6200 punonjës policie në terren

Mbi 6200 punonjës të policisë do të angazhohen për të ruajtur rendin e sigurinë gjatë procesit zgjedhor të 23 qershorit si dhe helikopterë të ushtrisë do të jenë në gadishmëri në rast nevoje për të ndërHyhë në zonat ku mund të ketë probleme. Kështu deklaroi Drejtori i Policisë së Shtetit Hysni Burgaj*, në një konferncë për mediat, ku informoi mbi masat e marra për ditën e zgjedhjeve.

Sipas Burgajt puna e 6200 forcave të policisë së angazhuara në e procesin zgjedhor
do të fokusohet në drejtimin e marrjes dhe ruajtjes së QV dhe ndërhyrjen për rivendosjen e rendit publik në këto QV nëse do të kërkohet nga komisionerët, bashkëpunimin me Prokurorinë, shoqërimin e materialeve zgjedhore dhe kutive të votimit në zonat e votimit dhe KQZ, bashkëpunimi me përfaqësuesit e KZAZ, monitorimi i sigurisë publike në nivel vendor e qendror , duke marrë çdo informacion me qëllim parandalimin e incidenteve.
I pyetur nëse ka ndonjë listë me zonat zgjedhore që janë më të rrezikuara për tensione, Burgaj pa dhënë zona konkrete tha se disponojnë informacione, ndërsa shtoi se për të mbajtur situatën nën kontroll janë vënë në dispozicion dhe helikopterë të ushtrisë.
“Jemi të përgatitur dhe kemi plan të veçantë për këto zgjedhje. Kemi vënë në dispozicion helikopterë të ushtrisë në zona në gadishmëri për të vepruar në çdo rast, dhe forca të gatshme për të vepruar në çdo moment”.

Duke bërë një rezyme të incidenteve elektorale të regjistruara deri më tani,
Burgaj tha se janë shënuar gjithsej 44 incidente, 8 raste para fushatës elektorale dhe 34 gjatë fushatës zgjedhore, kryesisht në Tiranë, Elbasan, Shkodër e Vlorë. Nga këto incidente, 25% e tyre janë raste kanosje e dhune.
“Kemi të bëjmë me incidente të lehta ku më të dukshme kanë qenë dëmtimet e posterave të subjekteve elektorale. Këto zënë 65 % të numrit të përgjithshëm. 25 % e rasteve kemi të bëjmë më kanosje e dhune. Reagimi i policisë në këto raste ka qenë i menjëhershëm duke kryer veprimet konform ligjit dhe vazhdon me intensitet puna për zbardhjen e ngjarjeve në Vlorë, Kukës, Prezë e Shkodër”tha ai.
Ndërkaq lidhur me dorëheqjen e shefit të rendit në Kukës, Embro Zholi, Burgaj u përgjigj se ishte i pakënaqur për punën e tij.

Hysni Burgaj ka lindur më 16 prill 1960 në Shkodër. Me vendim të Këshillit të Ministrave të datës 28.10.2009 u emërua në detyrën e lartë Drejtor i Përgjithshëm i Policisë së Shtetit.
Ka përfunduar studimet në shkollën e Ministrisë së Brendshme në vitet 1981-1984. Gjatë ecurisë në karrierë ka kryer një sërë trajnimesh dhe specializimesh si brenda dhe jashtë vendit nga organizata dhe organizma që kanë asistuar e asistojnë policinë shqiptare, si MAPE, PAMECA, etj. si dhe në vende të ndryshme të Europës dhe në SHBA.

Disa nga trajnimet e kryera janë

Ka përfunduar kursin e plotë të “Drejtimit dhe menaxhimit të lartë të Policisë” (Master në Polici) organizuar nga Misioni PAMECA në vitin 2007.
Kurs trajnimi nga Departamenti i Shtetit në SHBA, mbi Antiterrorizmin në vitin 1996.
Kurs trajnimi në SHBA, mbi Sigurinë Fizike në vitin 1996.
Kurs Trajnimi nga Misioni Policor MAPE në vitin 1998.
Kurs për këshillimin dhe trajnimin nga Bashkimi Europian në vitin 2000.
Kurs për telekomunikacionin në vitin 2003 etj.
Ka një karrierë të gjatë të pandërprerë policore. Nga viti 1984 kur ka mbaruar studimet ka punuar në struktura të ndryshme të Policisë së Shtetit. Në sajë të ecurisë së tij në karrierë ka fituar një eksperiencë të çmuar jo vetëm policore, por dhe menaxhuese dhe drejtuese.
Nga data 01.07.1984 deri më 01.01.1992 ka punuar pranë Gardës së Republikës, me detyrën e Komandantit të Togës.
Nga data 01.01.1992 deri më 07.03.1994 ka punuar pranë Pikës së Kalimit Kufitar Rinas, Tiranë.
Më pas nga data 07.03.1994 deri më 16.10.1996 ka punuar në detyra të ndryshme pranë Degës Ruajtjes dhe Sigurisë së Objekteve Tiranë si dhe në Degën e Sigurimit të Objekteve të Ministrisë së Brendshme, si: Komandant Toge, Oficer Informacioni Gatishmërie, Komandant i Repartit të Objekteve dhe Komandant i Repartit të Përfaqësive Diplomatike.
Për periudhën 17.10.1997 deri më 20.01.1998 ka kryer detyrën e instruktorit të përgatitjes fizike pranë Komisariatit të Policisë nr.3 në Tiranë.
Nga data 20.01.1998 deri më 01.09.2002 ka punuar si Komandant Reparti pranë Komisariatit të Policisë nr.3 Tiranë.
Ndërkohë nga 01.09.2002 deri më 01.09.2003 ka punuar si Komandant i Shërbimeve të Brendshme pranë Komisariatit të Policisë nr.3 Tiranë.
Për periudhën 01.09.2003 deri më 14.06.2004 ka kryer detyrën e Përgjegjësit të turnit në Qendrën Operative dhe të Emergjencave në Drejtorinë e Policisë së Qarkut Tiranë.
Më pas nga data 14.06.2004 deri më 10.12.2005 ka kryer detyrën e Shefit të Rajonit të Policisë në Qytetin Studenti pranë Komisariatit nr. 1 Tiranë.
Nisur nga përvoja dhe rezultatet e larta në detyrë është emëruar dhe ka punuar si Drejtor në Drejtorinë e Policisë së Qarkut Kukës (10 dhjetor 2005-07 dhjetor 2007) dhe në Drejtorinë e Policisë së Qarkut Gjirokastër (07 dhjetor 2007-korrik 2008).
Prej mëse një viti është emëruar në detyrën e Zv/Drejtorit të Përgjithshëm të Policisë së Shtetit për Shërbimet Mbështetëse.

Sali Berisha: Do t’i fitoj zgjedhjet e 23 qershorit - Rama s’do pranojë humbjen

Tiranë -



Sot shënohet dhe dita e fundit e fushatës elektorale për zgjedhjet e 23 qershorit, për ti lënë vendin një ditë më pas heshtjes zgjedhore. Partia Demokratike ka vendosur ti japë fund fushatës me një miting në sheshin "Nënë Tereza" në Tiranë, ku dhe do të organizohet edhe një koncert. Ndërsa më herët kryeministri do të jetë në Vlorë dhe në Ballsh.

Ndërsa socialistët mbylljen e madhe të Tiranës e realizuar një ditë më parë, do të jetë pikërisht Vlora, qarku ku dhe kandidat i parë është vetë lideri Edi Rama. Por burime nga selia rozë bëjnë të ditur se mbyllja do të jetë simbolike edhe në Shkodër, ku kandidatët të ndarë në dy pjesë do të prezantohen në të dy qytetet.

Kryeministri: Reformat e qeverisë shmangën recensionin

Kryeministri Berisha mori pjesë sot në Samitin e Partisë Popullore Europiane, i cili u zhvillua në Bruksel. Në Samit morën pjesë kryetarë shtetesh dhe kryeministra, si dhe kryetarë të partive opozitare në Europë, anëtare të Partisë Popullore Europiane.
Pas mbledhjes së Samitit, kryeministri Berisha u shpreh se çështjet më kryesore të diskutuara ishin problemet ekonomike dhe financiare .Pjesëmarrës janë Kancelarja gjermane Angela Merkel, Kryeministri i Spanjë Mariano Rajoy, Kryeministri i Luksemburgut Jean Claude Juncker, Presidenti i Rumanisë Traian Basescu, Kryeministri i Hungarisë Viktor Orban, Kryeministri i Polonisë Donald Tusk, Kryeministri i Suedisë Frederik Reinfeld, Kryeministri i Portugalisë Pedro Passos Coelho, Kryeministri i Irlandës Enda Kenny, Kryeministri i Greqisë Antonis Samaras, Kryeministri i Finlandës Jyrki Katainen etj., si dhe Presidenti i Këshillit Europian Herman Van Rompuy dhe Presidenti i Komisionit Europian Jose Manuel Barroso.

Gjatë prononcimit të tij për mediat e pranishme kryeministri u shpreh:

“Ishte një Samit i shkëlqyer, natyrisht çështjet më kryesore ishin problemet ekonomike dhe financiare, por një ton i qartë optimizmi për rezultatet paraprake të reformave në vendet më shumë të prekura dominoi Samitin dhe është e sigurt se pavarësisht se gjendja nuk është kapërcyer, por reformat e ndërmarra kanë rezultate të qarta pozitive në këto vende.

Natyrisht në Samit diskutohet gjithnjë edhe për çështje të tjera përveç axhendës qendrore, kështu që në këto çështje të tjera mora fjalën. Çështja kryesore e Shqipërisë janë zgjedhjet. Garantova miqtë e mi se Shqipëria do të ketë zgjedhjet e standardeve më të mira ndërkombëtare, me të gjitha përgatitjet më serioze që janë bërë. Ftova që të vijnë sa më shumë vëzhgues nga vendet e tyre, meqenëse këtu ishin rreth 17 Kryeministra dhe Presidentë nga vendet anëtare dhe vendet e asociuara, sikundër theksova se po bëhet një përpjekje e shpërfytyruar nga opozita për të demonizuar zgjedhjet e standardeve më të larta, që do të zhvillojë Shqipëria. Po përpiqet të krijojë mbështetje në këtë drejtim, por është tërësisht e dështuar. Infrastruktura ultra moderne që ka vendosur Shqipëria për zgjedhjet, vullneti i hekurt i qeverisë për zhvillimin e zgjedhjeve të standardeve më të mira do të faktojë në dritën e diellit se përpjekjet për demonizimin e tyre, për mosnjohjen e rezultatit, etj etj, do të jenë të pa shpresa.

Z.Kryeministër, a ekziston frika se këto zgjedhje do të kontestohen nga opozita?

Jo frika, por kjo është e sigurt, që Edi Rama nuk do të pranojë kurrë rezultat tjetër përveçse atij që do ta nxjerrë fitimtarë, por problemin e ka me zgjedhësit, se ka me kundërshtarët. Faktikisht kundërshtar ai ka të gjithë qytetarët që e votojnë kundër, por ata votojnë shumicë kundër tij.

Sa e rëndë bëhet, problemi i përsëritshëm i zgjedhjeve, për PPE?

Partitë Popullore kanë garanci të plotë tek Partia Demokratike, tek kryeministri Berisha, në vendosmërinë e tyre për të respektuar vlerat e lirisë që kjo parti ndan me të gjithë familjen e saj. Se cili do të jetë qëndrimi i Edi Ramës, ai është bërë “Dushku Bis” i Europës. Në qoftë se ju kujtohet vite më parë, partia e tij shpiku “Dushkun” dhe Dushku hyri në terminologjinë e të gjitha fjalimeve për zgjedhjet. Tani nuk është më Dushku por është Rama vetë dhe kjo është punë e tij.

Në qendër të diskutimeve është punësimi i të rinjve, a ka diçka në këtë pikë dhe që do ta zbatoni?

Absolutisht po. Ky Samit theksoi si çështje kryesore punësimin, por Shqipëria para këtij Samiti shpalli një skemë, që është unike deri më tani, sipas së cilës për çdo të ri të punësuar shteti merr përsipër tre vjet çdo detyrim tatimor ndaj tij dhe kjo është skema më inkurajuese. Shtuar këtu edhe ajo që në Shqipëri nuk mund të jetë në nivelet siç është në vendet më të zhvilluara, trajnimi, por zhvillimi i trajnimit me këtë skemë realisht krijon premisat më të mira për punësimin e të rinjve. Unë diskutova me miqtë e mi dhe mund t’ju them ju, se kur unë i informova gjatë bisedave me ta për reformat, u mahnitën, sepse janë reforma të guximshme në këtë periudhë, të jemi realist, sepse reformat, të cilat hiqet çdo lloj takse mbi makineritë dhe çdo lloj inputi mbi makineritë, reforma, të cilat hiqet tatimi mbi të ardhurat personale për të gjithë të punësuarit me rrogë nën 300 dollarë, reforma të cilat hiqet çdo lloj detyrimi tatimor për të punësuarit e ri për tre vjet. Të gjitha këto janë reforma që krijojnë në mënyrë të padiskutueshme një difiçit në buxhet, pro janë reforma, të cilat kanë për qëllimin më kryesor rritjen ekonomike. Unë mund t’ju them se mora shumë përgëzime nga kolegët e mi për këto reforma. Unë kam bindje se Shqipëria me këto reforma do ti japë një zgjidhje të re të madhe rritjes ekonomike, do ti japë një zgjidhje të re të madhe punësimit në tërësi, punësimit të të rinjve në veçanti. Nuk duhet të harrojmë se vlerësimi unanim i të gjitha institucioneve më serioze botërore, të Fondit Monetar Ndërkombëtarë, të Komisionit Europian, të Bankës Botërore, të Bankës Europiane për Rindërtim dhe Zhvillim, të UNCTAD-it janë që të gjitha pa përjashtim se Shqipëria falë reformave që ndërmori para kizës, nuk ra në recension, se Shqipëria ruajti rritjen ekonomike, se Shqipëria është një histori suksesi zhvillimi. Duke thënë të gjitha këto në asnjë mënyrë nuk mund të mohohen një seri e tërë problemesh, mangësish, sakrificash, dhimbjesh, të cilat janë për tu zgjidhur, por në qoftë se të tjerët flasin për punësim në kushtet e recensionit, Shqipëria flet për punësim në kushtet e rritjes ekonomike, e cila nuk ra kurrë nën 2 përqind, u ruajt pozitive. Në këto rrethanë unë shpreh optimizëm se me këtë program të ri që po ndërtojmë, në një dialog të gjerë dhe përmasat e këtij dialogu do të vijnë duke u zgjeruar jashtë kufijve që mund të imagjinojnë të tjetër. Ne do t’i japim vendit kësaj herë programin më të mirë, që ai ka pasur në tërë historinë e tij.

Deklaratat e kryeministrit Sali Berisha në PPE

Edi Rama do të përsërisë skenarin e vitit 2009 nëse humbet zgjedhjet e këtij viti. Ky ka qenë paralajmërimi i kryeministrit Sali Berisha për liderët e djathtë europianë në samitin e partive popullore europiane.
“Edi Rama nuk do të pranojë kurrë rezultat tjetër përveçse atij që do ta nxjerrë fitimtarë, por problemin e ka me zgjedhësit, se ka me kundërshtarët. Faktikisht kundërshtar ai ka të gjithë qytetarët që e votojnë kundër, por ata votojnë shumicë kundër tij”- deklaroi Berisha.
Nga ana tjetër ai ka siguruar se janë të gjitha kushtet që procesi zgjedhor të plotësojë standartet e kërkuara.
“Partitë Popullore kanë garanci të plotë tek Partia Demokratike, tek kryeministri Berisha, në vendosmërinë e tyre për të respektuar vlerat e lirisë që kjo parti ndan me të gjithë familjen e saj. Se cili do të jetë qëndrimi i Edi Ramës, ai është bërë "Dushku Bis" i Europës. Në qoftë se ju kujtohet vite më parë, partia e tij shpiku “Dushkun” dhe Dushku hyri në terminologjinë e të gjitha fjalimeve për zgjedhjet. Tani nuk është më Dushku por është Rama vetë dhe kjo është punë e tij”- vijoi ai.

Kryeministri Sali Berisha kërkoi nga sa më shumë vëzhgues për zgjedhjet e 23 qershorit, ndërsa foli në samitin e partive popullore në Bruksel, duke argumentuar se monitorimi i shtuar ndërkombëtar do të rriste shkallën e transparencës. Ai shkoi më tej, duke u shprehur se në këtë mënyrë, do të mund të shmangej përsëritja e skenarit të mosnjohjes së rezultatit të këtyre zgjedhjeve nga ana e opozitës.

"Theksova se po bëhet një përpjekje e shpërfytyruar nga opozita për të demonizuar zgjedhjet e standardeve më të larta, që do të zhvillojë Shqipëria. Po përpiqet të krijojë mbështetje në këtë drejtim, por është tërësisht e dështuar", tha Berisha.

Gjithashtu, shefi i Qeverisë shqiptare informoi kolegët europianë për zhvillimet e fundit politike në vendin tonë dhe përgatitjet që po bëhen në të gjitha nivelet për të realizuar zgjedhje sipas standardeve evropiane.

Kohë më parë Kryeministri Sali Berisha kërkoi nga sa më shumë vëzhgues për zgjedhjet e 23 qershorit, ndërsa foli në samitin e partive popullore në Bruksel, duke argumentuar se monitorimi i shtuar ndërkombëtar do të rriste shkallën e transparencës. Ai shkoi më tej, duke u shprehur se në këtë mënyrë, do të mund të shmangej përsëritja e skenarit të mosnjohjes së  rezultatit të këtyre zgjedhjeve nga ana e opozitës.

"Theksova se po bëhet një përpjekje e shpërfytyruar nga opozita për të demonizuar zgjedhjet e standardeve më të larta, që do të zhvillojë Shqipëria. Po përpiqet të krijojë mbështetje në këtë drejtim, por është tërësisht e dështuar", tha Berisha.

Gjithashtu, shefi i Qeverisë shqiptare informoi kolegët europianë për zhvillimet e fundit politike në vendin tonë dhe përgatitjet që po bëhen në të gjitha nivelet për të realizuar zgjedhje sipas standardeve evropiane. 
Ai u ndal edhe në cështjen e punësimit, të cilin e cilësoi prioritet të Qeverisë së tij. Kryeministri Berisha vuri në dukje problemet ekonomike dhe vështirësitë që ka aktualisht vendi, por ai shprehu besimin se programi që po zbatohet po rrit punësimin, duke bërë të mundur që Shqipëria t?i shpëtojë krizës ekonomike.

"Në asnjë mënyrë nuk mund të mohohen një seri e tërë problemesh, mangësish, sakrificash, dhimbjesh,  të cilat janë për tu zgjidhur, por në qoftë se të tjerët flasin për  punësim në kushtet e recensionit, Shqipëria flet për punësim në kushtet e rritjes ekonomike", tha Berisha.

Samiti ka në qendër të rinjtë dhe punësimin e tyre. Sipas presidentit të Këshillit  të Bashkimit Evropian, Herman Van Rompuy punësimi i rinisës mbetet një përparësi absolute. 

Kryeministri Berisha ishte i pranishëm në inagurimin e rikontruksionit të "Rrugës së Dibrës" në kryeqytet.  Në fjalën e tij,  kreu i qeverisë i bëri thirrje qytetarëve të marrin pjesë masivisht në votime për të firmosur fitoren në 23 qershor. "Më 23 qershor të bëjmë çdo gjë për të marrë pjesë në votime dhe për të firmosur së bashku fitoren. Është një ditë përcaktuese për zhvillimin e Tiranës, për zhvillimin e Shqipërisë. Projekti i 4 viteve që vijnë është projekti i Tiranës së zhvilluar, Tiranës së punësimit, i Tiranës së integruar në Bashkimin Europian" tha Berisha. Në vijim Berisha u kërkoi qytetarëve të mos mashtrohen nga premtimet e kryesocialistit Rama për legalizimin e banesave. Ai kujtoi deklaratat e kryesocialistit Rama se do anulojë ligjin për njohjen e banesave ndërsa u premtoi sërish atyre se brenda vitit do të përfundojë procesi i legalizimeve. Ndërkaq kryetari i bashkisë së Tiranës Lulzim Basha u shpreh se besimi i ndërsjelltë mes qeverisë dhe bashkisë do të vijojë me ndërtimin e veprave të mëdha për kryeqytetin.

Shqipëria sot në heshtje zgjedhore, nesër votimet

Partitë politike në Shqipëri mbrëmë i dhanë fund fushatës zgjedhore për zgjedhjet parlamentare të së dielës.

Dita e shtunë është heshtje zgjedhore, ndërsa të dielën shqiptarët do të japin votën e tyre në qendrat e votimit që do të hapen nga ora 07.00 e mëngjesit.

Partitë politike mbrëmë përmes mitingjeve kryesore kanë mbyllur fushatën njëmujore, duke mbajtur tubimet qendrore në qendrat më të mëdha të vendit.

Partia Demokratike i dha fund fushatës me një miting në sheshin "Nënë Tereza" në Tiranë, ku më pas vijoi një koncert festiv.

Ndërsa Partia Socialiste mbylli fushatën në Shkodër dhe më pas në Vlorë. Partitë e tjera politike gjithashtu mbyllën fushatën përmes mitingjeve finalizuese dhe takimeve me qytetarët dhe forma të tjera të fushatës.

Në votimet e 23 qershorit gara kryesore do të zhvillohet midis dy koalicioneve politike, të djathtëve dhe të majtëve. Koalicioni i së majtës i quajtur “Aleanca për Shqipërinë Evropiane” e udhëhequr nga Partia Socialiste tubon rreth 40 parti politike.

Ndërsa koalicioni ““Aleanca për Punësim, Mirëqenie dhe Integrim” i udhëhequr nga PD tubon 24 parti politike.

Në garën zgjedhore janë edhe partitë e tjera politike LSI, FRD, Aleanca Kuq e Zi dhe partitë tjera më të vogla. Ndërsa kësaj gare i janë bashkëngjitur edhe deputetë të pavarur mes tyre politikanët e njohur si Arben Malaj, Nikollë Lesi, Dritan Prifti dhe emra tjerë në disa qarqe.

Këto janë zgjedhjet e teta parlamentare që nga demokratizimi dhe fillimi i pluralizmit politik në Shqipëri.

Gjithsej mbi 3.1 milion zgjedhës janë të regjistruar për votimet e 23 qershorit.

Për herë të dytë zbatohet sistemi zgjedhor proporcional-rajonal. Vendi është ndarë në 12 qarqe prej ku do të dalin 140 deputetët e parlamentit të ri.


Përveç vëzhguesve lokalë, rreth 550 vëzhgues ndërkombëtarë nga OSBE-ODIHR, Këshilli i Evropës, Parlamenti Evropian, NATO dhe BE do të ndjekin nga afër zgjedhjet.

Këto zgjedhje konsiderohen si një test i rëndësishëm për demokracinë në Shqipëri dhe integrimet evropiane.

Tiranë, më 21.06.2013

Deklarat për shtyp

Komisioni Qendror i Zgjedhjeve nëmblëdhjën e ditës së sotme shqyrtoi dhe miratoi me 4 vota pro:

- Projektvendimin “ Për miratimin e vëzhguesve të Institutit Shqiptar për Zhvillimin e Sistemit të Zgjedhjeve (INSIZ), për vëzhgimin e zgjedhjeve për Kuvend të datës 23 Qershor 2013”. KQZ akreditoi 97 vëzhgues afatshkurtër për vëzhgimin e procesit zgjedhor të 23 qershorit.
- Projektvendimin  “Për dhënien e autorizimit disa kryetarëvë të njësive të qeverisjes vendore, për ndryshimin dhe caktimin e vendndodhjes së disa qendrave të votimit, për zgjedhjet për Kuvend të të datës 23 Qershor 2013”.
- Projektvendimin “Për lirimin dhe emërimin e disa anëtarëve të KZAZ-ve, për zgjedhjet për Kuvend të datës 23 Qershor 2013”.
- Projektvendimin ”Për miratimin e vëzhguesve të disa mediave shqiptarë për vëzhgimin e zgjedhjeve për Kuvend të datës 23 Qershor 2013”.
1- KQZ akreditoi 38 vëzhgues afatshkurtër të televizionit UTV Neës, për vëzhgimin e procesit zgjedhor të 23 qershorit.
2- KQZ akreditoi 13 vëzhgues afatshkurtër të Gazetës Shqip, për vëzhgimin e procesit zgjedhor të 23 qershorit. 3- KQZ akreditoi 29 vëzhgues afatshkurtër të Gazetës Shekulli, për vëzhgimin e procesit zgjedhor të 23 qershorit.
4- KQZ akreditoi 5 vëzhgues afatshkurtër të Agjensisë Reuters, për vëzhgimin e procesit zgjedhor të 23 qershorit.
5- KQZ akreditoi 18 vëzhgues afatshkurtër të Agjensisë Telegrafike Shqiptare (ATSH), për vëzhgimin e procesit zgjedhor të 23 qershorit.
6- KQZ akreditoi 69 vëzhgues afatshkurtër të televizionit ABC Neës, për vëzhgimin e procesit zgjedhor të 23 qershorit.
7- KQZ akreditoi 10 vëzhgues afatshkurtër të Gazetës RD, për vëzhgimin e procesit zgjedhor të 23 qershorit.
8- KQZ akreditoi 3 vëzhgues afatshkurtër të televizionit A1 Raport, për vëzhgimin e procesit zgjedhor të 23 qershorit.
9- KQZ akreditoi 183 vëzhgues afatshkurtër të Radio-Televizionit Shqiptar, për vëzhgimin e procesit zgjedhor të 23 qershorit.
10- KQZ akreditoi 47 vëzhgues afatshkurtër të televizionit AS (Alsat), për vëzhgimin e procesit zgjedhor të 23 qershorit.
11- KQZ akreditoi 10 vëzhgues afatshkurtër të televizionit SCAN TV, për vëzhgimin e procesit zgjedhor të 23 qershorit.
12- KQZ akreditoi 120 vëzhgues afatshkurtër të televizionit Top Channel, për vëzhgimin e procesit zgjedhor të 23 qershorit.
13- KQZ akreditoi 85 vëzhgues afatshkurtër të Media Vizion, për vëzhgimin e procesit zgjedhor të 23 qershorit.
14- KQZ akreditoi 57 vëzhgues afatshkurtër të televizionit NEËS 24, për vëzhgimin e procesit zgjedhor të 23 qershorit.
- Projektvendimin “Për miratimin e vëzhguesve të Shoqatës së Pensionistëve të Shqipërisë, për vëzhgimin e zgjedhjeve për Kuvend të datës 23 Qershor 2013”. KQZ vendosi të mosmiratojë kërkesën për akreditim për shkak të dokumenatcionit jo në përputhje me Kodin Zgjedhor të dorëzuar nga kjo shoqatë pranë KQZ-së.
- Projektvendimin “Për miratimin e vëzhguesve të shoqatës Informacion-Kulturë-Art (IKA), për vëzhgimin e zgjedhjeve për Kuvend të datës 23 Qershor 2013”. KQZ akreditoi 15 vëzhgues afatgjatë për vëzhgimin e procesit zgejdhor të 23 qershorit.
- Projektvendimin “Për miratimin e vëzhguesve të radio televizionit 21- prishtinë, për vëzhgimin e zgjedhjeve për Kuvend të datës 23 Qershor 2013”. KQZ akreditoi 2 vëzhgues afatshkurtër për vëzhgimin e procesit zgjedhor të 23 qershorit.
- Projektvendimin “Për materialet të cilat lejohen të përdoren gjatë ditës së votimit nga personat e pranishëm në Qendrën e Votimit, për zgjedhjet për Kuvend të datës 23 Qershor 2013”.

KOMISIONI QENDROR I ZGJEDHJEVE

Lista e koalicioneve aktuale.

Nr.	Partia	Shkurtimi	Kryetari	Sigla
01	Partia Demokratike	PD	Sali Berisha
02	Partia Republikane Shqiptare	PR	Fatmir Mediu
03	Partia për Drejtësi, Integrim dhe Unitet	PDIU	Shpëtim Idrizi
04	Lëvizja për Zhvillim Kombëtar	LZHK	Dashamir Shehi
05	Partia Lëvizja e Legalitetit	PLL	Ekrem Spahia
06	Partia Agrare Ambientaliste e Shqipërisë	PAA	Lufter Xhuveli
07	Partia Demokristiane e Shqipërisë	PDK	Nard Ndoka
08	Lidhja Demokristiane e Shqipërisë	LDK	Nikollë Lesi
09	Partia Bashkimi Liberal Demokrat	BLD	Arjan Starova
10	Partia Balli Kombëtar	PBK	Adriatik Alimadhi
11	Partia Balli Kombëtar Demokrat	PBKD	Artur Roshi
12	Partia Aleanca Demokratike	AD	Arben Demeti
13	Partia Lëvizja Shqipëria e Re	PLSHR	Edmond Vishaj
14	Partia Bashkimi Demokrat Shqiptar	PBDSH	Ylber Valteri
15	Partia Ora e Shqipërisë	POSH	Zef Shtjefni
16	Partia Aleanca e Maqedonasve për Integrim Evropian	AMIE	Edmond Themelko
17	Partia Demokracia e Re Evropiane	PDRESH	Koçi Tahiri
18	Partia e të Drejtave të Mohuara	PDM	Ilir Vata
19	Partia e të Drejtave të Mohuara e Re	PDM e Re	Fatmir Hoxha
20	Partia Aleanca për Demokraci dhe Solidaritet	ADS	Gaqo Apostoli
21	Partia Konservatore Shqiptare	PKONS	Armando Ruço
22	Partia e Minoritetit Grek për Ardhmëri	MEGA	Kristo Kiço
23	Partia Bashkimi Popullor i Pensionistëve Shqiptarë	PBPPSH	Selami Jenisheri
24	Partia Rruga e Vërtetë Shqiptare	PRRVSH	Muharrem Doda
25	Partia Civile e Shqipërisë	PCSH	Dritan Broka

• Aleanca për Shqipërinë Evropiane

Nr.	Partia	Shkurtimi	Kryetari	Sigla
1	Partia Socialiste e Shqipërisë	PS	Edi Rama
2	Lëvizja Socialiste për Integrim	LSI	Ilir Meta
3	Partia Bashkimi për të Drejtat e Njeriut	PBDNJ	Vangjel Dule
4	Partia Aleanca Popullore	AP	Fatjon Softa
5	Partia Aleanca Demokristiane	ADK	Zef Bushati
6	Partia Demokracia Sociale	PDS	Paskal Milo
7	Partia Socialdemokrate	PSD	Skënder Gjinushi
8	Partia Aleanca Arbnore Kombëtare	AAK	Gjet Ndoj
9	Partia Socialiste e Moderuar	PSM	Gjergj Koja
10	Partia e Punës e Shqipërisë e Riorganizuar	PPSHR	Marko Dajti
11	Aleanca për Barazi dhe Drejtësi Europiane	ABDE	Valentino Mustaka
12	Partia Ambientaliste	PA	Nasi Buzheku
13	Partia Ardhmëria Shqiptare	PASH	Emin Subashi
14	Partia Bashkimi Republikan Shqiptar	PBRSH	Zane Llazi
15	Partia Demokrate për Integrim e Prosperitet	PDIP	Halim Seitaj
16	Partia e Çështjeve Shqiptare	PÇSH	Bujar Shurdhi
17	Partia e Gjelbër	PGJ	Edlir Petanaj
18	Partia e Punës së Shqipërisë	PPSH	Muharrem Xhafaj
19	Partia Reformatore Demokratike	PRD	Skënder Halili
20	Partia e Unitetit Kombëtar	PUK	Idajet Beqiri
21	Partia G99	G99	Ervin Mete
22	Partia Komuniste Shqiptare	PKSH	Qemal Cicollari
23	Partia Komuniste 8 Nëntori	PKN	Preng Çuni
24	Partia Kristian-demokrate	PKD	Dhimitër Muslia
25	Partia Lëvizja Demokratike për Ndryshim	PLDN	Nikolin Staka
26	Lëvizja për Drejtësi e Shqiptarëve	LDSH	Astrit Kosturi
27	Partia Mendimi i Djathtë Liberal	PMDL	Mustafa Liçi
28	Partia për Mbrojtjen e të Drejtave të Emigrantëve	PMDE	Ymer Kurti
29	Partia e Prosperitetit Demokratik	PPD	Yzeir Fetahu
30	Partia e Personave me Aftësi të Kufizuara	PPAK	Afrim Jeshili
31	Partia Rruga e Lirisë	PRL	Kurt Kola
32	Partia Shqiptare “Atdheu”	PSHA	Kreshnik Osmani
33	Partia Social Punëtore e Shqipërisë	PSPSH	Ramadan Ndreka
34	Partia Toleranca e Re e Shqipërisë	PTRSH	Avdi Keçi

Partitë dhe kandidatët e pavarur 

Nr.	Partia	Shkurtimi	Kryetari	Sigla
1	Aleanca Kuq e Zi	AK	Kreshnik Spahiu
2	Fryma e Re Demokratike	FRD	Bamir Topi
3	Lidhja Per Drejtesi Dhe Progres	LDP	Elmaz Sherifi

• Kandidatët

Nr.	Emri	Qarku
1	Arben Malaj	Vlorë
2	Dritan Prifti	Fier
3	Sazan Guri	Tiranë

Shoqëria anketuese	Data	PD	PS	AK	LSI	FRD	PDIU	Pjesëmarrja
Kult[2]	8-14 dhjetor 2012	29.6 %	36.5 %	14.1 %	4.7 %	4.1 %		71.0 %
Gazeta Dita[3]	17-20 dhjetor 2012	31.0 %	37.1 %	6.5 %	6.6 %	5.3 %
AlbStat[4]	28 dhjetor 2012	31.4 %	40.4 %	15.2 %	4.9 %	4.9 %		77.1 %
AlbStat[5]	21-28 janar 2013	31.2 %	41.2 %	15.0 %	5.5 %	5.5 %		77.5 %
Kult[6]	22-31 janar 2013	30.1 %	41.2 %	14.9 %	4.1 %	4.1 %		75 %
Albeu[7]	2 maj 2013 - ?	43.6 %	39.27 %	6.07 %	4.61 %	3.71 %
Balkanweb[8]	7 maj 2013 - ?	45.8 %	45.9 %	2.6 %		2.5 %
Instituti Demokratik Shqiptar[9]	3-8 qershor 2013	38.5 %	34.2 %	4.4 %	3.7%	3.3 %	2.6%

Referencat

1. ^ Vetëm në Bashkinë e Tiranës

1. ^ Kalendar i zgjedhjeve
2. ^ Top Channel TV
3. ^ Gazeta Tema
4. ^ Gazeta Tema
5. ^ Gazeta Tema
6. ^ Gazeta Tema
7. ^ Albeu
8. ^ Balkanweb
9. ^ Instituti Demokratik Shqiptar