Libër të vërtetash të dhimbshme krenare

Libri publicistik, i autorit Miftar Dragidella, me titull “Madheshtite e kolonelit”-(keshtu kane thene per heroin Tahir Zemaj), me lenden e tij faktografike dhe dokumentaritetin e kohes, pikas  te verteten nga shume aspekte dhe pikat kulmore te reagimit, dhembjes, respektit dhe kujteses shqiptare, kryesisht ndaj figures se heroit kombetar, kolonel Tahir Zemajt.
Jehona e emrit te tij, pra, kolonel Tahir Zemaj, ishte madhështia e tij ne luften çlirimtare te Kosoves, atebote kur iu pergjigj thirrjes se atdheut nen obligimin e institucioneve te Republikes se Kosoves, ne Zonen Operative te Dukagjinit, dhe kur atebote e thoshte se: Presidentin Ibrahim Rugova e njoh per Komandant te Forcave te Armatosura të Republikes së Kosovës, dhe kete me kushtetuten e Kacanikut. Por madheshtia e tij ishte poashtu edhe ne thenien e atehershme:”Une kam qene dhe jam plotesisht i ndergjegjshem qe jeta është shumë më e pavlefshme se sa vdekja, kur një ukopator i huaj e mban tokën dhe popullin tim të pushtuar!”.
Pra, ai ishte njeriu që kishte vetedijen, formimin, profesionalizmin dhe poashtu vizionin ndaj shtetit.
Jehona e emrit të tij vazhdoi edhe pas luftes kur ai, Tahir Zemaj, iu dha krah proceseve demokratike ne vend, gjithandej ku gjendej ne perkrahje te vijes institucionale, pra ne përkrahje te ndertimit te institucioneve te shtetit te Kosoves. , i cili kishte formatin dhe primatin per te qene edhe ne balle te udheheqjes se ushtrise se ardhshme te Kosoves se lire, ngase ai kishte dhene mjaft per çlirimin e saj.
Jehona e emrit te tij ishte kumbuese edhe pas krimit barbar dhe vrasjes se tij me te birin Enisin dhe kusheririn Hasanin, me 5 janar 2003 ne Peje, atehere kur  ne Kosoven e pasluftes nga krimi i organizuar vriteshin njerëzit e kauzes sonë kombëtare,
por mbase ky kumbim ngerthente ne vete dhembjen e te gjithe shqiptareve si brenda Kosove si jashte saj, gjithandej ku jetojne e frymojne shqiptaret…
Prandaj  libri i Myftar Dragidelles “Madheshtite e kolonelit” meton të sendertojë idenë edhe konceptin për ta perceptuar librin ashtu sikur kane ndodhur ne te vertete të gjitha organizimet dhe ngjarjet, që pas vrasjes së kolonelit, ngushellimet dhe akademite perkujtimore, opinionet, perkushtimet, telegramet e ngushellimit nga personalitete vendore dhe nderkombetare, dhe te gjitha ato që kanë thënë bashkekombasit dhe personalitetet shqiptare brenda e jashte Kosoves. Keto akademi te mbajtura gjithandej, kane shprehur indinjaten, dhembjen dhe respektin e madh ndaj personalitetit, te njeriut dhe bashkekombasit Zemaj, por jane ravijezuar edhe ne kujtesen tone historike si kuptimesi dhe domethenie, te nje kohe te kauzes sone kombetare… Ne te vertet ishte respekti dhe dhembja e madhe per humbjen e ketij njeriu të atij formati, e që në luftën clirimtare iu  pergjigj thirrjes se atdheut me tërë dijen dhe potencialin e tij prej ushtaraku te karrieres, por që atëbotë u kundërshtua dhe u pengua nga krahu tjeter i luftës. Megjithatë koloneli Zemaj e beri historinë me udhëheqjen profesionale te luftes, sikur ishte Beteja e Loxhes, Beteja e Llukes, dhe me pastaj me formimin e brigades “Mergimi”.

Jane poashtu ne kete liber edhe fjalimet e eproreve profesionist te luftes dhe bashkeluftetare te Zemajt, te cilet nxjerrin ne pah shume aspekte te personalitetit dhe te jetes e vepres se Zemajt si profesionist i artit ushtarak, qe me kohe e vuri ne dispozicion te popullit dhe te atdheut te vet,. Pra, librin e pasurojne edhe disa shkrime pikante per heroin kombetar Tahir Zemaj, e që qemtojne me perkushtimin rreth figures madhore te tij. Mbase libri i Myftar Dragidelles “Madheshtite e kolonelit”na grish gjithesesi kujtesen tone dhe historike ne kujtim te jetes e vepres se kolonelit Zemaj, duke mbetur nje liber qe pasuron publicistiken tone me shkrimet, deshmite dhe faktet qe ngerthen ne vete, ne te shumten si udherrefyese per historine dhe te ardhmen.

 http://kosova.info/2011/07/liber-te-vertetash-te-dhimbshme-krenare/

Libër për Tahir Zemajn

Saranda Rama ,gazetare

Foto: Driton Bublaku

U fol se nuk është shkruar asnjëherë për të, nuk është bërë asgjë për të zbardhur vrasjen misterioze të tij. Për kolonel Tahir Zemjan, tashmë u shkrua një libër, i cilli fillon me ngjarjen e 4 janarit të vitit 2003, kur edhe u vra Zemaj, bashkë me birin e tij, e deri te përkujtimet, reagimet dhe opinionet për të. “Madhështitë e Kolonelit”, është libri publicistik i autorit Myftar Dragidella, e cila u promovua të mërkurën në Prishtinë. Gazetari dhe publicisti, Naim Kelmendi, duke folur për këtë libër tha se autori me lëndën e tij faktografike dhe dokumentacionin e kohës, has në shumë aspekte në pikat kulmore të dhembjes. “Mbase jehona e emrit të tij (Tahir Zemes) ishte madhështia e luftës në atë zonë, madhështija e tij ishte edhe në thënien e atëhershme të tij “Un kam thënë dhe e ripërsëris se jeta është më e pavlefshme sesa vdekja derisa okupatori i huaj e mban tokën time të pushtuar”, thotë Kelmendi, duke shtuar se kolnel Zemaj e bëri historinë me udhëheqjen profesionale të luftës, sikurse beteja e Loxhës, e Llukës, e më pas edhe me formimin e brigadës “Mërgimi”. Duke folur për betejën e Loxhës, që udhëhiqej nga Zemaj, Kelmendi tha se aty serbët morën për herë të parë një leksion të fortë, një mësim të vyer, se nuk ishte më koha kur ata luftonin kundër dy-tre vetëve, që gjuanin nga larg e pastaj iknin duke e lënë popullsinë civile në mëshirën e “tigrave” të Arkanit dhe kriminelëve të tjerë të policisë dhe ushtrisë serbe. “Në Loxhë serbët panë me sytë e tyre se çka do të thoshte të ballafaqoheshin me forca të organizuara, të përgatitura ushtarakisht dhe të drejtuara me profesionalizëm. Në betejë kanë marrë pjesë rreth 160 luftëtarë shqiptarë të Brigadës 134, ndërkohë që burimet serbe komentonin se qenë ndeshur “me 4-5 mijë forca rebele”. Ndërsa Sabit Rrustemi thotë se e ka titulluar këtë libër “Kronika e një vrasjeje që s’u evitua”, pasi që sipas tij, i kushtohet njërit prej strategëve më të zgjuar të luftës së fundit në Kosovë. “Autori, si njohës i mirë i rrethanave politike në Kosovë, pikërisht ngjarjen makabre të 4 janarit e merr si pikënisje të veprës së tij, duke mbledhur me një korrektësi kronikat e kohës, reagimet, opinionet, por edhe kujtimet për kolonelin, që u shfaqën kundër këtij akti makabër. Autori arriti të ndërtojë një libër monument për kolonel Zemjan, monument ky i cili kurorëzohet me shpalljen e tij heroi i Kosovës, pikërisht në përvjetorin e betejës së Loxhës, që ishte edhe kryevepra ushtarake e Tahir Zemajt”, thotë Rrustemi, duke shtuar se ky libër që vjen pas 8 vjetësh e ka edhe këtë qëllim “ta kthejë edhe njëherë figurën e Kolonel Zemjat dhe t’i shtyjë përgjegjësit e drejtësisë në vend për këtë vrasje makabre që të zbardhë të vërtetën. Ndërsa autori Myftar Dragidella tha se për kolonelin nuk është thënë asgjë deri më tani. “Dëshiroj që një ditë të kemi një komplet të veprave të tij”, ka përfunduar autori. Libri përmban edhe fjalimet gjatë ceremonive në përkujtim të Zemjat, si dhe opinionet e personalitetet shiptare brenda dhe jashtë Kosovës.