Edi Rama i majte apo palaco !?

Nje shkrim nga Jonus Reme

Qe nga Emerimi i Partise “Rilindje” shihet qarte se kemi te bejme me nje rilindje , nje reformim te Partise Se Punes , te diktatorit Enver Hoxha zevendesi i tij autokrat quhet Edi Rama , cfare risolli ne jete Edi Rama me Rilindjen e tij , asgje me pak se rilindjen e burokracise , korrupsionit , totalitarizmit dhe diktatures psikologjike dhe fizike ndaj popullit! Edi Rama ndryshe nga shoku i tij Enver Hoxha e ka kthyer Shqiperine ne Kanabistan pra e ka thyer drogen ne monopol ky eshte nje inovacion ne dobi te tij dhe maniakeve te droguar si puna e tij !

 Pervec se nuk ja ka idene se cfare eshte e majta edhe nuk eshte aspak i majte eshte nje hajdut dhe zaptues bashkepunues me Shokun e tij Erjon Veliajn njeriun qe propagandon se po ringjall Tiranen duke dhunuar dhe zaptuar shtepite e shume familjeve ne Astir e ne Bregun e lumit duke i dhunuar ata psikologjikisht dhe fizikisht , verehet qarte tipari i tyre diktatorial dhe dhunues ne momentin qe dhunojne disa banore si gjithe te tjeret qe jane ne procedure legalizimi dhe per me teper edhe femijet e tyre nepermjet gazit lotsjelles por me e rende se kjo eshte infektimi propagandues i ERTV qe ofendon IQ e popullit kinse po i informon ata se Shqiperia po Ndryshon , kjo eshte e vertete po ndryshon dhe po shkon ne gremine ! Edi Rama ndryshe nga te majtet e tjere qe pavaresisht ideologjise se tyre politike ofrojne mundesi sociale , jo vetem qe nuk i ka ofruar keto mundesi por e ka zhytur popullin thelle

Duke u mundesuar keto sherbime vetem “lumpen proletareve” te tij te cilet nuk jane tjeter vetem disa lajkatare qe kane shitur dinjitetin e tyre dhe paguhen per te komentuar ne statusin e tij “Edver Ramen” i cili ndryshe nga i majti Bernie Sanders qe kerkon taksimin e Korporatave ne Shba , ky takson ketu ne Shqiperi biznesin e vogel dhe per me teper torturon ate xhajen qe shet cigare te hapura buze rruges duke i marre kafshaten e bukes , dhe keto para per cudi shkojne tek korporatat dhe bizneset e tij ose ke vila e tij luksoze , ndoshta i perdor edhe per konsumin e tij ditor si narkoman qe eshte , Ne Shqiperi te dashur lexues nuk kemi te bejme vetem me keqqeverisje por me vjedhje , burokraci dhe harbuteri diktatoriale sipas stilit te Edi Rames , ndaj te behemi bashke te majte , te djathe e cfaredo qofshi ta hedhim poshte diktatorin qe ka rilindur dhe kasten e tij mafioze qe ne para syve te botes shitet sociale dhe propagandon se po na con ne Europe por po na con ne Grope , Enver Hoxha ka rilindur dhe ai quhet Edi Rama, Stop Diktatures , Bashkohemi per ta bere Shqiperine si gjithe Europa , Shqiperia do te Behet !

Kryeministri Edi Rama zhvilloi një darkë pune me deputetët dhe ministrat në ambientet e vilës 31 në ish-bllok, e njohur si ish vila e diktatorit Enver Hoxha.

Sali Berisha reagon me tone të ashpra kundër Edi Ramës

Kryeministri Edi Rama zhvilloi një darkë pune me deputetët dhe ministrat në ambientet e vilës 31 në ish-bllok, e njohur si ish vila e diktatorit Enver Hoxha.

Është një darkë pune për të koordinuar fushatën elektorale të 30 qershorit, sipas burimeve të PS-së.

Mësohet se fushata elektorale do të nisë nga Tirana me një tubim elektoral që do të mbahet më 1 Qershor në ambientet e Parkut Olimpik ora 17:00. Po ashtu pjesë e diskutimeve ka qenë dhe kriza politike, por ka pak detaje për ato që janë thënë.

Megjithatë këtë takim, ish-kryeministri Sali Berisha e ka cilësuar si provokim ndaj opozitës dhe shqiptarëve, pasi u zhvillua në ish vilën e diktatorit.



“Miq, takimi i sotshëm antihistorik i narkohorrave të narkoshtetit në Vilen e diktatorit mizor Enver Hoxha, Hitlerit shqiptar të Pasluftës se Dytë Botërore është provokacioni me ulet i Edvin Kristaq Xhelatit ndaj popullit opozitar por dhe mbarëe shqiptarëve. Ky akt është gjithashtu dhe kushtrimi me i fuqishëm për mbare shqiptarët tëngrihen dhe me të gjitha mjetet e mosbindjes civile te përmbysin klikën e narkoshtetit të bastardeve të xhelatëve te diktaturës hoxhiste me ne krye Edvin Kristaq Xhelatin!”, shkruan Berisha.

Ai shkon dhe më tej teksa shkruan se kjo qeveri duhet të largohet me çdo sakrificë dhe Rama e ministrat e tij të kenë fundin e “etërve te tyre xhelat të popullit shqiptar”.

Edi Rama përsëri nga Dibra me tone kërcenuese për presidentin Ilir Meta

Kryeministri Edi Rama nga Dibra foli edhe njëherë për vendimin e presidentit Ilir Metës për shtyrje të zgjedhjeve.
Rama theksoi se vendimi është konflikt-nxitës dhe përçarës, ndërsa shtoi se Ilir Meta ka humbur moralin tashmë për të qenë figura mbrojtëse e Kushtetutës të Shqipërisë.

Meta nuk e meriton më zyrën ku rri. Ai që duhet të ishte gardiani i Kushtetutës. Nuk e meriton më të jetë figura më e unifikimit të kombit. Ajo që ka bërë është përçarëse, konfliktuese, është vetëvrasje politike, nga pikëpamje ligjore është nul, është njësoj sikur të ndalësh ndeshjen Islandë – Shqipëri dhe nga pikëpamja morale është një turp që do t’i mbetet atij. Nuk mundet presidenti të vendosë diçka të tillë, nuk mund ta çojë matanë Kushtetutës”, tha Rama.

Kryeministri Rama u shpreh më tej se opozitarët e sotëm kanë frikë nga reforma në drejtësi.

Dikur u futën të gjithë në çadër si në bunker. Ata sot kanë hall të madh. Ata e dinë se tani reforma në drejtësi po bëhet dhe duan t’i shmangen reformës në drejtësi. Ne nuk kemi zgjedhur politikën e bojkotit, as të molotovit, as të dhunës. Çdo pakicë do të bënte këtë gjë, po qe se ne lëshojmë pe.

Ata po i bëjnë dëm Shqipërisë, duke i hedhur vetëm baltë. Nuk kanë kursyer që të hedhin baltë në çdo gazetë, në çdo portal, në çdo media të huaj. Ata bëjnë propagandë si në kohën e nazizmit. Nuk kanë pushuar një ditë me akuzat më monstruoze, me qëllim që të hyjnë te shpirtrat e njerëzve se gjoja ata që thonë ata janë të vërteta”, tha ai.

Edi Rama u shpreh në fund se e djathta e Berisha kanë fituar në vitet e para të demokracisë në sajë të përçarjes të së majtës e se kjo gjë nuk do të ndodhë më

Nga Mimoza rexhvelaj : Malsorja ka një mesazh te fortë për Edi Ramën

E dashtun nanë,

Që sillesh për shpi e s’din me çka me shue urin e çumrrakve që gjithë çka lypin asht nji kothere buke. A duhet ti me ul krytin në magje bosh e me nejtë t’u mallkue se koha nuk po ta sheron plagen e vorfnisë, e mu ngi me bukë thatë, me pas nji punë që në fund të mujit me ble dy thas miell, nji arkë voj e petulla me ba…

A din ku asht e keqja?

Njatje nalt tek ai gjatesia e tij që i ka hy dreqi në bark e nuk po mund ngihet t’u mbjell mjerim në këtë vend, nalet asht ba ndër shqiptar…
Ngrie krytin loke se ditë ma të mira po vijnë, Rama ik!

Oj grue, oj motër,

Me ty sojnike po flas, me ty që djersa ballit të rrëshqet ndër reda duhanit, durt me plasa e të rreshkuna deri në asht, me ty që era dinjitet mban, me ty po flas, ngrie krytin nalt e mos i fshi sytë me durê se koha po ndryshon. E keqja nuk mundet me u ul në sofrën tonē e mu ba ligj. Hajde bashkohu me ne, hajde e lëshoje zanin e dhims që mban nën brinjë lodhun prej mundit që s’të paguhet. Sot asht protestë, duhet me ba detyrën tonē si robi i zgjedhun prej të madhit zot jo veç me dhurua jetë, por me ba jetë ma të bukur, me frymu jetë në liri, për bijat e bijtë tanë. Mos druj hajde edhe ti…

Rama ik!

O Malësia jeme,

Gjaku i gjaku tem, krenari të mbaj si yll në shteg të ballit, si rrahje ne zemër, a po ma nin fjalën sot. Jam unë, bija jote e vogël që nuk lodhet t’u lyp ma të mirën për ty. Ma niej nji fjalë he burrnesh, sot i madh i vogël e kush asht gjallë duhet me ngrit zanin deri në kupen e qiellit, mu bashkua për me ba ndryshimin. A ishe ti ma e para që bane revoltë ndër male? Apo historin ma kanë mësua keq…
A ishe ti që në emrin e lirisë martirizove bijtë? Paj, sot ma pak po lypet. Po lypet me lëshue zanin e tanë bashkë me thanë :”Rama ik!”

Filloi festivali ndërkombëtar i poezisë “Drini poetik” i LSHK-së në BK “Pjetër Bogdani “ në Prishtinë, në shenjë të Lidhjes Shqiptare të Prizrenit

LSHK: DRINI POETIK, Prishtinë, Prizren, Kukës, 9-10.06.2019

Festivali organizohet për të dhjetën herë në shenjë të Lidhjes Shqiptare të Prizrenit
Në patronazhin e ministrit të Ministrisë së Kulturës, të Rinisë dhe të Sportit të Republikës së Kosovës z. KUJTIM GASHI

Nga Flori Bruqi

Shënohet 10-vjetori i këtij festivali Nën patronatin e ministrit të Kulturës, Rinisë dhe Sportit, Kujtim Gashi, po mbahet festivali ndërkombëtar i poezisë “Drini poetik”. 

Në kuadër të FNP "Drini poetik" të LSHK-së u hap ekspozita "Vrapo pas Diellit" e artistes dhe poeteshës Kaltrina Hoti në bibliotekën kombëtare "Pjetër Bogdani" në Prishtinë. 

Ekspozitën e shpalli të hapur kryetari i LSHK-së, prof. dr. Shyqri Galica, kurse për veprat foli Idriz Berisha, piktor akademik. Ekspozita do të jetë e hapur deri më 10.06.2019.

Në kuadër të këtij festivali në bibliotekën kombëtare “Pjetër Bogdani”, u hap ekspozita e Kaltrina Hotit me titull “Vrapo pas diellit”.

Në qytetin e bukur të Prishtinës ka filluar edicioni i 10 -të i Festivalit Ndërkombëtar të poezisë, festival ky i cili do të zgjat dy ditë me pjesëmarrjen e poetëve nga trojet shqiptare .

 Kryetari i LSHK-së ,njëherit  Kryetar   i këtij  festivalit, njëkohësisht ideator dhe organizator, studiuesi i mirënjohur Prof.Dr.Shyqri Galica  i  në fjalën e vet ka falënderuar të gjithë pjesëmarrësit si dhe ministrin e Kulturëe,Rinisë dhe Sportit zt.Kujtim Gashi. 

 I pari i i LSHK-së , kryetari prof.Dr.Shyqri Galica , thotë se poetët gjithkund janë shpirti i kombit, i kanë prirë ndryshimeve pozitive në shoqëri me dhënien e shpirtit poetik, por edhe Prishtinës , Prizrenit,  dhe Kukësit  me shkrimtar dhe shkrimtare të ftuar nga Shqipëria,Maqedonia,Mali i Zi, Kosova Lindore etj.

Merrnin pjesë shkrimtarë  të njohur  nga Shqipëria :  Nikolla Spathari ,Agim Bajrami ,Trandafile Molla(Baja), Ukë Buçpapaj,
Lola Shehi,Rovena Toska Koçi, Ligor Shyti, Kujtim Mateli,Mimoza Rexhvelaj   e shumë të tjerë.

Zëvendës ministra e Kulturës, Rinisë dhe Sportit znj.Leonora Morina-Bunjaku në vazhdim falënderoi shkrimtarin Shyqri Galica    për organizimin e festivalit, për çka thotë se ishte ideja e tij e qëlluar, sepse kultivimi i poezisë dhe begatia e Prishtinës, Prizrenit dhe Kukësit  me trashëgiminë kulturore, lidhen ngushtë me poezinë. 

Gjatë ditës së sotme lexuan rreth 35 poet ndërsa nesër  në Prizren do të lexojnë rreth 30 anëtar të LSHK-së ndërsa në Kukës në orën  18:00 do të lexojnë rreth 20 shkrimtar nga LSHK-ja si dhe mbi 30 shkrimtar nga LSH e Kukësit me rrethinë.

Sot u pranuan edhe 12 shkrimtar në LSHK të Kosovës:
Fazli H.Hajrizi,Murat Gashi,Zymer Mehani,Sabit Gashi,Milazim Bajraj,Azem Osmani,Halil Gashi,Bajram Bashota,Anton Gashi,Bislim Aliu,Leonora Bruçaj,Mirishahe Elshani si dhe u lexuan disa kumtesa shkencore  si dhe u përuruan disa libra.

Aktivitetet në kuadër të festivalit ndërkombëtar të poezisë "Drini poetik" do të zhvillohen sipas programit - me këtë ndryshim: "Ora e Lidhjes" mbahet në Sheshin e Lidhjes Shqiptare në Prizren në orën 14:00



Autobusi nga Prishtina me anëtarë të LSHK-së niset në orën 11:00, kurse dreka në orën 12;00 në restorantin "Jeta" në Vërmicë. Në orën 18 është ora letare "Valët e Drinit" në Kukës, ku shpallen edhe fituesit e çmimeve letrare të "Drinit poetik".



Mysafirët vendosen më 9.06.2019 në hotelin "Grand" të Prishtinës.
FNP "Drini poetik" më 9.06.2019 nis punimet në Prishtinë, vazhdon më 10.06.2019 në Prizren e Kukës. 

Prishtinë, 9.6.2019                           
    

Ata e kanë emrin njerëz

Nga Jozefina Traboini

Ideal, zjarr, të betuar, si të duan t’ua vënë emrin, por, mbi të gjitha, janë njerëz. Ndjek më shumë vëmendje rrjedhën e ngjarjeve të këtyre ditëve, mbi sakrificën sublime që bëjnë këta burra në rezistencë e grevë në lidhje totale me të drejtat e tyre.

Habitem në mënyrë “të mahnitshme” se si këto politikanët tanë “monstruozë” që nuk iu vlen lëkura e tyre për asgjë, mbi preokupimin që tregojnë në lidhje me këtë shtresë .

Pse nuk i vënë flakën vetes këto “Pul’itikanët” e kësaj Shqipërie, trimat e moralit që u vjen era parfum “Channell” e “Armani” të blerë me lekët e këtyre të gjorëve, e hahaaaa nuk u afrohen, se u vjen era “Sterrc” këtyre rrjepacakëve që dinë se çfarë është “ideali” Përse? Kemi votuar demokracinë, natyrisht, dhe për t’u shpërblyer financiarisht të persekutuarit, gjëja më minimale që mund t’i kërkohet demokracisë. Në demokraci lejohet dhe kapitali i lire, të dyja përkojnë si doktrina. Përse me ”këste” ato të shkreta lekë? Ato burgun e kanë bërë njëherësh jo në kavalishencë, në biruca janë dënuar pa faj kane bërë rininë brenda, dhe qeveria në 20 vjet “demokraci” i shpërblen me një këst. Turp. Turp. Turp. A kanë veshë, sy, gjak, a mendon kjo klasë “pul’itike se çfarë kostoje njerëzore, po “neglizhon” njerëz të akullt”, që nuk pyesin dhe nuk e marrin mundimin ose zametin me shku e me i pyet dhe formalisht për hir të posteve që kanë, si jeni, jo, jo se bëhen “pis” në surrat, se politikanët tanë kanë mësu me u veshë me rroba firmato, që deri dje nuk kishin “jetonin me rroba të arnuara”. Eh, medet për neeeeee. I keni parë se si rrinë në Bruksel në KE si lypës si ”faranë” sepse e dinë veten se si janë. Unë shprehem për të majtë dhe të djathtë. Ma merr mendja se këta njerëz nuk kanë kurajë të shihen sy me sy, pavarësisht se si interpretojnë “pul’itikanët sjelljen e këtyre ”disidentëve” në çadër. Po i përmend anën materiale se çfarë kërkojnë këta grevistë? Po luftojnë për të marrë lekët. Po qeveritarët, për çfarë i duan votat për postet e tyre? Për lekë apo për t’u varfëruar? Ku “i kërkojnë llogari ku t’i kërkojnë vitet e halleve, kush i sjell një fjalë “të mire”? Historia e këtyre viteve ka treguar vetëm “fodullëk” me këtë shtresë. Po shkruaj një shprehje “të trashë për fisnikët” dhe “eksplicite” për politikanët tanë, por jam e bindur se kështu e kanë “fesin e kokës” dhe mendjen këta qeveritarët tanë “fodullë” që të gjithë pa përjashtim. Mendoj se përfshirja shpirtërore duhet mbrojtur e ruajtur nga kushdo. Besimi dhe nevoja janë vlera që duhet t’i respektojmë. Inati dhe urrejtja njëherë e një kohë pendohen. Pastrimi i moralit për politikën tonë ka nevojë për shumë kohë dhe shumë zënie vendi. Jetë pa shije, përpjekje, sfidë dhe ekzistencë të mos u shkojë kujt nëpër mend se e ka pësuar në lëkurë më shumë se të përndjekurit politik Shqiptarë. Përgjigjet jo frytdhënëse për këto njerëz deri tani janë “ironizuese” e kuptoni “Ironizuese”. Dhe, natyrisht, qëndrimi i tyre i bën me dije politikës shqiptare se ato “mbizotërojnë vetëm për ideal, me anën pozitive apo negative që ato vendosin. Dëshira dhe indiferenca e kanë një arsye – çfarë “Synimin” Dhe këto njerëz këto “bindës politikë “që vuajtën në atë kohë dëftojnë rrënjët e njeriut, por që është i lidhur pambarimisht në hapësirat e interesit. Jeta e tyre ka nisur me dashurinë për demokracinë, por nuk kanë arritur të “mëdhenjtë” që të kuptojnë, sepse këtyre të fundit u mungon kjo dashuri dhe u ka zënë sytë pushteti i pareve. Prandaj dhe ne marrim “Statuse kushtëzuese”, sepse qeveria jonë ka humbur “krahun e djathtë “të saj, këtë klasë politike që i dhanë shansin jetësor të ikin atje e ti përfaqësojnë dhe këto njerëz që dhanë jetë për demokracinë. Shkrimi dhe përfaqësimi im në këtë letër në këta rreshta s’është asgjë, veçse një apel për të mbjellë një “virtyt”, i cili, me kalimin e kohës, të kthehet në “Nder”. Ky është favori që duhet t’i bëhet këtij populli. Të kuptojë kush ka luftuar e kush ka fituar. Mjafton të kenë veshë e shpirt të gjithë. Pastaj ndihma është e shenjtë për ne. Por unë po i drejtohem mendjelehtëve që duan vëmendje. Dhe si rrjedhojë njerëzit e mirë duan “respekt”. Dhe prandaj duhet të japim shembuj të bashkohen për të mos u ndarë kurrë si popull. Populli ynë do të “mbarën”. Bashkëvuajtësit e mi meritojnë shumë e më shumë. Ju faleminderit për leximin që i kushtuat këtij shkrimi.

CIKËL POETIK NGA LIGOR SHYTI NGA PËRMETI ...

Ligor Shyti u lind në Përmet me 29/12/1957. Pas përfundimit të shkollës së mesme dhe shërbimit ushtarak, iu përkushtua karierës ushtarake, prej së cilës u shkëput prej një aksidenti të rëndë automobilistik, që e bëri të jetojë mbi një karrige me rrota. Pas korrikut të vitit 1991 i është kushtuar artit dhe letërsisë.

Në pranverën e vitit 2000 doli në qarkullim libri i tij i parë i titulluar: “Çmimi i Faljes”, roman dhe më pas, në vitin 2003, doli libri i dytë “Letër nga Ferri”, roman; “Françi, mbesa e kapitenit”, roman (2007); “Në aerodromin e ëndrrave të mia”, lirika, 2009; “Ishte Eliana”, roman, 2012.

Ka marrë pjesë në konkurse të ndryshme lokale, kombëtare të poezisë dhe fabulës dhe është vlerësuar me çmime të ndryshme si brenda vendit dhe në Itali e Greqi. Romani “Letër nga Ferri” është shpallur nga Lidhja ndërkombëtare e krijuesve “Pegasi”, me qendër ne Gjirokastër, si vepra më e arrirë e vitit 2005. Pjesë nga krijimtaria e tij janë botuar në shtypin e përditshëm lokal dhe atë kombëtar, si dhe në Kosovë, Sh.B.A. dhe Italinë e jugut. Kohët e fundit është paraqitur në shtyp edhe si përkthyes i gjuhës italiane. Tregime: “Detektivi”,tetor, 2006; “Kuqoja”, qershor, 2008; “Ledia”, maj 2009, “Shkruar për Rozën” qershor 2013.



Publicistikë:



“Në qendër të të gjitha gjërave qëndron Mirësia”, maj, 2000

“Kosina dhe kosinaret në vite”, shkurt, 2007.

“Bastioni” i socialistëve në Përmet, u shkërmoq”, janar, 2007.



Botime në gjuhë të huaja:



Romani “Françi, mbesa e kapitenit”, përkthyer dhe botuar në Greqisht, italisht.

Cikël me poezi, botuar ne revistën italiane “Artisti a Confronto”në qytetin e Motolas (TA). “Në qendër të të gjithave qëndron mirësia”, botuar në anglisht, revista “Mirësia”(2000).



Rolin e tij në letrat shqipe dhe vlerësimin kombëtar për të;

Është një zë i njohur në letërsinë shqipe dhe më tej. Prezantimi i krijimtarisë së tij në shtypin mbarëshqiptar me veprat e tij në prozë: 

“Çmimi i Faljes”, 

“Letër nga Ferri”, 

“Françi, mbesa e kapitenit” 

dhe “Ishte Eliana”,

 poezi: “Në aerodromin e ëndrrave të mia”,

 si dhe publikimi i vazhdueshëm në tregun mediativ të cikleve me poezi dhe tregimeve ne shtypin letrar shqiptar si:

 Tregime:

“Detektivi”,tetor, 2006.

“Kuqoja”, qershor, 2008.

“Ledia”, maj 2009,

“Shkruar për Rozën” qershor 2013

NJËQIND VJET PA GJUMË

Tani, mund të fle gjumë pafund

Nën flladin e erës shqiptare

që shpirtin më përkund.

Vitet që ikën…

ma prishën ëndrrën.

Njëqind vjet luftëra, vrasje,

copëtime dhimbjesh të kota.

Dhe krahu i prerë që s’e harrova kurrë.

Tani, krahët i kam njëlloj, si dikur,

Fluturoj si një shqiponjë e re,

edhe pse jam tepër e vjetër,

sa vetë bota.

Njëqind vjet dashuri pa dashuri.

Njëqind vjet liri pa liri.

Njëqind vjet ëndrra pa gjumë.

Tani, do të fle,

do të shoh ëndrra më shumë.

Ëndrra, liri, dashuri, kudo anembanë,

nga Shkupi, në Prishtinë, gjer në Tiranë.

Tani, do të fle gjumë si dikur,

shqiponja ime dykrenare

do të fluturojë kudo… lart, larg,

me të sajin flamur.

DUKE PRITUR AGIMIN

Kisha kohë pa e pritur agimin në prill

Dhe zërin e bilbilit s’e dëgjoja

Një qyqe më zuri papritmas gafil

Më ftoi të dilja… me të të lodroja

Një hënëz e vetmuar mes yjesh që ndrijnë,

yjet…

dashuria ime e parë,

e dinë, që çmendem pas saj,

me njeri-tjetrin pëshpërijnë:

Ky qenka i marrë!

Prej kohësh… as shiu rrobat s’mi lag

që rrezes së diellit t’i nder për t’u tharë

se fati, s’më deshi as mua, as hënën,

prandaj në prill na gjen duke qarë.

Me lotët që rrjedhin si pika e vesës

Agimeve të mia mëngjesesh prilli

Do shkruaj një këngë pa vargje, pa rreshta,

Kënduar në maj duke pritur agimin.

KËRKOJ NJË EMËR…!

Një emër dua t’i vë qenies sime,

por nuk mundem.

Kërkoj rreth meje, jashtë meje,

brenda meje,

por… përsëri s’e gjej dot.

Jam një trup pa emër, pa qenie.

Të paktën kohën dua ta di,

epokën time,

por… s’mundem.

Jam një qenie pa kohë,

që kërkon të dijë kur lind dhe perëndon Dielli im?

Por… nuk mundem.

Nuk ka Diell.

Ka vetëm errësirë

me pak dritë hëne që s’të ngroh.

Jam një trup me pamje të ashpër

dhe shpirt të brishtë,

që thyhem atëherë kur s’duhet,

dhe qëndroj stoik kur betejën e kam humbur.

I tillë jam unë,

që kërkoj një emër të ri,

për një kohë tjetër,

për një Botë tjetër.

ME SYTË E TU

Me sytë e tu,

Mund të pikturoj qiellin pa re

Me sytë e tu,

mund të pikturoj detin pa valë

Me sytë e tu,

mund të rri orë, ditë, muaj,

pa thënë asnjë fjalë.

VETËM PËR TY

Vetëm për ty do këndoja si bilbili,

Do udhëtoja gjatë për tek ti,

Por, nëse për ty do të bëja gjithçka,

Mos më kërko, që vetëm për ty të shkruaj poezi.

Më kërko, për ty të shkoj dhe në Hënë,

Me not do të kaloja edhe detin,

Por, nëse për ty, do të rrotulloja edhe Globin,

Mos më kërko, që për ty të nis kurbetin.

Më kërko të të fal dashuri

Dhe dhimbje të marr prej dhimbjes tënde,

Por, nëse do që vetëm për ty të flas,

Mos më dërgo n’ato kuvende.

Poet i mirë, apo i keq

Ti mund të thuash çfarë të duash

Por, nëse për ty un veç do shkruaj

Për poezinë, jam i huaj.

Të shkojmë një ditë të festojmë,

Në fushë, në det, apo në mal

Një shishe verë, një laps dhe letër

Vetëm për ty, nuk shkruaj tjetër.

Vetëm për ty pranë një burimi

Në një lëndinë me lule shumë

Ditlindjen tënde do festojmë

Vetëm për ty do shkruaj unë.

NË KALTËRSINË E DETIT TËND

Në kaltërsinë e detit tënd

seç shoh një ngjyrë bluergjënt

një hënë e bukur,

ca sy të shkruar,

një formë zemre me gurë të çmuar.

Në kaltërsinë e detit tënd,

një zë,

një emër,

bluergjënd.

Në kaltërsinë e detit tënd

një lulerozë, gonxhe e vaditur,

ku vijnë ca zogj për ta soditur.

Në kaltërsinë e detit tënd,

nuk kam më fjalë,

…ngelem pa mend.

***

Unë jam një puthje ere

që vij sa herë ka ndryshime stinësh.

Jam fllad pranvere pas një nate dimri.

Aromë trendafilash

që shfaqem papritur 

pas stinës së nxehtë.

Jam simfoni bilbilash

që jap koncerte edhe në vjeshtë.

Unë,

jam valë deti

që në tokë s’ka mbritur asnjëherë,

jam këngë gjinkallash

që këndoj vetëm në verë.

Jam puthje ylberi,

plot ngjyra,

që shfaqem dhe iki si ëndërr.

Jam galaktikë dashurish

që puthjen kam në qendër.

NËSE VJEN…

Nëse vjen në qytetin tim këtë maj,

eja, të pres.

Edhe trëndafilat po të çelin me vonesë,

Ti eja, do të të pres me lule të tjera plot ngjyra.

Mund të vish edhe zbathur,

mjafton të ecësh lehtë-lehtë,

ngadalë,

mos e trondit dheun.

Jo se kam ndonjë gjë me ty,

apo ecjen tënde të zhurmshme,

po… po presim Skënderbeun!

ZOGJTË NË KORR

Poshtë fshatit në Kosinë

Këndonte një gardelinë

Pak më tej, te lofata

Ceq ceq ceq bënte bishtgjata

Vjen gushkuqi nga qershia

Dhe u fut te kullumbria

Ja merr këngës siç di miku

Kur dëgjon qofka te fiku

Qof qof qof nga Bregu i Janës

Nis një cëre fluturimin

Ju bashkua melodisë

Që nga baça e Rinisë

Në kanal një patë e egër

Ngiti kokën e dëgjonte

Nënë stenë poshtë një rrëze

Po vinte një zë thëllëze

Për matanë afër një fiku

Ja filloi qukapiku

Shqiponja nga Bregu i Stanit

Ju drejua Lëmit të Fanit

Na u bë një korr me zogj

Simfoni e pa dëgjuar

E dëgjon Bufi te pisha:

-Këtë kor të kishte kisha!

PËRGATITI :FLORI BRUQI

****

Ligor Shyti, me krijimtari, e ka mposhtur dhimbjen …

(Pak radhë për një autor, plot mirësi e zemërbardhësi)

1.Kur po shkoja, si zakonisht, drejt sallës së bibliotekës, në Muzeun Historik Kombëtar të kryeqytetit, sillja në kujtesë sa e sa “festa” të autorëve, pjesëmarrës për librat e tyre të rinj. Ata kanë qenë botues nga Shqipëria, por edhe nga Kosova ose emigrantë tanë, me banim në Greqi, Itali e tjerë. Po kësaj here, përurimi i romanit “Ishte Eliana” kishte diçka tjetër të veçantë, pra dallonte nga disa të mëparshmit.

Poetja e tashmë mikja krijuese, Venka Capa, më dërgoi ftesë për t’u ndodhur aty, në përurimin e atij libri të ri të krijuesit përmetar Ligor Shyti. Të them të drejtën, duke e ditur që ajo është me origjinë nga rrethi i Dibrës, në fillim, nuk e kuptova ngulmimin e saj. Po, kur hyra në mjediset e Muzeut dhe e pashë Ligorin të ulur në një karrocë me rrota, e kuptova mirë, se si ishte e vërteta. Pra, i dhashë plotësisht të drejtë kësaj krijueseje të re, e cila interesohej ashtu për një koleg të Shoqatës së personave me aftësi të kufizuara, në të cilën bën pjesë edhe vetë Venka.

Pasi poetja e publicistja Fatime Kulli e hapi veprimtarinë përuruese, të pranishmit, krijues, kolegë e miq të autorit, në një ekran panë të filmuar pjesë nga jeta dhe botimet e shkrimtarit e poetit të talentuar, Ligor Shyti. Më tej, tërhoqën vëmendjen recitimet e disa poezive, si dhe urimet e përshëndetjet e përzemërta për autorin, nga: Erisa Peçi, Riza Lahi, Diana Çuli, Murat Dervishi, Majlinda Kruti, Shpëtim Baxha, Venka Capa, Murat Gecaj, Merita Dabulla, Niko Tyto e të tjerë. Një përfaqësues i Shoqatës “Përmeti”, i solli autorit të librit përurues përshëndetjet e përzemërta të bashkëkrahinasve të tij.



Si zakonisht, në mbyllje e mori fjalën autori i romanit dhe i disa krijimeve tjera të bukura, në prozë e poezi, Ligor Shyti. Ai i falënderoi nga zemra gjithë pjesëmarrësit e folësit në përurim, si dhe ata që kanë ndihmuar e bashkëpunuar në botimin e librave të tij. Më tej, pas shkëmbimit të librave të ndryshëm, i vazhduan së bashku bisedat e këndshme, si për këtë autor dhe në përgjithësi për krijimtarinë, sidomos të shkrimtarëve e poetëve me aftësi të kufizuara shëndetësore. Pjesë e pandarë e mendimeve, ndjenjave dhe shprehjeve të tyre janë mirësia e zemërbardhësia, dashuria e optimizmi për jetën, aftësia për ta përballuar e mposhtur gjendjen e krijuar, për shkaqe të ndryshme. Po kështu, ata kanë veçori dalluese përpjekjet e pareshtura të tyre për t’u integruar denjësisht dhe për të qenë të barabartë me të tjerët, në familje, shoqëri e kudo. Prandaj dhe të gjithëve ne, na del për detyrë njerëzore që të ndodhemi në ndihmë e sa më pranë tyre.

Për këtë të vërtetë, mësova shumë edhe në bisedën e shkurtër, që bëra me një çift të ri dhe me aftësi të kufizuara shëndetësore. U emocionova shumë, kur në sytë dhe fytyrën e tyre dallova aq gëzim, lumturi e mirësi të sinqertë. Së bashku me ata bëra një fotografi dhe, pasi ua dhashë kartëvizitën time, në bllok ma shënuan e-mailin e tyre domethënës: klodilida@yahoo. com



2.

Mund të shkruaja shumë radhë të tjera për këtë takim mbresëlënës dhe emocionues, kushtuar krijimtarisë së Ligor Shyti. Ndërsa lexuesin po e informoj më poshtë, vetëm më librat e botuara nga ky autor, pa përmendur këtu publikimet e ndryshme, në shtyp e në Internet, as planet e tij për të ardhmen.

Në vitin 2000, ai iu gëzua botimit të parë, romanit me titullin “Çmimi i faljes”. Më tej, librat e tij ndoqën njëri-tjetrin, romanet: “Letër nga Ferri” (2003), “Françi, mbesa e kapitenit”(2007) e “Ishte Eliana” (2012) dhe përmbledhjet me tregime: “Detektivi”(2006), “Kuqoja”(2008) e “Në qendër të të gjitha gjërave, qëndron mirësia” (2000). Ndërsa libra publicistikë të tij janë: “Bastioni i socialistëve në Përmet u shkërmoq” (2007) e “Kosina dhe kosinarët, në vite”(2007). Ndjenjat e mendimet e bukura të shpirtit të tij poetik i ka përmbledhur në poezitë e vëllimit me titullin, “Në aerodromin e ëndrrave të mia”. (2010)

I urojmë nga zemra autorit Ligor Shyti: Shëndet të plotë dhe jetëgjatësi! Mirësinë, optimizmin për jetën dhe dashurinë e tij të pafundme njerëzore, dëshirojmë e shpresojmë ta shohim të pasqyruar bukur, në sa e sa botimet të tjera të reja, në prozë e poezi.

Nga Prof. Murat Gecaj