Prof.DR.PHD. Sali Berisha: Faktet dhe dokumentet e farsës elektroale do i çojmë në kancelaritë Europiane dhe Senatin dhe Kongresin e SHBA

Kreu i Partisë Demokratike, Sali Berisha, theksoi se do dërgohen dokumente të pakundërshtueshme për vjedhjen e këtyre zgjedhjeve në kancelaritë e Europës dhe Senatin dhe Kongresin e SHBA-së. Duke folur në konferencë për shtyp Kryedemokrati vëzhguesit ndërkombëtar të OSBE-ODIHR arritën në një vlerësim paraprak dhe në tërësi real. Ndër të tjera ai tha se narkoregjimi i Tiranës nuk mundet kurrë të përfitojë për kohë të gjatë nga kjo masakër zgjedhore që kreu. "Më shumë se kurrë kemi fakte dhe dokumente, më shumë se kurrë. Por fakti është se vëzhguesit ndërkombëtar të OSBE-ODIHR për çka unë përgëzoj misionin e ambasadorit Zannieri, i cili në kushte jo të lehta, arriti në një vlerësim paraprak, në tërësi do të thosha, real. Por natyrisht me ODIHR dhe OSBE, sikundër me të gjitha kancelaritë europiane, me senatin, kongresin dhe administratën e SHBA, ne në mbrojtje të votës së qytetarëve shqiptarë, do të kemi paraqitje dhe shkëmbime intensive mendimesh, dokumentesh dhe faktesh të pakundërshtueshme. Narkoregjimi i Tiranës nuk mundet kurrë të përfitojë për kohë të gjatë nga kjo masakër zgjedhore që kreu," tha Berisha. Kreu i Partisë Demokratike, Sali Berisha, gjatë konferencës për shtyp theksoi se raportet paraprake i kanë rrëzuar përtokë zgjedhjet e 11 majit në Shqipëri. Kryedemokrati gjithashtu dënoj aktet kriminale që kanë terrorizuar demokrate e demokratë, që kanë dorëzuar filmime, dokumente mbi dhunimin masiv të këtyre zgjedhjeve. Berisha theksoi se asgjë në botë dhe asnjë fuqi politike nuk do mund të fshehë të vërtetat e shëmtuara të grabitjes së zgjedhjeve nga narkoregjimi i Tiranës. Po ashtu ai ftoi demokratët të vazhdojnë misionin për rikthimin e votës së lirë. "Unë këtu shpreh vlerësimin tim për raportet paraprake, të cilat defakto në parimin më themelor ndërkombëtar dhe kombëtar të zgjedhjeve, atë të barazisë së palëve, i kanë rrëzuar përtokë zgjedhjet. Por natyrisht jo vetëm në këtë parim, ka patur probleme të tjera po kaq të rënda, edhe më të rënda. Zgjedhje të kapura nga organizata kriminale më të fuqishme të Shqipërisë dhe rajonit, të cilat disponojnë në kontot e tyre të nëndheshme, miliarda euro dhe që luftojnë këto zgjedhje për lëkurën e tyre, sepse siç e dini, i kisha garantuar dhe vazhdoj ti garantoj se ato me PD në pushtet, do të shpallen organizata terroriste, ç’ka do të thotë ligji do të jetë i tmerrshëm për to. Mos të kenë iluzion sepse ato janë bërë pengmarrës të demokracisë së një shteti dhe një kombi, me Edi Ramën. Në këtë kuadër dënoj me forcën më të madhe terrorin policesk, ndaj numëruesve dhe komisionerëve tanë. Kërkoj lirimin e menjëhershëm të vëzhguesit Luan Tollozhina. E gjithë ngjarja është një kurth policesk i organizuar kundër tij. Ai mbahet në burg vetëm si qëndrestar dhe mbrojtës i votës. Dënoj akte të tjera të falangave të krimit që kanë terrorizuar demokrate e demokratë, opozitarë dhe opozitare që kanë dorëzuar filmime, dokumente mbi dhunimin masiv të këtyre zgjedhjeve. Pra, ftoj demokratët dhe demokratet e mbarë opozitarët të vazhdojmë këtë mision, si misioni i të gjitha misioneve të një opozite, mbrojtjen, rikthimin e votës së lirë. Asgjë në botë, asnjë fuqi politike nuk do mund të fshehë të vërtetat e shëmtuara të grabitjes së zgjedhjeve nga narkoregjimi i Tiranës. Ata të cilët injorojnë se këto zgjedhje u grabitën, u plaçkitën në mënyrat më kriminale dhe antidemokratike, do të zhgënjehen më vonë, kur ne të kemi faktuar para çdo shqiptari dhe në çdo kryeqytet të Europës dhe botës, shëmtinë e kësaj farse elektorale," tha Berisha. Kreu i Partisë Demokratike, Sali Berisha, ka dalë në një konferencë për mediat duke folur mbi rezultatet e zgjedhjeve parlamentare. Berisha u shpreh se opozita po përgatit luftën e fuqishme për të mbrojtur votën e shqiptarëve. Kryedemokrati gjithashtu theksoi se çdo orë po sjell fakte nga masakra elektorale që ka ndodhur në zgjedhjet e 11 majit. Ndër të tjera ai shprehu mirënjohjen për komisionerët e PD-së që po kryejnë detyrën e tyre. "Mirëdita! Çdo orë që kalon, nxjerr fakte, dokumente shkatërrimtare për farsën elektorale të 11 majit të organizuar nga Toto Rina i Tiranës, Edi Rama. Por unë jam këtu para së gjithash, për të shprehur vlerësimin tim, për të gjithë ata komisionerë dhe numërues, vëzhgues të opozitës që në kushtet e një presioni të gjithëanshëm, në kufijtë e një terrorizmi shtetëror, por kryejnë detyrën e tyre dhe i ftoj ata ta kryejnë gjer në fund. Kjo është rruga më e mire për të mbrojtur votën e shqiptarëve, në kuptimin që ne jemi të detyruar, ligjërisht dhe me kushtetutë, të mbrojmë çdo votë të hedhur nga qytetarët shqiptarë. Por kjo është rruga gjithashtu për të faktuar para shqiptarëve dhe botës, farsën e paprecedentë që po kundërmon në të 4-anët, farsën elektorale që organizoi narkoregjimi i Tiranës me datën 11 maj të vitit 2025. Në këtë kuadër, Partia Demokratike dhe opozita po përgatit luftën e fuqishme për mbrojtjen e të drejtës së votës së shqiptarëve.," tha Berisha.

Masakra zgjedhore në Shqipëri ka hapur rrugën e instalimit të plotë të regjimit të “Maduros Europian”.

 

Zgjedhjet e 11 Majit në Shqipëri treguan se ishin një masakër e llahtarshme zgjedhore. Autokrati Rama, me gjysmën e qeverisë së tij në burg, me shpërdorime dhe vjedhje marramendëse të fondeve publike, me shpopullim të frikshëm të shqiptarëve që largohen me dëshpërim nga Shqipëria, fiton zgjedhjet me rritje të mandateve të tij parlamentare nga 74 në 80 +. Rama hapur sfidoi botën demokratike, duke deformuar dhe prishur zgjedhjet e lira dhe të ndershme, në funksion të mbajtjes së pushtetit të tij të korruptuar. Ai e përdori shtetin e kapur dhe mediat që kontrollohen prej tij për të deligjimituar procesin zgjedhor dhe duke e vënë regjimin Shqiptar kleptokratik të Edi Ramës në majën historike botërore që merr një mandat të katërt qeverisës me rritje të konsiderueshme. Kjo ka ndodhur në historinë botërore në Ishujt Komore, Ruanda, Bangladesh, dhe tani në Shqipëri. Me këtë veprimtari anti-demokratike dhe anti-kombëtare, Rama e vendos Shqipërinë poshtë standarteve të regjimeve më autokratike dhe feudaleske e klanore të Afrikës. Zgjedhjet në Shqipëri u manipuluan përpara ditës së zgjedhjeve. Makineria e shtetit dhe patronazhistët kishin bërë ndarjen e punës për të frikësuar dhe vënë në lëvizje gjithë administratën publike duke i intimiduar se do të humbisnin vendin e punës; të blerjes së votës atje ku presioni nuk bënte punë; të ndihmës që do të vinte nga grupet kriminale, të cilët do të vepronin për të mos humbur parajsën e tyre në pastrimin e parave dhe mbajtjen e kontrollit mbi drogën; për bllokimin e veprimtarisë së institucioneve ligj-zbatuese për të mos evidentuar shkeljet në procesin zgjedhor. Rama doli në këto zgjedhje pa asnjë platformë qeverisëse. I vetmi premtim i tij ishte që do ta integronte Shqipërinë në BE. Një premtim që nuk varej nga ai, për më tepër që standartet e vendit tregonin konsolidimin e narko-shtetit, sesa një përpjekje për një demokraci funksionale dhe shtet të së drejtës në Shqipëri. Ai u shpartallua në opinionin publik Shqiptar dhe u tregua i paaftë dhe pa vizion në studiot televizive, opozitare dhe jo-vetëm, përballë argumenteve të gazetarëve dhe analistëve të shkëlqyer, pa përmendur ndonjë rast dhe të talljeve për të ashtuquajturin projekt të tij europian. Paradoksi i këtyre zgjedhjeve ishte që populli nuk zgjodhi programin e detajuar të opozitës Shqiptare për rritjen e mirëqënies së tij por “pëlqeu” bufonin propagandistik; nuk pëlqeu rritjen e menjëhershme të pensioneve që do realizohej 100 ditët e para nga opozita, por zgjodhi premtimet e Ramës që këto rritje do bëheshin në fund të mandatit të tij; nuk zgjodhi frymën pro-biznes dhe uljen e taksave, por alternativën e Ramës për një shtet që kontrollon gjithcka. Anti-europianisti më i madh i para pak viteve dhe krijuesi së bashku me Vucic i një Ballkani të Hapur kundër Procesit të Berlinit, u bë pro-europian nga halli. Europianizmi i tij u evidentua kur nuk arriti dot të blinte influencë politike në Shtetet e Bashkuara të Amerikës. Ai e përdori Europën si rezultat i refuzimit të Washington-it për shërbimet e tij të korruptuara dhe lidhjet okulte me McGonigal, Deripaska, etj. Dhënia e territoreve shqiptare për “turizëm” më shumë kishte nxitur ndjenjën e përcmimit në botën politike sesa entuziazmin për ata që i përfitonin. Ardhja e strategut LaCivita për menaxhimin e fushatës së PD në Shqipëri dhe deklaratat e tij “ose kukull e Soros ose mik me Shtetet e Bashkuara”, e kanë detyruar Ramën në kërkim të një përkrahje europiane, që është akoma skeptike nga revolucioni i ideve dhe veprimit të Trump në arenën botërore. Sot, propaganda e sponsorizuar e Ramës në SHBA dhe Europë tregon entuziazmin për dështimin e MAGA-s në Shqipëri dhe mospranimin e ideve të Trump në Europë. Edhe këtë herë ai u përdor nga Sorosianët në luftën ndaj Trump. Masakra zgjedhore në Shqipëri ka hapur rrugën e instalimit të plotë të regjimit të “Maduros Europian”. Kjo gjë është e papranueshme për popullin Shqiptar dhe në qoftë se nuk reflektohet përpara këtij skandali do ta cojë Shqipërinë drejt një destabiliteti. Dënimi dhe distancimi i Europës nga kjo maskaradë elektorale është një domosdoshmëri për vetë vlerat europiane. Në qoftë se Europës i duhet të mbajë Edi Ramën për ta kthyer Shqipërinë një burg europian të emigrantëve, me projekte entuziaste të Melonit dhe laburistit Starmer, kjo është kundër interesave të demokracisë dhe popullit Shqiptar. Ne e refuzojmë këtë farsë politike dhe do të mbetemi besnikë të atyre vlerave europiane mbi të cilat është ngritur Europa e Bashkuar.

Beteja e Prof.dr.PHD Sali Berishës me George Soros ,një Goliat i kohës sonë....

Nëse ka diçka që përsëritet në mbarë historinë, është beteja mes të mirës ndaj të keqes, e të drejtës ndaj të padrejtës; triumfi i përkohshëm i të keqes dhe të padrejtës, dhe triumfi i fundëm dhe përfundimtar i të mirës dhe të drejtës. I pajisur jo me ushtri, as me fuqi financiare, por thjesht me “guralecin” e të vërtetës dhe besimit të palëkundur në dinjitetin njerëzor e sovranitetin kombëtar, Sali Berisha – një David i kohës sonë – sapo mposhti edhe zyrtarisht George Sorosin - një Goliat i kohës sonë, i pajisur gjer në dhëmbë me armaturën e korrupsionit politik global dhe abuzivizmit hormonal me pushtetin. Rrëzimi i dizenjimit “non grata” ndaj Sali Berishës nuk është vetëm një korrigjim diplomatik, por një akt gjykimi moral, që shpalos faqe botës shthurjen e elitave që përdorin shtetin për të ndëshkuar kundërshtarët e interesave dhe agjendave të tyre të errëta, siç ishte agjenda e shkëmbimit të kufijve, që synonte t’i rrëmbente Kosovës burimet minerale e hidrike e t’ia kalonte Serbisë, apo agjenda e Ballkanit të hapur, që synonte të vendoste hegjemoninë serbe në rajon. Tashmë jemi në aktin e fundit të kësaj beteje epike: kokëprerja politike e Goliatit. Brenda javës së parë të ardhjes në pushtet, Sali Berisha duhet të marrë dy vendime: 1. të shpallë George dhe Aleks Sorosin non grata – një akt konkret i një qeverie që nuk do të lejojë më asnjë dorë të huaj të shpërdorojë sovranitetin, të shndërrojë në armë gjyqësorin dhe të shkërdhejë resurset natyrore të vendit; dhe 2. të shpallë të paligjshëm fondacionin e tij oktapodik, si pjesë thelbësore e operacionit të "pastrimit të shtëpisë". Që do të thotë qartë dhe shkurt, se fitorja e 11 majit nuk duhet të jetë fundi i betejës, por fillimi i çlirimit institucional dhe moral të Shqipërisë nga rendi i Sorosit dhe kukullave të tij. Në këtë prizëm, përsëritja e përleshjes së Davidit me Goliatin nuk është as rastësi, as legjendë – është thirrje për veprim. Për veprim pa vonesë. Nëse ka diçka që përsëritet në mbarë historinë, është beteja mes të mirës ndaj të keqes, e të drejtës ndaj të padrejtës; triumfi i përkohshëm i të keqes dhe të padrejtës, dhe triumfi i fundëm dhe përfundimtar i të mirës dhe të drejtës. Kjo është çfarë i jep historisë kuptim dhe njeriut shpresë.

NGA FLORI BRUQI : AGIMET ILIISHTE

Cerekshekujt

në kurriz të maleve

lanë gjurmët  e kanoneve, 

     e ti

Dardani

u dole para

Agimëve të Mëdha

Kur trolli me nofullat e veta

kafshonte bijtë e tij

Dardani

u dole përpara relikteve

qindjvetëshe.

Kur Trolli pinte gjak

përtypte barot

fashonte plagën

pashë 

mes atij

ingranazhi 

Yje

Nën Yje

togun e pusirave

amësinë tënde

sfidojmë

të mbartim

si një Agim mbi mal.

Duke t'i fshirë me yje

muzgjet e hijeve

vezullim urojmë

brezave që vijnë

me tepritë e zellit

në cepat e yjëve!

*****

Prej gjakut e zemrës s'mund të dal,

siç u dogjën të tjerët s'dua të digjem

ç'donin ziliqarët në kopshtin e Edenit

mollën e Eridës në dorë që ma lanë

ditë pas dite prej zemërimit të përligjur

nga trishtimi

Zeusi s'e fal Prometheun

pa ia treguar fshehurisht intrigën,

dashuritë digjen e përvëlohen, 

sa fort

brenda çdo  ëndrre   vuan zemra vetë,

udhë u deshën që djajtë të risjellin

poshtërimin e zbritur nga Olimpi i lartë,

të lënë shtrëngatën... e të vrasë njerëzinë

edhe lotët kur djegin shpirtin së brendshmi

me ngjan se më hiqet i rëndi mallëngjim,

një këngë Ilirishte përftohet fshehtësirë

e vjen një kohë letargjie me gjemim....

***

Asgjë s'është   harruar

kanë ikur korbat e zijë para syve të mi.

As koha e mjegullt nuk është më

as besojnë se Trimi është kthyer

me një ferman si Skënderbeu

t'ia japë Adem Jasharit

para kullës  së  ne Prekaz

të ndodhë betimi.

Udhëkryqet pëshperisin

shtëpitë akomada digjen

kohë më kohë diçka ikën...

m'u  si  në kohën e Tahir Mehës, po aty në Prekazin e lashtë.

Ujë dua të pijë në Vraninë 

Në Krojet  e Osa Kukës.

Ndryshimi absurd  do e mund  edhe vdekjen

tek mbesin vetëm iluzionet

atdheu im s'më vret

në Vraninën    shekullore...

dhe martirët  edhe këtu  janë të shenjtë!

Rozhajë, maj 2025.