Biblioteka Kombëtare, në 100-vjetorin e lindjes së personalitetit të letrave shqipe, Jakov Xoxa, çeli sot ekspozitën “100-vjetori i lindjes i shkrimtarit Jakov Xoxa”, me pjesëmarrjen e mbesës së shkrimtarit, Ajola Xoxa, ambasadorit të Republikës së Kosovës, Shkëlqesia e Tij, Skënder Durmishi, personalitete të kulturës, akademikë, studiues, shkrimtarë, botues, pedagogë dhe studentë të Fakultetit të Historisë dhe të Filologjisë, si dhe të ftuar të tjerë.
Drejtori i Bibliotekës Kombëtare, Piro Misha, duke vlerësuar kontributin e vyer të shkrimtarit në letërsinë shqipe theksoi se “kjo ekspozitë synon të ndërtojë rrugëtimin e krijimtarisë së Jakov Xoxës nga poezia e tij e parë, në moshën 19-vjeçare, në gazetën “Tomori”, veprat e tij të plota e deri në studimet më të fundit mbi veprën e tij”.
Ndërsa ministrja e Kulturës, Elva Margariti, u shpreh në rrjetet sociale se, vepra e Jakov Xoxës nuk duhet lënë harresë, por i duhet përcjellë brezit të ri.
“Shumë kanë shkruar për Veriun, të tjerë për Jugun, shumë për Tiranën e Korçën, ndërsa Jakov Xoxa me romanin “Lumi i vdekur”, përjetësoi myzeqarët e butë e mikpritës, duke shtuar galerinë e karaktereve në letërsinë shqipe. Jakov Xoxa gdhendi një vepër epope për dashurinë për njeriun, për dashurinë për jetën”, shkroi ministrja Margariti.
Ekspozita e hapur në Bibliotekën Kombëtare do të qëndrojë e hapur për të gjithëvizitorët deri më 30 maj 2023.
Rreth dy javë më parë u njohëm rastësisht me një shkrim të Mevlan Shanaj në lidhje me 100 vjetorin e lindjes së Jakov Xoxës dhe aktivitetet që do të zhvillohen me këtë rast, ku në qendër të tyre do të jetë romani “Lumi i Vdekur”.
Sipas autorëve, botimi i ri sjell dëshmi mbi vrasjet nga forcat serbe të 1432 fëmijëve shqiptarë në Kosovë, në periudhën 1981-1999.
Gjetjet e librit tregojnë se mbi 14 për qind e numrit të përgjithshëm të viktimave të luftës së fundit në Kosovë ishin fëmijë.
Viktima të luftës së viteve 1998-1999 në Kosovë, ishin edhe shumë fëmijë.
Kjo është tema që trajton libri i ri i autorëve Nusret Pllana dhe Hanëmshahe Ilazi, me titull “Fëmijët Shqiptarë në Kosovë – Viktima të Gjenocidit Shtetëror të Serbisë”.
Botimi sjell dëshmi se gjatë luftës së fundit forcat serbe vranë 1392 fëmijë, ndërsa 40 të tjerë u vranë në periudhën 1981-1997.
“Është një libër që të lë pa frymë, të lë pa koment, sepse argumenton katërcipërisht gjenocidin serb mbi shqiptarët në përgjithësi, e mbi fëmijët në veçanti. //1432 fëmijë janë dhimbja më e madhe e njerëzimit do të thoja, jo vetëm për shqiptarët, sepse çdo fëmijë që vritet në botë është dhimbje për mbarë njerëzimin”, thotë për Zërin e Amerikës Dr. Nusret Pllana, autor i librit.
Veprimtari shqiptaro-amerikan, Agim Aliçkaj, po ndihmon përpjekjet e zotit Pllana për ndërgjegjësimin e opinionit ndërkombëtar që mizoritë e forcave serbe ndaj popullit shqiptar të mos harrohen.
“Serbia të ekspozohet sa më shumë për këto krime. Mos të lejohet që të shitet si një shtet demokratik apo përparimtar, por le ta ketë vendin që e meriton në bankën e të akuzuarve”, thotë zoti Aliçkaj.
Të mërkurën ky libër iu bashkua koleksionit të botimeve për Kosovën në Bilbiotekën e Kongresit, në Uashington të Shteteve të Bashkuara.
Shqiptaro-amerikania Nevila Pahumi, specialiste për Kosovën dhe Shqipërinë në sektorin evropian të bilbiotekës, tha se vepra si kjo janë vlerë e shtuar për kërkuesit e huaj.
“Zakonisht njerëzit që vijnë tek ne, në të shumtën e rasteve janë akademikë, por jo vetëm. Meqenëse ndodhemi në Uashington dhe këtu ka universitete të shumta përreth, kemi edhe studentë e studente të reja, jo vetëm shqiptarë por edhe ata që interesohen për studimet shqiptare. Interesimi i studiuesit amerikan mbi Kosovën dhe luftën e Kosovës nuk shuhet. Me kalimin e kohës bëhet më i madh”, tha zonja Pahumi.
Materialet për Kosovën në Bibliotekën e Kongresit u përkasin katër periudhave, asaj të Perandorisë Osmane, të periudhës së shtetit jugosllav, të luftës dhe të shtetndërtimit.
Githsej bilbioteka ka 4 mijë libra, 61 revista, 82 harta, 71 fotografi, 25 filma, 32 audio-inçizime dhe 396 faqe interneti.
Pothuajse 90 për qind e materialeve për Kosovën në Bibliotekën e Kongresit i përkasin luftës së fundit.
Kjo përqindje e lartë sipas zotit Pllana është thirrje për drejtësi.
“Serbia të sillet kaq e papërgjegjshme, kaq e pandërgjegjshme, le që nuk e ka denoncuar asnjërin prej këtyre kriminelëve, sado që ne i kemi emrat dhe mbiemrat e tyre, emrat e ekzekutorëve, lirisht mund t’ju them se për shqiptarët edhe më tutje ka mbaruar së funksionuari e ashtuquajtura drejtësi ndërkombëtare, sepse kriminelët vazhdojnë të shëtisin të lirë”, tha zoti Pllana.
Aktivisti Aliçkaj thotë se propaganda serbe duhet të luftohet me lobim në Uashington.
Ai është pjesë e Ligës Qytetare Shqiptaro-Amerikane, një organizatë lobiste që për dekada me radhë është angazhuar për çlirimin dhe shtetndërtimin e Kosovës.
“Çështja jonë është aq e drejtë, saqë me 5 ose 2 për qind të parave që i shpenzon Serbia ne mund të arrijmë rezultate trefish më të mëdha. Por ata janë shumë të angazhuar dhe kanë shfrytëzuar këtë periudhën e vakuumit, që ne jemi tërhequr pak. Janë shumë agresiv në Uashington”, thotë zoti Aliçkaj.
Autori Pllana bën thirrje për më shumë mbështetje nga institucionet në Kosovë dhe Shqipëri, të cilat sipas tij nuk po bëjnë mjaftueshëm që këto krime të mos harrohen.
“Asnjë shtatore, asnjë përmendore, asnjë obelisk. Këtë nuk do ta bënte asnjë racë në botë. Për fat të keq del se ne shqiptarët i kem tri defekte të mëdha, harresën e kujtesës historike, bajraktarizmin dhe servilizmin ndaj të huajve”, thotë zoti Pllana.
Autori Pllana dhe veprimtari shqiptaro-amerikan Aliçkaj këtë javë po zhvillojnë një turne në Amerikë për të paraqitur librin e ri para publikut shqiptaro-amerikan.
Përmes një njoftimi për media nga Forca e Sigurisë së Kosovës thuhet se qëllimi i këtij ushtrimi ishte testimi i aftësisë së R1K për të zbarkuar, kryer operacione konvencionale luftarake ditën dhe natën, dhe ri-zbarkuar me vet qëndrueshmëri logjistike.
“Për të parë nga afër realizimin e ushtrimit pjesëtarët e regjimentit janë nga Komandanti i Forcës së Sigurisë së Kosovës, Gjenerallejtënant Bashkim Jashari, Komandanti i Gardës Kombëtare të Iowa-s, Gjeneral brigade Stephan Osborn, të cilët nga udhëheqësit e regjimentit janë njoftuar për ushtrimin, përgatitjen profesionale dhe disiplinën e treguar nga ushtarët, nënoficerët dhe oficerët, në të gjitha fazat e përgatitjes dhe ekzekutimit të ushtrimit”, thuhet në njoftim.
Ceremonia e përmbylljes së garës ndërkombëtare tradicionale “Ushtari më i mirë 2023” u mbajt të premten në kazermën e FSK-së `Skënderbeu` në Ferizaj.
Në një njoftim për media nga Forca e Sigurisë së Kosovës (FSK), thuhet se gara “Ushtari më i mirë 2023” është realizuar nga data 24-28.2023, me pjesëmarrjen e ekipeve partnere, FSK-së dhe vendeve të rajonit.
“Sot në ceremoninë përmbyllëse janë shpallur rezultatet e kësaj gare ku me këtë rast, OR3 Armend Neziri është shpallur ushtari më i mirë 2023 nga FSK-ja për vitin 2023 dhe pas tij u radhitën OR2 Sead Veseli dhe OR2 Arsim Jashari. Ndërsa, nënoficeri nga Kroacia OR4 Marijan Jelic, u shpall ushtari më i mirë ndërkombëtar, i përcjellë nga OR4 Marin Volarevic dhe OR4 Eugen Zoric gjithashtu nga Kroacia”, thuhet në njoftim.
Tutje vazhdon njoftimi se në ceremoninë përmbyllëse morën pjesë Komandanti i Komandës së Doktrinës dhe Stërvitjes gjeneral brigade Jeton Dreshaj, Komandanti i Gardës Kombëtare të Ioëas, gjeneral brigade Stephan Osborn, zëvendës komandanti i Gardës Kombëtare të FSK-së, Kolonel Skender Hoxha, oficer e nënoficerë të FSK-së, dhe të partnerëve ndërkombëtarë dhe të regjionit.
Në falën e tij gjeneral Dreshaj të pranishmit i përshëndeti në emër të Komandantit të FSK-së, gjenerallejtënant Bashkim Jashari duke falënderuar secilin nga pjesëmarrësit në garën e ushtarit më të mirë 2023.
Me këtë rast gjeneral Dreshaj theksoi rëndësinë e garës dhe bashkëpunimit rajonal, aktivitetet e përbashkëta, konkurrenca në garën e ushtarit më të mirë, do të na forcoi dhe përgatit për integrimet në NATO.
“Sot dhe të ardhmen situata e sigurisë po bëhet më komplekse, prandaj e vetmja rrugë për të u përballur me këtë është të trajnohemi, ushtrojmë , edukohemi dhe të kuptojmë më mirë njëri tjetrin”, tha Dreshaj.
Kjo garë është organizuar nga Rreshter majorët e Komandave të FSK-së, me këtë rast Rreshter majori i FSK-së Bedri Zuka, theksoi se kanë pasur një javë të gjatë dhe me shumë aktivitetet , dhe se sot u shpallën rezultatet e kësaj gare, me kënaqësi ishim së bashku, njohëm njëri tjetrin dhe shpresoj se do shihemi në gara tjera për të treguar shkathtësitë dhe përgatitjet e Forcës tonë.
Në garën “Ushtari më i mirë 2023” morën pjesë garues nga Kosova, Shqipëria, Kroacia, Sllovenia, Maqedonia e Veriut, Kanadaja, Jordania dhe Shtetet e Bashkuara të Amerikës(SHBA).
Pjesëmarrësit garuan në disiplinat si: testi fizik, njohuri të përgjithshme, gjuajtje me armë të gjata dhe të brezit, navigim tokësor, kalimi i poligonit të besueshmërisë, hedhja e granatës, ndihma e parë, vëzhgimi i terrenit dhe marshimi.
Pjesëmarrja e garuesve nga ushtritë e vendeve partnere dhe të rajonit në këtë garë dëshmon shkallën e lartë të bashkëpunimit me vendet partnere, që FSK e ka krijuar me disiplinë, përkushtim dhe profesionalizëm.
