Pse te behet shkembimi i territoreve shqiptare?!

Shkëmbimi i territorit dhe i popullatës është i dëmshëm për ne shqiptarët!?


Shkruan:Mr.Sc.Refik  HASANI


Sa më parë që Serbia do ta njohë Republikën e Kosovës dhe shkëmbehen ambasadorët aq më mirë do të jetë për fillimin e një epoke për ,,normalizimin e raporteve shqiptaro-serbe”.Njohja e realitetit të ri nga Serbia do ta lironte vetë këtë shtet që më së shumti është i ngarkuar nga barrierat e kaluar nga ish-ngrehina artificiale e quajtur Jugosllavi. Këto dy shtete nuk kanë nevojë për shkëmbim të territorit e as të popullatës, por të ulen në tryezën e bisedimeve dhe të njohin njëri tjetrin si shtete të barabarta.
Njohja dhe shkëmbimi i Ambasadorëve
 Bisedimet, pas shpalljes pavarësisë, ishin të nivelit të lartë dhe në nivel të komisioneve të ndryshme. Në këto bisedime do të duhej të afroheshin këto dy shtete, prandaj roli i bashkësisë ndërkombëtare është ta detyroj Serbinë që sa më parë ta njohë Republikën e Kosovës. Serbia me rastin  e shumë incidenteve  në Mitrovicë e gjeti. Pas këtyre bisedimeve praktiko-tekniko në fund të këtij viti-2017, Serbia duhet ta njohë Kosovën dhe asgjë tjetër të mos kërkon faktori ndërkombëtarë, por vetëm të shkëmbehen ambasadorët.
Jo shkëmbim i popullatës
Ideja e shkëmbimit human të popullatës është e vjetër, prandaj edhe nuk ka rezultate dhe nuk do të realizohet. Në këtë projekt humbës do të jemi ne shqiptarët, kurse serbët do të jenë përfitues më të mëdhenj. Lëvizja e organizuar e popullatës prej një vendi përmes një marrëveshje dhe popullata do të kalojnë dhe do të bëhen banorë të një shteti tjetër. Kjo formë e shkëmbimit kolektiv asnjëherë në rrjedhat historike nuk është treguar e dobishme. Kur marrim këto parasysh këto, nuk duhet kërkuar, përkrahur se edhe nuk do të ndodhë në mesë të shqiptarëve dhe serbëve. Faktori politik dhe ushtarak i botës ka përgjegjësin dhe nuk duhet të lejon që të ndodh një shkëmbim në mesë të dy popujve më të mëdhenj të Ballkanit.
Jo shkëmbim i territoreve
Ne shqiptarët nuk kemi të japim territore tona, pasi komuna e Medvegjës, Bujanocit dhe Preshevë janë hapësira tona etnike. Për serbët lokal të Kosovës po ashtu do të bisedohet, por pasi këto standarde për pakicat Kosova tashmë i ka plotësuar tërësisht. Kurse Mitrovica nuk është territor i huaj, por është qytete i trungut shqiptarë. Shkëmbim nuk duhet të kemi, pasi pjesët e trupit tonë Kombëtarë nuk jepen për pjesën tonë. Interes i reciprok i popullit shqiptar dhe atij serb është normalizimin e raporteve. Me këto bisedime, Serbia nëse do të fiton dhe të afrohet më afër me NATO-n duhet të pranoj Kosovën si shtet. Interes i dy shteteve është që të shkëmbehen ambasadorët. Kemi parasysh që Serbia shumë vështir e ka të pranoj që në Beograd të jenë dy ambasada të shteteve shqiptare, por ky është rendi dhe rregullimi i ri botëror. Në këto bisedime duhet të shtrohet drejtë dhe me kompetencë edhe çështja e pazgjidhur e shqiptarëve të Krahinës  së mbetur nënë administrimin e Serbisë. Vetëm pasi Serbia ta njohë Kosovën, atëherë do të fillon faza për një ecje në të gjitha aspektet e jetës, për dy popujt. Shkëmbim i popullatës dhe shkëmbim i territoreve nuk është kurrfarë zgjidhje, dhe do të krijonte probleme zinxhirore në tërë rajonin e Ballkanit dhe më gjerë. E vetmja është që të kalohet ish-hapësira e ngrehinës së quajtur Jugosllavi të stabilizohet dhe të krijohet dhetë bashkëpunohet në shumë fusha të interesit reciprok.Duhet të shkëmbehen ambasadorët, jo territore apo popullata.
21 Janar 2017

Kush e bëri Planin operativ për ndaljen e trenit Ruso-Serb !

Projektin për ndaljen e trenit e ekezekutoi -aprovoi Ministri i Punëve të Brendshme ,zt.Skënder Hyseni  si  dhe Drejtori i Policisë së Kosovës z.Shpend Maxhuni  ndërsa Planin Operativ e bëri zëvendës Drejtori  i Policisë së Kosovës ,zt. Naim Rexha  si dhe nënkoloneli zt.  Sami Shabanaj nga Policia e Kosovës.

Ndërsa Njësitë Speciale  të Policisë elite të Kosovës  e kryen me nderë  urdhërin operacional konform Kushtetutës së Republikës së Kosovës  për ndaljen e trenit Ruso -Serb!

Sami Shabanaj( në mes) 

(Floripress:Flori Bruqi)

*************

Kush e ndali trenin!?

SHKRUAN: FLORIM ZEQA

Java që e lamë pas përfundoi me provokimet luftënxitëse të Serbisë, e të cilat nuk do të ndalen me trenin e "zi", të ilustruar me fotografi dhe shkronja nacionaliste. Treni i nisur me pompoziteti dhe shfrenim nacional-shovinist dhe ikonografi tradicionale serbe, të cilat i kishte përzgjedhur Qeveria e Serbisë me "promovimin" e të ashtuquajturit " trenit rus" dhe linjës hekurudhore nga Beogradi për në qytetin e Mitrovicës, ishte eksperiment dhe veprim i radhës i Qeverisë së Beogradit në suazat e luftës speciale serbe kundër Kosovës. Provokimet serioze të Serbisë nisën në fillim të dhjetorit të vitit të kaluar me ndërtimin e murit ndarës në veri të Mitrovicës, për të vazhduar me ndalesën e Ramush Haradinajt në fillim të janarit në Francë me urdhër të një fletarrestimi serb e deri të treni i "zi", që për qëllim kishte destabilizimin e rajonit me provokimin dhe nxitjen e shqiptarëve për trazira të paparashikuara. Nga tri provokimet e Serbisë, dy prej tyre u çmontuan falë trysnisë ndërkombëtare, në veçanti SHBA-së, përderisa muri ende mbetet në të njëjtat nivele të një muaji më parë.





Nuk ishte Qeveria e Kosovës ajo që e ndaloi trenin provokues serb

Si zakonisht, pas përfundimit të betejës, në sipërfaqe dalin rrahagjoksët për marrjen e meritave për fitoren e ndaljes së trenit. Sikurse Qeveria serbe, që e përdori trenin për konsum të brendshëm politik, ashtu edhe Qeveria e Kosovës e bëri të njëjtën gjë. Pas ndaljes së trenit nga lart (SHBA-ja), Qeveria e Kosovës dërgoi forca të mëdha policore në afërsi të pikës kufitare në Jarinjë, gjoja për të treguar forcën e saj,...krerët e lartë shtetëror ngrinin zërin sikurse gjeli në pleh për diçka që absolutisht nuk është meritë e tyre. Nuk është hera e parë që Hashim Thaçi tenton të marrë meritat e të tjerëve për gjërat pozitive në Kosovë, siç ndodhi me ndaljen e trenit! Kjo, përveçse një tendencë për përmirësimin e rrënuar të imazhit të tij, Hashim Thaçi hapur e injoroi partnerin e koalicionit, më konkretisht kryeministrin e vendit zotin Isa Mustafa për vendimin e Qeverisë për "ndaljen" e trenit, ashtu siç e kishte anashkaluar presidentin e atëhershëm, Fatmir Sejdiu, me rastin e shpalljes së Pavarësisë. Disa nga kanalet televizive të Kosovës dhe analistët e afërt me Thaçin thanë se presidenti ishte ai që e ndalojë trenin, duke e paraqitur atë si njeriun më të fortë të Kosovës, me qëllim të gjetjes së pretekstit që Kosova nesër të shkojë drejt një republike presidenciale! Në fakt, si shpallja e pavarësisë së 2008-s, ashtu edhe ndalja e trenit provokues serb ishte meritë e bashkësisë ndërkombëtare. Sikur të kishin forcën e ndalimit qeveritarët tanë, me të nisur treni do t'i bënin të qartë Serbisë dhe mbarë opinionit publik se treni nuk do të hyjë në Kosovë. Vakumi i një "vendimi" të tillë bëri që shqiptarët brenda një dite, nga të urryerit e Qeverisë të shndërrohen në lavdëruesit e saj... Argumenti shtesë që e vërteton faktin se nuk ishte Qeveria e Kosovës ajo që e ndaloi trenin provokues serb është muri ndarës në veri të Mitrovicës dhe përmendorja e Car Lazarit, si pararojë e atij muri famëkeq.

Politika me Vuçiqin, Nikoliqin e Daçiqin, nuk dallon aspak nga politika luftënxitëse e Milosheviqit

Treni provokues i Serbisë le të na shërbejë kambanë për ndërgjegjësim dhe vetëdijesim kombëtar,...shtron nevojën e unifikimit te faktorit politik shqiptar kundrejt provokimeve të koordinuara të ish-pushtuesve veriorë dhe tejkalim të ndasive dhe mosmarrëveshjeve brendashqiptare. Me trenin provokues Serbia na tregoi edhe një herë se nuk ka hequr dorë nga planet e saj hegjemoniste ndaj Kosovës dhe se është burim i përhershëm i konflikteve në Ballkan. Rasti i trenit provokues "ruso-serb" tregoi se politika aktuale serbe me Vuçiqin, Nikoliqin e Daçiqin nuk dallon aspak nga politika luftënxitëse e Milosheviqit e viteve të '90-ta. Reagimi i institucioneve të Republikës së Kosovës në bazë të përgjegjësive kushtetuese ishte një veprim i domosdoshëm institucional. Në situata të tilla liderët e kanë obligim të jenë shumë më të matur në konstatimet dhe reagimet e tyre,...duke paragjykuar situatën dolën joseriozë para opinionit publik dhe qytetarëve të vendit. Derisa treni po qarkullonte ende në territorin serb, deklaratat e disa liderëve partiakë ishin paragjykuese, të ngutshme dhe aspak produktive. Opozita duhet ta luajë rolin konstruktiv dhe korrigjues ndaj çdo veprimi ose mosveprimi të Qeverisë. Në situata të tilla, të gjithë e kemi për obligim të jemi shumë më të matur në konstatimet dhe reagimet tona. Rendësi ka që treni provokues "rusoserb" nuk hyri në tokën e Kosovës, pak rendësi ka kush e ndali, a e "ndali" Hashim Thaçi, Isa Mustafa, Skënder Hyseni apo Shpend Maxhuni.... Më i rëndësishëm se gjithçka tjetër është koordinimi i veprimeve të institucioneve tona me SHBA-në, garantuesin e lirisë së shtetit tonë. Trenin nuk e ndalem ne, atë e ktheu prapa Amerika, sikurse që zotin Ramush Haradinaj nuk e ekstradoi Franca në Serbi falë ndërhyrjes së SHBA-së. Thank You USA. Atyre që e rrëzojnë murin në veri me plot të drejtë rapsodi popullor do t'ua këndojë këngën "Kush e rrëzoi murin dhe Kosovë e bëri...."



*******

1/14/17

Çizmet zbritni nga tavani!

Treni i telasheve...


Insttucionet e Kosovës treguan nivelin e lartë të përgjegjësisë në mbrojtjen e Kushtetutshmerisë, ligjshmerisë, sovranitetit dhe integritetit të vendit.

Treni i tillë politikë,treni i agresionit ndaj Shtetit të Kosovës,nuk mund dhe nuk duhet të shkel në tokën e Kosovës.

Përgëzoj Qeverinë e Republikës së Kosovës,ministrit përkatëse.

Policia e Kosovës meriton respekt, falenderim dhe përkrahje për vendosmerinë dhe punën e bërë,jo vetëm me këtë rast. Jemi shtet i pelqen apo jo Serbisë.

Sot u ndjeva krenar për reagimin shoqëror, për djemtë e ROSU-së, e për vendimin e ndalimit të trenit provokues. Por me kaq, agresioni serb s’përfundon; agresioni i tyre veç sa ka rinisë... Mund të ndalim secilën përpjekje të Serbisë në Kosovë. Na duhen vendime të tjera, politike, ekonomike, të sigurisë – na duhen të gjithë mendtë, e gjithë forca, gjithçka që kemi – që tregojmë se këtu, megjithatë, është  shteti i Kosovës .(Flori Bruqi)

Krenar me Policinë e Kosovës

Njësitë Speciale të Policisë së Kosovës kanë filluar kontrollimin e shinave të trenit në Veri të Mitrovicës, pasi janë publikuar pamjet ku shihen persona të panjohur që kanë montuar minë përgjatë hekurudhës ku pritet të kalojë treni i Serbisë

Njësitet Speciale të Policisë së Kosovës po kontrollojnë 40 kilometra hekurudhën ku do të kalojë treni i Serbisë që është nisur tashmë në Kosovë, njofton Televisioni i Serbisë “RTS”, transmeton Gazeta Express.

Ky vendim është marrë pasi në disa faqe në Facebook, por edhe Gazeta Express ka publikuar pamjet ku disa persona të panjohur shihet se kanë montuar minë në shinat ku do të kalojë ky tren për të hyrë në Veri të Kosovës.

Serbia ka ngritur masat e sigurisë në Kosovë duke pozicionuar përgjatë maleve në të dy anët e hekurudhës Leshak-Mitrovice, pjesëtarë të njësive speciale të kamufluar si ‘Gjuetar’, kanë njoftuar burime të infojeta.net, nga veriu i vendit.

Sipas burimeve “në tërë gjatësinë rreth 60 km nga Mitrovica deri në pikëkalimin kufitare në Jarinje të Leposaviqit, Qeveria e Serbisë ka urdhëruar njësit speciale të saja që veprojnë në Kosovë, si janë: pjesëtarë të Xhandarmërisë, njësisë së ‘Ujqërve’ dhe asaj të ashtuquajtur ‘Fenix’, këto dy të fundit që janë pasardhëse të njësisë së Tigrave të Arakanit që të mbrojnë hekurudhën gjatë kalimit të Trenit Rus”.

“Është i njëjti skenar sikurse në luftë në Kosovë, kur forcat ushtarake-policore e paramilitare serbe, bënin ndërrimet vijën e frontit në Drenicë, për gjatë dy anëve të rrugës disa orë më parë Serbia poziciononte forcat e saja në mënyrë që ndërrimi njësive të saj të bëhej i sigurt”, ka përshkruar burimi pozicionimin e njësive serbe.

Qeveria e Serbisë haptazi është duke provokuar luftë në Kosovë, duke pozicionuar ën territorin e Kosovës forca speciale përgjatë dy anëve të hekurudhës në male e duke anashkaluar kështu tërësisht Policinë e Kosovës, FSK-së si dhe Forcat e NATO-së, pra KFOR-in.

Banorët e tri fshatrave shqiptarë më në veri të Kosovës e që gjenden në Komunën e Leposaviqit, Bistricë, Ceraj e Koshtovë e Vllahisë, i kanë thënë infojeta.net, se ndihen të frikësuar dhe të pa mbrojtur nga Institucionet e Kosovës.

“Dreq e i birë  nga Serbia kanë ardhura këtu me armë si kallashnikov e snajperë e po shtiren sikurse Gjuetar, ndërsa që makina ‘Lada Niva’, që është e pozicionuar në vendin e quajtur qafen e Orlave, është makina e Mbrojtjes Civile Serbe-(Civilna Zashtita)” ka thënë burimi.

Nuk na ka mbetur tjetër vetëm se të vetëmbrohemi, pasi që organet e sigurisë së Shteti të Kosovës nuk po na mbrojnë e as pjesëtarë e KFOR-it” ka thënë burimi i infojeta.net, nga Koshtova e Vllahisë.

Vetëm në këtë pjesë të këtij fshati sot që nga ora 10:00, pra në ‘Qafën e Orlave’, nga ky shihet qartë hekurudha janë pozicionuar mbi 20 veta të kamufluar si Gjuetar, e po ashtu kanë të veshura edhe rroba kamuflazhi.

Infojeta.net, sjell edhe fotografi të makinë së Civilna Zastitës e që është duke u shfrytëzuar nga Gjuetarë Serbe

Këtë akt agresioni ndaj shtetit të Kosovës, Serbia po e feston në forma të ndryshme. Nesër, para promovimit të kësaj linje, do të organizohet vozitje e lirë me lokomotivën e dhuruar nga Rusia, shkruan lajmi.net.

Përveç kësaj, Serbia është kujdesur që ky tren të përmbajë provokime të rënda për shtetin e Kosovës, duke e “lulisur” me motive kulturore dhe fetare të Serbisë dhe Kosovës.

Në tren po ashtu janë vendosur edhe mbishkrime provokuese si “Kosova është Serbi” në disa gjuhë, duke përfshirë edhe gjuhën shqipe, kineze…

Drejtori i Zyrës për Kosovën në Qeverinë e Serbisë, Marko Gjuriq, ka thënë sot se nuk pret që autoritetet kosovare të parandalojnë hyrjen e trenit në Kosovës, pasi që sipas tij, një trajtim i tillë do të thotë nacionalizëm, shovinizëm dhe cenim i lëvizjes së lirë.

Treni do të qarkullojë në linjën Beograd-Mlladenovac-Lapovo-Kragujevc-Kralevë-Rashkë-Mitrpvicë…

Treni ruso- serb, provokim flagrant për Republikën e Kosovës!

Në Mitrovicën veriore do të kaloj një tren me pasagjerë e jo tanke, gjërat që po ndodhin janë të pabesueshme, ka thënë kryeministri i Serbisë, Aleksandar Vuçiq.

Sipas tij, në pjesën e veriut në Jarinje janë dërguar njësi speciale të Kosovës për të arrestuar shoferët e trenait dhe pasagjerët.

“Për të provokuar konfliktin Prishtina në veri ka dërguar 17 automjete të blinduara”, ka thënë Vuçiq.

Kryeministri i Serbisë, Aleksandar Vuçiq, tha të shtunën në një konferencë të jashtëzakonshme me gazetarë, se ka marrë vendim që ta ndalë trenin me qëllim të, siç tha, “shmangies së konfliktit”.

"Vendimi im ishte, dhe krenohem me të, që ta ndaloj trenin në Rashkë me qëllim të ruajtjes së lirisë së njerëzve tanë dhe të ruaj paqen e të shmang konfliktet”, tha Vuçiq.

Kryeministri Vuçiq, tha pas një takimi emergjent me shërbimet serbe të sigurimit se “Prishtina ka provuar të shkaktojë konflikt”.

Ai u bëri thirrje, siç tha, shqiptarëve të Kosovës që të “mos provojnë të sulmojnë serbët me armë, sepse Serbia nuk do ta lejojë një gjë të tillë”

“Drejt Mitrovicës është nisur një tren udhëtarësh dhe jo një tank, por po ndodhin gjëra të pabesueshme. E kam njoftuar Mogherinin se jam i zhgënjyer me reagimin e BE-së ndaj këtyre zhvillimeve. Gjatë natës do ta njoftojmë Rusinë, nesër Kinën dhe nënpresidentin e SHBA-së dhe t’i njoftoj se “Prishtina po luan lojëra lufte”, tha Vuçiq.

Vuçiq, që foli në një konferencë të jashtëzakonshme me gazetarë tha se Serbia do paqe:

“U bëj thirrje serbëve që të ruajnë qetësinë dhe vërejtja ime e fundit për shqiptarët dhe edhe lutja për ta në Kosovë është që të mos tentojnë t’i sulmojnë serbët me armë, sepse Serbia nuk do ta lejojë një gjë të tillë".

Kryeministri serb, Aleksandar Vuçiq, pasi iu kthye treni – pranë kufirit me Kosovën – për në Beograd, ka kontaktuar ambasadorin rus në Serbi, Aleksandar Çepurin, të cilit i tha se shqiptarët po provokojnë një konflikt të ri.

“Ju njoftojnë se shqiptarët, njësitet speciale të tyre kanë tentuar ta minojnë një pjesë të hekurudhës”, ka thënë ai.



“Shqiptarët i vendosën trupat e tyre në Luzhan, në trekëndëshin Podujevë-Orllan-Vushtrri. I dërguan në Jarinjë, ku pritej treni, që ta arrestojnë makinistin e udhëtarët. Shqiptarët, pa leje të askujt i kishin 17 makina të blinduara të tipit ‘Kobra’ me elitarët ROSU që të provokojnë konflikt. Vendimi im ishte, me çka mburrem, ta ndali trenin në Rashkë e ta kursej e njerëzve tanë”, ka shtuar Vuçiqi.

Amasadori i Amerikës në Kosovë, Greg Delawie, është shprehur i shqetësur për futjen ilegale të trenit të Serbisë nëpër territorin e Kosovës.

Delawie ka thënë se është koha për normalitet dhe jo për përballje.

“I shqetësuar për çështjen e trenit. U bëjë thirrje të përmbahen të gjitha palëve. Nevojë për normalizimin dhe jo për përballje . #Kosovo”- ka shkruar Delawie në Twitter.


***

Muri, treni si rezultat i bisedimeve

Si duket liria e lëvizjes si e drejtë fundamentale e lëvizjes së lirë në mes qytetarëve dhe shteteve nga Qeveria dhe institucionet relevante të Kosovës si duket qenka kuptuar edhe treni rus që është ndalur në Rashkë të Sërbisë  me parullën "Kosova është Serbi"

Është shqetësuese ky veprim dhe fyerje nga autoritetet serbe që po i bën vendit tonë që për çudi këto ngjarje Qeveria e Kosovës po vazhdon e të i kalojë në heshtje, nuk do mend kjo punë dhe nuk pres reagime nga miqtë tanë ndërkombëtarë përderisa në Kuvendin e Kosovës flitet për meditjet e deputetëve, ndërsa fletë arrestet e lëshuar nga Serbia nuk kanë të ndalur për qytetarët e Republikës së Kosovës.

Një ndër reagimet që arrita të shohë është ai në gazetën Zëri, që për mua ishte paksa i çuditshëm nga shefi i grupit parlamentar të PDK-së Zenun Pajaziti ku kishte thënë së: "Muri, treni... për shkak të fitoreve që i kemi arrit në bisedime", është apsurde dhe e konsiderojë jo serioze këtë deklaratë nga shefi i grupit parlamentar të partisë së parë ne vend, për arsye se nuk e di se për cilat te arritura e ka fjalën ky zotëria, kur se fundi kujtojmë murin që ndau Mitrovicën, demarkacioni, decentralizimin e një varg dështime që po vijnë si rezultat i këtyre bisedimeve.

Duke kërkuar nga kjo Qeveri, që për hir të kauzës sonë kombëtare, për hir gjakut të dëshmorëve dhe gjithë atyre që kontribuan për lirinë e vendit tonë të veprojë dhe ta tregojë autoritetin që e ka, duke ndërprerë bisedimet Kosovë-Serbi në menynë urgjente.(Fatlum Krasniqi)

Çizmet zbritni nga tavani!

1. KFOR-i, dhe EULEX-i, janë adresa e parë, mbi të cilin rëndon siguria dhe stabiliteti i Kosovës.

2. Qeveria e Kosovës, pêrmes instrumenteve (që po thotë janë) shtetërore!

Rast tipik, për t'u testuar broçkulla "institucionaliste" e LDK-s, dhe ajo e "sovranitetit" e PDK-s!

3. Ndryshe, na duhet një Komandant trim, i qiftit të MUSTAF (Hoxha) NISHEVCIT, i cili në vitin 1981 anipse, në moshë të shtyrë dhe i paralizuar, në cilësinë e Komandant të (MT) për ditë të tëra në kufirin e Merdarit, mbajti në bllokadë totale ushtrinë e ish Jugosllavisë!!!

4. Në rast se treni hy pa pengesa , shoqëria civile duhet të avokoj; Një bojkotim total të çdo malli (dhe kompanie tregëtare shqiptare, partnere e Serbisë) serb në Kosovë!

5. Ndryshe, mund të dalin edhe opsione tjera...! Ku nuk përjashtohet as rezistenca aktive vetëmbrojtëse! Çizmet zbritni nga tavani...për çdo rast, ngase, ky vit ka filluar të "nxehet" kogja heret!(Fadil Maloku)

Presidenti i Kosovës, Hashim Thaçi: Treni serb nuk futet në Kosovë, mjaft është mjaft!

Presidenti i Kosovës, Hashim Thaçi ka thënë se treni i nisur nga Serbia nuk do të futet në Kosovë, në asnjë rrethanë dhe formë.

“Vendimi është i qartë, i prerë.Një provokim u tillë nuk mund të tolerohet, mjaft është mjaft. Ky tren nuk do të mund të futet në territorin e Kosovës, institucuionet e Kosovës kanë ndërmarrë të gjitha masat kushtetuese, treni i Serbisë nuk do të mund të futet në asnjë kusht dhe çmim në Kosovë”.

Thaçi ka thënë se Kosova është e përcaktuar për dialog dhe normalizim të marrëdhënieve me Serbinë por nuk do të lejohet cenim i integritetit dhe sovranitetit të Kosovës.

“Normalizmi mund të bëhet në frymë euro-atlnantike dhe jo në frymën e mentalitetit të Sllobodan Millosheviqit”.

Ai nuk ka dashur të komentojë për klanin deklaratat e kryeministrit Vuçiq, lidhur me trenin.

“Beogradi flet cka të dojë, nxjerr jusitifikim për moszotësinë e vet por treni nuk futet në Kosovë, falë vendoshësmiër dhe vendime të institucioneve”.

Në Jarinje vërehet numër i shtuar i Policisë së Kosovës duke përfshirë edhe njësitë speciale.

Burime të medias njoftojnë se krerët e Policisë kufitare të Kosovës ndodhen tani në Jarinje, ku sipas këtyre burimeve, policia ka urdhër për ndalim të trenit.

Ish kryeministri i Shqipërisë, Sali Berisha: Treni, një provokacion i ulet dhe i rrezikshëm i Beogradit, u kthye nga erdhi!

Ish kryeministri i Shqipërisë, Sali Berisha ka reaguar pas trenin ilegal me mbi shkrimin “Kosova është Serbi” ishte nisur nga Serbia për në Kosovë.

Berisha ka thënë se përshëndet dhe mbështet plotësisht qëndrimin dhe vendimin dinjitoz të autoriteteve të Kosovës në mbrojtje të sovranitetit dhe integritetit territorial të Republikës së Kosovës.

“Treni i Serbomadhise, nje provokacion i ulet dhe i rrezikshem i Beogradit, u kthye nga erdhi!

Te dashur miq, ne strategjine e rritjes se tensionit dhe destabilizimit te rajonit nga Beogradi, ashtu sikunder u paralajmerua u nis nje tren i veshur me slloganet e Serbise se madhe "Kosova eshte Serbi" dhe i mbushur plot me bashibuzuke serbe qe kishin vendosur te marshonin ne territorin e Republikes se Kosoves.

Duke denuar me ashpersine me te madhe kete akt serbomadh primitiv te rrezikshem dhe destabilizues te autoriteteve te Beogradit zyrtar, shtoj se, sot ata deshmuan dhe nje here se jane skllave te endrres se Serbise se Madhe dhe nje rrezik real per paqen ne rajon!

Une gjithashtu pershendes dhe mbeshtes plotesisht qendrimin dhe vendimin dinjitoz te autoriteteve te Kosoves ne mbrojtje te sovranitetit dhe integritetit territorial te Republikes se Kosoves!”, ka shkruar Berisha

Të kemi kujdes nga provokimet e Serbisë, Policia po e përcjellë situatën

Skënder Hyseni, ministër i Punëve të Brendshme ka thënë se që nga dita e paralajmërimit të nisjes së trenit nga Beogradi, Kosova i shikuar të gjithë mundësit operimit për ta ndalur këtë tren që të hyjë në Kosovë.

“Çdo veprim që kemi bërë ka shkuar në drejtim të mbrojtjes së Kushtetutshmërisë, por edhe në evitimin e një konflikti të rëndë politikë”, ka thënë Hyseni.

“Të gjitha këto veprime dhe plane dhe opsione të mundshme të ndërhyrjes i kemi bërë larg për hirë të suksesit të operacionit”.

“Varësisht nga zhvillimet në terren kemi vendosur edhe për numrin e forcave që do të dërgojmë atje”.

“Është tren ilegal i palicencuar dhe nuk mund të futet në territorin e Republikës së Kosovës.”

“Natyrisht kur kemi të bëjmë me provokime të rënda nga Serbia ne duhet të jemi shumë të kujdesshëm”, ka thënë për klanin Hyseni.

“Gjithsesi ne do të vazhdojmë ta përcjellim situatën në atë pjesë”

ARRHK: Linja hekurudhore e Serbisë 

në Kosovë, ilegale

Në anën tjetër, Rregullatori Hekurudhor i Kosovës, nëpërmes një komunikate ka bërë të ditur se është duke e përcjellë situatën me kujdes, ndërsa ka theksuar se është tejet i shqetësuar me paralajmërimin serb për vendosjen e linjës hekurudhore Beograd – Mitrovicë, që është në kundërshtim të plotë me Ligjin nr. 04/L-063 të Hekurudhave të Kosovës.

“Në bazë të Ligjit për hekurudhat e Kosovës, organi i vetëm kompetent në Kosovës për licencimin e ndërmarrjeve hekurudhore, rregullimin dhe mbikëqyrjen e sektorit hekurudhor dhe për dhënien e certifikatave dhe lejeve të sigurisë për nënsistemin e hekurudhave është Agjencia Rregullative për Hekurudhat e Kosovës (ARH). Në këtë kuptim, duam t’i njoftojmë institucionet, qytetarët dhe të gjitha palët e interesuara, se në bazë të këtij ligji, me Nenin 91, qartë dhe në mënyrë strikte ndalon punën e ndërmarrjeve hekurudhore në territorin e Republikës së Kosovës, para se të licencohen dhe të pajisen me certifikata të sigurisë”, thuhet në komunikatën e Rregullatorit të Hekurudhave të Kosovës, që do të thotë se është i ndaluar ofrimi i shërbimeve hekurudhore në territorin e Kosovës pa licencë të domosdoshme, si dhe pa certifikatë dhe pa leje.

“Ne, Agjencia e Rregullatorit të Hekurudhave (ARH) konstatojmë se kompania në fjalë (në këtë rast “Srbija voz”) është ilegale dhe se çfarëdo kërkese, ose kërkesë për leje, ose vërtetim për siguri nuk do të pranohet tek ne për punën me trenat, sikurse kompanitë të cilat tashmë janë licencuar dhe janë pajisur me certifikata të sigurisë tek ne, si organ përgjegjës rregullativ. Andaj ato ndërmarrje do të punojnë pa leje dhe certifikatë të sigurisë, gjë që është e jashtëligjshme dhe e papranueshme për ne”, thuhet mes të tjerash në komunikatën e Agjencisë Rregullative të Hekurudhave të Kosovës.

Marko Gjuriq: Shqiptarët të mos e ndalojnë trenin

Ndërkaq, drejtori i Zyrës për Kosovën në Qeverinë e Serbisë, Marko Gjuriq, ka thënë të premten se nuk pret që autoritetet kosovare do të ndalojnë hyrjen e trenit, siç thotë ai, “në Kosovë e Metohi”. Në një rast të tillë, Gjuriq ka thënë, “se do kishte të bënte me nacionalizëm, shovinizëm dhe kufizim bazë të të drejtave të njeriut”.

“Kemi dhjetëra autobusë në ditë që shkojnë nga Beogradi në Prishtinë dhe Mitrovicë, si dhe nga qytete tjera. Unë nuk shoh pse duhet të ketë një ndryshim në lidhje me këtë linjë, e cila synon lidhjen më të mirë të pjesëve të vendit tonë”, ka thënë Gjuriq, duke e quajtur Kosovën “vendi ynë”.

Në anën tjetër, Faruk Mujka, nënkryetar i Mitrovicës, tha se vendimi i Serbisë për linjën hekurudhore Beograd – Mitrovicë është cenim i drejtpërdrejtë i sovranitetit të Kosovës. “Ky projekt është vazhdimësi e shmangies së shtetit tonë dhe krijon lidhje direkte me shtetin e Serbisë. Serbia po bën zhvendosjen e kufirit para syve të qeveritarëve tanë. Tashmë kufiri me Serbinë, nga Leposaviqi është zhvendosur në lumin Ibër, ku është ndërtuar një mur ndarës.

Ndërsa, linja hekurudhore që është vendim i shtetit serb është tregues i sjelljes së Beogradit, sikur të ishin brenda të njëjtit shtet me pjesën veriore të Mitrovicës”, ka thënë Mujka, duke shtuar se linja hekurudhore nuk ka të bëjë me kurrfarë integrimi për të cilin flasin qeveritarët tanë.

Mujka: Linja, një prej treguesve se si mund të dukej “Zajednica”

“Përkundrazi, kjo linjë është dëshmi që Serbia e injoron krejtësisht kufirin dhe shtetin e Kosovës dhe përpiqet që t’i tërheqë drejt vetës serbët e Kosovës. Kjo Serbi po i bën të gjitha projektet që e cenojnë sovranitetin në veri të vendit.

Linja hekurudhore është vetëm një prej treguesve se si mund të dukej “Zajednica”, e cila sjell ndarje reale, por edhe simbolike. Flamujt dhe kishat ortodokse në trenat e ri, janë vetëm kujtesë që ndarja është etnike dhe nuk bëhet fjalë për hekurudha përbashkuese. Fatkeqësisht shteti ynë atje përfaqësohet vetëm me bashkëpunim në kontrabandë, legalizim të strukturave paralele, duke i veshur në uniformë të Policisë së Kosovës, faljen e infrastrukturës së PTK-së shtetit të Serbisë, bashkëpronësi me Serbinë mbi “Trepçën” dhe Ujmanin. Serbia është në ofensivë totale, ndërsa ne nuk jemi askund”, ka thënë mes të tjerash nënkryetari i Mitrovicës, Faruk Mujka.

Lufta speciale e Serbisë dhe Rusisë në Ballkan nuk është "tigër prej letre

NGA  PROF.DR. HAKIF BAJRAMI

Shtetet e Bashkuara të Amerikës gjatë vitit 2016 ishin në një luftë kundërthëniesh të papara në këto 50 vjetët e fundit. Rusia e ka shfrytëzuar këtë pozitë në tërë Globin dhe disi ka filluar të diktojë. Në këto rrethana Polonia ka kërkuar ndihmë nga NATO e është në te, kurse Kosova nuk është në NATO por kjo organizatë është këtu. Bota kështu është katandis në mes llojit dhe pasurisë së peshës në varfëri. Sot pasuria e 62 personave më të pasur në Glob është pak më e madhe se pesha e skajshme e gjysmës së popullsisë në tërë botën. Pasiguria në këtë kundërthënie nuk është më e vogël se sa më 1939. Përkundrazi kapitalizmi i pakontrolluar po i tronditë nga themelet mendjet e pikantuara në demokraci. Dhe çka nëse rebelohen të uriturit dhe ISIS, Alkaida dhe çmenduria e gjeneratës në vendet kapitaliste për pasurim dhe përvetësim të djersës së huaj mbetet në hije, apo shndërrohet në "tigër prej letre".

Po ku është Ballkani në këtë rrëmujë?

Në vitin që e lamë pas u zu një serb me 14 kg eksploziv në Prishtinë. Terroristi madje kishte pushuar në 'Grand' dhe vetura e tij ishte ruajtur me "roje speciale". E vërteta mbeti një shushurimë se ai paska planifikuar Katedralen dhe pasi që ajo nuk është serbe, nuk duhet hiperbolizuar. Jemi demokratë more. Në vazhdën e kësaj zeje konvertibilie u zunë TRE "gazetarë" rusë në Krahinën e Rahovecit. Sigurisht kanë ardhur për ta blerë ndonjë gajbe rrush se ka rënë vlera e rubles në Rusi". Në këtë tregim orvelian u sulmua Kuvendi i Kosovës dhe RTK dhe pse të dyshohet në ruso-serbianët po më mirë të dyshohet dhe të akuzohen , madje për "terrorizëm" pesë të rinj shqiptarë, të cilët ç`është e vërteta nuk dinë ta përdorin revolen, e lëre më minahedhësin! Të jetë tregimi më i plotë 26 serbianë dhe rusë u nxunë në flagrancë në Podgoricë, një natë para se në Mal të Zi të mbahen zgjedhjet parlamentare. Disa që ishin të ushtruar në "vjeljen e rrushit" arritën të arratisën në parajsën e gjenocidit, ku tjetër pos në Serbinë e Miloshit dhe Sheshelit ku sundojnë nxënësit e tyre. Madje po thuhet e shkruhet se një rus i "skenarit" të Podgoricës dhe sigurisht edhe Shkodrës në lojën e futbollit, u fotografua me jo më ulët se Ministrin e Punëve të Jashtme të Rusisë, që ishte për shitje të migëve në Beograd, shkelqësinë tij, Sergej Lavrovin. Ani çka, kur në SHBA, Vladimir Putini arrin të dezorientojë tërë strategjinë e Partisë Demokrate. E aty është fuqia më e madhe e njerëzimit. Fotografimi në Beograd është bërë sigurisht pasi që janë marrë instruksionet dhe bërë pagesat për punë "humanitare". Si përfundim i kësaj katrologjie nxënësit e Milloshit dhe Sheshelit morën dhuratë nja 10-20-30 avionë lufte nga Kremlini. I blenë me grancion që Serbia t` i paguajë nga devidenta e 'Trepçës' dhe Borit. Të paktën kështu "shkuan " në garancionin konvertibilkitetit sepse rubla dhe dinari janë leckosë tejmase. Në ditën e Krishtlindjeve Ortodokse (2017) priftërinjtë serbë lëshuan lutje "humane" nga oborri i Universitetit "Hasan Prishtina", sepse duan edhe një herë ta përgjakin tokën e Kosovës, sikurse më 1999. Këta prifta nuk jetojnë pa gjak dhe dhunë sepse ndryshe nuk munden ta propogandojnë se "Kosova është e tyre." E bëjnë këtë , jo që nuk e dinë se nuk është e tyre, por duan t`i vënë para aktit të kryer përgjithmonë çështjen e Toplicës (714 fshatra i shfarosën për 20 ditë më 1877). E shfarosen Sanxhakun hap pas hapi duke e ndarë më në fund më 1944/5. Dhe këtu është mjegulla e priftërinjve për të bërë gjueti pastaj pushtetarët e Beligradit, për t'i rrëzuar 286 xhami më 1877, më 1918, më 1999. Hej zanat është ky dhe nuk harrohet, sepse "populli i qiellit" duhet të rrojë në tokën e "Shën Savës" së verbuar nga të afërmit. Këta janë që kanë kërkuar koka të shqiptarit më 1975 në "Bozhur", në kohën e komunistëve e tani munden të kërkojnë nja dyqind metra më në juglindje në kishën e tyre, ku nuk ka pasur kishë kurrë, ku duhet të mësojnë të gjithë studentët pa dallim kombi. A kanë serbët kishë para ndonjë rektorati të tyre, jo, e pse të ketë në Kosovë? Kambanat po bien, por nuk po i dëgjon kush duhet, sepse janë të preokupuar të rrimë të zgjuar sa kushtojnë biletat për Bruksel, për Nju-Jork, për, për… Mirë është kjo filozofi mizantrope, sepse deputetët i kanë rrogat e vogla dhe duhet t'i rrisin për 20%-36%, sepse në këtë nivel i kanë realizuar planet e vitit që shkoi. Dhe rritja duhet të ndodhë, sepse deputetët tanë më shumë harxhojnë për berberë e teleisje sesa një familje pesëanëtarëshe. Ani sepse po i përcjell televizioni permanent dhe nuk duhet të duken gexhana. Deputetë bre me një fakultet e diploma të ministrave, që i fituan në vendlindjet e tyre nga 4-7 vota, me kryetar qeverie që i humb zgjedhjet në komunë dhe fiton në shtet. Këta jemi në kombinime inatçore në politikë.

Pse u burgos Ramush HARADINAJ në Francë në tokën zvicerane?

Kambanat po bien, si tha këto ditë kryeministri Edi RAMA. Por deri sa pushtetarët tanë të mos dinë se për kë do të bien kambanat, Ramush HARADINAJ po qëndron i burgosur në Francë. Edhe për këtë burgosje po flitet se Serbia është informuar kur udhëton Haradinaj. Dhe burgimi kishte për qëllim që të ndodhë në tokën e Zvicrës, aty ku në ditarin tim më 1991 shënova se: "Këtu në Zvicër vlojka uji në akull". Po thuhet se gisht në burgosje ka Serbia, por edhe Kosova, madje të dy subjektet së bashku. E vërteta, shërbimet tona janë shumë të "profesionalizuara" dhe do të kenë ditur sikur në rastin e Kumanovës, por "paqësor jemi dhe nuk na gjendet lloji në planet". Nëse sërish Serbia kërcënohet me luftë, e dikush këtë kërcënim po e quan "llafe", më duhet patjetër ta publikoj një bisedë shumë të rëndë me prof. Mark Krasniqin në Zvicër më 1991. Në mbrëmje pas shumë tubimeve që u mbajtën atë ditë, profa më tha qortueshëm: "Ti Hakif po flet për luftën si mjet të çlirimit, nuk na duhet lufta fare, sepse kemi rreshtim paqësor". Aty ishte akademik Idriz Ajeti që tërë kohën heshti dhe nuk shfaqi kritikë fare. Dhe, pasi që u kalua muri i respektit që kisha për këta kolos prej pedagogësh, u vërsula shumë rreptë: "Profesorë të nderuar, Serbia na ka shpallur luftë më 23 mars 1989. Ne duhet ta pranojmë luftën, dhe të mbrohemi, përndryshe Milloshi po shkon me shkallëzim në shfarosejn tonë sikurse ka bërë gjenerata e Jovan Ristiqit më 1877 në Toplicë dhe Evropa i ka pranuar rezultatet e aktit të kryer. Unë jam historian dhe kam profesion filozofinë e politikës. Do ta shohim në vijim, se politika paqësore është shumë afirmative, por afirmativizimin nuk po e respekton okupatori". Ne duhet të përgatitemi në shkallë evolutive dhe një ditë t`ia shkrepim edhe ne me adetet tona, me zakonet tona, me armët tona të pakta, por çlirimtare. Ata që ishin aty filluan të aplaudojnë. Dhe pak më vonë, do të më qortojë një profesor shumë i nderuar me faktin se në tubime: " Unë po flas shumë më tepër se akademikët e respektuar". E pranova vërejtjen, dhe nuk e përsërita , por nga pozicioni i luftës së imponuar që të mbrohemi nuk hoqa dorë kurrë. E sot, të gjithë ata që po quajnë luftën speciale të Serbisë me Rusinë prapa: "Kemi të bëjmë me një tigër prej letre", disi po më duket se po na përsëritet historia, vetëm aktorët e "Hamletit" janë më të shmikuar. Deputetët e Parlamentit Kosovës krihen para pasqyrës, shkojnë në seanca, regjistrohen dhe i marrin mëditjet. Pastaj dalin nga ndërtesa e Kuvendit për të punuar edhe jashtë orarit për ndonjë tender në orar. Në këto rrethana Serbia në të gjitha anët na i ka vënë pritat. Tani manipulohet me një draftrezolutë në BE, sepse në "Kosovë ka kundërthënie". E vërteta kjo është "një shpejtësi e tretë", nëse asociacioni dështon sepse demarkacioni është sigurisht në pozicion të dështuar. Kështu Serbia ka shansin të kërcënohet e popat nuk mahiten, sepse Specialja ua ka krijuar kushtet për luftë speciale.

*****

Nga Floripress/Flori Bruqi

 Hakif Bajrami  është historian  i mirënjohur shqiptar. U lind më 7 mars 1943, në katundin Balsh të komunës së BPodujevës , Malësi e Llapit. Shkollimin tetëvjeçar e kreu në Podujevë.

 Këtu e kreu, me sukses shembullor, dhe shkollimin e mesëm, në gjimnaz. Në Prishtinë, pikërisht në Degën e Historisë së Fakultetit Filozofik, i mbaroi studimet universitare.

Nga viti 1969 u punësua si arsimtar i gjuhës latine dhe i sociologjisë në Gjimnazin e Podujevës, por do të do të nxirret nga detyra si i “padëshiruar potencial për regjimin”.

 Më 1970 erdhi në Gjimnazin e Prishtinës, prapë arsimtar i gjuhës latine dhe i sociologjisë, kurse nga viti 1973 edhe i historisë në Gjimnazin e Prishtinës dhe të paraleles së tij në Podujevë, e njëkohësit i vazhdoi studimet pasuniversitare, në Fakultetin Filozofik të Prishtinës, për të magjistruar më 1975.

Nga tashti, me gradën shkencor “Magjistër i Shkencave të Historisë” u punësua “Bashkëpunëtor shkencor” në Entin e Historisë së Kosovës, ku i ngjeshi përpjekjet për ngritjen profesionale shkencore dhe më 15 janar 1979 e mori gradën shkencore “Doktor i Shkencave historike”.

Botime nga Prof.Dr.Hakif Bajrami


1. Rrethanat shoqëroro politike në Kosovë 1918-1941, Prishtinë 1981, fq. 365;
2. Aradhja Partizane e Shalës, Beograd 1981, fq. 106;
3. Partia Komuniste e Jugosllavisë në Kosovë 1919-1941, Prishtinë 1983, fq. 238;
4. Aradhja Partizane “Bajram Curri”, Prishtinë, 1985, fq. 244;
5. Bataloni Partizan “Meto Bajraktari”, Prishtinë 1988, fq. 232;
6. Libri i bardhë (në katër gjuhë: shqip Anglisht, frëngjisht, gjermanisht, serbokroatisht), Prishtinë-Tiranë,1992, fq. 106 ( gjithsej 512 faqe);
7. Tragjedia e Tivarit, Prishtinë 1993, fq. 226;
8. Bedri Pejani 1885-1946, Prishtinë, 1994, fq. 205;
9. Politika e shfarosjes së shqiptarëve dhe kolonizimi serb i Kosovës 1844-1995, Prishtinë 1995, fq. 208;
10. Dëbimi dhe shpërngulja e shqiptarëve në Turqi (dokumente), Prishtinë 1996, fq. 506;
11. Mustafë Hoxhë Nishefci 1915-1995, Prishtinë 1997, fq. 338;
12. Kosova prej Bujanit në Kaçanik, Prishtinë 1997. F. 424 ( i ndaluar më 1990 në shtypshkronjë);
13. Programet që shënuan historinë kombëtare shqiptare 1878-1997, Prishtinë 1997, f. 162;
14. Dokumente të institucioneve gjermane për historinë shqiptare 1941-1944, Prishtinë 1998, fq. 302;
15. Ismail Hasan Ajeti-Bushi, Prishtinë 1999, fq. 166;
16. Ibrahim Gjakova shtyllë e Komitetit Kosovës, Prishtinë 2000, fq. 104;
17. Met Podjeva-Babloku, 1888-1976, Prishtinë 2000, fq. 202;
18. Kosova njëzetë shekuj të identitetit saj, Prishtinë 2001, fq. 156;
19. Politika serbe për rikolonizimin e Kosovës me sllavë 1945-1948 (vëllimi i parë), Prishtinë 2002, fq. 634;
20. Programi Kombëtar politik i shqiptarëve, Prishtinë, 2002, fq. 110;
21. Si e okupoi Serbia Kosovën më 1912 (1), Prishtinë 2003 fq. 230;
22. Dosja Demaçi, Prishtinë 2003 dhe botimi i dytë 2004,479;
23. Naçertania program politik serb për shfarosjen e shqiptarëve 1844 – 1999, Prishtinë 2004, fq, 339;
24. Riokupimi i Kosovës nga Serbia më 1918 (2), Prishtinë 2004, fq. 310;
25. Politika dhe lufta e drejtë shqiptare përballë neofashizmit serb 1989 – 1999, Prishtinë, 2006, fq. 530;
26. Antimemorandum (në gjuhët: shqip, anglisht, serbisht), Prishtinë 2007, fq. 207;
27. Zavere i zloçini UDB-e Jugoslavije prema albancima na Kosovu do 1966, Pristina, 2008, fq. 207;
28. Komiteti “Mbrojtja Kombëtare e Kosovës” dhe Qeveritë e Tiranës për krimet serbe ndaj shqiptarëve 1918-1941, Prishtinë, 2008, fq. 462;
29. Shqiptarët në mes Lindjes (Stalinit) dhe Perëndimit (Çerqillit), (botuar si fejton ekskluziv në “Kosova Sot”, 2008 (në procedurë për botim në libër);
30. “Si e tradhtoi PKJ udhëheqësin shqiptare rreth çështjes së Kosovës ( dokumente sekrete” – Libër në procedure të botimit;
31. Epoka e Adem Demaçit, Prishtinë, 2009, fq. 68.

Kryeministrja e Britanisë, Theresa May : Donald : Trump e kupton vlerën strategjike të NATO-s

Një ditë pas inaugurimit të Presidentit të Shteteve të Bashkuara, Donald Trump, kryeministrja e Britanisë, Theresa May është shprehur se Donald Trump e kupton vlerën strategjike të NATO-s dhe e njeh rëndësinë e domethënien e saj.

Deklarata e May vie pas shqetësimeve që janë ngritur pas deklaratave të më hershme që Trump ka dhënë për NATO-n, të cilën e ka quajtur një organizatë të vjetruar, ndërsa aleatëve të SHBA-ve u ka kërkuar të paguajnë më shumë për NATO-n dhe sigurinë e tyre.

May në një intervistë për “Financial Times” është shprehur që beson se Britania e Madhe mund të zhvillojë një marrëveshje të re tregtare me SHBA-të, ndërsa pret që të takohet së shpejti me Trumpin në Uashington.

Gratë e botës kundër Donald Trumpit

Mijëra njerëz në më shumë se 600 qytete kanë dalë në rrugë, si pjesë e një nisme globale "Marshi i grave" në shenjë proteste kundër presidentit të sapo-inauguruar të SHBA-së, Donald Trump.

Mijëra njerëz në më shumë se 600 qytete kanë dalë në rrugë, si pjesë e një nisme globale "Marshi i grave" në shenjë proteste kundër presidentit të sapo-inauguruar të SHBA-së, Donald Trump.

Ju lutem, mos i vrisni serbët, tha Vuçiq...

 Adriatik Kelmendi

...edhe pse ka më shumë se 10 vjet, sigurisht, që në Kosovë nuk ka pasur ndonjë vrasje me motive etnike. Për çfarë vrasjesh e ka fjalën Vuçiq?! Apo mos duhet përgatitur që në ditët në vijim të shohim edhe ndonjë “Panda” tjetër?!

1.
TRENI RUS me mbishkrimet në 21 gjuhë “Kosova është Serbi” arrin në stacionin në veri të Mitrovicës.
“Kjo nuk është asgjë e re. Ne vetëm kemi udhëtuar nga Beogradi, nëpër Serbinë qendrore dhe kemi ardhur në Krahinën tonë jugore, në Kosmet”, flet me triumfalizëm, Marko Gjuriq, shef i zyrës për Kosovën në Qeverinë e Serbisë.
I rrethuar me klerikë serbë, ai u buzëqesh gazetarëve që kanë udhëtuar me trenin e njëjtë me të, derisa një bashkudhëtar ia hedh rreth qafës një flamur të Serbisë.
“Të mos na ftohesh, se na duhesh, shef”, i thotë. “Pa ju s’kemi jetë ne këtu”.
“Mos u mërzitni. Këtu jemi në tokën e shenjtë të Serbisë. Së shpejti me këtë tren do të vazhdojmë për në Fushë-Kosovë e Ferizaj”, ia shtrëngon shpatullat Gjuriqi.
“Bravo, shef! Ky tren e vërtetoi se Kosova ka qenë, është dhe gjithmonë do të jetë Serbi”.

2.
TRENI RUS sapo ka kaluar në territorin e Kosovës. Udhëtarët, bashkë me përfaqësuesit e qeverisë së Beogradit dhe klerikët, këndojnë me zërin në kupë të qiellit.
Njëra nga manekinet, e veshur si stjuardesë, ia mbyll syrin Gjuriqit me erotizëm. Ai e thërret që t’u bashkohet në këngë.
Sapo e bën hapin e parë, një xham i trenit thyhet. Ajo kap qafën për ta mbuluar gjakun.
“Po na sulmojnë! ‘Shiptarët’ po na gjuajnë”, bërtet dikush.
Në panik, të gjithë shtrihen në dyshemenë e trenit.
Thyhen edhe dy xhama të tjerë.
“Do të na vrasin të gjithëve”, thërret manekinia.
“Shtrenjtë do ta paguajnë këtë ‘shiptarët’”, i siguron Gjuriq. “Do ta marrin atë që po kërkojnë”.
Një ditë më vonë, në 11:00 të mëngjesit, Gjuriq mban konferencë shtypi në qendër të veriut të Mitrovicës. Në një tavolinë të improvizuar ka prezantuar disa plumba, një granatë të pashpërthyer dhe disa gurë të mëdhenj.
“Siç e keni dëgjuar mbrëmë në konferencën e jashtëzakonshme të shtypit, kryeministri Aleksandar Vuçiq u ka telefonuar të gjithë liderëve të shteteve, duke kërkuar nga ta që të mos lejojnë spastrimin etnik të serbëve nga Kosova. Kam kënaqësinë t’ju njoftoj se Rusia ka kërkuar mbledhje urgjente të Këshillit të Sigurimit të OKB-së, në të cilën ne presim që të shfuqizohet Rezoluta 1244 dhe që ushtria serbe të hyjë në territorin e krahinës jugore, për t’i ruajtur serbët që po vriten nga ‘shiptarët’”.
Qytetarët duartrokasin. Disa prej tyre kanë qëndruar në shesh, duke protestuar që nga mbrëmja e kaluar.
“Na jepni armë, duam armë!”, dëgjohet dikush.
"S’ka nevojë që ju të shqetësoheni. Bota tashmë e ka të qartë se shqiptarët nuk duan asnjë serb në Kosmet”, e porosit Gjuriq. "Nga sot ne kemi ndërprerë çdo kontakt me institucionet e përkohshme qeverisëse të Prishtinës, do të tërhiqemi nga secili obligim që kemi marrë nga dialogu në Bruksel dhe do të shpallim organet serbe vetëqeverisëse. Kemi urdhëruar secilin zyrtar serb që t’i lëshojë institucionet e Prishtinës, qoftë në qeveri, qoftë në parlament, gjyqësi ose kudo”.
I ngre dy grushte në drejtim të qiellit:
“Mjaft më, Kosmeti është tokë serbe”.

3.
TRENI RUS është njëri nga veprimet e ndërmarra nga Beogradi me synimin që ta zërë “trenin e fundit”, siç duket të besojnë ata, për të shpëtuar diçka nga humbja e Kosovës.
Dy skenarët e mësipërm, cilido që do të realizohej, do të nënkuptonte triumf për qeverinë serbe. Nëse treni do të qarkullonte lirisht deri në Mitrovicë, mesazhi do të ishte se deri në Mitrovicë është Serbi. Nëse treni do të sulmohej, mesazhi do të ishte se jetët e serbëve janë të rrezikuara në Kosovë dhe për këtë Beogradi duhet ta aneksojë veriun dhe komunat me shumicë serbe, në mënyrë që t’i mbrojë serbët.
Të dy këta skenarë ranë në ujë për shkak se treni nuk u lejua të hynte fare në Kosovë.
Mirëpo, me këtë nuk kanë përfunduar edhe provokimet e Beogradit për të krijuar pozicion faktik politik në terren, në mënyrë që pastaj të hyhet në një fazë të re negociatash, me qëllimin final - ndarjen e Kosovës.

4.
NË SYTË E qeverisë së Vuçiqit nuk ka një moment më të përshtatshëm për të bërë përpjekjen e fundit për ta ndarë Kosovën.
Klasa politike në Kosovë është pikë e pesë ndërmjet vete.
Bashkimi Evropian është i mbingarkuar me problemet e brendshme, me krizën e refugjatëve, Sirinë e BREXIT-in, saqë nuk ka kapacitete të mjaftueshme edhe po të dëshironte të merrej me krizën e re në Kosovë.
Dy shtetet më të rëndësishme të BE-së, Gjermania e Franca, së shpejti hyjnë në fushatat për ciklet zgjedhore shumë të rëndësishme për to.
SHBA-ja është e preokupuar me ndërrimin e administratës dhe Presidentit të ri Trump do t’i duhet kohë për t’u marrë me Ballkanin.
Rusia, sakaq, synon që t’i shfrytëzojë të gjitha këto, në mënyrë që të rritë ndikimin në Ballkan, para se edhe Mali i Zi zyrtarisht të bëhet pjesë e NATO-s.
Në këtë frymë, edhe muri në veri të Mitrovicës.
Në të njëjtën frymë, edhe arrestimi i Haradinajt dhe këmbëngulja që ai të ekstradohet me çdo kusht në Serbi.
Beogradit, në fakt, fare nuk i intereson muri. Njësoj siç fare nuk i intereson të “arrihet drejtësia” me gjykimin e Haradinajt. Beogradit i intereson vetëm që shqiptarët të provokohen, të bien në grackë, të sulmojnë serbët në Kosovë dhe këtë ta përdorë pastaj si argument - se shqiptarët nuk duan të jetojnë me serbët.
Beogradi llogarit se gjakrat do të nxehen edhe me ndonjë arrestim me peshë nga Gjykata Speciale në Kosovë, me të cilin përçarja ndërmjet partive politike, gjegjësisht përkrahësve të tyre, vetëm sa do të rritet dhe që, mundësisht, shqiptarët të fillojnë ta luftojnë njëri-tjetrin e të mos kenë kapacitete për t’iu kundërvënë planit serb.

5.
KA MË SHUMË se 10 vjet, sigurisht, që në Kosovë nuk ka pasur ndonjë vrasje me motive etnike.
Mirëpo, kryeministri serb, Vuçiq, në konferencën e shtypit, pas dështimit të hyrjes së “trenit rus” në Kosovë, “i luti shqiptarët që të mos i vrasin serbët në Kosovë”.
Për çfarë vrasjesh e ka fjalën Vuçiq?!
Apo mos duhet përgatitur që në ditët në vijim të shohim edhe ndonjë “Panda” tjetër?!
Ta kemi të qartë: Në Kosovë janë rreth 95% shqiptarë.
Për Kosovën vendos Prishtina, jo Beogradi.
Konflikti Kosovë-Serbi i konvenon vetëm Serbisë, në mënyrë që të provojë të fitojë bile diçka nga ajo që ka humbur.
Shqiptarët s'kanë arsye t'u bien daulleve të luftës.
Shqiptarët s'kanë pse ta luajnë lojën e Serbisë.

Ish-kryeministri i Shqipërisë, Prof.Dr. Sali Berisha : Akademik Ibrahim Rugova, gjeniu i politikës shqiptare

Ish-kryeministri i Shqipërisë, Sali Berisha, ka përkujtuar ish-presidentin e Kosovës, Ibrahim Rugova në 11 vjetorin e vdekjes së tij.

Në një postim në rrjetin social “Facebook”, Berisha ka shkruar se e nderon përjetë gjeniun e politikës shqiptare.

“Në përvjetorin e ndarjes nga jeta! Në nderim perjete gjeniut te politikes shqiptare, arkitektit te Kosoves se Pavarur, mikut tim, presidentit Ibrahim Rugova!”, ka shkruar Berisha në Facebook.

Strasburgu, qendër e Gjykatës Europiane për të Drejtat e Njeriut dhe Qendër e Këshillit të Europës, ka qenë nikoqir i protestuesve shqiptarë.

Protestë për Haradinajn në Strasburg

Me flamuj shqiptarë dhe amerikanë, me fare pak të Kosovës dhe pa asnjë të Francës, qindra bashkëkombës kanë protestuar për lirimin e Ramush Haradinajt

Strasburgu, qendër e Gjykatës Europiane për të Drejtat e Njeriut dhe Qendër e Këshillit të Europës, ka qenë nikoqir i protestuesve shqiptarë.

Ndërkohë, mijëra qytetarë sot në Prishtinë kanë protestuar për Haradinajn.

Ramush Haradinaj është arrestuar më 4 janar në Francë, me një urdhërarrest që Serbia e ka lëshuar përmes INTERPOL-it që nga viti 2004. Pas 8 ditësh mbajtje ai është lënë i lirë me kusht, duke u obliguar që të qëndrojë në Francë dhe të paraqitet dy herë në javë në polici. Kësisoj, deri në një vendim të ri të Gjykatës në Colmar.

Ambasadori amerikan në Beograd, Kyle Scott, ka ripërsëritur qëndrimin se nuk priten ndryshime të mëdha në politikën në e jashtme të SHBA-së, pas marrjes së detyrës së presidentit nga Donald Trump.

Ambasadori i SHBA-ve në Beograd Kyle Scott

Ambasadori amerikan në Beograd,lartëmadhëria e tij Kyle Scott ka thënë se nuk pret ndryshime të politikës së SHBA-së as kur bëhet fjalë për Ballkanin.

“Unë nuk kam dëgjuar asgjë nga administrata e re që do të ketë ndryshime të mëdha në politikën ndaj rajonit, që do të thotë se ne ende mbesim për integrim të rajonit në Bashkimin Evropian, si dhe në pajtimin mes vendeve”, ka thënë Scott, raporton FoNet, përcjell koha.net.

Edhe kur ishte zgjedhur president Donald Trumpi, Scott kishte thënë se nuk pret që interesant e SHBA-ve në Ballkan të mbeten të njëjta.

“Do të fokusohemi në stabilitet, pajtimin rajonal, do të inkurajojmë vendet e rajonit të vazhdojnë modernizimin dhe reformimin drejt anëtarësimit në Bashkimin Evropian. Nuk kam parë diçka në fushatën e Trumpit, që do të më shtynte të besoja se do të ndryshojë politikën e SHBA-ve ndaj pavarësisë së Kosovës”, kishte deklaruar Scott.

Deputetja e PD-së, Mimoza Hajdarmajat , akuzon premierin shqiptar zt. Edvin Kristaq Ramën se nuk po e lejon vendosjen e shtatores së Akademik Ibrahim Rugovës në Tiranë

Mimoza Hajdarmajat

Në 11 vjetorin e vdekjes së Presidentit të parë Kosovës, Ibrahim Rugova, kanë qenë me mijëra mesazhet në përkujtim të figurës së tij.

Deputetja e PD-së, Mimoza Hajdarmajat, në mesazhin e saj ka dhe një pyetje për kryeministrin Edi Rama, se përse po vazhdon të mos lejojë ngritjen e shtatores së Ibrahim Rugovës në Tiranë.

Ajo thekson se që në vitin 2014-të me iniciativë të kreut demokrat Lulzim Basha, në atë kohë kryetar i Bashkisë së Tiranës, dhe qindra qytetarë të Tiranës me kontribute vullnetare realizuan shtatoren e Rugovës, por që nuk u lejua nga qeveria e majtë për tu vendosur në asnjë shesh të kryeqytetit.




Ja mesazhi i  Z. Mimoza Hajdarmatajt:

Sot në përvjetorin e ndarjes nga jeta të legjendarit të Kombit, Presidentit Ibrahim Rugova, kujtimi dhe nderimi për të është obligim.

Zemrës së Kombit, metropolit të shqiptarisë, Tiranës tonë, i mungon një shtatore.

Një shtatore që do të përjetësonte mirënjohjen kombëtare për veprën e Tij të pavdekshme.

Edhe pse qysh prej vitit 2014, kur me iniciativën e Z. Lulzim Basha dhe me kontributet vullnetare të qytetarëve të Tiranës është realizuar dhe është gati shtatorja e Presidentit Ibrahim Rugova, kjo nuk gjeti mirëkuptimin dhe mbështetjen e pinjollëve të diktaturës në pushtet.

Për ta më të rëndësishme janë bunkerët.

Politika e “nxehtë” në Ballkanin e “ftohtë”

Ballkani, i cili u përfol për rastet e vdekjeve si rezultat i të ftohtit të madh gjatë muajve të dimrit, nga ana tjetër është nxehur mjaft nga tensionet etnike që kohëve të fundit u rritën mes shteteve të rajonit.

Zhvillimet e ngrohta që pasuan njëri-tjetrin, tregoi se sa të ndjeshme janë ende marrëdhëniet në Ballkan dhe se sa lehtë mund të prishen për një çast.

Fillimisht tensioni për BE-në midis Serbisë dhe Koracisë, e më pas festimet e ditës së Republikës Sërpska në kundërshtim me kushtetutën në Bosnjë e Hercegovinë, arrestimi i ish-kryeministrit të Kosovës Ramush Haradinaj dhe së fundmi kriza e trenit në mes të Kosovës dhe Serbisë, hapën rrugën për ringritjen e tensioneve mes shteteve të cilat në vitet e 90-ta kishin luftuar mes vete, raporton Anadolu Agency.

Serbia, në vazhdën e negociatave për anëtarësim në BE, në dhjetorin e kaluar kur hapi dy kapituj të ri, nuk arriti të hapë kaputllin për kulturën dhe arsimin për shkak të bllokimit nga ana e Kroacisë. Qeveria e Serbisë edhe më parë kishte akuzuar Kroacinë për bllokimin e rrugës integruese në BE, ndërkohë që pas kësaj ngjarjeje të fundit ajo dha deklarata të ashpra, kurse tensionet u rritën për një çast.

Po ashtu në muajin dhjetor, përderisa presidentja kroate Kolinda Grabar Kitaroviç po ndante paketa për fëmijët në një institucion parashkollor në qytetin e Dubrovnikut, prania e çokollatave të një kompanie serbe në paketa shkaktoi “mini krizë”.

Kitaroviç, e cila tha se u përball me një “befasi pa shije”, theksoi se do të kërkojë falje nga familjet e fëmijëve dhe se çokollatat brenda paketave do të ndërrohen me çokollata kroate, duke shtuar se është e nevojshme që të inkurajohet prodhimi i brendshëm. Derisa deklaratat e Kitaroviçit u komentuan si “nacionalizëm kroat”, edhe zyrtarët serb reaguan ndaj këtyre deklaratave.

Kjo ngjarje tregoi që madje edhe një çokollatë e vogël mund për një çast t’i tensionojë marrëdhëniet e brishta në Ballkan dhe se ka potencialin të shkaktojë krizë.

Reagimi në Bosnjë e Hercegovinë ndaj lideres kroate

Sërish Kitaroviç, në një deklaratë në mediat e vendit, pohoi se “mijëra” luftëtarë të huaj që kanë marrë pjesë në luftërat në Lindjen e Mesme janë kthyer në Bosnjë e Hercegovinë dhe se kjo gjë paraqet kërcënim të madh për Kroacinë. Kitaroviç po ashtu pohoi se Bosnjë e Hercegovina është strehim për luftëtarët e huaj, ndërsa reagimi nga pala e Bosnjë e Hercegovinës ndaj saj ishte i ashpër.

Dragan Metkiç, ministri i Mbrotjes së Bosnjë e Hercegovinës, duke theksuar se këto pohime janë të pavërteta, tha se shifra e përmendur nuk është një mijë, por rreth njëqind. Sipas Metkiç, Kitaroviç ka bërë një deklaratë të tillë qëllimisht para sezonit të turizmit dimëror. Ai u shpreh se pas Serbisë, Kroacia shkaktoi tensione me Bosnjë e Hercegovinën.

Ndërkaq, Bakir Izetbegoviç, anëtari boshnjak i Presidencës së Bosnjë e Hercegovinës, e ftoi presidenten kroate “të mendojë dy herë”, duke thënë se kërcënimi i vërtetë është “mbushja” e Kroacisë me nacionalizëm kroat.

Dita e Republikës Sërpska në kundërshtim me kushtetutën

Zhvillim i rëndësishëm që rriti tensionet boshnjako-serbe në Bosnjë e Hercegovinë ishte “Dita e Republikës Sërpska” në kundërshtim me kushtetutën që festohet në Republikën Sërpska, njëri nga dy entitetet në vend.

Fillimisht u organizua referendum për Ditën e RS-së me iniciativë të kryetarit të RS-së Milorad Dodik edhe përkundër ndalimit paraprak nga ana e Gjykatës Kushtetuese të Bosnjë e Hercegovinës, kurse më pastaj, pas shpalljes së rezultateve në favor, më 9 janar u organizuan festime me përmasa të gjera. Përderisa shumë palë e konsideruan referendumin për Ditën e RS-së si test për referendumin e pavarësisë që planifikohet të mbahet në vitin 2018, mosndryshimi i qëndrimit nga lideri serb Dodik edhe përkundër presionit të komunitetit ndërkombëtar e tensionoi edhe më tepër situatën.

Së fundmi, në ceremonitë fetare dhe zyrtare të mbajtura më 9 janar në qytetin e Banja Llukës morën pjesë jo vetëm serbë të Bosnjë e Hercegovinës, por edhe zyrtarë të lartë nga Serbia. Ndërkaq, pjesëmarrja në ceremoni edhe të njësisë së këmbësorisë në kuadër të Forcave të Armatosura të Bosnjë e Hercegovinës shkaktoi rritjen e mëtutjeshme të tensioneve.

Ndërkaq, ndaj pjesëmarrjes së një njësi ushtarake së shtetit në ceremoni antikushtetuese reaguan ashpër edhe përfaqësuesit e organizatave ndërkombëtare në vend.

Tensionet e papritura në mes të Serbisë dhe Maqedonisë

Ministri i Jashtëm i Serbisë Ivica Daçiç në një intervistë theksoi se Serbia ka bërë gabim që ka pranuar Maqedoninë me emrin e saj kushtetues “Republika e Maqedonisë”, duke e treguar si shkak të kësaj faktin që Maqedonia ka njohur si shtet të pavarur Kosovën e cila ishte ndarë nga Serbia.

Duke shprehur qëndrimin se Serbia ka bërë gabim me Maqedoninë, Daçiç u shpreh: “Çdokush përdor emrin ‘Ish-Republika Jugosllave e Maqedonisë’, ndërsa ne godasim vëllezërit tanë grekë dhe më tej presim që ata të mos e njohin pavarësinë e Kosovës. Njohëm Maqedoninë me emrin kushtetues, duke e fyer kështu Greqinë. Ndërkaq, tani, maqedonasit çdoherë votojnë në favor të Kosovës”.

Nga ana tjetër, në deklaratën kundërpërgjigjëse nga Ministria e Jashtme e Maqedonisë u tha se është e nevojshme që miqësia mes Serbisë dhe Maqedonisë të mos prishet dhe u reagua ndaj deklaratës së Daçiçit.

Tensionimi i papritur midis dy vendeve fqinje, shumica e popullsisë së të cilave është ortodokse, zgjati një kohë të shkurtër, ndërkohë që autoritetet e Maqedonisë kërkuan sjellje të përgjegjshme për mosprishjen e marrëdhënieve aktuale.

Tensionimi mes maqedonasve dhe shqiptarëve “u ringjall”

Përderisa në Maqedoni vazhdojnë punimet për formimin e qeverisë pas zgjedhjeve të parakohshme parlamentare, partitë shqiptare në vend dolën me Deklaratë të përbashkët, duke shpalosur platformën e përgatitur nga vetë ata. Megjithatë, takimet e përfaqësuesve të këtyre partive politike me kryeministrin e Shqipërisë Edi Rama dhe presidentin e Kosovës Hashim Thaçi para publikimit të kësaj deklarate nga pala maqedonase u cilësuan si “ndërhyrje në punët e brendshme”.

Nikolla Poposki, ministri i Jashtëm i Maqedonisë, në një deklaratë të shkruar tha se nuk është në rregull që kryeministri apo presidenti i një shteti fqinj të përzihet në punët e brendshme të Maqedonisë.

Viti 2017 filloi i tensionuar për marrëdhëniet Kosovë-Serbi

Edhe marrëdhëniet mes Serbisë dhe Kosovës janë mjaftë të tensionuara kohëve të fundit.

Transferimi i pjesës më të madhe të pronësisë së minierës së Trepçës qeverisë së Kosovës kah fundi i vitit 2016 dhe më pas arrestimi i policit kosovar gjatë hyrjes në Serbi kishin tensionuar mjaft marrëdhëniet mes dy shteteve. Ndërkaq, menjëherë në fillim të vitit 2017, më 5 janar, me urdhër arrest ndërkombëtar të lëshuar nga Serbia, në një aeroport në Francë u arrestua ish-kryeministri i Kosovës Ramush Haradinaj.

Haradinaj paraprakisht ishte gjykuar dhe liruar në dy procese të veçanta gjyqësore në Hagë, ndërkohë që arrestimi i tij edhe krahas këtyre vendimeve, shkaktoi tensione të reja mes dy shteteve. Në marshet protestuese që u organizuan në Kosovë dhe Shqipëri, u kërkua lirimi i Haradinajt.

Haradinaj, pas mbajtjes në arrest për një javë, u lirua me kusht të mbikëqyrjes gjyqësore.

Pas hedhjes së bombës në zyrat e Qeverisë së Kosovës në qytetin e Mitrovicës më 11 janar, më 14 janar shpërtheu kriza e trenit.

Një tren i cili pas 20 viteve do të realizonte udhëtimin Beograd-Mitrovicë, nisi udhëtimin me mbishkrime “Kosova është Serbi” në 21 gjuhë. Treni u ndal në afërsi të kufirit me Kosovën, ndërsa nuk u lejua hyrja e tij në vend. Në kufi u dërgua Njësia Speciale e Policisë së Kosovës.

Pala kosovare trenin e cilësoi si “mjet provokimi”, kurse liderët e dy shteteve dhanë deklarata të ashpra në lidhje me këtë zhvillim. Derisa kryeministri i Kosovës Isa Mustafa theksoi se janë të gatshëm për të mos e lejuar hyrjen e trenit, homologu i tij serb Aleksandar Vuçiç i akuzoi kosovarët për krijimin e një atmosfere konfliktuoze.

Nga ana tjetër, presidenti serb Tomisllav Nikoliç përdori shprehjen “shkoj në luftë bashkë me djemtë e mi”, kurse ministri i Brendshëm i Kosovës Skender Hyseni theksoi se në marrëdhëniet me Serbinë ekzistojnë dy opsione, e ato janë, siç tha ai, “ose dialog, ose luftë”.

Ku po shkon Ballkani?

Këto tensione në Ballkan, rajon ky i cili qëndron mbi ekuilibra të ndishëm dhe të brishtë dhe në të cilin të krijosh krizë etnike është më lehtë se të ndezësh zjarrin, mund të shkaktojë prishjen e procesit të bashkëpunimit dhe doalogut mes shteteve që në vitet e 90-ta luftuan mes vete dhe humbjen e besimit të ndërsjellë.

Megjithëse duket se komuniteti ndërkombëtar nuk do të lejojë konflikt të ri të armatosur në Ballkan, këto tensione mund të ndikojnë negativisht në marrëdhëniet ekonomike dhe tregtare të vendeve të rajonit.

Shumë njerëz në Ballkan janë ende të preokupuar me nacionalizëm, retorikë të urrejtjes dhe ngjarje historike. Ndërkaq, ajo që duhet bërë është të zhvillohen marrëdhëniet ekonomike, të krijohen vende të reja të punës, të rritet cilësia e arsimit, të rriten standardet e jetesës dhe të bëhen hapa në rrugën drejt synimit të përbashkët, anëtarësimit në BE.

Politikanët të cilët e dinë se retorika nacionaliste në Ballkan sjell vota, flasin për të kaluarën në vend të së ardhmes, ndërtojnë mure në vend të urave dhe në programet e tyre fusin retorika ndarëse në vend të politikave unifikuese.

Popujt e Ballkanit, të cilët janë të detyruar të jetojnë së bashku, duhet t’i tejkalojnë mospajtimet mes vete. A do të shkojë Ballkani drejt një ardhmërie të ndritshme, apo drejt një rruge tjetër me një paqartësi kaotike, varet nga ajo nëse shtetet e rajonit do të merren vesh mes vete pa u dhënë rast ndërhyrjeve të jashtme.

Në këtë rajon ku luftërat e përgjakshme ndër vite shkaktuan shkatërrime të mëdha dhe vdekje, gjeneratat e reja nuk kanë nevojë për luftëra, po për një të ardhme të ndritur. Popujt e Ballkanit nuk duhet të jenë spektatorë të heshtur dhe figura të një filmi të pëlqyer vetëm nga “regjisori”.