A e dini se?...

 

Turisti i dytë në gjithësi



Pas Denis Titos, amerianit i cili ishte turisti i parë në gjithësi, më 25 Prill 2002 u nis edhe 28 vjeqari nga Afrika e Jugut, Mark Shuttleworth i cili është një ndërmarrës Interneti, ekonimist me profesion. Milioneri nga Afrika ka udhëtuar se bashku me dy kosmonautë rusë në drejtim të stacionit kozmik “Alpha”. Çmimi që duhet të paguajë është i njejtë me atë të Titos, 20 milion dollarë amerikan.
Kësaj radhe ky turist nuk kishte fluturuar vetëm për të shetitur, por ai atje do të bëjë disa eksperimente në gjendjen pa gravitacion me disa embrione të qelizave të kafshëve dhe se ky zbulim do te ndihmoj në gjetjen e ilaçit për semundjen e Parkinsonit dhe Alcheimerit. Për këtë arsye ekuipazhin treantarësh e kanë trajnuar biologët rusë dhe ata afrikan, të cilët u dhanë këshilla se si duhet të kryhet eksperimenti.

Pilotja më re në Botë



Shtatembëdhjetëvjeqarja Nicola Richardson nga qzteti Esek i Anglisë është ferma më e re në Botë e cila fitoi licencën për pilote, me të cilën mund të fluturojë anembanë Evropës me aeroplanë të vegjël. Ajo filloi leksionet e para në pilotim qysh në moshën 14-të vjeqare, dhe tani është duke punuar për t’a fituar licencën për të pilotuar edhe aeroplanë komercial civil, në linja të rregullta ajrore. I ati i saj posedon një aeroplanë të vogël të tipit “Piper Cherokee”, me të cilin Richardson ka fluturuar shumë herë.

Xhakarta fundoset vazhdimisht



Të dhënat më të reja gjeologjike të vitit 2002 treguan se Xhakarta është duke u fundosur gjithnjë e më shpejtë në det. Është treguar se gjashtë vitet e fundit kryeqyteti i përmendur i Indonezisë është fundosur për 91 cm nën ujë. Si shkaktarë për një rreshqitje të tillë të tokës mirret rritja rapide e ndërtimeve si dhe shfrytëzimi i tepruar i ujërave nëntokësore.

Kanaqeja më e madhe



Taivani ka prodhuar kanaqen më të madhe në Botë. Kanaqeja është e lartë 4.7 metra dhe e gjerë 2.2 metra, ajo peshon 4.4 tonelata dhe në vete përmban 8.460 litra pije freskuese për të plotësuar nevojat e më shumë se 23.000 personave. Deri në këtë rekord të vitit 2002, australianët e mbanin me kanaqen që e kishin prodhuar në vitin 1998.

Skulptura më e shtrenjtë



“Koka e Bronztë e Danaidës”, vepër e skulptorit rumun Konstandin Brankuzi, është skulprura më e shtrenjtë në Botë. Kjo është blerë për 19.9 milionë euro në shtëpinë e ankandeve “Christie`s” në New York, nga një person milionerë anonim. Deri atëherë skulptura më e shtrenjtë në Botë ka qenë kompozicioni i shtatë figurave të femrave po ashtu nga bronzi, e njohur si “La Foret”, e cila ishte shitur 9 milionë euro.

Kamioni më i shpejtë



Kamioni i vjetër i zjarrfikësve amerikanë, i prodhuar në vitin 1940 nga kompania “Ford”, vihet në lëvizje nga dy motorë aeroplanësh të llojit “Rolls Royce 601 Viper” dhe kjo e bënë atë kamionin më të shpejtë të zjarrfikësve në Botë. Ky avio-kamion ka thyer të gjitha rekordet e mundshme të shpejtësisë. Ai u shënua në Librin e Rekordeve të Ginisit me shpejtësinë e shënuar prej 655 km/h, dhe me motorin e fuqishëm 12.000 kualfuqi.

Topi më i shpejtë



Topi i quajtur “Fevernova” nga prodhuesi i njohur Adidas, është topi me preciz dhe më i shpejtë në Botë. Ky top është prezentuar për herë të parë për Kampionatin Botërorë të Futbollit në Kore dhe Japoni më 31 Maj 2002.
Testet e bëra me këtë top treguan se në distancën prej 20 e 25 metrash, topi mund të arrijë shpejtësinë rekorde prej 130 km/h dhe ai mund të godasë me të madhe edhe caqet më diameter prej 20 cm Mundësi të tilla të topit të futbollit janë pasojë e kombinimit të materialeve speciale të cilat përmirsojnë transmetimin më të mirë të forcës nga këmba e futbollistit dhe ruanë për një kohë të gjatë formën e njejtë.
Topi “Fevernova” në mes tjerash përmbanë edhe shtresë të shkumës që edhe e ndihmon në elasticitetin e tij.

Zbulimi i njeriut të Neandertalit



Në vitin 1856 në Neandertal, pranë qytetit Dyseldorf të Gjermanisë, u zbuluan eshtra njerzish që kishin jetuar 100 mijë vjet më parë. Sipas shkencëtarëve, njerëzit e kësaj kohe kishin përballuar ndryshimet e mëdha të klimës dhe kishin mundur tu përshtateshin atyre.
Truri i njeriut të Neandertalit ishte 1.600 gram, gati sa truri ynë.
Njerëzit e kësaj kohe jetonin në grupe pranë lumenjve dhe ushqeheshin me mishin e ariut e të panterës, që i gjuanin me dy shkopinjë të kalitur në zjarr. Ata ishin të parët që zbuluan rregullin e varrosjës së njerëzve të tyre. Njeriu i Neandertalit u zhduk rreth 50 mijë vjet më parë.

Zbulimi i njeriut të Kro-Manjonit



Në vitin 1868 në shpellën e Kro-Manjonit në Dordonjë të Francës, u zbuluan eshtrat e tre burrave, të një gruaje dhe të një femije. Rreth tyre gjendeshin mbeturina eshtrash të kafshëve të egra dhe vegla të ndryshme pune. Këto elemente u shërbyen shkencëtarëve të hedhin dritë mbi jetën e këtyre njerëzve.
Njerëzit e Kro-Manjanit jetuan 40 mijë vjet më parë. Ata ishin të organizuar në grupe dhe endeshin nga njeri vend në tjetrin. Për t`u mbrojtur nga të ftohtët ata kërkonin strehë nëpër shpella, të cilat i rregullonin dhe i zbukuronin. Më pas ata filluan t`i ndërtonin vet vendet e mbrojtura, të futura gjysmë në tokë dhe aty ngrenin çadra me lëkurë kafshësh. Këta njerëz vazhdonin ta punonin drurin për të prodhuar vegla pune. Ata bënin dhe armë me kockë, me dru dhe me brirë. Ndonëse jo të shumtë në numër, ata ushqeheshin me mish kuajsh të egër dhe me disa kafshë të tjera.

Letersia, aritektura dhe skulptura



Zbulimi i shkrimit ndihmoi në hartimin e veprave letrare. Letërsia e Egjiptit dhe e Mesopotamisë, përbëheshin nga mite fetare, himne kushtuar perëndive, shkrime historike dhe novela. Libri “Epi i Gilgameshit” i shkruar në Babiloni rreth vitit 2000 p.e.s., e që përbëhej nga 12 pllakadeltine, është vepra më e vjetër letrare e shkruar dhe e gjetur deri më tani në Botë.

Më së shumti qëndroi ulur



Antonio Gomeshi nga Portugalia, duke qenë pa punë , iu kujtua të konkurojë në rekortet e Ginisit me një mënyrë origjinale të veprimit-duke qëndruar ulur. Ai këtë rekord e arriti pa lëvizur nga vendi plot pesëmbëdhjetë orë e dy minuta. Kështu, Antonio vazhdon të fitojë edhe të ardhura. Kudo që shkon, si njeri i rekordeve të Ginisit, ai rri ulur sa më gjatë të jetë e mundur dhe, në bazë të kësaj, merr edhe shpërblime.

KURTHET E RUSISË NË BALLKAN

 

Manipulime pansllaviste kunder Kosoves, apo KURTHET E RUSISË NË BALLKAN

Zhvillimet e fundit rreth furnizimit me energji dhe të ardhmes së Kosovës janë shenja që tregojnë se sa e bindur është Rusia në përpjekjet për ta dominuar axhendën evropiane. Strategjia e Moskës përballë Bashkimit Evropian përbëhet nga tri elemente kryesore: të pengojë konsensusin evropian, të përfitojë ndikim mbi vendet anëtare kyçe dhe të parandalojë çfarëdo zgjerimi të mëtutjeshëm të NATO-s dhe Bashkimit Evopian.

Në fakt, Moska përfiton në masë të madhe nga mungesa e një qasjeje të artikuluar të Bashkimit Evropian përballë Rusisë. Për Parisin, Berlinin dhe Romën, pragmatizmi komercial tejkalon kalkulimet gjeostrategjike dhe në këtë mënyrë zvogëlon efektivitetin e çfarëdo qasjeje të përbashkët të Bashkimit Evropian. Në anën tjetër, varshmëria gjithnjë e në rritje në Evropë nga energjia e Rusisë zhvlerëson çdo formë të qëndrimeve unike përballë politikave aktuale të Moskës.

Në Ballkan, Kremlini është duke zgjeruar kontrollin nëpërmjet infastrukturave energjetike të Bullgarisë dhe Greqisë, duke vendosur kësisoji edhe një rrjet tjetër për ta vënë Bashkimin Evropian në kurth. (Zgjodhi per shtyp nga http://www.albusa.com/: Baki Ymeri, Bukuresht)





CAPCANELE RUSIEI ÎN BALCANI

Ultimele încercãri ale aprovizionãrii cu energie ºi viitorul Kosovei sunt semne care aratã cât de convinsa este Rusia în încercãrile sale pentru a domina agenda europeanã. Strategia Moskovei faþã de Uniunea Europeanã se compune de trei elemente principale: de a împiedica consensul european, de a obþine influenþã peste þãrile membre cheie ºi de a preveni orice întindere viitoare a NATO ºi UE.

De fapt, Moscova profitã în mare mãsurã din lipsa unei obordãri articulate ale UE faþã de Rusia. Pentru Paris, Berlin ºi Roma, pragmatismul comercial întrece calculãrile geostrategice ºi în acest mod micºoreazã efectivitatea oricãrei abordãri comune ale Uniunii Europene. În cealaltã parte, dependenþa din ce în ce mai mare a Europei de energia rusiei devalveazã orice formã a atitudinilor unice faþã de politicile actuale ale Moscovei.

În Balcani, Kremlin se aflã în procesul extinderii controlului prin intermediul infrastructurilor energetice ale Bulgariei ºi Greciei, punând astfel încã o altã mreajã pentru a pune Uniunea Europeanã în capcanã. (Preluate din http://www.albusa.com/. Traducere de Baki Ymeri)






Hajro Hajra

Qypi me florinj qe me la babai

Perparim Kapllani 

 Sa here e kam mallkuar veten pse linda i varfer dhe pse pikerisht une duhej te isha protagonist i Brezit te Humbur?! Pse duhej te me binte llotaria pikerisht mua per te marre rrugen e mergimit dhe pse me doemos une shqiptari duhej te hapja doren e me frike te zbuloja letren me vrimen e zeze...Po kam provuar ``Super 7``, ``649``, lloto te tjera dhjetra milione dollareshe..., duke mallkuar fatin tim sterre te zi: ``Te marrte dreqi qe nuk te la breke ne b.... Punon si kale, per te bere nje fare kompensimi...Nejse...Nja dy detaje personale: Babai qe 19 vjeçar u be komunist. Punoi tere jeten per 2500 leke te vjetra ne muaj, gjersa nderroijete ne vitin 1977 ne moshen 43 vjeçare. Pasuria qe me la pas??? ``Asgje``,kam peshperitur shpeshhere me vete, ``asgje``. Gjithnje kam menduar se nuk me ka lene as edhe nje qindarke te vetme, por ndersa shfletoj librin ``Historia e Qeparoit``te Janko Palit, shqiptarit te nderuar nga Himara, kuptoj per here te pare ne jeten time se e kam patur krejtesisht gabim. Ashtu si biri fatlum i Jankos, Petraqi, edhe une paskam patur nje ``qyp me florinj``, te fshehur ne nje valixhe te vjeter dhe te pluhurosur ne qytetin e Elbasanit, ne nje valixhe te mbushur me doreshkrimet e tim eti dhe librat e tij te vyer qe nuk u botuan kurre. Shfletoj librin e babait te Petraq Palit e me duket sikur Jankoja, ky plak fisnik dhe flokebardhe nga Himara, eshte babai im dhe Petraqi vete une, qe i mbledh nje çike e nga nje çike kursimet e mia e nxjerr per here te pare ne drite librat e pabotuar te tim eti. Babai zemerbardhe Janko ishte ai qe hapi shkollen shqipe ne Himare. Ai qe la Francen, ashtu si babai im Mosken dhe u kthye ne atdhe ne vitin e mbrapshte 1960. Simbioze e çuditshme ndodh thelle qenies sime...Perzierje kohesh, njerezish, ngjarjesh, vitesh...Metamorfoze universale qe me ngerthen te terin. Kimera, ajo kafshe hibride, qenie mitologjike me trup dhie dhe koke luani, e me bisht gjarperi e ka marre emrin nga Himara. ``Njihet nje skulpture ne historine e artit e quajtur si Kimera etruske, e derdhur ne bronx``, shkruan Moikom Zeqo, autori i parathenies se librit. Me duket sikur shoh Zeusin shqiptar te Kerauneve ose ndryshe te Malit te Vetetimave, tek mban ne duar vetetimat, Zeusin paragrek, jo ate te Olimpit te Greqise.... Shfletoj librin e Janko Palit e me duket sikur degjoj magjistricen Ircea, tek porosit Odiseun te ruhet nga sirenat. Me duket sikur gurgullon ne veshet e mi perroi i Himares, qe ka patur emrin "Feniks", emrin e shpendit pra, qe rilindte nga hiri. Ul koken dhe pi uje ne Burimin e Argjente te perandoreve bizantine...Aty eshte shpella e Polifemit, birit te Posejdonit, ciklopit me nje sy dhe zotit ngadhnjimtar te detit. Vete deti legjende me vete...Biri i Dyrrahut, te cilin e vrau gabimisht Herakliu dhe e hodhi trupin e tij ne det, i dha vete detit emrin e tij ``Jon``, ketij nipi te dinastise se mbreterve ilire te Durresit. Legjendat himariote ngerthehen me ato elbasanase, me Skampinin e vjeter dhe te lashte, rrapin e Bezistanit,``Ujit qe lahet vete``, ``Spaikorret``, Burimin ku piu uje kali i Skenderbeut,Selviat e Namazgjase, qe gjermanet nuk munden t`i hidhnin dot ne ere, karakaftet e Krastes...., zot i madh!!! Me kap nje ngasherim i brendshem dhe buza me dridhet...Atdheu im eshte kaq larg dhe afer! Ato gricma floriri me sperkasin te terin....Hap syte dhe i verbuar nga gezimi dhe entuziazmi zbuloj se babai im, babai i Petraqit,baballaret tuaj, baballaret tane, baballaret e atyre na kane lene per trashegim secilit nga nje qyp te mbushur perplot me florinj: qypin e mbushur me legjendat e pavdekshme te ATDHEUT! Lavduem qofshin legjendat e baballareve! Amen!

Dieta zvogelon deshirat seksuale

 

Flori Bruqi

Te dobet, te bukur dhe ne forme me cdo kosto? Por kujdes, duhet te dini qe nje diete e forte redukton dhe deshirat seksuale? Kjo vjen pasi eliminimi i ushqimit gjeneron nervozizem dhe irritim. Doktoresha Roberta Rossi, psikoseksologe ka shpejguar qe eliminimi i ushqimit duhet te behet ne nivele te vogla pasi kjo shkakton probleme ne deshirat seksuale.
Ushqimi eshte qetesues natyral, mungesa e tij ben qe te rritet nervozizmi dhe kjo con ne largimin nga cdo lloj kenaqesie, nder to edhe ato seksuale.

Por seksi ndihmon patjeter ne uljen ne peshe, dhe humbjen e shume kalorive.Raporti midis ushqimit dhe seksit eshte shume i lidhur. Deshira seksuale rritet ndjeshem me aromen e ushqimit, kjo eshte dhe arsyeja qe tavolinat mbushen me ushqime te shijshme ne takime romantike.

E keni pyetur ndonje here veten perse takimi i pare behet ne nje restorant shume romantik? Atmosfera dhe aromat e ushqimit kane nje impakt shume te madh seksual, dhe sherben si provokim ne shume raste(Shekulli,24.3.2007)

Albin Kurti, Burgu i Pejës

 

Agjencioni FLOART - PRESS

24 mars 2007

Albin Kurti, Burgu i Pejës

https://floart-press.blogspot.com/2007/03/albin-kurti-burgu-i-pejs.html

Dikur politikanët e Kosovës e mbronin autonominë. Tash, politikanët e Kosovës po e mbrojnë pakon e Ahtisaarit. Dikur politikanët e Kosovës besonin se autonomia është mundësi për republikë dhe një hap drejt saj. Sot, politikanët e Kosovës deklarojnë se pakoja e Ahtisaarit është mundësi për pavarësi dhe një hap drejt saj. Autonomia e Kushtetutës së ’74-shit ishte bërë pikërisht që të mos bëhej republika. Pakoja e Ahtisaarit është ofruar pikërisht që të mos bëhet pavarësia. Ajo Serbisë ia ndërton mundësinë e pamundësimit të pavarësisë së Kosovës. Serbia drejtpërdrejtë do të financojë strukturat qeverisëse të 10+1 komunave me shumicë serbe në Kosovë.
Edhe në rastin më të mirë pavarësia e Kosovës nuk do të mund t’i ngërthejë territoret e atyre komunave. Mirëpo, edhe ky rasti më i mirë nuk është i mundur sipas pakos së Ahtisaarit. Modeli i shumicës së dyfishtë në Kuvendin e ardhshëm të Kosovës është më se i mjaftueshëm që deputetët serbë ta bllokojnë kurdoherë shpalljen e pavarësisë dhe çfarëdo amandamentimi të Kushtetutës që nuk iu levërdisë atyre. Kjo pako e bën karakterin e sovranitetit të Kosovës etnik dhe bipolar (shqiptaro-serb) dhe realisht ia dorëzon atë Misionit Civil Ndërkombëtar i cili e zëvendëson dhe trashëgon UNMIK-un duke e pasur fjalën e fundit të autoritetit suprem dhe pushtetin intervenues të politikës policore. Ndërkohë, sovranitetin nominal të Serbisë mbi Kosovën kjo pako e lë të paprekur pikërisht duke mos e përmendur.

Pakoja e Ahtisaarit nuk është zgjidhje. Ajo sajon probleme të reja, ndërsa të vjetrat veçsa i ngrin. Sikur Kosova të ishte tashmë shtet i pavarur dhe sovran, implementimi i kësaj pakoje do t’ia zhbënte asaj pavarësinë dhe sovranitetin. Asnjë shtet i pavarur dhe sovran nuk do ta lejonte realizimin e një pakoje të tillë. Neve na e sjellin dhe shtyejnë këtë pako sepse s’jemi shtet dhe që të mos bëhemi shtet.
Negociatorët kosovar flasin vetëm në përgjithësi për pakon e Ahtisaarit në mënyrë që ta shmangin vëmendjen nga detajet e tmerrshme të saj. Njëkohësisht, ata e keqinterpretojnë pakon duke e paraqitur statusin e Kosovës si diçka që ndodhet jashtë pakos. Kësaj i ka kontribuar edhe vetë Ahtisaari duke premtuar se rekomandimi i tij për KS të OKB-së lidhur me termin që përkufizon statusin e Kosovës vjen në fund. Përmes kësaj ndarjeje artificiale, Ahtisaari ua ka hapur shtegun anëtarëve të KS të OKB-së që ta pranojnë pakon e tij përveç asaj fjalie shtesë që erdhi në fund! Nëse fjala pavarësi do të ndodhej brenda pakos së Ahtisaarit, atëherë pakoja do të bëhej kontradiktore. Prandaj, fjalia që besohet ta përmbajë fjalën pavarësi, e që u zbulua si premtim (i negociatorëve kosovar) i premtimit (të Ahtisaarit) është lokalizuar jashtë pakos dhe është spostuar për fund, ashtu që në fund të mund të përjashtohet krejtësisht. Njoftimet për dy dokumente të ndara brenda pakos vetëm sa shpërfaqin dokumentin e dytë si ndajshtesë.

Fjalia e pavarësisë tregon pavarësinë vetëm nëse vjen në fillim. Pavarësia në fund është pavarësi në fund të pusit. Nuk është e rastësishme që lëvizja gjithëpopullore dhe antikolonialiste në Indi, e të cilës i printe Gandhi, për parullë kryesore kishte thirrjen “Pavarësi tash!”. Mbase ishin lodhur e mërzitur duke dëgjuar shumë shpesh dhe tepër gjatë se si pavarësia do të vie së shpejti, në fundin e afërm të procesit që assesi s’mbaron.


From : Vedat Xhymshiti
Sent : Saturday, March 24, 2007 11:55 AM
To : "Vedat Xhymshiti"
Subject : Nje Shkrim i Albin Kurtit

| | | Inbox


--------------------------------------------------------------------------------

Attachment : AlbinKurti.doc (0.03 MB)

Te bashkengjitur ne atachment e keni nje shkrim te aktivistit te burgosur politik, Albin Kurti, shkrim te cilin e ka shkruar nga Burgu i Pejes.
Ju lutem ta shperndani ne adresarin tuaj elektronik, dhe ta botoni ne web faqet tuaja te mundshme.

Sinqerisht!
Vedat Xhymshiti
Tiranë, 24 mars '07
--
====================================
Vedat Xhymshiti - Lëvizja VETËVENDOSJE!
Tiranë: +355 / 68 - 33 60 432
Tel +377 (0) 44 / 679 – 357
www.vetevendosje.org
www.vudi.multiply.com
====================================
njerëz në lëvizje
gjeneratë me shpjegim të ri
komunitet që refuzon të nënshtrohet
drejt vetëvendosjes dhe deri në vetëvendosje!
====================================
Lëvizja VETËVENDOSJE! është komunitet i njerëzve që refuzojnë të nënshtrohen. Ajo synon arritjen dhe realizimin e vetëvendosjes për popullin e Kosovës. Lëvizja VETËVENDOSJE! angazhohet edhe për ndryshime radikale shoqërore e politike që do të mundësonin respektimin e të drejtave të njeriut, të drejtave civile dhe drejtësisë sociale për të gjithë dhe secilin në Kosovë pa kurrfarë diskriminimi.

Mosharrim në deklarata publike : Me shkas:Nëse Serbia mendon të rikthehet në Kosovë, atëherë “Vetëvendosja” shndërrohet në mekanizëm çlirimtar

 

Me shkas:Nëse Serbia mendon të rikthehet në Kosovë, atëherë “Vetëvendosja” shndërrohet në mekanizëm çlirimtar

https://floart-press.blogspot.com/2007/03/me-shkasnse-serbia-mendon-t-rikthehet-n.html?zx=c0b47248f8641836

Njëri nga drejtuesit e Lëvizjes “Vetëvendosje!”, Glauk Konjufca, në një intervistë për Kosovapress ka thënë se pjesëmarrja në demonstratën e 3 marsit  2007do të jetë edhe më e madhe për faktin se me plumba dhe vrasje nuk mund të ndalet shprehja e vullnetit politik të popullit, përkundrazi kjo formë nxit më shumë vendosmërinë e për arritjen e synimeve. Sipas tij, demonstrata do të jetë paqësore sikurse kanë qenë deri tani dhe nuk do të jetë për cak okupimi i institucioneve siç kanë propaganduar partitë politike për 10 shkurt 2007.

Kosovapress: Sa është përgatitur Lëvizja “Vetëvendosje!” për demonstratën e 3 marsit?

Konjufca: Kemi bërë përgatitjet e nevojshme për zhvillimin paqësor të demonstratës së 3 marsit, përveç informimit të aktivistëve dhe ndarjen e detyrave dhe përgjegjësive për secilin në lidhje me demonstratën. Po ashtu kemi marrë edhe disa veprime tjera shtesë, siç është përpilimi i manualit për qëllimet politike të demonstratës dhe si të demonstrohet. Ky manual është shtypur në disa dhjetëra mijëra kopje dhe do t’iu shpërndahet demonstruesve dhe këtë manual do të publikojmë në media një ditë para demonstratës. Kjo bëhet me qëllim që të jetë edhe një element i kontrollimit sa më të mirë të demonstratës dhe i parandalimit të çfarëdo infiltrimi të mundshëm, nëse ka dikush qëllime të këqija për të prishur skenarin tonë.

Kosovapress: Çfarë moto ka demonstrata dhe cila do të jetë kjo formë paqësore e protestimit?

Konjufca: Paqësore do të jetë në kuptimin që nuk do të lëndohet askush, cak i demonstratës nuk do të jenë okupimi i institucioneve, siç kanë thënë këta institucionalistët dhe partitë politike për 10 shkurt. Unë ju them se askush prej stafit njerëzor të UNMIK-ut dhe institucioneve vendore nuk do të rrezikohet. Përndryshe motoja e demonstratës është kundër pakos së Marti Ahtisarit dhe për vetëvendosje, pra kundër Grupit Negociator, i cili po vazhdon negociatat me Serbinë dhe jemi kundër çfarëdo negociate para se të realizohet vullneti politik i popullit. Pra, qëllimet politike janë që të njihet në mënyrë të pakushtëzuar e drejta për vetëvendosje popullit të Kosovës, e cila e drejtë duhet të realizohet nëpërmjet referendumit, ku të gjithë qytetarët do të merrnin pjesë. Vetëm kjo mënyrë do të ishte një rezultat, nga i cili mandej do të mund të merrnin vizën institucionet e vërteta të Kosovës për të mbrojtur interesat e qytetarëve.

Kosovapress: Pas 10 shkurtit është hera e parë që “Vetëvendosja” takohet me Shërbimin Policor të Kosovës. A keni arritur ndonjë marrëveshje?

Konjufca: Jo nuk ka pasur marrëveshje, sepse me sa kam kuptuar unë policia nuk erdhi për të arritur marrëveshje, por për t’u informuar me natyrën dhe mënyrën e zhvillimit të demonstratës. Në atë takim SHPK-në e kemi informuar aq sa e kemi informuar edhe popullin e Kosovës, që nëpërmjet mediave kemi treguar se demonstrata e 3 marsit nuk do të ketë për qëllim hyrjen në institucione apo okupimin e tyre. Pastaj ua kemi bërë të ditur trajektoren e marshit demonstrues paqësor, pikënisjen dhe përfundimin. Ndërkohë që përveç të tjerave, skenari jonë do të ketë edhe detajet e veta teknike, të cilat nuk mund t’i bëjmë publike 100 për qind, sepse mendojmë se do të mund të shfrytëzoheshin që të pengohet demonstrata jonë për t’u realizuar. Pra, qëllimi jonë është që të realizohet skenari i Lëvizjes “Vetëvendosje”, sepse kjo është mënyra më e sigurt që askush prej njerëzve të mos pësojë.

Kosovapress: Do të thotë ky takim se kemi filluar të pranoni SHPK-në si institucion?

Konjufca: Faktikisht ne më parë pranojmë popullin si institucion. Institucioni i parë në Kosovë duhet të jetë vullneti i popullit, e që aktualisht nuk është kështu. Meqë vullnetin e popullit ne e konsiderojmë institucionin kryesor, atëherë çdo kush është pjesëtar i tij dhe në të ardhmen ka vendin në gjirin e popullit. Prej këtij populli janë edhe pjesëtarët e SHPK-së dhe ne kemi biseduar me ta vetëm se mendojmë që si shqiptarë që janë kanë përgjegjësi morale që gjatë zhvillimeve të ardhshme të dinë si të veprojnë dhe në momentin vendimtar të pozicionohen në anën e popullit për vetëvendosje dhe kundër pakos së Ahtisarit. Përderisa ekziston kjo hapësirë dhe kjo shpresë që ata një ditë do të mund të vetëdijesoheshin politikisht, do të ekzistojë edhe hapësira e komunikimit, por gjithmonë duke i respektuar kushtet tona, që do të thotë pa prezencën e eprorëve të tyre ndërkombëtarë.

Kosovapress: Nga demonstrata e 10 shkurtit janë me dhjetëra të plagosur dhe dy të vdekur. Çka nëse policia intervenon si atë ditë?

Konjufca: Asgjë, vetëm se unë mendoj se ky sistem i padrejtë ia përshpejton fundit vetvetes dhe definitivisht e motivon popullin edhe më shumë për domosdoshmërinë e ndryshimit të këtij regjimi të padrejtë. Regjimi vetëm vazhdon të tregojë fytyrën e tij të vërtetë, përderisa kjo i ngrit tensionet dhe vjen deri të një vetëvrasje e këtij sistemi.

Kosovapress: Doni të thoni se tani keni përkrahje më të madhe?

Konjufca: Natyrisht që do të kemi, sepse prej se është krijuar “Vetëvendosja” nuk i ka rënë përkrahja ndonjëherë, por në vazhdimësi jemi duke u rritur, aq më tepër që tash po mbahen në burg padrejtësisht njerëzit që demonstruan paqësisht, ndërsa në burg do të duhej të ishin kriminelët, ata që plagosën e që vranë. Mirëpo këto veprime kriminale të këtij regjimi edhe më shumë i kanë bindur dhe i kanë qartësuar politikisht njerëzit, prandaj mendoj se pjesëmarrja në demonstratë do të jetë edhe më e madhe.

Kosovapress: Ju tani jeni para një situate të re, meqë ka edhe të vdekur. Mendoni të ndryshoni formën e demonstrimit?

Konjufca: Jo nuk do të ndryshojmë, por do të vazhdojmë me këtë formë paqësore të demonstrimit. Mirëpo, duhet të dinë se asnjë populli nuk mundet pandërprerë t’i shkelet vullneti politik, bile aty ku kanë filluar të përdoren armët kundër popullit, vullneti i tij veç sa është forcuar edhe më shumë. Sikurse ka ndodhur edhe nga përpjekja e Serbisë për të na shtypur me armë, që nxiti edhe më shumë vendosmërinë e popullit tonë për çlirim.

Kosovapress: Meqë pritni pjesëmarrje më të madhe, sa ka rrezik që demonstrata t’ju dalë nga kontrolli?

Konjufca: Nuk ma merr mendja që do të dalë nga kontrolli, sepse kemi bërë përgatitjet e nevojshme, numri i kujdestarëve do të jetë më i madh, por edhe kemi vërejtur se te demonstruesit ekziston një gatishmëri tejet e lartë që t’iu përmbahen skenarit organizativ të Lëvizjes “Vetëvendosje!”. Dihet fare mirë se në demonstratën e 28 nëntorit gjithçka ka shkuar nën kontrollin e duhur dhe ajo çka ka ndodhur ka qenë e paraparë në skenarin tonë, por kjo nuk ndodhi edhe me 10 shkurt, sepse policia e ndërpreu marshin tonë me plumba dhe gjak. Ne jemi që kjo të mos përsëritet më 3 mars dhe të realizojmë skenarin tonë, ku masa do të jetë e dëgjueshme ashtu siç ka qenë më 28 nëntor.

Kosovapress: Bisedimet në Vjenë janë para përfundimit dhe dokumenti i Ahtisarit në mars pritet të shkojë në Nju Jork. Cili është efekti i demonstratave në këtë kohë dhe çka mund të ndryshohet me to?

Konjufca: Duhet të përmend ato që ka thënë Ismail Qemajli, se një popull që hesht edhe vdes. Në momentin që Serbia po bën demonstrata për të riokupuar Kosovën, ne duhet të bëjmë demonstrata kundër planeve të Serbisë, si dhe kundër pakos së Ahtisarit që përmban në masë të madhe këto plane serbe për të copëtuar Kosovën nëpërmjet decentralizimit, për të zhdukur kulturën dhe historinë tonë mesjetare si popull autokton i Kosovës. Ne mendojmë që këto plane duhet të kundërshtohet me demonstrata sa më masive të mundshme dhe prej tyre ka vetëm gjëra pozitive dhe asgjë negative për Kosovën. Populli tregon nëpërmjet këtyre demonstratave që është këtu, që është i zëshëm dhe që nuk do të pranojë çfarëdo plani, përveç ato plane me të cilat ai pajtohet. Ndërsa këta negociatorët s’po e pyesin popullin me çka pajtohet dhe me çka nuk pajtohet, por po vendosin vetë me disa grupe që kanë krijuar dhe popullit nuk po i jepet e drejta për të shprehur mendimin e tij.

Kosovapress: Nga partitë politike që bëjnë pjesë në Grupin Negociator, jeni cilësuar si njerëz ekstremistë, radikalë, të papërgjegjshëm që po veproni kundër pavarësisë së Kosovës. Si i komentoni këto?

Konjufca: Këtyre njerëzve liria iu duket kategori radikale për arsye se ata tashmë kanë hequr dorë prej vullnetit të popullit dhe janë absolutisht instrument i UNMIK-ut dhe i interesave të caktuar të disa ndërkombëtarëve. Si të tillë këta negociator dhe parti politike, vullnetin e popullit e shohin si kategori të skajshme, do të thotë si diçka ekstreme, kurse për Lëvizjen “Vetëvendosje!”, realizimi i pakusht i të drejtës së popullit për vetëvendosje është njëra nga gjërat më normale dhe parakusht i demokracisë.

Kosovapress: Janë disa demonstrues të burgosur në mesin e tyre edhe Albin Kurti. Këto burgosje ju i keni cilësuar si politike. A i keni vizituar ata, çfarë trajtimi po iu bëhet?

Konjufca: Disa prej të arrestuarve që u patën dënuar me nga 40 dhe 15 ditë burg po vuajnë dënimin, ndërsa shpesh herë në burgje ka pasur raste të provokimit të hapur nga institucionet e burgut. Kemi pasur përsëritjen e fenomenit të ofrimit në shujta të produkteve serbe, por aktivistët kanë refuzuar këto produkte duke kushtëzuar me grevë urie dhe mandej drejtoria e burgut ka vendosur që të heqë këto produkte të Serbisë. Ndërsa sa i përket Albin Kurtit, ju e dini që vetëm iu ka vazhduar paraburgimi prej 30 ditëve dhe tani është në burgun e Pejës. Ne nuk kemi shkuar ta vizitojmë, sepse nevojitet një vendim special i gjykatës, e ne nuk mund të marrin vendime të tilla prej institucioneve që nuk janë të popullit, por kam përshtypjen që edhe Albinit nuk do t’i vinte mirë të bënim një gjë të tillë.

Kosovapress: A keni përkrahjen e organizmave tjerë politik dhe shoqëror të Kosovës për demonstratën e 3 marsit?

Konjufca: Sa më lart që ngjitesh në parti politike përkrahja është më e vogël, kurse në majën e kësaj piramide ne kemi kundërshtarët, mirëpo sa më poshtë kësaj piramide partiake, baza e anëtarësisë së zakonshme nëpër komuna dhe fshatra të ndryshme është shumë e madhe, sepse nuk janë të afërt me krerët e këtyre partive. Këta njerëz na ndihmojnë në mënyra të ndryshme dhe marrin pjesë në masë të madhe në demonstratat tona, por më shumë do të marrin pjesë në të ardhmen, sepse fenomeni i shkëputjes së krerëve të partive politike prej popullit po rritet. Meqë këtyre negociatorëve nuk është duke iu interesuar dhe mbrojtur interesin politik të popullit, këta njerëz që kanë votuar ndonjëherë për ndonjë parti politike po ofrohen me Lëvizjen “Vetëvendosje!”.

Kosovapress: Ju thatë se nuk keni arritur ndonjë marrëveshje me policinë. Çka nëse bllokohet rruga si më 10 shkurt dhe nuk lejohet marshimi i protestuesve?

Konjufca: Nëse policia do të bllokojë rrugën, unë mendoj se aktivistët do të duhej të synonin ta merrnin rrugën, sepse ajo është hapësirë elementare publike ku masa ka të drejtën e demonstrimit. Kjo për faktin se mandej nuk na mbetet ndonjë vend tjetër ku do të mund të demonstronim, por me këtë veprim ky regjim politik që është antidemokratik shndërrohet në tiranik, e cila është faza më e rëndë e një diktature, sepse qytetarëve përpos që iu mohohet vullneti politik, mohohet edhe e drejta një elementare civile me të cilën kthehemi në shekujt e mesjetës. Mirëpo kjo do të përshpejtojë fundin e këtij procesi politik, sepse pakënaqësia është në rritje të madhe.

Kosovapress: Deri kur do të demonstroni dhe a është kjo mënyra e vetme për realizimin e synimeve që ka “Vetëvendosja”?

Konjufca: Ne do të demonstrojmë deri në momentin kur të tjerët të na pranojnë të drejtën tonë si popull, për të shprehur të papenguar mendimin dhe vullnetin tonë politik, dhe të ndërtojmë institucione të cilat janë reflektim i këtij vullneti. Mendojmë që kjo është njëra ndër format e domosdoshme të konfirmimit dhe imponimit të vullnetit politik të popullit. Natyrisht që këtë e kemi thënë edhe me parë, se në raport me pushtetin e brendshëm shfaqin vullnetin tonë në këtë mënyrë, pra me demonstrata paqësore, por nëse mendon Serbia që në Kosovë mund të rikthehet prapë, atëherë Lëvizja “Vetëvendosje!” automatikisht shndërrohet në mekanizëm çlirimtar dhe do të kërkojë prej popullit mobilizim të përgjithshëm.

Kadare: Fatkeqesia e Solzhenicinit per "Kosoven"

 

 Shkrimtari yne i mirenjohur Ismail Kadare ne nje interviste dhene në  "Zerit te Amerikes" e ka cilesuar si planetare figuren e disidentit rus Laureatit te cmimit Nobel, Aleksander Solzhenitsin shkrimet e te cilit ekspozuan tmerrin e punes skllaveruese te periudhes sovjetike.

Laureati rus i cmimit Nobel, Alexander Solzhenicin, autori disident shkrimet e te cilit ekspozuan tmerret e kampeve te internimit te periudhes sovjetike, u varros sot me nje ceremoni qe i ngjante nje funerali shteteror, ne nje varreze historike te Moskes. Solzhenicini vdiq te dielen ne moshen 89 vjecare. Aleksander Solezhenicin ne veprat e tij pershkroi dhe denoncoi sistemin stalinist te ish-Bashkimin Sovjetik.

Solzhenicini u be simboli i luftes kunder diktatures, ai ishte njeriu qe denoncoi boterisht sistemin me te ashper totalitar dhe beri publike kampet famekeqe te internimit, te ashtuquajturit Gulage sovjetike. Cfare ndikimi paten veprat e tij ne ato vite?

Natyrisht, qe mendimi unanim boteror eshte se Solzhenicini eshte nje figure kolosale e shekullit, eshte nje shkrimtar emancipues, ne shkalle planetare, ai ai luajti nje rol ne gjysmen e planetit, qe ishte bota komuniste, por edhe ne boten tjeter, ku vepra e tij rrezatoi gjeresisht. Ka qene nje shkrimtar i pakrahasueshem ne demaskimin e krimeve te Stalinit, nje proces qe ende vazhdon sot ne bote, me denimin e krimeve te komunizmit, nje proces qe ende vazhdon sot ne bote, pra eshte nje proces ende i pambyllur. Sic ndodh shpesh me figurat e medha, te gjithe duan te perfitojne prej tyre, Rusia zyrtare, qe pame edhe ceremonine, e nderon ate, mendoj une per te tjera arsye qe e nderon Rusia demokratike dhe liberale. Opinioni boteror cmon tek ai mbi gjithcka vepren e tij te madhe letrare artistike dhe mbrojtjen e te drejtave te njeriut qe ai beri ne shkalle boterore, si rralle kush. Edhe ne qofte se vihet re ndonje rezerve, sic ndodh me shkrimtaret e medhenj, kjo ka te beje pikerisht me te drejtat njerezore, kampion i te cilave ai qe. Eshte vene ne dukje kohet e fundit afrimi i tij me Putinin, qe ka luajtur nje rol ne mendimet e tij, te cilat paten rene disa here ndesh me vepren e tij, sic ishte rasti i Kosoves, kur per fat te keq, e perseris, per fat te keq, ai u pajtua me mendimin e Rusise zyrtare, kunder forcave te lirise ne Ballkan. Disidentet ruse kane pasur per kete arsye nje polemike me te dhe Kosova u be, si te thuash, nje pike ndarjeje midis tyre. Por kjo ndodh jo rralle me shkrimtaret e medhenj dhe te shquar, qe jo rralle, parimet qe ata mbrojne ne veprat e tyre, bien disa here ndesh me mendimet qe ata kane ne nje periudhe te caktuar te jetes se tyre. Por, ne fund, eshte vepra ajo qe mbetet dhe qe cmohet dhe jane keto mendime kalimtare, te cilat harrohen dhe pa dyshim, dhe figuren e tij kolosale nuk do ta cenoje kjo gje ne teresi, ato mendime kalimtare do te harrohen dhe vepra e tij do te jetoje pergjithmone.

Pra, ai mbetet nje figure komplekse ne historine e letersise boterore...

Nuk mund te thuhet komplekse, figura e tij eshte ne pergjithesi e qarte, por qe thashe une, eshte nje incident...

Ju keni pasur rastin ta takoni Aleksander Solzhenicinin. Ne c'rrethana e keni njohur dhe cilat jane disa nga mbresat tuaja per te?

Po, une kam pasur rastin ta njoh ne Paris,para se te instalohej perfundimisht ne Rusi, ai beri nje udhetim ne France. Ne te dy, kemi te njejtin editor dhe botues francez, dhe ne mjediset e Shtepise Botuese "Fayard", ku ai u prit, kam pasur rastin te njihem me te dhe te bisedoj me te, ishte nje njeri jashtezakonisht i komunikueshem, kishte deshire te fliste, nje deshire qe ndoshta ishte e theksuar nga jeta e tij teper e vetmuar, qofte ne burgjet e Stalinit dhe ne internim, qofte ne nje fare jete te izoluar qe ka bere me vone. Ai ishte teper i komunikueshem.

Duke bere nje paralelizem me ish Bashkimin Sovjetik, ne se do te flitej per nje disidence, apo nje Solzhenicin te Shqiperise, ne mend te vjen emri juaj, megjithese ju vete jeni shprehur se nuk keni qene disident. Sa e veshtire ishte disidenca ne radhet e intelektualeve shqiptare gjate periudhes se komunizmit?

Nje here, dua te them, se nuk ka figure ne letersine shqipe, ne kulturen shqiptare, ose ne mendimin kulturor shqiptar, te krahasueshem me Solzhenicinin ne ate kompleksitetin e tij, si njeri i madh i letersise dhe i lirise, nuk ka. Nuk ka dhe nuk mund te kishte ne Shqiperi, sepse edhe ne Rusi, Solzhenicini doli ne ate periudhe qe quhej periudhe staliniste, d.m.th ai kishte vite, vite qe shkruante, por u deshen te kalonin 8 vjet nga vdekja e Stalinit, qe ai te botonte faqet e para. Kaq e rende ishte hija e Stalinizmit, ne Rusi, ku qe permbysur nderkohe. Tani mendoni se si kane kjo hije e Stalinizmit tone dhe e kishim gjalle Stalinin deri ne rrezimin e komunizmit. Pra, ishte praktikisht dhe teorikisht e pamundur, qe ne Shqiperi te kishte disidence. Ne Shqiperi nuk ka pasur disidence, ne kuptimin klasik te fjales, qe disidenca konsiderohet si nje kundershtim publik ndaj shtetit, si nje kundershtim, nje sfide, nje dalje publike kunder shtetit qe sundon. Ne kete e dime dhe shpesh thuhet se vertet ka qene ne Shqiperi kaq e ashper kjo shtypje e kultures, e jetes shoqerore, apo ndoshta shkrimtaret mundet qe e teprojne pak per te justifikuar faktin qe ata nuk arriten dot te benin ate disidence qe i beri ata qe si ne Rusine e Solzhenicinit, se dhe atje per nje kohe te gjate nuk u be disidenca. Une them se shtypja ka qene reale dhe mjafton te kujtoj jo vetem vitet e para te terrorit, kur terrori kunder intelektualeve, elites intelektuale, ishte nje praktike e dites ne Shqiperi, ishte nje sport i dites, si te thuash, por te marrim vitet e fundit, ne mes te viteve '70, eshte thene disa here, ne Shqiperi u pushkatuan dy poete, Vilson Blloshmi dhe Genc Leka. Mendoni, te pushkatohen dy poete ne mes te viteve '70, kur nderkaq kishte nje lloj emancipimi ne mbreterine komuniste te botes; por une do t'ju them nje shembull tjeter, edhe me te pabesueshem. Pasneser, me 11 gusht, mbushen 20 vjet nga varja e nje poeti, une po e perseris fjalen, nga varja e nje poeti shqiptar, nje poet shqiptar me emrin Hazi Mela. U var ne mes te Kukesit dhe kur, ne vitin 1988. Eshte e pabesueshme, nje poet shqiptar varet dy vjet para renies se komunizmit dhe mbahet tre dite i varur ne sheshin e Kukesit, per te terrorizuar qytetin. Ja pra, cfare persekutimi dhe cfare terrori ka pasur ne Shqiperi. E megjithate, mund te thuhet, se letersia shqipe, jo ne kete forme kaq radikale si Solzhenicini, por ne forma me te permbajtura si Pasternaku, os esi Bulgakovi, ka arritur te shkruaje vepra qe kane shprehur rezerven e tyre te thelle kunder regjimit komunist.

A u be i famshem Aleksander Solzhenicini per shkak te disidences se tij dhe pasqyrimit te komunizmit rus me tere ashpersine e tij, apo edhe per faktin e vlerave artistike te veprave te tij?

Solzhenicini eshte nje shkrimtar i rralle ne fatin e tij, ku vepra letrare dhe dokumentare kane pak a shume, nje peshe te barabarte. Jane te dyja teper te rendesishme, jane te dyja teper te fuqishme, sepse rralle ka ndonje shkrimtar qe te kete kryevepra letrare, si ta zeme, "Pavioni i kancerozeve", qe eshte nje roman, pra thjesht nje roman artistik dhe te kete nje veper dokumenetare, ose me mire nje deshmi tronditese, si "Arkipelagu Gulag" dhe eshte shume e veshtire per lexuesin te vendose se cila eshte me interesante, qofte dhe nga ana e realizimit artistik, se jane te dyja jashtezakonisht te bukura, vec qe jane tronditese dhe te thella; jane edhe te bukura, lexohen me nje fryme. Prandaj, ai eshte nje shkrimtar qe e ka te ndare vepren ne dy korpuse, qe do te thoja, pak a shume te barabarte.



Varroset me nderime shkrimtari Solzhenitsin

Laureati rus i cmimit Nobel, Aleksander Solzhenitsin, autori dizident, shkrimet e te cilit ekspozuan tmerrin e punes skllaveruese te periudhes sovjetike, u percoll dje ne nje varreze historike te Moskes. Solzhenitsin, i cili vdiq te dielen ne moshen 89 vjecare, u varros prane manastirit Donskoi te shekullit te 16-te prane figurave te famshme te kultures ruse. Presidenti rus Dmitri Medvedev u bashkua me qindra njerez dhe nje prift ortodoks ne ceremonine qe i ngjante nje funerali shteteror, ku perfshihej banda ushtarake dhe roje nderi. Ruset sfiduan reshjet e shiut per te bere homazhe prane arkivolit te Solzhenitsin ne Akademine e Shkencave. Kryeministri Vladimir Putin ndaloi te fliste me te vene dhe djemte e Solzhenitsin.