Çfarë po kërkon Administrata Trump në Kosovë? Pas një liste të gjatë dështimesh diplomatike në Europë, Lindjen e Mesme dhe Azi, Shtëpa e Bardhë synon të shënojë një sukses në politikën e jashtme nëpërmjet një marrëveshje paqeje midis Kosovës dhe Serbisë.

Çfarë po kërkon Administrata Trump në Kosovë?
Pas një liste të gjatë dështimesh diplomatike në Europë, Lindjen e Mesme dhe Azi, Shtëpa e Bardhë synon të shënojë një sukses në politikën e jashtme nëpërmjet një marrëveshje paqeje midis Kosovës dhe Serbisë.

Richard Grenell deshtak dhe rrenc i madh 

Richard Grenell, së bashku me presidentin e Kosovës Hashim Thaçi dhe atë të Serbisë Aleksandër Vuçiç.

Në vitin 1999, NATO nën drejtimin e SHBA-së për herë të parë ndërhyri në një konflikt që nuk rrezikonte sigurinë e asnjë prej vendeve anëtare, duke i hapur kështu rrugë doktrinës “Responsibility to Protect” ose R2P. Por, për SHBA-në Kosova do ishte së shpejti shembulli tipik i neo-konservatizmit Amerikan. Nëse R2P pranon ndërhyrje ushtarake në rast të pastrimeve etnike apo genocideve, neo-konservatizmi i jep një formë tjetër, pasi ka si fokus rrëzimin e regjimeve jo-demokratike dhe kthimin e këtyre vendeve në regjime demokratike dhe mbështetëse të SHBA-së. Administrata ‘Clinton’ vendosi ta bënte këtë ndërhyrje mbas dy dështimeve; pasi lejoi që konflikti në Bosnje të vazhdonte prej më shume se 4 vitesh dhe të kishte një bilanc prej më shumë se 100.000 viktimash. Kritikët, veçanërisht në mediat amerikane liberale, e kryqëzuan administratën ‘Clinton’ për mosndërhyrjen gjatë genocidit në Ruanda. Milosheviçi u ekstradua drejt Hagës, Kosova ngriti një sistem demokratik dhe lufta nuk pati asnjë ushtar amerikan të vrarë. Ndërhyrja e SHBA-së nuk kishte kosto politike. Kosova ishte pjesë e asaj që kishte ngelur nga Jugosllavia, e cila ishte një shtet i dështuar. Së treti, ndërhyja ishte në mbështetje të një popullsie në shumicë muslimane, duke minimizuar kundërshtitë apo ankesat nga vendet e botës arabo-isalmike. Më e rëndësishmja në vitin 1999, SHBA-të nuk kishin përjetuar akoma dështimin në Irak dhe Afganistan. Synimi për të rrezuar regjime jo-demokratike dhe për të sjellë në fuqi demokraci e miqësi ndaj SHBA-ve, e gjeti zbatimin e parë në periudhën e post-Luftës së Ftohtë. Kosova i plotësonte të dy elementët e doktrinave, atë ‘Responsibility to Protect’ dhe të neo-konservatorizmit amerikan.

Administrata Trump, me gjithë skepticizmin e saj për sa i përket angazhimit në çështje Europiane, e ka vendosur arritjen e një marrëveshje Kosovë-Serbi në top prioritetet e politikës së jashtme. Duket se Shtëpia e Bardhë ka hyrë prej disa muajsh në ethet e garës presidenciale. Megjithëse kriza e COVID-19 dhe protestat ndaj vrasjes së afro-amerikanit George Floyd duket se e zhvendosi vëmendjen nga çështjet e jashtme. Bilanci i Presidentit Trump në politikën e jashtme është një katastrofë. Tentativa për de-nukleaurizuar Koren e Veriut, dështoi. Kjo u provua qartë me ngjarjet e fundit në Koren e Veriut. Politika e miqësisë dhe “letrave romantike” mes Kim Yong-ut dhe Presidentit Trump, nuk dhanë rezultat. Administrata Trump provoi edhe mënyra të tjera, forcën e sanksioneve ndaj Venezualës dhe Iranit. Maduro është akoma në fuqi, kjo falë ndihmës së Kinës dhe Rusisë. Ndërkohë Irani e ka rinisur programin për pasurimin e uraniumit për armë bërthamore. Tentativa tjetër ishte e ashtuquajtura ”marrëveshja e shekullit” ajo mes Izraelit dhe Palestinës. Por edhe këtu SHBA-të e hodhën në erë rolin e të qenurit arbitër në këtë konflikt 70-vjeçar, pasi i dhanë prioritet vetëm kërkesave të njërës palë, asaj izraelite. Veç rasteve të mësipërme, Trump ka dështuar në premtimin e tij se do të arrinte një marrëveshje me talebanët në Afganistan dhe se do të tërhiqej plotësisht nga Iraku. Marrëveshja me Talebanët akoma nuk duket në horizont se do të implementohet, e ndërsa trupat amerikane janë akoma prezent në Irak. Lista e dështimeve të administratës Trump vazhdon me Ukrainën, Libinë dhe Sirinë. Duket se e vetmja kartë që ka ngelur është Kosova. Një vend pro-Amerikan, pa shumë mundësi për aleatët jashtë Perëndimit dhe që e ka të vështirë t’i thotë JO çdo lloj marrëveshje që mund t’i kërkohet nga Washingtoni.

Së pari, kjo marrëveshje mund të rezultojë në një ‘photo op’, dhe një marrëveshje si ajo e Konferencës së Mynihut midis Serbisë dhe Kosovës, e cila nuk i hynte në punë askujt, përveç twitter-it të Presidentit Trump. Së dyti Rusia nuk duket aq shumë jashtë loje. Presidenti Vuçiç, do të fluturojë në Moskë, 3 ditë para se të ulet për të diskutuar të ardhmen e Ballkanit në Shtëpinë e Bardhë. E kjo nuk duket e rastësishme. Së treti, mund të ketë një marrëveshje reale, por e cila ka shumë pikëpyetje për sa kohë asnjë nga aleatët europianë nuk do të jetë prezent.

I dërguari special, Grenell është shprehur se SHBA-të do të mbulojnë pjesën ekonomike, kurse BE-ja atë politike. Në rast të një marrëveshje, gjasat janë që Trump do ta përdori atë për tu treguar aleatëve Europian aftësinë e tij diplomatike në zgjidhjen e një krize e cila prej mëse 10 vitesh i qe besuar Brukselit.

E vështirë që SHBA-të në këtë periudhë krize ekonomike t’u ofrojnë qoftë Kosovës apo Serbisë ndihma financiare të konsiderueshme. Më shumë se sa dëshira e Trump për të zgjidhur një konflikt që vazhdon prej dekadash, ai ndodhet nën presion nga ish-këshilltari i tij John Bolton. Ky i fundit, në vazhdimësi të një liste të gjatë ish-zyrtarësh të lartë e ish-bashkëpunëtorë të ngushtë të Trump, e kanë quajtur një amator në politikën e jashtme presidentin amerikan. Më shumë se kurrë Pesidentit Trump i duhet çfarëdo lloj suksesi në diplomaci, e aq më shumë kur kjo mund të arrihet në një konflikt që së paku 3 prej paraardhësve të tij nuk kanë mundur ta paqësojnë.

Një betejë e re fillon për ish-luftëtarët e UÇK-së

Serbeze Haziraj

Një gjykatë ad hoc në Hagë fillon të marrë në pyetje një sërë ish-luftëtarësh të lartë guerilas në përpjekje për të sjellë para drejtësisë ata që fshihen pas krimeve që dyshohet se janë kryer nga Ushtria Çlirimtare e Kosovës. Procesi mund të tronditë demokracinë e re të Kosovës.

Sokol Dobruna ka përgatitur çantat e tij, gati, thotë ai, për një betejë të fundit.

72-vjeçari është ndër tetë ish-guerilasit shqiptarë të Kosovës që janë thirrur në Hagë të merren në pyetje nga një gjykatë e mbështetur nga Bashkimi Europian ndërsa ajo përgatitet të ngrejë aktakuzat e para për krime që dyshohet se shoqëruan luftën e Ushtrisë Çlirimtare të Kosovës për të rrëzuar sundimin serb në fund të shekullit të 20-të.

I pari, Rrustem Mustafa, do të merret në pyetje të hënën.

Ndonëse asnjë nuk është përmendur zyrtarisht si i dyshuar, kërkesat për marrje në pyetje në Kosovë po shihen si një hap i madh nga gjykata ad hoc dhe një sfidë e konsiderueshme për demokracinë e re të vendit, të udhëhequr, siç është, nga një president dhe kryeministër që komanduan të dy kryengritjen guerilase.

“Shpresoj që kjo të jetë beteja jonë përfundimtare”, tha Dobruna për BIRN.

Si kreu i një gjykate ushtarake të UÇK-së, Dobruna gjykoi se kush theu rregullat e ushtrisë guerile dhe çfarë ndëshkimi do të caktohej. Ai nuk ka veçse përbuzje për të ashtuquajturat Dhomat e Specializuara me bazë në Hagë, por do të marrë pjesë gjithsesi.

“Unë nuk e njoh këtë gjykatë,” tha ai. “Ajo është një krijesë politike dhe nuk mund të shërbejë kurrë për drejtësi.”

Nëse pas kësaj ngrihej aktakuza, ato do të shënojnë kulmin e më shumë se tre viteve hetim nga Dhomat e Specializuara, të mbuluara me fshehtësi ndërsa prokurorët përpiqen të kapërcejnë një kulturë nderimi dhe frike që rrethon UÇK-në dhe një sërë dëshmitarësh që kanë hequr dorë nga dëshmitë para gjykatave të tjera ose, siç ka ndodhur në disa raste, kanë përfunduar të vdekur.

Ish-guerilasit të zemëruar

Liman Musliu. Foto kortezi e Liman Musliut.

Gjykata u krijua në vitin 2015 nën presion të madh nga BE-ja dhe Shtetet e Bashkuara pas një raporti të vitit 2010 nga raportuesi i Këshillit të Europës, Dick Marty, në të cilin ai e akuzoi UÇK-në për rrëmbimin, vrasjen dhe mbajtjen në mënyrë të paligjshme të serbëve dhe romëve etnikë si edhe të shqiptarë që konsideroheshin si kundërshtarë politik ose bashkëpunëtorë me shtetin serb.

Marty gjithashtu pretendoi se UÇK-ja u kishte marrë organe robërve serbë dhe shqiptarë.

Historia e aktakuzave dhe gjykimeve të mëparshme Në vitin 2013, ish-komandanti i UÇK-së Sylejman Selimi, 48 vjeç, dhe komandanti rajonal i Drenicës, Sami Lushtaku, 57 vjeç, ishin midis një grupi prej 15 ish-luftëtarësh – i njohur si Grupi i Drenicës – të paditur nga një prokuror i BE-së në Kosovë me akuza për torturim dhe vrasje të civilëve gjatë viteve 1990. Në vitin 2015, Selimi dhe Lushtaku ishin midis 11 të pandehurve që u dënuan. Selimi u dënua me tetë vjet burg, më vonë u reduktua në apel në shtatë vjet burg. Lushtaku u gjet fajtor për vrasje dhe u dënua me 12 vjet burg, por dënimi u rrëzua në vitin 2017 nga Gjykata e Lartë e Kosovës. Në vitin 2018, Gjykata Kushtetuese vendosi që çështja e Grupit Drenica duhej të shqyrtohej nga Gjykata e Lartë, duke cituar shkelje procedurale. Në vitin 2002, Rrustem Mustafa, 47 vjeç, i njohur me pseudonimin e tij të luftës “Remi”, u akuzua nga prokurorët e OKB-së në Kosovë për krime lufte kundër civilëve në një burg të UÇK-së në fshatin Llapashticë. Së bashku me dy të pandehur të tjerë, Mustafa u dënua pas një gjyqi dyvjeçar, por Gjykata e Lartë urdhëroi rigjykim të çështjes. Në vitin 2009, të tre u gjetën përsëri fajtorë, por e apeluan vendimin. Në vitin 2011 Gjykata e Lartë urdhëroi rigjykim të pjesshëm të çështjes. Në vitin 2013 Mustafa u dënua me katër vjet burg.

Ish-komandantët e UÇK-së, duke përfshirë edhe presidentin aktual të Kosovës, Hashim Thaçi, i cili u akuzua drejtpërsëdrejti nga Marty, i kanë hedhur poshtë akuzat si një përpjekje e dëmshme për të dëmtuar luftën e Kosovës për liri nga represioni serb, një luftë që përfundimisht fitoi mbështetjen e sulmeve ajrore të NATO-s në vitin 1999.

Lufta kundër kryengritjes së Serbisë nën drejtimin e Sllobodan Millosheviçit ishte brutale, ku u përfshinë vrasje masive dhe dëbimi i qindra mijëra shqiptarëve të Kosovës. Ai dhe ndihmësit e tij ushtarakë dhe politikë u gjykuan nga gjykata e Kombeve të Bashkuara për krime lufte për ish-Jugosllavinë, ICTY, gjithashtu me seli në Hagë. Millosheviçi vdiq në vitin 2006 përpara se të merrej vendimi për të.

Gjyqet në ICTY për ish-luftëtarët e UÇK-së janë shoqëruar me kanosje të dëshmitarëve dhe vetëm një është dënuar ndonjëherë atje.

Shqiptarët e Kosovës, në përgjithësi, janë të zemëruar nga gjykata e re, për krijimin e të cilës gjithsesi u votua në parlamentin e Kosovës.

“Ne po luftojmë ende një betejë të hidhur për të drejtat tona, lirinë tonë,” tha Liman Musliu, një ish-luftëtar i UÇK-së në fshatin malor të Likovcit, ku gjatë luftës UÇK-ja kishte një seli rajonale me pamje nga kodrat e Drenicës.

“Kjo gjykatë është një tjetër rrugë drejt padrejtësisë,” tha ai.

Ish-selia e UÇK-së tani funksionon si një muze i improvizuar, muret e bardha të të cilit janë të mbushura me fotografi të luftëtarëve të rënë të UÇK-së.

Haradinaj: Luftëtarët e lirisë s’kanë pse shqetësohen

Foto arkiv muzeu i UÇK-së.

Përveç Dobrunës dhe Mustafës, ata që janë thirrur të merren në pyetje janë: Sylejman Selimi, Sami Lushtaku, Safet Syla, Remzi Shala, Nazif Mehmeti dhe Sabahajdin Cena.

Selimi më parë ka shërbyer si ambasador i Kosovës në Shqipërinë fqinje, ndërsa Lushtaku dhe Mustafa janë të dy anëtarë të Partisë Demokratike të Kosovës, PDK-ja e Thaçit.

Gjykata nuk ka komentuar mbi intervistat, as nëse burrat janë të dyshuar. Disa e kanë identifikuar veten si të tillë, personalisht ose nëpërmjet avokatëve të tyre.

Një zëdhënës i Zyrës së Prokurorisë së Specializuar, SPO, tha se “ai nuk ka komentuar dhe nuk do të komentojë çështjet operacionale apo statusin e hetimit të saj”.

Pas shqyrtimit të informacioneve dhe provave, “SPO do të marrë vendime në lidhje me vazhdimin ose ndërprerjen e procedimeve penale”, tha ai për BIRN.

Arianit Koci, një avokat për Mustafën dhe Lushtakun, tha për BIRN: “Z. Lushtaku dhe z. Mustafa tashmë kanë shkuar në Hagë. Nuk e dimë se si do të zhvillohen procedurat. Mund të them se ata do të fillojnë me z.Mustafa të hënën dhe më pas me z. Lushtaku.”

Nuk është e qartë nëse Selimi do të marrë pjesë, pasi ai aktualisht është në spital në Prishtinë. Avokati i tij, Tome Gashi, tha se po zhvilloheshin diskutime me prokurorët në lidhje me marrjen e tij në pyetje në Kosovë.

Në 2014, Clint Williamson, një investigues amerikan i ngarkuar nga BE-ja për të hetuar pretendimet e Dick Marty, përshkroi një “fushatë persekutimi” kundër serbëve dhe romëve pas luftës së viteve 1998-1999 dhe “vrasje pa gjykime, ndalime të paligjshme dhe trajtim çnjerëzor” të shqiptarëve të Kosovës që konsideroheshin si rivalë politikë. Ai gjithashtu paralajmëroi për taktika sabotimi nga “disa njerëz të fuqishëm”.

Kryeministri i Kosovës Ramush Haradinaj, i cili edhe vetë është gjykuar dy herë dhe po dy herë është liruar nga akuzat nga ICTY, tha se “luftëtarët e lirisë s’kanë arsye për t’u shqetësuar”.

Dobruna e përshkroi gjendjen e tij si “i qetë dhe i vendosur”.

Raporti i Dick Marty është “thjesht gënjeshtra”, tha ai për BIRN.

Në Likovc, Musliu ishte plot respekt për ish-komandantët e tij.

“Njësoj si ata, do të isha gati të kisha këtë lloj drejtësie,” tha ai, “dhe sigurisht gjithmonë gati për një tjetër luftë për vendin tim.”

Tetë të thirrurit në Hagë Sylejman Selimi Selimi, 48 vjeç, ishte komandant i lartë i UÇK-së i njohur si Sulltani. Menjëherë pas luftës ai u bë zv/komandant i Korpusit Mbrojtës të Kosovës dhe më pas komandant kur Agim Çeku u largua nga posti për t’u bërë kryeministër në vitin 2006. Në vitin 2011 ai u emërua ambasador i Kosovës në Shqipëri, por kjo u ndërpre kur ai u akuzua për krime lufte në vitin 2013. Ai u dënua për torturimin e një të burgosuri civil në një qendër paraburgimi të improvizuar të UÇK-së në fshatin Likovc në komunën e Skenderajt në vitin 1998 dhe fillim të vitit 1999. Aktualisht, ai po vuan dënimin e tij me 7 vjet në një burg në Kosovë. Sami Lushtaku Një nga ish-luftëtarët më të shquar që hyri në politikë pas luftës në Kosovë, Lushtaku ishte komandant i zonës së Drenicës së UÇK-së, në zemër të ushtrisë guerrile. Pas luftës, ai ishte pjesë e Korpusit Mbrojtës të Kosovës (TMK), një forcë civile emergjente e krijuar për të absorbuar ish-luftëtarët e UÇK-së si një pararendës i një ushtrie të ardhshme të Kosovës. Ai u largua nga TMK-ja pasi u përfshi në një të ashtuquajtur “Listë e Zezë” e hartuar nga Shtetet e Bashkuara për “kërcënimin e përpjekjeve ndërkombëtare të stabilizimit në Ballkanin Perëndimor”. Lushtaku shërbeu si kryetar i komunës së Skenderajt nga viti 2007 deri në vitin 2017 si anëtar i PDK-së së Thaçit. Në vitin 2015, ai u dënua për një vrasje të kryer në vitin 1998 dhe u dënua me 12 vjet burg. Ai u lirua nga akuzat në apel në vitin 2016, por një dënim për përgjegjësi komanduese për keqtrajtimin e civilëve shqiptarë të Kosovës në një qendër burgimi të UÇK-së u la në fuqi. Dënimi i tij u reduktua në shtatë vjet burg nga Gjykata e Apelit. I burgosur, Lushtaku po gjykohet gjithashtu në Prishtinë për akuzat lidhur me shpërdorimin e dyshuar të detyrës në lidhje me një tender prej 6 milionë eurosh në Korporatën Energjetike të Kosovës, KEK. Rrustem Mustafa Rrustem Mustafa, 47 vjeç, ishte komandant i zonës Llapi të UÇK-së në kufirin verior të Kosovës me Serbinë. Pas luftës, ai iu bashkua Korpusit Mbrojtës të Kosovës, por u largua në vitin 2001 kur, njësoj si Lushtaku, e gjeti veten në Listën e Zezë të presidentit George Ë. Bush. Mustafa ka qenë deputet i PDK-së së Thaçit dhe është anëtar i kryesisë së partisë. Në vitin 2013 ai u dënua me katër vjet burg për torturimin e të burgosurve të kohës së luftës në një kamp burgimi të UÇK-së, por u lirua për shkak të kohës së kaluar në paraburgim. Sokol Dobruna Ish-kreu i Gjykatës Ushtarake të UÇK-së, Sokol Dobruna, mbajti një profil të ulët pas luftës, duke shërbyer si avokat në vendlindjen e tij Gjakovë. Emri i tij u rishfaq në publik në vitin 2015 kur ai pranoi se në vitin 1998 nënshkroi një vendim për vrasjen e Blerim Kuçit, një anëtar i një fraksioni rival të UÇK-së, i cili tani është deputet me Aleancën për Ardhmërinë e Kosovës, AAK, e kryeministrit Haradinaj. Nazif Mehmeti Nazif Mehmeti ishte kreu i Policisë Ushtarake të UÇK-së në zonën e Llapit. Në vitin 2013, i dënuar së bashku me Mustafën, Mehmeti u dënua me tre vjet burg për krime lufte kundër civilëve. Një gjyqtar në rastin e tij e përshkroi atë si “entuziast dhe brutal” në rrahjen e viktimave të tij. Sabahajdin Cena Sabahajdin Cena, 66 vjeç, ishte Drejtor i Drejtorisë Civile-Publike të zonës së Pashtrikut të UÇK-së, ku përfshihej dhe vendlindja e tij Rahovec. Me një doktoraturë në letërsinë shqipe, Cena punoi deri vonë si pedagog në Universitetin Shtetëror të Prizrenit dhe ishte politikisht aktiv me PDK-në e Thaçit. Disa dite para se të nisej për në Hagë, Cena tha për televizionin publik të Kosovës, RTK, se UÇK-ja luftoi një “luftë të drejtë”. Remzi Shala Vendndodhja e Shalës nuk dihet që kur ai konfirmoi se ishte thirrur në Hagë. “Ata që dorëzuan ftesën deklaruan se janë anëtarë të Policisë së EULEX-it dhe unë u përgjigja se jam shqiptar dhe jam krenar për luftën ku kam marrë pjesë dhe i bëj thirrje të gjithë bashkatdhetarëve të mi të mos e njohin këtë gjykatë dhe të mos dorëzohen në Hagë,” tha ai në një deklaratë me shkrim për BIRN. Shala ishte një anëtar i UÇK-së në zonën e Pashtrikut që mbulonte Kosovën jugore. Aktualisht ai po gjykohet në Prizren për krime lufte, por nuk u paraqit për një seancë gjyqësore më 9 janar. Avokati i Shalës thotë se nuk e di se ku ndodhet klienti i tij. Safet Syla Një ish-luftëtar i UÇK-së me profil të ulët nga qyteti i Shtimes në Kosovën qendrore, Syla tani drejton Zyrën për Trashëgiminë e Korpusit Mbrojtës të Kosovës në kuadër të Ministrisë së Punës dhe Mirëqenies Sociale. Pasi u thirr më 13 dhjetor të vitit të kaluar, Syla i përshkroi Dhomat e Specializuara si “një padrejtësi për Kosovën”. Në qytetin e tij të lindjes, Shala ka në pronësi një muze të vogël dhe privat që përfshin relike lufte.

Lirohet veterani i UÇK-së, Murtez Kastrati ,i ndaluar në Shqipëri

Veterani i UÇK-së, Murtez Kastrati, i ndaluar në Shqipëri shkaku i një fletarresti në Interpol dërguar nga Serbia, është liruar.

Ministria e Jashtme e Kosovës, Meliza Haradinaj-Stublla ka bërë të ditur se pas njoftimit të kreut të OVL UÇK-së, për ndalimin e Kastratit, ajo e kishte kontaktuar menjëherë homologun Gent Cakaj.

Cakaj, si ka treguar Haradinaj-Stublla, ka vepruar shpejt dhe ka sqaruar që Kastrati ishte ndaluar për verifikim dhe ishte liruar rreth dy orë më parë.

“Kërkesat e Serbisë përmes INTERPOL-it duhet të azhurnohen nga autoritet e Shqipërisë, dhe të reflektojnë realitetin politik e ligjor të Kosovës. Do të angazhohemi bashkë me organizatat e dala nga lufta që menjëherë Qeveria, respektivisht MPJD dhe MPB e Republikës së Kosovës, t’u vë në dispozicion autoriteteve të Shqipërisë, listat e veteranëve të Ushtrisë Çlirimtare të Kosovës”, ka shkruar ajo.

Ish-kryeministri i Shqipërisë, Sali Berisha, e ka quajtur akt antikombëtar arrestimin e veteranit të UÇK-së, Kastrati.

Hysni Gucati: Serbia dërgoi listë të re në Interpol, një veteran i UÇK-së u ndalua në Shqipëri

Një veteran i UÇK-së është ndaluar sot nga Policia në Shqipëri, pas dërgimit në Interpol të një liste ku përfshihet edhe emri i tij, ka bërë të ditur të dielen, kryetari i OVL të UÇK-së, Hysni Gucati.

Gucati, përmes një shkrimi në Facebook, u ka kërkuar veteranëve të UÇK-së që të mos dalin nëpër shtetet tjera, pasi, sipas burimeve të organizatës së tij, Serbia ka dërguar në Interpol një listë me emra të ish-pjestarëve të UÇK-së.

Guacti ka kërkuar nga Shqipëria ta lirojë sa më parë atë.

“… deri sa do të vazhdojnë kështu duke u maltretuar në këtë formë njerëzit që dhanë çdo gjë që ne sot ta kemi shtetin, veteranët ende nuk janë në gjendje të lëvizin të lirë, Qeveria e Kosovës sa me parë duhet të marrë masa në këtë drejtim dhe të mos kemi më raste të tilla”, ka shkruar ai.

Gratë shqiptare në Siri në alarm: Ushtarët kurdë po na rrëmbejnë fëmijët, shteti shqiptar s’po bën asgjë!

Fëmijët shqiptarë të mbetur në kampin Al-Hawl në Siri po rrëmbehen nga çadrat. Për rikthimin e tyre autoritetet shqiptare nuk kanë marrë asnjë iniciativë konkrete, ndërsa situatën alarmante e shprehin vetë nënat në kamp nëpërmjet 3 letrave të dërguara në redaksinë e A2. Fëmijët e moshave 11 vjeç e sipër po rrëmbehen nga brendësia e kampit nga ushtarët kurdë, ndërsa askush nuk ka informacion se përse po ndodh diçka e tillë apo dhe ku dërgohen.

“Juli, ju e patë gjendjen tonë në kampion Al Hawl. Ne nuk folëm sepse ti ishe me shoqërues. Nuk jemi të lira të flasim për të vërtetën që është këtu. Ne kemi pritur dita-ditës se po bëni diçka për ne. I kemi kërkuar ndihmë shtetit shqiptar, por nuk kemi marrë asnjë përgjigje. Ne kërkojmë ndihmë nga ju, nga çdo shqiptar që ka familje dhe fëmijë. Fëmijët tanë nga 11 vjeç e sipër, djem dhe vajza, po i marrin, nuk e dimë se ku i çojnë. Nuk kemi asnjë lajm për ata. Prandaj, mendoni për ne ashtu si për familjen dhe fëmijët tuaj. Bëni diçka për të na ndihmuar. Ne presim një përgjigje të saktë. Kemi që kur ti ke ikur, që rrimë me çantat gati, me shpresë se po na merrni. Fëmijët shqiptarë thonë, kur po vjen ai gazetari shqiptar që të na marrë. Duam një përgjigje nga shteti shqiptar”

7 familje, kryesisht nënat dhe fëmijët e tyre, prej 1 viti e gjysmë ndodhen në kampin Al-Haël në veri të Sirisë. Burgu prej 80 mijë personash kontrollohet nga forcat kurde. Sipas autoriteteve të kampit, e vetmja mënyrë për të tërhequr nënat dhe fëmijët është vendosja e kontakteve zyrtare nga pala shqiptare me administratën e kampit./A2 CNN

Blerim Shala: Grenell ka dalë nga dialogu Kosovë- Serbi, po merren Reeker dhe Palmer

Këshilltari i Presidentit të Kosovës, Blerim Shala ka bërë me dije se Richard Grenell nuk është më i përfshirë në dialogun me Serbinë.

Shala thotë se ky spostim ka ardhur pasi Grenell po merret me fushatën e Donald Trump në SHBA. Por gjithsesi kjo nuk do të thotë se SHBA nuk është e angazhuar apo se Grenell nuk do të rikthehet më.

Në një emision në Kosovë, Shala ka zbuluar se me dialogun Kosovë- Serbi nga SHBA po merren tashmë Philip Reeker dhe Matthew Palmer.

“Grenell sot për sot është jashtë procesit te dialogut, nuk do te thotë qe nuk kthehet me. Por ai po merret me fushatën dhe agjendën e Trumpit. Reeker dhe Palmer do te merren me dialogun. Kështu janë ndare punët”, ka thënë Shala

MARTTI AHTISAARI: SERBIA TA NJOHË KOSOVËN OSE TË SHKOJË NË RUSI

“Serbia nuk duhet lejuar të hyjë në Bashkimin Evropian pa e njohur Kosovën. Le të shkojë në Rusi”, ka thënë ish kryenegociatori për statusin e Kosovës Martti Ahtisaari.

“Serbia që moti e ka humbur të drejtën në Kosovën. Ajo me vite të tëra është sjellë keq ndaj kosovarëve”, ka thënë Ahtisari ne nje interviste per “Vecernji List” te Zagrebit.

Fituesi i çmimit Nobel për Paqe ka thënë se vendet që nuk e kanë njohur Kosovën e  kanë inkurajuar Serbinë në përpjekjet e saj, por ai është shprehur i bindur se kjo së shpejti do të ndryshojë.

Presidenti i sapozgjedhur serb Tomislav Nikoliq së fundi ka thënë se ai nuk do ta njohë Kosovën madje edhe me çmimin për të mos hyrë në BE.

“Nëse dëshiron Rusinë, të shkojë atje. Asnjë koncesion nuk është i pranueshëm, ka thënë ndër të tjera, Martti Ahtisaari.