Serbia më politikë të fëlliqtë, mashtrime dhe prostitucion drejtë BE-së

Nga Flori Bruqi 



Profesori ndërkombëtar,Dr. Enver Bytyçi, ka thënë se debati për këmbim territoresh, për korrigjim kufijsh dhe ndarjen e Kosovës ka dëmtuar imazhin e vendit, ndërsa thekson se Beogradi me këtë diskutim të sajuar e të mbështetur me militantizmin e Shejshelit nga ana e Hashim Thaçit i ka arritur që tani objektivat e veta.



“Debati për këmbim territoresh, për korrigjim kufijsh dhe ndarjen e Kosovës ka dëmtuar imazhin e vendit, ka dëmtuar pozicionin e Kosovës në raport me faktorin ndërkombëtar si dhe ka shkatërruar linjat e diskutimit në këtë dialog me Serbinë. Kjo do të thotë se Beogradi me këtë diskutim të sajuar e të mbështetur me militantizin e Shejshelit nga ana e Hashim Thaçit i ka arritur që tani objektivat e veta, edhe nëse heq dorë nga ndryshimi I kufijve. Tashmë Kosova është në krizë vendimmarrjeje”, është shprehur Bytyçi.

Ai ka shtuar tutje se opsioni i ndarjes është përgatitur në Tiranë dhe Beograd nga Vuçiq dhe Edi Rama, ndërsa është mbështetur nga Hashim Thaçi.

“Krerët politikë të saj janë në konflikt të hapur me njëri-tjetrin, sepse opsioni I ndarjes I ideuar nga Vuçiq dhe Edi Rama dhe I mbrojtur me aq zell nga Hashim Thaçi I kanë ndarë ata. Në këto kushte, kur presidenti manovron me mashtrime dhe triblime të ditë për ditëshme dhe ka autoritet mbi politikën e Kosovës, nuk është e lehtë që të rikompozohet një grup tjetër dialogues. Kjo do të thotë se Thaçi e ka futur edhe dialogun në qorrsokak. Dhe kam përshtypjen se gjithçka e ka bërë qëllimisht, sipas një skenari të përgatitur në Tiranë dhe në Beograd. Prandaj kanë dalë jashtë agjendës së dialogut tema të tilla krimet e luftës, kërkesa për dëmshpërblim dhe për kërkim ndjese publike e kështu me radhë. Duhet të kuptojmë se zoti Thaçi e solli Serbinë përsëri në Kosovë. Ai e shndërroi pas gati 30 vitesh problemin e Kosovës në një problem serb. Kosova ishtë prej vitit 1989 një problem ndërkombëtar, ndërsa propozimet e Thaçit për ndryshim të kufijve e kanë shndërruar problemin e Kosovës në një problem serb, për të cilin do të kujdesen tre çakej, Fredirca Mogherini, Hashim Thaçi dhe Aleksandër Vuçiq”, është shprehur profesor dr. Enver  Bytyçi.

Kryetari i Partisë Popullore Vuk Jeremiq: 

Në mot marrëveshja për normalizim, Kosova me ulëse në OKB

Kryetari i Partisë Popullore Vuk Jeremiq ka deklaruar sonte se rezultatet e pushtetit në çështjen e Kosovës janë humbëse pasi ato kanë sjellë një nga një gjërat, nuk ka pasur negociata për asgjë e në vitin e ardhshëm ai (pushteti) do ta marrë për nënshkrim marrëveshjen për normalizim të gjithanshëm në të cilën do të gjendet paragrafi i cili Kosovës do t’ia mundësojë anëtarësimin në Organizatën e Kombeve të Bashkuara.

Ai ka sqaruar se bëhet fjalë për qëndrimin detyrues që Serbia dhe Kosova nuk do ta pengojnë njëra –tjetrën në institucionet ndërkombëtare dhe kjo e shpie Kosovën drejtpërdrejt në ulëse të OKB-së.

Sipas fjalëve të Jeremiqit, përcjell FoNet, kjo është e para herë që në marrëdhëniet ndërkombëtare gjërat të implementohen derisa të mos bisedohet për të gjitha gjërat.

Jeremiq ka theksuar se ka njohuri që kryetari serb Aleksandar Vuçiq palës amerikane ia ka paraqitur idenë për ndarje të Kosovës, e cila doemos nuk është zgjidhja më e keqe,tha ai. porse këtë e ka bërë në mënyrë joprofesionale, pa përgatitje dhe në nivel joadekuat.

Vuk Jermiq, ish - ministër i Punëve të Jashtme i Serbisë e kryetar njëvjeçar i Asamblesë së Përgjithshme të OKB në vitin 2012, kishte deklaruar se Kosova vetëm përmbi trupin e tij të vdekur do të anëtarësohet në këtë organizatë.

Për shkak të Kosovës, Serbia kërkon hakmarrje ndaj Kosta Rikës


Shefi i diplomacisë serbe Ivica Daçiq ka paralajmëruar hakmarrje të madhe ndaj Kosta Rikës për shkak se ky vend e ka njohur Kosovës.

Për këtë hakmarrje, ai ka ftuar në tv pink dhe ajo, sipas tij, duhet të bëhet do të bëhet gjatë Botërorit në Rusi kur Serbia me Kosta Rikën do ta zhvillojë ndeshjen e parë në futboll.

“Kosta Rika është vendi i parë që e ka njohur Kosovën... Ç’lidhje ka Kosta Rika me të, ata as që e dinë ku gjendet Kosova . Ata e kanë njohur për shkak se ashtu u është thënë, dhe e dimë kush u ka thënë... Vëllai i madh ... Pikërisht për këtë duhet të revanshohemi. Të gjithë kundër Kosta Rikës", ka thënë Daçiq.

Kosovën e pret ndarja dhe plani gjermano-gjerman, jo njohja dhe anëtarësimi në OKB

Edhe nëse do të ishte e pranueshme ndarja e Kosovës dhe shkëmbimi i veriut për Luginën e Preshevës, siç vazhdojnë të pretendojnë disa përkrahës të idesë së “korrigjimit të kufijve”, çka do të mundë t’i sillte kjo marrëveshje Kosovës?

Derisa presidenti i Kosovës zt. Hashim Thaçi flet për anëtarësim në OKB dhe njohje të ndërsjellë mes Kosovës dhe Serbisë, ajo që tregojnë burimet ndërkombëtare nuk duket të jetë në të njëjtën vijë...

Së pari, nga Beogradi në asnjë moment ende nuk është dëgjuar, as publikisht as privatisht, se Serbia do ta njohë Kosovën e pavarur nëse shkëmbehen territoret.


Çështja e anëtarësimit të Kosovës në OKB, siç është përmendur shpeshherë, nuk është një që mund ta vendosë Vuçiqi; janë Rusia dhe Kina ato që e bllokojnë anëtarësimin e Kosovës në OKB, jo Serbia. Rrjedhimisht, një marrëveshje me Serbinë nuk është e thënë se duhet të ndryshojë qëndrimin e Moskës dhe Pekinit...

 Themeluesi dhe kryesuesi i Iniciativës Evropiane për Stabilitet, Gerald Knaus, ka thënë se Evropa nuk po tregon strategji të drejtë për Kosovën.

Knaus ka thënë se Kosova është e bllokuar, ndërsa Prishtinës po i kërkohet të japë territor për normalizim.

“Kjo nuk po duket si strategji premtuese”, ka shkruar Knaus në Twitter.

Gerald Knaus : “Kosova është e bllokuar në të gjitha anët; Bashkimi Evropian mundëson udhëtimin pa viza për Ukrainën dhe Moldavinë, por JO për Kosovën, edhe pse i ka përmbushur të gjitha kriteret; oferta e vetme për Prishtinën është ‘të japë territor dhe resurse në këmbim të normalizimit’. Kjo nuk po duket si strategji premtuese”.

BE-ja nesër i tregon Serbisë

 ç’duhet të bëjë me Kosovën

Zyrtarë serbë, medie të pushtetit e të opozitës, po e presin me ankth publikimin e strategjisë së Bashkimit Europian për zgjerim në Ballkanin Perëndimor e cila pritet të bëhet nesër . 

E gjitha kjo, siç transmeton “blic” i Beogradit ndërlidhet me kushtet që do t’i prezantohen Serbisë sërish dhe sidomos ato për dhe me Kosovën.

Në këtë strategji, Serbia pret propozime të kushteve të reja dhe nëse ato i përmbush, Serbia deri në vitin 2025 mund të bëhet e anëtare e plotfuqishme e BE-së.

Për Serbinë kushtet më të vështirat janë ato për Kosovën, siç e thotë “blic”, sidomos kushti për normalizimin e marrëdhënieve Beograd – Prishtinë.

Normalizimi sipas strategjisë, thotë ky medium, pritet të ndodhë në vitin 2019. Në kapitullin 23 Serbia i ka 50 masa kalimtare, në atë 24,41, ndërsa në kapitullin 35, që i kushtohet krejtësisht Kosovës, kërkohet normalizim i plotë marrëdhëniesh ndërmjet dy vendeve.

Nëse çdo gjë shkon sipas parashikimeve dhe sidomos plotësimeve të kushteve, bisedimet e Serbisë me BE- do përfundojnë në vitin 2023 , ndërsa një vit më pas, në vitin 2024, do të nënshkruhej marrëveshja për anëtarësim.

Hapi tjetër dhe i fundit do të ishte ratifikimi i Marrëveshjes për anëtarësim.

E njëjta procedurë parashihet të jetë edhe për Malin e Zi.

Kohë më parë, gazeta Financial Times kishte shkruar se BE në gjirin e vet, përnjëherë, do të pranojë të gjitha vendet e Ballkanit Perëndimor: Shqipërinë, Serbinë, Malin e Zi, Maqedoninë, Bosnjë e Hercegovinë dhe Kosovën.

 Po hyri në Kosovë, Serbia ka punë

 me SHBA-në dhe NATO-n

Kohë më parë Agjencia amerikane e lajmeve Associated Press (AP) ka bërë një shkrim për formimin e Ushtrisë Kosovës.

Në këtë shkrim ajo ka paraparë se çfarë do të mund të ndodhë po nisi konflikti ndërmjet Beogradit e Prishtinës.

Associated Press (AP) “.... Ushtria  e Kosovës e ka hidhëruar shumë Serbinë sa që ajo ka përmendur edhe ndërhyrjen e ushtarake”, duke përkujtuar deklaratën kërcënuese të kryeministres Ana Bërnabiq të cilën agjencia e quan të kotë.

Për agjencinë Associated Press (AP)  është shumë e pabesueshme që Serbia të ndërmarrë aksion ushtarak.

Sipas Associated Press (AP) “Ky do të nxiste konfrontimin e drejtpërdrejtë me 4600 ushtarë të NATO–s përfshirë edhe ushtarët amerikanë të vendosur në Kosovë që nga vitit 1999 si dhe sanksione e izolim të Serbisë nga Perëndimi”.

Sipas agjencisë  Associated Press (AP)  , pa marrë parasysh praninë e NATO-s në Kosovë, Serbia ka ushtri shumë më të fuqishme – rreth 30 mijë ushtarë profesionistë në krahasim me
 5 000 mijë ushtarët e Kosovës.

“Rusia kohë më parë e ka armatosur Serbinë me avionë lufte e tanke. Megjithëkëtë, bombardimi i vitit 1999, Serbisë ia ka shkatërruar kapacitetet ushtarake të cilat në krahasim me ato të Aleancës nuk bëjnë ndonjë gjë”, thotë agjencia e lajmeve 
Associated Press (AP) 

Në këtë shkrim agjencia rast përmend edhe dy faktorë, atë rus e amerikan.

“Por, është pak e besueshme se Moska do t’i bashkohet Serbisë në çfarëdo aksioni ushtarak kundër NATO-s bë Kosovë. Aq më tepër, pasi që Rusia nuk ka qasje reale në Serbi e Kosovë të cilat praktikisht janë të rrethuara me shtete anëtare të NATO-s”, thekson AP.

“SHBA- ja ka rreth 600 ushtarë në Kosovë dhe çfarëdo sulmi serb do të haste me përgjigje të ashpër”, shkruan ndër të tjera AP.

Shqipëria, fuqia e tretë ushtarake në rajon

Shqipëria renditet e treta në rajon, e 24-ta në NATO dhe e 92-ta në botë për nga fuqia ushtarake.

Forcat ushtarake shqiptare 

Në rajon Shqipëria lë pas Maqedoninë, e renditur e 116-ta dhe Bosnjë-Hercegovinën në vendin e 121-të. Ndërkohë, Serbia renditet e 83-ta dhe Kroacia e 67-ta në botë. Kosova dhe Mali i Zi nuk janë pjesë e listës, kurse Greqia renditet në vendin e 28-të në botë dhe Turqia në vendin e 8-të. Tre vendet e para të listës janë: Shtetet e Bashkuara të Amerikës, Rusia dhe Kina. Këto janë të dhënat e Indeksit të Fuqisë Ushtarake që analizon 127 vende të botës duke i listuar në bazë të fuqisë ushtarake.


Historikisht Shqipëria ka një traditë të pasur ushtarake, e cila shënon fillimet e saj që në kohët antike. Ushtritë Ilire ishin disa nga ushtritë më të shquara të kohës me këndvështrimet e tyre të veçanta. Organizimet ushtarake ilire ishin strukturuar e funksiononin si të kohës së paqes dhe të kohës së luftës. Rreth shekujve VI- IV para Krishtit sistemi i detyrueshëm përfshinte meshkujt që kishin arritur moshën 17 deri 20 vjeç, ndërsa në rast lufte ky detyrim përfshinte të gjithë meshkujt e aftë për luftë deri në moshën 60 vjeç. Ushtritë Ilire kishin në përbërjen e tyre, për shkak të pozicionit gjeografik, përveç komponentit tokësor edhe atë detar.

Tradita ushtarake u pasurua më tej në shekujt që pasuan, për të shënuar zhvillime të rëndësishme në periudhën e pushtimitë të vendit nga Perandoria Osmane. Zhvillimet e kësaj periudhe arritën kulmin në vitet 1443-1468, kohë gjatë së cilës në krye të luftëtarëve shqiptar ishte Gjergj Kastrioti (Skënderbeu). Me 2 mars 1444, Skënderbeu thirri Lidhjen e Lezhës, me pjesëmarrjen e te gjithë princave shqiptar ku një nga arritjet e saj ishte edhe krijimi i një ushtrie, e cila ishte e vogël por cilësore, që për 25 vjet rrjesht u bë pengesa kryesore për ushtritë të panumërta te perandorisë më të fuqishme të kohës, jo vetëm ne mbrojtjen e vendit, por edhe të civilizimit evropian. Në fillimet e saj kjo ushtri nuk i kalonte 6000 deri 8000 luftëtarë ndërsa më vonë ky numër arriti deri në 18 000 luftëtarë.

Gjate viteve 1771-1832, që është periudha e organizimit të vendit mbi bazën e pashallëqeve, edhe ushtritë u organizuan e u përdorën nga udhëheqësit e këtyre pashallëqeve. Në përpjekjet e tyre për të u ndarë me Portën e Lartë dhe krijimin e vendeve të pavarura ata arritën nivelet e një pozite te rregullt të Forcave të Armatosura duke pasur pothuajse të njëjtin organizim ushtarak (Divizion, Regjiment, Batalion) me ushtritë moderne të kohës.

Numri i forcave për çdo pashallëk në kohë paqe nuk e kaloi kufirin e 20000 luftëtarëve. Ato kishin një rritje të shpejtë të numrit gjate mobilizimeve për kohë luftë. Në Pashallëkun e Janinës ky numër arriti 40 000 ushtare, ndërsa në Pashallëkun e Shkodrës gjatë sundimit të Mustafa Bushatit numri i ushtarëve arriti në 60000. Ne përgjithësi ato kishin në përbërje të tyre komponentin Tokësor dhe atë Detar. Komponenti Tokësor që luante rolin kryesor përbëhej nga këmbësoria, kavaleria dhe artileria, ndërsa ai detar ishte më shumë i zhvilluar në Pashallëkun e Janinës.

Lidhja e Prizrenit 1878- 1881 është një pikë kulmore e historisë së Shqipërisë për pasojë është e tillë edhe për Forcat e saj të Armatosura.

Duke qenë se në rrezik ishte ekzistenca e vendit, Lidhja krijoi një ushtri vullnetare bazuar në parimin një burrë për shtëpi. Ajo u drejtua nga Komiteti Ushtarak Qendror, nën vartësinë e të cilit ishin Komisionet e Mbrojtjes Rajonale si edhe Korpuset. U bënë planet për te organizuar Korpusin në Kosovë me 70 000 vetë, dhe atë të Shkodrës me 60 000 vetë me vullnetarë nga Tirana, Elbasani, Ohri, Dibra dhe Mati. Korpusi ishte i organizuar në brigada këmbësorie, brigadat në regjimente dhe çdo regjiment kishte 4 batalione këmbësorie. Batalioni përbëhej nga 4 toga këmbësorie dhe një toge kavalerie. Ushtria e bashkuar duhej te kishte 380 batalione ne Veri te Shqipërisë dhe 100 batalione ne Jug te Shqipërisë. Përveç atyre u krijua grupi logjistik që përbehej nga elementë mjekësor, transporti dhe skuadrat e ruajtjes.

Në 30 vjetët që pasuan pas rënies së Lidhjes së Prizrenit dhe shpërbërjes së forcave të saj ushtarake gjithçka do të zbehej për tu ringjallur në vigjilje të shpalljes së pavarësisë së vendit në vitin 1912.

Ne 4 dhjetor 1912, vetëm 6 ditë pas shpalljes së pavarësisë së Shqipërisë, u krijua Ushtria Kombëtare. Për herë të parë në historinë shekullore të vendit u krijua Ministria e Mbrojtjes Kombëtare, (Ministria e Luftës)ë e drejtuar nga Mehmet DRALLA (Tetova) dhe Shtabi i Përgjithshëm i drejtuar nga major Ali Shefqet SHKUPI. Strukturat kryesore përbërëse të saj ishin forcat aktive, rezervë ato vullnetare si edhe Xhandarmëria me 12000 personel gjithsej. Në tetor 1913 me Vendim te Konferencës se ambasadoreve ne Londër, një grup ushtarakësh holandez (oficerët holandez De ëeer dhe Thomson si dhe 15 oficerë të tjerë) ndihmuan në ristrukturimin dhe përgatitjen e xhandarmërisë. Vitet që pasuan shënuan zhvillime të tjera të rëndësishme. Kështu për herë të parë Forcat e Armatosura u ndanë në Forca Tokësor, Forca Detare dhe Forca Ajrore. Pavarësish ndarjes ato nuk u organizuan në nivelin e dëshiruar. Gjate periudhës se sundimit monarkik kjo ndarje ekzistoi, por vet forcat kaluan ndryshime të brendshme të vlerësuara pozitive për kohen. Gjithashtu gjatë kësaj periudhe edhe rritja e buxhetit për ushtrinë ishte e konsiderueshme.Gjithçka Shteti shqiptar dhe Forcat e tij të Armatosura kishte arritur deri në fillimin e Luftës së Dytë Botërore do të shuhej në ditën e agresionit fashist ndaj vendit tonë më 7 prill 1939. Shteti u bë inekzistent dhe për pasojë edhe Forcat e tij të Armatosura.Në këto rrethana lindën forca të reja të armatosura që u përkisnin grupimeve të ndryshme politike të kohës dhe që u përballën me pushtuesit.Forca më e madhe me një skemë organizative të qëndrueshme dhe shumë eficente, me formacione sulmuese të disiplinuara, me një ngritje numerike progresive dhe me një Shtab te Përgjithshëm ishte Ushtria Antifashiste Vullnetare Nacional Çlirimtare. Kjo ushtri krijoi 24 Brigada, 8 divizione dhe 3 korparmata afërsisht me 45 000 luftëtarë dhe konsiderohet më e suksesshmja e ushtrive të pas 1912-s. Në nëntor 1944 bashkë me forcat territoriale ajo arriti deri 70 000 vetë. Kjo shifër përfaqësonte 7 % të popullsisë të Shqipërisë në atë periudhë.Pas çlirimit te vendit ajo ju nënshtrua një procesi reduktimi e riorganizim. Më 9 korrik 1945 ajo mori emrin Ushtria Kombëtare dhe numri i saj u reduktua në 40 000, në dhjetor në 35 000 ndërsa në 1948 ky numër ra në 27 000 ushtarakë aktiv. Në të njëjtën kohë ajo filloi transformimin në një ushtri të rregullt të kohës së paqes. Struktura organizative esaj përbëhej nga Ministria e Mbrojtjes, Shtabi i Përgjithshëm, FT, FD, FA, FR dhe ato Territoriale.Në vitin 1951 Ushtria krijoi për herë të parë aviacionin ushtarak, në vitin 1953 armën e Kimisë, shërbimin e Komunikimit, Zbulimin etj. FD, tanket, artileria, transporti, logjistika dhe disa shërbime të tjera u riorganizuan.Shqipëria ishte anëtare e Traktatit te Varshavës nga vitet 1950 deri 1968. Ushtria shqiptare u pajis me armatim dhe teknikë nga Bashkimi Sovjetik. Kjo periudhë shënoi fillimet e stërvitjeve të mëdha, sië ishte ajo e vitit 1950.Në vitin 1966 sipas udhëzimeve të PPSH me qëllimin e bërjes së ushtrisë më pak të kushtueshme dhe të lidhur me popullin për mos lejimin e krijimit të ë Kastës Ushtarake, u realizua nxjerrja e ushtrisë nga kazermat, heqja e sistemit të gradave dhe shpërndarja e saj ne Çdo pjesë të territorit të vendit. Komisari politik u vendos për të përfaqësuar vijën e partisë në komandat e të gjitha niveleve të Forcave të Armatosura.Gjate periudhës së Luftës së Ftohtë, në vitet 70 dhe 80, Forcat e Armatosura patën një rritje të madhe numerike duke arritur shifrën 61 000 forca aktive, dhe 260,000 rezerviste dhe një numër i madh i Forcave Vullnetare. Ato u riorganizuan disa herë në njësi të përmasave dhe formave joeficente. Në fund të viteve 80 kishte 22 divizione që përbënin 3 fronte. Bazuar në konceptin e mbrojtjes pëllëmbë për pëllëmbë Ushtria u shpërnda në 2200 pika në të gjithë vendin dhe fortifikimi u kthye në qëllim më vete. Për herë të parë në historinë ushtarake botërore Shkollat e Lira ushtarake filluan në Shqipëri.Në vitet 90 me ndryshimin e sistemit politik, edhe Ushtria u bë pjesë e këtyre ndryshimeve. Reforma në FA filloi me vendosjen e kontrollit civil në to, heqjen e simboleve komuniste nga uniformat ushtarake dhe zëvendësimi e tyre me simbolet kombëtare, vendosjen e gradave dhe depolitizimin e departizimin. Në bazë të koncepteve të reja për përdorimin e FA u bë ristrukturimi e riorganizimi i tyre me tendencë kryesore zvogëlimin e sasisë dhe rritjen e cilësisë. Hapja ndaj botës ishte një aspekt tjetër që i shërbeu modernizimit të FA dhe rritjes së shkallës së ndërveprueshmërisë së tyre me partnerët ndërkombëtar. Në vitin 1992 Shqipëria shpalli publikisht dëshirën e saj për të u bërë anëtare e NATO-s, dëshirë e cila u pasua me ndërmarrjen e hapave konkret në këtë drejtim. Kështu në vitin 1994 firmoset Dokumenti në kuadrin e PP dhe në qershor 1995, Shqipëria është zyrtarisht pjesë e nismës PP. Në vitin 1999 u përgatit për herë të parë Plani i Veprimit për Anëtarësim (MAP).Megjithëse në vitin 1997, si pasojë e krizë, FA rezultuan më të dëmtuarat, në një kohë relativisht të shkurtër ato u ringritën dhe u bënë kontribuese të denja për sigurinë e paqen në rajon e më gjerë. Gjeografia e kontributeve të FA në mbështetje të paqes e sigurisë i kaloi kufijtë e rajonit të Ballkanit për tu shtrirë edhe përtej kontinentit.Proceset integruese të FA të nisura në vitin 1992 u dimensionuan pas vitit 1997, në përputhje me realitetet e krijuara, dhe arritën pikën e tyre kulmore me ftesën për anëtarësim në NATO që vendi ynë mori në Samitin e Bukureshit në prill 2008... etj.

Presidenti i Serbisë Aleksandar Vuçiq : 

Serbia është mbështetur për muri, katastrofa afër...

Presidenti i Serbisë Aleksandar Vuçiq për TV Prva ka thënë se Serbia është mbështetur për muri dhe se gjendet në pozitë të vështirë.

Ai ka deklaruar kështu duke komentuar miratimin e djeshëm të Platformës së Kosovës për dialog me Serbinë të cilën e ka quajtur të keqe dhe kundër dialogut.

"Ka probleme, ne jemi mbështetur për muri, jemi në pozitë të vështirë. Ne gjithmonë kemi qenë për dialog, por tash nuk kemi ku të shkojmë tutje. Jemi këtu ku jemi, do ta mbrojmë dhe do ta ruajmë vendin tonë. Do të presim 10, 15 ditë e do të marrim vendimin tonë në interes të Serbisë”.

Vuçiqi, pas takimit me diplomatin amerikan David Hale ka vazhduar fushatën dhe ka zhvilluar takime me qytetarë jashtë Beogradit.

Siç përcjell tanjug, gjatë mitingut ai i ka ftuar ata që “e përkrahin Kosovën që të mendojnë mirë “se sa jemi (afër) nga katastrofa” nëse shqiptarët (e Kosovës) vazhdojnë me hapa të pandërgjegjshëm”.

“Kemi punë me njerëz të rrezikshëm e të papërgjegjshëm”, ka thënë duke aluduar në politikanë të Kosovës.

Me prostitucion Serbia dëshiron të shkojë në Evropë

Vajzat nga Serbia kalojnë natën me shqiptarë 

dhe me ushtarë të KFOR-it

Portali serb telegraf.rs sjell një shkrim sipas të cilit vajzat nga Serbia, kryesisht nga Nishi por edhe Kurshumlia, bëjnë seks me para me djem shqiptarë të Kosovës dhe me ushtarë të KFOR-it.

Nuk tregohen lokacionet e Kosovës ku e shesin trupin ato, por thuhet se me angazhim të shoferëve nga Serbia ato dërgohen deri te kufiri në Merdare prej nga ato pastaj vazhdojnë rrugën këmbë për në Kosovë.

Pasi e kalojnë kufirin, ato i presin vetura të tjera dhe i dërgojnë në vendin e goditur. Në mëngjes vozitja është kundërt.

Ato thonë se në Kosovë shkojnë për t’u argëtuar, por në rrethinën e tyre të gjithë flasin hapur se ato në Kosovë shkojnë për prostitucion.

Kosova është shtet sovran, i pavarur

 dhe i të gjithë qytetarëve të saj

Ndërsa Jahja Lluka,politikan shqiptar nga Peja kohë më parë shkroi  artikullin e tij me titull "Kosova është shtet sovran, i pavarur dhe i të gjithë qytetarëve të saj", ku përpos tjerash shkruan : 

"Por thirrja e Irinejit për „rikthim“ në tokën e “shenjtë”, me synimimin për rikolonizim është tejet e papranushme dhe tendecioze. Shqiptarët, por edhe kombe tjera në Ballkan,i kanë shumë të njohura këto thirrje të cilat aspak nuk dallojnë nga ato të grupit terrorist të ISIS.- Irineji dhe irinejët tjerë duhet ta kenë të qartë se lojërat dhe tendencat ruso - serbe tashmë kanë mbaruar. Në Kosovë më nuk ka vend për konflikte të sponsorizuara nga armiqtë e popullit të Kosovës.

Më, 14 shtator 2017, njëri ndër politikanët më të rëndësishëm rus, Sergej Zheleznajk, nënkryetar partisë në pushtet, partisë së Putinit, "Rusia e Bashkuar" doli me konceptin e ri për "Botën serbe në Ballkan". Ky projekt parashihet të jetë projekt i përbashkët ndërmjet institucioneve shtetërore ruso - serbe. Në të parashihet edhe hartimi i një deklarate rajonale, që paska për qëllim "ruajtjen e identitetit serb, të kulturës, gjuhës dhe alfabetit cirilik në të gjithë Ballkanin."

Siç duket i nxitur nga kjo nismë, patriarku serb Irinej , i ekzaltuar menjëherë bëri një deklaratë për media, më 17 shtator 2017, ku mes tjerash theksoi se "Rusia do na ndihmojë të ruajmë atë që gjithmonë ka qenë e jona"!!!

Dihet botërisht, që kisha serbe, në emrin e Zotit dhe të drejtës absolute kreu krime ç'njerëzore në fund të shek.XX.


Realiteti i tanishëm edhe më tej vazhdon të jetë i papranueshëm për shovinizmin serb. Ndaj, patriarku serb Irinej paska kërkuar kthimin e sa më shumë serbëve, me një fjalë rikolonizimin e Kosovës, përpjekje kjo e bërë disa herë gjatë shekullit të shkuar ?!

Është normale dhe njerëzore, që të shpërngulurit të kthehen në vendet e tyre, në këtë rast edhe serbët, por ata dhe të gjithë duhet ta kuptojnë se Kosova është tani një shtet i pavarur dhe i njohur ndërkombtarisht, ndaj çdo përpjekje dhe synim për ta rikolonizuar do të dështojë.

Por thirrja e Irinejit për „rikthim“ në tokën e shenjtë, me synimimin për rikolonizim është tejet e papranueshme dhe tendecioze. Shqiptarët, por edhe kombe tjera në Ballkan,i kanë shumë të njohura këto thirrje të cilat aspak nuk dallojnë nga ato të grupit terrorist të ISIS.

Faktet historike tregojnë për shpërnguljet masive të shqiptarëve nga trojet e tyre nga dhuna she terrori të shkaktuara Serbia. Si pasojë e kësaj dhune dhe spastrimeve etnike, që ka bërë Serbia mbi shqiptarët me dekada, ka ardhur edhe deri te tkurrja, humbja e territoreve të shumta shqiptare.

Patriarku Irinej dhe të tjerët, që mendojnë si ai duhet të zgjohen nga gjumi dhe të shkëputen sa më parë nga manitë të cilat i kanë krijuar nga mitet e rreme . Irinej duhet edhe të japë llogari për bekimin që u ka bërë krimeve serbe në Ballkan e në Kosovë veçanërisht.


Ai duhet ta kuptojë dhe të pranojë se Kosova është shtet i pavarur dhe i të gjithë qytetarëve të saj. Irineji dhe irinejët tjerë duhet ta kenë të qartë se lojërat dhe tendencat ruso - serbe tashmë kanë mbaruar. Në Kosovë më nuk ka vend për konflikte të sponsorizuara nga armiqtë e popullit të Kosovës. Sa për ilustrim, po përmendim raportin e posa publikuar të ekspertëve nga Departamenti Amerikan i Shtetit në lidhje me dialogun Kosovë –Serbi, ku veç rekomandimeve të shumta parashihet edhe njohja e Pavarësisë së Kosovës nga ana e Beogradit.

Së bashku me miqtë tanë amerikan dhe evropian ne kemi zgjedhur rrugën e lirisë dhe integrimeve në familjen e madhe evropiane."

A është ky projekti i Trumpit për ndarjen e Kosovës?

Sipas gazetës serbe “Srpski Telegraf” administrata e presidentit Trump ka hartur një projekt për ndarjen e Kosovës duke i dhënë fund konfliktit shqiptaro-serb në Kosovë.

Telegrafi serb zbulon ekskluzivisht atë që përmban ky model amerikan i zgjidhjes së kofnliktit të Kosovës. Harta, e cila ne kishim njohuri, tashmë po qarkullon në qarqet diplomatike, thotë gazeta.

Megjithatë, mund të supozohet se ky është një version pune që mund të pësojë ndryshime të pjesshme në bisedimet e Beogradit dhe Prishtinës.

Ndarja e Kosoves sipas gazetes serbe
Modeli amerikan

Katër komuna në veri: Mitrovicë Veriore, Zveçan, Leposaviq dhe Zubin Potok, do të bashkohen me Serbinë

Kosova do të marr komunat shqiptare në Luginën e Preshevës, por jo të gjithë territorin por vetëm një pjesë të Luginës.

Territor me mbrojtje të veçantë për serbët

Brenda territorit të Kosovës do të krijohet “Zajednica” kompetencat e të cilave do të përcaktoheshin në dialogun mes Beogradit dhe Prishtinës. Ata do të kenë të drejtën e lidhjeve të veçanta me Serbinë, diçka si ajo që Republika Srpska ka tani.

Ky projekt ka gjetur mbështetje edhe nga Putini, por kategorikisht janë deklaruar Gjermania, Suedia dhe disa vende të BE-së.

Ndarja e Kosovës: Eksperti i sigurisë Hajrullah Tërnava  paralajmëron destabilizim të situatës në përmasa të mëdha!

Eksperti i sigurisë, Hajrullah Tërnava thotë se, në situatën në të cilën gjendet Kosova që nga lufta e deri më tani, gjithnjë ka ekzistuar mundësia e eskalimit të situatës deri në destabilizim të plotë.

Ai e rikujton vitin 2004, kur u destabilizua situata politike deri në luftë.

“Në si shtet i brishtë që jemi, edhe që na e kanë njohur pavarësinë 116 shtete, megjithatë jemi larg stabilitetit politik ndërkombëtarë si dhe vendor.." .....

....“Kosova e shpalli  pavarësisë me 17 shkurt 2008, si bazament me Kushtetutën e vitit 1974 si dhe 6 tjera Republika të ish-Jugosllavisë që u shkëputën si bazament me të njëjtën Kushtetutë. 

Serbia pastaj u ankua në Gjykatën Ndërkombëtare të Drejtësisë dhe po i njëjti gjyq e konfirmoi të drejtën e Pavarësisë së Kosovës. Edhe marrëveshja e Kumanovës gjatë bombardimeve të NATO-s e nënshkruar nga vet Serbia që e pranon kapitullimin e saj dhe humbjen e Kosovës, si dhe gjenocidin dhe dëmet materiale që i ka bërë Serbia në trojet tona e deri më tani as që është përgjigjur. Me mijëra të vrarë dhe të zhdukur, që deri më tani nuk dihet asgjë për fatin e tyre, e ky kryetar zhvillon biseda maratonike me Serbinë dhe del e flet për pajtimin mes dy shteteve do të jetë i dhimbshëm për dy shtetet. Këtu e keqja më e madhe është se nëse në të vërtetë ndodh falja e veriut, sepse në atë pjesë janë resurset kryesore të Trepçës e që dihet se vlerat e atyre resurseve janë shumë miliardësh, njëjtë është edhe me Ujmanin tonë, me rezervat ujore që i posedon Kosova e që pa të vihet në pikëpyetje ekzistenca e jonë”, thotë ai.

Sipas tij, ashtu siç thotë Thaçi nuk është e vërtetë se do ta marrim Preshevën, Bujanocin dhe Medvegjën, kur dihet që Serbia në të kaluarën gjithnjë ka okupuar e copëtuar tokat shqiptare.

“Kosova do të rrezikohet gjithsesi nga trazirat gjithë popullore dhe destabilizim me përmasa të mëdha. Faktori ndërkombëtar, miqtë tanë veç po sinjalizon se nëse bëni ju marrëveshje mes dy shteteve ne nuk do të përzihemi, me një fjalë miqtë tanë nuk luftojnë sa herë që duam ne për qëllimet tona. Ata na kanë ndihmua me u çlirua prej një armiku shekullor, me përdorimin e armatimit më të sofistikuar e që ne tani duhet të dimë ta ruajmë tërësinë territoriale të Kosovës dhe sikur e shpjegon neni i parë i Kushtetutës se askush nuk ka të drejtë të ia falë askujt asnjë centimetër të territorit të Kosovës. E sikur të përmbaheshin këtij neni bisedat do të përfundonin vetëm me njohjen e pavarësisë së Kosovës nga ana e Serbisë”, përfundon profesor Hajrullah Tërnava.

Daniel Serwer: 

SHBA nuk lejojnë ndarjen e Kosovës

-Mesazhe të forta nga Uashingtoni kundër projektit të vjetër serb dhe kërkesës së Hashim Thaçit për “korrigjim të kufijve” mes Serbisë dhe Kosovës.

-Nëse duhen bisedime ato duhet të fillojnë pasi Beogradi zyrtar të njoh zyrtarisht Kosovën si shtet të pavarur dhe të kërkojë të jetë anëtar në OKB. Nëse nuk e bën këtë njohje, çdo bisedë apo marrëveshje çon në copëtim të Kosovës dhe destabilitet në Ballkan.

Shtetet e Bashkuara të Amerikës janë kundër kërkesës për ndryshimin e kufijve të Kosovës dhe shumë shpejt pritet të flasin qartë duke i thënë JO çdo propozimi që vjen nga Beogradi apo nga presidenti i Kosovës, Hashim Thaçi. Sinjali është dhënë dje nga dy personalitete të diplomacisë dhe strategjisë ndërkombëtare të SHBA, ish-ambasadori i SHBA në NATO, Kurt Volker, aktualisht i dërguar i SHBA për Ukrainën dhe nga eksperti i çështjeve rajonale të SHBA, Danliel Serwer. Dy diplomatët kanë zgjedhur dje dy mediat amerikane me më ndikim në Europë dhe në Ballkan, “Zërin e Amerikës” dhe “Radion Europa e Lirë”, për të përcjellë mesazhe që nuk lënë vend për keqkuptime. Së pari, SHBA nuk mbështet asnjë ide për ndarje territoriale në Ballkan dhe së dyti, zgjidhja e konfliktit mes Serbisë dhe Kosovës është që Beogradi të njohë pavarësinë.

Kurt Volker, një diplomat karriere në SHBA, njohës i mirë i çështjes së Kosovës dhe i ndikimit rus në Ballkan deklaroi dje se problemi mes Serbisë dhe Kosovës zgjidhet duke njohur pavarësinë e kësaj të fundi. Volker ka qenë ambasador i SHBA në NATO, në kohën e sulmeve të Aleancës ndaj Serbisë dhe ka një panoramë të qartë se kush janë viktimat dhe kush janë fajtorët në këtë histori. Ndaj në intervistën e dhënë për “Zërin e Amerikës”, diplomati i SHBA thotë hapur se është një padrejtësi që u bëhet shqiptarëve mosnjohja e pavarësisë së Kosovës nga Serbia. Ndryshe nga presidenti Hashim Thaçi, që edhe pse fitues të luftës ka dalë me tezën se duhet të bëjmë lëshime ndaj Serbisë, diplomati amerikan thotë prerë se është Beogradi ai që duhet të bëjë lëshime. Ai shton se qëndrimi i Serbisë ndaj Kosovës po mban peng jo vetëm një shtet, por gjithë Ballkanin. Do të ishte në të mirë të vetë popullit serb, të mbyllë këtë kapitull të dhimbshëm dhe të turpshëm”, thotë diplomati amerikan. “Serbët duhet të ecin përpara. Gjëja më e mirë për Serbinë, për mendimin tim, është integrimi në Bashkimin Evropian. Nëse Kosova dhe Serbia e të tjerët në rajon arrijnë ta bëjnë këtë, do të shohim një rajon shumë më funksional në aspektin e marrëdhënieve etnike, në aspektin e statusit, të zhvillimit ekonomik dhe politikës”,- shprehet diplomati amerikan. Sigurisht që për të arritur njohjen e Kosovës nga Serbia duhet një marrëveshje dhe SHBA nuk janë kundër marrëveshjeve, por në asnjë rast diplomati amerikan nuk përmend se pjesë e këtij pakti duhet të jenë kufijtë. I dërguari i posaçëm i SHBA për Ukrainën bën dhe një ndarje të qartë mes Kosovës si shtet dhe qëndrimit të Rusisë ndaj Ukrainës apo krahinave të tjera që janë aneksuar nga Kremlini. Ai thotë se SHBA, BE dhe NATO kanë ndjekur një model institucional ndërkombëtar për Kosovën që nuk mund të përsëritet nga Kremlini. Kjo deklaratë është një tjetër konfirmim i SHBA se Kosova nuk do të përdoret si model për raste të tjera, tezë të cilën e përdorë Serbia dhe Rusia.

Por në sinjalet e djeshme të ndërkombëtarëve ka një shpjegim të gjithë asaj që po ndodh këto ditë në rajon. Hashim Thaçi hodhi tre javë më parë idenë e “korrigjimit të kufijve” duke e servirur si një risi në lidhje me zhvillimet rajonale. Në mënyrë të nëndheshme, mediat në Beograd dhe një pjesë ne Prishtinë deklaruan se pas kësaj ideje qëndronin fuqi të rëndësishme të OKB, duke aluduar sa Gjermaninë aq dhe SHBA. Kancelarja Angela Merkel foli tre ditë më parë duke hedhur poshtë çdo mundësi ndarje dhe rishikim kufijsh në Ballkan. Ndërkohë shumë shpejt pritet që dhe SHBA, të thotë qëndrimin e saj JO ndaj këtyre ideve.

Analisti Daniel Serëer ka zbardhur dhe prapaskenat që janë luajtur këto kohë në Beograd lidhur me qëndrimin e vendeve kryesore të NATO. Ai thotë se në Uashington serbëve u është dhënë mundësia vetëm që të dëgjohen. Dhe serbët kanë kërkuar të njëjtën gjë që ka kërkuar dhe Hashim Thaçi. Por në asnjë rast serbëve dhe Thaçit nuk u është thënë që do të bëhet varianti që dyshja Thaçi-Vuçiç kanë lëshuar në tavolinë.

“Nuk besoj se ekziston ndonjë provë e mbështetjes së kësaj ideje nga amerikanët. (Kryeministrja serbe, ministri punëve të Jashtme erdhën në Uashington duke shtyrë fuqishëm këtë ide përpara, përfshirë edhe përmes njerëzve që ishin të afërt me presidentin Trump dhe amerikanët thanë: “Në rregull, ne do të dëgjojmë se çfarë keni për të thënë, ejani te ne me disa ide”. Nuk mendoj se amerikanët kanë menduar ndonjëherë që faktikisht të aprovojnë idenë, ata vetëm kanë menduar që të dëgjojnë dhe kjo është interpretuar në Ballkan si mbështetje. Unë nuk shoh mbështetje për ndonjë ide për ndarje në Uashington dhe mendoj se në fund amerikanët do të thonë një jo shumë të qartë”, thotë profesori dhe analisti amerikan.

Ky konfirmim i një njeriu që njeh politikën e Ballkanit dhe politikën e lartë të SHBA si ish-zyrtar i hershëm i DASH.

Nëse duhen bisedime ato duhet të fillojnë pasi Beogradi zyrtar të njoh zyrtarisht Kosovën si shtet të pavarur dhe të kërkojë të jetë anëtar në OKB. Nëse nuk e bën këtë njohje, çdo bisedë apo marrëveshje çon në copëtim të Kosovës dhe destabilitet në Ballkan.

In memoriam: Vdiç Lekë Zherka

Sot në moshën 56 vjeçare vdiq Lekë Zherka, drejtor shumëvjeçar i KTV-së.

Lekë Zherka karrierën e ka filluar në Radio Televizionin e Prishtinës në vitin 1985. 

Pas luftës ai ishte drejtor i Radio Kosovës, pastaj drejtor shumëvjeçar në televizionin Kohavision (KTV), ndërkaq karrierën e tij profesionale deri në ditët e sotme e vazhdoi në Radiotelevizionin 21 (RTV21).

Me rastin e vdekjes të Lekë Zherkës nesër nga ora 11:00 do të mbahet mbledhje komemorative në Sheshin 21, në Radiotelevizion 21.

Sot iu dha lamtumira e fundit gazetarit, Lekë Zherka. Varrimi i tij u bë në varrezat e qytetit të Prishtinës në Arbëri.

 Gjatë ditës është mbajtur një mbledhje komemorative në nderë të jetës dhe veprimtarisë së tij, ku u çmua personaliteti dhe kontributi i tij shumëvjeçar. 

Nënave shqiptare që kanë humbur djemtë dhe vajzat në luftë.

Prof.Dr.Resmi Osmani 

 Esse

Atje, në Klladushën e Jutbinës së largët, dimërkeqe, me akull e borë, me diell që ndrin e pak nxeh,rrëzë bjeshkëve, me pyje bredhi dhe ahu, me livadhe alpine e kullota, me burime akull të ftohta e të kristalta, ku mrizojnë kopetë dhe hedhin valle shtojzavallet,në bashkësinë arbërore jetonte Ajkuna. 

Ky emër legjendë, që na përcillet nga mitet dhe na vjen nga shekujt e largët, në vargjet e këngëve të kreshnikëve, që këndohen nga lahutarët edhe sot e kësaj dite në odat e burrave.

 Ajkuna zonjë kulle, grua e kreshnikut Gjeto Basho Mujit lavdimadh.E bukur? S’e dimë, rapsodët nuk na e thonë, por me siguri e tillë ishte, se një të tillë do të mirrte për grua një kreshnik, i pëlqyer i Zanav. 

Sa për bukuri shpirti, ajo është e pashoqe. I dhuroi dhe i rriti kreshnikut shtatë djem, shtatë Omerë, të shtatë kreshnikë.Të shtatë ranë në luftërat me shkjetë dhe u varrosën larg, atje në bjeshkë, rrëzë bredhave dhe aheve madhështorë. Shtatë varre, shtatë plagë në zemrën e nënës, shtatë dhimbje shpirti të pafashitura, shtatë drita të shuara nga furtunat mizore të luftrave. 

Megjithatë, në shpirtin dhe zemrën e saj, regëtin një dritë shprese mëmësore,është Omeri i Ri, ngushëllim dhe gëzimi i jetës së nënës, drita e syve, lulja që zbukuron kullën, zëri itij,si cicërimë zogu, kumbon si melodi e gazmon ditët.Ai është nën pekulet dhe dashurinë e nënës, kanakari i saj, që u rrit dhe u burrërua, tashmë trembëdhjetë vjeç, kreshnik e bir kreshniku, ngjeshi armët, i shaloi gjogut dhe ju bashkua çetës së kreshnikëve të prirë nga i ati.

 Ky ishte fati I burrave të asaj dere dhe atij fisi. Ajo se ndalte dot. Sa herë ai dilte me çetën, Ajkuna kishte një parandjenjë që e ligështonte, i ngjallte ankth dhe padurimin deri sa ai të kthehej. Ajo lutej e lutej: ”Zot ruajma djalin e vetëm, të mos e godisë ushta dhe shigjeta, të mos e dërrmojë topuzi, të mos e presë shpata.

 Forcoja krahun, ndizja flakë zemrën, shtoja guximin e trimërinë, kallu frikë armiqve dhe jepi fitoren tim biri” Lutej me shpirt, me gjithë qënien e saj, për dashuri e mëshirë, atij Zoti, që “Na s’jem kanë e Zoti na ka dhanë”” dhe sytë i mbeteshin nga rruga e madhe në pritje të kthimit.Kthimi ishte ngazëllim e çlirim.

Por një ditë, ah ajo ditë kobzezë, Muji dhe Halili u kthyen pa Omerin.

Studjuesit ,janë ndalur më së shumti te vaji i Ajkunës”Ajkuna kjan Omerin”, që është një elegji brilante ,për të mos thënë e pashoqe në folklorin tonë, por në këngët, me një shqyrtim të kujdesshëm ,në zhvillimet heroike, tragjedia epike, paraqitet me tri akte që ngërthejnë dhimbje, dhimbje shpirti dhe pikëllim e dashuri prindërore. 

Amanetin e Omerit,dertin e Mujit dhe vajin e Ajkunës.
Akti i parë. Omeri. i rrethuar nga shkjetë e krajlit, në oborrin e një kishe, lufton heroikisht, por merr plagë të shumta. Mbrrin Muji, e nxjerr gjall të birin, por me nëndë plagë të rënda në shtat dhe niset me gjithë shpejtësinë e gjogëve për në bjeshkë, me shpresë për të mjekuar dhe shpëtuar të birin. 

Omeri e ndjen që jeta po i fiket dhe ai I lutet të atit”Pash i zot Mujo ,qi t’ka dhanë, vend me xanë e ktu mu ndalë, se kah shpirti don me dalë”. Në çastet e fundit të jetës,në krahët e të atit dhe kujdesit të Halilit, nuk mendon për veten që po ikën nga jeta,se trimat edhe vdesin në luftë, se kjo vdekje u ka hije dhe jo ajo nga pleqëria në shtratin e shtëpisë. 

Mendja e tij në regëtimat e fundit të shpirtit, shkon te e ëma, te Ajkuna. Është keqardhja, dhimbja dhe dashuria e birit për nënën, ai në çastin kur jep shpirt, e di e ndjen dhe parafytyron, se si do ta djegë rrufeja e vdekjes së tij zemrën e nënës .

 Ndaj ai i lutet të atit dhe i lë një amanet:

Nji fjal nanës me m’ia thanë

Nji fjal nanës me m’ia çue,

Thueji Omerin te daja e kam çue,

Se jam dekë mos me i diftue

I thotë se ajo e ka dashur fort, dhe ai nuk do që ajo të hidhërohet për të, ta vajtojë dhe mjerohet e të niset me vaj e kuje si qyqe për t’i kërkuar varrin. Është dashuria fisnike e birit për nënën edhe në çastet e shpirtdhënies. Thotë amanetin dhe jeta e tij shuhet, atje në bjeshkën e lartë,në udhëtimin sublim.

Akti i dytë. Ati për birin. Jeta e Omerit, atje në bjeshkë, u shua në krahët e të atit,Mujit. Muji, bashkë më Halilin, gërmojnë varrin posht kurorës së një ahu madhështor. Nuk janë vetëm, edhe zanat lotojnë dhe mirë bilbilat djalin po e vajtojnë. 

Kreshniku, luftëtari, mundësi i bajlozëve dhe krajle-kapidanëve, krenar në dukje, zemërhekur, që ka duruar humbjen e jetës së shokëve dhe shtatë Omerëve, e le mënjanë krenarinë kreshnike, zemra e babait ligshtohet, hidhërimi i humbjes së birit ja helmon jetën, ja çart mendjen dhe gjykimin , bën që nga shpirti t’i shpërthejnë ndjenja të trazuara, një gjëmë e atit për birin, ati fiton mbi kreshnikun. 

Ai udrejtohet bjeshkëve: “Hej medet mori bjeshkë, se tetë Omerë të mirë se i paçë, të tetë ndër ju të dekun i laçë”, pastaj vjen nëma që dushk dhe bar kurrë në to të mos dalë, as ujë në to kurrë mos daltë dhe atyre u thënçin bjeshkët e thata.

Pas kësaj gjëme dhe nëmës,hap varrin dhe e varros djalin.Kreshniku duket se e përcjell të birin në një tjetër jetë nga ajo tokësore në qiellore dhe do që në atë jetën tjetër, djali të mos trazohet, as nga dukuri natyrore as njerëzore.Të prehet në paqe.

 U lutet majave që të mos rrokullisin pranë varrit ortekë bore, sepse Omeri i ri, merohet; u le amanet zogjve që rrotull këngë mos këndojnë,se Omeri i Ri merohet, që barinjtë mos e afrojnë grigjën e mos tu bien fyejve se Omeri i ri ndjen tingëllimën e këmborëve dhe meloditë e fyejve, se Omeri është i ri e përmallohet,turmave aty të mos kalojnë, as të gazmohen as me dajre e tupana të lodrojnë, se aty pushon Omeri djal I ri, përmallohet dhe malli e merr për shtëpi. Ati shfren dhimbjen,zbraz hidhërimin për humbjen e birit, por si burrë e kreshnik ai e ka bindje: ”Se dekë ma e ambël, s’asht se n’luftë mu pre, n’luftë m’u pre, pa i lanë marre vedit!” e që më vonë e gjejmë në shprehjen heroike dhe vetmohuese për atdheun, nderin dhe lirinë “Me dhan jetën si me le ” Ati e mbledh veten, e ndrydh hidhërimin vendin e tij e zë kreshniku i pathyeshëm, që bëhet gati për luftra të tjera, por plaga e shpirtit për bijtë e vdekur në luftë mbetet e hapur.Ngushëllimi i vetëm është hakmarrja ndaj armikut. Gjak për gjak, jetë për jetë.

Por çfarë do t’i thotë e si do t’ia thotë lajmin e kobshëm Ajkunës?
Akti i tretë. Ajkuna. Ah ajo ditë! 

Drita ka rënë, e dritë s’po bën, dielli ka dalë e nuk po nxeh.Ditë që s’paralajmëron asgjë të mirë. Ajkuna, kur sheh që Muji dhe halili vijnë pa Omerin parandjen mynxyrën. E llahtarisur ajo pyet: Mujo djalin ç’ma ka gjet?

Muji e sjell kumtin rrotull, i thotë se e ka lënë të dajat, por pasi Ajkuna e ve në be me Zotin, i thotë të vërtetën: që djalin shkjetë ja kanë vrarë dhe ai e ka varrosur në bjeshkë. Është nga ato kumte që çan gurin dhe than drurin, përvëlon zëmrën e nënës, helm që mpin mendjen, çart gjykimin dhe vetëdijen, që mohon qënien gjer në vetmohim. Shpërthen dhimbja e nënës me një britmë tmerruese: “Qyqja nana e pa djalë!”Janë pak fjalë,por ngërthejnë gjithë mjerimin mëmësor, tronditja është e thellë. 

Ajo nëna- qyqe, duke vajtuar me ligje, merr rrugën e vetme, si e marrë, për te varri i djalit. Dhimbja e shpirtit të nënës për vdekjen e djalit,përveçse thellësisht njerëzore dhe tokësore, shndrrohet në qiellore, merr përmasa kozmike e sureale.Në të marrin pjesë toka, drurët, zogjtë, hëna, yjet, dielli dhe Orwt e malit. 

Ajo mallkon hënën:”Tu shkimtë drita ty o mori hanë/ që s’më çove at natë nji fjalë…./bashk me hi në nji vorr me djalë”.Se do të gjendej aq vend, bri varrit të djalit, të hapej një varr i ri, aty të ishin nën dhe të dy. Mallkimi bie sërish mbi hënën:”Mallkue kjosh o mori hanë/Qysh me e lanë nanën t’pa djalë!” Në hapsirën e qetë të bjeshkës, jehon vetëm vaji i nënës. Zogjtë e malit, kur dëgjojnë vajin, kanë pushuar këngën. Ajkuna,as egjallë as e vdekur, e gjen varrin e djalit, poshtë kurorës së ahut madhështor. Ajo mbështetet mbi një degë të tij,që shtrihet mbi varr dhe loton e loton dhe çurgu i lotëve pikon mbi varr të djalit.

 Nëna, si zakon që e kanë shqiptaret, qan me ligje dhe i drejtohet djalit, ajo se pranon vdekjen, e do atë të gjallë, ashtu të dashur e të mirë se, për të nuk ka vdekje:”Po a s’e din se kush ka ardhë/Qi nuk çohesh për m’u falë/ More i miri i nanëso-ooo!” 

I lutet që djali të dalë nga ai burg-varr i errët, mos e lerë të presë, të flasij me nënën që e ka lindur, e ka rritur, që e ka ushqyer me gjirin dhe dashurinë e saj. Ajo, beson se fjalët e nanës, dashuria, lutjet dhe lotët që lagin varrin, kanë fuqinë që ta ringjallin djalin. Ajo i premton se do t’ia sjellë gjogun, të dalij nga një herë për të lodruar, të freskohet ndër gurra, të shkojë ndër majat bashkë me zana, se varrin ja ruan nana! 

Por, me det, varri është i thellë, mbuluar me dheun e zi, në të drita e yjeve dhe e diellit nuk hyn, vaji i nënës atje nuk ndihet, por veç “ lodja e nanës o veç me mri”. Mbi varrin e djalit, Ajkuna fuqiprerë, mendje trandur, është si një e vdekur e pa kallur. Vaji i saj është dëgjuar dhe ka tronditur edhe orët e bjëshkës, që mbrrijnë, por është von, zemra e nanës nuk e ka duruar dot vdekjen e Omerit dhe është ndalur. Orët, fytyrën lotësh po ia fshijnë, vet e bajnë e e çojnë në Jutbinë.

Ajkunë, o nënë, Niobë e arbërisë! Ti nuk ke vdekur, se ti je pavdekësia. Vaji, gjëma dhe kuja jote, që vjen nga kohërat, sido të largëta, është klithma për jetën, se nëna dhuron jetë, dhe jeta është më e fortë se vdekja, jehona e saj i kaloi qiellit, hënës,yjeve dhe diellit. 

Në gjëmimet e largëta në pranverë, janë edhe jehonat e rënkimeve të tua, e rënkimeve të gjithë nënave, se Ti je në shpirtin e çdo nëne dhe ati, për djemtë e rënë në çdo kohë, në luftë me armiqtë, bajlozët dhe shjketë e djeshëm dhe ata të sotëm, për atdheun, për nderin dhe lirinë. Në atë shiun e shtruar e të qetë pranveror që na dërgon qielli, janë edhe lotët e tua, lotët e nënave të gjithë trevave të Shqipërisë, Kosovës dhe Çamërisë.

 Nga ata lot që lagin tokën, kaptinëzat e lulkuqeve dhe bozhureve, që zgjohen dhe dalin nga nëndheu, janë edhe shpirtrat dhe gjaku i të rënëve,heronjve dhe heroinave, dëshmorëve dhe dëshmoreve të Atdheut. I të masakruarve të katër shkurtit, të Borovës, Paramithisë dhe Filatit , të Tivarit,Prekazit, Drenicës e Reçakut. 

Nuk janë pak, bëhen mijëra. Për ‘ta nuk duhet të kujtohemi e t’u shpiem lule, vetëm në pesë maj, por ti nderojmë çdo ditë e vit të jetës sonë, si një borxh i pashlyer, borxh jete dhe gjaku.Na kanë lënë amanet atdheun.

Në atë puhizën ëmbëlcake të lehtë e të ngrohtë, që fryn e sjell pranverën, është edhe dihatja e frymës sate,për të përtharë lotët që rigojnë faqeve nga sytë e nënave, etërve, nuseve dhe motrave, se ti je edhe e mëshirshme, e dashur dhe keqardhur, për tu lehtësuar brengën dhe jetën. 

Që nuset e reja tw lindin Omerë të Rinj, ti rrisin në paqe,t’u bëjnë dasma, të gëzohen duke mbajtur në pëqi nipër e mbesa, që janë e do të jenë kreshnikë e zana, lulet e trojeve arbërore.

Ajkunë, o motër! Dhimbja jote për tetë Omerët, është edhe në zemrën e motrave arbërore për vëllezërit, qyqe motrat e veshur me të zeza, në lotët e tyre të derdhur në detin e hidhërimit, në buzëqeshjen e munguar, në ditët e tyre të zisë, në ofshamat dhe rënkimet zëmërplasura. 

Është te nuset e reja që u rrëmbeu nga gjiri bashkëshortët e dashur dhe mizorisht u vrau lumturinë në lule të jetës,u hapi plagë që s’u mbyllen kurrë. 

Pikëllimi yt është edhe në sytë e fëmijëve jetimë, që janë vetë pafajësia dhe rriten me halle, shpirtplagosur, pa kujdesin dhe dashurinë e etërve të tyre.

Ajkunë, nënë arbërore, vajtimtare e përjetshme e dhimbjes që s’harrohet kurrë.

Maj- qershor 2019

****



Resmi Osmani u lind në Mazrek të Çamërisë më 5 maj 1940.

 Kreu studimet e larta për Agronomi në Institutin e Lartë Bujqësor në Tiranë, studime të cilat i përfundoi në vitin 1963.

 Ka kryer detyra të rëndësishme drejtuese në prodhimin bujqësor dhe administratën e lartë shtetërore.

Krahas detyrave të tjera ka qenë i angazhuar në veprimtari dhe kërkime shkencore. 

Ai ka botuar 19 tituj librash të profilit tekniko – shkencor, ka shkruar dhe botuar në revista tekniko – shkencore dhe shtypin periodik, brenda e jashtë vendit, mbi 150 tituj artikujsh që përfshijnë mbi tre mijë faqe. 

Për kontributin dhe kualifikimin shkencor mban gradën "Doktor i Shkencave" dhe titullin "Profesor".

Në gjysmën e dytë të viteve 2000,i është perkushtuar letërsise,kritikës së artit dhe publicistikës.

Fryt i kesa pune janë një sërë botimesh si: biografitë e letrarizuara "Jeta e Bedri Lumanit", "Lule në gur" kushtuar jetes së specialistit të shquar të vreshtarisë Todo Gjermani.

 Ka levruar kryesisht temat historike në romanet"Mbretërimi i Pirros së Eoirit", "Mbretëresh Olimpia", Esseja historike "Aleksandri i Madh i Maqedonisë-Miti dhe njeriu". Essene studimore "Bilal Xhaferri Poet i Zemrave Njerëzore" Essenë "Endrrat e ngrira të Enver Kushit, vellimin me tregime "Edhe yjet vdesin" etj. ne publicistikën e vet ka trajtuar probleme të çeshtjes çame, të zhvillimit të letërsisë dhe problemet aktuale. 

Në shtypin e shkruar dhe atë elektronik ka publikuar mbi tridhjetë tregime dhe novela. Krijimtaria e tij eshte pritur mirë nga lexuesit dhe kritika letrare në Agjencionin "  Floripress" etj. 

***



I nderuar zt.Flori Bruqi, pershendetje dhe mbaresi ne misionin tuaj fisnik.

E shoh si detyrim dhe gjej rastin t'ju falnderoj per publikimin ne portalin tuaj dinjitoz te punimeve te mija modeste.

 Ne punimin e Illo Fotos(qe une kam rezervat e mia per vleresimet e tepruara), ju kishit bere nje pune te shkelqter duke e ilustruar me ballinat e disa nga librave te mija.

E postova kete formatim ne fb. dhe u prit me vleresime nga shoket, miqte dhe te njohurit.

E ndjek perdite portalin tuaj kompjuterik, dhe gjej ne te shkrime mjaft interesante.

Keto dit perfundova nje ese, me subjekt ciklin e kreshnikeve( Qe per mua ka po aq madheshti dhe bukuri sa Iliada), bazuar ne elegjine "Ajkuna Kjan Omerin".

 Po e postoj, po e gjetet te mundur, lutem publikojeni ne portalin tuaj.

Me konsideraten me te larte,

Resmi Osmani

Tirane, me 03.06.2019.

MAJI 1950: FOTO E GJIMNAZIT “29 NENTORI” SHKODËR

 Nga Fritz RADOVANI

Një foto shumë e zbehtë e atij Gjimnazi, ashtu si sot jeta dhe Vepra e Herojve të Tij…

Ngjyrat e bukra dhe të gjalla të një brezi studentash të pakrahasueshem në të gjithë Ate Shqipni t’ uritun e të gjakosun, do të mbesin perjetsisht të gjalla e të freskëta si Rozafa! Jam tue folë per Ju vajza e djelmë t’ Asaj Shkodres Martire, ku siluetat tua shndrisin bash si rrezet e atij dielli që Shkodres dhe Zallit të Kirit i dhane shkelqim e lavdi t’ perjetshme!

Jam tue shkrue per Ju Vllazen e Motra, që vetem koha provoi mosnjohjen e fanatizmit…

E këte Permendore të Shenjtë të Gjimnazit t’ Shkodres e ngritën të parët nen shelqet e bregut Bunës, në Samrish të vjeter, Djelmët e Shtrenjtë Bardhosh Dani me Mark Cacaj e Brahim Dergutin, t’ Organizatës “Perpjekja Shqiptare”, e Shkodra u mblue në zi…

Pak muej ma vonë, nga fundi i 1948 aktiviteti i kësaj organizatë do të rifillohet me disa mbledhje që bahën në shtëpi të Alfons Radovanit dhe Viktor Lukës. Asht ajo kohë kur arratiset Lec Vasia, Fetah Myrtja, Zef Shllaku dhe Donat Rexha, të gjithë antarë grupi.

Ishin 26 hetuesi e burgje në Shkodren e lashtë që mbusheshin me Rininë Heroike të Saj.

E këtyne skutave të Gjenocidit do ti sherbente kryetari i deges së mbrendshme Hilmi Seiti, drejtori i Gjimnazit, ish hetuesi i sigurimit Korçës, Skender Villa e antarët e njohun të dy komiteteve të BRPSh, atij të Gjimnazit e shkollës Pedagogjike, të rinjë të zgjedhun konviktor të sjellun nga Jugu, me kerkesë që Hilmia i drejtoi Ministrisë së Mbrendshme:

“Në Gjimnazin e Shkodrës vlon propaganda antikomuniste, na dërgoni sa më parë 100 (njëqint) konviktorë nga Jugu”. (Arkivi M.M.Tiranë, 1998). Edhe gjakbasit erdhën…

Me datën 10 maji 1950 arrëstohen studentët maturantë: Alfons Radovani, Viktor Luka, Et-hem Bakalli, Njazi Uruçi, Mërgim Dani, Nexhip Osmani, Ferit Myftia, Pjerin Vata dhe Gjon Mark Ndoji. Me datën 11 maji përjashtohen nga shkolla (mbas arrëstimit) në një mbledhje të të gjithë studënteve në palestrën e Gjimnazit. Me datën 12 maji vazhdon lista e përjashtimëve me 78 studentë të tjerë të klasave të ndryshme të Gjimnazit, me motivacionin: “Nxënësi… me nr. Amëze… Është përjashtuar përgjithmonë nga të gjitha shkollat e Shqipërisë, se nuk pajtohet me frymën revolucionare të shkollës sonë të re…” Drejtori: (Skënder Villa) d.v… Me këte grup studentash perjashtohet edhe vllau tjeter Tonin Radovani, ndonse ishte nxanës i shkelqyeshem i klasës së dytë Pedagogjike. E po mos t’ ishte dashamirsia e argjentarve Gjon Koja dhe Nush Radovani, as nuk mund të merrej me mend fundi i dy vllazenve të mij nen shpaten e “luftës së kllasave”… Vetem kujtimet e shkrueme nga shkrimtaria zj. Fatbardha Mulleti, ndoshta, na bajnë sot me kalue nder mend vitet e mnershme të Nanës sime nder dyert e kampeve shfarosëse të Asaj Shqipnije që s’po i ndahen asnjëherë vuejtjet e mjerimi i “rilindjes” komuniste. Bani me lotët e Nanave tona një shatrivan në oborrin e Atij Gjimnazi. Ato vazhdojnë me lotue!

Melbourne, Qershor 2019.

“Bondsteel më 7 mijë persona dhe me burg të CIA’s brenda”

Shtetet e Bashkuara të Amerikës e kanë theksuar gjithmonë prezencën e tyre pëmes kampit ushtarak “Bondsteel” i cili gjendet në qytetin e Ferizajt.



Mediumi bullgar, “Novini” i ka kushtuar një artikull këtij kampi ushtarak, i cili cilësohet si baza e dytë ushtarake më e madhe në Evropë.

“Bondsteel” shtrihet në një perimetër prej 405 hektarësh. Kampi është përshtatur për personel prej 7 mijë personash teksa brenda tij është edhe një burg i CIA-s.

Për shkak të pozitës së tij gjeografike, kampi është një bazë shumë e volitshme për aktivitete spiunazhi për Mediteranin Lindor si dhe arenën e Detit të Zi. Po ashtu, nga aty monitorohen edhe rrugët e gazit dhe naftës për në Lindjën e Mesme, Azinë dhe Rusinë lindore dhe BE-në, shkruan kjo gazetë.

Sipas këtij medium, nga kjo bazë amerikanë e kanë rritur influencën e tyre në Ballkan.

Aty Kosova cilësohet si shumë e rëndësishme për SHBA-të, duke qenë se ‘Bondsteel’ është baza e dytë më e madhe amerikane në Evropë.


Mediumi në fund përmend edhe faktin që Kosova aspiron që në të ardhmen të anëtarësohen në BE dhe organizata tjera ndërkombëtare.



Madje pjesa e fundit është më e çuditshmja, ku medium thekson se Kosova si vend i vogël dhe i pavarur është më lehtë e manipulueshme nga SHBA-të