Putin thotë se Rusia s’do ta sulmojë NATO-n, por do t’i rrëzojë F16-shat në Ukrainë

 

Rusia nuk ka plane për asnjë vend të NATO-s dhe nuk do ta sulmojë Poloninë, shtetet e Baltikut apo Republikën Çeke, por nëse Perëndimi furnizon me avionë luftarakë F-16 Ukrainën, fluturaket do të rrëzohen nga forcat ruse, deklaroi lideri rus Vladimir Putin.

Pushtimi rus i Ukrainës që nisi më 2022 ka nxitur krizën më të thellë në raportet mes Rusisë dhe Perëndimit që nga Kriza kubane e raketave më 1962.

Duke folur me pilotët rusë, Putin tha se aleanca ushtarake e udhëhequr nga Shtetet e Bashkuara është zgjeruar në lindje drejt Rusisë që nga rënia e Bashkimit Sovjetik më 1991, por Moska, tha ai, nuk ka plane që të sulmojë ndonjë shtet të NATO-s.

“Ne nuk kemi qëllime agresive ndaj këtyre shteteve”, tha Putin, sipas transkriptim të publikuar nga Kremlini të enjten.

“Ideja është që ne do të sulmojmë një vend tjetër – Poloninë, shtetet e Baltikut dhe çekët që po ashtu po frikësohen – është absurditet i plotë. Këto janë gjepura”.

Kremlini, që e akuzon SHBA-në se po lufton kundër Rusisë përmes mbështetjes së Ukrainës me para, armë dhe inteligjencës, ka thënë se raportet me Uashingtonin ndoshta kurrë nuk kanë qenë më të këqija.

I pyetur lidhur me avionët luftarakë F-16, të cilat Perëndimi ka premtuar se do t’ia dërgojë Ukrainës, Putin tha se fluturake të tilla nuk do të ndryshojnë situatën në Ukrainë.

“Ne do të shkatërrojmë këto fluturake siç po shkatërrojmë çdo ditë tanket, autoblindat dhe pajisjet e tjera, përfshirë edhe raketahedhësit”, tha Putin.

*Video nga arkivi: Pilotët stërviten për operimin e avionëve F-16

 EMBED SHPËRNDAJE

Pilotët e F16-shave stërviten për t’i ruajtur qiejt e NATO-s

 EMBED SHPËRNDAJE

Kodi u kopjua.

 

---

gjerësia  px lartësia  px

• Shpërndaje në Facebook
• Shpërndaje në X

---

Adresa u kopjua

 

• Auto
• 240p
• 360p
• 480p
• 720p
• 1080p

No media source currently available

0:002:140:08

Udhëheqësi rus tha se avionët F-16 po ashtu mund të bartin armë bërthamore.

“Sigurisht, nëse këta avionë do të përdoren nga bazat ajrore nga një shtet i tretë, për ne do të bëhen caqe legjitime për ne”, tha Putin.

Deklaratat e Putinit vijnë pasi një ditë më herët ministri i Jashtëm ukrainas, Dmytro Kuleba, tha se avionët F-16 duhet të dërgohen në Ukrainë në javët në vijim.

Ukraina, që për dy vjet po përballet me luftën e nisur nga Rusia, për muaj të tërë ka kërkuar nga aleatët e saj që t’i dërgojnë avionë F-16.

Belgjika, Danimarka, Norvegjia dhe Holanda janë në mesin e shteteve që janë zotuar se do t’i japin Kievit fluturake të tilla. Ndërkaq, një grup shtetesh kanë premtuar se do të ndihmojnë në trajnimin e pilotëve ukrainas.

Gjashtë persona besohet se kanë vdekur nga shembja e urës në SHBA

 

---

Anija e mallrave që u përplas me urën në Baltimor të SHBA-së më 26 mars 2024.

Gjashtë persona, që janë të zhdukur, konsiderohen se kanë vdekur pasi një anije mallrash u përplas me një urë të madhe në Baltimor, duke shkaktuar shembjen e saj.

Disa vetura ranë në lumë gjatë shembjes së urës.

Ekipi i anijes së mallrave lëshoi një alarm disa çaste para se të përplasej me urën Francis Scott Key, duke u mundësuar autoriteteve që të kufizonin qarkullimin e makinave mbi urë, tha guvernatori i Merillendit.

Pasi anija goditi një prej shtyllave mbështetëse të urës, struktura e urës u shemb menjëherë.

Me anijen që ishte nisur drejt urës “me një shpejtësi shumë, shumë të madhe”, autoritetet kishin mjaftueshëm kohë që të ndalonin makinat e tjera të kalonin mbi urë, tha guvernatori Wes Moore.

Përplasja ndodhi në mes të natës, para se ura të ishte e frekuentuar shumë. Ura është e gjatë 2.6 kilometra dhe vitin e kaluar u përdor nga 12 milionë makina.

Fotogaleri

Shembja e urës në Baltimor: Veturat fundosen në lumë

Gjashtë personat që janë të zhdukur, dhe që besohet se kanë vdekur, ishin pjesë e ekipit të ndërtimit që po punonin në një intervenim në urë, tha sekretari i Transportit në Merilend, Paul Wiedefeld.

Një drejtues i lartë i kompanisë që kishte punësuar punëtorët tha të martën se punëtorët konsiderohen të vdekur, duke pasur parasysh thellësinë e lumit dhe kohën e gjatë që ka kaluar që nga përplasja.

Jeffrey Pritzker, nga kompania Brawner Builders, tha se punëtorët po punonin në mes të urës ku ajo u shemb. Trupi i asnjërit prej punëtorëve të zhdukur ende nuk është gjetur.

Ekipet e shpëtimit kanë nxjerr nga uji dy persona. Një person, që u trajtua në spital, u lirua nga spitali disa orë më vonë.

Disa makina përfunduan në ujë, por autoritetet thanë se besojnë se në to nuk kishte njerëz.

Policia tha se ishte pranuar informatën nga anija se kishte humbur kontrollin e drejtimit të saj dhe u kërkuan policisë që të ndalnin trafikun.

Një zyrtar policor, që ndali trafikun, u nis drejt urës për të njoftuar edhe ekipin e ndërtimit, por disa sekonda më vonë ai u njoftua përmes radiolidhjes nga një koleg i tij se ura ishte shembur krejtësisht.

Nga viti 1960 deri më 2015, 35 ura të mëdha janë shembur në botë për shkak të përplasjes së anijeve, sipas Shoqatës Botërore të Infrastrukturës të Transportit Ujor.

Flori Bruqi

 

Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.             Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...             Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.   (www.sa-kra.ch)            Përgatiti: Adem ZAPLLUZHA             ANTOLOGJI E POEZISË MODERNE SHQIPE         FLORI BRUQI                                Hyrje              Flori Bruqi lindi më 29 qershor të vitit 1952 në Isniq të Deçanit, Kosovë.             Studimet e Defektologjisë i kreu në Universitetin e Beogradit, ndërsa ato postdiplomike (Magjistraturë) në Universitetin e Prishtinës - në Fakultetin e Kulturës Fizike dhe Sportit (2004).             Kandidati për Doktor i shkencave kineziologjike, z. Flori Bruqi (1952), poet i afirmuar, studiues i letërsisë, shkencëtar i Kineziologjisë Sportive, është autor i 35 librave, zhanresh letrare dhe shkencore.             Vepra letrare-poetike dhe studimore e tij, në një mënyrë ose tjetër, me kohë ka zgjuar interesim te lexuesit dhe studiuesit, veçanërisht te kritika e mirëfilltë letrare dhe shkencore. Kështu ajo, si ndërthurje estetike vitale, shqiptare dhe evropiane, ka qenë mjaft shpesh pike e forte referim, objekt observimi dhe analize nga studiues të shumtë të profileve akademike.             Flori Bruqi ka botuar 21 fejtone publicistiko-shkëncore në gazetën “Rilindja” të Prishtinës, në përiudhën 1974-1982., si dhe qindra -mijëra punime në shumë web faqe interneti (2003-2014). Është editor i Agjencionit "Floripress" si dhe bashkëpunëtor i dhjeta web faqeve në internet.             Bashkëpunoi më shtypin e përditshëm e periodik të vendit dhe të jashtëm që nga viti 1974 e deri me tash (“Bota e re” - Prishtinë, ”Rilindja” - Prishtinë, “Danas” - Zagreb, ”Dello” - Lubjanë, ”Dnevnik” - Lubjanë, “Veqer” - Maribor, ”Le Mond”, ”Corriera della Sera” etj).             Është anëtar i Lidhjes së Shkrimtarëve të Kosovës (2000).           RELIKTET TONA (Pa Kosovën nuk do të isha) Shfletojmë historinë Rreshta të shkruar Me gjak Nëpër faqe Gjurmët tona shfaqen Herë breshëritë nxijnë Arat me misër kudo që ishin Ngjanin në varreza të Mëdha Kur rritej vdekja Ku binin gjethe të rrëkëllyera Më të freskëta Se zambakët e majit Mani i kombajnës Thasët mbush Misër e grurë Në këtë Dhe’ Tash e tutje Gjumi do të oshtijë Nga përrenjtë e ëndrrave E paepur Kjo ishte rruga jote Ndërmjet njerëzve Me njerëz Dhe butonët E dritës. AGIMET E KOSOVËS   Çerekshekujt Në kurriz të maleve Lanë gjurmët e kanioneve, E Ti Kosovë U dole para Agimeve të mëdha, Kur trolli me nofullat e veta Kafshonte bijtë e saj Kosovë U dole përpara relikteve’ Qindvjetëshe Kur Trolli pinte gjak Përtypte barot Fashatonte plagën Dhe pashë Mes atij Ingranazhi Yje Dhe nën Yje Togun e pusive Amësinë Tënde Sfidojmë Të bartim Si një Agim mbi mal Duke t’i fshirë me Yje Muzgjet e hijeve Vezullim urojmë Brezave që vijnë Me tepritë e zellit Në cepat e Yjeve. GJAK SHEKULLOR Mëmëdheu Lëshoi një britmë Një zjarr Si lumi si era si gjaku Mirësinë i shpërtheu te pragu Të dua o hyjneshë e Agimit Me Heliosin e Apolonin Me vajtje-ardhjet Me duart E forta Të bashkëfshatarëve Të bashkuara përgjithmonë Në shpresën ndjellamirë Eliksirin Unë- Ndjej në shpirt Se biri yt Unë jam Frymëzimin tënd Borxh e kam Ç’përqarje të sjell Në qepalla Gjysmë të mbyllura Këngët shpesh t’i mbjell Me besë e shpresë Për të ardhmen tonë. RRJEDHAT E KOSOVËS Atdhe T’u desh të afrohesh Nga thellësitë e viteve Deri te kjo kohë Me dyfek e gjalmë Që kurrë s’qenë të ftohta, t’u desh Të vishë Në këto male pranë Në këtë baltë Në këtë Tokë Dhe të dilje Ti kështu si je T’u desh Flakë vullkani Atdhe Po zbardh sot mëngjesi Flamur të kuq Shkaba dykrenore lartë Frymëzim i ri Në zemrat e sizifëve  në buzëqeshjet e triumfuesve Në përparëset e shpirthirshmëve Në çdo fabrikë Uzinë Faqe mali Madhështore Do të duhej të buçiste Kënga e vështrimeve të ndezura Me fjalët Zotim Gdhendës mermeri Sypatrembur Duke u futur Me kraharorët masivë Në rreshtat e mëdhenj Të detit tekanjoz. REKUIEM I PËRLIGJUR Prej gjakut e zemrës s’mund të dalë, siç u dogjën të tjerët s’dua të digjem ç’donin ziliqarët në kopshtin e Edenit mollën e Eridës në dorë që më lanë ditë pas dite prej zemërimit të përligjur nga trishtimi Zeusi s’e fal Prometeun, pa ia treguar fshehurazi intrigën, dashuritë digjen e përvëlohen, sa fort, brenda çdo ëndrre vuan zemra vetë, udhë u deshën që djajtë të risjellin poshtërimin e zbritur nga Olimpi i lartë, të lënë shtrëngatën… e të vrasë njerëzinë edhe lotët kur djegin shpirtin së brendshmi më ngjan se më hiqet i rëndi mallëngjim, një këngë ilirishte përftohet fshehtësire e vjen një kohë letargjie me gjëmim 　 PORTRETI I NËNËS 　 "Nënë për ta shpëtuar jetën Ty,dhashë lëkurën e do ta jepja edhe shpirtin" (Biri yt Mirlin Bruqi) Nga qytetet e fshatrat e largëta vijnë Banorë(të përkohshëm)në Prishtinë Pleq Plaka Të reja Të rinj Me shporta të vogla në duar Vijnë çdo të diel Vijnë(ndoshta)çdo ditë Te dera e Spitalit Në orën 14 Gumëzhijnë korridoret Nga hapat e tyre Zhurmojnë pavijonet Korridoreve… Zvarritët rrëqanthi vdekja Në dhoma hyn shqetësimi Secili me de(r)t Për të afërmin e vet Kështu çdo të diel Kështu çdo ditë Në orën 14 Burbuqja kurajon Nënën Mirlindi jep lëkurën e vet Për ri(ngjalljen)e Saj Të afërmit shërim i dëshirojnë

Iu nënshtrua ndërhyrjes kirurgjikale në zemër, aktori i njohur Reshat Arbana lë ambientet e spitalit

Nga Flori Bruqi

Reshat Arbana lindi më 15 shtator 1940 në Tiranë, Shqipëri. Ai është një aktor teatri dhe filmi. Një nga aktorët më popullorë të kinemasë shqiptare, me mbi 35 role, duke filluar që nga viti 1963.

Pasi i kreu studimet në shkollën e lartë për aktorë “Aleksander Moisiu”, pranë Teatrit Kombëtar në Tiranë, më 1968, filloi punë në Radio Tirana. Nga viti 1977 e deri sa doli në pension ishte aktor i Teatrit Kombëtar të Tiranës.

Ndër rolet më të spikatura në film: Samiu tek Fije që priten 1976, Prefekti tek Gjeneral gramafoni 1978, Bimbashi tek Liri a vdekje 1979, Isa Boletini tek Nëntori i dytë 1982, Ahmeti tek Dora e ngrohtë 1983, Adnani tek Hije që mbeten pas 1985, Aliu tek Binarët 1987, Emili tek Rikonstruksioni 1988, Kuke Memini tek Balada e Kurbinit 1990. Për rolet e Dajlan Beut tek Kush vdes në këmbë 1984 dhe Kryetarit të Këshillit tek Kur hapen dyert e jetës 1986 ka fituar Medalionin e Festivalit të Filmit më 1985 e 1987.

Në maj 2004 u rikthye në skenën e Teatrit Kombëtar me rolin e protagonistit në dramën Streha e të harruarve.

Më 7 tetor 2011 Presidenti i Republikës, Bamir Topi i akordoi zotit Reshat Arbana Urdhrin “Nderi i Kombit” me motivacionin: "Aktorit të shquar të teatrit dhe kinematografisë, i cili me interpretimin mjeshtëror dhe origjinalitetin e tij u bë një artist popullor e shumë i dashur për publikun, rolet e të cilit kanë pasuruar me vlera të reja kulturën kombëtare.”

Më 26 nëntor 2011 në koncertin "Nëntori II" organizuar në kuadrin e javës së kulturës shqiptare me rastin e 99 vjetorit të shpalljes së Pavarësisë së Shqipërisë, Shoqata shqiptare në Parma të Italisë "Scanderbeg" i dorëzoi çmimin "Skënderbeu - Diaspora shqiptare në Itali" zotit Reshat Arbana të akorduar në emër të 24 shoqatave dhe subjekteve në Itali me motivacionin: Për personalitetin e jashtëzakonshëm, cilësinë artistike dhe frymëzimin me të cilin ka interpretuar role, histori, ngjarje, duke i pasuruar me humanizmin dhe kulturën që e karakterizon përherë. Çmimi ju dorëzua nga përgjegjesi i organizimit të shoqatës "Scanderbeg Parma" zoti Durim Lika. 

Filmografia

• Ada (2013)
• Në kërkim të kujt (2009) - serial nga Top Channel, Asim Qani
• Familja Moderne (2008) - serial nga Kosova, Gjergji
• Kaskadori shqiptar (1998) (TV)
• Vite të rëndësishme (1997)
• Jeta në duart e tjetrit (1991) - Profesori
• Balada e Kurbinit (1990) - Kuk Memini, kryezoti
• Vetmi (1990) - Andri
• Flutura në kabinën time (1988) - Xhaxhai
• Rikonstruksioni (1988) (TV) - Shoku Emil, Kryeinxhinieri i kantierit
• Binarët (1987) - Ali Morina
• Kur hapen dyert e jetës (1986) - Kryetari i këshillit të fshatit
• Hije që mbeten pas (1985) - Adnan Kodra
• Të paftuarit (1985) - Mark Ukacjerra
• Kush vdes në këmbë (1984) - Dajlan Beu
• Shirat e vjeshtës (1984) - I deleguari i Ministrisë
• Zambakët e bardhë (1984) - Pedagog Petriti
• Dora e ngrohtë (1983)- Ahmeti
• Fundi i një gjakmarrjeje (1983) - Komandanti i Xhandarmërisë
• Gracka (1983) - Gjenerali Amerikan
• Kohë e largët (1983)
• Nëntori i dytë (1982) - Isa Boletini
• Shokët (1982) - Nikolla
• Gjurmë në kaltërsi (1981) - Komandanti
• Intendenti (1980) - Kryetari i këshillit të fshatit
• Liri a vdekje (1979) - Bimbashi
• Nga mesi i errësirës - (1978) - Zoti Ugolini, Keshilltari
• Gjeneral gramafoni (1978) - Prefekti
• Kur hidheshin themelet (1978) (TV) - Beqir Aga
• Fije që priten (1976) - Sami Ameni
• Pylli i lirisë (1976) - Xha Kovi
• Tinguj lufte (1976) - Mësues Naimi
• Kapedani - (1972) - Një nga të rinjtë e fshatit
• Plagë të vjetra (1968) - Pacienti
• Duel i heshtur (1967), - Islami
• Komisari i dritës (1966) - Nikoll Mustaqeziu

  

Aktori i njohur Reshat Arbana i cili iu nënshtrua një operacioni të vështirë, është larguar nga ambientet e spitalit në Spitalin Universitar Nënë Tereza, në gjendje të mirë shëndetësore.

Më herët ministria e Shëndetësisë ka njoftuar se ekipi mjekësor kreu ndërhyrjen përmes një terapie moderne të insufciencës kardiake, duke vendosur tre sonda elektrike në zemër që realizon sinkronizimin e tkurrjes së muskulit të zemrës në tërësi dhe që përmirëson funksionin e zemrës dhe cilësinë e jetës.

Ndërhyrja delikate u realizua nga ekipi i mjekëve kardiologë dhe infermierore të Spitalit Universitar Nënë Tereza, Dr. Shk. Ormir Shurdha, Dr. Mirald Gina dhe infermiere Antuela Shkëmbi dhe Xhoana Xhanaku.