Flori Bruqi : Sorosi-"Open Ballkani"vllehu Edvin Rama dhe Kryqetniku Aleksandër Vuqic

 Shqipëria, Serbia dhe Maqedonisë së Veriut do të zhvillojnë më 3 dhe 4 nëntor takimin e radhës të iniciativës “Ballkani i Hapur” në Beograd. 

Kryeministri Edi Rama do të ishte  në Beograd, menjëherë pas vizitës së tij në Glasgovë në Samitin për klimën. Sakaq, në këtë takim nuk ishte Zoran Zaev, i cili dha dorëheqjen pak ditë më parë. por  në vend të tij ishte  zv.kryeministri Nikolla Dimitrov.

Floripress ka zbardhur edhe agjendën e takimeve në Beograd, ku thuhet se Presidenti i Republikës së Serbisë, Aleksandar Vuçiç, të enjten, më 4 nëntor 2021, do të takohet me kryeministrin e Republikës së Shqipërisë, Edi Rama dhe zëvendëskryeministrin e Maqedonisë së Veriut, Nikolla Dimitrov, në kuadër të Ballkanit të Hapur.

 Iniciativa për Bashkëpunim do të mbahet në Pallatin e Serbisë (Bulevar Mihajla Pupina 2).

Takimit të tre zyrtarëve i parapriu  një takim me përfaqësues të kompanive nga Republika e Serbisë, Republika e Shqipërisë dhe Republika e Maqedonisë së Veriut, si dhe me përfaqësues të Këshillit Atlantik.

Iniciativa “Ballkani i Hapur” është vazhdimësi e “mini-Shengenit” ballkanik, që Kosova e ka kundërshtuar edhe më parë. Iniciativën për “Open Balkan” e përkrahin Shqipëria, Serbia dhe Maqedonia e Veriut.

    

Iniciativa Ballkani i Hapur e mori emrin e ri nga mini-Shengen më 29 korrik 2021 në një forum ekonomik në Shkup

Kryeministri i Shqipërisë, Edi Rama dhe disa nga udhëheqësit politikë në Kosovë si të partive në pushtet edhe atyre në opozitë po vazhdojnë përplasjen në distancë rreth idesë për një Ballkan të hapur, apo siҫ njihet tashmë “Open Balkan”. 

Në një postim të gjatë në Facebook, kryeministri shqiptar, vllehu zt. Edvin Kristaq Rama duke ju përgjigjur shumë komentuesve nga Kosova, të cilët e akuazuan për siҫ thonë “afërsinë e tij me kryeqetnikun Aleksandër  Vuçiqin”, veç të tjerash shkroi edhe për refuzimin e Kosovës që të jetë pjesë e iniciativës “Ballkani i Hapur”, që deri disa muajë  më parë njihej si mini-Shengeni Ballkanik.

Vllehu-"shqiptar" Edvin Kristaq  Rama mbron idenë e Open Balkan

Rama shkroi se kjo retorikë nuk i shërben Kosovës dhe diplomacisë së saj. 

"Ballkani i Hapur është jo vetëm rruga e të ardhmes për prosperitetin e kombit shqiptar, si komb europian që përkatësinë e vet e ka në Europën e Bashkuar, por është edhe një mundësi e re dhe e madhe më shumë, në rrugën drejt njohjes së Kosovës nga Serbia; sa për një nga shumë shembuj të dobisë së madhe të Ballkanit të Hapur, kush nuk do që ta kuptojë pse Ballkani i Hapur e heq më në fund kufirin mes Shqipërisë e Kosovës, le të më thotë pse nuk e kanë hequr dot deri më sot, ata që e kanë premtuar me bujë dhe pse nuk e heq dot pa Ballkanin e Hapur atë kufi, asnjë prej atyre të cilëve "nuk u han luli" për aleatët e pazëvendësueshëm strategjikë të Kosovës e të Shqipërisë bashkë, që e mbështesin plotësisht nismën Open Balkan”, tha kryeministri Edvin Kristaq Rama. 

E për mbështetjen e perendimit për "Open Balkan”, Edvin Kristaq Rama i referohet edhe qeverisë gjermane duke thënë  hapur "qeveria gjermane e mbështetë këtë nismë”.  

Vllehu E.K.Rama iu përgjigjet kritikëve, se "nuk jam tradhtar, por nuk heq dorë nga 'Ballkani i Hapur'".

Albin Kurti dhe Edi Rama në një konferencë shtypi, shkurt 2020

Kundërshtime nga Kosova

Bashkëpunimin rajonal e duan të gjitha palët, por procesin e Open Balkan Kosova e kundërshton. 

Iniciativën për "Open Balkan”, deri tani e përkrahin vetëm Shqipëria, Serbia dhe Maqedonia e Veriut. 

Ministrja e jashtme e Kosovës, Donika Gërvalla e refuzoi bashkimin me këtë nismë, duke e cilësuar devijim të rrugës së Kosovës drejt BE-së. "Si Republikë e Kosovës, iniciativën e Novi Sadit, në ndërkohë të "mini-Shengenit”, e tash e "Ballkanit të Hapur”, e konsiderojmë si të rrezikshme, sepse krijohet përshtypja se kemi alternativë ndaj rrugës sonë të përbashkët si rajon, drejt BE-së dhe përçimin e këtij mesazhi ne e konsiderojmë se është më i rrezikshëm sesa vonesat që mund të ndodhin ndërkohë, gjatë procesit tonë të integrimit”, ka thënë ministrja e Punëve të Jashtme e Kosovës, Donika Gërvalla.

Edhe kryetarja e Grupit Parlamentar e partisë në pushtet, Lëvizjes Vetëvendosje, Mimoza Kusari-Lila, tha se "të gjitha partitë në Kosovë kanë shprehur kundërshtitë e tyre për iniciativën "Ballkani i Hapur” (Open Balkans), pasi sipas saj, kjo nismë është e "dëmshme” për faktin se Serbia është bosht i kësaj iniciative. "Për ne, absolutisht ka qenë një proces që prej fillimit nuk është mbështetur dhe e kemi konsideruar si një proces, e para paralel dhe e dyta të dëmshëm në momentin kur Serbia bëhet bosht i një iniciative, siç është rasti i ‘mini-Shengenit' dhe (tani) ‘Open Balkan'”, tha Mimoza Kusari-Lila pas një mbledhje të Kryesisë së Kuvendit të Kosovës.

Donika Gërvalla, ministrja e Jashtme e Kosovës në një takim me ministrin e Jashtëm, Heiko Maas, prill 2021

Si mund të evitohen keqkuptimet?

Përplasjet në distancë ndërmjet politikës kosovare dhe asaj të Shqipërisë janë kthyer në debat mes analistëve politikë. Blerim Burjani, analist politik  i tha DW-së se "keqkuptimet ndërmjet Kosovës dhe Shqipërisë mund të evitohen nëse bashkëpunohet më ngushtë në fushën ekonomike”. "Ballkan Open është ide që do të duhej së pari Kosovë-Shqipëri të bisedojnë për përparësitë dhe për mangësitë e një projekti të tillë në mënyrë që të shmangeshin keqkuptimet e ndërsjellta. Edi Rama  ka avancuar ne këtë ide jashtë angazhimit të Kosovës për të trajtuar fillimisht tema të kësaj natyre që nuk janë të reja dhe të panjohura për Kosovën, që dikur ishte përmend si "Ballkania". Keqkuptimet ndërmjet Kosovës dhe Shqipërisë mund të evitohen  duke bashkëpunuar  ngushtë dhe sinqertë në fushën ekonomike e që një kohë të gjatë ka munguar ky sinqeritet në mes dy shteteve”, thotë Blerim Burjani.

Sipas analistit Burjani, kryeministri shqiptar Edi Rama, e sheh nismën e Balkan Open si një projekt për përfitim ekonomik sesa politik. "Realisht kryeministrit Rama, nisma e Balkan Open i konvenon nga aspekti ekonomik dhe turistik, që në fakt më shumë duket turistik se sa ekonomik si  interes i Shqipërisë. Raporti i tij jo i mirë me politikën kosovare, duket të jetë më shumë personal se sa ndër-shqiptar, pasi shqiptaret dhe interesat e tyre janë interesa më të gjera se sa interesat e tjera. Open Ballkan për momentin duket me shumë  të panjohura në kuptimin politik, ashtu siҫ e mendon Prishtina, përderisa Tirana zyrtare e mendon puro interes ekonomik dhe avancim të lirive ekonomike”, thotë Burjani.

Marrëveshja e Uashingtonit u nënshkrua në prani të ish-presidentit të Shteteve të Bashkuara, Donald Trump, 4 shtator 2020

Kosova ka premtuar, se do t'i bashkohej, "mini-Shengenit” në Marrëveshjen e Uashingtonit, të nënshkruar më 4 shtator 2020 në Shtëpinë e Bardhë nga ish-kryeministri i Kosovës, Avdullah Hoti dhe presidenti i Serbisë, Aleksandar Vuçiq, marrëveshje kjo, e cila në dy dokumente të ndara u nënshkrua në prani të ish-presidentit të Shteteve të Bashkuara, Donald Trump.

 Në Kuvendin e Kosovës, më 6 gusht 2021, nuk u miratua një rezolutë ku i kërkohej Qeverisë së Kosovës që të zbatonte Marrëveshjen e Uashingtonit. Gjatë votimit për këtë rezolutë, që sipas ligjeve në Kosovë, nuk janë detyruese, por shprehin vullnetin politik,  deputetët e Lëvizjes Vetëvendosje që është në pushtet abstenuan. Ideja e "mini-Shengenit" është prezantuar në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë. Më 29 korrik 2021, në një forum ekonomik që u mbajt në Shkup, kësaj nisme ju ndryshua emri në "Open Balkan” dhe kryeministri i Shqipërisë, Edi Rama, ai i  ish Maqedonisë së Veriut, Zoran Zaev dhe presidenti i Serbisë, Aleksandar Vuçiq u bënë thirrje të gjitha shteteve të rajonit që t'i bashkohen kësaj iniciative.

FLORI BRUQI : Së shpejti libri “Udhët e sakrificës -ditar”i autorit akademik Dibaran Fyllit.

 

Shkruan Flori Bruqi,PH.D

Libri ditar është shkruar thjesht, pa shprehje poetike, pa ndonjë imponimin anësor, për dëshirën e askujt e as për inatin e dikujt. Është shkruar në formë ditari ashtu si kanë rrjedhur ngjarjet, aq sa kam poseduar shënime dhe aq sa kam mbajtur mend nga e vërteta midis të vërtetave. Ndoshta dikujt mund edhe të mos i pëlqej, por realiteti është ky, i bazuar në ditarin tim të para luftës, të luftës e të pas luftës. Pra nuk mund të ndryshohet asgjë nga e vërteta. Pena e ka kështu kur nuk pushon së shkruari. Në faqet e këtij ditari, sidomos ato të luftës e të pasluftës, ka ndryshime të mëdha nga shumë intervista të deri tanishme që janë dhënë nëpër media, që janë folur e përfolur, shkruar e interpretuar për 20 vite me radhë, nga individ të ndryshëm e nga lakmitarët e autorësive të huaja! Tani kur u harxhuan këto intervista shumë interesante e të llojllojshme, gënjeshtra me krip e pa krip, unë po e botoi ditarin e luftës e të pas luftës, pa më të voglin ndryshim! Tani, lexuesi le ta kuptojë si të dojë, libri s'ka mrekulli brenda as nuk do mund gjendet fjali e pa argumentuar nga faqet e ditarit në dorëshkrim, thjesht këto ishin përjetime e udhë sakrificash nga mosha 7 vjeçare e deri sot kur me të madhe po zhvillohet lufta për kolltukë të buta, për karrierë e pasuri... (Dibran Fylli)

*****

“Udhët e sakrificës -Ditar” i autorit, Akademik Dibran Fylli

Libri, “Udhët e sakrificës -Ditar”, është një ditar i fëmijërisë, studimeve, luftes, burgut , krijimtarisë letraro-artistike i veprimtarit, shkrimtarit , akademikut tonë Dibran Fylli ,nga Aqareva e Drenicës martire, pjesëmarrës i luftës së UÇK-së në vitet 1998-1999.

Në këtë vepër autori  Dibran Fylli ka radhitur kujtimet e tij të fëmijërisë , rinisë, studimeve në Lubjanë , luftës dhe zhvillimeve ushtarake të  UÇK-Së kryesisht në fshatrat e  Zonës Operative  të  Drenicës(ZOD)   ku edhe ka vepruar gjatë kohës së luftës çlirimtare.

Përshkrimet e ngjarjeve të cilat i ka shënuar kohë pas kohe, në ditar, janë dokumentare të cilat  pasqyrojnë përpjekjet për mbijetesë të popullatës civile, e cila ishte e ballafaquar me tërë egërsinë e forcave pushtuese, ngase ajo ishte në  shënjestër të  granatimeve nga distanca, por edhe e luftimeve të drejtpërdrejta të luftëtarëve të lirisë kundër forcave ushtarake, policore  si dhe forcave paramilitare serbo-malazeze dhe ruse.

 

Autori, nuk ka arritur të shënojë zhvillimet e çdo dite për shkak të rrethanave të jashtëzakonshme dhe pamundësisë së qëndrimit në një vend të caktuar.




Megjithatë, ai edhe në kushte të tilla të pasigurisë për jetë, si edhe të gjithë banorët në zonat e luftimeve, në “Ditarin” e tij ka përshkruar edhe zhvillimet politike sipas medieve si dhe jehonën e luftës së UÇK-së, e cila ishte mirëpritur dhe përkrahej unanimisht në zonat e përfshira në luftë e më gjerë, por kishte fituar edhe simpatinë e qarqeve demokratike e përparimtare kudo në botë.

Dibran Fylli, gjatë luftës, ka qenë pjesëtar i aktiv i Luftës çlirimtare që kishte për detyrë të luftojӕ forcat armike si dhe të përkujdesej për ngritjen e moralit artistik të ushtarëve dhe popullatës civile, sidomos për atë që ishin të zhvendosur dhe ishin të strehuar në pyje e lugina të lumenjve, me qëllim për t’ i ikur sulmeve të drejt për drejta të forcave armike.




Ushtarët dhe shokët e Dibranit, e   kishin shtrirë veprimin në të gjitha fshatrat e përfshira në luftë dhe kishte për detyrë të përcillte organizimin civil-ushtarak në mbështetje dhe ndihmë të UÇK-së, në rregullimin e istikamëve , të ndihmonte edhe në hapjen e transheve e bunkerëve, të ndihmonte evakuimin e popullatës kur sulmohej nga forcat serbe, të ndihmonte të plagosurit, të rënët dhe të raportonte lidhur me zhvillimet ditore kurdo që kishte nevojë.




Duke qenë i përkushtuar për luftën, me kohë kishte menduar se zhvillimet në terren duhej të shënoheshin dhe të mos harroheshin, meqë lufta e UÇK-së nuk pasqyrohej drejt nga mediet në Prishtinë e më gjerë, sepse informatat nuk ishin nga vendi i ngjarjes, por ato sajoheshin në ndonjë burim, i cili në shumë raste mund të mos ishte i sigurte. 

Ka ndodhur për shembull që një gazetar në Prishtinë kishte raportuar “se popullata në nuk kishte ngrënë bukë tri ditë rresht dhe banorët po hanin grurin e pazier”, edhe pse raste të tilla nuk ka pasur pothuajse në asnjë zonë të luftës dhe në Krojmir jo se jo.


  

Krejt kjo bëhej nga qarqet pacifiste me qëllim që popullata të ikte nga zonat e luftës dhe të mos qëndronte si logjistikë e saj.


 

Informim i drejtë, profesional dhe i përgjegjshëm në luftën e UÇK-së ka filluar prej 4 janarit të vitit 1999 kur kanë nisur transmetimin Radio-Kosova e Lirë dhe Agjencia Kosovapress, punën e të cilave, autori i librit, iu ka kushtuar vëmendje e besueshmëri.




Heroi i gjallë i shumë luftrave në Dardanin ,akademiku i ynë kolonel  Dibran Fylli, gjatë luftës, krahas kontributit fizik në Zonën OPerative të Drenicës dhe në mesin e luftëtarëve të lirisë, ka arritur që të shënojë çdo lajm, të cilin e ka dëgjuar nga burimet e veta, nga shtypi, e mediet e tjera, me qëllim që ato luftime e zhvillime të mbesin të shkruara si dëshmi, për një luftë të drejtë çlirimtare, dëshmi për vuajtjet e një populli që ndodhej buzë katastrofës humanitare, dëbimet të dhunshme nga trojet e veta, degdisjen e gjenocidin si qëllim për shfarosjen e tërë një populli, i cili përkrahte UÇK-së, meqë kishte marrë përsipër çlirimin nga armiku shekullore serb me çdo kusht dhe me çdo çmim.




Pas rënies heroike të Kryekomandantit të luftës së UÇK-së, Adem Jashari me gati krejt familjes së tij të ngushtë dhe familjes e gjerë Jashari të Prekazit, në mars të vitit 1998, shqiptarët liridashës nuk kishin më mëdyshje, por ishin mobilizuar rreth UÇK-së dhe ishin vënë në shërbim e ndihmë të saj. 




Ky mobilizim është përshkruar me besnikëri nga autori. në shumicën e ditëve të luftës.



Libri i akademik Dibran Fyllit, “Udhët e sakrificës -ditar”
(Prishtinë,2020) , është një vepër dokumentare, e lehtë për t’u lexuar e për t’u kuptuar, e pasur me fakte e dëshmi filmike të besueshme, të cilat kanë ndodhur në një territor të caktuar, por që kanë reflektuar edhe ngjarje të tjera dhe zhvillime të përgjithshme në zonat e luftës e më gjerë. Si çdo ditar lufte, edhe ky libër mund të këtë mangësi që janë pjesë e kundrimit të ngjarjeve nga një kënd subjektiv, në një territor të caktuar dhe me individë po ashtu të një mesi të caktuar, ku ka vepruar autori.



Ky libër pasuron literaturën dokumentare të luftës së UÇK-së.

Librin ka mbi 500 faqe të cilin e boton nën përkujdesjen Hakif Bajramit , Asllan Qyqallës , Flori Bruqit ,Naim Kelmendit,Abdullah Troshupës....

Clark flet për Hashim Thaçin në vitin 1999: Tepër të vendosur dhe entuzgjastë

 TIRANË- Gjenerali amerikan Wesley Clark ka folur për figurën e Hashim Thaçit dhe për rolin e tij në zhvillimet e luftës së Kosovës. I ftuar në emisionin “Opinion”,

Wesley  Clark ka thënë se  Hashim Thaçi në luftën e Kosovës ka qenë më shumë si lider politik.

Clark e ka cilësuar grupin e shqiptarëve si entuziastë e të vendosur, ndërkoëh që theksoi se nuk mund të krijohet një shtet i ri nëse qytetarët nuk janë të gatshëm të luftojnë dhe të vdesin për vendin.

Pjesë nga intervista

Fevziu: Keni thënë se Hashim Thaçi në atë takim kishte moshën e djalit tuaj në atë kohë. Besoni se ishin shumë entuziastë për të ardhmen e vendit?

Clark: Shumë entuziastë ishin, tepër të vendosur. Nuk mund të krijosh një shtet të ri, nëse nuk je gati të luftosh dhe të vdesësh për të. Në Siri në 2010, 2011, 12 a 2013… jam takuar me raste me liderët e opozitës siriane. Ata nuk futeshin ne Siri. Njerëzit luftonin brenda ne Siri, po ata nuk futeshin. U kam thënë në atë kohë… Alija Izetbegoviçi nuk do ta kishte mbajtur kurrë të bashkuar Bosnjën, po te mos kishte qëndruar në Sarajeve. Nëse je udhëheqës politik duhet të jesh atje, ku është konflikti. S’mund të rrish në Paris, duke ngrënë kruasan e pirë kapuçino e duke u mundur të komandosh se çfarë do të ndodhë. Ata thjesht nuk shkonin, nuk rrezikonin. Si rezultat Harasadi është në pushtet.

Fevziu: Keni pasur gjatë luftës njësi speciale brenda territorit të Jugosllavisë, brenda territorit të Kosovës?

Clark: Po le të themi se po ndodhnin shumë gjëra.

Fevziu: Thaçi me armë.

Clark: Po, por nuk e di a ka luftuar vërtet. Më thonë se ka qenë më tepër si një lider politik.

Fevziu: Pra, keni pasur njësi brenda territorit të Kosovës?

Clark: Jo. Në mënyre romantike imagjinohej se kishte forca tokësore, spiunë, por jo.

(I.A/dosja.al)

Policia e Kosovës ka dalë me një sqarim duke demantuar raportimet se një nga dy rusët e shpallur non grata së fundmi është parë në Kosovë.

 

Policia sqaron: Rusët e shpallur non grata s’janë në Kosovë

 02/11/2021 11:29

Sipas Policisë, të dy shtetasit rusë kanë lëshuar territorin e Kosovës më 23 tetor dhe se personi tjetër i cili është parë në vend, e për të cilin u raportua se është shtetasi rus i shpallur non grata, është tjetër kush.

“Dy personat Alexey Krivosheev dhe Denis Vengerskii shtetas rus, janë shpallur non-grata nga institucionet shtetërore të Kosovës me datë 22.10.2021, dhe bazuar në informacionet zyrtare të Policisë së Kosovës të evidentuara në sistemin kufitar, të njëjtit me datë 23.10.2021 (në ora 14:46 dhe 14:50), përmes pikës kufitare në Merdare kanë lëshuar territorin e Republikës së Kosovës. Vlen të potencohet se të njëjtit, nga data 23.10.2021, nuk kanë hyrë në Republikën e Kosovës, ndërsa personi i cili është publikuar dhe shfaqur në media përmes fotografive dhe videos, është person tjetër (V.L.) i njohur për institucionet e sigurisë në Kosovë, si punonjës në zyrën ruse në Kosovë”, thuhet në njoftimin e Policisë së Kosovës.

Presidentja e Kosovës, Vjosa Osmani, njoftoi më 22 tetor se dy zyrtarë të Zyrës Ndërlidhëse të Federatës ruse në Kosovë janë shpallur persona non grata. Osmani pati deklaruar se kjo është bërë për shkak të aktivitetit të tyre të dëmshëm, “i cili ka cenuar sigurinë kombëtare dhe rendin kushtetutes të Republikës së Kosovës”.

Kur do të fillohet me dozën e tretë të vaksinës kundër COVID-19 në Kosovë?

 Në shtetin fqinjë me Kosovën, në Shqipëri tashmë ka filluar edhe dhënia e dozës së tretë të vaksinës kundër COVID-19, por një gjë e tillë nuk ka filluar edhe në vendin tonë.

E, për këtë Ministria e Shëndetësisë ka një përgjigje.

“Sa i përket dozës përforcuese dhe dozës së tretë, është diskutuar për to dhe pritjet janë që në vitin tjetër të fillohet me to, por paraprakisht duhet të merret një vendim në momentin që konsiderohet e përshtatshme për të filluar me këtë proces”, ka bërë të ditur MSh-ja.

MSH-ja dhe Instituti Kombëtar i Shëndetit Publik në vazhdimësi po bëjnë thirrje për vaksinim, duke paralajmëruar se vala e ardhshme është e pashmangshme.

Të martën, MSH-ja miratoi rekomandimin edhe për vaksinimin e fëmijëve të grupmoshës 12 deri në 15 vjeç. 

Hashim Thaçi në Hagë, avokati i tij kryesor largohet nga ekipi mbrojtës

 Avokati Samuel Blom-Cooper nuk do të jetë më avokat i Hashim Thaçit në Gjykatën Speciale në Hagë, shkruan Gazeta Express.

Kjo pasi ai është larguar nga ekipi mbrojtës i Thaçit, më 28 tetor të këtij vitit.

Avokat kryesor i ish presidenti të Kosovës,zt.Hashim Thaçit, Gregory Keohe, ka bërë të ditur se ndërprerja e kontratës së Bloom Cooper do të bëhet pa efekt të kundërt në interesat e Thaçit.

“Më 28 tetor 2021, avokati z. Gregory Kehoe, informoi Zyrën e Mbrojtjes se z. Blom-Cooper i ka pushuar shërbimet si bashkë-avokat i z.  Hashim Thaçi. Në bazë të nenit 18(6) të Direktivës për avokatin, avokati informoi më tej Zyrën e Mbrojtjes se ndërprerja e kontratës së z. Blom-Cooper do të realizohej pa efekt të kundërt në interesat e z. Hashim Thaçi dhe kohëzgjatjen e procedures”, ka thënë ai.

zt.Gregory Kehoer në shkresën e tij gjithashtu ka informuar se ai vazhdon të ndihmohet nga katër bashkë-avokatë të tjerë.

Kush është Gregory W. Kehoe që Specialja e akreditoi si mbrojtës të Thaçit

 

Gregory W. Kehoe ishte  avokati  i ish-presidentit Hashim Thaçi në Gjykatën Speciale.

Kehoe e kishte pranuar  kërkesën e ish-presidentit dhe kishte  njoftuar zyrën e Mbrojtjes për emërimin e tij, për të cilën çështje u raportua në mediat kosovare dhe Floripress disa ditë më parë.

”Kehoe kishte njoftuar  Zyrën e Mbrojtjes se ai ishte thirrur me një kërkesë për të përfaqësuar Z. Hashim Thaҫi dhe se ai do të pranonte emërimin”, thuhet në shkresë.

Por, kush është Gregory W. Kehoe? – i cili ishte i  akredituar nga Gjykata Speciale si mbrojtje e ish-presidentit Hashim Thaçi.

Me më shumë se 30 vjet përvojë, Gregory W. Kehoe ka një praktikë kombëtare dhe ndërkombëtare që përqendrohet në përfaqësimin e individëve, korporatave dhe institucioneve financiare.

Kjo përfshin përfaqësimin para gjykatave federale, shtetërore dhe ndërkombëtare.

Kehoe, ka përfaqësuar edhe ish-gjeneralin kroat Ante Gotovina deri në pafajësinë e tij të plotë para Tribunalit Penal Ndërkombëtar për ish-Jugosllavinë. Kehoe, gjithashtu ka përfaqësuar ish-gjeneralin Mohammed Hussein Ali përpara Gjykatës Ndërkombëtare të Krimeve, gjë që çoi në rrëzimin e të gjtha akuzave që rëndonin mbi të.

Kehoe ka punuar në Departamentin e Drejtësisë në SHBA si prokuror për mbi 20 vjet me çështje të ndryshme të vendosura në Amerikë, Evropë, Azi dhe Amerikën e Jugut. Ndërsa ka shërbyes edhe si ndihmës i avokatit të shtetit të SHBA-ve. Ai ishte përgjegjës për ndjekjen penale të një numri çështjesh të profilit të lartë që përfshinin institucionet financiare dhe akuzat e mashtrimit të korporatave si dhe akuzat për raketim.

Kehoe gjithasht ka drejtuar ekipin e avokatëve dhe hetuesve që këshilluan Tribunalin Special të Irakut, një gjykatë ad hoc e formuat për të ndjekur penalisht Saddam Hussein dhe anëtarët e ish-regjimit të tij.

Kehoe ka shkollim të lartë në fushën e drejtësisë dhe gjithashtu ka çmime të shumta dhe mirënjohje për punën e tij në çështjet e drejtësisë

Flori Bruqi

“Open Balkan”, plani i Soros përfundoi në kosh!

 

Që kur u ngjiz ‘minishengeni ballkanik’ sot i quajtur “Open Balkan”,  u dekonspirua si një plan i multimiliarderit Gorge Soros, i cili tentoi edhe një herë të hedhë kthetrat e tij në këtë pjesë të ndezur të Evropës.Dhe dyshja e përzgjehdur –[rje tij për të reklamuar këtë projekt ishte Rama-Vuçiç dhe sigurisht me ndihmën pas tyre të benjaminit të Soros në Maqedoninë e Veritur, Zoran Zaev.

Por planet nuk shkuan sic ishin menduar. Mininishengenin e refuzuan të gjitha vendet e tjera të Ballkanit, duke nisur nga Kosova e më pas Mali i Zi dhe Bosnja. Dhe në kushte kur nisma nuk po gjente mbështetjen e duhur u mendua plani i ndryshimi të emrit dhe objektivave duke folur për “Ballkanin e Hapur”. E megjithatë rezultati ishte po i njejtë. Treshes Rama-Vuçiç-Zaev nuk ju bashkua asnjë lider tjetër i Balkanit.

E ndërsa ishte parashikur mbajtja e Samitit të radhës në Beograd, një tjetër humbje e paparashikuar solli dobësimin e mëtejshëm të “Open Balkan”. Kryeministri Zoran Zaev tha publikisht se do të dorëhiqej nga detyra pas humbjes së zgjdhjeve vendore në M.V. Në këto kushte kur opozita fituese nuk ka aspak një opinion të mirë për nismën “Open Balkan” shanset janë që kjo iniciativë ë mbesë vetëm me dy shtete, Shqipërinë dhe Serbinë.

Nga “Foltorja” e Kamzës, Berisha tha sot se Ballkani i Hapur’ vdiq në Maqedoninë e Veriut pas votimit për zgjedhjet vendore.  “Një përshëndetje të përzemërt dua t’u përcjell zgjedhësve të Maqedonisë së Veriut që ia prenë biletën një aventurieri i cili me aventurën e tij e shndërroi Maqedoninë e Veriut në mollë sherri midis Bullgarisë dhe Serbisë.  Zhvillim i madh pozitiv në Maqedoninë e Veriut ishte se aty ku u pagëzua me emrin e George Soros “Ballkani i Hapur”, aty edhe vdiq dy ditë më parë nga vota e qytetarëve të Maqedonisë”, u shpreh Berisha, duke shtuar se me “Ballkanin e Hapur”, Rama tentoi ta shndërrojë Shqipërinë në vasale të Serbisë.

E megjithatë duyshja Rama-Vuçiç nuk ndalen, porositë i kanë të tilla. Edi Rama ka konfirmuar se do të jetë nesër i pranishëm në kryeqytetin e Serbisë, në datat 3 dhe 4 nëntor. Zyra e kryeministrit ka deklaruar, se nuk ka asnjë ndryshim plani për takimin e nesërm, pas dorëheqjes së Zoran Zaev nga posti i kryeministrit të Maqedonisë së Veriut.

Një ditë më parë presidenti i Serbisë, Aleksandër Vuçiç vuri në dyshim zhvillimin e takimeve në Beograd, ku tha: “A duhet të mbajmë apo shtyjmë një takim në Beograd, duke marrë parasysh ngjarjet në Shkup?”.

Qartazi humbja e Maqedonisë së Veriut e bën edhe më të vështirë suksesin e “Open Balkan”, i cili tanimë përbën një nismë të vetëm dy shteteve, që kanë në krye dy liderë që janë në duart e Sorosit. Vazhdimi duket i errët, askush nuk e gëlltiti përallën e Sorosit për një Balkan pa kufi!

vaksina kundër gripit sezonal në Kosovë, orari i vaksinimit në disa komuna

saktësisht më 27 tetor  2021 ka nisur shpërndarja e 140 mijë vaksinave kundër gripit sezonal në Kosovë,2021.

Ministria e Shëndetësisë kishte njoftuar se kategoritë me prioritet për vaksinim kundër gripit sezonal janë: qytetarët mbi 65 vjeç, personat me sëmundje kronike, gratë shtatzëna dhe lehonat, personeli shëndetësor dhe fëmijët me indikacione shëndetësore.

“Koha për vaksinim është tani, sepse vaksina ju mbron juve dhe njerëzit përreth nga gripi sezonal si dhe e ul ngarkesën e sistemit shëndetësor gjatë pandemisë Covid-19. Secila komunë do të informoj qytetarët e saj për oraret dhe qendrën e vaksinimit kundër gripit sezonal”, thuhej në njoftim.

E tashmë disa komuna kanë nisur vaksinimin kundër gripit sezonal, disa pritet të nisin, raporton Telegrafi.

Në Prishtinë, vaksinimi kundër gripit ka nisur më 28 tetor, nga ora 08:00 deri në 19:00 në sallën 1 Tetori.

Kryetari i komunës së Prishtinës, Shpend Ahmeti në një postim në Facebook kishte shkruar se grupet me prioritet për vaksinim janë: punëtorët shëndetësor, personat mbi moshën 65 vjeç, personat me sëmundje kronike, shtatzënat dhe fëmijët me imunitet të dobësuar.

Të premten, më 29 tetor edhe në Fushë Kosovë ka filluar vaksinimi kundër gripit sezonal.

Kështu është bërë e ditur në një njoftim të Komunës së Fushë Kosovës.

“Nga sot, e premte datë 29.10.2021 do të filloj vaksinimi i qytetarëve të Fushë-Kosovës me vaksinën kundër gripit sezonal. Vaksinimi do të bëhet çdo ditë pune nga ora 07:00 deri 19:00 në sallën e sportit të shkollës fillore ‘Vëllezërit Frashëri’ në fshatin Miradi e Poshtme (lokacioni i njëjtë ku bëhet vaksinimi kundër COVID19)”, thuhet në njoftim.

Ndërkaq, sot, më 30 tetor procesin e vaksinimit kundër gripit e ka nisur edhe komuna e Gjilanit.

Qendra Kryesore e Mjekësisë Familjare (QKMF) në Gjilan është furnizuar me vaksina të gripit sezonal dhe nga e shtuna fillon dhënia e tyre.

Kështu është thënë në njoftimin e Komunës së Gjilanit.

Sipas njoftimit, drejtoresha Arbenita Hajdari ka bërë të ditur se dy ditët e para (e shtunë dhe e diel) vaksinimi do të bëhet në Qendrën e Mjekësisë Familjare në lagjen Dardania, nga ora 10:00 deri në orën 16:00.

Nga e hëna, 1 nëntor, vaksinimi bëhet në tri Qendra të Mjekësisë Familjare: në QKMF, si dhe në ambulancat ‘Dheu i Bardhë’ dhe ‘Ramiz Cërnica’ (te Zalli), duke filluar nga ora 8:00 deri në 14:00.

“Vaksinat kundër gripit sezonal janë të dedikuara për grupet më të ndjeshme, si të moshuarit dhe të prekurit nga sëmundjet kronike, si nevojë për rritjen e aftësisë reaguese të organizmit ndaj viruseve të ndryshëm”, tha ajo.

Ndërkaq, nga komuna e Gjakovës, përkatësisht Drejtoria për Shëndetësi dhe Mirëqenie Sociale është njoftuar se është bërë furnizimi me vaksina kundër gripit sezonal në një sasi prej 8 mijë dozash.

Shpërndarja e këtyre vaksinave bëhet nga e hëna deri të premten prej orës 08:00 deri në 20:00 në qendrën e vaksinimit në sallen e Edukatës Fizike në shkollën “Fehmi Agani”.

Lidhja e Historianëve të Kosovës “Ali Hadri”, dega në Deçan i ka reaguar, së fundmi i ka reaguar raportueses për Kosovën në Parlamentin Evropian, Viola Von Cramonit lidhur me Manastirin e Deçanit.

 

“Viola Von Cramon, eurodeputete gjermane dhe raportuese për Kosovën, në Parlamentin Evropian, duhet të dije se vendimi anti kushtetuesë dhe anti ligjor i Gjykatës Kushtetuese të Kosovës i majit 2016, për pronat dhe Ndërmarrjet “Apiko” dhe “Iliria”, të cilat në mënyrë anti ligjore po mundohen të i falen Manastirit të Deçanit, nuk duhet të zbatohet, ngase buron në ligjet e kohës se masave të dhunshme të kohës së Millosheviçit.

 Ligjet, vendimet dhe aktet nënligjore të kohës së Millosheviçit, gjitha shtetet demokratike të botës, përfshirë edhe Gjermaninë, i kanë luftuar dhe i kanë cilësuar diskriminues.”, është bërë e ditur në reagim.

Lidhja e Historianëve të Kosovës “Ali Hadri” në Deçan ka theksuar se Manastiri i Deçanit, nuk është i rrezikuar nga ana e shqiptarëve, por siç është theksuar “ai është i rrezikuar vetëm nga politikat dashakeqe të personelit serb të Manastirit të Deçanit”

“Viola Von Cramon dhe gjithë zyrtarët e tjerë ndërkombëtarë duhet të dinë se Manastiri i Deçanit, nuk është i rrezikuar nga askush, pra nga ana e shqiptarëve, ai është i rrezikuar vetëm nga politikat dashakeqe të personelit serb të Manastirit të Deçanit. Pronat dhe Ndërmarrjet “Apiko” dhe “Iliria” duhet të i kthehen në menaxhim Komunës së Deçanit. Ato prona i takojnë deçanasëve, dhe jo Sava Janjiçit.”, është shkruar tutje në reagim.

Ndryshe, raportuesja për Kosovën në Parlamentin Evropian, Viola Von Cramon dje ka vizituar Manastirin e Deçanit, me ç’rast ka thënë se Qeveria e Kosovës duhet ta zbatojë vendimin e Gjykatës Kushtetuese për Manastirin e Deçanit.

Pesë vjet më parë, Gjykata Kushtetuese e Kosovës ka marrë vendim, sipas të cilit i njihet e drejta e pronësisë Manastirit të Deçanit mbi 24 hektarë tokë. Manastiri i Deçanit është ndër monumentet e trashëgimisë më të dalluara të kohës së tij, i ndërtuar në gjysmën e parë të shekullit të 14-të.

Akademik Flori Bruqi,PHD.