Beteja e Dytë e Kosovës, e vitit 1448,

Beteja e Dytë e Kosovës, e vitit 1448, fillimisht shihet që trajtohet nga historiografia serbe, por është interesant të theksojmë se, siç do të shohim dhe konstatojmë, kësaj ngjarjeje me përmasa të madhe historike për Ballkanin e më gjerë nuk i jep rëndësi trajtimi a hapësirë studimi, krahasuar me ngjarje të tjera historike të kohës dhe më gjerë.

Historiografia serbe kryesisht e paraqet Betejën e Dytë të Kosovës në pak punime e studime. Edhe kur trajtohen të dhënat kalohen me dy-tre rreshta. Punime të veçanta ka shumë pak të botuara në revista shkencore, derisa botim të veçantë për trajtimin e çështjes nuk ka. Ç’është me rëndësi duhet të theksohet se, në shumë punime-studime historike përgjithësisht kur studiohet mesjeta, as që përmendet fare kjo betejë (“Istorija srpskog naroda II”, Beograd, 1994, f. 263-264; “Kosovo, nekad i danas”, Beograd, 1978 f. 122; “Kosovo i Metohija u Srpskoj Istoriji”, Beograd, 1989 f. 45; D. Bogdanoviq, Knjiga o Kosovu”, Beograd, 1985 etj.).

Këto i theksuam qëllimisht vetëm sa për të ditur se, krahasuar me ngjarjen tjetër po ashtu me rëndësi historike pothuajse të kohës, kur flasim për Betejën e Parë të Kosovës (1389), dihet se janë shkruar qindra punime, studime shkencore dhe botime të veçanta. Sigurisht që interesimi për studime të ngjarjeve historike nga historiografia serbe është e drejtë e tyre, veçimi i ngjarjeve si më pak e më shumë rëndësi medoemos duhet të ketë një qëllim prapa.

Turqit (osmanët, E. R.) në territorin e Kosovës edhe një herë do të tregojnë epërsinë e tyre, gjë që e kishin treguar tash një kohë në këtë trevë, me fitoren e tyre që do ta mundnin ushtrinë hungareze (Koalicionin e popujve të krishterë), së cilës i printe Gjon Huniadi në tetor të vitit 1448, që në histori hyri si, Beteja e Dytë e Kosovës.(Enver Rexha)

Mathias Énard, orientalisti dhe shkrimtari francez, fitues i Çmimit Goncourt më 2015, ka thënë se shqiptarët i gjen gjithkund në orient.

Duke folur për kulturën orientale te shqiptarët, në emisionin CODEX të KTV-së, Énard, i cili është ndër shkrimtarët më të shquar francezë sot, ka thënë “Shqiptarët janë gjithkund në historinë e Perandorisë Osmane. Ndër të tjera, të gjithë pashallarët e Egjiptit, e gjithë dinastia e Pavarësisë së parë të Egjiptit, prej shekullit XIX, prej ekspeditës së Egjiptit të Napoleonit, janë familje shqiptare. Dhe për shkak të varësisë së madhe të Perandorisë Osmane prej Ballkanit, luftëtarët me prejardhje shqiptare janë të fuqishëm dhe të rëndësishëm në Perandorinë turke. Pra kemi shqiptarë gjithkund dhe ajo që është shumë interesante është se janë njerëz shumë të ndryshëm prej Egjiptit deri ne Lindje të Turqisë, në Azerbajxhan, në Ballkan, kemi ambasadorë, është një popull, të cilin në atë kohë e gjejmë gati gjithkund në Lindjen e Mesme, në mes shek XVI dhe XIX”.

Në intervistë, Énard ka folur për tri romane të tij: “Tregoju për betejat, mbretërit dhe elefantët”, “Busull” dhe “Zonë”.

Turqia po tregon se sërish dëshiron të jetë faktor në Ballkan shkruan “Sputnjik” rus.

Nga ana tjetër, sipas këtij portali, transmeton B92, kryetari i Kosovës Hashim Thaçi, dëshiron t’i shfrytëzojë marrëdhëniet e këqija ndërmjet Turqisë e BE-së, të fitojë në shpejtësi për realizimin e shtetësisë së Kosovës me kërcënimin se do të integrohet me Shqipërinë.

Turqia në rajonin e Ballkanit mban më shumë se 1.000 operativistë të përgatitur e të stërvitur në sektorin joqeveritar padron i të cilëve është bashkëshortja e Rexhep Taip Erdoganit – Emina, e cila ka krijuar një rrjet të organizatave të shumëllojshme që operojnë në këtë terren.

Këtë për sputnjik e ka thënë eksperti për terrorizëm Xheva Galijasheviq, sipas të cilit, “nuk ka dilemë se Hashim Thaçi për rrëfimin e Shqipërisë së madhe e shfrytëzon me të madhe Turqinë ashtu siç e shfrytëzon me të madhe Turqia Kosovën që t’i hakmerret Bashkimit Europian.

"Përmes OJQ-ve të ndryshme, bashkëshortja e Erdoganit, Emina, vepron në Kosovë, Bosnjë e Hercegovinë, Sanxhak, Shqipëri …", thotë  Xheva Galijasheviq.

Presidenti i Republika Srpska, Millorad Dodik:Nuk jamë kundër pavarësisë së Kosovës, nëse do të vendoste Serbia

Presidenti i Republika Srpska, Millorad Dodik, i tha DW në gjuhën serbe se nuk do të ishte kundër përparësisë së Kosovës, nëse kështu do të vendoste Serbia.

Dodik e ndërlidh pavarësinë e Kosovës me atë të Republika Srpska. Sipas tij, Kjo republikë është peng i politikës së Serbisë për ruajtjen e integritetit territorial.

“Sikur Serbia të kishte thënë “në rregull” në momentin kur u nda Kosova, ne me siguri deri tash do të ishim ndarë (nga Bosnja e Hercegovina – sqarimi ynë)” tha Dodik.

Në fund të bisedës me DW ai ka vizatuar hartën e Ballkanit, ashtu siç e sheh ai, dhe Republika Srpska e Serbia janë të bashkuara, kurse Kosova e ndarë, veriu i së cilës i bashkuar me Serbinë.

Ai po ashtu tha se Bosnja e Hercegovina nuk do të mbijetojnë në asnjë formë, ndërsa për referendumin e Republika Srpska për ndarje u shpreh se aktualisht nuk është në rend të ditës.

Kryetari i Rusisë Vladimir Putin ka deklaruar se Krimeja është ruse jo pse rusët kanë shkuar atje dhe kanë rrëmbyer ndonjë, por për shkak se popullata e atjeshme me referendum ka kërkuar që të pranohet në Rusi.

Kryetari i Rusisë Vladimir Putin ka deklaruar se Krimeja është ruse jo pse rusët kanë shkuar atje dhe kanë rrëmbyer ndonjë, por për shkak se popullata e atjeshme me referendum ka kërkuar që të pranohet në Rusi.

"Krimeja është jona ... Pse jona? Jo pse ne kemi shkuar atje dhe kemi rrëmbyer ndonjë”, ka thënë Putini gjatë një debati.

"Këtu sundon demokracia. Çfarë është demokracia? Ajo është dëshira e popullit. Si verifikohet ajo? Me ndihmën e referendumit, zgjedhjet e të tjera. Njerëzit kanë dalë në referendum në Krime dhe kanë votuar: Duam të jemi a) — të pavarur, hapi tjetër — duam të jemi pjesë e Federatës së Rusisë”, përcjellin mediet serbe shkrimin e portalit rus sputnik.

Putini e ka krahasuar këtë situatë me shpalljen e pavarësisë së Kosovës, e cila, kur, sipas tij, vendim u mor pa referendum, në bazë të votimit në parlament, me çfarë pastaj u pajtuan të gjithë që përkrahën shpërbërjen e ish – Jugosllavisë.

"Ejani të debatojmë, t’i shikojmë dokumentet e KB-së e të shohim ç’është Karta e Kombeve të Bashkuara ku shkruan për të drejtat për vetëvendosje. Do të debatojmë pa fund. por ne nisemi nga vullneti i njerëzve që jetojnë në këtë territor, ka thënë, transmeton Koha.net.

Krimeja është bërë pjesë e Rusisë në marsin e vitit 2014 me referendumin e mbajtur pas grusht shtetit në Kiev. Për bashkimin me Rusinë kanë votuar 96,77 për qind e zgjedhësve dhe 95,6 për qind e banorëve të Sevastopolit Ukraina e konsideron Krimenë territor të vetin të pushtuar përkohësisht.

Sipas fjalëve të Putinit, çështja e Krimesë është mbyllur përfundimisht.

Koha.net përkujton se referendumi i kosovarëve për pavarësi të vendit është mbajtur nga 26 deri më 30 shtator 1991. Ky referendum, mbajtur në rrethana të jashtëzakonshme, konfirmoi vullnetin e qytetarëve të Kosovës për shtet të pavarur, pas shpërbërjes së ish - federatës jugosllave. Në referendum morën pjesë 99.87 për qind e qytetarëve dhe mbi 90 për qind e tyre votuan “PËR” Kosovën shtet të pavarur.

VOA : Jeta në observatorin Barrow të Alaskës.

Një observator në Barrow të Alaskës, pjesë e Administratës Kombëtare Oqeanike dhe Atmosferike dhe stacioni më i skajshëm verior atmosferik në Shtetet e Bashkuara, është kthyer në një instrument kyç shkencor për studimin e ndryshimeve klimatike.

I ngritur në vitin 1973, observatori ka dy studiues që ndjekin, masin dhe regjistrojnë ndryshimet në cilësinë e ajrit dhe motin, ndërkohë që njihen edhe me traditat vendase.

Natasha Mozgovaya shkoi në Barrow të Alaskës që tani quhet zyrtarisht Utkiavik, emri origjinal eskimez, për të parë se si është jeta në një nga vendet më të ftohta dhe me më shumë dëborë në botë.

Bryan Thomas është shefi i Stacionit në stacionin më verior të Shteteve të Bashkuara, Observatori Barrow. Që nga viti 2015, ai së bashku me një koleg i tij, kanë përshkuar akull dhe dëborë për të bërë matje për gazet që shkaktojnë efektin serrë, për të llogaritur ndryshimet në klimën e tokës.

Izolimi i qytetit, me një erë që nuk kalon nga qytetet e mëdha, u jep atyre mundësinë që të mbledhin kampione me cilësi të ajrit.

“Këtu ne po mbajmë në vëzhgim gaze që dëmtojnë ozonin. Ato janë të ndaluara nga Protokolli i Montrealit që është nënshkruar në fillim të viteve 90. Dhe të gjitha palët e protokollit kanë rënë dakord të mos t’i përdorin më këto substanca”, thotë Thomas.

Së fundmi, ai filloi të monitoronte sasinë e metanit në tokë, që çlirohet nga terreni, ndërsa temperaturat në rritje shkrijnë shtresën e përhershme të ngricës në Alaskë.

“Metani është gaz që shkakton efektin serrë, kështu që ekziston shqetësimi se mund të kontribuojë në ngrohjen e tokës”, thotë shkencëtari.

Puna e Thomasit nuk ndikohet nga politikat për klimën në Shtëpinë e Bardhë, megjithëse rezultatet mund të interpretohen më ndryshe.


“Puna ime është që të bëj matje, ashtu siç kemi bërë për 40 vjet. Matjet tregojnë se dioksidi i karbonit për shembull po rritet në atmosferë. Ne e dimë se çdo të thotë kjo për atmosferën…Dhe masat që merren, nga kush dhe kur, është një vendim politik dhe unë nuk kam ndikim të drejtpërdrejtë anë atë lloj vendimi”, thotë ai.

Thomasi shkoi në Barrow në vitin 2007 nga qyteti i tij, Sacramento i Kalifornisë. Por djali i tij katërvjeçar, Ellis konsideron qytetin e tij pikërisht Barrown, pasi ai ka lindur atje dhe shkon në një program shkollor, ku meson gjuhën e grupit eskimez vendas, Inupiaq.

“Jam i lumtur që ka interes ta mësojë. Edhe vajzat e mia që janë më të mëdha janë të interesuara në kulturën vendase”.

Klima e ftohtë, mund të mos ta bëjë të lehtë që të takosh njerëz, por zoti Thomas thotë se kjo nuk është bërë pengesë për krijimin e miqësive për familjen e tij.

Ai shqetësohet më shumë për arinjtë polarë miqësorë.

“Një ditë, kur po dilnim dhe ne gjithmonë kontrollojmë përreth para se të dalim …pamë një si lëmsh të bardhë nën platformën e antenës satelitore. Erdhi agjenti për kafshët e egra...Ai ndaloi me makinën e tij SUV dhe tha ‘Pashë një ari që erdhi këtu!’ Dhe ariu po vinte nga laguna, nga oqeani dhe ndoshta kishte qenë në tokë për disa orë dhe donte të pushonte pak”.

Thjesht një episod në jetën e atyre që jetojnë dhe punojnë në komunitetin më verior të Shteteve të Bashkuara, në skajin më të largët të Oqeanit Arktik.

Qenie misterioze në plazhin e Zelandës së Re

Një ngjarje e pazakontë ka ndodhur në një plazh të Zelandës së Re, dhe kushdo që e pa është vënë në lajthitje. Çfarë është kjo?

Nuk duket sikur i takon planetit tonë, por Instituti Kombëtar i Ujit dhe Atmosferës në Zelandën e Re e identifikuan krijesën.

Në fakt, bëhet fjalë për njërën nga meduzat më të mëdha në botë. Nën ujë, këto lloje të meduzës mund të arrijnë deri në 37 metra.

metra.