HIPOKRIZIA : KU ISHTE BALTA ?

Pergatiti Fritz RADOVANI:

KU  ISHTE  BALTA ?

NGA At PJETER MESHKALLA S.J.:

HIPOKRIZIA

(VAZHDON PJESA E III)

            III.  TË  KAM  GJETË  !

           

      Të kam gjetë, hipokrizi, në çerdhët që ké:

Labirintët tueja janë pa krye,

por me çka pashë e ndjeva unë mbi këte dhé,

mjaft mësova e mjaft mu çilën këta dy sy.

       Në shoqninë njerëzore isht’ kenë një gja për bé:

Sinqeriteti kapun në luftë me ty,

e ti, kolonë e pestë, me dinakri,

të sinqeritetit në kështjellin barkas shtri...

      Të kam gjetë nën doreza të buta humanitare,

me çapojt e përgjakun të njaj skyftéri...

Në çajë të ngrohta të pashë “bamirëse-kërcimtare”,

me’i zemër si natë dimni kur frynë véri:

      Mbi borë përjashta dridhet një lypcarë,

ndërsa...për té (!) gjithë natën krisë Valcëri!

P’aj, të kishte veç një kokë kjo botë e tanë,

për t’ia këputun ma shpejtë, mundim pa i dhanë!!

      Nën maskë të kam gjetun Aristokracije,

me lule e lajle dhe “virtyte Oborri”...

Po, u zbè me’i herë çdo rreze qytetnije,

kur ia zbulova petët këtij laknori...

 Të kam gjetë nën xhamadan burri Malsije,

(kujtim i largtë herojsh’ që koha i mori),

hèu, gardh Kanuni thyemun njëqind herë,

për me i lanë burrit shteg “me dalë me ndérë”...

      Të kam gjetë nën frakun e njaj Liberali,

që të ngopë me “tolerancë” – “liri-mendimi”,

por, furinë fanatike s’di ta ndali,

kur gjenë përballë një idé të vendosun trimi.

      Të kam gjetë mbas syzash të Markës “ideali”,

në dy gropa syshë të thella e të êrrta shqîmi

që botës, dritë s’i dhanë m’sa ‘i natë varri,

sido që të ndrisin syzat me rrathë ari.

     Të kam gjetë në xhep të Nacionalistit vlershëm

me dhjetra flamuj tubë të shtrênjtë e të lirë,

mbishkrue me shirit etiketë “ i ndérshëm”,

p’r inat të atij që asht veç Shqiptar i mirë!

    Në çantë të kam gjetun të Demagogut të tmérshëm

(anmik intrigash, qytetar i dëlirë).

Ndër disa fletë të mshefta, si po i thona:

“ Ndani e përçani...me çdo kusht e jona!”.

      Të kam gjetun nën petkun e Fétarit tonë,

brumë Farizeu, që pjesën rri tue luejtë:

Tartuf buzë-rrudhë e vetull-vrênjtë gjithmonë,

e mbas perdje asht laksist-gaudent i prunjtë.

      Ai e di mirë se dy shelqinjë - si’i thone –

në një dorë, bèsa, me i mbajtë askush s’ka mujtë:

Detyra e shénjtë në “Sherbim të Perendisë”,

nuk i lè kohë të shikojë plagët e njerzisë...

     Të kam gjetë ndër thonjtë e gishtave të Tregtarit,

sa me shkathtësi tespi e rruzare hjedhin,

si të ishin bash verdhukët e bukur t’arit,

që, pikë prej gjakut të fukarasë, i vjédhin...

S’do mend, nga fryti i shtrydhun n’djersë të mendqarit

barkthatë e lakuriq, do fije drédhin,

e ndezë ndo’j dritë në faltore, si “mëkatnorë”,

e, për “me shkelë” Zotin me’i bakshish nën dorë!!...

      Të kam gjetë atje ku e ka selinë Drejtësia,

në lagênin e Pilatit, plot gjak të vjetër,

rrjedhun me baltë të Mamonës duerve të tija

dhe, gjak në duer të lame, gatshëm për gjak tjetër!

      Të kam gjetun té kamxhiku Flakë e shkëndija,

të apostullit të kulluet të moralit... në letër,

që shkallët e poshtërsive hypë, me rrëzue

monstrat prej froni dhe, ...aty  vétë me u shtrue!

      Ku nuk të kam gjetë hipokrizi, të dalët fara!

Plaka botën kafshon e, puthë figure...

Moralin së bijës ia mësueka lara-lara...

Djalin me renë ngatrrueka... lesh tue lënurë...

     

Miqtë s’po shikohen në sy ma si përpara

pse, mbas shpine i diktuen sho’ shojt’ kusure...

sé, ma, pallavrat e paundyrë të servilit!!

Se, ma, sadizmi në puthjet e katilit!!!

                         Të njoh mirë hipokrizi!

                                Jé dhunë e poshtërsi!

                                    Gënjen synin e pasherri,

por, zemra ndinë jarg ferri në ty, q’e ngrinë,

por, shpirti i drejtë... nuk di... nuk di sesi,

por, ndinë...

                            se jé  h i p o k r i z i ! 

(Vazhdon)

Shenim nga F.R.: Mendoj me botue disa pjesë nga krijimtaria e At Pjeter Meshkallës,

Veprat e të cilit, i pershtaten sot ma shumë se kurr kohës që po kalojnë Shqiptarët.

Melbourne, Tetor 2018.

19 vite nga vrasja e vëllezërve Bytyqi: Përgjegjësit edhe më tutje mbi ligjin

Nga Flori Bruqi

Në datën 9 korrik të vitit 2018 ,u bënë 19 vite nga vrasja e vëllezërve Mehmet (21), Agron (23) dhe Ylli (25) Bytyqi, nga ana e pjesëtarëve të Ministrisë së Punëve të Brendshme të Serbisë (MPB). Mossuksesi i institucioneve në lidhje me dënimin e këtij krimi tregon se drejtësia në Serbi është selektive, si dhe se personat përgjegjës për ekzekutimin e vëllezërve Bytyçi janë mbi ligjin, thuhet në një kumtesë të Fondit për të Drejtën Humanitare me seli në Beograd

"Pjesëtarët e MPB-së i kanë burgosur vëllezërit Bytyqi në datën 26 qershor të vitit 1999 në vijën administrative të Serbisë me Kosovën, derisa ishin duke i ndihmuar një familjeje rome për të kaluar në Serbi. Prej aty i kanë dërguar në Gjykatën e Qarkut në Prokuplje, ku iu është shqiptuar dënimi me burgosje për kundërvajtje për shkak të kalimit ilegal të kufirit.

Pas vuajtjes së dënimit, në datën 8 korrik të vitit 1999, pjesëtarët e MPB-së, Milosh Stojanoviqi dhe Sreten Popoviqi i kanë burgosur vëllezërit Bytyqi pikërisht në dalje të burgut. Me automjet zyrtar i kanë dërguar deri te Qendra për Mësim e Njësive të Posaçme të Policisë (NjPP) të MPB-së së Serbisë në Petrovo Selo dhe i kanë mbyllur në një hapësirë të vogël.

Në ditën në vijim, NN pjesëtarë të MPB-së i kanë dërguar në një vend në kuadër të qendrës mësimore ku tashmë ndodhej varreza masive me mbetje mortore të shqiptarëve të vrarë civil të sjellë më herët nga Kosova.

Prindërit e vëllazërve Bytyç kërkojnë drejtësi 

Pranë varrezës së hapur, derisa duart i kanë pasur të lidhura me tel kurse sytë të mbuluar me fashë, policët kanë shtënë në zverkun e tyre e pastaj i kanë hedhur në varrezën e hapur. Trupat e tyre janë gjetur në pranverën e vitit 2011.

Prokuroria për Krime të Luftës (PKL), në datën 23 gusht të vitit 2006 ka ngritur aktakuzë kundër ish pjesëtarëve të brigadës intervenuese 124 të NjPP Sreten Popoviqit dhe Milosh Stojanoviqit për shkak të krimeve të luftës kundër të burgosurve të luftës.

Gjykata e Qarkut në Beograd, në datën 22 shtator të vitit 2009, ka sjellë aktgjykimin me të cilin, në mungesë të provave, të akuzuarit i ka liruar nga aktakuza. Pas ankesës së prokurorisë, Gjykata e Apelit në Beograd, në datën 1 nëntor të vitit 2010, e ka hedhur aktgjykimin dhe e ka kthyer lëndën në gjykatën e shkallës së parë për rigjykim.

Në rigjykim, gjykata e Lartë në Beograd, në datën 9 maj të vitit 2012 prapë ka sjellë aktgjykim lirues, kurse në datën 18 janar të vitit 2013 Gjykata e Apelit në Beograd e ka konfirmuar aktgjykimin lirues. Gjykimin e kanë karakterizuar obstruksionet nga ana e MPB-së dhe kërcënimet për punonjësit e policisë, të cilat kanë dëshmuar gjatë gjykimit.

Sipas provave të paraqitura gjatë gjykimit dhe të dhënave publikisht në dispozicion, vrasjen e Agronit, Yllit dhe të Mehmetit e ka urdhëruar Ministri i asokohshëm i Punëve të Brendshme, Vllajko Stojiljkoviqi.

Urdhri është përcjellë nëpërmjet të zinxhirit komandues deri te ekzekutori. Në zinxhirin e komandës është gjetur kryeshefi i asokohshëm i Resorit të Sigurisë Publike, Vlastimir Gjorgjeviqi, i dënuar nga Tribunali i Hagës për krime në Kosovë, si dhe komandanti NjPP dhe i Qendrës së Mësimit në Petrovo Selo, kurse sot biznesmeni, themeluesi i organizatës joqeveritare Qendra për Studimin e Terrorizmit dhe anëtari i Këshillit qendror të Partisë progresiste serbe, Goran Radosavljeviqi, Guri.

Vrasja e Mehmetit, Yllit dhe Agronit është subjekt i veprimeve hetimore të PKL dhe MPB-së tash e dhjetë vite. Vazhdimësia e mossuksesit në ndriçimin e këtij rasti tregon se kryerësit e krimeve në Serbi nga vitet nëntëdhjetë ende janë më të fortë se sa institucionet dhe sundimi i ligjit”, thuhet në kumtesë.

SHBA-ja vazhdon ta thërrasë Serbinë që t’i gjejë vrasësit e vëllezërve Bytyçi

Ambasada amerikane në Beograd, ka shfaqur brengën e saj pse askush deri më sot nuk është dënuar për vrasjen e shtetasve amerikanë; Agron, Yll dhe Mehmet Bytyçi, në vitin 1999.
Gjykata për krime të luftës në Beograd, ditë më parë, ka liruar ish-pjesëtarët e Ministrisë së Brendshme të Serbisë, Sreten Popoviq dhe Millosh Stojanoviq, të cilët akuzoheshin për ndihmë në vrasjen e vëllezërve Bytyçi, në vitin 1999.

Ata janë të akuzuar se vëllezërit Ylli, Agron dhe Mehmet Bytyçi i kanë dorëzuar tek pjesëtarët e panjohur të Ministrisë së Brendshme të Serbisë, të cilët i kanë vrarë më 9 korrik të vitit 1999, në vendin Petrovo Sello.

Vëllezërit Ylli, Agron dhe Mehmet Bytyçi luftuan në Kosovë në radhët e Ushtrisë Çlirimtare të Kosovës në kuadër të "Brigadës së Atlantikut", ndërsa ishin arrestuar nga autoritetet serbe "për shkak të kalimit ilegal të kufirit". 

    

Ambasadori i SHBA-së në Serbi Kyle Scott ka thënë se zgjidhja e rastit të vrasjes së vëllezërve Bytyçi në vitin 1999, është prioritet në marrëdhëniet e SHBA-së dhe të Serbisë.

"Vrasja e tre amerikanëve duhet të hetohet në mënyrë adekuate dhe të plotë. Drejtësia për Yll, Agron dhe Mehmet Bytyçin duhet të jetë prioritet në marrëdhëniet tona bilaterale”, është përgjigjur Scott në pyetjen e gazetës “danas” nëse me kryetarin e Serbisë Vuçiq ka folur për këtë rast.

Scott ka thënë se me Vuçiqin ka folur për shumë tema, “porse për shkak të respektit ndaj bashkëbiseduesit”, nuk mund të flas për detajet e bisedave.

"Thënë përgjithësisht, SHBA-ja vazhdon ta thërrasë pushtetin e Serbisë që ta zgjidhë rastin e vëllezërve Bytyçi", ka thënë Scott.




Shtetasit amerikanë me origjinë nga Kosova, Mehmet (21), Agron (23) dhe Ylli (25) Bytyçi janë arrestuar në vitin 1999 pas hyrjes në kufirin e Serbisë dhe më pas ishin vrarë.

Trupat e tyre janë gjetur në pranverën e vitit 2001 në varrezën masive të Petrovo Sellos.

Ata, duarlidhur, ishin vrarë me plumb në kokë.

Blessings of the Albanian Catholic Churches in Shas as they are serbian angers Albanians

The metropolitan of the Serbian church and its followers is forbidden to keep the liturgy inside the church of St. John in Shas by the police.

After the clash at the entrance to the old city of Shas where local residents blocked the way of Serbian church followers, police opened the way but did not leave them to enter the St. John's church in Shasta Castle, where it was planned previously the activity, writes Ulcinj Online.

According to the information the police took this action because the activity of the Serbian church was not announced on time but also after the appeal of the Ministry of Culture - the Directorate for the Protection of Cultural Heritage and the Albanian National Council as there were indications that the disruption of the order may occur public calm.

Amfilohija arrived at the site where there were about 365 Albanian Catholic churches and they blessed them as Serbian churches. Revolted, residents have not spared insults and defamations against the priest by defending their Albanian identity.

"You are not welcome that way. These items are ours, we have saved them and we will keep them, "said among other Albanians. After the tensions the road was unlocked to pass the followers of the Serbian Orthodox Church and the passage of local residents to the archaeological site was blocked.

The Montenegrin Metropolitan is known for his anti-Albanian views and statements, which he has done in Shkodra, bringing many debates a while ago.

Serbian media reported that the Montenegrin police forbade liturgy in Shas.

Bekimi i kishave shqiptare si serbe në Shas zemëron shqiptarët

Mitropoliti i kishës serbe dhe ndjekësve të tij i është ndaluar mbajtja e liturgjisë brenda kishës së Shën Gjonit në Shas nga ana e policisë.

Pas përplasjes së ndodhur në hyrje të qytetit të vjetër të Shasit ku banorët vendas bllokuan rrugëtimin e ndjekësve të kishës serbe, policia iu hapi rrugën por që nuk i la për të hyrë në kishën e Shën Gjonit në Kalanë e Shasit, aty ku edhe ishte planifikuar më parë aktiviteti, shkruan Ulqini Online.

Sipas informacioneve policia e mori këtë veprim pasi aktiviteti i kishës serbe nuk ishte i lajmëruar me kohë, por edhe pas apelit të Ministrisë së Kulturës – Drejtoria për mbrojtjen e trashëgimisë kulturore dhe Këshillit Kombetar Shqiptar pasi ka pasur indikacione që mund të ndodhë prishja e rendit dhe qetësisë publike.

Amfilohija mbërriti në vendin ku ka pasur rreth 365 kisha katolike shqiptare dhe ato i bekoi si kisha serbe. Të revoltuar, banorët nuk i kanë kursyer ofendimet dhe sharjet ndaj priftit duke dalë në mbrojtje të identitetit të tyre shqiptar.

”Nuk jeni të mirëseardhur në këtë mënyrë. Këto objekte janë tonat, ne i kemi ruajtur dhe ne do t’i ruajmë”, u shprehën ndër të tjera shqiptarët. Pas tensioneve u zhbllokua rruga për të kaluar ndjekësit e Kishës ortodokse serbe dhe u bllokua kalimi i banorëve vendas për në lokalitetin arkeologjik.

Mitropoliti malazez njihet për pikëpamjet dhe deklaratat e tij antishqiptare, të cilat i ka bërë edhe në Shkodër, duke sjellë debate të shumta pak kohë më parë.

Mediat serbe raportojnë se atij policia malazeze ia ndaloi mbajtje e liturgjisë në Shas.

Banorët e fshatit Martinaj: Jemi të gjithë shqiptarë

Fshati Martinaj është një nga zonat më të thella në Mal të Zi në kufi me veriun e Shqipërisë me rreth 350 banorë që të gjithë me kombësi shqiptare.
Tre dite me pare 23 banore u arrestuan nga policia me akuzën pengimit te punimeve per ndërtimin e nje kishe ortodokse serbe ne fshatin e tyre. Pas dënimit me gjobe deri ne 240 euro, 23 te arrestuarit jane lene te lire. Vendi i caktuar per ndërtimin e kishës eshte bere shkaku i konflikt me motiv etnik dhe fetar mes banoreve shqiptare dhe policisë malazeze.
Pertej telave me gjemba, qe eshte rrethuar vendi, qendrojne shqiptaret te vendosur qe kisha te mos ndertohet. Tre prej te ndaluarve nga policia shprehen pak ore pasi jane lene te lire, se ndërtimi i nje kishe ortodokse ne një fshat ku jane 100 për qind shqiptarë, te besimit mysliman dhe e gjitha toke ne prone te shqiptarëve ka vetëm qellim provokim te konfliktit.
"U arrestuam padrejtësisht nga ushtria malazeze. Kisha Ortodokse serbe ka uzurpuar pronën tonë në mes të fshatit dhe tenton që të ndërtojë një kishë serbe", thotë Bujar Hasangjekaj, një prej të ndaluarve .
"Ky veprim i tillë është presion ndaj nesh. Edhe paraardhësve tanë iu është bërë presion duke ia ndryshuar gjuhën, kombin, emrin për këtë çështje", thotë Shaban Prelvukaj, një tjetër i ndaluar.
Ne fshatin Martinaj nuk ka shume lëvizje, megjithatë qetesia duket shume e përkohshme. Banoret po organizohen per te mbrojtur zonën e tyre.
Banorët e fshatit Martinaj janë të vendosur të mos lejojnë ndërtimin e kishës, por përtej kësaj më shqetësues është fakti se të drejtat e shqiptarëve në Mal të Zi vazhdojnë të cenohen.

Kryeprifti serb msynë tokat shqiptare në Shas të Ulqinit

FRANK SHKRELI

Mediet vendore të Ulqinit njoftojnë se të djelën udhëheqsi i Kishës ortodokse serbe në Mal të Zi, Amfilohije -- i cili është i lidhur shumë ngushtë me Kishën Ortodokse Serbe me qëndër në Beograd --me një grup prej afro150-vetash ndjeksish të tij, vizitoi fshatin Kalanë e Shasit me qëllim që të mbante ceremoni fetare në gërmallat e Kishës së Shën Gjonit, njërës prej 365 kishave që thuhet se ekzistonin dikur aty në Shas. Kjo nuk është hera e parë që elementë të Kishës Ortodokse serbe janë përpjekur që, që në vitet e fundit, të vizitojnë këtë vend historik për shqiptarët, me qëllim për të përvetësuar jo vetëm gërmadhat e sotme por edhe historinë që ato bartin gjithnjë për Kombin shqiptar.
Sidoqoftë, duket se pas një përleshjeje me dhjetra banorë vendas që donin të bllokonin vizitën e kryepriftit serb në atë zonë, policia e lejojë atë që të shkonte deri tek Kisha e Shën Gjonit në Shas, por siç duket nuk e lejuan të futej brenda për të kryer një ceremoni fetare, ashtu siç kishte në plan, sipas portalit Ulqinionline. “Nuk jeni të mirë se ardhur në këtë mënyrë. Këto objekte janë tonat, ne i kemi ruajtur dhe ne do t’i ruajmë”, kështu iu drejtuan Amfilohijes banorët vendas që kishin bllokuar rrugën, shkruan portali Ulqinionline. Kjo masë e policisë u mor, jo se kishin ndonjë kundërshtim me vizitën e udhëheqsit të Serbisë në Shas, por thuhet se ai nuk kishte bërë një kërkesë me kohë për një ceremoni të tillë fetare atje.

Pas përleshjeve të banorëve me policinë, u zhblokua rruga ndërkohë që njoftohet gjithashtu se policia nuk mori në konsiderim bllokimin e vizitës së Amfihelijes në Shas, as në bazë të një apeli nga Ministria e Kulturës – Drejtoria për mbrojtjen e të mirave kulturore dhe as nga Këshilli Kombëtar Shqiptar në Mal të Zi, pasi, sipas tyre, ka pasur shënja se mund të vijë deri tek prishja e rendit dhe qetësisë publike atje – si pasoj e vizitës provokuese të udhëheqsit të Kishës ortodokse serbe, në Shas të Ulqinit – i ftuar atje nga askush.

Mediet vendore njoftuan se organizata politike të shqiptarëve në Mal të Zi protestuan vizitën e Kryepeshkopit serb në Shas duke u bërë thirrje autoriteteve shtetërore dhe vendore që “parandalojnë këtë “fushatë serbo-pravosllave”, në Shasin e lashtë mijëvjeçar, sipas një kumtese të Lidhjes Demokratike në Mal të Zi. Ndërsa, në një komunikatë tjetër, në vigjilje të vizitës së udhëheqsit kishtar serb në Shas, Këshilli Kombëtar i Shqiptarëve në Mal të Zi, drejtuar autoriteteve vendore dhe shtetërore të atij vendi thotë se, “Banorët e kësaj zone janë shumë të shqetësuar dhe të revoltuar për këtë ngjarje të paralajmëruar dhe e konsiderojmë si provokim dhe sulm ndaj trashëgimisë sonë kulturo-historike me qëllime kryekëput tendencioze”, dhe u bëhetë thirrje institucioneve kompetnete të Malit të Zi që të, “marrin të gjitha masat e nevojshme për parandalimin e aktiviteteve të tilla provokuese ndaj popullësisë vendase dhe trashëgimisë së tyre kulturore”, thuhet në komunikatën e Këshillit Kombëtar të Shqiptarëve në Malin e Zi.
Kjo përpjekje provokuese nga autoritetet politike dhe kishtare serbe ndaj historisë dhe kulturës shqiptare nuk është e para dhe jam i sigurt se nuk do të jetë as e mbramja. Por lind pyetja se ç’kërkon kryeprigfti serb ortodoks në trojet shekullore shqiptare për të kryer ceremoni fetare në një kishë, që sipas historianëve, kanë qenë kisha të riti romak, kisha pra të katolikëve shqiptarë dikur. Shasi dhe as historia e tij nuk kanë të bëjnë aspak me fenë ortodokse serbe as me kulturën dhe historinë sllave. Shasi që gjëndet midis Shkodrës dhe Ulqinit, sipas historianëve, ka qenë dikur një prej katër “qyteteve satelitë” të Shkodrës, me shekuj qëndër me rëndësi e Kishës Katolike Shqiptare dhe e kulturës iliro-arbërore.

Gjatë sundimit të regjimit komunist jugosllav nuk flitej asgjë për historinë e lashtë të këtij qyteti. E mbajë mend si fëmij, pasi jam lind e rritur krejt afër qytetit të vjetër të Shasit, kur të moshuarit na thonin se sipas gojdhanave Shasi ka patur dikur 365 kisha, secila e pagëzuar pas një shënjti ose shënjtëreshe të Kishës Katolike, një kishë për çdo ditë të vitit. Megjithëse për çdo ditë kalonim aty afër gërmadhave të qytetit të vjetër të Shasit, askush nuk fliste për historinë mijëra vjeçare të tij, madje as mësuesit e shkollës fillore që frekuentonim aty afër në Katërkollë nuk mbaj mend ta përmendin ndonjë herë atë vend historik.

Pas shëmbjes së komunizmit, kemi mësuar se politika komuniste sllave i kishte dhënë urdhër historianëve dhe arkeologëve të saj që të mos bënin hulumtime aty, por ta lënin në heshtje pa e zbuluar historinë e Shasit, “Qytetit ilir që u fsheh nga sllavët”, duke mos dashur dhe duke mos lejuar, për arsye etnike dhe politike, të zbulohej historia e tij e vërtetë iliro-arbërore. Fatbardhësisht viteve të fundit vihet re një interesim i ri për Shasin dhe historinë e këtij të qyteti të lashtë iliro-arbëror nga banorët shqiptarë të atyre viseve por edhe nga intelektualët shqiptarë. Por ky interesim i ri, duket se ka tërhequr edhe vëmendjen e sllavëve, e sidomos të kishës serbe, në përpjekje për të vjedhur historinë kishtare të shqiptarëve, ashtu siç ka bërë në dhumë raste edhe në Kosovë.

Prandaj lindë pyetja, ç’lypë udhëheqsi i Kishës ortodokse të Malit të Zi, në gërmadhat e kishave katolike shqiptare të stilit romak në Shas, ku deri para disa viteve, historiografia sllave i kishte lënë në heshtje dhe si rrjedhim në shkatërrim e sipër, duke mos dashur të zbulonte origjinën e vërtetë iliro-arbërore të tyre. Vizita e Amfihellijes ose të tjerëve të llojit të tij, më heret në Shas – nuk është asgjë tjetër veçse një provokim dhe një përpjekje e shëmtuar nga ana e autoriteteve fetare serbe për të tjetërsuar të vërtetën historike duke vjedhur historinë iliro-arbërore në trojet shekullore shqiptare.

Nuk janë vetëm autoritetet vendore shqiptare – por edhe autoritetet e dy shteteve shqipotare në Shqipëri dhe në Kosovë, ato që duhet tu dalin zot këtyre monumenteve kombëtare, siç është Shasi. Por në mungesë të ruajtjes dhe të mbrojtjes së monumenteve shqiptare anë e mbanë trojeve arbërore -- nga autoritetet shqiptare në Tiranë dhe në Prishtinë -- kundër këtyre hienave grabitqare antishqiptare, të cilat kanë për synim të vjedhin ose të ndryshojnë historinë e shqiptarëve në trojet e veta – duhet të përshëndesim banorët e Shasit dhe të Anës së Malit, të cilët iu kundërvunë dje këtyre përpjekjeve anti-shqiptare sllave duke bllokuar sadopak dhe planet provokuese të vizitës së përfaqsuesit të Kishës serbe në Shasin shqiptar.

Shasi antik simbolizon një dimension vlere kulturore jo vetëm shqiptarët, por edhe për europianët dhe mund të themi së është madje edhe vlerë e qytetërimit botëror. Prandaj, vlerat historike të Shasit – nuk janë të sllavëve as të Kishës ortodokse serbe sepse ata kanë ardhë tepër vonë atje -- por i përkasin jo vetëm mbarë shqiptarëve por edhe gjithë njerëzimit dhe si të tilla duhet të ruhen dhe të mbrohen si vlera të përbashkëta e të jashtzakonshme për brezat e ardhshëm. Identiteti kulturor historik e kombëtar i shqiptarëve nuk duhet të lihet në dorë të hajdutëve të huaj dhe as atyre që nuk kujdesen për mbrojtjen e vlerave historike dhe kombëtare të shqiptarëve!