Tarifa edhe reciprociteti u hoqën pa e pasuar asnjë efekt dobiprurës për Kosovën

Deputetja e Partisë Demokratike të Kosovës, Blerta Deliu-Kodra , ka reaguar pas vendimit të Qeverisë Hoti për heqjen e masës së reciprocitetit.

Deliu, ka thënë se vendosja e tarifës dhe reciprocitetit qëllim parësor ka pasur demonstrimin e sovranitetit të Kosovës dhe sikurse vendosja dhe heqja e saj janë vendime sovrane të Kosovës.


Ajo ka pohuar se çdo interpretim tjetër është manipulativ.

“Vendimi për aplikimin e masës tarifore dhe reciprocitetit ndaj Serbisë, ka përmbajtur një kontekst politik dhe kohor, gjithashtu. Vendimi riktheu dinamikën përfshirëse të SHBA-ve në zgjidhjen përfundimtare të konfliktit tonë me Serbinë dhe për herë të parë fushata serbe kundër njohjeve të Kosovës u pranua si një shqetësim ndërkombëtar dhe jo si një marrëdhënie e izoluar mes Kosovës e Serbisë”, ka shkruar Deliu në Facebook.

Në shkrimin e bërë deputetja ka thënë se ishte PDK, përkatësisht kryetari, Kadri Veseli, i cili sipas saj e kuptoi drejt dhe e trajtoi pa kalkulime partiake çështjen e tarifës dhe reciprocitetit.


“Nëse një vendim i caktuar projektohet për prodhimin e një efekti të caktuar politik ose një rrethane të re politike, atëherë mospërdorimi i tij në kulmin e këtij efekti rrezikon ta shndërrojë atë në një produkt të skaduar dhe paefektshëm, sikurse ndodhi gjithë këtë kohë me tarifën dhe reciprocitetin.

Duhet të kujtojmë se ishte PDK, përkatësisht kryetari Kadri Veseli, i cili e kuptoi drejt dhe e trajtoi pa kalkulime partiake çështjen e tarifës dhe reciprocitetit. Po të suspendohej tarifa dhe reciprociteti në kohën e propozimit të Veselit dhe njëkohësisht, në kulmin e efektit të tyre, ato do të mbeteshin si një shpatë mbi kokën e Serbisë, për faktin se edhe SHBA edhe BE kishin premtuar të respektonin rifuqizimin e tyre nëse brenda tre muajve Serbia nuk do t’i përmbushte premtimet e veta”, ka shkruar ajo.

Deliu thotë se tarifa dhe reciprociteti u hoqën pa e pasur asnjë efekt dobiprurës për Kosovën.

“Sot, edhe tarifa edhe reciprociteti u hoqën pa e pasuar asnjë efekt dobiprurës për Kosovën dhe për më tepër, pa asnjë efekt kushtëzues për Serbinë (siç përmbante suspendimi në atë kohë) dhe pa asnjë përfitim ndërkombëtar siç mund të rezultonte në atë kohë.


Asgjë më tepër nuk ka demonstruar pasojat e politikave popul;iste sikurse rastet e humbura për të përfituar në rast të vendimeve të guximshme, të drejta dhe jo manipulative. Mungesa e lirisë së lëvizjes në Shengen për shkak të një kauze të sajuar dhe zhvleftësimi i masës tarifore dhe reciprocitetit deri në shterpësi, do të duhej të flisnin shumë për një shoqëri të vëmendshme”.

Pa reciprocitet nuk ka barazi, nuk ka shtet as sovranitet

Ish-ministrja e MEPTINIS-it, Rozeta Hajdari, ka reaguar ndaj vendimit të Qeverisë Hoti për heqjen e reciprocitetit me Serbinë.

Hajdari përmes një status inë Facebook ka thënë se vendimet e qeverisë Kurti dhanë fryt, ndërsa reciprociteti i hapi rrugë tregtisë së lirë, pa barriera.


Sipas saj tregtarët e pranuan Republikën e Kosovës, pa ngurrim.

“Dhjetëra mauna nga Serbia kaluan kufirin me dokumente që i referohen shtetit tonë si Republika e Kosovës. Sot Kabineti Hoti prishi gjithçka: prodhuesit dhe eksportuesit vendorë i la pa mbrojtjen e shtetit, ndërsa Kosovën pa Republikë.Pa Republikë, dialogu me Serbinë është josimetrik. Ai s'është dialog mes shteteve sovrane. Si do të shkoni në bisedime me Serbinë dhe kë do të përfaqësoni, z. Hoti?”, thuhet ndër të tjera në reagimin e ish-ministres Hajdari.

Ky është reagimi i saj i plotë:

Operatorët ekonomikë nga Serbia e pranuan shtetin tonë, duke kapërcyer kufirin shtetëror me dhjetëra maune dhe dokumente tregtare që na quajnë Republika e Kosovës. Kabineti Hoti nuk po e pranon Republikën tonë, andaj shfuqizoi sot vendimet e Qeverisë Kurti për zbatimin gradual të reciprocitetit si parim në marrëdhëniet me Serbinë.

Vendimet tona qenë të mbështetura po aq sa të guximshme. Reciprociteti është parim gjithësisht i pranuar i së drejtës dhe marrëdhënieve mes shteteve. Vendimet tona jetësuan këtë parim, të bazuar në aktet themeluese të Organizatës Botërore të Tregtisë.


Më 18 shkurt 2020, ne themeluam grupin punues, të përbërë nga zyrtarë, ekspertë vendorë dhe përfaqësues biznesesh, për të identifikuar dhe mënjanuar barrierat tregtare që autoritetet e Serbisë kanë vendosur ndaj nesh. Grupi punues — i udhëhequr nga kabineti im dhe me përbërje nga Oda Ekonomike e Kosovës, Klubi i Prodhuesve, Dogana, Agjencia e Ushqimit dhe Veterinarisë dhe Departmenti i Tregtisë në MEPTINIS — prodhoi një raport 15-faqesh, duke identifikuar barrierat tregtare me Serbinë. Në vijim, ky grup punues rekomandoi heqjen e tarifës dhe vendosjen e masave të reciprocitetit. Njëherësh, prodhuesit vendorë kërkuan lehtësime për importimin e lëndës së parë.

Qeveria Kurti dëgjoi ekspertët dhe prodhuesit vendorë. Më 20 mars, nxori vendimin 01/14 që liroi nga tarifa 100-përqind lëndën e parë që importohej nga Serbia dhe Bosnjë-Hercegovina, duke paralajmëruar ndërkohë masa të reciprocitetit.


Më 31 mars 2020, Qeveria mori vendimin 01/20 për zbatimin gradual të reciprocitetit si parim në marrëdhëniet me Serbinë. Hoqi tarifën 100-përqind, mirëkuptoi rrethanat e ndjeshme të Bosnjë-Hercegovinës, ndërsa Serbisë iu përgjigj me kërkesa të ndërsjella për dokumentet tregtare. Por mbi të gjitha, ngritëm mekanizmin ndërinstitucional për të vëzhguar se si po zbatoheshin masat dhe sa të përshtatshme ishin ato masa për të mënjanuar barrierat e Serbisë.

Grup ndërinstitucional monitorues, i themeluar më 22 prill 2020, u mblodh gjatë prillit e majit për të vlerësuar gjendjen — për të parë nëse po zbatoheshin masat dhe nëse Serbia kishte ndërruar sjelljen. Grupi identifikoi sfidat në zbatim të masave të reciprocitetit, ndërsa gjeti barrierat e reja të autoriteteve serbe, përfshirë kushtin e ri që çdo dokument të përmbajë emrin "Republika e Serbisë", në kundërshtim me marrëveshjen e Brukselit. Me rekomandimet e grupit ndëinstitucional monitorues, të paraqitura në raportin e 28 majit, dhe gjetjet e kabinetit në MEPTINIS, hartuam një vendim të ri për reciprocitetin.

Vendimi 01/37 i 30 majit 2020 e tha shkurt e shqip, se asnjë mall e asnjë maune nga Serbia s'do të pranohet pa emrin Republika e Kosovës.

Vendimet e qeverisë Kurti dhanë fryt. Reciprociteti i hapi rrugë tregtisë së lirë, pa barriera. Tregtarët e pranuan Republikën e Kosovës, pa ngurrim. Dhjetëra mauna nga Serbia kaluan kufirin me dokumente që i referohen shtetit tonë si Republika e Kosovës. Sot Kabineti Hoti prishi gjithçka: prodhuesit dhe eksportuesit vendorë i la pa mbrojtjen e shtetit, ndërsa Kosovën pa Republikë.


Pa Republikë, dialogu me Serbinë është josimetrik. Ai s'është dialog mes shteteve sovrane. Si do të shkoni në bisedime me Serbinë dhe kë do të përfaqësoni, z. Hoti?

Pa reciprocitet s'mund të ketë barazi. Pa barazi s'mund të ketë liri. Pa liri s'mund të ketë zhvillim, as mirëqenie e as dinjitet për qytetarët.

Milenium Challenge Corporation (MCC) ka aktivizuar përsëri programin e saj në Kosovë.

Në një komunikatë për media lëshuar nga MCC, bëhet e ditur se vendimi është marrë pas heqjes së masave të reciprocitetit nga qeveria  Abdullah Hoti.

Aty thuhet se MCC mirëpret vendimin e qeverisë për taksën dhe masën e reciprocitetit ndaj mallrave serbe.


“Shtetet e Bashkuara të Amerikës mirëpresin reflektimin e Kosovës në çështjen e taksës dhe heqjen e masave të reciprocitetit ndaj mallrave serbe. MCC është e kënaqur që të rifillojë zbatimin e programit kompakt të propozuar në Kosovë. 


MCC pret një partneritet të vazhdueshëm, të fortë me popullin e Kosovës dhe qeverinë e tyre ndërsa ne punojmë së bashku për të zvogëluar varfërinë përmes rritjes ekonomike”, thuhet në komunikatë.

Kujtojmë, se MCC kishte bllokuar investimet e saja në Kosovë pas refuzimit të qeverisë së Kosovës për të hequr taksën ndaj mallrave serbe.

Një vendim i tillë i MCC-së ishte marrë gjatë kohës së qeverisjes Kurti.

Vendimi i ‘Qeverisë Hoti’ për reciprocitetin, vjen paralajmërimi i fuqishëm nga analisti për LDK-në: Po rrezikon të pësojë debaklin...

Qeveria e Kosovës, në mbledhjen e sotme ka votuar për të shfuqizuar masat e reciprocitetit ndaj Serbisë. Këto masa u vendosën më 1 prill nga qeveria e kaluar, e udhëhequr nga Albin Kurti.

Kryeministri i Kosovës, Prof.Dr.Avdullah Hoti tha se me heqjen e reciprocitetit janë hequr pengesat për vazhdimin e dialogut me Serbinë.


“Kemi marrë një vendim të rëndësishëm sot, duke i hequr pengesat për procesin e dialogut, në përputhje me zotimet që kemi dhënë para partnerëve tanë ndërkombëtarë".

“Tani presim që të njëjtën gjë ta shohim nga pala serbe, që të heqin të gjitha pengesat dhe t’i japin frymë procesin e dialogut. Por, ne ruajmë të gjitha të drejtat tona, si shtet sovran, që të vendosim të gjitha masat e nevojshme, për të ruajtur sovranitetin tonë, në koordinim me partnerët tanë”, tha kryeministri  Abdullah Hoti.

E, se a do të ndikojnë në Lidhjen Demokratike të Kosovës këto vendime të ‘Qeverisë Hoti’,  ka folur analisti i njohur, Faton Mehmeti, fillimisht konsideron se Lidhja Demokratike e Kosovës me mocionin e mosbesimit ndaj ‘Qeverisë Kurti’, ka humbur vota në elektorat.

Gazetari dhe analisti Faton Mehmeti , shprehet se ndikim të madh në këtë parti do të ketë edhe vendimi i fundit i ‘Qeverisë Hoti’ lidhur me reciprocitetin.

“Me mocionin ndaj qeverisë në kohë pandemie, faktikisht LDK ka humbur vota në elektorat, të cilët besojnë se për LDK-në më i rëndësishëm është shteti se pushteti. Më heqjen e reciprociteti, natyrisht se edhe kjo do të ndikojë në një farë mënyrë që elektorati ta braktisë LDK-në. Megjithatë, përcaktuese do të jetë përfundimi, nëse marrëveshja me Serbinë do e ndaj vendin, në këtë rast Lidhja Demokratike e Kosovës do të konsiderohet fajtore që i mundësojë Thaçit të bënte një veprim të tillë”, ka thënë Faton  Mehmeti.

Me tej ai është i mendimit se veprimet që do të pësojnë do të jenë edhe më të dhimbshme për Kosovën, dhe të gjitha do i atribuohen partisë së  Akademik Prof.Dr.Isa Mustafës.


“Kështu që, veprimet që do të pësojnë do të jenë edhe më të dhimbshme për Kosovën, dhe të gjitha do i atribuohen LDK-së, nisur që nga rrëzimi i qeverisë në kohë pandemie e deri tek eventualisht ndarja e Kosovës. Në anën tjetër edhe qëndrimet ndryshe të  Prof.DR.Vjosa Osmanit, e cila po i mban parimet me të cilat i mori votat, pritet që të dëmtojnë shumë LDK”, ka shtuar ai.

Analisti politik thekson se partia e Isa Mustafës do të mund të shpëtonte vetëm nëse në marrëveshjen përfundimtare me Serbinë nuk ndahet Kosova, dhe përfiton liberalizim të vizave për qytetarët e vendit.

“LDK do të mund ta shpëtonte vetëm nëse në marrëveshjen përfundimtare me Serbinë nuk ndahet Kosova, vendi përfiton liberalizmin të vizave, krijim të vendeve të punës, luftë ndaj korrupsionit dhe mos bërja e  Hashim Thaçit përsëri president me votat e LDK-së. Ndryshe, LDK rrezikon të pësojë debaklin më të madh që nga krijimi i saj”, thekson  Faton Mehmeti.

Krejt në fund, ai nënvizon se sfidat e ardhshme do të jenë përcaktuese për Lidhjen Demokratike të Kosovës, e cila, sipas analistit, edhe deri tani ka humbur besimin në elektorat, nga veprimet e saja tashmë të njohura, dhe të cekura më lartë.

Flori Bruqi : Portat me gurë(poezi)

Flori Bruqi

PORTAT ME GURË

Në shkofshi ndonjëherë ju nipër në Isniq,

në shtëpitë e të parëve,

udhëve të stërlashta do të gjeni gjurmë,

në gurrat e shumta të Lojzave

me burime nga mali,

këpusni një dushk gështenje ,

e vini në buzë,

aty do të shuani etjen për ujë.

Bisedoni me zogjtë e malit,

Seç çfarë gjyshër jetonin në Isniqin e lashtë,

Edhe pse s’dëgjohet më troku i kalit të Boletinit,

sorrat do të gugasin ,

është legjendë e lashtë…

Edhe pse dyert kanë ngelur si gërdalla,

me çelës të ndryshkur nga koha,

shikoni me kujdes gurët e sokakut,

në çarjet e tyre do të gjeni plagë ,

dhimbjesh të isniqasve ndër mote…

Me vellon e bardhë të trishtimit të hedhur,

mbuluar do të jenë tek tuk shtëpitë e gurta,

nga pllakat me gurë të dyrve hijerënda,

do të pikojnë lotët për gjurmët e humbura.

24.5.2020.

Mathieu Aref : Jam i trishtuar që po e lëj shpirtin, karakterin dhe sjelljen e "disa" shqiptarë në një gjendje jo me të mirë se sa kur linda.

Mathieu Aref (Arif Mati) lindi më  01 03. të vitit 1938 në Kajro të Egjiptit, është historian shqiptaro-françes .

Prindërit e tij kanë lindur në krahinën e Matit (Shqipëri).

Tashmë ai jeton në Francë dhe i është dedikuar prej vitesh hulumtimit të historisë.(Më gjerësisht lexoni në Agjencionin Floripress :

( http://floripress.blogspot.com/2020/06/mathieu-aref-jam-i-trishtuar-qe-po-e.html)

Mathieu Aref

Puna ime ka mbaruar, veprimtaria ime po merr fund dhe nesër ose pas nesër do të ndroj jetë dhe do të shkoj në një jetë me të qetë për tu bashkuar prapë më prindërit e mi të shenjtë dhe paraardhësit e mi pellazgo-ilirë. 

Vetëm vepra ime dhe në një mënyrë me të vogël personaliteti im do të vazhdojnë të përjetësohen vetëm për një kohë dhe më pas do të zhduken në harresë.

 Jam i trishtuar që po e lëj shpirtin, karakterin dhe sjelljen e "disa" shqiptarë në një gjendje jo me të mirë se sa kur linda.

Unë nuk mendoj se arsimi kombëtar është në lartësinë e duhur ndaj situatës aktuale dhe shpresat që presim nga populli me i lashtë të Evropës që është në zanafillën e dy qytetërimeve me të mëdha të Evropës : ai nuk frymëzon aq sa duhet çfarë e ka karakterizuar grupin tonë etnik disa mijëra vjet më parë : dinjitetin, fjalën e dhënë (besa), respektin e ndërsjellë, nderin, atdhetarizmin, ndihmën e ndërsjellë dhe guximin. 

Do të shtoja ngritjen të nivelit kulturor, një edukim të caktuar në promovimin e moralit të mirë dhe zhvillimin e një farë shpirti qytetar (civizëm) si dhe transmetimin e vlerave thelbësore të jetesës së bashku në qetësi, mirësi, harmoni, vëllazëri për të mirën dhe prosperitetin e vetvetes dhe të atdheut tonë të dashur.

 Sot, për fat të keq, të gjithë këta elemente të çmuar nuk janë të gjitha të mbledhur midis bashkatdhetarëve të mi në Shqipëri, Kosovë dhe të gjitha trojat pellazgo-shqiptare, ku ende flitet gjuha shqipe e shenjtë.

Mos më keqkuptoni (sikur bëjnë disa këtu) sepse çfarë unë them këtu për Shqiptarët është një « gjeneralitet » sepse ka shqiptarë me shumë cilësi, më personalitet të shquar dhe vlera. 

Paradoksi më i madh ndër shqiptarët është se, sipas të gjithë vëzhguesve me shekuj dhe unë vetë, ne besojmë se Shqiptari(a) është gjithçka dhe e kundërta e saj : më të mirë në botë nuk ka por dhe më të keq se Shqiptari nuk ka ! 

Kjo është arsyeja pse kam theksuar që për disa « edukimi, kultura dhe sjellja e mirë" i përmirësojnë ato jashtëzakonisht.

Arif Mati (Aref Mathieu), me origjinë nga fshati Rremull, i rrethit të Matit, është lindur me 1 mars 1938 ne Kajro (Caire), Egjipt. Eshtë i martuar, ka tre djem dhe një vajzë.



23 vitet e para të jetës së tij i ka kaluar në Egjipt, ku edhe ka kryer gjimnazin dhe studimet universitare. Më pas, në vitin 1961, ai udhëton drejt Francës, ku edhe jeton që prej asokohe. Eshtë i diplomuar në fusha të ndryshme, si « Literaturë, Artet e bukura, Arkitekturë, Drejtësi e shoqërive, dhe Histori antike ». Flet pesë gjuhë të ndryshme : shqip, frëngjisht, arabisht, italisht dhe anglisht.



Në vitin 2003 et 2004 ka publikuar dy libra në gjuhën frënge dhe më pas të përkthyer edhe në gjuhën shqipe :



1 - « Albanie (histoire et langue) ou l’incroyable odyssée d’un peuple préhellénique. - Shqipëria (historia dhe gjuha) ose odiseja e pabesueshme e një populli parahelen », Shtëpija botuese Plejad, Tiranë 2007.



2 – « Grèce (Mycéniens = Pélasges) ou la solution d’une énigme. – Greqia (Mikenët = Pellazgët) ose zgjidhja e një enigme », Shtëpija botuese Plejad, Tiranë 2008.



Me 3 janar 2012, Zoti Mati mori gradën Doktor në degën « Histori dhe Civilizimet Antike », në universitetin e njohur francez, me famë botërore, Sorbona (Sorbonne – Paris IV). Ka mbrojtur temën « Kërkime mbi Pellazgët, si origjinë e civilizimit grek » duke e justifikuar me argumentat e më poshtëm :



- Greqia, në lashtësi quhej Pellazgji ;



- Pellazgët ishin "barbarë" që nuk flisnin greqisht, pra ishin jo grekë, me ta nuk kishin lidhje etnike dhe gjuhësore. Pellazgët nuk ishin stërgjyshërit e grekëve ;



- Pellazgët u dhanë Helenëve një pjesë të madhe të kulturës së tyre, institucioneve, besimin fetar, dhe një fond gjuhësor (siç dëshmon Herodoti) nëpërmjet Jonianëve që ishin Pellazgë përpara se të bëheshin ata helenë ;



- Grekët e lashtë nuk e njihnin "qytetërimin Miken" ;



- Homeri i përcaktonte Pellazgët dhe gjuhën e tyre të shenjtë dhe gjuha greke nuk është folur përpara shk. 6 p.k dhe prandaj nuk ka patur asnjë "qytetërim Miken" ;



- Linearin B, Ventris dhe Chadwick në mënyrë mekanike e emërtuan "mikenë" dhe gjuhën si "greqishtja e lashtë" ;



- Pellazgët padrejtësisht janë trajtuar nga historia moderne si një popull i zhdukur pa lënë gjurmë. Në të kundërt të gjithë autorët antik i kanë trajtuar si populli më i lashtë në vendin që më vonë u bë Greqi dhe banorë të vetëm para-grek ;



- Qytetërimi i emërtuar Miken, nuk ka ekzistuar kurrë me këtë emërtim. Qytetërimi i vetëm që ka egzistuar para ardhjes së grekëve qe ai i Pellazgëve.



Ne, si matjanë, puna e Arif Matit, na bën të ndihemi krenarë, sepse vë në dritë historinë (origjinën, gjuhën...) e popullit shqiptar, e cila për shkak të luftërave dhe pushtimeve të ndryshme ndër shekuj, ka qenë e modifikuar. Historia është shkruajtur shpesh nga ata që kanë fituar luftërat, dhe ata që i kanë fituar, e kanë shkruajtur atë jo ashtu siç është në të vërtetë, por ashtu siç u përshtatej.



Zoti Mati ka kontribuar, në mënyrë vullnetare, ashtu si edhe matjanë të tjerë, për zhvillimin e blogut « Dars (Klos), Mat - Albania », duke dërguar një hartë të komunave të zonës së Matit dhe një hartë të lashtësisë së Shqipërisë, këtu më poshtë. E falenderoj përzemërsisht për kontributin e tij dhe krenohemi që rrënjët i ka nga zona jonë matjane.(Aurenc Bebja)

Shqipëria – odiseja e pabesueshme e një populli parahelen (Historia dhe gjuha)

 Origjinali: Albanie (Histoire et langue) ou l’incroyable odyssée d’un peuple préhellenique. libër me Autor Mathieu Aref. Shqipëroi: Iliriana Angoni. Shtëpia botuese: Plejad.

Viti i botimit 2007. Faqet e librit 608. ISBN 978-99943-903-9-7

Ky libër do të befasojë shumë lexues.

Ai nuk ngurron të ndërmarrë një qëndrim krejt të kundërt ndaj asaj, që me sa duket, është një e vërtetë e ndërtuar. 

A mos ka qenë i mbivlerësuar vendi i Grekëve në historinë e Gadishullit Ballkanik dhe, me sa duket, vetevetiu e pa nxjerrë pikëpyetje, ne jemi mësuar ta ngjisim deri në periudhën mikeniane e madje edhe më tej dhe ta vendosim pothuajse natyrshëm si të ketë qenë faktor thelbësor i historisë së këtij rajoni ?

Në këtë vepër, Mathieu Aref (Aref Mati) hulumton në një tjetër drejtim dhe ravijëzon një botë tjetër, atë pellazge, së cilës grekët i detyrohen për një pjesë jo të vogël të së kaluarës së tyre. 

Por kësaj here ajo nuk duhet të ketë qenë aty, në Ballkan, përpara grekëve, dhe këtyre, kur mbërritën, nuk u mbeti gjë tjetër veçse të depërtonin e të merrnin atë çfarë ajo u ofronte.

Kuptohet që këta grekët do ta kenë damkosur Herodotin për tradhti ndaj helnizmit dhe do ta kenë denoncuar për dashaligësinë e tij – që do të bëhet objekt i një trajtese të vogël të Plutarkut – e cila e shtyn atë të njohë cilësitë e barbarëve,dhe kjo, sipas atyre, i zhvlerëson bashkëpatriotët. 

Por, Herodoti ka pasur shumë të drejtë: grekët nuk kanë qenë të parët mbi këtë tokë dhe, nëse ka pasur të tjerë më parë, atëherë është më se e qartë se u detyrohen atyre për një pjesë të rëndësishme të qytetërimit.

Dominique Briquel,Profesor në Universitetin e Sorbonës

Mikenët = Pellazgët: Greqia ose zgjidhja e një enigme

Mikenët = Pellazgët: Greqia ose zgjidhja e një enigme Origjinali: Grece (Myceniens=Pelasges) ou la solution d`une enigme Histori. 

Autori i librit Mathieu Aref. Shqipëroi: Iliriana Angoni, shtëpia botuese: "Plejad". Viti i botimit 2004, fq. 608. ISBN 978-99956-658-2-1

Kjo vepër e re përfundon atë se çfarë Arefi shkrujti në veprën "Shqipëria (Historia dhe gjuha) ose odisea e pabesueshme e një populli parahelen". Këtë herë ai e përzmadhin pamjen e saj dhe nxjerr nocione etnike, të cilat na i bëjnë të ditura burimet e lashta në lidhje me botën e lashtë ballkanike.

Këtyre pellazgëve, kaq e vështirë për t`u ravijëzuar edhe kur prania e tyre ka qenë e pohuar në shumë vise të botës antike, Aref Mati kërkon t`u japë një identitet. 

Duke u nisur nga një pohim i prerë i Herodotit se ishin barbarë ose më saktë "barbarofonë", dmth. Individë që flisnin një gjuhë ndryshe nga gjuha greke , ai propozon t`i identifikojmë me ilirët e antikitetit dhe të kërkojmë gjurmët ndër pasardhësit e tyre të ditëve të sotme: shqiptarët.

 Ai vetë është me zanafillë shqiptare dhe duke njohur e njohur në mënyrë të përkryer këtë gjuhë, Aref Mati zbraz të gjithë pasionin dhe njohuritë e tij në lidhje me këtë anketim: kjo mund të duket ikonoklaste, por nuk mungojnë pararendës të shquar të rivënies në diskutim të vizionit të zakonshëm të helenizmit- që nga K.O. 

Muller deri te M.I. Finley dhe Ferdinand Braudel, të cilët të gjithë kanë pyetur veten për këta parahelenë, të cilëve Greqia e Perikliut u detyrohet kaq shumë.

Pa dyshim, duke u marrë me një çështje të tillë, gjithçka mund të jetë e diskutueshme, gjithçka duhet të diskutohet- dhe hipotezat e parashtruara nga autori nuk i shpëtojnë këtij rregulli thelbësor të përçapjes shkencore. 

Por është mirë ta përballim veten me këtë rrezik për të mos qenë ndonjëherë veçse në gjumë dogmatik.

 Një vepër si "Athina e Zezë" na ftonte para disa vitesh për të hedhur një vështrim drejt jugut, për të kuptuar zanafillën e botës greke: ja një libër, i cili na fton që të mos shpërfillim veriun dhe ilirët në një proces të ndërthurur, i cili bëri të mundur shfaqjen e qytetërimit grek që ne njohim.


*****

Përgatiti:Akademik Prof.Dr.Flori Bruqi,Ph.D.

Lamtumirë profesor Agron Fico !

Mesazh ngushëllimi për kalimin në amshim të Agron Ficos 

Drejtori për mardhënie më publikun pranë Akademisë së Shkencave dhe Arteve Shqiptare-Amerikane në Nju Jork , Prishtinë ,Tiranëdhe Shkup  shpreh  ngushëllimet familjes së nënkryetarit të ASHASHA Akademik Prof.Dr.Agron Ficos dhe farefisit të tij këtu në New York dhe Shqipëri, për kalimin në amshim të një ndër bashkëpunëtorëve më të ngushtë të saj, aktivistit të palodhur të çështjes kombëtare shqiptare 

Në Tiranë,  në moshën 86-vjeçare, u nda nga jeta albanologu shqiptaro-amerikan  Agron Fico, i cili, ishte i rrethuar nga familja dhe farefisi, të afërmit dhe miqët e tij të shumtë.

Profesor Agroni  deri sa kaloi në amshim për vite me radhë ishte nënkryetar i ASHASHA (AAS-it)  në SHBA, Shqipëri, Kosovë dhe Maqedoni Veriore.

Kjo është një humbje e madhe për familjen ASHASHA ,në vendlindje, në mërgim, miqët, shokët me të cilët ai punoi një jetë të tërë, në shërbim të çështjes kombëtare në vend dhe diasporë.

Akademiku ynë  prof.dr.Agron Fico,Ph.D. , pushoftë në paqe e i lehtë i qoftë dheu në token e së cilës ia kushtoi me përkushtim pjesën më të madhe të jetës, gjithnjë me mall për vendlindjen e tij që e deshti aqë shumë.

Lamtumirë profesor!

Flori Bruqi

Drejtor për mardhënie me publikun 

Tiranë, 3.6.2020.

Elita liberale e pushtetit dëshiron luftë civile për ta larguar Trumpin

Një demonstrues duke tundur një flamur amerikan të djegur gjatë një proteste në St. Louis, Misuri, 1 qershor 2020. 


Foto: Lawrence Bryant / Reuters / Scanpix.

Nga: Christian Skaug

Zgjedhja e Donald Trump si President i Shteteve të Bashkuara është pengesa më e rëndësishme deri më tani për globalizimin që ka ecur me shpejtësi, por të cilin elita e fuqishme liberale, globaliste në Perëndim, do të vazhdojë ta shtyjë – le të kushtoj sa të kushtoj. Kjo në prapavij për jetën politike bashkëkohore sqaron shumë për rrugën dhe pse kjo elitë preferon të hudhë benzinë ​​në zjarrë për vdekjen e George Floyd.

Destabilizimi i Shteteve të Bashkuara shërben për të dobësuar Trump, dhe për këtë qëllim, gjithçka është e lejuar, gjithashtu me i krijuar parakushtet e një lufte civile. Asnjë nga këto nuk duhet të jetë surprizë. Kanë kaluar dhjetë vjet qëkur eseistja konservatore amerikane Lee Harris shkroi librin «The Next American Civil War: The Populist Revolt against the Liberal Elite» “Lufqata tjetër civile amerikane: Revolta Populiste kundër Elitës Liberale”. Lëvizja Tea Party ishte shprehja më e dukshme e kryengritjes popullore në atë kohë, shumë kohë përpara se Trump të hynte në politikë të lartë.

Zgjedhjet presidenciale të vitit 2016 treguan se elita liberale mund të mposhtet politikisht. Por pala humbëse mbeti shumë e dëshpëruar: Një sondazh amerikan tregoi në shkurt se shumë votues demokratë thanë se ata parapëlqenin rënien e të drejtave njerëzore në vend që të rizgjodhnin Trump këtë vjeshtë. Dikush mund të pyesë se sa serioze është kjo, por nëse luani me mendime të tilla, perspektivat e një lufte civile mund të mos duken veçanërisht të frikshme. Dhe kjo është arsyeja pse gjithçka është e mundur si për të marrë anën e protestuesve këto ditë, ashtu edhe për të minuar autoritetin e administratës amerikane.


Ky është padyshim një instrumentizim cinik i një vdekje tragjike të një lloji që fatkeqësisht ndodh herë pas here, por që normalisht nuk rezulton të shfrytëzohen në të njëjtën mënyrë. Dhuna shfaqet në shumë paketime, por Shtetet e Bashkuara janë një shtet ligjor që e trajton atë sipas nevojës. Sidoqoftë, këtu shikohet synimi për t’a mposhtur Trump-in në kohën e pandemisë korona. Paul Krugman në New York Times dhe Hanne Skartveit në VG, secili kanë variantin e tyre për të njëjtën temë të hënën dhe të martën, përkatësisht: Trump i sjell Shtetet e Bashkuara mbështetur për shkëmbi, ose ai nxit në përcarje edhe më të thellë. Si rëndom e majta vetë është fajtore për akuzat që ua drejton të tjerëve.

Eshtë Krugman që ëndërron luftën civile:



Për ta bërë këtë ekuacion sa më të lart, Krugman jo vetëm që duhet të injorojë protestuesit që plaçkisin dhe shkatërrojnë jetën e njerëzve të denjë. Ai gjithashtu duhet të ndjekë revizionizmin historik:



Revistat e Krugman nuk lënë dyshim se nuk ka kufij se sa thellë mund të fundoset elita e pushtetit liberal të Amerikës, në përpjekje për të hequr qafe presidentin. Nga anash, VG e vogël gëzohet në New York Times të madh. Hanne Skartveit jo vetëm që vë në zjarr Shtetet e Bashkuara, por tërë planetin, ajo beson:

Ajo që ne po shohim tani është një katastrofë e shumëpritur. Kjo bëhet aq pafundësisht më keq nga një president i cili praktikon polemika, jo duke mashtruar. Që është më shumë i interesuar me veten, sesa kombi që ai drejton. Që kërcënon stabilitetin dhe unitetin, si në vendin e vet, ashtu edhe në botë.

Kjo përrallë mashtruese heq vëmendjen nga lufta kulturore që po zhvillohet brenda në Perëndim midis globalistëve dhe atdhetarëve. “E ardhmja nuk i përket globalistëve. E ardhmja u përket atdhetarëve ”, tha Trump para Asamblesë së Përgjithshme të KB vjeshtën e kaluar. Deklarata ishte një leckë e kuqe për elitën e pushtetit global, i cila e ka shpallur presidentin amerikan si armikun kryesor.

Globalistët tashmë kanë frikë nga pasojat e pandemisë në formën e lëvizjes së zvogëluar dhe faktit që kompanitë strategjike po fluturojnë në shtëpi. Një rizgjedhje e Trump do të dobësojë më tej fuqinë e tyre. Prandaj, të gjitha truket e ndyra tani janë duke u përdorur për të lejuar që një Biden i përgjumur, i çorientuar të varet në dollapin e Shtëpisë së Bardhë nga Janari 2021 dhe të përgatitet për përdorim sipas nevojës. Mbetet për tu parë nëse strategjia do të ketë sukses. Antitrupat në popullatën amerikane mund të jenë më të fortë se sa pritej. Dhe duke humbur globalistët në Shtetet e Bashkuara, ata mund të humbasin kudo. Drama që shpaloset është ndër më të mëdhatë e kohës sonë.



Nga norvegjishtja: Gjergj – Bajram Kabashi