Sinisha Petriq, i njohur ndryshe si Zenica-Ekstradohet në Bosnje i dyshuari kryesor për masakrën Dubravës

SHARE

Shkruna;Flori Bruqi

Sinisha Petriq, i njohur ndryshe si Zenica, tashmë ka arritur në Bosnje dhe Hercegovinë. Njeriu kryesor që dyshohet se ka kryer masakrën në Burgun e Dubravës është ekstraduar nga Spanja. Sipas mediave boshnjake, ai nga aeroporti është dërguar menjëherë në burgun e Foçës të Bosnjës. Gjykata e Qarkut në Banja Lukë miratoi dënimin e Petriqit në BeH edhe më herët. Ai njihet si krahu i djathtë i Luka Bojoviqit, si dhe për vrasjet gjakftohtë dhe monstruoze në mbarë Evropën. Si i mitur, “Zenica” ishte anëtar i grupit të vrasësve të Marinka Magda, i cili masakroi 14 persona në Vojvodinë dhe Hungari. Ekipi i Petriqit punoi për Magdën, kështu që në janar të vitit 1994, në vetëm një natë, në Suboticë, ata vranë Milanin, Stanin dhe djalin e tyre Danet Petriqin, i cili në atë kohë ishte vetëm 11 vjeç, si dhe Vera dhe Josip Agatiq. Ekstradimi i tij u bë dje pasi i njëjti është shtyrë dy herët e tjera. 

           Si i mitur, “Zenica” ishte anëtar i grupit të vrasësve të Marinka Magda

 Më herët, Gjykata e Qarkut në Banja Luke ka njoftuar se ka nxjerrë një vendim për njohjen e vendimit të gjykatës kombëtare spanjolle për shkak se janë plotësuar kërkesat ligjore, si dhe kërkesat nga marrëveshjet ndërkombëtare. Kështu, gjykata pranoi se Petriq po vuan dënimin në Bosnje dhe Hercegovinë. Me vendim të gjykatës kombëtare në Spanjë, Petriq u dënua me pesë vjet për krim të organizuar dhe për posedim të një arsenali lufte të armëve dhe armëve të zjarrit me 10 vjet burg. Siç shpjegohet në deklaratën e Gjykatës së Qarkut të Banja Lukës, ajo për të cilën Petriq u dënua në Spanjë janë vepra penale sipas legjislacionit vendas. Krimineli serb për të cilin dështoi ekstradimi nga Spanja në Bosnjë e Hercegovinë dy herë me radhë, njihet mjaft mirë nga të mbijetuarit e Masakrës së Dubravës. Sinisha Petriq, i njohur me nofkën ‘Zenica’, gjatë kohës së bombardimeve të NATO-s mbi caqet serbe ishte dërguar në Dubravë si i burgosur, por aty i ishte dhënë një armë e kishte marrë pjesë në ekzekutimin e të burgosurve shqiptarë. Në periudhën e luftës në Kosovë, ai kishte përfunduar në Burgun e Dubravës, ku serbët e dënuar me dënime të rënda, përfshirë dënime kapitale, kishin marrë një ofertë: të vrisnin shqiptarë të burgosur aty në këmbim të lirës. Ai, bashkë me ekzekutorë të tjerë, lidhen me dyshimet për vrasjen e 95 shqiptarëve. Atë fort mirë e kujton Dëfrim Rifaj, që bashkë kishin ndarë edhe burgun e Nishit e edhe atë të Dubravës. Rrethanat e çuditshme që kanë quar në ekstradimin e tij nga Spanja në Bosnjë e Hercegovinë, nuk e gëzojnë atë, pasi sipas tij, i njëjti do të duhej të ballafaqohej me krimet e kryera në Kosovë. “Emrin e tij le se e kam dëgjuar, por edhe e kam njohur personalisht, sepse ka qenë i dënuar dhe vuajtjen e dënimit e ka pasur në Burgun e Nishit. Kemi qenë bashkëvuajtës. Ka qenë ordiner, i burgosur kriminel, me plot kuptimin e fjalës. Me fillimin e bombardimeve merret vendim që ata me dënim me vdekje dhe të përjetshëm të sillen në Kosovë. E njoh mirë. E kam pas dy hapa para kur na kanë qit në pushkatim”, ka thënë Dëfrim Rifaj, i mbijetuar i Masakrës së Dubravës. Emri i tij është i njohur edhe për të mbijetuarit e tjerë të Masakrës së Dubravës, por dënimi i tij eventual, nuk është i mjaftueshëm për disa prej tyre, meqë urdhërdhënësit vazhdojnë të mbeten të lirë. “Emrat e përveçëm, për mua si një i mbijetuar nuk do të thonë asgjë, për shkak se procesi është shumë më i ndërlikuar. Do duhej të ketë një qasje tjetër, për shkak se përgjegjësit kryesorë për organizmin e kësaj masakre, dhe ekzekutimin e kësaj masakre nuk po përmenden fare, pra është vijë institucionale e Serbisë”, ka deklaruar deputeti Enver Dugolli. Përderisa në duar mban listën me 200 emrat e kriminelëve të Masakrës së Dubravës, i mbijetuar Nait Hasani tregon se dënim s’kanë marrë as 1% e tyre, por që shpresën e ka akoma. “ Janë dy raste. Një rast është në Prishtinë një gardian që ka marrë pjesë në torturat tona të të burgosurve, drejtpërdrejt në burgun e Prishtinës dhe të Lipjanit. Ai është i arrestuar, dhe të njëjtën kohë gardiani i Dubravës, Gagi. Pra vetëm këto dy raste i kemi nga 190 raste tjera që janë, të pjesëmarrësve që në forma të ndryshme kanë torturuar, vrarë dhe masakruar në Dubravë, bashkë me ushtrinë policinë dhe të burgosurit serbë që kanë qenë”, është shprehur Nait Hasani më herët për rtv Dukagjinin. Përveç si pjesëmarrës në masakrën e Dubravës, në maj të vitit 1999, Petriq, lidhet edhe me rrethanat e pandriçuara të vrasjes së të rinjve serb në kafeterinë Panda, për të cilin kishte pasur tentime që të fajësohen shqiptarët. Ekstradimi i tij drejtë Bosnjes, për vuajtje të pjesës së mbetur të dënimit për krim të organizuar e një arsenal armësh që i ishte kapur në Spanjë, pritet që të bëhet në muajin e ardhshëm. Por mediat boshnjake, kanë paralajmëruar për mundësinë që ai pas një kohe të shkurtër, të përfundojë sërish në liri, pavarësisht pretendimeve për krime të rënda që rëndojnë mbi të.

Kryeparlamentari Glauk Konjfuca: Sot nderojmë drejtuesit e luftës që po përballen me akuza të pabazuara

SHARE

Kryeparlamentari Glauk Konjfuca, në pritjen shtetërore për nder të 16-vjetorit të Pavarësisë së Kosovës, tha se Ushtria Çlirimtare e Kosovës është emblema më e rëndësishme në historinë e Kosovës së lirë dhe të pavarur. Ai i kujtoi edhe krerët e UÇK-së ndaj të cilëve po vazhdon gjykimi në Hagë nga Gjykata Speciale. “Më lejoni që sot t’i kujtojmë edhe të gjithë ata luftëtarë të Ushtrisë Çlirimtare të Kosovës dhe anëtarë të Shtabit të Përgjithshëm të cilët e bënë luftën e lavdishme, më të lavdishme që një ushtri mund ta bëjë, siç është lufta jonë për çlirimin dhe lirinë e popullit tonë. UÇK-ja është emblema më e rëndësishme në historinë e Kosovës sonë të lirë dhe të pavarur. Dëshiroj që në ketë ditë historike t’i kujtojmë dhe t’i nderojmë edhe drejtuesit e luftës sonë çlirimtare që padrejtësisht nuk po mund të festojnë sot këtu me ne për shkak se ndodhen në një proces akuzash të pabazuara”. Konjufca lavdata thuri edhe për komandantin legjendar Adem Jasharin dhe familjen e tij dhe dëshmorët e tjerë. “Shteti i Kosovës nuk do të bëhej realitet pa idealin e heronjve, të dëshmorëve, të martirëve, të gjithë atyre që Kosovën s’mund ta përfytyronin ndryshe përveç se si të lirë dhe sovrane, të pavarur përgjithmonë nga Kosova. Prandaj Pavarësia e Kosovës si sinonim i lirisë sonë nuk mund të imagjinohet pa komandantin legjendar Adem Jashari, dhe sakrificën heroike të familjes Jashari, të cilët nuk hoqën dorë nga Kosova për asnjë çmim, duke bërë sakrificën më të lartë që mund të imagjinohet ashtu që kombit tonë t’i kthehet liria dhe dinjiteti”. Ai gjithashtu theksoi se Pavarësia e Kosovës është dinjiteti që popullit iu dha nga ata që patën guximin të ëndërrojnë këtë ditë. “Jemi krenar për rrugëtimin e Kosovës si shtet sovran si vend i lirë, e po ashtu si demokraci e konsuliduar. Pavarësia e Kosovës është para se të gjithash dinjiteti që popullit tonë iu dha prej atyre burrave dhe grave që e patën guximin për ta ëndërruar këtë ditë edhe në kohët më të vështira, atyre që luftuan, u vranë dhe u sakrifikuan për lirinë dhe Pavarësinë e Kosovës”

Ish-presidenti i Kosovës,Prof.Dr. Fatmir Sejdiu: Për shtetësinë e Kosovës pasur siguri të plotë nga SHBA dhe shtetet e QUINT-it

SHARE

Ish-presidenti i Kosovës,Profesor Dr. Fatmir Sejdiu, në 16-vjetorin e Pavarësisë së Kosovës ka folur për rrethanat e shpalljes së pavarësisë së vendit. “Kam marrë postin në një kohë të ndjeshme, duke zëvendësuar presidentin Rugova. Kam ndier veten një shqetësim dhe, ndonjëherë, ndonjë dilemë për shpalljen e pavarësisë, për format e zgjidhje së çështjes”, deklaroi ish-presidenti Sejdiu, teksa ka përmendur Tirolin dhe Hong Kongun. Mirëpo ai shtoi se për zgjidhjen përfundimtare të çështjes së Kosovës ka pasur siguri të plotë nga SHBA dhe shtetet e QUINT-it. Më tej, ish-presidenti Sejdiu përkujtoi edhe kontekstet e tij me ish-presidentin finlandez, negociatori kryesor për çështjen e Kosovës, Martti Ahtisaarin, teksa kujtoi rezolutën e OKB-së 1244, por edhe pengesat nga ana e Rusisë e Kinës. “Pavarësia e Kosovës është shpallur në koordinimi të plotë me aleatët ndërkombëtarë”, deklaroi ish—presidenti Sejdiu, teksa përmendi sinjalet e nga ish-presidenti i SHBA-së, Bush, dhe ai francez, Sarkozy. Ai tha se ka përcjellë dhe studiuar në hollësi procesin e pavarësimit të Kosovës, duke kujtuar edhe 100 ditët shtesë, për arsye të, shtoi ai, shterrimit të argumenteve që ishin kundër pavarësimit të Kosovës, që të mos komprometohej plani i Ahtisaarit. Momentet më sfiduese të pas-pavarësisë, Sejdiu përmendi disa sish, njëra nga to ishte numri i njohjeve, përpilimin e kërkesave për njohje, pastaj për qëndrimin e KFOR-it në vend, etj. “Ka pasur një ecje shumë e mirë në ecje me kualitet të njohjeve nga vende të ndryshme për Kosovën, por me rëndësi ishte njohja e vendeve fqinje, Maqedonia e Veriut dhe Mali i Zi”, theksoi ish-presidenti Sejdiu, teksa përmendi numrin e njohjeve, diku rreth 70 njohje. Më tej, ai foli edhe për djegien e portave kufitare në veri të vendit nga serbet, por edhe për propaganda të ndryshme nga ta për dyndje të serbëve të Kosovës, etj., por që, vuri në dukej ai, reagimi ka qenë i matur. Mes tjerash, ish-presidenti Sejdiu foli për Kushtetutën e vendit, një kushtetutë e re në bazë të planit të Ahtisaarit, si dhe miratimi i flamurit, himni i shtetit, etj., pastaj për Gjykatën Ndërkombëtare, e cila, sipas tij, vulosi pavarësinë e Kosovës, si një moment tjetër i rëndësishëm pas pavarësisë së Kosovës, derisa shpjegoi se kjo ka qenë një bumerang ndaj Serbisë.

Albin Kurti: Në padinë për gjenocid po punojnë profesionistë e ekspertë të angazhuar nga Qeveria

SHARE

Kryeministri i Kosovës, Albin Kurti, ka thënë se në padinë për gjenocid është duke u punuar nga profesionistet e ekspertë të angazhuar nga Qeveria. Ai ka thënë se dëmi më i madh që i bëhet paqes e pajtimit në rajonin e Ballkanit, janë ata të cilët e mohojnë gjenocidin e kryer në Kosovë ndaj shqiptarëve nga forcat e regjimit të Serbisë së Millosheviqit.Ai ka thënë se është në përfundim strategjia për drejtësinë tranzicionale dhe se ajo shumë shpejt do të vijë për miratim në mbledhje të qeverisë së Kosovës. “Janë duke punuar profesionistet dhe ekspertet tanë, Qeveria mbarë e posaçërisht Ministria e Drejtësisë për krejt çfarë jemi zotuar. Në Kosovë ka pasur gjenocid në pranverën e viti 1999. Ky gjenocid as nuk harrohet, as nuk falet as nuk shlyhet. Andaj e rëndësishme është drejtësia për urdhërdhënësit, për ekzekutoren në mënyrë që të kemi rehabilitim për viktimat e në të njëjtën kohë është e rëndësishme që të mos mohohet gjenocidi. Sot dëmi më i madh që i bëhet paqes, pajtimit jo vetëm drejtësisë në rajonin e Ballkanit janë ata të cilët e mohojnë gjenocidin e kryer në Kosovë ndaj shqiptarëve nga forcat e regjimit të ish-Jugosllavisë e Serbisë së Millosheviqit”, tha ai.

Kurti përmend Prof.Dr.Fatmir Sejdiun, Prof.dr.Jakup Krasniqin dhe Hashim Thaçin: Të fortë me miq dhe aleatë Kosovë ne të dalim zot

Kryeministri Albin Kurti, në pritjen shtetërore për nder të 16-vjetorit të pavarësisë, ka thënë se Kosova ka udhëtuar bashkë me aleatë për mbi tri dekada. 

 Kryeministri Albin Kurti, në pritjen shtetërore për nder të 16-vjetorit të pavarësisë, ka thënë se Kosova ka udhëtuar bashkë me aleatë për mbi tri dekada. Sipas tij kështu edhe do të vazhdohet, derisa ka shprehur falënderim dhe mirënjohje për partnerët amerikanë dhe evropianë. Sipas tij kështu edhe do të vazhdohet.

 

SHARE

“Si më 1999, 2008 dhe tash më 2024 në ditëlindjen e 16 Kosovës i kanë qëndruar pranë miq dhe aleatë dhe bashkë do të vazhdojmë si në kohë festive ashtu edhe në ato të përkujtimit dhe të vështirat”. “Me miq jemi më të fortë, më të sigurt. Bashkë kemi ardhur dhe bashkë do të përparojmë për atje ku jemi nisur. Nga 19 shtete që ndërhyn ushtarakisht më 1999, janë 117 shtete që e kanë njohur pavarësinë. Vetëm kështu të fortë me miq dhe aleatë, Kosovë ne të dalim zot”, ka thënë Kurti. Na fjalën e tij, Kurti si rrallë herë ka përmendur edhe drejtuesit shtetërorë të kohës së shpalljes së pavarësisë. “Më 17 shkurt 2008, deputetët e Kuvendit të Kosovës, si përfaqësues të zgjedhur në zgjedhje të lira dhe demokratike e shpallën Kosovën shtet të pavarur, sovran dhe demokratik. Mbi pergamenën e kuruar ku ishte dorëshkruar teksti i deklaratës së pavarësisë., krahas 109 deputetëve nënshkrues u nënshkruan edhe tre krerët shtetërorë: Presidenti Fatmir Sejdiu, Kryeparlamentari Jakup Krasniqi dhe Kryeministri Hashim Thaçi i cili e lexoi atë në kuvend”. Kurti gjtihashtu ka përmendur edhe presidentin historik, Ibrahim Rugova, intelektualin dhe patriotin Adem Demaçi.

KFOR-i e mohon se xhandarmeria serbe hyri në Kosovë: Ishin patrulla të përbashkëta me Forcat e Armatosura Serbe

Misioni i KFOR-it, i udhëhequr nga NATO e ka përgënjeshtruar lajmin ku u raportua se xhandarmeria serbe ka hyrë brenda territorit të Kosovës, përkatësisht në fshatin Bervenik të Podujevës. Sipas KFOR-it, sot më dt.17.2.2024., rreth orës 14:45, një njësi letoneze që i përkiste KFOR-it po përgatitje të fillonte një patrullë të planifikuar dhe të sinkronizuar me Forcat e Armatosura Serbe përgjatë dy anëve të kufirit. “Në kohën kur u bë fotografia në fjalë, personeli letonez po koordinohej me homologët e tyre serbë, të cilët ishin pozicionuar në anën e tyre të vijës kufitare. Është e rëndësishme të theksohet se skuadra letoneze ishte pozicionuar më tej pas liderit të tyre, i cili ishte i përfshirë në koordinimin e aktiviteteve me Forcat e Armatosura Serbe”. “Imazhi mund të ishte prerë për të përjashtuar pjesët që përshkruanin liderin letonez duke biseduar me udhëheqësin e Forcave të Armatosura Serbe. Patrulla e sinkronizuar është kryer në mënyrë profesionale dhe në respekt të plotë të procedurave të përcaktuara mirë”, thuhet në reagim. Lajmin e publikuar në disa media në Kosovë e ka përgënjeshtruar edhe Policai e Kosovës e cila tha se ishin patrulla të përbashkëta të KFOR-it me autoritetet serbe.

Si e përdor presidenti serb Aleksandër Vuçiç , BIA-n serbe për t’i frikësuar njerëzit që kritikojnë atë: Në ndihmë i vijnë edhe mediat e kontrolluara nga ai

Si e përdor presidenti serb  Aleksandër Vuçiç BIA-n për t’i frikësuar njerëzit që kritikojnë atë: Në ndihmë i vijnë edhe mediat e kontrolluara nga ai  Kanë kaluar dy ditë që kur Tanjug publikoi lajmin për arrestimin e katër shtetasve serbë, i cili supozohet se ka “thyer rrjetin e spiunazhit”.

 Në lajmet e  agjencisë serbe "Tanjug", megjithatë, nuk thuhet se si kanë vepruar saktësisht katër të arrestuarit, çfarë kanë bërë dhe në favor të cilit shtet të huaj.

 Gazetari Vuk Cvijiq thotë se lajmet e publikuara i kujtojnë diktaturat komuniste ku të papërshtatshmit thjesht do të zhdukeshin me një shpjegim të prerë nga autoritetet, transmeton N1.

Predrag Petroviq, një ekspert në Qendrën e Beogradit për Politikat e Sigurisë, paralajmëron se BIA po sillet gjithnjë e më shumë si një polici politike. Ku? Kur? OBSH? Si dhe pse? 

Nuk dimë asgjë nga lajmet se BIA ka arrestuar katër shtetas serbë për spiunazh. Ish-drejtori i Agjencisë për Siguri Ushtarake(BBV), Momir Stojanoviq, në profilin e tij në Facebook ka bërë të ditur se arrestimi ka ndodhur në Arandjelovac dhe se ka të bëjë me zbardhjen e vjedhjes në zgjedhje.

 “Ju akuzoheni se keni dhënë të dhëna në Europol për blerjen e votave në atë qytet në zgjedhjet e fundit republikane”, ka shkruar ai. Momir Stojanoviq nuk ka dashur të flasë për gjetjet e tij për N1.

Vuk Cvijiq, gazetar i së përjavshmes së sapoformuar Radar, thotë se arrestimet e fundit janë të ngjashme me ato të dy aferave të mëdha – Krushikut dhe Jovanjicës. 

 “Fatkeqësisht, përmes shembujve se si vepron shërbimi sekret, shohim se është plotësisht nën kontrollin e partisë në pushtet dhe në shërbim të saj. Ajo arreston sinjalizuesin Aleksandar Obradoviq nga Krushiku. Ai e arreston për ta frikësuar. “Ai po ndjek ilegalisht inspektorin Milenkoviç, i cili ekspozoi plantacionin e marijuanës Jovanjic,” tha Cvijiq. Aleksandar Obradoviq, një sinjalizues nga Krushiku, i cili ekspozoi në vitin 2019 se babai i ministrit Nebojsha Stefanoviç dhe tregtarë të tjerë përfitonin nga tregtia e armëve ndërsa fabrika po humbiste para, u arrestua nga BIA.

 “Gjithçka është e mundur në vendin e Serbisë, duke përfshirë edhe atë që një person mund të jetë në paraburgim për 20 ditë dhe askush nuk di asgjë”, tha Obradoviq. 

 “Është e njëjta gjë me shembullin e fundit dhe mendoj se është një tjetër e metë në shërbimin serb, ku të gjithë kritikët e qeverisë e vënë atë nën akuzat për luftë kundër armiqve të brendshëm”. 

Dhe kjo është një karakteristikë e regjimeve autoritare”, shtoi Cvijiq. 

 Në vitin 2019, Predrag Petroviq nga Qendra e Beogradit për Politikë të Sigurisë paralajmëroi në një studim të gjerë se BIA po merrej me akuza – armiq të brendshëm. 

Tani ai thotë se në rastin e arrestimit të katër shtetasve për spiunazh të dyshuar, publiku duhet të marrë më shumë informacion. 

“Mund të konkludojmë se ky është një rast tjetër i frikësimit”. “Ne kemi një numër në rritje të rasteve në të cilat BIA vepron si një polici klasike e fshehtë politike, ku ushtron presion mbi njerëzit që mendojnë në mënyrë kritike për qeverinë aktuale”, thotë Petroviq. 

 Predrag Petroviq përmend shembullin e Konstantin Katic, një anëtar i Partisë Popullore, i cili u mor në pyetje dhe u torturua nga BIA në aeroport në vitin 2021 për shkak të një postimi në Twitter.

Hakif Bajrami: Adem Demaçi kërkoi të shuhen partitë, të mbetet vetëm UÇK-ja

 

Ilustrim

Prof.Dr.Hakif Bajrami, ish-bashkëpunëtor i  ngushtë i veprimtarit Adem Demaçi, ka thënë se  Adem Demaçi ka kërkuar që partitë në Kosovë të shuhen, për t’u bashkuar me Ushtrinë Çlirimtare të Kosovës. 

 “Posa Jugosllavia e tretë filloi me krime më të mëdha, Adem Demaçi na tuboi të gjithëve që ishim rreth tij dhe u deklarua se ‘më partitë nuk kanë kurrfarë funksioni, të gjithë duhet të kyçemi në Ushtrinë Çlirimtare të Kosovës’, e cila doli publikisht më 27 nëntor 1997”, tha Bajrami për Info Magazine të Klan Kosova. 

Akademik  Bajrami tha se Adem Demaçi, para shumë diplomatëve dhe gazetarëve të huaj, e paraqiti UÇK-në në mënyrë të dinjitetshme.

Akademik Prof.dr.Hakif Bajrami,tash

 “Posa ke hy në zyrën e Adem Demaçit, çdo gazetar e ka fotografuar Kartën e Kombeve të Bashkuara. 

Adem Demaçi aty ka pritur dhjetëra diplomatë duke filluar nga Hoolbroku e deri tek diplomatët evropianë, e ka prezantuar në mënyrë të denjë luftën e UÇK-së, e cila na ishte imponuar, sepse ne nuk kemi pas përtej trojeve tona ku të shkojmë. 

Në asnjë mënyrë Adem Demaçi nuk ka propaganduar më pak se liri e më shumë se bashkim kombëtar”, u shpreh ai.

Flori Bruqi

Urime Dardani 16 vjetori i pavarësisë !

 

Flori Bruqi

Në Kosovë, përmes ngjarjeve të ndryshme po shënohet 16-vjetori i shpalljes së pavarësisë së Kosovës. Krerët shtetërorë kanë falënderuar aleatët dhe partnerët ndërkombëtarë për kontributin e tyre për çlirimin dhe pavarësinë e Kosovës.

Presidentja e Kosovës, Vjosa Osmani, gjatë fjalimit në seancën solemne të Kuvendit, tha se miqtë ndërkombëtarë ishin me Kosovën në gjithë rrugëtimin, nga koha kur shqiptarëve u mohohej çdo e drejtë, te shpallja e pavarësisë e deri më sot.

“Ndër këto aleanca, aleanca jonë me Shtetet e Bashkuara të Amerikës qëndron si shtylla më e fuqishme e shtetësisë sonë”, tha Osmani.

Gjatë fjalimit, Osmani përmendi edhe ngjarjen e 24 shtatorit, kur një grup i armatosur serbësh sulmuan policinë e Kosovës, duke vrarë zyrtarin Afrim Bunjaku. Gjatë përleshjeve në Banjskë të Zveçanit, u vranë edhe tre sulmues serbë.

Kosova e fajëson Serbinë për sulmin, por Beogradi mohon se ka gisht në të.

Osmani tha se “prezenca ushtarake e policore e Serbisë në Kosovë ka përfunduar një herë e përgjithmonë në qershor më 1999”.

Ndërkaq, kryeparlamentari Glauk Konjufca, tha se pa miqtë ndërkombëtarë, rruga e Kosovës drejt pavarësisë “do të ishte e pamundur”.

Gjatë seancës, kryeministri i Kosovës, Albin Kurti, sërish akuzoi Serbinë se qëndron prapa sulmit në Banjskë, teksa përsëriti se Beogradi po refuzon të nënshkruajë Marrëveshjen drejt normalizimit të raporteve, të arritur vitin e kaluar.

Blinken: Dialogu, e vetmja rrugë përpara për Kosovën e Serbinë

 

Sekretari amerikan i Shtetit, Antony Blinken, tha se dialogu mes Kosovës dhe Serbisë, që ndërmjetëson Bashkimi Evropian, është rruga e duhur dhe e vetme për dy vendet që të lëvizin përpara.

“Po bëjmë gjithçka të mundur për t’i mbështetur ato”, tha ai.

Kryediplomati amerikan i bëri komentet në një konferencë për gazetarë me kryeministrin e Shqipërisë, Edi Rama, të enjten në Tiranë.

Ai tha se SHBA-ja do të punojë edhe me “Shqipërinë dhe të tjerët” për t’i ndihmuar Kosovën e Serbinë që të avancojnë drejt normalizimit të marrëdhënieve.

Shtoi se vendi i tij e di se çfarë ka ndodhur në rajon 30 vjet më parë, ndaj “nuk mund të ketë përsëritje të saj”.

“Për këtë arsye jemi të angazhuar t’i mbështesim të gjitha përpjekjet për të çuar përpara integrimin e gjithë Ballkanit Perëndimor”, tha Blinken.

Blinken nuk iu përgjigj pyetjeve të gazetarëve për një vendim të autoriteteve në Kosovë, që ndaloi përdorimin e dinarit serb në vend, pas më shumë se dy dekadash.

Duke shprehur shqetësim për komunitetin serb në Kosovë, që prej vitesh merr pagesa të ndryshme në dinarë nga Serbia, SHBA-ja i kërkoi Qeverisë së Kosovës që ta tërheqë atë, por kjo e fundit nuk u zmbraps.

Ambasadori amerikan në Kosovë, Jeffrey Hovenier, tha të enjten se vendimi për dinarin “e ka ndikuar cilësinë e marrëdhënieve” mes SHBA-së dhe Kosovës.

Ngjashëm tha një ditë më herët edhe ndihmësi i sekretarit amerikan të Shtetit, James O’Brien.

Rama, duke folur përkrah Blinkenit, tha se autoritetet e Kosovës nuk duhet të marrin asnjë hap pa u koordinuar me SHBA-në.

“Veprimet që nuk konsultohen dhe koordinohen mund të sjellin ndonjë votë, por nëse politika e jashtme kthehet në instrument të politikës së brendshme, nuk fitohet e ardhmja”, tha kryeministri shqiptar.

Sipas tij, SHBA-ja është “mbështetëse e palëkundur e procesit të njohjes përfundimtare të Kosovës dhe të përmbushjes së subjektivitetit ndërkombëtar të saj”.

“Është mirë që shqiptarët kudo që janë, duke nisur nga ata në Kosovë, të mos harrojnë asnjëherë se pa SHBA-në s’do të kishte shtet të pavarur të Kosovës”, tha Rama.

Ngjashëm, edhe ai i dha mbështetje dialogut mes Kosovës dhe Serbisë dhe tha se pa mbështetjen dhe besimin e aleatëve strategjikë “e ardhmja bëhet shumë më e largët dhe e tashmja shumë më e ndërlikuar”.

Blinken, po ashtu , tha se Shqipëria është një forcë e stabilitetit rajonal dhe u zotua se SHBA-ja do të vazhdojë ta ndihmojë atë në rrugëtimin e saj drejt anëtarësimit në BE./EL/

Mediat e huaja për vizitën e Blinken: Shqipëria, partneri kyç i SHBA në Ballkan!

 

Një vizitë që synoi riafirmimin e marrëdhënieve me një partner kyç në rajon dhe garantimin e vendeve të Ballkanit Perëndimor për mbështetjen e plotë të Washingtonit në rrugën e tyre drejt integrimit europian: kështu po përshkruhet në media të huaja ndalesa e sekretarit amerikan në Shqipëri, një pjesë e të cilave e shohin edhe si tentativë për të forcuar rolin kritik të vendit tonë në politikën e jashtme të SHBA-së në kohën më të trazuar në rajon prej dekadash të tëra.

“Kjo është një vizitë që do të përqendrohet në të ardhmen, të ardhmen e Shqipërisë, të ardhmen e Ballkanit Perëndimor,” deklaronte zëvendës Ndihmës Sekretarja kryesore e Shtetit për Evropën dhe Çështjet e Euroazisë, Yuri Kim në një konferencë të Departamentit të Shtetit në prag të rrugëtimit të Blinkenit fillmisht në vendin tonë, e më pas në Gjermani.

Një diplomat i lartë me njohuri eksperte për rajonin tha për Fox News Digital se burime të besueshme pretendojnë se probabiliteti i konfliktit në Ballkanin Perëndimor këtë vit është shumë i lartë. Presidenti rus Vladimir Putin dhe ai serb Aleksandar Vuçiç kanë në pikëpyetje Kosovën, Bosnjën, Malin e Zi dhe Maqedoninë e Veriut.

Shtetet e Bashkuara me shumë gjasa e dinë këtë, pretendon diplomati, cka sipas tij, shpjegon edhe grumbullimet e aseteve ushtarake dhe shitjen e pajisjeve ushtarake për Kosovën. Ka qenë një periudhë veçanërisht e vështirë për Ballkanin Perëndimor dhe shumë vëzhgues në rajon besojnë se rajoni është edhe një herë në prag shpërthimi.

Shtetet e Bashkuara, kujton media e njohur amerikane, krijuan një seli operative në Shqipëri në vitin 2022 si një bazë vendase për operacionet në Ballkan dhe mund të ndihmojnë Shqipërinë dhe aleatët e tjerë në rajon kundër ndikimit dhe dezinformimit rus. Rusia ka qenë veçanërisht aktive edhe në Mal të Zi, ku Moska synonte të minonte ofertën e vendit të vogël për t’u bashkuar me NATO-n dhe për t’iu afruar Europës.