PRO ET CONTRA:Funksionet politike të Isa Mustafës gjatë komunizmit!

Prof.Dr.sci. Isa Mustafa
Data e lindjes: 15-05-1951
e-mail: Isa.Mustafa@ks-gov.net






Kryetari i Komunës zgjidhet drejtpërdrejt nga qytetarët e komunës që kanë të drejtë vote, në përputhje me Ligjin për zgjedhjet lokale që është në fuqi, për mandat të njëjtë sikurse anëtarët e Kuvendit të Komunës. Kur përkohësisht mungon kryetari i Komunës, ose kur përkohësisht nuk ka mundësi ta ushtrojë funksionin e kryetarit, atë e zëvendëson nënkryetari i Komunës.

Biografi e shkurtër e Kryetarit

Edukimi:Në Prishtinë ka kryer shkollimin fillor, atë të mesëm dhe Fakultetin Ekonomik. Ka magjistruar në shkencat organizative – Menaxhmenti Financar dhe ka doktoruar në ekonomi në fushën e Lidershipit të ekonomisë.

Kariera Politike: Është kryetar i Lidhjes Demokratike të Kosovës.

Kariera e punes: Është profesor i Ekonomiksit (Mikroekonomisë) dhe i Menaxhmentit Financiar në Universitetin e Prishtinës. Nga data 14 shkurt 2006 është emëruar Këshilltar i Lartë për Ekonomi i Presidentit të Kosovës, detyrë të cilën e ka kryer deri ka sa është zgjedhur kryetar i Komunës së Prishtinës. Ka qenë i angazhuar aktivisht në organet drejtuese të institucioneve me rëndësi për Kosovën: anëtar i Këshillit Drejtues të Universitetit të Prishtinës, anëtar i Bordit Drejtues të Autoritetit Qendror Bankar të Kosovës, Nënkryetar i Institutit për Hulumtime Zhvillimore Riinvest dhe bashkëthemelues i Universitetit Riinvest.

Ekspertizën profesionale e filloi nga viti 1974 si pedagog në Universitetin e Prishtinës, ndërkohë ka qenë edhe kryetar i Qeverisë Komunale të Prishtinës (1984-1988), drejtor i Entit për Plan dhe Zhvillim të Kosovës dhe ministër i Ekonomisë dhe Financave të Republikës së Kosovës (1991-1999). Ka qenë kryetar i Këshillit Mbikëqyrës të Bankës “Dardania”, anëtar i Këshillit Drejtues të Bankës së Re të Kosovës dhe anëtar i Këshillit Drejtues të Universitetit Amerikan në Prishtinë.

Pas luftës, kryesisht, ëshë angazhuar në punën shkencore dhe hulumtuese në Institutin Riinvest dhe në Fakultetin Ekonomik të Universitetit të Prishtinës.

Në kuadër të programeve të bashkëpunimit dhe ngritjes profesionale e shkencore ka qëndruar disa herë në Staffordshire University në Britani të Madhe dhe një herë në Fakultetin e Ekonomisë dhe Ekonometrisë të Universitetit të Amsterdamit. Ka udhëhequr dhe ka marrë pjesë në disa projekte vendëse dhe ndërkombëtare në fushën e zhvillimit ekonomik, sidomos ato që kanë të bëjnë me politikat fiskale, arsimin dhe zhvillimin ekonomik lokal.

Ka botuar disa tekste universitare, tekste për shkolla të mesme si dhe punime të tjera shkencore dhe profesionale në vend dhe jashtë vendit. Ka qenë aktivisht i angazhuar në grupet e ekspertëve në bisedimet e Vjenës për statusin përfundimtar të Kosovës.

Në periudhën e viteve 1990-1999, pas shpalljes së Kushtetutës së Kaçanikut, është ndjekur nga regjimi serb dhe ka qëndruar jashtë vendit, kryesisht në Gjermani, Zvicër, Shqipëri, Slloveni dhe Kroaci, ku si Ministër i Ekonomisë dhe Financave ka qenë njëri nga ideatorët dhe themeluesit e “Sistemit të Financimit të Republikës së Kosovës”, i cili falë mbështetjes së bashkatdhetarëve dhe popullit të Kosovës arriti të sigurojë mbijetesën në Kosovë, funksionimin e arsimit dhe mbështetjen e rezistencës paqësore dhe luftës çlirimtare.

I S A  M U S T A F A  GJATË REGJIMIT KOMUNIST!   Shkruan: Sheradin Berisha Funksionet politike të Isa Mustafës gjatë komunizmit      Pas demonstratave të 11 e 26 marsit dhe të 1 e 2 prillit 1981, regjimi komunist gjatë verës së atij viti ndërmori një sërë masash ideo - politike të cilat kulmuan me „Platformën politike të KQ të LKJ’së për Kosovën“, të miratuar më 17 nëntor 1981 në Mbledhjen e XXII’të të KQ të LKJ’së në Beograd. Në zbatim të kësaj PLATFORME, strukturat pushtetore’partiake dhe ato gjyqësore në Kosovë, në bashkëpunim edhe me UDB’ën nisën një fushatë të gjerë arrestimesh e burgosjesh ndaj organizatorëve të demonstratave si dhe në të njejtën kohë intensifikuan diferencimin ideo - politik brenda radhëve të pushtetit, nëpër organizata punuese dhe në të gjitha institucionet tjera publike e me theks të veçantë në institucionet shkencore - akademike të Kosovës, siç ishin: Instituti Albanologjik, ai i Historisë dhe mbi të gjitha Universiteti i Prishtinës, i cili u cilësua si “Bastion i nacionalizmit dhe separatizmit shqiptarë”. Për t’i realizuar masat, që dolën nga“Platforma…” e KQ të LKJ’së, regjimi gjatë viteve 1981 - 1990 në vendet udhëheqëse i emëroi ato kuadra politike, që ishin dëshmuar në çdo situatë të zellshëm dhe besnik në luftimin dhe çrrënjosjen e “nacionalizimit dhe seperatizmit shqiptarë”! Dhe, njëri nga ata besnikët e këtij regjimi ishte padyshim komunisti i devotshëm Isa Mustafa, (tani kryetar i komunës së Prishtinës dhe i Lidhjes Demokratike të Kosovës.)        Isa Mustafa      Në biografinë e shkurtër të Isa Mustafës, të botuar në portalin e Komunës së Prishtinës, thuhet se: Isa Mustafa ”Ekspertizën profesionale e filloi nga viti 1974 si pedagog në Universitetin e Prishtinës, ndërkohë ka qenë edhe kryetar i Qeverisë Komunale të Prishtinës (1984-1988),” dhe “drejtor i Entit për Plan dhe Zhvillim të Kosovës”…. Por, si duket shoku Isa Mustafa e paska harruar se ka qenë edhe“sekretar krahinor për Zhvillim, Shkencë, Informatikë dhe Bashkëpunim Shkencor-teknik me botën.”, në Këshillin Ekzekutiv të KSA të Kosovës me kryetar Jusuf Zejnullahun, që u formua më 4 dhjetor 1989, në mbledhjen e Kuvendit të Kosovës.   Shkëputur nga gazeta Rilindja, datë 5 dhjetor 1989      Isa Mustafa për katër vjet rresht (1984-1988) si Kryetar i Këshillit Ekzekutiv të kryeqytetit të Kosovës - Prishtinës (ku përfshiheshin edhe komunat: Fushë Kosovë, Obiliq dhe Novobërdë) dhe njëkohësisht të qenit“drejtor i Entit për Plan dhe Zhvillim të Kosovës”, ka qenë njeriu më i pushtetshëm i regjimi komunist, ashtu sikurse ishin: Ali Shukria - Kryetar i Kryesisë së KSA të Kosovës (1981-1982), Nebih Gashi - Kryetar i Kryesisë së KSA të Kosovës (1982-1983), Shefqet Jashari - Kryetar i Kryesisë së KSA të Kosovës (1983-1984), Ymer Pula - kryetar i KE të KSA të Kosovës (1982-1986), Kolë Shiroka - Kryetar i Kryesisë së KSA të Kosovës (1984-1985), dhe Kryetar i KK të KSA të Kosovës në periudhën (1985-1986), Nazmi Mustafa - kryetar i KE të KSA të Kosovës (1986-1989), Jusuf Zejnullahu - Kryetar i KE të KSA të Kosovës ( 1989-1990), Bajram Selani - Kryetar i Kryesisë së KSA të Kosovës (1986-1987), Remzi Kolgeci - Kryetar i Kryesisë së KSA të Kosovës (1987-1988), Azem Vllasi - Kryetar i KK të KSA të Kosovës (1986-1988) dhe Rrahman Morina - Kryetar i KK të KSA të Kosovës (1988-1990). Kontributi i Isa Mustafës gjatë ndryshimeve kushtetuese për “Serbinë unike”!      Procesin për ndryshimet kushtetuese e kanë përcjellur një sërë mbledhjesh e vendimesh të niveleve të ndryshme të regjimit. Fillimisht po sjellë një koronologji të këtyre ngjarjeve, ku në këtë kuadër do të përvijohet edhe aktiviteti i Isa Mustafës.      Gjatë viteve 1984 - 1990 kur Isa Mustafa kishte pushtet ekzekutiv në çdo sferë të jetës në Prishtinë, Kosova përballej me shumë sfida dhe ndër sfidat më të rënda padyshim ishin: ndryshimi i Kushtetutës në interes të Serbisë dhe heqja e Autonomisë së Kosovës.      Intensifikimi për “Serbinë e bashkur” përmes ndryshimeve kushtetuese, nisi me ngritjen e Sllobodan Millosheviçit, nga pozita e kryetarit të Komitetit të LK’së për Beogradin në postin drejtues të KQ të LK të Serbisë, në maj të vitit 1986. Platforma ideologjike e Millosheviçit bazohej në Memorandumin e Akademisë së Shkencave të Serbisë, i hartuar në shtator të vitit 1986. Sipas hartuesve të memorandumit “e keqja më e madhe për kombin serb u sendërtua në tekstin e Kushtetutës së vitit 1974, e cila jo vetëm e ndau Serbinë në 3 pjesë, por krijoi edhe mjedisin e përshtatshëm për fillimin e gjenocidit ndaj serbëve të Kosovës.” ( V.Meier: Fundi i Jugosllavisë - goditja në Kosovë, Lubjanë - Liria 2007, fq.82)      Nga ana formale memorandumi shprehte vetëm kërkesën për rishikimin e kushtetutës dhe krijimin e një shteti të përbashkët “federativ”, por kërkesa për “të drejta të barabarta” për serbët dhe “bashkim kulturor dhe shpirtëror të popullit serb” nuk ishte gjë tjetër veçse një rikthim tek ideja e vjetër e hegjemonisë serbe. Ky memorandum ndërkohë u shndërrua në një armë të fortë për Millosheviçin, për të mobilizuar popullin serb në realizimin e synimeve hegjemoniste, dhe forca kryesore e Millosheviçit në këtë rrugëtim, ishte Levizja serbe me seli në Fushë Kosovë, të cilën e legjitimoj më 24 prill 1987 kur mori pjesë në mbledhjen protestuese të organizuar në Fushë Kosovë, nga drejtuesit e kësaj levizjeje Miqo Shparavallo, Mirosllav Sholeviqi etj.      Më 21 janar 1987 Kryesia Federale, kishte propozuar fillimin e ndryshimeve në Kushtetutën Federale, duke përfshirë 29 amandamente (nga 9 - 37). Në këtë kuadër më 28 korrik 1987 edhe Kuvendi i Serbisë vendosi t’i hyjë ndryshimeve në Kushtetutën e Serbisë. Më 14 shtator 1987 Kuvendi i Serbisë ua dërgoi Propozimin për ndryshimet në Kushtetutën e Serbisë, Kuvendit të Kosovës dhe atij të Vojvodinës “për të dhënë pëlqimin” për ato ndryshime që do t’u përkisnin çështjeve “me interes për Serbinë (unike) si tërësi”.      Në mbledhjet e Kuvendit të Kosovës të mbajtur më 6 nëntor 1987 dhe 2 shkurt 1988 u miratua propozimi i Kryesisë së Kosovës për t’u hyrë ndryshimeve të Kushtetutës së Kosovës, sipas direktivave të Serbisë. Gjatë verës së vitit 1988 (pikërisht në kohën kur Millosheviçi intensifikoi veprimet politike përmes “metingjeve antiburokratike” të organizuar nga shovinistët serbe të Kosovës me seli në Fushë Kosovë) u bënë përgatitjet organizative - politike, për formimin e këshillave koordinues në organet e Lidhjes Socialiste, të aktivave politike etj., që do të jenë bartëse të procesit për ndryshimet substanciale në Kushtetutën e Kosovës. Kuvendi i Kosovës më 22 shtator 1988 miratoi Projektin e ndryshimeve kushtetuese në Kushtetutën e Kosovës, dhe ky projekt përfshinte ndryshimin e 142 dispozitave të Kushtetutës së Kosovës në amandamentet 18 - 51. Diskutimi publik u zhvillua deri më 31 tetor 1988, në 1597 shoqata e 350 konferenca lokale dhe në 2.427 organizata themelore punuse qeverisëse. (N.Gjeloshi -Kosova në udhëkryq ’89, Velar 1997, f.43)      Këto zhvillime, të cilat po e shkatërronin edhe atë copë autonomie që kishte Kosova, shkaktuan një valë protestash në Kosovë. Nga 17 - 21 nëntor 1988 në Prishtinë e në qytete tjera të Kosovës u organizuan protesta gjithëpopullore, dhe kjo valë protestash nisi në mëngjesin e 17 nëntorit me marshimin e minatorëve të Trepçës nga miniera e Stan - Tërgut për në Prishtinë. Me minatorët u solidarizuan studentët e UP’së dhe i gjithë populli, por jo edhe strukturat politike shqiptare të këtij regjimi, të cilat këto protesta i cilësuan si armiqësore e kundë -  revolucionare. Më 22 shkurt 1989 ndryshimet në kushtetutën serbe u miratuan njëzëri nga komisioni kushtetues i Serbisë, ndërkaq dy ditë më vonë pasoi miratimi unanim i kushtetutës në seancën plenare të parlamentit serb dhe për çudi delegatët e Kosovës nuk dhanë asnjë vërejtje në këtë drejtim. Kryetari i komisionit kushtetues në parlamentin serb Borisav Joviç, me paturpësi deklaron se “reforma kushtetuese serbe nuk e kërcënon aspak autonominë e krahinave” dhe se vetëm tani Serbia “gjendet në rrugën drejt barazisë me republikat e tjera”! (V.Meier: Fundi i Jugosllavisë - goditja në Kosovë, Lubjanë - Liria 2007, fq.133)   Minatorët në grevë urie - Shkurt 1989      Nga 20 - 28 shkurti 1989 sërish ishin minatorët ata që kundërshtuan ndryshimet kushtetuese në dëmë të Kosovës, me grevë të përgjithshme, duke u ngujuar në galeritë e tyre të punës. Këtë herë artikuluan 10 kërkesa dhe njëra prej tyre ishte: “Të jepnin dorëheqje të parevokueshme: Rrahman Morina, kryetar i Kryesisë së Komitetit Krahinor të LK të Kosovës; Husamedin Azemi, kryetar i Kryesisë së Komitetit Komunal të LK të Prishtinës dhe Ali Shukria, anëtar i Komitetit Qëndror të LK të Jugosllavisë.” Një ditë pas fillimit të grevës së minatorëve, (më 21 shkurt) 215 intelektualë shqiptarë i drejtuan një Apel opinionit të gjerë publik dhe strukturave pushtetore të Jugosllavisë, Serbisë dhe të Kosovës, ku u apelua “në Kuvendin e Serbisë që të aprovojë vetëm pjesën e amandamenteve që nuk kanë të bëjnë me ndryshimin e raporteve ndërmjet RS të Serbisë dhe krahinave socialiste autonome…” sepse “Ngushtimi eventual i pozitës kushtetuese të Kosovës do të shkaktonte te shqiptarët ndjenjën objektive se po u merret jo diçka që u është dhuruar, por ajo që u takon burimisht…” (N.Gjeloshi - fq.86 - 88 -89)      Më 22 shkurt, Kryesia e KQ të LKJ’së mbajti mbledhjen e jashtëzakonshme për të shqyrtuar zhvillimin e ngjarjeve më të reja në Kosovë, ndërsa një ditë më vonë (23 shkurt) për të njejtën çështje u mblodhë edhe Kryesia e Federatës jugosllave, dhe këto organe nxorën përfundimin, se:“Ndërrimet e propozuara të Kushtetutës së Serbisë duhet të miratohen në mënyrë të pashtyshme”. (!!!)      Më 24 shkurt me kërkesën ultimative të minatorëve, Stipe Shuvar kryetar i KQ të LKJ’së dhe Sllobodan Millosheviç vizituan Kosovën, dhe derisa i pari u takua me minatorët gervistë i dyti, i shoqëruar nga Rrahman Morina, Husamedin Azemi e të tjerë, mbajti një mbledhje me udhëheqës të Elektroekonomisë së Kosovës!      Duke qenë se minatorët nuk kishin ndërmend të dilnin nga greva, në datat 25 e 26 shkurt Millosheviçi përdori të gjitha mjetet që kishte në dispozicion, duke arritur të shpallte gjendjen e jashtëzakonshme dhe të dërgonte trupa speciale në Kosovë edhe me miratimin e Kryesisë së Federatës Jugosllave në krye me boshnjakun Raif Dizdareviç. Kjo ndodhi në mbledhjen e kryesisë së RSFJ’së (më 26 - 27 shkurt). Në  mbrëmjen e 27 shkurtit, kryesia e shtetit miratoi “marrjen e masave të veçanta për Kosovën”. Dhe këto “masa të veçanta” nuk ishin gjë tjetër veçse gjendje e jashtëzakonshme. (V.Meier, fq.137)      Më 28 shkurt, (pasi Rr.Morina, H.Azemi dhe A.Shukria kishin ofruar dorëheqjet e kërkuara nga minatorët), minatorët dolën nga greva, por ky trinom millosheviqjan realisht nuk u largua nga fuksionet e tyre!      Më 9 mars 1989 Kuvendi i Kosovës nxori dy konkluzione:      “1. Të përkrahen masat e posaçme (lexo: Gjendja e jashtëzakonshme) të Kryesisë së RSFJ’së për Kosovën; 2. Miratimi i amandamenteve në Kushtetutën e Serbisë është me rëndësi të posaçme, jo vetëm për Krahinën dhe RS të Serbisë, por edhe për mbarë stabilizimin e Jugosllavisë dhe se këto amandamente duhet të miratore me kohë”. Në këtë mbledhje Nazmi Mustafa - kryetar i Këshillit Ekzekutiv të  KSA të Kosovës, duke folur për protestat e nëntorit 1988 dhe ato të shkurtit 1989 tha se ato kanë krijuar “një bazë të përshtatshme për shfaqjen e nacionalizmit e të separatizmit shqiptar…”dhe se sipas tij “zbatimi i masave të posaçme u dëshmua i arsyeshëm…”.Bazuar në fjalimin e kryetarit N.Mustafës, KE i KSA të Kosovës nxori vendimin për kufizimin ose ndalimin e grumbullimit të njerëzve në vende publike.      Më 14 mars 1989, dy kryesitë e Kosovës (ajo e Komitetit Krahinor dhe e Kryesisë së Kosovës) përmes një kumtese të përbashkët, theksojnë, se: “Dy kryesitë përkrahin plotësisht amandamentet për Kushtetutën e RS të Serbisë, me të cilat mundësohet që RS e Serbisë të ushtrojë funksionet dhe kompetencat e veta të domosdoshme në tërë teritorin e Republikës…” dhe se me “këto ndërrime nuk ndryshohen parimet themlore të Kushtetutës së RSFJ’së të vitit 1974 dhe pikënisje është realizimi i konsekuent i barazisë së plotë kombëtare të të gjitha kombeve e kombësive në RS të serbisë dhe në KSA të Kosovës”. (Rilindja, 15 mars 1989)        Edhe Kryesia e Konferencës Krahinore të Lidhjes Socialiste më 16 mars 1989 u dha përkrahje të plotë amandamenteve të Kushtetutës së Serbisë dhe insistonte që Kuvendi i Kosovës të përkrahte këto amandamente! Më 17 mars u mblodhën delegatët e Këshillit të Dhomës Shoqërore - Politike të Kuvendit të Kosovës, ku përkrahën njëzëri amandamentet e Kushtetutës së Serbisë, - kështu shkruante Rilindja e datës 18 mars 1989. Isa Mustafa zëdhënës i ndryshimeve kushtetuese!      Në vazhdën e fushatës intensive për ndryshimet kushtetuese që zhvillohej në rrethana të gjendjes së jashtëzakonshme, u përzgjodhën edhe figurat politike të regjimit që do t’i bënin jehonë në mënyrë afirmative këtij procesi, me qëllim që t’ua mbushnin mendjen shqiptarëve se me këto ndryshime nuk do të cënohet aspak Autonomia e Kosovës! Në mesin e shumë komunistëve shqiptarë të kohës që u treguan të gatshëm për t’ua mbushur mendjen shqiptarëve se nuk humbim asgjë nga këto ndryshime kushtetuese ishte edheIsa Mustafa. Po të lexosh shtypin e kohës: Rilindjen, Jedinstvon, Borbën, Politikën etj., do të shohësh qartë aktivitetin e Isa Mustafës me shokë në këtë proces të ndryshimeve kushtetuese. Isa madje ka marrë pjesë aktive edhe në debatet që i ka organizuar Radio Televizioni i Prishtinës - RTP, në mbeshtetje të ndryshimeve kushtetuese.      Ta zëmë, ato ditë marsi në një nga debatet e organizuara në RTP, panelin e debatuesve për ndryshimet kushtetuese e përbënin: 1. Luba Popoviqin (anëtar i Kryesisë së KK të LK të Kosovës) 2. Rade Zvicerin (kryetar i Komisionit Legjislativ Juridik të Kuvendit të Kosovës) 3. Hazër Susuri (nënkryetar i KE të Kosovës); 4. Nikë Lumezi (anëtar i KE), 5. Shefqet Musatafa (anëtar i Kryesisë së Kosovës dhe anëtar i komisionit Kushtetues të Kosovës); 6. Vesel Latifi (sekretar Krahinor i Judikaturës) 7. Pjetër Kola ( kryetar i Gjykatës Supreme të Kosovës), 8. Habib Hashani (anëtar i Komisinit Kushtetues të Kosovës); 9. Isa Mustafa (drejtor i Entit Krahinor të Planifikimit Shoqëror) dhe 10. Ahmet Omeragiqi, zëvendës sekretar Krahinor i Mbrojtjes Popullore. (Z.Cana - Apeli 215 i intelektualëve shqiptarë, Prishtinë 2001, fq.174 -175) Ndryshimi i Kushtetutës për “Serbinë unike”!      Më 21 mars, Këshilli Ekzekutiv i Kosovës i propozoi Kuvendit të Kosovës që në Mbledhjen e caktuar për datën 23 mars të jepte pëlqimin për amandamentet në Kushtetutën e Serbisë. Më 23 mars 1989 (ditë e enjte) në Prishtinë në orën 10 paradite u mblodhën delegatët e të tri dhomave të Kuvendit të Kosovës:      1. Dhoma e Punës së Bashkuar me kryetar Raif Vërbnica;      2. Dhoma e komunave me kryetar Radoica Zhizhiq dhe      3. Dhoma Shoqërore - Politike me kryetar Shefqet Mustafa.      Në sallën e Kuvendit të Kosovës kishte mbi 500 njerëz, funksionar, punëtorë të sigurimit, mysafirë nga të gjitha komunat e Kosovës dhe nga Serbia, ndërsa ishin 190 delegatë të zgjedhur, qysh në nëntor të vitit 1988 nga komisionet kandiduese të të gjitha organizatave shoqërore - politike. Në këtë mbledhje të përgatitur nga Kryetari i Kuvendit të Kosovës Vukashin Jokanoviq, diskutuan 27 delegatë, 20 shqiptarë dhe 7 serbë, (N.Gjeloshi - fq.98)dhe në fund u aprovuan me aklamacion (ngritje të dorës) amandamentet e Kushtetutës së Serbisë. Ishin 11 vota kundër dhe dy abstenime, (po aty) por nuk dihej numri i votave “për” sepse nuk u numruan nga kryetari i Kuvendit. Nga pamjet në ekranin e RTP dhe fotografitë që u publikuan në shtypin e përditshëm, duket qartazi, se pjesa dërmuese e atyre që kishin ngritur dorën nuk ishin delegatë! Pasditen e 23 marsit, (pasi u aprovuan ndryshimet kushtetuese në Kushtetutën e Serbisë nga Kuvendi i Kosovës) shpërthyen protesta të fuqyshme e të pandalshme në gjithë Kosovën deri më 28 mars kur në Beograd u finalizua miratimi i Kushtetutës së RS të Serbisë. Ndërsa në Beograd festohej “Serbia unike” dhe “Dita e ribashkimit” të saj, rrugët e Kosovës ishin përgjakur nga njësitë speciale të Serbisë. Nga 23 – 28 mars u vranë 22 shqiptarë dhe u plagosën rëndë rreth 300 të tjerë. (N.Gjeloshi, fq.107) Diferencimi ideo-politik dhe avansimi i Isa Mustafës      Pas Kuvendit të Kosovës, më 1 prill Lidhja Komuniste e Kosovës mbajti një plenum, ku vlerësoi situatën e krijuar pas miratimit të Kushtetutës së Serbisë. Ky plenum, si qëndrim esencial nxori “diferencimin ideo-politik në tërë Kosovën” dhe si kriter themelor për diferencim u përcaktua qëndrimi i organeve, i funksionarëve, i delegatëve dhe i punëtorëve të shërbimeve tjera të regjimit “ndaj tubimeve dhe demonstratave të shqiptarëve në nëntor 1988, ndaj grevave dhe ndërprerjeve të punës ën shkurt 1989, si dhe ndaj demonstratave të nacionalistëve e separatistëve shqiptarë në mars 1989”(N.Gjeloshi, fq.108)         Në këtë kuadër, Kryesia e Kuvendit të KSA të Kosovës në mbledhjet e 3 e 8 majit 1989 shqyrtoi obligimet dhe detyrat e veta mbi realizimin e diferencimit ideo - politik dhe të punës në nivel të Kuvendit të KSA të Kosovës, të Këshillit Ekzekutiv dhe në organet dhe organizatat krahinore të administratës dhe i obligoi ato institucione e organe që në afatin sa më të shkurtër të bëjnë diferencimin ideo - politik dhe të punës. Ndërkaq nga baza deleguese kërkoi “ndërmarrjen e masave ndaj delegatëve në Kuvendin e Kosovës, të cilët nuk i kishin respektuar qëndrimet e bazës lidhur me grevën e minatorëve në Stari - Tërg, Kishnicë e Novobërdë, duke u përpjekur për miratimin e kërkesave të grevistëve në kundërshtim me qëndrimet e organeve më të larta partiake e të organeve e organizatave të Kosovës për dhënien e pëlqimit të amandamenteve në Kushtetutën e Serbisë”. (N.Gjeloshi, fq.109)      Dhe në këto zhvillime, diferencimet politike u zbatuan në të gjitha organet dhe institucionet në Kosovë. Nga ky diferencim e pësuan të gjithë ata komunistë (shqiptarë) që në një mënyrë a tjetër u solidarizuan me kërkesat e minatorëve dhe nuk pranuan ndryshimet kushtetuese në favor të “Serbisë unike”, ndërkohë që komunistët tjerë që i mbetën edhe mëtutje besnik politikës antishqiptare të Millosheviçit, u avansuan në pozita më të larta të pushtetit! Në mesin e atyre që u avansua në këtë drejtim ishte edhe kryetari aktual i LDK’së, ISA MUSTAFA! Në Lidhjen Socialiste të Kosovës që prej organizatave lokale, konferencave komunale e deri te konferenca e LS të Kosovës diferencimi politik ose i punës përfshiu afro 700 kuadro, ndërkaq kryetari krahinor i Lidhjes Socialiste Daut Jashanica, u avansua në postin e delegatit të Kuvendit Federativ të Jugosllavisë. Mr.Isa Mustafa, “sekretar krahinor për Zhvillim, Shkencë, Informatikë dhe Bashkëpunim Shkencor’teknik me botën” në Këshillit Ekzekutiv të Kuvendit të KSA të Kosovës (dhjetor 1989)      Gjatë nëntorit të vitit 1989 strukturat politike serbe të drejtuar nga Sllobodan Millosheviçi punuan intenzivisht në përzgjedhjen e kuadrove për funksionet politike në Kosovë të cilët tashmë (tetë vjet e gjysmë pas demonstratave të pranverës 1981) ishin dëshmuar si „luftëtarë të denjë për realizimin e politikës së LK të Kosovës, të LK të Serbisë dhe të LKJ“ që do të thotë „për luftimin e nacionalizmit dhe seperatizmit shqiptarë“ si dhe „për ndaljen e shpërnguljes së serbëve e të malazezve nga Kosova“ …      “Në mbledhjen e përbashkët të tri dhomave të Kuvendit të KSA të Kosovës, të mbajtur me datë 4 dhjetor 1989 (E hëne) u bë konstituimi i përbërjes së re të Kuvendit të Kosovës dhe zgjedhja e kandidatëve për funksionet më me përgjegjësi - të kryetarit të Kryesisë dhe të anëtarëve të Kryesisë së KSA të Kosovës, të Kryetarit të Kuvendit, të nënkryetarëve të Kuvendit dhe të kryetarëve të dhomave të Kuvendit të KSA të Kosovës si dhe të delegacionit të KSA të Kosovës në Dhomën e Republikave dhe të Krahinave të Kuvendit të RSFJ’së” - kështu shkruante gazeta „Rilindja“ e ditës së martë - datë 5 dhjetor 1989      Daut Jashanica, Kryetar i Konfrencës Krahinore të LSPP (dhe i  avansuar në postin e delegatit të Kuvendit Federativ të Jugosllavisë), në mbledhjen e 4 dhjetorit, tha: „duke u përcaktuar struktura nacionale, në bazë të propozimit inicial të Kryesisë së KSA të Kosovës dhe Kuvendit të KSA të Kosovës si dhe në bazë të qëndrimeve të Këshillit Koordinues për politikën e kuadrove të Konferencës Krahinore të LSPP të Kosovës, Kryesia e Konferencës Krahinore të LSPP të Kosovës si bartëse e konsultimeve, ka inicuar procedurën e propozimit dhe të evidencimit të kuadrove të mundshme për zgjedhjen e kryetarit dhe të anëtarëve të Kryesisë së KSA të Kosovës, të kryetarit të dy nënkryetarëve dhe të kryetarëve të dhomave të Kuvendit të KSA të Kosovës.“ (Rilindja, 5 dhjetor 1989)      Me rastin e propozimit të kandidatëve të mundshëm për funksionet e përmendura dhe me rastin e zgjedhjes së tyre, LSPP e Kosovës si dhe subjektet e tjera shoqërore në Krahinë, kanë bërë përpjekje që në të gjitha fazat të propozohen më shumë kandidatë për funksionet më me përgjegjësi që për to të propozohen kuadrot, të cilat në periudhën e deritashme janë dëshmuar luftëtarë të denjë për realizimin e politikës së LK të Kosovës, të LK të Serbisë dhe të LKJ, kuadrot që gëzojnë besimin e pjesëtarëve të të gjitha kombeve dhe kombësive, individët që në aktivitetet e deritashme kanë luftuar me vendosmëri kundër të gjitha dukurive të nacionalizmit, e në radhë të parë kundër nacionalizmit dhe seperatizmit shqiptar, për ndaljen e shpërnguljes së serbëve e të malazezve nga Kosova dhe ardhjen e të gjithë atyre që dëshirojnë të jetojnë e të punojnë në Kosovë, kuadrot të cilat me cilësitë e veta personale garantojnë se do të jenë të suksesshme në kryerjen e funksioneve që u besohen.“ Shkruan Rilindja. E martë 05 dhjetor 1989) *  *  *      Në mbledhjen e Kuvendit të KSA të Kosovës, Kryetar i Kryesisë së KSA të Kosovës u zgjodh Isen Kajdomçaj, Kryetar i Kuvendit të KSA të Kosovës,Gjorgje Bozhoviq, ndërsa Kryetar i Këshillit Ekzekutiv të Kuvendit të KSA të Kosovës u zgjodh Jusuf Zejnullahu. Sekretar krahinor i Punëve të Brendshme u emrua përsëri Jusuf Karakushi, mr.Rifat Zulfiu u emrua sekretar krahinor i Judikaturës, Shefqet Cana sekretar krahinor i Financave,Radman Milosavleviqi sekretar krahinor për Ekonomi, Lekë Berishasekretar krahinor për Bujqësi dhe Pylltari, Selajdin Skeja, sekretar krahinor për Komunikacion dhe lidhje, dr.Muhamet Bicaj u emrua sekretar krahinor për Arsim dhe Kulurë, Lekë Vuksani sekretar krahinor për Punë, Shëndetësi dhe Politikë Sociale, dhe për çështjet e luftëtarëve e të invalidëve, Radovan Vujoviqi, sekretar krahinor për Urbanizëm dhe Çështje Komunale-Banesore dhe mr.Isa Mustafa, sekretar krahinor për Zhvillim, Shkencë, Informatikë dhe Bashkëpunim Shkencor - teknik me botën. Lexoni Rilindjen, 5 dhjetor 1989 Mr.Isa Mustafa, sekretar krahinor për Zhvillim, Shkencë, Informatikë dhe Bashkëpunim Shkencor - teknik me botën, në Këshillin Ekzekutiv të Kosovës! (Dhjetor 1989) Për më tepër: Lexoni në tërësi materialin e Rilindjes në pdf      Ky ishte shkurtazi Isa Mustafa i viteve të 80’ta, ndërsa për Isa Mustafën e viteve 1991-1999, si Ministër i Ekonomisë dhe Financave në qeverinë e Bujar Bukoshit, i cili njëkohësisht ishte edhe njëri nga ideatorët dhe themeluesit e “Sistemit të Financimit të Republikës së Kosovës”, dhekryetar i Këshillit Mbikëqyrës të Bankës “Dardania” në Tiranë, por, edhe për Isa Mustafën e pasluftës 2000-2010, do të bëjmë fjalë një herë tjetër. Më mirë në shtëpi se sa me Isa Mustafën e Rrahman Morinës    Gani Geci njëherë nuk e ka ndërmend të kyçet në politikë. Ai po pushon. Bashkë më vëllezërit ka gjasa që të formojnë edhe një subjekt të tyrin politik, por assesi nuk do të ofrohet tek lideri i LDK-së, Isa Mustafa. Edhe pse ishte pjesë e atyre që para pak kohe kaluan nga LDD-ja në LDK-në e Drenasit, Geci thotë se LDK-ja ka dal prej sistemit, në bazë të asaj që ai e paramendon. Krejt pakënaqësinë ai e ka me liderin, Isa Mustafa, të cilin e quan komunistë të Rrahman Morinës. “Jo nuk do të kthehem në këtë LDK. Njëherë po pushojë. LDK-ja ka dal prej sistemit, në bazë të asaj që e paramendojë. Unë jam tip nacionalistë, nuk jam as komunist i Titës, as i Enver Hoxhës. LDK-në janë duke e udhëhequr komunistët e Titës, dhe un nuk e shoh vetën aty. Ne presim ditë më të mira për LDK-në dhe kjo nuk do të thotë që ajo do të vazhdojë gjithmonë më këtë avaz. Pra, unë kthehem aty, vetëm kur komunisti i Rrahman Morinës, Isa Mustafa, dhe komunistët tjetër do ta lëshojnë vendin nga aty”, thotë Geci në një bisedë për Indeksonline. Geci, pohon se ai dhe vëllezërit e tij po pushojmë njëherë, ngase janë lodhur duke vrapuar prapa njerëzve që e dëshirojnë kontributin e tyre, e që më anën e atij kontributi, siç thotë ai, favorizojnë njerëzit që janë komunistë. “Ne vëllezërit Geci, njëherë nuk e shohim vetën në një parti tjetër, sepse ne e kemi dhenë mundin për LDK-në, dhe për filozofinë djathtiste. Faktikisht LDK-ja tani për tani nuk është djathtiste, është parti e majtë, që ka në krye disa pasanik. LDK-ja më tepër po sillet si degë e PDK-së, se sa si parti në vete”. Ish deputeti i LDD-së mendon se nacionalistët janë përjashtuar nga LDK-ja, me vdekjen e presidentit Ibrahim Rugova. “Presidenti Rugova i ka tubuar rreth vetës të gjitha shtresat për të bërë një front kundër Serbisë, me titistë me leninistët e nacionalistë. Ai front është bërë me luftë e pacifizëm. Pastaj në një kohë janë larguar Marksist-Leninistet. Në një kohë tjetër kanë mbetë vetëm nacionalistet dhe titistet. Tash, titistët janë bërë më të fuqishëm dhe i kanë larguar nacionalistët. Pra, tash kanë mbetur disa të tjerë dhe ministrat e Rrahman Morinës”, thotë Geci. Lideri i LDK-së, Isa Mustafa, në as një fjali nuk hiqet nga tiketa e Gecit si njeri i Rrahman Morinës në vitet e 80-ta. “Unë e kam parë një fotografi të Isa Mustafës, Rrahman Morinës e Milloshevqit, të gjithë së bashku. Jam zhgënjyer tej mase, dhe kamë thënë më mirë rri në shtëpi, e nuk dua të jem askund, sa më qenë në një parti me njerëz të Rrahman Morinës”. )

LAMTUMIRË LVV

Deputetja e Vetëvendosjes, Alma Lama, ka konfirmuar  lajmin për largimin e saj nga partia e Albin Kurtit.
Ajo nuk ka preferuar të japë më shumë detaje rreth largimit të saj dhe pritet që gjatë ditës të dal më një letër publike, ku edhe do të sqarojë në detaje dorëheqjen e saj.
Lama, ka shfaqur haptazi mospajtime rreth koncepteve të “Vetëvendosjes”. Ajo ka kritikuar ashpër partinë e saj duke thënë se ka devijuar rrugën dhe programin e saj sidomos me daljen haptazi pro shamive dhe mësimit mbi fe nëpër shkolla.
“Z. Kurti, i cili promovon idenë e bashkimit kombëtar hezitoi të thoshte një fjalë të vetme kundër atyre që përmes meje, si një shqiptare e lindur në Krujë, atakuan një pjesë të kombit tonë, e që është ajo që jeton në Shqipëri. Në Kosovë u përçmua edhe figura e Skenderbeut; pak kohë më parë është fyer edhe humanistja e botës, Nënë Tereza, nesër kushedi kush do të atakohet, sepse qëllimi është të na rrënohet identiteti kombëtar”, ka thënë Lama në një intervistë për “Zërin”, duke i bërë të ditur dallimet konceptuale me kreun e VV-së, Albin Kurti.
Ajo pat thënë se nuk e ka ndërmend të ndryshojë konceptet e saj, thjesht për të siguruar një bashkëjetesë politike.
Flirtimi i Vetëvendosjes me rrymat radikale fetare, mos dalja në mbrojtje të saj e liderit të VV-së, Albin Kurti dhe mënyrat jodemokratike, veçanërisht dhuna, të praktikuara nga kjo parti, duket se e kanë nxitur Lamën të marrë vendimin e largimit.
Lexojeni në vijim letrën e plotë të deputetes Alma Lama:
Letër e hapur votuesve të mi
Të dashur votues,
Kam vendosur t’ju drejtohem të gjithëve ju, që kur u afruat pranë kutive të votimit, në zgjedhjet e vitit 2010, në mendje kishit emrin tim, dhe dora juaj rrumbullakësoi pikërisht numrin që përkonte me këtë emër.
Ju drejtohem sepse në një shoqëri demokratike, të vetmit që japin legjitimitet demokratik, janë pikërisht votuesit, pjesë e sovranit që quhet popull. Vetëm ju mund t’i jepni mundësinë dikujt t’ju përfaqësojë, të bëhet zëri juaj.
Ndihem e privilegjuar që ma dhatë mundësinë të bëhem pjesë e Kuvendit të Kosovës, institucionit më të lartë në vend dhe jam e vetëdijshme çdo çast për përgjegjësinë e madhe që kam marrë mbi supe.
Me një vetëdije të tillë, jam përpjekur të jem zëri juaj, zëri i mijëra njerëzve që e dëshironi një Kosovë të ndryshme nga ajo që është sot, që dëshironi një shtet më të fortë, më demokratik, një shtet që kujdeset për ju, që respekton e garanton liritë tuaja, që i respekton miqtë që na dolën në krah, atëherë kur gjysma e kombit- Kosova rrezikohej nga zhbërja.
Po ju drejtohem ju sepse jeni të vetmit që ndjej obligim t’ju shpjegoj situatatën e krijuar përreth meje dhe subjektit politik ku bëj pjesë.
Në tetor të vitit 2010 iu bashkova Lëvizjes Vetëvendosje! me dëshirën dhe vullnetin më të mirë për të dhënë kontributin tim për ndërtimin dhe konsolidimin e demokracisë në shtetin e Kosovës.
Iu bashkova Lëvizjes Vetëvendosje! me besimin e plotë se vetëm në këtë subjekt mund të punoja për çuar përpara ëndrrën tonë të përbashkët për bashkim kombëtar.
Iu bashkova Lëvizjes Vetëvendosje! pa pasur as dyshimin më të vogël se kjo organizatë do bënte çmos për të ruajtur identitetin tonë kombëtar, atëherë kur ndonjë gjarpër i pabesë do të tentonte të na futej në gjirin tonë për të na e helmuar shpirtin dhe mendjen, siç na ka ndodhur shpesh përgjatë historisë.
Iu bashkova Lëvizjes Vetëvendosje! me bindjen e plotë se kjo do të ishte gjeneratori i moderimit të shoqërisë, i instalimit të kulturës demokratike përendimore, që do ta dërrmonte politikën klienteliste, klanore e të errët që sot po e mban peng politikën dhe vetë jetën.
Iu bashkova Lëvizjes Vetëvendosje! sepse i besova programit të saj.
Iu bashkova Lëvizjes Vetëvendosje! sepse kam besuar se vërtete kjo lëvizje do t’i kthejë politikës moralin e munguar.
Sot, pas më shumë se dy vitesh e gjysmë që jam pjesë e këtij subjekti politik, mund t’ju them se shumica e koncepteve dhe parimeve që permenda më lart, janë ngulfatur dhe zvetënuar nga radikalizmi, nga mjetet të cilat shpesh përfundojnë në promovim të dhunës, e që kompromentojnë çfarëdolloj qëllimi të mirë.
Radikalizmi po i ngulfat edhe vlerat më të mira që i kanë shumica e vajzave dhe djemve të Vetevendosjes!
Qytetarët e Kosovës kanë kaluar nëpër periudha shumë të dhimbshme të dhunës së imponuar, plagët janë ende të hapura, dhe unë mendoj se riciklimi i saj, në çfarëdolloj niveli apo intensiteti, qoftë edhe simbolik, nuk i ndihmon askujt, as qytetarëve, as demokracisë, as imazhit të Kosovës, as interesit kombëtar.
Përdorimi i dhunës si mjet për arritjen e synimeve politike, nuk ka qenë pjesë të programit të Lëvizjes, por kjo po ndodh në praktikë gjithnjë e më shpesh. Asnjë forcë serioze nuk mund të ecë përpra duke u bazuar në këtë mjet. Mjeti i gabuar degradon vetë qëllimin.
I kam shprehur në mënyrë të vazhdueshme këto brenga dhe qëndrime të mia brenda Lëvizjes, kam kërkuar me ngulm që të respektojmë rregullat e lojës demokratike, të respektojmë institucionet dhe ligjin, por për fat të keq zëri im nuk është dëgjuar, ka qenë vazhdimisht i izoluar brenda strukturave, ku debatet janë vetëm nuance e së njejtës ngjyrë.
Kam shpresuar gjatë gjithë kësaj kohe se gjërat do të ndryshojnë me jetën institucionale, që kjo do të sillte edhe pjekurinë politike. Mirëpo kjo nuk po ndodh, përkundrazi, radikalizmi po thellohet nga dita në ditë. Jemi dëshmitarë të gjithë të asaj që ndodhi në Kuvendin e Kosovës; në tentativën për të ndaluar deputetët të hyjnë në Kuvend, në trajtimin jodiplomatik që iu bë ambasadores së vendit që është mbështetësi më i madh, i lirisë dhe pavaresisë së shtetit të Kosovës; në përleshjet e vazhdueshme me policinë me qëllimin për të prodhuar konflikt; në polarizimin e skajshëm të shoqërisë.
Unë nuk mund të pajtohem me këto sjellje, nuk mund t’i mbështes. Janë plotësisht në kundërshtim me bindjet e mia.
Nuk pajtohem me politikat e qeverisë aktuale, kam qenë dhe jam kritikuese e ashpër e praktikave korruptive të qeverisjes, e dështimit në bisedime me Serbinë, e dhënies së autonomisë për serbët në veri. Vota ime ka shkuar kundër të gjitha këtyre vendimeve, por nuk mund të pajtohem kurrsesi që sjellja irracionale të zëvendësojë racionalen, që dhuna të zëvendësojë argumentet, që polarizimi i shoqërisë të zëvendësojë tolerancën, dhe të gjitha këto sjellje të dëmshme, aspak të mos e ndryshojnë realitetin e kritikuar. Përkundrazi, thjesht po e legjitimojnë qeverisjen e korruptuar, e cila për ironi, shpesh bëjnë të duket më e moderuar.
Përgjatë gjithë kësaj kohe, kam kuptuar se nuk janë vetëm metodat me të cilat unë nuk pajtohem, por janë edhe vetë konceptet ideologjike të Lëvizjes Vetëvendosje!. Unë jam për demokraci liberale, për respektimin e lirisë së individit, të sferës private, për lirinë e tregut, jam për korigjimin dhe përmirësimin e përditshëm të sistemit demokratik, jo për ideologji të tjera dhe ndryshime radikale të cilat do të mund të kishin pasoja fatale.
Të dashur votues,
Nuk mund ta fsheh para jush se ndihem thellësisht e zhgënjyer nga qëndrimi më i fundit i Lëvizjes Vetëvendosje! në lidhje me fenë dhe raportin me identitetin tonë kombëtar. Flirtimi politik me rrymat radikale fetare, qoftë edhe për arsye pragmatike siç është vota, për mua është joparimor dhe për pasojë i papranueshëm. Janë disa arsye të fuqishme që më shtyjnë drejt këtij qëndrimi por më kryesorja sepse jam e bindur se këto rryma, të cilat nëpërmjet indoktrinimit fetar të popullatës, synojnë identifikimin me fenë dhe jo me kombin, na e rrezikojnë identitetin kombëtar, na çojnë në regres, në epokën e diskriminimit të grave, larg kulturës përendimore. Këto rryma në fund të ditës, mund të na e rrezikojnë lirinë, për të cilën u derdh shumë gjak.
Çfarëdo tendence për të keqinterpretuar fjalën time dhe qendrimet e mia publike në lidhje me fenë islame në përgjithësi, ka qenë një luftë speciale e grupacioneve të caktuara politike, të cilët i shoqëruan me kërcënime, linçim publik dhe me fyerjet më të ulëta që iu është bërë ndonjëherë grave shqiptare. Jam ndjerë e shokuar nga niveli i këtij diskursi.
Prandaj të heshtesh apo me vetëdije të mbash qëndrime relativizuese ndaj synimeve te grupacioneve të tilla, që kërcënojnë, prodhojnë gjuhën e urrejtjes, linçimit publik, fanatizmit, fondamentalizmit, antishqiptarizmit, që bëjnë diversion kombëtar, për mendimin tim është e pajustifikueshme.
Për mua pra kjo është një çështje që ndan dy botë, është një zgjedhje mes errësirës dhe dritës, prandaj dhe pozicionimi im është i pakompromis me këdo dhe kurdo.
Për mua tashmë kjo është edhe një çështje e dinjitetit personal.
E kam të qartë se politika ndërtohet mbi kompromise por një devijim kaq i madh nga parimet dhe programi, nga ana e Lëvizjes për mua ka qenë i papërfytyrueshëm.
Të dashur votues,
Për shkak të këtyre qëndrimeve të shpjeguara më lart, por dhe shumë çështjeve të tjera shumë të rëndësishme , të cilat nuk do t’i rendis në këto radhë, mua më është bërë i pamundur qëndrimi i mëtejshëm në Lëvizjen Vetëvendosje! Ndryshimet konceptuale mes meje dhe drejtuesve të LVV janë fondamentale; qëndrimet për çështjet më të rëndësishme nacionale nuk përputhen dhe metodat për të arritur synimet politike, janë të papajtueshme mes nesh.
Shpreh keqardhjen e thellë që gjërat nuk shkuan në drejtimin e duhur, në drejtimin në të cilin unë besoja kur iu bashkova Lëvizjes Vetëvendosje!, me vullnetin më të mirë që nëpërmjet saj të jepja kontributin për vendin dhe shoqërinë.
Mandatin tim si deputete në Kuvendin e Kosovës tani e tutje do ta përmbush jashtë grupit parlamentar. Do të vazhdoj të jem zëri juaj në Kuvend, deri në fund të mandatit, duke punuar më përkushtim dhe aktivizëm në interes të vendit dhe aspiratave tona të përbashkëta për demokraci dhe bashkimin të kombit.
Me respekt
Alma Lama

Mos harroni Qeveritarë-Pensionet kosovare në bisht të sorrës?!!!!

....

Zvicra edhe në të ardhmen mund të vazhdojë të mos ua paguajë pensionet e moshës dhe ato të invaliditetit kosovarëve që kthehen të jetojnë në Kosovë. Këtë qëndrim e ka publikuar sot (e premte) Gjykata Federale, si instanca më e lartë e gjyqësisë së Zvicrës, si një vendim parimor, bazë për këtë problematikë që po zvarritet tash 3 vite.

Siç është shkruar tashmë shumë herë, të gjithë kosovarët të cilëve u është ndarë pensioni i moshës ose i invaliditetit nga 1 prilli i vitit 2010 e tutje, atë nuk und ta shfrytëzojnë nëse kanë vendosur të jetojnë në Kosovë. Por ata kanë të drejtë që në rast të kthimit të përhershëm në Kosovë të tërheqin përnjëherë të gjitha kontributet që kane paguar për pensionet në fjalë.

Ndërprerja e pagesës së pensioneve ishte anulim njëanshëm nga ana zvicerane, i marrëveshjes për sigurime sociale në mes të Zvicrës dhe ish Jugosllavisë nga viti 1962. Si shkas kishin shërbyer dyshimet për keqpërdorime nga pensionistët kosovarë, disa raportime për kërcënime të detektivëve socialë të dërguar nga Zvicra në Kosovë dhe mungesa e sigurisë sa i përket regjistrit civil në Kosovë.

Ndërsa në vendimin e saj Gjykata Federale ka shkruar veç tjerash se “Kosova është shtet i pavarur dhe për këtë arsye marrëveshja për sigurimet sociale e vitit 1962 me Jugosllavinë bëhet e pavlefshme, transmeton albinfo.

Për këtë arsye shtetasit e Kosovës, pas shpalljes së pavarësisë nuk mund të bartin automatikisht edhe shtetësinë e Serbisë krahas asaj kosovare. Për këtë arsye ata, me rastin e marrjes së pensionit zviceran nuk mund të thirren në marrëveshjen për sigurime sociale Zvicër-Serbi që vazhdon të jetë e vlefshme", shprehet Gjykata Federale e Zvicrës.

Gjykata Administrative Federale e Zvicrës (një shkallë më poshtës se Gjykata Federale) bazuar në ankesat individuale të disa pensionistëve kosovarë kishte marrë vendim në favor të tyre. Kundër këtij vendimi ishte ankuar në Gjykatë Federale Zyra Federale për Sigurime Sociale . Ankesa e saj fillimisht për shkaqe procedurale, nuk qe marrë në shqyrtim.

Një sërë aktivitetesh kryesisht nga organizmat sindikalë, ë Zvicrës dhe të Kosovës janë zhvilluar lidhur me këtë problematikë gjatë tri viteve të fundit. Parlamenti i Kosovës nga ana e tij kishte miratuar një kërkesë për vazhdimin e marrëveshjes së sigurimeve sociale me Zvicrën.

SERBIA MIRATON FONDIN PËR PENSIONISTËT KOSOVARË

Serbia ka hap dyert për pensionistët kosovar që të aplikojnë për t`i marrë pensionet e tyre që nuk u janë dhënë qysh nga qershori i vitit 1999.

Dega e Fondit Pensional në Mitrovicë ka treguar se deri më tash janë bërë më shumë se 4000 shqiptarë të Kosovës që pretendojnë të marrin pensionet e tyre nga Serbia, që nuk u është paguar që nga qershori i vitit 1999.

Këtë e kanë lajmëruar mediat e Serbisë.

Në anën tjetër, sipas këtyre medieve serbe, Qeveria e Serbisë ka miratuar Planin e Veprimit për zgjidhjen e këtij problemi që të paguaj pensionet në Kosovë. Kjo është propozuar edhe nga Grupi punues i Ministrisë së Punës.

Ky plan është propozuar pasi që Gjykata Europës për të Drejtat e Njeriut në Strasburg mori vendim pro pensionistëve kosovar dhe gjithashtu detyroi Sebrinë t`i paguajë pensionet që i meritojnë.

Ky dokument duhet të zgjidhë çështjen e pagesës së borxheve dhe përfitimet e ardhshme për të gjithë ata të cilët kanë vendim për daljen në pension si dhe pagesat tjera që është dashur të paguhen qysh nga 9 qershori i vitit 1999.

Një menaxher nga Dega e Fondit Pensional Kombëtar në Mitrovicë – Radulle Kompirović i ka thënë agjencisë së lajmeve Tanjug, se pranimi i kërkesave mori dy muaj.

Ai ka treguar se që nga 19 prilli i këtij viti ka marrë një total prej 4.055 kërkesave për marrje të pensioneve nga kosovarët.

"Të gjithë njerëzit që kanë qenë në pension deri në qershor të vitit 1999 mund të paraqesin kërkesat e tyre për marrje të pensioneve nga Serbia”, ka deklaruar Kompirović, për Tanjug.

Foto: Blic

Në filialet e Fondit Republikan të Serbisë për Sigurim dhe Pensione Invalidore, në pjesën veriore të Mitrovicës, kanë aplikuar më shumë se 4,000 shqiptarë nga Kosova për të marrë pensionet që nuk u janë paguar që nga qershori i vitit 1999, shkruan sot gazeta ‘Blic’. Sipas gazetës, vendimet e para do të duhej të përfundojnë deri nga gjysma e verës së sivjetme.

Kohë më parë, Qeveria e Serbisë ka miratuar Planin Aksional për zgjidhjen e problemeve që kanë të bëjnë me pagesat e pensioneve në Kosovë, të cilin e kishe propozuar grupi punues i Ministrisë së Punës.

Plani u përpilua pas vendimit të Gjykatës Europiane për të Drejtat e Njeriut, me seli në Strasbourg, gjegjësisht pas aktvendimit të plotfuqishëm të muajit shtator 2012, i cili urdhëron shtetin serb që të përmbyllë pagesat e këtyre pensioneve.

Me dokumentin e tanishëm do të duhej të zgjidhje çështja e pagesës së pensioneve të papaguara dhe të pensioneve të ardhshme për të gjithë ata banorë të Kosovës që e gëzojnë të drejtën e marrjes së pensionit, dhe të cilëve këto pensione pushuan t’iu paguhen që nga data 9 qershor, e vitit 1999.

“Të gjithë shfrytëzuesit e pensioneve në Kosovë e Metohi deri më datën 9 qershor 1999, të cilëve u është ndalur pagesa e pensionit edhe sot mund t’i dorëzojnë kërkesat e tyre, sipas kushteve të publikuara në web-faqen e Fondit Republikan të SPI [Sigurimi Pensional Invalidor]”, deklaroi për ‘Blic’, drejtori i filialit të këtij Fondi në pjesën veriore të Mitrovicës, Radule Kompirovic.

Ai nënvizoi se, të gjitha kërkesat që janë dorëzuar do t’i drejtohen Shërbimit të Drejtoratit të Fondit, në Beograd, ku komisioni përgjegjës – i formuar nga ana e Fondit republikan- pastaj do t’i shqyrtojë këto dokumente dhe do të konstatojë se kush i plotëson kushtet për marrjen e pensioneve të mbetura, sqaron ai për gazetën.

Sipas Kompirovic, vendimet e para lidhur me kërkesat e parashtruara do të jenë të gatshme deri nga gjyma e verës.

Nga ana tjetër, sipas një deklarate që Kompirovic ia dha agjencisë serbe të lajmeve, Tanjug, pranimi i kërkesave ka zgjatur dy muaj, dhe i njëjti ka përfunduar më 19 prill të këtij viti. Brenda kësaj periudhe, sqaron Kompirovic, nga shqiptarët nga Kosova gjithsejtë janë pranuar 4.055 kërkesa për pagesë pensionesh, dhe ato i janë dërguar tashmë Shërbimit të Drejtoratit të Fondit Republikan të Serbisë për Sigurim dhe Pensione Invalidore.

Fondi Slloveno-Kosovar i Pensioneve filloi të investoj në letrat me vlerë të Republikës së Kosovës. Në ankandin e rradhës së muajit Maj 2012, Fondi është njëri ndër blerësit e bonove tre-mujore të emetuara nga Republika e Kosovës.


Me qëllim të kontribuimit të mëtutjeshëm në përmirësimin e gjendjes ekonomike në vend, Fondi Slloveno-Kosovar i Pensioneve mbështet hapjen e tregut të letrave me vlerë në Kosovë dhe do të vazhdojë me blerjen e tyre edhe në të ardhmen duke dhënë kështu kontributin e vet në zhvillimin dhe zgjerimin e tregut të kapitalit. Si fond pensional, llojllojshmëria e intrusmenteve financiare është shumë e rëndësishme, por edhe siguria e tyre poashtu. Emetimi i letrave qeveritare me vlerë është një fillim i mbarë dhe shumë i mirëpritur nga Fondi Slloveno-Kosovar i Pensioneve. Duke pasur paraysh që fondet pensionale në vendet e zhvilluara janë investitori kryesorë në tregjet e kapitlait, Fondi Slloveno-Kosovar i Pensioneve do të vazhdojë të luaj rolin e tij në zhvillimin e mëtejmë të këtij tregu, duke rritur kështu vazhdimisht investimet në letrat me vlerë të emetuar nga Republika e Kosovës.


Fondi Slloveno-Kosovar i Pensioneve operon në Kosovë që nga viti 2006 prej kur edhe u licencua nga Banka Qendrore e Republikës së Kosovës për të operuar në shtyllën e tretë të sistemit pensional në Kosovë. FONDI është anëtar i Prva Group, grupacion Slloven që njihet si ndër kompanitë më të mëdha të Evropës Juglindore për sigurime pensionale si obligative ashtu edhe vullnetare. Prva Group veprimtarinë e saj e shtrin në shumë vende të Evropës Juglindore dhe në tri prej tyre operon në shtyllën e dytë (obligative). Prva Group sot ka 333,126 të siguruar rreth 393.3 milion EUR mjete nën menaxhim.

FONDI synon të jetë një faktor i rëndësishëm në sistemin financiar, në tregun pensional si dhe për zhvillimin e mëtutjeshëm të tregut të kapitalit në Kosovë.

Janar 2012 - Fondi Slloveno-Kosovar i Pensioneve arriti që falë seriozitetit në menaxhimin e mjeteve të kontribuesve, përkushtimit dhe efikasitetit në punë, edhe përkundër lëvizjeve negative dhe zhvillimeve në tregun botëror gjatë vitit të fundit, të sigurojë kthim pozitiv për klientët e tij. Fondi Slloveno-Kosovar i Pensioneve e përfundon vitin 2011 me një kthim pozititv prej 3.93%, që do të thotë që me performancën e tij ka tejkaluar të gjitha fondet pensionale në regjion.

Fondi Slloveno-Kosovar i Pensioneve operon në Kosovë që nga viti 2006 prej kur edhe u licencua nga Banka Qendrore e Republikës së Kosovës për të operuar në shtyllën e tretë të sistemit pensional në Kosovë.



FONDI është anëtar i Prva Group, grupacion Slloven që njihet si ndër kompanitë më të mëdha të Evropës Juglindore për sigurime pensionale si obligative ashtu edhe vullnetare. Prva Group veprimtarinë e saj e shtrin në shumë vende të Evropës Juglindore dhe në tri prej tyre operon në shtyllën e dytë (obligative). Prva Group sot ka 321,864 të siguruar rreth 372.4 milion EUR mjete nën menaxhim dhe ka 33.05 milion EUR kapital.

Sot FONDI ka mbi 4000 klientë të cilët kursejnë për pensionin e tyre, më shumë se 100 kompani që paguajnë për punëtorët e tyre si pjesë e paketës së beneficioneve për ta dhe çdo muaj paguan pensione për klientët e tij, ku pensioni i tyre është mbi mesataren e rrogës në Kosovë.



 Për të gjithë klientët e tij, FONDI mundëson kyçjen në llogari individuale ku secili personalisht mund të përcjellë mjetet e tij të investuara si dhe të informohet në çdo kohë me vlerën e aksioneve, duke ofruar kështu përkushtim të vazhdueshëm për transparencë dhe llogaridhënie.

Zhvillimet e mëtutjeshme të tregut Kosovar dhe veçanërisht hapja e shtyllës së dytë, pra asaj obligative të pensioneve, do të kontribuonte në përmirësimin dhe avancimin e sistemit pensional, zhvillimin ekonomik të vendit, dhe në ngritjen e kapaciteteve kursyese të të gjithë individëve. Liberalizimi i tregut të pensioneve në Kosovë përveç se do të krijonte konkurrencë, e konkurrenca përmirësim shërbimesh, do të mundësonte që secili qytetar të vendoste se ku dëshiron të kursejë për pleqërinë e tij.

FONDI synon të jetë një faktor i rëndësishëm në sistemin financiar, në tregun pensional si dhe për zhvillimin e mëtutjeshëm të tregut të kapitalit në Kosovë.

Ç’RËNDËSI KISHTE E KA GJITHÇKA!

Pensionistët flasin
për infarkt miokardi
e parashikojnë fundin
në stolat e parqeve publike
mes glasave të sorrave
mes gjilpërave të përgjakura…
Më ndalin në rrugë
përpara vitrinave të mbushura
xhepat e zbrazur të tyre më pyesin për orën
apo për racën e majmunit
Është tre pasdite,
gjithçka kundërmon vdekje…
E di, është e kotë të kthehem në shtëpi
të shkruaj dhjetë apo tridhjetë e pesë rreshta
Ç’rëndësi ka?!

Poeti në komisariat
ata nuk e dinë
se poeti në komisariat
është torturuar
për mëkatin e bërë:
“Fjalës i kishte dhënë shumë fuqi…”
Fjala vriste më shumë se shpata,
fjala shëronte më shumë se mjalta…
Poetit i duhej dhënë kupa e helmit
të shpejtë apo të ngadalshëm
Ç’rëndësi ka?!

Një libër tjetër
Herët në mëngjes
një vashë rregullon flokët
përpara pasqyrës
në ndërtesën përballë…
Unë mbyll librin “Guximi shqiptar”
e lë mbi tavolinë
ulem dhe hap një libër tjetër.

Intriganti dhe gazetat
Sa të mërzitshëm janë
Intriganti,”Ekspressi”, birra e Pejës
femrat, librat, pasqyrat!…
Sa e mërzitshme
është të ulesh e të presësh vdekjen
ndërkohë njerëzia kurvëron,
ha, punon apo bën plazh në det
nën diellin e pistë të kotësisë
dhe nuk e di a do të ndodh gjë,
po nëse ndodh
ç’rëndësi ka?!

Ishte dhembja para dy vjetësh
Poeti Iljaz Prokshi thoshte,
në një poemë
se nuk do të ndalonte së ndjeri
dhimbjen e pritjes së një gruaje,
sepse e vetmja gjë
që do t’i mbetej prej saj,
ishte dhimbja,
Ishte kohë tjetër.
Iljazi, është i vdekur
edhe dashuria e tij po ashtu
edhe ne do të jemi një ditë…
Jeta qenka një përpëlitje
mes të hapjes e mbylljes së syve.
Iljazi gjithmonë donte të rrinte,
po nuk e kishte mundësinë
se i frikësohej vetmisë
kur të varet me puthje në buzë…
Ç’rëndësi kishte e ka gjithçka
kur jetën e plagos çdo gjë?!

Flori Briuqi

U sosën rrenat e Bllacës!!!

I vetëdeklaruari anëtar i Shërbimit Informativ të Kosovës dhe si i tillë pjesëmarrës në gjashtëmbëdhjetë veprime kriminale, Nazim Bllaca, nga e mërkura, të bëmat e tij do t’i rrëfejë para trupit gjykues që do ta gjykojë atë për vrasjen e Ibush Kllokoqit.

Ndaj Nazim Bllacës këtë ditë në Gjykatën Themelore do të nisë procesi gjyqësor, ndërsa i njëjti e ka të ndaluar të flasë për media siç ka bërë që nga nëntori i vitit 2009 kur publikisht kishte deklaruar të bëmat e tij dhe të bashkëpunëtorëve të tij të dikurshëm.

Bllaca të mërkurën do të ulet në cilësinë e të akuzuarit derisa në dy raste të mëhershme në gjykimet e koduara si “Bllaca 1” dhe “Bllaca 2” ai kishte qenë në cilësinë e dëshmitarit bashkëpunues.

Nga dëshmitë e tij ka rezultuar me dënimin e Shpresim Ukës, Sadik Abazit, Bekim Sylës, Shaban Sylës e Driton Hajdarit me gjithsej 54 vite heqje lirie. Të pestit janë dënuar se në bashkëkryerje edhe me Nazim Bllacën kanë vrarë Ibush Kllokoqin dhe kanë kryer vrasje në tentativë ndaj Adem Salihajt.

Për të njëjtën vepër do të paraqitet në gjykatë të mërkurën edhe vetë Nazim Bllaca. Këtij të fundit, mbrëmjen e së shtunës persona të paidentifikuar deri më tani ia kanë sulmuar me granatë shtëpinë në të cilën jeton në Ribar të Madh të Lipjanit. Lajmin e sulmit ndaj tij e ka konfirmuar vetë Bllaca ditë më parë siç e ka konfirmuar edhe të martën lajmin për nisjen e procesit ndaj tij dhe faktin se i është ndaluar komunikimi me media.

“Siç dihet tashmë nga data 3 korrik 2013 unë jam i pandehur për një vrasje që e kam kryer me urdhër të eprorëve të mi nga Shërbimi Informativ i Kosovës (SHIK), duke qenë pjesë e njërës nga skuadrat e vrasjeve të këtij shërbimi. Por, siç duket edhe pse nuk mund të komunikojmë për një kohë, juve mediave do të ju “nxjerr punë” përsëri”, thuhet mes të tjerash në një njoftim të nënshkruar nga vetë Bllaca.

Pavarësisht presionit që ai thotë se ka ardhur në mënyrë direkte e indirekte nga Qeveria, Bllaca thotë se do të jetë edhe më “i fortë” në rastin Bllaca 3.

“Ju e dini që, që ditën kur kam dal publikisht për të denoncuar krimet SHIK-ut, Qeveria kishte thirrur edhe Këshillin e Sigurisë së Kosovës për të munduar t’i japin drejtim tjetër rastit “Bllaca””, ka shkruar Bllaca më tutje, duke bërë me dije se tashmë do të përballet me drejtësinë.

Ndërkohë EULEX nuk ka dhënë ndonjë deklaratë në lidhje me sulmin në shtëpinë e tij ku nuk ka pasur të lënduar. Nazim Bllaca që nga 2009-ta ka qenë dëshmitar bashkëpunues i këtij misioni dhe si i tillë deri në muajt e fundit ka qenë në përkujdesje 24 orëshe nga policia e misionit EULEX.

Nga Nazim Bllaca





Kam obligim të gjej kohë dhe tu drejtohem mediave, të shkruar dhe elektronike, me te cilat isha shumë i hapur për gati katër vite.

I falënderoj të gjitha ato media që kanë raportuar drejt për rastin “Bllaca”.

Kemi kaluar bashkë një kohë, e cila, pa dyshim, që do të jetë në historinë e këtij shteti që po mundohemi ta ndërtojmë, si një kapitull i ri, i veçantë dhe shumë i rëndësishëm. Edhe i tillë është.

Besoj që mediat, që nga dalja ime publike e deri më sot, kanë qenë ne vijën e parë të frontit tonë të përbashkët kundër së keqes.

Ato media që nuk iu nënshtruan presionit të Qeverisë së Kosovës në raport me rastin “Bllaca” kanë pasur gjithë mirëkuptimin tim që të jem i kontaktueshëm nga to.

Kësaj pjese të medias jam munduar ti ndihmoj që të jenë në këtë pozitë me të vetmen mundësi që kam pasur gjithë këtë kohë unë: të ofroj prova për deklaratat e mia.

Unë i falënderoj të gjitha ato media që e kanë përcjell dhe kanë raportuar drejt rastet gjyqësore ku jam përfshirë unë. Ato media që kanë raportuar vetëm atë që është thënë dhe siç është thënë nëpër seanca të rastit “Bllaca I” dhe “Bllaca II”.

Tash ka ardhur koha që për një kohë ne të ndahemi. Që të mos mund të komunikoi me juve.

Siç dihet tash më nga data 3 korrik 2013 unë jam i pandehur për një vrasje që e kam kryer me urdhër të eprorëve të mijë nga Shërbimi Informativ i Kosovës (SHIK), duke qenë pjesë e njërës nga skuadrat e vrasjeve të këtij shërbimi.

Por, siq duket edhe pse nuk mund të komunikojmë për një kohë, juve mediave do të ju “nxjerr punë” përsëri.

Unë i falënderoj shumë sidomos ata gazetarë që në lidhje me rastin “Bllaca” morën kërcënime dhe nuk u gjunjëzuan në asnjë moment. Mos të harrojmë rastin e Sebehate Shalës, e cila për një pyetje zv.Shefit të EULEX, Endry Sparks u largua nga puna.

Unë e kam kuptuar shumë mirë presionin e Qeverisë, në forma direket dhe indirekte, ndaj rastit “Bllaca”, mirëpo ne do jemi më të fortë sidomos pas rastit “Bllaca III”.

Ju e dini që, që ditën kur kam dal publikisht për të denoncuar krimet SHIK-ut, Qeveria kishte thirrur edhe Këshillin e Sigurisë së Kosovës për të munduar ti japin drejtim tjetër rastit “Bllaca”

Që nga data 3 korrik 2013 ne dalim jashtë funksionit në raport me mediat.

Shpresoj që do të shihemi nëpër seanca gjyqësore, me ju, të nderuara media.

DËSHTIMI DIPLOMATIT REEKER?!

Zëvendës-ndihmës sekretari amerikan i Shtetit, Philip T. Reeker, duke komentuar veprimet e fundit të Lëvizjes Vetëvendosje, në Kuvendin e Kosovës, ka thënë se palaçot duhet të din se ato veprime nuk janë të mira për vendin.




Sekretari organizativ i Lëvizjes Vetëvendosje, Dardan Molliqaj, duke komentuar këtë deklaratë, ka thënë se ky epitet u takon subjekteve tjera.

“Jo të gjithë anëtarëve të atyre subjekteve, por atyre që ndërrojnë qëndrimin brenda dite”, ka thënë Molliqaj për Klan Kosova, transmeton Telegrafi.

Sipas tij, javën tjetër VV do t’i dërgojë një letër Sekretarit John Kerry.

“Është kjo një gjuhë jodemokratike. Nuk ndërtohet autoriteti amerikan mbi ofendimin e një subjekti politik”, ka thënë Molliqaj.

Kreu i Lëvizjes “Vetëvendosje” në Kosovë Albin Kurti, i ftuar në emisionin “Tonight Ilva Tare”, në RTV “Ora News”, akuzat e bëra ditën e sotme nga Zëvendës – ndihmës Sekretari i Shtetit, Philip Reeker, i cili ka dënuar dhunën, që sipas tij e ushtroi Lëvizja Vetëvendosje ndaj institucioneve të Kosovës dhe ndaj diplomatëve ndërkombëtarë, dhe i ka quajtur “palaço” udhëheqësit e kësaj lëvizje duke thënë se mund të takohet me ta, vetëm kur të sillen si njerëz normalë, I ka quajtur si një gjuhë të padrejtë dhe një qëndrim jodemokratik.

“Kufiri midis Kosovës dhe Shqipërisë është një kufi jo i natyrshëm, dhe unë mendoj se Kosova duhet të bashkohet me Shqipërinë dhe ky bashkim duhet të jetë një bashkim politik. Serbia e ka luftuar bashkimin e shqiptarëve gjatë gjithë kohës. Unë mendoj se faktori ndërkombëtar nuk na prin, ata na ndjekin dhe na mbështesin në varësi të reagimeve tona. Aleancat janë shumë të rëndësishme por jemi ne që vendosim për veten tonë, dhe jo Shtetet e Bashkuara të Amerikës. Gjuha e diplomatit Reeker ndaj nesh është një gjuhë e padrejtë dhe një qëndrim jodemokratik. Ne jemi të interesuar për të patur bashkëpunim me SHBA-të por unë nuk mund të nënshtrohem ndaj asnjë zyrtari amerikan”, u shpreh Albin Kurti.

Kreu i Lëvizjes Vetëvendosjes ka folur gjithashtu edhe në lidhje me projektligjin për amnistinë duke u shprehur se ky projektligj praktikisht i fal të gjitha strukturat armiqësore të Serbisë në Kosovë dhe krimet e tyre i shpall inekzistente meqënëse amnistia është e plotë për të gjithë.

Sot ka patur një trysni e jashtëzakonshme në Kosovë për projektligjin e amnistisë. Ky projektligj praktikisht i fal të gjitha strukturat armiqësore të Serbisë në Kosovë dhe krimet e tyre i shpall inekzistente meqënëse amnistia është e plotë për të gjithë. Në Kosovë ka shumë cirk dhe pak bukë, por Lëvizja Vetëvendosje nuk është palaço. Arritjet që ne kemi në rradhë të parë i kemi falë dëshmorëve tanë që dhanë jetën për pavarësi. Ne kërkojmë partneritet dhe jo politika servile siç ndjek qeveria e Kosovës. Në veprimtarinë tonë kemi bërë gabime, por reagimi i Reeker është një reagim i ndikuar nga mos kalimi i projektligjit për amnistinë. Dialogun Kosovë – Serbi, Bashkimi Europian do ta përdorë për të ekspozuar veten edhe jashtë kontinentit.

Ndërsa në lidhje me Serbinë dhe me shqiptarët që jetojnë në territorin e serbisë, Albin kurti është shprehur:

“Serbia kërkonë të kontrrollojë të gjitha shtetet përreth saj si shtete satelitë. Shqiptarët në Luginën e Preshevës janë të shumë të diskriminuar, dhe një shembull konkret për këtë është heqja e lapidarit të dëshmorëve shqiptarë.”

Albin Kurti duke folur për Marrëveshjen Kosovë – Serbi, e ka quajtur atë një marrëveshje midis kriminelëve të Serbisë dhe Kosovës duke thënë:

“Paqja midis Kosovës dhe Serbisë ëshët një paqe midis kriminelëve të luftës në Beograd dhe kriminelëve të paqes në Prishtinë. Ne do të vazhdojmë betejat tona në parlamentin e Kosovës por edhe jashtë tij nëse projektligji për amnistinë do të miratohet. Ambasadorja Amerikane ka tentuar të fusë gjashtë deputet në parlament. Dëmtimi i saj në krah është shkaktuar nga truprojat e saj. Kosovën nuk po e trajtojnë si një shtet normal, por po e shikojnë si Palestina dhe Izraeli. Shteti nuk duht të jetë spektator në ekonomi, por të jetë ekonomi e centralizuar”, u shpreh Kurti.

Poema e poemave

Inida Gjata - Zhaku

Inida Gjata ZHAKU është e lindur më 03.04.1982 në Tiranë.

Jeta profesionale:

1988-1996

• Ndjek shkollën fillore dhe merr pjesë në programe të ndryshme artistike apo televizive të organizuara nga pallati i Pionierëve apo Televizioni Shqiptar

1996 - 2000

• Nxënëse në shkollën e mesme të gjuhëve të huaja dhe modele për stilistë të rëndësishëm ose në sfilata të rëndësishme.

1999

• Krijuese dhe drejtuese e programit muzikor HIT PARADE në Alba TV.

2000

• Drejtuese e talent show “ 13x3” në TV Klan .
• Krijuese e një video satirike me aktorë dhe regjisorë të famshëm shqiptarë, gjatë Festivalit Kombëtar të Filmit në TV Klan 
• Drejtuese e koncertit recital të grupit Boney M në TV Klan. 

2001 - 2005

• Studente në degën e regjisë në Akademinë e Arteve të Bukura të Tiranës.

2001 - 2003

• Themeluese dhe drejtuese e shoqatës së të rinjve të pavarur “ IYA”
• Bashkë organizimi dhe promovimi i vëllimit me poezi e titulluar “ Zhaku” në një aktivitet të titulluar “ Më në fund për pedagogët” ku artistë të rinj të arteve pamore dhe performative prezantonin krijimet e tyre në një atelier të Akademisë së Arteve. 
• Drejtuese e Festivalit të të Rinjve në Radio Televizionin Shqiptar . 
• Drejtuese e Festivalit Kombëtar të Këngës në Prishtinë në RTV21. 
• Aktore dhe regjisore shfaqjesh te vogla teatrale në Akademinë e Arteve.
•  Drejtuese ekzekutive e projekteve tw organizuara me shoqatën “ Independent Youth Activities” . Takime tre ditore mes studentëve të universiteve të vendeve të Ballkanit, ku u diskutua rreth Mitologjisë dhe Mitizimit . Lidhjeve dhe ndarjeve mes vendeve me histori të përbashkëta dhe të ndryshme njëkohësisht. / Urat e Komunikimit përmes Mitit. 
• Skenariste dhe drejtuese e edicionit të parë të festivalit “ Mikrofoni i Artë”.

2003

• Autore dhe drejtuese e programit radiofonik “ INDIGO” me poezi dhe muzikë të shekullit 20 dhe 21 në radion BOOM BOOM . 
• Aktore e rolit të Kamilës në shfaqjen “ Kamila e engjëjve” në Teatrin Kombëtar, si pjesë e një projekti kundër trafikimit të vajzave dhe grave.
• Drejtuese festivalesh kënge në Tiranë dhe Prishtinë.
• Aktore dhe regjisore shfaqjesh te vogla teatrale në Akademinë e Arteve. 
• Publikimi i poemës “ Madhësisht”.

2004-2005

• Autore dhe drejtuese e 2 sezoneve të reality showt “ Kafazi i Artë 2 dhe 3 “ i transmetuar në News 24 , TVSH dhe TVA .
• Aktore dhe asistent regjisore në shfaqjen “ Kopraci “ nga Moliere në Teatrin Kombëtar . 
• Autore dhe drejtuese e talk showt radiofonik “ Indigo” në radio RASH. 
• Regjisore e shfaqjes “ Pritja “ , vënë në skenën e Akademisë së Arteve.
• Regjisore e shfaqjes “ Mbi divan”, vënë në skenën e Akademisë së Arteve.

2006 - 2007

• Autore dhe drejtuese e talk showt argëtues dhe edukues për dy sezone “ Metropolitan show 1 & 2 “ 
• Autore dhe regjisore e serialit satirik “ Shatrapatra” për 30 javë në Vizion Plus
• Regjisore e shfaqjes “ Mbreti po vdes” E. Jonesko, vënë në skenën e Teatrit Kombëtar.
•  Asistent pedagoge e regjisë dhe mjeshtërisë së aktorit në Akademinë e Arteve në kursin e dytë regji. 
• Pjesëmarrëse si artiste në Ekspozitën Ndërkombëtare të Artit Pamor , “ Onufri 2007” , në Galerinë Kombëtare të Arteve në Tiranë, me instalacionin “ Dhoma nr. 7 , spitali nr. 5 “ . 
• Drejtuese e Festivalit ndërkombëtar të Filimit TIFF
• Drejtuese e Çmimeve Kult 

2008 - 2010

• Autore dhe drejtuese e talk showt radiofonik “ Kopirajt” në Top Albania radio për sezonin e parë dhe në radio NRG për sezonin e dytë. 
• Opinioniste në gazetat Panorama, Korrieri, Tema dhe në programe tematike televizive.
•  Drejtuese e promocionit në një kompani shpërndarje produktesh për të rritur , “ Pri-mall” . 
• Aktore në rolin e Merkel , në shfaqjen “ Harvey”, vënë në skenën e Akademisë së Arteve. 
• Krijuese e kopirajteve në studion për krijimin e ideve të ndryshme mbi komunikimin në publik, multimedia dhe mass media “ Kopirajt sh.p.k”
• Publikimi i Video këngës “ A je në Metro” në radiot dhe televizionet shqiptare 
• Asistent pedagoge e regjisë dhe mjeshtërisë së aktorit në Akademinë e Arteve në kursin e katërt regji. 
• Mbledhje fondesh për restaurimin e Teatrit të Kukullave dhe krijimi i ekspozitës mbi historikun e godinës, qysh në zanafillën e tij si godinë zyrtare në kohën e mbretërisë . 
• Autore , regjisore dhe aktore e shfaqjes “ Për trupin, nga Koka” , vënë në skenën e Akademisë së Arteve dhe pjesëmarrëse në Festivalin ballkanik të teatrove në Prishtinë.
• Autore dhe regjisore e radiodramës “ Mirëdita jam një grua “, transmetuar në Radio Tirana , për javën e dhunës kundër femrave dhe e shfaqjes “ Një nga ditët e mija” , në skenën e Akademisë së Arteve. 

2011

• Krijuese e markës “ HARAXHUKU “ , një mënyrë kreative e arredimit, dizajnit dhe veshjeve .
• Bashkë organizatore e tubimit të 21 Korrikut në mbrojtje të godinës së Piramidës.
•  Autore dhe regjisore e serialit satirik “ Zhou Shou” , transmetuar në kanalin “ T” në Digitalb. 
• Krijuese dhe performuese e një albumi muzikor elektronik të paraqitur në Qendrën Kulturore Tirana Ekspres. 
• Autore dhe regjisore e filmit dokumentar “ HIÇ”, i cili flet për popullin shqiptar nga viti 1985-2011 dhe propagandat që fajësojnë godinat apo monumentet për regjime të caktuara .
• Drejtor artistik e TV muzikor BBF 
• Pjesëmarrëse dhe finaliste në Dancing with the stars 3
• Krijuese dhe interpretuese e albumit muzikor “ Shakull “ - producent Dakar
• Autore e botimit të përmuajshëm satirik “ Trimnika”

Veprat e këtij autori

Poema e poemave

ISBN: 978-9951-641-17-3

Balsam

Fahredin Shehu

U lind në Rahovec, në jugperëndim të Kosovë, më 1972. Studimet universitare i kryen në Universitetin e Prishtinës, dega e studimeve orientale. Aktivisht merret me kaligrafi, duke zbuluar teknika dhe mediume te reja për këtë lloj specifik të artit vizual. Shkruan vështrime estetike për artin pamor. Është ekspert i letërsisë transcendentale dhe hulumtues i trashëgimisë shpirtërore botërore. Në dhjetë vitet e fundit vepron si Hulumtues i Pavarur Shkencor ne fushën e Trashëgimisë shpirtërore Botërore dhe Estetikës Sakrale.

Veprat e këtij autori

Balsam

ISBN: 978-9951-641-14-2