Është vënë në pranga nga Policia e Kosovës, Ardit Kraja, biznesmeni i njohur si ‘bossi’ i lojërave të fatit, ish pronari i “Superbast”.

 

Arrestimi i 49-vjeçarit është kryer në pikën kufitare të Vërmicës, pasi rezultoi se ndaj tij kishte dy urdhër arreste të lëshuara nga dy gjykata në Kosovë.

Urdhër arrestet ndaj Krajës janë lëshuar nga Gjykata Themelore në Prizren dhe ajo në Mitrovicë pasi dyshohet se ka kryer veprën penale “Organizim i skemave piramidale” dhe “bixhozit të paligjshëm”.

Kraja, i cili është bashkëjetuesi i moderatores Ilda Bejleri, është përfolur se organizon lojëra fati të paligjshme edhe në Shqipëri.