Selim Selimi ka thënë se Kosova në bashkëveprim të ngushtë me ShBA dhe BE, duhet të fillojnë konsultimet me kërkesën për procesin e përmbylljes së Gjykatës Speciale në Hagë.

 Ish-ministri i Drejtësisë nga Aleanca për Ardhmërinë e Kosovës, Selim Selimi ka thënë se Kosova në bashkëveprim të ngushtë me ShBA dhe BE, duhet të fillojnë konsultimet me kërkesën për procesin e përmbylljes së Gjykatës Speciale në Selimi ka shkruar në Facebook se ledhatimi evropian në Këshillin e Evropës ndaj arushes ruse në kurriz të së vërtetës sonë, e solli edhe ‘narativin’ e kërkesën e mbrojtjes e dëshmimin e vlerave tona perëndimore si shoqëri e shtet në kërkim të ‘drejtësisë’ dhe ‘ballafaqimit me të kaluarën’ - “pastrimin e luftës së drejtë e çlirimtare të UÇK-së nga elementet dyshuese për ‘krime lufte”.“E vërteta ishte dhe mbetet se duhej të plotësohen dëshirat e vullneti persekutues i Moskës dhe Beogradit që ishte adresuar kundër udhëheqësve të luftës sonelë çlirimtare. Ky çmim i “drejtësisë ruse” e jo i vlerave perëndimore duhet paguar nga Kosova, e për fabrikim të dëshmive kompetencat do t’i barte Moska e Beogradi. Këtë po e vërteton gjithnjë përmbajtja e akuzave në procesin gjyqësor të Hagës. Presidenca, Kuvendi dhe Qeveria e Kosovës duhet të fillojnë së vepruari e të inicojnë përpjekjet institucionale për ndryshimet ligjore të nevojshme me qëllim të përmbylljes së kësaj gjykate të fabrikuar në Moskë e Beograd. Në këto rrethana të reja është e pafalshme që Kosova të heshtë për këtë padrejtësi historike.

Kurtha dhe kompromisi mashtrues shumëpalesh me drejtësinë e agjendën e Putinit, në kurriz të së vërtetës sonë për luftën e udhëheqësit e UÇK-së në Gjykatën Speciale duhet të marrë fund. Pas shpërfëtyrimit agresiv e vrastar të Putinit e Rusisë në Ukrainë, miqtë ndërkombëtarë e kanë më të lehtë ta kuptojnë por edhe ta pranojnë mashtrimin, të vërteten dhe çmimin e padrejtësisë që Kosova sot po e paguan për llogari telë ‘drejtesisë e barazisë’, të kerkuar pikërisht nga Beogradi e Moska e Putinit. Lufta në Ukraine ka kthyer parimet e Nurembergut. Kjo luftë ka përmbysur konceptet e krimeve eventuale që i identifikon fituesin dhe humbësit”, ka shkruar ai, duke shtuar se atëherë kur cenohen vlerat progresive e të demokracisë, legjitimiteti vije mbi legalitetin. Në fund të fundit edhe intervenimi i NATO-s në Kosovë u bazua mbi legjitimitetin e jo mbi legalitetin.

.

Deri kur Evropa dhe Amerika toleron Serbinë e cila e ndihmon Rusinë, bëhët portë për udhëtim drejt Evropës.Evropa dhe USA duhet të futë në sankcione ekonomike dhe politike Qeverinë serbe dhe popullin e sajë!

 

Rusët po shfrytëzojnë një boshllëk të njohur si "dera e pasme serbe", për të ikur në Evropë dhe për të anashkaluar një ndalim në mbarë BE-në për fluturimet drejt dhe nga Rusia.Air Serbia, e cila është kryesisht në pronësi të shtetit, ka dyfishuar numrin e fluturimeve direkte nga Moska në Beograd në 15 brenda javës për të përmbushur kërkesën në rritje të shpejtë, pasi BE-ja ndaloi avionët dhe linjat ajrore ruse nga hapësira e saj ajrore, pas pushtimit të Ukrainës nga Rusia

Serbia nuk është anëtare e BE-së dhe ka refuzuar të vendosë sanksione kundër Rusisë, por avionët e saj janë të lirë të kalojnë hapësirën ajrore të BE-së. Kjo e ka bërë vendin ballkanik "të vetmin korridor ajror evropian të mbetur i hapur për Rusinë", sipas kompanisë analitike të udhëtimit ForwardKeys.

Kapaciteti i ulëseve të linjës ajrore midis Rusisë dhe Serbisë u rrit me 50% në javën e parë të marsit, krahasuar me javën përpara se tanket ruse të futeshin në Ukrainë, tha ForwardKeys. Kapaciteti është vendosur të rritet më tej në javët në vijim, sipas kompanisë.

"Ajo që është më e dukshme është shpejtësia me të cilën Serbia është bërë portë për udhëtimin midis Rusisë dhe Evropës," tha Olivier Ponti, nënkryetar i njohurive të ForwardKeys.

Rusët që mbërrijnë në Serbi po udhëtojnë për në Evropë, me destinacionet kryesore në vazhdim që janë Qiproja, Franca, Zvicra dhe Italia. Rusët po udhëtojnë gjithashtu në Mbretërinë e Bashkuar, Slloveni, Austri, Gjermani dhe Spanjë.

Del fotoja e “Fantazmës së Kievit”, makthi i aeroplanëve rusë

Piloti ukrainas

Para disa ditësh u publikua lajmi se në Kiev ekziston një pilot i cili është mbiquajtur ‘Fantazma e Kievit’ për shkak se ai është kthyer në tmerr për avionët armiq. Mjaft nuk e besuan dhe cilësuan këtë si një sajesë për të ngritur moralin e qytetarëve apo edhe ushtarëve.

Por ukrainasit insistojnë se Fantazma e Kievit është real dhe kanë publikuar një foto për të cilën pretendojnë se tregon pikërisht pilotin legjendar që ka rrëzuar dhjetë avionë rusë.

Ushtria ukrainase ndau imazhin e asit të supozuar të aviacionit, me një kërcënim që shënjestronte pilotët rusë, ku thuhej: “Përshëndetje, okupator, po vij për shpirtin tënd!”. Në foto, shihet një person në kabinën e një avioni luftarak MiG-29 – por fytyra e tij është e fshehur pas një maskë oksigjeni dhe syzesh të mëdha të zeza.

Piloti fantazmë i Ukrainës

I ashtëquajturi “Fantazma e Kievit” u kthye në simbolin e rezistencës ukrainase përballë pushtimit të Vladimir Putinit pasi zyrtarët e qeverisë ukrainase shpërndanë video të pilotit duke rrëzuar avionë të armikut. Pamjet supozohej se tregonin Mig-un e tij duke fluturuar përpara se të shkatërronte gjashtë avionë të Kremlinit në fillimin e pushtimit rus.

Por njëra nga videot u hodh poshtë më pas nga ekspertët, që thanë se pamjet në fakt ishin nga një videolojë e vitit 2008 Digital Combat Simulator.

Megjithatë, zyrtarët në Kiev vazhdojnë promovimin e pretendimeve të çuditshme se piloti pa emër ekziston vërtet – duke u përpjekur të grumbullullojnë sa më shumë mbështetje për rezistencën e tyre kundër pushtimit rus.

Zhvlerësimi i rublës do të rrisë më tej inflacionin në Rusi - duke dobësuar ekonominë ruse.“Tronditje e madhe për rusët”, sa para i kanë mbetur Putinit? Lufta po i kushton me shifra marramendëse

 

NGA: A.ZH 

Lufta e Putinit po i kushton mijëra jetë. Ai gllabëron shuma të mëdha parash çdo ditë, qoftë për karburant, tanke, raketa apo ushqim për ushtarët.

Në terma konkretë, çmimi i luftës për Rusinë vështirë se mund të llogaritet, thotë Marcus Keupp, një ekonomist ushtarak në Akademinë Ushtarake Federale në ETH. Vlerësimet variojnë nga 300 milionë dollarë në 1 miliard dollarë në ditë, shkruan srf.ch, përcjell Bota sot.

Putini ka tri vazo të mëdha parash

Por, Putini aktualisht mund të ketë në dispozicion mbi 900 miliardë dollarë: 

“Rusia ka tri vazo të mëdha parash. Një vazo janë rezervat valutore të bankës qendrore. Pastaj është Fondi Rus i Mirëqenies - një fond sovran i pasurisë i mbushur me para që Rusia ka grumbulluar nga biznesi i naftës. Më pas janë rezervat ruse të arit, të cilat janë rreth 130 miliardë”, thotë Keupp.

“Kjo tingëllon si shumë para, por për shkak të sanksioneve është shumë e vështirë për Rusinë të aksesojë këto vazo parash”, shton ai.

Biznesi i naftës financoi luftën

Sipas raportimeve të mediave, trupave ruse u mungon karburanti dhe sipas raportimeve të ndryshme të mediave, morali me sa duket po bie. Kjo nuk mund të verifikohet në mënyrë të pavarur. Ajo që është e qartë, megjithatë, është se Putini ende fiton shumë para falë biznesit të naftës, përcjell Bota sot.

Gazeta opozitare ruse "Nova Gazeta", vlerëson se rreth 200 miliardë dollarë derdhen në thesarin rus çdo vit përmes biznesit ndërkombëtar të naftës. Nëse do të kishte një embargo nafte, kjo do të kishte pasoja të mëdha për shtetin rus.

Sanksionet perëndimore po ndihen

Sipas shifrave të Zyrës së Statistikave Ruse më 9 mars, inflacioni në Rusi është aktualisht në 10.4 për qind. Trendi në rritje. Gjithashtu, norma bazë e interesit është rritur në 20 për qind. Rubla ka humbur 44 për qind të vlerës së saj që nga fillimi i luftës. "Kjo është një tronditje e madhe për ekonominë ruse," thotë Vasily Astrov, një ekonomist në Institutin e Vjenës për Studime Ekonomike Ndërkombëtare.

"Ka disa faktorë që sugjerojnë se Rusia po shkon drejt një recesioni të thellë: zhvlerësimi i rublës do të vazhdojë të nxisë inflacionin dhe rritja e normave të interesit nga banka qendrore ruse do të ketë gjithashtu pasoja negative të gjera për ekonominë ruse", thotë Astrov.

Është e vështirë të vlerësohet ndikimi në kohëzgjatjen e luftës

Dy ekonomistët nuk pajtohen në masën, në të cilën këta faktorë negativë ekonomikë mund të ndikojnë në kohëzgjatjen e luftës. Marcus Keupp supozon se gjoksi i luftës i Putinit nuk do të zgjasë aq gjatë sa mendojnë shumica. "Sigurisht që nuk është çështje muajsh. Kur shikoj sistemin bankar, kjo është çështje ditësh. Së shpejti do të fillojë një destabilizim i sistemit bankar”, thotë ai.

Sanksionet perëndimore janë një tronditje e madhe për ekonominë ruse.

Por, Vasily Astrov nuk e sheh kështu. Sipas tij, rezervat e shtetit rus janë solide, borxhi është shumë i ulët: "Mund të zgjasë shumë kohë", thotë ekonomisti me origjinë ruse

Ministri i Mbrojtjes në Republikën e Kosovës, Armend (Kadri) Mehaj,: Homazhet e Vulinit tek ‘Kasapi i Ballkanit’ duhet të jenë alarm për BE-në

Ministri i Mbrojtjes në Republikën e Kosovës, Armend (Kadri) Mehaj, është deklaruar pasi ministri serb, Aleksandar Vulin, i shoqëruar me me të rinjtë e partisë së tij ka bërë homazhe për kriminelin e luftës, Sllobodan Millosheviq.

Përmes një postimi në faqen e tij zyrtare në rrjetin social Facebook, Armend Kadri Mehaj ka thënë se ky veprim duhet të jetë alarm për Bashkimin Evropian dhe gjithë botën perëndimore demokratike.

“Kur një ministër i një qeverie të një shteti i cili aspiron në Bashkimin Evropian, nderon dhe glorifikon të bëmat e një krimineli, duhet të jetë alarm për qarqet politikëbërëse dhe vendimmarrëse të BE-së dhe gjithë botës perëndimore demokratike”, ka shkruar ai.

Sipas tij, ky është një provokim i orkestruar që nënkupton kërcënim ndaj Kosovës, Bosnje e Hercegovinës dhe Kroacisë

“Ky është provokimi i tij i orkestruar i radhës, që nënkuptohet kërcënim ndaj Kosovës, Bosnes e Kroacisë dhe popujve të tyre viktima të krimit të Serbisë së Millosheviqit, i cili përveç nga Vulin është lavdëruar edhe nga presidenti aktual i Serbisë, Vuçiq”, thuhet tutje në postim.

Mehaj është shprehur se është momenti i fundit për rreshtimin në anën e duhur të historisë, kërkim-falje dhe dënimin e kriminelëve serb.

Kryeministri i Kosovës, Albin KURTI : Vetëm një botë e bashkuar demokratike do ta ndalojë Putinin

 Kryeministri i Kosovës, Albin Kurti, në një bisedë që pati me ministrin e jashtëm të Austrisë, Alexander Schallenber, Përfaqësuesin e Lartë Ndërkombëtar në Bosnje e Hercegovinë, Christian Schmidt dhe zëvendskryeministrin e Malit të Zi, Dritan Abazoviq, ka ndarë pikëpamje në lidhje me gjendjen në Ukrainë.

Kurti ka thënë se vetëm të bashkuar mund të ndalet presidenti rus Vladimir Putin.

“Ne nuk duhet t’u dorëzohemi autokratëve askund dhe në çdo kohë. Vetëm një botë e bashkuar dhe aktive demokratike do të ndalojë Putinin dhe do të parandalojë despotë të tjerë në të ardhmen”, ka shkruar Kurti në Twitter.

Kurti është duke marrë pjesë në Forumin për Diplomaci që po mbahet në Antalia të Turqisë.

Arabia Saudite ekzekuton 81 burra në një ditë, për terrorizëm e “besime devijuese”

 

  

Arabia Saudite ka ekzekutuar të shtunën 81 burra, mes të cilëve shtatë jemenitë e një sirian, me akuza si terrorizëm apo “besime devijuese”, thanë autoritetet në ekzekutimin e parë masiv të mbajtur prej disa dekadash.

Numri i sotëm linte shumë prapa 67 ekzekutime të kryera në të gjithë mbretërinë në 2021 dhe 27 që u kryen në 2020.

“Këta individë, në një total prej 81, ishin dënuar për krime të ndryshme duke përfshirë vrasje të njerëzve të pafajshëm, grave e fëmijëve”, thuhej në një deklaratë të ministrisë së brendshme.

Mes krimeve të tyre ishin gjithashtu zotimi i besnikërisë ndaj grupeve të huajaj terroriste si ISIS, al-Kaeda apo Huthi në Jemen,” thuhej në deklaratë.

Disa prej tyre kishin udhëtuar drejt zonve të konfliktit për t’u bashkuar me “organizatat terroriste”, thuhej në deklaratën e ministrisë pa saktësuar mënyrën e kryerjes së ekzekutimeve.

Mes tyre përfshiheshin 37 qytetarë të Arabisë Saudite që ishin shpallur fajtorë në vrasjen e oficerëve të sigurisë në stacione ose automjete. Ekzekutimet nuk ishin publike.

Mbretëria ka ekzekutuar 63 njerëz brenda një dite në vitin 1980, një vit pas marrjes së kontrollit nga militantët të Xhamisë së madhe të Mekës, sipas raportimeve të mediave shtetërore.

Grupimet e të drejtave të njeriut kanë akuzuar Arabinë Saudite për ligje të padrejta për shtypjen politike e fetare, si dhe për aplikimin e dënimit me vdekje, i cili është përdorur edhe për të mitur në disa raste.

Arabia Saudite mohon akuzat e shkeljes së të drejtave të njeriut dhe thotë se të akuzuarit ksihin pasur të drejtë për avokat dhe liri të plota mbrojtjeje gjatë procesit gjyqësor.

Ukraina po lëngon, fëmijë të frikësuar dhe ndërtesa të rrënuara

 

  

Sot shënohet dita e 17-të e luftës në Ukrainë dhe situata mbetet ende shqetësuese.

Ndërtesa të rrënuara, fëmijë të frikësuar që qajnë plot trishtim është gjendja aktuale e Ukrainës.

Sulmet ruse vijojnë që nga dita e parë e luftës.

Deri më tani janë regjistruar 1300 viktima nga pala ukrainase ndërsa mbi 11 mijë ushtarë rusë kanë humbur jetën.

Shumë ndërtesa janë dëmtuar nga sulmet duke i kthyer qytetet në rrënoja.

Pjesa më e madhe e sulmeve nga pala ruse kanë qenë nëpërmjet ajrit me anë të raketave dhe granatave.

Pavarësisht bisedimeve mes palëve, nuk është arritur ende një marëveshje për paqe.

Ukrainasit kanë lënë pas gjithçka për të shpëtuar nga lufta dhe strehuar në shtetet fqinje.

OKB: 579 të vrarë në Ukrainë, mes tyre 42 fëmijë

  

Kombet e Bashkuara kanë bërë me dije se janë vrarë 579 persona dhe 1,002 të plagosur  që nga fillimi i pushtimit rus në Ukrainë.

Kombet e Bashkuara kanë bërë me dije se janë vrarë 579 persona dhe 1,002 të plagosur  që nga fillimi i pushtimit rus në Ukrainë.

Raporti i fundit i OKB-së për viktimat tregon se janë  42 fëmijë të cilët kanë humbur jetën dhe 54 fëmijë të plagosur.

“Shumica e viktimave civile të regjistruara u shkaktuan nga përdorimi i armëve shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, dhe sulmet me raketa dhe ajrore”, sipas raportit të OKB-së, raporton CNN.

Sipas OKB-së besohet se numri aktual i viktimave është dukshëm më i lartë veçanërisht në territorin e kontrolluar nga qeveria dhe veçanërisht ditët e fundit pas raporteve për armiqësi të forta në rajone si Kharkiv, Mariupol dhe Donetsk, ku ka pretendime për qindra viktima civile.

Lufta Rusi-Ukrainë shënon ditën e 17-të të saj, ndërsa akoma nuk ka një raport përfundimtar për viktimat.

‘Qyteti juglindor i Volnovakha është shkatërruar plotësisht që nga pushtimi rus’, tha guvernatori i rajonit të Donetsk, Pavlo Kyrylenko.

 

  

‘Qyteti juglindor i Volnovakha është shkatërruar plotësisht që nga pushtimi rus’, tha guvernatori i rajonit të Donetsk, Pavlo Kyrylenko.

Ai tha që që nga fillimi i pushtimit, shumica e popullsisë së Volnovakha-s është larguar dhe infrastruktura e saj është shkatërruar, që do të thotë se qyteti  nuk ekziston më.

“Në përgjithësi, Volnovakha, ashtu siç është kthyer nuk ekziston më,” tha ai për kanalin televiziv ukrainas Direct.

Guvernatori shtoi  se luftimet vazhdojnë  për të parandaluar një rrethim rus të territorit të rëndësishëm strategjik.

Volnovakha ka qenë nën një breshëri të rëndë granatimesh, raketash dhe sulmesh ajrore, duke shkatërruar pothuajse çdo ndërtesë në qytet.

“Urgjent ndaloni luftimet”, Emmanuel Macron e Scholz Papa Francesku. Putin!

 

 

Kancelari gjerman Olaf Scholz dhe presidenti francez,  Emmanuel Macron, telefonuan shefin e Kremlinit Vladimir Putin duke i kërkuar hapur vendosjen e menjëhershme të armëpushimit në Ukrainë.

Zëdhënësi i kancelarit gjerman,  Steffen Hebestreit pohoi se po bëhen përpjekje të jashtëzakonshme diplomatike për t`i dhënë fund luftës. në 75 minuta telefonatë, dy liderët kanë insistuar që të flasë logjika, e cila të cojë drejt një zgjidhjeje diplomatike të kësaj krize.

Gjatë bisedës telefonike, Putin ka informuar Macronin dhe Scholzin me versionin e tij të situatës dhe raportet mes Rusisë dhe Ukrainës. Thirrjeve për fundin e luftimeve iu bashkua edhe Papa Francesku.

“Ndaluni në emer të Zotit, jo luftë. Mendoni për fëmijët, mendoni për ata të cilëve poi u hiqni shpresën e një jete me dinjitet: fëmijë të vrarë, të plagosur, jetime”, thuhej ne një mesazh të kreut të Kishës Katolike në Twitter.

Zërave kundër luftës i është bashkuar dhe biznesmeni më i pasur rus Vladimir Potanin. Ai i kërkoi autoriteteve ruse  të mos lejojnë që shteti i tyre të kthehet në kohën e Revolucionit të Tetorit të vitit 1917. Potanin, pronar i kompanisë Norilsk Nickel (NILSY), i bëri këto komente pasi u bë e ditur se ekziston mundësia që Rusia të konfiskojë prona të kompanive që janë tërhequr nga ky vend, si rezultat i agresionit rus në Ukrainë.

“Mos na ktheni 100 vjet pas”, është shprehur ai, duke theksuar se pasojat e një lëvizje të tillë do të kërcënonin besimin e investitorëve nga e gjithë bota e kjo do të zgjaste me dekada të tëra.

Të rinjtë ukrainas po mësojnë se si të përdorin armët

  

Në një kinema në periferi të qytetit Lviv të rinjtë mësojnë se si përdoren armët për të mbrojtur vendin e tyre.

Kinemaja përpara luftës ishte një vend që frekuentohej për argëtim por sot ndodh e kundërta pasi ajo është kthyer në një vend të mbushur me armë.

Në pamje shihet qartë se si të rinjtë janë të vendosur të mbrojnë atdheun e tyre nga sulmet ruse në mënyra rrethanore.

Këto sulme  i kanë detyruar të rinjtë ukrainas të mësojnë se si të përdorin armët për të mbrojtur vendin e tyre.

Kongresmeni republikan z. Madison Cawthornquan Zelensky ‘gangster’ dhe qeverinë e Ukrainës ‘të korruptuar e djallëzore’

  

Kongresmeni republikan amerikan Madison Cawthorn quante dje presidentin e Ukrainës Volodymyr Zelensky një “gangster” ndërsa thoshte se qeveria e tij është “e korruptuar dhe shumë djallëzore” që promovon “ideologji të sëmura”, në një fjalim të regjistruar në video.

Komentet e kongresmenit nga Karolina e Veriut vijën në kundërshtim me ato të liderëve globalë por dhe me shumicën e republikanëve në SHBA.

Në komentet që duket se vinin në diskutimin nëse SHBA duhet të dërgojë ndihma dhe trupa ushtarake në konflikt, kongresmeni mes të tjerash thotë “nuk duhet të harrojmë se Zelensky është një rrugaç”, në videon e publikuar nga rrjeti amerikan WRAL.

Cawthorn kritikonte liderët në Kiev që refuzojnë të largohen nga vendi megjithse shumica janë në listën e njerëzve për t’u eliminuar nga ushtria ruse, mes të cilëve Zelensky e familja e tij.

“Nuk duhet të harrojmë se qeveria e Ukrainës është shumë e korruptuar dhe e ligë, apo dhe se nxit ideologji të sëmura”, tha ai.

Sipas rrjetit CNN, Cawthorn bënte komentet e tij me një grup mbështetësish fundjavën që shkoi në Asheville, Karolina e Veriut.

E përditshja DailyMail.com tentoi të merrte komente nga zyra e Cawthorn për komentet.

Pak pas publikimit të videos kongresmeni dënoi pushtimin rus të Ukrainës por vijoi me akuzat për lajme të rreme nga qeveria e Zelensky me qëllim përfshirjen në konflikt të SHBA dhe vendeve të tjera.

“Veprimet e Putin dhe të Rusisë janë të përçmueshme, por liderë si Zelensky nuk duhet të përhapin dezinformacion për Amerikën”, tha Cawthorn.

“Unë lutem për popullin e Ukrianës dhe lutem që ne mos të tërhiqemi në konflikt bazuar në dezinformacionin e liderëve të huaj”, shtoi ai.

Senatori republikan Lindsey Graham u distancua nga komentet e Cwthorn gjatë një konferencë të djeshme për shtyp.

“Ashtu si 90 përqind e vendit ne jemi me Ukrainën dhe komente të tilla nga një anëtar i Kongresit tregojnë se vijne nga jashtë kohezionit”.

Komentet e kongresmenit 26-vjeçar i cili leviz ne karrige me rrota, vijnë pak pasi u aprovua një paketë rreth 14 miliardë dollarë për ndihma humanitare për Ukrainën si pjesë e një pakete akoma më të gjerë ndihmash nga SHBA.

Cawthorn është një nga 15 kongresmenë republikanë që votuan kundër ndalimin të importeve energjitike ruse, siç votuan gjithashtu dhe dy demokratë Cori Bush nga Missouri dhe Ilhan Omar nga Minnesota. /Daily Mail/