Libri i librave, 500 vjet brenda

Më në fund kultura shqiptare ka “librin e librave” të saj; Bibliografinë Retrospektivë të Librit Shqip në dy pjesët e para, 1555-1912 (I) dhe 1913-1944 (II). Drejtori i Bibliotekës Kombëtare, Aurel Plasari, në parathënie të tij shënon: “Më bie detyra të pohoj me bindje se është fjala për një botim që përbën ngjarje historike”. Ndërkaq sipas Plasarit botimi i Bibliografisë Retrospektivë të Librit Shqip përbën një arritje të lakmuar ndoshta qysh këtu e 90 vite të shkuara, kur qeveria e ardhur në Tiranën kryeqytet nga Kongresi i Lushnjës merrte vendimin për themelimin e një “biblioteke kombëtare” në Shqipëri. “E pamundur do të ketë qenë ideatorët e institucionit në fjalë të mos kenë ëndërruar që shqiptarët të kenë një ditë për duarsh edhe regjistrimin e gjithçkaje që ishte shkruar e botuar deri më atëherë në gjuhën shqipe, nga Buzuku deri tek ata, në atë vit të largët 1920”. Këto dy botime, quajtur “Libra të librave” janë promovuar dje në një ceremoni jo të zakontë, e në ditë tensionesh e trazirash në kryeqyte

Princesha

Nga Rajna Kovaç

Dora d’Istria: Një popull si yni nuk mund të vdes dhe unë dua ta besoj se nuk do të vdesim pa e parë atdheun e çliruar nga zgjedha e barbarëve.
Elena Gjika alias Dora d’Istria ishte një nga gratë e pakta të famshme të shekullit XIX. Lindi në Konstancë të Rumanisë, më 22 janar 1828. Princesha me prejardhje shqiptare ishte një intelektuale e përmasave evropiane. E njohur jo vetëm si shkrimtare, publiciste, gjeografe, historiane, politologe, folkloriste, kompozitore, piktore, por zotëronte 9 gjuhë të huaja, ishte një intelektuale e rrallë për kohën kur jetoi. Me studimet e saj të shquara pasqyroi realisht vlerat madhështore të botës evropiane. Mbetet një shkencëtare e rrallë ku i zgjeroi studimet e saj mbi folklorin, politikën, historinë, jetën material dhe shpirtërore të shumë popujve jo vetëm për popullin shqiptar dhe rumun por edhe atij zviceran, francez, spanjoll, italian, grek etj. Ishte një luftëtare e flaktë e emancipimit të popujve të vegjël kishte një dashuri ndaj popujve të Ballkanit. Kishte vizione shumë të qarta politike në shërbim të popujve të vegjël. I studionte ato duke mos e harruar Shqipërinë. Në një nga veprat e saj të shumta mbante një qëndrim të prerë e të rreptë ndaj sundimtarëve të qeverive absolutiste, “që i ngatërrojnë popujt me njëri-tjetrin dhe mbyllin shtigjet e lirisë... ”
Dora d’Istria i kushtoi një kujdes të posaçëm çështjes shqiptare. Ndër të tjera shkruante: “Një popull si yni nuk mund të vdes dhe unë dua ta besoj se nuk do të vdesim pa e parë atdheun e çliruar nga zgjedha e barbarëve”, nuk mund të lë pa përmendur edhe kontributin e saj në emancipimin e gruas, barazinë gjinore dhe të drejtat e njeriut në mbarë botën. Qëndrimi i saj ndaj rolit të grave dhe ndikimit të tyre në jetën shoqërore, kulturore e arsimore, politike, luftarake evidentoi konceptet e saj për të ardhmen dhe vendin e rëndësishëm që duhet të zërë gruaja në shoqëri, si gjysma e popullsisë së botës. Në veprën e saj “Gratë e para nga një grua” ndër të tjera hedh poshtë tezat e gabuara për inferioritetin intelektual e moral të gruas, jo për sentimentalizëm ndaj seksit të saj, por e bindur se mbronte një çështje të drejtë shoqërore. “Të mbrosh të drejtat e gruas dhe interesat e saj nuk do të thotë t’i bësh padrejtësi burrave. Përkundrazi, të luftosh e të fitosh për gruan, do të thotë të luftosh e të fitosh edhe për burrin... ”

Konkurs letrar për Kryengritjen e Malësisë

Këshilli organizativ për 100-vjetorit të Kryengritjes së Malësisë së Madhe organizon një konkurs letrar për krijimin më të mirë letrar në poezi dhe tregim të shkurtër. Poezia duhet të jetë deri 50 vargje dhe tregimi jo më të gjatë se 5 faqe.
Punimet duhet të mbërrijnë më së largu deri më 15 mars 2011 dhe të kenë motiv ose lidhje tematike me Kryengritjen e Malësisë, të vitit 1911. Organizatorët shprehen se autorët duhet t’i nënshkruajnë me një shifër dhe jo me emrin e autorit.
“Ato duhet të jenë në gjuhën shqipe. Vetëm pasi juria të shpallë rezultatet (titujt e punimeve të shpërblyera) autorët do të dëshmojnë autorësinë, duke dërguar përsëri punimin e vet, por kësaj radhe të nënshkruar me emrin (dhe mbiemrin) e autorit. Këtë mund ta bëjnë përmes postës, ose postës elektronike. Punimet duhet të jenë të pabotuara deri më tani”, thuhet në njoftim.

Sali Berisha nderohet me medaljonin simbolik të 90-vjetorit të themelimit të Bibliotekës Kombëtare

Kryeministri i Shqipërisë, Prof.dr.Sali Berisha mori pjesë sot në ceremoninë e organizuar nga Biblioteka Kombëtare, e cila me rastin e 90 vjetorit të themelimit të saj prezantoi botimin e bibliografisë së librit shqip, të viteve 1555-1944.
Në këtë ceremoni, së bashku me kryeministrin ishin të pranishëm, Ministri i Turizmit, Kulturës, Rinisë dhe Sporteve, Ferdinand Xhaferraj, Drejtori i Bibliotekës Kombëtare, Aurel Plasari, Drejtori i Bibliotekës Kombëtare të Kosovës, Drejtorja e Arkivit të Shtetit, si dhe studiues, shkrimtarë, historianë, gjuhëtarë, punonjës të bibliotekës, etj.
Duke marrë fjalën, kryeministri Berisha përshëndeti të gjithë punonjësit e bibliotekës Kombëtare dhe veçanërisht drejtuesin e saj, Plasari për punën e shkëlqyer, në shërbim të dijes dhe të librit, e cila ka njohur zhvillime të rëndësishme dhe ka ndjekur me vendosmëri hapin e kohës.
Kryeministri e vlerësoi bibliografinë e botuar, një dokument themelor, në shërbim të të gjithë studiuesve, si dhe një dokument burimor për gjininë krijuese shqiptare në shekuj.
Kryeministri garantoi se qeveria e vlerëson bibliotekën si një institut themelor të zhvillimit të dijeve në të gjitha fushat dhe se është e vendosur ta mbështesë atë, në të gjitha përpjekjet për një modernizim tërësor dhe për realizimin e projekteve sa më bashkëkohore.
Gjatë ceremonisë, Kryeministri Berisha u nderua me medaljonin simbolik të 90-vjetorit të krijimit të Bibliotekës Kombëtare, me motivacionin “Njërit prej anëtarëve më të vjetër të bibliotekës sonë dhe ende anëtar, ndonëse kryeministër, Sali Berisha, për kujdesin e vijueshëm shumë vjeçar ndaj bibliotekës kombëtare”.
Me këtë rast, kryeministri u shpreh: “Këtë nderim surprizë e marr me shumë kënaqësi, por e marr gjithashtu edhe si borxhli, pasi unë, sado që e dua shumë këtë institucion, nuk kam arritur të bëj për të, atë që ky institucion ka bërë për mua, ndaj dhe unë do të përpiqem të jem në lartësinë e detyrimeve të mija ndaj Bibliotekës Kombëtare”.
Me këtë medaljon u nderuan gjithashtu disa prej bashkëpunëtorëve të ngushtë të Bibliotekës Kombëtare dhe kontribuues, si dhe lexues brenda dhe jashtë Shqipërisë.
Në përfundim, kryeministri vizitoi një ekspozitë kushtuar krijimtarisë së Naim Frashrit.
Në përshëndetjen e tij, kryeministri Berisha u shpreh: “Së pari dëshiroj tu përshëndes shumë përzemërsisht ju, punonjësve të kësaj biblioteke , për të gjithë punën e shkëlqyer që keni bërë dhe bëni në shërbim të dijes, në shërbim të librit, punë e cila me vizionin e zotit Plasari ka njohur zhvillime shumë të rëndësishme, ka ndjekur kohën me vendosmëri të madhe.
Sot, ju rezultat i këtij përkushtimi të plotë ndaj librit dhe dijes i jepni botës së mendimit shqiptar, një enciklopedi të gjenisë së tij krijuese nga viti 1555 deri në vitin 1944, pra keni arritur të paraqisni një dokument fondamental themelor, në shërbim të të gjithë studiuesve, një dokument burimor, për gjininë krijuese shqiptare në shekuj.
Biblioteka Kombëtare në kushte qartësisht të vështira është përpjekur dhe ka arritur të shënojë transformime te mëdha, biblioteka ka ecur me ritmet e kohës, me mundësi dhe mjete modeste, por ka bërë çdo gjë, me energjinë, dashurinë për punën, përkushtimin e punonjësve të saj, vizionin drejtuesve të saj, të përshtatet me ritmet e kohës.
Unë dua tu garantoj ju, se qeveria vlerëson bibliotekën si një institut themelor të zhvillimit të dijeve në të gjitha fushat dhe është e vendosur tu mbështesë ju, në të gjitha përpjekjet për një modernizim tërësor për realizimin e projekteve më bashkëkohore, në mënyrë që lexuesit shqiptarë, studiuesit shqiptarë, por edhe të gjithë ata që lexojnë për botën shqiptare, për gjeninë krijuese shqiptare të kenë lehtësirat më të mëdha në gjetjen dhe mundësinë e përdorimit të burimeve të pafundme të kësaj gjenie krijuese.
Sikundër, ju garantoj se në rast se qeveria vendosi të festojë 100 vjetorin e themelimit të pavarësisë ne dy projekte, me projektin e parlamentit dhe të stadiumit, kjo në asnjë rrethanë, jo se ju nuk meritoni atë seli, atë ndërtesë, të cilët ne jemi absolutisht të vendosur ta përparojmë sa më shpejt që të jetë e mundur dhe ti japim vendit një bibliotekë të re të denjë për Shqipërinë , për ju, për të gjithë studiuesit.
Zoti drejtor unë dua tu falënderoj ju, për përkushtimin e madh, për vizionin që ke dëshmuar në rritjen e rolit, në përshtatjen e rolit, në zhvillimin do të thosha të këtij institucioni që është një nga shtyllat më kryesore të fondit të kulturës dhe identitetit tonë kombëtar. Ndaj dhe njëherë dua që tu përgëzoj për mënyrën dinjitozë që keni përzgjedhur për të nderuar 90 vjetorin e krijimit të bibliotekës. Shpreh bindjen se në 100 vjetorin e pavarësisë së vendit, biblioteka do të shënojë arritje të tjera të mëdha”.

Çmimet e Letërsisë 2010 në 1 shkurt 2011

Edicioni i sivjetmë i ndarjes së “Çmimeve Kombëtare të Letërsisë”, do të mbahet në datën 1 shkurt. Një nga ngjarjet më të mëdha kombëtare në fushën e letrave është padyshim ndarja e çmimeve kombëtare në letërsi. Edicioni i sivjetmë i këtij organizmi do të zhvillohet në fund të muajit janar të vitit në të cilin po hyjmë. Ndërsa vitin e kaluar shkrimtari i shquar Agron Tufa rrëmbeu Çmimin e Madh për Letërsi për ciklin e miniaturave "Thembra e Akcilit". Ndërsa tradicionalisht ky çmim i ishte dhënë një shkrimtari karriere. Tufa ka qenë edhe gjykues edhe i vlerësuar dy herë në historinë e këtyre çmimeve dhe është pedagog i letërsisë botërore të shekullit të njëzetë në fakultetin e Historisë dhe Filologjisë në Universitetin e Tiranës. Ky i fundit mësohet se do të kryesojë jurinë, ndërsa anëtarët tjerë të cilët do të vlerësojnë se cilët janë më të mirët e këtij viti janë Persida Asllani, Virgjil Muçi , Balil Gjini dhe Bardhyl Londo, përfaqësues në vite në këtë juri.

Prishtina kërkon hetime për raportin e Martit, EULEX-i kërkon dëshmi

Çavusoglu: Raporti s'ndikon në pavarësinë e Kosovës

Kryetari i Asamblesë Parlamentare të Këshillit Mevlut Çavusoglu ka deklaruar se janë paraqitur shumë amendamente në projektrezolutën për tregtinë me organe njerëzore të senatorit të Këshillit të Evropës, Dik Martit.
"Shumë amendamente janë paraqitur rreth raportit të Dik Martit, por për to do të dihet më shumë sonte (të hënën) në mbrëmje kur të kalojë afati i fundit për paraqitjen e tyre. Qëllimi i raportit është që të ndihmojë dhe të forcohet stabiliteti i vendeve anëtare të atij rajoni", ka theksuar Çavusoglu, raportojnë mediet serbe.
Çavusoglu thotë se ky nuk është një raport politik dhe nuk do të duhej të ndikonte në një situatë politike. "Kjo është një çështje krejt tjetër. Nuk duhet të ketë as ndikim pozitiv e as negativ", ka thënë ai.
Diskutimi rreth rezolutës "Trajtimi çnjerëzor ndaj njerëzve dhe tregtia e paligjshme me organe të njerëzve" të Martit është caktuar për të martën dhe pritet të zgjasë deri rreth orës 16:30 kur Marty pritet të mbajë një konferencë për gazetarë.



Raporti në Asamblenë e KiE, Dick Marty: Disa dëshmitarë janë vrarë

Asambleja Këshillit të Evropës po shqyrton raportin e Dick MArtyt rreth akuzave të tij për tregti të organeve njerëzore në Kosovë dhe Shqipëri.
Në fjalën e tij Marti ka theksuar se raporti i tij në trafikim organesh në Kosovë dhe Shqipëri nuk është lexuar mirë dhe pjesa më themelore e raportit ku thuhet se dëshmitarët janë zhdukur është anashkaluar.
Sipas tij, indiferenca ka qenë e përgjithshme mbi vrasjen dhe zhdukjen e dëshmitarëve serbë dhe shqiptarë mbi atë që ai e ka cilësuar si trafik organesh nga UÇK-ja.
“Janë zhdukur dëshmitarët serbë dhe kosvarë që janë cilësuar tradhëtarë dhe kjo nuk duhet të anashkalohen. Po kemi dëshmitarë dhe ata janë të besueshëm, janë precizë dhe kjo është ajo që frikëson qarqe të caktara” theksoi në fjalën e tij Marti.
Marty gjithashtu ka deklaruar se raportin e tij e ka hartuar për të mbrojtur të drejtat e njeriut dhe për të vënë drejtësi për viktimat e këtij trafiku.
“Raporti nuk flet për statusin e Kosovës, nuk flet për marrëdhëniet mes shqiptarëve e serbëve dhe për krimet e Millosheviçit. Ai është një raport që flet për shkelje të të drejtave të njeriut. Ka pasur kombe dhe shtete që janë ndjerë të fyer, por këtë unë e kam bërë për të afërmit e viktimave dhe për dënimin e kriminelëve”, ka deklaruar Marty.


Përfaqësues politikë të Kosovë thonë se miratimi i raportit të senatorit zviceran Dick Marty nga Këshilli i Evropës është një veprim që e dëmton Kosovën, ndërsa shprehen të gatshëm për të bashkëpunuar në hetimin e të gjitha pretendimeve të ngritura në atë raport.
Misioni i Bashkimit Evropian për sundimin e ligjit, kërkon nga Marty që të dorëzojë të gjitha dëshmitë nga raporti i tij, me çka do të mundësohej fillimi i hetimeve. Dje Asambleja Këshillit të Evropës miratoi me vetëm tetë vota kundër, raportin e senatorit Dick Marty, në të cilin ngrihen pretendime ndaj disa prej ish-drejtuesve të Ushtrisë Çlirimtare të Kosovës për përfshirje në krimin e organizuar, përfshirë trafikimin e organeve njerëzore.
Zëdhënësi i qeverisë së Kosovës, Memli Krasniqi, tha në një bisedë për Zërin e Amerikës se kjo e ka dëmtuar imazhin e Kosovës ndërsa ka ritheksuar gatishmërinë për të mbështetur çdo hetim të pretendimeve të ngritura.
“Sa i përket çështjeve që janë përfshirë në rezolutë, ne ndoshta kemi qenë të parët që kemi kërkuar që të nisë edhe një proces hetimor, i cili përfundimisht do të hidhte dritë mbi të vërtetën për sa i përket atyre spekulimeve dhe shpifjeve në formë të pohimeve në raportin e Dick Marty-t. Edhe pse tashmë tre herë janë bërë hetime ndërkombëtare për këto çështje dhe përfundimet që janë nxjerr kanë qenë se nuk ka asnjë dëshmi për diçka të tillë, ne kemi bërë thirrje që EULEX-i të filloj sa më shpejt me një proces hetimor profesional e kompetent dhe shpresojmë të shpejtë, për t'i dhënë vulën e të vërtetës këtyre spekulimeve jashtëzakonisht të dëmshme”, tha ai.
Zëdhënësi i Misionit të Bashkimit Evropian për sundimin e ligjit, Blerim Krasniqi tha se hetimet nuk mund të fillojnë para se Marty t’i ofrojë dëshmitë për çështjet e ngritura në raportin e tij.
“EULEX-i deri më tani i ka dërguar dy letra zotit Marty, ku i ka kërkuar të sjellë dëshmi dhe prova, deri më tani nuk kemi marr dhe jemi në pritje. Prokurorisë i duhen dëshmi dhe prova në mënyrë që të fillohet ndonjë rast i hetimit të mundshëm”, tha ai.


Marty tha dje se ka “dëshmitarë besueshëm”, por sipas tij ata janë shumë të frikësuar dhe nuk i besojnë drejtësisë vendase apo asaj ndërkombëtare. Ai ngriti edhe çështjen e programit për mbrojtjen e dëshmitarëve në Kosovë, çështje kjo e cila edhe sot është diskutuar në Asamblenë Parlamentare të Këshillit të Evropës, ku deputeti nga Monakoja, Zhan Sharl Zhordeto, bëri thirrje që vendet e Ballkanit të mbrojnë plotësisht dëshmitarët në proceset për krime lufte. Në raportin e tij mbi këtë çështje ai ka theksuar se situata me dëshmitarët e mbrojtur në Kosovë është dukshëm më keqe se në vendet e tjera.
Zëdhënësi i qeverisë Memli Krasniqi thotë se kjo çështje do të zgjidhet me ligjin që tashmë është hartuar dhe miratuar nga qeveria e Kosovës.
“Ne si qeveri kemi përgatit ligjin për mbrojtjen e dëshmitarëve. Fatkeqësisht pas krizës institucionale që u shkaktua me daljen e papritur të Lidhjes Demokratike të Kosovës nga institucionet dhe mbajtjen e zgjedhjeve të parakohshme, ka qenë e pamundshme që të miratohet një ligj i tillë në mungesë të kuvendit, por, ne besojmë se shumë shpejt me qenë se ligji është i gatshëm do ta miratojmë këtë ligj, i cili do të jetë një pikënisje tepër e rëndësishme për sa i përket çështjes së mbrojtësve të dëshmitarëve”, tha zëdhënësi i qeverisë, Memli Krasniqi.


Ndërsa, zëdhënësi i EULEX-it, Blerim Krasniqi thekson se ky mision ka mekanizma për mbrojtjen e të dëshmitarëve që janë përdorur edhe në të kaluarën.


“Ajo që më duhet të theksojë është se EULEX-i ka një njësit për mbrojtjen e dëshmitarëve, njësit që bashkëpunon me shtetet e Bashkimit Evropian. Deri më tani ka pasur disa raste të suksesshme ku janë mbrojtur dëshmitarët. Për momentin ky njësit ka kapacitete që i nevojiten për punën që e bënë, në rast se shihet nevoja ose bëhet kërkesa që të ketë një numër më të madh, atëherë ky njësit do t'i përshtatet kërkesave që do të parashihen të ardhmen”, tha zëdhënësi i EULEX-it, Blerim Krasniqi.
Marty, nxiti reagime me zemërim në Kosovë me pretendimet se udhëheqës të lartë të Ish Ushtrisë Çlirimtare dhe kryeministri aktual Hashim Thaçi, janë të përfshirë në veprimtari të paligjshme, përfshirë edhe trafikimin e organeve njerëzore.

Protesta të shqiptarëve para Këshillit të Evropës

Nga  Elida Buçpapaj e Skender Buçpapaj

Dhjetëra e qindra shqiptarë kanë protestuar sot para selisë së Këshillit të Evropës ku po debatohet për raportin e raportuesit të Këshillit, Dik Martyt. Protestuesit mbanin në duar flamurin kombëtar dhe flamurin shtetëror të Kosovës si dhe fotografi të shqiptarëve të masakruar nga regjimi militar e paramilitar serb gjatë luftës në Kosovë. Protestuesit gjithashtu mbanin në duar edhe pankarte në të cilat kërkohej nga anëtarët e asamblesë së Këshillit të Evropës të hedhin poshtë këtë raport dhe të kanë parasysh krimet serbe në Kosovë.

Oratorë të kësaj demonstrate theksuan se krime ka bërë Serbia në Kosovë e jo Ushtria Çlirimtare e Kosovës. Shqiptarët nuk e kanë traditë të merren me trafikim të organeve të njeriut dhe se të gjitha ato që i shkruan Dik Marty janë shpifje monstruoze të fabrikuara nga kuzhinat serbe e ruse. (Bota sot)

Marty: Kam dëshmitarë

Në punimet e sotme të Asamblesë Parlamentare të Këshillit të Evropës është vënë për diskutim raporti i raportuesit të posaçëm të këtij mekanizmi, Dick Marty, për, siç është thënë, “trafikim të paligjshëm organesh nga një grup i Ushtrisë Çlirimtare të Kosovës”.
Duke rikujtuar fillimisht rrethanat që kanë nxitur këtë raport, e që kishin të bënin me pohimet e ish-kryeprokurores së Tribunalit Ndërkombëtar të Hagës, Carla del Ponte, Marty në paraqitjen e tij tha se “raporti nuk ka të bëjë fare me statusin politik të Kosovës, nuk ka të bëjë me raportet midis Kosovës dhe Serbisë dhe në asnjë mënyrë nuk është kundër popullit kosovar dhe atij shqiptar”.
Raporti, sipas tij, ka të bëjë me “shkeljet e të drejtave të njeriut”.
“Kur u publikua ky raport, e kam nënvizuar se duhet të lexohet me kujdes dhe fjalët duhen kuptuar ashtu siç janë shkruar dhe pa nënkuptime të tjera”, ka thënë Marty, duke vlerësuar se, bazuar në raportimet e mediave dhe reagimeve të politikanëve, ky rekomandim i tij është injoruar.
“Është e vërtetë se në raportin tim do të mund t’i shmangia emrat, por pastaj do të bëja një vlerësim të përgjithshëm dhe i gjithë kombi do të mund të fyhej”, tha Marty, por, sipas tij, e vërteta dhe sinqeriteti intelektual, respekti për popullin kosovar dhe familjet e viktimave “kërkojnë nga ne që gjërave t’u themi me emër”.
“Këta emra janë emra që janë cituar për shumë vite në dokumentet që janë hartuar nga forcat policore, nga shërbimet sekrete të disa vendeve, për të mos përmendur edhe artikujt e gazetave që janë shkruar nga gazetarë shumë të respektuar”, ka thënë Marty.
Ai ka pohuar se për përmbajtjen e raportit ka dëshmitarë. “Po, kemi gjetur dëshmitarë, po, ata janë dëshmitarë kredibilë, ata na e kanë mundësuar të jemi të saktë dhe pikërisht kjo frikëson qarqe të caktuara”, ka thënë Marty, duke mohuar se këta dëshmitarë kanë ndonjë lidhje me serbët apo me rusët dhe janë njerëz që e duan vendin e tyre, Kosovën.
Sipas tij, “dëshmitarët janë shumë të frikësuar dhe nuk i besojnë drejtësisë vendore apo asaj ndërkombëtare dhe në këtë rrafsh, Marty i kushtoi një vëmendje të posaçme programit për mbrojtjen e dëshmitarëve në Kosovë, çështje kjo e cila do të diskutohet në punimet e së mërkurës në Asamblenë Parlamentare të Këshillit të Evropës.
“Rezoluta dhe raporti, që bëjnë thirrje për hetime, janë akte të drejtësisë dhe respekt për ata burra dhe gra që jetojnë në këtë vend të vogël, i cili tashmë ka vuajtur kaq shumë”, tha në fund Marty, duke porositur se drejtësia nuk mund të vihet në vend pa të vërtetën.
Pohimet në këtë raport janë kundërshtuar ashpër nga Prishtina zyrtare, e veçanërisht nga kryeministri në largim i Kosovës, Hashim Thaçi, emri i të cilit është përmendur në të, duke e ndërlidhur me akuzat për “trafikim organesh, kontrabandim armësh dhe narkotikësh”.

Marti: Raporti nuk flet për statusin e Kosovës

Asambleja Parlamentare e Këshillit të Evropës ka nisur diskutimet për raportin e senatorit zviceran Dik Marti, i cili akuzon lidershipin e UÇK-së për trafik organesh njerëzore. Në fjalën e tij, Marti ka deklaruar se raportin e tij e ka hartuar për të mbrojtur të drejtat e njeriut dhe për të vënë drejtësi për viktimat e këtij trafiku.
"Raporti nuk flet për statusin e Kosovës, nuk flet për marrëdhëniet mes shqiptarëve e serbëve dhe për krimet e Millosheviqit. Ai është një raport që flet për shkelje të të drejtave të njeriut. Ka pasur kombe dhe shtete që janë ndjerë të fyer, por këtë unë e kam bërë për të afërmit e viktimave dhe për dënimin e kriminelëve", ka deklaruar Marti.
Më pas Marti ka denoncuar eleminimin sipas tij të dëshmitarëve që mund të konfirmonin akuzat në raportin e tij. "Dëshmitarë nga pala serbe apo shqiptarë janë zhdukur dhe këto fakte ne nuk mund t'i anashkalojmë", ka pohuar Marti, duke përfshirë në fjalimin e tij edhe Shqipërinë, ku sipas tij kryheshin transplantet e organeve.
"Si raporti im ka edhe raporte të BBC-së dhe EULEX për persona të grabitur dhe të burgosur në kampet e përqendrimit në veri të Shqipërisë. Viktimat kanë qenë serbë por edhe shqiptarë të Kosovës, që janë konsideruar si tradhtarë për shkak se kanë bashkëpunuar me serbët", ka shtuar Marti.
Ndërkohë, zyrtarë të tjerë evropianë kanë reaguar duke kërkuar nga Marti që t'ia dorëzojë provat dhe dëshmitë e tij autoriteteve hetimore. "Ne duam një hetim ndërkombëtar lidhur me hetimin e akuzave të Dik Marti dhe mbrojtje të dëshmitarëve", ka deklaruar një zyrtar evropian.

Sali Berisha: Mirënjohje policit që ngriti flamurin e hedhur nga një bandit si leckë

Efektivi i FNSH-së, Amarildo Yzeiri, i dorëzon flamurin Kryeministrit. Yzeiri: Për këtë flamur kemi luftuar
Efektivi i Forcave Speciale FNSH 712, Amarildo Yzeri është polici që u fiksua në sytë e mijëra shqiptarëve duke ngritur flamurin ditën e demonstratës, kur një prej protestuesve e hodhi në këmbët e policëve. Ai i ka dorëzuar sot Kryeministrit Sali Berisha, flamurin kombëtar, duke u shprehur se ai flamur i dha forcë për të qëndruar.


Kryeministri Sali Berisha ka deklaruar më pas se Amarildo: “U bë simboli më i shkëlqyer i mbrojtjes të rendit kushtetues, i institucioneve kushtetuese të vendit. Në një moment të caktuar një horr, një rrugaç, një bandit, që flamurin kombëtar e kishte për leckë, e vërviti atë tek këmbët e policëve.
"Amarildo e mori flamurin dhe e ngriti.”, ka deklaruar kryeministri, duke shprehur mirënjohjen për efektivin e Repartit të Forcave Speciale.


“Flamuri i kombit nuk mund të ishte kurrë një leckë që të flakej. Flamuri i kombit shqiptar, është flamuri i më i bukur, por edhe flamuri kombëtar shtetëror më i vjetër në Europë. Është flamuri kombëtar, në qelizat e të cilit prehen martirët e kombit, që nga koha e Skënderbeut deri më sot. Në të prehen të gjitha ata që kanë luftuar për liri dhe dinjitet njerëzor si dhe të ata që luftuan për liri të Kosovës”, ka nënvizuar kryeministri Sali Berisha.
Kryeministri tha se ky është flamuri që në dallim nga kombet e tjera, edhe himnin e kombit e ka të qëndisur rreth tij dhe betimi solemn e ka mbi të .Kryeministri ka përgëzuar afektivin e gardës Amarildo Yzeiri për gjestin dhe kurajën.