Letër nga Amerika: Akademik Prof.Dr. Eshref Ymeri

Përshëndetje Profesorë të Nderuar,

Njerëz të tipit Bahtir Hamza apo të Bajram Dokas, i cili i paska vënë vetes spaletat e "akademikgjeneralit", përfaqësojnë në vetvete botën e shpifografisë. Shpifografia është antivlera më e bastarduar që ndot mjediset tona në mbarë trojet etnike. Por ajo bëhet edhe më e shëmtuar, kur vihet në shërbim të grekosllavizmit, armikut të betuar të etnisë shqiptare, kundër figurave të nderuara të kombit shqiptarë. Shpifësit do të vazhdojnë zejen e tyre të fëlliqur - shpifjen, ne do të vazhdojmë zejen tonë të nderuar - çjerrjen e maskës dhe demaskimin e tyre. Profesor Skënderi, Profesor Flori dhe Profesor Mehdiu kanë dhënë një kontribut të çmuar për demaskimin e këtyre zejtarëve me paha të madhe në fushën e shpifografisë.  

Shkrimtari dhe dramaturgu anglez Henri Filding [Henry Fielding -1707-1754], i njohur për humorin e tij jetësor dhe mjeshtërinë artistike, i vlerësuar si themelues i romanit realist, u ka lënë brezave pasardhës një aforizëm të shkëlqyer për zejtarin e shpifografisë. Ai thotë:

“Vesi nuk ka skllav më të poshtër, shoqëria nuk pjell maskara më të neveritshëm dhe hileqari nuk ka mysafir më të merituar dhe më të përshtatshëm sesa shpifësi”.

E përshëndes përzemërsisht poetin dhe shkrimtarin e talentuar Përparim Hysi për shënimin që i ka dërguar Profesor Florit.

Ju uroj shëndet dhe mbarësi.

Eshref Ymeri

Santa Barbara, Kaliforni

07 shkurt 2018

2018-02-07 0:25 GMT-08:00 

****

On Wednesday, February 7, 2018, 7:45 AM, meditime-pershtypje <noreply-comment@blogger.com> wrote:

meditime-pershtypje has left a new comment on your post "TURPI NUK KA BRIRË?": 

I dashur FLORI! Atë qafirin alias Bahtir Hamza e kam njoh përmjet shkrimeve të pista për personalitete me pontencë no fushëne politikës dhe në atë të letëresisë dhe arteve. Ka qenë kritizer i sëmurë dhe shumë vanitoz. Kudo veç villte dhe jargavite sa të ngrinte nervat,kur e lexoje. Nëse e vërteta është se ka përfunduar në psiqiatri, ka shumë arsye me e gjykue si njeri me bjerrje të rëndë në formim dhe aq. Ai asht i ligu që kënaqetë në perversitetin e vet. Dhe sa për këtë "gjeneralin që i ia k vendosur vet spaletat",Bajramë Doko, së pari po dëgjoj për të dhe është mirë që TRUPA AKADEMIKE me ia vendos kurfirin bash tek "Molla e kuqe" dhe të përfundoj si një rrobë e hedhur që nuk i duhet kujt. Plagjiatët, grafomanët dhe të "vetquajturit akademikë,poetë, shkrimtarë e lloj-lloj profanish të tjerë,janë ushtria më e rrezikshme alla Donkishtojane kundër FRONTIT TË MADH TË DIJEVE dhe VLERAVE MBARKOMBËTARE!

Tiranë, 7 shkurt 2018.

Letër nga Akademik Prof.Dr.Mehdi Hyseni

PËRSIATJE PËR PARADOKSET E SHËTUARA TË DOKTRINËS DHE TË PRAKTIKËS SË "TOPTANIZMIT MODERN"
NË HAPËSIRAT E SHQIPËRISË ETNIKE DHE JASHTË SAJ

Klysh, zagar, qen e përtej, është ai që 100 herë brenda ditës i puthë në ballë sllavogrekët për një kolltuk për ta  nëpërkëmbur, sunduar dhe shfrytëzuar kombin e tij shqiptar, JO patrioti mëmëdhetar GAFURR ADILI, i cili 33 vjet i kaloi në ekzil  jashtë vendlindjes së tij të dashur-Kërçovës së SHQIPËRISË ETNIK, të cilit për shkak të veprimtarisë së tij patrotike atdhetare, pushtuesit sllavomaqedonë së bashku me kuislingët e tyre shqipfolës ia ndaluan kthimin në atdhe derisa  erdhi në krye të pushtet të qeverisë sllavomaqedone, ZORAN ZAEV, i cili, pa pëlqimin e  vasalit të tij, Ali Ahemti, bëri një veprim human dhe plotësisht të ligjshëm dhe të justifikueshëm  sipas të të gjitha konventave, protokolleve, marrëveshjeve dhe deklaratve ndërkombëtare për të drejtat dhe liritë e njeriut, duke e riatdhesuar GAFURR ADILIN  vitin e kaluar (2017).

Ali Ahmeti i tha jo riatdhesimit të Gafurr Adilit me “motivacionin” se “Gafurr Adili është qen i rrezikshëm që të kafshon pas shpine”

Ali Ahmeti i tha jo riatdhesimit të Gafurr Adilit me “motivacionin” se “Gaf... Prof.Dr. Mehdi Hyseni Pse, a ka më “lopë” e më qe (më kije) se ata liderë politikë shqiptarë , që Kosovën, Anam...

Pranga në trutë tona

REXHEP SHAHU

Më falni, më vjen keq, por unë nuk mund të bëhesha pushkë as dorë a gisht që tërheq këmbëzën për me vra njerëz, komunista, qoftë edhe kriminela, për llogari të ish të burgosurve politikë, të atyre gjoja politikë e të atyre ordinerë të fëlliqur që shëmtuan të burgosurit politikë, as kur ata dolën nga burgjet e diktaturës e as sot.
Edhe Partia Demokratike që u krijua, nuk u krijua atëhere si skuadër a togë pushkatimi për me pushkatue apo me marrë hak kundër komunistëve apo shtetarëve të diktaturës në emër të burgosurve politikë.
Madhështore e vlerë e epërme është se as të burgosurit politikë nuk morën pushkët dhe nuk bënë pushkatime hakmarrëse.
Nëse ndonjërit i ka mbetë peng kjo punë, nuk duhet të më ftojë mua që të bëhem atentator apo killer për llogari të tij e të pazotësisë së tij për me pasë dinjitet. 
Sot mundet sejcili me e çue në vend nderin e dinjitetin e vet por jo me argatë por me dorën e vet, pa futë në hasmëri askënd tjetër.
Por nuk ka ndodhë e nuk ndodh. Sepse duhet pranuar, lidhja viktimë-xhelat tek ne është aq e madhe, e fortë, e thellë sa nuk ka armiqësi që e prish. 
Viktima e xhelati sot më përbuzin mua kur rrinë në kafe bashkë ose edhe kur janë me mua. Ata kanë çfarë i thonë e i kujtojnë njëri -tjetrit, unë jam i huaj për to dhe largohem nga tavolina, më largojnë nga tavolina.
Kur më shohin e më takojnë veç e veç vjellin zjarr troska kundër njëri - tjetrit.
Por kane krijuar miqësi, krushqi mes tyre, kanë dhënë e kanë marrë vajzat apo djemtë e njëri - tjetrit. Nuk, janë vetëm bëmat e dosjeve e të jashtëdosjeve që i bëjnë bashkë.
Dhe jetojnë me pranga në tru tani, jo më me pranga në duar. Duart i kanë të lira me la sytë e me mbajtë lugën…

A e dimë saktë portretin e Skënderbeut?

Shkruan: Prof.Dr.Ilir MUHARREMI

Portreti i Gjergj Kastriotit Skënderbeut prej shumë shekujsh u pasqyrua edhe në veprat e artistëve botëror si: Italian, Gjerman, Holandez etj. Mirëpo, pjesa dërmuese e artistëve na shfaqin Skënderbeun me sy të gjallë dhe hundë në formë të sqepit të Shqiponjës. Piktori holandez Rembrant e punoi krejt ndryshe portretin e tij: Sy të mëdhenj, buzë të holla, hundë jo shumë të kthyer, krejtësisht gati ndryshe me sqepin e shqiponjës.

Kemi edhe portretin më të hershëm të tij që ndodhet në Galerinë Ufizi të Firences të piktorit Xhentile Benini, dhe ky mendohet të jetë portreti më i përafërt me dukjen origjinale të Skënderbeut. Ai këtu paraqitet në moshë të shtyrë si duket këtu ndërmori edhe udhëtimin e fundit drejt Italisë.

Portreti më i famshëm dhe më i hershëm paraqitet në veprën e historianit shqiptar Marin Barleti. Kemi edhe në gravurë të punuar nga artistët gjermanë Jang Breu dhe Jost Aman, i cili u paraqit me një sfond kështjelle.

Edhe një tjetër artist gjerman e bëri në gravura Sigizmund Fejgrahent. Kurse, për herë të parë përkrenaren dhe shpatën e paraqiti Tabias Shtimer.

Piktori francez N. Auronks është autor i portretit që u botua në poemën e Bysjerit (1658). Në vitin 1662, kjo poemë u ribotua, por tani me portretin të bërë nga piktori Blanshet. Ndërkaq librin e Biemit, të botuar në vitin 1672, e ka ilustruar piktori italian F. Zuçi (Zucci). Një gravurë në dru bëri I.B. Skotin.

Edhe artistët arbëreshë të Italisë në veprat e tyre e krijuan Skënderbeun. Kemi në afresk në kishën Monreales në shek XVI në Sicili. Por, më 1878 në një kishë katolike në Prizren, aty ku u krijua Lidhja Shqiptare e Prizrenit. Portreti i Skënderbeut na shfaqet ne medaljon.

Në kohën e Rilindjes Kombëtare, në veprat e artistëve shqiptar figura e Skënderbeut u bë temë qendrore. Sidomos portreti tradicional i kthyer në profil i krijuar nga artisti Gjergj Panariti (1883), figura e plotë e heroit mbi kalë dhe në sfond beteja, u trajtua më 1889 nga Anastas N. Ballamaçi dhe Theohar Gjini (1880-1956). Ballamaçi u ndihmua nga tabloja e piktorit francez T. Zheriko.

Më pastaj, figura e tij i krijua edhe nga artisti autodidakt Spiro Xega (1876-1953) autor i një cikli romantik-heroik prej më se tetë veprave. Midis tyre edhe “Skënderbeu” (1913). Me fjalë të tjera, prej tij ruhen mbi dhjetë tablo me figurën e Skënderbeut, disa prej tyre të fillimit të shekullit XX.

Mendohet që linja origjinale e Skënderbeut ndodhet në tablonë Skënderbeu në betejë” e pikturuar në vitin 1915-1916 nga piktori shkodran Simon Rrota (1887-1961). Artisti shkodran Ndoc Martini, portretin e punoi në disa variante.

Odhise Paskali, njëri nga skulptorët më të fuqishëm në Shqipëri e ngriti më 1968 bashkë me skulptorin Andrea Mano si dhe Janaq Paco, e realizuan në Tiranë monumentin e tij. Siluetat japin heroin në lëvizje, në një paradë, shpatën e ka të mbështetur anash, kokën shumë energjike, duket si luftëtarë, burrë shteti, tejet madhështor.

Në Prishtinë, shtatorja e Skënderbeut e punuar nga Janaq Paco erdhi në vitin 2001. E planifikuar për një teren shkëmbor e jo të rrafshët sepse në dukje, Skënderbeun na jap më të madh se kalin.

Monumenti i heroit, vepër e skulptorit italian Romano Romanelli (1882-1969), i ngritur në vitin 1940 ndodhet edhe në sheshin Albania të Romës.

Bustit i Skënderbeut ndodhet edhe në Vaccarizzo Albanese – fshat i Kozencës në Kalabri. Në vitin 2008, busti i heroit u vendos edhe në Civita të Italisë.

Në vitet ’60 të shekullit XX, emigrantët shqiptarë në Belgjikë paraqitën kërkesë për ta vendosur monumentin e Skënderbeut në Bruksel. Kjo u realizua në vitin 1968. Monumenti u vendos pranë parkut Josafat të komunës Schaerbek në Bruksel.

Monumentet, përkatësisht bustet e Heroit Kombëtar ndodhen edhe në Vjenë, në Budapest, buzë liqenit të Gjenevës, në Detroit etj.

Përmendorja e Skënderbeut në Miçigan të SHBA-së është përuruar në vitin 2006, në prani të mijëra vetëve, përfshi kryepeshkopin e Detroitit – Kardinalin Adam Maida dhe presidentin e Shqipërisë – Alfred Moisiun. Monumenti është vendosur në hyrje të oborrit të Kishës katolike shqiptare Shën Pali në Roçester Hills, rreth 40 kilometra në veri të Detroitit.

Të gjithë artistët e lartpërmendur, portretin e riprodhuan mbas fiksimeve imagjinatave, ndonëse jo edhe të sakta, ashtu siç do ta paraqiste shkenca. Si mund të ketë version të saktë derisa eshtrat e Skënderbeut u zhvarrosën nga turqit pas rënies së Krujës, më 1480, 12 vjet pas vdekjes? Varri i tij, që ndodhej në Kishën e Shën Nikolla në Lezhë, u dhunua dhe eshtrat u morën si hajmali nga ushtarët turq. Për t’u ditur saktë pamja e tij, duhet marrë eshtrat dhe mbas versionit tredimensional të montohet mishi dhe në saktësi do dimë çdo gjymtyrë, artistët kështu do ta riprodhonin origjinalin e jo imagjinatën. Portreti më i përafërt me pamjen origjinale të tij mendohet të jetë i artistit italian Xhentile Belini. Por, ende pamja e tij mbetet imagjinative mbas artistëve dhe kjo s’mund të ofrojë saktësi.

Te ne në Kosovë, në librat shkollorë, por edhe në pikturat e artistëve, riprodhohet imazhi i Skënderbeut i krijuar nga Odhise Paskali. Pasi nuk kemi imazh të saktë të tij, atëherë artistët duhet me ndryshime dhe mbas përpjekjes imagjinative ta pikturojnë. Ende edhe në ditët e sotme, nuk e dimë saktë si është dukur Skënderbeu.

Harrone BE-ne, kapuni për NATO!

Nga Prof.Dr.Fadil Maloku

1. Kosova, duket që shumë vonë për të mos thënë kurr, nuk do të bëhet pjesë e BE-s.

2. Në NATO, gjasat janë reale dhe shumë profitabile edhe për shkak të sigurisë dhe stabilitetit, të jo vetëm Ballkanit Perëndimor (lexo; minus Sllovenia e Kroacia, e plus Shqipëria), por edhe gjithë Evropës Juglindore.

3. Si kundërpërgjigje ndaj këtij injorimi të djeshëm nga ana e Brukselit, Kosovës i duhet një ritestim, në formë të debatit publik rreth opsionit të bashkimit kombëtar. Qoftë edhe me alibinë e referendumit.

a/. Kosova, nuk mund të vazhdojë deri në amshim me premtime të kota, sikurse rasti i Turqisë, ku për pesë dekada u "ushqye" shpresa e integrimit. Dhe në fund, ajo u "mbyt"me lloj pretekstesh...

b/. Kosova, nuk mund të vazhdoj shkaku se, aktualisht në BE-ane, janë duke ndodhur dy procese antipode; ai integrues (Brukseli) dhe ai dezintegrues (Londra); .

c/. Kosova, nuk mund të vazhdoj shkaku se, rregullat strikte të zgjerimit të saj nuk e lejojnë anëtarësimin e plotë, të një teritorri që nuk e njohin të gjithë.




(Fadil Maloku (i lindur më 6 Prill 1958 në Besianë), është Profesor i Sociologjisë së Globalizimit, Integrimeve dhe Globalizimit, Krimi dhe Devijimi Social, Hyrje në Komunikimin Politik (UP, Departamenti i Gazetarisë), Kultura dhe Politika (niveli master, në Universitetin Shtetëror të Tiranes) në Universitetin “Hasan Prishtina”, të Prishtinës /Departamenti i Sociologjisë, ku ligjëron disa lëndë :Sociologji e Globalizimit , Metodat kuantitative në Sociologji, Metodat e Hulumtimit empirik, Teoria dhe praktika e lëvizjeve shoqërore , Krimi dhe Devijimi, Sjelljet Devijante dhe Kontrolli Social, Integrimi dhe Globalzimi.)

Flori Bruqi


*****

Profesori i sociologjisë në Universitetin Publik të Prishtinës, Fadil Maloku,kohë më parë promovoi në Tiranë dy libra, tematika e të cilave lidhet me refleksionet sociologjike mbi shtetësinë dhe zgjedhjet.

Dy vëllimet me tituj “Refleksione sociologjike mbi shtetësinë dhe raportet ndëretnike” dhe “Refleksione sociologjike mbi joviolencën dhe zgjedhjet” parashtrojnë një sërë çështjesh të rëndësishme, të cilat nisin me një analizë të fakteve historike e politike në vitet ’90 dhe përfundojnë me procesin e integrimit, që për sociologun duhet të jetë i përbashkët, për Shqipërinë dhe Kosovën. “Krahas konkluzioneve të mia, parapëlqej që nëpërmjet leximit të librave që unë po promovoj sot, lexuesi ta bëjë individualisht analizën apo interpretimin e fakteve, si dhe dhënien e një terapie për shoqërinë në tërësi”, theksojë  sociologu i mirënjohur shqiptar Prof.Dr.Fadil  Maloku,nga Prishtina.

Tematika që trajtoni në dy librat që provoni sot.

Këta dy libra janë analiza, përshkrime të situatave, dukurive dhe fenomeneve të ndryshme që kanë ndodhur në Kosovë në dy dekadat e fundit. E veçanta e këtyre librave është këndvështrimi i ri në syrin e një sociologu, i cili në përvojën e tij 40-vjeçare ka arritur të skanojë situatat dhe dukuritë që kanë ndodhur në dy dekadat e fundit në Kosovë. Në përmbajtjen e këtyre dy librave ju do të shihni shumë probleme apo dilema. E parë në syrin tim, theksi vihet mbi atë që unë e quaj si dilemën fondamentale që u referohet viteve ’90, tematika thelbësore e dy vëllimeve të mia të fundit. A duhej që Kosova më parë të ndërtonte demokracinë apo të kyçej dhe të ndërtojë shtetin e saj, dilemë hamletiane. Por në fund kujtoj që shoqëria kosovare e mori drejtimin e saj, kështu që në këtë kontekst ideja ime ishte kapja e dukurive të asaj kohe, pa ndryshuar asgjë, duke ruajtur me fanatizëm gjuhën dhe të menduarit e atyre viteve, elemente dalluese, njëkohësisht dukuri në zhvillim. Nëse do të më duhej të bëja një analizë të këtyre dukurive në ato vite, ndoshta do të kishte qenë shumë më ndryshe, nga analiza që unë bëj sot. Kështu që prej asaj distance kohore, natyrisht edhe për shkak të përvojës që kam, mendova të analizoj shkallën e skanimit të suksesshëm të dukurive apo fazave të atyre viteve në Kosovë. Kosova, ndryshe nga vendet e tjera të rajonit, të cilat ishin po ashtu në fazë tranzicioni, ka specifikat e saj. Nisur nga kjo jam munduar t’i paraqes të gjitha këto specifika në shërbim të shkencës sociologjike në të ardhmen.



A keni arritur t’u jepni përgjigje dilemave tuaja në këto dy vëllime?



Padyshim që po. Kot nuk thuhet që sociologët në një farë mënyre janë mjekë të shoqërisë. Unë kam ndjekur kursin dhe metodologjinë tipike amerikane, e cila më ka bërë të gjej diagnozën apo një përgjigje për zgjidhjen më të mirë, për atë që unë mendoj se do të shërbente si zgjidhja më e mirë. E megjithatë krahas konkluzioneve të mia, parapëlqej që nëpërmjet leximit të librave që unë po promovoj sot, lexuesi ta bëjë individualisht analizën apo interpretimin e fakteve, si dhe dhënien e një terapie për shoqërinë në tërësi. Vitet ‘90 janë vite shumë të rëndësishme për Kosovën, pasi në vitin 1989 u diskutua çështja e autonomisë së Kosovës, ra muri i Berlinit. Ndonëse u diskutua në masë për kapacitetet, Shqipëria nuk e kishte problemin te kapacitetet shtetërore, por te mënyra që do të përdorte për t’i ruajtur ato kapacitete. Në këtë kuadër mendoj që këta dy libra janë një kontribut i rëndësishëm për shkencën sociologjike. Në Shqipëri kujtoj që tekste si këto janë më të vonshme, mirëpo trendi i zhvillimit apo pasionit për të studiuar shkencat sociologjike në Shqipëri po rritet dita-ditës. Kështu, tregu në Shqipëri është duke u mobilizuar së fundmi dhe unë uroj që sociologët e ardhshëm të arrijnë të japin diagnoza si për dukuritë, ashtu edhe për ngjarjet apo fenomenet që ndodhin vit pas viti.



E parë në syrin e një sociologu, cilat janë problematikat me të cilat po përballet shoqëria e sotme shqiptare?



Ka 1 milion pyetje dhe dilema, por shumë pak përgjigje. Një nga të cilat është: a duhet t’i vazhdojmë të ndara proceset e reja të zhvillimit që janë në horizont apo ka edhe mendime që për shkak të arsyeve të ndryshme duhet të hyjmë si shtete të ndara? Unë jam përpjekur ta eksploroj këtë problematikë, pasi nuk kemi ende një përgjigje apo projekt për drejtimet që po ndjek shoqëria shqiptare apo ajo kosovare për të kuptuar se ku përputhen, cilat janë pikat e përbashkëta të tyre. Unë jam fanatik i një shteti të fuqishëm, të përbashkët. Kjo është arsyeja pse unë jam këtu sot, për të treguar që procesi i integrimit nuk pyet, nuk ka adresë, por është një instinkt që na bën të provojmë mënyrat e bashkëpunimit që do të na shërbejnë në rrugëtimin tonë drejt procesit globalizues. Bota sot është një fshat i vogël, ku me një klikim ne të gjithë mund të gjurmojmë ç’të duam dhe mund të gjejmë gjithçka. Unë ndaj mendimin me ata sociologë, ekspertë të fushës, profesorë që thonë se Kosova është pjesë integrale e shtetit shqiptar. Prandaj unë do të doja që proceset e ardhshme të ndjekin këtë ritëm, të mos ecin të ndara, siç mendojnë disa të tjerë, ide që për mua janë shumë margjinale. Kjo, për shkak se ata nuk arrijnë as të shpjegojnë argumentet se pse procesi i integrimit duhet të shkojë i ndarë, pra për Kosovën më vete dhe për Shqipërinë më vete. Mendoj që fillimisht ky proces duhet të nisë i ndarë, por shpresoj që në të ardhmen proceset e tjera të integrimit të ndiqen paralelisht. Kemi jetuar vërtet të ndarë prej vitesh, por në të ardhmen besoj që të gjitha këto do të shuhen. Madje mendoj që kjo do të na bënte më të fuqishëm, për të jetuar bashkërisht. Duhen vënë njëherë e mirë themelet për një komb të përbashkët. Fillimisht është me rëndësi të provojmë sferat ku kemi gjëra të përbashkëta dhe të bashkëpunojmë me njëri-tjetrin për të ecur paralelisht drejt procesit të integrimit.(Marrë nga artikulli i gjatë i gazetarës Shpresa Mëzini "Lexuesi do të zbulojë “terapinë” në vëllimet e mia")

ARIOLA BARDHI – NJË SHKENCËTARE E RE SHQIPTARE NË AMERIKË

Interviste:

Intervistoi: Blerina BYTYÇI

Ariola Bardhi: Studimet në Amerikë më dhanë mundësinë per tu dashururar me shkencën.

Ariola Bardhi

Ariola është aktualisht studente e vitit të katert për doktoraturë në kërkime mjekësore tek Albert Einstein College of Medicine në Nju Jork. Ajo u largua nga Shqipëria për të filluar studimet universitare në SHBA me qëllimin për të arritur një arsimim e të ardhme më të mire. Rrugëtimi në sistemin akademik amerikan hapi mundësi që ajo nuk i kishte parashikuar më parë duke zgjuar interesin në kërkimet shkencore, një mundesi kjo që do ti mungonte në Shqipëri. Në këtë artikull Ariola rrëfen eksperiencën e saj me shpresën për të tërhequr vëmendjen e mjekësisë shqiptare mbi rëndësinë e kërkimeve ne mjekësi.



Përse zgjodhe SHBA-në, dhe si përfundove në një universitet amerikan?



Gjithmonë kam patur një interes për lëndët shkencore dhe mjekësinë. Isha e vendosur për të studiuar jashtë shtetit për një të ardhme më të mirë, dhe SHBA ofron shumë mundësi për arsim dhe arritje të larta profesionale në fushën e mjekësisë. Problemi i vetem ishte pagesa, pasi universitet në SHBA janë tepër të kushtueshme. Gjithësesi pas shumë aplikimesh mora oferta nga disa universitete, njëri nga të cilët, Averett Univerity, më ofroi një bursë të arsyeshme dhe unë vendosa ta pranoj.

Ariola Bardhi

Si ishte eksperienca universitare dhe si filloi interesi në kërkimet shkencore?



Studimet universitare dhe pas-universitare në fushat mjekësore dhe të shkënces në universitetet amerikane janë tepër ndryshe nga ato në Shqipëri, pasi studentat duhet të përfundojnë një katërvjeçar të përgjithshem para se të specializohen në mjekësi, stomatologji, farmaci, etj. Unë zgjodha degën e shkencave biologjike dhe mjekësore me dëshirën për të vazhduar mjekësi. Një avantazh shumë i madh ishte fakti që kisha një këshilltare akademike që ishte tepër e përkushtuar ndaj suksesit tim. Ajo, së bashku me një profesor tjetër që e kishte vënë re interesin tim në lëndën e gjenetikës, më këshilluan që të aplikoja në programe të ndryshme për të zhvilluar kërkime në biologji. Fillimisht aplikova thjesht për të shtuar një eksperiencë në CV dhe për të qenë aplikante më e fortë në shkollat mjekësore. Pasi përfundova një program veror tek Wake Forest Institute for Regenerative Medicine, ku studiova një mutacion gjenetik që mendohet të jetë i lidhur me plakjen e parakohshme, fillova ta konsideroj seriozisht përfshirjen në kërkimet shkencore. Në Shqipëri, për shkak të mungesës së fondeve në arsim, lëndët e laboratorit në gjimnaz zakonisht nuk zhvillohen, ose janë tepër të limituara. Mundësia për të zhvilluar kërkime më dha një kënaqësi që nuk e kisha menduar ndonjëherë, pasi për herë të parë kisha mundësinë të ekzekutoja një eksperiment me duart a mia dhe të zbuloja dicka që nuk dihej akoma në shkencë.

Ariola Bardhi

Me cfarë kërkimesh po merresh gjatë doktoraturës dhe si është një ditë e zakonshme në laborator?



Aktualisht jam e përfshirë në disa projekte të ndryshme që investigojne kombinime të ndryshme terapeutike për të kuruar infeksionin me virusin HIV. Ditët në laborator zakonisht janë tepër të zëna. Çdo javë planifikoj eksperimentet më të rëndësishme që duhet të zbatoj, dhe brenda të njejtës ditë mund të performoj disa eksperimente paralelisht. Analiza e rezultateve nuk është gjithmonë e thjeshtë, kështu që shpeshherë më duhet të konsultohem me studenta apo shkencëtarë te tjerë për të gjetur mënyren më të mirë të interpretimit. Si rezultat, kam mbledhje të ndryshme puthuajse cdo ditë, dhe një herë në javë kemi mbledhje të përgjithshme të laboratorit. Natyra e punës gjithashtu kërkon frekuentimin e seminareve në fushën time apo ato ne fusha të ngjashme, si dhe lexim te thellë të literaturës që zakonisht e bej në mbrëmje, pasi koha nuk prempton gjatë ditës.

Ariola Bardhi

A ke zbuluar ndonjë gjë të rëndësishme që mund ta ndash me ne?



Per momentin është tepër herët për të thënë diçka përfundimtare, por kam disa rezultate pozitive në lidhje me kapacitetin e një antitrupi të inxhinjeruar për të luftuar virusin HIV. Shpresoj që të zbuloj më tepër mbi vetitë e këtij antitrupi dhe të publikoj dicka deri në fund të vitit.



Cila ka qenë sfida apo vështirësia më e madhe gjate studimeve tuaja në SHBA?



Sfida më e madhe ishte pranimi në një program për doktoraturë, pasi unë kisha zhvilluar shumë pak kërkime shkencore në krahasim me kandidatët e tjerë. Besoj që ishin rezultatet e larta në universitet, si dhe dëshira dhe pasioni që kisha për tu marrë me shkencën, ato që më dhanë mundësinë për të filluar studimet për doktoraturë. Vështirësitë në përgjithësi janë të shumta për cdo student që ndodhet i vetëm jashtë vendit të origjinës, dhe i duhet të mësoje një sistem të ri shoqëror, shkollor e punësor, dhe të përballet me cdo vendim i vetëm, por besoj se kjo eksperiencë më ka pergatitur më mirë për sfidat e ardhshme në jetë.



Ariola, ti je dhe një nga themelueset e organizatës INet NYC. Cfarë është kjo organizatë, dhe si të erdhi ideja për ta filluar atë?



INet NYC është një organizatë që mbështet të gjithë shkencëtarët dhe studentët e huaj që studiojnë në fushat e shkencave biologjike dhe mjekësore në Nju Jork. Ideja për të filluar këtë organizatë lindi gjate shumë bisedave me studenta të tjerë të huaj që shpeshherë ndihen të konfuzuar nga mundesitë që ekzistojnë pas kompletimit të doktoraturës në SHBA, cfarë karrierash të ndryshme janë të mundshme, dhe cilat janë rrugët për të marrë një ofertë pune që sponsorizon dhe vizë pune. Interesi që kisha për të zbuluar më shumë mbi këto mundësi, si dhe fati që njhja një tjetër student, Mike Veenstra nga Hollanda, i cili ishte gjthashtu i përkushtuar për të bashkuar dhe ndihmuar komunitetin e shkencëtarëve të huaj, çuan në lindjen e INet NYC. Organizata u themelua në tetor të vitit 2014 dhe tashmë ka mbi 350 anëtarë, një bord drejtuesësh prej 12 vetash, dhe nje grup këshillëtarësh të përbërë nga drejtori i marketingut të firmës farmaceutike Pfizer, drejtoresha e programit Science Alliance tek akademia e shkencave të Nju Jorkut (New York Academy of Sciences), dhe drejtoresha e qendrës gjermane për kërkime dhe inovacion (German Center for Research and Innovation) në Nju Jork. Për më tepër, në bordin drejtues të INet NYC ndodhet dhe një studente tjetër shqiptare, Linda Molla, e cila po përfundon doktoraturën tek Rockefeller University.



Cfarë drejtimi kërkon të marrësh mbas diplomimit dhe ku e sheh veten mbas 5 vitesh?



Dua të vazhdoj të punoj në shkencë dhe të ndihmoj me kerkimet më të fundit. Pas përfundimit të doktoraturës dua që të punësohem në një kompani farmaceutike dhe të merrem me projekte që kërkojne zbulimin e manipulimeve të sistemit imunitar për të luftuar kancerin. Kam dëshirë që të përfshihem më tepër me drejtimin e projekteve dhe propozimin e ideve të reja dhe gradualisht të shkëputem nga eksperimentet. Shpresoj që me pune dhe vullnet t’ia arrij këtij qëllimi.



Do të kishe ndonjë këshillë për studentat në Shqipëri, apo ato që duan të studiojnë jashtë Shqipërisë në programe universitare apo pas universitare?



Këshilla e vetme që kam është që ti marrin studimet seriozisht dhe të përpiqen të kërkojnë mundësi për të ardhmen, qoftë jashtë vendit apo edhe në Shqipëri. Largimi nga atdheu, familja, e shoqëria nuk është e lehtë, kështu që secili duhet të ndjekë rrugën që e bën më të lumtur. E rëndësishme është që të mos kenë frikë të provojnë eksperienca të reja dhe të jenë gati për sakrifica, sepse puna në fund gjithmonë shpërblehet. Personalisht, nuk e kisha menduar kurrë që do ti futesha kërkimeve në mjekësi, por ka qenë një mundësi shumë e mirë që besoj do të më ndihmojë të eci përpara. Shpresoj shumë që së shpejti në Shqipëri te krijohen mundësi për kërkime shkencore dhe që mjekët e rinj ta kuptojnë rëndësinë që ato kanë per avancimin e mjekësisë.



Intervistoi Blerina Bytyçi

Të vetëquajturit "akademikë","poetë","shkrimtarë" e lloj-lloj profanësh të tjerë -janë Ushtria më e rrezikshme alla Donkishtojane kundër frontit të madh të dijeve dhe vlerave mbarëkombëtare

meditime-pershtypje <noreply-comment@blogger.com>

To:ptcflomed@yahoo.co.uk

7 Feb at 07:45

meditime-pershtypje has left a new comment on your post "TURPI NUK KA BRIRË?":

I dashur FLORI! Atë qafirin alias Bahtir Hamza e kam njoh përmjet shkrimeve të pista për personalitete me pontencë no fushëne politikës dhe në atë të letëresisë dhe arteve. Ka qenë kritizer i sëmurë dhe shumë vanitoz. Kudo veç villte dhe jargavite sa të ngrinte nervat,kur e lexoje. Nëse e vërteta është se ka përfunduar në psiqiatri, ka shumë arsye me e gjykue si njeri me bjerrje të rëndë në formim dhe aq. Ai asht i ligu që kënaqetë në perversitetin e vet. Dhe sa për këtë "gjeneralin që i ia k vendosur vet spaletat",Bajramë Doko, së pari po dëgjoj për të dhe është mirë që TRUPA AKADEMIKE me ia vendos kurfirin bash tek "Molla e kuqe" dhe të përfundoj si një rrobë e hedhur që nuk i duhet kujt. Plagjiatët, grafomanët dhe të "vetquajturit akademikë,poetë, shkrimtarë e lloj-lloj profanish të tjerë,janë ushtria më e rrezikshme alla Donkishtojane kundër FRONTIT TË MADH TË DIJEVE dhe VLERAVE MBARKOMBËTARE!

Tiranë, 7 shkurt 2018



Posted by meditime-pershtypje to Agjencioni Floripress at February 6, 2018 at 10:45 PM

Kush po e mban Kosovën, si në "burgun" e Alkatrazit?

Prof.Dr. Fadil Maloku 

1. Në Strategjinë më të re të Komisionit Evropian për integrime të Ballkanit Perëndimor, po paralajmërohet që vetëm Serbia dhe Mali i Zi do jenë shtetet (!) që do të marrin “afatin të qartë kalendarik…” për integrim, kurse Bosnja, Maqedonia dhe Kosova, do të sigurojnë vetëm perspektivën për integrim evropian”, pra, “në këtë ndërtesën e ftohët” dhe të privilegjuar të BE-ane. Por, ç’ kuptim ka shpresa për “…perspektiven për integrim evropian”? Si më thjesht, kjo i bie:

a/ Asnjë afat decidiv dhe të prere, për; kohën, mënyrën, obligimet, detyrimet..etj. që duhet ta kenë Kosova &company

b/ Një shpresë eufemiste, sa për ta neutralizuar mllefin publik të qytetarëve të këtyre vendeve të mbërthyera në stilin e një burgu kolektiv, ala “Alkatraz”!

c/ Një status, as i definuar, as i qartësuar e as i prejudikuar, që pak a shumë do e ushqente dhe do ngjallte shpresën e futjes në agjendën “kalendarike për pranim”.Sipas kësaj Strategjie, Serbia deri në fund të vitit 2019, duhet të mbyllë standardet e përkohshme në lidhje në Kapitullin 35.

2.Dështimi ne mospërfshirje ne strategjinë e zgjerimit nuk është dështim veç i qeverise se Kosovës, po shumë më shumë i UNMK-ut, EULEKS-it, dhe sidomos miqve të Dragodanit.

3.Këta miq, sot në rreshtimin pro Serbisë dhe Malit të Zi (shih absurdin; që qenë bombarduar në vitin 1999!), për Zgjerim dhe aplikim në BE-e, nga gjitha vendet tjera të Ballkanit Perëndimor), dëshmuan faktikisht atë thënien e njohur se; “në politikë nuk ka miq të përhershëm, por vetëm interesa të përhershme”. (Leksion, për gjitha Qeveritë tona)

4.Qeveritarët aktual, duhet të pyesin miqtë tanë; Se përse këto dy shtete, janë shumë më afër “zgjerimit…”, kur dihet që tê gjitha republikat jugosllave, kishin statut të përafërt juridiko politik (Maqedonia dhe Bosnja sidomos), kurse, ne me aktin e shpalljes së pavarësisë, do duhej njejtësisht të trajtohemi…

5.Këta miq, qytetarëve kosovar, shoqërisë civile, dhe medieve do të duhej t’u jepnin llogaridhënie (të paktën morale, se politike nuk e kanë obligim) edhe në një pyetje kruciale; nëse, për gjitha këto vonesa dhe afate integruese…, fajtorë kryesor janë gjithë qeveritarët e pasluftës, atëherë përse, nuk ua kanë sugjeruar atyre guitën kalendarike të (mos)pritjes në këto procese jetike për qytetarët kosovar? Ose, meqë e kanë në dorë “shkopin dhe karotën”, përse, edhe më tej i favorizojnë dhe stimulojnë të na përfaqësojnë në aulat e brendshme dhe të jashtme, të njëjtat fytyra politike? Pse?

6.Shikuar nga ky këndvështrim, unë procesin e integrimeve rajonale dhe atyre kontinentale, nuk jam i prirur t’i fajësoj vetëm qeveritë tona për gjithë degradimin, papunësinë, dhe problemet tjera: demarkacioni, asociacioni, gjykata speciale, e liberalizimi. Sepse, “shkopi” magjik i miqve, ka qenë përherë mbi kokat e tyre! Bile shumë herë magjinë e këtij “shkopi” e kemi ndier edhe ne qytetarët e rëndomtë (sidomos te tendenca e shfuqizimit të Gjykatës Speciale).

7.Apo, mos qëndron puna se: miqtë ndërkombëtar, qeveritarët tanë më shumë i kanë mësuar (lexo: lazdruar!) me “karota” (shpërblesat dhe lejimi që të njëjtat fytyra për dy dekada të tëra, të shijojnë të gjitha postet e larta ne Kosove), se sa me “shkopinjtë” tradicional?!

BIJE NJË KASHTË E DALIN GJASHTË !

Nje sugjerim Akademik 

From:kosova.atdhe@yahoo.com

To:floribruqi@yahoo.com; dr.kodra@yahoo.com; eymeri@yahoo.com

Date:Tuesday, 6 February 2018, 16:57:04 CET

Të nderuar akademikë z.Kodra, z.Eshref dhe z.Flori,

Me qëllim që t'i mënjanojmë të të gjitha tendecat negative dhe të dëmshme (qofshin të brendshme a të jashtme) të infiltrimit dhe të përzierjes së armiqve të ndryshëm, me qëllim të komprmetimit dhe të shkatërrimit të veprimtarisë shkencore të Akademisë Shqipatro-Amerikane të Shkencave dhe të Arteve në Nju-Jork, kam këtë propozim:

- Të gjithë ata që nuk kanë gradën shkencore Ph.D. dhe nuk kanë asnjë vepër të botuar, si dhe asnjë punim të publikuar varësisht nga profili i fushës së specializuar, nuk mund të jenë anëtarë të Akademisë. Ky është standard dhe rregull e të gjitha akademive shkencore në tërë botën.

Ky është propozimi im, sepse Akademia nuk është kurrfarë enti social, shoqatë, klub muzikor , e as filialë e asnjë partie politike.

-Ata që e financojnë Akademinë në çfarëdo forme qoftë, është kontribut i tyre human dhe kombëtar, që ndihmojnë zhvillimin dhe përparimin e shkencës, të artit dhe të kulturës shqoiptare. Mirëpo, në asnjë mënyrë nuk mund t'u njihet titulli akademik, as t'u jepet kurrfarë Diplome përkatëse si anëtarë të Akademisë mbase grada e akademikkut, si grada më e lartë shkencore njihet vetëm në bazë të veprave shkencore dhe në bazë të arsimimit paraprak të lartë shekencor PH.D, si dhe në bazë të kredibilitetit njerëzor dhe të statusit të gëzuar të merituar si brenda, si brenda, ashtu eshe jashtë sfondit kombëtar.

Kjo strategji është e domosdoshme për ushtrimin e veprimtarisë shkencore të Akademisë dhe, njëherai është ALFA dhe OMEGA e suksesit, e afirmimit, e prestegjit dhe e emrit të saj si në kuptimin e brendshëm, ashtu edhe në atë ndërkombëtar.
Ndryshe, ekziston rreziku potencial, që të "përbaltemi" dhe të jemi objekt i halabakëve dhe injrantëve të ndryshëm.

-Akademikë të mirëfilltë dhe të merituar janë ata, që botojnë vepra shkencore me vlerë kombëtare dhe ndërkombëtare universale; që së pari kanë kredo njerëzore, janë humanë, luftojnë për drejtësi dhe për mbrojtjen dhe përparimin e vlerave universale, jo palaço, sharlatanë, pacientë të rregullt të pijetoreve, të çajtoreve, të kafiterive dhe të kazinove të ndryshme të bixhozit, të degjenerimit dhe të dekadencës në funksion të shkatërrimit të vlerave të njëmendta njerëzore, humane, shkencore, kombëtare dhe altruiste në dimensione botërore.

Akademikët nuk janë "procesmbajtës" e as aranzhues të stafit administrativo-teknik. Prandaj, nuk duhet përzihen në çështjet administrative dhe menaxhuese të Akademisë, sepse detyra parësore e tyre është bërja e shkencës me libra, me punime dhe me projekte të caktuara. Kjo është detyra e një akademiku të mirëfilltë. Ndaj, analfabetët, intrigantët, shpifësit, provokatorët, diletantët dhe shantazhuesit nuk e kanë vendin në Akademi, por në "kurset e natës së analfabetëve".

Shpresoj se do të dakordoheni me këto vrojtime të mia në dobi të përligjjes së vlerave shkencore, humane, kombëtare dhe ndërkombëtare.

Sinqerisht dhe me shumë respekt,

Juaji,

Akademik Prof.Dr.Mehdi Hyseni,Ph.D

Intervistë me poeten shkodrane FARIDA Ramadani ( Zmijani)

Përfaqësimi dinjitoz i poetes shkodrane FARIDA Ramadani ( Zmijani) në tribunat e Kosovës

Floripress: Zj Farida si do ta përkufizoje veten si poete, shkrimtare, redaktuese apo veprimtare?

Të gjitha janë pjesë e punës sime. Kam botuar pesë libra dhe për pak ditë nxjerr dhe botimin tim të gjashtë që ia përkushtoj profesionit tim si mësuese “ Një jetë në 36 shkronja”. Shkruaj poezi dhe prozë dhe kam bërë disa redaktime librash. Jam veprimtare e palodhur për çështjen kombëtare. Kam realizuar dhe pjesëmarrëse active në shumë veprimtari kombëtare në Shqipëri, Kosovë dhe Maqedoni. Krahas pasionit si poete edhe nga këto veprimtari kam krijuar mjaft miqësi nga të gjithë viset shqiptare.

Floripress : Farida tashmë jeni bërë mjaft e njohur dhe e respektuar në Kosovë nga takimet e shumta letrare si pjesëmarrëse në disa qytete të Kosovës. A vini me dëshirë dhe si bëhet pjesëmarrja juaj?

Po! Kam ardhur mjaft shpesh në Kosovë dhe tashmë kam mjaft miq e mikesha këtu por jo vetëm në Kosovë por jam mjaft aktive dhe në Maqedoni, Mali i Zi, në Diasporë dhe në Shqipëri.

Floripress: Si realizohen aktivitetet letrare dhe si bëheni pjesëmarrëse?

Unë ndjek njoftimet që shoqatat apo klubet postojnë në rrjetet sociale apo dhe përsonale, aplikoj dhe kur përzgjidhem si pjesëmarrëse shkoj. Duhet të kemi parasysh se përzgjedhja ime bëhet ndër disa dhjetra poetë dhe që këtu e quaj veten të vlerësuar pasi jashtë konkurimit lihen disa poetë.

Floripress : Në cilat qytete keni qenë e përzgjedhur, apo e thenë ndryshe ku jua kanë dhënë mundësinë të konkuroni?

Në shumë qytete mbase dhe disa here si në Prishtinë, Prizren, Gjakovë, Ferizaj, Podujevë, Kastriot , Pejë ku jam vlerësuar dhe me çmim, Istog dhe dua të veçoj pjesëmarrjen dy herë radhazi dhe në Vushri të cilët organizojnë vetëm me poetesha dhe që organizimi vlen për tu përmendur nga larmia e aktiviteteve që realizojnë. Krahas aktivitetit letrar jam njohur me traditat, mikpritjen, bujarinë dhe shumë cilësi të mira të kosovarëve. Por më kanë mbetur shumë qytete pa i parë për të cilët jam shumë kurioze ti njoh. Shpresoj në takimet e ardhshme. Mendoj se jam ndër poetet më aktive e veriut të Shqipërisë në të gjitha viset shqiptare.

Floripress : Çmund të na thuash për udhëtimin nga Shkodra, a është i lodhshëm dhe a ju mbulojnë shpenzimet organizatorët.

Shumë e vështirë është të vish nga Shkodra pasi ne nuk kemi linjë direkte për në Kosovë. Më duhet të pres autobusin nga Tirana në Milot të cilin e rezervoj me telefon një ditë para dhe deri në milot shkoj me linjat tona. Herën e pare kur kam qenë në Istog(Burim) nuk do ta harroj pasi kam ndërruar katër makina dhe arrita në fund të takimit letrar. Një lodhje e paparë pa përmendur shpenzimet. Kohët e fundit është një autobus por për orarin e takimeve është i pafavorshëm.

Në përgjithësi organizatorët mbulojnë akomodimin dhe ndonjë dreke por shpenzimet e rrugës pothuajse të gjitha i mbuloj përsonalisht. Normalisht lodhem se janë rreth 10 orë vajtje ardhje dhe kam shpenzime. Një ditë duke qeshur me miqtë e mi poetë i thashë se po të bëjmë ndonjë llogari për të gjitha takimet letrare Kosova më ka borgj më shumë se 500 euro ha ha ha.

 Por ka ndodhur ndonjëherë që përtoj të vi ose nga moti i keq por miqtë që kam nuk më lënë duke më “dhënë urdhër” që të shkoj patjetër pasi e duan praninë time ha ha ha. Pastaj ne shkodranët jemi mjaft miqësor por dhe humori është cilësia që na karakterizon. Më pëlqen të udhëtoj , është një nga hobet e mia prandaj nuk më mposht lodhja, ha ha ha.

Floripress : Çmund të thuash për çmimet në takimet letrare poetike, a janë të merituara pasi ka dyshime nga poetët në përgjithësi.

E, e, e do dëshiroja të mos flas rreth kësaj pyetjeje pasi jam pak skeptike. Unë që në momentin që përzgjidhem si pjesëmarrëse e quaj veten finaliste,. Më mjafton që poetët kur interpretoj poezitë më përgëzojnë dhe shpeshherë më kanë thënë se duhet të jem fituese por më duket sikur çmimet vendosen si vendosen dhe nuk dua të jap mendime rreth kësaj pasi nuk dua të jem e paragjykuar.

Floripress: Nga disa takime ku kam qenë present vërtetë që poetët I vlerësonin poezitë tuaja dhe shpreheshin me respekt për ju. Epo lodhja , shpenzimi duartrokitjet e poetëve mbase do trokasin ndonjëherë pranë jurive.

Fjala jote në veshin e Perëndisë - ha ha ha. Të gjithë shkojmë për të konkuruar por nuk dua ta fsheh se çmimet na motivojnë dhe na frymëzojnë dhe patjetër që do i mirëprisja. Sidoqoftë ndjehem mirë pranë poetëve, miqësisë që më oftojnë, bujarisë që shprehin dhe ngrohtësisë kosovare.

 

Floripress: Faleminderit dhe suksese e nderuara poete Farida Ramadani

Faleminderit ju për intervisten! Faleminderit Kosovë! Respekte për të gjithë poetët!

Flori Bruqi

Aktivitete nga fushata e Akademisë Shqiptare Amerikane e Shkencave dhe Arteve, New York -Shkup

Nga Akademik Prof.Dr.Abdulla Mehmeti

Në kuadër të aktiviteteve për njohjen nga afër me problemet e shqiptarëve në Maqedoni dhe jo vetëm, nga Akademia Shqiptare Amerikane e Shkencave dhe Arteve, Nju Jork-Shkup, sot u realizua një takim pune mes kryetarit të kësaj Akademie, me seli në Nju Jork, prof. dr. Skender Kodra dhe kryetarit të partisë Bashkimi Demokratik për Integrim, Ali Ahmeti, me ndërmjetësimin e kryetarit të Bashkësisë Fetare Islame në Maqedoni, Reis ul Ulema, Sulejman ef. Rexhepi, i cili edhe morri pjesë në këtë takim pune në selinë e kësaj partie më të madhe parlamentare të shqiptarëve në Maqedoni.

Në këtë takim u bisedua shtruar për shumë çështje të shqiptarëve, si në Atdhe dhe në botën e jashtme, sidomos për çështjet e pazgjidhura politike, qytetare e kombëtare të shqiptarëve në Maqedoni, si dhe për çështje të tjera të hapura që presin zgjidhje në një të ardhme të afërt.

Tetovë, 28 gusht 2017

****

Në kuadër të aktiviteteve për njohjen nga afër me problemet e shqiptarëve në Maqedoni dhe jo vetëm, nga Akademia Shqiptare Amerikane e Shkencave dhe Arteve, Nju Jork-Shkup, sot u realizua një takim pune mes kryetarit të kësaj Akademie, me seli në Nju Jork, prof. dr. Skender Kodra dhe kryetarit të Bashkësisë Fetare Islame në Maqedoni, Reis ul Ulema, Sulejman ef. Rexhepi. Në këtë takim u bisedua shtruar për shumë çështje të hapura që i preokupojnë shqiptarët si komb, si në Atdhe dhe në botën e jashtme, sidomos shqiptarët në Maqedoni.

Shkup, 28 gusht 2017



*****

Në Tetovë u realizua një takim pune me kryetarin e Shoqatës së ish të burgosurve dhe të dëmtuarve politik shqiptarë në Maqedoni, Shpërtim Pollozhani dhe bashkëpunëtorët e tij.

Edhe ditën e diel, ndërsa njerëzit pushojnë dhe relaksohen me familjet dhe të afërmit e tyre nëpër bregdete, pushimore, male e hije, përfaqësuesit e Akademisë Shqiptare Amerikane të Shkencave dhe Arteve, Nju Jork-Shkup, i vazhduan takimet dhe aktivitetet e planifikuara.

Disa takime të rëndësishme sot janë realizuar në Tiranë nga prof. dr. Skender Kodra, ndërsa prof. dr. Abdulla Mehmeti ka vazhduar me takimet dhe kordinimin e aktiviteteve të radhës në Shkup dhe Tetovë.

Tetovë, 27 gusht 2017


*****

Në kuadër të aktiviteteve të Akademisë Shqiptare Amerikane të Shkencave dhe Arteve, për skanimin e situatës së përgjithshme dhe problemeve më të rëndësishme që i preokupojnë aktualisht shqiptarët në Maqedoni dhe më gjerë, pas takimit me ministrin e Shëndetësisë të Maqedonisë, Arben Taravari, u realizua një takim me drejtorin e përgjithshëm të Nordic Invest Group, Bujar Zhuri dhe përfaqësuesit e disa spitaleve private, të cilët si iniciativa në interes të shëndetit të popullatës vendëse (investime prej 5 – 20 milinë euro) u penguan nga burokracia politike vendëse, si: Spitali SHËNDETI – Tetovë, Spitali JETA, si dhe Spitali ELITA – Ferizaj (Kosovë).

Në këtë takim me kryetarin e Akademisë Shqiptare Amerikane të Shkencave dhe Arteve – Shkup, morrën pjesë: drejtori i përgjithshëm i NORDIC INVEST GROUP, Bujar Zhuri dhe përfaqësuesit e këtyre spitaleve: Rahim Mani, Hadi Ramizi dhe Adil Mustafa.

Ky takim u realizua në lidhje me iniciativën për ngritjen e Qendrës Klinike Universitare Rajonale në Tetovë.

Tetovë, 26 gusht 2017

*****

Nga takimet e përfaqësuesve të Akademisë Shqiptare Amerikane e Shkencave dhe Arteve, Nju Jork- Shkup, me personalitete nga Shkupi e Kumanova: Tim Shkupi, Naser Raufi dhe Idriz Sinani.

Shkup, 22 gusht 2017


Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, me akademikun Branisllav Sinadinovski, kryetar i Bashkësisë Ortodokse të Shqiptarëve në Maqedoni.

Shkup, 26 gusht 2017, ora 2:00 (pas mesnate)

******

Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, me Kryetarin Lëvizjes Besa, Bilall Kasami.

Tetovë, 25 gusht 2017, ora 16:30

******

Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, me Kryetarin e Aleancës për Shqiptarët, Ziadin Sela.

Tetovë, 25 gusht 2017, ora 15:00

*****

Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, me veprimtarë në Kumanovë.

1. Idriz Sinani, kryetar i Forumit Ndërkombëtar për të Drejtat e Liritë e Njeriut, Seksioni në Maqedoni;
2. Prof. Etem Xheladini, veprimtar për çështje të arsimit (Shoqata e arsimtarëve shqiptarë);
3. Dr. Sevdail Demiri, kryetar i Klubit të Shkrimtarëve ‘Jehona e Karadakut’ nga Kumanova, anëtar i kryesisë së Shoqatës së Historianëve Shqiptarë, Përfaqësues i Institutit të Trashëgimisë Shpirtërore dhe Kulturore të Shqiptarëve-Shkup.

Kumanovë, 25 gusht 2017, ora 21:00

*****

Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, me veprimtarë dhe bashkëpunëtorë në Lagjen e trimave në Kumanovë.

Kumanovë, 25 gusht 2017, ora 20:30


Përfaqësuesit e Akademisë Shqiptare Amerikane e Shkencave dhe Arteve, Nju Jork-Shkup, në rrugë për në Kumanovë, një kafe në Haraçinë dhe vizitë në Kompleksin e varrezave të dëshmorëve.

Haraçinë, 25 gusht 2017


*****

Nga takimi i përfaqësuesve të Akademisë Shqiptare Amerikane e Shkencave dhe Arteve, Nju Jork-Shkup, me profesorë të angazhuar në Fakultetin e Shkencave të Mjekësisë të Universitetit të Tetovës, nga Tetova dhe Prishtina: prof. dr. Hysni Daka, Dr. Selim Çerkezi dhe Emrush Biba, sekretar i Shëndetit mendor në Kosovë.

Tetovë, 25 gusht 2017

MIRËNJOHJE DHE VLERËSIM

Akademia Shqiptare Amerikane e Shkencave dhe Arteve, me seli në Nju Jork, e përfaqësuar nga Prof. Dr. Skender Kodra, dhe Akademia Shqiptare Amerikane e Shkencave dhe Arteve, me seli në Shkup, e përfaqësuar nga Prof. Dr. Abdulla Mehmeti,
sollën

V E N D I M

disa personalitete të shquara shqiptarë nga Maqedonia, për kontributin e tyre të veçantë në fushën e arsimit, shkencës dhe kulturës shqiptare, post mortum, t’i nderojnë me titullin AKADEMIK, edhe atë:

Prof. Dr. Fadil Sulejmani
Prof. Dr. Masar Kodra
Prof. Dr. Ali Vishko
Prof. Dr. Rahmi Tuda
Prof. Dr. Asllan Selmani
Prof. Dr. Nexhat Abazi
Prof. Dr. Mahmud Hysa
Prof. Dr. Musli Halimi

Ceremonia e ndarjes solemne të Certifikatave (familjeve të këtyre personaliteteve) do të organizohet me rastin e një date solemne, për të cilën opinioni dhe mediat do të njoftohen paraprakisht.

Shkup, 23 gusht 2017


NGA AKTIVITETET E AKADEMISË SHQIPTARE AMERIKANE E SHKENCAVE DHE ARTEVE – NJU JORK

Prishtinë, 24 gusht 2017


Pof. Dr. Skender Kodra, kryetar i Akademisë Shqiptare Amerikane e Shkencave dhe Arteve-Nju Jork, dhe bashkëpunëtori i tij Dr. Adil Mustafa, në takim me kryetarin e Republikanëve të Kosovës, Faton Kurti.

Prishtinë, 24 gusht 2017


****

Nga takimet e kryetarit të Akademisë Shqiptare Amerikane të Shkencave dhe Arteve – Nju Jork, akademik Skender Kodra, me personalitete të shkencës dhe kulturës në Kosovë.

Prishtinë, 24 gusht 2017

*****

Nga takimet e kryetarit të Akademisë Shqiptare Amerikane të Shkencave dhe Arteve – Nju Jork, akademik Skender Kodra, me personalitete akademike dhe politike në Kosovë.

Prishtinë, 23 gusht 2017

*****

Kryetari i Akademisë Shqiptare Amerikane e Shkencave dhe Arteve, Nju Jork, akademik Skender Kodra, në takim pune në Ministrinë e Shëndetësisë të Maqedonisë, me ministrin Dr. Arben Taravari.

Shkup, 23 gusht 2017

*****

Nga takimi i drejtuesve të Akademisë Shqiptare Amerikane, Nju Jork-Shkup, me në krye akademikun Skender Kodra, me Qani Xhemë Hasa, kryetar i lëvizjes jopartiake Balli Kombëtar, me seli në Gostivar, e saporegjistruar në organet përkatëse, dhe bashkëpunëtorët e tij, Hajredin Kaza, Selam Elmazi dhe Mixhait Azizi, anëtarë të Këshillit drejtues.

Tetovë, 23 gusht 2017


******


Lexoni edhe ketë :

http://floripress.blogspot.com/2018/01/turpi-nuk-ka-brire.html

• TURPI NUK KA BRIRË?

Exclusive / Prof. Dr. Skender Kodra visits prisoners of Kumanovo

Albanian doctor who lives and works in New York, USA, Prof. Dr. Skender Kodra was in Macedonia to visit prisoners of the "Group of Kumanovo", who are in the prisons of Bitolë , Prilep and Shutka.

In an interview to "Agjencioni Floripress ",Prof. Dr. Skender Kodra said that the situation of the prisoners is very critical and that the Macedonian state prevented him to visit them. He needed the help of the OSCE mission to do something like that.

"Their situation was very bad, they were in pieces. They have been beaten and tortured. If the problem would not be become of international importance, the situation would be worse," said Prof.Dr.Skendër Kodra to "Agjencioni Floripress".

He also spoke about what happened after they surrendered to the Macedonian police.

"Two of them were killed and then cut in pieces", he added, but he did not mention any names.

Prof. Dr. Skender Kodra lives and works in the United States for about 50 years, but this did not prevent him to help Albanians in Albania, Kosovo and Macedonia whenever they need. He is also the chairman of the Albanian-American Academy of Sciences.

Flori Bruqi 

Prof. Dr. Skënder Kodra: ne në Amerikë, ja si na duken politikanët shqiptarë

Nga Bardha Nergjoni

Shqiptarët në SHBA janë një komunitet i organizuar dhe çështjen kombëtare e kanë gjithmonë për zemër.  Nëse je shqiptar në territorin e SHBA dhe ke nevojë për ndihmë, rrjeti i bashkëatëdhetarëve të Akademisë Shqiptaro-Amerikane vihet në lëvizje dhe gjithçka merr rrugën e zgjidhjes në dobi të nevojtarit.

Por një qëllim madhor që i mbledh bashkë profesorë dhe njerëz të njohur, është ngritja lart e imazhit të kombit shqiptar dhe përmirësimi i imazhit të shqiptarëve kudo janë. Një ndër njerëzit më të angazhuar në dobi të çështjeve të shqiptarëve në Amerikë, është Prof. Dr. Skënder Kodra.

Prof. Kodra, një shqiptar i Kosovës i emigruar herët, kryetar i Akademinë Shqiptaro-Amerikane, ndodhet këto ditë në Tiranë dhe bashkë me përvjetorin e Akademisë që themeloi, komenton të gjitha zhvillimet politike mes dy vendeve.

Kodra ju jeni kryetari historik i Akademisë shqiptaro-amerikane. Në 20-vjetorin e themelimit çfarë kujtoni nga fillesat e saj?

Në fillim ishte e vështirë pasi për të formuar Akademi duhet të kishe gradën Doktor. Në atë kohë vetëm dy shqiptarë e kishin këtë gradë, Sami Rrepishti dhe i ndjeri Arshi Pipa. Unë vendosa të vë themelet e një akademie me qëllimin që edhe kombi ynë të radhitet në standardet e 120 kombeve që ishin në atë kohë në SHBA. Pati skeptikë që thanë se për çfarë duhej kjo akademi, por unë e kisha vendosur dhe shkova të bisedoj në atë kohë me ambasadorin e Shqipërisë në Amerikë, Pëllumb Kulla. Kam pasur një princip të cilin e kam ndjekur gjithmonë: në çdo aktivitet apo nismë konsultohem me ambasadorin e Shqipërisë. Edhe këtë herë shkova tek ambasadori shqiptar, i cili u shpreh shumë i gatshëm. Kontaktova edhe me profesor Luigj Vebihun dhe prof. Adem Harxhin. Të dy pranuan të jenë pjesë e nismës sime, e kështu krijuam Akademinë Shqiptaro-Amerikane. Në fillim vendosëm edhe ura bashëpunimi me Akademinë e Shkencave të Shqipërisë dhe të Kosovës, megjithëse aktivitetet e përbashkëta nuk kanë qenë në lartësinë e duhur të qëllimit të këtij bashkëpunimi.

Në çfarë gjendjeje është Akademia sot pas 20 vjetësh themelim?

Sot kemi të antarësuar 32 akademikë shqiptarë me gradën Profesor dhe Doktor dhe 18 amerikanë që kanë shprehur dëshirën të jenë pjesë e kësaj akademie duke kontribuuar për çështjen kombëtare shqiptare. Profesioni dhe aktiviteti im kanë bërë që pranë kësaj akademie të afrohen shumë profesionistë dhe të kemi një rrjet ndihme për të gjithë shqiptarët kudo ndodhen.
Ne jemi të interesuar për çdo gjë që ndodh me shqiptarët në territorin e SHBA. Reagojmë fort kur ka probleme kombëtare siç e kemi bërë në rastin e enciklopedisë së Maqedonisë, e cila i përbuzte shqiptarët. Ngrejmë flamurin në mes të Mahnatanite në Time Square dhe mblidhemi mbi 1 mijë veta kur në Amerikë vjen një personalitet nga Shqipëria.

Ju thatë që ndihmoni çdo shqiptar. Si?

Ne kemi krijuar rrjetin tonë të ndihmës. Unë vetë si kryetar i Akademisë jam një urë mes atij që ka nevojë dhe atij që ka mundësi. Mund t’ju tregoj një shembull: Një grua më merr në telefon një herë pasi kishte mbetur pa asgjë në një aeroport në Amerikë dhe nuk dinte ku të shkonte. Kam telefonuar një anëtar të akademisë dhe ai ka shkuar dhe e ka ndihmuar këtë zonjë që më telefononte nga një shtet tjetër të Amerikës. Kështu ne interesohemi për çdo gjë që ndodh me shqiptarët. Në shumë raste më shumë na lajmërojnë ne si akademi sesa ambasadën shqiptare. Pra, kur vjen puna për çështjet shqiptare, kemi mjekë, avokatë, struktura që ndërhyjnë duke bërë çfarë është e mundur që të gjendet një zgjidhje.

20 vjet pas themelimit të Akademisë, çfarë ka ndryshuar me shqiptarët që vijnë në Amerikë?

Në kohën kur kam shkuar unë kishte pak shqiptarë dhe duhej kohë për t’u inkuadruar në jetën amerikane. Në kohën e themelimit të Akademisë kishte ende shqiptarë që ishin larguar për politikë ndërsa sot në Amerikë vijnë shqiptarë për studime, nëpërmjet Llotarisë Amerikane dhe janë kryesisht intelektualë. Shqiptarët janë shtuar shumë dhe niveli i tyre. Në universitetin që unë kam dhënë mësim, “Mercy College” në Neë York sot vazhdojnë studimet 120 studentë shqiptarë. Ky universitet është ndër më të mirët në Amerikë. Pra imazhi i shqiptarëve në Amerikë ka ndryshar gjithmonë e më shumë për mirë.

Ju keni zgjedhur një ndër profesionet e vështira siç është psikologu klinik, ku edhe keni arritur gradat më të larta shkencore. Si vazhduat në këtë drejtim të psikologjisë?

Unë kam pasur një të kaluar të vështirë e me probleme. Kur isha i ri të gjithë më thonin se jam budalla dhe unë vendosa të gjej veten. Kur gjeta veten në profesion pashë që budallenj ishin ata që më quanin mua të tillë. Kam punuar në universitete të rëndësishme dhe kam përgatitur studentë për të gjitha spitalet psikiatrike në botë. Kam shkruar e botuar 7 libra në fushën e psikiatrisë. Vetëm një prej tyre e kam shkruar në shqip, pasi nuk e njoh shqipen sa duhet. Sekreti i suksesit tim është se unë i angazhoj shumë studentët e mi.

Ju në fakt keni lindur në Istog por familja ka jetuar edhe në Shqipëri…

Po, jeta e familjes sime është mes Kosovës dhe Shqipërisë. Familja ime ka jetuar në Mamurras e në Shijak. Prindërit e mi janë martuar në Shijak. Sa për mbiemrin mendoj se Kodra ka qenë shumë i përhapur për shkak se lidhej me vendin e qëndrimit.

Në periudha të vështira ju keni qenë në Shqipëri e Kosovë. Çfarë mbani mend nga ajo kohë?

Në Shqipëri kam punuar për 2 vjet tek spitali 5 në vitet 92-93 ku ishte hapur Shqipëria. Ruaj përshtypjet më të mira. Jam rikthyer në kohën e luftës së Kosovës. Djali im iu bashkua UÇK-së. Ishte detyrim ndaj vendit tim. Unë qëndrova në Tiranë në spitalin Ushtarak ku edhe kam dhënë kontributin tim. Kam shkuar në Kosovë e kam parë territore të tëra të djegura. Ndërkohë, djalin e kishin burgosur maqedonasit. Arritëm të dalim nga kjo situatë dhe të largohemi për në Amerikë.

Nuk është se na ka vlerësuar kush për atë që bëmë, por as nuk presim. Vazhduam jetën normalisht atje dhe atë që bëmë, e bëmë për kombin tonë.

Ju vini shpesh në Shqipëri e Kosovë dhe mund të shikoni sjelljet e politikës në të dy trojet shqiptare. Çfarë ju bën më shumë përshtypje?

Më është dhënë rasti t’i njoh, t’i ndjek e të krijoj një përshtypje për politikën shqiptare. Problemi kryesor i politikës shqiptare sot është se ajo nuk udhëhiqet nga vlera morale. Kombi ynë ka një difekt se, përveç vlerës akademike tek prijësit që zgjedh duhet të konsiderojë qënësor dhe moralin, të cilin sot në të dy vendet nuk po e kërkon askush. Kam ndjekur parlamentin shqiptar ku shpesh edhe familja është pjesë e fjalorit të deputetëve.  Ai nuk mund të quhet parlament. Këta politikanë me ato që bëjnë, ia nxijnë imazhin Shqipërisë kur ne shqiptarët në diasporë mundohemi ta përmirësojmë imazhin dhe kemi bërë shumë hapa para në këtë drejtim.

Po si mund të kalohet kjo gjendje sipas mendimit tuaj?

I gjithë sekreti është tek vota. Një popull kur shitet për një kile miell nuk mund të ketë moral t’i kërkojë politikanëve llogari. Nuk është punuar për ta edukuar popullin për të pasur kujdes tek vota. Zgjidhja është me pas kujdes votën. Populli kur të votojë duhet të zgjedhë më të mirin dhe të gjykojë drejtë pasi nuk mund të ketë një parlament deputetë më të kaluar kriminale. Edhe vetë ambasadori amerikan Lu e tha; dhe kur e thotë një i huaj, çfarë duhet të presim më ne shqiptarët për të reaguar ndaj politikanëve të korruptuar.

Kush është Skënder Kodra

Prof. Dr. Skënder Kodra u lind në Istog të Kosovës, ku kreu shkollën fillore. Shkollën e mesme e vazhdoi në Gjakovë dhe Pejë. Autoritetet qeveritare serbe e burgosen për motive patriotike. Në shumë raste kaloi nëpër burgjet e Prishtinës, Gjakovës, Ferizajt, Suharekës e Beogradit dhe veçanërisht në burgun e Pejës. Më 1969 emigroi në Itali e pas një viti në SHBA, ku edhe mori statusin e refugjatit politik. Në SHBA më 1980 mbaron shkollën e mesme. Më 1986 përfundon shkëlqyeshëm studimet e larta në Universitetin “Mercy College”, në degën e psikologjisë dhe pas një viti kreu studimet pasuniversitare në “Long Island University” dhe laureohet me titullin Master degry. Në vitin 1991 mbron doktoraturën me temën “Shkaqet që çojnë në skizofreni” dhe merr titullin më të lartë shkencor në SHBA PH.D. Më tej u specializua në një profil më të ngushtë në fushën e Psikologjisë Klinike. Veprimtaria e tij është e larmishme si profesor, psikolog e shkencëtar.

Ligjëron në tri universitete me studentë nga e gjithë bota. Ai ka një veprimtari të  shquar veçanërisht në Psikologjinë klinike, të cilën e ka pasuruar dhe me përvojën e madhe në spitalet ushtarake të psikiatrisë në Neë York, ku punoi për dhjetë vjet me pacientë të Luftës së Dytë Botërore dhe të Luftës së Vietnamit.

I brumosur me ndjenja të larta atdhedashurie dhe si intelektual i përgatitur në SHBA, Skënder Kodra ka dhënë një kontribut të çmuar dhe për popullin shqiptar. Në vitin 1995 ai themeloi Akademinë Shqiptaro-Amerikane të Shkencave dhe Arteve me qendër në Neë York dhe vazhdon të jetë aktiv si kryetar i kësaj Akademie. Me ndryshimet demokratike në Shqipëri, Prof.  Dr. Skënder Kodra vazhdoi të kontribuojë edhe në dheun amë. Ai punoi dy vjet në Tiranë si klinicist pranë Klinikës psikiatrike të Fakultetit të Mjekësisë në Universitetin e Tiranës, ku përgatiti dhe ligjëroi leksione të ndryshme. Me kënaqësi ai i dhuroi kësaj klinike një bibliotekë të pasur me literaturë masive të psikiatrisë klinike amerikane. Gjatë kësaj kohe në Radio Tirana ai mbajti një rubrikë të përjavshme me temë nga psikiatria.

Në këtë periudhë Prof. Dr. Skënder Kodra viziton sërish vendlindjen e tij Kosovën, ku zhvillon një veprimtari të dendur shkencore dhe patriotike. Pushtuesit serb ia bastisën klinikën dhe e arrestuan për ta detyruar të pajisej me dokumente serbe. Zoti Skënder Kodra nuk pranon dhe largohet i detyruar nga atdheu i tij.

Në verën e vitit të Luftës në Kosovë, Prof. Dr. Skënder Kodra shkoi në ndihmë të të dëbuarve kosovarë, në kampet e shumta në Shqipëri, si dhe në spitalin Ushtarak në Tiranë. Djali i tij Isai, ushtarak dhe i lindur në SHBA, u radhit në radhët e UÇK-së në Kosovë, ashtu si dhe shumë të tjerë nga të afërmit e familjes Kodra.

Personaliteti i Prof. Dr.  Skënder Kodra është i njohur në SHBA, në vende të ndryshme të Evropës dhe në të gjitha trojet shqiptare. Ai ka qenë këshilltar pranë Ministrisë së Shëndetësisë në Shtetin e Neë Yorkut, është anëtar i Shoqatës së Doktorëve në Shtetin e Neë Yorkut, Anëtar i Shoqatës të sëmundjeve psikike “Sigmund Frojd” të Austrisë, nënkryetar i Akademisë së Intelektualëve Shqiptarë të Shkencës dhe Artit në Kosovë, anëtar i Shoqatës së Psikiatërve në Shqipëri, etj.

Figura poliedrike e Prof. Dr. Skënder Kodra, është kthyer në një simbol për komunitetin shqiptar në SHBA, Kosovë dhe Shqipëri, si një njeri me energji të pashtershme humane e patriotike.