Dromca kujtimesh, post mortum:Gani Azemi, zë më autentik i Kosovës në Europë

Shkruan: Faruk TAShOLlI

Pas vitit 1998, dy personalitete emblematike të Kosovës, Ibrahim Rugova dhe Adem Jashari u bënë arma kryesore për bisedat e Gani Azemit me politikanët e lartë europianë. Ai u thoshte atyre se tashmë lëvizja paqësore dhe lufta e armatosur për Kosovën Republikë janë të pandashme.

Tri ditë para festës së 100-vjetorit të Pavarësisë Kombëtare, në botën shqiptare u përhap edhe një kumt i zi:Vdiq Gani Azemi. Kumtin e përjetuan rëndë, së pari familja, pastaj miqtë, bashkëveprimtarët dhe institucionet e Kosovës.Ky kumt goditi edhe njerëzit e vendlindjes së tij ku për shumë vite ishte fizikisht i munguar, por që hija e tij ishte prezente vazhdimisht. Gani Azemin e njoha qysh nga fëmijëria ime kur ai ishte nxënës i normales, pra shkollës së mësuesisë. Ishtë një djalë shtathedhur, me flokë të shpeshta dhe me një zë kumbues. Afër shtëpisë së vjetër të kulturës në Babush, ku ishin dy shitore, zyra e çështjeve civile dhe drejtoria e minierës së lignitit, në fund të viteve gjashtëdhjetë, shkollarët e mesëm prisnin autobusin që vinte t’i merrte përditë për t’i dërguar në Ferizaj, aty ku po lulëzonin shkollat e mesme. Ne nxënësit e fillores, me kureshtje i shihnim shkollarët e mesëm dhe na dukeshin sikur njerëz që nuk do t’i arrinim kurrë. Në një nga mëngjeset e vjeshtës, derisa prisnin autobusin shkollarët e mesëm, isha prezent në atë stacionin e imporovizuar, pasi klasa e pestë ishtë hapur pikërisht në atë shtëpi të kulturës në Babush, ku sot gati sa nuk është rrënuar. Duke dëgjuar Gani Azemin tek fliste mes shkollarëve, mes tjerash tha se një referat për një libër të lexuar e ka bërë në 30 faqe fletoreje. Nuk e di a i besuan bashkëbiseduesit, por mua m’u dukën mal ato 30 faqe, pasi fletoret e kohës kishin vetëm 52 faqe.Nuk shkoi shumë kohë dhe në faqet e revistës “Zëri i rinisë” lexova një poezi satirike me emrin e Gani Azemit. Poezia më bindte se Ganiu ka mundur ta bëjë referatin prej 30 faqesh, pasi në gazeta dhe libra, isha mësuar t’i shoh vetëm emrat e shkrimtarëve që më dukeshin sikur vijnë nga një botë tjetër.Unë tashmë shkruaja vjersha. Gani Azemi pas mbarimit të Normales, menjëherë filloi punën si mësues në shkollën fillore të Gadimes dhe atë, në Lëndën e Gjuhës Shqipe. Por nuk qëndroi gjatë. Me familje u shpërngul nga Babushi në Prishtinë, por nuk u shkëput nga kontaktet me vendlindjen. Në Prishtinë, ai studionte Gjuhën dhe Letërsinë Shqipe dhe punonte në Gadime. Në ndërkohë, në Fakultetin Juridik të Prishtinës, hapet edhe Dega e Gazetarisë dhe Diplomacicë, ku Ganiu regjistrohet edhe aty. Sa ishte student, na ra të takoheshim shpesh në Ferizaj. Në orët letrare që i mbanim në Ferizaj, vazhdimisht ftonim edhe grupin letrar të Fakulktetit Juridik. Aty vinin Xhemail Mustafa, Shaqir Foniqi,Ibrahim Shala, Afrim Morina , Gani Azemi etj.Lexime poezish, diskutime për letërsinë në lokalet shkollore në Ferizaj.
Por një ditë u përhap lajmi si nën dhè .Gani Azemi nuk është më në Kosovë. Ikja e një njeriu aso kohe përjetohej shumë rëndë. Ikja do të thoshte humbje e përjetshme nga atdheu.Gani Azemi në pushimin nga shërbimi ushtarak jugosllav, kishte lënë uniformën në shtëpi dhe ia kishte mësyrë Brukselit. Ai nuk kishte mundur më t’i durojë torturat që u bëheshin ushtarëve shqiptarë në armatën jugosllave. Nuk kishtë mundur as ta duronte robërinë kombëtare në një shtët totalitar.Që ta thotë të vërtetën për Kosovën, rrezikon të ikë jashtë shtetit, duke bërë shume sakrifica. Emri i tij tashmë lakohej në heshtje e me mall nga bashkëvendësit. Edhe nga ata që e njihnin gjatë shkollimit dhe veprimtarive të tjera. Por edhe në atë heshtje hija e tij kishte mbetur në Rrafshin e Kosovës. Në ndërkohë në Kosovë ndodhën shumë ngjarje. Viti 1981 ndërroi shumëçka në jetën e Kosovës. Emri i Gani Azemit filloi të dalë në shtypin serb, si veprimtar i emigracionit shqiptar në Evropë dhe atë herë pas herë.Shumë më vonë do të merrej vesh se Gani Azemi bashkë me Enver Hadrin e Reshat Sahitajn ishin ata që për çështjen e pazgjidhur të Kosovës i kishin mbushur plot informacione tavolinat e diplomacisë europiane. Prania e tyre në Parlamentin Europian, në grupe gazetarësh, në qarqe intelektuale dhe politike në Bruksel, do të thoshte prani e çështjes së Kosovës në Europë. Në fund të viteve tetëdhjetë, kur ra monizmi në ish-Jugosllavi dhe u formuan partitë shqiptare në Kosovë, pika e parë e takimit të liderëve kosovarë për të trokitur në institucionet europiane ishte Gani Azemi. Sidomos pas vrasjes së Enver Hadrit, ai me Reshat Sahitajn, sakrifikuan gjithçka nga vetja, që çështja e Kosovës të shihet drejt nga politikanët europianë. Autoriteti i tyre si luftëtarë të çështjes kombëtare ishte i pakontestueshëm sidomos te shumë deputetë të Parlamentit Europian.


Gani Azemin, pas njëzet vitesh të ikjes nga Kosova, e takova sërish në Bruksel. Kësaj radhe me një grup bashkatdhetarësh të mërguar në Aachen, morëm udhë që të bëjmë homazh te varri i atdhetari Enver Hadri, në përvjetorin e vdekjes, në varrezat në Sharleroi. Nuk më njohu. Kur i tregova se kush jam, veç sa nuk ma këputi qafën gjatë përqafimit. Takimet pastaj vazhduan shpesh me ditë e netë të tëra nëpër Bruksel e Aachen. Se sa autoritet kishte Ganiu te europolitikanët, dua ta tregoj vetëm një rast: Më 22 prill 1996 në Luxemburg po mbahej mbledhja e Këshillit të Ministrave të Unionit Europian. Gani Azemi me Hafiz Gagicën kishin thirrë shqiptarët për një demonstartë ku protestohej për pushtimin e egër policor të Kosovës nga Serbia. U mblodhën aty gati 10 mijë shqiptarë. Gjatë protestës, kur ministrant europianë ishin në pauzë dhe kishin dalur nga larg të sodisnin demonstrantët shqiptarë, gati një kilometër larg nga bina ku drejtonte demonstratën, Gani Azemi e identifikoi kryetarin e radhës të Parlamentit Europian, z. Klaus Hensen. Nga kumbimi i altoparlantëve z.Hensen e dëgjoi thirrjen e Gani Azemit për të dalë para protestuesve shqiptarë. Ai çau përmes njerëzve të tubuar dhe për disa minuta mbërriu në binën e improvizuar. Fjalët që shqiptoi z. Hensen, ishin: Parlamenti Europian ka qenë përkrahës i shqiptarëve dhe ju siguroj se edhe në të ardhmen do të angazhohet për të drejtat e shqiptarëve në Kosovë.Rruga e juaj paqësore do të shpërblehet.
Do të doja të shtoj me këtë rast se Gani Azemi, si më ka thënë për punën e emigracionit shqiptar në vitet tetëdhjetë, por edhe në vitet nëntëdhjetë sa e kam parë, ka insistuar që para politikës europiane e më gjerë, kërkseat tona të shtrohen vetëm me platformë kombëtare e pa asnjë shenj ideologjike. Ai ishtë i qartë, këmbëngulës dhe i prerë në këtë platformë madhore. Kur kujtojmë Ganiun, duhet ta kemi parasysh se ai ishte një njeri plot energji, aktiv në çdo moment, i gatshëm për çdo sakrificë. Në të gjitha institucionet ndërkombëtare, por edhe në takimet e niveleve të larta të burrave shtetërorë në Europë, e sidomos në konferenca shtypi, ai temë e bëntë çështjen e pazgjidhur të Kosovës. Ai një kohë me sukses udhëhoqi Zyrën e Qeverisë se Kosovës në egzil me seli në Bruksel, duke qëndruar përkrah politikës paqësore të Presidentit Ibrahim Rugova, por edhe duke përkrahur luftën e Ushtrisë Çlirimtare të Kosovës. Pas vitit 1998, dy personalitete emblematike të Kosovës, Ibrahim Rugova dhe Adem Jashari u bënë arma kryesore për bisedat e Gani Azemit me politikanët e lartë europianë. Ai u thoshte atyre se tashmë lëvizja paqësore dhe lufta e armatosur për Kosovën Republikë janë të pandashme. Këtë e thoshte në Bruksel, në Paris, në Londër në Brelin e ku jo tjetër. Ai ishte zëri më autentik I Kosovës në Europë. Vdekja e gjeti në detyrën e këshilltarit në Ambasadën e Republikës së Kosovës në Bruksel, pikërisht aty ku tërë jetën ia kushtoi shtetndërtimit të vendit të vet.

Me nderime u varros diplomati shqiptar Gani Azemi

Janë bërë homazhe për të nderuar veprën e aktivistit shumëvjeçar të LDK-së, Gani Azemi. Kreu i LDK-së, Isa Mustafa, e ka vlerësuar lart veprën e tij, si një veprimtar i devotshëm, i cili punoi një periudhë të gjatë në mërgim për interesa të Kosovës

“Ai ka hapur shumë dyer të zyrave në Bruksel dhe në vende të tjera, duke i njoftuar ato rreth gjendjes në Kosovë dhe kërkesave të popullit për liri dhe pavarësi. Ka qenë një ndër bashkëpunëtorët e ngushtë të presidentit Rugova gjatë shtegtimeve të tij në Perëndim për të sensibilizuar çështjen e Kosovës”, ka thënë Mustafa. 

Homazhe pranë trupit të pajetë të Azemit ka bërë edhe ambasadori i Kosovës në Bruksel, Ilir Dugolli. Ai tha se Azemi ka qenë një ndër zërat e fuqishëm në Bruksel. Homazhe kanë bërë edhe figura të tjera të LDK-së dhe shumë qytetarë, të cilët e kanë përcjell më pas në varrezat e qytetit. 

Gani Azemi është ndarë nga jeta më 25 nëntor në Bruksel.

I vendosur në Bruksel më 1978 si refugjat politik, Gani Azemi për dekada të tëra ishte aktivist i palodhshëm për lirinë dhe pavarësisë së Kosovës.

Angazhimi i tij ishte i pareshtur e i shumanshëm, si gazetar, publicist, aktivist e diplomat.

Puna dhe veprimtaria e pakursyer dhe kontributi i jashtëzakonshëm i Azemit, është shoqëruar përherë nga synimi i paepur për sensibilizim të vendimmarrësve në Bruksel me kauzën e Kosovës.

Gani Azemi ishte në ballë të një numri nismash, përfshirë edhe si bashkëthemelues i Komitetit për Mbrojtjen e të Drejtave të Njeriut, ndërsa gjatë tri viteve të fundit shërbeu si këshilltar në Ambasadën e Republikës së Kosovës në Bruksel.

Kushdo që jeton në Kosovë të ndihet mirë afër shqiptarëve

Si vend, si shtet dhe si shoqëri e re kemi disa defekte, por pajtimi për të jetuar me defekte dhe gjëra jo të duhura është gabim, dhe nuk duhet pajtuar që të jetojmë me gabime dhe me pengesa në mënyrë jo të mirë, ka thënë Ramush Haradinaj në Gllogjan, në vizitën e tij të parë pas lirimit nga Gjykata e Hagës. 

Ish kryeministri Haradinaj më pas ka theksuar se është rrugë e gjatë për popuj liria, e gjatë deri në shtet, por me shtetin nuk përmbyllet çdo gjë, prej aty fillon një pjesë e jetës së popujve si shtet dhe prej aty fillojnë sfidat e shtetit. “Duke uruar festën e 100 vjetorit të shpalljes së Pavarësisë së Shqipërisë dhe të gjitha datat që lidhen me këtë festë, të gjithë shqiptarëve,  ai ka thënë se në këtë “rrugën tonë të lirisë ne kemi pasur shpesh pengesa dhe humbje, dhe ne jemi në vendin ku pushojnë djemtë tuaj, të Kosovës e të kombit”. “Ne e pamë 100 vjet shtetin shqiptar, një shtet që na ka ngrohur të gjithëve dhe mjafton me e pa atë rrugë me e ditë se çka na pret ne”, ka thënë ai para shumë qytetarëve, të cilët vazhdimisht e përcillnin me duartrokitje fjalën e tij. 

Ish komandanti i UÇK-së për Dukagjin tuje ka thënë se iu ka premtuar udhëheqësve të institucioneve, atyre lokalë e të shoqërisë civile dhe se me kthimin e tij nga Haga tash ata kanë një koleg më shumë në punët e mëtejme. “Nuk duam që të lejojmë që të shkojnë kah dëmet për vendin, por duam që të punojmë dhe ti sjellim vendit suksese dhe fitore”, është shprehur ai. 

Haradinaj nuk ka harruar as pakicat në Kosovë, të cilat i ka porositur që të punojnë më shumë për të krijuar ura miqësie e mirëqenie më të mirë. “Duhet ta kuptoni një detaj, ku në çdo vend të botës ka pakica dhe ata që janë zot në vend të vetin, në vend që t’ia zënë rrugën vetit, ata i shfrytëzojnë ato për të krijuar lidhje dhe për të zhvilluar perspektivë për veti, duke krijuar ura, dhe duke ditur të sillen dhe të punojnë për të ecë përpara”, ka thënë Haradinaj. “Kushdo që jeton në Kosovë të ndihet mirë afër shqiptarëve”, ka nënvizuar ai. 

Pas Haradinajt ka folur edhe avokati mbrojtës Ben Emmerson, kurse kreu i Komunës së Deçanit, Rasim Selmanaj e ka dekoruar avokatin britanik me dekoratën “Shkelzen Haradinaj”, duke shtuar se ai do të propozohet edhe “Qyetar nderi i Deçanit”.  “Me të drejtë Ben Emmersonin mund ta quajmë edhe heroi i drejtësisë dhe heroi i vlerave të luftës së Ushtrisë Çlirimtare të Kosovës”, ka thënë Selmanaj.  

Kanë munguar provat, por kush është fajtor?!

Lirimi i Ramush Haradinajt dhe bashkëluftëtarëve të tij ka shkaktuar reagime të shumta në shtypin gjerman dhe austriak. Kanë munguar provat, por kush është fajtor?!
Ramush Haradinaj dhe dy bashkëluftëtarët e tij janë liruar, sepse nuk ishte e mundur të dëshmohej fajësia e tyre, shkruan gazeta "Tageszeitung". "Për ish - kryeprokuroren e Tribunalit të Hagës kjo është një shuplakë, sepse ajo ishte e bindur se Haradinaj dhe bashkëluftëtarët e tij janë fajtorë për krimet e bëra në vitin 1998. Fakti që 10 dëshmitarë janë vrarë lë vend për shumë spekulime. Por Gjykata nuk mund të vlerësohet si e njëanshme, siç po ndodh në Serbi. Gjykata ka ndjekur faktet dhe dëshmitë, të cilat kanë munguar. Ndaj Haradinaj është shpallur i lirë. Kjo nuk është e mirë për viktimat, por vendimi është marrë në bazë të dëshmive. Për fat të keq shumica e kosovarë e kanë kuptuar këtë vendim si një konfirmim të pavarësisë dhe jo fitore të drejtësisë. Pra sundimi i klanit të Haradinajt në pjesën perëndimore të Kosovës do të vazhdojë dhe këtë duhet ta pranojnë edhe institucionet ndërkombëtare", konstaton autori i shkrimit në "Tageszeitung".
Gazeta "Neue Zürcher Zeitung" e Zvicrës informon gjatë për procesin e lirimit të Haradinajt dhe bashkluftëtarëve të tij nën titullin "Pas Kroacisë tani po feston edhe Kosova". Gazeta rikujton se pas lirimit në Hagë të dy gjeneralëve të Kroacisë Ante Gotovina dhe Mlladen Markaç tani u shpall i pafajshëm edhe Ramush Haradinaj. "Për këto vende kjo është një fitore e madhe ndërsa pala serbe e ka vlerësuar si një humbje të madhe të drejtësisë", shkruan gazeta.
Për lirimin në Hagë dhe pritjen e Haradinajt dhe bashkëpuntorëve të tij në Prishtinë, raporton edhe "Frankfurter Allgemeine Zeitung". Ndërsa gazeta austriake "Der Standard" komenton: "Zemërimi i Beogradit pas lirimit të Haradinajt është shumë i madh. Ndërkohë që mllefi ende nuk kishte pushuar pas lirimit të dy gjeneralëve kroatë, Gotovina dhe Markaç. Për Serbinë është dëshpëruese sepse në të dy këto procese është konstatuar se ka pasur krime kundër serbëve, por të akuzuarit janë shpallur të pafajshëm. Në Serbi me të drejtë shtrohet pyetja: kush është përgjegjës për këto krime?", shkruan "Der Standard". DW

Përse u publikuan përgjimet në YouTube dhe disa web faqe tjera virtuale?

Dialoguesit e përgjuar po heshtin dhe po fshihen 


Artikujt tjerëJakshiq thërret për protesta kundër “kufijve Kosovë- Serbi”MIE jep informata për statusin e shërbyesve të saj civilë Haradinaj në Gllogjan: Pakicat të ndihen mirë afër shqiptarëve Homazhe për nderime të veprës së Gani Azemit Krasniqi: Telefonatat primitive nuk mund të m’i ndryshojnë pikëpamjet Dimri në prag, të hënën vishuni më trashë Haradinaj bisedon gati një orë në Odën e Jasharëve Nisin punimet për implementimin e IBM-sëSami Lushtaku s’e ka ndërmend të kërkojë falje EULEX-i, përgjimet mund t’i kenë ndërmjetësuar avokatët mbrojtësPublikuar: 01.12.2012 - 08:53
Prishtinë, 1 dhjetor - Adem Grabovci, i cili është dialoguesi kryesor në pesë përgjimet telefonike, nuk ka pranuar të flasë për këtë çështje.

Ai u është shmangur gazetarëve duke u arsyetuar se për pak minuta do të dilte me qëndrim, por pasi është larguar, kontakti me të ka qenë i pamundur.

Cilësime të ndryshme i kishin dhënë vitin e kaluar zyrtarët e PDK-së dhe të shtetit Krasniqit. Kryeministri i referohej “Jakupovski”, e Sami Lushtaku e quante “qen”, derisa Vlora Çitaku kërkonte largim të tij.

Gjatë bisedës në mes të Hashim Thaçit dhe Adem Grabovcit, Thaçi e quan Limajn dhe njerëzit e tij “banditë”, ndërsa Jakup Krasniqin, ”Jakupovski”.

Ka frikë madje të shkojë në Malishevë se mos po “ia gjigavin”, “zagarët” e atjeshëm për të mbajtur një fjalim në 12-vjetorin e themelimit të Degës së PDK-së në këtë komunë.

Qeveria e Kosovës, e cila të enjten përgjimet i ka quajtur montim, të premten ka heshtur pas deklarimit të EULEX-it se ato janë origjinale dhe legale, të nxjerra nga një proces hetimor penal.
Dialoguesit e përgjuar po heshtin dhe po fshihen
Zëvendëskryeministri i Kosovës, Hajredin Kuçi, që mban edhe pozitën e nënkryetarit të PDK-së, ka thënë të premten se nuk ka çka të shtojë me shumë sesa atë që ka thënë Qeveria.

Për këtë nuk ka pranuar të flasë as ministri i Punëve të Brendshme, Bajram Rexhepi, i cili vjet është ankuar se zyrtarët më të lartë po përgjohen nga ndërkombëtarët. Këtë e pati thënë teksa arsyetohej se pse ishte vepruar shpejt gjatë aksionit të 25 korrikut në veri të Kosovës.

Të premten ministrja e Integrimeve Evropiane, Vlora Çitaku, ka “sfiduar” të gjithë ata që guxojnë ta thërrasin në telefon. Ka shkruar në rrjetin social “Twitter”: Kush guxon me më thirr në telefon”.

“Koha Ditore” i ka telefonuar disa herë, por nuk e ka hapur telefonin për të marrë një qëndrim. Telefonatave nuk u janë përgjigjur as Adem Grabovci e Sami Lushtaku. Kësisoj ka vepruar edhe shefi i Qeverisë, Hashim Thaçi.

Bisedat telefonike të postuara në internet kanë nisur të bëhen hite. Më së shumti komente në “Yotube.com” ka marrë biseda e nisur në italisht ndërmjet kryeministrit Thaçi dhe deputetit Grabovci. Aty shihet se si ndien kënaqësi Grabovci kur flet me shefin e tij.(Koha ditore)

Në Kosovë ka vazhduar jehona e situatës së krijuar pas publikimit të disa bisedave telefonike të përgjuara që pretendohet të jenë zhvilluar ndërmjet shefit të grupit parlamentar të Partisë Demokratike të Kosovës, Adem Grabovcit dhe kryeministrit të Kosovës, Hashim Thaçi, ministres për integrime evropiane, Vlora Çitaku, ish shefit të Shërbimit Informativ Kadri Veseli dhe kryetarit të komunës së Skënderajt, Sami Lushtaku.


Qeveria thotë se bisedat e publikuara në Youtube, janë të falsifikuara dhe të paligjshme. Kryetari i Parlamentit të Kosovës, Jakup Krasniqi që është subjekti më i përmendur në bisedat e publikuara, tha sot nëpërmjet një komunikate, se nëse janë të falsifikuara, atëherë personat e përfshirë në këto biseda mund të ngrenë padi kundër fallsifikatorëve. Ndërsa, nëse janë të vërteta, thekson zoti Krasniqi, nuk është habi, meqë bisedat private, jashtë kamerave, nxjerrin në shesh karakteret e vërteta të disa personaliteteve, që kanë shqetësime, nga pamundësia për të imponuar pikëpamjet e tyre në skenën publike. Zyrtarët e EULEX-it, duke shprehur keqardhjen që regjistrimet janë publikuar, kanë vërtetuar se ato ishin pjesë e një procesi gjyqësor që është duke u zhvilluar dhe se ato i janë dorëzuar drejtësisë. Një prej proceseve më të bujshme që zhvillohen aktualisht në Kosovë është ai rreth ish ministrit te transporteve dhe telekomunikacionit Fatmir Limaj, njëkohësisht nënkryetar i Partisë Demokratike të Kosovës. Njeri nga personat e përfshirë në përgjime është Adem Grabovci, shef i Grupit Parlamentar të Partisë Demokratike dhe ish zëvendës ministër në ministrinë e transporteve kur ajo drejtohej nga zoti Limaj. Zhvillimet rreth publikimit të bisedave të përgjuara kanë nxitur edhe reagimet e partive politike që kërkojnë ndriçimin e plotë të kësaj ngjarjeje.


EULEX-i njoftoi sot se mbase avokatët mbrojtës ia kanë shpërndarë audio incizimet e telefonatave të përgjuara të Adem Grabovcit me disa funksionarë të lartë të PDK-së e të qeverisë, që më pastaj u postuan në kanalin YouTube.

Misioni evropian për sundimin e ligjit njoftoi se audio regjistrimet janë pjesë e një hetimi që është duke u zhvilluar, dhe se ato i janë dorëzuar avokatëve mbrojtës dhe gjykatës në Prishtinë, duke mos përmendur se për cilin rast dhe për cilin person që është nën hetim bëhet fjalë, transmetoi agjencia AP.

Një burim ndërkombëtar i sigurisë, i cili deshi të mbetej anonim, tha sot se përgjimi “është pjesë e hetimit për korrupsionin në Ministrinë e Transportit, se është pjesë më e gjerë e hetimit lidhur me vjedhjen e rreth 2 milionë eurove në atë ministri ndërmjet viteve 2008 – 2012, transmeton agjencia amerikane.

Në këtë aferë është akuzuar ish-ministri i Transportit dhe Telekomunikacionit dhe deputeti i partisë së Thaçit, Fatmir Limaj.

Disa ditë pas publikimit të bisedave të përgjuara telefonike të zyrtarëve të lartë të Qeverisë dhe institucioneve të tjera në Kosovë, mbetet e paqartë se kush dhe përse i plasoi këto biseda në YouTube dhe shumë web faqe virtuale e gazeta?

Misioni i Bashkimit Evropian për sundimin e ligjit në vend ka konfirmuar tashmë vërtetësinë e këtyre bisedave, por përfaqësuesit e EULEX-it nuk komentuan nëse kanë nisur hetimet për të parë se si dolën në publik ato.

“Ne nuk komentojmë nëse ke hetime apo jo. Edhe po të kishte hetime, ne nuk do komentonim”, i tha Radios Evropa e Lirë, zëdhënësja e misionit Bardha Azari.

Për të kundërtën raporton agjencia lajmeve "Associated Press".

Kjo agjenci citon burime anonime në EULEX të kenë thënë se përgjimet mund të jenë publikuar nga avokatët mbrojtës në një rast që ka të bëjë me përvetësimin e mbi dy milionë eurove në Ministrinë e Transportit dhe të Telekomunikacionit ndërmjet viteve 2008-2012.

Për përfshirje në aferat korruptive dhe krim të organizuar në këtë ministri akuzohet kreu i atëhershëm i këtij dikasteri, Fatmir Limaj, dhe gjashtë persona të tjerë.

Duke folur për bisedat e përgjuara, Avni Zogiani, udhëheqës i Organizatës për Demokraci, Anti-Korrupsion dhe Dinjitet “Çohu”, vuri dyshime në hetimet e EULEX-it për krim të organizuar dhe korrupsion duke thënë se qëllimi i misionit është kontrollimi i klasës politike të vendit.

“Të gjithë këta politikanë janë shndërruar në multi-milionerë para hundëve të EULEX-it. EULEX-i, sikurse edhe UNMIK-u, nuk e ka pasur as nuk e ka për qëllim ta luftojë korrupsionin e krimin e organizuar. EULEX-i e ka definuar gjithë këtë luftë me rastin Limaj dhe s’ka asgjë tjetër të flasë përveç rastit Limaj. Nuk është qëllimi i luftimit të korrupsionit politik, e as të krimit të organizuar. Qëllimi është të kontrollohen këta (politikanët)”, tha Zogiani.

Bisedat telefonike të plasuara në YouTube, përfshijnë kryeministrin e Kosovës, Hashim Thaçi, ministren për Integrime, Vlora Çitaku, kryetarin e komunës së Skënderajt, Sami Lushtaku, shefin e Grupit Parlamentar të Partisë Demokratike, Adem Grabovci dhe një anëtar tjetër të PDK-së, Kadri Veseli.

Qeveria e Kosovës kishte dënuar ashpër publikimin e përgjimeve, sipas saj, të fabrikuara duke thënë se ato janë bërë “me qëllim të shantazhimit të personaliteteve institucionale dhe jetës së tyre private”.

Sociologu Fadil Maloku, tha se bisedat vënë në pah se demokracia kosovare është ende në “fazën e improvizimit” dhe se qeveritarët aktualë pushtetin e perceptojnë si “monopol të përjetshëm ku ata janë të pazëvendësueshëm”.

“Skandali është për mendimin tim kulm i papërgjegjësisë, jotransparencës dhe, pa dyshim, mosllogaridhënies ndaj publikut e qytetarëve të cilët janë të hutuar”, theksoi Maloku.

Qytetarët kërkojnë hetim

Qytetarët, ndërkohë, i quajnë të turpshme bisedat e publikuara, ndërsa thonë se duhet kërkuar falje atyre që, sipas tyre, fyhen nga politikanët.

“Mendoj se nuk u ka hije qeveritarëve tonë të flasin në atë mënyrë. Mendoj që ato (bisedat) janë shumë të dëmshme dhe duhet të kërkohet falje. Besoj se, edhe pse ato përgjime kanë qenë biseda personale dhe private të qeveritarëve, prapë se prapë ata duhet të kërkojnë falje para publikut dhe atyre që i kanë ofenduar”, u shpreh Arbnor Dragaj.

Nuredin Ibrahimi, ndërkaq, tha se në kushte normale zyrtarët e përfshirë në këtë çështje do të duhej të jepnin dorëheqje.

“Niveli i komunikimit dhe fjalët që i kanë folur ata janë shumë banale. Për disa njerëz që udhëheqin shtetin-turp është. Po të ishin në rregull, si në perëndim, ata do të duhej të jepnin dorëheqje”, u shpreh ai.

Faton Guta theksoi rëndësinë për një hetim të mirëfilltë rreth publikimit të bisedave të përgjuara, qëllimit të tyre, por edhe për çështjet, për të cilat flitet gjatë bisedave.

“Mendoj se duhet të shikohet se a ka pasur të drejtë edhe vetë EULEX-i të bëjë përgjime të tilla; të shikohen të gjitha gjërat. Të bëhen hetimet edhe për postimet, por edhe për ata që i kanë biseduar ato gjëra”, tha ai.

Përgjigjet Krasniqi: Përgjimet treguan karakteret e tyre të vërteta



Në jetën time politike, prapaskenat kurrë nuk kanë qenë as formë, as praktikë përbuzëse për punën e shokëve me të cilët kam bashkëpunuar e bashkëluftuar, me ata që jo pak na ka ndarë fija aq e hollë midis jetës dhe vdekjes.

Kështu është shprehur kryetari i Kuvendit të Kosovës, Jakup Krasniqi, në një reagim dërguar mediave në lidhje me përgjimet e zyrtarëve të PDK-së të publikuara në media ditëve të fundit, ku si cak kryesor i bisedave të tyre, ka qenë pikërisht Krasniqi.

“E ndiej për obligim t’i përgjigjem opinionit publik lidhur me përgjimet e publikuara në mediet e shkruara dhe elektronike, por edhe në rrjetet e shumta sociale, ku i apostrofuar dhe i sulmuar verbalisht, me një fjalor tejet primitiv jam edhe unë, Kryetari i Kuvendit të Kosovës. Në gjithë veprimtarinë time politike publike kam qenë transparent, i vendosur, i drejtpërdrejtë dhe i sinqertë. Kështu do të vazhdoj edhe në të ardhmen, pa marrë parasysh çka mendojnë rivalët apo kundërshtarët e mi politikë, qofshin ata edhe brendapërbrenda partisë sime - PDK-së”, ka thënë Krasniqi.

Ai ka theksuar se publikimi i përgjimeve telefonike, me emrat e personaliteteve të skenës politike të Kosovës, pa marrë parasysh a janë të vërteta apo të falsifikuara, kanë skandalizuar të gjithë ata që i kanë dëgjuar.

“Nëse janë të falsifikuara akterët e apostrofuar në këto biseda mund të ngrisin padi kundër falsifikatorëve. Ndërsa, nëse janë autentike, nuk habitem dhe skandalizohem, sepse jam i vetëdijshëm që bisedat private, jashtë kamerave dhe publikut nxjerrin në shesh karakteret e vërteta të tyre, sidomos të personaliteteve publike që kanë frustracione të shumta nga pamundësia që të imponojnë pikëpamjet e tyre në skenën publike. Unë nuk merrem as me njerëzit që falsifikojnë gjëra, as me bisedat private të personaliteteve publike, qoftë edhe në rastet kur dikush ua bën publike jetën private, nëse mund të jetë brenda kornizave të privacisë ajo që u dëgjua”, ka thënë më tej kryekuvendari Krasniqi.

Funksioni im politik, siç thekson Krasniqi, ka për qëllim realizimin e të gjitha aspiratave tona politike, ekonomike, shoqërore për ç’gjë kam marrë besimin nga qytetarët e Kosovës.

“Gjatë jetës sime politike 39-vjeçare jam përpjekur të respektoj bashkëveprimtarët e bashkëmendimtarët e mi, kam respektuar njerëzit me të cilët kemi pasur mendime e qëllime të njëjta, por në të njëjtën kohë respektoj të gjitha mendimet ndryshe nga të miat, sepse jam i vetëdijshëm se fryma e debatit dhe e tolerancës (pa ofendime ndaj mendimtarëve që nuk mendojnë si unë), krijon një atmosferë të shëndetshme për demokracinë në Kosovë dhe jep shembull të mirë të edukimit politik, intelektual, atdhetar e demokratik për gjeneratat e reja”, ka theksuar Krasniqi.

“Së këndejmi, rolin tim në jetën private përpiqem ta realizoj ndershmërisht, në përputhje me obligimet e mia si bashkëshort, baba, vëlla, shok e mik”, theksohet në deklaratën e kryekuvendarit Krasniqi.

Sami Lushtaku, kryetari i Komunës së Skenderajt, thotë se aktualisht nuk e ka ndërmend askujt t’i kërkojë falje për asgjë.

“Nuk e kam ne plan t’i kërkoj falje askujt. Vlerësoj se nuk ka për çfarë të kërkoj falje. Do ta lëmë këtë farë pune të pushojë pak në publik, e pastaj do të shohim se çfarë do të bëhet”, ka thënë Lushtaku.

Lushtaku në audion e publikuar kishte apostrofuar disa herë, me fyerje, kryetarin e Kuvendit të Kosovës, Jakup Krasniqi.

Qytetarët kërkojnë hetim

Qytetarët, ndërkohë, i quajnë të turpshme bisedat e publikuara, ndërsa thonë se duhet kërkuar falje atyre që, sipas tyre, fyhen nga politikanët.

“Mendoj se nuk u ka hije qeveritarëve tonë të flasin në atë mënyrë. Mendoj që ato (bisedat) janë shumë të dëmshme dhe duhet të kërkohet falje. Besoj se, edhe pse ato përgjime kanë qenë biseda personale dhe private të qeveritarëve, prapë se prapë ata duhet të kërkojnë falje para publikut dhe atyre që i kanë ofenduar”, u shpreh Arbnor Dragaj.

Nuredin Ibrahimi, ndërkaq, tha se në kushte normale zyrtarët e përfshirë në këtë çështje do të duhej të jepnin dorëheqje.

“Niveli i komunikimit dhe fjalët që i kanë folur ata janë shumë banale. Për disa njerëz që udhëheqin shtetin-turp është. Po të ishin në rregull, si në perëndim, ata do të duhej të jepnin dorëheqje”, u shpreh ai.

Faton Guta theksoi rëndësinë për një hetim të mirëfilltë rreth publikimit të bisedave të përgjuara, qëllimit të tyre, por edhe për çështjet, për të cilat flitet gjatë bisedave.

“Mendoj se duhet të shikohet se a ka pasur të drejtë edhe vetë EULEX-i të bëjë përgjime të tilla; të shikohen të gjitha gjërat. Të bëhen hetimet edhe për postimet, por edhe për ata që i kanë biseduar ato gjëra”, tha ai.

Me tinguj lire të Orfeut ...dhe ritme të bukura nga Senad Guraziu

                                               


Nga Senad Guraziu




I

KOHËN MA VJEDH KOHA(Skicë)



Nuk ka të vërtetash absolute, diç e tillë nuk ekziston - insistojnë disa filozofë modern, menjendritur - ca gjëra janë thjesht ashtu siç janë, dukuri fals, vetëm në dukje - thonë ata.
Nëse të jetë e vërtetë kjo diç e "pasaktë", nëse duhet t'i besojmë një të vërtete të pavërtetuar, që s'kemi mundësi as ta vërtetojmë, nëse vërtetësi quhet një diç kaq e pasigurtë në vetvete, që nuk e dimë me siguri... atëherë kam frikë dhe për zemrat!

Thuhet se për zemrat nuk ka kohë të humbur por kam përshtypjen se kohën time nga atje larg sikur ma vjedh koha jote, padrejtësisht, madje nga aq larg në kohë, ka tash e sa kohë. Këtë askush nuk e di, as vetë zemra jote, s'ka as si ta dijë, sepse tërë kohën shtiret e zënë, e hutuar... dhe çfarë mund të jetë kjo dukuri, vallë, a nuk është një padrejtësi e kulluar!

***
Dyshoj tani në çdo parregullsi... dyhoj në pohime të parregullta filozofësh por dhe në parregullsi zemrash, në rrahjen e saktë të tyre, në rrahjen e saktë të orëve, dyshoj në devijimet dhe në vetë kohën si kuptimësi.
Mirëpo çfarë nëse filozofët vërtet të kenë të drejtë - ose le ta zëmë se kanë të drejtë, e lehtë kjo, le ta zëmë se dhe Kafka për disa gjëra kishte të drejtë... por çfarë nëse të jetë e saktë dhe diç tjetër: çfarë nëse iluzion janë të gjitha saktësitë e kësaj bote; sekondat, minutat, orët, peshoret... drejtësia, gjykimi ynë po ashtu - përshembull, mjafton t'mos e njoh shpërfilljen e zemrës si padrejtësi, ta quaj klinikisht të vdekur sot, mjafton ta injoroj kohën, ta shpallë secilin tik-tak të saj rrahje kot, përpëlitjen e pandalshme të saj ta quaj humbje kohe, aritmi... pulsim i rrejshëm, ndryshk letargjik akrepash, tek vërtiten pa lëvizur në një kohë të pakohë të zemrës!

II

TRIBUNAL FALS (PËR KOHËN)



Koha ka një dhëmb të padukshëm,
prore më shtyp në dumbin ashtëror,
me vetë ashtin tim, i duhet lëngu i jetës,
ndoshta më kuron, si një gjyshe e heshtur
duqet e vrazhdtë të vuajtjes i harnon,
dhimbjen ma fashitë, lugnajave të qenies
më gërryen me vesin eroziv, më bëhet
e ndiej... si shket e shurdhër rrahëzave
të mbamendjes - por këta duda të ëmbël
nuk bien përtokë tek ashtu, pa sforcim,
sepse durimi i manit shekullor mbaroi!

***
Thonë, koha i shëron plagët dhe
dudat e përndezur të elefantit Bong
(i cili më çuditë sepse i mban mend
të gjitha plagët e jetës sime të bardhë,
deri në detaje, njëjtë si dhe dhëmbët
e vet të gjatë) - oh, ja ngushëllimi,
ai fildish i gdhendur si penis artizanal
në vitrinat e Hong Kongut u shit sot,
pse mos t'jem vetë pronar, kur koha
është trysni në trysat glaciale të
qepallave, e kurrë në kontrabandën
kineze të fildishit - anipse njëjtë,
absurd... koha të jetë tabani i peshës
së King Kongut evropian në mua, me
dhëmbin artistik të elefantit afrikan!



III



Miq te dashur, te respektuar,

...Po e ndaj kete poeme me Ju, me lejen e autorit z. Zekaj, dmth. sic e kerkojne rendi dhe rregullat publikuese ose te shperndarjes, te bërjes publike te diçkaje që eshte e huaj - edhe pse autori i saj nuk do më hidhte ne gjyq sikur ta beja dhe pa e pyetur. I respektuari z. Zekaj ma beri me dije se poema nuk eshte publikuar gjëkundi ne shtyp, ndersa mua më erdhi KEQ që nuk pata qasje në poemen sepaku nja 1 jave me heret.

Për aq sa kam patur rastin te njihem me krijimet "rreth-e-qark" kesaj teme, qysh nga disa muaj mbrapa në kohë... e deri në prag të festës, mendoj se eshte kjo prurja poetike më gjitheperfshirese dhe kuptimplote, më e lartësuar artistikisht dhe njëkohësisht më e thjeshta... që në rrafshin letrar përputhet me festën më të madhe mbarëshqiptare, me 100-Vjetorin e Pavarësisë së Shqipërisë, me lindjen-gjenezën e shtetformësisë sonë të mirëfilltë dhe të mëkëmbjes kombëtare në përgjithësi.

Natyrisht, kjo që sapo e thashe me lart fare lehtë mund të vlejë vetëm per mua (qyshkur dhe i degdisur neper bote), por le të jetë dhe ashtu, nuk ka aspak rendesi. Sepse, afërmendsh, unë s'kam patur dhe s'mund të kem "mbulesë absolute" lidhur me të gjitha krijimet që kanë ardhur në jetë anë e cep hartës sone gjeografike shpirtërore - as nuk eshte e mundur dhe as nevoja, dhe prape jo vetem nga une por dhe nga askush!
Ndersa per vete autorin çfarë mund te thuhet ne nje email drejtuar miqve, ndoshta vetem kaq: Faleminderit z. Zekaj, per mua është nder!

Perzemersisht, e me respekt per te gjithe ju,

Senad Guraziu



IV

Sokol Zekaj - Një poemë kushtuar Shqipërisë

Argument:

Nga Senad Guraziu

Këtë poemë ia kushtoj atdheut tim, Shqipërisë së shqiptarëve. Për momentin, më bëhet se rezonon me njëqind vjetorin e pavarësisë.

Në të vërtetë, ajo që unë apo edhe të tjerë si unë, kuptojmë me paradigmën Shqipëri, është shumë më shumë: një histori e gjatë në kohë, jete dhe lufte për të mbijetuar.
Në të dy kupimet, si njëqind vjet apo njëmijë vjet, sigurisht ne nuk jemi të vetmit në këtë planet, por nuk jemi edhe për t’mos u konsideruar.


Poema e shkruar nuk zotërohet edhe aq nga simbolet identifikuese shqiptare.

Kam dashur që ajo të lëvizë në zona ku takohen kombtarja me universalen.


ME FYTYRËN KAH PERËNDIMI

(Atdheut tim, Shqipërisë së shqiptarëve)

Jam rritur me fytyrën kah perëndimi
në lindje malet për mbështetje,
me fytyrën që e kemi trashëgim
pa na pyetur, pa na mikluar,

gdhendur te ne si portreti në gur,
kështu jam rritur,
dhe, kështu ka qenë
sepse drejt perëndimit lëviz dielli

sapo këput litarët që e kanë mbajtur
dhe ngrihet mbi tokë si fytyra e shpresës,
duke mbajtur rrezet- akrepa të orës qiellore
te sytë tanë që masin kohën,

kohë për të lexuar Danten,
kohë për të vozitur mbi dallgët e fushave,
kohë për të parë vijën blu të malit
si vizatohet në shpirtin tonë,

kohë për të veshur këmishën e erës
në lindje të ditës,
kohë për të pikuar djersën
që ngre në ajrin tonë aromat e tokës,

kohë për të soditur retë e bardha
që njomen nga lëngu i syve njerëzorë
për të lëshuar shi dhe ylbere,
për emocione lulesh të çelura,

kohë për mendimet buzë varrezave,
kohë për të kujtuar Buzukun,
kohë për të kuptuar shkrimet e gurit
por jo për ta bërë zemrën gur,

kohë për t'u përpjekur,
kohë për të fituar, kohë për të fituar një humbje,
kohë për t’mos e vrarë mendjen
por kohë për të vrarë kohën

kohë për të kapërcyer detin, dhe atje
për të rënë pa frymë si shkurta e Ungaretit
dhe kohë për të rifilluar,
kohë për pirueta me lugën e kafes dhe me të pamundurën,

kohë për shqiponjën që fluturon mbi hone
dhe kap shkrepin e fortë
me gjoksin e përgjakur
dhe dy flatrat diellore,

kohë për të ndezur zjarrin,
dhe për të çmuar bukurinë e zjarrit
si një trëndafil
ku lulzon një tjetër trëndafil,

kohë për të dashur,
kohë për të ngritur qytete në vend të fushimeve,
kohë për ta ngritur qytetin në zemrën tonë
me çati prej qielli,

buzë ujërash të kaltra që zbresin me diellin,
tek murmurojnë nëpër gjeth,
buzë ujërash që rrjedhin të ftohta verës
dhe të ngrohta dimrit,

se gërshetat e ujërave në vendin tim ndjekin diellin
ndërsa shkojnë drejt detit,
sipas fantazisë së tyre
që mban zgjuar kërshërinë tonë,

valle trajtash dhe ngjyrash shoqëruar
me tinguj lire të Orfeut,
ose ritme të bukura kuajsh
që luajnë pasionet e verës,

ujëra me buçima që na kujtojnë
përleshje kështjellash,
ndërsa zbresin luginash
duke rroposur nën vete vrullet e pabindura,

ujëra për një kopsht,
ujëra për një lundër prej letre,
ujëra për të larë duart Pilati
dhe për t’i ngritur lart si të pastra,

ujëra për të gjelbëruar tokën
dhe për të kaltruar qiellin,
ujëra për të oksigjenuar karuselin e fëmijve
dhe krejt karuselin e tokës,

të këtij karuseli që i kemi dhënë emrin Tokë
ku ne vërtitemi të dehur nga dielli,
mes ujërave me delfinë dhe pulëbardha,
dhe mes krimeve më të këqija se vdekja,

ujëra që përshkojnë të ndritshme fushat
si fjongo në erë,
vezullojnë nën drurë lëndinave
me diellin në sy,

me diellin në shpirt,
me diellin që nga qielli lëviz kohën tonë,
në tokën tonë blu e të gjelbër,
ku kemi ngritur shtëpitë tona prej shiu, prej bore,

shtëpitë tona prej malesh, prej fushash,
me pullaze të nalta
plot çerdhe dallëndyshesh
dhe shpata të vjetra,

shtëpitë tona me porta të hekurta
por me zemra të hapura,
zemrat me aq shumë dashuri
sa malet me minerale,

shtëpitë tona prej lotësh, prej gëzimesh,
duke u rrafshuar, duke u ringritur,
duke rivënë gurët e rënë
që rrokulliseshin lumenjve,

jemi rritur të ndriçuar si pema majë kodrës
me fytyrën kah perëndimi
me fytyrën kah dielli shkon,
brez pas brezi jemi rritur.

Tetor 2012



V

MES SHILLES DHE HARIDBES


Mos vdis dashuri, mos u tret
kurrë, as kur frymën mos ta kesh,
digju zemër me zjarrin pandalë,
shkrumohu ashtu e gjallë,
me një shkarpë të kalbur mbahu,
me xixën e fundit bubullo
si e marrë, mos t'shuhet ai zjarr,
deri në qiell zgjate një tymtar,
nxirosi retë lart dhe oxhakun
e asaj furre bosh, si qyngë e zezë
Titanikësh pjekur në blozë,
si ata "kuajt e hekurt" prore tymos -
në fund fare, nga larg atje
në horizont si një "indian" pararojë
jep shenjë se akoma frymon,
pse jo, kur fundi i vetë fundit vjen,
ndoshta atëherë dhe një fill
i vetëm tymi... sinjal i zemrës
është, gjuhë e dashurisë.

***
Por e di, të humba zemër
përgjithmonë, të humbas çdo ditë
nga një grimë, i varfër mbetem
pa ty, në mjerim - kështu as i ikur,
as i tretur, as i lidhur varfanjak
në "brirët e ndonjë dileme",
mes vorbullës dhe përbindshit-gur,
padyshim shkëmbin do ta zgjedh
dhe unë, njëjtë si Odiseu dikur -
kalkulimi i tij... aq e saktë llogaritje,
diç si matematikë telepatike
e Penelopes për dilemat,
me perlat e vetmisë, me shpresën
e pathyeshme - shkëmbi shkallmon,
lëkundë vetë bazamentin e qenies,
por Haridba gllabëron çdo gjë,
fijet e shpresës, kujtimet dhe ëndrrat,
pakthyeshëm shpirtrat fundosen,
gjithçka tretet në askundësi,
përjetshëm pa dritë atje në
humnerat e thella të harresës!


VI


Pak humor - Birra Heineken do quhej Sheneken...

Sigurisht mbase ju kujtohet kur ai Donald Trump (ai pasaniku i madh dhe pronari i show-spektaklit "Miss Universe" - thjesht po e cek kete sepse me duhet ketu ne kontekst - ndonese ai eshte pronar i shumckaje tjeter, sic e dini ;) e pati akuzuar Presidentin Obama se nuk eshte tamam "amerikan", se nuk kishte certifikate valide te lindjes... dhe Presidentit te ngrate atebote iu desh ta gjente certifikaten ku eshte e ku s'eshte, qe ta vertetonte se ishte i lindur "amerikan" e jo eskimez.

Mirepo Obama natyrisht që do t'i revanshohej, ne nje gala-mbremje derisa filloi te fliste para qindra personaliteteve (e aty ishte prezent dhe Donald Trump) ne nje slide dhe ne ekranin e madh e shfaqi Shtepine e Bardhe te ngjyrosur rozë, dhe gjithcka tjeter rozë, pastaj Presidenti filloi t'i komentoje fotot "ja, keshtu do dukej Shtepia e Bardhe... nese Trump te behej President" - te pranishmit ne sallen e madhe desh u shkokluan se qeshuri me batutat e Obamasë per Trump-in, por dhe ky i fundit as gojen nuk e hapi, thjesht ia beri me shenje sikur donte t'i thoshte: "po, ke te drejte - sorry, kam gabuar, por ja perse jemi krenarë se ketu i thone Amerike dhe se vlerat e demokracise ne te cilat besojme jane pikerisht ato qe na e mundesojne te zhytemi here pas here dhe ne gafa e ne gjera qesharake...".

Kete grafike qe e gjeta ma kujtoi marifetin qe jua tregova me lart, dhe ja po jua nis
Dmth sipas imazheve "pa te keq" te disa grafisteve gjate nje kontesti humoristik me temen "If Women Ruled the World", birra Heineken do ishte roze dhe do quhej Sheneken, Papa do ishte ndonje Papuleshë, marka e njohur Burger King do ishte Burger Queen etj etj.

Perdroreni vete imagjinaten pakez lidhur me grafikat tjera, ja po e ndaj ketu me ju. Pra ajo e Shtepise se Bardhe... e di se "origjinale" eshte nga stafi i Obames, per te tjerat nuk e kam idene se kreativitet i kujt mund te jene... por c'lidhje ka kjo ketu.

Nje fundjave te kendshme,

Senad Guraziu

VI

PINGUINË APO ARITHË POLARË

(Objektiva: Çfarë dua të vras... pinguinë apo 

arithë polarë!?)


Kur shkruan poezi... 
mund të fshihesh pas marrëzisë 
mund të jesh magjistar në Disney Land 
së fundi tash në emër të postmodernes 
mund të përzihesh me mollë-koqe e kara-nfila 

shkenca e ortografisë të merr hov për nxënësit

Kur shkruan poezi...
mund ta bësh të njelmët, përsoll
mund ta shkrumbosh, ta djegësh
era e shkrumbit mund ta mbytë tërë lagjen
madje dhe pinguinët, arithët polarë…
e ti s'ke asnjë mëkat i dashur Dr Oetker

Por patjetër, mos harro
reklamat që i bënë mos tradhëto
merr lugën më të madhe, të thellë
kur provon supën tënde, Dr Oetker
ngadalë me buzë të pangopura, në dridhje
digju edhe vetë me të, bërtit n'kupë të qiellit
le të shihet e djegura n'buzë, ky është kushti
për gjellëbërësit e cirkut të Dai Karamelit.

VII


PËRZIERJE NË PUNËT E BRENDSHME


Do të ik sot, do ndërroj binarët, të largohem 
siç ma ke thënë anipse jo aq “fisnikërisht”... 
më parë, tash me mesazhin e vonuar të pritjes 
koha troket në dyert e nisjes, 
dhe zemra sikur ashtu më flet, pa mëshirë 
më tmerron “bileta e fundit” 
por një zë tjetër, zë i heshtjes prapë më çmend 

marrëzisht me gjuhën e vet, s'di kah vjen
pothuaj insiston torturimin; torturë e shurdhër,
memece - qasje arrogante, kryeneçe
s'ka shkuarje - thotë – s'ka ikje përtej vetvetes,
përtej mbamendjes, kujtimit
përtej bodrumeve, dyerve të rënda,
sirtarëve me vula-dyllosur,
zonave deponuese - karantinë përjetimesh
gjithkund je ti, - thotë - prezente është
simbiotikisht fryma jote
tentakulë frymore, krijesë laringoide
si mini-tornado më përngjitet, përthithet, përzihet,
më fshihet damarëve, kanaleve
pas rruzëbardhave të gjakut,
pulson atje në sfond si xixëllonjë lozonjare
nuk bën, nuk është e mundur vallë, s'mund të jetë
një frymë e huaj çelës-kromozom
i qenies amë - përzierje në punët e brendshme
të saj, sepse dhe ora madje, ajo biologjike
sikur ka akrepat e tu, rozë
si titujt e poezive tua, si trëndafilat e zgjedhur…
dikur enkas për mua
dhe heshtja memece origjinalisht flet
me gjuhën e heshtjes, gjuhën e të gjitha gjuhëve,
tingëllon çuditshëm, kumbon
bredh pa kokë e bisht komorave kumbuese
instaluar skajeve të kuptimit
si gypa gjigantë anijesh, si aso të hoteleve
“aircondition” mbase i logjikës,
nevojë e vetëftohjes se: ti gjithkah je në mua
ma nxeh, ma akordon metabolizmin...
çdo gjë ma thotë troç, më flet,
s'jam i vetëm, gjithkund me ty jam
brenda frymës, në ind e në asht,
në palcë, në poret - në çdo skaj,
në çdo nyje nga një çerdhe infiltrantësh
si gjithmonë, çdo gjë bën “zhurmë”
qelizat pëshpëritin, neuronet filozofojnë
me vesin e tyre elektrik,
rendin si të marrë, dihasin, pyesin akoma
si ta pagëzojnë, si ta kodojnë
këtë prezencë tjetërfare, tjetërlloj
e tash nëse diç ndodh,
nëse nga jashtë imponohet një “thyerje”
si të definohet një shkitje,
një dhimbje e tillë që s'është shkuarje,
nuk është assesi ikje...
si t'i lidhet gryka kësaj strajce përjetimi
ku të deponohet, struket, akomodohet
në bujtinat e zemrës, çfarë etikete,
çfarë ngjyre kësaj pakoje-vulosur me të kuq
dhimbje e freskët - tash permanente,
përbindësh memec, çfarë shifre identifikimi
të ketë, po t'i tekej Captain-Kujtimit
herëdokur të trazojë arkivat, ta gjejë
këtë dështim-segment... për raportin e tij
sepse megjithatë histori e denjë është,
frymim legjitim i qenies.

VIII

SFINGA ËSHTË KORRUPTUAR...


Pandora nuk ishte femra e parë prej argjile, 
por le të jetë sepse për Zotat është - si dikur 
prapë Pegasi hingëllin lëndinave mbi retë,
paganizmi antik është djep i kontinenteve, 
vetë brumi dhe tharmi artistik, prapë Europa 
në qafë të Zeusit derdh një det lotësh të valë, 
Poseidoni lahet paturpshëm në sytë e saj, 

tutje Sfinga kërcen nëpër kolanat paganistik,
shpirtshitur, në heshtje... prandaj dhe
Apolloni fare s'ia var, i dehur vallëzon
me nëntë statuja të mermerta, i quan Muza -
buzëbardha Safo e puth, Kanova zgjohet
si zombi, kërkon daltat me maja diamanti,
gojën e një mijëvjeçari e përthekon
furishëm me buzët në një "Puthje" të gurtë,
i përjetshëm ai afsh kristalesh por puthja
më e ftohtë që njeh njeriu - Hirst mburret
me paganizmin modern, as me diamante
mbjellur "kafka" ime nuk ka vlerë sa "koka"* e
dashurisë, tridhjetë cm gjatësi për hir të Zotit,
sepse Mikolango i pati hyr në hak Davidit,
i turpëruar Davidi i pëshpërit Venerës:
ndjehem si bebe "artistike" e konvertuar,
dhe ia krisë siç bebet pagane dinë, si Zeusi
i pafajshëm kur i menderoste pelenat e kohës,
ndoshta "pampers... made in Olimpia" -
ndërsa vetë "Poeti", herë i bronztë herë i gurtë,
ulur mendon për babain e habitur Rodin,
s'arrin ta kuptojë dot absurdin që Roi-Soleil
pa e njohur fare "Puthjen", pa e lëvizur
vetë as një gisht "artistik"... si mbret bënte
pesë herë dashuri në ditë, dhe i pati sallonet
më artistike që kishte parë bota ndonjëherë.

* Dashuria është dashuri për Bukurinë dhe për të Riprodhuar, për të falur Lindjen në Bukuri - vepër artistike "skandaloze" e Damien Hirst

IX

PUNUAR NGA LETRA RICIKLUESE


Ti nipi i Xhepetos, kukullaxhi poetik 
që tash me krijove, më fale pak vargje 
sido të më quash më quaj, më emëro 
më le pa emër, sido të më gdhendësh 
më gdhend, të hollë shkopth, Stanlio 
ose të trashë Olio… 

(nuk kujtoj, assesi
poeti s’është ponny trashaluq
ndonjë i zi apo i kuq
tek kullotë barë të njomë poetik)

me quaj artist, me quaj gogol
meqë më përshkruan, më vizaton
natyrën dhelpërore në sytë
mos u ngut tash, mos harro
t'më bësh dhelpër duke dalë
duke hyrë me nguti në kotec

(për ponny-n trashaluq
shijen e kullotjes ta përshkruash
të karameltë... nuk të përzihem)

patjetër dhelprës dinake (insistoj!)
në vend të syve dy kamera termike
të shohin në terr ngrohtësinë e trupit
anatominë e fjetur të zonjës ko-ko-ko
vezën e gatitur, lëvozhgën thellë
qeskën e brishtë, kurrë mos mendo
fare dhelpërisht, se në një aso veze
mund të zëjë fill cilido zogth kopil
shtalbush i paqëruar, anipse xhentil

dhe prapë (o zot sa ironike!)
shtalbat kokërrnjomë puhiza i ledhaton
në emër të rritjes, në emër të pjekjes
në emër të ciklit për një vezë të re.

X

URTËSIA DHE MLLEFI I NJË PËLLUMBI

(Ia fal Ardianit)



bardhoshë që nuk pipëtijnë 
dhe hanë fluska sapuni 
me shkopinj kinezë 
i thanë... 
ti ke zemrën të bardhë 

je krenar-faqebardhë
me punën tënde, përkushtimin
i ke zbardhur fytyrën tufës

atij desh iu zu fryma
diç e bardhë i mbeti në fyt
sikur topth ping-pongu
u shkund, lëpiu sqepin

pastaj mendoi...

i bardhë nga brend e nga jashtë
gogëlush, rrumbullak
fluturosh me të vërtetë
por ç'e do, pendël i lehtë
me tërë forcën të të godas
të ngel buza në gaz

dhe konkludoi...

me një plesht fillikat
qoftë dhe drangua-bardhosh
nuk pushtohet jorgani
me fluska n'erë – dimër e verë
nuk ec gomari as tellalli

së fundi ulëriu...

o ju bardhoshë gojëmbël
ma nxitë mendjen fare
edhe zemrën-dëborë
do t'ma bëni katran
si kujtoni me fluska n'erë
të shëroni një Çmendustan

Përgatiti : Flori Bruqi

Dialoguesit e përgjuar po heshtin dhe po fshihen

 

Adem Grabovci, i cili është dialoguesi kryesor në pesë përgjimet telefonike, nuk ka pranuar të flasë për këtë çështje.

Ai u është shmangur gazetarëve duke u arsyetuar se për pak minuta do të dilte me qëndrim, por pasi është larguar, kontakti me të ka qenë i pamundur.

Cilësime të ndryshme i kishin dhënë vitin e kaluar zyrtarët e PDK-së dhe të shtetit Krasniqit. Kryeministri i referohej “Jakupovski”, e Sami Lushtaku e quante “qen”, derisa Vlora Çitaku kërkonte largim të tij.

Gjatë bisedës në mes të Hashim Thaçit dhe Adem Grabovcit, Thaçi e quan Limajn dhe njerëzit e tij “banditë”, ndërsa Jakup Krasniqin, ”Jakupovski”.

Ka frikë madje të shkojë në Malishevë se mos po “ia gjigavin”, “zagarët” e atjeshëm për të mbajtur një fjalim në 12-vjetorin e themelimit të Degës së PDK-së në këtë komunë.

Qeveria e Kosovës, e cila të enjten përgjimet i ka quajtur montim, të premten ka heshtur pas deklarimit të EULEX-it se ato janë origjinale dhe legale, të nxjerra nga një proces hetimor penal.

Zëvendëskryeministri i Kosovës, Hajredin Kuçi, që mban edhe pozitën e nënkryetarit të PDK-së, ka thënë të premten se nuk ka çka të shtojë me shumë sesa atë që ka thënë Qeveria.

Për këtë nuk ka pranuar të flasë as ministri i Punëve të Brendshme, Bajram Rexhepi, i cili vjet është ankuar se zyrtarët më të lartë po përgjohen nga ndërkombëtarët. Këtë e pati thënë teksa arsyetohej se pse ishte vepruar shpejt gjatë aksionit të 25 korrikut në veri të Kosovës.

Të premten ministrja e Integrimeve Evropiane, Vlora Çitaku, ka “sfiduar” të gjithë ata që guxojnë ta thërrasin në telefon. Ka shkruar në rrjetin social “Twitter”: Kush guxon me më thirr në telefon”.

“Koha Ditore” i ka telefonuar disa herë, por nuk e ka hapur telefonin për të marrë një qëndrim. Telefonatave nuk u janë përgjigjur as Adem Grabovci e Sami Lushtaku. Kësisoj ka vepruar edhe shefi i Qeverisë, Hashim Thaçi.

Bisedat telefonike të postuara në internet kanë nisur të bëhen hite. Më së shumti komente në “Yotube.com” ka marrë biseda e nisur në italisht ndërmjet kryeministrit Thaçi dhe deputetit Grabovci. Aty shihet se si ndien kënaqësi Grabovci kur flet me shefin e tij.