Oregon: Protestat anti-Trump, shpërthejnë në dhunë

Në natën e dytë të protestave kundër presidentit të sapo-zgjedhur në Shtetet e Bashkuara Donald Trump, ato janë kthyer në të dhunshme në Portland, Oregon, shkruan BBC.
Me mijëra demonstrues janë mbledhur në qendër të pjesës perëndimore të qytetit. Disa prej tyre kanë filluar të thyejnë xhamat e dyqaneve dhe dritareve.

Policia ka deklaruar se ka arrestuar 29 personave, ndërsa thuhet se protestat në qytetet e tjera të SHBA-së, ishin më të vogla.

Me kë ishte i lidhur e me kë i martuar Presidenti Trump?

Presidentit të 45-të të SHBA-së, Donald Trump, nuk i ka munguar asnjëherë shoqëria nga gratë.

Më poshtë mund të lexoni se me kë ka qenë i martuar e më kë në lidhje Presidenti Trump.

Ivana Zelnickova

Donald u takua me modelen dhe atleten çeke, Ivana Zelnickova në një bar në New York në vitin 1976, përderisa po e vizitonte qytetin.

Ata ishin në lidhje për disa muaj për tu martuar gjatë Pashkëve, dhe Donald nënshkroi një kontratë paramartesore që do ia dhuronte asaj 20 mijë dollarë për sercilin vit që do qëndronin të martuar.

Pasuria e Donald Trump rritej, e edhe dëshira e tij për një familje të madhe.

Nëntë muaj pas martesës, erdhi në jetë djali i parë i tyre, Donald Jr e më vonë vajza, Ivanka dhe djali i dytë, Eric Trump.

Kishte thashetheme që Trump i kishte dhuruar Ivanas 250 dollarë bonus për secilin fëmijë që kishte lindur.

Ivana e la Donald në vitin 1991 pas fjalëve që ai kishte një aferë me ish mbretëreshën e bukurisë, Marla Maples, të cilën e kishte takuar në vitin 1989.

Në atë kohë kishte spekulime që të dy gratë ishin takuar gjatë një pushimi dimëror.

Trump finalizoi divorcin me të në mars të viti 1992.

Marla Maples

Donald nuk harxhoi shumë kohë dhe u martua për herë të dytë në dhjetor të vitit 1993 – dy muaj pas lindjes së vajzës së tyre, Tiffany.

Marla Maples, një personalitet televiziv gjithashtu ka luajtur në disa filma, duke përfshirë Maximum Overdrive dhe Executive Decision.

Ata u ndan në maj të vitit 1997 dhe e finalizuan divorcin në vitin 1999.

Melania Trump

Modelja Melania gruaja aktuale e tij, ka lindur në Sllovenin komuniste. Ëndrra e saj ishte të bëhej modele, kështu që filloi që të pozonte qysh në moshën pesë vjeçare.

Ajo e takoi Trumpin gjatë javës së modës në vitin 1998, përderisa ai po takohej me një grua tjetër.

Ai e kishte dërguar gruan me të cilën kishte lidhje në banjo në mënyrë që të flirtonte më Melania – por ajo kishte refuzuar t’ia jepte numrin e telefonit dhe nuk doli në takim me të për tre muaj me radhë.

Melania flet gjashtë gjuhë: sllovenisht, frëngjisht, anglisht, gjermanisht, italisht dhe serbisht.

Donald gjithashtu ka qenë i lidhur me Carla Bruni, Allison Giannini, Jackie Siegel,  Kara Young dhe Rowanne Brewer.

Komisionari Johanes Hahn, pozitës dhe opozitës: Harroni zgjedhjet e parakohshme, punoni drejt rrugës europiane

Komisionari Johanes Hahn dhe kryeministri Isa Mustafa kamë lansuar Agjendën për Reforma Europiane.

Hahn në fjalën e tij ka thënë se që nga nënshkrimi i Marrëveshjes së Stabilizim-Asociimit (MSA) institucionet europiane kanë treguar perspektivë europiane për vendin tuaj.

“Kjo marrëdhënie është edhe përcaktues për të ardhmen tonë të përbashkët”.

“Aspiratat kosovare për integrime europiane janë të vërteta”.

“Ky duhet të shihet një qëllim kombëtarë, jo vetëm si çështje e Qeverisë – por e të gjithë akteve kyç, përfshirë shoqërinë civile dhe të gjithë akterët tjerë”.

Hahn tregoi se bashkë më kryeministrin Mustafa e kanë diskutuar nevojën për të pasur sa më të saktë agjendën e rrugës europiane.

“Dëshiroj të jem i qartë se ne nuk mund të mos punojmë dhe që të na ikin këto mundësi”.

“Ne duhet t’i mbledhim ose korrim të mirat e marrëveshjes së MSA”.

“Kjo do të gjenerojë vende të punës dhe do ta bëj vendin më tërheqës për qytetarët e Kosovës që të investojnë në të”.

“Për ta arritur këtë duhet të jeni shumë konkret dhe prioritetet ti zbatoni nga 12 deri në 18 muaj”.

“Unë jam shumë i kënaqur me natyrën gjithëpërfshirëse të këtij procesi – siç ka ndodh me komunitetin e këtij biznesi dhe me shoqërinë civile”.

“Me lejoni të jem i qartë agjenda e reformave europiane është prioritet i Bashkimit Euriopan”.

Hahn tha se pavarësisht kush e udhëheqë Qeverinë detyrat duhet kryer që kjo marrëveshje t’i sjellë të mira vendit.

“Për këtë ne kemi ndarë 165 milionë euro për të ju ndihmuar në agjendën e reformave drejt Europës”.

Përgjegjësia mbetet tek ju që ta bëni projektin e suksesshëm.

“Të gjitha partitë duhet të punojnë së bashku në rrugën e integrimit europian, dhe këtë secili nga ju duhet të synojë – duhet të punojnë në këtë drejtim dhe ta shfrytëzojë kohën e mbetur”.

“Mos diskutoni për zgjedhjet e parakohshme, por trajtoni çështjet që ju kanë mbetur”.

Babai i Astrit Deharit: Shteti ma vrau djalin

Avni Dehari, babai i të ndjerit Astrit Dehari, ka thënë se nuk iu besojnë më institucioneve shtetërore, prokurorisë apo gjyqit.

Sipas Deharit, këtë mosbesim e kanë krijuar vet institucionet me punën dhe veprat që kanë bërë deri sot, e veçanërisht duke iu referuar rastit të vdekjes së djalit të tyre Astritit dhe Arbnorit.

Këto deklarime babai i të ndjerit Astrit Dehari, i tha në një konferencë për medie të organizuar bashkë me anëtarë të tjerë të Lëvizjes Vetëvendosje.

”Ne nuk kemi asnjë besim në këtë prokurori, shtet apo gjyq. Jo që ne nuk duam por ata e kanë krijuar vet këtë mosbesim”.

”Kanë deklaruar që ai ka vdekë nga përdorimi i barnave, e pas obduksionit u vërtetua që Astriti nuk ka përdor asnjë dromcë barna, asgjë nuk i është gjetur në mushkëritë e tij”.

”Kam kërkuar vizitë për Astritin, kërkesa është bërë si gjithë kërkesat tjera që e kanë procesin, është nënshkruar nga gjykatësi. Kemi dhënë lejen, kemi hyn në prani të atyre që ata vet i kanë caktu e jo ne”.

”Prokurori thotë një ditë që nuk e kam nënshkruar lejen për vizita, një ditë tjetër prokurori thotë që unë nuk e di se kush mundet të hyj e kush jo aty”.

”Prokurori qenka instrument politik i këtij pushteti për të cilën nuk po e përfundojnë punën siç duhet”.

”Shteti e ka vra Astritin, mediet hiena që po mundohen të përfitojnë nga kjo viktimë”.

”Në këtë Prokurori që del çdo ditë i ndryshon faktet, dëshmitë, unë nuk kam besim”.

”Këta edhe të gjallë me ma sjell Astritin, unë nuk ua dua”.

”Nga këto institucione të cilët e kanë për detyrë të hetojnë rastin deri në fund, edhe të gjallë me ma sjell Astritin me duart e tyre, unë nuk e dua”, ka përfundauar Avni Dehari, babai i të ndjerit Astrit Dehari,

Tomë Gashi: Nuk i fajësoj mediet por ata që iu dhanë materialet

Në lidhje me publikimin e videos dhjetë orëshe nga burgu i Prizrenit, të datës kur kishte vdekur Astrit Dehari, avokati i familjes Dehari, Tomë Gashi vlerësoi që ky publikim ka dëmtuar kredibilitetin, duke fajësuar personat që u mundësuan medieve të marrin këtë material.

“Është shumë e qartë që është dëmtua kredibiliteti, pa marrë parasysh që publikimi i videos ka arritë të formoj një esencë në popullatë për atë se çfarë ka ndodhur. Askush nga profesionistët dhe avokatët nuk do që t’i fajësoj mediet, mirëpo unë i fajësoj ata që u kanë mundësuar medieve që të vijnë deri tek ky material” ka thënë Gashi në një intervistë në Info Magazine, Klan Kosova.

Për më tepër avokati Tomë Gashi ka folur edhe për disa mediume, që sipas tij, kanë treguar se sa e lehtë është që të manipulohet me video.

“Një nga mediumet ka publikuar dy video. Në njërën shihen gardianët ndërsa në tjetrën janë fshirë” ka thënë Gashi.

Ndërsa, sipas Gashit rasti i vdekjes së Astrit Deharit, po shfrytëzohet për luftë politike.

“Kjo është luftë speciale, mes opozitës dhe pozitës dhe po shfrytëzohet rasti i vdekjes tragjike të Astrit Deharit. Kjo është katastrofë dhe në këtë shtet secili është i rrezikuar, përderisa ky rast po shfrytëzohet për luftë politike në mes të pozitës dhe opozitës” deklaroi Tomë Gashi.

Johanes Hahn, liderëve: Nëse nuk merreni vesh, shkoni në zgjedhje

Komisioneri për zgjerim Johanes Hahn ka porositur lidershipin kosovar të shkojnë në zgjedhje të parakohshme, në rast se nuk munë të cojnë përpara proceset e rëndësishme si Demarkacioni me Malin e Zi që ndërlidhet me liberalizimin e vizave ose Asociacionin e Komunave me shumicë serbe.

Klan Kosova merr vesh se këto mesazhe Hahn i ka paraqitur brenda takimeve që i ka zhvilluar me presidentin e Kosovës, Hashim Thaci, kryeministrin, Isa Mustafa, dhe kryeparlamentarin Kadri Veseli. Mustafa dhe Veseli janë ankuar për qasjen e opozitës në drejtim të komisionerit Hahn, duke fajësuar tre subjektet politike opozitare se kanë bllokuar të shkojnë përpara këto procese të rëndësishme për Kosovën.

Nga ana tjetër Hahn raporohet t’i ketë sygjeruar liderët e LDK-së dhe PDK-së se në rast që këto cështje nuk shkojnë përpara, atëhërë koalicioni qeveritar nuk është i fuqishëm sa duhet dhe logjikisht zgjidhja e vetme do të ishte të shkohet në zgjedhje të parakohshme. Hahn raportohet të ketë insistuar se kjo cështje është puna e brendshme e subjekteve politike, por se logjika e funksionimit të institucioneve është se kur nuk funksionin koalicioni, atëherë partitë politike duhet të kërkojnë përsëri besimin e qytetarëve.

Hahn pritet që në vijim këtë mesazh tua shpalos edhe liderëve politik opozitarë.

Pse u harruan California, Texasi e New Yorku në fushatë?

GAZMEND SYLA


Hillary Clinton nuk është parë në California, këto dhjetë ditët e fundit. As në Teksas. E ka injoruar edhe shtetin që llogaritet të jetë i saji, New York.

As Donald Trump nuk ka qenë në këto shtete. Madje, këto rrallë janë përmendur edhe në media, kur bëhet fjalë për fushatën zgjedhore të dy kandidatëve për president të Amerikës.

Tri shtetet në fjalë, por edhe më tepër se 30 tjera, nga 50 sa i ka krejt SHBA, konsiderohen të jenë jointeresante për zgjedhjet. Në to dihet se qysh votojnë qytetarët dhe cili kandidat fiton, prandaj, nuk merret kush me to. Kalifornia për shembull dihet se është e demokratëve, sikur edhe New Yorku dhe shumë shtete tjera në verilindje e perëndim të Amerikës. Ato tashmë kanë marrë emrin shtetet “blu”, ngjyrë kjo me të cilën identifikohen demokratët. Teksasi, me pothuajse të gjitha shtetet tjera përreth, dhe ato të mesit të Amerikës, janë “pronë” e republikanëve ndërsa identifikohen si të “kuqe” . Për rrjedhojë, këtu e ka të sigurt fitoren Trump, ndërsa në të parat, Clinton.

Për këtë arsye, kandidatët nuk kanë bërë asnjëfije fushatë në to. Të dy janë fokusuar në rreth dhjetë shtete tjera, që njihen si të”pavendosura” dhe të cilat mund të jenë edhe të “kuqe”, por edhe “blu”, sikur që janë Florida, North Carolina, Pennsylvania, New Hampshire, Ohio, Iowa, Michigan…Trump dhe Clinton, ose surrogatët e tyre, kanë kaluar shumicën e kohës, dhjetë ditët e fundit, në këto shtete. Në fakt, republikani i dha fund fushatës së tij në Michigan, pak para orës 1 të ditës së sotme, ndërsa demokratja në North Carolina, pothuajse në të njëjtën kohë. Ata, po ashtu, kanë paguar para të majme për të transmetuar reklamat e veta në stacionet televizive që transmetohen në to.

Por pse amerikanët, duke përfshirë edhe vetë garuesit, janë të sigurt se shtetet e kuqe janë të kuqe dhe blutë janë blu, në të shumtën e zgjedhjeve?

“Kjo ka të bëjë me zgjedhjet, projeksionet dhe të dhënat e mëhershme”, thotë Christina Greer, profesoreshë e shkencave politike në Universitetin e Fordhamit gjatë një takimi me një grup gazetarësh nga e gjithë bota, që me ftesë të qeverisë amerikane po i mbulojnë zgjedhjet këtu, ne mesin e të cilëve është edhe Klan Kosova. “Nëse shohim pak në pesë ose gjashtë palë zgjedhjet e kaluara dhe shohim se New Yorku vazhdimisht ka qenë blu dhe asgjë nuk ka ndryshuar, atëherë mund të themi me siguri se New Yorku do të jetë blu”.

Në fakt, siguria se këto shtete do ta votojnë këtë apo atë kandidat, krijohet edhe nga shifrat e daljes në votime, numrin e të regjistruarve si demokratë apo republikanë dhe mënyrën si kanë votuar ata më herët.

Se votimet në grupin e shteteve të kualifikuara të kuqe apo blu nuk ndryshon gjë e ka thënë edhe Jefrey Pollock, themelues dhe president i “Global Strategy Gruop”, e specializuar për sondazhe.

“Mënyra me të cilën mund ta shpjegojmë nëse sondazhet ndikojnë në perceptimin e njerëzve për të votuar është të shikohet një shtet si puna e Teksasit, ku votat nuk kanë fare peshë, sepse e dimë se atje do të votohet republikani, ose një shtet si New Yorku, ku e dimë se këtu do të votohet demokrati”, ka thënë ai gjatë ligjëratës për perspektiven liberale të fushatës zgjedhore.

Duke patur parasysh këto, sot amerikanët i mbajnë sytë te votimet në ato që njihen si shtete të betejës, e që janë Florida, Ohio, North Carolina, Pennsylvania dhe tre-katër tjera.