Edi Rama merr guximin, ia kujto Vuçiqit veprimet kriminale e diskriminuese ndaj shqiptarëve!

Edi Rama, Aleksandër Vuçiq

Shqiptarët e Luginës vazhdojnë të përballen me mungesë të të drejtave elementare për jetesë.

‘Se Zoti vetë e tha me gojë; Që kombe shuhen përmi dhe; Po Shqipëria do të rrojë; Për të, për të luftojmë ne”. Këto vargje u dëgjuan sot nga Deputeti shqiptar në Kuvendin e Serbisë, Shaip Kamberi, gjatë seancës plenare.

Kamberi mbajti një fjalim të ndjerë ku vuri në pah diskriminimin që Serbia po ua bën shqiptarëve të tri komunave të Kosovës Lindore, Preshevës, Bujanovcit e Medvegjës.

“Unë këtu mund vetëm të përmend vandalizmin ndaj flamurit shtetëror shqiptar, por detyra ime qenësore në këtë Kuvend është të pyes pse Shqiptarët e Luginës së Preshevës, respektivisht ata që jetojnë në Serbi, nuk munden lirshëm, publikisht dhe zyrtarisht të përdorin simbolin e tyre kombëtar, simbol ky që përfaqëson në thelb një pjesë të identitetit të tyre”, ka shkruar ndër të tjera Kamberi.

Shqiptarët e Luginës vazhdojnë të përballen me mungesë të të drejtave elementare për jetesë. Kjo ka bërë që shumë prej tyre të shpërngulen nga tokat stërgjyshore. Disa në mërgim e të tjerë në Kosovë.

Edhe 4 ditë na ndajnë nga festa kombëtare e 28 nëntorit. Këto janë ditët kur më së shumti i përkujtojmë shqiptarët kudo që janë. Padrejtësia historike që iu bë shqiptarëve të Luginës së Preshevës, nuk duhet të përforcohet nga Kosova dhe Shqipëria.

Ish deputeti i LDK-së dhe anëtari i Bordit Ekzekutiv të Ligës Qytetare Shqiptaro-Amerikane, Faton Bislimi, në një deklaratë pas vizitës në Luginë, e quajti të papranueshëm dhe të papërballueshëm diskriminimin që po përjetojnë vëllezrit dhe motrat tona atje.

“Diskriminimi nacional e njerëzor i Beogradit, që përjetojnë çdo ditë motrat dhe vëllezërit tanë në Luginë është jo vetëm i papranueshëm, por edhe i papërballueshëm tutje. Secila ditë e humbur nga Tirana e Prishtina zyrtare për të vënë në ballinë të një strategjie gjithëkombëtare çështjen e Luginës është fitore për planin dinak e të heshtur të Serbisë për spastrim etnik të asaj treve”, tha Bislimi.

Në anën tjetër, kryeministri i Shqipërisë, Edi Rama ndërsa po i jep jehonë të madhe projektit “Open Balkan”, nuk e zuri kurrë në gojë çështjen e diskriminimit të shqiptarëve të Preshevës, Bujanovcit e Medvegjës.

Nuk i tha asnjëherë mikut të tij të ngushtë, Aleksandër Vuçiq-it, se asaj popullate po ia shkelë të drejtat vetëm pse janë shqiptarë.

Nuk bëhet miqësi aq e ngushtë me shtetin që ka tendencë t`i shfaros bashkëkombësit.

Edi Rama asnjëherë nuk e ngriti shqetësimin se vetëm në katër vitet e fundit autoritetet serbe kanë fshirë mbi 4 mijë shqiptarë nga regjistri civilë në komunën e Medvegjes.

Është raportuar se kjo fshirje po bëhet me plan të qarqeve më të larta politike në Serbi dhe e njëjta po implementohet nga Ministria e Punëve të Brendshme të Serbisë (MUP-i). Por, Edi Rama nuk shqetësohet për këtë, gjersa në mendje ka projektin “Open Balkan”.

Një Ballkan i hapur do të duhej të niste me respektim të të drejtave elementare të të gjithë qytetarëve të Ballkanit. Kjo me shqiptarët nuk po ndodhë. Serbia vazhdon të jetë kundër shtetit të Kosovës e në anën tjetër t`i diskriminojë shqiptarët që jetojnë (padrejtësisht) brenda saj.

Kjo indiferencë e Shqipërisë duhet të ndalet. Nëse këtë nuk e merr mundin ta bëj Edi Rama, atëherë me patjetër duhet të ngriten në këmbë opozita dhe të gjithë mekanizmat që thirren në mbrojtje të të drejtave të njeriut dhe t`i thonë mjaft Serbisë.

Deputeti shqiptar i Parlamentit të Serbisë, Shaip Kamberi: Në Serbi glorifikohen kriminelët e hiqet flamuri shqiptar

 

 

Deputeti shqiptar i Parlamentit të Serbisë, Shaip Kamberi, ka pyetur edhe njëherë se kur do të krijohen kushtet për përdorim të lirshëm, publik dhe zyrtar të simbolit kombëtar shqiptar.

Ai përmes një postimi në Facebook ku edhe e ka postuar fjalimin e tij nga Kuvendi ka thënë se ka kaluar një vit nga fjalimi i tij për nevojën e përdorimit të lirë, publik dhe zyrtarë të simbolit tonë kombëtar, ndërkohë që Republika e Serbisë po vazhdon të mbetet vendi i vetëm në rajon i cili, me ligj, i pamundëson pakicave nacionale që të përdorin lirshëm simbolet e tyre “nëse janë identike me simbolet e shteteve tjera”.

“Se sa është në Serbi shkalla e mosdurueshmërisë ndaj simbolit nacional shqiptarë na ka treguar edhe sjellja e huliganëve, të cilët kanë hequr flamurin shqiptar në vende të shumta në Beograd ku ishte i vendosur si pjesë e protokollit shtetëror për vizitën e Kryeministrit të Republikës së Shqipërisë, z. Edi Rama. Huliganët janë kryerësit e drejtpërdrejtë të këtij akti vandal, por duhet të theksohet që ata janë produkt i diskursit i cili mbështetë dhe ushqen stereotipet antishqiptare, armiqësinë dhe hasmërinë ndaj tyre. Një diskurs të këtillë, autori i veprës ‘Shqiptari imagjinarë’, Aleksandar Pavloviq, e quan ‘shqiptarizëm’ duke u mbështetur në konceptin e ‘ballkanizimit’ të Marija Todorovës, i cili e përshkruan diskursin i cili krijon stereotipe për Ballkanin dhe politikën e cila është në mënyrë organike e lidhur me këtë diskurs”, ka thënë ai.

Ai ka shtuar se në këtë atmosferë, mosdurimi, urrejtje të hapur dhe paragjykimeve ndaj shqiptarëve dhe ndaj gjithçkaje që lidhet me shqiptarët, duke shtuar këtu diskriminimin në të drejta fundamentale, jeta e shqiptarëve të Luginës së Preshevës, por edhe e shqiptarëve që jetojnë në brendësi të Republikës së Serbisë, është e vështirë.

“Në atmosferën e krijuar në të cilën mohohen krimet e luftës, glorifikohen kriminelët, muralet e të cilëve i ruan vet policia dhe nëse marrim parasysh Raportet e Organizatave ndërkombëtare që Serbia ka ngecje serioze dhe kthimit mbrapa në demokraci, atëherë, ndoshta nuk duhet të habitemi pse ndaj një akti vandal si ai i heqjes së flamujve shqiptar në Beograd shteti nuk ndërmerr asgjë. Pushtetarët heshtin me krenari. ‘E bukur kjo ndjenja e krenarisë’ do të thoshte Mesha Selimoviq, ‘na mbron nga pendimi’. Për shumëkënd me të drejtë shtrohet dilema nëse ky akt vandal ndaj flamurit të Shqipërisë është pjesë e projektit ‘Open Balkans’ apo e atij të ‘Botës serbe’ të Aleksandar Vulinit”, ka thënë ai.

Ai ka shtuar se në atë seancë ka përmendur vandalizmin ndaj flamurit shtetëror shqiptar, por detyra e tij qenësore në atë Kuvend është të pyes pse shqiptarët e Luginës së Preshevës, respektivisht ata që jetojnë në Serbi, nuk munden lirshëm, publikisht dhe zyrtarisht të përdorin simbolin e tyre kombëtar, simbol ky që përfaqëson në thelb një pjesë të identitetit të tyre.

Ai ka deklaruar se të gjithë synojnë anëtarësimin në Unioni Evropian. Pikërisht ajo Evropë të cilën po e synojnë është e njohur për “aftësitë e integrimit e jo të shkatërrimit ose eliminimit të diversitetit”.

“Si vend i cili pretendon të jetë pjesë e BE-së, (edhe pse sot me të drejtë mund të shtrohet pyetja nëse Republika e Serbisë me të vërtetë dëshiron anëtarësimin), ky shtet duhet të eliminojë ligjet e veta diskriminuese. Njerëzit janë shpirtërisht të lidhur me simbolet e tyre identitare. Njerëzit shpeshherë, përgjatë historisë, edhe kanë vdekur për ato simbole. Prandaj, pa marrë parasysh ligjet aktuale, situatën negative politike, e cila mohon simbolet tona, unë mund të them që ne nuk do të heqim dorë nga simbolet tona identitare. Ne, me durim do të angazhohemi dhe do të presim kur e drejta jonë identitare mbi përdorimin e lirë, publik dhe zyrtarë do të realizohet”, ka thënë ai derisa i ka përmendur disa nga vargjet e himnit të flamurit.

Serbija dalëngadal po zhdukemi si komb,

 

 

Presidenti i Serbisë ka ngritur shqetësimin se serbët si komb po zhduken. Dhe për këtë, ai sot ka bërë ditur se për çdo fëmijë të parë të çiftit, shteti do të ndajë 2.550 euro.

“Duke pasur parasysh se po zhdukemi si komb, se jemi çdo ditë e më pak, të dhënat na thonë se për shtim na duhen 2.15 fëmijë për familje”, tha Vuçiq.

Sipas tij, asnjë familje nuk do të duhej të kishte më pak se dy fëmijë, por dy e më shumë

Vuçiqi ka ofruar mbështetje të ndryshme për nënat që lindin fëmijën e tretë apo të katërt. Për fëmijën e tretë, nënat do të marrin nga 85 euro në muaj për 10 vjet rresht, ndërkohë për fëmijën e katërt 150 euro në muaj për 12 vjet.

Kosova e Letonia nënshkruajnë marrëveshje ushtarake

 

 

Gjatë vizitës zyrtare në Letoni, ministri i Mbrojtjes, Armend Mehaj, së bashku me ministrin e Mbrojtjes së Letonisë, Artis Pabriks kanë nënshkruar Marrëveshjen e Bashkëpunimit bilateral në mes Kosovës dhe Letonisë, në fushën e sigurisë dhe mbrojtjes.

Sipas njoftimit për media nga Ministria e Mbrojtjes, ky memorandum përcakton fushat e bashkëpunimit të dy shteteve në fushën e mbrojtjes dhe sigurisë.

Të dy ministrat po ashtu janë dakorduar që të intensifikohet bashkëpunimi në mes të dy ministrive dhe forcave, me shkëmbim të personelit, në trajnime dhe stërvitje të përbashkëta, si dhe aktivitete të tjera, me interes të përbashkët.

Me këtë rast, Mehaj ka theksuar se Kosova dhe Letonia kanë histori të ngjashme dhe objektiva të ngjashëm për kontribut në paqen, sigurinë dhe stabilitetin kontinental dhe më gjerë.

Gjithashtu, ai theksoi se të dy vendet kanë përcaktimin e njëjtë euroatlantik dhe se Kosova mund të mësojë shumë nga Letonia, sidomos në eksperiencën për anëtarësim në NATO.

“Një hero i vërtetë”, serbët krenohen me shqiptarin që shpëtoi 6 turistë nga flakët

Lulzim Sulejmani nga Presheva është njëri nga shtatë të mbijetuarit e tragjedisë shqiptare në Bullgari. Ai arriti që të thyente xhamin dhe të hidhej nga autobusi në momentin që u përfshi nga flakët dhe dyert u bllokuan.

Sulejmani madje arriti që të ndihmonte edhe gjashtë persona të tjerë të që dilnin nga autobusi duke i shpëtuar. Veprimi i të riut me kombësi shqiptare dhe shtetësi serbe pasi jeton në Luginën e Preshevës ka bërë jehonë në media në Beograd, që i kanë kushtuar hapësirë të veçantë.

Lexo edhe: I riu që theu xhamin dhe doli nga dritarja: Shoferin e zuri gjumi, autobusi u mbush me tym, dëgjova britma…

 Me germa kapitale, “Blic” shkruan “NJË HERO I VËRTETË”. “Një shtetas serb, edhe pse i plagosur, ndihmoi në evakuimin e shtatë pasagjerëve në një aksident të tmerrshëm në Bullgari” vijon më tej artikulli.

Shkrimi në median serbe “Blic.rs”

Autoritetet serbe i kanë uruar shërim të shpejtë, ndërsa ambasadori e ka vizituar në spital në Bullgari. “Shtetasi ynë Lulzim Sulejmani, vetë i plagosur në një aksident të tmerrshëm në afërsi të Sofjes, ka ndihmuar në evakuimin e pasagjerëve” shkruan ministria e Jashtme serbe.

Vazhdon hetimi për shkaqet e tragjedisë shqiptare në Bullgari, dy pista kryesore

Maqedonia e Veriut është në ditën e dytë të zisë pas tragjedisë së një dite më parë, kur humbën jetën 46 udhëtarë në një aksident komunikacioni.

Në mesin e 46 viktimave ishin edhe 12 fëmijë të moshës nën 18 vjeçare. Të vdekurit nga tragjedia e 23 nëntorit kryesisht janë nga komuna të qytetit të Shkupit

Ministri i Punëve të Jashtme, Bujar Osmani ka vizituar të mbijetuarit në spitalin e Sofjes.Eksperti i komunikacionit, Faton Bunjaku foli në “T7” lidhur me tragjedinë që ka ndodhur në Bullgari në orët e hershme të së martës ku një autobus u aksidentua dhe si pasojë mbetën të vdekur 46 persona.

 Bunjaku tha se në bazë të deklaratave të dëshmitarëve, së pari ka ndodhur aksidenti dhe pastaj ka marrë flakë.

“Është koha që tani të përqendrohemi te të lënduarit, te identifikimi viktimave dhe në realizimin e hetimit. Sapo të përfundojë hetimi, do të ketë kohë për të gjitha çështjet”, ka deklaruar Osmani.

Ministri i Shëndetësisë, Venko Filipçe  ka zhvilluar një bisedë telefonike me drejtorin e spitalit Pirgov në Sofje, Ivan Poromanski. Në këtë spital po kurohen shtatë pacientë që i kanë mbijetuar aksidentit të tmerrshëm që ndodhi në autostradën “Struma” në Bullgari.

“Të gjithë pacientët janë në gjendje të qëndrueshme dhe nën mbikqyrje të vazhdueshme mjekësore dhe po u jepet mbështetje psikologjike. Dy paciente iu nënshtruan operacionit. Të shtatë pacientët do të qëndrojnë në spital deri të premten, ditë pas së cilës do të bëhet plani për transportin e tyre për në Shkup”, ka deklaruar ministri Filipçe.

Vazhdon hetimi për shkaqet e aksidentit

Autobusi i “Besa Trans” në të cilin e humbën jetën të martën 46 persona në autostradë në Bullgari, nuk ka qenë i lajmëruar tek institucionet kompetente në shtet. Të dhënat e deritanishme thonë se autobusi i djegur nuk ka qenë i paraqitur nga pronari dhe nuk figuron në sistemin e Ministrisë. Pronari i agjencisë nuk ka nxjerrë patentë për atë makinë, ndërsa autobusi nuk është në bazën e të dhënave të ministrisë. Ministri i Transportit dhe Lidhjeve, Blagoja Boçvarski ka theksuar se kompania “Besa Trans”, së cilës iu dogj autobusi në Bullgari, kishte licencë të vlefshme për transport ndërkombëtar të udhëtarëve, por megjithatë është konstatuar një lëshim. Konkretisht është konstatuar se kompania kishte të regjistruar katër automjete që kishin leje transporti, por autobusi që shkaktoi aksidentin dhe ku humbën jetën 46 qytetarë nuk ndodhej në bazën e ministrisë.

“Pas kontrolleve në polici kemi konstatuar se autobusi i djegur nuk është raportuar dhe nuk gjendet në bazën elektronike të të dhënave të Ministrisë së Transportit dhe Post-Telekomunikacionit, pra transporti është kryer pa çertifikatë-leje për atë mjet. Sipas ligjit, kanë pasur për detyrë që në afat prej 15 ditësh ta informojnë ministrinë, gjegjësisht ta raportojnë apo ta çregjistrojnë automjetin për atë periudhë kohore”, ka thënë Boçvarski.

Dy pista të dyshimit për fatkeqësinë

Nga Prokuroria publike e Maqedonisë thonë se po shqyrtohen dy versione si shkaktarë të tragjedisë së ndodhur në autostradën e Strumës- mosfunksionim teknik i autobusit apo një gabim i shoferit. Gjithnjë e më shumë po dyshohet se në autobusin e “Besa Transit” ka mundësi të jetë transportuar lëndë djegëse, nga e cila ka rënë zjarri në pjesën e përparme të automjetit.

Hetimi duhet të përcaktojë nëse shpërthimi është shkaktuar nga nafta që ishte vendosur para autobusit, apo nga materiale të tjera të ndezshme, por të gjitha këto pretendime duhet të përcaktohen nga autoritetet hetimore. Hetuesit bullgarë duhet të përcaktojnë fillimisht pse shoferi humbi kontrollin dhe doli nga rruga dhe më pas si ndodhi shpërthimi në pjesën e përparme të autobusit. Hetimi do të zgjasë gjashtë muaj, njoftuan ekspertët bullgarë.

“Dua të siguroj kolegët e mi nga Maqedonia e Veriut se Prokuroria Publike e Bullgarisë do të bëjë çdo përpjekje për të kryer hetim të shpejtë, objektiv dhe efektiv për të përcaktuar arsyet e këtij incidenti të rëndë”, ka deklaruar Sijka Mileva nga Prokuroria publike e Bullgarisë.

Kryeprokurori i Maqedonisë së Veriut, Ljubomir Joveski, i cili poashtu po qëndron në Sofje ka thënë se do të bashkëpunojnë ngushtë me kolegët bullgarë për ndriçimin e rastit duke theksuar se nuk do të ketë hetim paralel në Maqedoninë e Veriut. 

“Autoritet e Bullgarisë kanë marrë të gjitha masat, sikur edhe po shihet. Në bazë të deklaratës që vërejta nga dëshmitari që arriti të mbijetojë, këtu flitet për një aksident ku fillimisht kishte ndodhur aksidenti e pastaj ka marrë flakë autobusi”, ka thënë ai.

“Vet fakti që autobusi është furnizuar me lëndë djegëse, me naftë, autobusi rezervarin e ka tek ana e djathtë e përparme. Edhe po shihet kjo pjesë e dëmtuar. Autobusi ka lëvizur në lëvizje të njëtrajtshme. Në bazë të asaj udhëtari nuk ka mundur të reagojë. Ka pëlcitur goma e pastaj vjen zjarri. Pyetja shtrohet se nga ka mundur të vijë zjarri. A mund të ndizen shkëndija të zjarrit nga kontakti i diskut të rrotës, bandashit që i themi, me pjesën metalike.Kur është deformuar autobusi, a është i izoluar rezevari. Prodhuesi nuk e qet me izolator. Kur ka qenë e deformuar aty ka pasur grimca të vogla të shpërndara të cilat kanë mundur të ndizen lehtësisht në kontakt. Pyetja tjetër që do të hetohet është se si ka mundur të ndodhë aksidenti. Rregulloret e parashohin qartë se sa kohë ka të drejtë një ngasës të vozisë dhe sa të pushojë.

Nuk konsiderohet pushim ndërrimi me shofer por kur automjeti është i ndalur. Është vështirë të merret tahografi pasi ka djegie totale të autobusit. Nuk mund të dimë sa ka vozitur pa ndalur autobusi” tha ai. Mediat bullgare theksojnë se tre versionet se si mund të ketë ndodhur ky rast tragjik, që janë: mosfunksionimi teknik, gabimi njerëz ose infrastruktura e dobët.

Një miqësi që përfundoi në martesë, historia e shqiptares që u dashurua me priftin italian

 Një histori sa e pazakontë aq dhe e bukur u trajtua këtë të mërkurë në emisionin “Abc-ja e mëngjesit”. Albana Ruci emigroi drejt Italisë në vitet ’99, ku u njoh me Giuseppe Serrone, asokohe prift. Ata dashurohen me njëri-tjetrin, vendosin të martohen dhe më pas nis një kalvar i gjatë vuajtesh për ta.

Në një lidhje me Skype për “ABC-ja e mëngjesit”, Albana tregoi se gjatë kohës që ai ishte prift nuk kishin pasur raport tjetër përveçse miqësor. Ajo thirret nga konsullata për dokumentet e nevojshme për lejen e qëndrimit.

Me atë rast, Giuseppe vjen në Shqipëri për ta ndihmuar në përshpejtimin e procesit. Megjithatë, ai nuk u zëvendësua kur mesha u kremtua të dielën, dhe mediat italiane raportuan se prifti ishte arratisur me një vajzë shqiptare.

“Me Giuseppen nisi si një miqësi. Fillova të shkoja në shtëpinë e priftit së bashku me nënën pasi theu duart dhe i duhej një njeri që ta ndihmonte. Në atë periudhë po përgatitesha për permmesson, u detyrova për të ardhur në Shqipëri dhe më pas erdhi dhe Giuseppe për të më ndihmuar.

Giuseppe erdhi dhe në konsullin në Shqipëri doli një punë e papritur, mori në telefonin për të zëvendësuar priftin të dielën që ishte mesha. Ndodhi që nuk u zëvendësua dhe në shtypin italian del se prifti është arratisur me një vajzë nga Shqipëria dhe nuk dihej se ku gjendet. “, tregoi ajo.

Albana tregoi se më pas Giuseppe vendosi të jepte dorëheqjen dhe të martoheshin. Por pas kësaj u përballën me shumë probleme, diskriminim dhe madje, disa e kishin goditur me gurë. “Ne kishim një lidhje miqësore, respekt për njëri-tjetrin, nuk kishim lidhje dashurie për një jetë të dyfishtë apo ashtu si përpiqeshin të më trajtonin si e dashura e priftit ndërkohë që Giuseppe ishte famulltarIshte një njeri që për mua kishte bërë shumë, më kishte dhënë mundësinë që të integrohesha në realitetin italian. E pashë drejt në sy dhe i thashë jeta jonë mund të vazhdojë në një raport tjetër. “, tregoi ajo. Për të filluar të jetojnë sërish, ish prifti dhe Albana ndryshojnë qytet, shkojnë në Reggio Emilia, ku thotë se aty u pritën shumë mirë.

“Giuseppe hoqi dorë si famulltar ndërsa nuk pati komunikimin si prift. Ne u martuam kur priftërimi nuk u komunikua sepse pati dokumentin e martesës nga Papa për dorëheqjen nga roli i tij si famulltar. Si prift Giuseppe kishte të drejtën pasi dha dorëheqjen si famulltar. Është ligji për famulltarët që dorëhiqen, të cilët mund të martohet. Unë jam gruaja e një prifti por jo e një famulltari.“, tregoi ajo. /abcnews.al