CIA parashikoi luftë mes Shqipërisë dhe Serbisë në fillim të viteve ’90 apo Dezinformimi në rrjetet sociale përhap panik për 'luftën' Kosovë-Serbi

Përgatiti Flori Bruqi

Në fillim të viteve ’90-të, amerikanët kishin pritur një konflikt të armatosur në Kosovë, për të cilin kishin vlerësuar se ishte i pashmangshëm. 

 Siç raporton FLoripress(2000), CIA kishte parashikuar se do të ishte e pamundur të mënjanohej lufta mes Shqipërisë dhe Serbisë, në të cilën ushtria shqiptare do të dilte humbëse, kurse Serbia në një periudhë të caktuar do të pushtonte territore malore brenda kufirit të Shqipërisë. 

 Raporti i CIA-s është publikuar nga gazeta Novosti. Në dokumentin e shpalosur së fundi nga CIA, të emërtuar “Forcat e armatosura Shqiptare: Të papërgatitura për konflikt me Serbinë”, i cili është hartuar në janar të vitit 1993, analizohen konfliktet e pritshme të ushtrisë serbe me kryengritësit shqiptarë në Kosovë dhe aftësia e Shqipërisë për t’u angazhuar në luftë. 

Forcat e Serbisë, sipas vlerësimit në raport, atëherë ishin të respektuara. “Në rast kryengritje nga shqiptarët, Beogradi do të mund të reagonte brenda disa orësh”, thuhet në raportin e CIA-s.

 Krahas 25 mijë pjesëtarëve të MUP-it, ushtria jugosllave ka së paku edhe 10 mijë ushtarë të pajisur me rreth 200 tanke, 160 automjete luftarake dhe 160 topa. 

 Krahas kësaj Beogradi ka edhe 26 mijë ushtarë vetëm 50 kilometra larg Kosovës dhe rreth 75 mijë serbë të moshës ndërmjet 15 dhe 59 vjeç në Kosovë dhe qindra njësite të organizuara paraushtarake. Përballë shanseve të vogla për fitore në një konflikt me Serbinë, liderët shqiptarë sigurisht që do të drejtoheshin nga vendet e tjera për të kërkuar ndihmë, duke përfshirë këtu vendet myslimane.

 Edhe pse thuhet se Irani kishte ofruar dërgimin e “vullnetarëve”, Tirana më parë do të kërkonte ndihmë nga Turqia, thuhet në analizën e CIA-s.

 Ankaraja po stërviste oficerët shqiptarë. Amerikanët gjithashtu ishin të frikësuar se përzierja eventuale e Turqisë në luftë do të shtonte tensionet e këtij shteti me Greqinë. 

 Përkundër dominimit ushtarak të Serbisë, analistët e CIA-s vlerësojnë se konflikti në Kosovë do të ishte i shkurtër. Rreth 25 mijë shqiptarë të aftë për ushtri, thonë se kanë armë të fshehura dhe pa asnjë hezitim do të bënin luftë guerile.

 Në një situatë të tillë, analistët e CIA-së kanë parashikuar se ushtria serbe do të sulmonte bazat ushtarake në brendi të Shqipërisë dhe do ta fuste Tiranën në luftë. “Ushtria shqiptare nuk do të mund të krahasohej me forcat ushtarake serbe, të pajisura me armatim modern (në atë kohë) në rast se konflikti në Kosovë do të përfshinte edhe Shqipërinë fqinje,” shkruhet në raportin e CIA-s. 

 “Besojmë se autoritetet shtetërore në Tiranë do të provonin ta mënjanonin konfliktin e drejtpërdrejtë, por ai sipas të gjitha gjasave do të ishte i pashmangshëm. Tirana sigurisht do të ndihmonte shqiptarët e Kosovës me armatime dhe ushqime, por edhe do të shërbente si korridor për vullnetarët, armatimin, paratë dhe furnizime të tjera nga vende të ndryshme”. 

 Amerikanët në atë kohë nuk besonin shumë në suksesin e ushtrisë shqiptare. E përshkruajnë si të vjetruar, të pastërvitur, pa rezerva të karburanteve, ushqimeve, barnave dhe veshmbathjes. 

Kurse shumica e tankeve që dispononte kjo ushtri ishin version kinez i tankeve ruse të viteve ‘50, T-54, kurse nëndetëset mundur të zhyteshin vetëm deri në 10 metra thellësi. 

 “Beogradi nuk ka pretendime territoriale ndaj Shqipërisë, por sigurisht se do ta shfrytëzonte forcën ushtarake që të shkëpusë përkrahjen e Tiranës për kryengritësit në Kosovë”, shkruan në skenarin e CIA-s. 

 “Ushtria serbe do të ndiqte guerilasit kosovarë në Shqipëri, madje edhe do të pushtonte kalimet malore në anën shqiptare të kufirit.

 Do të vinte deri te konflikti i dy ushtrive, kurse shumë shpejt do dilte në pah superioriteti i ushtrisë serbe dhe sipas të gjitha gjasave do të nisnin sulme ajrore ndaj bazave të guerilëve në Shqipëri”.

Katër arsyet pse mund të nisë lufta sipas Albin Kurtit

Se kryeministri i Kosovës, Albin Kurti e potencon jashtëzakonisht shpesh mundësinë për konflikt të hapur midis Kosovës dhe Serbisë, nuk e ka mohuar as vetë ai. Kurti ka treguar katër arsyet pse thotë se një gjë e tillë mund të ndodhë.

Sipas Kurtit, Beogradi zyrtar përveç se minon përpjekjet e Kosovës për t’u anëtarësuar në organizatat ndërkombëtare, po financon strukturat ilegale brenda Kosovës për ta minimizuar sundimin e ligjit dhe sovranitetin e kësaj pjese të vendit.

Në një intervistë me revistën zvicerane “Die Republik”, Kurti a thënë se arsyeja e dytë është që në Serbi nuk pajtohen me krimet e luftës që janë kryer në vitet e ’90-ta.

“Ata nuk kanë keqardhje”, ka thënë më tej Kurti derisa ka folur për këtë arsye.

Një tjetër gjë që sipas Kurtit mund të ndikojë në ndezjen e një konflikti të ri midis dy vendeve është se ndryshe nga Kosova, Serbia nuk është vend demokratik.

“Kosova është demokraci, Serbia jo. Kushdo që kufizohet me një autokraci është në rrezik”, ka thënë ai.

Dhe së kartërti, Kurti theksoi se Beogradi zyrtar mban lidhje të ngushta me presidenti despotik rus, Vladimir Putin.

“Vuçiqi e ka takuar Putinin gati 20 herë në 10 vjet, së fundmi më 25 nëntor të vitit 2021 në Soçi, tre muaj para fillimit të luftës”.

Për takimin e fundit Vuçiq-Putin, Kurti tha se ka qenë vetë presidenti serb që ka treguar se kanë diskutuar për veriun e Kosovës, madje duke ia treguar edhe në hartë Putinit se ku gjendet.

“Pyes veten, pse Putini është i interesuar për veriun e Kosovës”, ka thënë më tej Kurti.

Ai shtoi se për Putinin,ndërhyrja e NATO-s në vitin 1999 kundër Serbisë ka qenë një fyerje.

“Ai kurrë nuk e njohu pavarësinë e Kosovës. Para luftës Putini foli jashtëzakonisht shpesh për Kosovën, madje e përdori si shembull për të mbështetur pushtimin e tij në Ukrainë”, tha kryeministri kosovar.

Për Kurtin konfliktin e krizën në Ballkanin Perëndimor e inkurajojnë vetëm zyrtarët serb.

Kjo nuk është intervista e vetme ku Kurti e ka përmendur potencialitetin e luftës. Një gjë të tillë e bëri edhe para disa ditësh në CNN.

Në intervistën e fundit është hera e tre në më pak se dy muaj që kryeministri i Kosovës flet për mundësinë e një lufte mes Kosovës dhe Serbisë në një medium ndërkombëtar.

Ai deklaroi se edhe përundër faktit se trupat e NATO-s janë në Kosovë, në kuadër të misionit paqeruajtës të KFOR-it, shqetësimet duhet të jenë evidente.

“Jemi të sigurtë, por kjo nuk do të thotë që s’duhemi të shqetësohemi”, tha ai.

Fjalën luftë Kurti e përmendi edhe në një intervistë për mediumin kroat, Vecernji List ditë më parë.

Aty tha se një prej arsyeve mund të përmendet armatimii Serbisë me pajisje ushtarake nga Rusia dhe Kina, për çka sipas tij, duhet të jetë i vëmendshëm Bashkimi Evropian.

Përveç armatimit, Kurti ka vënë theksin te vendosja e bazave ushtarake serbe në afërsi të kufirit me Kosovën.

“Marrë për bazë këto do të ishte e papërgjegjshme të thuash se nuk do të ketë kurrë konflikt, se nuk do të ketë më luftë. Nëse nuk ka përgatitje për luftë, pse Serbia dhe Rusia kanë pasur 104 stërvitje dhe aktivitete të përbashkëta ushtarake nga 91 që kishin planifikuar dhe në të njëjtën kohë, dy stërvitje më të rëndësishme ushtarake të quajtur ‘Mburoja Sllave’ dhe ‘Vëllazëria Sllave’?”, kishte pyetur Kurti.

Edhe në gusht të  vitit 2023, një javë pas tensioneve që ndodhën në veri të Kosovës për shkak të fillimit të implementimit të vendimeve të Qeverisë së Kosovës për targat dhe letërnjoftimet, në një intervistë për gazetën italiane “La Repubblica”, Kurti kishte folur për po të njëjtën gjë – rrezikun për konflikt të ri mes Kosovës dhe Serbisë.

---

Trupa ushtarake britanike, si përforcime të NATO-s në Jarinjë.

Në vitin 1999 ka ndërhyrë për t’i dhënë fund luftës në Kosovë. Për 78 ditë me radhë, NATO-ja ka bombarduar caqet e ushtrisë së atëhershme serbe. Pas tërheqjes së saj nga Kosova, në qershor të ’99-ës, NATO-ja ka zbarkuar me misionin e saj paqeruajtës KFOR, të përbërë prej më shumë se 50.000 ushtarësh.

“Ne do të krijojmë një prani ushtarake, e cila do të garantojë mjedis të sigurt për kthimin e të gjithë refugjatëve dhe për të gjithë ata që janë të pastrehë brenda vetë Kosovës... Ne do të merremi direkt dhe me vendosmëri me secilin që përpiqet të na pengojë në arritjen e kësaj”, ka thënë atëkohë komandanti i NATO-s për Kosovën, Michael Jackson.

Që atëherë, KFOR-i është zvogëluar në pak më shumë se 3.700 ushtarë vitin e kaluar. Sot numëron mbi 4.600. Trupat janë shtuar këtë vit, për shkak të rritjes së tensioneve në veriun e Kosovës, të banuar me shumicë serbe.

Aleanca ka dërguar qindra forca shtesë pas trazirave që ka shkaktuar instalimi i kryetarëve shqiptarë në katër komunat në veri - me ç’rast janë plagosur edhe dhjetëra ushtarë të KFOR-it - si dhe pas incidentit në Banjskë, ku grupe të armatosura serbësh kanë sulmuar policinë e Kosovës, duke vrarë një polic.

Ngjarja e 24 shtatorit në Banjskë është cilësuar si më e rënda që nga koha kur Kosova ka shpallur pavarësinë e saj në vitin 2008 dhe ka nxitur shqetësim ndërkombëtar për qëndrueshmërinë në vend. Kosova ka fajësuar aparatin shtetëror të Serbisë për sulmin, ndërsa Serbia serbët në Kosovë. Millan Radoiçiq që e ka marrë përgjegjësinë, vazhdon të jetë i lirë në Beograd.

Sekretari i përgjithshëm i NATO-s, Jens Stoltenberg, ka paralajmëruar fillimisht në Prishtinë, gjatë një vizite më 20 nëntor, se NATO-ja do të shqyrtojë shtimin e përhershëm të forcave në Kosovë, për ta mbajtur situatën nën kontroll.

Këtë javë, në margjina të një takimi të NATO-s në Bruksel, Stoltenberg ka përsëritur se aleanca do të bëjë çdo gjë që nevojitet për ta ruajtur qëndrueshmërinë në Ballkanin Perëndimor dhe se për këtë arsye do të diskutojë për shtimin e përhershëm të pranisë ushtarake në rajon.

“Tani po shqyrtojmë nëse kjo rritje [e trupave] duhet të jetë më afatgjate, nëse ka nevojë për kapacitete të reja, por deri më tani kemi ndërmarrë hapa të rëndësishëm, duke shtuar numrin e trupave tona”, ka thënë Stoltenberg.

Këtyre shqetësimeve u kanë bërë jehonë po këtë javë edhe Shtetet e Bashkuara. Ndihmëssekretari amerikan i Shtetit për Çështje Evropiane dhe Euroaziatike, James O’Brien, ka paralajmëruar si Kosovën, ashtu edhe Serbinë se shkaktimi i trazirave në veri të Kosovës, do të nënkuptonte përballje me NATO-n.

“NATO-ja është përgjigjur me vendosmëri ndaj aktorëve që synojnë ta destabilizojnë veriun e Kosovës. Ne kemi dislokuar trupa shtesë në KFOR. Po ashtu, kemi thelluar bashkëpunimin me forcën e udhëhequr nga Bashkimi Evropian në Bosnje e Hercegovinë”, ka thënë Blinken.

Në dritën e këtyre zhvillimeve, diplomacia perëndimore është duke u bërë trysni Kosovës dhe Serbisë për ta përshpejtuar procesin e normalizimit të marrëdhënieve. Nga Prishtina kërkon themelimin e Asociacionit të komunave me shumicë serbe, ndërsa nga Beogradi njohjen de facto të Kosovës.

Në këtë frymë e komenton edhe Charles Kupchan, nga Këshilli amerikan për Marrëdhënie me Jashtë, paralajmërimin e NATO-s për shtim të përhershëm të forcave në Kosovë.

Charles Kupchan.

“Unë nuk mendoj se kjo ‘e përhershme’ nënkupton disa qindra vite. Ideja është të blihet kohë për të ndihmuar Kosovën dhe Serbinë që të bëjnë përparim drejt formimit të Asociacionit të komunave me shumicë serbe, drejt marrëveshjes që BE-ja ka vënë në tavolinë për normalizimin e marrëdhënieve mes tyre. Unë mendoj se NATO-ja do të qëndrojë për aq kohë sa i nevojitet. Ajo do ta ofrojë ndjenjën e sigurisë mes shqiptarëve dhe serbëve, se ajo do të ndihmojë në ruajtjen e paqes, derisa diplomatët bëjnë punën e vështirë”, thotë Kupchan për programin Expose të Radios Evropa e Lirë.

Jasmin Mujanoviq, ekspert i politikave në Evropën Juglindore, thotë për Exposenë se shtimi i përhershëm i forcave të NATO-s në Kosovë, do të ndihmonte në stabilizimin e rajonit në mënyrë të konsiderueshme dhe do të dërgonte sinjal se NATO-ja i merr seriozisht kërcënimet e dukshme në Ballkanin Perëndimor.

Jasmin Mujanoviq.

“Kjo nuk është e mjaftueshme. Mendoj se NATO-ja, përfundimisht, duhet të punojë drejt zgjerimit të mëtejshëm në Ballkanin Perëndimor, duke i konsideruar Bosnjën dhe Kosovën si prioritete më urgjente. Por, për momentin, ky është një hap i mirë i ndërmjetëm”, thotë Mujanoviq.

Ai shton se dy figurat që përfitojnë nga këto tensione janë presidenti i Serbisë, Aleksandar Vuçiq, i cili ende ka pretendime territoriale ndaj Kosovës, si dhe presidenti i Republikës Sërpska në Bosnje dhe Hercegovinë, Millorad Dodik, i cili ka tendenca secesioniste. Për situatën e krijuar edhe disa dekada pas përfundimit të luftërave në Ballkan, Mujanoviq, një pjesë të fajit e hedh mbi vetë bashkësinë ndërkombëtare.

“Qeveritë perëndimore kanë ndaluar t’i kushtojnë vëmendje Ballkanit dhe kanë besuar se procesi i rindërtimit dhe demokratizimit pas luftës mund të arrihet me kontribut minimal dhe me përfshirje minimale nga ana e tyre. Kështu nuk ka qenë më herët. Kur mendojmë për rindërtimin e pasluftës në Gjermani dhe në Japoni, përfshirja e aleatëve ka qenë në një shkallë shumë, shumë më të madhe”, thotë ai.

Dezinformimi në rrjetet sociale përhap panik për 'luftën' Kosovë-Serbi

Ndërkohë që barrikadat e serbëve të Kosovës që bllokojnë rrugët për në dy pika kufitare në kufirin me Serbinë janë hequr në rrjetet sociale dhe në disa platforma mediatike në mbarë botën po përhapen dezinformatat rreth konfliktit.

Kosova aktualisht është në trend në Twitter me mbi 250,000 postime në këtë rrjet social.

Përdoruesit e Twitter-it, kryesisht nga Ukraina, Rusia, Turqia, Spanja, Serbia, Kosova dhe Shqipëria, po shpërndajnë dezinformata për një gjoja “luftë” që ka shpërthyer midis Kosovës dhe Serbisë ose po shpërndajnë propagandë kundër pavarësisë së Kosovës.

Tweetet e deputetit ukrainas Oleksiy Goncharenko të dielën morën mijëra pëlqime, shpërndarje dhe komente pasi ai shkroi: “Ukraina është gati të veprojë me trupat tona në terren. Serbia po përpiqet të nisë një luftë agresive”.

Në fakt, misioni paqeruajtës i NATO-s në Kosovë, KFOR, ka deklaruar gatishmërinë për të ndërhyrë “nëse rrezikohet stabiliteti në veri të Kosovës”. Megjithatë, asnjë trupë ukrainase nuk është në terren në Kosovë. As Ukraina nuk e ka njohur sovranitetin e Kosovës.

 

James Ker-Lindsay, profesor vizitor në London School of Economics, LSE, i cili fokusohet në konfliktin, paqen dhe sigurinë në Evropën Juglindore, dënoi postimin e Goncharenkos në Twitter, duke i kërkuar atij që të “mos i përkeqësonte gjërat”.

“Ky është një koment i papërgjegjshëm dhe i panevojshëm. Dhe gjithashtu ngre të gjitha llojet e pyetjeve komplekse për të cilat nuk jam i sigurt se Ukraina është gati t’u përgjigjet. Nëse vërtet besoni në paqe, mos u bëni pjesë e problemit në Ballkan. Fokusohuni në shtëpi”, ka shkruar Ker-Lindsay.

Serbët e Kosovës ngritën barrikada të përbëra nga kamionë të mbushur me zhavorr për të bllokuar rrugët drejt dy pikave kufitare me Serbinë përpara se të hiqeshin të hënën.

Ato u ngritën pasi Qeveria e Kosovës vendosi të zbatojë të ashtuquajturat masa të reciprocitetit me Serbinë mbi targat e automjeteve dhe ID-të për një muaj, përpara se të binte dakord të shtynte masat nëse hiqen barrikadat.

“Pikakalimet në Jarinje dhe Bërnjak mbeten të mbyllura”, tha kryeministri Albin Kurti të hënën për mediat, duke shtuar se “të gjitha pikat kufitare po nxjerrin dokumentin [e ri] 90-ditor të daljes-hyrjes. Deri në 1501 qytetarë janë pajisur me këtë dokument, duke pritur 20 sekonda”.

Në qershor Qeveria e Kosovës vendosi që çdo person që dëshiron të kalojë kufirin shtetëror duke përdorur letërnjoftime personale të lëshuara nga autoritetet serbe t’i lëshohen formularët e deklarimit të përkohshëm të vlefshëm për 90 ditë që zëvendësojnë dokumentin e lëshuar nga Serbia.

Vendimi i përgjigjet mosnjohjes nga autoritetet serbe të letërnjoftimeve të lëshuara nga Kosova, duke futur të njëjtën masë që Serbia zbaton ndaj qytetarëve të Kosovës.

Një përshkallëzim i ngjashëm ndodhi në shtator të vitit 2021, pasi qeveria e Kosovës kërkoi që automjetet me targa serbe të ndërroheshin me ato të përkohshme të lëshuara nga Kosova në kufi. Qytetarët e Kosovës që kanë targa me shkronjat RKS, shkurtesë e Republikës së Kosovës, kanë vite që duhet ta bëjnë këtë në kufirin me Serbinë.

Fotot e vitit të kaluar po shpërndahen në rrjetet sociale sikur ngjarja të kenë ndodhur të dielën, më 31 korrik 2022. Predikuesi mysliman shqiptar Elvis Naçi me 1.2 milion ndjekës në Instagram, ka shpërndarë një foto të forcave speciale të Kosovës duke lëvizur drejt barrikadave më afër kufirit. nga shtatori 2021 me mbishkrimin: “Zoti i ruajtë shqiptarët e Kosovës si dhe trimat e njësisë speciale që vendosin paqen dhe sigurinë”.

Postimi i deputetit ukrainas Goncharenko nuk ishte i vetmi që sugjeronte se një luftë tashmë ka shpërthyer midis Kosovës dhe Serbisë.

Shkrimtari turk Huseyin Hakkı Kahveci shkroi në Twitter në turqisht: “Lufta shpërtheu mes Serbisë dhe Kosovës. Zjarri FILLOI NË BALLKANIN e trazuar”.

Tweet-i i tij, i cili mori mbi 200 pëlqime dhe mbi 80 shpërndarje, pretendonte se “Forcat Speciale të Kosovës dërguan trupa shtesë në pikën kufitare Jarinje me Serbinë. Jemi në periudhën kur lufta fillon të përhapet në Evropë përmes BALLKANIT dhe në Rusi përmes KAUKAZIT”.

Nebojsa Malic, një kolumnist serb i Bosnjës për faqen Anti-War, përmes Twitter tha se “Kosova” e preferuara e NATO-s po përpiqet të fillojë një luftë me Serbinë tani,” duke pretenduar se kjo shpjegon se sa “mirë po shkon konflikti në Ukrainë. për Perëndimin”. Tweet-i i tij mori mbi 2000 pëlqime.

Krahas postimeve për shpërthimin e luftës ndërmjet Kosovës dhe Serbisë, shumë përdorues të rrjeteve sociale, si dhe platforma mediatike, kanë shpërndarë informacione të pakonfirmuara për të shtëna mes forcave kosovare dhe serbe.

Llogaria në Twitter ConflictTr, me mbi 200,000 ndjekës, shkroi në Twitter: “Ushtarët kosovarë të lënduar në përleshjet në kufirin Serbi-Kosovë janë transferuar në spitalin shtetëror të Mitrovicës”.

Disa media kosovare si Nacionale dhe Indeks Online ndër të tjera kanë raportuar se një zyrtar i policisë së Kosovës dhe dy shtetas serbë janë plagosur nga të shtënat me armë zjarri mes policisë dhe qytetarëve që kanë ngritur barrikadat. Kjo nuk ishte e vërtetë. Nacionale më vonë e fshiu këtë lajm.

Ministri i Brendshëm i Kosovës Xhelal Svecla tha të hënën për media se “11 qytetarë janë lënduar dhe kanë marrë trajtimin e nevojshëm dhe disa automjete të qytetarëve dhe policisë janë dëmtuar nga strukturat e armatosura kriminale”. Policia e Kosovës po heton.

Megjithatë,  nuk ka shpërthyer asnjë konflikt i armatosur mes Policisë Speciale të Kosovës dhe forcave policore apo ushtarake serbe.

Disa llogari në Twitter shpërndanë gjithashtu pretendimet “Kosova është Serbi”, të cilat shpesh janë pjesë e diskursit nacionalist serb.

Përdoruesja e Twitter-it, Inga Canarias, me mbi 1.5 mijë ndjekës, ka shpërndarë një foto të një murali ku shkruan “Kosova është Serbi” me përshkrimin në spanjisht: “Meqë duket se ka telashe mes Serbisë dhe Kosovës, duhet thënë edhe një herë. se Kosova është pjesë integrale, e patjetërsueshme e Serbisë”. Disa llogari spanjolle shpërndanë twitte të ngjashme.

Ish-i dërguari i administratës së Donald Trump për dialogun Kosovë-Serbi, Richard Grenell, u përfshi në këto publikime, duke fajësuar kryesisht kryeministrin e Kosovës, Albin Kurti për situatën, por edhe duke ndarë informacione të pasakta për ish-presidentin e Kosovës, Hashim Thaçi.

“Le të jemi shumë të qartë, evropianët e shtynë Hagën të arrestojë (ish-presidentin) Hashim Thaçi pas 20 vitesh hetime thjesht sepse ai po negocionte me (Donald) Trump”, tha ai.

“Ata nuk kanë asgjë mbi të dhe e mbajnë në paraburgim për shkak të politikës. Kjo është arsyeja pse ICTY (Tribunali Ndërkombëtar i Krimeve për Jugosllavinë) duhet të shpërbëhet ”, tha Grenell në një postim në Twitter, i cili mori mbi 500 pëlqime

Habit ish-gjenerali shqiptar Bardhyl Kollçaku : – Shqipëria është gati nëse plas lufta!Edhe Rusia edhe Serbia po përgatitet të sulmojë sërish në Kosovë”.

                        Shkruan:   Flori Bruqi

Një zyrtar kryesor i NATO-s, Rob Bauer, ka paralajmëruar se civilët në Perëndim duhet të përgatiten për luftë të gjithanshme me Rusinë.

Ish gjenerali Bardhyl Kollçaku

I ftuar në “Studio Live” ish-gjenerali Bardhyl Kollçaku, njëkohësisht deputet i PS u ndal te tregon shtetet e tjera që synon Rusia, pas Ukrainës.

“Është një temë e diskutuar në të gjitha kancelaritë Europiane. Nuk është thirrje për luftë, është thirrje përgatitje për luftë të imponuar nga sjelljet dhe imponimet agresive të Rusisë të imponuar nga agresioni në Ukrainë. Edhe përgatitjet e vazhdueshme që bën Rusia dhe duhet që nuk ka të ndalur në përpjet e saj gjithë industria civile po kthehet në industri ushtarake duke prodhuar qindra tanke në vit gati 100 tanke në ditë, i bie më shumë se 1000 tanke në vit.

Është një konkluzion i nxjerrë jo vetëm nga strategët e vendeve të Natos por nga të gjithë që studiojnë luftërat. Rusia qoftë në ambiciet e pa mata të Putinit duket se nuk ka të ndalur pavarësisht përpjekjeve të rezistencës së Ukrainës. Përfundimi i luftës duket i largët”.

Skenari më i keq? Shqetësuese për Kollçakun është fakti që lufta në Ukrainë nuk ka të ndalur.

“Ky është skenari më i keq, por është dhe një skenar që e kishim parashikuar kur miratuam strategjinë ushtarake të aleancës.

 Kërcënimi kryesor ishte Rusia dhe terrorizmi. Ne nuk jemi të bindur dhe nuk garanton askush se Ukraina është objektivi i fundit i Rusisë.  Shqetësimi i parë është që lufta në Ukrainë nuk ka të ndalur edhe Rusia apo lodhja me këtë luftë”.

Në këtë situatë Kollçaku shtoi se edhe Shqipëria për përgatitet.

“Pa diskutim që duhet të përgatitet edhe Shqipëria. Forcat e armatosura e kanë marrë këtë sinjal dhe janë në ullinë e përgatitjes me kapacitete maksimale, ju shikoni dhe dronët që po blemë, anti tanket por edhe masa të tjera. 

Por nuk është e rëndësishme vetëm për forcat e armatosura por është popullsia ajo që duhet ta kuptojë se është e nevojshme. Qoftë venet baltine Suedia apo vende të tjera në krahun lindor po konsiderojnë me seriozitet kthimin e shërbimit ushtarak”.

Kurse ish-deputeti Azgan Haklaj tha se sulmi në Banjskë të Kosovës u bë me qëllim për të ndarë Mitrovicën.

“Kjo situatë, këto deklarata për përgatitje për luftë sepse unë nuk mendoj se do kemi luftë, por janë kërcënime. 

Vijnë për faktin se Rusia e shef veten të dështuar, Ukraina s’ka pasur sukses por as Rusia. U përpoq ta shpërndajë në Banjskë në Mitrovicë të Veriut në Bosnje. Banjska ka qenë agresion ushtarak për të ndarë Mitrovicën dhe për të krijuar trazira në Kosovë.

Edhe Rusia edhe Serbia po përgatitet të sulmojë sërish në Kosovën”.

Ish-luftëtari i Ushtrisë Çlirimtare të Kosovës,  Dritan Goxhaj ka deklaruar se blerja e raketave Javelin nga ana e Kosovës nuk e rrit dot mbrojtjen e saj përballë Serbisë.

Duke folur në një emision televiziv, Goxhaj theksoi se shitja e raketave nga ana e SHBA-ve në Kosovë tregon se ajo nuk e lëshon kollaj shtetin e ri.

Me këtë akt, sipas tij, SHBA kërkon t’i tregojë Rusisë praninë e fuqishme të saj në Kosovë dhe në Ballkan.

Duke iu referuar pranisë së SHBA-ve në Ballkan, Goxhaj tha se amerikanët kanë nën kontroll edhe vetë ushtrinë serbe.

“Shtetet e Bashkuara të Amerikës nuk kanë dashur t’i bëjnë presion Serbisë, sepse SHBA ka kohë që e kontrollojnë ushtrinë e Serbisë që prej mbarimit të luftës në Kosovë. Kanë vendosur një marrëdhënie të ngushtë me ushtrinë e Serbisë.

Aktualisht ka prej 12 vitesh që Qendra e Forcave Speciale në Evropë ka hapur një zyrë të veçantë në Beograd që monitoron të gjitha lëvizjet e ushtrisë apo edhe aktivitetet që bën ushtria serbe prej 12 vitesh. Kosova vazhdon të mbetet pjesë e gjeopolitikës amerikane për t’i treguar qeverisë së Kosovës dhe Albin Kurtit, kur kundërshton amerikanët apo aleatët. Ata e tregojnë që janë pjesë e gjeopolitikës edhe duke miratuar shitjen e këtyre armëve pavarësisht se Kosova nuk është pjesë e NATO-s dhe pavarësisht nuk ka një ushtri sepse janë vetëm Forca të Sigurisë së Kosovës. Jo më shumë për t’u treguar serbëve, por për t’u treguar rusëve që ne do të vazhdojmë të jemi këtu dhe nuk do ta lëshojmë Kosovën”, u shpreh Goxhaj.

Megjithatë, Goxhaj nënvizon se kjo nuk e bën Kosovën imune përballë një sulmi të mundshëm serb.

I pyetur nga gazetari dhe moderatori, Nolian Lole se sa shanse reale ka Kosova në një përballje me Serbinë, përfshi këtu edhe raketat Javelin, Goxhaj u shpreh se një përballje direkte mes Kosovës dhe Serbisë pa praninë e NATO-s, nuk do të mund të ndalonin dot ushtrinë serbe.

“Javelinët nuk mund ta ndalojnë një ofensivë serbe në rast se do të mbetemi në atë aspekt në një përballje direkte mes Kosovës dhe Serbisë, pa ndërhyrjen e NATO-s. Javelinët nuk mund ta ndalonin një ofensivë të forcave serbe sepse javelinët nuk mbrojnë gjithçka. Nuk ka armë të tjera për të krijuar mbrojtje të këtyre njësive të cilat mund të sulmojnë këto tanke apo autoblinda. Nuk ka armë kundërajrore, nuk ka as armë artilerie, nuk ka as raketa”, tha Goxhaj.

Madje, ai bëri të ditur se Serbia ka porositur 10 mijë dronë “Shahed” nga Irani dhe me armatimin që ka vetë Serbia, as Kosova bashkë me Shqipërinë nuk i bëjnë dot ballë.

“Serbia ka porositur në Iran 10 mijë dronë “Shahed”. Kosova dhe Shqipëria nuk kanë asnjë armatim për t’u mbrojtur nga këta dronë”, shpjegoi Goxhaj.

Ish-luftëtari i UÇK-së shtoi se pavarësisht se kryeministri  Edvin Kristaq Rama deklaroi vitin e kaluar se “në rast se Kosova do të hynte në konflikt, automatikisht do të hynim edhe ne. Por si do të hyjmë kur nuk kemi asgjë”.

Goxhaj vuri në dukje se Shqipëria dhe Kosova nuk kanë armatimin e duhur për t’u vetëmbrojtur dhe në rast të një sulmi të pikave strategjike nga ana e Serbisë, Shqipëria dhe Kosova nuk kanë se si të mbrohen apo të parandalojnë sulmet.

“Nuk them të blejmë armë, por më e pakta që duhet të kishim bërë, duhet të kishim blerë armë për vetëmbrotje dhe armë të mbrojtjes kundërajrore. Ai që ka blerë 10 mijë dronë, nuk i ka blerë për të sulmuar as shtëpinë time as shtëpinë tuaj. Nuk i ka blerë as për të sulmuar baza ushtarake, por i ka blerë për të sulmuar ato pika strategjike që kemi.

Ai të sulmon hidrocentralet dhe duke të sulmuar hidrocentralet ta ka nxjerrë jashtë funksionit komplet shtetin sepse duke mos pasur energji elektrike nuk do të funksionojë asgjë. Këto pika sot nuk kanë mbrojtje sepse ne nuk kemi mbrojtje kundërajrore, sepse nuk kemi as radarë për të funksionuar në këtë gjë”, përfundoi Goxhaj.

Dushan Bajtoviç

Drejtori i ‘Srbijagas’zyrtar i Partisë Socialiste të Serbisë, Dushan Bajatoviç, ka postuar në llogarinë e tij në Instagram një klip nga podkasti i “Informer TV”, në të cilin ka thënë se nëse do të duhej të shkonte në luftë për Kosovën, ai do të ishte i pari që do të regjistrohej

Ai shtoi se është një ish-komandant ushtarak dhe se ka marrë pjesë në luftën në Bosnje dhe Hercegovinë, në Vukovar të Kroacisë dhe në Kosovë.

“A duam të hyjmë në luftë për Kosovën? Epo, nëse duhet, detyrimi nuk vjen nga ne. Unë do të jem i pari që do të aplikoj. Meqë ra fjala, kam qenë komandant ushtarak, kam qenë në Vukovar, kam qenë në Bosnje, kam qenë në Kosovë. Më thirri vendi im. A është kjo politikë e mirë apo e keqe?

Kemi pasur edhe kundërshtime ndaj politikës së Millosheviqit kur Millosheviqi ishte gjallë dhe ishte shef, por ne morëm Republikën Srpska, i bëmë një vepër Kosovës, nuk do të dorëzohemi kaq lehtë.

Nuk më intereson se çfarë mendon askush për ne, po të qëndrojmë pa mbështetjen e Rusisë, kjo është marrëzi, do të na hanë për dy ditë, nuk do të ishte vetëm Kosova, por edhe Vojvodina dhe rajoni i Rashkës, dhe unë si individ nuk do ta lejoj këtë.” ka thënë Bajatoviç.

Lufta nuk është në prag, por mund të nisin aventura nga “opsione të armatosura”

Nga Flori Bruqi

Prishtinë 01.02.2024.

 “Kur Brukseli  para disa kohe shpalli masa ndëshkuese vetëm për Kosovën, e jo për Serbinë, në Kosovë u prit me mosbesim dhe çudi pse dënohet vetëm njëra palë kur të dyja palët po kontribuojnë në përshkallëzim”, thotë Maliqi në një intervistë për Danas.

Pas sulmit terrorist serb të 24 shtatorit në Banjskë të komunës së Zveçanitnë veri të Kosovës, mediet ndërkombëtare po e përcjellin situatën në Kosovë dhe po bëjnë analiza e ngrisin pikëpyetje nëse Kosova dhe Serbia janë në prag të një konflikti të ri të armatosur.

Gjiganti botëror mediatij, Al Jazeera, ka shkruar se momentumi në negociatat Kosovë-Serbi ka humbur, ndërsa CNBC ka theksuar shqetësimet se paqëndrueshmëria mund të shndërrohet në një konflikt të armatosur.

“Tani në muajin e saj të 20-të, lufta në Ukrainë mbetet fokusi kryesor i fuqive perëndimore që kërkojnë të ndihmojnë Kievin të rivendosë integritetin e tij territorial. Ndërkohë, megjithatë, tensionet janë përshkallëzuar në një pjesë tjetër të Evropës që mbetet shumë e paqëndrueshme pas një konflikti brutal dhe kompleks që shpërtheu në vitet 1990”, shkruan rrjeti ndërkombëtar mediatik amerikan CNBC.

Sipas kësaj analize, marrëdhëniet midis Serbisë dhe Kosovës – të tensionuara– janë bërë gjithnjë e më armiqësore muajt e fundit.

“Dhuna shpërtheu në veri të Kosovën në shtator dhe Beogradi u përgjigj me një grumbullim ushtarak në kufirin e tij me fqinjin e tij. Tani ka shqetësime se paqëndrueshmëria në këtë rajon juglindor të Evropës mund të shndërrohet në një konflikt të armatosur, ndërkohë që bota është e hutuar nga lufta në Ukrainë. Duke pasur parasysh kontekstin aktual politik dhe të sigurisë, analistët thonë se një shpërthim i dhunës në veri të Kosovës “duhet të ngrejë këmbanat e alarmit””, shkruan CNBC.

Armiqësia e gjatë mes Serbisë dhe Kosovës është shpërthyer në armiqësi të hapur në veri të Kosovës muajt e fundit.

“Veriu i Kosovës, i cili kufizohet me Serbinë, ka një shumicë me banorë serbë, ndërsa vendi në tërësi është rreth 93% shqiptarë. Kryeqyteti serb Beogradi nuk e njeh fqinjin si shtet të pavarur”, shkruan CNBC.

Në këtë analizë shkruhet për forcat paqeruajtëse të NATO-s që janë me mision paqeruajtës në Kosovë që nga viti 1999, pas një lufte të përgjakshme midis shqiptarëve dhe fqinjit ish-jugosllav në vitin 1998.

Përkundër këtyre garancive, analistët e mbrojtjes thonë se situata në rajon është si një kuti, me potencialin për t’u ndezur me më të voglën shkëndijë.

CNBC: Shqetësime se paqëndrueshmëria mund të shndërrohet në një konflikt të armatosur

Rrjeti ndërkombëtar mediatik amerikan CNBC i ka kushtuar një analizë situatës në Kosovë, me titull: ‘Një luftë e dytë mund të shpërthejë lehtësisht në Evropë – ndërkohë që të gjithë janë të hutuar nga Ukraina

Miroslav Lajçak, i dërguari i posaçëm i Bashkimit Evropian për dialogun ndërmjet Kosovës dhe Serbisë, është rikthyer në misionin e tij për të diskutuar me kryeministrin e Kosovës, Albin Kurti, por edhe me presidentin e Serbisë, Aleksandar Vuçiq, sepse bllokimi i dialogut dhe cenimi i Marrëveshjes së Ohrit ishin të qëllimshme dhe veprimet padyshim ishin të ndërsjella, ka thënë Shkëlzen Maliqi, analist politik dhe publicist nga Prishtina.

Duke komentuar faktin se BE-ja tashmë ka bërë një hap në vendosjen e sanksioneve ndaj regjimit të Kurtit, si dhe kërcënimin me sanksione ndaj Serbisë nëse regjimi i Vuçiqit nuk i plotëson kërkesat e Unionit, Maliqi thotë se autoritetet e Kosovës e pritën me mosbesim vendimin e BE-së.

Mendoj se ndëshkimi i Kosovës ishte i pritshëm, shton ai, sepse Qeveria e Kosovës është paralajmëruar që të mos ndërmarrë masa të pakoordinuara dhe të njëanshme “sovrane”, por të bashkëpunojë për deeskalimin e krizës dhe kjo nuk ndodhi për shkak të kokëfortësisë së kryeministrit Kurti, i cili “për marrëveshjen politike dhe harmonizimin e mënyrës së zbatimit të saj, udhëhoqi politikën e shtyrjes së serbëve të Kosovës në demokraci, e cila vetëm sa forcoi rezistencën e tyre”.

“Amerikanët ishin të parët që humbën durimin me Kurtin, ata anuluan marrëveshjet e rëndësishme për ushtrinë e Kosovës dhe investimet e rëndësishme në projekte infrastrukturore dhe pezulluan të gjitha kontaktet e nivelit të lartë politik. Dhe tani të njëjtën gjë ka bërë edhe BE-ja, sepse tri kërkesave të BE-së për de-eskalim, Kurti iu përgjigj me tetë kërkesa të tij që vetëm sa i komplikojnë gjërat”, thotë Shkelzen Maliqi.

Megjithatë, thekson ai, Lajçak tha në Prishtinë se Serbia duhet të presë sanksione nëse nuk merr masa de-përshkallëzimi.

Lufta nuk është në prag, shton ai, NATO është në gatishmëri, por ka mjaft të ashtuquajtura “opsione të armatosura” me formacione paraushtarake në terren që mund të nisin aventura që, në këtë moment, janë në interesin e Rusisë.

Nga nisja e krizës dhe më pas luftës së Rusisë në Ukrainë, mediat kanë mbledhur qindra mijëra klikime duke i rënë “këmbanës” së një lufte të mundshme në Kosovë. Ndihmuar nga deklarata politkanësh, mediat abuzuan gjerësisht me efektin emocional që tituj të ekzagjëruar shkaktojnë tek lexuesit. Në rastin më të mirë kjo ndodh me qëllim mbledhjen e klikimeve për përfitime financiare. Në rastin më të keq, është rezultat i një fushate të porositur me qëllim përparimin e axhendave të caktuara.

Jona Plumbi

Trajtimi i temës së luftës në Kosovë preferohet nga mediat shqiptare për shkak të interesit të gjerë dhe patriotizmit që ngjall tek lexuesit. Fatkeqsisht gjatë viteve të fundit, kryesisht mediat online kanë përdorur këtë interes për “mbledhje klikimesh”, duke u kthyer në burim keqinformimi dhe shqetësimi emocional tek lexuesit.

Kontekst

Marrëdhëniet mes Kosovës dhe Serbisë janë në një konflikt të vazhdueshëm që prej fundit të luftës në 1999. Nga njëra anë Kosova vijon punën për njohjen e pavarësisë dhe pjesëmarrjen në organizata ndërkombëtare. Në anën tjetër është Serbia e cila bën përpjekjet e saj për të shtuar numrin e vendeve të cilat nuk e njohin Kosovën.

Pavarësisht ndërmjetësimit nga Bashkimi Europian dhe, viteve të fundit edhe nga Shtetet e Bashkuara të Amerikës, dy liderët e këtyre shteteve, Albin Kurti dhe Aleksandër Vuçiç nuk kanë lëvizur nga pozicionimi i tyre politik. Kurti, i mbështetur nga presidentja e Kosovës Vjosa Osmani, refuzon dialogun me Serbinë nëse qëllim përfundimtar nuk është njohja e shtetit të Kosovës nga Serbia. Vuçiç në anën tjetër, edhe ai i mbështetur nga kryeministrja e Serbisë Ana Brnabiç, deri tani e kanë refuzuar idenë e njohjes së shtetit të Kosovës.

Ky pozicionim politik shpesh herë çon në deklarata të ashpra apo edhe të pavërteta, qëllimi i të cilave është të nxisin patriotizmin dhe ndjenjën e sovranitetit tek të dy popujt.

Një tjetër faktor i rëndësishëm në ndërtimin e këtyre deklaratave politike është edhe konteksti historik dhe politik i vendit. Studiuesi Adri Nurellari shpjegon për Faktoje se kjo lidhet edhe me aspiratat e popujve për integrim në organizata ndërkombëtare.

“Sondazhet e fundit tregojnë se pas Shqipërisë, Kosova me 92% është vendi me nivelin më të lartë në Evropë për sa i përket mbështetjes për integrimin Euro-Atlantik apo pro-amerikanizmit. Nga ana tjetër 54% e popullsisë serbe është kundër integrimit në BE dhe ky numër shkon në 68% nëse parakusht për integrimin është heqja dorë nga Kosova. Ndaj është e kuptueshme që nevoja e Kosovës për të konservuar e kultivuar raporte të mira me partnerët perëndimorë është më e madhe. Për këto arsye edhe deklaratat gatuhen ndryshe.” – shpjegon Nurellari.

Lufta e Rusisë në Ukrainë riktheu vëmendjen tek konflikti i lënë pezull mes Kosovës dhe Serbisë, si dhe shtoi këmbanat e alarmit për një luftë të mundshme në Kosovë edhe pse kjo nuk ka gjasa të ndodhë, sipas vlerësimit të Nurellarit.

“Nëse do të kishte përplasje me armë mes policisë e strukturave paralele të kontrolluara nga Beogradi, padyshim që do të ndërhynte KFOR-i duke marrë masa ndaj të dyja palëve që të mos përshkallëzohej konflikti në përmasat e 1998-99. Mirëpo një eventualitet i tillë do të shkatërronte përpjekjet e mëdha të Kosovës dhe partnerëve ndërkombëtarë për pajtim dhe bashkëjetesë.” – shpjegon Nurellari.

Retorika Politike

Në 16 janar 2023, kryeministrja e Serbisë, Ana Brnabiç, në një konferencë për shtyp deklaroi se paqja në Kosovë dhe Metohi u ruajt ekskluzivisht falë Presidentit serb Aleksandër Vuçiç.

“Viti 2023 nisi jashtëzakonisht keq dhe vitin e kaluar paqja u ruajt me vështirësi” – tha Brnabiç për gazetarët.

Në anën tjetër, kryeministri i Kosovës, Albin Kurti përdor intervistat në gjuhë të huaj, për t’u përballur me retorikën politike të Serbisë. Kështu ndodhi në nëntor 2021, kur gazeta britanike “The Telegraph” njoftonte se kryeministri i Kosovës “paralajmëroi se Serbia po kërcënon me një luftë të tretë Ballkanike”.