 1992 deri në vitin 2001, dhe i akuzuar për krime lufte dhe krime kundër njerëzimit.

Prindërit e Sllobodan Millosheviq, Svetozar Milosheviq dhe Stanislava Milosheviq u divorcuan pak vite pas lindjes së Sllobodan Millosheviq. Babai i tij, prift në Kishën Ortodokse Serbe kreu vetëvrasje në vitin 1962. Nëna, Stanislava, mësuese shkolle, do të kryejë vetëvrasje (varje) në vitin 1974. Gjatë viteve të gjimnazit Millosheviqi e takon gruan e tij të ardhshme Mira Markoviq (Marković), figurë fondamentale e politikës Serbe në vitet 90 dhe inspiruese e rilindjes së nacionalizmit serb. Diplomohet jurist më 1964 në Beograd dhe i bashkohet Lidhjes Komuniste të Serbisë.

Millosheviq fillon të punojë si funksionar në firmat shtetërore të Serbisë: së pari në kompaninë e gazit e pastaj në Beogradska Banka.

Ngritja e karrierës së tij fillon në vitin 1986: Millosheviq zgjidhet president i Lidhjes Komuniste të Serbisë, falë përkrahjes së Presidentit të Serbisë, Ivan Stambolliq (Stambolić), mikut të tij personal dhe tutorit politik. Vitet 90-të karakterizohen nga ringjallja e nacionalizmit serb dhe për largimin nga modeli i Jugosllavisë titiste. Nacionalizmi merr hovë kur më 24 shtator 1986 e përditshmja beogradase Veçernje Novosti (Večernje Novosti) publikon pjesë të një dokumenti të titulluar Memorandumi i Akademisë së Shkencave dhe Arteve të Serbisë (Memorandum SANU ose Memorandum Srpske Akademije Nauka i Umjetnosti). Në këtë vepër, të redaktuar nga intelektualët serbë të udhëhequr nga novelisti Dobrica Qosiq (Ćosić), përpunohet aktakuza kundër Titos për veprimtari antiserbe, dhe përshkruhet një projekt për eliminimin e plotë të Serbëve nga Kosova. Edhe pse elita komuniste distancohet nga ai memorandum, Millosheviqi heshti.

Në mesin e viteve 80-të situata paraqitej më e vështirë në Kosovë, me tensione ndërmjet serbëve e shqiptarëve, kurse në Kroaci dhe Bosnje-Hercegovinë situata ishte relativisht më e qetë. Më 1987 Presidenti i Republikës Socialiste të Serbisë, Stambolliq dërgon Millosheviqin në Kosovë për të dëgjuar ankesat e Serbëve kundër udhëheqjes partiake dhe shtetërore në Kosovë. Në një situatë të tensionuar, të krijuar artificialisht nga grupe të Serbëve, banorë të Kosovës, Milosheviq deklaron para turmës së Serbëve të mbledhur se “askush më nuk do të guxojë tju rrahë juve.”

I aftë për të drejtuar (nëse jo për të krijuar dhe nxitur ) ndjenjat e opinion publik serb, Millosheviqi pastron klasën e tërë politike serbe, nën akuzën për paaftësi. Më 1987 Stambolliq detyrohet të japë dorëheqjen dhe Millosheviqi bëhet President i Republikës së Serbisë në vend të tij. Më 1988 acarohet edhe më tej situata në Kosovë dhe në republikat tjera, veçanërisht në Slloveni. Ndërsa Millosheviqi mbështeste një model centralist në planin ekonomik dhe politik, në drejtim të cilit do të ishte Serbia si republika më e madhe e federatës, Lubjana me kryetarin Millan Kuçan (Milan Kučan) mbështeste të drejtën për vetëvendosje të republikave dhe respektimin e pakicave dhe autonomisë.

Millosheviqi e kuptoi që zotëronte përkrahje të madhe popullore: Serbët panë në të një udhëheqës të një kombi krenar, një udhëheqës karizmatik. Kisha Ortodokse Serbe e përkrahu atë po ashtu. Propaganda serbe e ringjalli mitin e fitores së thyer, i cili sipas Serbëve ju pengua bashkimi politik i të gjithë Serbëve ndërsa në Serbi ishin ndarë dy krahina, Kosova dhe Vojvodina. Në mars 1989 modifikohet njëanësisht kushtetutat kosovare dhe serbe, që ja hoqi autonomin Kosovës. Më 28 qershor 1989, 600 vjet pas betejë së Fushë Kosovës, mblidhen qindra mijëra Serb në Fushën e Mëllenjave ku Millosheviqi jep një fjalim luftënxitës. Shqiptarët qëndrojnë të mbyllur në shtëpi. Më 19 nëntor 1989 mblidhen një milion manifestues në Beograd.

Fundi i Jugosllavisë

Në janar të 1990 mbahet kongresi i 14-të dhe i fundit i LKJ-së. Millan Kuçan (Milan Kučan), që udhëhiqte delegacionin slloven, vendos që delegacioni i Sllovenisë të tërhiqet, dhe pastaj të njëjtën e bëri edhe Kroati Ivica Raçan (Ivica Račan). Ky ishte fundi politik i Jugosllavisë federale dhe multietnike. Në qershor të 1990 Millosheviqi riemëron lidhjen komuniste serbe në Partia Socialiste Serbe, nga e cila zgjedhet kryetar. Në janar 1991 zbulohet shtypja ilegale e monedhës federale nga ana e qeverisë serbe, ndërsa në janar Millosheviqi dërgon ushtrinë për të ndërprere protestat e opozitës në Beograd. Pas referendumeve popullore më 25 qershor të 1991, Sllovenia dhe Kroacia shpallin pavarësinë.

Lufta në Kroaci dhe Bosnje-Hercegovinë


Ushtria federale intervenoi në Slloveni. Millosheviqi nuk ishte i interesuar në vendin, etnikisht kompakt dhe i përkrahur nga Austria dhe Gjermania. Lufta përfund pas dhjetë ditëve, më 8 gusht. Vëmendja e Millosheviqit zhvendoset në Kroaci, në veçanti në regjionet e banuara me Serb në fushat e Sllavonisë dhe të regjionit malor të Krajinës. Milosheviqi nuk pranoi që popullatat serb të jetonin jashtë Jugosllavisë së re ku përfshihet Serbia dhe Mali i Zi. Projekti i tij ishte që të aneksoj territoret e banuara me Serb në Kroaci dhe gjysmën e Bosnje-Hercegovinës ku lufta më 1991 ende nuk kishte filluar. Në gjysmën e vitit 1991 Millosheviqi, ushtria federale jugosllave dhe trupat paraushtarake fillojnë një luftës të ashpër kundër Kroacisë. Viktima e parë është qyteti multietnik i Vukovarit, ku bashkëjetesa mes kroatëve dhe serbëve ishte historike. Ushtria jugosllave futet në thellësi të territorit kroat duket arritur të granatoj Zagrebin. Mas referendumit për pavarësi në Bosnje të mbajtur më 29 shkurt 1992, i cili u bojkutua nga Serbët e Bosnjës, filloi lufta e Bosnjës. Millosheviqi përkrahu ushtarakisht dhe politikisht Radovan Karaxhiqin (Karadžić), udhëheqësin e serbëve të Bosnjës dhe kriminelin e luftës. Lufta e Bosnjës u përfundua më 21 nëntor 1995 me marrëveshjet e Dejtonit (Dayton), të cilin Millosheviqi e nënshkruan për Serbët e Bosnjës përkundër dëshirës së tyre. Millosheviqi pas kësaj u cilësua njeri i paqes dhe u la në pushtet.Vlenë të thekësohet se Bosnja nga marrëveshja e Daytonit humbi shumicen e qeverisjes vendore, kështu shteti i Bosnjës dhe Hercegovinës edhe pse i dëmtuar nga lufta humbi përparsinë politike duke marrë vetem 49% të qeverisjës, ndërsa 51% iu takonin Serbve.

Lufta e Kosovës dhe rënia e Millosheviqit

Në nëntor 1996 Millosheviqi u zgjedh president i Republikës Federale Jugosllave (ku përfshihet Serbia dhe Mali i Zi). Në të njëjtin vit koalicioni opozitar Zajedno (Së bashku) i fiton zgjedhjet lokale në disa komuna, por fitoret nuk pranohen nga pozita. Pas protestave të vazhdueshme të studentëve dhe popullit në Beograd për 11 javë me radhë, Milosheviqi i pranoi zgjedhjet. Më zgjedhjet presidenciale serbe, më vonë, fiton Millan Millutinoviq (Milan Milutinović), bashkëpunëtor i ngushtë i Millosheviqit.

Në këtë kohë u intensifikuan sulmet e UÇK-së në Kosovë. Në Rambuje (Rambouillet) dështuan përpjekjet për zgjedhjet e konfliktit të Kosovës. Në mes marsit dhe qershorit 1999 NATO bombardoi Jugosllavin duke e detyruar Millosheviqin të tërheq forcat nga Kosova. I izoluar në nivelin ndërkombëtar dhe kombëtar (Mali i Zi nuk i pranonte më institucionet federale), Millosheviqi u rikandidua në zgjedhjet e 24 shtatorit 2000, falë një reforme kushtetuese. Ai u mund nga Vojisllav Koshtunica (Vojislav Koštunica), një nacionalist më i moderuar, dhe me 6 tetor u shty të pranoj humbjen pas një proteste të madhe që shpiu te zënia e parlamentit nga protestuesit.

Kryeministri serb Zoran Gjingjiq (Đinđić) e dorëzoi në Gjykatën Ndërkombëtar për Krime në ish-Jugosllavi në Hagë me 28 qershor 2001, edhe përkundër kundërshtimit të Koshtunicës dhe një pjesë të opinionit publik serb.

Millosheviqi u akuzua për krime kundër njerëzimit për operacionet e ushtrisë jugosllave në Kroaci, Bosnje-Hercegovinë dhe Kosovë. Ai po ashtu u akuzua për vrasjen në mënyrë barbare të Ivan Stambolliqit, mentorit të tij nga vitet 80 dhe kundërshtarit të zgjedhjeve presidenciale të vitit 2000.

Millosheviqi u gjet i vdekur në qelinë e tij në Hagë më 11 mars 2006 disa muaj para se të përfundoj gjykimi i tij në Hagë.

Floripress

Njëri prej katër personave të arrestuar një javë më parë në afërsi të Manastirit të Decanit, nën dyshimin për përfshirje në grupe terroriste, është nipi i kryetarit të Lëvizjes Vetëvendosje Visar Ymerit.

Për katër personat që të shtunën janë ndaluar nga Policia e Kosovës në afërsi të Manastirit të Deçanit, ende nuk është ngritur aktakuzë që lidhet me terrorizëm, por atyre u janë konfiskuar një sasi e armatimit, dhe akuzohen vetëm për armëmbajtje pa leje.

Express merr vesh se njëri prej të dyshuarve është djali i agjës së liderit të VV, Visar Ymerit, Arben Ymeri.

Madje ai dyshohet të këtë qenë në Siri, si pjesë e luftës.

Përvec kësaj media ka mësuar edhe emrat e tre të tjerëve, dy prej të cilëve janë nga Gjakova.

Të arrestuarit tjerë janë: Kushtrim Rama nga Gjakova, Kushtrim Kurti poashtu nga Gjakova si dhe Alban Kelmendi. Edhe ky i fundit besohet se ishte ndaluar në Stamboll në tentativën e tij për të marrë pjesë në luftën në Siri.

Policia e Kosovës gjatë kontrollit në veturën me të cilin ishin duke udhëtuar katër personat ka gjetur dhe konfiskuar një AK/47 me 20 copë fishekë si dhe një pistoletë me 16 copë fishekë të kalibrit 9mm. Të njëjtit me vendim të prokurorit janë dërguar në mbajtje.

Gjykata Themelore në Pejë, të hënën u ka caktuar atyre masën e paraburgimit prej një muaji.

Katër të paraburgosurit janë të dyshuar vetëm për armëmbajtje pa leje, pasi organet e hetuesisë ende nuk kanë gjetur prova nëse këta persona kishin pasur qëllim terrorist në Manastrinë e Deçanit.

"Nuk ka asnjë dyshim që të njëjtit kanë lidhje me terrorizëm dhe diçka e tillë nuk është vërtetuar. Unë jam duke hetuar vetë për armëmbajtje pa leje", ka thënë për media Valbona Haxhocaj, prokurore e rastit.

Megjithatë, Haxhosaj në seancën e parë ndaj tyre ka ngritur dyshime se këta persona mund të jenë të përfshirë edhe në sulmin me armë në fshatin “Berkovë” të Komunës së Klinës ndaj një shtëpie të komunitetit serb natën e arrestimit. Por ky pretendim i prokurores është mohuar nga të pandehurit.

Arrestimi i personave në afërsi të Manastirit të Deçanit ka nxitur reagime të shumta të përfaqësuesve të Kishës Ortodokse Serbe dhe autoriteteve të Serbisë.

Igumeni Sava Janjiq, i cili drejton Manastirin e Deçanit, ka thënë më herët për Evropën e Lirë se arrestimi i katër personave është regjistruar nga kamerat e sigurisë, të cilat janë të vendosura në Manastirin e Deçanit dhe ata do të kërkojnë që hetimi të zbatohet deri në fund.

A ka ky vend njeri të arsyeshëm?

Nënkryetari i Lëvizjes Vetëvendosje, Driton Çaushi, në një lidhje me telefon në Info Magazine, ka thënë se nuk do t’i përgjigjen pozitivisht ftesës së presidentes së Kosovës, Atifete Jahjaga, për dialog për dalje nga kriza politike.

“Ne kemi marrë një ftesë, por besoj që ju e keni dëgjuar në vazhdimësi qëndrimin tonë në lidhje me rolin që presidentja Jahjaga ka luajtur në muajt e fundit të krizës. Ajo ka luajtur rolin e zëdhënëses së Qeverisë, ka sulmuar në vazhdimësi opozitën, ndërsa nuk ka kryer detyrat që i takojnë; nuk ka reaguar ndaj vendimit të Gjykatës Kushtetuese dhe nuk ka reaguar ndaj peticionit të mbi 200 mijë qytetarëve të Kosovës. Ndaj nuk ka asnjë kuptim që ne të marrim pjesë në këtë takim”, ka thënë ai. “Nuk e di çfarë kuptimi mund të ketë debati me një qeveri që ka shkelur Kushtetutën, me një Qeveri antikushtetutuese. Po flas në emër të Lëvizjes Vetëvendosje, por ky është edhe qëndrimi i opozitës. Ne do të protestojmë deri në rrëzimin e kësaj qeverie”.

Pavarësisht kërkesës që opozita në Kosovë i ka bërë presidentes së vendit, Atifete Jahjaga, që ta shpërndajë Kuvendin, dhe në këtë mënyrë të shkohet në zgjedhje të parakohshme, liderët e dy partive të koalicionit qeveritar, Lidhjes Demokratike të Kosovës dhe Partisë Demokratike të Kosovës, kanë hedhur poshtë një mundësi të tillë.

Kryeministri i Kosovës, Isa Mustafa dhe zëvendëskryeministri, Hashim Thaçi, në mënyrë kategorike kanë mohuar mundësinë e zgjedhjeve të parakohshme, si mënyrë e zgjidhjes së krizës politike në vend.

Këto deklarata kryeministri Mustafa dhe zëvendëskryeministri Thaçi i kanë bërë të premten, në takimin me sindikalistët e vendit.

Ata kanë theksuar se zgjedhjet në Kosovë do të mbahen në vitit 2018, ndërkohë që së shpejti pritet të zgjidhet edhe presidenti i ri i vendit.

Kryeministri Mustafa ka theksuar se së shpejti pritet të mblidhet Kuvendi i Kosovës, për ta zgjedhur presidentin e ri të vendit, ashtu sikurse edhe parashihet me marrëveshjen e koalicionit qeverisës.

“Ne jemi zotuar se do të përmbushim zotimet tona që i kemi dhënë me marrëveshjen e koalicionit”, ka theksuar kryeministri i Kosovës, Isa Mustafa.

Ai ka shtuar se zgjidhja e problemeve të krijuara me kundërshtimet që vijnë nga opozita ndaj marrëveshjes për krijimin e Asociacionit të komunave me shumicë serbe dhe demarkacionit me Malin e Zi, duhet të bëhet në tavolinën e bisedimeve.

“Është e domosdoshme që problemet që ne i kemi t’i zgjidhim me dialog të përbashkët... jo në rrugë, jo me gaz lotsjellës, jo me molotov, jo me sjellje vandale dhe me thyerje të pronave të qytetarëve dhe pronës publike, sepse ajo nuk është në interesin e këtij vendi”, ka thënë Mustafa.

Ndërsa zëvendëskryeministri i Kosovës, Hashim Thaçi ka thënë se kërkesa e opozitës për shpërndarjen e Kuvendit të Kosovës nuk paraqet befasi.

“Ka synime edhe për shpërbërjen e shtetit, e lëre më të Kuvendit. Prandaj, as nuk do të shpërbëhet Kuvendi e as shteti. Të gjithë do të vihemi në mbrojtje të Republikës, me një dialog të mirëfilltë, sepse kemi investuar dhe sakrifikuar të gjithë”, ka thënë Thaçi.

Kryetari i Kuvendit të Kosovës, Kadri Veseli, të enjten i ka bërë thirrje publike presidentes së Kosovës, Atifete Jahjaga, që t’i ftojë në një takim të përbashkët liderët e partive politike, të pushtetit dhe të opozitës, për të gjetur një zgjidhje, në mënyrë që vendi të dalë nga kriza.

Në anën tjetër, përfaqësuesit e opozitës vlerësojnë se një takim i tillë është i panevojshëm.

Frashër Krasniqi, zëdhënës i Lëvizjes Vetëvendosje, partisë më të madhe opozitare në vend, ka thënë për radion Evropa e Lirë se deri më tash nuk ka pasur ndonjë ftesë nga presidentja Jahjaga, përveç deklaratave publike.

Por, sipas tij, edhe nëse do të ketë një ftesë të tillë, Lëvizja Vetëvendosje do ta refuzojë.

“Kot është edhe po të na ftonte presidentja, sepse nuk po mendojmë se ka diçka produktive në këto takime, në këto diskutime, përderisa qeveria, që e ka shkelur kushtetutën dhe e ka humbur legjitimitetin popullor, po vazhdon të insistojë në zbatimin e marrëveshjeve dhe mos tërheqje nga qeveria. Atëherë, normalisht që nuk kemi se çfarë të diskutojmë”, ka thënë Krasniqi.

Ai ka shtuar se rrjedha e ngjarjeve, deri te një ulje në tavolinë për të diskutuar, duhet të jetë që fillimisht qeveria të japë dorëheqje. Kjo, sipas tij, do të krijonte situatë të re në Kosovë, e cila do të hapte rrugë edhe për një diskutim për përcaktimin e datës së zgjedhjeve.

Liderët e opozitës kanë paralajmëruar protestë për datën 17 shkurt, në ditën kur shënohet 8 vjetori i shpalljes së pavarësisë së vendit.

Në anën tjetër, zyrtarët e qeverisë kanë theksuar se nuk do të tërhiqen para, siç i kanë cilësuar, “shantazheve” të kujtdo.

Shefi i zyrës së BE-së, Samuel Zhbogar, e ka lëvduar Presidenten Atifete Jahjaga për iniciativën e saj që ti takojë liderët e partive politike në vend.

Ai ka kërkuar nga këta të fundit që ti përgjigjen ftesës së Presidentes për takim.

“Është në interesin e Kosovës dhe Popullit të saj që liderët të tregojnë përgjegjësi dhe ti përgjigjen pozitivisht ftesës”, ka shkruar Zhbogar në twitter.

Ambasadori i Shteteve të Bashkuara të Amerikës në Kosovë, Greg Delawie, e ka mbështetur iniciativën e presidentes Atifete Jahjaga.
“Mbështes iniciativën e presidentes së Kosovës për të ftuar në takim të hënën. Liderët e Kosovës duhet të gjejnë gjuhë të përbashkët’, ka shkruar ambasadori në Twitter.

Amb. Greg Delawie 

✔@AmbDelawie

Support @PresidentKosovo initiative to invite political leaders to meet Monday; #Kosovo leaders must find common ground.

8:17 PM - 5 Feb 2016

 
•  1010 Retweets
   24
• 24 likes

Ftesa për takim të përbashkët me subjektet politike parlamentare, e Presidentes Atifete Jahjaga, po shqyrtohet nga Aleanca për Ardhmërinë e Kosovës, ndërsa Lëvizja Vetëvendosje dhe Nisma për Kosovën i kanë dhënë përgjigje negative.

Muharrem Nitaj, zëdhënës i AAK-së ka konfirmuar se subjekti që ai përfaqëson po e shqyrton ftesën dhe do të japë një përgjigje të shtunën (nesër).

Por, Top channel mëson nga burime brenda AAK-së se kreu Ramush Haradinaj po shqyrton edhe mundësinë e përgjigjes pozitive ndaj kësaj ftese.

Top Channel ka mësuar gjithashtu nga burime brenda Presidencës se, në tryezën e ftuar nga Jahjaga do të jenë të pranishëm, në cilësinë e vëzhguesve, edhe ambasadori amerikan në Kosovë, Greg Delaëie, dhe shefi i zyrës së BE-së në Kosovë, Samuel Zhbogar.

Ftesën e Presidentes Atifete Jahjaga, dërguar partive politike në Kosovë, pozitës dhe opozitës, që të ulen e të negociojnë për ta zgjidhur krizën politike në vend opozita thotë se do ta refuzojë.

Frashër Krasniqi, zëdhënësi i Lëvizjes Vetëvendosje, ka thënë për Klan Kosovën se thirrjes së Presidentes për të dialoguar e për t’i dhënë zgjidhje situatës së tensionuar politike në vend, nuk do t’i përgjigjet as Vetëvendosja e as partitë e tjera opozitare.

Presidentja, Atifete Jahjaga ka ftuar për të hënën në një takim të radhës liderët e partive politike, për të gjetur një zgjidhje për të dalë nga kriza politike.

Por, një ftesë të tillë Nisma për Kosovën nuk do ta marrë parasysh. Të paktën kështu ka thënë sekretari organizativ i Nismës, Bilall Sherifi.

“Sa i përket takimit të së hënës Nisma nuk do të merr pjesë në takime sa për t’u takuar. Nëse presidentja thërret takim me rend të ditës organizimi i zgjedhjeve të parakohshme atëherë shkojmë, për takime tjera mendojmë se nuk ndihmojnë në zgjidhjen e krizës”, ka thënë Sherifi.

Ai më pas ka theksuar se opozita e bashkuar deri më tani në vazhdimësi i është përgjigjur ftesave të presidentes në funksion të tejkalimit dhe zgjidhjes së krizës politike, kurse presidentja asnjëherë nuk i është përgjigjur kërkesave të opozitës.

“Ne ia dërguam asaj peticionin e mbi 205 000 nënshkrimeve të qytetarëve dhe nuk morëm asnjë përgjigje nga ajo. Ia dërguam një letër, e cila është bërë publike për opinionin, përmes së cilës kërkuam nga ajo që të bëj veprimet e nevojshme për të shpallur zgjedhjet e parakohshme. Përkundër kësaj ajo nuk e pa të arsyeshme që së paku të shkruaj dy fjalë për t’i thënë opozitës se pajtohet apo nuk pajtohet me këto kërkesa”, ka theksuar Sherifi, duke shtuar më pas se deri më tani, presidentja në vazhdimësi ka injoruar kërkesat e opozitës.

Përderisa pozitë e opozitë nuk po arrijnë të gjejnë një zgjidhje për daljen nga kriza politike, një qytetar ka vendosur që i vetëm t’u bëjë thirrje dy palëve për dialog dhe të gjejnë një zgjidhje.

Haxhi Morina nga Prizreni, për herën e dytë me një pankartë po rri para Qeverisë, duke bërë thirrje që të anulohet protesta e 17 shkurtit, e paralajmëruar nga opozita si shenjë kundërshtimi ndaj Qeverisë.

“Qëllimi im është me dal kundër dhunës se zgjidhje ka”, ka thënë ai, duke mbajtur pankartën ku ndër të tjera shkruan: “A ka ky vend ndonjë njeri të arsyeshëm, apo jo”?

Kurti: Nuk e urrej Isa Mustafën Deputeti i Lëvizjes Vetëvendosje,Albin Kurti: Nëse vazhdojmë rrugën e Mustafës e Thaçit, lufta në Ballkan është afër

Në emisionin “Debat” në RTK, Albin Kurti, deputet i Vetëvendosjes, tha se nëse Kosova vazhdon rrugëtimin e saj, me hapat e kryeministrit Isa Mustafa e zëvendëskryeministrit Hashim Thaçi, gjasat janë që brenda 4 apo 5 vjetësh në Ballkan të ketë luftë.

“Nëse vazhdojmë në këtë rrugë, të Thaçit e Mustafës, Vuçiqit Dodikut, brenda 4-5 vjetësh gjasat janë më shumë që të ketë luftë se sa mos te ketë në Ballkan”, tha Kurti.

Ai tha se kjo Qeveri duhet të shkojë përpara se ta ringjallë Asociacionin e komunave serbe në Kosovë.

Ndërsa, sa i përket zgjedhjes së Thaçit president, Kurti tha se kjo nuk po bëhet për shkak të opozitës, dhe jo se nuk i ka deputetët e LDK-së, pasi opozita do të hidhte gaz në atë seancë.

“Ka ardhur koha që të mos ketë seanca të Kuvendit. Thaçi i ka deputetët e LDK-së, ai nuk po zgjedhet për shkak të opozitës”, tha ai.

E për këtë Kurti tha se opozita ka gaz lotsjellës mjaftueshëm.

Tutje, ish-kryetari i Vetëvendosjes tha se Vetëvendosje nuk po proteston kundër Qeverisë, por po proteston kundër Qeverisë që e solli “Zajednicën”.

Sipas tij, Isa Mustafa është tot alisht i parashikueshëm nga kundërshtari dhe për këtë arsye ai nuk duhet të dërgohet në bisedime.

Në pyetjen rreth qëndrimit të VV-së në raport me ndërkombëtarët, Kurti tha se aleanca me SHBA-të është e thellë dhe ajo duhet të zgjerohet.

“Aleanca me SHBA-të është e thellë. Kjo aleancë duhet të thellohet dhe zgjerohet. SHBA-të na ndihmojë ta formojmë veten. Nuk kemi nevojë për aleatë të rinj, por për aleanca të reja”, tha ai.

Deputeti i Lëvizjes Vetëvendosje, Albin Kurti, ka thënë se vendimi i Kushtetuese tregoi se Isa Mustafa nuk e kishte ditur se çfarë ka nënshkruar në Bruksel.

“Ne si opozitë nuk mund ta ndalemi. Ja kemi dhënë një goditje të fuqishme Serbisë. Aleksandër Vuçiq dështimin më të madh e ka krijimin e ‘Zajednicës’ në Kosovë e tash ka zgjedhje në Serbi. Neve na bënë shumë të lumtur kjo”, ka deklaruar ai gjatë emisionit “Debat” në RTK.

Kurti thotë se protestat e opozitës nuk kanë të bëjnë gjë me dëshirën për pushtet.

“Ata e kanë lidh fatin me ‘Zajednicën’. Gazi nuk është hedh pse është formuar Qeveria, po pse kjo e solli ‘Zajednicën’”, ka thënë Kurti, duke shtuar se nuk e urren Mustafën. “Sinqerisht ju them, nuk e urrej. Por, le të largohen se e kanë shkel Kushtetutën. Gazi lotsjellës ik për 30 minuta, e ‘Zajednica’ as për 30 vjet. Na jemi paqësorë, pushtetin nuk e duam me dhunë”.

Do të përgjigjen ushtruesit dhe urdhëruesit e torturimit të Grupit të Kumanovës

Prof.dr. Mitasin Beqiri, profesor universitar i kriminologjisë dhe penologjisë dhe ish-drejtor i përgjithshëm i Burgjeve në Maqedoni në një deklaratë për INA thotë se duhet të përgjigjen para drejtësisë të gjithë ata që kanë ushtruar dhunë, torturë dhe kanë shkelur procedurat me të paraburgosurit e Grupit të Kumanovës.

“Mund të them se nuk janë respektuar ligjet dhe ka shkelje të mëdha ligjore dhe të procedurave. Personat e privuar janë rrahur prej Kumanove deri në Shkup dhe kjo shihet në pamjet e MPB-së. Kjo ka ndodhur edhe kur kanë shkuar në pyetje tek gjykatësi i procedurës paraprake. Nga vendi i arrestimit deri tek gjykatësi personat e privuar mbahen në stacion policor deri në 72 orë. Kjo është faza më e errët e mbajtjes së personave të privuar në stacionet policore. Këtu rrihen, maltretohen, nënçmohen dhe pësojnë të zezat e ullirit. Më pas pason dërgimi tek gjykatësi hetues, i cili ka për detyrë që në ate gjendje të rrahur dhe maltretuar, të cakton masën e shërimit të detyrueshëm në spital e jo masën e paraburgimit, siç ka ndodhur me këtë grup”, theksoi për INA prof.dr. Mitasin Beqiri.

Sipas tij, të gjithë shkelësit dhe autorët e këtyre veprimeve brutale antiligjore lehtë mund të zbulohen, nëse vepron si duhet ligji dhe se ata mund të ndëshkohen me burg.

“Por, me këtë duhet të nxjerrim në pah se organet policore vihen në pozitë mbi prokurorinë dhe gjykatën, ndërsa në fakt duhet të jenë në shërbim të këtyre institucioneve”, theksoi Beqiri. Ai ka apeluar që për këto shkelje nuk duhet të heshtin as institucionet e Kosovës, organizatat ndërkombëtare për të drejtat e njeriut dhe institucione të tjera.

“Kjo mund të identifikohet shumë lehtë nga organet e rendit, duke u ditur fillimisht se kush ka qenë në operacion. Edhe gjykatësit që kanë marrë në pyetje në këtë gjendje dhe të marrin masa. Andaj apeloj që kjo të zbardhet dhe pikërisht hetimi i gjërë që po kërkohet sidomos nga faktori ndërkombëtar duhet të përfshijë edhe këtë pjesë më të errët, e cila është aplikuar dhe po aplikohet ashpër në Maqedoni, edhe përkundër pretendimeve për anëtarësim në NATO dhe BE”, theksoi, Mitasim Beqiri, që njëherit është edhe anëtarë i kryesisë së PDSH.

Sipas tij, Ministri i Drejtësisë nga ajo çka po flasim duhet të ndërmarrë iniciativë nëpërmjet Këshillit Gjyqësor Republikan të shkarkojë gjykatësit e procedurës paraprake, që u kanë caktu paraburgim personave të rrahur dhe maltretuar. Ndërkohë, duhet shkarkuar drejtoreshën e ekzekutimit të sanksioneve dhe drejtorin e burgut të Shuktës, se pse i kanë pranuar personat në këtë gjendje shëndetësore.

Avokati i Popullit duhet të jetë më zëshëm dhe mos të mbrojë gjykatësit e procedurës paraprake, se janë rrahur ata prej gjyqi deri në burg. Ndoshta janë rrahur edhe në këtë rast, por ata janë rrahur edhe nga Kumanova për në stacionin policor, edhe kur janë dërguar tek gjykatësi, por edhe nga gjykata deri në burgun e Shutkës. Për këtë ai duhet të përgadis raport për në Parlament dhe jo këtë ta thotë vetëm përmes mediave.

“Këto dhe shumë dilema tjera janë shqetësuese për gjendjen e mjerueshme të shqiptarëve në Maqedoni. Nuk duhet të heshtim, por këto çështje duhet të alarmohen”, tha Beqiri.

Pjesëtari i AKSH-së i kapur me 12 kilogram eksploziv lirohet në shtëpi

Sheremet Jashari, Avdullah Rama dhe Naser Veseli, kanë qenë nën përgjim dhe vëzhgim të drejtorisë kundër krimit të organizuar të Policisë së Kosovës. Ata janë kapur me një sasi të madhe eksplozivi TNT që llogaritet si eksplozivi më i rrezikshëm. Prokuroria për ta ka propozuar vetëm arrest shtëpie.

Një grup prej tre personash, përfshirë një pjesëtar të të ashtuquajturës Armata Kombëtare Shqiptare janë zënë më 12 kilogramë e gjysmë eksploziv të llojit TNT dhe dy pushkë mitraloz të kalibrit të madh të hënën në Fushë-Kosovë.

Por një ditë më vonë, ata janë liruar nën masën e arrestit shtëpiak. Të mjaftueshme këtë masë e ka vlerësuar Prokuroria Themelore e Mitrovicës.

Sheremet Jashari (1955) nga Klina e Mesme e Skenderajt, Avdullah Rama (1968) nga Sankoci dhe Naser Veseli nga fshati Braboniq i Mitrovicës kanë qenë rreth dy muaj muaj nën përgjim dhe vëzhgim të drejtorisë kundër krimit të organizuar të Policisë së Kosovës.

Të dyshuarit – me të kaluar kriminale dhe me lidhje me organizatën e shpallur terroriste – AKSH, janë kapur me këtë sasi kaq të madhe eksplozivi dhe me armë të pajisura edhe me dylbi.

Pavarësisht kësaj, prokurori i Prokurorisë Themelore të Mitrovicës, Njazi Rexha ka propozuar vetëm masë të arrestit shtëpiak si masë të mjaftueshme, ani se në kërkesën për paraburgim i si grup të organizuar kriminal.

Mbi këtë kërkesë ka vendosur gjyqtari i procedurës paraprake, Ali Kutllovci duke aprovuar propozimin.

Të arrestuarit kanë të kaluar kriminale. Sheremet Jashari e ka pranuar publikisht se ka qenë pjesëtar i AKSH-së, organizatë kjo e shpallur terroriste me një vendim të UNMIK-ut. Ka më shumë se 11 raste të veprave penale.

Sheremet Jashari dhe Avdullah Rama ishin ndaluar kohë më parë nga Policia e Kosovës së bashku me anëtarin e Kryesisë së Aleancës për Ardhmërinë e Kosovës, Muhamet Kelmendin. Ata, ndodheshin në një kombibus duke shkuar në ceremoninë e rivarrimit të eshtrave të Isa Boletinit. Dyshoheshin për përgatitje të një sulmi terrorist. Kelmendi më vonë ishte liruar.

Insajder ka siguruar dosjen hetimore kundër të pandehurve që ishin përgjuar. Ditën që ishin arrestuar në Fushë-Kosovë, kishin planifikuar të shkonin në fshatin Shankoc të Drenasit për të marrë sasinë e eksplozivit.

“Gjatë përgjimit është kuptuar se Sheremet Jashari furnizohet me armë nga persona të ndryshëm. Ai bashkëpunon me Naser Veselin dhe Avdullah Ramën si dhe një person të katërt të cilët kanë planifikuar dërgesën e armëve dhe eksplozivit 30 janarit 2016”, thuhet në kërkesën e prokurorit për arrest shtëpie.

Gjatë bisedës telefonike në mes të Naser Veselit dhe Sheremet Jasharit në lidhje me armët përmendet edhe një person me emrin Genc. Ata merren vesh për paratë dhe pagesat që duhet tu bënin ndërmjetësve.

Më 30 janar Naser Veseli niset nga Mitrovica për në Skenderaj me një kombibus. Aty takon Sheremet Jasharin dhe fillojnë rrugën në drejtim të Drenasit ku e marrin Avdullah Ramën për të vazhduar në drejtim të Komaranit. Nga aty nisen në drejtim të një rruge që shpinte në fshatin Shankoc dhe hyjnë në një rrugicë malore. Aty marrin ngarkesën e eksplozivit dhe armëve dhe më pas nisen në drejtim të Komaranit. Gjatë tërë kohës ata kanë qenë nën vëzhgim të hetuesve. Diku rreth 14. 40 minuta, kombibusi që drejtohej nga Naser Veseli merr drejtimin e autostradës për Fushë-Kosovë. Në ora 15 ndalet nga njësia patrulluese e stacionit të Fushë-Kosovës. Fillimisht vetura është kontrolluar nga patrulla policore dhe pas kontrollit është gjetur në tapicerinë e derës një sasi e madhe eksplozivi TNT dhe dy pushkë mitraloz. Kontrolli është bërë në prani të Naser Veselit dhe Sheremet Jasharit. Aty janë gjetur 62 pako eksploziv që peshojnë 12 kilogram e 400 gram TNT dhe dy pushkë mitraloz.

Në shtëpinë e Sheremet Jasharit, Policia ka gjetur një kartelë ushtarake të AKSH-së në emër të Rexhep Luanit.

“Kemi të bëjmë me një grup kriminal të organizuar mirë për shitjen, furnizimin, transportimin e armëve i cili është zënë vetëm në saje të përgjimeve sipas Urdhëresës së Gjykatës… Kemi të bëjmë me armë me fuqi shkatërruese – eksplozive në peshë 12 kg e 400 gramë, me pushkë mitraloz”, ka thënë prokurori në kërkesën për arrest shtëpiak. Ka përmendur veprimet kriminale të Sheremet Jasharit.

“Nga baza e të dhënave të policisë rezulton se i pandehuri Sheremet Jashari është i evidentuar në cilësinë e të dyshuarit gjithsejtë në njëmbëdhjetë raste përfshirë edhe veprat penale posedim ilegal i armëve”.

Megjithëkëtë rrezikshmëri, prokurori ka propozuar vetëm arrest shtëpiak.

Hetuesit që kanë punuar këtë rast kanë mbetur të habitur me veprimet e Prokurorisë që ka propozuar masë të arrestit shtëpiak. Ata kanë thënë në kushte anonimiteti se me këtë Prokuroria ka rrezikuar një punë shumë të gjatë për kapjen e këtyre personave që konsiderohen shumë të rrezikshëm.

Por, prokurori i rastit Njazi Rexha ka mohuar se ka pasur ndonjë ndërhyrje për të propozuar këtë masë. Ai ka thënë për gazetën Insajderi se dikush po mundohet ta degradojë dhe sulmojë atë.

“Kallëzimi penal prej 4 faqesh më ka ardhur vetëm 30 minuta para përfundimit të afatit ligjor. E kam marrë edhe kam hyrë në seancë. Unë e kam vlerësuar se kjo masë është e mjaftueshme”, ka thënë prokurori Rexha.

“Policia punon sipas urdhrave të mia dhe nuk mund të më tregojë se si të bëjë punën”, ka thënë prerazi ai.

Dy prej të arrestuarve kanë mohuar se kanë kryer veprën penale, derisa Sheremet Jashari e ka pranuar atë.

“Krejt ajo që shtjelloi prokurori është e vërtetë dhe nuk kam çka të shtoj”, ka thënë Sheremet Jashari.

Naser Veseli ka thënë se punon me kombibus dhe se dy të tjerët i ka marrë si udhëtar. Ka thënë se nuk e ka ditur eksplozivi dhe armët janë vendosur në automjet.

PA RROTLLA SHEREMET JASHARI

https://www.youtube.com/watch?v=7RX63_jPl3E

UÇK-ja merr përsipër sulmet “ndaj tradhtarëve të popullit”

Një letër me vulë të Ushtrisë Çlirimtare Kombëtare, që u është shpërndarë medieve, thuhet se kjo organizatë merr përsipër granatimin e banesës së Sasha Mihajlkovit, që ndodhi para disa muajsh.

Në letrën që mban nënshkrimin e “Komandant Telit”, shkruan se UÇK-ja sulmoi edhe selinë e BDI-së në Reçicë, e këtë parti e quan çerdhe të tradhtisë së UÇK-së.

Në letër kërcënohet se UÇK-ja tash e tutje do të jetë më e ashpër në aksione “kundër tradhtarëve dhe armiqve tjerë të popullit”.

Letrën e plotë mund ta lexoni më poshtë:

Roli negativ i telenovelave në jetën e Shqiptarëve

Popullit Shqiptar pavarësisht problemeve të tyre, problemve kryesisht ekonomike, shoqërore apo edhe shumë probleme të tjera, i del fare mirë koha, për të harxhuar kohën e vyer për gjëra jo të rëndësishme, si shikimi i telenovelave.

Por sa të dhënë janë Shqiptarët pas tyre?

Vitet e fundit në Shqipëri ka pasur shumë ndikime të huaja që vinë nëpërmjet telenovelave.
E fillojmë me telenovelat meksikane, të ndjekura nga ato turke dhe indiane. Telenovelat si Ezeli, Lugina e ujqërve Kurthi apo edhe Bidaai , mbërthejne para ekranit shumë Shqiptarë. Këtë e vërtetojnë edhe lokalet në cdo pjesë të Shqipërisë , ku burrat në vend të mendojnë për problemet, në vend të mendojnë për të ardhmen e fëmijëve të tyre, rrinë harxhojnë kohën duke parë telenovela, ku më e famshmja ndër to është bidaai. Por kur kto ndiqen nga shumë burra Shqiptarë, imagjino sa gra mund ti shohin? Gjithashtu shumë të rinj shqiptarë, të frymëzuar nga telenovelat, kanë filluar të bëjnë gjëra të padobishme si ndryshimi i emrave apo edhe shkrimi ne rrugë i titujve të telenovelave apo personazheve kryesorë.

Po sa gjëra të këqija sjellin për Shqiptarët kto "ndikime të huaja" ?

Rasti më i fundit, i cili është edhe për të ardhur keq është dhe vdekja e personazhit Sadna në filmin Bidaai. E theksoj "është për të ardhur keq" jo për faktin se vdiq një personazh filmi, po rëndësinë që i dhanë shumë Shqiptarë "vdekjes së saj". Shumë nga ata ndjenë me të vërtet keqardhje, shumë u pikëlluan , u mërzitën, apo edhe u trishtuan. Nga ana tjetër pati edhe nga ta njerëz që u tallën, kritikuan shoqërinë Shqiptare për reagimin ndaj vdekjes së saj, por gjithsesi u kushtua një kohë mjaft e mirë për ktë cështje. Por a është normale kjo gjë ? Kur në Shqipëri kanë ndodhur gjëra ekstreme. Një bombë në fshatin Beragozhd të Pogradecit, plagosi rreth 30 vetë , ku midis tyre një 14-vjecar i cili kishte marrë plagë të rënda, një ngjarje tjetër në Tiranë, ku nga shpërthimi i një zjarri vdiq një 4-vjecar. Gjithashtu edhe vdekja e historianit Kristo Frashërit, ishte një fatkeqësi, një humbje për popullin Shqiptar. Por një fatkeqësi tjetër ishte vëmendja e përqëndruar e shqiptarëve tek vdekja e Sadnës sesa tek e historianit tonë të vyer. Por sa e sa jetë Shqiptarësh po merren dita ditës dhe njerëzit e kanë mendjen akoma tek "budallallëqet".

A nuk duhet ti marrim seriozisht kto c'ështje, dhe të mundohemi ti parandalojmë në vend që të qajmë për vdekjen e Sadnës?

Një tjetër faktor negativ është dhe përdorimi nga shumë njerëz, kryesisht nga të rinjtë, i fjalëve të huazuara. Shumë nga ata po përdorin gjithmon e më tepër fjalë turke, meksikane apo edhe indiane. Por c'ndodh me gjuhën shqipe? A ja vlen të përdorim fjalë të huaja në vend të saj? Sigurisht që jo, sepse gjuha shqipe është një ndër gjuhët më të bukura dhe për të cilën shumë trima Shqiptarë kanë dhënë jetën e tyre për të. Dhe Shqiptarë sidomos të rinjtë duhet ta vlerësojnë në maksimun. Gjithashtu, sic e theksuam më lart, të rinjtë dëshirojnë ti ndrrojnë emrat, ku p.sh në vend të emrit të bukur shqiptar "Arbri " dëshirojnë ta kenë emrin Polat si personazhi i "Lugonës së ujqërve". Por a nuk janë veprime që duhen parandaluar, të cilat cënojnë identitetin Shqiptar? Por edhe një problem tjetër mbetet dhe "harxhimi i kohës" Shumë shqiptar problemin kryesor kanë papunësinë. Por c'po bëjnë ata për ta luftuar atë? A do ju siguroje "Bidaai" atyre një punë? Pra harxhimi i kohës duke parë filma nuk na jep zgjidhje për problemet, por thjesht sa na zhyt më shumë në to, duke na marrë kohë, në të cilën mund të kishim bërë gjëra të dobishme si për veten, familjen apo shoqërinë.

Por përvec ktyre problemeve që theksuam, ekzistojnë shumë e shumë të tjera që duhen luftuar seriozisht nga ana e shoqërisë shqiptare. Sepse njerëzit duhet të kenë në planin e tyre të parë të ardhmen e tyre, se sa të dobishëm do bëhen ata, se si mund ti ndihmojnë njerëzit, kombin, sepse cdokush ka lindur për një arsye, dhe ajo nuk mund të jetë shikimi i telenovelave, por një arsye fisnike, të cilën duhet të mundohemi ta gjejmë.

Renato Shkulaku
Maturant -Shkolla:"Qemal Bazelli"

Cikël poetik nga Riza Çato

Humbet Shpresa

Humbet shpresa dita-ditës,

si pusi që s'ka më burim.

Në udhëtim mungesa e dritës,

një vetëtimë që s'bubullin.

Ditët ikin si flakë kashte.

fillon mëngjesi me konjak.

Ja nis Vlonjati këngës labçe

dhe isua zgjatet deri në dark.

Nga do lëviz kërkojnë pare,

në autobus,në rrugë,në shtrat.

E sotmja mbylli një dritare,

e nesërmja zgjohet si lugat.

Politikani kërkon votën,

nuk ka as turp,nuk ka as cip.

Hajduti i thotë: Lyema rrotën

që të rrëshqasin qeveritë!

Rrugës eci kot së koti,

s'di çfarë të bëj,s'di nga t'ia mbaj.

dhe nëse falje u jep Zoti,

këta s'janë njerëz, janë djaj.

Askujt...!

Kam rendur si kaçak nëpër male,

jam endur në qytet si i pirë.

Askujt nuk i thashë: Kam halle!

Askujt nuk i thashë: Mëshirë!

Kufijtë i kalova pa viza,

dëborën e shtrova jatak.

I lodhur me ferra dhe driza,

asnjëherë nuk u shtriva në baltë.

Kam kënduar në dasma,gosti,

kam lotuar në vdekje të rënda.

I vetëm kam çarë,pa njeri,

askujt nuk i thashë : U çmenda!

Kam rendur si kaçak nëpër male,

jam endur në qytet si i pirë.

mbi supe kam mbajtur shumë halle,

askujt si kërkova mëshirë.

Në një Tavernë

Në një tavernë në mes Tirane,

u ula të haja një drek.

Më vjen menuja me çitjane

dhe kamarieria si biftek.

S'di ç'të shikoj,s'di çfarë të ha?

Nga do hedh sytë një turbullirë.

E thashë me vete ky fat më ra,

po ja filloj me një gotë birrë.

Më dukesh gota si fund deti

dhe kamarieria lakuriq.

Fërkoi sytë,ta hajë dreqi

Se nuk është jeta bukë me fiq.

E mblodha veten me një gotë verë,

një peshk në zgarë e kallamar.

Si kur të vija këtu ngaherë,

vërtetë do dukesha si djalë.

I ktheja gotat pa potere,

i zhvishja pjatat si në plazh.

Kjo bukuroshia kamariere,

po më peshkonte si për dash.

Në botën time flinte vera

dhe unë me të në dashuri.

Harrova se nga ishte dera,

harrova se kisha shtëpi.

Në sytë e mi feksi shkëndija,

u perpelit e prapë u fik.

Tek kjo tavernë nisi rinia

tek kjo tavernë u zhurit.

Lotonte

Lotonte një grua,

lotët si një krua.

Lapsi i piktorit,

në dorë u shtrëngua.

I pikturoi lotin,

mbi mollëzat e kuqe,

tek gropat në faqe,

çeli një burbuqe.

Lotonte një grua,

lotët si përrua.

S’di për kë lotonte,

ndoshta dhe për mua.

Më shkon mëndja…….

Na mori malli të mbledhim lule në mal,

lule nga mali Çajupit, Golikut.

Mes pyllit të gdhihem duke u ngrohur në zjarr

dhe të dehem nga shija e ëmbël e fikut.

Për çfarë s’ më shkon mëndja nga ato anë.

Bije fjala,për ujin e ftohtë të Bratit,

për tingujt e ëmbël që sjell një gjinkallë

kënduar në vapë mbi degën e rrapit.

Për hingëllimën e kalit që kullot në brinjë

dhe qetësinë ja prish luginës të tërë.

Për gjithçka që ka të bëjë me të djeshmen, rininë

për arën tek selishta e mbjellë me tërshërë.

Për Bigën, Symyzën, Sjadunin, Sodolin,

more ,për çdo gur,gëmush e livadh,

Për syrin e bukur që çmendi piktorin,

qëndisur me lulet e varura mbi gardh.

Puthjet fal për dashuri

Jeta është veç një frymëmarrje,

tani merr,nesër nuk mund,

sot e gjen një shteg për dalje,

nesër pret të keqin fund.

Jeta është një buzëqeshje,

sot e merr,nesër mungon,

pjesë të jetës mban për veshje

dhe atë që s'dashuron.

Jeta është një psherëtimë,

regëtimë e thellë në shpirt,

sot shikon një vetëtimë,

nesër baltën do kesh mik.

Jeta është një tik-tak zemre,

po e ndjeve ndjehesh mirë,

puthe fjalën e çdo femre,

që të ndjesh një lamtumirë.

Jeta është hap e mbyll sytë,

ëndërr dite me sy hapur,

askush nuk jeton të dytë

dhe kush qiellin ka kapur.

Jeta është një gurgullimë,

si burimet në Këlcyrë,

kush s'e ka puthur njerinë,

poshtë në varre s'do ketë zyrë.

Jeta është një fllad pranvere,

që tund fletët e një rrapi,

vdekja që të rri pas dere,

s'të tregon kur do të kapi.

Jeta është varg poezie,

sot e ndjen edhe e shkruan,

nesër muza kthehet hije,

harron çfarë ke dashuruar.

Jeta është një dallgë Vjose,

një fund mali Trebeshine,

për të mirën shpirtin sose,

të keqen hidhe pas shpine.

Jeta është ajo që është,

lumë kush di që ta jetojë,

të mos ngelesh qen në vresht,

mos e ndot të mirën gojë.

Jeta është thesari i zemrës,

mrekulli mbi mrekulli,

planet kurrë mos ja prish ëndrrës,

puthjet fal për dashuri.

Cikël poetik nga Zef Mulaj

Zef Mulaj është një poet i njohur. Zef Mulaj u lind në Nikaj-Mërtur të Malësisë së Gjakovës (Tropojë), në fshatin Qeresh-Mulaj. Ka shkruar poezi qysh në rininë e tij. Ka mbaruar studimet e larta në Fakultetin e Mjekësisë, Tiranë (Dega Farmaci). Ka punuar shumë vite në zonat e vendlindjes. Veç punës si farmacist, është marrë gjithnjë me kërkime shkencore në fushën e tij, sidomos në studimin e bimësisë mjeksore të alpeve të Shqipërisë. Në vitin 1994 vendoset në mënyrë legale në Itali, me një bashkëpunim shkencor në fushën e tij. Në vitin 1998, mbaroi përsëri studimet e larta në universitetin Camerino të Italisë, ku mbrojti titullin Doktor në shkencat farmaceutike, pikërisht në studimin e bimësisë mjeksore të alpeve të Shqipërisë. Është Anëtar i Lidhjes së Shkrimtarve dhe Artistëve në qytetin ku jeton, në Itali. Antare i leges botrore të poetve contemporen (world poets Society W.P.S.). Antar i lidhjes së shkrimtarve të Kosovës. Merr pjesë në koncertet recitale dhe konkurset e organizuera në Itali në fushën e poezisë.

Specialist në tosikologjin klinike e ambientale, në farmakovigjilence mjeksore. Ne kontrollin kimik të produkteve farmacutike, e lenden e pare. Esperte në informatiken aplikative. Specializuar per nderhyrjet e shpejta mjeksore per kryqin e kuq internacional. Punon dhe kërkon zbulimin e substancave të reja farmakologjike naturale. Antar i shoqates se Fito-Terapis ne Itali, me qenender në universitetin Sienes itali.

Veprat:

Emri që lind diellin, Tiranë, 2004 (Poezi)
Mjegullvarur mbi Ballkan, Tiranë, 2006 (Poezi)
880 bimë mjeksore në alpet e Shqipërisë, Tiranë, 2009
Imazh Roman, policesk shtëpia botuese Weso Tiranë 2011
Merr per dore hijen time. Poezi,shtëpia botuese Simple Macerata Itali , 2011
Lulet e shpirtit Poezi shtepia botuese "Filara" Tiran 2012
Altri occhi all'orizonte poezi, shtëpia botues "Simple" Macerata Itali 2012
Memory-Roman. Shtëpia botuese Filara Tirane, tetor 2012
Pieni di sogni i fiumi. Poezi in Haiku ,(Italisht),shtëpia botuese"Simple"Macerata Itali 2014

MALET E FËMIJËRISË SIME

Atje larg

Deri në kupën e qiellit

Kreshpat e tyre shkojnë.

Mbi to dielli derdhet si ar.

NË KRAHËT E ERËS

Ecën si era,

Të pa fajshme pemët

I merr përpara.

Vrapon, nuk din ku shkon.

I mjafton udhën të shkeli.

Në hapat e tij

Si fijet e një mendimi

Kur humbim koshiencën...

Vrapojnë të tjerë.

Në fërkemat e tij

Me thonj grryejnë,

Kalanë e hutimit

Nisin ta ndërtojnë

E fjalët në krahët erës

I fluturojnë...

POETI

I mbeten vargjet

Si lule pa ujë e diell.

Në mendje ia ngrinë.

Në heshtje i këndonte

Ia lexonin në sy njerëzit,

Mbi ëndrrat i binte shi

Shpirti i lagur,

Burgosur në poezi.

Shikonte larg larg

Tymnajën...

KA SKADUAR KOHA

Akrepat e orës

Era i lëviz

Në horizont.

Njeriu në heshtje.

Orët flejnë.

Koha ka skaduar.

Një ditë e re do vijë.

Me shekullin

Ngarkur në shpinë

Në të vjetrin kalë.

Akrepat e orëve varë

Koha do t'i shtyjë.

EJANI TË SHKOJMË

Atje ku fryn erë

E ftohtë...

Të thyejmë të gjitha

Dritaret e kullave

Mureve të shkruajmë emra

Njerëzish...

Që përtypin me dhëmbë

Dashuritë...

Mbi kollaret e tyre

Analiza të bëjmë.

Formula kimike

Do gjejmë.

Do zbulojmë parfume

Të reja...

Për hajdutët...

E djeshëm e të sotëm...

Ejani të shkojmë

Udhëtarët e shekullit...

SY HAPUR

Sytë nuk do t'i mbyllë.

Hapur në përjetësi

Do t'i mbajë

Të shohin kohët

Se si shkojnë e vijnë.

Edhe në gjumë

Mbi krevatin

Pa dhomë

Pa tavan

Në mes të hapësirës

Pa fund

Sytë hapur

Si lypsarë

Në udhëkryqe...

EDHE DIELLIN

Edhe diellin e kanë blerë,

Dhe hënës rrezet ia kanë marrë.

Ulërima orkestrojnë planetet...

Në kërkim të diellit

Vrapojnë...

Dhe hënës ia fshehin sytë

Në natën e errët...

E pastaj stuhia nis të bjerë.

Ti shet diellin

Atë frymë të Universit

Njeriut që është pjesë

E diellit...

Ndaj ulërimat i orkestrojnë

Planetet...

NJË POEZI E NDALUAR

Ia lexova shpirtin

Në dy vargje

Mbetur në sy...

Atë ditë kur u nda

Luani me diellin

Dhe me fjalën

Me ëndrrën

Dhe dashurinë.

Atë ditë një rreze dielli

Iu bë kurorë,

U shkulën dhe yjet

E hëna u bë nuse e poetit

Përgjithmonë...

MOS HESHT...

Kur pemët era i rrëzon,

Zjarri djeg livadhet

Plot blerim.

Kur heshtin

Nga era e furtunës

Mbi kollaret e tyre

Erë kundërmon...

E PASHË ATË DITË

Fjala e urtë

E fortë si guri...

Flakë ndizej,

Bëhej e kuqe

Si flamuri.

E pashë atë ditë

Kur tokën mëmë

E preku.

Në buzëqeshje

Kishte dhembjen

Për fëmijët që

Do të lindnin...

Me cilën gjuhë do të flasin

Fëmijët që do lindin?

Të gurit apo të atomit?

Ecën kali i vjetër

Ngarkuar, ngarkuar

Me heshtjen dhe zjarrin

Në shpinën e kërrusur

Të shekullit tim.

Në ditarin tim...

MBETUR TEK JU

(Vendlindja ime)

Sa herë në rrugë dal

Ju kërkoj,

Sa herë hap dritaren

Ju mendoj.

Shikimin e nisi

Nëpër rrugë të pafundme

Mbështjellë në pikën e lotit,

E kthyer në det malli

Për gurin, arën, pemët

Për shkëmbin bukurosh

E krenar...

Më njomen sytë

Mbyll dritaren.

Sa herë buzëqesh

Mbi ty i ndez yjet.

Sa herë pi ujë

Kroni më del në ëndërr.

Në cicërimën e zogjve

Në malet bashkoj këngën.

Sa herë të mendoj

Një afsh përmallimi

Ma përshkon zemrën.

YJET KURORË

(Shkodrës)

Rrënjë lisash mbi dhe

E gurë,

Kockat e kohëve mbështjellë

Me ngjyrën e syve Tu

Të përjashtuar nga dielli

I stinëve lakuriq

Përtej horizonteve të mjegulluara.

Stuhi, stuhi,

Mbi shpirtërat e lagur

Të përgjumur në fraza narkotike

Duke derdhur fermente

Të nxehta katalitike

Në frymëmarrjet e lodhura.

Brohoritja shpon tejpërtej

Fytyra të zverdhura

Nën rrënjët e lisave

Mbi gërmadha.

O Shkodërlocja ime

Më dhemb shpirti

Sytë nuk të shohin

Ty...

E mbytur në ujë

Ti...

Nusja më e bukur

E të gjitha kohëve.

Dasmorët e Tu

Emrat i kanë nëpër Yje

Dhe yjet, përherë kurora

Do jenë mbi Ty...