Shkrimtarja e mirënjohur shqiptare nga Vlora,“Mjeshtre e Madhe e Penës”, Vilhelme Vrana Haxhiraj, Anëtare e re e Akademisë Shqiptare Amerikane të Shkencave dhe Arteve me seli në New York.

   Më 30 tetor 2018 shkrimtarja Vilhelme Vrana Haxhiraj u pranua anëtarja më e re e Akademisë Shqiptare Amerikane të Shkencave dhe Arteve me seli në Nev York, me të drejta të plota si Akademike, me këtë motivacion: “Si autore me shumë kontribute, me krijimtari letrare të bollshme në disa gjini, në studime, publicistikë si brenda e jashtë atdheut dhe një vlerë e pamohueshme që nderon kombin!” 

Me orientim të ASHASHA dhe nën kujdesin e familjes Haxhiraj  në  Vlorë  u  organizua ceremonia e dhënies së titullit “Akademike”, ditën e shtunë,  datë 15 Dhjetor 2018...në  lokal “Gorishti”, ora 10_oo paradite.

Takimin e nderonte Akademik.Prof.Dr. Eshref  Ymeri,shkrimtarë nga Durrësi, Berati, Fieri, natyrisht dhe shkimtarë të Vlorës, si dhe shumë qytetarë e dashamirës të letërsisë. Gjithashtu merrnin pjesë Lidhja e shkrimtarëve “P.Marko”me kryetarin  z. Albert Habazaj, Sh AK. “Ali Asllani”, Sh.A.K.“Dukati” etj...Nuk mungonte ekipi botues i veprave të autores, Shtypshkronjës “Europrint me presidentin Vladimir Gaba dhe dy zonjusha korektore. Europrint i bëri autores si dhuratë fletëpalosjen. 

Moderator i takimit Z. Fitim Haxhiraj.

-Z. Albert Habazaj Kryetar i Shoqatës së Shkrimtarëve “P.Marko” çeli diskutimet.

Poeti durrsak, Agim Bajrami freskoi mjedisin me fjalët e tij të ngrohta dhe citoi poezinë filozofike,“Hija ime” nga vëllimi poetik i autores me titull “Sa do të doja”

-Lejla Gorishti, redaktore dhe  njohëse e krijmtarisë së autores në  urimet e rastit, shprehu anën shpirtërore artistike të krijimtarisë së autores.

-Rainhardi 6 vjeçar përshëndeti Nëna Vilin, Gjyshin,Mamin dhe Babin me një poezi, kurse auditorin me Himnin e Flamurit. Zëri i ëmbël,i sinqertë dhe i pafajshëm bëri përshtyje dhe  ngriti në këmbë auditorin që e shoqëroi me këngë.

-Akademik Prof.Dr. Eshrefi në fjalën e urimit shpalosi vlerat e shkrimtares Vrana Haxhiraj .

 -Kadri Tarelli , studiuesi dhe kritiku durrsak,përshëndeti autoren.

-Mjeshtri i Madh i Sportit, Mexhid Haxhiu përshëndeti e lexoi një mesazh  urimi të Akademik Prof.dr.Flori Bruqi( drejtor i marrëdhënieve me publikun për ASHASHA për Shqipëri, Kosovë, Maqedoni, Mal i Zi dhe New York.)

 Z.SehitBeluli lexoi një dedikim poetik  për shkrimtaren .

Pësrshëndeti kryetari i Sh.A.K. “Labëria” ,z.Ahmet Dema!

-Akademik Prof.Dr. Eshref Ymeri i dorëzoi  Çertifiktën  e 

Akademikes shkrimtares Vilhelme Vrana Haxhiraj.

Gjakovarja Vjollca Tytyni, pas fjalës përshëndetëse, lexoi Mirënjohjen e autores drejtuar Akademisë Shqiptare Amerikane të Shkencave dhe Arteve me seli në New York!

AKADEMISË  SHQIPTARE  AMERIKANE  TË  SHKENCAVE  DHE

                  ARTEVE  ME  SELI  NË  NEW  YORK (ASHASHA) !

                               MIRËNJOHJE:

       Të nderuar Anëtarë të Senatit të ASHASHA!

 I nderuar z. President i ASHASHA, Akademik.Prof.Dr. SKËNDER KODRA!

    Nga ky tubim vlerash, i zhvilluar në Vlorë, sot më 15-12-2018, Ju shpreh falënderimet e mirënjohjen time dhe të familjes Haxhiraj, për vendimin e datës 30 tetor 2018, sipas të cilit Ju aprovuat pranimin tim si anëtare e AKADEMISË SHQIPTARE AMERIKANE TË SHKENCAVE DHE TË ARTEVE me të drejta të plota.

    Ky anëtarsim ishte një lajm i papritur për mua, ndaj dhe erdhi shumë i këndshëm pasi më vlerësuat me titullin e lartë e të nderuar “Akademike”.

Anëtarësimi im në Akademinë Shkencore dhe të Arteve,është nder për Kombin, për Vlorën, për Kaninën (vendlindjen time), se vjen nga vendi më demokratik në botë,  ShBA. Titulli”Akademike”ka nderuar së tepërmi mua e familjen time, duke më bërë më të përgjegjshme për të dhënë më të mirat e qenies sime në dobi të letërsisë, publicistikës dhe studimit, duke vënë në pah të vërtetat e realitetit të çdo kohe, gjë që ndikon në rritjen ee ndërgjegjes sonë kombëtare.

 Kjo arrihet me vullnet, punë dhe në bashkëpunim të frytshëm me Akademikët e Institucionit tuaj të kualifikuar.

                                            Me konsiderata të veçanta!

                                            Vilhelme Vrana Haxhiraj

Vlorë, 15-12-2018

El Pais: Ushtria e Kosovës u bë me ndihmën e SHBA-së

Nga Flori Bruqi

Me mbështetjen e fuqishme të Shteteve të Bashkuara të Amerikës (SHBA), gjithnjë e më aktive në çështjet e sigurisë në Ballkan, lëvizja e Prishtinës për formimin e ushtrisë ka forcuar balancën e pasigurt me Beogradin, pas shtimit të tensioneve në nëntor me rritjen e taksave doganore mbi produktet serbe.




Kështu thuhet në një artikull të gazetës spanjolle El Pais, e cila shkruan se Ushtria e Kosovës u formua me mbështetjen e SHBA-së, derisa BE-a, OKB dhe NATO kanë shprehur keqardhje për vendimin e Prishtinës si të papërshtatshëm.




Gazeta citon presidentin e Kosovës, Hashim Thaçi të ketë deklaruar se “pas dy dekadave të punës së vështirë, përfunduam më në fund procesin e ndërtimit të një shteti”.

El Pais përkujton se transformimi i FSK-së në një ushtri me aftësi luftarake, shkaktoi një reagim të zemëruar në Beograd, i cili nuk njeh pavarësinë e Kosovës dhe që kërkoi një mbledhje urgjente të Këshillit të Sigurimit të OKB-së për ditën e hënë.


Sipas gazetës spanjolle, Uashingtoni në Ballkan po përpiqet të neutralizojë ndikimin rus, por edhe kërcënimin gjeostrategjik që për Perëndimin supozon hyrjen triumfale të Kinës në Kontinentin e Vjetër përmes Rrugës së Re të Mëndafshit.

Me mbështetjen e saj të fuqishme për Kosovën, SHBA-të theksojnë angazhimin e saj të vendosur për një politikë gjithnjë e më pro-aktive të sigurisë në Ballkan.

Me vendimin për transformimin e Forcës së Sigurisë së Kosovës në kapacitete ushtarake, Kosova nuk arriti të sigurojë edhe mbështetjen e plotë të NATO-s.




Qëndrimi i Sekretarit të Përgjithshëm të NATO-s, Jens Stoltenberg se transformimi po ndodhë në një kohë të papërshtatshme dhe se Kosova mund të ketë pasoja për këtë veprim, në Prishtinë po shihet më shumë si pozicion i NATO-s që reflekton qëndrimet e shumta të vendeve anëtare brenda Aleancës, ku ka edhe shtete që nuk e njohin pavarësinë e saj.


Ndërsa ,krerët e institucioneve të Kosovës, kanë përsëritur këto ditë se transformimi nuk do të bie ndesh me NATO-n dhe as me misionin e KFOR-it në Kosovë. Madje, edhe vet transformimi i FSK-së, sipas lidershipit në Prishtinë do të kalojë në koordinim me NATO-n.




Nisur nga qëndrimet e NATO-s dhe Prishtinës zyrtare, ish-ministri i Forcës së Sigurisë së Kosovës, Agim Çeku tha se është i kuptueshëm reagimi i NATO-s. Çeku tha se edhe NATO-ja e ka kuptuar se Kosova ka pritur mjaft shumë derisa është konfirmuar se përfaqësuesit serbë nuk do të japin votën për formimin e ushtrisë.

“Ne kemi treguar mirëkuptim. Kemi treguar përgjegjësi, kemi treguar vullnet që të presim, por mendoj se këto NATO i vlerëson. Unë e kuptoj këtë reagim të NATO-s, sepse brenda NATO-s janë katër vende që nuk na kanë njohur dhe NATO-ja duhet të bëjë çmos që të mos shkaktojë përçarje mes aleatëve dhe ne nuk dëshirojmë përçarje mes aleatëve”, tha Çeku.




“Mendoj se është reagim i momentit, i sekretarit të NATO-s, por ne si Kosovë, si FSK do të tregojmë në të ardhmen se ka qenë i drejt ky vendim”, tha ish-ministri i FSK-së, Agim Çeku.

Në anën tjetër, Jens Stoltenberg ka shprehur keqardhje që vendimi i Kuvendit të Kosovës, sipas tij, është marrë pavarësisht shqetësimeve të shprehura nga NATO.

“Përderisa transformimi i Forcës së Sigurisë së Kosovës në parim është çështje për të cilën duhet të vendosë Kosova, ne e kemi bërë të qartë se kjo lëvizje vjen në kohën të papërshtatshme”, ka thënë Stoltenberg.




“NATO mbështet zhvillimin e FSK-së në mandatin aktual, dhe me ndryshimin e mandatit, Këshilli i Atlantikut të Veriut tani duhet të rishqyrtojë nivelin e përfshirjes së NATO-s me FSK-në”, ka thënë shefi i NATO-s.

Ndërkohë Qeveria e Kosovës përmes një deklarate kishte rikonfirmuar se vendimi për formimin e ushtrisë nuk do të prek në asnjë formë raportin me NATO-n që sipas tyre u ndërtua ndër vite.

Koordinimi i Kosovës me NATO-s, daton që nga përfundimi i konfliktit të armatosur të vitit 1999, kur trupat shumëkombëshe të NATO-s, përkatësisht KFOR-it u dislokuan në Kosovë.



Rrjedhimisht, edhe formimi i ushtrisë së Kosovës, kaloi nëpër një proces jashtëzakonisht të gjatë. Ky proces daton nga lufta e viteve 1998-99, ku pas përfundimit të luftës, disa nga pjesëtarët e UÇK-së, u bënë pjesë e një organizimi të ri, Trupave Mbrojtëse të Kosovës.

Trupat Mbrojtëse të Kosovës mbetën aktive deri pas shpalljes së pavarësisë së Kosovës me 17 shkurt të vitit 2008.

Shpallja e pavarësisë i hapi rrugë formimit të një force tjetër, gjithmonë duke u bazuar në dokumentin e të dërguarit special për statusin final të Kosovës, Marti Ahtisarit.

Pakoja e Ahtisarit parashihte formimin e një force të re, multietnike dhe me mision të kufizuar e cila u ngrit në vitin 2009 nën mbikëqyrjen e NATO-s.




Nga dita e formimit e deri në shndërrimin e saj në ushtri, FSK-së i lejohej që të posedonte vetëm armatim të lehtë.

Në kuadër të misionit, FSK-ja kishte kryerjen e operacioneve të reagimit ndaj krizave në Kosovë dhe jashtë saj e ku përfshihen operacionet e mbrojtjes civile duke ju ndihmuar autoriteteve civile në përgjigje ndaj katastrofave natyrore dhe emergjencave të tjera.

Pjesëtarët e FSK-së përgjatë viteve u përfshinë në operacione të kërkim shpëtimit, mënjanimin e mjeteve shpërthyese, kontrollin dhe pastrimin e materieve të rrezikshme, zjarrfikje si dhe detyra të tjera të ndihmës humanitare.




Në kuadër të programeve dhe bashkëpunimeve të ndryshme shumë pjesëtarë të FSK-së u dërguan për trajnime jashtë vendit. Aktualisht, Forca e Sigurisë së Kosovës ka 2,500 pjesëtarë aktivë dhe 800 pjesëtarë rezervë.

Megjithatë misioni dhe kapacitetet që kishte FSK-ja nuk përkuan me ambicien e institucioneve, që Kosova ta ketë ushtrinë e saj.

Prej shpalljes së pavarësisë, institucione e kishin të pamundur që t’i bënin ndryshimet kushtetuese përmes së cilave, FSK-ja transformohej në Forca të Armatosura të Kosovës.





Ndryshimet kushtetuese dështuan pasi mund të bëheshin vetëm me votën e deputetëve të komuniteteve pakicë në Kuvend, përkatësisht votat e deputetëve serbë, të cilat nuk u siguruan asnjëherë.

Pas vendimit të Kuvendit për votimin e ligjeve për bërjen e ushtrisë, presidenti i Kosovës, Hashim Thaçi tha se Ushtria e Kosovës do të jetë në shërbim të të gjithë qytetarëve që jetojnë në Kosovë.

“Është ditë historike por krejt normale, e zakonshme. Një e arritur historike kjo e jona, e merituar. Kosova ka ushtrinë. Ka shtetin që po konsolidohet dhe forcohet çdo ditë, ushtria e Kosovës ashtu edhe sikur shteti dhe shoqëria do të jenë multietnike, profesionale në shërbim të të gjithë qytetarëve, të paqes në Kosovë dhe rajon”, tha presidenti i Kosovës Hashim Thaçi.

Ndërkohë kryeministri i Kosovës, Ramush Haradinaj tha se FSK-ja do të jetë një ushtri e të gjithëve dhe se do t’i kontribuoj paqes.

“Ushtria e Kosovës nuk është ushtri që e ka në doktrinë të kthehet kundër popullit të vet. Serbët e Kosovës si në jug e në veri janë njerëz të lirë, janë në shtëpinë e vet, janë të Kosovës, e ushtria e Kosovës kurrë nuk do të përdoret kundër tyre”, tha Haradinaj.

Gjatë kohës sa Institucionet e Kosovës paralajmëruan votimin e ushtrisë, Shtetet e Bashkuara të Amerikës, shprehën haptas mbështetje për këtë proces por kërkuan bashkëpunim me partnerët dhe aleatët e NATO-s.




“Të gjitha palët brenda dhe jashtë Kosovës duhet t’i mbështesin dhe t’i nxisin qytetarët e komuniteteve pakica të Kosovës për të marrë pjesë në forcat e saj të sigurisë, për dobinë e komuniteteve të tyre dhe të vendit. Shtetet e Bashkuara të Amerikës janë të zotuara për të punuar me FSK-në për promovimin e zhvillimit profesional dhe evolucionit organizativ, i cili do t’i kontribuojë paqes dhe stabilitetit në Kosovë dhe në rajon”, thuhet në deklaratën e Ambasadës amerikane”, thuhet në reagimin e Ambasadës Amerikane në Prishtinë.




Transformimi i FSK-së u quajt proces normal edhe nga Mbretëria e Bashkuar dhe Gjermania, porse që të dyja vendet kërkuan angazhim të institucioneve të Kosovës në drejtim të ruajtjes së raportit me NATO-n.

Transformimi i FSK-së, u kundërshtua vazhdimisht nga Qeveria e Serbisë.

Në disa raste si pasojë e presionit, pjesëtarë të komunitetit serb u largohen nga FSK-ja.

Kurse , Ambasadori i Shteteve të Bashkuara të Amerikës në Kosovë, Philip Kosnett, e ka quajtur historik votimin e nesërm të tri ligjeve me të cilat Kuvendi i Kosovës do ta nisë procesin e transformimit të Forcës së Sigurisë së Kosovës në ushtri.

Në një deklaratë të postuar në Twitter, Kosnett përsëriti se SHBA-ja do ta mbështesë FSK-në në zhvillimin e saj profesional.



“Votimi  për tranzicionin e FSK-së është historik për Kosovën. SHBA do ta mbështesë zhvillimin profesional dhe evolucionin organizativ të FSK-së, e cila duhet të luajë një rol pozitiv për Kosovën dhe rajonin, duke reflektuar karakterin shumetnik të vendit dhe përkushtimin e popullit të Kosovës për paqe. Seanca e nesërme e Kuvendit dhe ceremonia e FSK-së duhet të jenë raste për reflektim solemn dhe ripërkushtim për paqe, stabilitet e prosperitet për Kosovën dhe fqinjët e saj. Tani është koha për të gjithë liderët dhe faktorët ta fokusojnë energjinë në dialog”, tha ai.

Suspendoni taksën ndaj Serbisë, në këmbim që emërtimi “UNMIK” të zëvendësohet me Kosovo*

Nga Flori Bruqi 

Tarifa ndaj Serbisë vijon të mbajë të ndarë në qëndrimet e tyre institucionet e larta të Bashkimit Evropian dhe Qeverisë së Kosovës.

Përfaqësuesja së lartë e Bashkimit Evropian për Politikë të Jashtme, Federica Mogherini, komisionarja për Tregti, Cecilia Malmstrom dhe komisionari për Zgjerim, Johannes Hahn, i kanë dërguar zyrtarisht një letër të përbashkët kryeministrit të Kosovës, Ramush Haradinaj.





Tre pёrfaqёsuesit e Bashkimit Evropian ofrojnë një lloj kompromisi qё emërtimi UNMIK në Marrёveshjen e CEFTA-së të zëvendësohet me emrin e Kosovёs por me fusnotё.

Të hënën në Bruksel zhvillohet takimi i Këshillit të Marrëveshjes së Stabilizim-Asociimit, ndërsa zyrtarët e lartë të Bashkimi Evropian kërkojnë që para 17 dhjetorit  2018, Kosova të shprehë vullnetin e mirë për pezullimin e zbatimit të vendimit për tarifën ndaj mallrave nga Serbia dhe Bosnja e Hercegovina.




Në letrën që përfaqësuesit e Komisionit Evropian i kanë drejtuar Kryeministrit Haradinaj kanë adresuar edhe disa shqetësime që ai ua ka shprehur në letrën që ai e kishte dërguar më parë kur kishte sqaruar arsyet pse Kosova kishte vendosur këto masa.

“Ne kemi marrë në dijeni po ashtu edhe listën e rasteve të praktikës tregtare nga ana e Serbisë dhe Bosnje e Hercegovinës që, sipas këndvështrimit të Kosovës, paraqesin barriera në zbatimin korrekt të aranzhimeve të CEFTA-së dhe krijojnë problem domethënëse në terren për veprimet ekonomike dhe për qytetarët”, thuhet në letër.


“Si shenjë e vullnetit të mirë, me qëllim tё lehtësimit tё bisedave, i bёjmё thirrje qeverisë suaj qё tё suspendoj zbatimin e tarifave dhe atё para takimit tё Këshillit tё MSA-sё, si masë kalimtare para gjetjes sё zgjidhjes pёr tё gjitha problemet e identifikuara”, thuhet nё lёtrёn e dёrguar javёn e kaluar nё adresёn e Kreyministrit zt.Ramush Haradinaj.



Shefi i Kabinetitit të Kryeministrit Haradinaj, Avni Arifi ka konfirmuar se Qeveria e Kosovës e e ka pranuar letrën në fjalë, por që nuk ka koment lidhur me këtë.

“Letra është pranuar, por nuk kam koment lidhur me këtë”, ka thënë Arifi.

*****

Euforia dhe zhgënjimi nga CEFTA

Para 11 vjetësh, Kosova zyrtarisht është bërë anëtare e Marrëveshjes së Tregtisë së Lirë me vendet e Evropës Qendrore, e njohur më shkurtesën CEFTA.

Ky mekanizëm është një projekt ndërkombëtar i krijuar nga Bashkimi Evropian, me qëllim të thellimit të integrimit ekonomik me vendet e rajonit.

Hyrja në këtë mekanizëm atëbotë ishte mirëpritur nga institucionet e atëhershme të Kosovës, kurse euforia për përfitime ekonomike nuk mungonte as te komuniteti i biznesit, por as te zyrtarët qeveritarë.

Pas gati një dekadë, vetë udhëheqës të institucioneve shtetërore dhe afariste në Kosovë, thonë se rezultatet e marrëveshjes kanë qenë vetëm në aspektin politik dhe jo në atë ekonomik.

Ata vlerësojnë se në kohën e anëtarësimit të Kosovës në këtë mekanizëm, industria e prodhimit është ballafaquar me barriera të ndryshme, gjë që ka mundësuar hyrjen e produkteve të rajonit me çmim më të lirë në tregun e Kosovës.

Madje, sipas një hulumtimi të publikuar nga një asociacion ekonomik që vepron në Kosovë, thuhet se bilanci negativ i Kosovës nga kjo marrëveshje, ka arritur në mbi 6 miliardë euro.

Se bizneset në Kosovë nuk kanë përfituar nga kjo marrëveshje e thotë edhe Sytrime Dervisholli, drejtoreshë në Departamentin për Tregti, në kuadër të Ministrisë së Tregtisë dhe Industrisë.

“Nga viti në vit, është vërejtur se institucionet e Kosovës kanë përfituar nga kjo marrëveshje, në kuptimin e themelimit të strukturave raportuese, që në një mënyrë ka ndihmuar edhe si model në krijimin e strukturave raportuese edhe Marrëveshja për Stabilizim-Asociim.”

“Kurse, sa i përket aspekteve ekonomike dhe tregtare, siç dihet edhe nga ankesat dhe shqetësimet që ka pasur komuniteti i biznesit, nuk ka pasur rezultate në mënyrë të kënaqshme nga kjo marrëveshje”, thotë Dervisholli.

Një hulumtim që ditë më parë ka prezantuar Aleanca Kosovare e Biznesit, tregon bilancin negativ tregtar në periudhën 2005-2015.

Agim Shahini, kryetar i këtij asociacioni ekonomik, tregon se bilanci negativ i Kosovës gjatë kësaj periudhe, ka qenë 6 miliardë e 400 milionë euro. Sipas këtij hulumtimi, importi i produkteve të vendeve anëtare të CEFTA-s në Kosovë, ka qenë mbi 7 miliardë euro, kurse Kosova ka arritur të eksportojë më pak se një miliard euro.

“Vetë deficiti tregtar tregon se kush ka përfituar, do të thotë nga të gjitha këto vende, përfitime më të mëdha kanë pasur vendet që kanë pasur një ekonomi të zhvilluar, që kanë pasur dhe vazhdojnë të jenë me produktet e tyre në Kosovë. Kurse, Kosova nga e gjithë kjo ka përfituar treg në Shqipëri”, thekson Shahini.

Në anën tjetër, pronarë të kompanive në Kosovë, pohojnë se prodhimet e Kosovës kanë qenë të rrezikuara nga kjo marrëveshje, pasi kanë qenë të papërkrahura nga shteti.

Por, kompanitë prodhuese që kanë qenë më të përgatitura kanë arritur përfitime nga kjo marrëveshje.

Shaqir Palushi, pronar i kompanisë “Frutex” që merret me prodhimin e pijeve joalkoolike dhe energjike në Kosovë, për Radion Evropa e Lirë, tregon se ka pasur lehtësira për kompaninë e tij, nga zbatimi i kësaj marrëveshjeje.

“Këtu ka qenë gabim i institucioneve që nuk kanë bërë shumë për prodhuesit.Lënda e parë që vjen nga Bashkimi Evropian, por edhe më gjerë, është dashur të lirohet nga taksa doganore”.

“Natyrisht se kemi qenë të rrezikuar, por meqenëse kompania jonë ka qenë kompani që ka eksportuar dhe 60 për qind të eksportit e ka në vendet e CEFTA-s, natyrisht se për ne ka qenë e arsyeshme dhe ka krijuar mundësi për depërtimin në këto tregje”, thotë Palushi.

Edhe ekspertë për çështje ekonomike, pohojnë se CEFTA, si dokument ka qëllim të mirë, por në praktikë bizneseve në Kosovë nuk u ka sjell dobi, po një konkurrencë të padrejtë, e cila i ka dëmtuar.

Ibrahim Rexhepi, drejtor i Qendrës për Hulumtime Strategjike dhe Sociale “STRAS” për Radion Evropa e Lirë, thotë se qëllimi i kësaj marrëveshjeje ka qenë promovimi i tregtisë së lirë, mirëpo mënyra e negocimit, thotë ai, nuk ka përfillur situatën specifike, në të cilën kanë qenë bizneset prodhuese.

“Në atë periudhë, bizneset kanë qenë në krizë, jo në rritje, jo në zhvillim, dhe realisht ato nuk kanë qenë konkurrente me produktet që kanë ardhur nga vendet e CEFTA-s, të cilat kanë një traditë, një përkrahje institucionale dhe kanë një fuqi shumë më të madhe konkurruese se sa produktet vendore”.

“Kështu që, kjo nuk ka sjellë dobi për bizneset vendore, por vetëm një konkurrencë që i ka dëmtuar”, vlerëson Rexhepi për Radion Evropa e Lirë

Në këtë mekanizëm, Republika e Kosovës është anëtarësuar në vitin 2007. Për shkak se në atë periudhë Kosova nuk e kishte të zgjedhur statusin, marrëveshja ishte nënshkruar nga shefi i atëhershëm i UNMK-ut, Joachim Ruecker.

Kurse, në vitin 2008, pas shpalljes së pavarësisë së Kosovës, autoritetet shtetërore, ndërruan vulat doganore nga ato të UNMIK-ut, në vula doganore të Kosovës.

Ndërrimi i vulave shërbeu si shkak për Serbinë dhe Bosnjë Hercegovinën, shtete këto që nuk e kanë njohur pavarësinë e Republikës së Kosovës, t’i bllokojnë produktet kosovare.

Kurse, Qeveria e Kosovës pati vendosur masa të plota reciproke për produktet e Serbisë, ndërsa taksë doganore prej 100 për qind për të gjitha mallrat që vijnë nga  Serbia dhe Bosnja fqinje.

Serbia edhe viteve tjera u ka shkaktuar disa probleme prodhuesve nga Kosova, e bllokadë prodhimeve “Made in Kosova” u kanë paraqitur jo rrallë herë edhe Maqedonia dhe Shqipëria.

Ndërsa Ministri i Tregtisë së Jashtme, Mirko Sharoviq ka deklaruar se ky hap do të bëhet pas vendimit të taksës prej 100 për qind ndaj mallrave.

“ Në mbledhjen e 17 dhjetorit dotë njoftojmë Johannes Hahnin dhe Federica Mogherinin”, deklaroi Sharoviq për “TVAlfa”.

Ndryshe, kryeministri Ramush Haradinaj ka potencuar se taksa e vendosur ndaj prodhimeve serbe dhe boshnjake do të mbetet në fuqi deri atëherë kur të ndodhë njohja e Kosovës nga Serbia dhe se askush nuk duhet të kalkulojë ndryshe.

Haradinaj ka thënë se kjo taksë është vendosur për faktin se prodhimet e Kosovës nuk kanë pasur mundësi të depërtojnë në Serbi dhe Bosnjë.

Qeveria e Merkelit përkrah Ushtrinë e Kosovës, ka një mesazh për Serbinë

Zëdhënësi i Ministrisë së Punëve të Jashtme të Gjermanisë, Rainer Breul, ka thënë se Republika e Kosovës si një shtet sovran, ka të drejtë të ‘krijojë forcat e rregullta të armatosura”.




Ai ka thënë se votimi për krijimin e Ushtrisë së Kosovës, nuk duhet të shfrytëzohet për të tensionuar situatën në rajon.

Rainer Breul

“Berlini gjithmonë e ka bërë të qartë, se transformimi i forcave ekzistuese të FSK-së , duhet të bëhet në një proces që do të përfshijë komunitetin serb dhe të bëhet në konsultime të ngushta me NATO-n dhe aleatët e NATO-s”, ka thënë ai, shkruan mediumi amerikan ‘WDRB’.

Ai gjithashtu ka thënë se Kosova dhe Serbia duhet të normalizojnë raportet ndërmjet vete.

“Ne apelojmë për vetëpërmbajtje tek të dyja palët. Votimi i sotëm i ligjeve për Ushtrinë nuk duhet të jetë një pretekst për eskalim të mëtejshëm të situatës”, ka përfunduar  Rainer Breul.

Ushtrinë e Kosovës e kanë përkrahur fuqishëm edhe Shtetet e Bashkuara të Amerikës.

Marinsat e ushtrisë amerikane urojnë ushtrinë e Kosovës, bile këtë duke e bërë Shqiponjën më duar.

Marinsat e ushtrisë amerikane urojnë ushtrinë e Kosovës, bile këtë duke e bërë Shqiponjën më duar.

Djaloshi me prejardhje kosovare, Robert Shala është pjesëtar i Ushtrisë Amerikane.

Ai së bashku me kolegët e tij kanë shkrepur një fotografi ku shihen duke bërë Shqiponjën me duar.

Me anë të një postimi në Facebook, Shala uron formimin e ushtrisë së Kosovës.

Kryeministri i Republikës së Kosovës, Ramush Haradinaj, pas mbledhjes së Qeverisë, në një konferencë për media ka thënë se shefja për Politikë të Jashtme të BE-së, Federica Mogherini i ka shkaktuar dëm Kosovës.

Kryeministri Ramush Haradinaj është treguar i ashpër me Brukselin për veprimet e tyre karshi Kosovës. Ai thotë se Bashkimi Evropian duhet të tregojë që nëse nuk ka kapacitet për t’i ardhur në ndihmë Kosovës, atëherë duhet ta kërkojë ndihmën.


 Ose, tha Haradinaj, Kosova do t’iu grahë punëve ashtu siç di vetë.

“Nese s’keni kapacitet lypni, ndihmë ose, nëse prapë s’doni me lyp ndihmë, le të na tregon ne dhe ne shkojmë ne drejtimin tone si në të kalumën i kemi grahë punëve tona.

Këtu shihet përfshirja e Brukselit, pra ata lejojnë që më ndodh plot veprime jo ligjore në veri dhe rreth Kosovës dhe s’e ka një fuqi me i than Beogradit që s’ki të drejtë me bo një veprim të tillë”, është shprehur Haradinaj në konferencën “Skenarët e ‘Finales së Madhe’ ndërmjet Kosovës dhe Serbisë”, të organizuar nga RIDEA dhe mbështetur nga Ambasada e Norvegjisë.

Shefi i Qeverisë tha se mosgatishmëria e dikujt për të marrë rolin nuk do të thotë që e ndal Kosovën.

Kryeministri i Kosovës zt.Ramush Haradinaj tha se Mogherini e ka shkatërruar dialogun mes Kosovës dhe Serbisë duke e kthyer në një dialog për shkëmbim territoresh e jo për normalizim raportesh.

“Mogherini e ka mbyt dialogun, e ka kthyer nga një dialog për normalizim, në një dialog për kufij e territore. Ajo realisht i ka shkaktuar dëm vendit tonë. Është shumë për keqardhje pas një investimi të madh të BE-së. Mendimi i saj për mua nuk vlen. Unë se kam personale me askënd dhe kushdo që ia lejon vetes të flasë për opsione kufij ose territore janë kundër paqes në Ballkan. Këto çrregullimet e dialogut na kanë sjellë ku jemi sot”, ka thënë ndër tjerash Haradinaj.

Ndryshe, përfaqësuesja e lartë e BE-së, Federica Mohgerini, siç kanë raportuar mediat ka thënë: “Dialogu duhet të vazhdojë dhe të ketë përfundim pozitiv, këtë ne e kemi mbështetur. Përfundimi pozitiv do të ishte një marrëveshje gjithëpërfshirëse ligjërisht obliguese që do t’i adresonte dhe do t’i zgjidhte të gjitha çështjet e ndërlidhura me normalizimin e marrëdhënieve – të gjitha, pa përjashtim”.

Ndërsa Bashkimi Evropian i ka adresuar dy kërkesa Kosovës, atë për revokimin e vendimit të taksës për produktet serbe si dhe vazhdimin e dialogut me Serbinë. 

Mirëpo, analistët vlerësojnë se nuk ka mekanizëm që e detyron Kosovën ta bëjnë një gjë të tillë. Madje, ata janë shprehur skeptikë se mund të ketë dialog mes Kosovës dhe Serbisë në gjashtë muajt e ardhshëm.


Pra, nuk   ka mekanizëm që e detyron apo e këshillon Kosovën. Serbia ka kërkuar të hiqet taksa për t’u zhvilluar dialogu, por nuk do të bëhet. Nuk besoj që në periudhën e ardhshme gjashtë mujore do të ketë dialog, pasi nuk ka agjendë. Por dhe taksat nuk do të hiqen deri në gjashtë muajt e ardhshëm.


Vendimi i Kosovës për taksën  ka qenë vendimi i parë si shtet përmes të cilit vendi ynë ka goditur Serbinë brenda duke i shkaktuar vështirësi të brendshme. Kosova ka zgjedhur të përdor, si kundërpërgjigje ndaj agresionit të Serbisë që po e bën ndaj vendit tonë dhe kjo është forma e duhur për presion politik. 

Më këtë Kosova ka  shfrytëzuar këtë momentum të krijuar për të marrë pozicionin meritor në tavolinën e bisedimeve.

 Kërkesa e BE për heqjen e taksës dhe vazhdimin e dialogut do të  shkon në frymën e organizmit të saj e cila përbëhet nga shumë shtete që kanë qëndrime të ndryshme ndaj Kosovës, ashtu siç ishte edhe në raport me ushtrinë por që sërish u formua para dy dite ushtria ma e re në glob.

Ndryshe, Bashkimi Evropian nesër ka  caktuar takimin e radhës më zt. Haradinaj , ku kërkon heqjen e taksës prej 100 për qind ndaj produkteve serbe.


Ndërkohë, kuvendi i Kosovës me dt.15.12.2018  ka miratuar një Rezolutë të propozuar nga Partia Socialdemokrate, lidhur me fazën finale të dialogut me Serbinë. 

Në rezolutën e miratuar është përfshirë edhe delegacioni shtetëror për bisedime, që lë të kuptohet se ky proces më nuk do të jetë vetëm në duart e presidentit  të Kosovës zt. Hashim Thaçi.

Edhe kryeministri i Kosovës, Ramush Haradinaj,  ka paralajmëruar se në mbledhjen e radhës së Qeverisë, do t’ia prezantojë Kabinetit Qeveritar, draft-librin e madh me kapituj, një bazë e fortë institucionale për një marrëveshje gjithëpërfshirëse legalisht obligative me Serbinë.


Pas miratimit të Rezolutës për dialog nga Kuvendi i Kosovës, ka reaguar Presidenti serb, Aleksandar Vuçiql i cili ka thënë se nuk është i mahnitur me rezolutën të cilën e ka miratuar Parlamenti i Kosovës për normalizimin e marrëdhënieve, duke vlerësuar se Prishtina në esencë dëshiron t’ia mbyllë dyert çdo lloj dialogu me Beogradin.

Kosovarët e ‘bombardojnë’ me komente Mogherinin: Ku janë të drejtat për Kosovën?

Qindra komente kanë shkuar në adresën e përfaqësueses së lartë të BE-së për Politikë të Jashtme, Federica Mogherini, në Facebook.

Mogherini, e cila është edhe ndërmjetësuese në dialogun Kosovë-Serbi, ka shprehur kundërshtime të ashpra ndaj taksës 100 për qind të vendosur nga Qeveria e Kosovës për produktet serbe dhe boshnjake, si dhe votimit për themelimin e ushtrisë së Kosovës.



Në një postim të saj në Facebok ku flitet për Deklaratën e Kombeve të Bashkuara për të Drejtat e Njeriut, qindra komente kanë kërkuar të drejta për kosovarët.

Së fundmi ka pasur shumë ankesa ndaj BE-së për mospërmbushjen e premtimeve për liberalizimin e vizave për Kosovën.

Shumica e komenteve në postimin e saj përmbanin fjalinë “Fuqia e të drejtave të njeriut, Po ku janë të drejtat e njeriut për Kosovën?

Njëri nga këto komente ishte edhe i deputetes së PDK-së, Ganimete Musliu.