“Pse Ramizi i shpëtoi ndëshkimit të Enverit”

“Nuk them se kam bërë ndonjë gjë të madhe, kam dëshmuar, dhe ndoshta ajo logoja që ka vendosur UET në libër “Scripta manent”, them se përmbyll të gjithë detyrimin, misionin që ka letërsia, kujtimet dhe historiografia; se shkrimet mbeten dhe mbeten për të kujtuar. Nëse kujtimet i konsiderojmë si urë që lidh të kaluarën me të ardhmen, mirë apo keq jam munduar të ndërtoj një urë. Për të lidhur këtë të kaluar me këtë të ardhme, sepse pa kujtuar të kaluarën nuk mund të ndërtojmë të ardhmen”.
Kështu do të shprehej përkthyesi dhe shkrimtari Amik Kasoruho dje gjatë promovimit të librit të tij “Shqipëria, ankthi dhe ëndrra”. Ceremonia u zhvillua në ambientet e Universitetit Europian të Tiranës, ku merrnin pjesë njerëz të letrave, por edhe politikanë, duke filluar që nga kreu i shtetit, Presidenti i Republikës, Bujar Nishani. “Të rinjtë do të gjejnë të vërtetën e dhimbshme të një jete që ishte mohimi i saj. E kush tjetër veç atyre që e kanë jetuar se për një këngë të huaj për një fjalë goje, për një artikull gazete do të kalbeshin në burg. Historia njerëzore njeh shumë diktatura që ndryshojnë në formë, por kanë përmbajtje të njëjta. Ajo që kaloi vendi ynë ishte nga më të vështirat, më të dhunshmet, jemi vendi që disa emra gjeografie janë bërë të njohur përmes së keqes. Siç janë njohur Bukenvardi dhe Aushvici, ashtu u njoh Burreli, Spaçi, Maliqi e Porto Palermo. Kemi pasur më shumë burgje se teatro e stadiume”, u shpreh gjuhëtari Kolec Topalli gjatë promovimit të librit.
Ndërsa gazetari Blendi Fevziu do ta vlerësonte atë si një ndihmë që i jepet të vërtetës. “Më shumë kujtime, libra, dëshmi do të ishin vlerë e shtuar për shoqërinë shqiptare. E them këtë, sepse nuk mund të ketë vërtetë absolute që vjen përmes një libri, por ballafaqimi i sa më shumë të vërtetave përmes librave mund të ndërtojë mozaikun real të asaj çka ndodhur në Shqipëri”, u shpreh ai. Në faqet e këtij botimi nga “UET-Press” vijnë në një të vetëm dy librat e Kasoruhos: i pari i titulluar “Një ankth gjysmëshekullor – Shqipëria e Enver Hoxhës” dhe i dyti “Çmimi i një ëndrre – zgjimi i mundshëm i Shqipërisë”. Ishte ideja e botuesit Henri Çili që të bashkonte në një libër dy analizat më serioze që autori i ka bërë Shqipërisë: Shqipërisë së Enver Hoxhës dhe Shqipërisë së Ramiz Alisë. Duke krijuar një pamje të plotë, ku ankthi dhe ëndrra e një vendi shfaqen me të gjitha emocionet, qartësinë, qetësinë dhe thellësinë e mendimit të një dëshmitari si Amik Kasoruho, i cili njohu burgun, pushkatimin e babait, dëbimin, mohimin e shumë të drejtave për vete dhe familjen e tij. Pjesa e parë e këtij diptiku u botua së pari në vitin 1994 në Itali dhe prej asaj kohe ka njohur katër ribotime, të cilat kanë marrë mjaft vlerësime nga njerëz të shquar të letrave.

Zbulohet përgjimi i telefonave të krerëve serbë

Agjencia informative e sigurisë BIA ka informuar zëvendëskryeministrin Aleksandar Vuçiq se para tre ditëve Ministria e Punëve të Brendshme ka dhënë urdhër për përgjimin e telefonit të tij, si dhe që presidenti i Serbisë Tomisllav Nikoliq po përgjohet tash e një kohë të gjatë, transmetoi sonte televizioni publik serb.

Urdhrin për përgjimin e zëvendëskryeministrit, sipas një burimi të RTS, është dhënë me kërkesën e disa “grupeve të interesit” dhe me ndihmën e dikujt nga “kreu i policisë”. Njoftohet se Prokuroria tashmë e ka nisur hetimin për këtë rast.

Nikoliq i ka deklaruar mbrëmë këtij televizioni së telefoni i tij përgjohet.

Bëni zgjedhje me standarde ndërkombëtare tha në Tiranë sekretarija e shtetit amerikan Hilari Klinton

Jam e gëzuar që jam këtu dhe që kam mundësi për të folur para parlamentit të një Shqipërie të lumtur, të pavarur dhe demokratike. Është nderi i madh, se sot bashkohem me ju, teksa festoni jubileun e 100-Vjetorit të Pavarësisë dhe kjo ka qenë një fitore e madhe për të cilën ju keni luftuar shumë.

Kur po vija me Topallin pashë fotografitë e paraardhësve tuaj dhe kaq shumë ka ndryshuar gjatë 100 vjetëve, por diçka që është konstante është që, SHBA-të kanë qenë dhe janë partnerët dhe miqtë tuaj. Lidhjet tona janë forcuar dhe shumëzuar dhe kjo nuk është vetëm midis qeverive, por edhe popujve tanë. Populli amerikan dhe ai shqiptar kanë të njëjtën aftësi për të treguar aftësi. Ju, sikurse ne, keni qenë të vendosur për të qenë të lire për të ndërtuar një demokraci të gjallë dhe ekonomi të lulëzuar dhe për të krijuar një të ardhme paqeje dhe oportuniteti për të gjithë. Jam shumë e lumtur për marrëdhëniet tona historike, si edhe jam mirënjohëse për kontributin e shqiptarëve në SHBA. Ata janë pjesë e qeverisë amerikane dhe kanë restorantet më të mira në botë.

Zoti President, është nder i madh që sot mora urdhrin e Flamurit Kombëtar, do ta vlerësoj këtë për jetë. Ishte edhe një simbol tjetër i miqësisë së madhe midis nesh.

100 vjet më parë presidenti i SHBA-ve, Uillson mbroj pavarësinë e Shqipërisë dhe ndaloi copëtimin e këtij vendin në fund të Luftës së Parë Botërore. Nga dekada që kanë ndryshuar presidentët amerikanë demokratë dhe republikanë, ata kanë përkrahur me vendosmëri të drejtat dhe lirët e shqiptarëve, jo vetëm këtu por në të gjithë rajonit.

Isha shumë e lumtur që bashkëshorti im krijoi fondacionin e sipërmarrjes si Presidenti Klinton krijoi fondin e sipërmarrjes për të sjellë investime në Shqipëri. Bush u bë presidenti i parë që viziton Shqipërinë dhe në 2009 Obama kishte kënaqësinë t’ju ftojë si anëtarët më të rinj të NATO-s. SHBA kanë qëndruar me ju për 100 vjetët e para të pavarësisë dhe do të qëndrojnë me ju edhe për 100 vjet të tjera.

Keni potencialin për t’u bërë model për botën.

Ky jubile nuk është vetëm për të kaluarën por edhe një synim për të ardhmen. Sot deputetët të zgjedhur nga populli angazhohen dhe diskutojnë në mënyrë të hapur në aktivitete që ishte të pamundur më parë.

Shqiptarë dhe amerikanë nuk janë asnjëherë të kënaqur dhe duam ta përmirësojmë sa më shumë jetën. Ju keni potencialin për t’u bërë një model jo vetëm për rajonin dhe Evropën por për të gjithë botën. SHBA kanë interes të madh për sistemin tuaj. Ne jo vetëm duam të shohim që marrëdhënia me ju të përmirësohet por duam që ju të zhvilloheni.

Ne e mbështesim plotësisht aspiratën e Shqipërisë për Evropën e Bashkuar, jo vetëm do ju forcojë ju por do të jetë edhe më mirë për BE-në. Ne nuk kemi votë por do u flasim miqve për t’ju mbështetur.

Bëni zgjedhje me standarde

Muajt që vijën janë shumë kritikë, jo vetëm për ju por edhe popullit tuaj. Si mikeshë shpresoj që të keni disa objektiva që ju t’i arrini dhe që janë shumë jetike.

Së pari punoni që zgjedhjet e tuaja të ardhme të jenë të hapur dhe të balancuara. Kjo është që populli shqiptar të ketë besim te ju si udhëheqës dhe t’i dërgoni një sinjal të fortë BE-së që politik në Shqipëri funksionin. Unë e di që ju po punoni për një proces zgjedhor të suksesshëm. Unë e di që se sa të vështira janë zgjedhjet politike dhe vota politike pasi kam marrë pjesë vetë.

U bëj thirrje qytetarëve dhe jo vetëm udhëheqësve që të punojë që zgjedhjet e ardhshme të jenë të suksesshme. Është e rëndësishme në të njëjtën kohë që konsolidimi i demokracisë kërkon jo vetëm zgjedhje por edhe rregullin e ligjit, institucione të forta dhe sistem juridik të paanshëm në mënyrë që qytetarët të na mbajnë ne udhëheqësve në përgjegjësi.

Bëra çdo gjë për të fituar në zgjedhjet e 2008, por ai (Obama) fitoi dhe më kërkoi mua që të isha Sekretare e Shtetit. Kur më pyesnin si ka mundësi që dy njerëz kanë luftuar kaq shumë, si mund të punojnë të dy së bashku. Përgjigjja është e thjeshtë të dy ne e duam vendin tonë. Shpresoj që edhe ju të gjeni rrugën për bashkëpunim të sinqertë.

Ju vazhdoni të besoni tek vizioni juaj politik, por interesi partiak duhet të vihet mbrapa interesave kombëtare dhe kjo është detyra e udhëheqësve demokratikë.

Këto zgjedhje janë thelbësore për konsolidimin e demokracinë e përhershme. Vetëm ju dhe vetëm ju mund ju u përgjigjeni pyetjeve nëse Shqipëria do të vazhdojë qeverisjen e mirë dhe të vazhdojnë që fitojnë mirëbesimin e popullit dhe të lini mënjanë diferencat politike për të mirën e vendit dhe të mbështetni reformat? A do të luftoni korrupsioni? A do të punoni për të hyrë në BE si një rrugë për paqe afatgjatë. A do të vazhdoni të jeni një model për rajonin? Toleranca fetare që keni është një dhuratë e veçantë që nuk gjendet në vendet e tjera. Ju duhet ta vlerësoni dhe përdorini si një argument të veçantë të vendit. Këto janë pyetje që unë nuk i kam përgjigjet por di vetëm pyetjet dhe kam besim tek ju.

SHBA- të ju mbështesin për vendimet e vështira që do të merrni. Ne jemi partneri juaj, Shqipëria dhe SHBA-të janë së bashku. Ne e dimë se çfarë bote duam për fëmijët tanë dhe brezat që vijnë. Tolerante dhe përfshirëse. Është detyrimi ynë që të japim rezultate për popujt tanë. Ju shikoj ju dhe shikoj të ardhmen. Besoj që ju do t’i kapërceni vështirësitë dhe do të merrni të gjitha mundësitë që shekulli ju ofron dhe unë do të jem mbështesja juaj. Nëse doni të shkoni demokraci të vërtetë, do ju them njerëzve shkoni në Shqipëri. Zoti ju bekoftë, Zoti bekoftë Shqipërinë.

Vizita e e sekretares amerikane të shtetit Hilari Clinton një shenjë solidariteti dhe mbështetjeje për Shqipërinë

Vizita e sekretares amerikane të shtetit Hilari Klinton në vendin tonë është pasqyruar gjerësisht në media. “Evropa e Lirë” ka komentuar këtë vizitë si një dëshmi më shumë për solidaritetin dhe mbështetjen e fortë të Shteteve të Bashkuara të Amerikës ndaj Shqipërisë. Në artikullin e saj vëmendja është përqendruar tek kërkesa e Klinton që zgjedhjet e vitit 2013 të jenë të hapura dhe të balancuara, me qëllim që "populli dhe Bashkimi Evropian të krijojnë besim te liderët". Sekretarja amerikane ka thënë se në konsolidimin e demokracisë, nuk duhen vetëm zgjedhje të suksesshme, por edhe institucione të forta dhe të paanshme. “Doice Vele” në artikullin e saj shkruan se Sekretarja amerikane e shtetit Klinton është shprehur se Shtetet e Bashkuara të Amerikës janë krenare që janë partnerët dhe miqtë e vendit tonë në rrugën e konsolidimit të demokracisë dhe hapjes së ekonomisë. Më tej shkrimi vazhdon me urimin e Klinton për 100 vjetorin e pavarësisë si dhe ka konfirmimin e bashkëpunimit të ngushtë për 100 vitet e tjera. Ndërsa Zëri i Amerikës është përqendruar në takimin e sekretares amerikane të shtetit me presidentin e vendit Bujar Nishani, i cili i akordoi asaj edhe një nga medaljet më të larta, atë të Urdhërit të Flamurit e cila i është dhënë më parë edhe ish presidentëve Bill Clinton dhe Xhorxh Bush. Më pas sekretarja amerikane është takuar me kryeministrin Sali Berisha i cili edhe një herë i ka vënë në dukje asaj se “kjo vizitë është xhevahiri në kurorën e festimeve” që Shqipëria po organizon me rastin e 100 vjetorit të Pavarësisë. Agjencia italiane e lajmeve për shtypin e përditshëm kombëtar gjithashtu ka komentuar vizitën e Klinton në Shqipëri dhe apelin e saj për një bashkëpunim më të ngushtë të politikës shqiptare për të përshpejtuar në këtë mënyrë integrimin e vendit në Bashkimin Europian. “Ekonomik Tajms” vlerëson se Shqipëria ka bërë progrese të suksesshme në rrugën drejt anëtarësimit në bashkimin Europian. Sipas kësaj agjencie lajmesh vizita e sekretares amerikane të shtetit ka pasur në fokus pikërisht kërkesën për përmbushjen e reformave në mënyrë që vendi ynë të marrë statusin e vendit kandidat në fund të këtij viti.

Mesazhi i sekretares amerikane në Parlamentin shqiptar

 “SHBA ka qëndruar me ju për 100 vjet dhe do qëndrojë me ju edhe për 100 vjet të tjera” ka qenë ky mesazhi i sekretares amerikane Hillari Klinton drejtuar shqiptarëve nga foltorja e parlamentit shqiptar.“Jam këtu në këtë takim të rëndësishëm me historinë tuaj, për t’u thënë se SHBA do qëndrojmë me ju edhe për 100 vjet të tjera bashkë”- ka qenë ky mesazhi i sekretares amerikane Hillari Klinton drejtuar shqiptarëve nga foltorja e parlamentit shqiptar.
Duke shprehur mirënjohjen që iu bashkua festimeve të jubileut të 100 të pavarësisë së Shqipërisë, Klinton vlerësoi lidhjet dhe miqësinë mes dy vendeve dhe popujve. Ajo citoi të gjitha arritjet e Shqipërisë në këto 100 vite dhe tha se sot shqiptarët kanë shumë për të festuar.
“Teksa isha ulur në karrige dhe duke parë po mendoja për vëshirësitë tuaja, pushtimet, diktaturën, është e pabesueshme që Shqipëria jo shumë kohë më parë Shqipëria ishte vendi më i ilozuar. Nuk kishin liritë dhe shumë shqiptarë ikën për të kërkuar liritë. Sot keni shumë për të festuar. Ky vit nuk është vetëm për të festuar, por edhe synim për të ardhmen tuaj. Sot deputetët angazhohen në debate dhe diskutojnë hapur. Atëherë ekonomia shqiptare ishte e mbyllur, ju keni krijuar hapësira për investime. Atëherë ishte vendi i bunkerëve. Tani ju jeni anëtar i vlefshëm i NATO, pjesëtare e vlefshme në forcat ndërkombëtare në Afganistan, ju shpreh ngushëllimet për humbjen e jetës së ushtarit tuaj”- deklaroi Klinton.

“Popujt amerikanë e shqiptarë kanë të njëjtën aftësi për të treguar vendosmëri ju keni qenë të vendosur për të qenë të lirë, për të ndërtuar demokraci, ekonomi të gjallë e lulëzuar dhe ju keni dëshirë që të lini mbrapa konfliktet dhe të ndërtoni një jetë paqeje. Jam e lumtur për këtë partnership dhe marrëdhëniet historike”- vijoi ajo.
Si senatore e Nju Jorkut, Klinton vlerësoi kulturën shqiptare si një komponent të pasur të jetës amerikane. “Ju e dini që amerikanët më origjinë shqiptare janë pjesëtarë të administratës sonë. Kultura shqiptare është komponent i pasur i jetës amerikane, e di këtë si senatore nga Nju Jorku”- u shpreh Klinton.
Ajo vlerësoi gjithashtu edhe marrjen e “Urdhrit të flamurit” si një simbol tjetër të miqësisë së madhe.
“100 vjet më parë presidenti Uillson mbrojti pavarësinë e Shqipërisë dhe ndaloi copëtimin e këtij vendi. Amerikanët kanë përkrahur me vendosmëri të drejtat dhe liritë tuaja. Në dekadat më pas, udhëheqësit amerikanë kanë përkrahur me vendosmëri të drejtat tuaja, në gjithë rajonit”- shtoi Klinton, e cila vlerësoi edhe fondacionin e sipërmarrjes të krijuar nga ish-presidenti Klinton për të sjellë investime në Shqipëri.

Integrimi
Sekretarja amerikane ka konfirmuar mbështetjen që SHBA i jep dhe do t’i japë Shqipërisë në aspiratat evropiane. Ajo shprehu besimin se vendi ynë i ka të gjitha potencialet për t’u bërë një vend model, jo vetëm për rajonin por edhe për botën.
“Ju po punoni për integrimin në BE. Por të gjithë e dimë, se shqiptarët dhe amerikanët asnjëherë nuk janë të kënaqur. Sa më shumë të përmirësojmë jetën. Ju keni potenciale për të bërë një jetë model, jo vetëm për ju, por për rajonin dhe për gjithë botën. Mbështesim aspiratën e Shqipërisë për në BE. Shqipëria dhe shqiptarët e meritojnë vendin e tyre në familjen evropiane, jo vetëm për ju, por edhe për transformimin e Evropës”- tha diplomatja amerikane

Bashkëpunoni për zgjedhjet e ardhshme
Duke i cilësuar muajt e ardhshëm kritikë, sekretarja Klinton u bëri apel ligjvënësve shqiptarë që të punojnë për interesin kombëtar dhe të lënë mënjanë interesin partiak dhe politik. Ajo u bëri apel që të punojnë për 3 pikat e rekomanduara nga KE si zgjedhjet e lira, bashkëpunimi politik dhe lufta kundër korrupsionit, ndërsa u bëri thirrje palëve që të bashkëpunojnë në funksion të zgjedhjeve të suksesshme.
“Muajt që vijnë janë shumë kritikë. Si mike dhe admiruese, besoj se do ketë objektiva. Së pari punoni që zgjedhjet të jenë të hapura dhe të balancuara. Kjo që populli të ketë besim tek ju si udhëheqës. Do jetë mesazh se politika funksionon.
E di se po punoni për zgjedhje të lira dhe ju përgëzoj. E di se sa të vështira janë zgjedhjet, politika. E di se vëmendja e botës përqendrohet kur ka zgjedhje. Kjo është e mirë për demokracinë, por është përgjegjësi e madhe për udhëheqësit”
Duke marrë shembullin amerikan demokrat për zgjedhjet Klinton i ftoi palët që të bahsëkpunojnë në funksion të interesit kombëtar.
“Si senatore demokrate kam punuar me senatorë republikanë. Tani jam sekretare shteti, teksa isha kundërshtare me Obamën. Unë bëra gjithçka për të fituar zgjedhjet e 2008, por ai fitoi se më kërkoi që të isha Sekretare. Përgjigja është shumë e thjeshtë: Ne e duam vendin tonë. E di që nuk ka askush këtu që nuk e do shqipërinë. Pra shpresoj që edhe ju do gjeni rrugën për bashkëpunim të sinqertë. Interesat partiake duhet të jenë nën ato kombëtare”- tha sekretarja amerikane e cila i konsideroi zgjedhjet që vijnë thelbësore për konsolidimin e demokracisë dhe tha se vetëm shqipatrët mund t’i bëjnë ato.
“A do vazhdojë Shqiëpria të ndërtojë qeverisje të mirë, a do mbështesni reformat për zgjidhje të ekonomisë, a do luftoni korrupsionin, a do punoni për të hyrë në BE, a do vazhdoni të jeni model për rajonin?- vijoi Klinton.

Lufta kundër korrupsionit
Sipas Klinton konsolidimi i demokracisë kërkon jo vetëm zgjedhje, por edhe forcim i institucioneve të paanshme. Këto atribute sipas saj krijojnë rezultate konkrete për popullin, ndërkohë që u bëri thirrje për të punuar në luftën kundër korrupsionit dhe shprehu besimin se shqiptarët do e arrijnë këtë.
“Në çdo vend ekziston ky problem që është një kancer dhe mbron udhëheqësit pa vlera morale. Nuk ka përgjigje të thjeshtë, pasi do ishte zgjidhur ky problem. Eliminimi kërkon bashkëpunim përtej dallimeve partiake. Të gjithë duhet të punojnë së bashku. Udhëheqësit shqiptarë duhet të krijojnë kulturë bashkëpunimi. Ky është një synim që disa vende nuk e arrijnë dot, por jam besimplotë se shqiptarë do e arrijnë”.

Sekretarja amerikane vlerësoi tolerancën fetare në vendin tonë si një model i cili duhet të përdoret në favor të karakterit të veçantë dhe unik të këtij vendi.
Në fund të fjalës së saj në Kuvendin e Shqipërisë Klinton ripërsërit qëndrimin se” SHBA do ju mbështesin ju për vendimet e vështira që do merrni. Ne e dime se ca bote duam për fëmijët tanë. Si liderë të demokracive në shek XXI duhet të japim këto rezultate. Ju shikoj ju dhe shoh të ardhmen. Besoj se do kapërceni vështirësitë”- përfundoi fjalën sekretarja amerikane.

Topalli: Vizita e Klinton, historikeKryeparlamentarja Topalli i ka uruar mirëseardhjen në Kuvendin e Shqipërisë sekretares amerikane të shtetit Hillari Clinton. Znj. Topalli e ka cilësuar moment të shënuar vizitën e znj. Klinton në Shqipëri në këtë vit jubile si një privilegj dhe lumturi për shqiptarët. Ajo e ka falënderuar për mbështetjen e pakursyer të SHBA ndaj vendit tonë, pa të cilin nuk do të ishte i mundur as festimi këtij 100 vjetori, as anëtarësimi në NATO dhe as çlirimi i Kosovës.
Kryeparlamentarja i ka dhuruar sekretares amerikane dokumentat themeltarë të shtetit shqiptar.

Klinton: E nderuar që ndodhem në Tiranë, Berisha: Vizita juaj historike
Sekretarja Amerikane e Shtetit Hillary Clinton, deklaroi në selinë e Qeverisë, se ndihet shumë e lumtur që ndodhet në Tiranë në ditën e parë të muajit të festimeve për 100 -vjetorin e shtetit shqiptar.

"SHBA-te janë krenare që janë partnerët dhe miqtë e vendit tuaj në rrugën e konsolidimit të demokracisë dhe hapjes së ekonomisë. Ne ju urojmë për 100 vitet e para dhe konfirmojmë edhe bashkëpunimin e ngushtë për 100 vitet e tjera", tha Clinton, në fillim të takimit me Berishën.

Nga ana e tij, Kryeministri vlerësoi vizitën e sekretares amerikane të Shtetit në këtë vit historik për Shqipërinë, në 100-vjetorin e lindjes së shtetit.

Nishani dekoron Klinton me titullin më të lartë shqiptar “Urdhrin e Flamurit”Ka zgjatur rreth 30 minuta takimi mes sekretares Clinton dhe kryetarit të shtetit shqiptar në Pallatin e Brigadave. Presidenti ka dekoruar sekretaren amerikane të shtetit me titullin më të lartë shqiptar “Urdhrin e Flamurit”. Momentalisht nuk ka të dhëna rreth temave që u diskutuan në takim, ndërkohë që pritet që detajet të bëhen të ditura nga zyra e shtypit e Presidencës. Në vijim të axhendës së saj, Sekretarja amerikane nisi menjëherë takimin me kryeministrin Berisha.

Hillari Klinton mbërrin Pallatin e Brigadave, takohet me Nishanin
Sekretarja amerikane e shtetit Hillari Klinton ka mbërritur në Pallatin e Brigadave, ku është pritur nga Presidenti i vendit Bujar Nishani. Takimi i parë i zonjës Klinton me presidentin Nishani pritet të zgjasë rreth 30 minuta, ku do të dekorohet nga ky i fundit me “Urdhrin e flamurit”.
Më pas diplomatja amerikane do të takohet me kryeministrin Sali Berisha.

* * * *

Niset drejt Tiranës sekretarja amerikane e shtetit Hillari Klinton. Avioni i sekretares amerikane u ul në aeroportin e Rinasit në orën 10:35, nga ku më pas do t'i drejtohet Pallatit të Brigadave, ku pritet të zhvillojë takimin e parë me Presidentin e Republikës, Bujar Nishani. Më pas mësohet se takimi i radhës do të jetë me kryeministrin, Sali Berisha në ambientet e Kryeministrisë.
Pas takimit me shefin e qeverisë Klinton do të mbajë një fjalim në Parlament. Mësohet se gjatë vizitës disa orëshë në Tiranë sekretarja amerikane do të takohet edhe me kreun e opozitës Edi Rama.

Tirana është zgjuar sot nën masa të rrepta sigurie për shkak të vizitës disa orëshe në kryeqytet të diplomates amerikane
Forcat speciale RENEA, ato të ndërhyrjes së shpejtë, policia e rendit dhe kriminale e drejtorisë së Tiranës,
Shërbimi Informativ Shtetëror dhe Garda e Republikës kalojnë në shërbime të përforcuara, për të siguruar cdo metër të territorit dhe kryesisht të lëvizjeve sipas axhendës së sekretares amerikane të shtetit gjatë vizitës së saj në Tiranë.

Nga takimi i fundit i sekretares Klinton me kreun e opozitës Rama

Njësia antieksploziv do jetë në shërbim gjatë të gjithë ditës duke kryer kontrollet për lëndë plasëse apo të rrezikshme në gjitha vëndet ku do të qëndrojë dhe vizitojë Klinton.
Do të ketë bllokimin e autostradës në krahun e lëvizjes gjatë hyrje-daljes në Tiranës, në momentet e lëvizjes, ndërsa snajpera dhe vëzhgues do të ketë thuajse në të gjitha pikat më të larta të kryeqytetit.

Jo zyrtarisht thuhet se janë 1500 efektiva që do të angazhohen në mbarëvjajtjen e vizitës së Klintonit, ndërsa ekspertë të ekipit të shoqërimit dhe ruajtjes së saj, prej disa ditësh kanë vëzhguar vëndet ku do të lëvizë sekretaria amerikane duke mbajtur kontakte intensiveb me krerët e drejtorisë së përgjithshme të policisë dhe drejtorisë së policisë së Tiranës.
Në orët e paradites është bërë një mbledhje e përbashkët për formulimin e aktit final të planit të masave për vizitën, e cila do të pasohej nga një tjetër takim në drejtorinë e policisë së tiranës për ndarjen e detyrave dhe marrjen e instruktimeve më të fundit.
Në orët e mbrëmjes pritet që të bëhen publike dhe oraret përkatëse përn rrugët që do të bllokohen gjatë vizitave.
Ndërsa në mbrëmje pritej largimi I automjeteve të parkuara pranë ambasadës amerikane, në zonën e rezidencave apo pranë institucioneve ku do zhvillohen takimet dhe do mbahen konferencat për shtyp.

* * * * *

Tirana do të zgjohet në masa të rrepta sigurie mëngjesin e të enjtes. Forcat speciale RENEA, ato të ndërhyrjes së shpejtë, policia e rendit dhe kriminale e drejtorisë së Tiranës,
Shërbimi Informativ Shtetëror dhe Garda e Republikës kalojnë në shërbime të përforcuara, për të siguruar cdo metër të territorit dhe kryesisht të lëvizjeve sipas axhendës së sekretares amerikane të shtetit gjatë vizitës së saj në Tiranë.
Njësia antieksploziv do jetë në shërbim gjatë të gjithë ditës duke kryer kontrollet për lëndë plasëse apo të rrezikshme në gjitha vëndet ku do të qëndrojë dhe vizitojë Klinton.
Do të ketë bllokimin e autostradës në krahun e lëvizjes gjatë hyrje-daljes në Tiranës, në momentet e lëvizjes, ndërsa snajpera dhe vëzhgues do të ketë thuajse në të gjitha pikat më të larta të kryeqytetit.
Jo zyrtarisht thuhet se janë 1500 efektiva që do të angazhohen në mbarëvjajtjen e vizitës së Klintonit, ndërsa ekspertë të ekipit të shoqërimit dhe ruajtjes së saj, prej disa ditësh kanë vëzhguar vëndet ku do të lëvizë sekretaria amerikane duke mbajtur kontakte intensiveb me krerët e drejtorisë së përgjithshme të policisë dhe drejtorisë së policisë së Tiranës.
Në orët e paradites është bërë një mbledhje e përbashkët për formulimin e aktit final të planit të masave për vizitën, e cila do të pasohej nga një tjetër takim në drejtorinë e policisë së tiranës për ndarjen e detyrave dhe marrjen e instruktimeve më të fundit.
Në orët e mbrëmjes pritet që të bëhen publike dhe oraret përkatëse përn rrugët që do të bllokohen gjatë vizitave.
Ndërsa në mbrëmje pritej largimi I automjeteve të parkuara pranë ambasadës amerikane, në zonën e rezidencave apo pranë institucioneve ku do zhvillohen takimet dhe do mbahen konferencat për shtyp.
Masat e sigurisë të parashikuara nga policia
Policia e Kryeqytetit, ka planifikuar dhe ndërmarrë një sërë masash për të garantuar mbarëvajtjen e vizitës së delegacionit të Sekretares së Shtetit të Shteteve të Bashkuara të Amerikës, Zj. Hillary Clinton, e cila do të vizitojë Shqipërinë gjatë ditës së nesërme.
Në këtë kuadër janë planifikuar dhe disa masa kufizuese në drejtim të lëvizjes dhe parkimit të automjeteve në disa akse rrugore, përkatësisht:
1. Nga ora 22.00’ e datës 31.10.2012 deri në orën 17.00’ të datës 01.11.2012 do të ndalohet parkimi dhe ndalimi i automjeteve në këto akse rrugore.
- Rinas – Qafë Kashar;
- Qafë Kashar- Rreth Rrotullimi i Doganës;
- Rreth Rrotullimi i Doganës-Unaza e Re-Pallati me Shigjeta;
- Pallati me Shigjeta-Bulevardi Barjam Curri-Ura e Lanës tek Hotel Dajti;
- Ura e Lanës tek Hotel Dajti-ETC- Rruga e Elbasanit;
- Rruga e Elbasanit-Pallati i Brigadave;
- Rruga Ismail Qemali-Bulevardi Dëshmorët e Kombit deri tek Hotel Sheraton;
- Bulevardi Dëshmorët e Kombit – Bulevardi Xhorxh Bush;
- Bulevardi Zhan Dark deri tek Pallati me Shigjeta.
2. Nga ora 10.00’ të datës 01.11.2012 deri në orën 17.00’ të kësaj date do të këtë ndalim të qarkullimit të automjeteve në akset rrugore të mëposhtme:
- Rinas – Qafë Kashar;
- Qafë Kashar- Rreth Rrotullimi i Doganës;
- Rreth Rrotullimi i Doganës-Unaza e Re-Pallati me Shigjeta;
- Pallati me Shigjeta-Bulevardi Barjam Curri-Ura e Lanës tek Hotel Dajti;
- Ura e Lanës tek Hotel Dajti-ETC- Rruga e Elbasanit;
- Rruga e Elbasanit-Pallati i Brigadave;
- Rruga Ismail Qemali-Bulevardi Dëshmorët e Kombit deri tek Hotel Sheraton;
- Bulevardi Dëshmoret e Kombit – Bulevardi Xhorxh Bush;
- Bulevardi Zhan Dark deri tek Pallati me Shigjeta.
3. Nga ora 10.00’ deri në orën 17.00’ të datës 01.11.2012 do të këtë kufizime të ndalimit si dhe të parkimit të automjeteve në akset rrugore:
- Bulevardi Dëshmorët e Kombit-Sheshi Skënderbej;
- Rruga e Durrësit deri tek Rreth Rrotullimi i Doganës.
Policia e Kryeqytetit, shpreh besimin në mirëkuptimin e qytetarëve për zbatimin e këtyre kufizimeve të domosdoshme për të siguruar mbarëvajtjen e vizitës shumë të rëndësishme të Sekretares së Shtetit të Shteteve të Bashkuara të Amerikës në vendin tonë.

Haj medet për Lug t`Baranit

Feja e shqiptarit -eshte shqiptaria!



Në debatin e pabarabartë në disfavor te muslimanëve, që prezentojnë disa media shqiptare në qështjen e fesë shihet qartë konceptimi i ndryshëm i kombit nga perspektiva fetare, kryesisht ekstremiste. Fundja këto debate s'kanë të bëjnë fare me fenë e as thelbin e asnjerës fe, por janë debate politike nga epiqendra katolikocentriste.

Feja e shqiptarit -eshte shqiptaria!

Kur "gazetari",-spijuni serb Kastriot Myftaraj perzien kombin për interesa te tij fetare ekstremiste ne kryqezaten e tij mesjetare kunder Islamit e kombit shqiptar, për të, kombi është i interpretuar në mënyrën e tij te te menduarit, d.m.th. komb me kryq dhe flamuri me kryq ne ballë. Sipas tij edhe legjendat kombëtare te krijimit te kombit shqiptar vllezërit Frashëri, Ymer Prizreni, Ismail Qemali, Isa Boletini etj. dhe legjendat moderne te kombit si Adem Jashari, vellezerit Haradinaj,Sali Çekaj,Rrustem Bruqi,Agim Ramadani ,Muje Krasniqi"Kapuqi",.... UÇK-ja, UÇPMB-ja dhe gjithë dëshmorët e kombit etj. do te duhej ta kishin bartur kryqin në qafë...

Etapa me tragjike e historisë kombëtare është krishterizimi mitik i Skenderbeut.
Flamuri i Skenderbeut ishte me Shqiponje e jo me kryq. Flamuri është simbol i cili prezenton idealet për të cilat luftohet, në raste lufte. Me kryq e kishin vetëm Serbia e Greqia....

Kryqi në Kosovë ka pasur dy role kryesore, paradoksale dhe njëkohësisht antishqiptare: dallimin e krishtereve nga masa shqiptare (dmth nga muslimanët) dhe kryqëzimin e shqiptarëve nga pushtuesi serb.

Ne rastin e parë kemi shumicen krishtere shqiptare te cilet vizatonin kryqet ne muret dhe dyert e tyre për t'u dalluar nga masa shumicë shqiptare, dmth nga muslimanët shqiptar.

Ky vizatim i kryqit, për t'u dalluar, ishte një njollë e zezë në marrëdhenjet ndërshqiptare, ishte simbol i vetëizolimit, vetëterheqjes apo ikjes nga përgjegjësia, nga te qenit shqiptar. Për të mos iu hyrë në hak, çdo rregull ka perjashtim.

Në rastin e dytë kemi pushtuesin serb, i cili përpiqej të kryqëzonte popullaten shqiptare shumicë muslimane për t'i arritur qëllimet e veta.

Ideja se islami është në interes te Serbisë është gënjeshtër tipike për tipa si Kastriot Myftaraj,Kadri Mani,Gezim Markoviq(Ilir Dardani) etj.

Përndryshe Serbia s'do te shkatërronte gjitha xhamitë, s'do te vriste hoxhallar, s'do të kryqëzonte tërë Kosovën.

Simboli kryesor, pas çdo shkatërrimi, ka qenë kryqi. Kryqi vizatohej edhe kur gratë dhunoheshin, fëmijët masakroheshin, burrat vriteshin.

Çdo burrë shqiptar i arrestuar e burgosur është detyruar te kryqëzohej dhe ta mohoj identitetin e vet musliman, dmth shqiptar.

Kokëfortësia e një djaloshi te ri, që une njihja, për mos bërje kryq, i kushtoj atij më shumë vuajtje, dënim e rrahje te parreshtura.

Historianët tregojnë: “Kishte shqiptar muslimanë që, posa kryqëzoheshin, vraponin në ndonjë lumë dhe i fërkonin ato pjesë të trupit, te cilat ua kishte prekë Popi dhe i fërkonin aq shumë me rërë gjersa u dilte gjaku”.

Dhe pastaj flet edhe populli:

Haj medet për Lug t`Baranit

N`kamë u çue Savë Llazari

Don shqiptarët me i shkombtarizue. .

Për pa u gri, për pa u coptue.

Shqiptarë jemi, s`kemi fenë me e ndrrue.

Haj medet, shpatën n`qafë ja ka nue

Deri në tokë gjaku i ka shkue

Mos u çartë Hazir, fenë duhet me e ndrrue!

Hazir Alia trim koka qillue

Përpjet gishtin e ka que

Du me u gri e me u coptue

Tybe n`Zotin fenë s`muj me e nrrue

Na shqiptar jemi qillue

Vorret e t`parëve smumë m`i turpnue

Krisi pushka e dajaku,

Rrugët e shehrit i mbuloj gjaku

Sali Bajraktari u bërtet

Ou, bini vllazen n`sdet

Edhe një gisht cone pëerpjetë

Në çdo fshat burrat janë besatue

Me u gri e me u copëtue.

E kurrë fenë mos më ndërrue

Në këtë epos popullor shihet shumë qartë se populli shqiptar nuk ështä ai që pranon fe me dhunë dhe njëkohesisht Islami këtu është pjesë e identitetit tonë kombëtar, te kombit te vertetë shqiptar, e jo kombit te kryqit.

Për rolin e Islamit në forminin e identitetin nacional shqiptar dhe ruajtjen e vetë kombit shqiptar shkruan edhe studiuesja franceze Natalie Klejer në analizën e saj: "...Islami luante efektivisht rolin vendimtar në përcaktimin e dallimeve midis shqiptarëve e grekëve, midis shqiptarëve e sllavëve. Veçanërisht Islami ishte i përshtatshëm për shtrirjen e hapësirës shqiptare. Ndërsa në kohën e Skënderbeut sllavizmi ishte i pranishëm në zemër të Shqipërisë, sikurse dëshmojnë toponimet, në fillim të shëkullit XX "fronti" ishte zhvendosur tashmë në Bitol, Shkup, Mitrovicë ose Beranë".

Prandaj përpjekja e Myftarajt me shokë për kryqëzimin e kombit shqiptar do të dështoj, ashtu siç ka dështuar çdo kryqëzatë tjetër. Bëjeni ju kombin tuaj me kryq, por mos u perpiqni të njollosëni kombin tonë shqiptar. Sepse kryqi ashtu siç është simbol i keq i dhunës ndaj pasuesve te Isait (Krishtit), ashtu është edhe simbol i keq kundër popullit shqiptar.

Mos shikoni kisha e xhamia -Feja e shqiptarit -eshte SHQIPERIA

Kombi shqiptar, me shumicë muslimane, është komb krenar për fenë që ka dhe komb që krenohet për tolerancën dhe bashkjetesen fetare mes muslimanëve e krishterëve. Pra kjo duhet të jetë edhe një ftesë me tepër për disa ekstremist antimusliman, që t'i qasemi dialogut ndërfetare, në rrafshin teologjik dhe me gjërë, e t'iu largohen thirrjeve te kobshme te tyre të urrejtjes, thirrjeve terroriste për vrasje te shqiptarëve, përndjekje, shkatërrim te objekteve fetare, cënim për liritë njerëzore, fetare e kombëtare.

(Flori Bruqi)



Eduart Thartori

Respekt z. Flori per kete shkrim me vlere. Ky eshte problemi qe perpiqemi te tejkalojme. E duam Shqiperine me muslimanet katoliket dhe ortodokset e saj. Pa i hyre ne hak askujt. Shqiperine e duam se jemi shqipetare dhe shqipetaret i duam se jane gjaku jone pavarsisht fese qe besojne.
Tetor 27 në orën 7:18.MD ·

From: Paul Tedeschini
To: Sterkala Sterkala
Sent: Thursday, 1 November 2012, 19:21
Subject: Re: [Sterkala] Debati i laikut Vedat Shehu me wehabistin Artan Meha (Tano)


Vlersoj shume punen e madhe dhe te palodhun shume vjeçare te gazetarit nga Prishtina (te pakten aty jeton) Flori Bruqi.
E jo vetem kaq, por Flori Bruqi e mban gazeten simbas parimeve demokratike te gazetarise, me Liri Shprehje o Informacioni, pa lejue shprehje ofendues. Per kete gja perfitoj nga rasti ta pergezoj publikisht.
Liri Shprehje don me thane qe seicili te shpreh mendimin e vet, gja qe nenkupton qe mendimet mund te jene te ndryshme o permateper te jene te kunderta. Keto shkembime mendimesh na rrisin horizontin nè te gjithve, sepse perfitojme nga te tjeret ate çka nuk e dina.

Ne lidhje me debatin e Vedat Shehut me Artan Mehen (Tano) un kam konstatue dy gjana thelbesore:

E para qe Vedat Shehu shpreh mendimet e veta ne menyre te njerzishme dhe te argumentueme. Pose kesaj Vedat Shehu mbron parimin e te Drejtave te Njeriut ne te gjitha fushat perfshi edhe te besimeve fetare. Vedati mund te mos kete njohuni te thedha per besimet fetare, por ai mbron te drejten e seicilit per besimin fetar te vetin, tue iu kundravue atyne qe done te DOMINOJNE BOTEN me besimet e tyne te perzieme me ligjet shtetnore te shekullit te VII, te papershtatshme per kohen e sotme dhe njikohesisht antikushtetuese. KUSHTETUTA, qe asht ligji themelor i joni, DUHET TE MBROHET nga shkelsit e saje. Kjo asht esenca e Vedat Shehut ne debat.

Ne lidhje me Artan Mehen (Tano) ky nuk asht gja tjeter veçse nji shqipfoles me brumin e nji wehabisti arab, si dhe nji antishqiptar i deklaruem qe perbalte te gjitha figurat kombetare tue fillue nga Gjergj Kastrioti - Skenderbeu e me rradhe. E pse? Sepse keto kane qene kundra pushtuesit turk-osman, ne nji kohe qe populli shqiptar sot feston 100 vjetorin e Pamvarsise nga ky pushtues. Por asht shume pozitive qe shokve te tij sot nuk ua ven kush veshin, sepse shqiptaret po ecin perpara drejte kulture europiane dhe te parimeve te Drejtave te Njeriut.

Paul Tedeschini


Re: [Sterkala] Debati i laikut Vedat Shehu me wehabistin Artan Meha (Tano)

Posted By:
floribruqi


Thu Nov 1, 2012 6:50 pm |
Options



I dashuri profesor,

Sa per dijeni te lexuesve te shumte te Forumit Sterkala ,perserisim biografin e eruditit shqiptar Prof.dr.Vedat Shehu.

Shkrimin e kemi botuar ne Floart-press:http://floart-press.blogspot.com/2009/05/kush-eshte-vedat-shehu.html?zx=a8fbd15abdb9cbf dhe Cameria shume vjet me pare:http://groups.yahoo.com/group/cameria/message/5842
Gjithsesi per lexuesin dhe studiuesin shqiptar dhe studiuesin e mirefillte nderkombetar ,mendimi i juaj eshte i respektueshem.

Sa i perket Debatit,une personalisht nuk jam njohes i mire i shkencave teologjike,pranadj edhe nuk mund te debatoje rreth
"debatit"...

Sa i perket CV-se tuaj ju lutemi na sjellni nepermes emajlit nje gje te tille,per te cilen une dhe lexuesit e shumte ju jane mirenjohes.
Shendet,me respekt,

Flori Bruqi

Ne Prishtine,1.11.2012.

Drejtësi dhe Dinjitet para Negociatave!

Selatin Kaçaniku

Deklaratë mbështetëse e Organizatës Kosovare për Mbrojtje të Konsumatorit – “Organizata KONSUMATORI ” për protestën e Rrjetit të Grupeve të Grave të Kosovës dhe Thirrjet e Nënave:

Organizata KONSUMATORI e përkrah protestën paqësore të datës 3 Nëntor 2012 në Sheshin Nënë Tereza të thirrur nga Rrjeti i Grupeve të Grave të Kosovës dhe Thirrjet e Nënave.

Konsumatori gjithmonë ka qenë kundër negociatave pa kushte me Serbinë, e posaçërisht kundër dominimit aktual tregtar të Serbisë mbi Kosovën me anë të mallrave të dyshimta e të rrezikshme, deklaracioneve të rrejshme e mashtruese, produkteve të kontrabanduara e subvencionuara, dhe fushatave me çmime “dumping” e konkurrencë jo-lojale që për 13 vjetët e fundit ia kanë pamundësuar shtetit të Kosovës që të krijojë prodhim vendor konkurrent dhe ia kanë mohuar konsumatorit Kosovar sigurinë dhe cilësinë në konsum.

Organizata Konsumatori pajtohet plotësisht me të gjitha kërkesat e organizatorëve të protestës, dhe bën thirrje publike te të gjithë konsumatorët, të gjithë qytetarët e Kosovës, që të na bashkëngjiten dhe t’u thonë jo proceseve të dëmshme për Kosovën.

Serbia është një shtet agresor, dhe nga aspekti tregtar është treg joserioz dhe i rrezikshëm për qytetarin e Kosovës. Serbia duke mos e njohur Kosovën si shtet, e as Kushtetutën e ligjet e Kosovës, nuk e pranon as përgjegjësinë në rast të dëmtimit të shëndetit, interesave, pronës apo në rast të shkeljes të të drejtave dhe dinjitetit të konsumatorëve Kosovarë. Kjo Serbi sot, është e udhëhequr nga zëvendësit e kriminelëve serbë të luftës, Millosheviq dhe Sheshel, dhe sërish kërcënon me luftë në vend se të pendohet për gjenocidin e ushtruar kundër shqiptarëve gjatë luftës së fundit.

Kosova duhet ta kushtëzojë Serbinë. Negociatat me Serbinë bëhen të pranueshme vetëm kur kjo e fundit ofron kërkim-falje zyrtare për krimet kundër popullatës shqiptare, kur angazhohet në gjetjen dhe kthimin e 1770 personave të pagjetur, kur ofron drejtësi për krimet e luftës duke dënuar personat fajtorë e përgjegjës për këto krime, dhe kur Serbia fillon t’i paguajë Kosovës reparacione të luftës e zhdëmtim për shkatërrimet e luftës, kthen fondin e vjedhur personal e depozitat e vjedhura bankare, dhe i ndan Kosovës pjesën e saj të trashëgimisë së të mirave materiale e aseteve të ish-Jugosllavisë të cilat janë krijuar edhe me anë të kontributit të punëtorëve e konsumatorëve Kosovarë.

Organizata Konsumatori me këtë letër shpreh formalisht përkrahjen e plotë të saj për këtë protestë dhe për kërkesat e protestës, dhe të shtunën më 3 Nëntor nga ora 11 do të jetë pjesëmarrëse në këtë protestë, duke e përkahur kështu edhe praktikisht.

Organizata Kosovare për Mbrojtjen e Konsumatorit – “Organizata KONSUMATORI ”

Prishtinë, 1 Nëntor 2012