Kush është poetja maqedone Vesna Acevska?

Vesna Acevska u lind më 1952 në Shkup, Maqedoni. Më 2009 ajo mori çmimin më të rëndësishëm maqedonas për poezi „Vëllezërit Miladinov“. Ajo vlerësohet nga kritika letrare vendase. Kështu për shembull, Katica Kjulavkova, vetë poete, studiuese letërsie dhe anëtare e Akademisë së Shkencave dhe Arteve të Maqedonisë, e çmon poezinë e saj si një “shembull paradigmatik i poezisë më të mirë maqedonase”.

 Veç si poete, Vesna Acevska vepron edhe si autore librash për fëmijë dhe si përkthyese. Për përkthimin e Kalevalës finlandeze ajo mori çmimin maqedonas Grigor Prličev dhe një çmim të shoqatës “Kalevala” në Finlandë. Poezia e saj është përkthyer në disa gjuhë, kryesisht ballkanase.

Ky vëllim përfshin një përzgjedhje me poezi nga gjithsej gjashtë botime të poetes maqedonase Vesna Acevska. Poetja vetë ka thënë për këtë libër: „Martinki janë ca si amulete speciale që sjellin shëndet, fat dhe dashuri. Poezitë e kësaj përzgjedhjeje janë amuletet e mia të pranverës për lexuesit: ato kanë ftohtësinë dhe freskinë e pranverës së hershme, por edhe shpresën për më shumë dritë e ngrohtësi.“

Vëllimi me poezi Мартинки i Vesna Acevskas ka dalë në kroatisht (sprovë për lexim) përkthyer nga Borislav Pavlovski dhe Ružica Cindori nën titullin Martinki te botimet Fidipid, Zagreb.