Rama ik !

1.

“Largimi i Edi Ramës është misioni më i madh kombëtar i çdo shqiptari”. Kështu është shprehur kryetari i Partisë Demokratike, Lulzim Basha, në përfundim të takimit me krerët e degëve të partisë në rrethe.

“Duke nisur nga java e ardhshme, më 28 shkurt 2019 , 7 mars 2019  do të organizohen protesta kombëtare para Asamblesë kriminale që ka uzurpuar godinën e Kuvendit të Republikës së Shqipërisë, dhe më 16 mars 2019 do të zhvillohet një tjetër protestë e madhe kombëtare me qëllim rrëzimin e Edi Ramës. Protestat do të kenë për qëllim maksimalizimin e pjesëmarrjes qytetare, bashkimit dhe zemërimit qytetar”, u shpreh Basha për mediet, jashtë selisë së PD-së.

Një gjë e quajti ai të sigurtë, se hapi i të enjtes së kaluar nuk është pa kthim vetëm për opozitën, por edhe për Edi Ramën, duke e akuzuar këtë të fundit për një plan për kapjen e zgjedhjeve të ardhshme.

“Plani që ka vënë në lëvizje prej muajsh për kapjen e zgjedhjeve të ardhshme. Largimi i Edi Ramës është sot misioni më i madh kombëtar që ka çdo shqiptar që do familjen e vet dhe fëmijët e tij. Ne nuk do të lemë as zgjedhjet e ardhshme dhe as fatin e shqiptarëve në duart e narkomafias, që po përgatitet të blejë zgjedhje e ardhshme, sepse të tilla nuk do të ketë. PD dhe opozita e bashkuar do të marrin të gjitha masat, protestë pas proteste, pa asnjë pengesë dhe frenim të zemërimit popullor derisa ta shporrim këtë bandit dhe hajdut nga karriget që ka vjedhur me krimin dhe paratë e krimit”, deklaroi Lulzim Basha.

Nëpërmjet këtij hapi ekstrem, opozita beson se do të detyrojë kryeministrin Rama të tërhiqet nga pushteti, siç thonë “i blerë në bashkëpunim me krimin”, dhe t’i hapë rrugë një qeverie tranzitore, që do të sigurojë zgjedhje të lira e të ndershme.

2.

Akademik Prof.dr..Artan Fuga: Himni i Kombëtares nuk është himni i kombit, o shokë! Lajthitje tekstuale

 

“Himni i kombëtares nuk është himni i kombit. – Këtë dallim të qartë e ka bërë sot, filozofi dhe publicisti Artan Fuga në një shënim të tijin. – Fakti që emocionohemi, na krijon bindjen se kemi energji pozitive për vendin, por duke e politizuar, nacionalizuar, kthyer futbollin në marketing politik, krijojmë iluzione,”- thekson ai.

Në një kohë kur në rrjetet sociale qarkullon kënga dhe videoklipi “Himni i kombëtares” i dy artistëve shqiptarë, Fuga “kthjellon ujërat” :


“Himni i kombëtares më emocionoi, por nuk më pëlqeu, – shprehet ai. Himni i kombëtares nuk është himni i kombit, o shokë. Ai ishte shumë i mirë për himn kombëtare bis.

Kombëtarja e futbollit dhe kombi janë dy gjëra të ndara. Rima me flamurin më të bukur në botë ishte perlë, nuk ka flamur më të bukur, por problemi aty, në futboll, nuk është flamuri, por topi… i futbollit.

Teksti është i zhvendosur semantikisht. Ka ndodhur një lajthitje tekstuale e quajme ne. I këndohet flamurit, por jo futbollit si sport, si urë miqësie me kombet e tjerë, si hapje e Shqipërisë drejt Europës dhe botës, si hymn për rininë, për trupin, estetikën e sportit.

Edhe po të na rrahin 6 me 0 në futboll, kombit tonë i marrin të keqen. Edhe po të fitojmë 100 me 0, në futboll kemi fituar, jo gjëkundi tjetër.

Himni i kombëtares nuk mund të lidhet me droning, sepse ai është një episod politik i veçuar pa lidhje me futbollin dhe nuk mund të politizohet me të. Kalimi i futbollit si një ngjarje politike krijon manipulim.

Presim ndeshjen tjetër për të menduar për kombin, kur kombi e thërret rininë drejt dijes, drejt punës, drejt kulturës dhe nuk gjen përgjigje. Fakti që emocionohemi, na krijon bindjen se kemi energji pozitive për vendin, por duke e politizuar, nacionalizuar, kthyer futbollin në marketing politik, krijojmë iluzione.

Kur shoh futbollistët e kombëtares që luajnë me klube të huaja, une për vete edhe hidhërohem : Si na i marrin gjërat më të mira? Por, pavarësisht kësaj, kombëtarja e futbollit që kemi është kompetitive, sa mirë po të kualifikohej…

Himni nuk më pëlqeu, por më emocionoi, kurse kombëtarja e futbollit më pëlqen…,”përfundon Fuga.

Akademik Prof.Dr.Artan Fuga :Kolosë, dhe jo maskarenj dyleksha!

Hapje totale me Kosovën, teza surprizë e akademikut të shquar

Akademiku Artan Fuga thotë se Shqipëria duhet të projektojë një hapje totale me Kosovën. Puna është se unë, duke mos qenë fare nacionalist, madje me disa devijime të lehta kozmopolite, jam për hapje totale me Kosovën, shkruann ai

Hapje totale me Kosovën

Miq dhe lexues këtu në facebook më falenderojnë kot, a thua se kam bërë dhe bëj ndonjë gjë me vlerë, dhe pse? Sepse ndjehem mirë kur u lë rrugën plazhistëve nga Kosova, Berati, Gjirokastra, Ulqini, Mirëdita, etj., kur ata kalojnë nga njeri trotuar te tjetri këtu në plazh në Durrësin mikriptës?

Normale mo! E bëj sepse ashtu më pëlqen, përpos e kam me rregulloren e rrugës.

Po, ajo nuk ka rëndësi.

Puna është se unë, duke mos qenë fare nacionalist, madje me disa devijime të lehta kozmopolite, jam për hapje totale me Kosovën.

Kur?

Sot mo!

Cdo i ri shqiptar që nga gjimnazi e lart ta bëjë shkollën ku të dojë në Kosovë a Shqipëri. Ato kuotat idiote, proteksioniste, për trojet në Universitetet shqiptare më bëjnë me turp.

Kuota burokratësh pa asnjë vlerë!

Gazetat, librat, revistat, tekstet, nga Shqipëri në Kosovë dhe nga Kosova në Shqipëri, të transportohen falas si akti i madh amerikan që për gazetat nuk kishte pullë poste.

Hajde baballarë të Kushtetutës amerikane hajde!

Kolosë, dhe jo maskarenj dyleksha!

Në Prishtinë të funksionojë me paret e shtetit të Kosovës Shtëpia e Kulturës e Shqipërisë dhe në Tiranë me lekët e Shqipërisë Shtëpia e Kulturës e Kosovës.

Heqje e të gjitha taksave dhe e barrierave doganore !

Poshtë histeria proteksioniste që u shërben vetëm biznesmenëve të paaftë!

Heqje e cdo kontrollit në kufi !

Konkurim i lirë për në postet e administratës shtetrore të dy vendeve për qytetarë Kosovarë ose nga Shqipëria pa marrë parasysh se ku jetojnë.

Tregti e lirë dhe sipërmarrje e lirë pa asnjë kusht ose detyrim shtesë, pra si për vendasit.

Hapja e një kanali në Televizionet publike përkatëse të kanaleve televizive të ndërsjella.

Tekste mësimore të diversifikuara, por që mund të zgjidhen lirisht nga të gjitha shkollat në Kosovë dhe në Shqipëri.

Konkurse dhe olimpiada shkollore të përbashkëta.

E drejtë e hapjes së gjendjes civile për cdo qytetar në cdo qytet të të dy vendeve pa kufizim.

Ne kemi nevojë për qytete multikulturore!

E drejtë për cdo rezident nga të dy vendet për të votuar për pushtetin lokal atje ku jeton.

Artan Fuga është anëtar i Akademisë së Shkencave të Republikës së Shqipërisë.

Diplomuar në filozofi në Universitetin e Tiranës në vitin 1978.

Në vitet 1981 - 1997 ka punuar në Fakultetin e Shkencave Politike dhe Juridike (më vonë Fakulteti i Shkencave Sociale) si pedagog, përgjegjës i sektorit shkencor të filozofisë dhe të sociologjisë, përgjegjës i katedrës së historisë së filozofisë dhe më pas si përgjegjës i departamentit të filozofisë e sociologjisë.

Në periudhen 1998 - 2003 punoi si lektor pranë departamentit të sociologjisë të Universitetit Paris - X - Nanterre në Francë.

Libra të shkruar

Artan Fuga është autor i shumë librave në fushën e filozofisë, sociologjisë, komunikimit dhe publicistikës,

"Shtigje drejt guvës së gjarpërit" (Ora, Tiranë, 2002)

"Ikja nga kompleksi i Rozafës" (Dukagjini, Peje, 2000);

"Majtas Jo Djathtas" (Ora, Tiranë, 2003);

"Shoqëria periferike" (Ora, Tiranë, 2004);

"Lexime në komunikim" (Ora, Tiranë, 2005);

"Rrota e Mundimit" ( Duda, Tiranë, 2007);

"L'Albanie entre la pensée totalitaire et la raison fragmentaire" (L'Harmatan, Paris, 1998);

"Identités périphériques en Albanie" (L'Harmatan, Paris 2000);

"Les mots dans communication politique en Albanie" (L'Harmatan, Paris, 2003).

Flori Bruqi

Përgjigja e merituar e kancelarës Angela Merkel ndaj përpjekjeve të Beogradit për copëtimin e Kosovës

Kancelarja gjermane Angela Merkel reagoi për idetë e ndryshimit të kufijve mes Kosovës dhe Serbisë, duke thënë se ishte totalisht kundër një mundësie të ndryshimit të kujfive në Ballkan.

Lidhur me këtë qëndrim të saj, ka reaguar dhe Ish-kryeministri shqiptar Prof.Dr. Sali Berisha i cili e ka përshëndetur deklaratën e kancelares gjermane Angela Merkel.

Berisha shkruan se kjo ishte përgjigjja e duhur ndaj përpjekjeve të Beogradit dhe argatëve të tij në Prishtinë për krijimin e Serbisë së Madhe dhe për copëtimin e ri të Kosovës.

STATUSI I  PROF.DR. SALI BERISHËS

Një qëndrim për t’u përshëndetur.

Të dashur miq, dje Kancelarja e Gjermanisë, Angela Merkel, në konferencë shtypi në Berlin me Kryeministrin e Bosnje-Hercegovinës, deklaroi qëndrimin e saj të qartë kundër përpjekjeve pakteveër ndryshimin e kufijve në Ballkan.

Ky qëndrim i Kancelares, është për t’u përshëndetur si një kontribut real për paqen dhe stabilitetin në rajon. Kjo është përgjigja e merituar ndaj përpjekjeve të Beogradit dhe argatëve të tij në Prishtinë për krijimin e Serbisë së Madhe dhe për copëtimin e ri të Kosovës, ndarjen e saj, ç’bërjen e fitores së luftës së shqiptarëve të Kosovës dhe NATO-s kundër Serbisë së Millosheviçit, dhunimit të të gjitha ndërkombëtare për integritetin territorial të Kosovës, dhunimin e rezolutave të Asamblesë së Përgjithshme të OKB dhe Këshillit të Sigurimit, dhe dokumentit Ahtisari.

Kjo përpjekje është një ç’bërje e vendimit të Gjykatës Ndërkombëtare për Kosovën dhe vet Aktit të Pavarësisë së Kosovës, 116 njohjeve të saj në kufijtë aktualë. Por, me këtë qëndrim Gjermania, gjithashtu kundërshton hapjen, nga serbomëdhenjtë e Beogradit dhe argatët e tyre albanofobë në Prishtinë, të kutisë së Pandorës dhe provokimin e një zinxhiri të ri konfliktesh në Ballkan.

Nga Flori Bruqi :Shaban Murati “Kalvari diplomatik i shtetit të Kosovës” (Një përgjigje për problemet e sotme të Kosovës)

Libri i ri i Shaban Muratit  “Kalvari diplomatik i shtetit të Kosovës”,  nga Fondacioni i mirënjohur “Alsar” në Tiranë, i cili vazhdon kontributin me botimin e veprave të autorëve të njohur shqiptarë të fushave të ndryshme.

Libri paraqet një antologji të analizave sistematike të autorit për problematikën diplomatike të shtetit të Kosovës nga krijimi i tij deri në ditët e sotme. Sistematizimi i çeshtjeve, konsekuenca dhe dinamika e ndjekjes së tyrë në zhvillim e sipër, e bëjnë librin aktual dhe lexuesi mund të gjejë në të disa përgjigje për pikëpyetjet dhe për zhvillimet e sotme rreth Kosovës.

Analiza e autorit përmbledh çeshtjet më të mprehta, me të cilat është përballur diplomacia dhe shteti i Kosovës në dhjetëvjetëshin e parë të jetës së vet. Kjo përfshin frontin e vështirë diplomatik të përballimit me diplomacinë e Serbisë në rajon dhe në arenën ndërkombëtare, si dhe përballjet me barrierat e pafund antikosovare të diplomacisë ruse. Përfshin ballafaqimet me segmente të diplomacisë europiane, e cila jo gjithmonë ka ruajtur koherencën e saj për Kosovën dhe për Ballkanin. Përfshin trajtimin e disa marrëdhënieve dhe problemeve diplomatike midis Shqipërisë dhe Kosovës.

Një trajtim të thelluar marrin temat e mekanizmave dhe intrigave diplomatike të Serbisë dhe aleatëve të saj kundër pavarësisë, sovranitetit dhe integritetit të Kosovës. Në libër trajtohen për herë të parë nga autori çeshtje si e drejta e Kosovës për reparacione, e drejta e Kosovës për pjesën e trashëgimisë së ish Federatës Jugosllave, e dreja e paditjes së Serbisë në Hagë për gjenocid, çeshtja e kufijve, e Luginës së Preshevës, e Sanxhakut, etj.

Një vëmendje të vecantë në libër i kushtohet analizës së procesit të bisedimeve në Bruksel midis Kosovës dhe Serbisë dhe implikimet e tij gjatë viteve deri në 2018, kur doli në plan të parë çeshtja e një marrëveshje përfundimtare të normalizimit të marrëdhënieve midis dy shteteve. Libri “Kalvari diplomatik i shtetit të Kosovës” i autorit Shaban Murati paraqet një interes aktual diplomatik, akademik dhe kombëtar.

Një vëmendje të veçantë në libër i kushtohet analizës së procesit të bisedimeve në Bruksel midis Kosovës dhe Serbisë dhe implikimet e tij gjatë viteve deri në 2018, kur doli në plan të parë çështja e një marrëveshje përfundimtare për normalizimin e marrëdhënieve midis dy shteteve.

Në ceremoninë e promovimit ishte i pranishëm edhe Presidenti i Republikës, Ilr Meta. Të ftuar të tjerë ishin edhe figura të shquara nga fusha politike dhe akademike si Mehdi Gurra, zëvendëskryeministri i Kosovës Enver Hoxhaj, ambasadori Maxhun Peka, Aleksandër Çipa dhe profesor Ylber Sela, të cilët mbajtën dhe nga një ligjëratë të shkurtër mbi autorin dhe librin.

Mehdi Gurra, kryetar i Fondacionit “Alsar” ka thënë se, “ky libër është një përmbledhje mbi diplomacinë e shtetit të Kosovës. Shkrimet analitike në këtë botim përmbledhin një hapësirë kohore nga fundi i vitit 1998 e deri sot. Shaban Murati është ideal në mendimet e tij, prioriteti i tij është njohja e shtetit të Kosovës nga Serbia. Në këtë kalvar diplomatik ai jep vështrimin e tij me anë të një pene mjaft diplomatike”.

Gjithashtu zv/kryeministri i Kosovës, Enver Hoxhaj u shpreh gjatë fjalës së tij se, “raporti i Kosovës me Shqipërinë nuk është një raport i politikës së jashtme, raporti jonë me Shqipërinë është një politikë e brendshme. Shqipëria është partneri më strategjik që ne kemi në rajon”.

Ai shtoi se, “Shaban Murati është njohësi më i mirë i Kosovës dhe raporteve të saja me rajonin. Shkrimet në libër nuk kanë një temë, por disa tema të veçanta, të cilat autori i trajton në mënyrën më të mirë të mundshme. Në këtë libër autor Murati ka vetëm një shqetësim, atë të Kosovës në këto 20 vitet e fundit”.

“Libri flet dhe për fitoret afatgjata dhe për dështimet afatshkurtra të cilat i ka patur Kosova nga Konferenca e Rambujesë, e cila ka qenë kontrata e parë e Kosovës me Perëndimin e deri tek raportet tona me Bashkimin Europian, si partner strategjik i Kosovës. Kur e lexon këtë libër, është një lloj rikthimi në histori, por dhe një lloj rivlerësimi i situatës aktuale në të cilën është Kosova. Mbi të gjitha është një rishikim drejt të ardhmes”, – përfundoi zv/kryeministri i Kosovës, Enver Hoxhaj.

“Nuk i keni zhgënjyer lexuesit me këtë libër dhe as opinionin publik, pasi ju në këtë libër keni dhënë kontributin e plotë për diplomacinë shqiptare në kërkim të identitetit. Në këtë libër janë trajtuar probleme të kohës kur kanë ndodhur ngjarjet, keni dhënë dhe sugjerime i nxitur jo vetëm nga ndjenja e profesionit, por dhe nga dashuria për vendin dhe kombin tuaj”, – u shpreh gjatë ceremonisë ambasadori Maxhun Peka.

Libri “Kalvari diplomatik i shtetit të Kosovës” i autorit Shaban Murati paraqet një interes aktual diplomatik, akademik dhe kombëtar.

“Blerësi” i virgjërisë ishte politikan i njohur nga Tokio.

Një modele nga Azerbajxhani ka vendosur që të nxjerrë në shitje virgjërinë e saj për 2 milionë paund, për t’i siguruar nënës së saj një shtëpi dhe që kjo e fundit të ndihet krenare për të.

 “Blerësi” ishte një politikan i njohur nga Tokio.

Siç shkruan “Mirror”, Mahbuba, e cila njihet me emrin Maria, u shpreh në lidhje me shitjen e virgjërisë së saj se kishte edhe arsye të tjera pas këtij vendimi, si dëshira për të jetuar në SHBA dhe për të vazhduar atje karrierën e saj si modele. E po ashtu, edhe për të bërë realitet ëndrrën e të hapurit një strehë.

“Unë dua të shes virgjërinë time sepse dua të kem një shtëpi për vete dhe për nënën time, kështu që më në fund mund të jetojmë mirë dhe gjithashtu të udhëtojmë bashkë në të gjithë botën. Dua të jetoj në SHBA dhe të vazhdoj karrierën time si modele. 

Më pëlqejnë qentë dhe ëndërroj të hap një strehë. Nëna ime bëri gjithçka për mua deri tani, dhe tani është radha ime, për ta bërë atë krenare”, tha 23-vjeçarja në një deklaratë.

Modelja e nxori virgjërinë në ankand, në sajtin “Cinderella Escorts” me seli në Gjermani, si dhe në profilin e saj, ku shkruante se kërkonte një “sugar daddy”. Nga ofertat që i erdhën në vendin e tretë renditej një futbollist i njohur nga Mynihu dhe në vendin e dytë një avokat nga Londra.

Sëmundja e perionit( shtrembërimi i penisit)

Dr. Evin Dani,androlog 

Sëmundja e perionit është një patologji që ndoshta haset jo shpesh, megjithatë është mjaft problematike për shkak të klinikës që paraqet (shtrembërim i penisit, dhimbje gjatë ereksionit dhe disfunksion erektil (impotencë seksuale).

Të dhënat e fundit tregojnë që shpeshtësia e sëmundjes haset tek 1.5% e pacientëve nga mosha 30-39 vjeç, dhe mbi moshën 70 vjeç kjo shifër rritet me 6%.



Sëmundja vjen në mënyrë graduale pa e kuptuar dhe një ditë prej ditësh pacienti mund të vë re që në momentet e reaksionit ka një shtrembërim të penisit që mund t’i shkaktojë dhimbje, mundet të humbasë anën estetike të penisit dhe ul aftësinë erektile për të kryer aktin seksual.

Është një patologji që vjen nga shkaqe që kanë të bëjnë kryesisht me traumat. Prandaj studimet e fundit janë kryesisht të përqendruara tek traumat që bën penisi. Një mashkull gjatë lojërave të ndryshme seksuale me partneren e tij në një moment të caktuar mund të krijojë një mikrotraum në penis. Kjo mikrotraumë shkakton një mikrohemorragji në tunikën albumine, ku, duke u depozituar sasia e gjakut në këtë zonë, fillojnë proceset inflamatore, fibrime, elemente të koagulimit të gjakut dhe formohet një pllakë aterosklerotike, një pllakë e fortë të cilën ne e konstatojmë gjatë vizitave me sëmundjen e peronit. Pllaka mund të jetë rrethore, sipërfaqësore, e vogël apo e madhe, dhe në varësi të pllakës shohim dhe dëmtimin.

Pacienti fillimisht nuk i vë rëndësi, por me kalimin e kohës kjo bëhet më e dukshme, dhe sigurisht kërkon zgjidhje. Zakonisht është dhimbja ajo që e bën pacientin të shkojë tek mjeku.

‘Europë ndihmoje Shqipërinë përpara se të bëhet Siria e ardhshme’

Nëse demokracitë evropiane nuk ndërhyjnë për të garantuar lirinë e zgjedhjes politike dhe funksionimin e sundimit të ligjit, shqiptarët do të hasen sërish në portat e Italisë dhe Evropës’, shkruan në gjuhën italiane për situatën aktuale në vend pedagogu dhe opinionisti Agron Gjekmarkaj.

Sot në Shqipëri ekziston vetëm një potencë pothuajse absolute: ajo e kryeministrit Edi Rama. Institucionet kryesore të shtetit janë në duart e tij. Me arsyetimin e reformës gjyqësore, gjykatat janë vetëm në emër: nuk ka më dallim midis një polici, një prokurori dhe një gjyqtari. Më vjen keq që kam një qëndrim kritik ndaj vendit tim, sidomos duke folur me një agjenci të huaj, por e vërteta na bën të lirë … ndoshta.

Në gjashtë vjet të sundimit socialist, Shqipëria është bërë republika e gjelbër e kanabisit, duke u bërë, në fakt, vendi në qendër i trafikantëve të ndryshëm të drogës, shpesh të lidhur me personalitete shumë të dukshme.

Ne jemi një popullsi prej 4.2 milionë banorësh, midis të cilëve 1.5 milionë emigruan në vende të tjera. 300 mijë të tjerë u larguan në vitin 2015, duke e çuar numrin e emigrantëve në 1.8 milionë. Për një vend të tillë të vogël ky është një vetëvrasje demografike. Sondazhet e fundit ofrojnë një panoramë të frikshme, ku 60% e popullsisë së mbetur dëshiron të largohet.

Njerëzit sot vuajnë nga varfëria, papunësia, krimi, korrupsioni i përhapur dhe mbi të gjitha nga mungesa e sundimit të ligjit.

Kohët e fundit u bë publike një dosje me përgjime midis eksponentëve të afërt politikë të kryeministrit Edi Rama me ato të krimit të organizuar. Në këto telefonata flitej ndër të tjera për vota të blera dhe të shitura gjatë procesit të fundit zgjedhor, duke goditur kështu fuqishëm legjitimitetin e qeverisë. Kësaj dosje i shtohen edhe kontratat e rrugëve, të menaxhuara prej vitesh nga njerëz të afërt të kryeministrit.

Reagimi i qytetarëve të revoltuar dhe opozitës ka anuluar së fundmi një kontratë prej 30 milionë eurosh, e cila i ishte besuar një firme fantazme që llogariste një kapital të depozituar prej vetëm 80 centësh.

Studentët dhe profesorët e universiteteve publike kanë qenë për dy muaj gjendje agjitacioni të vazhdueshëm. Ata po protestojnë ndaj problemeve të ndryshme që u peshojnë çdo ditë në jetën e përditshme. Edi Rama, duke përfituar nga ky moment dhe pa përmbushur kërkesat e universitetit, ka ndryshuar 80% të ministrave, duke përkeqësuar akoma më tej cilësinë e qeverisë.

Opozita u bëri thirrje më 16 shkurt mbështetësve të saj që t’i bashkoheshin në qendër për të protestuar, por ajo që tërhoqi vëmendjen, mediatike dhe jo vetëm, ishte pjesëmarrja e më shumë se 60 mijë shqiptarëve, të cilët janë pjesë e një vendi me popullsi pothuajse të përgjysmuar ku vret gjithnjë e më shumë arroganca e pushtetit dhe korrupsioni. Protesta u pasua me vendimin e grupit parlamentar të Partisë Demokratike, për të mos marrë më pjesë në Parlament. Ndërkohë që, të enjten (21 shkurt) do të ketë sërish një protest. Thënë shkurt, situata paraqitet tejet komplekse.

Dhe në qoftë se demokracitë evropiane nuk ndërhyjnë për të siguruar lirinë e zgjedhjes politike, për të siguruar funksionimin e shtetit të së drejtës, për të siguruar se shoqëria shqiptare do ta mposhtë korrupsionin qeveritar, do të krijohet sërish rasti i Shqipërisë në portat e Italisë dhe Evropës dhe ne do të jemi refugjatët e ardhshëm.

Ne kemi nevojë për ndihmën reale të Evropës për të jetuar si qytetarë evropianë në Shqipëri dhe jo nëpër Evropë si emigrantë dhe si mish për ‘gojën zgjedhore’ të populistëve të rinj. Ne jemi evropianë, jo macet e zeza të Evropës. Na ndihmoni që të gëzojmë lirinë e fituar nga pushtimet otomane, ku vidheshim e përqesheshim.

Zbulohet lidhja e Murrizit me deputetin e PS

Pas vendimit të tij për të dalë kundër deputetëve të tjerë të opozitës për djegien e mandateve, Kreu i selisë blu, Lulizm Basha vendosi që ta përjashtonte nga partia deputetin Myslim Murrizi.

Murrizi njihet si deputeti, i cili nuk ua përtonte polemikave, por duhet thënë se nuk kanë munguar edhe polemikat brenda llojit, si dhe me gazetarë që janë shumë të afërt me Partinë Demokratike. Në media u tha se Murrizi është peng i njerëzve në pushtet dhe nuk mund t’i bashkohej vendimit të Partisë së tij.

Madje, u përmend edhe fakti se ka biznese me një deputet të Partisë Socialiste. Rreth 10 ditë më parë, kur nuk kishin filluar akoma protestat dhe gjetëm deputetin Murrizi duke dalë nga zyrat e Kuvendit.

Ai shihet i shoqëruar nga dy deputetë të Partisë Socialiste, Jurgis Çyrbja dhe Adnor Shameti, madje është në humor shumë të mirë në shoqërinë e tyre.

Rusia drejt vendosjes së trupave në Serbi

Ndikimi i lobit rus në Shqipëri

Shaban Murati, ish-ambasador i Shqipërisë në Suedi dhe një bashkëpunëtor i rregullt i medieve shqiptare për çështjet e rajonit të Ballkanit, shkruan  për atë që e cilëson si ndikim i lobit rus në jetën mediatike dhe politike në Shqipëri.

Ai i referohet heshtjes që pasoi në median shqip të rezolutës së Parlamentit Europian për rrezikun e luftës hibride, term që adreson praktikat komplekse ushtarako-politike dhe mediatike që i atribuohen Rusisë së Vladimir Putinit që nga konflikti i Ukrainës. Murati shkon edhe më tej duke denoncuar se këto media, kanë të paktën 2 vjet që glorifikojnë Rusinë

“Nëse do të pyetesha përse gjithë kjo heshtje në politikën dhe në mediat e Tiranës për rezolutën alarmante të Parlamentit Europian mbi rrezikun e luftës hibride dhe informative të Rusisë kundër BE dhe Europës, të miratuar në 23 nëntor, përgjigja ime do të ishte “ndikimi i lobit rus në Shqipëri”.

Sepse mediat dhe portalet shqiptare, që kanë dy vjet që glorifikojnë Rusinë dhe Putinin çdo ditë, nuk gjetën asnjë hapësirë për të dhënë të paktën lajmin se Parlamenti Europian datën 23 nëntor miratoi rezolutën “Komunikimi Strategjik i BE për të kundër balancuar propagandën anti-BE nga palë të treta”.

Shqipëria është shtet kandidat i BE, i cili ka marrë edhe rekomandimin e Komisionit Europian për hapjen e bisedimeve të pranimit me BE, dhe padyshim është i lidhur dhe duhet të jetë i interesuar për çdo akt politik dhe legjislativ, që ndërmerr Parlamenti Europian, dhe që ka të bëjë me interesat dhe vlerat themelore demokratike të BE, ku Shqipëria do të bëhet anëtare”, shkruan diplomati Shaban Murati.

Avancimi i gjeopolitikës dhe i gjeostrategjisë ruse në Ballkan po shkon drejt formave gjithnjë e më agresive. Organi proqeveritar rus “eadaily.com” në 22 dhjetor 2018 hedh në qarkullim propozimin e ri për vendosjen e forcave ushtarake ruse në Serbi. Me titullin “Serbisë i duhet kontingjenti ushtarak rus” dhe me nëntitullin “Prania ushtarake ruse në Serbi mund të parandalojë acarimin ushtarak të konfliktit në Kosovë”, drejtori i Qendrës Ballkanike të Bashkëpunimit Ndërkombëtar në Moskë, Viktor Kollbanovskij, parashtron propozimin që “rrugëdalja e vetme për Serbinë është vendosja e një kontingjenti ushtarak rus në Serbinë Qendrore”.

Është hera e parë që një media proqeveritare dhe një drejtues i një Qendre të specializuar ruse për Ballkanin paraqet propozimin që në Serbi duhet të vendoset një kontingjent ushtarak rus.

Kjo duhet marrë si një sinjal paralajmërues i zhvillimeve të pritshme negative në rajonin tonë, ku ambicja e Moskës mund të marrë formën e rrezikshme të vendosjes së trupave ushtarake ruse në rajon. Në artikullin e tij të datës 22 dhjetor drejtori i Qendrës Ballkanike ruse të Bashkëpunimit Ndërkombëtar thekson: ”Fakti që situata në Ballkan u përfshi në rendin e ditës të mbledhjes së Këshillit të Sigurisë të Federatës Ruse në 17 dhjetor dëshmon për atë që rajoni në fjalë hyn në fokusin e interesave ruse të sigurisë kombëtare”.

Edhe komunikata presidenciale ruse për mbledhjen e mësipërme të anëtarëve të përhershëm të Këshillit të Sigurisë së Federatës, që u drejtua nga presidenti Vladimir Putin, thekson se “mbledhja diskutoi në mënyrë të detajuar për gjendjen në Ballkan”, dhe nuk përmend asnjë rajon tjetër të botës, madje as Sirinë. Burime diplomatike lindore bëjnë të ditur se në këtë mbledhje të Këshillit të Sigurisë të Federatës Ruse është përqendruar në lëvizjet diplomatike dhe ushtarake të Rusisë për zhvillimet me temën e Kosovës.

Nuk duket rastësi që pikërisht në kulmin e debateve diplomatike rajonale, evropiane dhe ndërkombëtare për zgjidhjen e nyjës konfliktuoze midis Serbisë dhe Kosovës, nga Rusia vjen propozimi për vendosjen e forcave të saj ushtarake në Serbi. Që të jemi të qartë, ky është propozim që i drejtohet udhëheqjes së Serbisë, të cilës sipas burimeve diplomatike lindore, i është paraqitur në kanale diplomatike kjo ide ruse. Një ekspert i njohur ushtarak rus, Viktor Litovkin, drejtor i departamentit të editorialeve ushtarake në Agjencinë Shtetërore ruse TASS, shkruante para disa kohësh po në “eadaily.com”, se “mundësia e pranisë ushtarake ruse në Serbi varet para së gjithash nga vullneti dhe iniciativa e udhëheqjes serbe”. Është një presion dhe shantazh i hapur i Moskës ndaj Beogradit, që Serbia t’i hapë rrugë vendosjes së trupave ruse ne territorin e saj dhe që të mos devijojë nga roli i instrumentit të strategjisë ruse në Ballkan.

Aktualisht Serbia ndodhet në një pozitë të vështirë diplomatike dhe politike. SHBA dhe disa shtete të BE po i kërkojnë asaj që t’i jap fund hezitimit për njohjen e Kosovës si shtet i pavarur, duke nënshkruar marrëveshjen përfundimtare të normalizimit të marrëdhënieve dypalëshe. Kushdo e kupton se realizimi i një marrëveshje përfundimtare, ku Serbia dhe Kosova të njohin reciprokisht njëra-tjetrën, do të përbënte kontribut për stabilizimin e rajonit, por edhe një avancim të hapësirës së integrimit euroatlantik në Serbi dhe në Kosovë. Një perspektivë e tillë euroatlantike don të thotë mbyllje e dyerve për influencën ruse në Serbi dhe në rajon. Këtë skenar të disfavorshëm gjeopolitik Moska kërkon ta parandalojë me çdo mënyrë. Ndaj konstatohet një aktivizim shumë i madh i saj në rajon dhe si rezultat kemi për herë të parë një rol të ri aktiv të Rusisë në rajon pas 15 vitesh. Fakti është se Rusia po arrin të fitojë një rol të ri në tratativat e mbyllura të fuqive të mëdha për t’i dhënë fund kontestit Serbi-Kosovë.

Duhet pranuar se Rusia, me një mënyrë ose tjetër, me konsensusin apo pa konsensin e Perëndimit, po arrin të jetë lojtare e rëndësishme në qarkun e mbyllur të fuqive të mëdha për finalen e dialogut Serbi-Kosovë. Takimi befasues i presidentit rus Vladimir Putin me presidentin e Kosovës, Hashim Thaçi, në Paris në 11 nëntor 2018, dhe kujdesi i protokollit francez për t’i ulur dy presidentët pranë njeri-tjetrit, duhen lexuar si shenjë se Rusia po lejohet të marrë një rol të ri diplomatik në Ballkan. Por kushdo, që e njeh sado pak metodologjinë dhe strategjinë e diplomacisë ruse, e di se Kremlini nuk do të mjaftohet vetëm me rolin diplomatik në çeshtjen Kosovë-Serbi dhe në rajon. Ai synon diçka më të madhe dhe kjo është prania ushtarake ruse në Ballkan.

Kam mendimin se Rusia po aplikon në Ballkan metodën e saj të suksesshme siriane. Në Siri ajo priti katër vjet derisa Perëndimi të ngatërrohej në përplasjen e interesave me njeri-tjetrin dhe të mos e zgjidhte dot krizën siriane, dhe ahere hyri në valle Rusia. Në fillim diplomatikisht me marrëveshjen me SHBA për largimin e armëve kimike nga Siria, dhe pastaj një vit më vonë Rusia vendosi dislokimin e forcave të saj ushtarake në territorin e Sirisë. Rusia është aktualisht lojtari kryesor përballë Perëndimit për zgjidhjen e krizës siriane. Skema e saj siriane po rivihet në Ballkan dhe Rusia, pasi është ulur si lojtare në tryezat e mbyllura të fuqive të mëdha për dialogun midis Serbisë dhe Kosovës, pritet të kalojë në fazën tjetër të planeve të saj strategjike, atë të vendosjes së forcave të saj ushtarake në Serbi.

Çfarë bën përshtypje në propozimin e Qendrës Ballkanike ruse të Bashkëpunimit Ndërkombëtar? Së pari, i kërkohet Beogradit që “me vendosmëri të refuzojë çdo lloj marrëveshje të veçantë me shqiptarët e Kosovës dhe t’i drejtohet Rusisë me lutjen për ndihmë ushtarake, përfshirë edhe vendosjen në Serbi të kontingjentit ushtarak rus”.

Së dyti, e kërcënon udhëheqjen e Beogradit që, nëse nuk pranon kërkesën ruse të trupave, Rusia mund t’i ngrejë kundër publikun e brendshëm dhe sidomos kishën ortodokse serbe. Institucionet e specializuara ruse kanë krijuar përvojë dhe rrjete në drejtim të nxitjes së protestave dhe të trazirave sociale e politike në vendet ballkanike dhe dorën e tyre e kemi parë në shumë shtete të Ballkanit, përfshirë edhe vende anëtarë të NATO-s.

Së treti, propozimi për vendosjen e forcave ushtarake ruse në Serbi hidhet në prag të vizitës, që pritet të bëjë në fillim të vitit të ardhshëm në Beograd presidenti rus. Drejtori i Qendrës Ballkanike ruse të Bashkëpunimit Ndërkombëtar i klasifikon si “sfond i papërshtatshëm për realizimin e vizitës së presidentit Putin rrethanat e tanishme të politikës së brendshme të Serbisë”. Kjo formë kërcënimi diplomatik do të thotë që diplomacia ruse para vizitës së Putinit po pret reagimin e Beogradit ndaj kërkesës për vendosjen e kontingjentit ushtarak rus në Serbi dhe për dhënien e statusit diplomatik për ushtarakët rusë të bazës ushtarake ruse në Nish.

Është hera e parë që një institucion rus paraqet në një organ proqeveritar rus kërkesën që Serbia të mos pranojë marrëveshje e normalizimit përfundimtar të marrëdhënieve me Kosovën. Pavarësisht se Kremlini ka deklaruar se Moska do të pranojë çdo marrëveshje dypalëshe, që do të bien dakord Beogradi dhe Prishtina, domethënia e thirrjes së re për refuzim të marrëveshjes, është që Rusia po rrit çmimin e lojës dhe të pazareve të saj në tryezat e mbyllura diplomatike të fuqive të mëdha. Moska po e ngre çmimin edhe për Serbinë, edhe për Kosovën, edhe për Perëndimin, me atutë që ka në dorë për secilin.

Ambicia ruse për vendosjen e forcave të saj ushtarake në Serbi është objektiv i madh gjeopolitik dhe gjeostrategjik rus për Ballkanin. Është e kuptueshme se një Serbi me forca ushtarake ruse në territorin e saj nuk mund të pranohet anëtare e BE, pa le më anëtare e NATO-s. Rusia po fiton kështu një peshë të re në Ballkan, duke u përpjekur të diktojë paritetin e influencës në rajon dhe sanksionimin e pjesës së saj të influencës.

Jemi para një procesi negativ, i cili kërkon një reflektim të artikuluar sidomos nga BE, e cila duhet të kuptojë se roli i saj në Ballkan po spostohet dhe dobësimi i zërit evropian shkon në favor të Rusisë. Ky grafik do të përkeqësohet akoma më shumë, nëse diplomacia e BE do të vazhdojë të merret me “seksin e engjëjve” të ushtrisë së Kosovës dhe nuk do të shikojë retë e zeza të pranisë ushtarake ruse, të cilat po vijnë drejt Ballkanit. Mungesa e kohezionit diplomatik të BE dhe paaftësia e saj për t’i imponuar Serbisë njohjen e Kosovës gjatë shtatë viteve, që udhëhoqi dialogun Serbi-Kosovë në Bruksel, sollën në një situatë, ku BE po shndërrohet përsëri në spektatore dhe jo në arkitekte e zgjidhjes së krizave ballkanike. Le të shpresojmë se në Bruksel dhe në kryeqytetet e tjera të rëndësishme evropiane, si dhe në kryeqytetet ballkanike, po i dëgjojnë tingujt e marshit të vjetër ushtarak rus: “Ja po vjen Ushtria e Kuqe!”.

Shaban Murati, Diplomat karriere dhe gazetar. Autor i shumë librave, shkrimeve dhe komenteve mbi marrëdhëniet ndërkombëtare dhe rolin e Shqipërisë në to.

Botime

Serbia kundër Serbisë : analizë e një gjysmërevolucioni të lënë përgjysmë - 2004
Enigmat diplomatike të pavarësisë së Kosovës : (fletë nga ditari i një ambasadori) - 2007
Çështja shqiptare pas pavarësisë së Kosovës : një testament diplomatik - 2009
Profile të diplomacisë europiane në Ballkan - 2009
Hije në diplomacinë shqiptare - 2012
Diplomacia shqiptare në kërkim të identitetit - 2013
Rusia ballkanike - 2014
Shqiptarët e Maqedonisë, prioritet i çështjes shqiptare - 2016

Turpi i binismenëve kosovar s'ka të ndalur !

Ministri i Tregtisë, Turizmit dhe Telekomunikimit në Qeverinë e Serbisë, Rasim Lajiq, ka deklaruar  se mallrat nga Republika e Serbisë  mund të hasen në gjithë Republikën e  Kosovës dhe se ato po arrijnë përmes rrugëve alternative.

Ai ka rikujtuar se zyrtarët në Republikën e Serbisë  kishin tërhequr vërejtjen për rritjen e kontrabandës menjëherë pasi që Kosova  zyrtare kishte vendosur masën e tarifës doganore 100 për qind ndaj produkteve importuese  nga Serbia dhe Bosnje Hercegovina.

Rasim Lajiq ka thënë për Radio Televizionin e Serbisë, se nëse shikohet në veri apo në jug të Kosovës, gjithkund mund të hasen mallrat nga Serbia të cilat mbërrijnë atje përmes rrugëve të ndryshme.

“Ka raste kur gruri ynë shkon në Kroaci, prej atje paketohet dhe transportohet në Kosovë si mall i Kroacisë”, është shprehur Rasim Lajiq.

Sipas tij, një forme tjetër e plasimit të mallrave nga Republika e  Serbisë  në Kosovë është kur ato dërgohen në Maqedonine Veriore , ripaketohen dhe shkojnë në tregun e Kosovës si mallra nga Maqedonia Veriore .

Ai ka përmendur se si pasojë e taksës për tre muaj, Serbia ka humbur 90 milionë euro.

Rasim Lajiq ka potencuar po ashtu se humbjet për ekonominë e Serbisë do të jenë edhe më të mëdha nëse bizneset e atjeshme e humbin tregun në Kosovë, ngaqë tashmë, sipas tij janë lajmëruar biznese nga Shqipëria, Sllovenia, Kroacia, Hungaria e tjerë, që duan të përfshihen në këtë treg.

Qeveria e Kosovës ka vënë taksë prej 100 për qind në importet e këtyre dy shteteve në nëntor të vitit të kaluar.

Shtetet e Bashkuara kanë thënë se mospezullimi kësaj mase përbën qëndrim kundër interesave të SHBA-së.

Nënkryetari i Qeverisë së Serbisë dhe ministri i saj i Tregtisë Rasim Lajiq, ka deklaruar  se çdo gjë po tregon se Kosova do ta heqë taksën ndaj mallrave të Serbisë.

Ai, siç përcjell agjencia serbe e lajmeve Tanjug, ka thënë se Serbia për shkak të taksës në Kosovë ,nga 21 nëntori i vitit 2018 deri më 21 janar 2019, Serbia ka shitur 66,2 milionë euro më pak mallra, transmeton Koha.net.

Në pyetjen nëse pritet që të hiqet shpejt taksa pasi pala kosovare po deklaron se po shqyrtohet mundësia e suspendimit të përkohshëm, Lajqi është përgjigjur se ende nuk ka njohuri konkrete rreth saj, porse, ka shtuar, çdo gjë po tregon se po shkohet drejt saj – heqjes.

Ai ka shtuar se importuesit nga Kosova tashmë kanë shkuar në veri dhe atje po interesohen për mallrat që do t’i importonin menjëherë pas heqjes së taksës, pasi “ata paralajmërojnë se heqja do të ndodhë", ka theksuar ministri.

Lajiq ka përfunduar se nga aleatët ndërkombëtarë të Kosovës po bëhet një presion i madh që taksa të hiqet.

F.B.

Edi Ramës duhet me ligj t’i ndalohet të merret me politikë

Nga Kim Mehmeti

“Shqiptarinë e kanë ngulfatur politikanët si Kryeministri aktual i Shqipërisë, të cilët posa bëhen burrështetas, e humbin pushtetin mbi vetveten! Dhe si të tillë, çdokund rreth vetes, ata shohin individ me të meta fizike e mendore, e me të cilët mund të tallen sa të duan, e kur të duan! Pra si të tillë ata çdokund shohin kazanë ku kalben kundërshtarët e tyre politik, si dhe tepsi me bakllava, që u takon vetëm atyre. Politikanët e tillë bëjnë çmos që paturpësinë dhe krimin ta ngrenë në vlerë politike, me çka debatin politik e zbresin në nivel të zënkave nëpër plazhet nudistike dhe nëpër bordele! Dhe ndodh që politikanët e tillë të jenë zbavitës dhe ekzotik për perëndimorët, por fatkeqësi e madhe e popullit dhe vendin që drejtojnë, ngaqë kanë tipare të kundërta nga ato të qenit besnik: u lëpihen të huajve dhe e lehin dhe e kafshojnë të vetin!

Shqiptarisë nuk i mungojnë as burrështetas të llojit të Presidentit të sotëm të Kosovës, i cili shtetin e sheh si pronë të veten private! Dhe duke e konsideruar vendin si pasuri të veten, ata besojnë se edhe kufijtë e tij ndërrohen si ato të livadheve që i ke trashëguar nga të parët e tu! Dhe ndërtojnë shtet të pabanueshëm për popullin , por parajsë për të afërmit e tyre!

Nëpër ‘Shqipëritë’ tona ka shumë politikanë, të ngjashëm me drejtuesit e BDI-së, të cilët besojnë se posa e vë kravatën e politikanit, nga injorant bëhesh më i mençuri i botës! Dhe politikanët e tillë jo vetëm që e marrin në qaf popullin, por duan ta arrijnë të pamundurën: tu takojë edhe lavdia edhe hajnia!

Thënë shkurt e shqip: ‘Shqipëritë‘ tona kanë përplot politikanë që janë fati i fqinjëve tanë dhe i të huajve, por fatkeqësia jonë! Andaj duhet që një ditë e më parë atyre me ligj t’u ndalohet të merren me politikë! Dhe këtë duhet bërë edhe kur kjo nuk u pëlqen miqve tanë perëndimorë, të cilët kanë filluar të besojnë se shqiptaria është një kopsht i mbrojtur nga mjeranë të paaftë ta njohin dhe ta murojnë mirëqenien e vet!” .

(Kim Mehmeti ka lindur në fshatin Gërçec, Shkup në vitin 1955. Është i njohur si shkrimtar, romansier, tregimtar, eseist, publicistë dhe përkthyes nga gjuha maqedonase në gjuhën shqipe dhe anasjelltas.

Është një ndër themeluesit e së përjavshmes “Lobi” e cila botohej në Shkup nga viti 2001 deri në vitin 2006. Ka qenë redaktor i revistës për kulturë “Jehona” (Shkup), redaktor i veprimtarisë botuese pranë SH.B. “Flaka e vëllazërimit” (1991-1992). Në Institutin Shoqëria e Hapur – Maqedoni ka punuar si koordinator i veprimtarisë botuese. Pastaj ka punuar si kryeredaktor për Maqedoninë i Rrjetit Informativ Evropian (AIM) dhe ka qenë edhe koordinator i këtij rrjeti për Ballkanin Perëndimor (1993-2003). Nga viti 1997 deri në vitin 2003 ka qenë drejtor ekzekutiv i Qendrës për Bashkëpunim dhe Mirëkuptim Multikulturorë në Shkup.

Kim Mehmeti është nismëtarë i më shumë iniciativave qytetare në Maqedoni dhe në rajon.

Tani punon si përgjegjës i zyrës së TV Top-Channel në Shkup.

Përpos në gjuhën amtare, Kim Mehmeti shkruan dhe boton edhe në gjuhën maqedonase. Punimet e para letrare i ka botuar në fillim të viteve të shtatëdhjetë të shekullit të njëzet nëpër revistat kroate. Kim Mehmeti është rrëfimtarë i lindur, ai nuk u nënshtrohet shablloneve, por i dorëzohet qëndismës së lëndës së vet rrëfyese. Andaj proza e tij është e veçantë dhe tërheqëse. Thjeshtë ajo e rrëmben lexuesin dhe e shpie drejtë thellësive joshëse nga shkon imagjinata e tij e bujshme, e cila shtrihet nga fantazmagoria e së vërtetës dhe reales deri te irealja dhe fantastikja. Fati, si peshore e jetës, është ai që përcakton krijimtarinë e këtij autori.

Kim Mehmeti, fitues i shpërblimit "Rexhai Surroi" për romanin më të mirë 2008 Kim Mehmeti, fituesi i Shpërblimit “Rexhai Surroi” për romanin më të mirë shqiptar për vitin 2008

Arsyetimi i Jurisë: Për shkathtësinë dhe koloritin e rrëfimit poetik, për mjeshtërinë e ndërtimit të prosedeut romantik, midis magjisë dhe reales, të vërtetës dhe fiktives, të ambientuar në fshatin e tij metaforik, në të cilin ndërthuret e tërë historia jonë, në një periudhë të ndjeshme të agonisë së Perandorisë Otomane, Luftës së Parë dhe të Dytë Botërore, stalinizmit dhe titizmit, juria vendosi njëzëri që çmimi t’i jepet shkrimtarit Kim Mehmeti, për romanin “Vitet e urithit”, botuar nga Toena, Tiranë më 2007.

Shpërblimi për gazetari nuk u nda, sepse sipas vlerësimit të jurisë, pavarësisht faktit se në mesin e konkurruesve ka pasur gazetarë kualitativë, këtë herë cilësia e teksteve të paraqitura nuk ka përkuar me standardin e lartë që ka vendosur juria për ta akorduar këtë shpërblim.

Veprat e Kim Mehmetit janë përkthyer në gjuhën gjermane, franceze, bullgare, turke, kroate dhe në gjuhë tjera)

Protesta masive e opozitës, përballë Parlamentit, të enjten (21.02.2019) përfundoi pas tri orësh, pa incidente dhune. Disa fishekzjarre dhe bomba molotov nuk arritën të përhapen dhe të dominojnë protestën.

Nga Flori Bruqi

Parlamenti ka mbyllur dyert sot, pasi më parë opozita kishte paralajmëruar protestën. Interesant është fakti se ka pasur shumë spekulime se ku do jetë kryeministri Edi Rama gjatë protestës.

Fillimisht u tha se ai mund të jetë në Turqi. Më pas pati spekulime se ai do jetë në Gjirokastër.

Ndërkohë sot është mësuar se Edi Rama është në Tiranë dhe gjendet në kryesinë e Kuvendit në zyrën e kryeparlamentarit Gramoz Ruçi.


                            

Edi Rama nuk ka pasur asnjë reagim zyrtar pas djegies së mandateve nga ana e deputetëve të opozitës, pavarësisht disa ngacmimeve që ka bërë në rrjetet sociale.

Në një intervistë dhënë dje për mediat italiane Rama është shprehur se protestuesit kërkojnë që të djegin Parlamentin, ndërsa ka vijuar më tej duke thënë se qeveria e tij është duke luftuar korrupsionin.

***

Përpara qindra qytetarëve, kreu i opozitës Lulzim Basha dha një mesazh për ndërkombëtarët.

“Dua këtë mesazh të parë t’jua a them miqve tanë. Ne nuk jemi populli i dhunës, ne jemi populli i demokracisë, ne jemi populli i Shqipërisë, ne jemi e ardhmja europiane e vendit. Ne nuk do të pranojmë kurrë më një Kryeministër bandit.


Jam qytetar i Tiranës, në krahun tuaj dhe me ju. Zoti e ka nisur rrugëtimin që nisi dhe bashkimin e shqiptarëve pa ndërprerje deri në largimin e qeverisë së krimit. Rama ik! Ne kërkojmë atë që na takon. Sytë e Europës dhe partnerit tonë strategjik, SHBA, nga sot dhe ky shesh ne do tregojmë vlerat dhe parimet. Lulzim Basha do qëndrojë në krahun tuaj, sepse unë besoj tek demokracia, tek zgjedhjet e lira dhe të ndershme, tek qeveria e së drejtës. Unë besoj tek lira, mundësia për çdo shqiptar”, tha Basha.



****

Lideri i PD-së zt. Lulzim Basha ka vendosur ta mbyll protestën e 21 shkurtit  2019 në selinë e PD, ku ka paralajmëruar se protesta të tjera do të vijojnë në çdo qytet të Shqipërisë.

Basha tha se protestat nuk do të ndalen deri sa të bëjnë të mundur largimin e kryehajdutit, Edi Rama.

“Në çdo cep të Shqipërisë le të nisim këtë rrugëtim shprese dhe force të pandalshme dhe popullore për rrëzimin e regjimit kriminal, largimin e Maduros dhe për të rikthyer në çdo vatër besimin se e nesërmja po vjen, po miq Shqipëria do të ketë të ardhme dhe kjo nuk i takon kriminaleve”, tha Basha.

Ndërkohë që paralajmëroi se pas Tiranës do të vijojnë protestat në Shkodër, Vlorë, Tropojë dhe Sarandë.

“E duam Shqipërinë si gjithë Evropa, Liri Demokraci. Bëhuni gati për betejën e radhës në Tiranë Shkodër Vlorë, Dibër Tropojë, Sarandë anembanë vendit”, përfundoi kryetari i PD.

Deputeti i Merkelit,zt.Nikolas Löbel : Lënia e mandateve, veprim i pazakontë dhe i gabuar

Nikolas Löbel, deputet gjerman i CDU-së së Kancelares Angela Merkel, njëherazi anëtar i politikës së jashtme në Bundestagun gjerman dhe bashkëraportues për Shqipërinë, në një intervistë telefonike nga Berlini për Top Channel, flet për vendimin e deputetëve të opozitës që lanë mandatet

Nikolas Löbel: Është një vendim i pazakontë. Demokracia ndodh në Parlament, populli shqiptar ka votuar për Parlamentin dhe i besojnë atij institucioni që të kujdeset dhe të mbrojë demokracinë dhe shoqërinë. Prandaj, mendoj që është një vendim i gabuar nga ana e opozitës të dorëzojë mandatet dhe të largohet nga ajo dhomë e demokracisë, siç është Parlamenti.

Por, sa do të ndikojë ky veprim i opozitës në vendimin e qershorit që pritet të merret për Shqipërinë?

Nikolas Löbel: Premtimi është dhënë në vitin 2003 për vendet e Ballkanit Perëndimor, që duhet të jenë pjesë e Europës, dhe Gjermania e pjesa tjetër e Europës duan ta mbajnë fjalën. Tani këtë vit, në verë, vendimi do të jetë për Shqipërinë dhe Maqedoninë e Veriut. Më shumë se 90% e popullsisë shqiptare duan të jenë anëtarë të BE-së dhe pjesë e familjes europiane, gjë që e duam edhe ne. Mendoj se Shqipëria pret që ne të vendosim pas kaq kohësh, t’i nisim negociatat tani këtë verë, apo në vjeshtën e këtij viti. Por, anëtarësimi në BE nuk është vetëm përgjegjësi e qeverisë apo opozitës, është diçka e fuqishme që duhet të arrihet si nga qeveria, edhe nga opozita, së bashku, sepse i takon të gjithë shoqërisë dhe shtetit shqiptar të bëhen pjesë e BE-së. Pra, duhet vullneti dhe forca politike e qeverisë dhe opozitës për ta arritur këtë qëllim së bashku. Vendimi për të dorëzuar mandatet nuk është i mirë për qëllimin që duhet të arrijnë së bashku, atë të anëtarësimit në BE.

Nikolas Löbel dha edhe një mesazh të përbashkët për qeverinë dhe opozitën.

Nikolas Löbel: Kam dëgjuar të përmenden disa politikanë gjermanë, që i kanë këshilluar të dorëzojnë mandatet, gjë që nuk është e vërtetë. Ne jemi miq dhe duam të ecim përpara në rrugën drejt anëtarësimit të Shqipërisë, si dhe vendeve të tjera të Ballkanit, në BE. Ky është interesi i gjermanëve dhe rruga ku duam t’iu mbajmë dhe në çdo formë që mund t’iu mbështesim, për ekonominë, turizmin, reformën zgjedhore, reforma në drejtësi, luftën kundër korrupsionit. Për të gjitha këto, Gjermania është në krah të Shqipërisë për t’iu mbështetur. Por, këto vendime janë marrë në politikën e brendshme dhe po presim për vendimet e duhura nga ana juaj, për të shkuar drejt BE-së.

Sot zyrtarisht, deputetët e opozitës të vendit kanë firmosur lënien e mandatit të deputetit. Opozita e bashkuar ka vijuar me protesta, ndërsa kanë si kërkesë krijimin e një qeverie tranzitore, sikundër kanë si kërkesë tjetër zgjedhjet e parakohshme. Por jo të gjithë deputetët e kanë lënë mandatin.

Kush janë deputetët opozitarë që nuk e kanë lënë mandatin?

 Nga Partia Demokratike, nuk e ka firmosur lënien e mandatit të deputetit Fatmir Mediu, Nard Ndoka, Myslym Murrizi dhe Rudina Hajdari. Fatmir Mediu nuk e ka firmosur lënein e mandatit të deputetit, edhe për shkak se ndodhet jashtë vendit.

Nga LSI, është Lefter Koka që nuk e ka firmosur lënien e mandatit të deputetit.

****

Departamenti i Shtetit i bën thirrje opozitës në Shqipëri të mos i dorëzojë në masë mandatet dhe të dënojë publikisht dhunën e ushtruar gjatë protestave.

Matthew Palmer)

Një zëdhënës i Departamentit të Shtetit (Zv/Ndihmës Sekretari i Shtetit për Evropën  Matthew Palmer)ka zhvilluar mbrëmë dy biseda të veçanta telefonike me kryetarin e Partisë Demokratike Lulzim Basha dhe me kryetaren e Lëvizjes Socialiste për Integrim Monika Kryemadhi.

Sipas zëdhënësit të Departamentit të Shtetit, zoti Palmer u bëri thirrje të dy udhëheqësve të opozitës të qëndrojnë të angazhuar në mënyrë konstruktive në proceset demokratike, duke theksuar rolin jetik, që partitë e opozitës duhet të luajnë në një shoqëri demokratike.

Diplomati i lartë amerikan, siç u shpreh zëdhënësi për Zërin e Amerikës, “i këshilloi” dy kryetarët e partive “kundër dorëheqjeve të koordinuara dhe në masë të deputetëve të opozitës nga parlamenti, pasi kjo do të dëmtonte përpjekjet për reforma dhe do të dëmtonte një institucion të rëndësishëm të demokracisë”.

Zoti Palmer, ndërsa theksoi mbështetjen e Shteteve të Bashkuara për të drejtën e qytetarëve për të protestuar në paqe, u bëri thirrje si zotit Basha edhe zonjës Kryemadhi të hedhin poshtë dhe të dënojnë publikisht gjithë dhunën.

Mijra mbështetës të opozitës, të ardhur në Tiranë nga gjithë Shqipëria, kërkuan përsëri largimin e kryeministrit Rama dhe qeverisë së tij dhe zhvillimin e zgjedhjeve të parakohshme parlamentare për t'i dhënë fund asaj që opozita e quan " qeveri të korrupsionit dhe krimit të organizuar”. Atmosfera e protestës ishte ndryshe nga ajo e protestës së 16 shkurtit kur protestuesit qëlluan me gurë godinën e kryeministrisë dhe policinë, i vunë zjarrin pemëve, shkatërruan veprën artistike të artistit të famshëm gjerman Carsten Hӧller, "Kërpudha gjigande” të vendosur në kopshtin e kryeministrisë. Policia nuk përdori të enjten as gaz lotsjellës dhe as plumba gome ndaj protestuesve. Por gazetarët dhe fotorepertorët vendosën maska kundër gazit pas hedhjes së disa bombave Molotov nga protestuesit. Thirrjet paraprake të BE, ambasadores gjermane në Tiranë, Schütz, SHBA dhe OSBE-së për të hequr dorë nga dhuna duket se kësaj here patën efekt tek organizatorët e protestës për të frenuar protestuesit në kryerjen e akteve të ngjashme të dhunës, nisur nga deklarata publike në prag të protestës se do të "shkatërronin Parlamentin”.

Por vendimtare në shmangien e akteve të rënda të dhunës në një protestë masive me mijëra protestues duket se ka qënë deklarata e përbashkët e Përfaqësues së Lartë të BE per Politikën e Jashtme Federica Mogherini dhe Komisionerit për Zgjerim, Johannes Hahn, pikërisht ditën e zhvillimit të protestës. " Riafirmojmë të drejtën e qytetarëve për t'u angazhuar në demostrata paqësore si një tipar dhe vlerë thelbësore e demokracisë, por ne fuqimisht denoncojmë çdo retorikë nga drejtues politikë që bëjnë thirrje për dhunë”, theksuan Mogherini dhe Hahn në ditën e zhvillimit të protestës së opozitës para Parlamentit. Të njëjtin mesazh dhanë të enjten (21.02) edhe SHBA, Ambasada Amerikane në Tiranë në deklaratën e saj bëri të qartë që ”nuk do të pranojë asnjë akt dhune dhe asnjë ndryshim politik që vjen si pasojë e kërcënimeve. Departamenti Amerikan i Shtetit ka kërkuar që debati politik të zhvendoset nga rruga në Parlament.

65 deputetë të opozitës hoqën dorë nga mandatet parlamentare

Që nga dita e sotme liderët e opozitës dhe grupet e tyre parlamentare do të jenë ish-deputetë. Pjesë e protestës ishte edhe dorëzimi i mandateve parlamentare në Kryesinë e Parlamentit. Komisioneri i zgjerimit Hahn e dënoi këtë veprim duke e cilësuar një veprim që "dëmton demokracinë dhe minon përparimin e Shqipërisë në rrugën drejt BE”. Pas protestës së të enjtes, Parlamentit të Shqipërisë, do t'i duhet të funksionojë vetëm me deputetët e maxhorancës, pasi 65 deputetët e opozitës dorëzuan në Kryesinë e Parlamentit, si pjesë e protestës së sotme, mandatet e tyre parlamentare. 74 deputetët e maxhorancës në Parlamentin prej 140 vendesh, do t'u duhet të zhvillojne seancat plenare pa 65 deputetët e opozitës për aq kohë sa Komisioni Qendror i Zgjedhjeve, në zbatim të Kodit Zgjedhor, do t'i zëvendësojë ata me kandidatë që nuk fituan në zgjedhjet parlamentare të vitit 2017 dhe që janë në listat për kandidatë të PD dhe partive të tjera opozitare në zgjedhjet e sipërpërmendura. Analistët politikë parashikojnë që në rast se kandidatë në listën e PD dhe LSI nuk do të pranojnë të jenë deputetë deri në zgjedhjet parlamentare të vitit 2021, atëhere ka gjasa që të formohet një opozitë e re parlamentare me kandidatë të partive të vogla opozitare, që nuk arritën të futen në Parlament por që përfaqësohen nga politikanë të njohur.

Ky është funerali i Qeverisë shqiptare !

Kryetari i PD dhe ish-deputeti demokrat Lulzim Basha bëri me dije se opozita do të vazhdojë protestat antiqeveritare.

Për analistin Ilir Demalia, Edi Rama ka rënë dhe duhet të largohet. Në një lidhje me skype për Ora News, Demalia tha se ambasadorët në Shqipëri janë të korruptuar. Sipas tij ata e shikojnë vendin tonë si El Dorado, ku vijnë pasurohen dhe ikin.

Funerali për Edi Ramën

Ilir Demalia: Edhe ndërkombëtarët janë të korruptuar. Këta ambasadorët e shikojnë Shqipërinë si El Dorado, ku vijnë aspurohen dhe ikin, sidomos këta të përiudhës së fundit gjatë qeverisjes së rilinjdes. Ka sjellë situatë që nuk kishte rrugë tjetër. Unë kam qenë që në fillim, që kur këto zgjedhje u dukën që u vodhën. Nuk është puna këtu se opozita ishte e ndershme. Jo! Opozita nuk kishte mekanizmat dhe financat e rilindjes për të vjedhur.

Opozita bëri atë që duhet të bënte prej kohësh sepse nuk funksionon më ky parlament. Është një rast i paprecedentë, unë nuk jam i qartë si do veprohet ligjërisht më tej. Unë duhet të them që Edi Rama ka mbaruar dhe duhet të largohet. Duhet të largohet për të krijuar një klimë tjetër. Ky është një njeri arrogant.

Analisti dhe prezantuesi i emisionit “360gradë” Artur Zheji i ftuar në studion e Ora News duke komentuar protestën e sotme por dhe atë të 16 shkurtit tha :

 “Rama ka ikur! Kemi një rrugë të mbarë drejt fillimit të ekuilibrimit të pushtetit në Shqipëri. Sot kemi opozitë.”

Artur Zheji komentoi dhe ndërprerjen e sinjalit të gjithë operatorëve të telefonisë celulare në të gjithë bulevardin, përfshirë zonën e protestës dhe përreth Partisë Demokratike.

Nuk kemi nevojë për ty,zt.Knut Fleckenstein

Deputeti i LSI-së, Përparim Spahiu i është përgjigjur deklaratave të raportuesit për Shqipërinë në Parlamentin Europian, Knut Fleckenstein, i cili në intervistë për Deutsche Welle u shpreh se ishte i zhgënjyer prej djegies së mandateve nga opozita.

Spahiu është shprehur se Shqipëria nuk ka nevojë për të dhe shërbimet e tij ndërmjetësuese të dështuara. Sipas tij, Knut nuk ka dhënë asnjë ndihmë për zgjidhjen e krizës politike në Shqipëri.

Reagimi i Përparim Spahiut ndaj Knut Fleckestein

Për shokun Knut!

nuti, të rrijë pa merak, se nuk kemi nevojë më për të dhe shërbimet e tij të dështuara ndërmjetësuese.
Gjatë gjithë mandatit të tij si monitorues i Parlmentit Europian për Shqipërinë, ndodhën krizat më të rënda politike, ekonomike e sociale.
Koha e shërbimit të tij përkoi me kanabizimin e vendit, trafikun e drogës, krizat politike të dekriminizimit dhe çadrës. Në asnjërën prej këtyre krizave, Knuti, nuk na dha as ndihmë e as foli një fjalë.
Tani, në fund të mandatit të tij, e falenderojmë për kontributin e pasuksesshëm
BE dhe perëndimi është më i madh se rroga e Knutit..!!!

Historiku i Trupës Artistike Ushtarake “Hamëz Jashari” të UÇK-së dhe i Programit Artistik “Ai është i gjallë ”, tash “Epopeja e UCK-së”

Interviste me themeluesin e TAU

Akademik Prof.Dibran Fylli, "Hamez Jashari" te UÇK-së, e themeluar tash 20 vjet

Floripress: Si ka funksionuar Trupa Artistike e UCK-së?

Dibran Fylli: Trupa Artistike Ushtarake “Hamëz Jashari” e UÇK-së , (shkurtesa TAU), është themeluar në fillim të muajit shkurt 1999 në Likofc dhe ka funksionuar si sektor i kulturës në kuadër të Shtabit të Përgjithshëm të Ushtrisë Çlirimtare të Kosovës, ndërsa emërtimin e Trupës, me emrin e heroit Hamëz Jashari, e ka miratuar po i njëjti Institucion ushtarak më 18 shkurt 1999. Ideja ishte e imja, kurse kësaj ideje iu bashkëngjitën edhe shokët tjerë si; Latif Zariqi, Shaban Shala, Eprorë i SHP të UÇK-së, Sherif Krasniqi, Nusret Kadriu e Naim Krasniqi.

Floripress: Kush ishin pjesëtarët e kësaj trupe?

- Pjesë e TAU-së “Hamëz Jashari” kanë qenë aktor, regjisor, këngëtar, instrumentist që njëherit kanë qenë edhe pjesëtarë të UÇK-së, të cilët përveç angazhimeve në aktivitetet e Trupës Artistike Ushtarake, të gjithë kanë qenë të angazhuar me detyra ushtarake nëpër Brigadat e Zonave Operative të UÇK-së.

Floripress: Çfarë funksioni ka pasur TAU?

- Qëllimi kryesor ishte që ne kuadër të Ushtrisë së lavdishme çlirimtare të funksionoi edhe sektori i kulturës, gjë që ishte dhe është e nevojshme për çdo ushtri. Në kuadër të TAU-së ka funksionuar Teatri ushtarak, seksioni i muzikës dhe i recitatorëve.
Trupa kishte udhëheqjen e saj; Shef i TAU-së unë, Latif Zariqi, udhëheqës i Teatrit, Nusret Kadriu, udhëheqës artistik si dhe funksione tjera të nevojshme për funksionimin e Trupës.

Floripress: Ku ishte e vendosur TAU “Hamez Jashari”?

-Trupa Artistike Ushtarake “Hamëz Jashari” e UÇK-së, fillimisht ishte vendosur në një lokal afër godinës së SHP në Likofc, aty ku edhe ka filluar punën përgatitore për Manifestimin e parë përkujtimor që do të mbahej më 6 mars 1999. Zyre të përhershme nuk ka pas për arsye të situatës të rënd, sepse asaj kohe forcat ushtarake e policore serbe po sulmonin në drejtim të Likofcit, por gjithsesi Trupa, në ato lokale të improvizuara bëri përgatitjet e duhura për Manifestim.



Floripress: A na përshkruani aktivitetet e kësaj trupe?

-Veprat artistike të TAU-së kanë filluar rrugëtimin nëpër flakë të luftës dhe kanë vazhduar deri edhe në ditët e lirisë me programin artistik “Ai është i gjallë”. Në fund të shkurtit 1999, para Këshillit Artistik paraqita skenarin për ditën e Manifestimit Përkujtimor, në shenj nderimi për ditën e rënies heroike të Kryekomandantit Adem Jashari dhe të Jasharajve, në Betejën e 5, 6 e 7 Marsit. Në skenar ishte paraparë; Rreshtimi i njësiteve ushtarake, Ngritja e flamurit, Dhënia e raportit, Pjesa foljore, Pjesa muzikore e recitative dhe në fund Pjesa skenike “Ai është i gjallë”. Skenari u pranua dhe u vendos që Manifestimi të mbahet më 6 Mars 1999, si dhe emërtimi i Manifestimit të jetë sipas emrit të pjesës skenike “Ai është i gjallë”.

Përkushtimi ynë dhe provat intensive, bënë që programi artistik të jetë gati me kohë dhe në nivel të lartë profesional. Pritej dita dhe ora e fillimit të programit me padurim.

 Vendi ishte caktuar që Manifestimi të mbahej në Prekaz, në një largësi jo të madhe nga forcat serbe të stacionuara afër lagjes Jasharaj dhe për rreth Fabrikës së Municionit në Skënderaj.



Floripress: Sa ka arritur të ngrisë moralin e njerëzve në luftë përmes veprave artistike?

-Sa i përket pyetjes suaj për ngritjen e moralit të njerëzve në kohën kur ka funksionuar Trupa, dua të përmendi rastin e ditës së Manifestimit përkujtimor në Prekaz. Dita e 06 marsit 1999, mbeti e pa harruar dhe me rëndësi të veçanet për mua dhe për TAU-në, por edhe për numrin e mijëra pjesëmarrësve në këtë Manifestim Përkujtimor. Rendi dhe qetësia ishin në nivel të duhur. Kur para tyre u paraqit Figura e Kryekomandantit Adem Jashari dhe zëri i tij që mbërrinte kupën e qiellit duke iu drejtuar popullit me fjalët: “Kush ma vret popullin tim, cili bajloz ma kërkon mejdanin?... Mua me keni kudo, kudo, kudo...”, plasi masa dhe nga çdo kush dëgjohej të thoshte e të pëshpëriste, “More a po e sheh së, Ai qenka gjallë”..., kurse Manifestimin e nderuan me pjesëmarrje: Sylejman Selimi, Komandant i SHP te UÇK-së, Jakup Krasniqi, Zëdhënës i UÇK-së, Komandanti i ZO të Drenicës Sami Lushtaku, Ilaz Kodra, Nuredin Lushtaku, Zenë Prokshi, Sahit e Musë Jashari, Fadil Kodra, Zenun Kodra e shumë të tjerë. Manifestimin e incizuan shumë media kombëtare e ndërkombëtare...


Floripress: Cila ka qenë detyra juaj ?

-Unë përveq obligimeve ushtarake, fillimisht në Njësitin “Shkoza” e më pas në Brigadën 113 të ZO të Drenicës, kam drejtuar edhe Trupën Artistike Ushtarake “Hamëz Jashari” të UÇK-së gjatë luftës si dhe të njëjtën pas lufte në TMK për tri vite, derisa mosinteresimi apo neglizhenca e disa komandantëve bënë që kjo Trupë e themeluar nëpër flakën e luftës të shuhej.



Floripress: Sa është vlerësuar kontributi i kësaj trupe pas luftës?

-Kontributi i Trupës as nuk mund humbet e as nuk mund përvetësohet nga askush, pavarësisht rrethanave të vështira që po kalon shoqëria. 

Sesa është vlerësuar e sa po vlerësohet, nuk mund të përgjigjem, sepse sot as që po përmendën kjo Trupë e as kontributi i saj, por unë do t’i përmendi disa nga aktivitetet e TAU-së që kanë lënë gjurmë në kulturën shqiptare, edhe sot po mbahen e do të mbahen mend për gjithë kohën sa të ekzistoj njerëzimi;
-Në janar të vitit 2000, SHP i TMK-së, e kishte pranuar propozimin tim në emër të TAU-së dhe kishte vendosur që 5, 6 dhe 7 marsi të shënohen me një Manifestim të madh gjithëkombëtar dhe këtë obligim me urdhëresë ushtarake ia kishte lënë në barrë Trupës Artistike Ushtarake dhe udhëheqësit të saj. Në fillim u shkrua skenari dhe u miratua. Së pari manifestimi u emërtua “Ditët e Përndritjës”.



1. Dita e parë, 5 marsi, të jetë një program artistik që do të titullohet “Ai është i gjallë”.

 Në vitin e ardhshëm do të jetë programi qendror dhe do t’i shtohet edhe parakalimi i ushtarëve të të gjitha Zonave dhe njësive vartëse të SHP të TMK-së, para Komandantit të Përgjithshëm do të epej raporti dhe do të vazhdonte me programin artistik.

2. Dita e dytë 6 marsi, në Prishtinë do të mbahet Akademi 

Përkujtimore kushtuar figurës së Kryekomandantit Legjendar Adem Jashari dhe dëshmorëve të UÇK-së. (Për këtë ditë u propozua që në një të ardhme të afërt, data e 6 marsit të shënohet si dita e dëshmorëve të UÇK-së).

3. Dita e tretë, 7 marsi-Nata e Zjarreve, do të mbahet në Prekaz duke filluar nga ora 20:00, me ndezjen e zjarreve dhe programi do të vazhdonte deri në orët e mëngjesit, me këngë e valle, recitime e recitale etj. Mbrëmja do të quhet “Nata e zjarreve” dhe do ta këtë karakteristikën e veçantë, me ndezjen e zjarreve, në të njëjtin vend ku kishte shkrepur flaka e lirisë dy vite më parë. Këto propozime u miratuan nga SHP i TMK-së.

Manifestimi, me gjithë vështirësitë që u paraqiten në grumbullimin e mjeteve financiare, kaloi pa pengesa, derisa për dështime as që bëhej fjalë.

Për sukseset e arritura kanë folur dhe shkruan mediat e shumta që e kishin përcjellë me vëmendje dhe interesim të shtuar manifestimin dhe punën përgatitore, kurse për arritjet tjera, flet fakti së edhe sot e asaj dite ky manifestim po mbahet me të njëjtin skenar dhe formë të organizimit, pa shtuar as munguar gjë.

Vetëm një vit më vonë, saktësisht në janar të vitit 2001, me vendimin e SHP të TMK-së, i ndërrohet emri Manifestimit nga “Ditët e Përndritjes” në “Epopeja e UÇK-së” (ndoshta këtu i ka fillet hajdutllëku i autorësive dhe ideve të të tjerëve). 

Prapë së prapë, Manifestimi mbeti me të njëjtën fizionomi. Puna dhe organizimi kryesor i ngarkohet prapë TAU-së.



Floripress: Për fund

-Historiku i Trupës Artistike Ushtarake “Hamëz Jashari” të UÇK-së dhe i Programit Artistik “Ai është i gjallë”, tash “Epopeja e UCK-së” është ky që është, edhe pse deri me tash shumë pak është thënë për Trupën Artistike Ushtarake dhe për Manifestimin “Ai është i gjallë”. 


Kjo Trupë dhe ky Manifestim, rrënjët i ka në flakë të luftës së lavdishme të UÇK-së. Është ideuar, ndërtuar, themeluar e organizuar gjatë ofensivave serbe. Është një emër i ri në historinë e kulturës shqiptare e deshën e së deshën të tjerët....

Anëtarët e TAU “Hamëz Jashari” të UÇK-së 

(12.02.1999-19.09.1999)

1.Dibran Fylli,

2. Latif Zariqi

3.Sherif Krasniqi

4.Nysret Kadriu

5. Naim Krasniqi

6.Ramadan Kaqkini

7.Muharrem Xhemajli

8.Qazim Bekaj

9.Hamide Xhemajli

10.Bajram Jakupi

11.Xhavit Ferizi

12.Elfije Hasani

13.Teuta Krelani

14.Ganimet Bytyqi

15.Mexhide Kurtaj

16.Kujtim Geci

17.Lirie Istogu

18.Anton Kadishani

19Sami Ferizi

20.Bilall Koci

21.Halit Gashi

22.Violetë Kukaj

23.Ilir Shaqiri

24.Remzi Jakupi

25.Ardita Bejta

26.Ismet Kadishani

27.Ardita Dervishi

28.Shaqir Bejta

29.Mevlude Hoxha

30.Gani Halilaj

31.Nezir Feka

Floripress- Editori: Flori Bruqi
Prishtinë,19.02.2019.