Pse po ngutet Serbia ta destabilizojë Kosovën?

 

                                  Shkruan Flori Bruqi,PHD

Kryeministri i Kosovës, Albin Kurti ka komentuar situatën në Veri, ku tha se shkak për tensionet janë bërë bandat e Beogradit. Nga foltorja e Kuvendit, ai u shpreh se Kosova ka respektuar ligjin dhe ka vepruar në përputhje me Kushtetutën, ku citoi “Unë nuk mund ti mbyll sytë kur grupet kriminale kërcënojnë rendin e republikës”.

“Braktisje e institucioneve erdhi dhe me braktisjen e komunave, e dinë që nuk janë të tyre por të Republikës. Ata nuk i duan ndërtesat dhe duan që dhe ne mos ti duam. Unë kam pasur hallin se kur të hyjnë kryetarët çfarë do ndodhë, por ata i kanë braktisur ndërtesat. Prezenca e policisë ka qenë e justifikuar për të mbajtur rendin."

"Ne duam të punojmë, Kosova këtë aset e merr në kontroll pasi ishte braktisur. Një pjesë e bandave u kthyen të organizuar për ta eskaluar situatën, kemi pamje e video që situata e tensionuar ishte e planifikuar, autori ishte Beogradi. Ngritja e shqetësimeve për eskalimin e situatës, bëri që Serbia të organizonte grupet kriminale.""Kosova ka bërë detyrën e saj, kemi vepruar në përputhje me Kushtetutën dhe nuk ka pasur asnjë lloj befasi, pasi procesi ka qenë më hallka. Pasuria e objekteve të Kosovës i takojnë Kosovës, shteti është sovran. Unë nuk mund ti mbyll sytë kur grupet kriminale kërcënojnë rendin e republikës. Shumë qytetarë serbë janë të detyruar ti shërbejnë për sulmet e këtyre grupeve, si pasojë e presioneve”, tha ai.

Kryeministri i Kosovës, Albin Kurti ka komentuar situatën në Veri, ku tha se shkak për tensionet janë bërë bandat e Beogradit. Nga foltorja e Kuvendit, ai u shpreh se Kosova ka respektuar ligjin dhe ka vepruar në përputhje me Kushtetutën, ku citoi “Unë nuk mund ti mbyll sytë kur grupet kriminale kërcënojnë rendin e republikës“.

Braktisje e institucioneve erdhi dhe me braktisjen e komunave, e dinë që nuk janë të tyre por të Republikës. 

Ata nuk i duan ndërtesat dhe duan që dhe ne mos ti duam. 

Unë kam pasur hallin se kur të hyjnë kryetarët çfarë do ndodhë, por ata i kanë braktisur ndërtesat. 

Prezenca e policisë ka qenë e justifikuar për të mbajtur rendin."

"Ne duam të punojmë, Kosova këtë aset e merr në kontroll pasi ishte braktisur. 

Një pjesë e bandave u kthyen të organizuar për ta eskaluar situatën, kemi pamje e video që situata e tensionuar ishte e planifikuar, autori ishte Beogradi. 

Ngritja e shqetësimeve për eskalimin e situatës, bëri që Serbia të organizonte grupet kriminale."

"Kosova ka bërë detyrën e saj, kemi vepruar në përputhje me Kushtetutën dhe nuk ka pasur asnjë lloj befasi, pasi procesi ka qenë më hallka. Pasuria e objekteve të Kosovës i takojnë Kosovës, shteti është sovran. 

Unë nuk mund ti mbyll sytë kur grupet kriminale kërcënojnë rendin e republikës. 

Shumë qytetarë serbë janë të detyruar ti shërbejnë për sulmet e këtyre grupeve, si pasojë e presioneve”, tha ai.

Kohë më parë disa media serbe kanë shkruar për deklaratat e

 presidenti rus Vlladimir Putin se Kosova ka pas të drejtën e vetëvendosjes njëjtë sikur edhe Krimea.

 Agjencia e Lajmeve serbe " B92" ka shkruar një artikull, ku citohet presidenti rus Vlladimir  Putini, duke thënë :"se populli i Kosovës ka pas të drejtën e vetëvendosjes".

Menjëherë pas publikimit kanë shpërthyer komente të ndryshme të lexuesve serb. Ata kanë dalë hapur kundër Putinit,

edhe Qeverisë serbe, të udhëhequr nga Aleksander Vuçiç

Njëri nga komentuesit ka shkruar se Putini me këtë deklaratë është duke përgatitur rrugën për njohjen e Kosovës

“Pse atëherë nuk e njeh Kosovën? Putini përgatitë rrugën për njohjen e Kosovës”, ka shkruar ai.

Një tjetër komentues ka shkruar se Koshtunica nuk është fajtori kryesor, tashmë e kemi një të ri: Putinin.

“Për mua është njëjtë… Më duken qesharake komentet, si: “Putin, të duam”!, “Putin, Serbia është me ty”!. Të gjithë janë të njëjtë: interes, interes. Putinit s’i ‘kërcet’ për neve, bile as rusët nuk çmenden pas nesh…”, ka shkruar një serb tjetër i pikëlluar me atë çfarë ka lexuar sot në mediat serbe.

Në një intervistë dhënë gazetës gjermane, BILD, Vladimir Putin përmendi pavarësinë e Kosovës. Putin përsëri e quan pavarësinë e Kosovës ligjore dhe të justifikuar, në mbrojtje të aneksimit të Krimesë nga Rusia.

Kosova ka garancinë amerikane dhe të NATO-s për sigurinë e saj Publicisti dhe shkrimtari i mirënjohur  nga Tirana , Rexhep Shahu, duke folur për zhvillimet në veri të Kosovës, thotë se qeveria e Serbisë i përdor serbët e veriut të Kosovës si kamikazë, që të destabilizojë Kosovën. 

 “Ajo që shoh unë në gjithë këto zhvillimet e fundit në Veriun e Kosovës nga pala serbe e pala shqiptare, më duket si luftë e kotë. 

Pala shqiptare don të vendosë sovranitet me anë të votimeve, të bëjë zgjedhje atje kur në tersi serbët e veriut nuk besojnë në qeverinë e Kosovës edhe të instruktuar nga qeveria e Beogradit.

Qeveria e Beogradit i përdor serbët e veriut të Kosovës si kamikazë që të destabilizojë Kosovën. 

Lista serbe,  në këtë rast përdoret si batalion kundër Kosovës, por ajo nuk ka fuqi ta destabilizojë Kosovën.

 Kosovën e destabilizojnë nëse nuk kanë vëmendjen e duhur vetëm shqiptarët”, thotë Rexhep Shahu  

Sipas tij, Kosova ka garancinë amerikane dhe të NATO-s për sigurinë e saj.

 “Aktualisht në kushtet siç janë, kur Kosova ka garanci amerikane dhe ka NATO-n në Kosovë që e mbron, nuk ka Beograd që e destabilizon.

/

Transmetuesi kombëtar i Mbretërisë së Bashkuar, BBC, ka publikuar një artikull për tensionet në veri të Kosovës, duke theksuar se ato po rriten.

Protestuesit kanë bllokuar rrugët dhe thuhet se kanë qëlluar me armë pasi u detyruan të vendosnin targa të Kosovës në makinat e tyre.

Ekziston frika se dhuna midis serbëve etnikë dhe shqiptarëve etnikë mund të ndizet përsëri, 23 vjet pas luftës në Kosovë, shkruan BBC, përcjell Gazeta Express.

Ku është Kosova dhe kush jeton atje?

Kosova është një vend i vogël, pa dalje në det në Ballkan, në kufi me Shqipërinë, Maqedoninë e Veriut, Malin e Zi dhe Serbinë.

Shumë serbë e konsiderojnë atë vendlindjen e kombit të tyre.

Por nga 1.8 milionë banorët që jetojnë në Kosovë, 92% janë shqiptarë dhe vetëm 6% serbë. Pjesa tjetër janë boshnjakë, goranë, turq dhe romë.

Si e fitoi Kosova pavarësinë?

Pas shpërbërjes së Jugosllavisë, në vitet 1990, Kosova kërkoi autonominë dhe pavarësinë e saj.

Serbia u përgjigj me një goditje brutale kundër shqiptarëve etnikë që kërkonin pavarësinë.

Kjo përfundoi në vitin 1999, me një fushatë bombardimi të NATO-s kundër Serbisë, midis marsit dhe qershorit.

Forcat serbe u tërhoqën nga Kosova – por për shumë shqiptarë dhe serbë të Kosovës, konflikti nuk është zgjidhur kurrë.

KFOR-i i udhëhequr nga NATO është ende në Kosovë, me një forcë aktuale prej 3,770 trupash.

Në vitin 2008, Kosova shpalli pavarësinë.

Gjithsej 99 nga 193 vende të Kombeve të Bashkuara e njohin tani pavarësinë e Kosovës, duke përfshirë SHBA-në, Britaninë e Madhe dhe 22 nga 27 shtete të BE-së.

Por Rusia dhe Kina, të cilat nuk e bëjnë këtë, e kanë bllokuar anëtarësimin e Kosovës në OKB.

Dhe presidenti serb Aleksandar Vuçiq është zotuar se Serbia kurrë nuk do ta njohë Kosovën si një vend të pavarur.

As Kosova dhe as Serbia nuk janë në BE – por: Serbia është një vend kandidat për në BE që nga viti 2012. Kosova ka treguar se dëshiron të aplikojë deri në fund të vitit 2022.

Pse janë ndezur telashet tani?

Marrëdhëniet mes qeverisë së dominuar nga shqiptarët dhe pakicës serbe kanë qenë të acaruara prej vitesh.

Fundjavën e kaluar, tensionet kaluan në mosbindje civile.

Qeveria e Kosovës donte t’i detyronte ata në zonat me shumicë etnike serbe t’i ndërronin targat e tyre të makinave të lëshuara nga Serbia me ato të Kosovës.

Rreth 50,000 njerëz në këto zona nuk duan t’i përdorin targat e Kosovës sepse refuzojnë të njohin pavarësinë e Kosovës.

Të dielën, serbët etnikë në rajonin verior të Kosovës, i cili kufizohet me Serbinë, barrikaduan rrugët dhe disa persona thuhet se qëlluan me armë në shenjë proteste.

Qeveria e Kosovës shtyu zbatimin e rregullave të reja për një muaj.

A është e përfshirë Rusia?

Qeveria e Kosovës thotë se Serbia po nxit tensione etnike dhe Rusia po e mbështet atë.

Serbia dhe Rusia janë aleatë tradicionalë.

Pas pushtimit rus të Ukrainës, Serbia refuzoi t’i bashkohej regjimit të sanksioneve të vendeve të tjera europiane.

Në vend të kësaj, në maj, Vuçiq nënshkroi atë që ai tha se ishte një marrëveshje e favorshme gazi me presidentin rus Vladimir Putin.

Zëdhënësja e Ministrisë së Jashtme ruse Maria Zakharova fajësoi për tensionin në Kosovë autoritetet kosovare që tha se vendosën “rregulla të pabaza diskriminuese”.

Një deputet nga partia e Vuçiqit tha se Serbia së shpejti do të detyrohet të fillojë “denazifikimin e Ballkanit” – duke përdorur të njëjtën gjuhë që Putin e përdori për ta justifikuar pushtimin e tij në Ukrainë. 

 

 tij.Kosova me gjithë potencialin e saj njerëzor, politik e ushtarak e vetme nuk përballet dot me Serbinë”, shprehet Shahu. 

 Më tej, ai thotë se  duhet ta ruajë shtetësinë e saj me anë të miqve amerikanë dhe NATO-s.

 “Serbia edhe të fuqizohet edhe tri herë më shumë nuk fërkohet dot me Amerikën e NATO-n që e mbrojnë dhe garantojnë Kosovën.

 Amerika dhe NATO ia kanë marrë me luftë Kosovën Serbisë që e ka qeverisë një shekull dhe sot Kosova njihet shtet i pavarur i lirë e demokratik nga shumica e shteteve të botës”, thekson publicisti Shahu.

 Për fund, Shahu thotë se çdo vonesë nga ana e qeverisë së Kosovës përballë kërkesave amerikane, rrit rrezikun për eskalim. 

 “Por Kosova nuk mund ta shpërfillë bashkësinë ndërkombëtare, Amerikën sepse e vetme Kosova nuk ia del. Individë që kryesisht nuk jetojnë në Kosovë fyejnë e tallin zyrtarët amerikanë, pse ata kërkojnë Asociacionin e komunave serbe. 

Asociacioni brenda kushtetutës së Kosovës, brenda tërësisë territoriale të Kosovës nuk mundet t’i bëjë asgjë Kosovës. Çdo vonesë nga qeveria e Kosovës rrit rrezikun dhe presionin ndërkombëtar. Nuk ka vend as kohë as rend për patriotizëm, çdo llomotitje për këtë është patriotizëm fals”, përfundon  publicisti nga Shqipëria, Rexhep Shahu.

Ndërsa publicisti kosovar Berat Buzhala, shkruan se:

" Serbët organizuan festë kur Donald Trump i fitoi zgjedhjet. 

Pse, ata, tash nuk po e presin në qetësi Trump'in që ta marrë timonin në Shtëpi të Bardhë? 

A po frikësohen serbët që Trump dhe Putin do të bëjnë tregti në mes të Kosovës dhe Krimesë? 

 Prej kur është shpallur pavarësia, Serbia kurrë më shumë nuk ka ndërmarrë hapa provokues në drejtim të Kosovës. Pothuajse për çdo javë shpik diçka të re. 

 E filluan me ndërtimin e murit në pjesën veriore të Mitrovicës. Në rrethana normale, duke marrë parasysh kontekstin, secili shtet do të duhej të ndërhynte për ta rrënuar atë,shkruan Buzhala. 

Teorikisht një akt i tillë i Prishtinës do të ishte i domosdoshëm, por praktikisht dërgimi i mjeteve të rënda për rrënimin e tij do të nxiste tensione të mëdha në mes të banorëve, në të dy brigjet e lumit. 

Do të kishte gjasa reale për një gjakderdhje të re, e cila do ta krijonte një momentum të ri politik, që do ta dëmtonte pozicionin e Kosovës në botë - në këtë botë të re dhe të paqartë. Pastaj, nuk vonoi shumë dhe ndodhi arrestimi i Haradinajt në Francë. Do ta gjenim veten në një mal të dendur, sikur të provonim të bënim çfarëdo analize për ta sqaruar këtë situatë. Ajo çfarë mund të themi është se Serbia, karshi Francës së fuqishme, u soll në mënyrë shumë më arrogante, se sa ishte sjellë, bie fjala, në rastin kur Sllovenia e kishte ndaluar z. Haradinaj. Shkoi aq larg sa tha se, nëse nuk do të dorëzohej Haradinaj në Serbi, atëherë as Serbia nuk do të vepronte me reciprocitet me Francën në të ardhmen. Saga me Z. Haradinaj do të vazhdojë edhe më tutje. Nuk e dimë ende përfundimin. Por e dimë që këtë herë Serbia ishte shumë më e patakt. Kur tensionet ishin shumë të larta, u nis për në vendin tonë vozhdi serb, Tomislav Nikolic, person përgjegjës për krime të shumta në Ballkan. 

Kjo vizitë vetëm për t'i ulur tensionet nuk po bëhej. Prezenca e Nikolicit në Kosovë, kur Haradinaj po mbahej në burg në Francë, do të ishte një thirrje e hapur për kryengritje. Fatbardhësisht një gjë e tillë nuk ndodhi. Nikolic u ndal të mos futej në vendin tonë. Por, ky nuk ishte fundi i provokimeve, që nuk po bëhen nga Prishtina, por nga Beogradi. Dhe nuk po bëhen rastësisht, me një fluks kaq të dendur. Shteti serb në mënyrë të hapur, me një paralajmërim afatgjatë, vendosi që të provokojë në mënyrën më brutale të mundshme: duke e nisur për në Kosovë, në rrugë hekurudhore, reklamën më të madhe kundër shtetit tonë. Pra, treni, nuk ishte një gjë që po provohej të bëhej natën, ose në mënyrë të pavërejtur. Ishte një akt që po bëhej qëllimshëm, me një paralajmërim bombastik, në disa gjuhë të botës. Ndaj këtij provokimi ishte e pamundur të qëndrohej në mënyrë indiferente. Ekzistonte vetëm një opsion: të ndalej. Beogradi e ka ditur që në krye të herës se Prishtina do ta ndalë atë. Në të kundërtën do të ishte fiasko totale për Kosovën. Kapitullim. Ajo çfarë po shpreson Beogradi është që Prishtina të mos ndalet me kaq. Dëshira e autoriteteve serbe është që Prishtina të lëshohet në avantura të rrezikshme ndaj serbëve lokalë. Në kohë krizash, në kohë tensionesh, gabime të tilla janë vazhdimisht të mundshme. Mjafton një provokim, një shkëndijë, që gjërat të shkojnë në mënyrë krejt të gabueshme. Pyetja që shtrohet është kjo: Pse Beogradit po i ngutet kaq shumë? Në botë, muajt e fundit, kanë ndodhur zhvillime dramatike, posaçërisht ndërrimi i administratës në Shtetet e Bashkuara të Amerikës. Në Kosovë do të duhej të ndjeheshim të shqetësuar për shkak të humbjes së aleatëve tanë në zgjedhjet e fundit atje. Në krye të shtetit po vjen Donald Trump, për zgjedhjen e të cilit serbët u gëzuan aq shumë. Madje festoi edhe kryeradikali serb, Vojisllav Sheshel. Në veri të vendit u vendosën pano reklamuese me foton e Presidentit të zgjedhur Trump. Por pse serbët nuk po e presin në qetësi ardhjen e z. Trump në krye të shtetit? Deri në ardhjen formale të tij në krye të shtetit ka ngelur më pak se një javë. Logjikisht, a nuk do të duhej që serbët edhe këtë javë ta mbanin frymën, duke e pritur një frymë të re? Një gjë e tillë duket vetëm në shikim të parë, sepse qeveria e Serbisë duket jashtëzakonisht e interesuar që ta krijojë një realitet tjetër politik në Kosovë, përpara se administrata Trump të fillonte punën. Mënyra e vetme për ta bërë një gjë të tillë është duke nisur gjakderdhje të reja, mundësisht në kurriz të serbëve lokalë, dhe mundësisht përpara konsolidimit të Trumpit në krye të Amerikës. Saktësisht për këto arsye, Presidenti Nikolic thotë se vrasja e serbëve në Kosovë do ta detyronte Serbinë që të ndërhynte në mbrojtje të tyre. Teknikisht këtë gjë nuk do ta lejonin forcat ndërkombëtare, ato të KFOR'it. Mirëpo me këtë paqartësi ndërkombëtare, pra kur administrata amerikane nuk është edhe më tutje në vend të vetin, cdo gjë do të ishte e mundur. Një imitim i inkursionit rus në Krime nuk është një gjë e paimagjinueshme. Viktimat e shumta në rrugë janë arsyetim i mirë për lloj - lloj çmendurish. Raporti i Presidentit të ardhshëm amerikan, me homologun e tij rus, Vladimir Putin, në vend që të ishte mesazh i mirë për Serbinë, duket që të jetë ankth për ta. Qeveria e Serbisë e di, ose e ka mësuar ndërkohë, që raportet ruso - amerikane në botë janë shumë më të rëndësishme, janë shumë më të ndërlidhura, sesa raportet ruso - serbe. Kjo gjë bëhet shumë më e qartë kur i lexon intervistat e Presidentit rus, të dhëna në vazhdimësi, se Perëndimi duhet t'ia njohë Rusisë aneksimin e Krimesë, sikur që e ka njohur Kosovën shtet të pavarur. Madje, Putin në një intervistë të dhënë për mediat gjermane, vitin e kaluar, gjente edhe bazë ligjore për pavarësinë e Kosovës. Nëse ne i kemi lexuar dhe dëgjuar këto intervista, është lehtë e supozueshme që këtë ta ketë bërë edhe kreu politik dhe shtetëror i Serbisë. Ata e kanë shumë te qartë se Rusia është e gatshme të bëjë tregti me Perëndimin - SHBA'të - për një këmbim në mes të Krimesë dhe Kosovës. Se Rusia pajtohet që t'i realizojë disa interesa të saj strategjike, këtë e ka bërë të ditur edhe Presidenti i zgjedhur Trump, i cili në javët në vijim do ta takojë në një samit të jashtëzakonshëm Presidentin Putin, sipas të gjitha gjasave në Rejkjavik të Islandës - një përsëritje kjo e takimit të famshëm të Ronald Reganit me Mikael Gobrachovin, liderin e fundit sovjetik. Nuk e besoj që harta e botës do të vizatohet në atë samit, por besoj që harta e botës do të diskutohet në atë samit, i cili pritet të mbahet në 30 ditët e ardhshme. Serbia i ka përpara vetës po kaq ditë për të bërë ndonjë ndryshim të gjendjes ekzistuese. 

Do të bëjë çdo gjë që është në fuqinë e saj për ta hapur temën e Kosovës, qoftë edhe duke nxitur gjakderdhje. 

 Qeveria e Kosovës, institucionet tona, gjatë kësaj kohe, duhet të mbrojnë interesat e shtetit në mënyrën më të kujdesshme të mundshme. Banorët serbë të Kosovës duhet të konsiderohen pasuri kombëtare. Çdo përndjekje e tyre, çdo hakmarrje ndaj tyre, do të ishte fitore e madhe e Serbisë. 

 Drama assesi nuk guxon të bartet brenda kufijve të Kosovës.

Analisti shqiptar  Artur Zheji ka deklaruar se udhëheqësit dhe përfaqësuesi evropian, Macron, Scholz dhe Borrell, po miklojnë me prof.dr.Vjosa Osmanin me qëllim që të nxjerrin jashtë loje kryeministrirn kosovar Albin Kurtin, pasi për ta është i pakontrollueshëm. I ftuar në “Top Story”, Zheji tha se “paketa kushtetuese i jep Osmanit 15 tagre të politikës së jashtme”, duke e kthyer atë një një aktore të dorës së parë në këtë fushë. Këtu fillon edhe intriga. Sipas analistit, evropianët po e përdorin Vjosën, pasi “qeveria Kurti bie nëse lista e Vjosës del nga koalicioni”. by TaboolaSponsored LinksYou May Like If you own a mouse, you will never turn off your computer again. PanzerRush “Macron çfarë bëri, sepse do të jetë aktor ai, dhe mirë bën për vendin e tij. Panë që ndërmjet Kurtit dhe Vjosa Osmanit mund të hyje në mes, dhe kanë hyrë në mes. Unë u interesova dje për të kuptuar nëse Vjosa ishte kukull, ashtu sikurse është kukull Presidenti këtu te ne? Jo. Paketa kushtetuese i jep asaj 15 tagre të politikës së jashtme. Pra është aktore e dorës së parë në politikën e jashtme. Unë mendoj se po e përdorin sepse qeveria Kurti bie nëse lista e Vjosës del nga koalicioni. Këtu fillon edhe intriga. Këtu ka shumë mundësi që duke e mikluar këtë zonjë, sepse siç e sheh ka kancelarin gjerman aty, ka Borrellin, ka Macron… në një moment të caktuar këtu asaj është duke iu thënë me fjalë të mëndafshëta: A mund ta tradhëtosh Kurtin ti sepse ky është i pakontrollueshëm? Kurse ti je një supervajzë, je një superpresidente etj. etj. Kjo është linja evropiane, kjo është Evropa. Ndërkohë, amerikanët kanë çuar trupa. Në Bratislavë, e mikloi Macroni Vjosën dje. Në Moldavi qenka bërë fejesa e madhe sot”- tha Zheji.

SHBA i heq ndihmën Kosovës? Anëtari i Senatit: Po e rimendojmë!

 02/06/2023 11:50

  

Edhe një herë, nga Amerika vijnë sinjale se Kosova konsiderohet përgjegjësia kryesore e ashpërsimit të tensioneve aktuale në veri.

Edhe pse Washingtoni shpesh ka fajësuar Beogradin për nxitjen e trazirave, kritikat këtë herë shkuan për Prishtinën zyrtare. Pas ankesave të përsëritura të sekretarit të shtetit Antony Blinken, edhe anëtari i Komisionit për Punë të Jashtme të Senatit Amerikan, Chris Murphy, tha se situata mund të ishte trajtuar me diplomaci në vend të forcës.

“Kurti nuk duhej të lëvizte kaq shpejt me vendimin për të marrë në zotërim këto ndërtesa”, tha Murphy për “National Journal”, duke iu referuar vendimit të kryeministrit që kryetarët e rinj të hynin në ndërtesat e komunave veriore.

“Ai mund të kishte mbajtur pak frymën dhe të përpiqej ta zgjidhte këtë përmes ndërmjetësve si Shtetet e Bashkuara”, ka shtuar zyrtari i lartë amerikan. Murphy argumenton se procesi i normalizimit midis Kosovës dhe Serbisë shpesh të lë të kuptohet se po bëhet “një hap përpara dhe dy hapa prapa”.

“Tani për tani, pengesa më e madhe është këmbëngulja e qeverisë së Prishtinës për të vepruar në mënyrë të njëanshme. Ajo që ndodhi gjatë fundjavës ishte e papranueshme”, shprehet ai.

“Kurti e dinte saktësisht se çfarë do të ndodhte nëse do t’i dërgonte këta kryetarë komunash për të marrë në pronësi këto ndërtesa komunale. Ai e dinte se kjo do të shkatërronte dialogun, dhe e bëri gjithsesi”.

Muprhy shton se kryeministri aktual është një ish-aktivist studentor dhe i burgosur politik, i cili kundërshton kompromisin me Serbinë dhe la të kuptohet se SHBA-ja mund të fillojë të rimendojë ndihmën e saj të sigurisë për Prishtinën nëse nuk ka përparim.

“Është ndryshe kur je organizator i jashtëm dhe ndryshe kur je  kryeministër i të gjithë vendit. Nëse qeveria në Prishtinë po kërkon të zgjidhë zënkat, ne duhet të marrim një vendim si Kongres nëse jemi plotësisht të gatshëm për këtë rrugë”, shprehet ai.

Pas telefonatave me disa zyrtarë amerikanë, kryeministri i Kosovës, Albin Kurti nënvizoi me tonë të ulura se është i përkushtuar të punojë me SHBA-në për të ulur tensionet” në veri të Kosovës.

Siç njoftoi dhe vetë përmes Twitter-it, ka diskutuar me zëvendës-këshilltarin amerikan për siguri kombëtare, Jon Finer, dhe senatorët Chris Murphy, Pete Ricketts dhe Jeanne Shaheen.

“Ulja e tensioneve kërkon përfundim të menjëhershëm të dhunës nga turmat e sponsorizuara nga Beogradi kundër zyrtarëve të sigurisë deri në zgjedhjet e reja në ato komuna”, thuhet në njërin prej postimeve të tij.

Por deri në zgjedhjet e reja, siç nënkupton kryeministri, rruga drejt shtensionimit të situatës është “largimi i turmave të dhunshme para ndërtesave të komunave dhe zbatimi i plotë i Marrëveshjes se Brukselit është rruga drejt de-përshkallëzimit deri në zgjedhjet e reja”.

Kërkesën për zgjedhje të reja në katër komunat veriore të Kosovës e paraqitën më herët Gjermania e Franca, e thirrjes së tyre iu bashkua edhe përfaqësuesi i Lartë i Bashkimit Evropian, Josep Borrell. Borell shpjegoi se përveç kësaj,  duhet të sigurohet pjesëmarrja e serbëve të Kosovës në procesin zgjedhor dhe të fillohet puna për themelimin e Asociacionit të komunave me shumicë serbe.

“Dështimi për ta bërë një gjë të tillë, do të ketë pasoja të rënda për marrëdhëniet tona”, shkroi Borrell në Twitter. Për të diskutuar tensionet në veri të Kosovës, kryediplomati evropian u takua në Moldavi me presidenten e Kosovës, Vjosa Osmani, presidentin serb, Aleksandar Vuçiç dhe liderët e Francës e Gjermanisë.

Presidentja e Kosovës, Vjosa Osmani ka dhënë detaje për takimin që kishte me presidentin e Serbisë, Aleksandar Vuçiç, si dhe ka bërë të ditur kërkesën e presidentit të Francës, Emanuel Macron dhe kancelarit të Republikës Federale të Gjermanisë, Olaf Scholz, të cilëve ia ka konfirmuar se mund të mbahen zgjedhjet në katër komunat në veri të vendit, gjithnjë duke respektuar legjislacionin në fuqi.

Osmani në një konferencë për media, në kuadër të samitit të dytë të liderëve të Komunitetit Politik Evropian në Kishinau, ka thënë se nuk kishte plane ta takonte presidentin e Serbisë, Vuçiç por se është takuar pasi kishte këmbëngulje nga shumica e liderëve evropian.

Gjatë këtij takimi, Osmani tregoi se çka kërkoi nga Vuçiç. Osmani tregoi se si presidenti Macron dhe kancelari Scholtz, i kërkuan Kosovës që të organizojë zgjedhje të reja në veri, për të cilat ajo shtoi se ato mund të mbahen.

“Kishte disa kërkesa që presidenti Macron dhe kancelari Schultz kishin si për Kosovën ashtu edhe për Serbinë. Nuk është se presidenti Vuçiç u përgjigj në asnjë nga ato pyetje që ata kishin për të. Ndërsa, ajo që ata kërkuan nga Kosova është që të gjejë një mënyrë për të mbajtur zgjedhje të reja në veri, që do t’u jepte mundësinë qytetarëve serbë të marrin pjesë dhe kryetarët e komunave të zgjedhin me një legjitimitet më të madh. Dhe unë i informova se korniza jonë ligjore e lejon këtë mundësi dhe ne jemi të gatshëm ta konsiderojmë atë në përputhje me ligjin e Kosovës për zgjedhjet. Kjo do të thotë se qytetarët serbë, rreth 20% e tyre që janë në listat zgjedhore, mund të nënshkruajnë një peticion dhe përmes kësaj, ata mund të inicojnë procesin e zgjedhjeve të reja dhe ne jemi të gatshëm të zbatojmë ligjin. Është shumë e lehtë, është një proces shumë demokratik, ne i lejojmë qytetarët tanë të përcaktojnë se kur duan zgjedhje të reja dhe besoj se pa problem mund të ecim përpara me këtë, por duhet pjesëmarrje nga ana e tyre. Ata mund të zgjedhin kryetarin e komunës me një legjitimitet më të lartë, por duhet të marrin pjesë. Vuçiçit iu kërkua që të mos ndërhyjë, të mos u bëjë presion qytetarëve që të mos marrin pjesë. Nga ana e tij nuk ka pasur përgjigje”, tha ajo.

Osmani foli edhe për marrëveshjet e arritura në Bruksel e Ohër, duke thënë se të kërkosh vetëm nga njëra palë për ta zbatuar nuk do të ndihmojë në besueshmërinë e procesit. Sipas saj, Kosova është në anën e duhur të historisë dhe po mbron demokracinë, sovranitetin, diçka që u arrit me shumë sakrifica. Osmani ka folur edhe për bashkëpunimin me aleatët e Kosovës.

“Pavarësisht këtyre mosmarrëveshjeve të ditëve të fundit, unë jam duke punuar shumë gjerësisht me partnerët tanë amerikanë, si dhe me partnerët nga BE-ja, dhe të gjithë jemi të të njëjtit mendim se një rrugë përpara, një zgjidhje për de-përshkallëzimin është shumë afër, por ne duhet të sigurohemi që fokusi të jetë në zbatimin e plotë të marrëveshjes, jo vetëm në një pjesë të saj”, tha ajo.

Albin Kurti publikon emrat e organizatorëve kryesorë të trazirave në veri,ndërsa Von Cramon kërkon dënimin e protestuesve që sulmuan KFOR-in .

Raportuesja për Kosovën në Parlamentin Evropian, Viola von Cramon, ka shtuar edhe një kërkesë në tri të tjerat që parashtroi Bashkimi Evropian për Kosovën të enjten. 

 Viola Von Cramon ka kërkuar “hetim të plotë dhe ndjekje penale të autorëve të sulmeve kundër ushtarëve të KFOR-it”. 

 Ajo është shprehur mirënjohëse për shërbimin që kryejnë trupat e KFOR-it në Kosovë. 

 Përfaqësuesi i Lartë i BE-së për politikë të jashtme, Josep Borrell, ka njoftuar të enjten tri kërkesat për Qeverinë e Kosovës.

“Zgjedhje lokale të reja të menjëhershme, sigurimi i pjesëmarrjes së serbëve të Kosovës, nisja e punës për themelimin e Asociacionit të komunave me shumicë serbe brenda dialogut të ndërmjetësuar nga BE-ja”, janë tri kërkesat e parashtruara. Kryeministri Albin Kurti ka publikuar emrat e disa prej njerëzve që ka thënë se janë organizatorët kryesorë të trazirave në veri ditëve të fundit. 

 Sipas tij, rolin kryesor në organizimin e protestuesve po e kryejnë anëtarë e formacionit ilegal të së ashtuquajturës “mbrojtje civile” dhe ish-pjesëtarë të Policisë së Kosovës. “Këto protesta me gjithë dashakeqësinë na kanë shërbyer të bëjmë identifikime të vlefshme”, ka thënë ai në Kuvend.

 Albin Kurti ka përmendur të parin Milorad Jevtiqin. Ka thënë se është një nga drejtuesit e këtij formacioni ilegal e se shtëpia e tij është “bazë qëndrimi për drejtuesit e strukturës ilegale”, të cilën e ka ndërlidhur me Listën serbe Tutje ka përmendur Miçko Jevtiqin, Rajko Jevtiqin, Danilo Josifoviqin, Liljana Aksentijeviqin e Aleksandër Filipoviqin. Kurti ka folur edhe për personat e maskuar. Sipas tij të gjithë udhëhiqen nga Filipoviqi. 

Ai ka thënë se më 29 maj 2023 , Filipoviqi e kishte rrahur një serb në Leposaviq. Albin Kurti ka përmendur si të maskuar edhe Nikola Axhiqin (hedhje koktej molotovi), Milan Zhijkoviqin, Danilo Krivokapiqin, Jovica Lazoviqin, Nikola Radomiroviqin, vëllezërit Stefan e Dejan Nedejlkoviq, Damjan Knezheviq. 

 Për sulme ndaj KFOR-it, kryeministri Albin Kurti ka përmendur edhe Vladimir Radivojeviqin, Daniel Gjukiqin, Milosh Gjukiqin, Milan Tomiqin, Milan Joviqin, Peter Milosheviqin, Dejan Jevtiqin, Nikola Baldinin, Milan Zhivkoviqin, Vuk Brankoviqin, Luka Vlaskoviqin, Bozhidar Todoroviqin dhe Radish Adenoviqin si dhe Daniel Shmigiqin. 

Sipas Kurtit, në protesta ka pasur edhe tifozë të Crvena Zvezdës. Ai ka thën[ se janë arrestuar Nebojsha Elezoviq, Radosh Mitroviq, Zhivojko Milintijeviq, Ivan Sekiliq e Sinisha Jevtiq. 

 “Është në dorën tonë fitorja e radhës për kushtetutshmëri. Policia ka nevojë për mbështetje, jepjani mbështetjen. Gabimin e Listës Serbe s’duhet ta paguajë Kosova, por ata vetë”, ka thënë në fund Albin Kurti.

 Drejtori i të ashtuquajturës zyrë për Kosovën në Qeverinë e Serbisë, Petar Petkoviq, tha se kryeministri i Kosovës, Albin Kurti, ka mundur ta “fusë cilindo serb” nga Kosova në listën që e lexoi në seancën e Kuvendit të Kosovës. “...sepse, njerëzit tanë në katër komunat në veri të Ibrit janë të bashkuar në rezistencën e tyre ndaj sundimit të terrorit të tij”, tha Petkoviq, sipas një deklarate të lëshuar nga zyra e tij, e në të cilën kryeministri i Kosovës përshkruhet me shprehje fyese.

 Duke folur të premten para Kuvendit të Kosovës, Kurti lexoi emrat e disa personave, për të cilët pretendoi se kanë qenë të përfshirë në përleshjet me paqeruajtësit e KFOR-it dhe me Policinë së Kosovës, gjatë protestave të qytetarëve serbë, më 29 maj, në Zveçan.

 Petkoviq e cilësoi atë si “listë për pushkatim”. Ai tha se me publikimin e saj, Kurti “ka marrë peng të gjithë ata banorë të ‘Kosovës dhe Metohisë’ që duan vetëm paqe, stabilitet dhe mundësi për të jetuar në një shoqëri pak a shumë normale, në kohë paqeje”. Në komunikatën e kësaj zyre thuhet, po ashtu, se Kurti e ka humbur mbështetjen e ndërkombëtarëve - pa u specifikuar se të kujt - dhe se po përpiqet ta pengojë me forcë largimin e tij “në histori politike”. Kryeministri Kurti gjatë fjalimit të tij në Kuvendin e Kosovës tha se protestat në veri të vendit nuk janë vullnet i serbëve që jetojnë në ato komuna, por janë të organizuara nga Beogradi zyrtar. Ai e quajti situatën në veri “të tensionuar dhe të rrezikshme”, por tha se nuk mund të kontribuojë në krijimin e strukturave paralele në veri sepse “nëse objektet komunale nuk janë për kryetarë, atëherë për kë janë?!” Kurti tha se tani është në pyetje “çlirimi i komunitetit serb nga milicia fashiste” dhe se ky komunitet ka nevojë për pluralizëm politik. Zgjedhjet në katër komunat në veri, të banuara me shumicë serbe u mbajtën më 23 prill pas dorëheqjes së kryetarëve nga radhët e Listës Serbe - partisë më të madhe të serbëve të Kosovës - në nëntor të vitit të kaluar. Ato u bojkotuan nga popullata shumicë serbe në atë zonë, që tani nuk i pranon kryetarët e rinj. Përshkallëzimi në veri kulmoi të hënën, më 29 maj, kur trupat paqeruajtëse të KFOR-it ndërhynë në Zveçan “për të shmangur përplasjet mes palëve dhe për të minimizuar rrezikun e përshkallëzimit”, dhe u sulmuan nga disa protestues të dhunshëm, që qeveria e Kosovës thotë se ishin “banda kriminale serbe”. Nga kjo përleshje që ndodhi, 30 ushtarë të KFOR-it u lënduan. Shtetet e Bashkuara dhe aleatët thanë se përdorimi i forcës minon përpjekjet për normalizimin e marrëdhënieve Kosovë-Serbi dhe bënë thirrje për qetësim të situatës. Komuniteti ndërkombëtar diplomatik, nga Shtetet e Bashkuara të Amerikës, Francës, si dhe vendet tjera të shteteve të QUINT-it, e kanë bërë Qeverinë e Kosovës fajtore për tensionimin e situatës në veri të vendit.

Albin Kurti nuk tërhiqet, Mirosllav Lajçak dhe Gabriel Eskobar pritet të vizitojnë Kosovën e Serbinë

 

  

I dërguari i posaçëm i Bashkimit Evropian për dialogun Kosovë-Serbi, Mirosllav Lajçak, dhe i dërguari i posaçëm i SHBA-së për Ballkanin Perëndimor, Gabriel Escobar, pritet të vizitojnë Kosovën dhe Serbinë javën e ardhshme

Burime diplomatike  bëjnë ne dije se vizita pritet  të hënën dhe të martën, ku fokusi do të jetë për situatën e tensionuar që vijon prej ditësh në veri të Kosovës.

Prej ditësh në komunat veriore po vazhdojnë protestat e serbëve, të cilët po kundërshtojnë kryetarët e zgjedhur shqiptarë në zgjedhjet e mbajtura më 23 prill 2023.

Të hënën, protestuesit kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur sende të ndryshme në drejtim të efektivëve, e duke sulmuar mediat. Si pasojë e protestave të dhunshme janë plagosur 30 ushtarë të KFOR-it.

Shtetet e Bashkuara kanë kritikuar Kosovën për përshkallëzimin e tensioneve me Serbinë, pasi qeveria ka refuzuar t’i tërheqë kryetarët e komunave dhe forcat e saj policore nga veriu i vendit.

Ish ministri i punëve të brendshme të Republikës së Shqipërisë Saimir Tahiri lë qelinë, arsyeja që bindi Gjykatën të lirojë ish-ministrin

  

Ish-ministri i Brendshëm Saimir Tahiri lë burgun, për të vazhduar dënimin në “arrest shtëpie”, sipas vendimit të Gjykatës së Elbasanit.

Gazetarja Anila Hoxha raporton se me kërkesë të prokurorit të çështjes Mustafa Turku, gjyqtarja Matilda Fetahu shpalli vendimin për të liruar Tahirin. Vendimi u dha në Gjykatën e Elbasanit, në orën 09:00.

Për ish-ministrin janë dy ekspertiza mjeko-ligjore, që arsyetojnë se përse ai nuk mund të qëndrojë në burg për pjesën e mbetur të dënimit.

              Ndërkohë, avokati i Tahirit shprehet se kushtet për lirimin e klientit të tij j

              anë plotësuar.

 “Janë kushtet që janë plotësuar. Saimir Tahirit i ka mbetur dhe një vit, shtatë muaj dhe 11 ditë. Kushtet thonë që të këtë fëmijë të mitur dhe ligji thotë që bashkëshortja të jetë në pamundësi dhe bashkëshortja e Tahirit është sëmurë. Nuk ka rrezikshmëri dhe vetë personi të mos ketë rrezikshmëri. Këto katër kushte që janë lehtësisht të provuara, e çuan gjykatën të ndryshojë masën”, u shpreh Maks Haxhia.

Tahiri u dënua me 3 vjet e katër muaj burg për akuzën e shpërdorimit të detyrës, pasi gjatë kohës në krye të dikasterit të rendit, Habilajt kultivuan kanabis sativa.

Por, për të ulur dënimin dhe për të fituar lirinë, Tahiri ka futur në lojë të gjitha kartat.

Në dhjetor të vitit të kaluar, SPAK-u, shërbimi i provës dhe i burgosuri VIP iu drejtuan Gjykatës së Elbasanit.

Një kleçkë procedurale atëherë e bindi Saimir Tahirin se deri në datën 4 shkurt 2022 kur u vendos që ai të shkonte në qeli, koha po ecte për të si për një të dënuar nën shërbim prove.

Ish-ministri i tha Gjykatës së Elbasanit se SPAK harroi të nxirrte një urdhër të ekzekutimit të dënimit pavarësisht se ai u paraqit pranë shërbimit të provës.

Shërbimi i provës këmbëngulte se ish-zyrtari u paraqit vetëm njëherë dhe u refuzua pasi prokuroria nuk kishte sjellë urdhër.

SPAK insistoi se vendimi nuk ishte i formës së prerë dhe nuk kishte shkak ligjor pse të nxirrte urdhër ekzekutimi.

Vendimi i Gjykatës së Elbasanit:

I dënuari Saimir Bashkim Tahiri, i datëlindjes 30.10.1979, bazuar në nenin 59/a,

Shkronja “b” të Kodit Penal, pjesën e pavuajtur të dënimit me burgim prej 1(një) vit, 8(tetë) muaj dhe 15 (pesëmbëdhjete)dite, ta vuaje me “Qëndrim në shtëpi”, ne adresën e banimit: Rruga “Kodra e Diellit”, pallati Nr.3, Bashkia Tirane.
3. Lejohet i dënuari Saimir Bashkim Tahiri, që gjatë periudhës së qëndrimit në shtëpi të largohet nga vendbanimi tij për plotësimin e nevojave të domosdoshme familjare për të cilat Shërbimi i Provës është dakord.

Urdhërohet lirimi i menjëhershëm i të dënuarit Saimir Bashkim Tahiri, nga vuajtja e mëtejshme e dënimit në I.E.V.P. Kosovë Lushnje, në zbatim të këtij vendimi, nëse nuk mbahet i arrestuar apo i dënuar për kryerjen e ndonjë vepre tjetër penale.5. Një kopje e këtij vendimi t’i dërgohet Prokurorisë pranë Gjykatës se Shkalles se Pare te Juridiksionit te Përgjithshëm Elbasan për zbatimin e tij dhe Institucionit të Ekzekutimit te Vendimeve Penale Kosovë, Lushnje”http://

Analisti Artur Zheji tregon të pathënat e konfliktit në veri të Kosovës

 

 

  

Analisti Artur Zheji i ftuar këtë të enjte në emisionin Top Story ka treguar disa prej detajeve në veri të Kosovës.

Zheji: Mua më vrau veshin ajo që tha që e folura e Kurtit iu duk Shqipërimit si Lavrovi, aq më tepër kur vjen nga Presheva e martirizuar. E folura e Kurtit me Lavrovin janë diametralisht të kundërt, as edhe për shaka nuk do t’i krahasoja. Të iki përtej kësaj, janë disa të dhëna që shoh shumë debate por nuk dalin në skenë. Nga Mitrovica forcërisht në vitin 2000 janë larguar 12 mijë shqiptarë. Është bërë një spastrim etnik, real, përtej Urës së Ibrit, unë kam shkuar në 99 në Mitrovicë, nuk më kanë lënë të kaloj Urën e Ibrit i shoqëruar nga francezë. Askush nuk ka folur për këtë dhe qeveritë e mëpasshme të Kosovës me nuanca të shpërqendruara për të mos thënë korruptive ndonjëherë s’kanë pas plane  për t’i rikthyer këta në banesat e tyre, në tokat e tyre.

Ministri i Brendshëm,dr. Xhelal Sveçla ka vizituar sot pjesëtarët e Policisë së Kosovë në veri të vendit

Ministri i Brendshëm, Xhelal Sveçla ka vizituar sot pjesëtarët e Policisë së Kosovë në veri të vendit.

Sveçla ka qëndruar në Jasenovik, në pendën e Liqenit të Ujmanit, në Junake dhe në Urën e Bistricës.

Ai shkruan në Facebook se sovraniteti është i patjetërsueshëm.

 Me vajzat dhe djemtë e Policisë së Kosovës që nuk kursejnë asgjë në mbrojtje të sovranitetit, kushtetutshmërisë dhe ligjshmërisë në vendin tonë. Në shoqëri normale demokratike, Republika është e veshur me sovranitet. Sovraniteti është i patjetërsueshëm. Faleminderit”, shprehet ai.

Ndërkohë, protestat kundër kryetarëve shqiptarë të komunave me shumicë serbe në veri të Kosovës vazhdojnë edhe sot, për të pestën ditë me radhë. Aleanca ushtarake e NATO-s ka rritur praninë në veriun e Kosovës, të banuar me shumicë serbe, pas tensioneve që ka shkaktuar hyrja e kryetarëve shqiptarë në ndërtesat e komunave: Zveçan, Zubin Potok dhe Leposaviq.

Nga ana tjetër, Kosova është vënë nën presion diplomatik për të çtensionuar situatën. Bashkimi Evropian iu bashkua thirrjeve të Francës dhe Gjermanisë për të mbajtur zgjedhje të reja në veri.

Janë tri kërkesa që BE-ja nxori për Kosovën: Zgjedhje të reja, të sigurohet pjesëmarrja e serbëve të Kosovës në to si dhe të nisë puna për themelimin e Asociacionit të komunave me shumicë serbe.

“Dështimi për t’i bërë këto, do të ketë pasoja serioze në marrëdhëniet tona”, tha shefi i politikës së jashtme të BE-së, Josep Borrell.

Kryekrimineli serb Aleksandër Vuçiç takohet me Ramën dhe liderët e tjerë të Ballkanit

Kryeministri Edi Rama u takua me Presidentin serb, Aleksandër Vuçiç këtë të enjte gjatë samitit të Komunitetit Politik Europian që po zhvillohet në Kishinau të Moldavisë. Lajmin e jep kreu i shtetit serb, i cili ka shpërndarë në rrjetet sociale disa foto. Vuçiç është takuar edhe me udhëheqës të tjerë shtetëror të Ballkanit, si presidenten e Greqisë, Katerina Sakellaropoulou, kryeministrin e RMV-së, Dimitar Kovaçevski dhe anëtaren serbe të kryesisë së Bosnje Hercegovinës, Željka Cvijanović. Në fokus të diskutimeve të tyre ka qenë situata në veri të Kosovës. “Ne në rajon e dimë më së miri se sa e rëndësishme është që bashkërisht të bëjmë çdo përpjekje për të ruajtur paqen dhe stabilitetin e fituar me vështirësi. Diskutuam ngjarjet aktuale dhe hapat e mëtejshëm që do të kontribuonin në gjetjen e një zgjidhjeje për situatën aktuale të vështirë dhe serioze, me shpresën se arsyeja do të mbizotërojë, në të mirë të të gjithëve”, shkruan Vuçiç.