KOMUNIKATË PËR MEDIE HOMAZH LETRAR PËR GANI XHAFOLLIN

UNIONI I SHKRIMTARËVE DHE KRITIKËVE SHQIPTARË

L’UNION DES ECRIVAINS ET DES CRITIQUES ALBANAIS

Rr PRISHTINA E RE –KULLA POETIKE E mail:reshats@hotmail.fr 

Tel:044 111 430

ProCredit Bank : 11160022720001-30

Prishtinë, më 17 qershor 2015

KOMUNIKATË PËR MEDIE HOMAZH LETRAR PËR GANI XHAFOLLIN

Të premetën më 19/06/2015

Në Bibliotekën Universitare Kombëtare të Kosovës

ORA: 13.00

Me rastin e vdekjës së pa pritur të poetit të shquar për fëmijë GANI XHAFOLLIT,




 Unioni i Shkrimtarëve dhe i Kritikëve Shqiptarë, organizon “ Homazh Letrar” më ç’rast krijuesit tanë do të lexojnë poezi kushtuar, do të evokuojnë kujtime nga jeta e poetit tanimë të humbur si dhe permes ekranit do të shfaqën çaste të aktivitetit gjatë kohës kur Gani Xhafolli ishte gjallë.



Ftojmë të gjithë krijusit që me vargjet e tyre artistike t’ia japim lamtumirën e fundit poetit tonë tanimë në rrugën e përjetësisë.


Të gjitha poezitë dhe kujtimet që do të lexohën në këtë homazh poetik, do të botohen në një libër të veçantë.

Për humbjen e Gani Xhafollit ja si shprehen disa nga krijuesit e njohur shqiptarë dhe europianë, të cilët e njohen Ganiun gjatë aktiviteteve internacionale:



Rexhep Qosja: “ Gani Xhafolli ishte një poet i talentuar dhe si njeri shumë i sinqert “
Porf. Dr Daniel Leuwers: Gani Xhafolli ishte nje poet i perkryer per fêmijê, nje poet "par exelence" . Bodleri shkruante: Poezia është fëmijëria e shprehur pa kufi" e Ganiu e perjetonte kete fêmijeri permes vargjeve te tij te shprehura nga thellesia e shpirtit, permes pikturave te tij, permes kaligrameve te tij dhe permes shprehjes se mimikes se tij. Poetet francez e pershendesim vepren e tij dhe vajtojme humbjen e tij”.




Dino Kobatis shkrimtar dhe poet grek shkruan: “Shkrimtari i madh Gani Xhafolli qe nga dje është larg nesh, sepse ai e ka zgjedhur rrugen e perjtshme të poezise. Të dashurin Gani Xhafolli nuk do ta kemi kenaqesin ta takojmë në simpoziumin e shtatorit ne Prishtinë, nga se Ganiu tanimë prehet në paqje, e ne i shprehim ngushëllimet nga thellësia e shpirtit.

Teo Sanz nga Spanja: “Kosova e ka humbur një poet të madh. Ishte një kënaqësi e veçantë që pata rastin të ndanim momente të këndshme poetike dhe miqësore vitin e kaluar në Prishtinë!


 Komunitit artistik dhe mbarë popullit të Kosovës i shprehi ngushëllime, për humbjen e Gani Xhafollit.

ARDHJA E JUAJ NDERON VEPREN DHE JETEN E GANI XHAFOLLIT

ARDHJA JUAJ NDERON LETRATË SHQIPE

Me respekt 

Reshat Sahitaj, 

044 111 430

Migena Arllati e merr me vete frymëzimin e qiellit....

Poetja, publicistja dhe studiuesja Migena Arllati, lindi në 6 shtator 1974 në qytetin e Elbasanit, në qytetin e Kristoforidhit e Xhuvanit, të Normales e të Isuf Myzyrit. Qyteti i saj i lindjes, i njohur për traditat e lashta mijëvjeçare, është vendi ku shkrihen aq natyrshëm gegnishtja e toskërishtja, ku përthyhen me njëra-tjetrën konfesione të ndryshme fetare, ku vlerat e qytetarisë dhe civilizimit kanë qenë gjithnjë për t’u lakmuar. Atje në Elbasanin e traditave shumë shekullore, ajo do të brymosej dhe edukohej, shkollohej dhe rritej gradualisht. Shkollimi i mesëm do t’i përkiste gjimnazit “Kostandin Kristoforidhi” gjatë fillimviteve të nëntëdhjeta kur në Shqipëri u përmbys regjimi komunist për të triumfuar erërat demokrate të ndryshimeve. Elbasani si një qytet i qetë dhe me tradita të hershme në arsim, në vitin 1990 do të themelonte Universitetin “Aleksandër Xhuvani”. Migena u rregjistrua në të menjëherë pas mbarimit të maturës, në vitin 1992. Disa vite më vonë, fati do ta sillte në Kosovë për një arsye krejtësisht personale, pasi do të fejohej dhe shpejt martohej me një djalë nga Gjakova. Në vitin 1996, kur Kosova kishte filluar të hynte në periudhën më të vështirë të saj, çifti i ri që prisnin ardhjen në jetë të fëmijës së parë, erdhën në Gjakovë duke kaluar ilegalisht kufirin me Malin e Zi. Familja e re do të shtohej me tre fëmijë, dy vajza dhe një djalë. Si mbarë popullata shqiptare e Kosovës, në vitin 1999, edhe ajo përjetoi eksodin duke u detyruar të strehohet tek familja e prindërve në Elbasan.

Fillimet në gazetari

Ardhja e lirisë dhe rikthimi në Gjakovë, ndryshuan katërcipërisht jetën e të gjithëve, sigurisht edhe të Migenës, e cila tani nuk kishte nevojë të strukej dhe izolohej. Puna e parë që bëri ishte ajo në një radiostacion. Radio Amadeus, e hapur në Gjakovë disa muaj menjëherë pas luftës, do ta kthente sërish në optimizmin e dikurshëm. Entuziazmi që merrte nga puna në radio, dëshira për t’iu dhënë dëgjuesve më të mirën, bashkëbisedimet e këndshme në mikrofon, njohuritë e shumta dhe gjuha tepër e rrjedhshme, e bënë atë të famshme brenda një kohe të shkurtër. Pas disa vitesh, filloi të bashkëpunojë me KosovaLive, agjensinë e lajmeve në internet. Disa vite më pas, do ta gjente vehten në gazetën e sapohapur Lajm Ekskluzive, si korespondente nga Gjakova, por edhe në televizionin lokal Syri Vision. Ajo u kthye në një shembull të mirë të gazetarisë së printuar dhe televizive, duke treguar se vetëm me aftësi dhe punë mund të thyhen tabutë në shoqërinë tonë. Gjatë kësaj kohe nuk i munguan as sukseset dhe nderimet. Në vitin 2003, gjatë kohës sa punonte në Radio Amadeus, Migena fitoi vendin e dytë dhe shpërblimin prej 2.500 dollarë nga organizata amerikane IREX, në konkursin mbarëkosovarë për trajtimin gazetaresk të problemeve të femrës në Kosovën e pasluftës. Në kuadër të këtij projekti, ajo realizoi programin radiofonik “Ajo në kontrast” në të cilin shpeshherë trajtoi edhe tema tabu në shoqërinë e kohës. Në vitin 2006, Qendra Mediale “Dukagjini” i ndau asaj çmimin e parë dhe shpërblimin prej 500 euro për prezantimin me efikasitet dhe profesionalizëm në shkrime gazetareske të vështirësive me të cilat përballet gruaja shqiptare. Sukseset e saj të njëpasnjëshme, temat e trajtuara me realizëm dhe paanshmëri, stili gjuhësor i pasur me forma shprehjesh dhe larg klisheve, e dalluan si një ndër gazetaret më punëtore në mediat e reja kosovare. Por, impenjimet në gazetari, sa vinin e rriteshin çdo ditë. Kështu vitet do të rrokulliseshin njëri pas tjetrit, derisa pas një periudhe dhjetë vjeçare në gazetari, do të rikthehej në profesionin për të cilin kishte studiuar dhe ëndërruar, arsimin.

 Arsimtarja e gjuhës shqipe dhe letërsisë

Gjimnazi “Hajdar Dushi” në Gjakovë ishte qendra arsimore ku ajo u punësua dhe vazhdon të punojë edhe sot e kësaj dite. Si mësimdhënëse e lëndës së gjuhës amëtare dhe të letërsisë, ajo thotë se përparimin e botës e mundësojnë njerëzit, institucionet e pavarura, ndërmarrjet, me një fjalë: shoqëria. Por pa arsimin, asnjëri prej këtyre s’do të luante rolin e duhur në këtë mission. Tek mësimdhënia ajo gjen shumëçka por jo gjithçka, pasi letërsia për të nuk është thjesht lënda të cilën ligjëron, por edhe fusha e artit në të cilin ajo krijon. Krijimet e saj poetike, u botuan relativisht vonë krahasuar me kohën kur u shkruan.

Shkrimet letrare Frymëzimet e para letrare i përkasin moshës së adoleshencës, sidomos kohës përgjatë viteve studenteske. Por asnjëherë s’kishte menduar se do t’i botonte një ditë krijimet e hershme. Për vëllimin me 100 poezi “Mendime në kornizë” ajo ishte hamendësuar prej vitesh nëse duhet ta botonte apo jo. Gjithsesi, ngurrimi i gjatë për të botuar, do t’i linte vendin konfirmimit në vitin 2012, kur poetja do të dilte me publikimin e parë të poezive të cilat do t’i nxirrte nga “korniza” dy dekadëshe në të cilat i kishte ndryrë, pa menduar se do t’i botonte ndonjëherë. Botimi poetik u promovua në një ngjarje të rëndësishme për kulturën gjakovare dhe mbarë kosovare. Ishte Mitingu i 49-të i Poezisë në Gjakovë, Miting ky që atë vit iu kushtua veprës së Ali Podrimjes. Mes dhjetëra e dhjetëra poetëve pjesëmarrës, Mitingu e nderon këtë autore me çmimin “Yllka Domi” me dedikimin si poetja më e mirë e këtij Mitingu. Po atë vit, pra në 2012-ën, ajo boton monografinë “Lindur për t’u bërë mjek”, kushtuar dr. primarius Rifat Lila. Monografia u promovua në njëqind vjetorin e Pavarësisë së Shqipërisë. Kështu autorja Migena Arllati tashmë më në fund vendosi të hyjë bujshëm në botën e botimeve, pasi në botën e shkrimeve ajo kishte vite që ishte e pranishme. Kritika vlerësoi lart stilin e autores. Gjuha, ndërtimi sintaksor i fjalive, qartësia, e pse jo edhe forma dhe stili i shtrirë e artistik i përdorur nga Migena Arllati, përkojnë, madje edhe dallohen në këtë vepër.



Studimet gjuhësore

Një fushë me shumë interes për Migenën janë studimet gjuhësore, pasi në këtë sferë ajo ka mbrojtur titullin “magjistër”. Në kuadër të hulumtimeve shkencore ajo publikoi vështrimin studimor rreth frazeologjizmave në Gjakovë. Ky libër vjen në sajë të studimeve magjistrale të kryera në Qendrën e Studimeve Albanologjike në Tiranë. Studimet gjuhësore aktualisht po i marrin shumë kohë, meqë ajo është shumë aktive me punime e prezantime të temave të ndryshme gjuhësore në Konferenca albanologjike. Thotë se brenda gjuhësisë dhe letërsisë gjendet një oqean i tërë të cilin një studiues dhe krijues i mirë duhet ta eksplorojë dhe pushtojë. Me pjesëmarrjet në Konferenca të shumta në Shqipëri, Kosovë e Maqedoni, ajo konfirmon se është një studiuese serioze e albanologjisë. Ja disa nga punimet studimore të prezantuara: “Vështrim rreth toponimisë në Gjakovë”, në Konferencën e mbajtur në Universitetin “A. Moisiu” Durrës me temë “Përqark dhe përtej gjuhës angleze, linguistikës, letërsisë dhe didaktikës”, prill 2013; “Vështrim rreth origjinës dhe formimit të patronimeve (mbiemrave, emrave familjarë) në Gjakovë”, në Konferencën e mbajtur në Universitetin “L. Gurakuqi”, Shkodër, me temë “Sfidat rreth së ardhmes”, maj 2013; “Cytje për një shqipe sa më të pastër në shkollat tona”, në Universitetin “Ismail Qemajli”, Vlorë, në Konferencën me temë “Teknologjia moderne në arsimin e sotëm”, qershor 2013; “Prania e turqizmave në toponiminë tonë” në Konferencën e Institutit “Alb-Shkenca”, Tiranë, gusht 2013; “Pse shqipja e sotme nuk po mundet të zëvendësojë emërtimet “tradicionale” orientale?”, në Seminarin VII Ndërkombëtar të Albanologjisë në Universitetin Shtetëror të Tetovës, shtator 2013; “Çështje të frazeologjisë në Gjakovë”, Konferenca e Qendrës së Studimeve Albanologjike, Tiranë, nëntor 2013.



Skena dhe moderimet

Një pasion i vërtetë nga i cili siç duket e ka të pamundur të ndahet, janë moderimet/prezantimet në evenimente të ndryshme kulturore. Në skenën e Gjakovës, por jo vetëm, ajo ka kohë që ngjitet në kuadër të angazhimeve të njëpasnjëshme si moderatore, gjë të cilën arrin ta bëjë me mjaft elegancë dhe elokuencë në shprehje. Drejtimi i evenimenteve kulturore, poetike, artistike, pse jo edhe politike, me plot kulturë e profesionalizëm, i vjen për shtati më së miri plotësimit të figurës së një artisteje të kompletuar, e cila na konfirmon kështu për disa prirje të njëkohësishme. Sot, pas tetëmbëdhjetë vjet qëndrimi në Gjakovë, është tejet e afirmuar, me një shoqëri të gjerë dhe një jetë të ndërtuar me shumë kujdes. E dyzuar mes Elbasanit dhe Gjakovës, ajo dëshmon se gjithçka në jetë mund të arrihet me punë dhe këmbëngulje.


Aktive në organizata shkencore e letrare

Migena Arllati është e inkuadruar në disa instanca letrare dhe shkencore, siç janë: Lidhja Ndërkombëtare e Poetëve, Shkrimtarëve dhe Artistëve “Pegasi” Albania, si dhe mban postin e sekretares së Pegasi Kosova. Kjo organizatë, në vitin 2012 i dha çmimin “Kumtuesja e vitit” ndërsa në vitin 2013 i ndau çmimin “Studiuesja e vitit”; Është anëtare e Klubi letrar “Gjon N. Kazazi” në Gjakovë; Është anëtare e Institutit panshqiptar “Alb-Shkenca” me seli në Prishtinë, Tiranë e Shkup; Në dhjetor 2013, “Filolet”- konkurs ndërkombëtar poetik me seli në Zvicër, i ndau çmimin e dytë në garën vjetore të poezisë.

MIGENA ARLLATI NDEROHET ME TITULLIN QYTETARE NDERI

https://www.youtube.com/watch?v=vrCnw8hjywY

Iku edhe një natë.

MIGENA ARLLATI


Lindi në Elbasan /Shqipëri në 06.09.1974 në një familje me tradita qytetare dhe arsimdashëse. Jeton në qytetin e Gjakovës në Kosovë që prej 20 vjetësh me bashkëshortin dhe tre fëmijët.

Studimet e larta i ndoqi në Fakultetin Filologjik, dega gjuhë-letërsi në Universitetin “Aleksandër Xhuvani”, studimet e Magjistraturës në Qendrën e Studimeve Albanologjike në Tiranë, ndërsa aktualisht është në vazhdim të studimeve të Doktoraturës.

Aktiviteti i saj paraprihet nga dhjetë vjet angazhimi në gazetarinë radiofonike, të printuar dhe televizive ku ka marrë disa herë çmime.
Punon në arsimin e mesëm si dhe është ligjëruese e gjuhësisë në Universitetin Publik “Fehmi Agani” në Gjakovë.

Prej kohësh ka konfirmuar vullnetin ndaj hulumtimeve shkencore në gjuhësi dhe albanologji duke marrë pjesë në Konferenca të ndryshme shkencore të organizuara nga Universiteti i Tiranës, Prishtinës, Tetovës, Shkodrës, Elbasanit, Durrësit, Vlorës, me prezantime nga fusha e linguistikës.

Botimet:

Autorja deri tani ka botuar tre libra, ndërsa ka në proces pune të katërtin. Vëllimin me poezi “Mendime në kornizë” (2012), monografinë “Lindur për t’u bërë mjek” (2013), botimi studimor “Vështrim rreth shprehjeve frazeologjike në të folmen e Gjakovës” (2014).

Krijimet poetike të saj janë prezantuar në disa përmbledhje Antologjike të botuara në Shqipëri, Kosovë, Maqedoni e Rumani. Po ashtu, është redaktore dhe recensente e dhjetëra botimeve të shkrimtarëve të ndryshëm.

Aktiviteti në shoqërinë civile:

Është Kryetare e degës së Fondacionit Kulturor Mbarëkombëtar “Nermin Vlora Falaschi” në Gjakovë;

Anëtare e Lidhjes së Shkrimtarëve të Kosovës;

Anëtare e Institutit Alb-Shkenca me seli në Tiranë, Prishtinë e Shkup;

Anëtare e Shoqatës së Intelektualëve “Jakova” në Gjakovë.

Qytetare Nderi në vendlindjen e saj, në Elbasan, prill 2015

Bashkia Elbasan e shpalli znj. M. Arllati “Qytetare Nderi” me Motivacionin: “Për kontributin e shquar të saj si gazetare, shkrimtare, hulumtuese ndaj gjuhësisë dhe albanologjisë, dhe një personalitet i shoqërisë civile në vend dhe diasporë”.

Vendimi u miratua në dt. 20 mars 2015 me votim të hapur nga Këshilli Bashkiak.

Vëllimi “Mendime në kornizë” është një përqafim poetik i ndjenjave dhe mendimeve të një vajze që shtrëngon në intuitën e saj përpjekjet për të vështruar dhe kuptuar botën. Dhe bota i përqaset në figura që paralelizojnë natyrën dhe perceptimet e njeriut.

Po cila është poenta kryesore në poezinë e Migena Arllatit? Është kontradikta e vullnetit të sendërtuar në të gjitha përmbajtjet jetësore përballë realitetit të cilin ajo nuk e do të tillë siç është dhe kjo krijon “përplasjen më të bukur poetike”. Dhe ka kulmime të tilla sa që e gjithë dëshira ngërthen fuqishëm një vajzë të veshur e të mbuluar me to: “Mos harro… mos harro…. mos harro të më puthësh e kur të më puthësh harro gjithçka”.

Nëse mbizotërojnë motivet e dashurisë, këto ngarkohen me përsiatje për rrënjët e lindjes së tyre. Dhe…? Mposhtje ndaj kaheve negative të jetës.

Në poezinë e Migenës ka parashtrime për universalitetin dhe qëndrimi për temat kardinale të jetës dhe vdekjes. Por këto nuk shihen as me pesimizëm as me fatalitet, as me logjikën metafizike, por me logjikën dialektike, kur ajo numëron lotët, të cilët megjithëse e përmbytin krejt dhe “zemra pikon gjak”, vijon çasti tjetër i kapërcimit të asaj ndjesie të turbullt e zhgënjyese në një qetësi e deri në entuziazëm. Mbizotëron tendenca e përjetimit dhe depërton në dashuritë e jetës.

Në poezinë e Migenës veshtullimi për kujtimet e mbetura krijon vizione të larmishme, herë përmbys mendimet e mëparshme, ato naivet që i ka çdo adoleshent, herë qesh me veten kur ato dalin diku në brendi, por nuk flirton, dhe pastaj, rriten mendimet e vërteta të cilat i vulos me shprehjen e ndjenjës.

Fjalët që “thurin gërsheta” kursehen brenda harmonisë mendim – ndjenjë. Dhe moria e figurave krijon bukurinë e vargjeve që mbeten në vetëdije.

Nëse kqyrim ndjenjat e shprehura, atëherë bëjmë pyetjen: “Po ç’është lumturia?” Po e veçoj këtë anë të jetës, sepse ndjehet që kjo vajzë ende e kërkon. E kërkon se ajo nuk mund të gjendet plotësisht, se janë shumë litarë të jetës që e mbajnë të mos kalërojë lirisht, se ajo “është kthyer në një barsoletë shekujsh”. Por Migena vazhdon të qëmtojë “orët e jetës” që kanë kurora, kanë syze, kanë matematikë me të cilat llogarisin kohën.(Agim Gjakova)


VDEKJE INDIFERENCËS

Iku edhe një natë.
Dielli vrapon të lindë
ndoshta paksa me vonesë.

Që mbrëmë,
në protokollet e të Madhit
atij iu dha itinerari.

Me të njëjtin shikim indiferent,
me të njëjtët flokë përvëlues,
arriti në mes të Kupës,
as që vuri re mungesën e një luleje.

Mbase gjatë natës,
era,
këmba e dikujt,
a kushedi kush,
e këputi për vdekje.

Vdekje, indiferencës!
Thërras der’atje lart
në kupë të qiellit:
Vdekje indiferencës,
se s’jam manekin
indiferencës t’i bëj strehë.

Kam mish e gjak e kockë,
dhe ndjej,
se si damarëve të mi
ka një rrjedhë
që jep e merr jetë,
pavarësisht se fustanet
i vesh e i zhvesh vetë.

Ndaj
manekin s’dua të jem!


JETA IME POEZI

Jeta ime
si cigare digjesh në këto duar,
prushi i lehtë sa ndizet fiket
iluzione më tymon papritur, pakujtuar

Dje isha unë
në të njëjtën histori
kur rrugët parakaloja
nji e nga nji

Sot jam po unë
historia ti,
jeta ime që më dhemb
veç tek dritë e syve tret

Nesër kush do të mbet
veç këtyre vargjeve mbushur fletë ?
Me degë dafine vijnë tek unë
kurorë flokësh rreth engjëjsh turmë

Poezia mësuar nga Mehmeti,
vargu huazuar nga Podrimja,
magji kreshtash ilustruar nga Shkreli,
skaliten poetët në ëndrrat e mia

Jeta ime poezi
tjetër ç’mund të pres nga ti?
Vdekjen shoh larg tek rri
shkarravis e shkruaj refren të ri

Jeta ime degë ulliri
mbushur ëndrra e dëshira,
përplasur vitesh po me këtë emër
hedhur humnerash, dergjur lëndinash

Një mal me brenga në shpinë do ta hedh
endacakut të parë eja me mua t’i them,
monedhën e fatit të dy ta luajmë
shortin e kësaj bote me shkelm ta gjuajmë

Një ciu atje tej s’më lë të vazhdoj
lauresha dëgjon dhe këngën ndalon,
e bukura e shenjta poezi
fjalë e pashkruar mos shko në harri!


UNË, PIANOJA JOTE

Merre me vete frymëzimin e qiellit
e mbi piano eja ulu sonte,
mos pusho së rëni melodisë sonë,
këngën e dashurisë mjellmat të vallëzojnë.

Përsërite refrenin
edhe njëherë tingujt të shpojnë qiellin,
mbushe nota pentagramin
solet mbi krahë të dyve t’na marrin.

Me timbrin e saj jetën rilinde,
kompozo dashuri, dhimbje, grindje,
një këngë të re fillo e shkruaj
unë muza jote deri në të aguar.

Këtu përballë dremis unë, pianoja jote
që gishtërinjtë e prekin sa butë, sa fort…

Zëri i saj mëngjesit lehtazi ledhaton
kur si fishkëllimë kanarine më zgjon,
si luan i stepës herë-herë vëngëron
kur hijet ngarkuar natës përjeton.

Mbi tastierën bardh e zi do flejmë sonte
të etur, zhuritur, untuar e shkrumbuar
muzikojnë për ne të gjithë Listët e Bet’hovenët
dashuria jonë, gjumin tutje harruar!


E PARA

E para ishte fjala.

Ne
e hëngrëm.
E për(punuam)typëm
në manifaktura rrenash!


NJË JETË KRENARI!

Flamuri Kuq e Zi mbi arkivol sot paloset.

I kuq gjaku, i zi dheu
nga agu në muzg në gjysmë qiell dielli.
Bataretë e plumbave rëndë shpojnë retë,
plisat e djemve mbesin kryepërpjetë.

Në Iliridë, Kosovë, Shqipëri
një minutë heshtje
një jetë krenari!

Kumanovë, 21. 05. 2015


ANTI

E pinte duhanin gjyshi im
tymoste mbi mustaqet trashë-trashë,
ulur këmbëkryq në vatrën e flaktë
me cigarishten shtatë pashë.

E pinte duhanin im atë
fjollat e hirta në shtëllunga i rriteshin,
nga cigarja deri tek metalurgjiku
mushkëritë me vello ngjyrë zi do t’i visheshin.

E pi duhanin edhe im shoq
me dy gishtat në buzë shtrëngon cigare e heshtje,
re qortimesh sa herë i dërgoj
fshihet në të nikotintës mjegull.

Po rritet si lis im bir,
me duart e mia shumë bekime ia dhashë,
por, në fytyrë do t’ia ndez flakë
nëse erën e duhanin në rroba ia pashë!

Takime tradicional "Azem Shkreli" 2015 bashkoi krijuesit shqiptarë nga shtetet e Evropës!

Nga Asllan Dibrani

E shtunja e kaluar me 06.06.2015 në Ennepetal të Gjermanisë,nën organizimin e "Lidhjes së Shkrimtarëve Artistëve dhe Krijuesve Shqiptarë të Gjermanisë",u mbajt manifestimi tradicional kushtuar të madhit krijuesit dhe poetit "Azem Shkrelit".

Rrugët ishin të ngarkuar ngase, ma veç ka filluar fluksi i parë drejt brigjeve bregdetare të pushuesve të shteteve Skandinave dhe të Beneluksit që frekuentojnë autostradave të Gjermanisë .Krijuesit shqiptar këtë ditë vikendi e kishin zgjedh si pikë takimit të kulturës dhe artit poetik në Ennepetal të Gjermanisë. Tashmë në këto takime tradicionale "Azem Shkreli" po i bashkon krijuesit shqiptar nga shtetet e Evropës !Krijuesit shqiptar ,vitet që po lëmë pas trasuan një voluminitet të ngjeshur veprimtarish dhe aktivitetesh në fushën e krijimtarisë me tituj të shumtë duke i bashkuar të gjithë krijuesit nga Kosova ,Shqipëria ,Maqedonia ,Çamëria dhe trevat tjera të emigruar në shtetet perëndimore. Salla e bukur e stolisur me flamujt tanë dhe portreti i Azem Shkrelit ,sikur komunikonin me publikun që kishin ardhur me qindra kilometra ta nderonin ketë takim.


Pamje nga të pranishmit po edhe familjet e të ndjerëve Azem Shkrelit dhe Shaban Cakollit
Shfaqjet filmike të tij të ndërkohëshme na rikujtonte të kaluarën e Kosovës që Azem Shkreli e skaliti e gdhendi dhe e shkroi me fjalët e arta poetike .Pal Sokoli kryetar iu uroj mirëseardhje mysafirëve, që nuk ishin pak të ardhur t'i ndanin disa orë së bashku me krijuesit e "Lidhjes se Shkrimtarëve Artistëve dhe Krijuesve Shqiptarë në Gjermani".


Zoti Hasan Qyqalla përshëndeti në emër të LSHKM. Fjalë përshëndetëse patën edhe zoti Martin Çuni (kryetar nderi), zoti Hysen Ibrahimi kryetar i Shoqatës Shkrimtarëve dhe Artistëve Shqiptarë në Suedi,Fatmire Musliu,këshilltare e konsullatës së Kosovës në Frankfurt e cila foli për vlerat e takimeve të tilla nga e cila u përkul pran figurës se Azem Shkrelit etj. Daut Demaku ishte një personash që bëri një mozaik shumëngjyrësh mbi këtë takim kushtuar Azem Shkrelit dhe krijuesve tanë në Mërgatë .


Ai shumë bukur elaboroi vlerat artistike mbi krijimtarinë e poetit tonë të madh Azem Shkrelit .Madje ai tha se Azem Shktreli ishte poeti ma i mirë shqiptar i fundshekullit të kaluar. Daut Demaku u prezantuar edhe me një ligjëratë të nduarduart lidhur me kulturën artin dhe situatën politike nga i cili rast u duartrokit disa herë. Në takimin tradicional Azem Shkreli" 2015 me poezitë e tyre u prezantuan z. Gonxhe Letmi Begisholli, z. Neki Lulaj, z. Sadri Gashi, z. Hasan Qyqalla, Seveme Fetiqi, z. Selajdin Gashi, z. Arif Molliqi dhe z. Musa Mulolli me poezitë e Gjergj Fishtës

Për ta nderuar takimin dhe familjen Shkreli në këtë datë i dhanë një fokusim kulturor dhe emocionues edhe nxënësit e shkollës shqipe"Dituria" nga Heidelbergu dhe Schwetzingeni të udhëhequr nga Gonxhe Letmi-Begisholli. Recitali teatral i nxënësve të shkollës “Dituria” me titull; ”Nuk ndalen Shqiptarët” të shkruar nga autori Martin Çuni, përgatitur nga mësuesja Shqipe Gara dhe Gonxhe Letmi Begisholli, ku rikujtuan shumë ngjarje emocionuese gjatë shekujve për figura të ndryshme shqiptare me rëndësi historike.

Skenës për të qenë sa ma të kompletuar këta fëmijë i ndihmuan edhe Këshilli i prindërve nga z. Emine Cakolli ,z.Binak Ramaj dhe Lendita Gashi Bytyqi. Nxënësit që aktruan në këtë takim ishin Tregim Ramaj,Endrit Veliu ,Blegin Berisha,Kujtim Ramaj,Donika Begisholli,Gentrina Bytyqi,Ariana Halilaj,Brikena Halilaj etj. Gjatë këtij takim u promovua edhe libri i të ndjerit Shaban Cakollit që mbeti në dorëshkrim ,por falë z.Pal Sokloit z. Ferdinanad Lahollit dhe z. Martin Çunit ,ai gjeti dritën dhe u botuar nga Shtëpia Botuese “Laholli. Një përshkrim mbi këtë vepër dha z. Hysen Ibrahimi, ndërsa z. Ferdinand Laholli foli në emër të redaktorit.

Këngëtarja Ermelinda Lajcaj i dha një ngrohtësi sallës me këngët e saja me karakter kombëtar. Zëri i saj jehoj nëpërmes këngës qe solli një kënaqësi tek të pranishmit. Po ashtu burrat e këngës rapsodike të ulur këmbëkryq Zyber Topalli,

Dalip Sylejmani dhe Bajram Aliu kënduan me zërin e tyre të mrekullueshëm me këngën “Në ballë të Arbrit”.

Në fund u shpërndanë disa mirënjohje, ,dhe u shpallën rezultatet e konkursit letrar të LSHAKSH në Gjermani, për veprën më të mirë të vitit 2014. Çmimi letrar për krijuesit shqiptarë në këtë takim"Azem Shkreli" 2015,u nda nga juria e zgjedhur në përbërje të Arif Molliqit,Martin Çunit dhe Seveme Fetiqit dhe u shpërblyen këta krijues:


1.Vendin i parë:Sadik Krasniqi me librin "Ag Muzgu" me poezi poezi

2.Vendi i dytë:znj.Pranvera Gjoni, me librin "Mendime të Arnuara" me poezi

3.Vendi i tretë:Fatmir R.Gjata "Valsi i tretë" me poezi dhe Fehmi Korça(post mortum) libri"Përtej poleve të jetës"poezi. Pauza të pranishmeve nuk u shkoj huq,por shijuan ushqimet tradicionale shqiptare nga kuzhinat familjare shqiptare që i sollën aty.

-Takimet e tilla Lidhjen e shkrimtarëve po e përforcojnë, po i japin shpirt ,po e zgjerojnë me anëtarë të rinj dhe në saje të bashkëpunimit kjo "Lidhje e Shkrimtareve" po merr dimensione dhe korniza ma të mëdha dhe përgjegjësi që të jetë një oazë e afrimit të vlerave dhe krijimeve të reja.


Takimi si ky për poetin e madh Azem Shkrelin që bashkoj krijuesit shqiptarë nga shtetet e Evropës do të jetë një sinjal i mirë që deri sa të ketë Azem Shkrela shqiptarët do të jenë ma të fuqishëm ma të afërm ma të nderuar dhe gjithnjë në trend vrapues ta nxëmë atë që e humbëm nën pushtimin e armiqve gjatë shekujve.

Këto katër tipa femrash KURRË NUK e refuzojnë seksin!

Sa herë ju ka ndodhur që të refuzoheni? Aplikoni këtë taktikë dhe nuk do të keni më dështime. Ja cilat femra nuk refuzojnë ftesën për seks.
Natyrisht, nëse dëshironi të merrni seks nga femra, patjetër duhet edhe pak të angazhoheni, mirëpo me këto femra angazhimi nuk do t’ju jetë i kotë, transmeton Telegrafi.

1. E MOSHUAR
Kjo është femër e moshuar, e cila me siguri ka qenë e martuar. Ky tip femre i do paratë, ndërkaq del për të gjetur meshkuj të interesuar për seks. Është e drejtpërdrejtë dhe nuk e ka problem të tregojë se çka do. Zakonisht është e veshur dhe e rregulluar mirë, por shpesh mund të shihet edhe me cigare në dorë.

2. FEMRA HAKMARRËSE
Ko është femër e cila është duke e marrë veten pas divorcit dhe është emocionalisht jo stabile. Ka mundësi të jetë e dehur, andaj mos u befasoni nëse fillon të sillet në mënyrë të pahijshme.

3. HULUMTUESJA E SEKSIT
Ky tip femre dëshiron të zbulojë seksualitetin e vet dhe është e gatshme për çdo gjë. Më së shpeshti ka të bëjë me kureshtje të studentes.

4. FEMËR PËR MBRËMJE TË VAJZAVE
Ky tip femre nuk është e re, por vetëm shoqëruese e cila dëshiron të argëtohet, të dehet dhe të bëjë seks. Çdo gjë ndodh në mbrëmjet argëtuese të vajzave.

Ja pse tradhtojnë femrat e martuara!

Shumë femra po tundohen prej netëve pasionante, por terrorizohen ndaj mendimit për t’u divorcuar nga bashkëshortët e tyre. Pra, ato që tradhtojnë partnerët e bëjnë për çështje seksi dhe nuk e mendojnë aspak divorcin prej tyre.
Universi femëror nuk e ëndërron më princin e kaltër i cili e merr me një kalë të bardhë vezullues. Ka gjithnjë e më shumë raste gjatë të cilave femrat e moshës së mesme – të mërzitura nga rutina e përditshme e martesës – kërkojnë net pasionante me një tjetër mashkull, i cili nuk është bashkëshorti i tyre.

Mosha nuk ka rëndësi, po ashtu edhe puna apo çdo gjë tjetër rreth tij: e rëndësishme është që ai t’u dhurojë atyre ndonjë orë “mësimi” emocionesh seksuale.

Kjo, sipas një studimi të fundit, i cili ka arritur të tregojë se 67% e grave të martuara janë në kërkim të marrëdhënieve jashtëmartesore për të pasur ditë të veçanta romantike me pasion që përfshijnë padyshim edhe seksin.

Sipas Eric Anderson, ekspertit të seksologjisë nga Universiteti i Winchester (UK), deklarimi i kënaqësisë nga një martesë është shumë i ndryshëm nga deklarimi i lumturisë prej seksit me partnerin.

Në bazë të të dhënave të studimit, femrat janë shprehur të bindura se kërkimi i një partneri të përkohshëm ishte përtej mendimit se ato janë të pakënaqura nga bashkëshorti i tyre. Përkundrazi, ato e dashuronin burrin e tyre si në fillim dhe se kurrë nuk do t’i kërkonin divorcin.

Rezultatet pra, nuk janë absolutisht tregues i mosmarrëveshjeve dhe i mosharmonisë bashkëshortore, por i monotonisë seksuale, tipike e marrëdhënieve monogame për një kohë të gjatë.

Në veçanti, me kalimin e kohës, marrëdhëniet seksuale bëhen të mërzitshme dhe të parashikueshme, ndërsa cilësia dhe frekuenca e raporteve zbehet shumë. E gjithë kjo është thënë nga femrat e moshës së mesme, ndoshta sepse me kalimin e ditëve, të dy partnerët mërziten prej “trupit” të njëjtë.

Anderon e ka kryer studimin e tij te 100 femra të martuara të moshës mes 35 deri 45 vjeç, të regjistruara në sajtin AshleyMadison.com, një uebsajt me sa duket popullor për personat e interesuar për pasjen e raporteve jashtë martese.

Anderson thotë se, dallimi mes meshkujve dhe femrave në kërkim të lidhjeve jashtëmartesore duket se shkaktohet nga mendimi që mashkullin e sheh si një “hamshor” dhe femrën si një të “përdalë”, për të njëjtën sjellje.

Jo pa qëllim meshkujt të cilët njihen se kanë shumë femra pas vetes shihen si “super meshkujt”, ndërsa femrat që kanë shumë meshkuj penalizohen nga shoqëria duke u konsideruar si më pak serioze.

Në fund, gjëja e vetme e qartë është se për femrat që kanë marrë pjesë në studim, zgjedhja për të bërë seks me të njëjtin mashkull për të gjithë jetën ishte një dështim i madh.

E në këtë mënyrë, ky studim duket se ka hedhur poshtë mendimet e shumta e të mëparshme rreth tradhtisë së femrave, të cilat theksonin se këto të fundit tradhtojnë veçanërisht me “zemër” dhe jo prej nevojave të veçanta seksuale.

Studimi tashmë ka zbuluar një të vërtetë të madhe rreth faktit se përse femrat që njihen si tradhtare nuk ndahen nga bashkëshortët aktualë!

Kancelarja gjermane do ta vizitojë edhe Sarajevën dhe Tiranën...

Nëse vendet e Ballkanit Perëndimor do të bien dakord për kushtet e Bashkimit Evropian, kjo do të thotë se ato do t’i afrohen qëllimit përfundimtar: pranimit në gjirin e Bashkimit Evropian (BE). Por, Serbia mbase nuk do të pajtohet lehtë, sepse në këtë proces fuqitë perëndimore do të kërkojnë paqësimin e nacionalizimit serb, hyrjen e saj në NATO, heqjen e Republikës Srpska dhe shqiptarë shumë të lumtur në të gjitha shtetet ku ata jetojnë.

Ivan Vejvoda nga "Fondi Marshall", thotë se rajoni ballkanik mbetet puna e fundit e papërfunduar e Perëndimit. Sipas tij, në korrik do të jenë dy ngjarje të rëndësishme: vizita e kancelares gjermane Angela Merkel në Beograd, më 8 dhe 9 korrik , dhe shënimi i 20-vjetorit të përkujtimit të krimeve serbe në Srebrenicë të Bosnje dhe Hercegovinës.

Merkel, siç raportojnë mediat serbe, do të kërkonjë nga Serbia që në fund të procesit të Brukselit me Prishtinën të bie dakord që Kosova t’i bashkohet Organizatës së Kombeve të Bashkuara (OKB), por edhe që të distancohet nga Presidenti i Republikës Srpska, Milorad Dodik, i cili po pengon forcimin e institucioneve qendrore të Bosnjës dhe Hercegovinës.

Kancelarja gjermane do ta vizitojë edhe Sarajevën dhe Tiranën, ku nga kryeministri i Shqipërisë, Edi Rama, do të kërkojë të ulë tonet nacionaliste, ndërsa me Serbinë të përmirësojë marrëdhëniet.

Boshnjakët do t’i paralajmërojë se është koha që tensionet ndëretnike dhe korrupsioni endemik të zëvendësohet me punën në rrugën e saj drejt BE-së, ndërsa gjermanët do të mbështesim ndryshimet kushtetuese të këtij shteti si dhe dobësimin e mëtejshëm të Republikës Srpska.

Kujtojmë se Gjermania, si ekonomia numër një e BE-së, në bashkëpunim me Shtetet e Bashkuara, në vitin 2012 ka marrë zotimin që vendet e Ballkanit t’i ndihmojë në rrugën drejt BE-së. Kontribut të madh do të jep edhe Britania e Madhe, e cila vendosi që në Këshillin e Sigurimit të OKB-së të "sponzorizojë" një Rezolutë për Srebrenicën. Rezoluta duhet të miratohet në prag të shënimit të dy dekadave të këtij krimi makabër serb ndaj popullatës civile myslimane.

Është e mundshme që Srebrenica, si simbol i madh i vuajtjeve të boshnjakëve nga serbët, do të jetë shkas për sulmin në Republikën Srpska, sepse, teksa Serbia duket se po shkon në rrugën drejt BE-së, Jelena Guskova nga Akademia Ruse e Shkencave thotë se Republika Srpska dhe kreu i saj Milorad Dodik mbeten bastioni i fundit i "nacionalizmit serb" në Ballkan.

Serbisë do t’i kërkohet që gjatë rrugëtimit drejt BE-së të bashkëpunojë edhe me NATO-n, ndërsa kufijtë e saj do të jenë me Luginën e Preshevës, Sanxhakun e Vojvodinën, por pa Kosovën. Serbia duhet të marrë pjesë në mënyrë aktive në luftën globale kundër terrorizmit, ndërsa Rusia do të ketë ndikim minimal në politikën serbe.

http://www.telegrafi.com/lajme/vizita-e-merkelit-ne-ballkan-dridh-serbet-keshtu-gjermania-shba-dhe-britania-e-shohin-ballkanin-2-64998.html