QEVERIA QË S’ QEVERIS MË

Qeveria që s’qeveris më është kjo qeveri qe pretendon të jetë prapë në pushtetin e ardhshëm të Kosovës. Pra, qeveria e kaluar (e), do të jetë serish qeveri e ardhshme, duke anashkaluar faktet dhe arsyet e rënies nga pushteti, dhe kjo rënie ishte dhe mbete për tu gjykuar si shkaku i paaftësisë së saj politike për të qeverisur vendin me mandat të plotë

Nga Bekim Rexhepi


Qytetari aktivë


Qytetaret e Kosovës e kanë për obligim të reagojnë në mënyrë aktive për sa i përket çështjes vitale të të ardhmes se tyre. Zgjedhjet e fundit akoma të pa përmbyllura si duhet, për shkak të shumë problemeve teknike, për shkak të vjedhjes së votës, për shkak të manipulimit, për shkak të kontestimeve të shumta dhe të tjera si këto, duhet ta bëjnë qytetarin të dali në aksion, të kufizoj çfarëdo pushteti mbi ta që pretendon se ka legjitimitet politik, e të bëjë çfarë të dojë mbi shoqërinë apo individin. Qytetari mbetet aktivë nëse nuk heshtë kur autoriteti i ligjit cenohet nga pushteti personal i një individi apo të një kaste. Derisa qytetari është aktivë ai mbetet edhe i lirë. E kundërta, pasiviteti i çdo qytetari karshi autoritetit të ligjit, sikur i thotë në jehon pushtetit personal apo kastës të ndërhy në lirinë e tyre. Jo vetëm ne kësi rasti, qytetari duhet të tregoi vetveten mbi të drejtën e tij, sepse në shumë raste të qeverisjes së vendit ata madje anashkalohen nga vendimmarrja e tyre demokratike. Nuk është aq demokratike një vendim i një qeverie, e cila edhe pse del nga zgjedhje të lira e demokratike, prapë merr vendime pa qytetarin. Marrja e vendimeve pa qytetarin në vetvete përbën një shkelje demokratike, sepse legjitimon një pushtet pa kufizime mbi shoqërinë dhe individin. Demokracia nuk mund të mësohet, nëse për të nuk kemi dhe nuk ushtrojmë kujdes të veçantë dhe të vazhdueshëm. Kujdesi për demokracinë është obligim, por është edhe një konditë themelore e lirisë. Shqiptaret në vitet e fundit po bëjnë përpjekjet e tyre për demokracinë, po e provojnë, po ecet më të, po e mësojnë atë, dhe e gjithë kjo është një proces, një zhvillim i domosdoshëm i tyre. Duhet pranuar se shqiptaret e kishin të vështirë këtë kalim në demokraci sepse e kaluara e tyre ishte e rëndë dhe e ndryshme. Okupimi i trojeve të tyre, vuajtja nën regjime dhe diktatura kanë ndikuar mjaftë që proceset dhe zhvillimet të jenë të ngadalta dhe jo të pritshme.

Qeveria që s’qeveris më


Qeveria që s’qeveris më është kjo qeveri qe pretendon të jetë prapë në pushtetin e ardhshëm të Kosovës. Pra, qeveria e kaluar (e), do të jetë serish qeveri e ardhshme, duke anashkaluar faktet dhe arsyet e rënies nga pushteti, dhe kjo rënie ishte dhe mbete për tu gjykuar si shkaku i paaftësisë së saj politike për të qeverisur vendin me mandat të plotë. Nuk e mbylli si duhet mandatin, e përmbylli para kohe këtë mandat, u përfol dhe u vërtetua se nuk ishte e aftë të qeverisë. Madje sa për të sqaruar kjo qeveri mandatin e saj e përmbylli duke e votuar vetveten në largimin të qeverisës se vendit sepse ishte bërë e pamundur të qeverisej pa numra legjitim deputetësh. Procesi zgjedhor akoma nuk ka mbaruar për shkak të parregullsive dhe manipulimit të tyre, duket se në disa komuna ku janë evidentuar shkelje të rënda dhe vjedhje votash, komisioni zgjedhor ka vendosur ti përsërisë ato. Në disa komuna, disa parti pajtohen me ripërsëritjen e tyre, disa të tjera e kontestojnë gjithë procesin si të deformuar dhe kërkojnë të përsëriten serish zgjedhjet. Derisa po evitohen parregullsitë në qendrat e votimit në gjithë vendin, partia pretenduese se i ka fituar këto zgjedhje e që është partia bartëse e qeverisë së kaluar, është dhe mbetet përgjegjësja kryesore e manipulimit të zgjedhjeve të jashtëzakonta. E sigurt është se sido qe të kenë qenë këto zgjedhje nuk kanë prodhuar fitues të plotë qe do të mund të formonte qeverinë si e vetme. Pa koalicion është e pamundur krijimi i qeverisë, vështirësitë janë të pranishme sepse manipulimi i tyre ka pamundësuar besimin politik dhe udhëheqjen e përbashkët. Ky mos besim u krijua me qeverisjen e kaluar, e cila e mbaroi mandatin para kohe dhe rënia e saj i dha grusht të rënd bashkëpunimit ndërpartiak, i cili u bë i pamundur edhe në këto zgjedhje. E vërtetë është se zgjedhjet janë manipuluar nga strukturat e brendshme të qeverisë se kaluar, ajo është përgjegjëse dhe kjo i pamundëson çfarëdo qeverisje të mëtutjeshme sepse të manipulosh dhe të qeverisësh është jo demokratike, jo qytetëruese dhe jo e pranueshme brenda çfarëdo standardi. Kjo fitore e manipuluar e partisë dhe bartësja e qeverisë se kaluar nuk mban aspak moral qeverisës për të ardhmen, sepse u provua se kishte shkelje serioze në zgjedhje e fundit. Si mund të qeverisësh?- kur ke shkelur rregullat e zgjedhjeve të lira. Si mund të mbaj moral një qeveri qe ka prekur zgjedhjet? – kur këto zgjedhje se paku nga kjo qeveri do të duhej të garantoheshin. Pra, kjo qeveri e kaluar s’qeveris më, me të ardhmen.

Akuza në agjendë akuzash


Aq më shumë e bënë të pamundur dhe me pak moral të qeveris me Kosovën Hashim Thaçi, pas akuzave të Dicke Marty-t. Agjenda e zgjedhjeve në Kosovë sikur pësoi një cunam me akuza të rënda dhe demonizuese, për Kosovën, për UÇK-në dhe për vet Hashim Thaçin. Ky demonizim i Kosovës duhet të kapërcehet me kujdes, për të mos krijuar fytyrën e vrazhdët të përfytyrimit monstruoz të një deputeti evropian nga Zvicra. Akuza dhe kundër akuza nuk japin dy fitues të vërtetë. Ndaj për të pasur fituesin në anën tonë, ne duhet ti ofrojmë bashkëpunim ne atë qe nuk demonizon realisht fytyrën tonë. Në fakt preku Kosovën, UÇK-në dhe Hashim Thaçin, janë të rënda akuzat e Dicke Marty-t. Por, dalja nga këto akuza zhytëse nuk janë kundër akuzat, vetëm një ofertë e sinqertë e palës shqiptare për të hetuar deri në maksimum dhe me transparencë maksimale do ta heq maskën e ndyrë të akuzave ndaj nesh. Çdo provë tjetër është e gabuar sepse kjo luftë nuk bëhet me Serbin dhe me ndonjë deputet serb. Këtu kemi një eurodeputet nga një vend qe ka mbështetur legjitimitetin e pavarësisë dhe ka njohur shtetësinë e vendit. Pra, tentativa për ta gjykuar një deputet evropian si një deputet serb është një gabim i pafalshëm sepse pavarësisht të drejtës për të hetuar diç të dyshuar dhe pavarësisht krimit të mundshëm të një grupi nuk mund të pësoi vendi. Sepse më mirë është të provohet se sa të pësohet, nëse jemi të pastër ne atë që prolongohet pse të mos hetohet?! Le të hetohet, por, megjithëkëtë ne posaçërisht duhet të jemi të kujdesshëm dhe të sigurt në të gjitha rezultatet hulumtuese, sepse mund të jetë një komplot i organizuar ndaj dhe shumë çështjeve tona.
...
Hashim Thaçi, duhet ti hap rrugë këtyre akuzave dhe jo të mbaj në agjendë demonizimin e vendit me akuza të tilla. Procesi zgjedhor dhe evidentimit i problemeve zgjedhore të finalizohet, ti epet shansi më normal qytetarit qe serish të votoi në ato komuna ku u evidentuan probleme dhe deformim zgjedhor. Fituesi të krijoj qeverinë me ose pa koalicione një qeverisje të re dhe me të, të filloj jeta politike e vendit…Thaçi me të gjitha premisat nuk mund të qeverisë më me Kosovën…

24-12-2010

KOMUNISTI ISA MUSTAFA NUK E REFORMON LDK-NË DHE AS NUK E PËRPARON KOSOVËN

(Shkruan Isa Mustafa: LDK-JA MBETET PARTI E VLERAVE TË MËDHA NACIONALE E EVROPIANE, QIK, 23 dhjetor 2010)

Shkruan: Shefqet DIBRANI

Më datën 23 dhjetor 2010 në kryeqytetin e Kosovës në Prishtinë, në mjediset e Hotelit “GRAND” - Lidhja Demokratike e Kosovës ka shënuar 21 vjetorin e themelimit. Këtë eveniment e shënuan edhe mediat kosovare të informimit, kurse Qendra për Informim e Kosovës e dha fjalimin e Isa Mustafës në mënyrë integrale duke potencuar “shkruan: Isa Mustafa” që lë për të nënkuptuar se tashmë ai u bë edhe shkrimtar, për çka e pamë të udhës ta përimtojmë  një çikëz.

Para diplomatve të akredituar në Kosovë, para funksionarëve, mysafirëve dhe shumë anëtarëve të tjerë, sipas rendit dhe Kanunit Partiak, ka folur e përshëndetur Njeriu që më së paku ka merita për LDK-në, pra kryetari i saj aktual i z. Isa Mustafa.

Ai tashti na rikujton se LDK-ja u "krijua në kohën kur kishte nisur shembja e një sistemi të egër, nga i cili kishin vuajtur shumë popuj në Evropën Juglindore, por vuajtjet më të mëdha i përjetoi populli ynë shqiptarë në Ballkan". Dhe kjo është mbase e vërtetë, pasi Isa Mustafa e dinë se ka qen vet komunisti i fundit që do t’ia kthente shpinën Qeverisë së përfolur të Jusuf Zejunullahut. Por njerëzit e LDK-së sikur janë bërë harrestar dhe durojnë çdo palaço të ju mbaj “ders”,  sepse nuk ka gjë më fyese për elitën patriotike të LDK-së se sa t’u flas Isa Mustafa.

Askush më mirë se LDK-ja nuk ka kultivuar patriotizëm nacional, ndjenja këto që janë sprovuar për vite të tëra, atëherë kur soldateska serbe bënte kërdinë mbi Kosovën dhe qytetarët e saj, në njërën anë, kurse në anën tjetër grupe titiste në Kosovë shantazhonin përmes militantëve të tyre të infiltruar qoftë në LDK, e qoftë në Qeverinë e përkohshme në Ekzil, duke i kryer me besnikëri urdhrat e djallit të mallkuar, duke i satanizuar veprimet politike të LDK-së, dhe duke i stagnuar e bllokuar shumë procese të rëndësishme politike e diplomatike, që i bënte LDK-ja, po veçmas presidenti historik dr. Ibrahim Rugova.

Kurse tani në këtë 21-Vjetor, në cilësinë e Njeriut të I-rë në LDK, pikërisht dr. Isa Mustafa jo që ligjëron, po më shumë nënçmon dhe anashkalon  personalitete me ndikim që themeluan LDK-në, nënçmon dhe i harron militantët ldk-ist që shkrinë jetën dhe kohën për të ardhur në këtë ditë. Por tmerri i këtij përvjetori mund të llogaritet nënçmimi dhe anashkalimi  qoftë i djalit të Presidentit  Historik të Kosovës Ukës, po më shumë injorimi i Familjes RUGOVA, pa prezencën e së cilës nuk duhej të fliste e mbllaçiste Isa Mustafa, e aq më pak të na tregonte se"LDK ja dhe lideri i saj, presidenti historik i Kosovës, Ibrahim Rugova, punuan pareshtur për ndërkombëtarizimin e çështjes së Kosovës, duke proklamuar fuqishëm platformën e saj, e cila u bë program politik i popullit të Kosovës, për Liri, Pavarësi dhe Demokraci".

Tani mund të pyetet publikisht dr. Isa Mustafa, në cilësinë e kryetarit të LDK-së pasi e ka shansin historik të rrëfehet, dhe t’i qartësoj dilemat e politikës së tij antirugoviane që ka ndjekur gjatë gjithë mandatit të tij si Ministër i Ekonomisë dhe Financave në kohën kur President të Kosovës e kishte dr. Ibrahim Rugovën.

Pasi dr. Isa Mustafa po besuaka thellësisht se Ibrahim Rugova paska punuar për ndërkombëtarizimin e çështjes së Kosovës, pikërisht në kohën kur ai ishte Ministër për Ekonomi dhe Financa në Qeverinë e Kosovës në ekzil duhet të tregon pse ia patën rrudhur buxhetin, dhe pse patën bërë aq përpjekje për t’ia kufizuar të gjitha lëvizjet dr. Ibrahim Rugovës, madje duke e lënë disa herë nëpër aeroportet e Evropës Perëndimore, gjë që në atë kohë pikërisht kryetari i Degës së LDK-së në Zvicër z. Hajdar Sadrija u detyrua të mblidhte para nëpër anëtarësi për t’ia mundësuar Liderit Historik të Kosovës dr. Ibrahim Rugovës që të vazhdonte Misionin e tij drejt SHBA-ve, për tu treguar miqve të tij, për dhunën serbe në Kosovë e mbase të ankohej për kleçkat e pengesat që ia bënte pikërisht ky Isa Mustafa që tashmë po mbllaçitë për vlerat e njëmendta të LDK-së dhe të “Njeriut Ibrahim!”, që askush më shumë për të gjallë nuk e ka urryer se sa Isa Mustafa dhe Bujar Bukoshi.

A nuk është për t’u trishtuar dhe për të lebetitur dhe për të të ardhur keq për mjerimin politik të LDK-së, a nuk dinë liderët e kësaj partie se pikërisht dr. Isa Mustafa bashkë me sivëllain e tij të madh dr. Bujar Bukoshin janë fajtorët kryesor për mos hapjen e Zyrave diplomatike të Kosovës nëpër botë.

Ju lutem kthejeni kujtesën te skandali që pat plasur me Zyrën e Kosovës në Tiranë, pastaj me Zyrën e Kosovës në Bon, pastaj me ministrinë e Informatave dhe tashti z. Mustafa e ka kohën të flas pse nuk u lejua të hapej as Zyre e Kosovës në Uashington. Kryesia e LDK-së të mos bëjë hajgare se ka ardhur kohë kur duhet t’i raportoj Kuvendit të LDK-së se çfarë e pengonte dr. Isa Mustafën diplomacia e Ibrahim Rugovës i cili të tëra shpresat i pat varur në Uashington, dhe është i vetmi njeri, (jo vetëm LDK-së por Kosovës), ia pat hapur dyert nëpër të gjitha kancelaritë botërore.

U dashtë të ndodhte vdekja (i lutem Zotit jo e porositur), e Ibrahim Rugovës dhe sidomos të vinin në Kosovë personalitete me ndikim të fuqishëm botëror, për të besuar ne se “Ai Njeri ka qenë i shenjtë”, se për të gjallë kancerin në shpirt ia patën qitur (pos të tjerëve), edhe dr. Isa Mustafa me sivëllain e tij të madh Bujar Bukoshin.

LDK-ja e mori verdiktin nga populli atë që e meritoi, sepse ky popull nuk e duron këtë kreaturë komuniste, e cila nuk arriti ta mashtroj elektoratin e LDK-së me reformat e rreme, verdikt ky që nëse marr vesh kryesia e LDK-së, elektorati i saj  ia tregoi vendin e merituar, dhe nuk pinë ujë mbllaçitjet e dr. Isa Mustafës bashkë me ato të Lutës e autorit të dramës “Futa” se LDK-ja i paska marrë kësaj radhe mbi 40 mijë vota më shumë. Kështu Lutfi Haziri është deklaruar edhe në zgjedhjet paraprake dhe ky refren nuk pinë ujë më. LDK-ja ka mbetur në pozitën e njëjtë, ku moralisht dhe politikisht nuk ka të drejt, as të mendoj ta krijoj qeverinë, dhe as të mashtrohet për t’u futur në qeveri, e ruana zot të kërkoj zgjedhje të reja pa i bërë reformat partiake, dhe pa i shporrur të gjitha vemëzat e mbetjet e Lidhjes Komuniste të Jugosllavisë  nga kjo parti, duke filluar me dr. Isa Mustafën i cili edhe ashtu është deklaruar se “nëse nuk i fitoj zgjedhjet unë do të jap dorëheqje”.

Dr. Isa Mustafa as në këtë përvjetor nuk arriti të flasë një fjalë të vetme nga ndonjë takim a kujtim që ka pasur drejtpërdrejt  ndonjëherë në jetën e tij me dr. Ibrahim Rugovën, në kohën kur ai ishte i strukturave shtetërore që president e ka pasur dr. Ibrahim Rugovën. Madje dr. Isa Mustafa nuk arriti që në spotet e shumta televizive ta prezantonte qoftë edhe një fotografi të vetme që ka pasur dikur me dr. Ibrahim Rugovën, ashtu siç nuk prezantoi as edhe një sekuencë filmike kur ka marrë pjesë në kortezhin e gjatë në Kuvendin e Kosovës për t’ia dhënë edhe ai lamtumirën presidenti Historik të Kosovës. Këto detaje nuk mund të kërkohen nga një brez i ri që aspiron për politikë në radhët e LDK-së, por nga Isa Mustafa janë domosdoshmëri e kohës sepse ai i takonte kohës së Ibrahim Rugovës, dhe madje është ndër personalitet e rralla që ka pasur fatin të jetë Ministër kur Rugova ishte President Shteti, dhe ligjshmërish ka qenë i bliguar t’i respektoj urdhrat e Presidentit që tashmë po flet me pietet për te.

Tani dr. Isa Mustafa na kallxon se "Liria dhe Demokracia u arritën”, siç na kallxoi se me te do të nisë një “LDK tjetër”?!... Po një gjë që dhemb edhe më shumë është e dhëna kur ai tashti thekson se "LDK ja ishte simbol i përkushtimit, punës dhe sakrificës së shqiptarëve në Kosovë dhe në diasporë".

Ne nuk arritëm ta kuptojmë nëse Isai e kishte fjalën për atë diasporën  që pikërisht ky Isa Mustafa ia pat pirë gjakun, e pat satanizuar, qoftë duke ia lëshuar në qafë tagërmbledhësitë  e 3% që për Diasporën luanin rolin e “poroznikëve” të dikurshëm, duke u bërë oponent të pa durueshëm brenda LDK-së, pastaj e din ai si ka punuar  me sektorin e LAPSH-it në Diasporë që u karakterizuan bashkë me Isa Mustafën si dy strukturat më kundërshtuese të mendimit demokratik që kultivonte LDK-ja.

Dr. Isa Mustaf asnjëherë nuk ka bashkëpunuar me LDK-në, kjo është një e vërtetë e madhe, ai në tubimet e LDK-së, më shumë ka marrë pjesë në cilësinë e xhandarit se sa të një Ministri që duhej të kishte një komunikim më qytetar, dhe më qytetërues edhe me anëtarësinë e LDK-së, popullatë kjo e cila ishte e vetmja strukturë që paguante 3% dhe merrte përbuzjen e vazhdueshme nga dr. Isa Mustafa.

Kundërshtitë e Isa Mustafa ndaj konceptit politik të LDK-së do të manifestohen gjatë kohës së luftës ku bashkë me Bujar Bukoshin do ta qesin pothuajse jashtë loje ndikimin dhe kontributin e LDK-së, dhe në këtë plan do të pësojnë të gjitha strukturat ushtarake që besonin në Zot, në Kushtetutën e Republikës së Kosovës dhe që njihnin jo vetëm si President të tyre Dr. Ibrahim Rugovën, por atë e konsideronin edhe si Gjeneral të Armatës Ushtarake të Kosovës dhe të mbarë UÇK-së, sado që kjo gjë nuk u lejua kurrë të bëhej realitet, edhe pse të gjitha forcat politik dhe ushtarake në bazë të Kushtetutës së Republikës së Kosovës ishin të obliguara ta njihnin dr. Rugovën si Gjeneral të tyre.

Konstatimi kaq i vonshëm i Isa Mustafës se LDK-ja ishte "shenjë njohjeje për botën demokratike", vetvetiu të shtyn që t’ia shtrojmë një pyetje se ku ishte ky zotëri deri sa u bë kryetar i LDK-së(?) dhe pse nuk e kishte këtë qëndrim për dy dekada sa ka vepruar me dinjitet LDK-ja, dhe po ashtu shtrohet pyetja tjetër logjike pse Isa Mustafa nuk iu bashkëngjitë kurrë korit të këtij zëri kur e dinte se:"LDK ja u bë zëri i Kosovës në Evropë dhe në SHBA, zëri i kërkesës së drejtë të një populli për të qenë pjesë e barabartë e botës së qytetëruar, nga e cila ishte i privuar padrejtësisht".

Por dihet se për gati dy dekada, ky zotëri ka mbajtur qëndrim jo vetëm indiferent por frenues për të gjitha proceset politike që kalonte LDK-ja, ashtu sikurse po të mos ishin pengesat që iu bëheshin LDK-së nga Qeveria në Egzil të cilët tërë arsenalin financiar e kanë pas drejtuar në shkatërrimin e LDK-së. Këto fakte janë të njohura edhe për barinjtë e Kosovës, por pse nuk e dinë edhe akademik Sabri Hamiti, dhe kryesia e LDK-së, këtë nuk mund ta kuptojmë. Të gjitha vizionet dhe projektet nacionale nisen me LDK-në, por dihet se në të gjitha këto procese nuk ka qen kurrë Isa Mustafa i involvuar edhe pse ka pasur obligim kushtetues.

Ai ka të drejt kur konstaton se "Programi i veprimit politik e nacional i LDK së me kohë u përqafua nga i tërë populli i Kosovës dhe u bë program politik e nacional i Kosovës", por askush nuk mund ta thotë saktë se prej cilës kohë ishte edhe për Isa Mustafën. Dihet se të gjitha krijimet e sistemeve shtetërore që i thekson Mustafa janë punë dhe angazhim i pamohueshëm i veprimtarëve të LDK-së në Kosovë dhe diasporë, se “nën drejtimin e LDK së u krijua sistemi i mëvetësishëm qeveritar, sistemi institucional i financimit, i arsimit, i informimit, i shëndetësisë, i sigurisë, i përkrahjes sociale, i sportit”, por është po aq e vërtetë se këta sektor janë penguar dhe janë ndëshkuar nga inatet politike që i kishin dueti Mustafa&Bukoshi kundër dr. Ibrahim Rugovës dhe LDK-së në përgjithësi. E duke mos arritur ta mposhtnin dr. Ibrahim Rugovën që kishte marrë famë, ata arsenalin poshtërues e derdhnin kundër LDK-së dhe kudo kundër veprimtarëve të kësaj Lëvizjeje Nacionale kudo në botë.

Po aq cinike duken tashti deklarimet e tija se “Lidhja Demokratike e Kosovës dhe kryetari i saj, dr. Ibrahim Rugova punoi në mënyrë të veçantë për ndërkombëtarizimin e çështjes së Kosovës”, kur i madh e i vogël e kanë ditur se pikërisht Ibrahim Rugova shantazhohej e përmbytej nga Qeveria e Kosovës dhe binomi Bukoshi&Mustafa ose anasjelltas Mustafa&Bukoshi, por nuk e di sa e paskan ditur qoftë Fatmir Sejdiu që iku, e qoftë dr. Sabri Hamiti që mbeti, për të bërë atë që nuk e bëri Sejdiu. Po ashtu ka qenë e ditur se  Presidenti Historik dr. Ibrahim Rugova “i kishte dyert e hapura anekënd botës”, por kurrë nuk i ka pasur të hapura dyert në Qeverinë e vendit të Tij që e udhëhiqte Bukoshi dhe Mustafa. Se kjo është e vërtetë s’ka dyshim, në të kundërtën  ata do ta jepnin ndonjë fotografi a sekuencë filmike që paskan  patur me dr. Rigovën apo që paskan pritur diku Kryetarin e Kosovës në Zyrat e Qeverisë: Madje Isa Mustafa nuk qe në gjendje të jepni qoftë edhe pamje filmike për një drekë a darkë pune që paska shtruar për dr. Ibrahim Rugovën, për të cilin tashti flet me pietet dhe me respekt kaq të lartë.

Ndonëse dihet se urtësia dhe mençuria e tij qau edhe gurin por kurrë nuk ua la shenjë as Bukoshit dhe as Isa Mustafës të cilët nga inati që kishin kanë bërë çmos, që filozofia e tij të mos shkëlqej, sepse si duket shkëlqimi i tij këtyre dy injorantëve politik vazhdimisht ua verbonte sytë.

Të gjitha meritat për pasimin e të vërtetës në botë, i mbetën vetëm Ibrahim Rugovës, të gjitha arritjet ishin po ashtu meritë e tij, por nuk dihet nëse elita udhëheqëse e LDK-së ishte e vetëdijshme për krimin e ri që po i bënë LDK-së me zgjedhjen e Isa Mustafës kryetar i LDK-së dhe tani ai po bënë gallata, duke na u shitur “Engjëlli Mbrojtës” i demokracisë dhe mendimit politikë jo vetëm në LDK, por mendja iu ka mbushur mendja se pa të nuk mund të ekzistojë Kosova.

Isa Mustafa e din se “me intervenimin e NATO s në Kosovë më 1999, ndodhi saktësisht ajo që e kishte kërkuar për një dekadë Presidenti Rugova”, madje Mustafa me qëllim nuk e thekson, por ai e din se: “Presidenti Rugova e dinte fare mirë kush ishte edhe Bujar Bukoshi por e dinte fare mirë se kush ishte edhe Isa Mustafa”, dhe Ai si i madh që ishte pranoi ta bëjë Isa Mustafën Këshilltar për Ekonomi dhe Financa në kabinetin e tij, por Isai Mustafa si mistrec që ishte, u tregua i pamëshirshëm, duke mos pranuar as vonë pas luftës të afrohej afër dr. Ibrahim Rugovës, ndonëse kur i duhet i shkon te varri dhe përulet para kamerave televizive.

Nëse LDK-ja dhe veçmas Sabri Hamiti mendon se duhet ta udhëheqin Kosovën atëherë duhet të pastrohet oborri në LDK- por jo të presin këta si dhelprat deri sa t’i bien “Koçet në tokë Hashim Thaçit”  të cilat po i shkojnë varë nga babaxhënllëku e kapadaillëku strategjik që ka ditur ta sjell, por Hashim Thaçi, jo që e ka lënë LDK-në dhe Isa Mustafën në opozitë, por me këtë avaz LDK-ja pas katër vitesh do të mbetet në pikëpyetje nëse do ta kalon pragun zgjedhor.

Kjo veprimtari kaq destruktive bëhet në saje të një komunisti i cili nuk njeh vlera morale dhe nuk mban as premtimin e dhënë, sepse ai është deklaruar në Kuvendin e LDK-.së se “nëse nuk i fitoj zgjedhjet do të jap dorëheqje”.

Lojërat politike që bëhen tashti duke mos ia pranuar zgjedhjet PDK-së, kurrë nuk do t’i sjellin rezultate as Isa Mustafës e as LDK-së. E kuptojmë ai bë çmos për të shantazhuar Kosovën vetëm sa për të mbetur në krye të LDK-së, por nuk duhet kryesia e LDK-së, veprimtarët e shumtë dhe as elektorati të mashtrohet se gjoja me Isa Mustafën, LDK-ja paska shënuar ngritje për dyzet e sa mijë vota më shumë. Ai si një komunist i rryer që është e di se ujku do mjegull, dhe mjegulla e krijuar në katërjavëshin para zgjedhjeve do të davaritet dhe të gjitha pështirosjet do të dalin në fushë, prandaj është mirë të shkoj ai sa më parë, se sa të pres deri sa të del ndonjë Parlamentar Evrope, e t’ia bëjë të ditura edhe Isa Mustafës të gjitha pisllëqet ekonomike, të gjitha bizneset që ai i kontrollon, qoftë edhe pasuritë e patundshme që mund t’i ketë shtuar nëpër zonat e Gallapit e vendet turistike që i ka Kosova.

Është mbase e vërtetë se  “Presidenti Rugova arriti t'i krijojë miq e përkrahës Kosovës në çdo cep të botës”, por për të gjallë të tij nuk arriti ta bëjë mik të tij as Isa Mustafën dhe as Bujar Bukoshin.  Dhe pse ka ndodhur bash kështu tashti mundet kryetari i LDK-së z. Isa Mustafa të rrëfehet jo vetëm para Sabri Hamitit, por duhet të shpjegojë para Kuvendit të LDK-së, kurse ai kuvend duhet të mbahet jo sa më shpejt siç do ai, por duhet të shpallen zgjedhjet e jashtëzakonshme nëpër të gjitha strukturat e partisë për të ndryshuar  komplet struktura që e pështirosi kaq shumë dhe kaq herë LDK-në.

Pasi të pensionohet kjo garniturë, dhe pasi LDK do të profilizohet, dhe posa t’i kthehet dinjiteti moral dhe politik i filozofisë rugoviane, atëherë udhëheqësit e rinj mund të shikojnë për mundësinë e zgjedhjeve të reja edhe në nivelin Parlamentar, por Isa Mustafa të mos luaj me Kosovën për ta ruajtur pozitën e kryetarit të LDK-së.

Ai erdhi si reformator dhe nuk bëri asnjë reformë. Ai premtoi fitore dhe nuk e realizoi. Ai premtoi se do të jap dorëheqje dhe tani nuk do, por kërkon nga PDK-ja që të ketë mëshirë, e për nevojat mbase skizofrenike të tij, ta qojnë Kosovën edhe një herë në krizë institucionale, sepse qenka “Lënduar procesi zgjedhor”, të cilin nuk po e mbrojmë, por shihet qartë se kjo ka të bëjë me konceptin e një komunisti të cilit iu ka kallur bishti, dhe për fajin e tij donë ta kalli gjithë Kosovën.

Isa Mustafa po shpreson se me këto obstruksione do të mbijetoj, por duhet ta dijë se elektorati i LDK-së nuk është aq injorant sa ai po kujton, sepse mjegullën e rrejshme të një reformatori do ta davaris koha në të ardhmen e afërt, prandaj Isai nëse e do vetën e tij duhet t’i mban fjalët dhe të jap dorëheqje të menjëhershme dhe t’i shpall zgjedhjet e jashtëzakonshme partiake duke mos lejuar asnjë nga humbësit nëpër degë të kandidohet, kurse vet me tërë suitën duhet të largohet nga Kryesia Qendrore e LDK-së.

Isa Mustafa është një demagogë i specializuar, sepse vetëm një demagog dhe një njeri pa asnjë ndjenjë moral, mund t’ua përmend emrat vizionarëve të LDK-së siç ishin: ”Fehmi Agani, Xhemajl Mustafa, Enver Maloku, Sali Çeku, Latif Berisha, Agim Hajrizi, Shaban Manaj, Ukë Bytyçi, Ismet Rraci, Smajl Hajdaraj, Xhavit Ahmeti, Bardhyl Çaushi, Fadil Ferati”, dhe nuk flet Isa Mustafa për këto personalitet si miq dhe të njohur të tij, si bashkëveprimtar e intelektual që jetuan dhe u flijuan në kohën e Isa Mustafës, kur ky kridhej nëpër Evropë duke shantazhuar veprimin e tyre të mirë, veçmas po ia theksoj të Salih Çekajt i cili ka pasur një rol specifik në krijimin e strukturave ushtarake të UÇK-së, nën organizimin e të cilit kanë qenë për t’u përgatitur në Shqipëri edhe Adem Jashari dhe Zahir Pajaziti, dhe bashkë me ta edhe shumë e shumë komandant e luftëtar të tjerë, që edhe sot janë gjallë, dhe mund të flasin me përgjegjësi për pengesat që ua ka qitur Isa Mustafa si Ministër i Ekonomisë dhe Financa, buxhet ky i mbledhur me mbi 99%, vetëm nga aktivistët dhe veprimtarët e LDK-së.

Unë dhe qytetarët e Kosovës e kami kuptuar që moti se Presidenti Historik kishte ideale dhe ato ideale janë bërë realitet, por dua ta dijë cili ishte ideali i Isa Mustafës sa ishte gjallë dr. Ibrahim Rugova? Dhe shtrohet pyetja pse nuk i vjen turp ta zë në gojë emrin e tij, dhe pse nuk i frikohet Zotit kur shkon të përkulet te varri i tij. Por Isa Mustafa si komunist që është nuk njeh fe e as Zot, ai njeh ideale komuniste të cilat kanë qenë gjithmonë kundër interesit nacional dhe kombëtar të popullit tonë.

Dr. Isa Mustafa, ka sfida të mëdha para vetës, por ato sfida nuk mund të kalohen as me te e as me këtë garniturë të instaluar në kryesinë qendrore të LDK-së e cila nëse nuk është e nyejt me strukturat mafioze që aludon Isa Mustafa, e garantoj unë se të gjithë nuk janë me duar të pastra. Prandaj as populli i Kosovës dhe as elektorati i LDK-së nuk do t’u beson me këtë mënyrë udhëheqjeje e cila u tregua anemike dhe nuk ka qëllime ta nxjerr nga kriza Kosovën, përkundrazi kjo kampanjë është e interesuar që një grupi të interesave të instaluar në kryesinë e LDK-së t’ua plotësoj ambiciet për t’u pasuruar edhe më tej pa zgjedhur rrugë dhe mënyra.

Të gjitha premtimet e Isa Mustafës bien ndesh me realitetin në LDK, kjo tashmë dihet, pasi pikërisht kjo kampanjë ka qenë pjesë përbërëse e strukturave shtetërore që nga mbarimi i luftës dhe këtej. Shembulli që ka dhënë LDK-ja është më i keqi që e jep një parti për vendin e vet. Reformat që u priten nga Isai, ato i zhgënjyen anëtarët e Kuvendit të VII-të, të nesërmen u zhgënjyen edhe anëtarët e Këshillit të Përgjithshëm të LDK-së dhe për pak ditë edhe elektorati i LDK-së i cili ishte i vetëdijshëm pse nuk doli në zgjedhje, sepse nuk donin agonin e rrejshme t’ia zgjasnin një reformatori, po ashtu i rrejshëm,  po më shumë nuk donin të zgjatej e trashej e keqja deri në absurd.

Dr. Isa Mustafa si kryetar dhe dr. Sabri Hamiti si nënkryetar i parë duhet të vetëdijesohen dhe t’i kthehen realiteti, dhe të mos e shkatërrojnë edhe më tej LDK-në. Ata pa asnjë duhet të japin dorëheqje të parevokueshme, dhe me ta duhet të iku edhe garnitura tjetër që përbëjnë atë kampanjën e veprimeve antidemokratike në LDK.

Por nëse me të vërtetë e ka përnjëmend Isa Mustafa se në Kosovë duhet për t’u fuqizuar sundimi i ligjit pasi qytetarët e meritojnë një qeverisje të pastër atëherë duhet ta dijë se do të jetë personi i parë nga LDK-ja që duhet të përballet me ligjin pasi ai mjetet e qeverisë i ka privatizuar në një fond privat, dhe bashkë me Bujar Bukoshin ka bë hajgare me buxhetin e shtetit. Mjete këto që bashkatdhetarët i kanë dhënë për Qeverinë e Kosovës por jo për fondin privat të quajtur “UFORK”, siç ka bërë Isa Mustafa bashkë me Bujar Bukoshin. Ai duhet ta dijë  se ligjet e reja nuk e pranojnë një veprim të tillë, sepse atëherë, shtrohet pyetja: Me sa Miliarda duhet të iku Hashim Thaçi, dhe a duhet edhe ai, ato para të buxhetit të shtetit t’i kthej në ndonjë Fond privat siç ka bërë dikur Isa Mustafa me buxhetin e shtetit të Kosovës. Këtë gjë është dashur ta analizojnë dhe studiojnë fort mirë kryesia e LDK-së dhe kur kanë menduar se Isa Mustafa po e reformuaka LDK-në, se mbase do të jetë me përmasa tragjike nëse ndodhë nga ndonjë post me rëndësi të Kosovës, duhet edhe ky të shkoi “për shkelje të rënda kushtetuese” ashtu siç shkoi eprori i deritashëm i tij z. Fatmir Sejdiu. Ndonëse shteti ligjor duhet të kërkon llogari për keqmenaxhimin dhe privatizimin e buxhetit të Qeverisë së Kosovës.

Kryesia e LDK-së nuk duhet të bëjë hajgare me partinë, por sa ma shpejtë ta pyesin Gjykatën Kushtetuese nëse i lejon Isa Mustafës luksin për shpërdorim të buxhetit të shtetit, dhe ta pyesin po atë gjykatë edhe për njëfarë “Huaje popullore” që Isa Mustafa, bashkë me Bujar Bukoshin e kanë vjel dikur në Diasporë në emër të Qeverisë për ta ndihmuar Luftën e Kosovës. Qeçe këto me vlerë e që janë me mijëra sish në duartë e qytetarëve të Kosovës dhe që presin vazhdimisht se dr. Isa Mustafa do t’i mban premtimet dhe betimet që ua epte në atë kohë bashkatdhetarëve nëpër Evropë. Por premtimet e Isa Mustafës ngjasojnë me këto se “nëse nuk i fitoj zgjedhjet do të jap dorëheqje nga posti i kryetarit të LDK-së”, gjë që Isa Mustafa është i rryer në këto spekulime, por të shpresojmë se shteti ligjor i Kosovës, mbase një ditë do të merret edhe më këto gjëra të Isa Mustafës, për të gjetur mënyra se si duhet t’ua kthej borxhet qytetarëve të saj. Prandaj themi se dr. Isa Mustafa duhet sa ma shpejt t’i pastroj së pari duart e veta nga këto përgjegjësi e pastaj të kërkoj edhe nga të tjerët për duar të pastra, sepse Isa Mustafa e din se “nëse është hëngër pitja, ka mbetur tepsia”.

Me të vërtetë shteti duhet të udhëhiqet nga ata që kanë marrë besimin e qytetarëve ashtu sikurse që duhet një kryetar partie të zgjidhet në krye të partisë duke i kaluar të gjitha rregullat partiake, dhe madje duke e bërë një stazh pune si përvojë në atë parti, madje, madje do të ishte mirë që e kaluara e tij të ishte më e pastër se sa ajo që ka pasur Isa Mustafa qoftë në Qeverinë Komuniste të Jusuf Zejnullahut ose në Qeverinë e kontroverse të Bujar Bukoshit.

LDK-ja ka qenë gjithmonë parti e hapur dhe ideve përparimtare, por guximi i saj jo rrallë ka qenë i marrëzishëm, dhe kjo mund të lidhet pikërisht me zgjedhjen e dr. Isa Mustafës si kryetar i LDK-së, edhe pse nuk e ka merituar edhe pse sa ishte gjallë dr. Ibrahim Rugova ai ka qenë kundërshtar i pakompromis   jo vetëm i koncepteve por edhe qenies së tij fizike. Kurse në strategjinë e tij për të ardhmen e LDK-së ai shprehet se LDK-ja si “parti moderne e qendrës së djathtë, me vend tashmë të nderuar ndër Partitë Popullore Evropiane", por në doktrinën komuniste të Isa Mustafës ka mbetur te fjala ”popull-atdheu” pa dalluar se gati të gjitha “Partitë Popullore në Evropë” i takojnë të majtës ekstreme dhe kritikohen vazhdimisht.

Ndër shakat më të mira të këtij “shakaxhiu?!”  është thirrja e Tij  që ua bëri të gjithë veprimtarëve të LDK-së, të cilët për arsye të ndryshme aktualisht nuk janë pjesë e LDK-së, "të rikthehen në familjen e tyre të madhe dhe ta fitojmë betejën që kemi përpara", duke theksuar se "dera e LDK së do të jetë një portë e hapur për të gjithë ata që e duan Kosovën e prosperuar dhe dinjitoze", por ka harruar se elektorati i LDK-së dhe populli i Kosovës e dinë mirë se si veproi Isa Mustafa me elitën intelektuale në Këshillin Qendror, pastaj ai mendon se populli ka harruar se si veproi me Djalin e Presidentit Historik të Kosovës dr Ibrahim Rugova, pastaj me familjen Rugova, kujton Isa Mustafa se elektorati dhe populli harron se si ka vepruar ai me “Listën dr. Ibrahim Rugova”, me LDD e të tjera, dhe ai mendon se elektorati dhe populli demokratik i LDK-së, nuk e din se dr. Isa Mustafa në emër të LDK-së është dashtë t’i privilegjoj të gjithë, jo më shumë por as më pak, se sa e ka privilegjuar një organizatë jo qeveritare të quajtur “ORA”, që botërisht dihej se ishte një mbetje e Lidhjes Komuniste të Jugosllavisë, që e përbënin nostalgjik dhe bijë e bija funksionarësh të lartë federativ, të cilëve Isa Mustafa ua dhuroi dy vende në kryesinë qendrore të LDK-së, dhe flet për procesin më demokratik që e ka mbajtur ndonjë parti politike, duke i sugjeruar edhe partitë tjera të marrin shembullin e tij..

Me një fjalë, reformat e Isa Mustafës kanë rënë ndesh me premtimet e tij dhe ai nuk e nxori LDK-në nga kriza, përkundrazi e thelloi krizën në LDK.

Prandaj mund të themi lirisht se këto që i theksuam janë vetëm disa nga arsyet pse themi se Isa Mustafa as nuk do ta reformojë LDK-në dhe as nuk do ta përparojë kurrë Kosovën.

Ai duhet të shkon sa më parë nga LDK-ja, sa më shpejt dhe pa asnjë diskutim është më mirë. Bile e mira e së mirës do të ishte sikur me te të shkonte edhe akademik Sabri Hamiti, si dhe klani për rreth tyre të cilët janë e keqja më e keqe e LDK-së dhe e Kosovës në përgjithësi.

Zvicër/ St.Gallen, 24 dhjetor 2010.

E. mail: shefqet.dibrani@bluewin.ch

*Autori, është anëtarë i LDK-së që nga viti 1989, për vite të tëra ishte anëtar i kryesisë së Degës së LDK-së në Zvicër dhe i Nëndegës në Kantonin St. Gallen, ku ai jeton. Po ashtu autori i shkrimit ishte delegat në dy Kuvendet e LDK –së në Prishtinë të mbajtura në vitet 1994 dhe 1998, autor i njëmbdjetë librave të publikuar dhe analist politik në kohët më të vështira që kalonte LDK-ja, duke u bërë zëri më autentik i saj.

Shkrimi është pjesë e librit “11 MINUTA PARA ORËS ‘00”, me rreth 400 faqe, që merret krejtësisht vetëm me zhvillimet politike në LDK. Libri pritet të dal nga botimi në muajt e parë të vitit 2011.

Shefqet DIBRANI
Hechtackerstrasse 42

CH-9014 St. Gallen

Tel.            +41 71 855 36 86

Mob.        +41 79 488 80 46

E. Mail:    shefqet.dibrani@bluewin.ch

                   shefqet.dibrani@hotmail.com

Nga Ilir Gashi :Kush po synon ti fus flakën vendit?

Kujt po i pengon nacionalizmi dhe patriotizmi modern për Kosovën Evropiane? Kur patriotizmi kalon në degjenerim ideologjik klasik, ndërtohet si strehë e fundit e horrave te cilët nuk kanë ide shtet ndërtuese, por vetëm rrënues te vlerave qytetare! dhe ideologjia si filozofi kalon në degjenerim politik. Historikisht, lindja dhe kultivimi i nacionalizmit shqiptar është i lidhur ngushtë me  ekzistencën dhe me mbrojtjen e qenies shqiptare në Ballkan. Nacionalizmi është para se gjithash një parim politik i cili thotë se njësitë politike e nacionale do të duhet të ishin të barabarta. Nacionalizmi si ndjenjë mund te definohet më mirë përmes këtij parimi ose qetësimit shpirtëror më pikëshikimin e përmbushjes së tij. Parimi nacionalist modern mund të lëndohet në shumë mënyra. Një nga plagët kryesore mund të shkaktohen nga mendimtarët e tipit Dik Marti. Samuel Jonson, në shekullin e 18 kishte thënë se patriotizmi është streha e fundit e të dobve (horrave), andaj disa në Kosovë zgjojnë kuptueshmërinë e filozofisë Jonsonjane.

Gellner, Nacionalizmin dhe kombin e konsideron që këto ishin të përcaktuara njëri për tjetrin; që cilido prej tyre pa tjetrin është i pakompletuar, dhe që paraqet tragjedi. Miroslav Hroch, huazon një argument mbi “ndërgjegjen kombëtare”“ndërgjegjja kombëtare zhvillohet në mënyrë të pabarabartë ndërmjet grupeve të ndryshme sociale dhe rajoneve të ndryshme të një vendi”, pse jo edhe individëve. Në këtë rast idetë e prishura te disave në Prishtinë, lidhur me UÇK-n, krerët e saj dhe Kryeministrin e Kosovës Hashim Thaqin, duke u munduar te ndajnë Luftën dhe Paqen, madje edhe udhëheqësit e saj, nuk kanë te bëjnë me ndërgjegje kombëtare, por vetëm lansim i dirigjuar, duke sjellë konkluzione të ngjyrosura mbi bazë të perceptimeve të gabuara, egos pushtetare, dhe paaftësisë logjike, e pa ndjesisë kombëtare. Këto, paraprakisht i kemi dëgjuar edhe gjatë fushatës, por lidhshmëria s’mund te këputet. Këto deklarime i kujtojnë shkrimtaret, Oliver Schmidt, apo të kroatit Tomko Marnaviç të cilët mundohen të zbehin figurën e Gjergj Kastriotit-Skender beut, duke e ditur se i gjithë opinioni vendor e ndërkombëtar mburren me kontributin e tij  në mbrojtje të civilizimit modern perëndimor.

Pavarësisht nacionalizmit dhe patriotizmit tonë liberal, ne, brenda shoqërisë tonë jemi të kundërt. Arroganca si veprim dominant ka vazhduar dhe akoma vazhdon të pretendoj të krijoj probleme shoqërore, dhe jo pak reflekton edhe në politik-bërjen e sotme në hapësirat shqiptare, pavarësisht profileve moderne që spektri politik që pritet të marrë pushtet, pretendon të ketë një filozofi ndryshe të mendimit, nga mendësia e një klase, konceptualisht e një shekulli me par, e cila do jetë pjesë e legjislativit te ardhshëm. Po te dëgjoheshin disa, nuk do te kishte as një përpjekje për lëvizje politike e ushtarake për çlirimin e Kosoves, në 68 –ten, as më 81, as në 90-ten, e as më 98-99, me çlirimin përfundimtar. Por, është një fakt që Zoti i ka krijuar disa koncepte të mendimit patriotik, politikë, psikologjik dhe filozofik. Andaj, pa dyshim se edhe në Kosovë ekziston një model i tillë i shoqërisë kosovare.

Komercializmi medial, po tenton ta kall Kosovën! Ky komercializem, i cili po sjell vetëm lajme dhe informata të cilat nëse analizohen thellësisht, vetëm e dëmton interesin e përgjithshëm nacional, duke krijuar opinion të tensionuar, i cili ndërtohet nga njerëzit që edhe në të kaluarën kanë qen pretendent kryesor për të marr çmimin e piromanëve, gjegjësisht njerëzve të cilët e kanë obligim jetësor krijimin e kushteve të tensionuara, qëllim makiavelist dhe kushti kryesor e që ndoshta edhe paguhen për një gjë të tillë, dëmtimin e interesit nacional për mes krijimit të opinionit denigrues. Flaka po qet flak!. Lidhshmëria në mes te Dik Martit, Llavrovit,  Jeremiqit, dhe disa pseudopatriotëve në Kosovë, është me plot kuptim, si e tillë cilësohet përpjekje e dështuar në tentativë për të marr pushtetin, e për të fut popullin në luftë në emër të pseudopatriotizmit, dhe për mes kësaj, apo këtyre, Serbia t’i realizoj qëllimet e saj. Dikush ka një mision, që ta djegë Kosovën edhe njëherë. Flaka donë Flak!

Dikush ka të drejt të thirret në patriotizëm, ka të drejt të flas në emër të dikujt, ka të drejt të marr vendim për dikë tjetër, sepse vete e ka siguruar një besim të tillë, për mes angazhimit konkret për interes nacional, të cilin mund të quajmë patriotizëm pozitiv qytetar. Dikush ka të drejt të jetoj, te futet në garë edhe për pushtet, direkt, apo indirekt, por kjo nuk i jep të drejtën të dëmtoj imazhin e jetës së qytetarëve të Kosovës, e as të fyej besimin e qytetarëve të saj. Patriotizmin dhe nacionalizmin i konsideroj fryte mbi të cilën ndërtohen shtetet dhe kombet, por pseudopatriotizmi, apo patriotet e përdorur, janë dëmtuesit më të mëdhenj të proceseve politiko shoqërore të vendit. Dikush mund të shpall demokracinë te vdekur, sepse s’kanë vlerë kombëtare, madje as pseudopatriotizëm.

Akti i shpalljes se demokracisë të vdekur, kur miqtë e Kosovës deklaruan proces te mirë zgjedhorë, me disa parregullsi, që në shtet ndërtim mund te konsiderohen probleme të evitueshme, e që me besueshmëri në Institucionet Kushtetuese mund të kalohen. Por, nga brenda dikush nuk ju beson institucioneve kushtetuese, dhe shpallin demokracinë te vdekur, vetëm pse nuk ju besoj populli. Vlerat shoqërore krijohen me mendjen e shendosh, dhe me koncepte e filozofi të shëndosha. Piromanëve te fshehur nen petkun r masmediave, do të ju thosha se nacionalizmi dhe patriotizmin modern, e sidomos shpallja e pavarësisë së Kosovës, dhe integrimi i vendit është bërë dhe behet me politika programore, dhe me partneret ndërkombëtar, duke len anash horrat e patriotizmit folklorik, që ditën kundërshtojnë privatizimin e natën i privatizojnë ndërmarrjet. E jo, përmes keqpërdorimit te donacioneve për qytetaret e vendit, duke i tjetërsuar në ndërtimin e medieve qe dëmtojnë imazhin e shtetit. Flaka donë Flak. Nga kjo mund te konkludojm se, teoria e Samuel Johnsonit, nuk përkon me mendimtarët e shekullit XXI, por kjo është një nga teoritë më të përparuara për mendimtarët politik,  klasik të shekullit XVIII, të cilët parapëlqejnë denigrimet, e po të ju epet mundësia, edhe zhdukjen e patriotizmit modern. Dikush dëshiron zhdukjen e njerëzve, të cilët din të udhëtojnë nëpër kohë për të ruajtur vlerat kombëtare. Aftësia e një kryeministri, për të udhëtuar nëpër kohë të errëta është vlerë. Errësira për shqiptaret u ndërtuar nga mendimtarët e anti shqiptarizmit, si Dik Marti, e bashkëpunëtoret e tij në Kosovë qe ndihmuan ndërtimin e raportit anti shqiptar. Historia e Kryeministrit Thaqi, dhe bashkpuntorve të Tij,  është një vlerë kombëtare, politike, qytetare dhe patriotike, që përkon me vlerat e evropianizimit dhe konceptin perëndimor shtet-formues. Lufta, Paqja e Pavarësia e vendit, lidhen me emrin e Kryeministrit Thaqi, i pëlqeu apo jo dikujt. Vlerat duhet mbrojtur, kur dikush tenton te na njollos mburrjen kombëtare.

Shkrimi reflekton qëndrimet personale të autorit.

nga Artan Shabani : Drejtshkrimi i kosovarëve në internet

Muajin e fundit si të them kam menduar të bëj një “hulumtim”, po e shkruaj në thonjëza sepse nuk di a mund të quhet hulumtim i mirëfilltë. Për të mos shkaktuar konfuzion nuk do e shkruaj në thonjëza më tutje.

Hulumtimi ka të bëj me nivelin e drejtshkrimit të një numri të madh të komentuesve nëpër faqe interneti (Indeksonline, Zëri, KohaNet, Facebook, etj).

Nëse shikon çfarë drejtshkrimi, gjuhe, gramatike etj., përdorin shumica absolute (përveç disave) e komentuesve t’hyn tmerri. Vetëm nga një shikim “preliminar” pa i mbledhur të dhënat fare, lirisht mund të konstatosh se shumica e komentuesve janë analfabet dhe nuk dinë shkrim-lexim (nëse shkrim-leximi merret si një nga kriteret për të konstatuar analfabetizmin). Dhe, nëse kushtimisht mund të vlerësojmë se “shtresa moderne” e popullatës përdor internetin, dhe e njëjta nuk di shkrim lexim, atëherë çka mund të flasim për ata që nuk përdorin/nuk dinë të përdorin internetin?

Kam parë edhe faqet e huaja të internetit (CNN, BBC, etj) dhe komentimet e njerëzve në gjuhën Angleze sepse nuk njoh mirë gjuhë të tjera, dhe mund të them se edhe atje ka lëshime të vogla, por kjo që ndodh tek ne (nëse më lejohet të citoj një qytetar në një intervistë nga youtube, i kërkoj ndjesë atij), është e “paparaparë”.

Jam duke menduar të bëj këtë hulumtim, për të mbledhur të dhëna, por ka shumë çështje që më dalin si pengesa, që unë mendoj se janë pengesa reale.

Nuk di ku të drejtohem të marr leje për hulumtim;
Nuk di kujt t’i drejtohem për të marr leje për të shfrytëzuar komentet (pronë e kujt janë, e mediumeve, apo e komentuesve);
Nëse janë pronë e komentuesve, a ka gjasa reale të marr Pajtimin e Informuar nga ata, duke pasur parasysh edhe faktin që shumë mund të mos paraqiten me emër të vërtetë;
Nuk di nëse kemi Bord Etik, dhe Këshillues për implikimet e studimit;
Dhe, nuk e di nëse ka institucione të tjera nga të cilat do më duhej ndonjë leje, aprovim ose diç tjetër.


Këto që kërkoj e di se janë tepër, dhe nuk pres nga askush t’më ndihmoj, por ajo që pres gjithsesi të paktën nga ata që e duan Gjuhën Shqipe është që të ndajnë të njëjtin shqetësim me mua.

Këtë shqetësim edhe pse e adresova tek faqja juaj, nuk është vetëm për ju, por dua të bëj thirrje publike për të gjithë ata që mund të më ndihmojnë të bëj këtë.

Për më tepër, do isha skajshmërisht i lumtur nëse ndonjë institucion profesional e bën këtë hulumtim në vend timin, sepse nuk jam profesionist për këtë punë.

E di se dikush mund të më thotë: “Shko në shkolla dhe kërko rezultatet atje”, por rezultatet e shkollave nga ajo që shoh nëpër komente do ishin të pa besueshme. Fundja, këta njerëz kanë dalë nga shkollat tona.

Unë thjesht jam shumë i shqetësuar për këtë dhe dua të di një gjë: A jemi analfabet dhe pse? Nëse jo, a jemi dembelë dhe neglizhojmë, bastardojmë gjuhën tonë? (Edhe nëse dimë të shkruajmë?)

Dhe një pyetje që ndoshta mund të më nxjerr telashe të mëdha është: A janë të vetëdijshme institucionet arsimore të vendit tonë për nivelin e shkrim-leximit të popullatës nëse përgjigja në pyetjen e parë është pozitive?

Jam i vetëdijshëm se vetëm nga komentet në internet nuk mund të kem një pasqyrë reale të nivelit të gjuhës në vendin tonë, por ky do ishte mbase një hap i parë drejt gjetjes së të vërtetës.

Shqiptarët që shpëtuan hebrenjtë

Një ngjarje deri tani e patreguar e holokaustit Nazist po shfaqet këto ditë  në një tempull izraelit në Saint Louis të shtetit amerikan Missosuri. Është një ekspozitë me fotografi , në të cilën shfaqen portretet e disa pleqve shqiptarë myslimanë. Siç njofton korrespondenti i Zërit të Amerikës, David Wainberg, këta burra e gra në këto 30 fotografi  kanë ndihmuar në shpëtimin e gati 2 mijë hebrejve, të cilët u strehuan në Shqipëri gjatë Luftës së Dytë Botërore.

“Kush ka dëgjuar ndonjë herë që myslimanët të kenë ndihmuar izraelitët?”

Pra, kur fotografi Norman Gershman dëgjoi tregimet e tyre , ai vendosi të vizitojë Shqipërinë dhe u takua me familjet, ende gjallë, të cilat kishin strehuar hebrejtë.

“Desha të shkoja në Shqipëri për të zbuluar së pari se kush janë këta njerëz”.

Gjatë  6 vjetëve të kaluara, Gershman, profesionist në artin e fotografisë, puna e të cilit zakonisht ekspozihet nëpër muzeume, udhëtoi anë e mbanë Shqipërisë dhe Kosovës. Ai i fotografoi shumicën e karaktereve të tij në shtëpitë e  tyre,  shpesh me objekte që ishin domethënëse  për njerëzit që ata strehuan. Në një fotografi  është një njeri, i cili qëndron në këmbë, duke mbajtur tre libra hebraikë lutjesh, të cilat një familje hebrenjsh i kishte lënë aty pas luftës.

“Kurrë nuk do ta harroj atë ditë, kur vizituam shtëpinë e këtij njeriu; ai na pa me zemërim, dukeje sikur thonte: ”Çfarë po kërkoni këtu”? Ne iu përgjigjëm; “Familja juaj ka shpëtuar  këtë familje izraelite…ai na pa dhe tha: “E çfarë pastaj? Çdo shqiptar do të bënte një gjë të tillë, ne nuk kemi bërë asgjë të veçantë…dhe e kishte me shumë seriozitet”.

Shqiptarët e kanë një fjalë të posaçme për këtë dukuri: Besa që me fjalë të tjera është “fjala e nderit” që  në Shqipëri  është normë e veçantë kulturore e morale, që është specifike për shqiptarët.

“Fjala Besë në Shqipëri është një lloj mbrojtjeje kur ata presin një mik për shqiptarët ajo nënkupton një rregull, sipas të cilit e mbrojnë mysafirin edhe me jetën e tyre”.

Alberto Colonomos ka lindur më 1933 në një fshat  në veri të Shqipërisë i cili atëherë ishte pjesë e Jugosllavisë. Ai ishte 10 vjeç kur familja e tij u arratis në Shqipëri

“Në atë zonë jetonin rreth 7 mijë e 200 hebrej. Ata i nisen për në kampet e përqendrimit dhe të gjithë ata i çuan në Treblinka. Të gjithë i vranë, asnjëri prej tyre nuk mundi të shpëtojë. Por rreth 50 familje arriten të arratiseshin një, ose dy javë përpara deportimit të tyre në kampet e përqëndrimit”. 
Një njeri i pasur, i cili punonte në një fabrikë duhani e mori nën mbrojtje familjen Colonomos. Ndryshe nga shumë izraelitë të tjerë në pjesë të tjera të Evropës që i shpëtuan luftës  duke u fshehur nëpër tavane e bodrume, izraelitëve në Shqipëri iu dhanë emra myslimanë dhe u trajtuan si mysafirë të nderuar. Colonomos shpjegon se në emër të  “Besës”, shqiptarët e venë mysafirin përpara familjeve të tyre.

“Me të vërtetë na fshehën, duke rrezikuar jetën e tyre; ata i dinin pasojat që do të kishin, nëse  gjermanët do ta kuptonin se çfarë po bënin. Por nëse japin Besën, ata nuk i tradhtojnë miqtë e tyre. Ishin njerëz të mrekullueshëm”.

Portretet bardhë e zi të Norman Gershmanit kanë qarkulluar  nëpër mbi 70 ekspozita anë e mbanë botës. Deri në fund të këtij vitit ato do të vazhdojnë të  shfaqen për here të parë në pjesen perëndimore të Shteteve të Bashkuara, në Tempullin Emanuel, një sinagogë e reformuar izraelite në Saint Louis të shtetit Misuri. Kreu i këtij Tempulli Rabai, bënë shërbimet  fetare… 
Shabbat Shallon then under….

“Jemi shumë të kënaqur me ekspozitën dhe gëzohemi që po  shohim këtë interesim kaq të madh.” 
Rabini Justin Kerr e drejton këtë kongregacion prej një viti e gjysëm. Ai shfaqi shpresën që kjo ekspozitë do të ndihmojë për fillimin e një dialogu ndërfetar në komunitetin e tij, që do të përhapej në pjesë të tjera të vendit.

“Në këtë kohë, kur në botë ka një tension të madh dhe në një kohë kur konfliktit mes hebrenjve dhe myslimanëve po i kushtohet kaq shumë vëmendje, është shumë e rëndësishme që të gjithë ta kuptojnë  se kjo nuk është e gjithë historia. Gjërat nuk kanë qenë gjithmonë kështu. Unë kam shumë dëshirë që  marrëdhëniet me fondacionin islamik të forcohen.”

Kështu shpreson edhe Muftiu Minhaxhudin Ahmet, imam dhe drejtor i shërbimeve fetare në fondacionin islamik të Saint Louis, i cili në partneritet me Tempullin Emanuel organizuan diskutime mbrëmjen që u hap ekspozita.

“Mendoj se tani që marrëdhëniet  mes izraelitëve dhe myslimanëve janë të tensionuara për shkak të shumë ngjarjeve që po ndodhin  në Lindjen e Mesme, kjo ekspozitë u hap në kohën e duhur dhe është shumë e nevojshme, sepse ve në dukje se si myslimanët i kanë shpëtuar izraelitët dhe këto janë mësimet e vërteta të islamizmit. Ky është një rast i mire, që edhe të tjerët të mësojnë se feja nuk ka lindur  në kushtet e dhunës, por ajo ka të bëjë me dhemshurinë dhe mirësinë”.

Dhemshuria dhe mirësia, besa e shqiptarëve, u përkujtuan nga Izraeli në vitin 2007, kur u disa shqiptarëve çmimin më të lartë të nderit; ky çmim quhet “Të moralshmit nga vende të ndryshme të botës”. Ky çmim u jepet vetëm të huajve që u shpëtuan jetën hebrejve gjatë Holokaustit. Fotografitë e Norman Gershmanit për ata burra e gra janë botuar në një libër të titulluar “Besa”: Myslimanët të cilët shpëtuan hebrejtë gjatë Luftë së Dytë Botërore. Një film dokumentar i bazuar në vizitën e zotit Gershman në Shqipëri do të fillojë të shfaqet vitin e ardhshëm.