Donald Trump do paguajë 354.9 mln dollarë, shpallet fajtor për mashtrim

Donald Trump u shpall fajtor për mashtrim nga një gjykatë e Nju Jork këtë të premte. Ish-presidenti do të paguaj më shumë se 350 milionë dollarë, ndërsa I është ndaluar që të veprojë si drejtues I kompanisë së tij në këtë shtet për më shumë se tre vite. Fajtor u shpallën dhe dy djemtë e tij, të cilët u gjobitën me 4 milionë secili si dhe u bllokuan që të mabjën detyrat e drejtuesve të kompanisë për dy vite. Po ashtu trupi gjykues vendosi që ish-presidentit si dhe Organizatës e tij Trump së bashku me të gjitha filialet t’i ndalohet dhënia e kredive nga bankat apo dhe çdo institucion tjetër financiar të autorizuar brenda shtetit të Nju Jorkut. Trump dhe dy djemtë e tij u gjetën fajtor pasi, sipas prokurorisë, wpr shumw vite mashtruan bankat nwpwrmjet deklaratave finaiciare ku rrisnin artificialisht vlerat e pronave të tyre. Gjyqi u shoqërua me tensione, sipas BBC, pasi Trump dhe avokatët e tij mbajtën qëndrim agresiv ndaj gjyqtarit të çështjes, me argumentin se po mbante qëndrime politike. Ky vendim I gjykatës shënon fundin e një jave të ngarkuar për Donald Trump, I cili po përballet me disa çështje në gjykata të ndryshme.