Ujërat e detit në Shëngjin janë rikthyer aty ku ishin më parë.
Këtë e dëshmojnë objektet të cilat tashmë janë mbuluar sërish nga uji.
Superzbatica e cila ndodhi ditën e ekuinoksit pranveror, tërhoqi vëmendje të madhe, pasi deti u tërhoq me rreth 20 metra, fenomen që nuk kishte ndodhur prej 50 vitesh.
Ka ditë që mediet raportojnë për tërheqje të detit në Gjirin e Shëngjinit dhe Gjirin e Vlorës.
U aludua për shumë teori, por një përgjigje shkencore ne e kërkuam tek Instituti i Gjeoshkencave.
“Është një fenomen që ndodh herë pas here. Në disa raste forcat bashkëvepruese ndërmjet Hënës dhe Tokës ndryshojnë për arsye të caktuara dhe kjo pasqyrohet në një vlerë më të madhe të tërheqjes ose avancimit të detit në drejtim të tokës”, thotë Ibrahim Milushi, Përgjegjës i Departamentit të Gjeologjisë në Institutin e Gjeoshkencave.
Absolutisht nuk ka asnjë rrezik për cunam. Në rastin e detit Adriatik që mund të konsiderohet I mbyllur, këto batica janë deri në disa centimetra, le të themi 30-40 centimetra dhe jo më shumë. Në disa zona p.sh. në Kanada këto batica shkojnë nga 13-18 metra, pra baticat dhe zbaticat atje kanë lartësi jashtëzakonisht të madhe.
Deti në Shëngjin dhe Vlorë është tërhequr maksimumi deri në 15 centimetra. Deti do të shkojë në nivelin e mëparshëm pas 24 orë e 50 minuta. Pra nuk ka asnjë arsye për alarm apo panik tek njerëzit.
Nisja e një misioni paqeruajtës në Ukrainë do të shkaktonte përplasjen e menjëhershme të Rusisë me NATO-n, paralajmëron ministri i jashtëm rus Sergei Lavrov.
Ishte Polonia ajo qe njoftoi se do të paraqesë zyrtarisht një propozim të tillë në samitin e aleancës veri-atlantike, por Moska kërkon t`ia frenojë hovin.
“Shpresoj që ta kuptojnë se për çfarë po flasim këtu. Do të ketë përplasje direkte mes forcave të armatosura ruse dhe atyre të NATO-s, një gjë kjo të cilën të gjithë janë munduar ta shmangin”, tha Lavrov.
Komentet e Lavrovit erdhën pasi zëdhënësi i Kremlinit, Dmitry Peskov e quajti idenë e Polonisë si “të pakujdesshme e jashtëzakonisht të rrezikshme”.
“Çdo konfrontim i mundshëm mes trupave tona dhe forcave të NATO-s do të ketë pasoja të cilat do të jetë e vështirë të riparohen”, ishte komenti i tij.
Mediat e huaja njoftojnë sakaq se në përpjekje për të frenuar dezertimet në masë, presidenti Putin ka dhënë urdhër të aktivizohen ekipet e ekzekutorëve që do të qëllojnë pa paralajmërim çdo ushtar që largohet nga lufta në Ukrainë.
Moska priste një fitore të shpejtë në Ukrainë, po dështimet e vazhdueshme po e acarojnë lidershipin rus, dhe po i bëjnë më të pamëshirshme lëvizjet e tij.
Luftimet më të ashpra vijojnë në qendër të qytetit strategjik të Mariupolit, në ditën e 28 të luftës në Ukrainë.
Qeveria ukrainase thotë se rreth 100,000 civilë janë bllokuar atje pa ushqim, ujë apo ngrohje. Presidenti i Ukrainës, Volodymyr Zelensky tha se me gjithë vështirësitë, 7026 banorë të Mariupolit u shpëtuan të martën.
Ushtria e Ukrainës pretendon se trupat ruse janë “të demoralizuara” dhe zyrtarët rusë tani po përpiqen të rekrutojnë ish-ushtarë për t’iu bashkuar përpjekjeve të tyre të luftës. Zëdhënësi i presidentit rus Vladimir Putin, Dmitry Peskov ka refuzuar përjashtimin e përdorimit të armëve bërthamore. Në një intervistë për CNN, Peskov tha se kjo mund të ndodhë nëse vendi përballet me një kërcënim ekzistencial
Pentagoni e denoncoi si të pamatur deklaratën, duke theksuar se nuk është mënyra se si duhet të veprojë një fuqi bërthamore e përgjegjshme. Pentagoni thotë gjithashtu se forcat ukrainase po arrijnë të rimarrin tokën nga trupat pushtuese ruse, veçanërisht në jug të vendit.Në frontin diplomatik, Zelensky i ka përshkruar bisedimet me Rusinë si konfrontuese, por tha se, hap pas hapi, ato po ecin përpara.
18:33 Putin pëson tjetër humbje, vritet komandanti i lartë rus nga Ukraina
Një tjetër komandant rus u vra nga forcat ukrainase këtë të mërkurë. The Times shkruan se koloneli Alexei Sharov u vra duke luftuar me ushtarët ukrainas që po i rezistojnë pushtimit rus në qytetin e rrethuar bregdetar të Mariupolit . Ai ishte komandanti i Urdhrit të Gardës 810 të Brigadës Zhukov, një degë elitë e marinsave ruse e vendosur në Sevastopol. Sharov është koloneli i 5-të që vritet nga forcat ukrainase.
17:29 Putin dëshiron që vendet “jomiqësore” të paguajnë gazin me rubla
Presidenti i Rusisë, Vladimir Putin, ka njoftuar, më 23 mars, se shteti i tij do të kërkojë që vendet “jomiqësore” të paguajnë për eksportet e gazit natyror rus vetëm me rubla, prej tash e tutje. Putin ka thënë, gjatë një takimi me zyrtarë qeveritarë, se “një numër vendesh perëndimore kanë marrë vendime të kundërligjshme për të ashtuquajturën ngrirje të pasurive ruse, duke kufizuar praktikisht besueshmërinë e valutave të tyre, duke minuar besimin për këto valuta”.
17:05 Biden, sanksione të reja mbi Rusinë: Do “çimentojmë” mbrojtjen e Europës Lindore
Presidenti i Shteteve të Bashkuara të Amerikës, Joe Biden, takohet me aleatët kryesorë në Bruksel dhe Varshavë këtë javë në vazhdën e përpjekjeve të perëndimit për të mos lejuar që lufta e Rusisë kundër Ukrainës të kalojë në një katastrofë edhe më të madhe. Biden druhet se Rusia mund të përdorë armë kimike ose bërthamore duke qenë se pushtimi i saj nuk po ecën sic e parashikonte Moska dhe është ndeshur me probleme të mëdha logjistike dhe një rezistence të ashpër ukrainase. Sfidat humanitare po rriten, gjithashtu.
16:56 Probleme në zemër, “zhduket” aleati i Putinit. Ҫfarë ndodhi me ministrin rus!
Krizën e Vladimir Putinit e thellojnë edhe më shumë raportet e fundit se aleati i ngushtë i tij, Ministri rus i Mbrojtjes Sergei Shoigu nuk është shfaqur më në publik prej ditësh, sic thuhet, për shkak të problemeve me zemrën. Në televizione, transmetohen pamje të vjetra të tij, sipas mediave opozitarë ruse. Shoigu ka reaguar për herë të fundit më 18 mars, ku tha se së bashku me Putin kishin diskutuar mbi atë qe e konsiderojnë operacion special në Ukrainë.Ndërkohë, bëri bujë lajmi se vajza e tij 31 vjecare Ksenia, është parë duke pozuar me ngjyrat e flamurit ukrainas, verdh e blu. Në fillimin e ofensivës ruse në vendin fqinj, Shoigu ishte shumë më i pranishëm, por burime nga rrethi i ngushtë i ministrit pohojnë se ai ka probleme shëndetësore.
16:49 Katër grupe të NATO-s do të vendosen në Evropën Lindore
Udhëheqësit e NATO-s kanë rënë dakort për vendosjen e katër grupeve të reja beteje në Evropën Lindore, në Sllovaki, Hungari, Bullgari dhe Rumani. Sekretari i Përgjithshëm i NATO-s, Jens Stoltenberg tha se NATO do të rrisë ekzistencën e saj, duke dyfishuar numrin ekzistues të grupeve luftarake, por pa u përfshirë në luftë.
15:00 Zelensky para parlamentit japonez: Kujton rrezikun e centraleve bërthamore nga rusët
Presidenti ukrainas, Volodymyr Zelensky gjatë fjalimit në parlamentin japonez përmendi për rreziqet nga sulmet ruse ndaj centraleve bërthamore me të cilat përballej vendi i tij duke ngritur shqetësime për Çernobilin. Në fillim të këtij muaji, ushtarët rusë hynë në zonën e Çernobilit dhe rrethuan perimetrin e termocentralit bërthamor.
14:00 The Guardian: Serbia, “kali i Trojës i Putinit” në Ballkan
Paqja në Ballkan është sërish e rrezikuar thotë the Guardian, e qeveritë e Bashkimit Europian, sipas të përditshmes së njohur britanike, duhet t’i kundërvihen ekzekutivit serb sa nuk është tepër vonë. Në analizën e bërë në artikull situatës në Europë, Serbia e Aleksandër Vuçiçit përshkruhet si “kali i Trojës së Putinit”.
13:49 Pentagoni: Ukraina po mbrohet me shumë zgjuarsi
Zëdhënësi i Departamentit të Mbrojtjes së SHBA, John Kirby u tha gazetarëve në konferencën e fundit se Ukraina ka mbrojtur pjesë të vendit “me shumë zgjuarsi, shumë shkathtësi, shumë kreative”. Kirby tha se forcat ukrainase kishin planifikuar kundërsulme dhe tani “po lëviznin në atë drejtim”.
13:50 Berlini propozon Plan Marshall për Ukrainën: Do ta rindërtojmë ne!
Gjermania po ndan fonde për një “Plan Marshall” për të ndihmuar rindërtimin e Ukrainës pas përfundimit të luftës, njoftoi Ministri gjerman i Financave Christian Lindner gjatë prezantimit të tij të buxhetit kombëtar për vitin 2022. Lindner njoftoi gjithashtu se qeveria do të paraqesë së shpejti një buxhet shtesë për të llogaritur masat e marra si reagim ndaj luftës, duke përfshirë këtu ndihmën ekonomike dhe hapat për të lehtësuar rritjen e çmimeve sidomos për produkte e shërbime bazë. Europa doli e shkatërruar nga Lufta e Dytë Botërore, e në vitin 1947, ishte në prag të urisë.
13:33 “Trupat ruse po tërhiqen”, Ukraina në kundërsulm Moskës i masakrohet lidershipi ushtarak
Moska e ka humbur “potencialin e saj sulmues” dhe po detyrohet të thërrasë përforcime nga “zonat e thella të Rusisë në mesin e tërheqjes nga betejat kryesore dhe dezertimeve të mëdha, thonë zyrtarë ukrainas. Në përditësimin e fundit të informacionit, ushtria e Ukrainës thotë se forcat e Moskës janë zbrapsur nga Makariv, një periferi e rëndësishme strategjike e Kievit, dhe falë veprimeve heroike të mbrojtësve të tij, mbi këtë qytet tani valëvitet flamuri ukrainas.
12:25 “Janë spiunë”, Polonia dëbon 45 diplomatë rusë/ Moska paralajmëron hakmarrje
Shërbimi polak i inteligjencës i kërkoi Ministrisë së Jashtme në Varshavë që të dëbojë dhjetëra diplomatë rusë, për disa prej të cilëve pretendon se punojnë për shërbimet sekrete të Moskës, por maskohen me aktivitetin diplomatik.
11:45 Deklarata e Peskov për luftën bërthamore, SHBA shton prodhimin e uraniumit!
Në mesin e kërcënimeve nukleare të Rusisë, në Shtetet e Bashkuara po propozohet ripërtëritja e prodhimit vendas të uraniumit. Rusia pasuron më shumë uranium se çdo vend tjetër në botë, thotë Wall Street Journal. Situata e krijuar pas pushtimit të saj në Ukrainë, ka ekspozuar brishtësinë e furnizimit global me karburant nuklear, që kontrollohet nga një numër i vogël njerëzish.
Miqtë e partneres së Vladimir Putinit, Alina Kabaeva i kanë kërkuar asaj të shkojë në Moskë për ta bindur presidentin rus që t’i japë fund luftës në Ukrainë. Në fillim të këtij muaji PageSix raportoi se presidenti rus dyshohet se ka fshehur të dashurën e tij dhe fëmijët e tyre në vendin neutral evropian. Kabaeva, fituese e medaljes së artë olimpike, thuhet se ka katër fëmijë, dy djem dhe vajza binjake me 69-vjeçarin, megjithëse të dy nuk e kanë konfirmuan kurrë zyrtarisht.
10:52 Kancelari gjerman: Rusia po dështon, ofensiva e Putinit ka ngecur
Forcat ruse po dështojnë në avancimin e pushtimit të Ukrainës pavarësisht bombardimeve të vazhdueshme të qyteteve dhe qytezave, thotë kancelari gjerman Olaf Scholz. Lufta, thotë Scholz, nuk po shkatërron vetëm Ukrainën, “por edhe të ardhmen e Rusisë”. Duke paralajmëruar Moskën për dënime të mëtejshme, ai thotë: Ne po forcojmë vazhdimisht sanksionet, por [masat] nuk duhet t’i dëmtojnë shtetet evropiane më shumë se udhëheqja ruse.
10:38 Bombardohet blloku i banesave në Rubizhne, vriten dy fëmijë
Tre persona, dy prej të cilëve fëmijë, janë vrarë nga një sulm rus në një bllok banesash në qytetin lindor të Rubizhne, thotë kreu i autoritetit ushtarak në Luhansk.
09:30 Shpallet armëpushim në Luhansk
Guvernatori i rajonit Luhansk në Ukrainën lindore tha se është arritur marrëveshja për një armëpushim lokal për evakuimin e civilëve të bllokuar nga luftimet. Guvernatori Serhiy Gaidai tha në Telegram se armëpushimi do të hyjë në fuqi në orën nëntë të mëngjesit sipas orës lokale.
08:57 Lufta në Ukrainë/ Arrihet marrëveshje për nëntë korridore humanitare
Marrëveshja për të tentuar evakuimin e civilëve të bllokuar në qytetet e Ukrainës përmes nëntë korridoreve humanitare është arritur këtë të mërkurë, tha zëvendëskryeministrja ukrainase, Iryna Vereshchuk. Duke sinjalizuar se nuk ishte arritur asnjë marrëveshje me Rusinë për të krijuar një korridor të sigurt nga qendra e Mariupolit, ajo tha se njerëzit që dëshironin të largoheshin nga qyteti port i rrethuar do të gjenin transport në zonën e afërt të Berdyanskit.
08:37 Si i mbijetoi mësuesja 27-vjeçare bombardimit të teatrit të Mariupolit
Të mërkurën e kaluar, një bombë ruse goditi një teatër në qytetin port të Mariupolit. Qindra civilë, kryesisht gra dhe fëmijë, ishin brenda ndërtesës pranë bregdetit, të fshehur. Maria Rodionova, një mësuese 27-vjeçare, kishte 10 ditë që jetonte në teatër pasi kishte ikur nga apartamenti i saj në katin e nëntë me dy qentë e saj. Atë mëngjes ajo kishte marrë disa mbetje peshku nga një kuzhinë në fushë për të ushqyer qentë e saj, por më pas kuptoi se ata nuk kishin pirë ujë. Kështu rreth orës 10:00, ajo lidhi qentë e saj në bagazhin e saj dhe u nis drejt hyrjes kryesore ku po krijohej një radhë për ujë. Një burrë erdhi nga pas dhe e shtyu me forcë atë në një mur, duke e mbrojtur me trupin e tij.
Mariupol ka qenë objektiv i sulmeve të vazhdueshme nga forcat ruse për shkak të pozicionit të tij strategjik përgjatë kufirit jugor të Ukrainës. Qyteti është bombarduar prej javësh tashmë. Një raport i Human Rights Watch i lëshuar të hënën e përshkroi qytetin si “një peizazh ferri i ngrirë i mbushur me trupa të vdekur dhe ndërtesa të shkatërruara”. Udhëheqësi ukrainas Volodymyr Zelensky tha se rreth një e katërta e popullsisë ose 100,000 njerëz janë ende të bllokuar në “kushte çnjerëzore”.
Kryeministri Edi Rama ka reaguar pas ndarjes nga jeta të ish-sekretares amerikane të shtetit Madeleine Albright.
Në një postim në rrjetet sociale, Rama thotë se është lajm i trishtueshëm , pasi ajo ishte gruaja që mbikqyri rrugën e lirisë së Kosovës.
“Lajm i trishtueshëm ndarja nga jeta e Sekretares së Shtetit, Madeleine Albright, gruaja që mbikqyri rrugën e lirisë së Kosovës #RESPEKT”, shkruan Rama në Facebook teksa ka vendosur foton e saj me Hashim Thaçin.
Madeleine Albright është ndarë nga jeta ditën e sotme në moshën 84-vjeçare. Ajo është cilësuar si “mike e shqiptarëve”, pasi ajo ishte në pozitën e Sekretares së Shtetit në kohën e luftës në Kosovë dhe kishte një rol vendimtar në organizimin dhe zhvillimin e Konferencës së Rambujesë, që rezultoi me ndërhyrje të NATO-s në Kosovë dhe ndërprerjen e dëbimit dhe vrasjeve të popullit të Kosovës dhe me lirinë e saj.
Flori Bruqi
Sipas revistës Time, Albright ishte “forca morale” që e shtyu NATO-n të hynte në veprim në Kosovë, duke motivuar një rol të ri botëror për aleancën në Mijëvjeçarin e Tretë.
Në fakt, siç thotë Madeleine Albright, tragjedia e popullit të Kosovo që u detyrua me dhunë të largohet nga vendi i vet është një “histori personale” nisur nga e vërteta se, siç e nënvizon në një artikull të botëruar në “Times” të Londrës, lidhur me spastrimin etnik ajo “di diçka”. Ka qenë pozicioni i saj prej “fajkoi” që e ka bindur Clintonin të urdhërojë bomardimet 78 ditore të NATOS, duke i shpërfillur raportet e shërbimeve inteligjente dhe të zyrtarëve të lartë të Pentagon për mundësitë e vogla të suksesit të sulemeve.
Madeleine Korbel Albright lindur me 15 maj 1937 -23mars 2022)- është femra e parë në postin e sekretarit të Shteteve të Bashkuara të Amerikës, politikane dhe diplomate amerikane. Madeleine Albright është ish sekretarja e parë femër dhe njëherit e 64-ta, e nominuar nga presidenti i atëhershëm Bill Clinton dhe e konfirmuar si e tillë nga senati me 99 vota për dhe 0 kundër. Ajo ishte në postin e sekretares së Shteteve te Bashkuara të Amerikës nga 23 Janari i vitit 1997 deri me 20 Janar te vitit 2001. Ajo ka kontribuar për lirinë e Kosovës gjatë viteve të veshtira të luftës dhe për ta shpërblyer Shteti i Kosovës e ka nderuar me Medaljen e Artë të Lirisë.
Përndryshe, ndër masat e gjëra shqiptare sidomos në Kosovë është e njohur për bisedën me Hashim Thaçin, në Rambuje.
Mikja e madhe e shqiptarëve, Madeleine Albright, ka vdekur në moshën 84-vjeçare.
Ajo vlerësohet se pati ndikim të madh për të bindur SHBA-në dhe botën për krimet serbe që po kryheshin në Kosovë nga ushtria dhe policia serbe.
Albright ka vizituar dy herë Kosovën, më 2005 dhe 2019. Më 2005, mbajti një fjalim në Kuvendin e Kosovës, ndërkohë më 2019, ishte e pranishme në ngritjen e bustit në nderim të saj.
Ajo shte gruaja e parë sekretare e shtetit të SHBA-së, e cila ndihmoi në drejtimin e politikës së jashtme perëndimore pas Luftës së Ftohtë.
Familja e saj ka bërë të ditur se Albright ka vdekur shkaku i kancerit dhe se në momentet e fundit ishte e rrethuar me anëtarët e familjes.
“Me zemër të thyer ju njoftojmë se Madeleine K. Albright, Sekretarja e 64-të e Shtetit dhe gruaja e parë që ka mbajtur atë postë, sot ka ndërruar jetë. Ajo kishte kancer”, shkruan në njoftimin e familjes në rrjetet sociale.
Mesazhi i Albright dhënë në vitin 1999 vendoset në pllakë, ish-sekretarja tregoi tri parimet që duhet të ketë parasysh Kosova.
Albright ishte një figurë qendrore në administratën e presidentit amerikan, Bill Clinton, ku së pari shërbeu si ambasadore e SHBA-së në Kombet e Bashkuara përpara se të bëhej diplomatja më e lartë e Amerikës në mandatin e dytë të Clintonit.
Ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik ndaj shqiptarëve dhe boshnjakëve gjatë viteve të 90-ta, ku u përpoq të reduktonte përhapjen e armëve bërthamore dhe mbrojti të drejtat e njeriut dhe demokracinë në të gjithë globin.
Clark, Albright e Clinton në Prishtinë
Ishte një fytyrë e politikës së jashtme të SHBA-së në dekadën midis fundit të Luftës së Ftohtë dhe Luftës kundër Terrorit të shkaktuar nga sulmet e 11 shtatorit 2001, një epokë e paralajmëruar nga presidenti amerikan, George H.W. Bush si një “rend i ri botëror”.
Me rastin e shënimit të 20-vjetorit të çlirimit të Kosovës, në Prishtinë u zbulua busti i ish-sekretares amerikane të Shtetit, Madeleine Albright.
SHBA, veçanërisht në Irak dhe Ballkan, ndërtuan koalicione ndërkombëtare dhe herë pas here ndërhynë ushtarakisht për të rikthyer regjimet autokratike, dhe Albright, një “idealiste pragmatike” e vetëidentifikuar që shpiku termin “multilateralizëm pohues” për të përshkruar politikën e jashtme të administratës së Clintonit – mori nga përvoja e saj duke u rritur në një familje që iku nga nazistët dhe komunistët në Evropën e mesit të shekullit të XX-të për të formësuar botëkuptimin e saj.
Madeleine Albright në Prishtinë
Madeleine Albright e shihte SHBA-në si “kombin e domosdoshëm” kur ishte fjala për përdorimin e diplomacisë të mbështetur nga përdorimi i forcës për të mbrojtur vlerat demokratike në mbarë botën.
Albright ishte Sekretare e Shtetit në periudhën 1997-2001, kur president i SHBA-së ishte Bill Clinton
Presidenti rus, Vladimir Putin, nuk është parë në publik që prej 5 marsit të këtij viti.
Ndërsa shumë pak informacione ka dhënë sekretari i tij i shtypit, Dimitri Peskov, i cili tha se nuk ka "asnjë arsye për t’u shqetësuar" dhe "çdo gjë është në rregull", transmeton Telegrafi.
Por, presidenti rus ka anuluar edhe një udhëtim për në Kazakistan, dhe kjo ka bërë që në internet të qarkullojnë fotografi të Putinit të vdekur.
Sapo të shkruani emrin e presidentit rus në kërkuese të Google, pas emrit të tij do t’ju shfaqet “i vdekur”, përkatësisht "Putin umer" (Putini ka vdekur). Kjo tani është bërë trend edhe në shtetin rus.
Kujtojmë se e njëjta gjë kishte ndodhur edhe me presidentin koreano-verior, Kim Jong-il dhe atij të Venezuelës, Hugo Chavez, ku së pari vdekja e tyre u bë e ditur nga qytetarët e vendeve përkatëse, pasi që autoritet shtetërore e mohuan këtë për një kohë.
Një numër kritikësh të profilit të lartë të Vladimir Putin kanë vdekur në rrethana të dhunshme ose misterioze. Këtu përfshihet Alexander Litvinenko, i cili u helmua në Londër pasi kishte pirë një filxhan çaji.Vrasja e Litvinenkos ndodhi në Britani. Mirror publikon listën dhe historitë e 16 personazheve që kritikuan hapur Putinin, një ish-nënkolonelë të KGB-së dhe ish-krerë të FSB-së para se të vdisnin.
Kujtojmë se zyrtarët ukrainas pretendojnë se kanë zbuluar një komplot ku është planifikuar helmimi i Putinin, ndërsa thuhet se edhe një pasardhës tashmë është zgjedhur, pasi sanksionet vazhdojnë të gjymtojnë ekonominë ruse. Në vitin 2018, u raportua se autoritetet e SHBA dhe Mbretërisë së Bashkuar po rishikonin vdekje të ndryshme të dyshimta të shtetasve rusë.
“Gjurmët e vdekjeve misterioze, që iu ndodhnin njerëzve që posedonin informacione që Kremlini nuk donte të bëheshin publike, nuk duhet të injorohen nga vendet perëndimore,” paralajmëroi komiteti i Senatit për Marrëdhëniet me Jashtë atë vit.
Ish agjenti i KGB-së, Alexander Litvinenko, një dezertor rus, u helmua me polonium radioaktiv-210 në Londër. Ai vdiq tre javë pasi kishte pirë një filxhan çaj të mbushur me substancën vdekjeprurëse. Pasi u largua nga FSB, e cila drejtohej nga Putin, ai kritikoi hapur agjencinë dhe e akuzoi atë për kryerjen e një serie bombardimesh në apartamente në vitin 1991 që lanë qindra të vdekur.
Ai gjithashtu akuzoi Putinin se urdhëroi vrasjen e Anna Politkovskaya, një gazetare ruse. Raporti zyrtar për vdekjen zbuloi se ai u helmua nga agjentët rusë Andrei Lugovoi dhe Dmitry Kovtun dhe arriti në përfundimin se urdhri për vrasjen e Litvinenkos ishte “ndoshta” nga vetë Putini.
Anna Politkovskaya
Anna Politkovskaya ishte një gazetare ruse, e cila në librin e saj “Rusia e Putinit” akuzoi Presidentin se e ktheu vendin në një shtet policor.
Ajo raportoi edhe për abuzimet në Çeçeni dhe ishte një kritike e hapur e Putinit. Ajo u vra nga vrasës me pagesë, të cilët e qëlluan me armë zjarri në një ashensor në ndërtesën e saj në vitin 2006. Pesë burra u dënuan për vrasjen e saj, por gjykatësi vendosi se ishte një vrasje me porosi, me 113,000 paund (150,000 dollarë) të paguara nga një person i panjohur”.
Putin mohoi çdo përfshirje të Kremlinit në vdekjen e saj, duke thënë se “vdekja e saj në vetvete është më e dëmshme për autoritetet aktuale si në Rusi ashtu edhe në Republikën Çeçene… sesa aktivitetet e saj”.
Denis Voronenkov
Ish-deputeti rus Denis Voronenkov, i cili ishte larguar në Ukrainë, u qëllua për vdekje në Kiev pak para se të dëshmonte kundër kryeministrit rus pro-Putin. 45-vjeçari, një ish-deputet i Partisë Komuniste në Dumën e Shtetit të Rusisë, u qëllua tre herë nga një person i armatosur dhe i paidentifikuar jashtë Premier Palace, një hotel luksoz në vitin 2017.
Në një intervistë, ai e krahasoi Rusinë moderne me Gjermaninë naziste dhe tha se aneksimi i saj i Krimesë nga Ukraina në 2014 ishte “ilegale”.
Mikhail Lesin
Ish-ministri rus i shtypit Mikhail Lesin u gjet i rrahur për vdekje në një dhomë hoteli në Uashington në vitin 2017. Një raport konfirmoi se Lesin, i cili krijoi Russia Today (RT) vdiq nga “trauma e fortë në kokë”.
U raportua se ai po mendonte të bënte një marrëveshje me FBI-në para vdekjes së tij, në mënyrë që të shmangte akuzat për korrupsion. Ish-ministri i qeverisë ruse ishte më parë në qendër të rrethit politik të Rusisë dhe thuhet se ka qenë i informuar për shumë marrëveshje të brendshme dhe të vazhdueshme.
Ai ishte dikur ministër i shtypit i Putinit gjatë mandatit të tij të parë, përpara se të shkarkohej dhe të transferohej në SHBA. Në një artikull për vdekjen e tij, BuzzFeed citoi një agjent të FBI-së i cili tha: “Lesin u rrah për vdekje. Duket se këtu ka një përpjekje për të mbuluar këtë fakt për arsye që nuk mund t’i kuptoj.”
Boris Nemtsov
Boris Nemtsov, lideri i opozitës ruse u qëllua për vdekje para Kremlinit shtatë vite më parë. Nemtsov, atëherë një nga kritikët më të ashpër të Rusisë ndaj Putinit, në kohën e vdekjes së tij kishte organizuar mitingje të opozitës kundër përfshirjes ushtarake të Rusisë në Ukrainë.
Ai u bë zëvendëskryeministër dhe dikur u propozua si një kandidat i mundshëm presidencial – por ishte Putin që mori detyrën nga ish-presidenti Boris Yeltsin në vitin 2000. Vetëm disa orë pasi protestoi kundër luftës në Ukrainë, ai u qëllua nga një vrasës i panjohur jashtë Kremlinit. Putin mori “kontrollin personal” të hetimit.
Paul Klebnikov
Paul Klebnikov, një reporter investigativ amerikan dhe redaktor i Forbes Rusia u qëllua për vdekje jashtë zyrës së tij në Moskë në vitin 2004. Ai kishte shkruar më parë për korrupsionin në vend dhe kishte hetuar vazhdimësinë e rusëve të pasur, ndërsa Forbes publikoi një listë të njerëzve më të pasur të vendit.
Klebnikov u vra me armë nga një person që lëvizte me makinë, ndërsa thuhet se ishte vrasje me porosi.
Boris Berezovsky
Ai akuzoi Kreminin se qëndron pas vdekjes së Litvinenkos, përpara se të gjendej i vdekur në shtëpinë e tij në Berkshire në vitin 2013. Berezovsky u gjet i vdekur në banjën e tij me një lak rreth qafës.
Stanislav Markelov dhe Anastasia Baburova
Avokati kryesor i të drejtave të njeriut Stanislav Markelov u qëllua nga një person i armatosur i maskuar pranë Kremlinit në vitin 2009. Ai ishte i njohur për përfaqësimin e civilëve çeçenë të cilët kishin pësuar tortura nga ushtria ruse. Ditën që vdiq, ai sapo kishte mbajtur një konferencë duke protestuar për lirimin e një koloneli të ushtrisë që kishte vrarë një vajzë të re çeçene.
Ai gjithashtu kishte përfaqësuar gazetaren e vrarë Anna Politkovskaya. Gazetarja Anastasia Baburova, 25 vjeç, u vra pasi u përpoq t’i vinte në ndihmë. Autoritetet ruse thanë se një grup neo-nazist qëndronte pas vrasjeve dhe dy anëtarë u dënuan.
Sergei Magnitsky
Avokati Sergei Magnitsky vdiq në paraburgimin e policisë në nëntor 2009 pasi u rrah brutalisht dhe iu mohua kujdesi mjekësor. Ai kishte punuar për biznesmenin britaniko-amerikan Ëilliam Broëder, për të hetuar mashtrimin tatimor.
Kur ai dyshohet se gjeti prova që implikonin se policia qëndronte pas mashtrimit, ai u arrestua dhe u akuzua se e kishte kryer vetë atë vepër penale. Në vitin 2012, tre vjet pasi vdiq, ai u dënua për mashtrim tatimor.
Natalia Estemirova
Aktivistja e njohur e të drejtave të njeriut u rrëmbye jashtë shtëpisë së saj, në kryeqytetin çeçen, Grozny, dhe u qëllua për vdekje në vitin 2009. Trupi i saj u gjet në Ingushetia, në perëndim të Çeçenisë dhe kolegët thanë se ajo kishte punuar në raste “shumë të ndjeshme”. Gjykata vendosi se nuk kishte prova për përfshirjen e shtetit në vrasjen e saj, ndërsa zyrtarët rusë pretendojnë se ajo u vra nga një militant islamik, vendndodhja e të cilit nuk dihet.
51-vjeçarja kishte mbledhur prova për shkeljet e të drejtave të njeriut në Çeçeni që nga fillimi i luftës së dytë atje në 1999. Ajo kishte punuar më parë me Anna Politkovskaya.
Sergei Jushenkov
Jushenkov bashkëthemeloi partinë opozitare Rusia Liberale me biznesmenin e ndjerë Boris Berezovsky përpara se të qëllohej për vdekje në Moskë në prill 2003, jashtë banesës së tij. Katër burra u dënuan për vrasjen e tij.
Si bashkë-kryetar, ai kritikoi ashpër Kremlinin dhe një sërë legjislacionesh antidemokratike, si dhe luftërat e qeverisë në Çeçeni.
Yuri Shchekochikhin
Yuri Shchekochikhin, redaktor i Anna Politkovskaya në Novaya Gazeta, vdiq në vitin 2003 pas një sëmundjeje misterioze 16-ditore. Raportet zyrtare thanë se ai vdiq nga një ‘reaksion i rrallë alergjik’, por askush nuk shpjegoi kurrë se nga çfarë ishte alergjik.
Dokumentet e tij mjekësore u konsideruan të klasifikuara nga autoritetet ruse.
Yevgeny Khamaganov
Yevgeny Khamaganov, kryeredaktori i Daily Asia-Russia, vdiq në rrethana misterioze. Indeksi kundër censurës raportoi asokohe: “Sipas mediave lokale, Khamaganov u dërgua në spital më 10 mars për shkak të diabetit të tij, ra në koma dhe vdiq disa ditë më vonë.
“Disa raporte cituan spekulime se ai u shtrua në spital pasi u rrah nga disa persona të panjohur. Khamaganov ishte i njohur për artikujt kritikë ndaj politikave të qeverisë federale ruse.”, thuhej në raport.
Nikolai Andrushchenko
Nikolai Andrushchenko, i cili ishte i njohur për kritikat e tij ndaj Presidentit Vladimir Putin, vdiq pasi u rrah nga persona të panjohur në vitin 2017. Dy persona të panjohur iu afruan dhe i kërkuan dorëzimin e dokumenteve në hetimin e tij për shpërdorime detyre nga oficerët e policisë. Pas sulmit, ai nuk pranoi të denonconte në polici dhe u sulmua sërish disa ditë më vonë.
Gazetari, 73 vjeç, i cili bashkëthemeloi gazetën Novy Peterburg dhe bëri emër duke mbuluar të drejtat e njeriut dhe krimet, ra në koma dhe nuk u rikthye kurrë. Ai vdiq në spital pas një operacioni në tru.
Nikolay Alekseevich Glushkov
Kritiku rus në mërgim i Putinit u mbyt me një plumb qeni në shtëpinë e tij në New Malden, në Londrën Jugperëndimore, në mars të vitit 2018 nga një vrasës që u përpoq ta bënte sulmin të dukej si vetëvrasje.
Ai iu kishte thënë miqve se i kishte mbijetuar një tentative për ta helmuar më parë. Yuli Dubov, anëtari i fundit i mbijetuar i një grupi kritikësh të Putinit në Mbretërinë e Bashkuar, në një intervistë për Mirror tha se; “E gjithë historia e komunikimeve të Nikolait me botën e jashtme.....
Teoricienisti i konspiracionit Scrivener pretendon se “një person i cili mund të ekspozojë deklaratën e rreme është zhdukur shumë mirë” kur iu referua divorcit të Putinit në prill të vitit 2014.
Scrivener i cili gjithashtu pohon se vrasja e Abraham Lincoln ishte një punë e brendshme – vazhdon të pohojë se aftësia e Putinit për të folur gjermanisht ka ndryshuar shumë.
Gazetari i pavarur Jim Stone pretendon fotografi para dhe pas zhdukjes së Putinit tregojnë se është një njeri tjetër që udhëheq Rusinë.
Ai tha se Putini i ri ka një “kokë të rrumbullakët, hundë më të zymtë dhe më të shkurtër, buzë më të trasha, gojë më të madhe dhe një mjekër”.
Fotot e Putinit në rininë e tij tregojnë një ndryshim dramatik në pamjen e tij.
Por ka gjithashtu raporte që Putin në një moment ka pasur kirurgji plastike – megjithatë teoricienët e konspiracionit argumentojnë se kjo mund të jetë vetëm një mbulesë.
Vladimir Putin nuk ka qenë shumë i njohur kur presidenti rus, Boris Yeltsin, ka emëruar atë në pozitën e kryeministrit më 9 gusht të vitit 1999, çka ka rezultuar të ketë qenë pikë kthese për rritjen e tij meteorike në pushtet.
Mirëpo, disa vjet më herët, në vendin e tij të lindjes në Shën Petersburg, ai ka fituar vëmendjen e ligjvënësve lokalë, të cilët kanë dyshuar të kenë zbuluar një skemë të mashtrimeve në vlerë të disa miliona dollarëve dhe kanë akuzuar nën-kryetarin Putin për organizim të tij.
Kjo në fakt do të përbënte episodin e parë të një serie skandalesh dhe akuzave kundër Putinit, duke përmendur përfshirje në falsifikime, helmime, korrupsion, përvetësim dhe shumë akuza tjera.
Raportime të tilla mund të kishin ndikuar me vdekje politike për liderin e ndonjë shteti tjetër, mirëpo ato duhet se kanë formësuar pushtetin e Putinit.
Me ndihmën e mediave besnike lokale dhe kontrollin e partisë së tij në politikë, ai ka zhdukur shumicën e raportimeve, ndonëse disa prej tyre i ka shfrytëzuar për të forcuar pozicionin e tij.
Teksa Putin hyn në vitin e 21-të si president apo kryeministër i Rusisë, Radio Evropa e Lirë është rikthyer në 21 skandale potenciale, që e kanë lënë atë të padëmtuar.
1) Raporti i Marina Salye (1993)
Në fillim të viteve 1990, në kohën kur Shën Petersburgu është përballur me zvogëlim të sasisë së ushqimit, Putin ka qenë nën-kryetar dhe udhëheqës i komitetit të qytetit për marrëdhënie të jashtme ekonomike.
Ligjvënësja e Shën Petersburgut, Marina Salye, ka drejtuar një komision më 1993, që ka hetuar skemë të kthimit, për të cilën dyshohej se materiale në vlerë të miliona dollarëve janë transferuar jashtë shtetit, në këmbim të ushqimit që nuk ka arritur kurrë.
Raporti i Salye është larguar nga faqet zyrtare (ndonëse ende i qasshëm këtu) ngase në të bëhet thirrje për shkarkim të Putinit dhe zëvendësit të tij, Aleksandr Anikin.
2) Zgjedhjet e vitit 2000
Për dallim nga fitoret e tij të mëvonshme, zgjedhjet e para të Putinit kanë qenë me rezultat të ngushtë. Sipas të dhënave zyrtare, ai ka fituar atë kohë 53 për qind të votave, mjaftueshëm për të mënjanuar një raund të ri zgjedhor, kundër liderit të Partisë Komuniste, Gennady Zyuganov, që kishte dalë i dyti me 29.5 për qind të votave. Megjithatë, Moscow Times ka raportuar se ka gjetur vota të falsifikuara.
“Marrë parasysh se sa i ngushtë ka qenë rezultati, mashtrimet dhe abuzimet duket se kanë qenë vendimtare”, është thënë në versionin anglez të së përditshmes. Kryetari i Komisionit Qendror të Zgjedhjeve, Aleksandr Veshnyakov, pati mohuar ndonjë falsifikim të rezultatit. “Ne nuk kemi asnjë dokument serioz që vë në dyshim rezultatin”, kishte deklaruar ai atëbotë.
3) Fundosja e nëndetëses bërthamore (2000)
Nëndetësja bërthamore Kursk është fundosur në Detin Barents, si pasojë e një shpërthimi më 12 gusht të vitit 2000, apo rreth tre muaj psa mandatit të parë të Putinit. Ai është kritikuar pse ka vazhduar pushimet në Soçi, dhe është kthyer në Kremlin pesë ditë pas fundosjes. Boris Kuznetsov, avokati që ka përfaqësuar 55 prej 118 personave që kanë vdekur në këtë fatkeqësi, e ka përshkruar atë ngjarje si “gënjeshtrën e parë” të Putinit, dhe pikë kthese për Rusinë pas kohës sovjetike.
“Kur Kursk është fundosur, qeveria ka nisur ndërhyrjen përmes sistemit ligjor. Qeveria ka nisur të kontrollojë të gjitha mediat e mëdha. I gjithë procesi i minimit të demokracisë, në shumë aspekte, ka nisur aty”, ka thënë Kuznetsov për Radion Evropa e Lirë.
4) Kriza me pengje në teatër (Tetor 2002)
Militantët nga Kaukazi Verior kanë hyrë në teatrin e Moskës dhe kanë marrë si pengje, audiencën, aktorët dhe pjesën tjetër të stafit më 23 tetor të vitit 2002. Më shumë se 700 pengje janë shpëtuar pasi forcat speciale ruse kanë hedhur gaz toskik në teatër dhe kanë arritur të hyjnë më 26 tetor. Mirëpo më shumë se 130 pengje kanë vdekur, shumica prej tyre, si pasojë e efektit të gazit dhe problemeve tjera gjatë operacionit të shpëtimit.
Në dhjetor të vitit 2001, Gjykata Evropiane për të Drejta të Njeriut, ka vendosur në të mirë të 64 viktimave dhe ka urdhëruar Qeverinë Ruse t’i paguajë ata 1 milion euro si kompensim. Sipas gjykatës, autoritetet ruse nuk kanë planifikuar si duhet operacionin e shpëtimit.
5) Shpërthimi i Rusisë (2002)
Sulmi i përgjakshëm me bombë më 1999 ka qenë fokusi i librit "Shpërthimi i Rusisë", që është shkruar nga ish-zyrtari i Shërbimit Federal të Sigurisë (FSB), Aleksandr Litvinenko dhe historiani, Yury Felshtinsky.
I botuar më 2002, ky libër, pjesë të të cilit më vonë janë publikuar në të përditshmen, Novaya gazeta, akuzojnë FSB-në për organizim të bombardimeve për të arsyetuar luftën e dytë post-sovjetike në Çeçeni. Ky libër është i ndaluar në Rusi, pasi konsiderohet “material ekstremist”.
Një komision i pavarur që ka nisur punën më 2002 dhe është drejtuar nga zëvendësi i Parlamentit Shtetëror, Sergei Kovalyov, nuk ka gjetur të dhëna për akuzat që i janë ngarkuar qeverisë.
Anëtari i këtij komisioni, Sergei Yushchenkov është vrarë në prill të vitit 2003, derisa anëtari i komisionit, Yury Shchekochikhin, ka vdekur në situatë të dyshimtë në korrik të vitit 2003. Litvinenko ka vdekur në Londër më 2006 pasi është helmuar me substancë radioaktive.
6) Plagjiaturë (2006)
Instituti Brookings me bazë në Shtetet e Bashkuara ka nisur një raport në vitin 2006, në të cilën supozohet se Putin ka falsifikuar disa pjesë të tezës së tij të diplomës më 1997, në punimin, Mineralet dhe Burimet e Lëndëve të Para, si dhe Zhvillimi i Strategjisë për Ekonominë Ruse. Aty është thënë se ai ka falsifikuar 16 faqe nga 200 faqe sa ka i gjithë punimi.
Më 2018, ish-ligjvënësja ruse, Olga Litvinenko, ka thënë se teza është shkruar nga babai i saj, Vladimir Litvinenko, këshilltari akademik i Putinit, njëherësh rektor i një universiteti në Shën Petersburg.
Putini në anën tjetër nuk ka komentuar kurrë këto akuza.
7) Raporti për sulmin në shkollën në Beslan (2004)
Disa sulmues me armë zjarri kanë sulmuar një shkollë në Beslan, qytezë në rajonin kufitar me Çeçeninë, më 1 shtator të vitit 2004, duke marrë pengje më shumë se 1,000 nxënës dhe prindër. Rreth 48 orë më vonë, personeli i sigurisë ruse ka hyrë në shkollë pas dëgjimit të shpërthimeve. Të paktën 334 persona janë vrarë, shumica prej tyre fëmijë. Sipas autoriteteve, militantët kanë nisur shpërthimin dhe se granatat e nisura nga trupat ruse nuk kanë mundur të shkaktojnë zjarr. Mirëpo një hetim i pavarur nga eksperti për shpërthime, Yury Savelyev ka kundërshtuar këto qëndrime.
“Ne e kemi ditur për një kohë të gjatë se shërbimet e sigurisë duhen fajësuar për vrasjen e gjithë atyre pengjeve. Mirëpo Zyra e Prokurorit të Përgjithshëm refuzon të dëgjojë dëshminë e personave që kanë qenë aty”, ka thënë ai.
8) Gazpromi (2008 dhe 2014)
Raportimet e Boris Nemtsovit, që është vrarë më 2015 dhe Vladimir Milovit – të dy ish-zyrtarë qeveritarë, që ishin kthyer në kundërshtarë të Putinit – kanë tentuar të shpërfaqin korrupsionin në gjigantin e gazit natyror të kontrolluar nga shteti, Gazprom.
Në disa raporte të dokumentuara më 2008, Gazpromi është përshkruar si “projekt personal i Putinit”.
Në një tjetër raport të vitit 2014, që është fokusuar në shkallën e përdorimit të gazit nga banorët, është parë se shifrat janë rritur për 20 herë më shumë prej kur Putin ka nisur udhëheqësinë, dhe se paratë e fitura kanë shkuar për paga të fryra të stafit menaxherial në Gazprom.
Më 2012, në një shkrim personal në The Moscow Times, ekonomisti dhe autori, Anders Aslund, ka thënë se Gazpromi është një “sindikatë e krimit të organizuar”.
9) Pallati Gelendzhik (2010)
Më 2010, biznesmeni nga Shën Petersburgu, Sergei Kolesnikov, ka nisur një letër tek ish-presidenti, Dmitry Medvedev, duke treguar në detaje për një pallat në Detin e Zi, që dyshohej se po shfrytëzohej nga Putini. Kolesnikov ka pretenduar se ky projekt është financuar nga para të keqpërdorura, kur Putin ka pasur pozitë në udhëheqësinë komunale të Shën Petersburgut.
Fotografitë e asaj shtëpie më vonë janë publikuar në versionin rus të Wikileaksit. Ky ka qenë raporti i parë por jo edhe i fundit i një shtëpie luksoze që është thënë ta ketë shfrytëzuar Putini.
10) Dekada e Parë e Putinit (2011)
Një raport i Nemtsovit dhe Milovit më 2011, jo vetëm që ka dokumentuar dyshimet për korrupsion gjatë dekadës së parë të Putinit në pushtet, mirëpo ka paraqitur edhe ato që është thënë të kenë qenë rezultate: numri i popullsisë ka rënë për gjysmë milioni brenda vitit; është rritur pabarazia mes të pasurve, si dhe është zvogëluar fondi kombëtar për pensione.
“Tani ne e dimë përgjigjen e pyetjes ‘Kush është Putini?’ Putini është korrupsioni, censura, varësia në burime natyrore dhe pabarazia shoqërore”, është thënë në raport.
11) Jeta e një “skllavi” (2012)
Putini një herë kishte bërë shaka duke thënë se punon si “skllav” për popullin rus. Megjithatë në një raport nga Nemtsov dhe Milov, është thënë se ai mund të jetë skllavi “më i pasur” në botë. Orat e dorës me ar të bardhë, disa jahte dhe të paktën një aeroplan, janë vetëm disa prej përfitimeve të të qenit president, është thënë në raport.
“Më 2012 Putin ka deklaruar pasurinë e tij në vlerë të 3,661,765 rublave. Në mënyrë që të blejë koleksionin e tij me ora, që kanë vlerën e 22 milonë rublave, atij do t’i duhej të punonte pa ngrënë apo pirë për gjashtë vjet”.
12) Olimpiada në Soçi (2013)
Në një tjetër raport nga Nemtsov dhe Milov, është pretenduar se miliarda dollarët e ndarë për Lojërat Olimpike Dimërore të Soçit më 2014, janë vjedhur.
Sipas të dhënave, 30 miliardë dollarë janë vjedhur për këto lojëra.
“Përfundimi ynë nga kapitulli i parë i raportit është se gjatë përgatitjes për Olimpiadë, 25-30 miliardë dollarë janë vjedhur”, ka thënë Nemstov.
13) Fluturimi MH17 (2014-vazhdon)
Organizata hulmutuese britanike, Bellingcat, ka nisur të mbledhë të dhëna dhe të analizojë situatën pak pas rrëzimit të aeroplanit të kompanisë, Malaysia Airlines në lindje të Ukrainës në korrik të vitit 2014, duke lënë të vdekur të gjithë 298 personat në aeroplan.
Bellingcat ka treguar se si një sistem rus u është ofruar separatistëve në lindje të Ukrainës, dhe aeroplani është rrëzuar përmes një rakete.
Rusia ka mohuar të ketë pasur ndonjë rol në rrëzimin e aeroplanit me pasagjerë, duke ofruar shumë arsye tjera se pse ka mundur të rrëzohet aeropani, pavarësisht pse të gjitha janë kundërshtuar nga hetuesit.
Shumica e të dhënave të kësaj organizate për fluturimin MH17, janë konfirmuar nga një ekip i drejtuar nga holandezët, i cili ka gjetur se raketa që ka rrëzuar aeroplanin është nisur nga sistemi rus, Buk, i cili është dërguar dhe më pas kthyer mbrapsht në Rusi për një kohë të shkurtër.
13) Sistemi rus i pastrimit të parave (2014)
Një raport i Projektit për Raportim të Krimit të Organizuar dhe Korrupsionit, ka treguar se si kriminelët e organizuar dhe politikanët e korruptuar në Rusi kanë shpërlarë para në vlerë të 20 miliardë eurove, duke përdorur kompani jashtë vendit, llogari të rreme dhe banka të ndryshme.
Në lidhje me këto të gjetura, kjo Organizatë e ka shpallur Putinin më 2014 si “ Njeriun e Vitit për Krim të Organizuar dhe Korrupsion”.
15) Lufta në Ukrainë (2015)
Shkrimet e fundit të Nemtsvoit janë publikuar disa muaj pasi ai është qëlluar për vdekje në 27 shkurt të vitit 2015 në Kremlin. I kompletuar nga Ilya Yashin, dokumenti 65-faqësh, i quajtur, Lufta e Putinit, tregon detajet e marrjes së Krimesë nga forcat ruse në shkurt të vitit 2014 dhe pozicionimin e tyre për t’iu ndihmuar separatistëve për të luftuar në lindje të Ukrainës.
“Lufta frikacake që Putini ka nisur, do t’i kushtojë shumë vendit tonë. Ne do të paguajmë për këto aventura me jetët e ushtarëve tanë, me krizë ekonomike dhe izolim politik”, është thënë në raport.
Rusia ka mohuar përfshirjen në luftë, e cila ka lënë të vdekur rreth 13,00 persona, pavarësisht të dhënave se separatistët janë furnizuar vazhdimisht me armë dhe në mënyra tjera.
16) Hetimet për Litvinenkon (2016)
Aleksandr Litvinenko, ish zyrtar i FSB-së dhe kritik i Kremlinit, ka vdekur në Londër më 2006, si pasojë e helmimit me substanca radioaktive. Hetuesit britanikë kanë thënë se ai është helmuar me polonium-210, në një hotel në Londër, nga ish-zyrtari i FSB-së, dhe anëtari aktual i parlamentit rus, Dmitry Kovtun, që dikur ka qenë edhe zyrtar i KGB-së.
I nisur më 2016 nga gjyqtari i pensionuar britanik, Sir Robert Owen, hetimi për Litvinenkon ka gjetur se Putini dhe shefi i tij për spiunim në atë kohë, Nikolai Patrushev, “ka mundësi të kenë miratuar” helmimin e Litvinenkos. Para se të vdiste, Litvinenko ka shkruar një letër, duke akuzuar Putinin se ka dhënë urdhër për vrasjen e tij.
Ai po ashtu ka akuzuar Putinin edhe se ka dhënë urdhër për të vrarë gazetaren hulumtuese, Anna Politkovskaya, e cila është qëlluar për vdekje, më pak se dy muaj para vdekjes së Litvinenkos. Kremlini ka mohuar se Putini ka qenë i përfshirë në këto vdekje.
17) Raporti The McLaren (2016)
Një raport me dy pjesë nga avokati kanadez, Richard McLaren për Agjencinë Botërore Kundër-Dopingut, ka gjetur që më shumë se 1,000 garues rusë, në më shumë se 30 sporte kanë qenë në përfshirë në një “komplot institucional”, për të fshehur rezulatet pozitive të ilaçeve në periudhë pesëvjeçare.
Vitaly Mutko, atëbotë ministër për Sport dhe tani zëvendës-kryeministër, ka qenë i përmendur, mirëpo nuk ka pasur “të dhëna të drejtpërdrejta” se ai ka pasur njohuri për programin e dopingut. Putini nuk ka qenë i përfshirë në atë raport.
Pjesa më e madhe e materialit për këtë hetim është ofruar nga Grigory Rodchenkov, ish-udhëheqës i laboratorit rus kundër dopingut. Ai ka thënë për një dokumentar gjerman se Putin ka pasur njohuri për këtë program. Rodchenkov, që më vonë është konsideruar si “budalla” nga Putini, tani jeton në Shtetet e Bashkuara nën mbrojtje.
Dy zyrtarë tjerë rusë të zyrës anti-doping, Nikita Kamayev dhe Vyacheslav Sinyev, kanë vdekur në mënyrë misterioze më 2017.
18) Letrat e Panamasë (2016)
Bazuar në dokumentete ligjore dhe ato financiare të njohura si Letrat e Panamasë, miqtë dhe aleatët e Putinit, kanë përdorur një varg strukturash jashtë shtetit për të transferuar para në gjithë botën. Shoku i Putinit për një kohë të gjatë, Sergei Roldugin, ka qenë i lidhur me këto letra, përkatësisht me transaksione në vlerë të 2 miliardë dollarëve.
Putin ka mbrojtur shokun e tij, duke thënë se muzikanti “ka shpenzuar të gjitha paratë e fituara në botë dhe i ka sjellë në Rusi”. Ai po ashtu ka pretenduar se të ashtuquajturat Letrat e Panamasë kanë qenë një komplot i zyrtarëve të Qeverisë amerikane dhe agjencive të tyre të spiunimit.
19) Paratë e Putinit (2017)
Një raport i Projektit për Raportim të Krimit të Organizuar dhe Korrupsionit, dhe të përditshmes ruse, Novaya gazeta më 2017, ka thënë se rrethi i ngushtë i shokëve dhe familjarëve të Putinit ka pasuri në vlerë të 24 miliardë dollarëve.
Aty janë veçuar tre aleatë të ngushtë të presidentit rus: Mikhail Shelomov, Sergei Roldugin, dhe Pyotr Kolbin – që konsiderohet se kanë fituar pasuri në mënyrë të dyshimtë.
“Ata prentedojnë se nuk janë biznesmenë, nuk janë të njohur në publik dhe në disa raste ata kanë pak njohuri edhe për pasurinë që është e regjistruar në emrat e tyre”, është thënë në këtë hulumtim.
20) Migrimi i trurit (2019)
Secilën herë e më shumë rusët janë duke u larguar nga Rusia e Putinit. Të paktën ky ka qenë përfundimi në një raport të këtij vitit të përpiluar nga Këshilli Atlantik me bazë në Uashington, i cili është ndaluar në Rusi pasi është konsideruar si “kërcënim” për sigurinë e shtetit.
Në raport është gjetur se prej kur Putini është bërë president, nga Rusia janë larguar 1.6 deri në 2 milionë rusë, nga 146 milionë sa janë në total.
Aty është thënë se këtij procesi i ka kontribuuar edhe zogëlimi i shifrave të ekonomisë dhe rritja e presionit.
21) Shtypja e kundërshtarëve (2019)
Një raport i publikuar në prill të këtij viti, i titulluar "Të burgosurit politikë të Kremlinit: Agjenda Politike duke shtypur kundërshtarët", ka dokumentuar atë që është cilësuar si rritje e vazhdueshme e presionit ndaj fjalës së lirë, pasi numri i të burgosurve politikë në Rusi është rritur nga 50 në më shumë se 250 në katër vjetët e fundit.
Kremlini i Putinit “është edhe një herë i lidhur me ndalime të aktivistëve, kundërshtarëve të regjimit dhe minoriteteve”, është thënë në raport, duke shtuar se një fushatë e tij është ndihmuar nga “ndryshimet ligjore që janë të hartuara për të kriminalizuar veprimet e përditshmërisë”, siç janë protestat apo postimet në rrjetet sociale.
Ky raport është publikuar disa muaj para shtypjes së protesave, të cilat janë organizuar pasi kandidatëve të pavarur dhe atyre opozitarë nuk është mundësuar gara për zgjedhjet e Parlamentit të Moskës, në zgjedhjet që do të mbahen në muajin shtator.
Flori Bruqi
Web faqja “Zemra shqiptare.net” është një blog antishqiptar që editohet nga njëfarë ekstremisti dhe terroristi antishqiptar nga Shkodra, m...
