Në Kosovë, organizatat joqeveritare që merren me trajtimin e përdoruesve të substancave narkotike, vlerësojnë se vitin e fundit vërehet një ngritje e lehtë e të rinjve që konsumojnë këto substanca.
Ata thonë se mosha mesatare e atyre që fillojnë për herë të parë të abuzojnë me narkotikë, është kryesisht e re, rreth 16 vjeç, si në zonat urbane po ashtu edhe në ato rurale.
Por, mosha 11-vjeçare ka filluar të konsumojë shisha.
Shisha është një term që përdoret gjithkund në botë, duke iu referuar tymosjes së aromave të ndryshme pa nikotinë apo edhe me të. Kjo dukuri është bërë trend te fëmijët, të cilët në ahengje të ndryshme e konsumojnë atë.
Njëri nga ta është Rroni, 11-vjeçar, i cili për Radion Evropa e Lirë tregonpër moshatarët e tij se si është bërë hit thithja e shishas.
“Unë jam 11-vjeçar dhe jam në klasën e gjashtë. Disa moshatarë të mibëjnë party (ahengje), disa jo. Disa e organizojnë nëpër shtëpi, disa në lokale. Dhe pastaj pinë shisha. Nuk e di a janë me leje të prindërve a jo. Unë njoh fëmijë që me 11 vjet pinë shisha, por edhe më të mëdhenj. Unë mendoj se duhet me qenë 18-vjeçar për me pi shisha”.
“Shisha ka me shije të ndryshme. Janë disa vende të caktuara që i blejnë dhe pastaj disa vende ku pihet. Zakonisht kur po mblidhemi me shoqëri, po shkojmë në disa vende të caktuara ku pihet shisha. Edhe cigare pinë, por më rrallë, nuk ka shumë. Në klasën time nuk pinë cigare”, rrëfen Rroni.
Ndryshe, në Prishtinë janë disa dyqane që ofrojnë blerjen e shishas dhe produkte që duhen për të.
Miradie Morina, shitëse, thotë se ndonëse nuk u lejohet shitja e atyre produkteve nën 18 vjet, mosha që më së shumti kërkon shisha dhe aroma për to, janë të rinjtë prej 12 vjeç e përpjetë.
“Moshat që kërkojnë, janë prej 12 vjeç. Kërkojnë të blejnë cigare puro me shije, shije për shisha. Nuk shkruan se për cilën moshë mund të përdoret. Por, edhe kur vijnë fëmijët e moshës 12 vjeç, thonë që i blejnë për dikë tjetër, si për vëllanë më të madh apo motrën. Por, ne ua shesim, pasi që nuk shkruan se prej cilës moshë mund të shitet”, thotë Miradija.
Ndërkaq, edhe një tjetër nxënëse, Lisa, 14 vjeçe, tregon për moshatarët e saj, se sa konsumojnë shisha, e edhe duhan.
“Në klasën time jo, brenda objektit shkollor jo, por kur dalin jashtë pinë, edhe cigare edhe shisha. Kur kemi shkuar në ekskursion me kursin, kanë marrë shisha me vete edhe çdo mbrëmje kanë pi. Për shisha nuk e dinë arsimtarët, e për duhan për disa nxënës e dinë që konsumojnë”, tregon Lisa.
Por, sa janë të dëmshme dhe sa prej këtyre aromave që i thithin në formë tymi fëmijët, mund të kalojnë në diçka tjetër, si të ndezin duhan apo marihuanë brenda saj, na flet Safet Blakaj, drejtues i Qendrës Mediko-Psikoterapeutike “Labirint”, në Prishtinë.
“Fenomeni i përdorimit të shishave është një fenomen që kohëve të fundit po vërehet që ka një rritje. Shqetësuese është për faktin se fëmijët po e përdorin. Kjo po paraqet atraksion për ta. Sigurisht që kjo paraqet problem, sepse nëse provojnë brenda saj, përpos shijeve që ofron ajo edhe duhan, apo cigare mente, atëherë është e dëmshme".
"Ne nuk e dimë saktë dhe jemi në përcjellje të këtij fenomeni, nëse përmes shishes po përdoret edhe marihuanë. Ne nuk kemi mundur të sigurohemi nëse marihuana po përdoret në këto shisha”, thotë Blakaj.
Përderisa abuzimi me heroinën, si një prej narkotikëve më të dëmshëm, sipas ekspertëve që merren me personat që abuzojnë narkotikë, ka shënuar rënie në Kosovë, megjithatë, siç thonë ata, tashmë në vend janë duke u keqpërdorur drogat e reja të dizajnuara, të ashtuquajturat “legal high” apo “lartësia legale”.
Defektologu Safet Blakaj shpjegon se drogat e reja të dizajnuara janë kombinim i substancave të ndryshme kimike që përdoren në industri, si dhe për mirëmbajtje sanitare.
Një prej tyre, thotë Blakaj, e cila është e pranishme tash e disa vjet në qarkullim dhe ka përhapje të shpejtë, është substanca GHB, që është akronim i formulës kimike Gama Hidro Glabulin.
Ai shton se përveç substancave të ashtuquajtura GHB, në dy vitet e fundit abuzuesit e narkotikëve përdorin edhe substancat narkotike si amfetamina dhe metamfetamina, e njohur si “speed” apo “shpejtësia”, e cila sipas tij është jashtëzakonisht e rrezikshme.
Komenti i Donjeta Morinës, e bija e Prokurores së Shtetit, Sevdije Morinës dhe mbesa e Rrahman Morinës, e cila e quan “kriminele të luftës” ish-sekretaren amerikane të shtetit, Madeline Albright ka nxitur reagim të ashpër në opinion publik shqiptar.
Etiketimin si kriminele të luftës ndaj sekretares së shtetit, Donjeta e ka bërë në profilin e saj në facebook në gjuhën angleze, pas shpërndarjes se një lajmi, ku Albright raportohet të ketë thënë se “duhet të ketë një vend në ferr për ato gra që nuk e mbështesin Clintonin në garën presidenciale”.
Nëna e Donjetës,Prokurore e Shtetit të Kosovës :Sevdije Morina
Por ky lajm i raportuar në media ka hidhëruar për tej mase studiuesit dhe publicist në vend, pasi që sipas tyre, Albright është njëra nga personalitetet botërore, e cila ka dhënë kontribut të madh për çlirimin e Kosovës nga regjimi gjenocidale Serb.
Uzurpimi i sheshit dhe tjetërsimi i festës si shfrytëzim i vakumit ligjor për kryeqytetin
Nëse duhen refuzuar apo jo tendencat e opozitës për uzurpimin e shesheve dhe festave, apel ky që është bërë edhe nga kryeministri Isa Mustafa, nuk po vendoset shumë nga qytetarët dhe as që ka një debat lidhur me këtë.
Partitë opozitare tanimë duket të jenë krejtësisht të vendosura që me rastin e përvjetorit të tetë të pavarësisë së Kosovës që të mbajnë protestën e radhës e që në fakt pamundëson kremtimin e pavarësisë. Në këtë mënyrë qytetarët gati e kanë krejtësisht të pamundësuar që të shënojnë siç duhet festën më të rëndësishme shtetërore në Republikën e Kosovës.
Sheshi kryesor i Prishtinës, i cili përbëhet nga tre minisheshe, me 17 shkurt do të shndërrohet në arenë të opozitës. Edhe nga ana e zyrtarëve të vetë pozitës, nuk cënohet e drejta për të protestuar, e as për të promovuar kërkesa politike, por vërehet një pakënaqësi e madhe lidhur me tendencën që të uzurpohet sheshi i Prishtinës atëherë kur ai është shumë i nevojshëm për të shënuar përvjetorin e pavarësisë.
Këshilli Organizativ për shënimin e 8 vjetorit të shpalljes së Pavarësisë së Kosovës, përmes një reagimi ka sqaruar opinionin publik lidhur me sabotimin që drejtuesit politikë të Komunës së Prishtinës shënimit të festës kryesore shtetërore në Kosovë.
Në reagim thuhet se Komuna së Prishtinës po i ofendojnë qytetarët e Republikës si dhe për përpjekjet shekullore të brezave të tërë të njerëzve që punuan, luftuan dhe sakrifikuan gjithçka për arritjen e lirisë dhe pavarësisë së Kosovës
“Komuna e Prishtinës është e njoftuar zyrtarisht për aktivitetet që do të zhvillohen me rastin e shënimit të 17 shkurtit, qoftë përmes përfaqësueses së Komunës në Këshill, e cila ka marrë pjesë në takim më datë 2 shkurt, por edhe përmes komunikimit zyrtar që nënkryetari i Prishtinës, Dardan Sejdiu, ka zhvilluar me përfaqësuesit e Këshillit, komunikim i cili mund të bëhet publik nëse ka nevojë.
Komuna e Prishtinës është njoftuar në detaje për aktivitetet, shumica dërrmuese e të cilave do të zhvillohen në kryeqytet dhe në përputhje me përvojën e të kaluarës dhe kalendarin festiv, organet lokale tash e sa ditë është dashur të përkujdesen për të stolisur sheshin kryesor të kryeqytetit me flamuj, siç ka bërë edhe në rastet tjera.
Qëndrimet e përfaqësuesve politikë të Komunës së Prishtinës, se 17 shkurti është “festë fiktive” dhe më pas qëndrimi se kjo është festë shtetërore, që nuk duhet të shënohet nga komunat, ofendojnë qytetarët e Republikës si dhe për përpjekjet shekullore të brezave të tërë të njerëzve që punuan, luftuan dhe sakrifikuan gjithçka për arritjen e lirisë dhe pavarësisë së Kosovës.
Andaj, Komuna e Prishtinës, duhet që sa më parë ta lirojë sheshin kryesor të Prishtinës nga materialet propagandistike dhe fyese të një subjekti politik, të vendosura me iniciativën e saj, dhe që në vend të tyre të vendos flamujt dhe simbolet shtetërore të Republikës së Kosovës dhe mjetet tjera dekoruese, për të krijuar atmosferë festive për qytetarët që do ta frekuentojnë këtë shesh.
Këshilli Organizativ për shënimin e 8 vjetorit të shpalljes së Pavarësisë së Kosovës i rikujton Komunës së Prishtinës agjendën e festimeve e cila është publike për të gjithë opinionin e gjerë”, thuhet në reagimin e Këshilli Organizativ.
Përfundon vizita e Kerryt në Tiranë, Sekretari i Shtetit niset për në SHBA
Sekretari Amerikan i Shtetit John Kerry përfunduar vizitën zyrtare 4 orëshe në Tiranë, ku u takua me Presidentin Nishani, Kryeministrin Rama, ministrin e Jashtëm Ditmir Bushati dhe me kryetarin e PD Lulzim Basha.
Kerry qëndroi për 4 orë në Tiranë, ku në qendër të diskutimeve ishte reforma në drejtësi dhe Byroja Kombëtare e Hetimit. Sekretari Amerikan zhvilloi një bashkëbisedim edhe shoqërinë civile në Muzeun Kombëtar.
Avioni i diplomatit amerikan “Air Force 2” u largua nga toka shqiptare në orën 14:00. Vizita e Sekretarit Kerry u përmbyll pa asnjë incident.
Sekretari amerikan i Shtetit, John Kerry gjatë një konferencë të përbashkët me kryeministrin e Shqipërisë, Edi Rama, ka deklaruar se Shqipëria është anëtare themeluese e koalicionit për të kundërshtuar një luftë kundër ekstremizmit të dhunshëm, që mundohen ta shtrembërojë fen.
Kerry theksoi se marrëdhëniet në mes Shteteve të Bashkuara janë të ngrohta dhe të dy vendet do të mund të punojnë më shumë në mes vete.
Ai tha Shqipëria nuk është thjesht një mike për SHBA-të, por është një vend anëtare e NATO-s dhe kjo sjellë një përgjegjësi të këtij vendi për rajonin.
“Jeni në rrugën e duhur sa i përket legjislacionit, jam i lumtur për reformat që keni bërë në drejtësi. Kjo është diçka që udhëheqja juaj ka marr dhe ata janë të përkushtuar për një qeverisje më llogaridhënëse. Kjo kërkon mbështetjen e çdo qytetari në Shqipëri”, ka thënë ai.
Kerry shtoi se Shqipëria mund të mbështetet në miqësinë e plotë të Shteteve të Bashkuara të Amerikës.
Kurse, kryeministri i Shqipërisë, Edi Rama ka deklaruar se zhvillimi i mëtejshëm i partneritetit në mes SHBA-ve dhe Shqipërisë, do të luaj një rol kyç në sigurinë e rajonit.
Rama shtoi se shqiptarët u janë mirënjohës Shteteve të Bashkuara, pasi pa ta shqiptarët në tërsi nuk do të ishin më të respektuar si kurrë më parë dhe se Shqipëria nuk do ta arrinte reformën gjatë këtyre viteve.
“Objektivi ynë i përbashkët është që marsi të jetë muaji i votimit të ndryshimeve kushtetuese në Kuvend, sa i përket reformave. Me Shtetet e Bashkuara nuk na ndan asgjë dhe na bashkon gjithçka”, ka thënë ai.
Rama tha se dialogu në mes Kosovës dhe Serbisë, nuk është një dialog i lehtë por është pa diskutim e vetmja rrugë për të arritur suksesin.
Në konferencë nuk ishte paraparë të ketë pyetje.
Basha-Kerry: Do të kontribuojmë për reformat dhe demokracinë në Shqipëri
Sekretari amerikan i Shtetit, John Kerry u takua sot me kryetarin e Partisë Demokratike, Lulzim Basha, ne kuader te vizites qe zyrtari i lartë amerikan po zhvillon në Tiranë.
Kryetari i Partisë Demokratike, Basha pas takimit me Sekretarin amerikan te Shtetit, dha një prononcim për mediat ku u shpreh se vizita e sekretarit Kerry vjen në një moment kyç të demokracisë shqiptare.
“Falenderimet e mia më të përzemërta për sekretarin Kerry, për SHBA-ne, për administratën e Presidentit Obama dhe mbështetjen e jashtëzakonshme që i ka dhëne dhe i jep Shqipërisë dhe shqiptarëve. I sigurova në këtë takim se Partia Demokratike do të jetë në krye të përpjekjeve dhe të ruajtjes së standarteve euro-atlantike të demokracisë e shtetit ligjor dhe të drejtave të njeriut.
Ashtu si në qeverisje edhe në opozitë, PD mbetet e përkushtuar ndaj këtyre vlerave jo vetëm me fjalë por edhe me vepra, siç ishte rasti i procesit të dekrimnalizimit, proces kyc ky për të sotmen dhe të nesërmen e demokracisë shqiptare dhe që nuk do të ishte përfunduar me sukses pa mbështetjen e plotë dhe të gjithëanshme të SHBA-së”, tha Basha.
Në fokus të bisedimeve me sekretarin Kerry, tha Basha ishin çeshtje si 25 vjetori i rivendosjes së marredhënieve diplomatike, rekordi i angazhimit tonë si në qeverisje dhe në opozitë për të mbështetur çeshtje të përbashkëta të bashkëpunimit me SHBA. “Takimin me sekretarin Kerry e konsideroj një shenjë besimi të madh tek shqiptarët dhe Partia Demokratike”, tha kryetari i opozites shqiptare.
“Të tjera sfida të mëdha që e presin Shqipërinë janë lufta kundër krimit dhe korrupsionit si parakusht i ecjes së Shqipërisë përpara drejt integrimit europian, si një kusht i forcimit të kapaciteteve të Shqiperisë për të ecuar përpara e denjë, një aleate e vërtete e SHBA-së, që jo vetëm konsumon por dhe kontribuon në sfida të përbashkta kundër ekstremizmit, kundër terrorizmit por në radhe të parë duke forcuar demokracinë e brendshme që është investimi më i mirë, më i fuqishëm në të ardhmen eropiane dhe Euro-Atlantike të Shqipërisë dhe të gjithë rajonit.
Në këtë kontekst ecim përpara me reforma të rëndësishme siç është reforma në drejtësi, në përputhje me rekomondimet, standartet, normat e pranuara bashkarisht, sic janë ato të Komisionit të Venecias si dhe çeshtja kyce sic është çeshtja e zgjedhjeve të lira dhe të ndershme për të cilat opozita kërkon angazhimin e parterve tanë si një reformë kyce pa të cilën Shqipria nuk mund të bëjë përparë”, tha Basha.
Kerry: Shumë i kënaqur që vizitoj Shqipërinë, mirënjohje për pritjen e ngrohtë
Sekretari Amerikan i Shtetit, John Kerry ka komentuar vizitën e tij në Shqipëri duke shprehur kënaqësinë e vizitës në Tiranë, si dhe mirënjohjen dhe mikëpritjen e ngrohtë nga Presidenti Nishani.
Sekretari Amerikan i Shtetit, John Kerry në një postim në rrjetin social Facebook, paraditen së dielës, shprehet se “Shumë të kënaqur që të vizitojë #Albania sot dhe mirënjohës për mikpritjen e ngrohtë nga Presidenti Nishani”.
Po ashtu, Sekretari Kerri ka shoqëruar komentin e tij me një foto në çastet e zbritjes në aeroportin e Rinasit dhe pritjes nga presidenti Bujar Nishani.
Kerry ka zhvilluar një takim me kryeministrin Rama ministrin e Punëve të Jashtme, Ditmir Bushati. Ai në aeroportin “Nënë Tereza”, ka takuar presidentin e Shqipërisë, Bujar Nishani, ku për disa minuta kanë diskutuar në këmbë me Nishanin. Në aeroport ka qenë edhe ambasado ri amerikan Donald Lu.
Nga kryeministria, sekretari Amerikan i Shtetit John Kerry do të takohet edhe me kryetarin e PD-së, Lulzim Basha dhe disa deputetë të PD.
Takimi përmbyllës i vizitës të Kerry-t në Tiranë do të jetë me disa të rinj ku pritet të përcjellë mesazhe për të ardhmen dhe sfidat e Shqipërisë.
Vizita e John Kerry në Tiranë është e 5-ta e një Sekretari amerikan Steti, që për një vend të vogël si Shqipëria mund të konsiderohet një mesazh i qartë i miqësisë që lidh këto dy vende.
Sekretari amerikan Kerry në selinë e kryeministrisë
Sekretari amerikan i Shtetit, John Kerry nisi axhendën e takimeve zyrtare në Tiranë, me takimin me ministrin e Punëve të Jashtme, Ditmir Bushati. Takimi u zhvillua në selinë e kryeministrisë, pa praninë e medias.
Në vijim, Sekretari amerikan zhvilloi takimin kokë më kokë me Kryeministrin Edi Rama, që do të pasohet nga konferenca për shtyp mes dy zyrtarëve të lartë.
Sekretari i Shtetit, Kerry do të takohet me Kryetarin e Partisë Demokratike, Lulzim Basha në ambientet e Hotel Rogner dhe më pas do të zhvillojë një takim me përfaqësues të shoqërisë civile në ambientet e Muzeut Historik Kombëtar.
Zyrtarisht, shefi i diplomacisë amerikane vjen në Tiranë për të shënuar 25-vjetorin e rivendosjes së marrëdhënieve diplomatike mes dy vendeve.
Sekretari amerikan i Shtetit John Kerry është i pesti drejtues i Departamentit të Shtetit që viziton Shqipërinë, pas viteve ’90.
I pari që shkeli në Tiranë, në vitin 1991 ishte sekretari i atëhershëm Xhejms Bejker, të cilit iu rezervua një pritje madhështore në Shqipërinë e sapo dalë nga izolimi komunist.
Vizita e dytë do të ishte në vitin 2000, e znj. Madelein Albright, ndërsa pak vite më vonë në vitin 2003 do të vinte sekretari i atëhershëm Kolin Pauell, vizita e të cilit do të vendoste bazat e anëtarësimit të mëvonshëm të Shqipërisë në NATO.
Ngjarja më kulmore në marrëdhëniet shqiptaro-amerikane është vizita në vitin 2007 e presidentit të atëhershëm George W. Bush, i cili nga Tirana paralajmëroi pavarësinë e Kosovës.
Ndërsa në 1 nëntor 2012, vendin tonë e vizitoi Sekretarja amerikane e Shtetit, Hillary Clinton, në kuadër të një turneu në vendet e Ballkanit Perëndimor, që synonte nxitjen e reformave ekonomike dhe demokratike në këtë rajon.
***
Sekretari amerikan i Shtetit, John Kerry nisi axhendën e takimeve zyrtare në Tiranë, me takimin me ministrin e Punëve të Jashtme, Ditmir Bushati.
Takimi po zhvillohet në selinë e kryeministrisë, pa praninë e medias. Në vijim, Sekretari amerikan do të zhvillojë takimin kokë më kokë me Kryeministrin Edi Rama, që do të pasohet nga konferenca për shtyp mes dy zyrtarëve të lartë.
Sekretari i Shtetit, Kerry sipas medias do të takohet me Kryetarin e Partisë Demokratike, Lulzim Basha në ambientet e Hotel Rogner dhe më pas do të zhvillojë një takim me të rinj të shoqërisë civile në ambientet e Muzeut Historik Kombëtar.
Zyrtarisht, shefi i diplomacisë amerikane vjen në Tiranë për të shënuar 25-vjetorin e rivendosjes së marrëdhënieve diplomatike mes dy vendeve.
Sekretari amerikan i Shtetit John Kerry është i pesti drejtues i Departamentit të Shtetit që viziton Shqipërinë, pas viteve ’90.
I pari që shkeli në Tiranë, në vitin 1991 ishte sekretari i atëhershëm Xhejms Bejker, të cilit iu rezervua një pritje madhështore në Shqipërinë e sapo dalë nga izolimi komunist.
Vizita e dytë do të ishte në vitin 2000, e znj. Madelein Albright, ndërsa pak vite më vonë në vitin 2003 do të vinte sekretari i atëhershëm Kolin Pauell, vizita e të cilit do të vendoste bazat e anëtarësimit të mëvonshëm të Shqipërisë në NATO.
Ngjarja më kulmore në marrëdhëniet shqiptaro-amerikane është vizita në vitin 2007 e presidentit të atëhershëm George W. Bush, i cili nga Tirana paralajmëroi pavarësinë e Kosovës.
Ndërsa në 1 nëntor 2012, vendin tonë e vizitoi Sekretarja amerikane e Shtetit, Hillary Clinton, në kuadër të një turneu në vendet e Ballkanit Perëndimor, që synonte nxitjen e reformave ekonomike dhe demokratike në këtë rajon.
***
Presidenti i Republikës, Bujar Nishani i uroi te dielen mirëseardhjen në Tiranë , Sekretarit amerikan të Shtetit, John Kerry, duke shprehur mirënjohjen e thellë të shqiptarëve për të gjithë mbështetjen e pakursyer, veçanërisht për integrimin e vendit në strukturat Euroatlantike.
“Presidenti Nishani u shpreh se kjo vizitë është dëshmi e qartë dhe domethënëse se miqtë dhe partnerët tanë më të mirë janë pranë nesh në këto momente që rreziqet dhe kërcënimet janë afruar me Shqipërinë dhe rajonin”, thuhet në një njoftim nga zyra e shtypit të Presidencës, pas pritjes qe kreu i shtetit i beri Sekretarit të shtetit amerikan ne Aeroportin Nene Tereza.
“Kreu i Shtetit shqiptar e siguroi Sekretarin Kerry për vendosmërinë e Shqipërisë në luftën kundër krimit të organizuar dhe korrupsionit. Presidenti Nishani përcolli gjithashtu përshëndetje të ngrohta e të përzemërta për Presidentin e Shteteve të Bashkuara të Amerikës, Barack Obama”, thuhej në deklaratën për mediat nga zyra e shtypit të presidencës.
***
Sekretari Amerikan i Shtetit John Kerry ka mbërritur në aeroportin ‘Nënë Tereza’. Avioni i zyrtarit të lartë amerikan u ul në pistën e aeroportit në orën 09:45 në kuadër të vizitës së tij zyrtare në Shqipëri.
Kerry pritet në aeroport nga Presidenti i vendit Bujar Nishani, me të cilin do të zhvillojë një takim në sallën VIP të aeroportit. Sekretari amerikan pritet me masa të rrepta sigurie dhe shoqërohet edhe agjentët e CIA-s.
Po kështu, një helikopter Cougar i ushtrisë po patrullon nga ajri. Pas takimit me Presidentin Nishani, eskorta e Sekretarit Kerry do të niset drejt Tiranës, ku do të takohet në godinën e Kryeministrisë nga ministri i Jashtëm Ditmir Bushati e më pas me Kryeministrin Rama.
Vizita e John Kerry-t, flamurët amerikanë dhe shqiptarë mbushin Tiranën
Tirana pret sot Sekretarin amerikan të Shtetit John Kerry. Flamuj shqiptarë dhe amerikane janë vendosur përgjatë bulevardit kryesor “Dëshmorët e Kombit” në Tiranë dhe në të gjitha rrugëve kryesore të kryeqytetit, ndërsa kanë mbushur aksin Rinas -Tiranë që do të përshkojë Sekretari amerikan i Shtetit John Kerry, nga Aeroporti Nënë Tereza deri në Kryeministri.
Ndërkohë që qytetarë të Tiranës por jo vetëm me flamuj në duar, ndodhen ne rrugët për të mirëpritur kryediplomatin amerikan. Në kryeqytet, që një ditë më parë shume pika ambulante dhe dyqane suveniresh, qëndrojnë hapur dhe tregtojnë flamuj amerikanë e shqiptarë si dhe shumë suvenireqë simbolizojnë miqësinë Shqipëri-SHBA.
“Eshte në traditën e shqiptarit, që të mirëpresi miqtë dhe aq më e fuqishme është sot kjo traditë shqiptare, kur bëhet fjalë për një mik si Amerika”, thotë një shitëse ambulante.
Flamuri amerikan me 50 yjet që simbolizojnë 50 shtetet që perbëjne SHBA-në dhe 13 vijat janë për 13 kolonitë e para, .
Për të garantuar sigurinë e kësaj vizite të rëndësishme Policia e Shtetit Efektivë të Gardës së Republikës, Shërbimit Informativ Shtetëror dhe repartit RENEA do të jenë në gatishmëri deri në përfundim të vizitës.
Drejtori i Përgjithshëm për Sigurinë, Altin Qato ka bëre me dije, se per kete vizite, janë angazhuar mbi 1500 efektivë policie të cilët janë në gatishmëri për 8 orë për të kryer një kontroll të plotë të territorit dhe për të garantuar sigurinë e vizitës së kryediplomatit amerikan në vendin tonë. Gjithashtu një helikopter i Forcave të Armatosura me një grup të Forcave Speciale të Ushtrisë do të monitorojë nga ajri.
E gjitha rruga nga Aeroporti deri në bulevardin qëndror dhe akset ku do të lëvizë John Kerry eshte bllokuar nën vëzhgimin e rreptë të forcave policore deri në orën 15:00.
Vizita e Sekretarit Kerry sot në Tiranë, rrugët që do të bllokohen
Policia e Shtetit ka publikuar akset rrugore ku do të ketë sot kufizim të qarkullimit rrugor në kuadër të masave për garantimin e sigurisë gjatë vizitës ne Tirane, të Sekretarit amerikan të Shtetit, John Kerry.
Në deklaratën për shtyp thuhet se “nga Drejtoria Vendore e Policisë Tiranë janë marrë masa në bllokimin e disa segmenteve rrugore kryesore si më poshtë:.
• Aksi rrugor nga Aeroporti Rinasit “Nënë Tereza” – mbikalimi i Kasharit.
• Aksi rrugor nga Superstrada Vorë – Tiranë, nga mbikalimi i Kasharit – mbikalimi i Kamzës, në të dyja krahët e autostradës, si dhe rrugët dytësore paralel me to.
• Aksi rrugor nga mbikalimi Kamëz – Sheshi “Shqiponja” – Rruga “Dritan Hoxha” – Rruga e “Durrësit” .
• Aksi rrugor Sheshi “Skëndërbej” – Bulevardi “Dëshmorët e Kombit”- Sheshi “Nënë Tereza”, si dhe rrugët lidhëse me to.
• Aksi rrugor nga Rruga “Teodor Keko” – Fabrika e Bukës – Bulevardi “Bajram Curri”, nga ura Teknologjike – Ura e Kualidimit – Ura e Drejtorisë Tiranë – Ura e Dajtit deri te ura e Rrugës së Elbasanit.
• Aksi rrugor Bulevardi Zogu i Parë nga Ministria e Drejtësisë deri tek Sheshi Skënderbej.
Gjithashtu njoftohen të gjithë drejtuesit e mjeteve që do devijohet aksi rrugor i kamzës deri tek shinat e trenit.
Gjithashtu, policia njofton se nuk do të lejohen parkimet e mjeteve duke filluar nga Sheshi Shqiponja deri te rruga Elbasanit si dhe nuk do të lejohet parkimi prapa Muzeut.
“Në rast të mos largimit të mjeteve njoftojmë se do të ngrihen me sherbim te mjeteve ngritese.
Subjektet e linjave të shërbimit publik që operojnë në linjat brenda qytetit të Tiranës, dhe linjave të transportit udhëtarëve ndërqytetëse, kryesisht ato që përdorin rrugët në pjesën veriperëndimore të qytetit të Tiranës, nuk do të lejohet qarkullimi i këtyre mjeteve në këto pjesë të rrugës”, thuhet në njoftimin për shtyp.
Në rastet e urgjencave apo raste të tjera të emergjencave që kërkohen nga qytetarë, shërbimet e Policisë Rrugore do të bëjnë shoqërimin e mjeteve pranë qëndrave më të afërta shëndetësore.
Policia e Tiranës kërkon mirëkuptimin e qytetarëve, që në këtë ditë nga ora 07:00 deri në orën 15:00, të shmangin qarkullimin me mjet në këto akse rrugore.
Në faqen e internetit të gazetës “Panorama” të datës 06 shkurt 2016, lexova me shumë vëmendje letrën që ukeni dërguar deputetëve të Kuvendit të Shqipërisë përmendimin paradoksal që qenka shprehur nga një grupekspertësh juridikë, për të përfshirë në Kushtetutën e Republikës së Shqipërisë të një neni, sipas të cilit duhet tëmbyllen me kyç dosjet e krimeve të komunizmit në Shqipëri. Me këtë rast, u njoha edhe me kundërshtimin eprerë të Presidentit Bujar Nishani ndaj propozimit tëekspetëve të lartpërmendur dhe vendosmërinë e tij për taçuar në Gjykatën Kushtetuese nëse ai propozim kalon në Kuvend. Nuk ka asgjë për t’u habitur, i nderuar Profesor,edhe sikur ky nen të përfshihet në Kushtetutë me vendimtë Kuvendit. Sepse ka kaluar një çerek shekulli që kurdiktatura e egër enveriste u përmbys formalisht ngapushteti, por vendin e saj e zunë neokomunistët enveristë,të cilët, normalisht, nuk mund ta dënojnë Enver Hoxhën për krimet e rënda që kreu kundër pjesës më fisnike të popullit shqiptar dhe kundër inteligjencies së shquar që qe shkolluar në Perëndim. Fakti që Kuvendi i Shqipërisë nuki ka marrë absolutisht në shqyrtim Rezolutat e Këshillit të Evropës për dënimin e krimeve të komunizmit, fakti që Enver Hoxha vazhdon ta gëzojë edhe sot e gjithë ditëntitullin e lartë “Hero i Popullit”, fakti që krerët e partive politike i kanë kthyer këto të fundit në çiflig personal dhe,automatikisht, edhe Kuvendin e Shqipërisë, fakti që Nexhmije Hoxha gjenë hapësira në mjetet e informimit masiv për të shfajësuar kriminelin Enver Hoxha dhe krimet e tij kërkon t’ia faturojë popullit shqiptar,dëshmojnë shkoqur fare se në stanin e politikës zyrtare me flamur të shpalosur majtist dhe të disa historianëve të marrosur pas tij, ka një tendencë të hapur për rehabilitimin e figurës kriminale të Enver Hoxhës. Ju keni plotësisht të drejtë, i dashur Profesor, kur thoni se e keni të vështirë ta kuptoni heshtjen e rinisë shqiptare, sidomos heshtjen e rinisë universitare, heshtjen e inteligjencies universitare, heshtjen e mbarë popullit shqiptar para fakteve të tilla skandaloze. Me sa duket, klasa politike në pushtet e trajton popullin shqiptar thjesht si “material për konsum”, ashtu siç e trajtonte Enver Hoxha, duke e varfëruar deri në palcë, sepse një popull të varfër që mendon vetëm për kafshatën e gojës, është shumë e lehtë ta mbash nën fre. Një strategji e njohur kjo që i ka rrënjët në lashtësi. Me respekt. Prof.dr. Eshref Ymeri Santa Barbara, Kaliforni 13 shkurt 2016
**********
Kush është Sami Repishti?
Sami Repishti lindi në gjirin e familjes së Hafiz Ibrahimit dhe Hava Bushatit në lagjen Dudas në Shkodër më 6 prill 1925, i ati figurë me autoritet në shoqërinë shkodrane të asaj kohe dhe më pas deputet në Kuvendin Kombëtar.
Në vendlindje kreu mësimet fillore në shkollën "Oso Kuka" dhe të mesmen pranë gjimnazit të Shkodrës ku ra në kontakt edhe me lëvizjen komuniste që lëvrinte ngahera në mjediset rinore të qytetit por sidomos pas 7 prillit 1939.
I rritur në një familje me traditë muslimane s'e ndjen veten të joshur nga ide aq të largëta për mendësinë njëmend autentike shqiptare.
Më 1942 mbaron maturën. Niset në Tiranë për të marrë pjesë në një konkurs, për shkollën e lartë jashtë shtetit. 112 kandidatura, konkuronin për 28 bursa studimi të profesioneve të ndryshme. Mbas 2 ditëve, ai merr vesht se ka fituar bursë nga ministria e Arsimit për në Fakultetin e Historisë së Firences.
Me mbërritjen në atdhe më 1943 shkon të verojë në Repisht, prej ku kishte origjinën familja e tij. Prejse strehoi një nip të tijin që kishte ide komuniste, autoritetet fashiste e arrestojnë të atin dhe e torturojnë duke vdekur kësodore prej hemoragjisë më dt. 29 shtator 1943.
Duke qenë kështu i pari i shtëpisë detyrohet t'i sigurojë bukën familjes.
Punon në Sektorin e Rindërtimit me të hyrë në pushtet regjimi i ri. Themelon me shoqërinë e tij një Organizatë të Rinisë Demokratike, shpërndanë trakte dhe i dorezuan një Memorandum një deputeti anglez që vizitoi Shkodrën dhe ndihmonin familjet e të arratisurve.
Në maj të 1946 mori pjesë në proçesionin e varrimit të Arqipeshkvit Imzot Gaspër Thaçi. Ishte data 22 tetor 1946, kur në vendin e punës mbërrijnë forcat e Sigurimit dhe marrin nën pranga të riun me akuzën “Agjitacion e propagandë kundër shtetit”.
Për 14 muaj, Samiu iu nënshtrua hetimeve intensive ku takon dhe prof. Kolë Prelën. Dënohet nga pretenca e gjyqit me 15 vjet heqje lirie, në burg do shoqërohej me P. Çiprian Nikën dhe vëllanë e prof. Kolës, Markun.
Më 28 nëntor 1947 dërgohet në Burgun e Madh, dhe më tej në kampin e Vloçishtit, në Beden të Kavajës më 1948. Mbas kampit të punës së detyruar në Orman Pojan të Korçës, Samiu rikthehet në burgun e Shkodrës, në fund të muajit nëntor.
Mbas daljes nga burgu më 1956 punoi javën e parë si pastrues i barit të keq në stadium, javën e dytë e caktojnë të punojë në kanalizimin e tokave të Qendrës Zooteknike.
Kështu e gjeti edhe viti 1956. Më vonë si ndihmës karpentier në vendlindje deri në ditën e arratisjes, 22 gusht 1959.
Në Jugosllavi izolohet dhe mandej lirohet nga ky izolim në prill 1961 dhe punësohet përkohësisht (ndërkohë studion serbokroatishten dhe anglishten.) Por shumë shpejt (qershor 1961), përfundon në kampin e refugjatëve të Gerovës, Kroaci.
Më 1 shtator 1961, arratiset nga kampi i Gerovës dhe vendoset në Itali. Qëndroi në Trieste, në kampin e refugjatëve San Sabba, ku në tri javë fitoi të drejtën e azilit politik. Mbas një qëndrimi gjashtëmujor në kampet e Capua-s dhe Latina-s, pranë Napolit dhe Romës, mbas shumë vuajtjesh, më 9 prill 1962, emigroi për në ShBA.
Merr pjesë në takimin e pesëdhjetë vjetorit të "Vatrës", ku dhe takon mikun e të atit në periudhën e opozitarizmit,
Imzot Nolin. Fitoi qytetarinë (citizenship) amerikane më 1968. Doktoroi pranë Departamentit të Frëngjishtës në City University of New York (1977).
Për 25 vjet me rradhë, ka dhënë mësim në college-t amerikane. Ka qenë kryetar i Departamentit të Gjuhëve të Huaja, për shkollat e qytetit Malverne, New York,
Koordinator i programit për studime të avancuara, Lice-University, Adelphy, Garden City, NY, 1976-1991, dhe po aty pedagog i jashtëm. Udhëtimin e vetëm në Kosovën e shliruar e bëri në prillin e 2000.
Angazhimi intelektual dhe atdhetar
Eshtë autor i më shumë se 100 studimeve e artikujve me tema shqiptare dhe të Drejtat e Njeriut. Tematika e tyre, përfshin kryesisht vuajtjet e shqiptarëve në ish-Jugosllavi e çamët, të botuar në shtypin amerikan dhe shqiptar. Intelektuali erudit Prof.
Repishti, ka qenë koordinator për ish-Jugosllavinë e Shqipërinë pranë Amnesty International në ShBA, për periudhën e vitëve 1979-1982.
Është i pari shqiptaro-amerikan, që ka dëshmuar para Kongresit Amerikan për Kosovën në prill të vitit 1965, dhe ka vijuar me dëshmi të shumta para komisioneve kongresiane e qendrave studimore amerikane, kryesisht për problemin kosovar.
Ne vitin 1968, formoi organizaten “Rinia Shqiptare Kosovare në Botën e Lirë”.
Në nëntor 1982, me Arshi Pipën organizuan Konferencën Ndërkombëtare për Kosovën me pjesëmarrjen e 14 profesorëve evropianë dhe amerikanë, duke i bërë edhe peticion Pjesëtarit të Parlamentit Evropian Otto von Habsburg.
Punimet e Konferencës janë botuar në librin “Studies on Kosova” (C.U.P.1984). Në vitin 1978, shoqërinë “Kosova Relief Fund, USA, Inc.” për ndihmë financiare familjeve të persekutuara në Kosovë, fondacion të cilit i qëndroi në krye gjer më 2000.
Për më se dhjetë vjet ka mbajtur rubrikën mbi Kosovën për gazetën Dielli.
Në vitin 1986, kërkoi hapjen e Zyrës Amerikane në Prishtinë, që u realizua me sukses në vitin 1996, dhe atë kosovar në Washington, që u aprovua nga Presidenti i 46-të i ShBA-së Mr. William Jeferson Clinton (1993).
Është bashkthemelues i Lidhjes Qytetare Shqiptaro-Amerikane (1986) dhe drejtor ekzekutiv (1989-1992), bashkthemelues i American Friends of Albania e sekretar/arkëtar i saj (1992-1996), bashkthemelues i Këshillit Kombëtar Shqiptaro-Amerikan (NAAC 1996) dhe president i parë (1996-1998) - grupi i lobimit më me ndikim në Washington D.C
Vazhdon të merret me studime shqiptare dhe mbrojtjen e të Drejtave të Njeriut.
Është i martuar me Dianën e ka dy fëmijë: një djalë Daren me profesion mjek, e vajzën Ava avokate, me nipa e mbesa. Banon në Ridgefield, CT ShBA.
Burime:
Repishti S., Shënime Personale, letër dërguar studjuesit shkodran Islam Dizdarit më dt. 20 prill 2008 nga Baldwin, New York, ShBA.
Repishti S., Si asht e mundun që ish-komunistët drejtuen Lëvijen Demokratike në Shqipni (I & II), Intervistë e Ajet Nuro për Tribunën Shqiptare, 21 & 29 maj 2014.
Kapinova K., Repishti: Shqipëria, sot jeton në pellgun e padrejtësisë, Republika. - Nr. 250, 24 tetor, 2008, f. 14 - 15. Agjencioni Floripress/Flori Bruqi Në fotografi janë (nga e djathta në të majtë): Harry Bajraktari, Shaqir Shaqiri, At Artur Liolini, Adnan Merovci, Presidenti Rugova, Sami Repishti, Antoni Athanasi, Alush Gashi, Isa Zymberi dhe Muhamet Hamiti.
Këshilli Bashkiak i Shkodrës, me propozim të shoqatës më të madhe të ish të burgosurve dhe të përndjekurve politikë të Shqipërisë, atë të Shkodrës, nderoi me titullin “Qytetar Nderi i Shkodrës” profesorin shqiptaro-amerikan, Sami Repishti.
Kryetari i këtij Këshilli, Xhemal Bushati, lexoi motivacionin që shoqëron dhënien e këtij titulli:
“Për mbrojtjen dhe pasqyrimin e vlerave qytetare dhe demokratike të bashkëqytetarëve tanë të Shkodrës si studiues, publicist dhe veprimtar i njohur në Shtetet e Bashkuara të Amerikës. Me qendresën përballë diktaturës dhe mbrojtjen e lirive dhe të drejtave të qytetarëve të Shkodrës, Shqipërisë, Kosovës dhe më gjërë, ai është bërë shëmbull frymëzues për bashkëkohësit e tij.”
Kryetari i Komisionit të Ekspertëve për Vlerësimin e Figurave, profesor Romeo Gurakuqi, tha përpara këshilltarëve bashkiakë se titulli i jepet një shqiptari dhe shkodrani të ndritur, që megjithëse në SHBA, ia ka kushtuar jetën dhe veprën e tij Shkodrës dhe Shqipërisë.
"Asht një nder i veçantë që Bashkia e re e Shkodrës të nisë punën e saj në dhanien e titujve me vendimin për dhanien e titullit “Qytetar Nderi” profesor Sami Repishtit, të cilin unë e kam konsideru dhe e konsideroj udhëheqësin e vertetë të bashkësisë shkodrane dhe një lidër të mirëfilltë të të gjithë shqiptarëve ne procesin e emancipimit për nga liria, mbrojtja e institucioneve të saj, mbrojtja e të drejtave të shqiptarëve në Kosovë, Mal të Zi, në Maqedoni dhe në Epirin e Jugut".
Një vlerësim të veçantë dha në emër të Komisionit të Këshillit Bashkiak edhe kryetari i tij, Maxhid Cungu.
"Ne vlerësojmë rolin dhe kontributet e profesor Sami Repishtit për mbrojtjen dhe pasqyrimin e vlerave historike, demokratike si dhe për qendresën në lidhje me mbrojtjen e parimeve demokratike dhe kombëtare".
Këshilltarët bashkiakë shprehën mirënjohje për kontributin dhe përpjekjet e profesor Sami Repishtit si kundërshtar i vendosur i diktaturës komuniste, por edhe veprimtarë kritik i proceseve demokratike në Shqipëri, Kosovë e më gjërë. Keshilltari bashkiak Filip Guraziu u shpreh:
“E kam për nder që jam sot anëtar i Këshillit të Bashkisë dhe ne së bashku votojmë për këtë figurë të madhe, këtë patriot, këtë antikomunist, por mbi të gjitha humanist”.
“Repishti është konfirmim i thënies se: duaje atdheun edhe kur të vret. Kultura e tij e gjërë është receta që fton mendjet e mbydhura që të hapen, ta shohin të vertetën e hidhur në sy dhe jo ta vrasin atë perditë, duke sajuar gjithçka për mbijetesë materiale në kurriz të moralit qytetar”, tha këshilltari Fatlum Nurja.
Kryetarja e Bashkisë, Voltana Ademi tha se me nderimin për profesor Sami Repishtin, Shkodra i rikthehet vlerave të saj.
"Për mua personalisht, profesor Repishti shpesh është udhërrëfyes, është mbështetje, është një lexim kritik edhe i asaj që ndodh në Shqipëri gjatë gjithë këtyre viteve të tranzicionit. Me këtë rast, për Bashkinë e Shkodrës është një e mire që i vjen qytetit, të gjithë shkodranëve. Përmes nderimit të tij ne nderohemi dhe unë i uroj shëndet dhe shpresoj shumë që të vazhdojë të punojë, të na mbështesë e të vazhdojë të jetë për ne ashtu sikurse asht".
Profesor Sami Repishti ishte kundërshtar i regjimit komunist, regjim që e dënoi me 15 vite burgim, nga të cilët bëri vetëm dhjetë vjet.
I përndjekur vazhdimisht, ai arratiset në vitin 1959 dhe në 1962 emigron në SHBA, ku zhvillon një veprimtari të gjërë në mbrojtje të të drejtave të shqiptarëve.
Profesior Repishti luajti rol të dorës së parë në krijimin e tri organizatave shqiptare në SHBA; Rinia Shqiptare Kosovare në Botën e Lirë, Lidhja Qytetare Shqiptaro-Amerikane dhe Këshilli Kombëtar Shqiptaro-Amerikan. Megjithëse në moshën 90 vjeçare Profesor Repishti vazhdon të frymëzojë brezat e shqiptarëve në kërkim të një shoqërie më demokratike dhe më të drejtë.
