Gjaku im të mos thaj...S´ ka Greqi në Çamëri...

      Nga Rrustem Geci

 K A R R O C I E R I

           

 Poemë, për njëshekulloren pavarësi

O  tokë  e  lavdisë  së  madhe

O  dheu  im  i  gjithmonshëm

Zëri yt  njihet në gjithë botën

Në  Berlin, Londër,  Nju Jork

Shqipëri e pellazgëve, ilirëve

Shqipëri e të gjitha kohërave

Në këtë  ditë  të  100  vjetorit                                                                            

Lavdinë ia këndoj Shqipërisë

Yhaa,  përtej  dhe  më  përtej

Yhaa, përpjetë e më përpjetë

Me  këtë  karrocë  të 1912-ës

Unë kam 100 vjet që udhëtoj

  Zgjohu  o   Metush  Krasniqi

  dhe ju o të rënë  të kësaj toke

zgjohuni  ta  shihni Kosovën

dhe  lirinë   tonë  të  zgjëruar

                      

 2

O  Shqipëria ime majekrahu

O  Kosova  ime  majëkënge

në këtë  ditë  të 100  vjetorit

kremtoj lirinë e popullit tim

Shqipëri e  Gjergj Kastriotit

Shqipëri  e  Ismail  Qemalit

Shqipëri  e   Adem  Jasharit

Një urim ke nga Kumanova

Fryj  frymë  e  egër  e  lirisë

karrocieri  qerren  s´ ndalon

ti që mua  zemrën ma lexon

kam një këngë  për harresën

O qerrja  ime   me  Shqipëri

O  qerrja   ime  me   Çamëri

Çdo  ditë   në   atdheun  tim

Lirisë  i  shtohet  një  ëndërr

    3

Shqipëri  e  flakës së maleve

Shqipëri  e fushave me bukë

tri janë varret tona të mëdha

që   në  gjumë   më  trokasin

Me këtë karrocë  të historisë

Kam  një shekull që udhëtoj

Deri  në  këtë ditë të shënuar

Të  vitit 2012, dhe më përtej

Shqipëri  e  13  mijë vjetëve

Shqipëri   e  më  të  lashtëve

ke një  urim  nga  Manastiri

nga Presheva, Molla e kuqe

Në  këtë  tokë   me  Shqipëri

me Kosovë, iliridë e Çamëri

me   flamur  i   kam   kufijtë

dhe  me  një   gjak  gjuhësor

                        

 4

Kjo botë e jona  me  Shqipëri

 rrënjët  i  ka  shumë  të thella

 dhjetë  mijë vjet në  Pellazgji

 dhe  tre   mijë   vjet   në   Iliri

Tokat  që  m´i  morën  fqinjët

me  gjuhën unë do t´i  rikthej

me të rënët unë  flas  çdo ditë

dhe ata i dëgjojë një  nga  një

Në  këtë  ditë  të  shqiptarëve

kjo  festë  na   gjen  grumbull

Me  28  nëntor  të  vitit  1912

Shqipëria  e  fitoi  pavarësinë

Shqipëri,  e  Gjergj Kastriotit

Shqipëri   e  Ymer  Prizerenit

Shqipëri e gjithë  shqiptarëve

Né  çdo  ditë  po  zgjërohemi

                        

5

Me  këtë  karrocë  të 1912-ës

Unë kam 100 vjet që udhëtoj

për  të   ardhë   tek   kjo  ditë

Për   të  ardhë  tek  kjo  festë

O mendja   ime   e  munduar

mos   ma   kujto   Katallanin

as zonjën e tij Katallaneshën

që e gjakosën  popullin  tonë

Shqipëri  e  Gjergj Kastriotit

Shqipëri  e  Abdyl  Frashërit

Shqipëri  e   Azem   Galicës

Yha, përpjetë  e më përpjetë

Në këto pamje  me Shqipëri

në  këto  pamje me  Kosovë

kohën që e kam përpara, me

këngë   majekrahu  e  mbajë

                        

 6                     

Shqip ,  Ilirisht ,  Pellazgjisht

është kënga e  gjuhës  shqipe

me  një  të  shkruar  të  njëjtë

dhe  me  të   folme  të   njëjtë

Rritu  dhé i lavdisë së madhe

lulëzo  dhé   i  gjithmonshëm

Yhaaa, përtej  dhe  më përtej

yhaa, përpjetë  e më përpjetë!..

Nën  truallin  blu  të  atdheut

shih si gjethojnë  gjelbërimet

pemë   të   netëve   me   hënë

dhe pemë të  ditëve  me  diell

Krejt   brenda   lirisë së fituar

Shqipëria  feston  Shqipërinë

mija vjet  të  kohës  së  drithit

mija vjet  të  kohës  së  bukës

                     

  7

O  Shqipëria   ime  e  dashur

O  toka  ime  e  hyjnueshme

dua  të  jem  më  afër  yjeve

aty  ku  e  pi  kafenë  gjeniu    

Në  dritëjetën  e atdheut tim

secila ditë ëndrron një tjetër

më  të  bukur  se   e  sotmja

më  të  pemët  se  e  kaluara

Në këtë tokë të  atdheut  tim

kjo tokë e bukës  dhe mishit

të  gjithëve  na   ka  ushqyer

prej se janë gjallë shqiptarët

Shqipëri  njih   veten   tënde

gërmo pasuritë  nëntokësore

kërko metalet dhe jometalet

gjeje  atë  që  ty  të mungon

                                               

8

                   

Tokën  që  ma  morën fqinjët

As në këtë çast  s´di ta harroj

Çamëria çdo natë më shfaqet

me  dhimbje,  plagë, dhe  lot

Nga qyteti  i  bukur i Tiranës

i   ftoj   të   gjithë  shqiptarët

të këndojmë  himnin bashkë

dhe të kremtojmë  së bashku

Shqipëri,  Nënë   e  Kosovës  

Nënë  e  Preshevës,  Iliridës

Nënë  e  Çamërisë ,  Ulqinit

Jepja  valles   edhe   këngës

O mejëkënga  ime Shqipëri

  O majëkënga  ime  Kosovë

  ëndërrat për tokën  shtohen

  I  uroj  vëllëzërit  arbëreshë

                       

 9

Shqipëri   e  arit  dhe argjendit

Shqipëri   e   mileut  të  sotëm

Epokat   edhe  në  kohën  tonë

Me  pika  të  gjakut   shtrohen

Yhaa, përpjetë  e më përpjetë

Yhaa,  përtej  dhe  më  përtej

Jepi   qerres   karrocier ,  jepi

Shqipërinë e kam majekrahu

Zoti im lart, lexoma  zemrën

gjuha ime e ka  gjetur  veten

shqip,pellazgjisht dhe ilirisht

një  është  abetarja e  kombit

    Nënë  Shqipëri, nëna  e  jonë

    krejt brenda lirisë  së atdheut

    kam të sotmen  e përditshme

    dhe  të  ardhmen   e   pafund!.

                                             

10

                      

Me këtë karrocë  të  historisë

unë  do  udhëtoj shumë gjatë

deri  sa  të  ketë   frymë  liria

deri sa të ketë  jetë Shqipëria

Jam kërkues  i madh  i  lirisë

këtë ia kam thënë  gomerëve

brenda Trojës  ende ka tenda  

brenda  Trojës ende  ka  tym                                          

                                                                                       

Yhaa, përpjetë e më përpjetë

Yhaaa, përtej dhe  më  përtej

jam  gjak  i  këtyre   fushave

jam fryma  e  këtyre  maleve

Nënë  Shqipëri! Nëna e jonë

rilindëm  sërish,  u  përtrimë

mëmë  tokës  i  tregova , pse

kënga jonë  ka  shumë  himn!..

GJUHA SHQIPE

Jam gjuhë e stërmoçme

nënën e kam pellazge

ajo mua më trashëgoi

të jem e gjithmonshme

Ky mesazh i shekujve

10 mijë vjet pellazgji

dhe 3 mijë vjet Iliri

është gjuha jonë shqipe

Kosovë, Iliridë, Çamëri

trualli im g j u h ë s o r

me ju unë jam Shqipëri

me ju unë jam shqiptar

Gjuhë indoevropiane

bijë e gjuhës shqipe

sa gjuhë nga gjuha jonë

u bënë gjuhë më vete

Sipërfaqja e tokës

Të gjitha këto poezi

në dhimbje i kam kulluar

në ajrin e kraharorit, me

gjakun e më të bukurës

Të gjitha këto poezi

i kam ushqyer si fëmijë

kur poezia mund të vdiste

pa u shkruar e kënduar

Të gjitha këto poezi

në ëndërra i kam shkrirë

daulles vet i kam rënë

për gjithsecilin për ju

Të gjitha këto poezi

janë poezi të jetuara

pjesëmarrëse në beteja

me himn dhe me flamur

P R E S H E V A

Jam degë e Mollës së Kuqe

jo Luginë, Krahinë e gjerë

jam Toplica juaj e zvogëluar

jam flamur me Kosovën

Si të jetoj nën terr të serbit

nën duart e tij të përgjakura

armiku do shuhet në arrati

me gjak e kam këtë pak liri

Në këtë tokë me Preshevë

me Bujanoc dhe Medvegjë

Presheva këtu i ka varret

të rënët e të gjitha kohrave

O ti që flet krejt ndryshe

Jam degë e Mollës së Kuqe

Kosovë është emëri im

Kosovë është Presheva, hej!...

HIMNI I POEZISË

Në poezi është gjaku im

Kosova e të gjitha kohrave

sa herë qan a ngec historia

vetëtin e bubullin poezia

Midis ajrit, frymës e ujit

midis bimëve dhe bëmave

jeta jo ( rrallë ) pluskon

në heshtje dhe pa beteja

Koha na do si do vetë

jo ashtu si e ( duam ) ne

këto janë kushtet me jetën

pse mendimi rrallë qeshë

Dhjamin dhe figurat zih

asnjë lloj i artit si duron

poezia skuqet dhe zbehet

nëse me emër shenjëzon

DARDANESHA

Erosi më bëri të zhvishem

ju gëzova ardhjes së tij

unë atë e përqafova ëmbël

derisa bërtisnja në dalldi

Shpirti dhe kombi duan

fëmijë , më shumë fëmijë

unë ju gëzova ardhjes së tij

me farë e tij të bëjë fëmijë

Erosi është i të gjithëve

Erosi është i të gjithave

vetëm ai zemrën ma lexon

kur dua të jem shtatëzënë

Për shpirt të kombit, për

shpirt të vetes, dua të lindi

më shumë fëmijë. Shpirt, a

e bëjmë terr; Erosi do sherr!..

HIMN I ATDHEUT

Liria të gjithëve na fton

detyrat t´i bëjë gjithsecili

se prej këtu fillon Kosova

bashkimin me Shqipërinë

Liria të gjithëve na fton

që t´i dalim zot Kosovës

të hapim vende të punës

rrugë, shkolla, univerzitete

Liria të gjithëve na fton

ti japim shëndet shtetit

të mësojmë në një Abetare

kombin vetë ta bashkojmë

Liria të gjithëve na fton

se prej këtu fillon populli

detyrën e tij më sublime

bashkimin me shtetin amë

H A R E J A

Pak kohë më ka mbetur

e hëngra dhe këtë natë

që gojët tona të puthen

që buzët tona të duhen

Jeta me shumë dashnorë

dhe me qytete përreth

është loja ime e shpirtit

dhe loja ime e trupit

Jeta me shumë dashnorë

më ka bërë të shtrihem

nën gjoksin e burrave

nën të ëmblen e tyre

Jeta me shumë dashnorë

është jeta ime e sotme

çastet e mia të ëmbla

koha që më ka mbetur

Vajzat qeshin bukur

Vajzat qeshin bukur

kur janë me djem

djemtë qeshin bukur

kur janë me vajza

Vajzat qeshin bukur

kur njohin një djalë

djemtë qeshin bukur

kur njohin një vajzë

Qeshjes së vajzave

u dalin edhe l o t

se fati shumë vajza

i thyen s´i një gotë

Vajzat qeshin bukur

kur erosi ato i therr

Trojë e vajzërisë u bie

g r a për t´u b ë r ë

LUTJA E ÇAMIT

A më lë o tokë të qaj
unë dua tek t´i një varr
unë dua këtu të vritem
gjaku im të mos thaj

Gurë gjyshi kam këtu
në beteja i ka mbjellur
brenda ka disa këngë
gjyshi im i ka shkruar

A më do o tokë për vete
a më pranon të vdes këtu
të betohem jam ardhë
tek shtëpia ku kam jetu

A më lë o tokë të dua
gjaku i varreve më troket
guri gjyshit atje brenda
ngritu o bir, më thërret!..



TROKITJE ÇAME

Në këngët me Çamëri
Fjalës i bien drithma
Djersë të ftofta kohe
Të rëna të përgjakëta

Në këngët me Çamëri
Populli i vogël çam
Çdo ditë i bie daulles
Se toka e tij nuk flë

Në këngët me Çamëri
Të trojeve të ilirisë
Çami tregon Greqinë
Lirinë e tij të shkelur

Në këngët me Çamëri
Prej ku nis Çamëria
Plot lule gjaknxehta
Me këngë çame çelin


Ç A M Ë T

Çame , Çame, Çamëri
ke kraharorin me flori
I ke krojet bar me vesë
tek bie dielli po të pres

Çame , Çame , Çamëri
plot të vrara ke në gji
tri të korra në një pemë
tri të korra në një lëmë!

Çame , Çame , Çamëri
tremijë vjet moj i l i r i
populli ynë është burrë
është gjaku në flamur

Çame , Çame , Çamëri
ti moj je njëmijë hijeshi
këngën mos e lë të qaj
jepi gjakun të mos thaj



P R E V E Z A

Kam një lutje Çamëri
Kam një fjalë amanet
Kam një lutje Çamëri
Zot të fatit të jemi vetë

Kam një lutje Çamëri
Kam një fjalë amanet
Kam një lutje kombi im
Shqipëri jam tokë e det

Kam një lutje Çamëri
Kam një fjalë amanet
Babë dielli dhe flamuri
Çamërisë i jepin shëndet

Kam një lutje Çamëri
Kam një fjalë amanet
S´ ka Greqi në Çamëri
Tokë e Çamit, Shqipëri!..

Në Restelicë të Dragashit, tri viktima nga orteku i borës

Presidentja e Republikës së Kosovës, zonja Atifete Jahjaga, përmes një deklarate për media, ka shprehur dhimbjen për humbjen e jetëve të anëtarëve të familjeve Reka në fshatin Restelicë të Dragashit, si pasojë e rënies së ortekut të borës, si dhe për fatin e personave që kanë mbetur të ngujuar në shtëpitë e tyre.
“Vdekja e anëtarëve të familjes Reka dhe zënia nga orteku i borës i disa anëtarëve të tjerë të këtyre familjeve, është një ngjarje e rëndë dhe e trishtueshme. Duke ndjerë fuqishëm dhembjen për të vdekurit, angazhohem me të gjitha forcat që qytetarët e tjerë të shpëtohen pa pasoja nga kjo tragjedi”, thuhet në deklaratën e presidentes.

“Institucionet e Republikës së Kosovës dhe mekanizmat ndërkombëtarë, po bëjnë gjithçka që është e mundur që të ngujuarit të nxirren sa më shpejt. Kam biseduar me Ministrin e Forcës së Sigurisë së Kosovës dhe me Komandantin e forcës paqeruajtëse, KFOR, për t’u dhënë gjithë ndihmën e mundshme për të shpëtuar jetët e qytetarëve të ngujuar”, citohet të ketë thënë presidentja Jahjaga.

“Çmoj lart përkushtimin e të gjithë pjesëtarëve të FSK-së për angazhimin e tyre të jashtëzakonshëm për të çelur rrugën drejt fshatit Restelicë dhe për të ndihmuar qytetarët e kësaj ane. Do të jem në kontakt të vazhdueshëm me të gjitha institucionet dhe në veçanti me FSK dhe përkrah qytetarëve të Republikës së Kosovës në këto ditë të vështira të motit të keq që ka kapluar vendin tone”, ka thënë përmes një deklarate për media, presidentja Jahjaga.

Qeveria e Republikës së Kosovës ka përcjellë nga afër gjendjen pas rënies së borës mbrëmë në komunat e rajonit të Dukagjinit, duke pasur kontakte të drejtpërdrejta me kryetarët e komunave të Pejës, Gjakovës dhe Deçanit, thuhet në kumtesën e Qeverisë.


Po ashtu, Qeveria ka angazhuar FSK-në për t’i dalë në ndihmë banorëve të fshatit Restelicë të komunës së Sharrit, ku helikopterët e KFOR-it nuk kanë mundur të aterojnë për shkak të kohës, ndërsa njësitet e FSK-së tanimë kanë arritur dhe do të angazhohen maksimalisht për ndihmë.
Kryeministri Hashim Thaçi po e përcjell nga afër gjendjen, duke qenë në kontakt me ministrin e Infrastrukturës, Fehmi Mujota, si dhe me kryetarin e komunës së Sharrit dhe deputetët e Kuvendit të Kosovës të këtij rajoni, Rasim Demiri e Duda Balje, të cilët janë në vend të ngjarjes.

Aleanca për Ardhmërinë e Kosovës (AAK), me shqetësim të thellë po i përcjell ngjarjet tragjike të ditës së sotme në fshatin Restelicë të Dragashit, ku si pasojë e ortekut të borës humbën jetën dy persona dhe kanë mbetur të ngujuar në shtëpi edhe disa të tjerë.

 AAK solidarizohet dhe ndan dhimbjen me familjet e viktimave dhe uron që të nxirren të gjallë personat tjerë të ngujuar.

Duke e vlerësuar kontributin e njësiteve të Forcës së Sigurisë së Kosovës për t’i shpëtuar personat e bllokuar, AAK fton qeverinë që të marrë masa shtesë për shpëtimin e tyre dhe t’iu gjendet pranë familjeve të viktimave dhe të gjithë atyre që pësuan nga kjo tragjedi.

AAK shpreson që tragjedi të tilla të mos përsëriten në të ardhmen, ndërkohë që fton mekanizmat kompetentë t’iu gjinden pranë banorëve të Restelicës dhe të marrin masa për parandalimin e tragjedive të tilla dhe vështirësive që po iu sjellë bora dhe moti i ftohtë qytetarëve në mbarë vendin. 

Policia e Kosovës konfirmoi edhe viktimën e tretë nga orteku që ka goditur disa shtëpi në fshatin Restelicë të komunës së Dragashit.

Informacionet më të fundit nga komuna e Dragashit bëjnë me dije se ekipet që po ballafaqohen për t’i shpëtuar të mbuluarit nga bora në Restelicë, kanë nxjerrë dy persona pa shenja jete, ndërkohë që po punohet për t’i shpëtuar familjarët e tjerë që gjenden nën ortekun e borës.

 Shefi i policisë së Dragashit, Gëzim Zogaj, e ka konfirmuar për radion lokale ngjarjen tragjike në Restelicë, duke dhënë edhe bilancin e aksionit për shpëtim, deri në këtë orë. “Bëhet fjalë për ngërthimin e dy shtëpive të banuara nga një ortek i madh bore, ndërkohë që shtëpitë tjera, në të cilat nuk kishte banorë, nuk paraqesin urgjencë për intervenim.

 Deri më tani, janë nxjerrë dy kufoma, një mashkull dhe një femër, ndërkohë që dyshohet se brenda këtyre shtëpive ndodhen gjithsejtë 11 persona”, tha Zogaj.

* * * * *

Një person është nxjerrë nga shtëpia e tij, të cilën e kishte mbuluar një ortek i borës. Mjekët po luftojnë për ta shpëtuar nga vdekja, ndërkohë që janë edhe dy familje të tjera në Restelicë, të cilat presin shpëtimin, pasi shtëpitë e tyre janë mbuluar krejtësisht nga bora. 

Helikopterët e KFOR-it ndodhen në Restelicë për intervenim në këtë gjendje emergjente, ndërkohë që automjetet për pastrimin e borës po bëjnë ç’është e mundur që ta pastrojnë rrugën që lidh këtë fshat me Dragashin. Informacionet nga terreni bëjnë me dije se nga rrëshqitja e një orteku të borës, është ngulfatur familja Reka, me 11 anëtarë, në mesin e të cilëve ndodhen edhe tre fëmijë. 

Reshjet e pandërprera të borës që kanë përfshirë vendin tonë, më së shumti e kanë goditur trevën e Gorës së Dragashit, ndërkohë që qarkullimi i automjeteve, edhe në rrugët rajonale, zhvillohet me mjaftë vështirësi. Në fshatin më të madh të kësaj treve dhe komunës së Dragashit, Restelicë, ortekët e borës kanë mbuluar pesë shtëpi banimi, në të cilat ndodhen edhe familjarët dhe se ende nuk dihet se çfarë do të bëhet me fatin e tyre, përkundër angazhimit të të gjitha strukturave relevante për t’i shpëtuar.




 Dyshohet se brenda këtyre shtëpive mund të ketë edhe viktima, por ende mbetët për tu shpresuar, sepse aksioni po vazhdon për shpëtimin e tyre.

 "Banorët e fshatit tonë janë vetorganizuar, por qasja tek këto shtëpi është mjaftë e vështirë, për shkak të konfigurimit të terrenit, në të cilin bora ka arritur trashësinë disa metra", bën të ditur Shaban Haxhiu, nënkryetar i këshillit të fshatit Restelicë. 

Aksionin për shpëtimin e këtyre familjeve po e rëndon edhe rruga e pakalueshme nga Dragashi deri në këtë fshat. Pjesa më e madhe e komunës së Dragashit është izoluar dhe nuk ka as energji elektrike dhe as sinjal të telefonisë mobile. Përfaqësuesit e qeverisë lokale kanë njoftuar qeverinë qendrore dhe ushtarët turq të KFOR-it, të cilët janë të stacionuar në Dragash, që të intervenojnë me helikopterët e tyre për shpëtimin e këtyre familjeve të mbuluar nga ortekët e borës.


Ditë më parë, një erë e fuqishme kishte lënë pa kulm mbi kokë një familje nga fshati Zlipotok, por që familjarët nuk kanë pësuar gjë, për faktin se nuk kishin ndodhur në shtëpi, në ditën e kësaj furtune

Në komunën e Vushtrrisë, fshatrat Kurillovë, Vesekovc, Gumnisht, Bozhlan, Shilovicë, por edhe familjet të cilat jetojnë në lagje të ndara të bjeshkëve në fshatrat Ceceli, Dërvarë etj., kanë mbetur të izoluar nga reshjet e borës dhe stuhia që po mbretëron tash e sa ditë.

Sipas një njoftimi të Zyrës për Informim në komunën e Vushtrrisë, bëhet me dije se në fshatin Bivolak nga sasia e madhe e borës i është shembur kulmi i garazhit të qytetarit M.S dhe i ka zënë automjetin, gjersa një familjeje në fshatin Mihaliq i është rrëzuar kulmi i shtallës. Kompanitë e angazhuara për pastrimin e borës si “Shkoza” me dy kamionë e 1 eskavator dhe “Hysi”, “Wenda”, “Ceti” dhe “Gëzimi” me eskavator janë duke punuar vazhdimisht 24 orë për të hapur rrugët që çojnë nga qyteti në fshatrat e komunës së Vushtrrisë, por që reshjet e vazhdueshme të borës por edhe stuhia po i rikthejnë pengesat veçanërisht në fshatrat Balincë, Ashlan, në fshatin Sfaraçak(lagjeja e Mengjigjëve), Kollë, Galicë, Ceceli, Sllakovc etj.

Kryetari i komunës së Vushtrrisë, Bajram Mulaku ka ditë që ka ngritur shkallën e gatishmërisë emergjente dhe ekipet e zyrtarëve komunal janë vazhdimisht në terren për t’u dalë në ndihmë qytetarëve.

Mulaku vazhdimisht mbanë lidhje telefonike me familjet në fshatrat e izoluara nga bora, gjersa në ditën e sotme atyre u kanë arritur edhe pakot e ndihmave emergjente në të cilat përfshihen artikuj ushqimor e higjenik.

“Në fshatin malor në Skromë sot arritën t’i dërgojnë 10 pako emergjente për familjet e izoluara nga bora, të cilat u vendosën në shtëpinë e Murat Ademit e më pas do të arrijnë tek destinacioni i duhur në këmbë apo forma tjera”, theksoi Mulaku.

Po sot Kryqi i Kuq bashkë me autoritetet komunale kanë filluar shpërndarjen e dhjetra pakove të tilla drejt banorëve të izoluar në lagje të bjeshkëve të Cecelisë dhe Zagorias.

Sekretarja e Kryqit të Kuq komunal në qytetin e Vushtrrisë, Kumrije Zhabari, thotë që të ketë siguruar 20 pako të tilla emergjente për familjet e izoluara të cilat arrijnë të shkojnë në destinacionin e duhur vetëm në këmbë.

Drejtori i Drejtorisë Komunale të Shëndetësisë, Safet Idrizi njofton për ekzistencën e ekipit mjekësor mobil, gjersa të sëmurët me dializë nga fshatrat e izoluara të kenë arritur t’i bartin në spitalin e Vushtrrisë.

Në qytetin e Vushtrrisë rrugët janë të kalueshme por të rrëshqitshme, pasi pastrimin kompanitë nuk po arrijnë ta kryejnë edhe trotuareve. Në fshatrat ku jetojnë komuniteti serb sipas përfaqësueses së tyre Bojana Aritanoviç rrugët janë të kalueshme veç sa pengesave më të vogla nga stuhia e borës në të hyrë të fshatit Gojbulë.

Në tregun vushtrrias këtyre ditëve artikujt më të kërkuar padyshim që janë lëndët djegëse, drutë dhe thëngjilli. Rryma në komunën e Vushtrrisë këtyre ditëve i nënshtrohet reduktimeve tashmë të njohura, 3 orë me të e 3 pa të Komuna e Deçanit ka marrë vendim që për shkak të borës së madhe dhe trotuareve të bllokuara nga bora, mësimi për shkollat e kësaj komunë të shtyhet edhe për një javë.

Kryetari i komunës së Deçanit, Rasim Selmanaj tha se duke pas parasysh faktin se një sasi kaq e madhe e borës nëpër trotuare të mos ketë kah të largohet, nxënësit detyrohen që të ecin në rrugë duke rrezikuar edhe jetën e tyre, vendosëm që procesi shkollor të shtyhet edhe për një javë.

Ai situatën në terren edhe përkundër të reshurave të shumta dhe nivelit të lartë të borës e përshkruan të mirë.

Në Pejë dhe në rajonin e Dukagjinit në përgjithësi janë rikthyer të reshurat e mëdha të borës, ndërsa raportohet se ajo tashmë ka arritur trashësinë në 1 metër e 30 centimetra.

Reshje të mëdha të borës ka edhe në Gjakovë dhe në vende tjera në Dukagjin. Për shkak të këtyre reshjeve Komuna e Pejës ende vazhdon ta mbajë gjendjen e jashtëzakonshme.

Banorët e shumë fshatrave malore në komunën e Skenderajt, ankohen se me ditë të tëra kanë mbetur të bllokuar nga bora, në anën tjetër zyrtarët komunalë pohojnë se janë duke bërë të pamundurën për të zhbllokuar rrugët e të gjitha fshatrave, por pranojnë se në një numër të konsiderueshëm sosh nuk kanë mund të depërtojnë.