Gjuha,mallkimi,...bilbili

Universiteti i Prishtinës me doktoratura në fund të pusit

Rektorit të ri të Universitetit të Prishtinës, Ibrahim Gashi, i janë dashur rreth dy muaj vetëm për identifikimin e gjendjes në Universitetin e Prishtinës.

Ai ka thënë se menjëherë pas kësaj ka nisur reformat.

Vështirësitë dhe sfidat në Universitetin e Prishtinës, sipas tij, nuk janë tejkaluar asnjëherë plotësisht, që nga periudha e paraluftës, kur mësimi mbahej në objekte private e në kushte të vështira të okupimit.


                                                           Prof.dr. Ibrahim Gashi  


“Nuk kemi arritur ta rikooperojmë sa duhet cilësinë pas luftës.

Në të njëjtën kohë jemi përballur me integrimin e arsimit të lartë të Kosovës në atë përkatës të Evropës, siç është përfshirja në sistemin e Bolonjës”, ka thënë Gashi, teksa ka shtuar se këto elemente e kanë vështirësuar punën e Universitetin e Prishtinës.

Sfida tjera po aq domethënëse ai ka përmendur mungesën e hapësirave të bollshme të studimit, mungesën e buxhetit, mbipopullimin me Studentë, vështirësitë buxhetore, që, siç shprehet ai, janë më të ulëtat në rajon, mosharmonizimin e programeve të studimit me tregun e punës.



 Pastaj keqpërdorimet që janë publikuar se janë ndodhur në ndonjë njësi akademike, siç është Fakulteti i Mjekësisë, falsifikimet e notave, digjitalizimi i shërbimeve, ngrohja gjatë muajve të dimrit, ndërtesa politike-kisha ortodokse dhe të tjera.


Megjithëkëtë, Prof.dr.Ibrahim Gashi nuk i përjashton punët e mira që janë bërë dhe vazhdojnë të bëhen në Universitetin e Prishtinës.

“Universitetin e Prishtinës është sinonim i arsimit të lartë, më i madhi, jo vetëm në Kosovë, por edhe në rajon. Në Kosovë është më i kërkuari për të studiuar në të. Jep diplomën më kredibile në raport me institucionet e tjera, edhe për tregun e punës”, ka thënë Gashi , derisa thekson se ndoshta nuk ja marrin për të keq drejtuesit e arsimit privat të lartë.

“Krejt arsimi në Kosovë identifikohet me Universitetin e Prishtinës. Edhe universitetet e reja të themeluara në Kosovë vazhdojnë të jenë të ndërvarura nga puna dhe reforma në Universitetin e Prishtinës”, thotë ai.


******


Opinion

Bije një kashtë e dalin gjashtë!




Ku janë përkthimet? Para dy vjetësh ishin ndarë 500 mijë euro për përkthimin e literaturës universitare. Deri më sot nuk është publikuar asgjë. Studentët vazhdojnë të mësojnë nga literatura e vjetër, ose nga plagjiaturat e profesorëve. Ndërkohë, UP-ja së fundi, me ndihmën e Austrisë, kanë themeluar Shtëpinë Botuese Universitare.


Një pjesë e madhe e studentëve të Universitetit të Prishtinës, edhe më tutje mësojnë me literaturë që i përket viteve '70 dhe '80. Ka edhe libra që janë shkruar nga dora e profesorëve, ka edhe të tillë që janë përkthyer nga autorë të huaj. Në plot raste janë plagjiaturë.

Mund të thuhet se të paktë janë ata profesorë të cilët u sugjerojnë studentëve literaturë alternative. Para dy vjetësh, Senati i Universitetit të Prishtinës kishte marrë vendim që të përkthehen librat universitarë të autorëve më të cituar në botë, në fushat respektive.

Por, deri më sot asnjë libër nuk është botuar. Instituti për Studime Ndërkombëtare në Tiranë kishte fituar tenderin për përkthimin e disa librave universitare. Pas dy vitesh, ata kanë sjellë disa sosh, që ende mbahen në një CD. Përkthimi i librave universitarë nga menaxhmenti i vjetër i UP-së kishte ardhur si reaksion ndaj publikimit në gazetën Express të shumë librave që ishin vjedhur nga profesorë të UP-së prej autorëve të huaj.





Ndërkohë, menxhmenti i ri i UP-së vlerëson se përkthimet, përveç ngritjes së cilësisë së mësimit, nuk mund të ulin shumë shkallën e plagjiaturës.
Ish Prorektori për mësimdhënie dhe kërkime shkencore, Bajram Berisha, pat thënë se shtetet e vogla nuk investojnë shumë në përkthime, sa investojnë në rritjen e nivelit të gjuhëve të huaja.

Megjithëkëtë, ai pat thënë se projekti për përkthimin e literaturës do të vazhdojë. Bajrami kishte sqaruar se një komision i Universitetit të Prishtinës ka konstatuar se ka pasur disa keqinterpretime.

“Ne kemi konstatuar se vetëm disa tekste janë përkthyer, ndërsa kompania ka ofruar disa libra të cilët ne nuk i kemi kërkuar fare”, shton ai. Dhe për këtë shërbim Instituti për Studime Ndërkombëtare nga Shqipëria i ka kërkuar Universitetit të Prishtinës hiq më pak se 300 mijë euro.

Por, Bajrami thotë se 75 mijë euro që i janë dhënë para disa vitesh këtij instituti mjaftojnë, ngase ata deri më tani kanë përkthyer vetëm një pjesë të vogël të librave të kërkuara.

Ndërkaq, Ramush Mavriqi, dekan i Fakultetit Filozofik, tha  për Express se" deri më sot nuk kanë marrë asnjë libër të përkthyer".

                                                     Prof.dr.Dukagjin Syrja  Pupovci

Prof.dr.Dukagjin Pupovci, ekspert i arsimit, vlerëson se përkthimet e librave universitare nuk mund ta luftojnë plagjiaturën. Ai ka pranuar se ato mund të rrisin cilësinë e mësimit, por thekson se nuk është mënyra më e mirë për ta bërë .                                                                                  

Prof.Pupovci pat thënë se se librat alternativë, kryesisht në gjuhën angleze, mund të rrisin cilësinë e mësimit në Universitetin e Prishtinës . “Nuk ka literaturë që nuk është në dispozicion në gjuhën angleze, përveç diçka shumë specifike. Unë mendoj se përgatitja e mësimdhënësve është njëra nga fushat ku vërtet Universiteti duhet të punojë shumë”, shtoi atëbotë ai .


                                        Bajram Berisha

Prof.dr.Dugagjin Pupovci pat thënë se për këtë duhet kohë, ngase jo të gjithë profesorët dinë gjuhë të huaja dhe përcjellin trendët e fundit në lëndët përkatëse.

“Ne kemi vërejtur tek një numër i konsiderueshëm i mësimdhënësve, tendencën se duhet të përdorin vetëm literaturën, autor i së cilës janë vetëm ata dhe kjo shpeshherë vjen si pasojë e mosnjohjes së gjuhëve të huaja”, vlerësoi atëbotë eksperti i arsim Dugagjin Pupovci.

Ai pat thenë se nëpër fakultete duhet të stimulohet përdorimi i literaturës në gjuhët e huaja, aq më parë kur një pjesë e madhe e literaturës është në dispozicion edhe përmes internetit.

Ndërkohë, Universiteti i Prishtinës tash e tutje nuk ka nevojë të paguajë para në shtypjen e librave universitare. Aq më pak të paguajë firma jashtë Kosovës. Shumëçka mund të prodhohet me kapacitet e veta.

UP-ja, në të kaluarën, ndoshta edhe për shkak të themelimit të vonë, nuk ka pasur ndonjë traditë të theksuar në punën shkencore. Në sistemin e arsimit të ish-Jugosllavisë, shkenca në shumicën e rasteve është bërë nga institutet e specializuara, e rrallëherë nga universitetet si të tilla.

Gjatë procesit të akreditimit, Agjencia Kosovare për Akreditim dhe ekspertët ndërkombëtarë, mungesën e një shtypshkronje në universitet e kanë parë si mangësinë më të madhe në UP.

Por, një projekt austriak ka financuar, dhe në bashkëpunim me Universitetin e Prishtinës ka themeluar, një Shtëpi Botuese Universitare.

Kështu, Shtëpia Botuese e Universitetit të Prishtinës do jetë një platformë për profesorët dhe studentët për të publikuar libra dhe broshura të ndryshme.

Austria ka financuar publikimin e 6 librave të parë. Në të ardhmen, UP-ja do të mundohet të gjejë sponsorë të tjerë për të financuar përkthimin dhe botimin e librave universitarë.

Edhe Bartësit e Arsimit të Lartë Privat janë duke punuar në ndërtimin e shtëpive botuese, brenda këtyre institucioneve. Tash e tutje, doktoraturat, por edhe punimet Master të studentëve, mund të publikohen nga kjo shtëpi botuese.

Libri i parë që është publikuar nga kjo shtëpi botuese është "Robotics in Kosovo", me autor Arbnor Pajaziti, profesor ne Fakultetin e Inxhinierisë Mekanike. Libri ishte financuar nga KAIP (Partneriteti Kosovar-Austriak), i cili e përkrah Arsimin e Lartë në Kosovë.


-------------------



S’ka doktoraturë as këtë vit


Agjencia e Akreditimit të Kosovës nuk i ka akredituar shumicën e fakulteteve që kanë aplikuar për studimet për doktoraturë. Madje, shumica e fakulteteve as që kanë aplikuar për t’u akredituar. Bordi i agjencisë ka akredituar të hënën veç një program i doktoratës në Fakultetin e Bujqësisë, në Shkencat e Ushqimit dhe Teknologjisë

Kandidatët që kanë pritur për të vazhduar studimet për doktoraturë, në shumë programe të fakulteteve publike do të mbesin të zhgënjyer edhe më tej. Kjo ngase, Bordi i Agjencisë Kosovare të Akreditimit (AKA) ka marrë vendim që të akreditojë veç tri programe të doktoraturës, e bordi përsëri do të mblidhet në janar të vitit 2013. Bordi i AKA-së të hënën ka mbajtur mbledhjen e katërt dhe të fundit për këtë vit, pos që ka aprovuar Rregulloren për Akreditim të Agjencisë së degëve, ka marrë vendim që degët e hapura ilegale në disa fakultete të mbyllen të gjitha në mars të vitit 2013.

Edhe pse ka pasur kërkesa jo të vogla që të akreditohen shumë programe të institucioneve private të arsimit të lartë, është akredituar veç një program në Kolegjin “Dardania”. Ferdije Zhushi-Hetemi, kryetare e Këshillit Kombëtar të Cilësisë, në Agjencinë e Akreditimit të Kosovës, tha për “Lajm” se nuk mund të tregojë saktë se çka është marrë në këtë vendim, pasi, sipas saj, duhet të bëhet një përmbledhje e detajuar e mbledhjes.

“Ne realisht kemi pasur vendime për akreditime veç për tri programe dhe kemi aprovuar Rregulloren për Akreditim të Agjencisë së degëve. Pra, çdo degë që duhet të hapet, duhet t’i nënshtrohet procedurës se akreditimit nga ekspertët ndërkombëtarë dhe degët që janë ilegale, pra që janë hapur pa leje, duhet të mbyllen deri kah fundi i marsit. Këto kanë qenë vendimet”, ka thënë Zyshi-Hetemi.

Ajo gjithashtu ka bërë të ditur se është akredituar një program i doktoratës në Fakultetin e Bujqësisë, një në Shkencat e Ushqimit dhe Teknologjisë, një në Fakultetin Teknik dhe një tjetër program në Kolegjin “Dardania”.

Nga 1 tetori doktorata në UP ka filluar vetëm në Fakultetin Ekonomik, Juridik, një program në Mjekësi dhe departamentin e Historisë, në Fakultetin Filozofik, që kanë marrë akreditim. Fakultetet tjera dhe departamentet në këtë kuadër nuk do të organizojnë studime doktorate edhe për një kohë.

Zushi-Hetemi para disa ditësh ka thënë për “Lajm” se nuk i kanë dërguar për akreditim programet e tyre shumica e fakulteteve. Sipas saj, pati aplikuar Fakulteti i Mjekisë, Fakulteti Filozofik, i cili një pjesë e tij edhe këtë herë ka mbetur jashtë doktoraturës. Nga ana tjetër, gazeta ka provuar të bisedojë edhe më Rektorin Ibrahim Gashi, por nuk ka arritur.



Si do qoftë, fakultetet kanë aplikuar në AKA kur në pushtet të UP-së pati qenë menaxhmeti i vjetër. Ndërkohë, pak para se të dorëzojë detyrën prof. dr. Bajram Berisha, prorektor për mësimdhënie dhe kërkime shkencore në Universitetin e Prishtinës, ka thënë se deri më tani procedurat për akreditim po zgjasin shumë.

Ai pati thënë se fakultetet kanë filluar procedurën para 5 apo 6 muajve, mirëpo, sipas tij, agjencia ka kërkuar çdoherë plotësime shtesë. “Qysh para gjashtë muajve fakultetet kanë filluar me procedura, mirëpo, tashmë disa fakultete e kanë kaluar këtë fazë, siç janë Fakulteti Ekonomik, një pjesë e Fakultetit Filozofik.

Ndërkaq, fakultetet tjera janë akoma në procedurë. Ju e dini që Agjencia për Akreditim mban mbledhje në periudha të ndryshme kohore, jo aq shpesh. Nëse nuk gaboj, mban 3 herë ose maksimalisht 4 herë në vit.

Jemi në procedurë që dokumentacioni të plotësohet gradualisht për arsye se ka pasur disa shtytje”, pati thënë ish-prorektori Berisha për “Lajm”. Siç dihet, programet e doktoratës mund të ofrohen vetëm nga institucionet me akreditim të plotë të Agjencisë Kosovare për Akreditim. Kurse, sipas legjislacionit përkatës, një institucion i arsimit të lartë, i cili aplikon për akreditim të një programi të studimeve të doktoratës, duhet të dorëzojë një aplikim në AKA, të paktën një vit para datës kur pritet të fillojë programi.

Shqyrtimi i një aplikimi të tillë do të bazohet në: a. Statutin e Institucionit dhe Rregulloret Akademike, duke përfshirë ato rregullore që janë specifike për programet e Doktoratës; b. Raportin më të fundit të Panelit të Ekspertëve dhe dokumentacionin që mbështet Akreditimin Institucional dhe vendimet relevante mbi Akreditimin e Programeve nga ana e Këshillit Kombëtar të Cilësisë të AKA.

Ndërsa, në veçanti, një universitet që mëton të ofrojë programe të doktoratës në një fushë të caktuar, duhet të ketë të paktën tre profesorë të asociuar me normë të plotë, të cilët mbajnë titullin Doktor nga institucione të akredituara dhe të cilët janë të angazhuar aktivisht në kërkime shkencore në fushat e tyre përkatëse etj.


Lexoni:

http://floripress.blogspot.com/2012/01/nga-flori-bruqi-nuk-ndeshkohen.html

Nga Flori Bruqi : Nuk ndëshkohen pedagogët e Universitetit të Prishtinës 

Shefi i grupit parlamentar të PDK-së, Adem Grabovci është zbutur në këtë fund vit.

Ai indirekt i ka kërkuar të falur, ish kryeministrit të Kosovës, Ramush Haradinaj, në kohën kur e pati quajtur si “zhvatës të fondeve”.Grabovci u ka kërkuar të falur edhe qytetarëve të Kosovës për gjuhën e përdorur në skandalin e telefonatave.

“Gabimet që i bëjmë, jemi të gatshëm ti tërheqim. Ne i jemi gëzuar lirimit të Ramush Haradinajt. Duhet të bashkëpunojmë më të gjitha forcat politike që e kanë mandatin e popullit”, ka thënë Grabovci në një konferencë për media, tek sa është pyetur, se si është i gatshëm të bashkëpunoj më një njëri që e ka quajtur “zhvatës të fondeve”, dhe “njëri që ka kontrabanduar në veri të Mitrovicës”.

Kurse, për skandalin e telefonatave, shefi grupit parlamentar të PDK-së, Grabovci ka thënë se “U kërkoj falje të gjithë qytetarëve, nëse kjo i ka bërë që të ndihën keq”.

PDK, sot ka prezantuar punën një vjeçare të qeverisjes më vendin, ku u tha se është arritur progres në të gjitha lëmitë.

Eksperti amerikan për Ballkanin, Daniel Serwer, ka thënë se platforma e Beogradit për Kosovën tregon se autoritetet serbe vazhdojnë “të jetojnë në fantazi”.

“Fantazia më e madhe në këtë platformë është se Kosova mbetet krahinë autonome e Serbisë dhe se Serbia do të ketë sovranitet mbi Kosovën. Kjo nuk do të ndodhë sepse nuk është aspak realiste”, ka thënë Serwer për Radion Evropa e Lirë.

Ai po ashtu i ka hedhur poshtë komentet e Beogradit se me platformën në fjalë, Serbia ka hequr dorë nga ndarja e Kosovës.

“Jo, nuk pajtohem me këto vlerësime, sepse mendoj se kjo, pa më të voglin dyshim, është plan për ndarjen e Kosovës. Autoritetet në Beograd bëjnë sikur po u përgjigjen kërkesave të komunitetit ndërkombëtar për largimin e institucioneve të paligjshme serbe nga Kosova, por në fakt këto institucione vetëm se i legalizojnë”.

“Ato po ashtu propozojnë që me komunitetin serb në Kosovë, në asnjë mënyrë, të mos udhëheqin institucionet e Prishtinës, por ato të Beogradit. Andaj, platforma bashkon komunitetin dhe në këtë mënyrë krijon ndarjen”, ka thënë Serwer.

E ashtuquajtura platformë për Kosovën, që ka propozuar Beogradi ditë më parë, kërkon vetëqeverisje për serbët që jetojnë në Kosovë.

Autoritetet në Prishtinë e kanë kundërshtuar fuqishëm atë dhe kanë premtuar se nuk do të lejojnë që të gjejë zbatim.

Slloba i Vogël-Ivica Daçiq ka porositur autoritetet lokale në Preshevë që të heqin lapidarin e ngritur në nderë të dëshmorëve të UÇPMB-së

Slloba i Vogël - Ivica Daçiq kishte porositur autoritetet lokale në Preshevë që të heqin lapidarin e ngritur në nderë të dëshmorëve të UÇPMB-së para ndërtesës komunale. Ai kishte kërcënuar se në të kundërtën do të rrënohet. Një porosi e tillë nuk u përfill nga autoritetet e Preshevës, por u mor seriozisht nga një grup të rinjsh serb.

Grupi i të rinjve serb nga Krushevci, Shabaci dhe Beogradi janë ndaluar sot në afërsi të Nishit, pasi që policia kishte marrë informata se ata kanë për qëllim ta shkatërrojnë pllakën përkujtimore të pjesëtarët të UÇPMB-së, e cila në nëntor është përuruar para Kuvendit Komunal të Preshevës, shkruan “Veçernje Novosti”.

Sipas kësaj gazete, 14 të rinj me tri vetura ishin nisur nga Beogradi në drejtim të Preshevës, por policia i ka penguar, duke i arrestuar që të gjithë. Ata i kanë thënë policisë se po shkojnë vetëm për vizitë në këtë qytet. Kundër tre prej tyre është ngritur kallëzim penal sipas Ligjit për armë dhe municione, derisa të tjerët janë liruar.



“Te te ndaluarit janë paraqitur para gjyqtarit për shkelje, sepse me vete kishin pajisje të cilat mund të llogaritën armë siç janë qysqi, mjete të forta tjera metalike, mirëpo armë zjarri nuk kishte, për shkak është konstatuar vetëm shkelje, por jo edhe aktakuzë kriminale”, ka bërë të ditur policia e Nishit, raportojnë mediat serbe.

Kryeministri serb, Ivica Daçiq ka porositur autoritetet lokale në Preshevë që të heqin lapidarin e ngritur në nderë të dëshmorëve të UÇPMB-së para ndërtesës komunale, apo në të kundërtën sipas tij, ai do të rrënohet.

“Disa thonë se unë nuk guxoj të rrënoj përmendoren që kanë ngritur për ata që kanë vrarë policë. Ose hiqeni vetë apo do të rrënohet, pasi që Qeveria e Serbisë e ka pushtetin ekzekutiv në çdo pjesë të territorit të Serbisë”, ka deklaruar Daçiq.

Në fund të nëntorit në Preshevë u shpalos lapidari i dëshmorëve të UÇPMB-së, në të cilin janë shënuar 27 emrat e dëshmorëve të rënë.

Forca të shumta policore janë vendosur para ndërtesës së Kuvendit të Maqedonisë

Forca të shumta policore janë vendosur para ndërtesës së Kuvendit të Maqedonisë për të penguar konfrontimin e mundshëm fizik mes simpatizantëve të opozitës dhe pushtetit, pas barrikadimit të së dielës së deputetëve të opozitës së bashkuar në Kuvend, për të parandaluar, siç thonë, grusht-shtetin politik të pushtetit për miratimin me çdo çmim të buxhetit.

Deputetët opozitarë, disa brenda e disa jashtë ndërtesës së Kuvendit të mbështetur edhe nga simpatizantët e tyre, kanë kaluar natën në pritje të ditës së sotme, e cila sipas tyre, mund të shpërthejë në konflikt nëse qeveria nuk heq dorë nga futja në procedurë parlamentare të propozim-buxhetit për vitin 2013.

Në fakt opozita kundërshton miratimin e buxhetit për shkak të refuzimit të kërkesës së saj për shkurtimin e mbi 200 milionë eurove që beson se qeveria do t’i destinojë për harxhime promovuese dhe projekte jofitimprurëse.

Nga 1.200 amendamente sa kishte propozuar qeveria jashtë procedurës parlamentare, ka miratuar vetëm disa prej tyre, ndërsa në seancën e mbrëmshme ka hartuar version të ri të buxhetit që ishte edhe shkas për bllokimin e Kuvendit nga opozita.

Lideri i LSDM-së, ish presidenti i shtetit, Branko Cërvenkovski ka thënë para masës së tubuar mbrëmë vonë se është i gatshëm për gjithçka.

“Sikur edhe meteorë të bien do të durojmë. Nuk largohemi nga këtu. Gruevski dëshiron të vrasë demokracisë, por këtë nuk do të lejojmë. Duan lufte? Do ta kenë! Nuk largohemi nga këtu. VMRO-DPMNE dhe BDI po luajnë me lojën e patriotëve të rrejshëm, po nxisin konfrontime dhe tensione, ndërsa vëllazërisht po ndajnë tenderët dhe provizionet”.

“Jemi këtu pasi tani gjashtë vjet e gjysmë po shkelet demokracia. Jemi shndërruar në vend të të burgosurve politik, ngufaten mediumet, nuk ka gjyqësi të pavarur, ata mbrojnë pushtetin në vend të të drejtave të punëtorëve”, deklaroi Cërvenkovski.

Nga ana tjetër kryeministri Nikolla Gruevski, paraprakisht i bëri thirrje opozitës që të heqë dorë nga bllokadat dhe të lejojë miratimin e buxhetit pasi në të kundërtën, sipas tij, do të pësojnë qytetarët e Maqedonisë.

Gruevski ka thënë se Cërvenkovski nxit tensione për të mbijetuar politikisht.

Max Brym - Krasniqit: Po përgatitet largimi yt, ndajeni me një plasje të madhe PDK-në

Max Brym, botues i gazetës elektronike “Kosova-Aktuell”, i ka nisur një letër të hapur kryetarit të parlamentit të Kosovës, Jakup Krasniqi.

Letra mban datën 19 dhjetor 2012.

Në këtë letër të hapur, Brym i kërkon Krasniqit të merr masa të shpejta, për sic thekson ai, ndarjen e PDK-së, sepse “tani për tani është duke u përgatitur largimi juaj nga Presidenca e PDK-së”.

                          Max Brym


Letra e plotë:

Shumë i nderuar zotëri Kryeparlamentar Jakup Krasniqi, ne po i lejojmë vetes t’ju shkruajmë ketë letër të hapur. Jemi nga Redaksia e Kosova-Aktuell. Gazeta jonë elektronike publikohet në Gjermani në gjuhën gjermane. Ne kemi përditë një numër prej disa mijëra lexuesve nga Kosova. Zotëri Kryetar i Parlamentit, Ju edhe më tej keni një reputacion të mirë. Posaçërisht fjala juaj në Parlament në tetor të këtij viti ka bërë mjaft përshtypje. Ju me fjalë të ashpra keni kundërshtuar aspekte të caktuara të procesit të privatizimit në Kosovë. Megjithatë, kemi pritur që në parim ta kundërshtoni procesin e privatizimit të pasurive të Kosovës.


            Max Brym

Me të drejtë të plotë keni tërhequr vëmendjen për faktin, se ky Parlament, “ nuk ka legjitimitet”. Me të drejtë keni potencuar gjithashtu, se “disa deputetë janë në Parlament vetëm falë falsifikimit masiv të zgjedhjeve”. Në nëntor të këtij viti keni kritikuar me të drejtë Ministrin e Punëve të Brendshme Bajram Rexhepin, i cili me rastin e privatizimit të distribucionit të KEK-ut , pruri policinë në Parlament. Deputetët e Lëvizjes për Vetëvendosje! u rrahën me rastin e një proteste para Parlamentit dhe edhe para hyrjes në oborrin e ndërtesë së Parlamentit u zbatuan masa të dhunshme policore kundër deputetëve të zgjedhur të VV.



                      Max Brym

Si demokrat i mirë e ndërpretë seancën parlamentare dhe detyruat Ministrin e Punëve të Brendshme Rexhepi të tërheqë policinë. Për ketë keni respektin dhe mirënjohjen tonë. Megjithatë, tani Ju duhet të veproni me vendosmëri, pasi Ju keni mundësinë që popullatës dhe masave të varfra të Kosovës ti bëni shërbime të dobishme.

                          Max Brym


Veproni z. Kryeparlamentar – ndajeni PDK-në

Partia Juaj, PDK-ja me Hashim Thaçin në krye, objektivisht nuk mund të është Partia Juaj. Tani për tani është duke u përgatitur largimi Juaj nga Presidenca e PDK-së. Në vendin Tuaj duhet të vijë figura e errët Kadri Veseli. Partneri Juaj paksa i veçantë partiak Fatmir Limaj, u fut në burg nga EULEX-i, jo për shkak të korrupsionit, porse për shkak të rolit të tij pozitiv si luftëtar i UÇK-së. Para pak kohësh dolën në pah telefonata, në të cilat Juve jo vetëm ju fyejnë. Hashim Thaçi ju apostrofon si “bandit”, Ju emëroheni si Jakupovski dhe juve e familjarëve u kërcënojnë me dhunë. Sami Lushtaku, Kryetari i Komunës së Skenderajt, si dhe shefi i grupit parlamentar të PDK-së Adem Grabovci në bisedën të tyre kuvendonin se si do të ishte më së miri “tua q… nënën juve”. Lushtaku ju quan “qen”, të cilin “duhet heq qafe”. Adem Grabovci ishte i një mendimi me Lushtakun dhe mendon vetëm se Juve duhet “heq me elegancë”. Lushtaku qeshet me këtë dhe i cilëson Grabovcin “diplomat”. Nëse tani Grabovci para mediave deklaron: “E vlerësoj punën e Jakup Krasniqit”, atëherë kjo paraqet vetëm një shembull të gënjeshtarit të përkryer.

                      Max Brym


Shumë i nderuari z. Kryeparlamentar,

Ju edhe më tej keni mbështetës në kuadër të PDK-së, shumë anëtarë të zakonshëm ushqejnë simpati të thellë për Ju. Shpesh nga anëtarët e pakënaqur dëgjohet: “Mirëpo e kemi ende Jakup Krasniqin”. Tani duhet të tregoheni edhe më i përgjegjshëm. Ndajeni me një plasje të madhe PDK-në. Do t’ju vijnë pas shumë anëtarë të zakonshëm të PDK-së. Rreshtohuni në anën e Rezistencës kundër privatizimit të PTK-së, të KEK-ut dhe të Trepçës. Kundërshtoni hapur të ashtuquajturin dialog me nacionalistët dhe fashistët serbë. Ne e dimë që për shkak të angazhimit Tuaj për interesat sociale dhe kombëtare të njerëzve të zakonshëm të Kosovës keni vuajtur burg të gjatë në Jugosllavinë e vjetër. Tregoni edhe tani në prag të pleqërisë, se në ju ka ende zjarr. Mos lejoni thjeshtë t’ju shkyçin dhe t’ju dërgojnë në pension. Populli jeton në varfëri dhe në mjerim. Përkundër kësaj një shtresë e vogël po bëhet gjithnjë më e pasur. Vihuni me vendosmëri dhe vepra përballë këtij zhvillimi. Ne shpresojmë se në librat e historisë emri i Jakup Krasniqit do të shënohet pozitivisht. Veproni tani zotëri Kryeparlamentar.

Max Brym


-------------------------

Kush është Jakup Krasniqi?

Prof.dr.sci.Jakup Krasniqi, lindi më 01.01.1951 në Negrovc të Drenasit, është politikan shqiptar, ish zëdhënës politik i Ushtrisë Çlirimtare të Kosovës.


Studimet i mbaroi në Prishtinë në Fakultetin Filozofik dega Histori. Më pas i kushtohet punës si pedagog dhe krahas saj fillon veprimtarinë politike në ilegalitet. Në vitet 1981 deri më 1991 burgoset për arsye politike nga pushtuesi serb.

Ishte pjesëtar aktiv i LDK-së në Drenas e më vonë edhe anëtar i kryesisë së LDK-së. Angazhohet aktivisht në ndërtimin e strukturave të UÇK-së dhe zëdhënës i saj në kohën e luftës. Anëtar i delegacionit shqiptar në Rambuje të Francës. Ministër në qeverinë e parë të Kosovës.

 Pas zgjedhjeve të para në Kosovën e çliruar ministër për shërbimet publike.

Në zgjedhjet e lira pas pushtimit më 1992-1998 deputet në parlamentin e Kosovës. Tani është sekretar i përgjithshëm i PDK-së, kryetar i grupit parlamentar të PDK-së në parlamentin e Kosovës dhe anëtar i Grupi politik strategjik për negociata.

 Në seancën e parlamentit të ri të Kosovës më 9 janar 2008, dalë nga votimet e 17 nëntorit 2007, Jakup Krasniqi zgjidhet Kryetar i Parlamentit të Kosovës.

Aktivitete dhe funksione, të tanishme apo paraprake

1972–1977 Arsimtar në Fatos dhe Arllat; 

1976–1977, Arsimtar në Shkollën e Mesme në Drenas;

 1979–1981 Arsimtar në Arllat dhe pastaj në Shkollën e Mesme në Skenderaj; 

1991–1994 Arsimtar në gjimnazin “Skënderbeu“ në Drenas; 

1995–1998 Kryetar i Këshillit të Arsimit në Drenas;

 1998–1999 Zëdhënës i Shtabit të Përgjithshëm të Ushtrisë Çlirimtare të Kosovës (UÇK); 

1999 Anëtar i Delegacionit të Kosovës dhe i Grupit Politik në Konferencën e Rambujesë; 

1999–Janar 2000 ministër i Ministrisë për Rindërtim dhe Zhvillim;

 2001-Deputet në Legjislaturën e Parë; 

Mars 2002 dhjetor 2004 Ministër i Ministrisë së Shërbimeve Publike në Qeverinë e Kosovës;

 Tetor 2004-2007 Deputet në Kuvendin e Kosovës, mandati II; 

2004-2007 Shef i GP të PDK-së në Kuvendin e Kosovës; 

Nëntor 2007 deputet, mandati III; Janar 2008- vijon Kryetar i Kuvendit të Kosoves;

 1973–1981 Veprimtari politike Klandestine (ilegale) në Lëvizjen Kombëtare të Kosovës; 

1981–1991 I burgosur politik; 

1991–1999 Anëtar i Kryesisë dhe kryetar i Lidhjes Demokratike të Kosovës (LDK), dega në Drenas; 

1992–1998 Deputet i Parlamentit të Kosovës; 

1998–1999 Zëdhënës i Shtabit të Përgjithshëm të Ushtrisë Çlirimtare të Kosovës (UÇK), anëtar i Shtabit të Përgjithshëm, anëtar i Drejtorisë Politike të UÇK; 

1999–2003 Sekretar i Përgjithshëm i Partisë së Prosperitetit Demokratik të Kosovës (PPDK) përkatësisht Partisë Demokratike të Kosovës (PDK), 

Tetor 2005-vijon Sekretar i Përgjithshëm i PDK-së, Nëntor 2005 anëtar i Grupit Politik Strategjik nga PDK, në bisedimet e Vjenës.

Libra

Kthesa e madhe Ushtria Çlirimtare e Kosovës, Shtëpia Botuese "Buzuku", 320 faqe, Prishtinë 2006. ISBN 978-9951-08-059-6


"Kosova i a historical context"; Shtëpia Botuese "Eeuroprinty", 128 faqe, Prishtinë 2007; ISBN 978-9951-05-109-X


"Një luftë ndryshe për Kosovën"; Shtëpia Botuese "Buzuku", 224 faqe, Prishtinë 2007; ISBN 978-9951-08-092-2

"Pavarësia si kompromis"; Shtëpia Botuese "Buzuku", 208 faqe, Prishtinë 2010; ISBN 978-9951-08-116-6

"Kosova në kontekst historik"; Botim i dytë i plotësuar. Shtëpia Botuese "Buzuku", 208 faqe, Prishtinë 2010; ISBN 978-9951-08-115-0

"Lëvizja për Republikën e Kosovës 1981-1991 sipas shtypit shqiptar"; Shtëpia Botuese "Buzuku", 320 faqe, Prishtinë 2011; ISBN 978-9951-08-140-5

Guxo ta duash lirinë, Shtëpia botuese: "Buzuku". Viti i botimit 2011.

Pranvera e lirisë ‘81, Shtëpia botuese: "Buzuku". Viti i botimit 2011.

Flijimi për lirinë, Shtëpia botuese: "Buzuku". Viti i botimit 2011.

Etj.

Përgatiti Flori Bruqi