Si do ndryshojë bota gjatë 18 muajve të ardhshëm pas COVID 19

Jemi nën karantinë. Raftet e supermarketeve janë boshatisur. Fluturimet janë anuluar.

Punëtorët kanë lënë punën, dhe janë shndërruar në mësues të fëmijëve të tyre në shtëpi. Një qeveri konservatore, ka shtetëzuar hekurudhat, dhe po paguan njerëzit që nuk punojnë. Dhe jemi ende vetëm në javën e dytë.

Në më pak se 2 javë, Britania ka përjetuar një lloj trazire sociale dhe politike, që ndodh normalisht vetëm pasi i është prerë koka një mbreti, apo kur turmat mësyjnë në pallatin mbretëror. Por a është ky një moment i shkurtër i solidaritetit kombëtar, apo “normaliteti” i ri”?

Gjithçka varet nga kohëzgjatja e krizës së koronavirusit. Ekspertët besojnë se një vaksinë për Covid-19 (sëmundja e shkaktuar nga virusi Sars-CoV-2) është ende të paktën 18 muaj larg, gjë që bën i premtimet e Donald Trumpit se SHBA-ja do të “rihapet” brenda 3 javësh, të duken në rastin më të mirë optimiste.

Në Britani një raport nga studiuesit e Kolegjit Mbretëror të Londrës, vlerësoi se elementët e normalitetit të ri – distancimi social, vetë-izolimi, bllokimet – mund të zgjasin deri në shtatorin e vitit 2021. Pra çfarë mund të ndodhë, ndërsa vazhdon kriza e koronavirusit? Ja se çfarë thonë ekspertët.

Muaji i parë: Infektimet

Një gjë është gati e sigurtë:gjërat do të përkeqësohen, para se të përmirësohen. “Mendoj se epidemia do të vazhdojë me siguri për 3 muajt e ardhshëm”-thotë dr.Pol Hanter, profesor i mjekësisë në Universitetin e Anglisë Lindore. Ai beson se kufizimet e lëvizjeve, do të bëhen

më të ashpra gjatë 30 ditëve të ardhshme.

Qendrat e qytetit do të shkretohen. Dyqanet, baret, restorantet dhe baret, do të qëndrojnë të mbyllura. Në mungesë të tyre, do të lulëzojnë supermarketet dhe kompanitë që ofrojnë ushqime. Prilli është muaji kur Shërbimi Shëndetësor Britanik (NHS), pret pikun e parë të pandemisë.

Të gjitha të dhënat, tregojnë se në aspektin e përhapjes së virusit, jemi në rrugën e Italisë. Mbretëria e Bashkuar ka 2.8 mjekë për 1.000 njerëz – një normë më e ulët se Spanja dhe Italia, të cilat kanë 4.1 mjekë për 1000 pacientë. Numri i pacientëve që kanë nevojë për kujdes kritik, do të rritet në mënyrë dramatike, dhe NHS ka të ngjarë të kalojë në kolaps.

Muaji i tretë: Recesioni ekonomik

Shpresohet që deri në korrik, të kemi një ngadalësim të ndjeshëm të përhapjes së epidemisë. “Unë dyshoj derisa ta shohim këtë gjë vërtet”- thotë Hanter, që shton se do të befasohej nëse bllokimi nuk do të ishte hequr deri në atë kohë. “Shpresojmë që do të ndodhë para fundit të majit, por mundet edhe të mos ndodhë”- thekson ai.

Nëse premtimi i Trumpit për të rihapur ekonominë amerikane brenda një muaji do të realizohet, duket se ka gjasa që pas 3 muajsh një numër vendesh të kenë nisur të rikthehen në të paktën në një imazhi të normalitetit. Ndërkohë, pritet që ekonomia të pasojë atë që po ndodh në spitale. “Gjendja do të jetë e rëndë, por unë personalisht mendoj se gjërat do të përmirësohen nga vera. Nuk e di me siguri, por dyshoj se epidemia do ta humbasë shumë forcën nga fundi i qershorit. Kjo pjesërisht për shkak të masave që ka marrë qeveria, por edhe pjesërisht për faktin se është verë, dhe gjërat do të lehtësohen”- thekson Hanter.

Ndërkohë supermarketet do të riorganzohen me më pak staf. Edhe marrëdhënia jonë me ushqimin do të ndryshojë. Frutat tropikale do të zhduken nga raftet, për t’ja lënë vendin frutave të sezonit. Por rikthimi në normalitetin shoqëror, ka të ngjarë të shkaktojë një raund të ri të infektimeve.

Muaji i gjashtë: Rikthimi në normalitet

Nga shtatori, ne do të fillojmë të llogarisim me efektet e krizës tek buxheti i shtetit. Ka nga ata

që mund të rikthehen në vendet e tyre të punës. Ata që janë pushuar nga puna, do të përballen me pasiguri të mëdha mbi të ardhmen. Ato vende pune, që u zhdukën gjatë krizës nuk ka gjasa që të kthehen, gjë që mund të çojë në një rritje të papunësisë.

Përgjigja mund të jetë një sistem më bujar i mirëqënies sociale. Një e ardhur themelore universale, e cila u aludua në Finlandë dhe Kanada se ka dhënë rezultate të përziera, mund të ishte shkatërruese për klasën punëtore. Për ata, punët e të cilëve mbijetuan, mënyra e punës do të ndryshojë.

Zyrat do të reduktohen në personel, dhe do të shndërrohen në vende ku shkohet vetëm 2 herë në javë për ndonjë konsultim, pasi shumë punë mund të kryhen nga shtëpia. Por nën rimeson e normalitetit, virusi do të rizgjohet. Ndërsa vera largohet, do të shohim një ringjallje të numrin e rasteve të reja me koronavirus, që do të kërkojë një menaxhim të kujdesshëm.

Do ketë sërish bllokime të lëvizjeve, që do të zbatohen në zona të ndryshme të Britanisë. Nga ana tjetër, kjo do të thotë se duhet duhet t’i krijojmë sa më pak probleme shtesë sistemit shëndetësor. “Krishtlindjet e ardhshme apo më tej, unë besoj se do kemi një rritje të dukshme të numrit të lindjeve”- mendon Hanter.

Do të rihapen shkollat dhe universitetet, por me më pak studentë të huaj. Ashtu si punonjësit nëpër zyra, edhe mes tyre do ketë një debat nëse studentët dhe pedagogët duhet të jenë

në të njëjtën dhomë. Prandaj shkollat ​​e mesme dhe universitetet, mund të nisin të marrin në konsideratë mësimin online për një periudhë afatgjatë.

Muaji dymbëdhjetë: Qëndrueshmëria

Megjithëse vaksina nuk do të jetë ende gati, stafi mjekësor do të jetë mësuar të përballet me Covid-19 dhe ndërlikimet që ai shkakton. Ndaj që do të ketë opsione më të mira trajtimi. Ndërkohë, mund të ndryshojë mënyra se si qeveria gjurmon përhapjen e virusit.

Një element pozitiv është se me ndalimin e udhëtimeve, emetimet e karbonit në ajër do të bien ndjeshëm. Studiuesit kanë vëzhguar tashmë rënie të mëdha në emetimin e dioksidit të azotit , teksa në pjesë të caktuara të Kinës, niveli i ndotjes është deri në 30 për qind më i ulët se normalja.

Edhe në Italinë veriore, nivelet e dioksidit të azotit, kanë rënë me 40 përqind. Por gjithçka tjetër do të jetë shumë më pak rozë. Me siguri do të jemi ende në recesion, dhe sektorë të tërë të ekonomisë do të duhet të ristrukturohen rrënjësisht, shkruan bota.al., transmeton klankosova. Mund të shohim falimentimin e disa ndërmarrjeve që nuk mund të jenë më fitimprurëse. Por do të ketë një dritë në fund të tunelit:një vaksinë.

Muaji i tetëmbëdhjetë: Rimëkëmbja

Si sëmundje, koronavirusi është këtu për të qëndruar gjatë. Por vaksina, do të lehtësojë ndikimin e saj. Mund të ketë ndryshime të mëdha në rendin botëror. Kina do të jetë e prirur të rifitojë ritmin e vjetër të rritjes së saj ekonomike. Vendet që përfituan nga ndihma mjekësore kineze, si Italia, do të krijojnë lidhje më të ngushta me Pekinin.

SHBA-ja ndoshta do të rishikojë më në fund efektivitetin e një sistemi të kujdesit shëndetësor të bazuar tek tregu. Koronavirusi, do të sjellë një revolucion mbi mënyrën se si jetohet dhe punohet. Testi për shoqërinë tone, është se si do të kujdesemi për ata që do të jenë më të humbur, teksa shoqëria do të riorganizohet.

Bahtiri Pishmoni, për deklaratën e “vëllavrasjes”, kërkon falje publike për këtë keqkuptim

Kryetari i Mitrovicës së Jugut, Agim Bahtiri, ka thënë se deklarata e tij ku i ka kërkuar Presidentit Hashim Thaçi t’i shpallë zgjedhjet ose ndryshe mund të ketë vëllavrasje, është nxjerrë nga konteksti.

Në emisionin Info Magazine në Klan Kosova, Bahtiri e ka shfrytëzuar rastin që të kërkojë falje për këtë keqkuptim

“Secili nga ju e di rolin tim, prej vitit 2013 e deri më tani e kam bërë një punë të shkëlqyer në komunën e Mitrovicës dhe për këtë falënderoj i të gjithë qytetarët, Policinë e Kosovës dhe Ambasadat e huaja që kanë ndihmuar në stabilizimin e Mitrovicës”.

“Kam qenë njeri i paqes dhe vazhdoj të jem. Ky lapsus i imi që ka ndodhur gjatë një emisioni”.

“Sa i përket kësaj, unë vetëm e kam qitur shpjegimin tim në Facebook. Mirëpo disa parti politike kanë dëshiruar të zbaviten me këtë pjesë”.

“Unë kërkoj falje për këtë keqkuptim dhe kjo është e tëra”.

“Thuhet se aty është bërë thirrje për vëllavrasje – kjo është turpi më i madh. Qytetarët që më njohin e dinë mirë se kush është Agim Bahtiri. Unë jam njeri i paqes dhe çdoherë do të thërras për paqe. Sa i përket aspektit politik, unë nuk dua të merrem me këtë pjesë”.

Nënkryetari i Aleancës për Ardhmërinë e Kosovës, Muharrem Nitaj: : E rrezikshme përçarja mes qytetarëve, nuk ka “popull të Vetëvendosjes”

Nënkryetari i Aleancës për Ardhmërinë e Kosovës, Muharrem Nitaj, ka tërhequr vërejtjen se përçarjet e mëdha që po bëhen mes qytetarëve nga Lëvizja Vetëvendosje, janë të rrezikshme.
Nitaj tha se nuk duhet të ketë “popull të Vetëvendosjes” dhe popull të partive të tjera, ndërkohë që ka shtuar se kjo qasje më së paku është përçmim ndaj pjesës tjetër të qytetarëve, që sipas tij, janë shumicë.
“Ndarja e popullit ne ” Populli i VV-se dhe te tjeret” eshte e rrezikshme! Prandaj thirrjet per tu respektuar vota e sovranit, duke nenkuptuar me kete vetem ate pjese te sovranit qe ka votuar per VV-ne, me se paku jane perçmim i pjeses tjeter te sovranit, qe ne rastin konkret rezulton te jete shumice!

 Kete te drejte nuk e ka askush, e aq me pak mentoret e ekstremit te majte nga jashte!”, ka shkruar Nitaj në Facebook.

Numri dy i AAK-së, shtoi se populli ka votuar përfaqësuesit e vet, dhe të njëjtit ka thënë se do të përfaqësojnë deri në zgjedhjet e reja.

“Populli i ka votuar perfaqesuesit e tij dhe ata e perfaqesojne kete popull deri ne zgjedhjet tjera, dhe ata i perligjin zgjidhjet, qofte per qeveri te re, qofte per zgjedhje te reja!

 Vota e cdo votuesi eshte e barabarte dhe ajo ipet ne zgjedhje e jo ne Facebook. Me kete te fundit as nuk mbahen e as nuk permbysen qeverite! Demokracia parlamentare e ketij sistemi zgjedhor ne Kosove, i ka disa norma tjera te funksionimit!”, ka theksuar në fund Nitaj.

Shqiptarët në Kinë të paprekur nga ‘Coronavirusi’

Në qytetin Kinez Wuhan nga edhe u përhap koronavirusi vdekjeprurës vendi është izoluar dhe askush nuk lejohet të hyjë apo të dalë nga aty.

Kjo sëmundje vdekjeprurës po bëhet gjithnjë e më i vështirë për tu kontrolluar.

Por gjendja e shqiptarëve që janë në Pekin por edhe në qytete të tjera kineze sipas gazetarit Edison Myrteza është nën kontroll, njofton Klan Kosova.

Myrteza theskon se as ambasada e Kosovës dhe as ajo e Shqipërisë nuk ka një data bazë të saktë se sa shtetas shqiptarë qëndrojnë atje.

Por kanë pasur një kërkesë për këta banorë.

Kronikë nga Rejhane Selimi.

Mos kalo në panik

Çfarë do të thotë epidemia e virusit Korona për Gjermaninë? A do të ndalet së shpejti jeta publike, a do të anulohen aktivitetet e mëdha, siç po bëhet në Zvicër? Virusi i ri është në titujt e të gjitha gazetave gjermane. "Mos kalo në panik" këshillon të paktën gazeta e përditshme "Taz". Por epidemia përcakton në masë të madhe bisedat mes njerëzve: në autobus dhe në tren, në rrugë, në restorante dhe në vendin e punës.

Qëndrim i arsyeshëm te ekspertët

Relativisht me qetësi reagojnë ata që duhet ta dinë më mirë: Instituti-Robert-Koch, autoriteti më i lartë në Gjermani për sëmundjet infektive, mban konferenca shtypi të përditshme. Lars Schaade, mjek specialist në mikrobiologji dhe nënkryetar i institutit, rendit: 52 infektime njihen deri tani në Gjermani, ka tre zona lokale të përqendrimit. Një në Renaninë Veriore-Vestfatli me një pacient të sëmurë rëndë, një në Baden-Württemberg, një rast të ri në Mynih.

Sa për krahasim: në të gjithë botën janë infektuar me virus deri tani mbi 80.000 vetë, në 52 vende. Dhe, sipas ekspertëve, numri i rasteve të paraportuara është i lartë. Kjo është arsyeja pse Schaade arrin në përfundimin se "për momentin virusi nuk duket të ketë një përhapje të gjerë në Gjermani. Dhe kjo është arsyeja pse rreziku për shëndetin e popullatës është i vogël deri në mesatar".

Takim krize i ministrit të Shëndetësisë, Jens Spahn dhe atij të Brendshëm, Horst Seehofer

Më e rëndësishmja tani: larja e duarve

Schaade edhe njëherë dha këshilla shumë specifike se si duhet të sillet popullata tani: "Përdorni shami që mund t'i flakni, kur kolliteni ose teshtini, hidhini ato. Lani duart, dhe kur kjo nuk është e mundur është mirë të ktheheni pas kur teshtini ose kolliteni dhe teshtini në bërryl. "Për më tepër, prekeni sa më pak të jetë e mundur fytyrën, gjë që një person normal e bën deri në dyqind herë në ditë.

Çfarë ndodh, e pyesin Schaade, në rast të një infektimi? Rreth 85 përqind e rasteve kalojnë si grip i butë, por: "Ka disa raste që përkeqësohen, që përkeqësohen pas rreth nëntë ditëve: këto janë rastet që kanë rrjedhën më të rëndë të sëmundjes. Dhe kur ke një rrjedhë kaq të rëndë të sëmundjes , atëherë mund të duhen tre, katër, ose në raste ekstreme madje edhe gjashtë javë për ta marrë veten, siç përshkruhet në Kinë ”.

Qeveria federale ka reaguar dhe ka ngritur një ekip krizash të cilit i përkasin shumica e dikastereve. Ministri i Brendshëm Horst Seehofer (CSU) dhe Ministri i Shëndetësisë Jens Spahn (CDU) e kanë diskutuar gjendjen e punëve me kancelaren Angela Merkel. Zëdhënësi i Merkel-it, Steffen Seibert tha të premten: "Kancelarja, për këtë të jeni të sigurtë, do të informohet çdo ditë për përparimin e ngjarjeve, si në aspektin e përhapjes, ashtu edhe për gjendjen e përgatitjeve."

A duhet të anulohet panairi i turizmit?

Ndërkohë, është shtyrë edhe panairi kryesor botëror i turizmit ITB me mijëra vizitorë nga e gjithë bota, i cili do të fillonte në Berlin të mërkurën e ardhshme. Një temë tjetër do të jetë ndoshta nëse Gjermania ka mjaft kostume speciale dhe maska ​​mbrojtëse, veçanërisht për personelin ndihmës, po të përkeqësohet epidemia. Nuk duket se ato mjaftojnë. Ministri Spahn, pra, po shqyrton, siç tha dje në "Televizionin e Dytë Gjerman" (ZDF), një ndalim eksporti, nëse është e nevojshme.

Pneumonia e shkaktuar nga Covid-19 mund të jetë veçanërisht e rëndë.

Mjeku John Wilson shpjegon gamën e ndikimeve Covid-19, nga asnjë simptomë deri në sëmundje të rëndë që shfaq pneumoniAjo që u bë e njohur si Covid-19, ose koronavirus, filloi në fund të vitit 2019 dhe në fillim të vitit 2020 në qytetin kinez Wuhan si një grup i rasteve të pneumonisë me një shkak të panjohur.

Shkaku i pneumonisë u zbulua se ishte një virus i ri – sindromi i rëndë akut i frymëmarrjes coronavirus 2, ose Sars-CoV-2. Sëmundja e shkaktuar nga virusi është Covid-19.

Tani e shpallur si një pandemi nga Organizata Botërore e Shëndetit (WHO), shumica e njerëzve që kontraktojnë Covid-19 vuajnë vetëm simptoma të buta, simptoma të gripit.OBSH thotë se rreth 80% e njerëzve me Covid-19 shërohen pa pasur nevojë për ndonjë trajtim të specializuar. 

Vetëm një person në gjashtë sëmuret rëndë “dhe zhvillon vështirësi në frymëmarrje”.Pra, si mund të zhvillohet Covid-19 në një sëmundje më serioze që shfaq pneumoni dhe çfarë i bën kjo mushkërive dhe pjesës tjetër të trupit tonë?

Si ndikon virusi tek njerëzit?Guardian Australia foli me Prof John Wilson, presidentin e zgjedhur të Kolegjit Mbretëror Australian të Mjekëve dhe një mjek i frymëmarrjes.

Ai thotë se pothuajse të gjitha pasojat serioze të Covid-19 kanë tipar pneumoninë. Wilson thotë se njerëzit që kapin Covid-19 mund të vendosen në katër kategori të gjera.

Më pak seriozët janë ata njerëz që janë “nën-klinikë” dhe që kanë virus, por nuk kanë simptoma.Më pas janë ata që marrin një infeksion në traktin e sipërm të frymëmarrjes, çka sjell, thotë Wilson, “do të thotë që një person ka ethe dhe kollë dhe ndoshta simptoma më të buta si dhimbja e kokës”.

Ai thotë: “Ata njerëz me simptoma të vogla janë akoma në gjendje të transmetojnë virusin, por mund të mos jenë të vetëdijshëm për të.”Grupi më i madh i atyre që do mund të jenë pozitivë për Covid-19 dhe njerëzit me më shumë gjasa që të paraqiten në spitale dhe operacione, janë ata që zhvillojnë të njëjtat simptoma të ngjashme me gripin që zakonisht do t’i mbante jashtë punës.

Një grup i katërt, thotë Wilson, do të zhvillojë sëmundje të rëndë që shfaq pneumoni.Ai thotë: “Në Wuhan, rezultoi se nga ata që kishin rezultuar pozitive dhe kishin kërkuar ndihmë mjekësore, afro 6% kishin një sëmundje të rëndë.”OBSH thotë se të moshuarit dhe njerëzit me probleme themelore si presioni i lartë i gjakut, problemet e zemrës dhe mushkërive ose diabeti, ka më shumë të ngjarë të zhvillojnë sëmundje serioze.Si zhvillohet pneumonia?

Kur njerëzit me Covid-19 zhvillojnë një kollë dhe ethe, Wilson thotë se kjo është rezultat i infeksionit që arrin pemën e frymëmarrjes – pasazhet e ajrit që drejtojnë ajrin midis mushkërive dhe pjesës së jashtme.

Ai thotë: “Veshja e pemës së frymëmarrjes lëndohet, duke shkaktuar inflamacion. Kjo nga ana tjetër irriton nervat në rreshtimin e rrugës ajrore. Vetëm pak pluhur mund të stimulojë një kollë. Por nëse kjo përkeqësohet, e kalon vetëm rreshtimin e rrugës ajrore dhe shkon në njësitë e shkëmbimit të gazit, të cilat janë në fund të pasazheve të ajrit.


“Nëse infektohen, ata përgjigjen duke derdhur materiale inflamatore në qeset e ajrit që janë në fund të mushkërive tona.”Nëse qeset e ajrit atëherë acarohen, Wilson thotë se kjo shkakton një “derdhje të materialit inflamator [lëngut dhe qelizave inflamatore] në mushkëri dhe ne përfundojmë me pneumoni.”

Ai thotë se mushkëritë që mbushen me materiale inflamatore nuk janë në gjendje të marrin oksigjen të mjaftueshëm në rrjedhën e gjakut, duke zvogëluar aftësinë e trupit për të marrë oksigjen dhe për të hequr qafe dyoksid karboni.

“Ky është shkaku i zakonshëm i vdekjes me pneumoni të rëndë,” thotë ai, shkruan Class.Si mund të mjekohet pneumonia?

Prof Christine Jenkins, kryetari i Fondacionit “Lung Australia” dhe një mjek udhëheqës i frymëmarrjes, i tha Guardian Australia: 

“Për fat të keq, deri më tani nuk kemi asgjë që mund t’i ndalojë njerëzit të marrin pneumoni Covid-19.

“Njerëzit tashmë janë duke eksperimentuar të gjitha llojet e ilaçeve dhe ne shpresojmë se mund të zbulojmë se ekzistojnë kombinime të ndryshme të ilaçeve virale dhe antivirale që mund të jenë efektive. Për momentin nuk ka ndonjë trajtim të vendosur përveç trajtimit mbështetës, që është ajo që ne u japim njerëzve në kujdes intensiv.“Ne i ventilojmë ata dhe mbajmë nivele të larta oksigjeni derisa mushkëritë e tyre të jenë në gjendje të funksionojnë përsëri në një mënyrë normale ndërkohë që shërohen.

”Wilson thotë se pacientët me pneumoni virale janë gjithashtu në rrezik të zhvillimit të infeksioneve sekondare, kështu që ata gjithashtu do të mjekoheshin me ilaçe anti-virale dhe antibiotikë.“Në disa situata nuk është e mjaftueshme,” thotë ai për Coronavirus. 

“Pneumonia nuk u mund dhe pacientët nuk mbijetuan.”A është pneumonia Covid-19 e ndryshme?Jenkins thotë se pneumonia Covid-19 është e ndryshme nga rastet më të zakonshme për të cilat njerëzit pranohen në spitale për të.

“Shumica e llojeve të pneumonisë që ne njohim dhe që pranojmë njerëzit në spital janë bakteriale dhe ata përgjigjen ndaj një antibiotiku.Wilson thotë se ka prova që pneumonia e shkaktuar nga Covid-19 mund të jetë veçanërisht e rëndë. 

Wilson thotë se rastet e pneumonisë koronavirus kanë tendencë të prekin të gjithë mushkëritë, në vend të vetëm pjesëve të vogla.Ai thotë: “Pasi të kemi një infeksion në mushkëri dhe, nëse ai përfshin qeset e ajrit, atëherë përgjigja e trupit është së pari të përpiqemi të shkatërrojmë [virusin] dhe të kufizojmë përsëritjen e tij.

”Por Wilson thotë se ky “mekanizëm i parë i përgjigjes” mund të dëmtohet në disa grupe, duke përfshirë njerëzit me sëmundje të mëparshme të zemrës dhe mushkërive, diabeti dhe të moshuarit.Jenkins thotë se, në përgjithësi, njerëzit e moshës 65 vjeç e më lartë janë në rrezik të pneumonisë, si dhe personat me kushte mjekësore si diabeti, kanceri ose një sëmundje kronike që prek mushkëritë, zemrën, veshkat ose mëlçinë, duhanpirësit dhe foshnjat e moshës 12 muajsh dhe nën.“Mosha është parashikuesi kryesor i rrezikut të vdekjes nga pneumonia. 


Pneumonia është gjithmonë serioze për një person të moshuar dhe në fakt ka qenë një nga shkaqet kryesore të vdekjes tek të moshuarit. Tani kemi trajtime shumë të mira për pneumoninë.“Është e rëndësishme të mbani mend se pavarësisht sa i shëndetshëm dhe aktiv jeni, rreziku juaj për të pneumoni rritet me moshën. 

Kjo për shkak se sistemi ynë imunitar dobësohet natyrshëm me moshën, duke e bërë më të vështirë për trupin tonë të luftojë kundër infeksioneve dhe sëmundjeve”.


Burimi: The Guardian

Institucionet shëndetësore në Kosovë nuk po arrijnë të monitorojnë rastet dhe gjendjen e personave të infektuar me sëmundjen COVID 19, që shkatohet nga koronavirusi i ri, në komunat dhe mjediset e banuara më shumicë serbe.

Flori Bruqi

Vetëm gjatë këtij muaji, mbi 1 mijë kosovarë që gjenden jashtë vendit kanë bërë kërkesë që të kthehen në Kosovë. Më së shumti kërkesa ka nga Gjermania, Zvicra e Kroacia. Në Ministrinë e Infrastrukturës thonë se po e presin miratimin e Ministrisë së Shëndetësisë për të organizuar fluturimin e radhës. Të gjithë të kthyerit do të vendosen për dy javë në Qendrën e Studentëve, e cila me vendim të Qeverisë së Kosovës është lëshuar për karantinë. Kjo Qendër ka kapacitet vetëm edhe për 100 persona.

Shtetasit kosovarë që gjenden jashtë vendit duan të kthehen në Kosovë, pas situatës së krijuar në gjithë botën nga koronavirusi. Një numër i madh i tyre tashmë u janë drejtuar autoriteteve kosovare me kërkesa për kthim.

Alban Zogaj, shef i kabinetit të ministrit  Prof.dr.Lumir Abdixhiku, i ka thënë  se vetëm gjatë këtij muaji kanë pranuar mbi 1 mijë kërkesa.


Sipas tij, më së shumti kërkesa ka nga Gjermania, Zvicra e Kroacia.

“Kërkesat janë të mëdha. Janë diku mbi 1000 qytetarë të Kosovës që kanë kërkuar të kthehen në vend. Prej të gjitha vendeve të Evropës. Por, kërkesat më të larta janë nga Gjermania, Zvicra, Kroacia, Belgjika, Skandinavia”, ka thënë Zogaj.

Zogaj thotë se po punohet për kthimin e tyre, por se kjo varet edhe nga hapësirat që janë në dispozicion në Qendrën e Studentëve, e cila me vendim të Qeverisë së Kosovës është lëshuar për karantinë.

Disa prej tyre pritet të kthehen gjatë kësaj jave, nëse një kërkesë e tillë miratohet nga Ministria e Shëndetësisë në krye me Dr. Arben Vitinë.

“Kthimi i tyre varet shumë nga hapësirat që kemi në Qendrën e Karantinës. Në momentin që të kemi aprovim nga ana e Ministrisë së Shëndetesisë, do të organizojmë fluturimin e radhës. Jemi në diskutime për të organizuar një fluturim këtë javë. Nuk e dimë saktë, varet nga hapësirat në Qendrën e Karantinës”, thuhet në përgjigjet e Zogajt .

Për kapacitetin e konvikteve është deklaruar drejtori i Qendrës së Studentëve, Fatmir Sfishta.

Sfishta ,ka  thënë se aktualisht në këtë qendër janë të strehuar 430 persona. Sipas tij, në konvikte ka vend vetëm edhe për 100 persona.

Të kthyerit janë strehuar në konviktet III, VI, VII dhe VIII.



“Aktualisht në konvikte janë të vendosur 430 persona. Në këto konvikte mund të vendosen vetëm edhe 100 persona, sepse vetëm konviktet në të cilat janë të vendosur i kanë banjot e ndame. Instituti nuk ka lejuar që ata të vendosen në konviktet e tjera ku banjot janë kolektive”, ka thënë Sfishta .

Ndërkohë, ministri në detyrë i Infrastrukturës, Prof.Dr. Lumir Abdixhiku, në vazhdimësi i ka lutur shtetasit e Kosovës që nuk kanë urgjencë kthimi të mos paraqiten në ambasadat e Kosovës nëpër botë.

“I lus shtetasit e Kosovës që nuk kanë urgjencë kthimi të mos paraqiten në ambasadat tona nëpër botë. Si shtet i ri kemi nevojë për ndihmën tuaj; për durim. Po patët mundësi, kudo që jeni në botë, qëndroni në shtëpi”, ka shkruar Abdixhiku në Facebook, para tri ditësh.

Ndryshe, mbrëmë Instituti Kombëtar i Shëndetit Publik ka konfirmuar edhe tri raste të reja me koronavirus. Deri tani, në gjithë vendin janë konfirmuar 94 raste. Më së shumti raste ka Malisheva, Gjilani dhe Prishtina.

“Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive. Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë”, thuhet në njoftim.

Për gjendjen e të infektuarve ka dhënë detaje Qendra Klinike dhe Universitare e Kosovës.

Përmes një njoftimi në faqen zyrtare, QKUK-ja ka njoftuar se pesë pacientë të prekur me koronavirus po trajtohen me oksigjenoterapi, ndërsa njëri prej tyre është në kujdes intensiv në Klinikën Infektive.

“Sa i përket stafit të Klinikës Infektive, përveç infermieres së infektuar me COVID-19, e cila është në gjendje të përmirësuar dhe e vetizoluar në shtëpi, të gjithë janë në gjendje të mirë shëndetësore”, thuhet në njoftimin e QKUK-së.

Koronavirusi, që e shkakton sëmundjen COVID-19, është shfaqur për herë të parë në Kosovë më 13 mars. Për shkak të koronavirusit, autoritetet në Kosovë kanë shpallur gjendje emergjente për shëndetin publik.

Autoritetet lokale që veprojnë në komunat me shumicë serbe, nuk po e informojnë Prishtinën zyrtare për rastet pozitive më koronavirus.

Deri më tani, në këto zona, janë shënuar tri raste me COVID-19, të cilat i kanë raportuar institucionet lokale, dy në veri të Kosovës, në Mitrovicën e Veriut dhe Leposaviq, dhe një në komunën e Graçanicës afër Prishtinës. Të tri rastet janë raportuar jo në Kosovë, por te institucionet në Serbi.

Instituti i Virologjisë, Vaksinave dhe Serumeve, “Torlak” në Beograd analizon mostra nga mjediset serbe në Kosovë. Institucionet shëndetësore në komunat më shumicë serbe në Kosovë funksionojnë në kuadër të sistemit shëndetësor të Serbisë. Të infektuarit nga këto zona janë transferuar për trajtim në Nish të Serbisë. Kjo ka ndodhur me rekomandim të Ministrisë se Shëndetësisë së Serbisë.


Zyrtarë të Ministrisë se Shëndetësisë në Kosovë, ndërkaq pohojnë se Klinika Infektive kujdeset për të gjithë pacientët në vend pavarësisht përkatësisë etnike. Megjithatë, ata kanë bërë të ditur për Radion Evropa e Lirë, se në Klinikë nuk është lajmëruar asnjë pjesëtar nga komuniteti serb.

“Deri më tani nuk është asnjë rast me COVID-19 i raportuar nga institucionet shëndetësore të zonave të banuara nga komuniteti serb, edhe pse sipas Ligjit për Parandalim dhe luftim te sëmundjeve ngjitëse, janë të obliguar të raportojnë në Institutin Kombëtar të Shëndetit Publik-IKSHPK”, thuhet në përgjigjen e Ministrisë së Shëndetësisë.

“Të gjitha rastet që rezultojnë pozitive, IKSHPK i teston në kontaktet e tyre pas një periudhe të caktuar kohore, por në mungesë të të dhënave dhe raportimit deri më tash, nuk ka pasur asnjë kërkesë për testim në zonat e banuara nga komuniteti serb dhe në mungesë të informacionit nuk janë bërë testime”, thekson Ministra e Shëndetësisë e Qeverisë së Kosovës.

Në Ligjin për Parandalimin e sëmundjeve ngjitëse thuhet se “mbikëqyrja dhe raportimi i sëmundjeve ngjitëse është obligim ligjor i të gjitha niveleve të sistemit të kujdesit shëndetësorë të Kosovës, duke filluar prej punkteve të mjekësisë familjare deri në nivelin tretësor”.

Në Institutin Kombëtar të Shëndetësisë Publike të Kosovës thonë se të dhënat për rastet e të prekurve me COVID-19 në komunat e banuara me shumicë serbe, do të përfshihen në shifrat zyrtare të Kosovës atëherë kur autoritetet komunale në këto komuna do t’i raportojnë këto raste te në Ministrinë e Shëndetësisë së Republikës së Kosovës apo në Institutin Kombëtar të Shëndetësisë Publike.

Drejtori i Qendrës Spitalore Klinike në Mitrovicën e Veriut, Milan Ivanoviq kishte deklaruar ditë më parë për Radion Evropa e Lirë, se nuk ka asnjë komunikim të drejtpërdrejtë dhe asnjë kontakt me sistemin shëndetësor të Kosovës.

Ndërkaq, në një konferencë për shtyp në Mitrovicën e Veriut, të dielën, ai tha se rastet e para ishin rezultat i “joseriozitetit të njerëzve” ndaj kësaj sëmundje, që sipas tij infeksionet nga koronavirusi “ishin rezultat i një mbledhjeje masive në periudhën e hershme”.

Epidemiologu, Aleksandar Antonieviq, në të njëjtën konferencë ka thënë se janë marrë të gjitha masat për të ndaluar përhapjen dhe se jane marrë kontakte të linjës së parë dhe të dytë dhe kontaktet e të gjithë atyre që ishin në kontakt të drejtpërdrejtë me pacientët e sëmurë.

“Ky numër i regjistruar mund të rritet dita ditës pasi ne po hetojmë të gjitha ato kontakte dhe kemi shumë informacione”, tha Antonijeviq.

Sipas tij, një person pozitiv me COVID-19 nga Kragujevci i Serbisë është vënë ne lidhje me dy rastet në veri të Kosovës, të cilët kanë qenë në të njëjtën ngjarje.

Në anën tjetër, në përgjigjen e Ministrisë së Shëndetësisë së Republikës së Kosovës thuhet se “testimet për COVID-19 bëhen për të gjithë qytetarët e Republikës së Kosovës, të cilët i përmbushin kriteret për testim, sipas protokollit që nënkupton se ata kanë ardhur nga vendet e prekura ose kanë qenë në kontakt me rastet e konfirmuara dhe të dyshimta.

Ndryshe nga data e 08 deri më 29 shkurt 2020 , në Laboratorin e Mikrobiologjisë Molekulare në Institutin Kombëtar të Shëndetit Publik në Kosovë janë testuar 1082 raste të dyshimta, prej tyre 94 kanë rezultuar pozitiv, kurse një person ka humbur jetën.