Zbulohet se çfarë biseduan Obama, Clinton e Trump gjatë funeralit të George H.W. Bush

Ishte një ngjarje e jashtëzakonshme që mblodhi kundërshtarët politikë dhe i detyroi ata të ishin pjesë në disa ndërveprime, disa madje jo të lehta.

Derisa bota ka shikuar bashkë rivalë dhe miq si çifti Obama, Klinton dhe Trump, derisa përshëndetën njëri-tjetrin në funeralin e tanimë të ndjerit ish-presidentit George H. Ë. Bush, të mërkurën, ishte pothuajse e pamundur të thuhej se çfarë thoshin me buzëqeshjet dhe buzët e tyre.

Por, tani më, një “lexues i buzëve” ka zbuluar disa nga bisedat e tyre, shkruajnë mediat e huaja, përcjell Telegrafi.

Sipas Larry Wenig, shkëmbimet e fjalëve ishin të gjitha miqësore.

Kur ish-nënpresidenti Dick Cheney përshëndeti Barak Obamën, ai e mirëpriti atë me një buzëqeshje: “Mirë që të shoh ty z. President”.

Ndërkohë Hillary Clinton dhe Michelle Obama biseduan të qeta me njëra-tjetrën para se të uleshin në vendet e tyre.

Sipas Wenig, Hillary i tha Michelle: ‘Më pëlqen’ dhe ‘unë jam aq krenar për ju’. Nuk është e qartë se çfarë po i referohej, por gjithashtu përmendi ‘familjen’. Ka të ngjarë që ato po flisnin për librin e sapo publikuar të Michelle, “Becoming”.

Megjithatë, po sipas tij, Hillary kishte një shkëmbim pak më të ngrirë me zëvendëspresidentin Mike Pence dhe gruan e tij Karen.

Kareni dukej sikur e kishte ftuar Hillaryn për diçka dhe ajo e pranoi ftesën kur u takuan ballë për ballë, duke thënë: ‘Më ftove në një ngjarje’.

Nuk është e qartë se çfarë u tha tjetër mes tyre.

Për fat të keq, Ivanka Trump dhe Chelsea Clinton, dikur miq, tanimë armiq politikë, ishin ulur shumë larg prapa në karrige për t’u kuptuar.

Ndërsa eksperti i gjuhës së trupit Dr. Lillian Glass gjithashtu kap momentin se si ndryshoi humori kur Presidenti Trump dhe Zonja e Parë Melania Trump morën vendet e tyre, pranë çiftit Obama dhe Klinton.

“Ju e shihni, Obama është shumë i tensionuar. Ai ka një buzëqeshje shumë ‘mashtruese’…”.

“Sytë e tij nuk janë duke lëvizur. Michelle ka një buzëqeshje ‘mashtruese’, sytë e saj nuk janë duke lëvizur gjithashtu”.

Studentët nga Shqipëria dhe Kosova në Sllovaki i bashkohen protestës

Lëvizja e studentëve të cilët protestojnë për një arsim më cilësor në Shqipëri, po merr përmasa çdo ditë e më të mëdha. Ndërsa studentët e Universitetit të Tiranës dhe qyteteve të tjera janë në ditën e gjashtë të protestës, studentë shqiptarë që studiojnë jashtë kanë shfaqur gjithashtu mbështetjen e tyre.

Në redaksinë e Opinion.al po mbërrijnë fotografi të studentëve jashtë që solidarizohen me kolegët e tyre në Shqipëri. Studentët janë shqiptarë të cilët kanë vendosur të arsimohen jashtë për një të ardhme më të mirë.

“Studentët e Shqipërisë dhe Kosovës në Sllovaki ju mbështesin,” shkruajnë të rinjtë në mesazhin e dërguar. Ndërkohë në pankartat e tyre shkruhet “Këtu arsimin e kemi falas,” dhe “Student në Sllovaki, më lirë se në Shqipëri”.

Studentët shqiptarë në Bullgari solidarizohen me protestuesit

Protestës së sudentëve në mbarë Shqipërinë u janë bashkuar edhe të rinjtë që jetojnë jashtë kufijve shqiptar.

Duke u solidarizuar ata kanë shprehur mbështetjen e tyre për studentët shqiptarë. Këtë herë në redaksin e Opinion.al ka mbërritur një foto e studentëve shqiptarë në univesitetin “American University in Bulgaria”.

Ata shprehen se janë solidarizuar me studentët shqiptar sepse kërkesat e tyre janë të drejta: “E ndjenim për turp të mos solidarizoheshim, duhet të bënim një organizim patjetër, sado i vogël të ishte”, shprehet njëra prej studenteve me origjinë shqiptare, por që studion në këtë Universitet në Bullgari

Presidenti serb Aleksandar Vuçiç: : Jam i shqetësuar nga çmenduria e Prishtinës

Presidenti serb Aleksandar Vuçiç, tha të dielën se Kosova është e gatshme për masa të reja kundër Serbisë dhe serbëve në Kosovë. Një gjë të tillë e paralajmëroi një ditë më parë dhe Haradinaj, në stilin “nuk keni parë gjë akoma”. Vuçiç foli për tre masa të reja, por nuk i specifikoi se cilat janë ato. As Haradinaj nuk i specifikoi.

Presidenti serb shton se shteti do të marrë vendime për masat e reja të Kosovës vetëm kur dhe nëse merren.

“Unë mendoj se është e rëndësishme për që të tregohemi të qëndrueshëm dhe të fortë, dhe gjithmonë të qetë; të rezistojmë duke i kundërshtuar masat dhe në përputhje me rrethanat të marrin vendime”, tha Vuçiç.

Sipas tij, Kosova po na përcjellë shqetësim, frikë dhe ankth, sepse, siç tha, këtë po e tregon fakti se “çmenduria e Prishtinës është bërë e pakufishme,” dhe se askush në komunitetin ndërkombëtar nuk e ndal këtë çmenduri.

“Fajësojnë komunitetin ndërkombëtar, i cili nuk e ka penguar tarifën prej 10 për qind”, theksoi Vuçiç.


****

Vuçiq në panik: Kosova po përgatit tri masa të reja ndaj Serbisë, secila më e rëndë se tjetra

Vuçiq në panik: Kosova po përgatit tri masa të reja ndaj Serbisë, secila më e rëndë se tjetra
Presidenti serb Aleksandar Vuçiq tha sot se Kosova është e gatshme të aplikojë masa të reja ndaj Serbisë, duke thënë se bëhet fjalë për tri masa të vështira që mund të ndërmerren, por pa treguar se për çfarë bëhet fjalë.

I pyetur nga gazetarët nëse ka vlerësime se çfarë veprimesh të tjera mund të ndërmerr Prishtina, pas aplikimit të taksës 100 për qind, Vuçiq tha se “bëhet fjalë për tri veprime të cilat do të mund të përpiqen t’i ndërmarrin dhe nuk dihet se cila është më e keqe se tjetra për ne”.


“Por, unë nuk mendoj se ndonjë prej këtyre gjërave është e mirë në periudhë afatgjatë për të [Haradinajn). Ai është që i shikon gjërat në afat të shkurtër, sikurse edhe disa nga kundërshtarët tanë politikë. Shumë në afat të shkurtër i shikojnë gjërat”, tha Vuçiq prcjell Telegrafi.

Siç raporton Tanjugu serb, Vuçiq deklaroi se shtoi se shteti do të marrë vendime lidhur me masat e reja të Kosovës vetëm kur atëherë kur të ndërmerren nga pala kosovare.

“Mendoj se është e rëndësishme që ne të tregojmë rezitencë dhe kundërshtim të qëndrueshëm dhe të fortë, por gjithmonë të qetë, ndaj masave të tilla. Por do të shohim se çfarë do tëndërmarrin dhe në përputhje me atë do të marrim vendime”, tha Vuçiq.

Sipas tij, Kosova po i shkakton më së shumti shqetësim, frikë dhe ankth, sepse, thotë se “çmenduria” e Prishtinës është e pafund, dhe askush nga bashkësia ndërkombëtare nuk po e ndalë këtë “çmenduri”.

“Fajtore është bashkësia ndërkombëtare që nuk e ka ndaluar taksën prej 10 për qind. Tani dikush po fiton popullaritet, që tashmë është një shkallë e masave të pakuptimta dhe përdoret për qëllime të brendshme. Kjo më shqetëson”, tha presidenti serb.

Përfshirja e rinisë studentore shqiptare në debatin për ndryshimet kushtetuese në Maqedoni është e domosdoshme

Akademik Prof.Dr. Abdulla Mehmeti,Ph.D

Ku është zëri i rinisë studentore shqiptare në Maqedoni? Kush e ka dezorientuar, defokusuar, frikësuar dhe përulur, e ka heshtur zërin e rinisë studentore në Maqedoni, për cilat qëllime dhe arsye?

Sot, kur me ndryshimet e reja kushtetuese në Maqedoni vendoset për fatin e gjuhës shqipe, të arsimit në gjuhën amtare, të kufizuar me kushtetutë vetëm në arsimin fillor dhe të mesëm (ligjet janë të përkohshme dhe të pamjaftueshme për sigurimin e kësaj të drejte të ligjshme), jo edhe në institucionet e arsimit të lartë dhe në universitete, kush duhet t’u del zot këtyre të drejtave të ligjshme të popullit shqiptar, para së gjithash të rinisë, shkelja dhe mohimi i të cilave rininë studentore shqiptare e bëjnë të pabarabartë me moshatarët e tyre në vend dhe kudo në botë!

Rinia studentore shqiptare ka më tepër se çdokush tjetër të drejtë ta ngen zërin e saj të arsyes, të bëhet pjesë aktive e debatit për këto ndryshime kushtetuese, të zgjohet kundër kësaj padrejtësie që i bëhet, sepse e ardhmja i takon asaj, jo burokratëve të pushtetit dhe politikës, të cilët kanë keqpërdorur dhe zhvatur gjithçka deri më sot nga djersa e popullit dhe pasuria e këtij shteti!

(Abdulla Mehmeti (Voka) u lind në Shipkovicë të Tetovës, më 2 janar 1962. Shkollën fillore e kreu në vendlindje, ndërsa shkollën e mesme në Gjimnazin e Tetovës. Arsimin e lartë e kreu në Universitetin e Prishtinës, Fakultetin e Filologjisë - Dega Letërsi dhe Gjuhë Shqipe. Njëkohësisht studioi me korrespodencë edhe në Fakultetin Juridik të po këtij Universiteti. Studimet pasuniversitare i ka ndjekur në Universitetin e Shkupit, për kulturologji në fushën e letërsisë.

Gjatë kohës së studimeve në Prishtinë, morri pjesë aktive në lëvizjen studentore dhe demonstratat e vitit 1981. Për bindjet e tij politike u dënua me burg dhe iu morën të gjitha të drejtat qytetare, për shkollim të mëtejmë, punësim dhe zhvillimin e veprimtarive publike.

Me fillimin e proceseve demokratike, pas shpërbërjes së Jugosllavisë, në vitin 1990 bashkë me intelektualë të tjerë dhe ish të burgosur dhe të përndjekur për bindje politike, u angazhua në aksionin e madh popullor për Pajtimin e gjaqeve, kryesisht në fshatrat e Malësisë së Tetovës.

Në janar të vitit 1990 e përgatiti Programin dhe formoi Këshillin nismëtar për themelimin e Bashkësisë Kulturore Shqiptare në Maqedoni, kuvendi themelues i së cilës u mbajt më 19 gusht 1990, në Shipkovicë të Tetovës. Pushteti i atëhershëm në Maqedoni, themelimin e kësaj organizate e luftoi me të gjitha format dhe mjetet, duke përdorur kërcënime dhe montime të proceseve gjyqësore për nismëtarët dhe aktivistët e kësaj organizate.

Në vitin 1991, në kuadër të Bashkësisë Kulturore Shqiptare e ngriti iniciativën për mbajtjen e Simpoziumit shkencor "Shqiptarët e Maqedonisë", i cili i zhvilloi punimet në Medresenë "Isa Beu", në Shkup, më 20, 21 dhe 22 dhjetor 1991. Kontributet shkencore të këtij Simpoziumi më vonë shërbyen si Platformë për zhvillimin e veprimtarisë politike, kulturore, arsimore dhe veprimtarive të të tjera shoqërore dhe kombëtare të shqiptarëve në Maqedoni, në përpjekjet e tyre për liri dhe barazi, si dhe për ndërtimin e një shoqërie të re demokratike.

Në dhjetor të vitit 1993 e përgatiti Platformën për hapjen e Universitetit Shqiptar në Maqedoni, e cila u përkrah nga Kryesia e Bashkësisë Kulturore Shqiptare, në të cilën janë përfshirë strategjia dhe taktika e krijimit të këtij institucioni shumë të rëndësishëm për arsimimin në gjuhën amtare në nivel universitar të shqiptarëve në Maqedoni dhe më gjerë. Pas një varg aktivitetesh disamujore, kjo ide u kurorëzua me sukses, me mbajtjen e Kuvendit themelues të Universitetit të Tetovës, më 4 qershor 1994.

Gjatë viteve 1994 - 1998, ka iniciuar dhe organizuar me dhjetëra manifestime shkencore, arsimore, kulturore dhe artistike, si simpoziume, tribuna shkencore, debate, tryeza të rrumbullakëta, festivale artistike dhe letrare, ekspozita, akademi për ngjarje dhe personalitete të shquara të historisë dhe kulturës kombëtare, si dhe ka nxitur dhe botuar një varg veprash të rëndësishme shkencore dhe letrare nga autorë të rëndësishëm shqiptarë, përmes edicionit të botimeve të Bashkësisë Kulturore Shqiptare.

Gjatë kohës së regjimit komunist iu ndalua punësimi dhe zhvillimi i çdo veprimtarie publike, por edhe gjatë periudhës së mëvonshme, duke mos u pajtuar me filozofinë e veprimit të partive politike shqiptare që vepronin gjatë kësaj periudhe, do të mbetet anësh rrjedhave politike, si veprimtar, studiues dhe krijues i lirë, deri në vitin 2002, kur për herë të parë u punësua si profesor i gjuhës dhe komunikimit në Shkollën e mesme për kuadro të ekonomisë "Mosha Pijade", në Tetovë, kryesisht me ndihmën e disa shokëve, jo përmes partive politike që vepronin atë kohë në Maqedoni. Vetëm pas një viti do të largohet nga puna, për arsye të panjohura, të motivuara nga politika ditore dhe qarqet antishqiptare në radhët e partive politike shqiptare në Maqedoni.

Në vitin 2007, me ndihmën e disa profesorëve nga Universiteti i Prishtinës dhe Universiteti i Tiranës, të cilët atë kohë ishin të angazhuar në Universitetin Shtetëror të Tetovës, u punësua për herë të parë në këtë Universitet, me detyrë ta themelojë dhe organizojë Seminarin e Albanologjisë në kuadër të këtij Universiteti. Në cilësi të Sekretarit të këtij Seminari, vetëm pas disa muajsh e inicioi zyrtarisht themelimin e këtij Seminari, i cili u pranua si njësi akademike e Universitetit, dhe po këtë vit i mbajti punimet për herë të parë, në Ohër.

Deri më tani ka publikuar me dhjetëra punime shkencore, publicistike, analiza politike dhe studime për kulturën, gjuhën dhe letërsinë shqipe, në shumë gazeta, revista dhe publikime të tjera. Ka marrë pjesë në disa konferenca, simpoziume, tribuna dhe manifestime të tjera shkencore.

Përveç që kryen detyrën e kryetarit i disa asociacioneve kulturore dhe shkencore shqiptare në Maqedoni, si: kryetar i Bashkësisë Kulturore Shqiptare, kryetar i Forumit Kombëtar të Forcave të Bashkuara, është edhe anëtar i organeve drejtuese të disa asociacioneve kulturore dhe shkencore brenda dhe jashtë vendit, ku merr pjesë aktive në organizimin e veprimtarisë së tyre.

Në shkurt të vitit 2016 është zgjedhur Shef i Seksionit për Evropën, i Akademisë Shqiptare Amerikane të Shkencave edhe Arteve, dhe anëtar i Bordit të Drejtorëve të kësaj Akademie, me seli në Nju Jork, si dhe Kryetar i Degës në Maqedoni të kësaj Akademie (me shtrirje të aktiviteteve edhe Shqipëri, Kosovë dhe Mal të Zi), me seli në Shkup.

Aktualisht jeton në Tetovë dhe punon në Universitetin Shtetëror të Tetovës.)

Presidenti maqedonas Gjorgje Ivanov do të përfundojë në burg?!

Presidenti maqedonas Gjorgje Ivanov dhe qeveria e Maqedonisë po shkëmbejnë akuza në lidhje me ngjarjet e dhunshme të vitit të kaluar në parlament. Presidenti Ivanov i hedh poshtë akuzat se ai po planifikonte shpalljen e gjendjes së luftës në vend, natën e 27 prillit të 2017-s kur turma e sulmuesve hyri më forcë në parlament dhe ushtroi dhunë ndaj ligjvënësve.
Ndërkohë, siç raporton Zëri i Amerikës, procesi gjyqësor për rastin po nxjerr në pah momente të reja që lënë të kuptohet se ish-zyrtarë të lartë të sigurisë ishin përfshirë në organizimin e ngjarjeve.

Presidenti maqedonas Gjorgje Ivanov pas një pauze të gjatë në paraqitjet mediatike, vendosi të fliste për akuzat që ai vlerëson se po ia kurdisë pushteti në lidhje me ngjarjet e dhunshme të 27 prillit të vitit të kaluar në parlament. Dëshminë e njërit prej të akzuarve në proces gjyqësor që thotë se sekretari i përgjithshëm i presidentit Ivanov ishte i pranishëm natën e 27 prillit në shtabin e VMRO-së me drejues të shërbimit sekret që po planifikonin dhunën ndaj deputetëve në parlament dhe për planin e presidentit që të shpallte gjendje të jashtëzakonshme, zoti Ivanov e ka hedhur poshtë si të pavërtetë dhe insinuata të pushtetit aktual.

“Nuk ka pasur asnjë skenar për gjendje lufte apo të jashtëzakonshme më 27 prill”, tha presidenti maqedonas, ndërsa hodhi akuza ndaj pushtetit të tanishëm dhe gjyqësorit për një skenar dhe linçim të tij dhe njerëzve të kabinetit të tij.

“Për një vit e gjysmë unë si president i Maqedonisë dhe kabineti im jemi në shënjestër të vazhdueshme të lajmeve të rreme dhe shantazheve, me qëllim që të na përziejnë në ngjarjet e 27 prillit”, tha zoti Ivanov, duke shtuar se që prej atëherë akuzohet pa dëshmi kabineti i tij. Ai thotë se po ushtrohet trysni dhe kërcënim kundër tij duke akzuar në mënyrë të drejtpërdrejtë Drejtorinë për Siguri dhe Kundërzbulim siç njihet shërbimi sekret maqedonas, me qëllim të përuljes së tij dhe heqjes dorë nga qëndrimet lidhur me zhvillimet politike në vend dhe politikat e udhëhequra nga qeveria.

Por, ai shprehet se nuk heq dorë nga qëndrimet e tij.
Prokuroria e përgjithshme nuk i ka komentuar prononcimet e presidentit maqedonas, ndërsa hetimet mbi rastin e dhunës në parlament do të zgjerohen.
Lidhja Social Demokrate në pushtet thotë se ajo s’ka të bëjë me zhvillimet në gjyqësor lidhur me rastin dhe se prokuroria e gjykatat tash janë të lira të veprojnë pa trysni politike.

Ajo që mund të ndodh, mbase është nisma për një mocion mosbesimi në parlaent ndaj zotit Ivanov, por sipas analistëve është vështirë që ai të rrëzohet nga posti, me që shumica parlamentare nuk ka dy të tretat e votave dhe po të kishte, çështja duhet të kalojë në Gjykatën Kushtetuese ku përsëri me shumicën e dy të tretave të anëtarëve do të duhej të vendoset për të ardhmen e presidentit.

Nga ana tjetër, presidentit Ivanov i kanë mbetur edhe pak muaj në detyrë. Në prill të vitit të ardhëshëm duhet të mbahen zgjedhjet presidenciale. Pas zhveshjes së Ivanovit nga imuniteti nuk është për t’u habitur, sipas ekspertëve, që ai të japë llogari për pengesat që po u bën disa ligjeve për të hyrë në fuqi eventualisht edhe për rolin e tij në nxitjen e dhunës në parlament.

Të jesh grua!

Nga Elisa Gjerani

Ka kohë që kalendari që rri varur në një prej mureve të dhomës sime, e ka ndjerë veten të tensionuar…

Ka disa muaj…që të konvertuara në shikime bëjnë shumë…

E kam shigjetuar qindra herë nga i njëjti shikim… zhbirues dhe pyetës njëkohësisht.

Më është dukur sikur ditët kanë kaluar me ritme më të ngadalta. Sikur shikimet e mia kërkuese për një ditë-datë të shënuar ta kishin dembelosur në thelb të gjithë mekanizmin kalendarik.

Dhe ja ku mbërriti dhe data 8 Mars, “Dita e Gruas”. Siç edhe dihet fillimisht më 8 mars 1875 në ndërmarrjen e tekstilit në Nju Jork gratë u ngritën në protestë kundër kushteve çnjerëzore të punës, orarit të gjatë dhe pagave të ulëta.

Padurimi dhe frustrimi që i kam bërë kalendarit tim të dashur ka pasur lidhje me këtë ditë, dilema e të cilës qëndron në të trajtuarit e saj, si ditë protestë apo ditë festë?

Paçka se shoqëria shqiptare gjithnjë kësaj date i ka dhënë trajtat e një feste.

Shumë gra kanë pritur ashtu sikurse unë…por ndryshe nga unë, që jam kurioze se ç’do të bëhet këtë vit.

Nuk i vë faj grave, të cilat në shumicën e rasteve mezi e presin këtë ditë, për të dalë për disa orë me mikeshat e tyre, për të pirë kafen e mallit dhe të hallit, për të harruar për pak orë problemet e shumta familjare, për të lënë brenda mureve të shtëpisë detyrat e angazhimet si shtëpiake…

Skonto të papara në dyqane e qendra tregtare për 8 Marsit, oferta për udhëtime brenda dhe jashtë Shqipërisë, lokale ku mund të prenotohet, ku janë të ftuar Filani e Fisteku, të gjitha këto mbart kjo ditë, ku në fakt gratë duhet të ishin në shesh për të protestuar për të drejtat e tyre të nëpërkëmbura. Është njësoj si në kohët e para kur femrat partizane luftonin për çlirimin e vendit të tyre.

Më vjen gjithnjë shumë mirë, kur shikoj që disa nga personazhet aktiv të shoqërisë civile organizojnë gjithnjë aktivitete të shumta për këtë ditë, për të nxitur sensin e kërkimit të të drejtave.

Por të jesh grua në Shqipëri, çfarë do të thotë?

Të jesh grua sot në Shqipëri është e vështirë. Në rrugëtimin drejt sakrificave të shumta që duhet të bëj sot një grua, i duhet të duroj edhe peshën e madhe të paragjykimit,diskriminimit, dhunës.

Hedh sytë në rrugë e shoh gra të mira, gra të cilat nuk janë veçse një shembull i mirë për familjen, si nëna e bashkëshorte të devotshme, por edhe për gjithë shoqërinë.

Me sytë e mendjes vizatoj një grua të zbërthyer nga të gjitha paragjykimet, nga kornizat e kalbëzuara, një grua të lirë për të zgjedhur e për tu zgjedhur.

Ja se për çfarë duhet të shërbej 8 Marsi për të nxjerr përfytyrimin e gruas së vizatuar brenda nesh dhe për ta kërkuar atë në rrethin tonë shoqëror… për ta krijuar, kultivuar e latuar, për ta sjell në trajtat e asaj çka shkon më afër vizatimit tonë mendësor.

Një grua protestuese… për një jetë më të mirë, për plotësimin e disa të drejtave më shumë, për të kërkuar barazi gjinore, për të bërë të mundur që askush të mos ngrejë dorë mbi to.

Hedh sërish shikimin këtë herë më ngultaz, e shoh vështrime të trishtuara. Është gruaja shqiptare, imazhi i së cilës është përdhosur si mos më keq këto kohët e fundit.

Kur do të reshtin së qari këto krijesa sa të brishta aq edhe të forta…?

Kur do të reshtin së përdhunuari, së keqtrajtuari, së rrahuri…?

Kur do të reshtin së vrari, nga dora e meshkujve të tyre , që përveçse i kanë besuar trupin, i kanë dhuruar edhe fëmijë…?

Askush përveç zotit nuk mund të vendosi afate ekzistencash. Burra kuptojeni njëherë e mirë, dreqi ta hajë, nuk jeni ju zotërit e grave tuaja.

Gratë janë qeniet më të mrekullueshme, ato falin e dhurojnë dashuri pa limite, pa frikë harxhueshmërie, pa afate skadencash…

Ato prej kohësh kanë shërbyer si muza frymëzimi…Të ëmblat dhe të kuptueshmet, besniket dhe të bukurat, ato që dashurojnë pafund, me gjithë qenien e tyre, këto janë gratë…

Ato dashurojnë, dashurojnë dhe përsëri dashurojnë. Jeta e tyre është gjithnjë si nëpër ato filmat, ku regjisori shkon larg e më larg me imagjinatën e tij. A mos ndoshta është faji ynë dhe jo vetëm faj por edhe padije dashurore, që përfshihemi shpesh në disa gjëra që na bëjnë konfuze? Që na bëjnë të mos e thithim aq lehtë ajrin pastërtor që qëndron pezull?

Mos ndoshta ne e sforcojmë veten dhe shpesh zhgënjehemi se kemi më shumë pritshmëri se sa duhet të kishim për një ngjarje a dashuri që vjen papritur në jetën tonë e ne i hapim dyert ?
Ja këto janë gratë, që mendojnë për çdo detaj, që kërkojnë shkaqe dhe pasoja. Të gjitha vajzat edhe ato që së largu të lënë përshtypjen e femrave të hekurta janë në pritje të princit të tyre të kaltër. Dikush mund edhe të ketë reshtur së kërkuari, disa të tjera mund edhe të kanë gjetur disa cilësi e duke menduar se individi në fjalë do të arrij një shkallë më të madhe prefeksionizmi, e kanë pranuar atë ashtu siç është, disa të tjera, ato që kanë disi më shumë prendime se këto dy kategori të fundit nuk besojnë në përralla me princër e princesha.

E trajtojmë keq veten ne femrat, idealizojmë e më pas lëndohemi. Por përsëri dashurojmë më të gjithë fuqinë e shpirtit. Dashurojmë dhe kujdesemi deri në detaje për dashurinë tonë, duke e kërkuar shpesh fajin edhe tek vetja për shkak të disa zënkave që herë pas herë lindin në çift. Dashurojmë duke justifikuar e përligjur edhe tradhëti të mëdha e të vogla. E shkreta grua! Ajo ka rolin e saj në shoqëri, në familje, është një nënë shumë e mirë dhe një bashkëshorte e shkëlqyer ndaj përligj gjithnjë, për të pretenduar sadopak lumturi. Për të qenë gjithnjë e adhurueshme për sytë e bashkëshortit të saj dhe fëmijëve. Për tu dashur, e për të dashur, sepse është e drejta e liria themelore e njeriut, është kauza e madhe që mban gjallë zemrat tona, që na bën të zgjohemi në mëngjes edhe kur nuk ekziston dëshira, që na bën të shkojmë para pasqyrës dhe ti harrojmë rrathët e syve, që të rregullohemi e mbahemi se çdo ditë është e veçantë, për të qenë gjithnjë në qendër të vëmendjes, dhe jo për të pritur 8 Marsin për të bërë grim, e për të veshur rrobat e reja që dergjen në gardërobën tonë.

Çdo ditë është e veçantë kur është e mbushur me dashuri. Mundohuni të shijoni çdo ditë ne kalendarin tuaj, pa trysni negative, por me nuanca respekti. Ndaj dashuroni sa më shumë, për të përftuar grimca lumturie, çdo ditë e nga pak, çdo ditë e më shumë!