Poezitë për më të dashurat e Timo Fllokos; Vera, Linda dhe nëna, në librin e ri „Kërcim në bosh“ ....

Vera Grabocka është ndër regjisoret më të sukseshme në vendin tonë e cila ka zgjedhur që gjithmonë të qëndrojë në prapaskenë.  Bashkëshorti i saj Timo Floko i cili ka fokur për librin e tij të ri ka treguar edhe mbështetjen e madhe të Verës. Ai ka zbuluar edhe një sekret të regjizores përsa i përket interpretimit të poezive të tij, e cila i shijon si një fëmijë.

E ka aftësitë ta dallojë menjëherë çfarë i pëlqen e çfarë jo. E thotë çfarë bën e çfarë nuk bën” – u shreh Timo duke treguar edhe aftësinë e saj për ta shijuar e interpretuar poezinë madje, edhe kur i lexon poezitë me zë të lartë.

Ai gjithashtu ka rrëfyer se Vera ka studier aktrim dhe kur ishte student ka interpretuar edhe krah të madhit Robert Ndrenika.“Vera fitoi premierën e “Shumë zhurmë për asgjë” pas konkursit me Edi Luarasin, një aktore e njohur, dhe Justina Aliajn. Dhe fitoi premierën…”- u shpreh ai.

Por ashtu siç të gjithë e dim dhe Timo e përmendi, Vera u dallua për regjinë të cilën e vazhdon edhe sot me një sukses të madh. “Kërcim në bosh”, është libri më i ri me poezi i Timo Fllokos, i cili ka një hapësirë të konsiderueshme edhe për Verën, për të cilën aktori ka një mori përshkrimesh....

Nga Flori Bruqi 

“Kërcim në bosh”, libri më i fundit i Timo Fllokos është ndarë me shkrimtar ,  miq e qytetarë të Prishtinës  në Bibliotekën Kombëtare të Kosovës në Prishtinë.

Prof.dr.Shyqri Galica dhe regjisori Mevlan Shanaj

Presidenti i Lidhjës së Shkrimtarëve të Kosovës, Prof.Dr.Shyqri Galica  mes tjerash për librin tha : "Kërcim në bosh", është një libër me poezi, ku lartësohen të gjitha ndjesitë, të gjithë personat më të dashur të jetës së autorit, ata që kanë lënë gjurmë dhe mbresa të pashlyera, ishin pjesë e rrëfimit të tij artistik, që u shfaq herë pas here me daljet në skenë. "....

Nga promovimi i librit:Prof.Dr.mazllum Baraliu,Dr.Flora Brovina,Timo Flloko dhe Mevlan Shanaj 

 Mevlan Shanaj ,regjisor nga Tirana , ishte aty si dëshmitarë në rrugëtimin artistik të Timos ndër vite,i cili e lartësoj në piadestal  poetin dhe  aktorit brilant, që i ka dhënë kinematografisë , teatrit shqiptar, qindra role të spikatura...

Nga promovimi i librit:regjisori Mevlan Shanaj dhe Prof.dr.Shyqri Galica

Profesor Dr.Mazllum  Baraliu, mes tjerash  tha : "....Vëllimi poetik i shkruar prej aktorit të njohur bart shumë dilema filozofike, ndjesi të përjetuara në kohë të ndryshme dhe rrëfime të sinqerta për jetën."...

Vet Flloko tha se Gjirokastra ka frymëzuar vargjet e tij të para dhe ishte vendi, ku u formua personaliteti i tij.

Nga promovimi i librit

Kritika e ka parë botimin e Fllokos si një prej arritjeve të tij në fushën e shkrimeve. Libri përcjell përmasa të larta të njohjes dhe përvojës, si dhe vet autori tregon se është i lexueshëm nga të gjithë.

Nga promovimi : Prof.Dr.Adem Zejnullahu dhe Prof.Dr.Agim Vinca

Flloko, i njohur për rolet e tij të arrira në kinematografi, mendon se ka kulmuar me rolin e Çerçiz Topullit, ndërsa sa iu përket shkrimeve, “Kërcim në bosh” e përshkruan atë më së miri si njeri dhe si artist.

 Po kush është Timoleo Flloko ?

Timoleo Flloko ose Timo siç njihet nga publiku (lindur në Pejë më 28 prill 1948) është një aktor shqiptar.

Rjedh nga nje familje Gjirokastrite. Shkollën e mesme e mbaroi në Vlorë dhe Institutin e Lartë të Arteve në degën Dramaturgji në Tiranë në vitin 1970. 

Timo Flloko pa mëdyshje mund të quhet një yll i kinematografisë shqiptare, nga të paktët aktorë shqiptarë të cilët ia kanë kushtuar karrierën e tyre ekskluzivisht filmit. Është gjithashtu një nga pedagogët më të respektuar të Akademisë së Arteve. 

Prej disa vitesh ka zgjedhur të jetojë duke ndarë kohën e tij mes Amerikës dhe Shqipërisë.

Gjate qendrimit te tij ne Amerike prej shtate vitesh arriti te futet edhe ne boten e Holliwodit ku luajti ne disa filma.

Pas kthimit nga Amerika u kthye ne Tirane ku tani punon si pedagog ne Akademin e arteve ne Tirane ne degen e aktrimit dhe regjizures

Nga përurimi i librit në Prishtinë

Hyri në kinema shumë i ri, vetëm 19 vjeç. Por dy filmat e tij të parë, “Ngadhnjim mbi vdekjen” (1967) dhe "Përse bie kjo daulle" patën fat të keq. 

U ndalua nga regjimi i kohës për arsye banale. Brezat e njohën dhe e çmuan talentin e tij më së pari në rolet e Meços në filmin "Kur zbardhi një ditë" dhe Kabos në "Malet me blerim mbuluar", të xhiruar në vitin fatlum 1971.

 Niveli i interpretimeve të tij filmike erdhi gjithmonë duke u rritur. Pasuan Kanani tek "Shtigje lufte" (1976) dhe Luani tek "Lulëkuqet mbi mure", ky i fundit i nderuar me Medaljonin e Festivalit të Filmit, më 1977.


******

Poezitë për më të dashurat e Timo Fllokos; Vera, Linda dhe nëna, në librin e ri

Ti! Ti po kthehesh përsëri tek unë, me pendesë edhe trishtim pa fund…

Kam kohë që të pres, sa shumë! Përmes erës nëpër net, ti vjen, nostalgji dhe dëshpërim më sjell…

Sa e huaj je tani! S’e ndjen?! Ku ikën ëndrrat, ku?!

 Kë deshën sytë e tu, s’e di…! Ne heshtim që të dy, na ndan një ftohtësi, tani! …timooo


Çfarë, më thuaj, vlen në botë, kur je vetëm e ke ftohtë, dhe një zemër s’e gjen dot?!…

 Po të braktiste atë(o) që donte, aktori Timo Flloko, s’do të mund ta kthente më në jetë dashurinë! 

Nuk është fjala për familjarë a njerëz të dashur, por për poezinë. 

Atë, me të cilën ai ka vite që përcjell netët, që mund të zgjohen edhe të bardha, por jo pa lënë shenja nëpër copa letrash a mendime. 

Vargjeve më lart, e keni të thjeshtë t’u vishni tinguj, sepse është një nga baladat më të bukura shqiptare të dashurisë.

 Në fakt, të gjitha poezitë e Timo Fllokos, që ka bërë në kohë të ndryshme, janë shndërruar në këngët më të bukura të dashurisë.

Është e rehatshme për veshin që mos të shkojë larg me mendime kur shijon vargje me muzikë të mirë, prandaj autori i tekstit ngelet pak i distancuar, por është rasti më i mirë sot, për të gjithë ata që kanë ngelur (nëse ka të tillë) pa më- suar që, nëse jemi afeksionuar tepër pas disa këngëve të Ardit Gjebreas a Pirro Çakos, është sepse teksti ka qenë i Timo Fllokos! 

Prej pak ditësh, konkretisht prej 14 shkurtit që sapo shkoi, autori ka nxjerrë në treg librin “Kërcim në bosh”, të dytin me poezi pas “Robi i manive”.

Përtej dashurisë si e tërë, me ndjesi subjektive e figura të krijuesit që lexohen ose jo ashtu siç ai ka dashur t’u japë formë (sepse poezia e tillë është), këtë herë, nëpër faqe, nuk e ke të vështirë të kuptosh se ke hyrë edhe brenda zemrës së shtëpisë së tij. 

Aty ku nuk ka shumë pjesëtarë, por ka secili vargje të dedikuara.

Regjisorja Vera Grabocka më bashkëshortin e sajë Timo Flloko

Aty është Linda…I ati e sjell me vargje si të përrallave, jetën e së voglës të madhe, që nga koha e pashlyeshme kur e shihte të luante me idhujt e saj, Borëbardhën dhe shtatë xhuxhmaxhuxhët, deri në ditën që ajo vetë u bë protagonistja e përrallës së saj të bukur, me princin që iu bë real, pranë qiellit, për çudi!… 

Në raste si këto, poetin e ndien më të afërt, sikur ngrohet, kur të vjen me vargje për bijën e tij. 

Nuk ke nevojë, fjala vjen, të hamendesh a të pyesësh atë vetë se ç’i shkrepi që u ul të shkruajë “Një princ për Lindën”…

JO! I ke të gjitha aty, Lindën e bukur dhe ceremoninë e saj të martesës në Izrael, që sado vite të shkojnë, nuk do harrohet.

 Në këtë rast sheh babanë, që pas një cepi të lumturisë, sintetizon vitet me buzëqeshje të madhe.

 Në raste si këto, e përfytyron poetin vetëm ditën, me dritë! Nuk e përfytyron shëtitjeve të tij të përhershme, vetmitare, nga kodrat e liqenit. 

Nuk e përfytyron as nën ndonjë dritë të zbehtë duke shtrydhur metafora! E qeshura e Lindës nuk të lejon… 

Njësoj ngjet edhe me nipërit…

Poeti dhe aktori Timo Flloko dhe regjisori  Mevlan Shanaj

Davidin dhe Jonathanin, sepse erdhi çasti të thurë vargje edhe për ta…Nipat çamarrokë, vijnë të dy me sytë e atij që s’ka pamje më të dashur, veç syve të të dashurve. 

“Tej në net të largëta, së toku me yjtë, unë dikur do zbres, si frymë a si shpirt…malli i pamat, te ta do t’më kthejë, si premtim i hershëm, jetës që përtej…

” Energjia me të cilën e mbush përditshmërinë prania e tyre, sa herë luan me ta kur është në Amerikë, e kanë bërë Fllokon t’iu kushtojë vargjet më të gjata, të thjeshta sa pafajësia e fëmijës e grindavece sa ‘luftërat’ mes vëllezërve.

Në zyren e Komisionit për Vitin e Skënderbeut, artistët e mëdhenjë shqiptarë; 

Timo Flloko dhe Mevlan Shanaj!

Në gjithë sa thamë më sipër, Timo Flloko nuk ka qenë i vetëm!

 I rtimoa një yll, e kapi dhe krijoi me të gjithë ç’i dha dashuria!

 Nuk i vuri emrin që i dinë të gjithë, e thirri vetëm për vete, ‘V’, sepse vetëm ai e pa, tek u fik e ra…

”E preka me sy, u fik e ra, në humbësi…/Mendoj për ty/ Nesër, sa të lindë dielli/ krahët të m’i shkrijë/ si meteor në s’u djegsha, varur do mbetem qiellit…

”…Dashuria këtu i largohet përrallës, kthehet në vetjake, me përfytyrime të ndezura e nevoja të tjera. 

Ne e thërrasim Vera, poeti vetëm ‘V’, ndërsa dashurinë, përherë enigmë, edhe ne, edhe poeti.

KUJTIMIT TË NËNËS

Nëna e poetit është në dy poezi! “Shpirti” dhe “Lejleku misterioz”

…Ajo tani është shpirt, vjen prej gjithësisë përmes dashurisë.

 Poeti bëhet sërish fëmijë, naiv e i paditur. 

E pyet nënën njësoj siç bëjnë fëmijët e gjithë botës “Si erdha unë në jetë, nga krahët a me lejlek?! 

A nuk e bëjnë të gjitha këto, më të afërt poetin, të pa rol aktorin?! 

Flloko do të ishte njësoj konkret, me një thjeshtësi të butë, edhe kur shkruan për diell a det, por, nëse braktiste ata që do, nëse nuk u vinte emra në këtë bashkim të ri poezish, do vinte një ditë që do kuptonte se pa ta, dot s’jetonte!

Miqtë

Kot e ke, më tha ndërgjegja,

Njerëzit s’janë përherë miq.

Ti pandeh se ata të duan,

Por në fakt i ke “armiq”!

I them vetes, pse, s’kanë shkak,

S’kam pushtet, as ofiq…

Nuk urrej askënd në jetë,

S’ndaj të mirë dhe të liq!

S’ka të bëjë, ata s’të duan,

Afërmendsh i ke “miq”!

(Dashuri. ti s’fal. thotë Krishti.

Po s’i deshe dhe armiqtë!)

S’është çudi në këtë jetë.

Midis miqsh ka dhe “armiq”.

Helm i egos i ngërthen…

Dhe i bën, oh sa të liq!

Mos u lig, mos u mpak.

Thotë vetvetja, je një hiç.

I pavlerë në këtë botë,

Po nuk pate dhe “armiq”

Ti po kthehesh përsëri tek unë,

Me pendesë edhe trishtim pa fund.

Ka shumë kohë qe po të pres…

Sa shumë…

Sytë...

Sytë shohin, shihen; fshehin, fshihen;

Sytë ikin largohen, …sytë mërgohen.

Sytë ndrijnë, qeshin; ndizen, ndezin,

Sytë dashurojnë, dashurohen …sytë verbohen.

Sytë lotojnë, pikëllojnë; fiken shterohen,

Sytë ftohen, s’flasin, ….sytë vrasin.

Shtati kallkan ngrin,

sytë mbesin,

hapur, kur vdesim.


Pishtinë,12 dhjetor 2018.

Kryevepra e poetit epik ishte në krye të listës së veprave të BBC-së që stampuan historinë e njerëzimit, duke formësuar pikëpamjet e botës.

Odiseja e Homerit, epoka e dytë ndonjëherë e krijuar në fillimet e angazhimit të shkrimit të njeriut, u shpall historia më e lartë që formoi botën, duke marrë rolin udhëheqës në listën e Kulturës ne BBC.

Prillin e kaluar, BBC Culture kërkoi nga dhjetra ekspertë anembanë botës për të krijuar pesë të parët në tregimet që kontribuan në zhvillimin dhe evoluimin e kulturës dhe mendimit botëror. Kështu, së paku 108 shkrimtarë, gazetarë, akademikë, kritikë dhe përkthyes nga 35 vende zgjodhën libra, romane, poema dhe vepra teatrale që lënë shenjën e tyre në evoluimin e specieve njerëzore. Në krye u gjet Odiseja e Homerit pasuar në vendin e dytë nga “Barba-Thomas”, ndërsa dhjetë te tjerat përfunduan me kryeveprën tjetër të Homerit, Iliada.

Në detaje, dhjetë të paret, duke përfshirë kryeveprat unike të frymëzimit njerëzor

Odisea (Homeri, shekulli VIII para Krishtit)

Barbe-Thomas Shack (Harriet Bichir Stouu, 1852)

Frankenstein (Mary Scheele, 1818)

1984 (George Orwell, 1949)

Gjithçka është bërë copë (Tsinnaa Aceebe, 1958)

Mijë dhe Një Nata (shkrimtarë të shumtë, shek. VIII-XVIII)

Don Kishoti (Michael Cervantes, 1605-1615)

Hamleti (Shekspiri, 1603)

100 Vjet Loneliness (Gabriel Garcia Marques, 1967)

Iliada (Homeri, shekulli VIII para Krishtit).

ZHDUKUR QË NGA VITI 2014, MIDIS TYRE EDHE 2700 FËMIJË

Kjo shifër është gati dy herë më e lartë se ajo e raportuar nga Organizata Ndërkombëtare e Migracionit (IOM) e OKB-së më 1 tetor, e cila foli për më shumë se 28,500 njerëz.

Sondazhet e IOM-it janë përqendruar kryesisht në vdekjet në Mesdhe, edhe pse kërkuesit e saj kërkojnë më shumë të dhëna nga pjesët e tjera të botës.


 Vetëm këtë vit, IOM ka regjistruar më shumë se 1.900 vdekje në ujërat midis Afrikës dhe Evropës dhe mbi 17.000 nga 2014.

Associated Press identifikoi pothuajse 4,900 njerëz, familjet e të cilëve thonë se ata thjesht u zhdukën pa gjurmë në Evropë ose në rrugën drejt saj, duke përfshirë më shumë se 2,700 fëmijë, familjet e të cilëve raportuan zhdukjen e tyre në Kryqin e Kuq.

Agjentët Sërb në Shqipëri…

Nga Roland BADEMI /

Disa paguajnë shuma marramëndshe tek BIA, që ajo i mjel si lopët që mos ju nxjerrë emrat (Kuptohet atyre që kanë të ardhura) Dikur thuhej se Enveri i dënonte (vriste, varte, internonte me kuç e me maç), kategori të këtyre natyrave që tradhëtonin atdheun, pra njerëz pa gjak, të shitur që në djep.

Po sot që kanë kaluar 26 vjet, si mund t’ja u vëmë emrin këtyre armiqve të betuar të Kombit ? Mos vallë dhe sot fajin e ka Enveri, që këta vazhdojnë e i shërbejnë me zell, çështjes anti-shqiptare ?

*****

Lidhur me këto po ju vëmë në dispozicion një dokument i klasifikuar si “TOP SECRET” e cila ju paraqitet Juve në fund të shkrimit, por që
gjëndet në arkivin e KOS-it (Shërbimi i Zbulimit i Ushtrisë së ish- Republikës Serbi-Mali i Zi).

Aktualisht, Brukseli po i kërkon Serbisë hapjen e arkivave për të njohur emrat e bashkëpunëtorëve të shërbimeve të fshehta të Millosheviçit. Sipas raportit në Bruksel, janë rreth 700 agjentë të shërbimit sekret të Serbisë në Kosovë, ndërsa 200 të tjerë janë në Shqipëri.

Ish-diktatori serb Sllobodan Millosheviç kishte mbi 2.200 agjentë në Ballkan, mes të cilëve dhe në Shqipëri. Kjo shifër u bë publike në Forumin për Rolin e Ish-shërbimeve Sekrete në Ballkan, që i zhvilloi punimet në Bruksel më 18 maj 2012.

Në këtë Forum folën ekspertë që kanë bërë investigime mbi ish-sigurimin e shtetit në Jugosllavi që nga përfundimi i Luftës së Dytë Botërore dhe deri në vitin 2010. Takimi u ndoq nga përfaqësuesit e të gjitha vendeve ish-komuniste, anëtare të NATO-s.

Diskutimi u organizua mbi bazën e forumit të organizuar nga CEAS (Centar za Evroatlantske Studije – Qendra për Studime Euro-Atlantike), me presidente Jelena Miliç, më 21 prill 2014 në Beograd. Ky fakt ka ngjallur shqetësime jo vetëm në Bullgari, por edhe në qarqe politike dhe ka zënë vend në media të vendeve të Ballkanit, me përjashtim të atyre të Kosovës (ku numëroheshin 700 agjentë, ose një e treta e rrjetit ballkanik) dhe të Tiranës.



RRJETI

Pjesëmarrësit që diskutuan në Bruksel, ishin të prerë në mendimin se autoritetet e Beogradit, menjëherë, brenda 100 ditëve, duhen të hapin dosjet e ish-Sigurimit të Shtetit, në qoftë se duan sinqerisht të përballen me të vërtetën e zymtë. Gjatë debateve, Zoran Petroviç i organizatës joqeveritare “Koop i Kapiniç” paraqiti të dhëna me interes mbi agjenturën e shërbimeve sekrete serbe në Ballkan dhe që përdorej nga regjimi i Millosheviçit.

“Regjimi i Millosheviçit kishte në dispozicion një rrjet prej 2.200 agjentësh jashtë territorit të vetë Serbisë si dhe në:

. Kroaci – 450

. Slloveni – 150

. Maqedoni – 150.

. Bosnje-Hercegovinë – 350

. Kosovë – 700

. Mali të Zi – 200.

Gjithashtu përfshi edhe dyqind të tjerë që punonin në Bullgari, Greqi, Shqipëri, Rumani, Qipro, Hungari dhe Austri.

Një pjesë e agjentëve kishin “shtetësi të dyfishtë”, thuhej në raportin e ekspertit të njohur serb të OJQ-së “Koop i Kapiniç”, Zoran Petroviç.

Agjentët e Millosheviçit ishin “politikanë, punonjës në media, biznesmenë, shkelës të embargos, si dhe zyrtarë të forcave të sigurimit të ushtrisë, policisë, inteligjencës dhe grupe të ndryshme lobuese në favor të Millosheviçit”, nënvizoi Zoran Petroviçi.

Shtrirja e rrjetit të fshehtë serb

. 700 në Kosovë
. 200 Shqipëri

Profesionet zyrtare të agjentëve

. Politikanë
. Gazetarë
. Biznesmenë
. Shkelës të embargos
. SHIU
. Policë
. SHIK
. Lobues në favor të Millosheviçit

Një agjent Serb në rradhët e mediave shqiptare shkruante në vitet
e fundit për ish-presidentin Bamir Topi :

“Shikoni se ç’do t’i bëj Presidentit në gazetë”, sepse Presidenti kishte akuzuar politikën serbe dhe ruse që po minon procesin e paqes dhe marrjes së pavarësisë së Kosovës”.

Ky deklarim jo i zakontë i kreut të shtetit pati një jehonë të gjerë në qarqet gazetareske. Në një të përditshme është kërkuar nga z. Topi të dekonspironte personin, madje hamendësonte duke aluduar larg e larg se cili mund të ishte “fuksi” i ish-Sigurimit, tani i rekrutuar dhe nga serbët: “Llulla”, “Korani i Myzeqesë”, “Masoviku”, “Tigri”, “Holta”, “Kaposhi”, “Drita”, “Arsimtari”, “Vllahu”, “Malësori” etj.



Sektori shqiptar i Beogradit

Në Kuvend dhe në mediat shqiptare kanë qarkulluar akuza jo vetëm për agjentë të ish-Sigurimit të Shtetit, por disa me dy-tre padronë (shqiptar, jugosllav dhe grek), si dhe thjesht të rekrutuar nga shërbimet sekrete të Beogradit, që në kohën e ish-Jugosllavisë titiste, millosheviçane dhe deri në ditët tona.

Forcat politike në Shqipëri nuk duan të hapin dosjet e fshehta, pasi u duhen për shantazhe të ndërsjella. Madje luajnë “kukamëçefti” me pseudonime. Kanë vërshuar me dhjetëra të tilla dhe nuk dihet se cili nga nga këta persona janë rekrutuar nga serbët dhe ish-sovjetikët: “Anteu”, “I Miri”, “Shishja e Qumështit”, “Këndesi”, “Cigarja”, “Inxhinieri”, “Shkrimtari”, “Dizenjatorja”, “Raketa 5”, “Samalot 6”, “Serbi”, “Greku”, “Qukapiku”, “Proletari”, , “Çiklisti”, “I Vogli”, “Dardan Podujeva”, “Llulla”, “Naftëtari”, “I Urti”, “Ylli”, “Gjeli”, “Profesori”, “Doku”, “Demoni”, “Nemërçka”, “Helika”, “Poeti”, “Lëngaraqi”, “Pëllumbi”, “Magazinieri”. “Vllahu”, “Malësori”, “Çanta”,”Plepi”, “Mekaniku”, “Bozhuri”, “Ajsbergu” “Intelektuali”, “Urithi”, “Çiklisti”, “Financieri” etj. etj.

Embargoja

Nga ana tjetër, në qoftë se Tirana nuk i hap dosjet e shërbimit sekret komunist, nuk përjashtohet ta bëjë këtë Beogradi për sektorin e tij shqiptar, me kërkesë të BE-së. Krerët e Malit të Zi dhe Shqipërisë kanë pranuar se kanë shkelur embargon e naftës së vendosur nga OKB-ja ndaj ish-Jugosllavisë, kurse arkivat serbe kanë të listuar zyrtarë të lartë të dy vendeve si ministra, deputetë, drejtorë, biznesmenë nga të dy krahët e politikës deri në doganierë, shoferë, policë, trenistë, oficerë të SHIU-t, SHIK-sa etj.

Sipas librit “Kontrabanda në Europën Juglindore. Lufta në Jugosllavi dhe zhvillimi i rrjeteve kriminale rajonale në Ballkan”, botuar në vitin 2002 nga Qendra për Studimin e Demokracisë (Center For The Study Of Democracy), pjesa më e madhe e kanaleve të kontrabandës në Shqipëri janë zhvilluar nga ish-punonjës të shërbimit sekret shqiptar “Sigurimi”.

Ky shërbim u shkri në qershor të vitit 1991 dhe u zëvendësua me Shërbimin Informativ Kombëtar SHIK. Si rezultat i këtij ristrukturimi më shumë se rreth 10 mijë agjentë të Sigurimit humbën vendet e tyre të punës dhe iu kthyen krimit të organizuar sipas një studimi të prillit 1992.

Ata shfrytëzuan të gjitha mundësitë e ofruara nga sanksionet që iu vendosën fqinjit të vendit, Jugosllavisë dhe në partneritet me krimin e organizuar italian që hyri në Shqipëri menjëherë pas kolapsit të regjimit stalinist në vend. Kontrabanda e naftës me Jugosllavinë (në mënyrë të veçantë me Malin e Zi) u kthye në aktivitetin më fitimprurës për një numër të madh agjentësh të shërbimit sekret, të cilët morën edhe monopolin e operacioneve të kontrabandës në Shqipërinë veriore.

Përveç kësaj shumë nga qytetarët e thjeshtë gjithashtu u përfshinë në këtë aktivitet. Ata transportonin naftë në anën tjetër të kufirit me barka, makina private dhe gjithashtu me gomarë, shkruan CIA në vitin 1995. Ndërkohë, në raportet ndërkombëtare pas vrasjes së Bin Ladenit, përmendet fakti se lideri i Al Kaedës është strehuar në Durrës gjatë vitit 1994.
Ishin po këta agjentë që shkaktonin trazira të brendshme (është pranuar në ish-parlamentin federativ jugosllav se për Shqipërinë janë investuar me miliona dollarë për destabilizim, në mënyrë që të pengohej pavarësia e Kosovës). Shërbimi i fshehtë serb ka financuar nxirjen e imazhit të UÇK-së si organizatë terroriste në shtypin dhe mjedisin politik të Tiranës, deri dhe në organizimin e një demonstrate antiqeveritare në Tiranë, më 24 mars të vitit 1999, ditën kur NATO-ja filloi bombardimin e Beogradit dhe luftën për çlirimin e Kosovës. Dhe në trafikun e sotëm ndërkombëtar të armëve dhe lëndëve plasëse të prodhimit shqiptar janë përfshirë persona të lidhur me shërbimet sekrete të Millosheviçit, por që tani merren me biznes apo maskohen si të tillë, ndonëse me të kaluar kriminale.

Damir Fazlliç dhe Miroslav Mishkoviç, spiunazh, biznes dhe korrupsion nga Shqipëria në Bosnjë

“Damir Fazlliçin me Miroslav Mishkoviçin i lidh kriminaliteti, shërbimet sekrete… Fazlliçi është mjeshtër i mashtrimeve, e nga sa dihet, kjo është pikërisht ajo që i duhet Mishkoviçit në Ballkan. Prandaj ai dërgon atë kriminel të vogël që në emrin e tij t’i mbarojë punët më të ndyra korruptuese nga Shqipëria në Bosnjë.

Ai është njeriu që përdoret nga Mishkoviçi për punët e pista”, ka deklaruar në vitin 2008 në gazetën “Slobodna Bosnia” Vladimir Popoviç, ish-ndihmësi i kryeministrit Zoran Xhinxhiç. Mishkoviçi është padyshim njëri nga afaristët më të mëdhenj dhe më me ndikim në Serbi, është pronar absolut, por sigurisht nuk është i vetmi.

Sipas Vladimir Popoviçit, Damir Fazlliçi çoi Jeremiçin në kabinetin e Zoran Xhinxhiçit, me lutjen që të kryente praktikën për dy a tre muaj, gjë që ishte e nevojshme në studimet për master. Nga ana tjetër, Fazlliçi ka shfrytëzuar Jeremiçin për disa informacione brenda kabinetit. Gjatë arrestimit të Volf Miniçit, një figurë groteske të përzier në punët e kontrabandës së cigareve, shërbimi sekret serb ka zbuluar një bisedë midis ambasadorit britanik Çarls Krauford (Charls Crawford) dhe Vuk Jeremiçit, në të cilën ambasadori britanik në panik e luste Jeremiçin të orvatej nëpërmjet kabinetit të kryeministrit të ndikonte në lirimin e Miniçit nga burgu. I vetëdijshëm se ndërhyrja në punë të tilla mund ta dëmtonte, Jeremiçi i shqetësuar dhe i frikësuar i ka thënë ambasadorit pse kërkonte një gjë të tillë prej tij dhe se do të ishte më e mirë që ta përdornin kur të fillonin privatizimet, ashtu siç ishin marrë vesh më parë. Biseda iu dorëzua Xhinxhiçit dhe ky është shkaku pse e largoi nga kabineti i tij Jeremiçin.

Redaksia Focus news.al

Këta fjongot kanë në dorë dhe sot tregtinë e Drogës dhe Prostuticionit, dhe i hapin dhe i mbyllin këto tema si ajo firzamonika,që t’i dëgjohet tingulli sa herë i do qefi atyre, për të prishur imazhin e Shqipërisë në arenën ndërkombtare, dhe për ta bërë Shqipërinë si ajo delja e zezë në kope.

Por politika e sotme në Shqipëri, duke qenë se ndodhet akoma në stade fillestare, dhe po del nga errësira e shoqëruar dhe nga pamundësia ekonomike për të financuar në degët e Sigurimit të Shtetit, duhet t’i japë prioritet këtyre problemeve, që në aspektin afat shkurtër apo afat gjatë, përbejnë gracka, humnera dhe katastrofa për të ardhmen e Shqipërisë. Çdo deklaratë e dalë nga kushdo burim qoftë, si nga ai i shteti Serb apo ai Grek duhet parë me kënd vështrimin e duhur, pa u bërë as keqëdashës, por as dorë lëshuar e besim plotë ndaj çdo veprimi, apo deklarate lëshuar në dëm te Shqipërisë dhe Shqiptarve .
Koha po na mëson ç’do ditë e më shum, kush janë miqt e kush janë armiqt.
Planet gjeo- strategjike dhe gjeo -politike janë dy vegla në duart e atyre që nuk na duan të mirën, duke i përdoruar ato një herë njërën (kur kanë në dorë fuqinë ekonomike e ushtarake ) e herë tjetrën , kur fati i ka dënuar vetë ata të pësojnë dështim, por që përdorin këto marifete për të matur pulsin e shqipërisë dhe raportet e tyre me ne.

Skandaloze: Shqipëria publikon online të dhëna të agjentëve sekretë

“Shqipëria vend anëtar i NATO-s po publikon informacione të ndjeshme në lidhje me operatorët e tij më të lartë të inteligjencës në internet, duke dhënë detaje mbi identitetit të tyre, automjeteve, roleve operacionale, lëvizjeve të udhëtimit dhe zakoneve të përditshme në dispozicion të publikut, duke krijuar një të çarë potencialisht të rrezikshme që mund të ketë pasoja ndërkombëtare”. Kështu shkruhet në një artikull të “Independent” të publikuar ditën e sotme.

Në artikull thuhet se të dhënat e pagave dhe të shpenzimeve të publikuara në tabelat në faqen e internetit të Ministrisë së Financave të Shqipërisë tregojnë një thesar të hollësishëm detajesh mbi Shërbimin Informativ Shtetëror, duke përfshirë vendndodhjet e zyrave në terren si edhe teknikët dhe mekanikët që përdorin.

Të dhënat tregojnë emrat dhe numrat e kartave kombëtare të identifikimit të agjentëve në shërbim, të njohur në nivel lokal dhe në komunitetin e inteligjencës si SHISH, që veprojnë brenda dhe jashtë vendit, duke përfshirë dy poste të ndjeshme në selinë e NATO-s në Bruksel. Fletët e tabelave tregojnë emrat, pozicionet, pagat dhe shpenzimet e së paku tetë operatorëve kryesorë shqiptarë – disa që punojnë nën shërbimin diplomatik – në Belgjikë, Greqi, Kosovë, Itali, Maqedoni dhe Serbi, transmeton BW.

“Independent” shkruan se nuk i ka zbuluar emrat apo detajet e tjera identifikuese për të parandaluar pasoja ndaj informatorëve të nivelit të ulët apo tëtjerëve që kanë lidhje me operativët e agjencisë. Zyrtarë të SHISH-it, të vënë para fakteve në një takim në kafene pranë zyrave të SHISH-it, e pranojnë natyrën sensitive të infomacionit.

“Parimisht çdo gjë në lidhje me agjencinë tonë duhet të jetë e fshehur, por duhet të ndjekim të gjitha këto rregulla dhe rregullore”, tha një zyrtar i SHISH-it. “Rregullat dhe rregulloret nuk na lejojnë të shpenzojmë paratë pa e raportuar”.

Profesionistë të zbulimit dhe sigurisë mbetën të shtangur nga ky zbulim, i cili mund t’i lërë agjentët në pozicione sensitive të pambrojtur nga mbikëqyrja apo shantazhi i organizmave të inteligjencës apo kriminelët që synojnë të infiltrojnë në aleancën perëndimore.

“Duke hyrë në sistemin shqiptar ata mund të hyjnë në sistemin e NATO-s”, tha Xhemal Gjunkshi, deputet i opozitës në parlamentin shqiptar, anëtar i Komisionit të Sigurisë Kombëtare dhe ish Gjeneral-Major në ushtri.

“Nis të tërheqësh një fije e përfundon në Bruksel apo Londër apo në zyrën e një komandanti suprem në SHBA”.


Një ish-operativ terreni i CIA-s, familjar me SHISH, e përshkruan atë si llojin e katastrofës burokratike që të rrezikon jetën.

“Administratori mund të të dreqoste fare po nuk ishe i vëmendshëm”, tha ai për “The Independent”, duke preferuar anonimatin, pasi vazhdon të punojë me çështje të ndjeshme sigurie.

“Buxhetin mund ta publikosh online. Por të nxjerrësh emrat dhe detajet e tjera të agjentëve, kjo është çmenduri”.

Një zëdhënës i NATO-s me bazë në Bruksel u përgjigj në një e-mail se nuk mund të komentojë për çështje të inteligjencës.

Në përfundim, “Independent” shkruan se SHISH-i është organizata pasuese e Sigurimit, shërbimi famëkeq i spiunazhit të kohës komuniste, i cili infiltroi çdo aspekt të jetës personale të shqiptarëve gjatë diktaturës për katër dekada e gjysmë

Oskar Shindler, të panjohurat e shpëtimtarit të hebrenjve gjatë Luftës së Dytë Botërore

Nga Larry Holzuarth

Më 24 nëntor 2004, një profesor i historisë nga Karolina e Veriut, Dejvis Krou botoi një artikull në “The New York Times”, ku përshkruante disa nga mitet e shumta mbi Oskar Shindlerin, të cilat u përjetësuan nga filmi “Lista e Shindlerit” , e cila në vetvete nuk bazohej në një biografi.

Krou pretendon se Shindler, nuk kishte fare lidhje me ndonjë listë hebrenjsh.

Sipas tij në kohën kur ishte përgatitur lista, Shindler ndodhej në paraburgim, i arrestuar nga nazistët me akuza për ryshfet dhe korrupsion. Ndërkohë dhe lista – ose më mirë listat, pasi qenë disa të tilla – u përgatit nga të tjerë, përfshirë Marsel Goldberg, një spiun hebre që punonte për policinë sekrete naziste. Më poshtë janë disa fakte në lidhje me Oskar Shindlerin e vërtetë, të cilat nuk paraqiten në film apo romanin bestseller “Lista e Shindlerit”.

Shindler ishte një oportunist dhe alkoolist gjatë gjithë jetës

Ashtu si i ati, Oskar kishte një dashuri të veçantë për alkoolin, dhe për këtë shkak u arrestua shumë herë nga policia për prishje të qetësisë publike. Një marrëdhënie jashtëmartesore, solli në jetë dy fëmijë jashtë martesës, i dyti, një djalë që Shindleri nuk ia njohu atësinë. U angazhua kryesisht në biznesin e familjes, ndërsa kur punonte në një bankë, zbuloi se ai ishte i dobishëm për Partinë Naziste në rritje, dhe vendosi ta shfrytëzonte atë dobishmëri në avantazhin e tij.

Ishte një përkrahës i nazizmit, vite para aneksimit së Çekosllovakisë

Në vitin 1935, Shindler anëtarësohet në Partinë Gjermane të Sudeteve, dhe ishte një anëtar aktiv që mbështeste nazistët në Gjermani. Një vitë më pas, nisi të raportonte tek Abëehr, shërbimi sekret ushtarak gjerman. Ai u ngarkua me dhënien e informacionit në lidhje me hekurudhat, autostradat, aktivitetet e forcave ushtarake çeke, dhe informacionet financiaret mbi politikanët çekë dhe udhëheqësit e biznesit.



Shindler anëtarësohet në Partisë Naziste në vitin 1939

Shindler arrestohet për spiunazh në korrikun e vitit 1938. Kur u burgos kriza mbi Sudetet arriti kulmin. Marrëveshja e Mynihut në vjeshtën e vitit 1938 i dha fund krizës, me Gjermaninë që aneksoi Sudetet.

Shindler u klasifikua si një i burgosur politik, dhe u lirua po në atë periudhë. Më 1 nëntor 1938, Oskar aplikoi për t’u anëtarësuar në Partinë naziste, e cila iu dha në vitin 1939. Shindler u ngrit në përgjegjësi edhe në rradhët e Abëehr. Së bashku më gruan, zhvendoset në janar 1939 në qytetin e Ostravës, që ndodhej në kufirin me Poloninë.

Shindler krijoi një rrjet prej më shumë se dy duzinë spiunësh dhe agjentësh që vepronin në Çekosllovaki dhe Poloni. Agjentët e tij polakë, i ofruan informacione rreth bazave ushtarake polake, flotës ajrore dhe njësive të tjera ushtarake kryesore.

Ata gjithashtu ofruan informacione të dobishme për hekurudhat, dhe ura dhe tunelet jetike në të gjithë vendin. Informacioni i marrë nga Shindleri u përdorur nga Vehrmahti gjerman, që po planifikonte sulmin e tij rrufe kundër polakëve.

Shindler pati një jetë luksoze, falë praktikës së veprimtarive korruptive

Oskar Shindleri bëri shumë para nëpërmjet shitjes së produkteve për qeverinë gjermane, dhe u përpoq të zvogëlonte shpenzimet e tij të krahut të punës, duke angazhuar më shumë hebrenj si punëtorë sesa polakët, pasi pagat për hebrenjtë sipas ligjeve naziste ishte shumë më e ulët.

Për të nënshkruar kontratat e nevojshme për produktet e tij, Shindleri u dha ryshfet zyrtarëve të ndryshëm në qeverinë gjermane.

Një nga bashkëpunëtorët e tij të ngushtë ishte Marsel Goldberg. Goldberg ishte një nëpunës në zyrën e Arnold Busher, komandanti i SS në Plaszov, ku gjendeshin fabrikat e Shindlerit. Ishte Goldberg ai që siguroi emrat, për atë që u bë i njohur si Lista e Shindlerit.

Likuidimi i getos së Krakovës në vitet 1940-1943

Në gushtin e vitit 1940, u lëshua për largimin e 60-80 mijë hebrenjve që jetonin në Krakovë, me përjashtim të atyre që punonin në industri të rëndësishme që lidheshin me luftën e Gjermanisë.

Në atë kohë Shindler kishte të punësuar rreth 1.000 hebrenj, nga një forcë pune prej rreth 1.600.

Ai i zgjeroi shërbimet që kompania e tij të merrte punonjës shtesë, duke përfshirë një klinikë mjekësore, dhe kuzhinë.

Gjatë procesit të grumbullimit të hebrenjve, nazistët vranë qindra njerëz rrugëve. Shindler i mbajti punëtorët e tij brenda fabrikës për t’i mbrojtur. Në disa raste ai korruptoi rojet e SS, që të linin të qetë punëtorët e tij. Ai ishte po aq mercenar sa edhe i mëshirshëm. Oskar u arrestua të paktën 3 herë nga Gestapo, dhe u hetua për aktivitetet në tregun e zi dhe korruptimin e zyrtarëve të korruptuar.

Shindler filloi “prodhimin” e armëve për mbrojtjen e Gjermanisë

Në vjeshtën e vonë të vitit 1944, biznesmeni kontrovers hapi një fabrikë të re në Brunlic, gjoja për prodhimin e granatave anti-tank për mbrojtjen e Gjermanisë. Ashtu si me fabrikat e tjera industrial gjermane, rrjedha e lëndëve të para u pengua nga shkatërrimi i rrjetit të transportit nga bombardimet e aleatëve.

Mungesa e prodhimit, bëri që zyrtarët nazistë të vënë në dyshim efikasitetin e fabrikës së re

të Shindlerit. Ai ishte i vetëdijshëm, se ishte e nevojshme të ruhej tablloja se fabrika e tij ishte produktive dhe kontribuonte në përpjekjet e luftës, nëse synonte realisht që punonjësit nën mbrojtjen e tij t’i mbijetonin luftës.

Shindler u arratis nga frika e sovjetikëve

Kur Gjermania naziste kapitulloi, Shindler u përgatit të mbrohej nga klasifikimi si një kriminel lufte. Ai kërkoi dëshmi nga bashkëpunëtorët e tij, dhe jo vetëm që përshkruanin aktivitetet e tij për mbrojtjen e punëtorëve të tij hebrenj. Çifti Shindler u dorëzua tek ushtria amerikane, dhe pasi u shqyrtua veprimtaria e tyre shkuan në Zvicër.

Shindler nuk u akuzua për krime lufte për punësimin e njerëzve, si industrialistët e tjerë gjermanë, por në Gjermaninë e pasluftës ai ishte praktikisht i varfër. Pas luftës, Oskar pretendoi se kishte shpenzuar më shumë se 1 milionë dollarë nga paratë e tij, në përpjekje për të mbrojtur punonjësit e tij, si dhe të tjerët.

Në vitin 1948, Shindler paraqiti pretendimet e tij tek Komiteti Amerikan i Përbashkët i Shpërndarjes në Nju Jork, duke kërkuar që të rimbursohej. Por në fund, iu dhanë vetëm 15.000 dollarë. Historia e Listës së Shindlerit, filloi të shfaqet shumë kohë pas luftës. Shkrimtari Herbert Steinhouse, e intervistoi Schindlerin në vitin 1948, dhe më pas e përshkroi atë si “një oportunist i penduar”.

Marrë me shkurtime nga HIstory Collection.

A po afrohet ekstradimi i “Grupit të Kumanovës” në Kosovë? Ja çka thotë avokati i tyre

A po afrohet ekstradimi i “Grupit të Kumanovës” në Kosovë? Në një intervistë për Gazetën Lajm, avokati Naser Raufi thotë se zërat për ekstradimi në vendlindje të pjesëtarëve të këtij grupi që janë nga Kosova, nuk janë spekulime. Madje, ai thotë se një vendim i tillë eventual, do të ishte shumë i arsyeshëm.

“Unë nuk mendoj e këto zëra janë spekulime, unë mendoj se do të jetë vendimi më i mirë të transferohen në burgjet e Kosovës, me atë që do të jenë paraburgim atje dhe të ketë ndonjë garanci nga ana e Republikës së Kosovës që kur do të ketë nevojë për seanca ankimore, ky pjesëtarët e grupit sillen në Republikën e Maqedonisë” tha avokati Naser Raufi.

Në intervistën e tij për Gazetën Lajm, Raufi flet edhe për kushtet e rënda në qelitë ku vuajnë dënimin pjesëtarët e “Grupit të Kumanovës”, mosinteresimin e Avokatit të Popullit Ixhet Mehmeti dhe për hetimin e mundshëm ndërkombëtar. Intervistën e plotë mund ta lexoni në numrin e nesërm të Gazetës Lajm.